ԵԴ1/2654/01/25

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

22 օգոստոսի 2025թ․ ք.Երևանում

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)


նախագահությամբ
դատավոր՝ Մ․Արամյանի
քարտուղարությամբ՝ Մ.Գևորգյանի
մասնակցությամբ`
հանրային մեղադրող՝ Ա․Դավթյանի
մեղադրյալ՝ Լ․Մելքումյանի

դռնբաց դատական նիստում քննեց քրեական գործն ըստ մեղադրանքի` Լևոն Կամոյի Մելքումյանի (ծնված 24.03․1992թ., ազգությամբ հայ, ՀՀ քաղաքացի, նախկինում չդատված, հաշվառված և բնակվող՝ ՀՀ, ք․ Երևան, Աէրացիա 3 շ․, 23 բն․)։
Լևոն Կամոյի Մելքումյանին մեղադրանք է առաջադրվել ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 2-րդ մասով, որպես խափանման միջոց է կիրառվել բացակայելու արգելք:

Դատավճռի նկարագրական մաս.
2023 թվականի օգոստոսի 18-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներով նախաձեռնվել է թիվ 60225123 քրեական վարույթը:
2023 թվականի հոկտեմբերի 20-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության հատկանիշներով նախաձեռնվել է թիվ 60047323 քրեական վարույթը:
2023 թվականի նոյեմբերի 30-ին որոշում է կայացվել թիվ 60047323 քրեական վարույթը միացնել թիվ 60225123 քրեական վարույթին:
2024 թվականի դեկտեմբերի 30-ին Լևոն Կամոյի Մելքումյանի նկատմամբ հանրային քրեական հետապնդում հարուցելու որոշում է կայացվել, խափանման միջոց է կիրառվել բացակայելու արգելքը։
2025 թվականի հունիսի 30-ին վերջինիս մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 1-ին մասով։
Լևոն Կամոյի Մելքումյանին մեղադրանք է առաջադրվել հանրորեն վտանգավոր այն արարքների կատարման համար որ նա «տրանսպորտային միջոցներ վարելու իրավունքից մեկ տարի ժամկետով՝ 2022 թվականի մայիսի 11-ից մինչև 2023 թվականի մայիսի 11-ը, զրկված լինելու և այդ մասին նախապես տեղյակ լինելու պայմաններում, 2023 թվականի փետրվարի 3-ին՝ ժամը 23:45-ի սահմաններում, Երևան քաղաքի Զ.Անդրանիկի փողոցում, վարել է «Մերսեդես-Բենց» մակնիշի 35 XV 878 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180168954 արձանագրությունը:
Այսինքն՝ Լևոն Կամոյի Մելքումյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում:
Բացի այդ՝ Լևոն Կամոյի Մելքումյանը, չունենալով տրանսպորտային միջոցներ վարելու իրավունք, 2023 թվականի օգոստոսի 23-ին՝ ժամը 00:10-ի սահմաններում, Երևան քաղաքի Ադոնցի փողոցում, ոչ սթափ վիճակում՝ 0,144 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ ±10), վարել է «Մերսեդես-Բենց» մակնիշի 35 XV 878 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180258913 արձանագրությունը:
Այսինքն՝ Լևոն Կամոյի Մելքումյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարում:
Այսպիսով՝ Լևոն Կամոյի Մելքումյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքների կատարում»։

Դատաքննության ընթացքում հետազոտված թույլատրելի ապացույցներ
Մեղադրյալ Լևոն Մելքումյանը ցուցմունք տվեց այն մասին, որ «Օգոստոսի 23-ին մի բաժակ խմել եմ, մորս ծննդյան օրն էր դրանից հետո և առաջ չեմ խմել։Բոլոր հրապարակված արձանագրությունների հետ համաձայն եմ։Տեղյակ եմ եղել, որ զրկված եմ վարելու իրավունքից, սակայն վարել եմ»։
