ԵԴ1/2633/01/25




ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«28» հոկտեմբերի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` Դատարան)

նախագահությամբ՝ դատավոր Տաթևիկ Մուրադյանի,
քարտուղարությամբ՝ Ագնետա Հակոբյանի,
Նազիկ Աթոյանի,

մասնակցությամբ՝
հանրային մեղադրող՝ Արմեն Գրիգորյանի,
մեղադրյալ՝ Վալերի Բզնունու,

դռնբաց դատական նիստում քննելով քրեական գործն ըստ մեղադրանքի՝
Վալերի Ալբերտի Բզնունու՝
(ծնված՝ 14.08.1964թ., ազգությամբ հայ, ՀՀ քաղաքացի, ամուսնացած, չի աշխատում, միջնակարգ կրթությամբ, արարքը կատարելու պահին չդատված, ներկայումս դատվածություն ունեցող, հաշվառված և բնակվող՝ ք. Երևան, Ավան, 10-րդ փողոց, 11-րդ տուն հասցեում, որպես խափանման միջոց է կիրառվել բացակայելու արգելքը) ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով,

ՊԱՐԶԵՑ

1. Քրեական գործի դատավարական նախապատմությունը.
2025 թվականի ապրիլի 11-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներով նախաձեռնվել է թիվ 60267625 քրեական վարույթը:
2025 թվականի ապրիլի 11-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներով նախաձեռնվել է թիվ 60267725 քրեական վարույթը:
2025 թվականի ապրիլի 11-ին նախաքննության մարմնի որոշմամբ թիվ 60267725 քրեական վարույթը միացվել է թիվ 60267625 քրեական վարույթին, և նախաքննությունը շարունակվել է թիվ 60267625 համարով:
2025 թվականի հունիսի 18-ին ՀՀ դատախազության Երևան քաղաքի Ավան և Նոր Նորք վարչական շրջանների դատախազության դատախազ Հ.Ժամակոչյանի որոշմամբ՝ թիվ 60267625 քրեական վարույթով Վալերի Ալբերտի Բզնունու նկատմամբ ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում:
2025 թվականի հուլիսի 14-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/2633/01/25 քրեական գործն ըստ մեղադրանքի՝ Վալերի Ալբերտի Բզնունու՝ ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով:
Նույն օրը քրեական գործը էլեկտրոնային եղանակով մակագրվել և 2025 թվականի հուլիսի 16-ին հանձնվել է դատավոր Տաթևիկ Մուրադյանին:
2025 թվականի հուլիսի 18-ին Դատարանի կողմից որոշում է կայացվել թիվ ԵԴ1/2633/01/25 քրեական գործի վարույթն ստանձնելու և նախնական դատալսումներ նշանակելու մասին։
2025 թվականի հոկտեմբերի 28-ին, Դատարանը թիվ ԵԴ1/2633/01/25 քրեական գործով կայացրել է մեղադրական վերդիկտ՝ Վալերի Ալբերտի Բզնունուն մեղավոր ճանաչելով ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով նախատեսված արարքների կատարման մեջ:
2. Մեղադրանքի փաստական նկարագրությունը.
Վալերի Ալբերտի Բզնունուն մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով այն բանի համար, որ «նա ՀՀ ոստիկանության պարեկային ծառայության կողմից թիվ 8400786652 վարչական իրավախախտման գործով 2024 թվականի նոյեմբերի 17-ին կայացված որոշմամբ 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2024 թվականի նոյեմբերի 17-ից մինչև 2025 թվականի նոյեմբերի 17-ը: Ծանուցված լինելով, որ զրկված է տրանսպորտային միջոցներ վարելու իրավունքից, Վալերի Ալբերտի Բզնունին 2025 թվականի մարտի 22-ին՝ ժամը 09:55-ին, Երևան քաղաքի Հ. Աճառյան փողոցում վարել է «Վազ» մակնիշի 35 AV 856 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8259010279 արձանագրությունը:
Բացի այդ, ՀՀ ոստիկանության պարեկային ծառայության կողմից թիվ 8400786652 վարչական իրավախախտման գործով 2024 թվականի նոյեմբերի 17-ին կայացված որոշմամբ 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2024 թվականի նոյեմբերի 17-ից մինչև 2025 թվականի նոյեմբերի 17-ը: Ծանուցված լինելով, որ զրկված է տրանսպորտային միջոցներ վարելու իրավունքից, Վալերի Ալբերտի Բզնունին 2025 թվականի մարտի 22-ին՝ ժամը 10:25-ին, Երևան քաղաքի Հ. Աճառյան փողոցում վարել է «Վազ» մակնիշի 35 AV 856 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8259010280 արձանագրությունը:»։
3. Դատաքննության ընթացքում հետազոտված թույլատրելի ապացույցները.
