Հիմնական
Գործի համար:
ԵԴ1/2653/01/25
Վիճակագրական տողի համար :
15.4
Պատասխանող
Տիգրան Մարգարյան Անդրանիկի
Տիգրան Մարգարյան Անդրանիկի
Տիգրան Մարգարյան
Դատավոր
Երևանի քրեական դատարան
Մանվել Շահվերդյան
Հոդվածներ
Երևանի քրեական դատարան
ՀՀ Քրեական օրենսգիրք
Հոդված 344 Մաս 1
Երևանի քրեական դատարան
ՀՀ Քրեական օրենսգիրք
Հոդված 344 Մաս 1
Դատավոր
Երևանի քրեական դատարան
Մանվել Շահվերդյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Երևանի քրեական դատարան | 2026-03-17 | 17:00 | 5 | Կայացել է | ||
| Տվյալների կենտրոն | 2025-12-11 | 12:30 | 5 | Նիստը կայացել է | ||
| Տվյալների կենտրոն | 2025-10-17 | 17:00 | 5 | Նիստը կայացել է | ||
| Տվյալների կենտրոն | 2025-08-04 | 13:00 | 5 | Նիստը կայացել է |
ԵԴ1/2653/01/25
Դ Ա Տ Ա Վ Ճ Ի Ռ
Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ու Թ Յ Ա Ն Ա Ն Ու Ն Ի Ց
17.03.2026թ. ք.Երևան
Երևան քաղաքի առաջին ատյանի ընդհանուր իրավասության քրեական դատարանը՝
ՆԱԽԱԳԱՀՈւԹՅԱՄԲ ԴԱՏԱՎՈՐ՝ Մ. ՇԱՀՎԵՐԴՅԱՆԻ
ՔԱՐՏՈւՂԱՐՈւԹՅԱՄԲ՝ Հ. ՄԽԻԹԱՐՅԱՆԻ
Մասնակցությամբ՝
ՀԱՆՐԱՅԻՆ ՄԵՂԱԴՐՈՂ՝ Դ. ԿՅՈւՐԵՂՅԱՆԻ
ՊԱՇՏՊԱՆ՝ Ա. ԲԱՅԱՆԴՈւՐՅԱՆԻ
ՄԵՂԱԴՐՅԱԼ՝ Տ. ՄԱՐԳԱՐՅԱՆԻ
Դռնբաց դատական նիստում քննեց քրեական գործն ըստ մեղադրանքի՝
Տիգրան Անդրանիկի Մարգարյանի, ծնված՝ 27.12.1990թ., ՀՀ Արմավիրի մարզ գ.Փարաքար, ազգությամբ հայ, ՀՀ քաղաքացի, նախկինում դատված, ըստ իր հայտարարության՝ միջնակարգ կրությամբ, ամուսնացած, խնամքին անչափահաս երեխա և աշխատանք չունեցող, հաշվառված և բնակվում է՝ Արմավիրի մարզ, Փարաքար, Երևանյան փողոցի 90 տանը:
Մեղադրվում է երկու դրվագ ՀՀ քրեական օրենսգրքի 344-րդ հոդվածի 1-ին մասով:
Դատաքննությամբ և գործի տվյալներով պարզվեց հետևյալը.
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի 05.06.2025թ. որոշմամբ՝ ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60336725 քրեական վարույթը:
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի 18.06.2025թ. որոշմամբ՝ ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60354125 քրեական վարույթը:
ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Ա.Պետրոսյանի 18.06.2025թ. որոշմամբ՝ թիվ 60354125 քրեական վարույթը միացվել է թիվ 60336725 քրեական վարույթին:
Երևան քաղաքի Մալաթիա-Սեբաստիա վարչական շրջանի դատախազության դատախազ Դ.Կյուրեղյանի 24.06.2025թ. որոշմամբ՝ Տիգրան Անդրանիկի Մարգարյանի նկատմամբ երկու դրվագ ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում:
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի կողմից 27.06.2025թ. Տիգրան Մարգարյանին հանձնվել է հանրային քրեական հետապնդում հարուցելու մասին 24.06.2025թ. որոշման պատճենը, պարզաբանվել մեղադրանքի փաստական հիմքը և իրավական գնահատականն ու ՀՀ քրեական դատավարության օրենսգրքի 43-րդ հոդվածով նախատեսված՝ նրա իրավունքները և պարտականությունները, ինչպես նաև նրան է հանձնվել դրանց ցանկը, որի մասին կազմվել է արձանագրություն:
Թիվ 60336725 քրեական վարույթի նյութերը մեղադրական եզրակացությամբ 16.07.2025թ. մուտքագրվել է Երևան քաղաքի առաջին ատյանի ընդհանուր իրավասության քրեական դատարանում:
Տիգրան Անդրանիկի Մարգարյանի նկատմամբ երկու դրվագ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում է հարուցվել այն բանի համար, որ նա, զրկված լինելով տրանսպորտային միջոցներ վարելու իրավունքից, վարել է տրանսպորտային միջոց։
Մասնավորապես՝ Տիգրան Մարգարյանը վարչական իրավախախտման գործով թիվ 8400868483 որոշմամբ՝ 17.12.2024թ. մինչև 17.12.2025թ. զրկված լինելով տրանսպորտային միջոցներ վարելու իրավունքից և այդ մասին հաստատապես իմանալով, 30.05.2025թ., ժամը՝ 0235-ի սահմանում, Երևան քաղաքի Բեյրութի փողոցում վարել է «Toyota» մակնիշի «10 JJ 810» հաշվառման համարանիշով տրանսպորտային միջոցը, որի ընթացքում կանգնեցվել է ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի կրտսեր պարեկ Խաչատուր Մելքոնյանի կողմից և կազմվել վարչական իրավախախտման վերաբերյալ թիվ 8259010815 արձանագրությունը:
Բացի այդ, Տիգրան Մարգարյանը վարչական իրավախախտման գործով թիվ 8400868483 որոշմամբ՝ 17.12.2024թ. մինչև 17.12.2025թ. զրկված լինելով տրանսպորտային միջոցներ վարելու իրավունքից և այդ մասին հաստատապես իմանալով, 13.03.2025թ., ժամը՝ 0420-ի սահմանում, Երևան քաղաքի Իսակովի պողոտայում վարել է «Toyota» մակնիշի «10 JJ 810» հաշվառման համարանիշով տրանսպորտային միջոցը, որի ընթացքում կանգնեցվել է ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի ավագ պարեկ Սարգիս Եղիազարյանի կողմից և կազմվել վարչական իրավախախտման վերաբերյալ թիվ 8259014624 արձանագրությունը:
Սահմանված հերթականությամբ և հաջորդականությամբ հետազոտվեցին հետևյալ ապացույցները.