28.12.2024 թվականին զննություն կատարելու մասին արձանագրությունը, համաձայն որի՝ զննության են ենթարկվել Լևոն Կամոյի Մելքումյանի կողմից կատարած վարչական իրավախախտումների վերաբերյալ կայացված N2214480272, N2214614012, N2214711925, N2214713591, N2214718045, N2214719772, N2214719843, N2214725628, N2214728850, N2214728872, N2214743528, N2214767462, N2214878536, N2214915604, N2214942774, N2215054900, N2215133063, N2215144176, N2215174998, N2215186221, N2215253080, N2215253270, N2215302592, N2215311170, N2215328007, N2215361597, N2215688554, N2215703261, N2315720485, N5200007588, N2213519842, N2213794896, N2213821926, N2113906337, N2113920270, N2113950060, N2113991856, N2214000660, N2214075353, N2214113929, N2214132774, N2214134085, N2214195092, N2214318002, որոշումները, կազմված 8180168954, 8180258913, 8300424820, 8180215996, 8180140884, արձանագրությունները, ալկոհոլի ստուգաչափման N 083557 վկայականի պատճենը, ալկոհոլի ստուգաչափման N 097640 վկայականի պատճենը, Ճանապարհային ոստիկանության 19.04.2022թ. թիվ 2214480272 որոշումը ծանուցելու վերաբերյալ փաստաթուղթը, ինչպես նաև ճանապարհային ոստիկանության էլեկտրոնային ռեգիստրից արտատպված Լևոն Կամոյի Մելքումյանի վարորդական վկայականի վերաբերյալ առկա տեղեկատվությունը:
Զննության է ենթարկվել Ճանապարհային ոստիկանության 19.04.2022թ. թիվ 2214480272 որոշումը ծանուցելու վերաբերյալ փաստաթուղթը, որը գտնվում է քրեական վարույթի 111-րդ էջում: Զննությամբ պարզվեց, որ Ճանապարհային ոստիկանության 19.04.2022թ. թիվ 2214480272 որոշումը 02.08.2022թ. ծանուցվել է և ստացվել Լևոն Մելքումյանի կողմից, /առկա է ստորագրություն/:
Այնուհետև զննության է ենթարկվել վարչական իրավախատման վերաբերյալ կազմված թիվ 8180258913 արձանագրությունը, որը գտնվում է քրեական վարույթի 13-րդ և 120-րդ էջերում: Զննությամբ պարզվեց, որ 2023 թվականի օգոստոսի 23-ին՝ ժամը 00։50-ին, ՀՀ ոստիկանության պարեկ Վարդան Արթուրի Նիկոլյանը (կրծքանշանի համար 01483) Երևան քաղաքի Ադոնցի փողոցում Լևոն Կամոյի Մելքումյանի վերաբերյալ կազմել է վարչական իրավախախտման արձանագրություն, այն բանի համար, որ նա նույն օրվա՝ ժամը 00։10-ին, իր անվամբ գրանցված «MERCEDES-BENZ» մակնիշի 35XV878 հաշվառման համարանիշի ավտոմեքենան տրանսպորտային միջոց վարելու իրավունքից զրկված լինելով վարել է ոչ սթափ վիճակում: Արձանագրության ծանոթացման հատվածում առկա է ստորգրություն:
Այնուհետև զննության է ենթարկվել ալկոհոլի ստուգաչափիչ սարքի (սարքի համար՝ 91101167) արձանագրությունը (զննման համար՝ 00513), որը գտնվում է քրեական վարույթի 126-րդ էջում։ Համաձայն դրա՝ զննման ամսաթիվ՝ 2023թ. օգոստոսի 23՝ ժամը՝ 00։19։25-ին, վերջին ստուգաչափման ամսաթիվ՝ 2023թ. օգոստոսի 15, դատարկ թեստ՝ 0.000 mg/L, ստուգման ձևաչափը՝ ավտոմատ, ալկոհոլի պարունակությունը՝ 0.160 mg/L, վարորդի անուն՝ Լևոն, որի կողքին առկա է ստորագրություն, վարորդի ազգանուն՝ Մելքումյան, տրանսպորտային միջոցի համարանիշ՝ 35XV878, Վ/Վ համարը՝ RB550047, ՊԾ՝ Նիկոլյան, կրծքանշանի համարը՝ 01783, ստորաբաժանում՝ 1-գ 3-վ, ներքևում առկա է ստորագրություն։