Հիմնական դատալսումների ընթացքում հետազոտված թույլատրելի ապացույցները.
- Մեղադրյալ Վալերի Ալբերտի Բզնունին, օգտվելով իր սահմանադրական իրավունքից, հրաժարվեց ցուցմունք տալ։
(դատական նիստի արձանագրություն)
- Վարչական իրավախախտման վերաբերյալ կազմված թիվ 8400786652 արձանագրությունը, համաձայն որի՝ 17.11.2024թ Երևան քաղաքի Այգեձոր փողոցի 1-ին նրբանցքում՝ ժամը 01:33-ին, ՀՀ ՆԳՆ ոստիկանության պարեկային ծառայության պարեկ Արսեն Մարտիրոսյանը /կրծքանշանի համար 10738/ Վալերի Ալբերտի Բզնունու նկատմամբ կազմել է վարչական իրավախախտման վերաբերյալ արձանագրություն, ըստ որի՝ Վալերի Ալբերտի Բզնունին 17.11.2024 թվականին՝ ժամը 01:25-ին, Երևան քաղաքի Այգեձոր փողոցի 1-ին նրբանցքում վարել է «Վազ» մակնիշի 35 AV 856 հաշվառման համարանիշի տրանսպորտային միջոցը՝ ոչ սթափ վիճակում: Նշված արձանագրությանը վարորդը ծանոթացել է և ստորագրել: Նույն օրը կայացված որոշմամբ Վալերի Ալբերտի Բզնունին մեկ տարի ժամկետով զրկվել է տրանսպորտային միջոցներ վարելու իրավունքից, որի տակ վարորդը ստորագրել է:
(դատական նիստի արձանագրություն, գ.թ. 6)
- Ալկոհոլի պարունակության ստուգման կտրոնի պատճենը, համաձայն որի՝ սարքի համարն է 91100930, զննման համարը՝ 03216, զննման ամսաթիվը՝ 17.11.2024, ժամը՝ 01:30-ին, ստուգումը կատարվել է ավտոմատ, ալկոհոլի պարունակությունը՝ 0.641 մգ/լ, վարորդի անունը՝ Վալերի, ազգանունը՝ Բզնունի, տրանսպորտային միջոցի համարանիշը՝ 35 AV 856, ՊԾ ազգանունը՝ Մարտիրոսյան, կրծքանշանի համար 10738, ստորաբաժանում՝ 1-ին գումարտակ 3-րդ վաշտ: Առկա են վարորդի և պարեկային ծառայողի ստորագրությունները:
(դատական նիստի արձանագրություն, գ.թ. 7)
- Սթափության սարքի ստուգաչափման թիվ 127549 վկայականի պատճենը, համաձայն որի՝ ստուգաչափման թվականն է՝ 25.06.2024թ., այն ուժի մեջ է մինչև 2025 թվականի հունիսի 25-ը: Չափման միջոցի անվանումը և տեսակը՝ Ալկոմետր, գործարանային համարը՝ 91100930, տեսակը՝ Jupiter X/RP, չափման տիրույթը՝ 0.000-2.000 մգ/լ, արտադրողը՝ Չինաստան, պատկանում է՝ ՀՀ ՆԳՆ ոստիկանություն:
(դատական նիստի արձանագրություն, գ.թ. 9)
- Ճանապարհային ոստիկանության էլեկտրոնային ռեգիստրից արտատպված փաստաթղթի պատճենը, համաձայն որի՝ Վալերի Ալբերտի Բզնունին տրանսպորտային միջոցներ վարելու իրավունքից զրկվել է 17.11.2024 թվականից մինչև 17.11.2025 թվականը:
(դատական նիստի արձանագրություն, գ.թ. 5)
- Վարչական իրավախախտման վերաբերյալ կազմված թիվ 8259010279 արձանագրության պատճենը, համաձայն որի՝ 22.03.2025թ Երևան քաղաքի Աճառյան փողոցում՝ ժամը 10:04-ին, ՀՀ ոստիկանության պարեկային ծառայության 2-րդ գումարտակի 2-րդ վաշտի պարեկ Վահե Երիցյանը /կրծքանշանի համար 05744/ Վալերի Ալբերտի Բզնունու նկատմամբ կազմել է վարչական իրավախախտման վերաբերյալ արձանագրություն, ըստ որի Վալերի Ալբերտի Բզնունին 22.03.2025 թվականին՝ ժամը 09:55-ին, Երևան քաղաքի Աճառյան փողոցում վարել է «Վազ» մակնիշի 35 AV 856 հաշվառման համարանիշի տրանսպորտային միջոցը՝ զրկված լինելով տրանսպորտային միջոցներ վարելու իրավունքից: Նշված արձանագրությանը վարորդը ծանոթացել է և ստորագրել:
(դատական նիստի արձանագրություն, գ.թ. 4)
- Վարչական իրավախախտման վերաբերյալ կազմված թիվ 8259010280 արձանագրության պատճենը, համաձայն որի՝ 22.03.2025թ Երևան քաղաքի Աճառյան փողոցում՝ ժամը 11:01-ին ՀՀ ոստիկանության պարեկային ծառայության 2-րդ գումարտակի 2-րդ վաշտի կրտսեր պարեկ Հայկ Կարապետյանը /կրծքանշանի համար 11228/ Վալերի Ալբերտի Բզնունու նկատմամբ կազմել է վարչական իրավախախտման վերաբերյալ արձանագրություն, ըստ որի Վալերի Ալբերտի Բզնունին 22.03.2025 թվականին՝ ժամը 10:25-ին Երևան քաղաքի Աճառյան փողոցում վարել է «Վազ» մակնիշի 35 AV 856 հաշվառման համարանիշի տրանսպորտային միջոցը՝ զրկված լինելով տրանսպորտային միջոցներ վարելու իրավունքից: Նշված արձանագրությանը վարորդը ծանոթացել է և ստորագրել:
(դատական նիստի արձանագրություն, գ.թ. 22)