Զննում կատարելու մասին 20.06.2025թ. արձանագրությունը, համաձայն որի՝
• 2024թ. դեկտեմբերի 17-ին, ժամը՝ 1742-ին, ՀՀ ՆԳՆ ոստիկանության պարեկ Բախշիկ Շաղբաթյանը կազմել է վարչական իրավախախտումների վերաբերյալ թիվ 8400868483 արձանագրությունն այն մասին, որ Տիգրան Անդրանիկի Մարգարյանը (ծնված՝ 27.12.1990թ., բնակվող՝ Արմավիրի մարզ, Փարաքար, Երևանյան փողոց, 90-րդ տուն, ՀԾՀ՝ 3712900260) 2024թ. դեկտեմբերի 17-ին, ժամը՝ 1741-ի սահմաններում, Արմավիրի մարզի Թաիրովում վարել է «ԲՄՎ» մակնիշ «019 HH 99» հաշվառման համարանիշի տրանսպորտային միջոցը՝ անվտանգության գոտին չամրակապված վիճակում:
• «Արձանագրությանը կցվում է» հատվածում գրառում առկա չէ:
• Արձանագրության՝ «Վարչական իրավախախտում կատարած անձի բացատրությունը և դիտողությունը» նշելու հատվածում առկա է գրառում՝ «Քաղաքացին հրաժարվեց ստորագրելուց»:
• «Արձանագրությանը, իրավունքներին և պարտականություններին ծանոթանալու» հատվածում գրառում առկա չէ:
• Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված է՝ 07-1 թիվը:
• Որոշման հատվածում առկա է՝ «Այս իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը կազմում է 9 կամ ավել միավոր»:
• ՎԻՎ ՀՀ օրենսգրքի 129.3-րդ հոդվածի 2-րդ մասի համաձայն՝ քաղաքացի Տիգրան Անդրանիկի Մարգարյանին /1990-12-27-ին/ զրկել տրանսպորտային միջոցներ վարելու իրավունքից՝ 1 տարի ժամկետով:
• «Որոշման պատճենը և կատարման կարգի մասին քաղվածքի» հատվածում առկա է ստորագրություն՝ 17-ը դեկտեմբերի 2024 թվական:
• 2025թ. հունիսի 5-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2025թ. մարտի 13-ին, ժամը՝ 0430-ին, ՀՀ ՆԳՆ ոստիկանության պարեկային ծառայության Երևանի գնդի 3-րդ գումարտակի 1-ին վաշտի ավագ պարեկ Սարգիս Վիլիկի Եղիազարյանը կազմել է վարչական իրավախախտումների վերաբերյալ թիվ 8259014624 արձանագրությունն այն մասին, որ Տիգրան Անդրանիկի Մարգարյանը (ծնված՝ 27.12.1990թ., բնակվող՝ Արմավիրի մարզ, Փարաքար, Երևանյան փողոց 90-րդ տուն, ՀԾՀ՝ 3712900260) 2025թ. մարտի 13-ին, ժամը՝ 0420-ի սահմաններում, Երևան քաղաքի Իսակովի պողոտայում վարել է «Toyota» մակնիշի «10 JJ 810» համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված վիճակում:
• «Արձանագրությանը կցվում է» հատվածում գրառում առկա չէ:
• Արձանագրության՝ «Վարչական իրավախախտում կատարած անձի բացատրությունը և դիտողությունը» նշելու հատվածում առկա է ստորագրություն:
• «Արձանագրությանը, իրավունքներին և պարտականություններին ծանոթանալու» հատվածում առկա է ստորագրություն և ազգանուն:
• Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված է՝ 201.1 թիվը:
• 2025թ. հունիսի 18-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2025թ. մայիսի 30-ին, ժամը՝ 0253-ին, ՀՀ ՆԳՆ ոստիկանության պարեկային ծառայության Երևանի գնդի 3-րդ գումարտակի 2-րդ վաշտի կրտսեր պարեկ Խաչատուր Արմենի Մելքոնյանը կազմել է վարչական իրավախախտումների վերաբերյալ թիվ 8259010815 արձանագրությունն այն մասին, որ Տիգրան Անդրանիկի Մարգարյանը (ծնված՝ 27.12.1990թ. բնակվող՝ Արմավիրի մարզ, Փարաքար, Երևանյան փողոց 90-րդ տուն, ՀԾՀ՝ 3712900260) 2025թ. մայիսի 30-ին, ժամը՝ 0235-ի սահմաններում, Երևան քաղաքի Իսակովի պողոտայում վարել է «Toyota» մակնիշի «10 JJ 810» համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված վիճակում:
• «Արձանագրությանը կցվում է» հատվածում գրառում առկա չէ:
• Արձանագրության՝ «Վարչական իրավախախտում կատարած անձի բացատրությունը և դիտողությունը» նշելու հատվածում առկա է գրառում՝ «Հրաժարվեց դիմում, բողոք, առաջարկություն ներկայացնել»:
• «Արձանագրությանը, իրավունքներին և պարտականություններին ծանոթանալու» հատվածում առկա է՝ հրաժարվեց ստորագրելուց:
• Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված է՝ 201.1 թիվը:
• ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության համաձայն՝ Տիգրան Անդրանիկի Մարգարյան (ՀԾՀ՝ 3712900260) տվյալներով առկա է վարորդական իրավունքի վկայական՝ կարգավիճակը՝ զրկված։ Սկիզբը՝ 17-12-2024թ., ավարտը՝ 17-12-2025թ.:
Արտավարութային փաստաթուղթ ճանաչված՝ Տիգրան Անդրանիկի Մարգարյանի՝ վարչական իրավախախտումների վերաբերյալ թիվ 8259014624, թիվ 8400868483 և թիվ 8259010815 արձանագրությունների պատճենները և ՀՀ ՆԳՆ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված քաղվածքը:
ՀՀ վարչական դատարանի 12.11.2025թ. թիվ ՎԴ/3242/05/25 վճիռը, համաձայն որի՝ անվավեր է ճանաչվել ՀՀ ՆԳՆ ոստիկանության պարեկային ծառայության 17.12.2024թ. թիվ 8400868483 և 10.02.2025թ. «Պարեկային ծառայության վարչական իրավախախտման վերաբերյալ գործով 17.12.2024թ. կայացված թիվ 8400868483 որոշումն անփոփոխ, իսկ վարչական բողոքն առանց քննության թողնելու մասին» որոշումները:
ՀՀ քրեական օրենսգրքի 16-րդ հոդվածի 1-ին մասի համաձայն՝
«Հանցանք է համարվում սույն օրենսգրքով նախատեսված, պատժի սպառնալիքով արգելված, հանցագործության սուբյեկտի կողմից մեղավորությամբ կատարված արարքը»։
ՀՀ քրեական օրենսգրքի 344-րդ հոդվածի համաձայն՝
«1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
(…)
3. Սույն օրենսգրքի իմաստով՝ անձը համարվում է տրանսպորտային միջոցներ վարելու իրավունքից զրկված, եթե նա օրենքով սահմանված կարգով զրկվել է տրանսպորտային միջոցներ վարելու իրավունքից, և զրկման ժամկետը չի լրացել:
4. Սույն օրենսգրքի իմաստով՝ անձի՝ տրանսպորտային միջոցներ վարելու իրավունքը համարվում է կասեցված, եթե նրա` տրանսպորտային միջոցներ վարելու իրավունքն օրենքով սահմանված կարգով կասեցվել է, և կասեցման ժամկետը չի լրացել: (…)»:
ՀՀ քրեական դատավարության օրենսգրքի 12-րդ հոդվածի համաձայն՝
«1. Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե
1) անձը չի կատարել իրեն մեղսագրվող արարքը.
(…)
12) անձը Հայաuտանի Հանրապետության քրեական oրենuգրքի ընդհանուր կամ հատուկ մասի դրույթների ուժով ենթակա է ազատման քրեական պատաuխանատվությունից.
(…)
2. Սույն հոդվածի 1-ին մասի 1-9-րդ կետերով նախատեսված հանգամանքները ռեաբիլիտացնող են (…)»։
Վճռաբեկ դատարանը Տիգրան Հայրապետյանի գործով նախադեպային դիրքորոշում է ձևավորել ՀՀ քրեական օրենսգրքի 344-րդ հոդվածով նախատեսված՝ տրանսպորտային միջոցներ վարելու իրավունքից զրկված կամ այդ իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելու հանցակազմի մեկնաբանման վերաբերյալ։
Մասնավորապես, Վճռաբեկ դատարանն արձանագրել է, որ ՀՀ քրեական օրենսգրքի 344-րդ հոդվածի 1-ին մասի գործողության նախապայմանը և այդ հոդվածով անձին քրեական պատասխանատվության ենթարկելու հիմքը՝ նրա վարչական պատասխանատվության ենթարկված լինելն է՝ տրանսպորտային միջոցներ վարելու իրավունքից զրկվելը կամ վարելու իրավունքը կասեցվելը։ Ընդ որում, ՀՀ քրեական օրենսգրքի 344-րդ հոդվածի համակարգային վերլուծությունը ցույց է տալիս, որ վարելու իրավունքից զրկելը կամ այդ իրավունքը կասեցնելը պետք է լինի օրենքով սահմանված կարգով, այն է՝ իրավաչափ վարչական ակտի հիման վրա։ Հակառակ պարագայում, եթե վարչական ակտը կայացվել է օրենքով սահմանված կարգի խախտմամբ և վարչական կամ դատական կարգով անվավեր է ճանաչվել, ապա քննարկվող հանցագործության օբյեկտիվ կողմը բացակայում է, քանզի վերանում է քրեական պատասխանատվության ենթարկվելու պարտադիր նախապայմանը՝ օրենքով սահմանված կարգով վարչական պատասխանատվության ենթարկված լինելը։
Վճռաբեկ դատարանն արձանագրել է նաև, որ ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմի օբյեկտիվ կողմի առկայությունն արձանագրելու համար անհրաժեշտ է հիմնավորել, որ անձը տրանսպորտային միջոցը վարել է՝ տրանսպորտային միջոցներ վարելու իրավունքից զրկված կամ այդ իրավունքը կասեցված լինելու պայմաններում, որպիսի հանգամանքը հաստատվել է իրավաչափ վարչական ակտով :
Սույն գործի փաստական տվյալները դիտարկելով վերը մեջբերված իրավանորմի և Վճռաբեկ դատարանի կողմից արտահայտված իրավական դիրքորոշումների լույսի ներքո՝ դատարանն արձանագրում է, որ ՀՀ վարչական դատարանի՝ 2025թ. նոյեմբերի 12-ի թիվ ՎԴ/3242/05/25 վճռով, Տիգրան Մարգարյանին տրանսպորտային միջոցներ վարելու իրավունքից 1(մեկ) տարի ժամկետով զրկելու վերաբերյալ 2024թ. դեկտեմբերի 17-ի որոշումը ճանաչվել է անվավեր, և նշված դատական ակտն օրինական ուժի մեջ է մտել 2026թ. հունվարի 5-ին:
Հետևաբար՝ հիմք ընդունելով Վճռաբեկ դատարանի կողմից արտահայտված այն դիրքորոշումը, որ անձի դատապարտման հիմքում չի կարող դրվել ոչ իրավաչափ՝ օրենքի խախտմամբ ընդունված և անձի իրավունքները խախտող վարչական ակտի պայմանները չկատարելու հանգամանքը՝ անկախ նրանից, որ կոնկրետ գործողությունը կատարելու պահի դրությամբ նշված վարչական ակտի ոչ օրինական լինելու հանգամանքը դեռևս հաստատված չի եղել, դատարանը գտնում է, որ վարչական ակտի անվավերության պայմաններում հնարավոր չէ հաստատված համարել, որ տրանսպորտային միջոց վարելիս մեղադրյալը հանդիսացել է տրանսպորտային միջոց վարելու իրավունքից օրենքով սահմանված կարգով զրկված անձ, այսինքն՝ տվյալ դեպքում բացակայել է ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմի օբյեկտիվ կողմը։ Վերոնշյալի կապակցությամբ դատարանը հարկ է համարում ընդգծել, որ տվյալ դեպքում հնարավոր չէ հիմնավոր հետևության հանգել նաև հանցագործության սուբյեկտի առկայության հարցում, քանի որ օրենքով սահմանված կարգով տրանսպորտային միջոց վարելու իրավունքից զրկված լինելու կամ այդ իրավունքը կասեցված լինելու ուժով է անձը ձեռք բերում տվյալ հանցագործության սուբյեկտին ներհատուկ հատկանիշները։
Նշված եզրահանգումների հաշվառմամբ՝ դատարանը գտնում է, որ Վարչական դատարանի կողմից Տ.Մարգարյանին տրանսպորտային միջոցներ վարելու իրավունքից զրկելու մասին որոշումն անվավեր ճանաչելու արդյունքում` քննարկվող հանցակազմի առկայությունը հաստատելու համար պարտադիր հատկանիշ համարվող՝ տրանսպորտային միջոց վարելու իրավունքից զրկված լինելու փաստը դադարել է գոյության ունենալ, որպիսի պայմաններում Տ.Մարգարյանի արարքում բացակայում է երկու դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմը՝ օբյեկտիվ կողմի և սուբյեկտի բացակայության պատճառով, որն էլ հիմք է Տիգրան Մարգարյանին արդարացնելու համար՝ նրա արարքների քրեական հակաիրավականությունն ապացուցված չլինելու հիմքով:
Այսպիսով, դատարանը գտնում է, որ պետք է ճանաչել Տիգրան Անդրանիկի Մարգարյանի անմեղությունը երկու դրվագ ՀՀ քրեական օրենսգրքի 344-րդ հոդվածի 1-ին մասով առաջադրված մեղադրանքում և արդարացնել՝ մեղսագրված արարքները չկատարելու հիմքով:
Միաժամանակ, դատարանը գտնում է, որ Տ.Մարգարյանի նկատմամբ ընտրված խափանման միջոցը՝ բացակայելու արգելքը, պետք է վերացնել՝ վերացնելով նաև Տիգրան Անդրանիկի Մարգարյանի նկատմամբ սույն քրեական վարույթի շրջանակներում կիրառված սահմանափակումները:
Քննարկելով վարութային ծախսերի հարցը՝ դատարանն արձանագրում է, որ ՀՀ քրեական դատավարության օրենսգրքի 167-րդ հոդվածի 1-ին մասի 1-ին, 2-րդ և 4-7-րդ կետերում թվարկված վարութային ծախսերի հատուցման պարտականությունը դատարանը դնում է դատապարտված մեղադրյալի վրա, մինչդեռ՝ սույն վարույթով մեղադրյալն արդարացվել է:
Անդրադառնալով ապացույցների տնօրինման հարցին՝ դատարանը գտնում է, որ արտավարութային փաստաթուղթ ճանաչված և վարույթի նյութերին կցված՝ Տիգրան Անդրանիկի Մարգարյանի՝ վարչական իրավախախտումների վերաբերյալ թիվ 8259014624, թիվ 8400868483 և թիվ 8259010815 արձանագրությունների պատճենները և ՀՀ ՆԳՆ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված քաղվածքը, պետք է պահել վարույթի նյութերի հետ՝ դրանք պահելու ամբողջ ընթացքում:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ և 364-րդ հոդվածներով՝ դատարանը.
Վ Ճ Ռ Ե Ց
Ճանաչել և հռչակել Տիգրան Անդրանիկի Մարգարյանի անմեղությունը երկու դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցանքների կատարման մեջ:
Տիգրան Անդրանիկի Մարգարյանի նկատմամբ կիրառված խափանման միջոց բացակայելու արգելքը վերացնել:
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Տիգրան Անդրանիկի Մարգարյանի նկատմամբ սույն քրեական վարույթի շրջանակներում կիրառված սահմանափակումները վերացնել:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:
ԴԱՏԱՎՈՐ Մ. ՇԱՀՎԵՐԴՅԱՆ
Դ Ա Տ Ա Վ Ճ Ի Ռ
Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ու Թ Յ Ա Ն Ա Ն Ու Ն Ի Ց
17.03.2026թ. ք.Երևան
Երևան քաղաքի առաջին ատյանի ընդհանուր իրավասության քրեական դատարանը՝
ՆԱԽԱԳԱՀՈւԹՅԱՄԲ ԴԱՏԱՎՈՐ՝ Մ. ՇԱՀՎԵՐԴՅԱՆԻ
ՔԱՐՏՈւՂԱՐՈւԹՅԱՄԲ՝ Հ. ՄԽԻԹԱՐՅԱՆԻ
Մասնակցությամբ՝
ՀԱՆՐԱՅԻՆ ՄԵՂԱԴՐՈՂ՝ Դ. ԿՅՈւՐԵՂՅԱՆԻ
ՊԱՇՏՊԱՆ՝ Ա. ԲԱՅԱՆԴՈւՐՅԱՆԻ
ՄԵՂԱԴՐՅԱԼ՝ Տ. ՄԱՐԳԱՐՅԱՆԻ
Դռնբաց դատական նիստում քննեց քրեական գործն ըստ մեղադրանքի՝
Տիգրան Անդրանիկի Մարգարյանի, ծնված՝ 27.12.1990թ., ՀՀ Արմավիրի մարզ գ.Փարաքար, ազգությամբ հայ, ՀՀ քաղաքացի, նախկինում դատված, ըստ իր հայտարարության՝ միջնակարգ կրությամբ, ամուսնացած, խնամքին անչափահաս երեխա և աշխատանք չունեցող, հաշվառված և բնակվում է՝ Արմավիրի մարզ, Փարաքար, Երևանյան փողոցի 90 տանը:
Մեղադրվում է երկու դրվագ ՀՀ քրեական օրենսգրքի 344-րդ հոդվածի 1-ին մասով:
Դատաքննությամբ և գործի տվյալներով պարզվեց հետևյալը.
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի 05.06.2025թ. որոշմամբ՝ ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60336725 քրեական վարույթը:
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի 18.06.2025թ. որոշմամբ՝ ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60354125 քրեական վարույթը:
ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Ա.Պետրոսյանի 18.06.2025թ. որոշմամբ՝ թիվ 60354125 քրեական վարույթը միացվել է թիվ 60336725 քրեական վարույթին:
Երևան քաղաքի Մալաթիա-Սեբաստիա վարչական շրջանի դատախազության դատախազ Դ.Կյուրեղյանի 24.06.2025թ. որոշմամբ՝ Տիգրան Անդրանիկի Մարգարյանի նկատմամբ երկու դրվագ ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում:
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի կողմից 27.06.2025թ. Տիգրան Մարգարյանին հանձնվել է հանրային քրեական հետապնդում հարուցելու մասին 24.06.2025թ. որոշման պատճենը, պարզաբանվել մեղադրանքի փաստական հիմքը և իրավական գնահատականն ու ՀՀ քրեական դատավարության օրենսգրքի 43-րդ հոդվածով նախատեսված՝ նրա իրավունքները և պարտականությունները, ինչպես նաև նրան է հանձնվել դրանց ցանկը, որի մասին կազմվել է արձանագրություն:
Թիվ 60336725 քրեական վարույթի նյութերը մեղադրական եզրակացությամբ 16.07.2025թ. մուտքագրվել է Երևան քաղաքի առաջին ատյանի ընդհանուր իրավասության քրեական դատարանում:
Տիգրան Անդրանիկի Մարգարյանի նկատմամբ երկու դրվագ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում է հարուցվել այն բանի համար, որ նա, զրկված լինելով տրանսպորտային միջոցներ վարելու իրավունքից, վարել է տրանսպորտային միջոց։
Մասնավորապես՝ Տիգրան Մարգարյանը վարչական իրավախախտման գործով թիվ 8400868483 որոշմամբ՝ 17.12.2024թ. մինչև 17.12.2025թ. զրկված լինելով տրանսպորտային միջոցներ վարելու իրավունքից և այդ մասին հաստատապես իմանալով, 30.05.2025թ., ժամը՝ 0235-ի սահմանում, Երևան քաղաքի Բեյրութի փողոցում վարել է «Toyota» մակնիշի «10 JJ 810» հաշվառման համարանիշով տրանսպորտային միջոցը, որի ընթացքում կանգնեցվել է ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի կրտսեր պարեկ Խաչատուր Մելքոնյանի կողմից և կազմվել վարչական իրավախախտման վերաբերյալ թիվ 8259010815 արձանագրությունը:
Բացի այդ, Տիգրան Մարգարյանը վարչական իրավախախտման գործով թիվ 8400868483 որոշմամբ՝ 17.12.2024թ. մինչև 17.12.2025թ. զրկված լինելով տրանսպորտային միջոցներ վարելու իրավունքից և այդ մասին հաստատապես իմանալով, 13.03.2025թ., ժամը՝ 0420-ի սահմանում, Երևան քաղաքի Իսակովի պողոտայում վարել է «Toyota» մակնիշի «10 JJ 810» հաշվառման համարանիշով տրանսպորտային միջոցը, որի ընթացքում կանգնեցվել է ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի ավագ պարեկ Սարգիս Եղիազարյանի կողմից և կազմվել վարչական իրավախախտման վերաբերյալ թիվ 8259014624 արձանագրությունը:
Սահմանված հերթականությամբ և հաջորդականությամբ հետազոտվեցին հետևյալ ապացույցները.