Այնուհետև զննության է ենթարկվել ալկոհոլի ստուգաչափիչ սարքի (սարքի համար՝ 91101167) թիվ 097640 վկայականի պատճենը, որը գտնվում է քրեական վարույթի 149-րդ էջում: Զննությամբ պարզվեց, որ վկայականում առկա է ձեռագիր գրառում՝ «փոխարինվող ստուգաչափման վկայական N 083557 տրված՝ 07.06.2023թ.» բովանդակությամբ: Ստուգաչափման թվական՝ 09.11.2022թ, ուժի մեջ է՝ 09.11.2023թ.: Չափման միջոցի անվանումը՝ «Ալկոտեստեր», գործարանային համարը՝ 91101167, տեսակը՝ «Jupiter XRIP», չափման տիրույթը՝ 0,00-2,00 մգ/լ, արտադրությունը՝ «Չինաստան», պատկանում է ՀՀ ՊԾպ-ին: Վկայականի վրա առկա է «Իսկականի հետ ճիշտ է» գրառումը:
Այնուհետև զննության է ենթարկվել ճանապարհային ոստիկանության էլեկտրոնային ռեգիստրից արտատպված՝ Լևոն Կամոյի Մելքումյանի վարորդական վկայականի վերաբերյալ առկա տեղակտվությունը, որոնք գտնվում են քրեական վարույթի 3-րդ և 121-րդ էջերում: Զննությամբ պարզվեց, որ Լևոն Կամոյի Մելքումյանի(անձնագիր՝ AR0663218, ՀԾՀ 3403920704, ծնված 24.03.1992թ., բնակվող Շենգավիթ, Աէրացիայի թաղամաս, շ.3, բն. 23) B և C կարգերի RB550047 վարորդական վկայականը, թողարկված՝ 01-06-2020թ., գտնվում է զրկված վիճակում, սկիզբ 11-05-2022, ավարտ 11-05-2023: Կասեցումներ չեն գտնվել:/Տես՛ գ․թ․ 155-169
Արտավարութային փաստաթուղթ որպես ապացույց ճանաչված զննության ենթարկված Լևոն Կամոյի Մելքումյանի կողմից կատարած վարչական իրավախախտումների վերաբերյալ կայացված N2214480272, N2214614012, N2214711925, N2214713591, N2214718045, N2214719772, N2214719843, N2214725628, N2214728850, N2214728872, N2214743528, N2214767462, N2214878536, N2214915604, N2214942774, N2215054900, N2215133063, N2215144176, N2215174998, N2215186221, N2215253080, N2215253270, N2215302592, N2215311170, N2215328007, N2215361597, N2215688554, N2215703261, N2315720485, N5200007588, N2213519842, N2213794896, N2213821926, N2113906337, N2113920270, N2113950060, N2113991856, N2214000660, N2214075353, N2214113929, N2214132774, N2214134085, N2214195092, N2214318002, որոշումներով, կազմված 8180168954, 8180258913, 8300424820, 8180215996, 8180140884 արձանագրություններով, ալկոհոլի ստուգաչափման N 083557 վկայականի պատճենով, ալկոհոլի ստուգաչափման N 097640 վկայականի պատճենով, Ճանապարհային ոստիկանության 19.04.2022թ. թիվ 2214480272 որոշումը ծանուցելու վերաբերյալ փաստաթղթով, ինչպես նաև ճանապարհային ոստիկանության էլեկտրոնային ռեգիստրից արտատպված Լևոն Կամոյի Մելքումյանի վարորդական վկայականի վերաբերյալ առկա տեղեկատվությամբ։/Տես՛ Վ.Թ. 3-5, 110, 111, 120, 126, 148, 149/

Վերոգրյալ ապացույցների հիման վրա Դատարանը հաստատված է համարում հետևյալ փաստական հանգամանքները, մասնավորապես.