Զննում կատարելու մասին 20.06.2025թ. արձանագրությունը, համաձայն որի՝
• 2024թ. դեկտեմբերի 17-ին, ժամը՝ 1742-ին, ՀՀ ՆԳՆ ոստիկանության պարեկ Բախշիկ Շաղբաթյանը կազմել է վարչական իրավախախտումների վերաբերյալ թիվ 8400868483 արձանագրությունն այն մասին, որ Տիգրան Անդրանիկի Մարգարյանը (ծնված՝ 27.12.1990թ., բնակվող՝ Արմավիրի մարզ, Փարաքար, Երևանյան փողոց, 90-րդ տուն, ՀԾՀ՝ 3712900260) 2024թ. դեկտեմբերի 17-ին, ժամը՝ 1741-ի սահմաններում, Արմավիրի մարզի Թաիրովում վարել է «ԲՄՎ» մակնիշ «019 HH 99» հաշվառման համարանիշի տրանսպորտային միջոցը՝ անվտանգության գոտին չամրակապված վիճակում:
• «Արձանագրությանը կցվում է» հատվածում գրառում առկա չէ:
• Արձանագրության՝ «Վարչական իրավախախտում կատարած անձի բացատրությունը և դիտողությունը» նշելու հատվածում առկա է գրառում՝ «Քաղաքացին հրաժարվեց ստորագրելուց»:
• «Արձանագրությանը, իրավունքներին և պարտականություններին ծանոթանալու» հատվածում գրառում առկա չէ:
• Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված է՝ 07-1 թիվը:
• Որոշման հատվածում առկա է՝ «Այս իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը կազմում է 9 կամ ավել միավոր»:
• ՎԻՎ ՀՀ օրենսգրքի 129.3-րդ հոդվածի 2-րդ մասի համաձայն՝ քաղաքացի Տիգրան Անդրանիկի Մարգարյանին /1990-12-27-ին/ զրկել տրանսպորտային միջոցներ վարելու իրավունքից՝ 1 տարի ժամկետով:
• «Որոշման պատճենը և կատարման կարգի մասին քաղվածքի» հատվածում առկա է ստորագրություն՝ 17-ը դեկտեմբերի 2024 թվական:
• 2025թ. հունիսի 5-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2025թ. մարտի 13-ին, ժամը՝ 0430-ին, ՀՀ ՆԳՆ ոստիկանության պարեկային ծառայության Երևանի գնդի 3-րդ գումարտակի 1-ին վաշտի ավագ պարեկ Սարգիս Վիլիկի Եղիազարյանը կազմել է վարչական իրավախախտումների վերաբերյալ թիվ 8259014624 արձանագրությունն այն մասին, որ Տիգրան Անդրանիկի Մարգարյանը (ծնված՝ 27.12.1990թ., բնակվող՝ Արմավիրի մարզ, Փարաքար, Երևանյան փողոց 90-րդ տուն, ՀԾՀ՝ 3712900260) 2025թ. մարտի 13-ին, ժամը՝ 0420-ի սահմաններում, Երևան քաղաքի Իսակովի պողոտայում վարել է «Toyota» մակնիշի «10 JJ 810» համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված վիճակում:
• «Արձանագրությանը կցվում է» հատվածում գրառում առկա չէ:
• Արձանագրության՝ «Վարչական իրավախախտում կատարած անձի բացատրությունը և դիտողությունը» նշելու հատվածում առկա է ստորագրություն:
• «Արձանագրությանը, իրավունքներին և պարտականություններին ծանոթանալու» հատվածում առկա է ստորագրություն և ազգանուն:
• Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված է՝ 201.1 թիվը:
• 2025թ. հունիսի 18-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2025թ. մայիսի 30-ին, ժամը՝ 0253-ին, ՀՀ ՆԳՆ ոստիկանության պարեկային ծառայության Երևանի գնդի 3-րդ գումարտակի 2-րդ վաշտի կրտսեր պարեկ Խաչատուր Արմենի Մելքոնյանը կազմել է վարչական իրավախախտումների վերաբերյալ թիվ 8259010815 արձանագրությունն այն մասին, որ Տիգրան Անդրանիկի Մարգարյանը (ծնված՝ 27.12.1990թ. բնակվող՝ Արմավիրի մարզ, Փարաքար, Երևանյան փողոց 90-րդ տուն, ՀԾՀ՝ 3712900260) 2025թ. մայիսի 30-ին, ժամը՝ 0235-ի սահմաններում, Երևան քաղաքի Իսակովի պողոտայում վարել է «Toyota» մակնիշի «10 JJ 810» համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված վիճակում:
• «Արձանագրությանը կցվում է» հատվածում գրառում առկա չէ:
• Արձանագրության՝ «Վարչական իրավախախտում կատարած անձի բացատրությունը և դիտողությունը» նշելու հատվածում առկա է գրառում՝ «Հրաժարվեց դիմում, բողոք, առաջարկություն ներկայացնել»:
• «Արձանագրությանը, իրավունքներին և պարտականություններին ծանոթանալու» հատվածում առկա է՝ հրաժարվեց ստորագրելուց:
• Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված է՝ 201.1 թիվը:
• ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության համաձայն՝ Տիգրան Անդրանիկի Մարգարյան (ՀԾՀ՝ 3712900260) տվյալներով առկա է վարորդական իրավունքի վկայական՝ կարգավիճակը՝ զրկված։ Սկիզբը՝ 17-12-2024թ., ավարտը՝ 17-12-2025թ.:
Արտավարութային փաստաթուղթ ճանաչված՝ Տիգրան Անդրանիկի Մարգարյանի՝ վարչական իրավախախտումների վերաբերյալ թիվ 8259014624, թիվ 8400868483 և թիվ 8259010815 արձանագրությունների պատճենները և ՀՀ ՆԳՆ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված քաղվածքը:
ՀՀ վարչական դատարանի 12.11.2025թ. թիվ ՎԴ/3242/05/25 վճիռը, համաձայն որի՝ անվավեր է ճանաչվել ՀՀ ՆԳՆ ոստիկանության պարեկային ծառայության 17.12.2024թ. թիվ 8400868483 և 10.02.2025թ. «Պարեկային ծառայության վարչական իրավախախտման վերաբերյալ գործով 17.12.2024թ. կայացված թիվ 8400868483 որոշումն անփոփոխ, իսկ վարչական բողոքն առանց քննության թողնելու մասին» որոշումները:
ՀՀ քրեական օրենսգրքի 16-րդ հոդվածի 1-ին մասի համաձայն՝
«Հանցանք է համարվում սույն օրենսգրքով նախատեսված, պատժի սպառնալիքով արգելված, հանցագործության սուբյեկտի կողմից մեղավորությամբ կատարված արարքը»։
ՀՀ քրեական օրենսգրքի 344-րդ հոդվածի համաձայն՝
«1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
(…)
3. Սույն օրենսգրքի իմաստով՝ անձը համարվում է տրանսպորտային միջոցներ վարելու իրավունքից զրկված, եթե նա օրենքով սահմանված կարգով զրկվել է տրանսպորտային միջոցներ վարելու իրավունքից, և զրկման ժամկետը չի լրացել:
4. Սույն օրենսգրքի իմաստով՝ անձի՝ տրանսպորտային միջոցներ վարելու իրավունքը համարվում է կասեցված, եթե նրա` տրանսպորտային միջոցներ վարելու իրավունքն օրենքով սահմանված կարգով կասեցվել է, և կասեցման ժամկետը չի լրացել: (…)»:
ՀՀ քրեական դատավարության օրենսգրքի 12-րդ հոդվածի համաձայն՝
«1. Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե
1) անձը չի կատարել իրեն մեղսագրվող արարքը.
(…)
12) անձը Հայաuտանի Հանրապետության քրեական oրենuգրքի ընդհանուր կամ հատուկ մասի դրույթների ուժով ենթակա է ազատման քրեական պատաuխանատվությունից.
(…)
2. Սույն հոդվածի 1-ին մասի 1-9-րդ կետերով նախատեսված հանգամանքները ռեաբիլիտացնող են (…)»։
Վճռաբեկ դատարանը Տիգրան Հայրապետյանի գործով նախադեպային դիրքորոշում է ձևավորել ՀՀ քրեական օրենսգրքի 344-րդ հոդվածով նախատեսված՝ տրանսպորտային միջոցներ վարելու իրավունքից զրկված կամ այդ իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելու հանցակազմի մեկնաբանման վերաբերյալ։
Մասնավորապես, Վճռաբեկ դատարանն արձանագրել է, որ ՀՀ քրեական օրենսգրքի 344-րդ հոդվածի 1-ին մասի գործողության նախապայմանը և այդ հոդվածով անձին քրեական պատասխանատվության ենթարկելու հիմքը՝ նրա վարչական պատասխանատվության ենթարկված լինելն է՝ տրանսպորտային միջոցներ վարելու իրավունքից զրկվելը կամ վարելու իրավունքը կասեցվելը։ Ընդ որում, ՀՀ քրեական օրենսգրքի 344-րդ հոդվածի համակարգային վերլուծությունը ցույց է տալիս, որ վարելու իրավունքից զրկելը կամ այդ իրավունքը կասեցնելը պետք է լինի օրենքով սահմանված կարգով, այն է՝ իրավաչափ վարչական ակտի հիման վրա։ Հակառակ պարագայում, եթե վարչական ակտը կայացվել է օրենքով սահմանված կարգի խախտմամբ և վարչական կամ դատական կարգով անվավեր է ճանաչվել, ապա քննարկվող հանցագործության օբյեկտիվ կողմը բացակայում է, քանզի վերանում է քրեական պատասխանատվության ենթարկվելու պարտադիր նախապայմանը՝ օրենքով սահմանված կարգով վարչական պատասխանատվության ենթարկված լինելը։
Վճռաբեկ դատարանն արձանագրել է նաև, որ ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմի օբյեկտիվ կողմի առկայությունն արձանագրելու համար անհրաժեշտ է հիմնավորել, որ անձը տրանսպորտային միջոցը վարել է՝ տրանսպորտային միջոցներ վարելու իրավունքից զրկված կամ այդ իրավունքը կասեցված լինելու պայմաններում, որպիսի հանգամանքը հաստատվել է իրավաչափ վարչական ակտով :
Սույն գործի փաստական տվյալները դիտարկելով վերը մեջբերված իրավանորմի և Վճռաբեկ դատարանի կողմից արտահայտված իրավական դիրքորոշումների լույսի ներքո՝ դատարանն արձանագրում է, որ ՀՀ վարչական դատարանի՝ 2025թ. նոյեմբերի 12-ի թիվ ՎԴ/3242/05/25 վճռով, Տիգրան Մարգարյանին տրանսպորտային միջոցներ վարելու իրավունքից 1(մեկ) տարի ժամկետով զրկելու վերաբերյալ 2024թ. դեկտեմբերի 17-ի որոշումը ճանաչվել է անվավեր, և նշված դատական ակտն օրինական ուժի մեջ է մտել 2026թ. հունվարի 5-ին:
Հետևաբար՝ հիմք ընդունելով Վճռաբեկ դատարանի կողմից արտահայտված այն դիրքորոշումը, որ անձի դատապարտման հիմքում չի կարող դրվել ոչ իրավաչափ՝ օրենքի խախտմամբ ընդունված և անձի իրավունքները խախտող վարչական ակտի պայմանները չկատարելու հանգամանքը՝ անկախ նրանից, որ կոնկրետ գործողությունը կատարելու պահի դրությամբ նշված վարչական ակտի ոչ օրինական լինելու հանգամանքը դեռևս հաստատված չի եղել, դատարանը գտնում է, որ վարչական ակտի անվավերության պայմաններում հնարավոր չէ հաստատված համարել, որ տրանսպորտային միջոց վարելիս մեղադրյալը հանդիսացել է տրանսպորտային միջոց վարելու իրավունքից օրենքով սահմանված կարգով զրկված անձ, այսինքն՝ տվյալ դեպքում բացակայել է ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմի օբյեկտիվ կողմը։ Վերոնշյալի կապակցությամբ դատարանը հարկ է համարում ընդգծել, որ տվյալ դեպքում հնարավոր չէ հիմնավոր հետևության հանգել նաև հանցագործության սուբյեկտի առկայության հարցում, քանի որ օրենքով սահմանված կարգով տրանսպորտային միջոց վարելու իրավունքից զրկված լինելու կամ այդ իրավունքը կասեցված լինելու ուժով է անձը ձեռք բերում տվյալ հանցագործության սուբյեկտին ներհատուկ հատկանիշները։
Նշված եզրահանգումների հաշվառմամբ՝ դատարանը գտնում է, որ Վարչական դատարանի կողմից Տ.Մարգարյանին տրանսպորտային միջոցներ վարելու իրավունքից զրկելու մասին որոշումն անվավեր ճանաչելու արդյունքում` քննարկվող հանցակազմի առկայությունը հաստատելու համար պարտադիր հատկանիշ համարվող՝ տրանսպորտային միջոց վարելու իրավունքից զրկված լինելու փաստը դադարել է գոյության ունենալ, որպիսի պայմաններում Տ.Մարգարյանի արարքում բացակայում է երկու դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմը՝ օբյեկտիվ կողմի և սուբյեկտի բացակայության պատճառով, որն էլ հիմք է Տիգրան Մարգարյանին արդարացնելու համար՝ նրա արարքների քրեական հակաիրավականությունն ապացուցված չլինելու հիմքով:
Այսպիսով, դատարանը գտնում է, որ պետք է ճանաչել Տիգրան Անդրանիկի Մարգարյանի անմեղությունը երկու դրվագ ՀՀ քրեական օրենսգրքի 344-րդ հոդվածի 1-ին մասով առաջադրված մեղադրանքում և արդարացնել՝ մեղսագրված արարքները չկատարելու հիմքով:
Միաժամանակ, դատարանը գտնում է, որ Տ.Մարգարյանի նկատմամբ ընտրված խափանման միջոցը՝ բացակայելու արգելքը, պետք է վերացնել՝ վերացնելով նաև Տիգրան Անդրանիկի Մարգարյանի նկատմամբ սույն քրեական վարույթի շրջանակներում կիրառված սահմանափակումները:
Քննարկելով վարութային ծախսերի հարցը՝ դատարանն արձանագրում է, որ ՀՀ քրեական դատավարության օրենսգրքի 167-րդ հոդվածի 1-ին մասի 1-ին, 2-րդ և 4-7-րդ կետերում թվարկված վարութային ծախսերի հատուցման պարտականությունը դատարանը դնում է դատապարտված մեղադրյալի վրա, մինչդեռ՝ սույն վարույթով մեղադրյալն արդարացվել է:
Անդրադառնալով ապացույցների տնօրինման հարցին՝ դատարանը գտնում է, որ արտավարութային փաստաթուղթ ճանաչված և վարույթի նյութերին կցված՝ Տիգրան Անդրանիկի Մարգարյանի՝ վարչական իրավախախտումների վերաբերյալ թիվ 8259014624, թիվ 8400868483 և թիվ 8259010815 արձանագրությունների պատճենները և ՀՀ ՆԳՆ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված քաղվածքը, պետք է պահել վարույթի նյութերի հետ՝ դրանք պահելու ամբողջ ընթացքում:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ և 364-րդ հոդվածներով՝ դատարանը.
Վ Ճ Ռ Ե Ց
Ճանաչել և հռչակել Տիգրան Անդրանիկի Մարգարյանի անմեղությունը երկու դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցանքների կատարման մեջ:
Տիգրան Անդրանիկի Մարգարյանի նկատմամբ կիրառված խափանման միջոց բացակայելու արգելքը վերացնել:
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Տիգրան Անդրանիկի Մարգարյանի նկատմամբ սույն քրեական վարույթի շրջանակներում կիրառված սահմանափակումները վերացնել:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:
ԴԱՏԱՎՈՐ Մ. ՇԱՀՎԵՐԴՅԱՆ
Դատական գործ N: ԵԴ1/2653/01/25
Երևանի քրեական դատարան
Նոր քրեական գործ
| Երբ է գործը ստացվել | 16-07-2025 |
|---|---|
| Ինչ կարգով է գործը ստացվել | Առաջին անգամ |
| Դատախազություն | Մալաթիա-Սեբաստիա վարչական շրջանի դատախազություն |
| Նախաքննական գործի համարը | 60336725 |