-2023 թվականի փետրվարի 3-ին Լևոն Մելքումյանը զրկված է եղել տրանսպորտային միջոցներ վարելու իրավունքից։
-Լևոն Մելքումյանը 2022 թվականի մայիսի 11-ից մինչև 2023 թվականի մայիսի 11-ը, տրանսպորտային միջոցներ վարելու իրավունքից զրկված լինելու և այդ մասին նախապես տեղյակ լինելու պայմաններում, 2023 թվականի փետրվարի 3-ին՝ ժամը 23:45-ի սահմաններում, Երևան քաղաքի Զ.Անդրանիկի փողոցում, վարել է «Մերսեդես-Բենց» մակնիշի 35 XV 878 հաշվառման համարանիշի ավտոմեքենան։
-2023 թվականի օգոստոսի 23-ին Լևոն Մելքումյանը չի ունեցել տրանսպորտային միջոցներ վարելու իրավունք։
-Լևոն Մելքումյանը չունենալով տրանսպորտային միջոցներ վարելու իրավունք 2023 թվականի օգոստոսի 23-ին՝ ժամը 00:10-ի սահմաններում, Երևան քաղաքի Ադոնցի փողոցում, ոչ սթափ վիճակում՝ 0,144 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ ±10), վարել է «Մերսեդես-Բենց» մակնիշի 35 XV 878 հաշվառման համարանիշի ավտոմեքենան։

Լրացուցիչ դատալսումների ընթացքումն հետազոտվել են.
Մեղադրյալի Ձև 8 տեղեկանքը, որի համաձայն վերջինս սույն հանցանքներ կատարելու պահին նախկինում դատապարտված չի եղել։

Դատավճռի պատճառաբանական մաս.
ՀՀ քրեական դատավարության օրենսգրքի 97-րդ հոդվածի համաձայն/․․․/ 1. Վարույթի ընթացքում ձեռք բերված ապացույցները, ներառյալ վարույթի մասնավոր մասնակիցների ներկայացրած ապացույցները համարվում են թույլատրելի, քանի դեռ պատշաճ իրավական ընթացակարգով հակառակը չի հաստատվել:
2. Օրենքի էական խախտմամբ ստացված տվյալները, ինչպես նաև դրանց հիման վրա կատարված վարութային գործողությունների արդյունքով ձեռք բերված տվյալները ճանաչվում են անթույլատրելի և չեն կարող օգտագործվել որպես ապացույց/․․․/:
ՀՀ քրեական դատավարության օրենսգրքի 102-րդ հոդվածի համաձայն`
/․․․/1. Քրեական վարույթի ընթացքում ապացուցման ենթակա են՝
1)դեպքը և դրա հանգամանքները (ժամանակը, տեղը, եղանակը և այլն).
2)մեղադրյալի առնչությունը դեպքին.
3)ենթադրյալ հանցագործության՝ քրեական օրենքով նախատեսված հատկանիշները.
4) մեղադրյալի մեղավորությունը ենթադրյալ հանցանքը կատարելու մեջ.
5) քրեական պատասխանատվությունը կամ պատիժը մեղմացնող և ծանրացնող հանգամանքները.
6) մեղադրյալի անձը բնութագրող հանգամանքները.
7) ենթադրյալ հանցագործությամբ պատճառված վնասը.
8)այն հանգամանքները, որոնք թույլ են տալիս անձին ազատել քրեական պատասխանատվությունից կամ պատժից.