| Մեղադրական եզրակացության համառոտ բովանդակություն | Տիգրան Անդրանիկի Մարգարյանին մեղադրանք է առաջադրվել այն բանի համար, որ նա զրկված լինելով տրանսպորտային միջոցներ վարելու իրավունքից, վարել է տրանսպորտային միջոց: Մասնավորապես' Տիգրան Սարգարյանը, վարչական իրավախախտման գործով թիվ 8400868-483 որոշմամբ 2024 թվականի դեկտեմբերի 17-ից մինչև 2025 թվականի դեկտեմբերի 17-ը զրկված խնելով տրանսպորտային միջոցներ վարելու իրավունքից և այդ մասին հաստատապես իմանալով, 2025 թվականի մայիսի 30 ին' ժամը 02:35-ի սահմանում, Երևան քաղաքի Բեյրութի փողոցում վարել է «Toyota» մակնիշի 10 JJ 810 հաշվառման համարանիշով տրանսպորտային միջոցը, որի ընթացքում կանգնեցվել է ՀՀ ՆԳՆ ոստիկանության պարեկային ծառայության՝ Երևան քաղաքի գնդի Յ֊րդ գումարտակի 2-րդ վաշտի կրտսեր պարեկ Խաչատուր Մելքոնյանի կողմից, որի կապակցությամբ կազմվել է վարչական իրավախախտման վերաբերյալ թիվ 8259010815 արձանագրությունը: Բացի այդ, Տիգրան Մարգարյանը, վարչական իրավախախտման գործով թիվ 8400868483 որոշմամբ 2024 թվականի դեկտեմբերի 17-ից մինչև 2025 թվականի դեկտեմբերի 17 ը զրկված լինելով տրանսպորտային միջոցներ վարելու իրավունքից և այդ մասին հաստատապես իմանալով, 2025 թվականի մարտի 13֊ին՝ ժամը 04:20 ի սահմանումդ Երևան քաղաքի Իսակովի պողոտայում վարել է «Toyota» մակնիշի 10 JJ 810 հաշվառման համարանիշով տրանսպորտային միջոցը |
| Մեղադրյալ | |
| Անձ | |
| Անուն | Տիգրան |
| Ազգանուն | Մարգարյան |
| Հայրանուն | Անդրանիկի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Վիճակագրական տողի համարը | 15.4 |
| Լրացուցիչ վիճակագրական տողի համար | Առկա չէ |
| Իրավական բարդության չափանիշ | 1.1 |
| Չափահաս | Այո |
Մակագրել
| Երբ | 16-07-2025 |
|---|---|
| Նախագահող դատավոր | |
| Անուն | Մանվել |
| Ազգանուն | Շահվերդյան |
Նոր օրենսդրությամբ քննվող գործեր
| Ամսաթիվ | 01-07-2022 |
|---|
Վարույթը ստանձնելու և նախնական դատալսումներ նշանակելու մասին որոշում
| Որոշման ամսաթիվ | 21-07-2025 |
|---|---|
| Որոշում | ԵԴ1/2653/01/25 Ո Ր Ո Շ Ու Մ ՔՐԵԱԿԱՆ ԳՈՐԾՈՎ ՎԱՐՈւՅԹՆ ՍՏԱՆՁՆԵԼՈւ ԵՎ ՆԱԽՆԱԿԱՆ ԴԱՏԱԼՍՈւՄՆԵՐ ՆՇԱՆԱԿԵԼՈւ ՄԱՍԻՆ 21.07.2025թ. ք.Երևան Երևան քաղաքի առաջին ատյանի ընդհանուր իրավասության քրեական դատարանը՝ նախագահությամբ դատավոր Մ.Շահվերդյանի, ստանալով մեղադրյալ Տիգրան Անդրանիկի Մարգարյանի վերաբերյալ՝ 2 դրվագ ՀՀ քրեական օրենսգրքի 344-րդ հոդվածի 1-ին մասով, թիվ ԵԴ1/2653/01/25 քրեական վարույթը. Պ Ա Ր Զ Ե Ց 16.07.2025թ. մակագրվել և 17.07.2025թ. դատավոր Մ.Շահվերդյանին է հանձնվել մեղադրյալ Տիգրան Անդրանիկի Մարգարյանի վերաբերյալ՝ 2 դրվագ ՀՀ քրեական օրենսգրքի 344-րդ հոդվածի 1-ին մասով, թիվ ԵԴ1/2653/01/25 (մինչդատական վարույթի համարը՝ 60336725) քրեական վարույթը: Ղեկավարվելով ՀՀ քրեական դատավարության օրենսգրքի 33-34-րդ և 310-րդ հոդվածներով՝ դատարանը. Ո Ր Ո Շ Ե Ց • Մեղադրյալ Տիգրան Անդրանիկի Մարգարյանի վերաբերյալ՝ 2 դրվագ ՀՀ քրեական օրենսգրքի 344-րդ հոդվածի 1-ին մասով, թիվ ԵԴ1/2653/01/25 քրեական վարույթն ստանձնել և 2025թ. օգոստոսի 04-ին, ժամը 1300-ին, դատարանի Ավան նստավայրում նշանակել նախնական դատալսումներ: • Սույն որոշման պատճենն ուղարկել հանրային մեղադրողին և վարույթի մասնավոր մասնակցին` մեղադրյալին: • Մեղադրյալ Տիգրան Մարգարյանին նաև ուղարկել վերջինիս իրավունքների և պարտականությունների, այդ թվում նաև՝ ՀՀ քրեական դատավարության օրենսգրքի 311-րդ հոդվածի 1-ին մասով նախատեսված հարցերի կապակցությամբ միջնորդություններ ներկայացնելու իրավունքի մասին՝ սահմանված ձևի հուշաթերթ: ԴԱՏԱՎՈՐ Մ. ՇԱՀՎԵՐԴՅԱՆ |
| Դատավարության կողմեր | Հանրային մեղադրող |
| Դատավարության կողմեր | Մեղադրյալ |
| Դատավարության կողմեր | |
| Անուն | Դ |
| Ազգանուն | Կյուրեղյան |
| Հասցե | --------------- |
| Սոցիալական քարտ | --------------- |
| Դատավարության կողմեր | |
| Անուն | Տիգրան |
| Ազգանուն | Մարգարյան |
| Հասցե | --------------- |
| Սոցիալական քարտ | --------------- |
Նախնական դատալսումներ
| Ամսաթիվ | 04-08-2025 |
|---|---|
| Ժամ | 13:00 |
| Նիստերի դահլիճի համարը | 5 |
Նիստը կայացել է
| Նիստի ամսաթիվ | 04-08-2025 |
|---|---|
| Նիստը | Կայացել է |
Նախնական դատալսումներ
| Ամսաթիվ | 17-10-2025 |
|---|---|
| Ժամ | 17:00 |
| Նիստերի դահլիճի համարը | 5 |
Նիստը կայացել է
| Նիստի ամսաթիվ | 17-10-2025 |
|---|---|
| Նիստը | Կայացել է |
Նախնական դատալսումներ
| Ամսաթիվ | 11-12-2025 |
|---|---|
| Ժամ | 12:30 |
| Նիստերի դահլիճի համարը | 5 |
Նիստը կայացել է
| Նիստի ամսաթիվ | 11-12-2025 |
|---|---|
| Նիստը | Կայացել է |
Անավարտ գործեր
| Հաշվետու ժամանակահատված | 2025 թվական |
|---|---|
| Տեսակը | Անավարտ գործեր, որոնք գտնվում են քննության փուլում |
Նախնական դատալսումներ
| Ամսաթիվ | 17-03-2026 |
|---|---|
| Ժամ | 17:00 |
| Նիստերի դահլիճի համարը | 5 |
Նիստը կայացել է
| Նիստի ամսաթիվ | 17-03-2026 |
|---|---|
| Նիստը | Կայացել է |
Հիմնական դատալսումներ
| Ամսաթիվ | 17-03-2026 |
|---|---|
| Ժամ | 17:40 |
| Նիստերի դահլիճի համարը | 5 |
Նիստը կայացել է
| Նիստի ամսաթիվ | 17-03-2026 |
|---|---|
| Նիստը | Կայացել է |
Վերդիկտ
| Ամսաթիվ | 17-03-2026 |
|---|---|
| Ամբաստանյալ | |
| Անուն | Տիգրան |
| Ազգանուն | Մարգարյան |
| Հայրանուն | Անդրանիկի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Կայացվել է վերդիկտ | Արդարացման |
| Օրենսգիրք | Քրեական օրենսգիրք |
| Հոդված |
Լրացուցիչ դատալսումներ
| Ամսաթիվ | 17-03-2026 |
|---|---|
| Ժամ | 18:07 |
| Նիստերի դահլիճի համարը | 5 |
Նիստը կայացել է
| Նիստի ամսաթիվ | 17-03-2026 |
|---|---|
| Նիստը | Կայացել է |
Կայացվել է դատավճիռ
| Ամսաթիվ | 17-03-2026 |
|---|
Արդարացման
| Ամսաթիվ | 17-03-2026 |
|---|---|
| Ամբաստանյալ | |
| Անուն | Տիգրան |
| Ազգանուն | Մարգարյան |
| Հասցե | --------------- |
| Սեռ | 1 |
| Օրենսգիրք | Քրեական օրենսգիրք |
| Հոդված |
Դատական ակտ
| Դատական ակտի բովանդակությունը | ԵԴ1/2653/01/25 Դ Ա Տ Ա Վ Ճ Ի Ռ Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ու Թ Յ Ա Ն Ա Ն Ու Ն Ի Ց 17.03.2026թ. ք.Երևան Երևան քաղաքի առաջին ատյանի ընդհանուր իրավասության քրեական դատարանը՝ ՆԱԽԱԳԱՀՈւԹՅԱՄԲ ԴԱՏԱՎՈՐ՝ Մ. ՇԱՀՎԵՐԴՅԱՆԻ ՔԱՐՏՈւՂԱՐՈւԹՅԱՄԲ՝ Հ. ՄԽԻԹԱՐՅԱՆԻ Մասնակցությամբ՝ ՀԱՆՐԱՅԻՆ ՄԵՂԱԴՐՈՂ՝ Դ. ԿՅՈւՐԵՂՅԱՆԻ ՊԱՇՏՊԱՆ՝ Ա. ԲԱՅԱՆԴՈւՐՅԱՆԻ ՄԵՂԱԴՐՅԱԼ՝ Տ. ՄԱՐԳԱՐՅԱՆԻ Դռնբաց դատական նիստում քննեց քրեական գործն ըստ մեղադրանքի՝ Տիգրան Անդրանիկի Մարգարյանի, ծնված՝ 27.12.1990թ., ՀՀ Արմավիրի մարզ գ.Փարաքար, ազգությամբ հայ, ՀՀ քաղաքացի, նախկինում դատված, ըստ իր հայտարարության՝ միջնակարգ կրությամբ, ամուսնացած, խնամքին անչափահաս երեխա և աշխատանք չունեցող, հաշվառված և բնակվում է՝ Արմավիրի մարզ, Փարաքար, Երևանյան փողոցի 90 տանը: Մեղադրվում է երկու դրվագ ՀՀ քրեական օրենսգրքի 344-րդ հոդվածի 1-ին մասով: Դատաքննությամբ և գործի տվյալներով պարզվեց հետևյալը. ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի 05.06.2025թ. որոշմամբ՝ ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60336725 քրեական վարույթը: ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի 18.06.2025թ. որոշմամբ՝ ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60354125 քրեական վարույթը: ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Ա.Պետրոսյանի 18.06.2025թ. որոշմամբ՝ թիվ 60354125 քրեական վարույթը միացվել է թիվ 60336725 քրեական վարույթին: Երևան քաղաքի Մալաթիա-Սեբաստիա վարչական շրջանի դատախազության դատախազ Դ.Կյուրեղյանի 24.06.2025թ. որոշմամբ՝ Տիգրան Անդրանիկի Մարգարյանի նկատմամբ երկու դրվագ ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում: ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի կողմից 27.06.2025թ. Տիգրան Մարգարյանին հանձնվել է հանրային քրեական հետապնդում հարուցելու մասին 24.06.2025թ. որոշման պատճենը, պարզաբանվել մեղադրանքի փաստական հիմքը և իրավական գնահատականն ու ՀՀ քրեական դատավարության օրենսգրքի 43-րդ հոդվածով նախատեսված՝ նրա իրավունքները և պարտականությունները, ինչպես նաև նրան է հանձնվել դրանց ցանկը, որի մասին կազմվել է արձանագրություն: Թիվ 60336725 քրեական վարույթի նյութերը մեղադրական եզրակացությամբ 16.07.2025թ. մուտքագրվել է Երևան քաղաքի առաջին ատյանի ընդհանուր իրավասության քրեական դատարանում: Տիգրան Անդրանիկի Մարգարյանի նկատմամբ երկու դրվագ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում է հարուցվել այն բանի համար, որ նա, զրկված լինելով տրանսպորտային միջոցներ վարելու իրավունքից, վարել է տրանսպորտային միջոց։ Մասնավորապես՝ Տիգրան Մարգարյանը վարչական իրավախախտման գործով թիվ 8400868483 որոշմամբ՝ 17.12.2024թ. մինչև 17.12.2025թ. զրկված լինելով տրանսպորտային միջոցներ վարելու իրավունքից և այդ մասին հաստատապես իմանալով, 30.05.2025թ., ժամը՝ 0235-ի սահմանում, Երևան քաղաքի Բեյրութի փողոցում վարել է «Toyota» մակնիշի «10 JJ 810» հաշվառման համարանիշով տրանսպորտային միջոցը, որի ընթացքում կանգնեցվել է ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի կրտսեր պարեկ Խաչատուր Մելքոնյանի կողմից և կազմվել վարչական իրավախախտման վերաբերյալ թիվ 8259010815 արձանագրությունը: Բացի այդ, Տիգրան Մարգարյանը վարչական իրավախախտման գործով թիվ 8400868483 որոշմամբ՝ 17.12.2024թ. մինչև 17.12.2025թ. զրկված լինելով տրանսպորտային միջոցներ վարելու իրավունքից և այդ մասին հաստատապես իմանալով, 13.03.2025թ., ժամը՝ 0420-ի սահմանում, Երևան քաղաքի Իսակովի պողոտայում վարել է «Toyota» մակնիշի «10 JJ 810» հաշվառման համարանիշով տրանսպորտային միջոցը, որի ընթացքում կանգնեցվել է ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի ավագ պարեկ Սարգիս Եղիազարյանի կողմից և կազմվել վարչական իրավախախտման վերաբերյալ թիվ 8259014624 արձանագրությունը: Սահմանված հերթականությամբ և հաջորդականությամբ հետազոտվեցին հետևյալ ապացույցները. Զննում կատարելու մասին 20.06.2025թ. արձանագրությունը, համաձայն որի՝ • 2024թ. դեկտեմբերի 17-ին, ժամը՝ 1742-ին, ՀՀ ՆԳՆ ոստիկանության պարեկ Բախշիկ Շաղբաթյանը կազմել է վարչական իրավախախտումների վերաբերյալ թիվ 8400868483 արձանագրությունն այն մասին, որ Տիգրան Անդրանիկի Մարգարյանը (ծնված՝ 27.12.1990թ., բնակվող՝ Արմավիրի մարզ, Փարաքար, Երևանյան փողոց, 90-րդ տուն, ՀԾՀ՝ 3712900260) 2024թ. դեկտեմբերի 17-ին, ժամը՝ 1741-ի սահմաններում, Արմավիրի մարզի Թաիրովում վարել է «ԲՄՎ» մակնիշ «019 HH 99» հաշվառման համարանիշի տրանսպորտային միջոցը՝ անվտանգության գոտին չամրակապված վիճակում: • «Արձանագրությանը կցվում է» հատվածում գրառում առկա չէ: • Արձանագրության՝ «Վարչական իրավախախտում կատարած անձի բացատրությունը և դիտողությունը» նշելու հատվածում առկա է գրառում՝ «Քաղաքացին հրաժարվեց ստորագրելուց»: • «Արձանագրությանը, իրավունքներին և պարտականություններին ծանոթանալու» հատվածում գրառում առկա չէ: • Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված է՝ 07-1 թիվը: • Որոշման հատվածում առկա է՝ «Այս իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը կազմում է 9 կամ ավել միավոր»: • ՎԻՎ ՀՀ օրենսգրքի 129.3-րդ հոդվածի 2-րդ մասի համաձայն՝ քաղաքացի Տիգրան Անդրանիկի Մարգարյանին /1990-12-27-ին/ զրկել տրանսպորտային միջոցներ վարելու իրավունքից՝ 1 տարի ժամկետով: • «Որոշման պատճենը և կատարման կարգի մասին քաղվածքի» հատվածում առկա է ստորագրություն՝ 17-ը դեկտեմբերի 2024 թվական: • 2025թ. հունիսի 5-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2025թ. մարտի 13-ին, ժամը՝ 0430-ին, ՀՀ ՆԳՆ ոստիկանության պարեկային ծառայության Երևանի գնդի 3-րդ գումարտակի 1-ին վաշտի ավագ պարեկ Սարգիս Վիլիկի Եղիազարյանը կազմել է վարչական իրավախախտումների վերաբերյալ թիվ 8259014624 արձանագրությունն այն մասին, որ Տիգրան Անդրանիկի Մարգարյանը (ծնված՝ 27.12.1990թ., բնակվող՝ Արմավիրի մարզ, Փարաքար, Երևանյան փողոց 90-րդ տուն, ՀԾՀ՝ 3712900260) 2025թ. մարտի 13-ին, ժամը՝ 0420-ի սահմաններում, Երևան քաղաքի Իսակովի պողոտայում վարել է «Toyota» մակնիշի «10 JJ 810» համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված վիճակում: • «Արձանագրությանը կցվում է» հատվածում գրառում առկա չէ: • Արձանագրության՝ «Վարչական իրավախախտում կատարած անձի բացատրությունը և դիտողությունը» նշելու հատվածում առկա է ստորագրություն: • «Արձանագրությանը, իրավունքներին և պարտականություններին ծանոթանալու» հատվածում առկա է ստորագրություն և ազգանուն: • Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված է՝ 201.1 թիվը: • 2025թ. հունիսի 18-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2025թ. մայիսի 30-ին, ժամը՝ 0253-ին, ՀՀ ՆԳՆ ոստիկանության պարեկային ծառայության Երևանի գնդի 3-րդ գումարտակի 2-րդ վաշտի կրտսեր պարեկ Խաչատուր Արմենի Մելքոնյանը կազմել է վարչական իրավախախտումների վերաբերյալ թիվ 8259010815 արձանագրությունն այն մասին, որ Տիգրան Անդրանիկի Մարգարյանը (ծնված՝ 27.12.1990թ. բնակվող՝ Արմավիրի մարզ, Փարաքար, Երևանյան փողոց 90-րդ տուն, ՀԾՀ՝ 3712900260) 2025թ. մայիսի 30-ին, ժամը՝ 0235-ի սահմաններում, Երևան քաղաքի Իսակովի պողոտայում վարել է «Toyota» մակնիշի «10 JJ 810» համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված վիճակում: • «Արձանագրությանը կցվում է» հատվածում գրառում առկա չէ: • Արձանագրության՝ «Վարչական իրավախախտում կատարած անձի բացատրությունը և դիտողությունը» նշելու հատվածում առկա է գրառում՝ «Հրաժարվեց դիմում, բողոք, առաջարկություն ներկայացնել»: • «Արձանագրությանը, իրավունքներին և պարտականություններին ծանոթանալու» հատվածում առկա է՝ հրաժարվեց ստորագրելուց: • Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված է՝ 201.1 թիվը: • ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության համաձայն՝ Տիգրան Անդրանիկի Մարգարյան (ՀԾՀ՝ 3712900260) տվյալներով առկա է վարորդական իրավունքի վկայական՝ կարգավիճակը՝ զրկված։ Սկիզբը՝ 17-12-2024թ., ավարտը՝ 17-12-2025թ.: Արտավարութային փաստաթուղթ ճանաչված՝ Տիգրան Անդրանիկի Մարգարյանի՝ վարչական իրավախախտումների վերաբերյալ թիվ 8259014624, թիվ 8400868483 և թիվ 8259010815 արձանագրությունների պատճենները և ՀՀ ՆԳՆ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված քաղվածքը: ՀՀ վարչական դատարանի 12.11.2025թ. թիվ ՎԴ/3242/05/25 վճիռը, համաձայն որի՝ անվավեր է ճանաչվել ՀՀ ՆԳՆ ոստիկանության պարեկային ծառայության 17.12.2024թ. թիվ 8400868483 և 10.02.2025թ. «Պարեկային ծառայության վարչական իրավախախտման վերաբերյալ գործով 17.12.2024թ. կայացված թիվ 8400868483 որոշումն անփոփոխ, իսկ վարչական բողոքն առանց քննության թողնելու մասին» որոշումները: ՀՀ քրեական օրենսգրքի 16-րդ հոդվածի 1-ին մասի համաձայն՝ «Հանցանք է համարվում սույն օրենսգրքով նախատեսված, պատժի սպառնալիքով արգելված, հանցագործության սուբյեկտի կողմից մեղավորությամբ կատարված արարքը»։ ՀՀ քրեական օրենսգրքի 344-րդ հոդվածի համաձայն՝ «1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝ (…) 3. Սույն օրենսգրքի իմաստով՝ անձը համարվում է տրանսպորտային միջոցներ վարելու իրավունքից զրկված, եթե նա օրենքով սահմանված կարգով զրկվել է տրանսպորտային միջոցներ վարելու իրավունքից, և զրկման ժամկետը չի լրացել: 4. Սույն օրենսգրքի իմաստով՝ անձի՝ տրանսպորտային միջոցներ վարելու իրավունքը համարվում է կասեցված, եթե նրա` տրանսպորտային միջոցներ վարելու իրավունքն օրենքով սահմանված կարգով կասեցվել է, և կասեցման ժամկետը չի լրացել: (…)»: ՀՀ քրեական դատավարության օրենսգրքի 12-րդ հոդվածի համաձայն՝ «1. Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե 1) անձը չի կատարել իրեն մեղսագրվող արարքը. (…) 12) անձը Հայաuտանի Հանրապետության քրեական oրենuգրքի ընդհանուր կամ հատուկ մասի դրույթների ուժով ենթակա է ազատման քրեական պատաuխանատվությունից. (…) 2. Սույն հոդվածի 1-ին մասի 1-9-րդ կետերով նախատեսված հանգամանքները ռեաբիլիտացնող են (…)»։ Վճռաբեկ դատարանը Տիգրան Հայրապետյանի գործով նախադեպային դիրքորոշում է ձևավորել ՀՀ քրեական օրենսգրքի 344-րդ հոդվածով նախատեսված՝ տրանսպորտային միջոցներ վարելու իրավունքից զրկված կամ այդ իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելու հանցակազմի մեկնաբանման վերաբերյալ։ Մասնավորապես, Վճռաբեկ դատարանն արձանագրել է, որ ՀՀ քրեական օրենսգրքի 344-րդ հոդվածի 1-ին մասի գործողության նախապայմանը և այդ հոդվածով անձին քրեական պատասխանատվության ենթարկելու հիմքը՝ նրա վարչական պատասխանատվության ենթարկված լինելն է՝ տրանսպորտային միջոցներ վարելու իրավունքից զրկվելը կամ վարելու իրավունքը կասեցվելը։ Ընդ որում, ՀՀ քրեական օրենսգրքի 344-րդ հոդվածի համակարգային վերլուծությունը ցույց է տալիս, որ վարելու իրավունքից զրկելը կամ այդ իրավունքը կասեցնելը պետք է լինի օրենքով սահմանված կարգով, այն է՝ իրավաչափ վարչական ակտի հիման վրա։ Հակառակ պարագայում, եթե վարչական ակտը կայացվել է օրենքով սահմանված կարգի խախտմամբ և վարչական կամ դատական կարգով անվավեր է ճանաչվել, ապա քննարկվող հանցագործության օբյեկտիվ կողմը բացակայում է, քանզի վերանում է քրեական պատասխանատվության ենթարկվելու պարտադիր նախապայմանը՝ օրենքով սահմանված կարգով վարչական պատասխանատվության ենթարկված լինելը։ Վճռաբեկ դատարանն արձանագրել է նաև, որ ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմի օբյեկտիվ կողմի առկայությունն արձանագրելու համար անհրաժեշտ է հիմնավորել, որ անձը տրանսպորտային միջոցը վարել է՝ տրանսպորտային միջոցներ վարելու իրավունքից զրկված կամ այդ իրավունքը կասեցված լինելու պայմաններում, որպիսի հանգամանքը հաստատվել է իրավաչափ վարչական ակտով : Սույն գործի փաստական տվյալները դիտարկելով վերը մեջբերված իրավանորմի և Վճռաբեկ դատարանի կողմից արտահայտված իրավական դիրքորոշումների լույսի ներքո՝ դատարանն արձանագրում է, որ ՀՀ վարչական դատարանի՝ 2025թ. նոյեմբերի 12-ի թիվ ՎԴ/3242/05/25 վճռով, Տիգրան Մարգարյանին տրանսպորտային միջոցներ վարելու իրավունքից 1(մեկ) տարի ժամկետով զրկելու վերաբերյալ 2024թ. դեկտեմբերի 17-ի որոշումը ճանաչվել է անվավեր, և նշված դատական ակտն օրինական ուժի մեջ է մտել 2026թ. հունվարի 5-ին: Հետևաբար՝ հիմք ընդունելով Վճռաբեկ դատարանի կողմից արտահայտված այն դիրքորոշումը, որ անձի դատապարտման հիմքում չի կարող դրվել ոչ իրավաչափ՝ օրենքի խախտմամբ ընդունված և անձի իրավունքները խախտող վարչական ակտի պայմանները չկատարելու հանգամանքը՝ անկախ նրանից, որ կոնկրետ գործողությունը կատարելու պահի դրությամբ նշված վարչական ակտի ոչ օրինական լինելու հանգամանքը դեռևս հաստատված չի եղել, դատարանը գտնում է, որ վարչական ակտի անվավերության պայմաններում հնարավոր չէ հաստատված համարել, որ տրանսպորտային միջոց վարելիս մեղադրյալը հանդիսացել է տրանսպորտային միջոց վարելու իրավունքից օրենքով սահմանված կարգով զրկված անձ, այսինքն՝ տվյալ դեպքում բացակայել է ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմի օբյեկտիվ կողմը։ Վերոնշյալի կապակցությամբ դատարանը հարկ է համարում ընդգծել, որ տվյալ դեպքում հնարավոր չէ հիմնավոր հետևության հանգել նաև հանցագործության սուբյեկտի առկայության հարցում, քանի որ օրենքով սահմանված կարգով տրանսպորտային միջոց վարելու իրավունքից զրկված լինելու կամ այդ իրավունքը կասեցված լինելու ուժով է անձը ձեռք բերում տվյալ հանցագործության սուբյեկտին ներհատուկ հատկանիշները։ Նշված եզրահանգումների հաշվառմամբ՝ դատարանը գտնում է, որ Վարչական դատարանի կողմից Տ.Մարգարյանին տրանսպորտային միջոցներ վարելու իրավունքից զրկելու մասին որոշումն անվավեր ճանաչելու արդյունքում` քննարկվող հանցակազմի առկայությունը հաստատելու համար պարտադիր հատկանիշ համարվող՝ տրանսպորտային միջոց վարելու իրավունքից զրկված լինելու փաստը դադարել է գոյության ունենալ, որպիսի պայմաններում Տ.Մարգարյանի արարքում բացակայում է երկու դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմը՝ օբյեկտիվ կողմի և սուբյեկտի բացակայության պատճառով, որն էլ հիմք է Տիգրան Մարգարյանին արդարացնելու համար՝ նրա արարքների քրեական հակաիրավականությունն ապացուցված չլինելու հիմքով: Այսպիսով, դատարանը գտնում է, որ պետք է ճանաչել Տիգրան Անդրանիկի Մարգարյանի անմեղությունը երկու դրվագ ՀՀ քրեական օրենսգրքի 344-րդ հոդվածի 1-ին մասով առաջադրված մեղադրանքում և արդարացնել՝ մեղսագրված արարքները չկատարելու հիմքով: Միաժամանակ, դատարանը գտնում է, որ Տ.Մարգարյանի նկատմամբ ընտրված խափանման միջոցը՝ բացակայելու արգելքը, պետք է վերացնել՝ վերացնելով նաև Տիգրան Անդրանիկի Մարգարյանի նկատմամբ սույն քրեական վարույթի շրջանակներում կիրառված սահմանափակումները: Քննարկելով վարութային ծախսերի հարցը՝ դատարանն արձանագրում է, որ ՀՀ քրեական դատավարության օրենսգրքի 167-րդ հոդվածի 1-ին մասի 1-ին, 2-րդ և 4-7-րդ կետերում թվարկված վարութային ծախսերի հատուցման պարտականությունը դատարանը դնում է դատապարտված մեղադրյալի վրա, մինչդեռ՝ սույն վարույթով մեղադրյալն արդարացվել է: Անդրադառնալով ապացույցների տնօրինման հարցին՝ դատարանը գտնում է, որ արտավարութային փաստաթուղթ ճանաչված և վարույթի նյութերին կցված՝ Տիգրան Անդրանիկի Մարգարյանի՝ վարչական իրավախախտումների վերաբերյալ թիվ 8259014624, թիվ 8400868483 և թիվ 8259010815 արձանագրությունների պատճենները և ՀՀ ՆԳՆ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված քաղվածքը, պետք է պահել վարույթի նյութերի հետ՝ դրանք պահելու ամբողջ ընթացքում: Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ և 364-րդ հոդվածներով՝ դատարանը. Վ Ճ Ռ Ե Ց Ճանաչել և հռչակել Տիգրան Անդրանիկի Մարգարյանի անմեղությունը երկու դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցանքների կատարման մեջ: Տիգրան Անդրանիկի Մարգարյանի նկատմամբ կիրառված խափանման միջոց բացակայելու արգելքը վերացնել: Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում: Տիգրան Անդրանիկի Մարգարյանի նկատմամբ սույն քրեական վարույթի շրջանակներում կիրառված սահմանափակումները վերացնել: Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում: ԴԱՏԱՎՈՐ Մ. ՇԱՀՎԵՐԴՅԱՆ |
|---|---|
| Դատական ակտի ամսաթիվը | 17-03-2026 |
| Գործը քննվել է | Դռնբաց |