9) այն հանգամանքները, որոնցով անձը հիմնավորում է վարույթի ընթացքում իր գույքային պահանջները.
10) այն հանգամանքները, որոնցով վարույթի մասնակիցը կամ այլ անձը հիմնավորում է իր պահանջները/․․․/:
ՀՀ քրեական դատավարության օրենսգրքի 105-րդ հոդվածի համաձայն` /․․․/ 1.Յուրաքանչյուր ապացույց ենթակա է գնահատման՝ վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից:
2. Քննիչը, դատախազը, դատավորը, ղեկավարվելով քրեադատավարական օրենսդրությամբ, ներառյալ ապացուցման չափանիշների մասին վերաբերելի կանոններով, ապացույցները գնահատում են դրանց պատշաճ հետազոտման և վերլուծության վրա հիմնված ներքին համոզմամբ:
3. Ոչ մի տվյալ նախապես հավաստի ապացույցի ուժ չունի: Դատավորը, ինչպես նաև քննիչը և դատախազը չպետք է կանխակալ վերաբերմունք դրսևորեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան, քանի դեռ պատշաճ իրավական ընթացակարգի շրջանակներում դրանք չեն գնահատվել/․․․/:
ՀՀ քրեական դատավարության օրենսգրքի 276-րդ հոդվածը սահմանում է, որ
/․․․/ 1. Առաջին ատյանի դատարանում վարույթն իրականացվում է միայն մեղադրյալի նկատմամբ և միայն նրան ներկայացված մեղադրանքով:/․․․/:
Հետազոտված ապացույցների հիման վրա Դատարանը առանձին սենյակում գնահատելով դրանք իրենց համակցության մեջ, համադրելով մեղադրյալին առաջադրված մեղադրանքի ձևակերպման հետ, արարքները ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 2-րդ մասով, որակման համատեքստում ՀՀ քրեական դատավարության օրենսգրքի 342-րդ հոդվածի 1-ին մասով /2 դրվագ/ նախատեսված հարցերին պատասխանելիս գտել է, որ․
ապացուցված են մեղադրյալին վերագրվող փաստական հանգամանքները (արարքը),
ապացուցված է այդ արարքի քրեական հակաիրավականությունը,
ապացուցված է մեղադրյալի կողմից այդ արարքը կատարելը,
ապացուցված է մեղադրյալի մեղավորությունը տվյալ արարքը կատարելու մեջ:
2. Սույն հոդվածի 1-ին մասում նշված հարցերից որևէ մեկին ժխտական պատասխան տալու դեպքում դատարանը կայացնում է արդարացման վերդիկտ։
3. Սույն հոդվածի 1-ին մասում նշված բոլոր հարցերին հաստատական պատասխան տալու դեպքում դատարանը կայացնում է մեղադրական վերդիկտ, որով սահմանում է նաև, թե ապացուցված արարքի նկատմամբ քրեական օրենսգրքի, որ հոդվածը, հոդվածի մասը կամ կետն է ենթակա կիրառման:
Դատարանը դրական պատասխանելով ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին կայացրել է մեղադրական վերդիկտ
Համաձայն ՀՀ քրեական դատավարության օրենսգրքի 348-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե մեղադրյալը պատժի ենթակա է, թե ոչ, պատժի ինչ տեսակ պետք է նշանակվի և պետք է արդյոք նա այն կրի:
Դատարանը դրական պատասխանելով ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին գտնում է, որ կատարած արարքի համար Լևոն Մելքումյանը ենթակա է քրեական պատասխանատվության և պատժի:
ՀՀ քրեական օրենսգրքի 70-րդ հոդվածի համաձայն՝ «1.Քրեական պատասխանատվությունը կամ պատիժը մեղմացնող հանգամանքներ են՝(…)2. Պատիժ նշանակելիս դատարանը կարող է հաշվի առնել նաև սույն հոդվածի 1-ին մասով չնախատեսված մեղմացնող այլ հանգամանքներ: (…)»։
Դատարանը, որպես դատապարտված-մեղադրյալի պատիժը մեղմացնող հանգամանքներ է դիտարկում այն, որ՝
-առաջադրված մեղադրանքում իրեն մեղավոր է ճանաչել՝ նախաքննության ընթացքում տվել խոստովանական ցուցմունքներ, զղջացել է իր կատարած արարքի համար:
ՀՀ քրեական օրենսգրքի 71-րդ հոդվածը սահմանում է քրեական պատասխանատվությունը կամ պատիժը ծանրացնող հանգամանքները:
Դատարանը արձանագրում է, որ դատապարտված-մեղադրյալ Լևոն Մելքումյանի պատիժը ծանրացնող հանգամանքներ առկա չեն:
Դատարանի արձանագրում է, որ թեև մեղադրյալ Արամ Աբրահամյանը ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքը կատարել է ալկոհոլի ազդեցության տակ, այդուհանդերձ սույն դեպքում նշված հանգամանքը չի կարող է դիտվել որպես պատասխանատվությունը և պատիժը ծանրացնող հանգամանք, քանի որ ՀՀ քրեական օրենսգրքի 71-րդ հոդվածի 3-րդ մասը սահմանում է, եթե սույն հոդվածի 1-ին մասում նշված որևէ հանգամանք սույն օրենսգրքի Հատուկ մասի համապատասխան հոդվածով նախատեսված է որպես հանցագործության հատկանիշ, ապա դա չի կարող կրկին հաշվի առնվել որպես պատասխանատվությունը կամ պատիժը ծանրացնող հանգամանք, որը սույն դեպքում առկա է:
Լևոն Մելքումյանի անձը բնութագրող հանգամանքներն են, մասնավորապես հանցանքներ կատարելու պահին դատվածություն չունեցող անձ հանդիսանալը:
Դատարանը, հաշվի առնելով վերոգրյալը, ինչպես նաև Լևոն Մելքումյանի կատարած հանցագործության հանրության համար վտանգավորության աստիճանը և բնույթը, նրա անձը բնութագրող տվյալները, պատիժը ու պատասխանատվությունը ծանրացնող հանգամանքը և մեղմացնող հանգամանքների բացակայությունը, հաշվի առնելով մեղադրյալի հայտարարությունը ֆինանսական մեծ եկամուտ և ստաբիլ աշխատանք չունենալու, իր նկատմամբ հանրային աշխատանք պատիժ նշանակելու և այն կատարելու պատրաստակամության վերաբերյալ, ինչպես նաև այն, որ մեղադրյալի նկատմամբ նշանակված պատիժը չպետք է նաև բացասաբար անդրադառնա նրա ընտանիքի վրա, հանրային աշխատանքներ կատարելու վերաբերյալ մեղադրյալի առարկության բացակայության պարագայում Դատարանը գտնում է, որ հանցանք կատարելու պահին գործող ՀՀ քրեական օրենսգրքի 344-րդ հոդվածի 1-ին մասի և ՀՀ քրեական օրենսգրքի 344-րդ հոդվածի 2-րդ մասի սանկցիաներով նախատեսված հանրային աշխատանքների նշանակումը կապահովի պատժի նպատակների իրագործումը, ուստի մեղադրյալի նկատմամբ պետք է նշանակել պատիժ հանրային աշխատանքների ձևով։
Միևնույն ժամանակ Դատարանը արձանագրում է, որ մեղադրյալը 1-ին դրվագ հանցանք կատարելուց հետո կրկին կատարել է նույնաբնույթ նոր հանացանք, հետևաբար ամեն հաջորդ դրվագ հանցանքի համար վերջինիս անձի հանրային վտանգավորությունը ավելի բարձր է, ուստի նշանակվող պատժաչափը պետք է լինի ավելի խիստ:
Վերոնշյալի հիման վրա Դատարանը գտնում է, որ Լևոն Մելքումյանի նկատմամբ ՀՀ քրեական օրենսգրքի 344-րդ հոդվածի 1-ին մասով նախատեսված հանցանք կատարելու համար պետք է նշանակել պատիժ հանրային աշխատաքներ 60 ժամ տևողությամբ, ՀՀ քրեական օրենսգրքի 344-րդ հոդվածի 2-րդ մասով նախատեսված հանցանք կատարելու համար պետք է նշանակել պատիժ հանրային աշխատաքներ 90 ժամ տևողությամբ։
ՀՀ քրեական օրենսգրքի 74-րդ հոդվածի կիրառմամբ անհրաժեշտ է նշանակված պատիժները ամբողջությամբ գումարել և վերջնական պատիժ նշանակել հանրային աշխատանքներ 150 ժամ տևողությամբ։
Անդրադառնալով խափանման միջոցի հարցին, Դատարանը գտնում է, որ Լևոն Մելքումյանի նկատմամբ ընտրված խափանման միջոցը` բացակայելու արգելքը, պետք է թողնել անփոփոխ, մինչև դատավճռի օրինական ուժի մեջ մտնելը, իսկ օրինական ուժի մեջ մտնելուց հետո վերացնել:
ՀՀ քրեական դատավարության օրենսգրքի 348-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ ի թիվս այլնի նաև իրեղեն ապացույցների, վարույթային ծախսերի, գույքի նկատմամբ կիրառված (կիրառվելիք) արգելադրման, գույքային հայցի հարցերին, սակայն Դատարանը, պարզելով, որ սույն քրեական գործով մեղադրյալի գույքի վրա արգելանք չի կիրառվել, գույքային հայց չի ներկայացվել, սահմանափակվում է այդ փաստերի արձանագրմամբ:
Քրեական գործին կցված արտավարութային փաստաթղթերը անհրաժեշտ է պահել քրեական գործի հետ միասին՝ դրանց պահելու ամբողջ ժամանակամիջոցում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 97-րդ, 102-րդ, 105-րդ, 276-րդ, 348-349-րդ, 352-356-րդ և 364-րդ հոդվածներով` Դատարանը․
Վ Ճ Ռ Ե Ց

1) Լևոն Մելքումյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասին, նախատեսված հանցանք կատարելու համար (1-ին դրվագ) և որպես պատիժ նշանակել հանրային աշխատաքներ՝ 60 ժամ տևողությամբ։
2) Լևոն Մելքումյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցանք կատարելու համար (2-րդ դրվագ) և որպես պատիժ նշանակել հանրային աշխատաքներ՝ 90 ժամ տևողությամբ։
ՀՀ քրեական օրենսգրքի 74-րդ հոդվածի կիրառմամբ նշանակված պատիժները ամբողջությամբ գումարել և վերջնական պատիժ նշանակել հանրային աշխատաքներ՝ 150 ժամ տևողությամբ։
Լևոն Մելքումյանի նկատմամբ ընտրված խափանման միջոցը` բացակայելու արգելքը` թողնել անփոփոխ մինչև սույն դատավճռի օրինական ուժի մեջ մտնելը:
Դատավճիռը օրինական ուժի մեջ մտնելուց հետո Լևոն Մելքումյանի վերաբերյալ Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքը վերացնել:
Իրեղեն ապացույցների, գույքային հայցի, վարույթային ծախսերի հարցը համարել լուծված:
Քրեական գործին կցված արտավարութային փաստաթղթերը պահել քրեական գործի հետ միասին՝ դրանց պահելու ամբողջ ժամանակամիջոցում:
Դատավճիռը կարող է բողոքարկվել Հայաստանի Հանրապետության վերաքննիչ քրեական դատարան` ստանալու օրվանից մեկամսյա ժամկետում:


ԴԱՏԱՎՈՐ` ՄՈՒՇԵՂ ԱՐԱՄՅԱՆ