- Վերը նշված փաստաթղթերը զննելու մասին 14.06.2025թ. կազմված արձանագրությունը։
(դատական նիստի արձանագրություն, գ.թ. 35-36)
- 14.06.2025 թվականին նախաքննության մարմնի կողմից կազմված՝ 22.03.2025թ վարչական իրավախախտման վերաբերյալ կազմված թիվ 8259010279 արձանագրության պատճենը, 17.11.2024թ վարչական իրավախախտման վերաբերյալ կազմված թիվ 8400786652 արձանագրության պատճենը, 17.11.2024 թվականին ալկոհոլի պարունակության ստուգման թիվ 03216 զննման կտրոնի պատճենը, Jupiter X/RP տեսակի 91100930 համարի սարքի թիվ 127549 ստուգաչափման վկայականի պատճենը, 22.03.2025թ վարչական իրավախախտման վերաբերյալ կազմված թիվ 8259010280 արձանագրության պատճենը, Վալերի Ալբերտի Բզնունու վերաբերյալ Ճանապարհային ոստիկանության էլեկտրոնային ռեգիստրից արտատպված փաստաթղթի պատճենը արտավարութային փաստաթուղթ ճանաչելու մասին որոշումը:
(դատական նիստի արձանագրություն, գ.թ. 37-38)
Լրացուցիչ դատալսումների ընթացքում հետազոտված թույլատրելի ապացույցները.
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքը, համաձայն որի՝ Վալերի Ալբերտի Բզնունին ունի դատվածություն:
 Միասնական էլեկտրոնային տեղեկատվական համակարգում կատարված հարցման պատասխանի համաձայն՝ հանցանքն ավարտվելու օրվան նախորդող 12 ամիսների ընթացքում ՀՀ պետական եկամուտների կոմիտեի տվյալների շտեմարանում Վալերի Ալբերտի Բզնունու ստացած եկամուտների վերաբերյալ տվյալները բացակայում են։
 Մեղադրյալի կողմից ներկայացված փաստաթղթերի պատճենները, համաձայն որոնց՝ Վալերի Բզնունին հանդիսանում է Երկրապահ կամավորական միության անդամ, 07.08.2025թ.-28.08.2025թ. կամավորական հիմունքներով իրականացրել է մարտական հերթապահություն, վերջինիս որդին մասնակցել է Արցախյան պատերազմին:
4. Դատարանի փաստական վերլուծությունները և հաստատված կամ հերքված փաստական հանգամանքները.
Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը գտնում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարելու, որ Վալերի Բզնունին ՀՀ ոստիկանության պարեկային ծառայության կողմից թիվ 8400786652 վարչական իրավախախտման գործով 2024 թվականի նոյեմբերի 17-ին կայացված որոշմամբ 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2024 թվականի նոյեմբերի 17-ից մինչև 2025 թվականի նոյեմբերի 17-ը: Ծանուցված լինելով, որ զրկված է տրանսպորտային միջոցներ վարելու իրավունքից, Վալերի Ալբերտի Բզնունին 2025 թվականի մարտի 22-ին՝ ժամը 09:55-ին, Երևան քաղաքի Հ. Աճառյան փողոցում վարել «Վազ» մակնիշի 35 AV 856 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8259010279 արձանագրությունը:
Բացի այդ, ՀՀ ոստիկանության պարեկային ծառայության կողմից թիվ 8400786652 վարչական իրավախախտման գործով 2024 թվականի նոյեմբերի 17-ին կայացված որոշմամբ 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2024 թվականի նոյեմբերի 17-ից մինչև 2025 թվականի նոյեմբերի 17-ը: Ծանուցված լինելով, որ զրկված է տրանսպորտային միջոցներ վարելու իրավունքից՝ Վալերի Ալբերտի Բզնունին 2025 թվականի մարտի 22-ին՝ ժամը 10:25-ին, Երևան քաղաքի Հ. Աճառյան փողոցում վարել է «Վազ» մակնիշի 35 AV 856 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8259010280 արձանագրությունը:
Դատարանը գտնում է, որ դատավճռի հիմքում դրված՝ փոխկապակցված վերաբերելի, թույլատրելի, հավաստի ապացույցների ամբողջությունը բացառում է Վալերի Ալբերտի Բզնունուն ներկայացված մեղադրանքի ապացուցվածության վերաբերյալ ցանկացած հիմնավոր կասկած։
Հիմնական և լրացուցիչ դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում նաև սույն քրեական գործի լուծման համար նշանակություն ունեցող հետևյալ փաստական հանգամանքները. Վալերի Ալբերտի Բզնունին ներկայումս ունի դատվածություն, մեղսագրվող հանցանքն ավարտվելու օրվան նախորդող 12 ամիսների ընթացքում Վալերի Ալբերտի Բզնունու ստացած եկամուտների վերաբերյալ տվյալները բացակայում են, Վալերի Բզնունին հանդիսանում է Երկրապահ կամավորական միության անդամ, 07.08.2025թ.-28.08.2025թ. կամավորական հիմունքներով իրականացրել է մարտական հերթապահություն, վերջինիս որդին մասնակցել է Արցախյան պատերազմին։
5. Դատարանի իրավական վերլուծությունները, հետևությունները և որոշումները.
Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, Դատարանը հանգում է հետևության, որ ապացուցված է Վալերի Ալբերտի Բզնունուն վերագրվող արարքները, այդ արարքների քրեական հակաիրավականությունը, այդ արարքները մեղադրյալի կողմից կատարելը, ինչպես նաև նրա մեղավորությունը տվյալ արարքների կատարման մեջ:
Դատարանը հանգում է այն հետևության, որ մեղադրյալ Վալերի Ալբերտի Բզնունին կատարել է իրեն մեղսագրված արարքը, որոնց նկատմամբ կիրառելի է ՀՀ քրեական օրենսգրքի 344-րդ հոդվածի 1-ին մասը և ՀՀ քրեական օրենսգրքի 344-րդ հոդվածի 1-ին մասը:
Դատարանը, հաստատված համարելով հանցագործության և դրա կատարման մեջ Վալերի Ալբերտի Բզնունու մեղքի ապացուցված լինելը, գտնում է, որ նա ենթակա է պատժի կատարած հանցանքների համար:
Դատարանի կողմից հաստատված փաստական հանգամանքների հիման վրա Դատարանը գտնում է, որ անձը բնութագրող հանգամանք է այն, որ Վալերի Բզնունին ներկայումս դատվածություն ունի նույնասեռ արարքի կատարման համար, հանդիսանում է Երկրապահ կամավորական միության անդամ, 07.08.2025թ.-28.08.2025թ. կամավորական հիմունքներով իրականացրել է մարտական հերթապահություն։
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, գտնում է, որ Վալերի Ալբերտի Բզնունու պատասխանատվությունն ու պատիժը մեղմացնող և ծանրացնող հանգամանքներ առկա չեն:
Դատարանը, հաշվի առնելով Վալերի Ալբերտի Բզնունու կատարած հանցանքների հանգամանքները, նրա անձը բնութագրող տվյալները, պատասխանատվությունը և պատիժը մեղմացնող և ծանրացնող հանգամանքների բացակայությունը, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ ՀՀ քրեական օրենսգրքի 344-րդ հոդվածի 1-ին մասի սանկցիայով որպես հիմնական պատիժ է նախատեսված նաև հանրային աշխատանքների ձևով և ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար նշված հանցագործությունների կատարման համար առավել խիստ պատիժ նշանակելու անհրաժեշտությունը բացակայում է, իսկ առավել մեղմ պատիժ նշանակելու անհրաժեշտությունը բացակայում է հաշվի առնելով այն, որ մեղադրյալը հայտարարել է, որ չի կարող վճարել տուգանքի գումարը և չի առարկել իր նկատմամբ հանրային աշխատանքներ պատիժ նշանակվելու դեպքում այն կատարելու դեմ, Դատարանը գտնում է, Վալերի Ալբերտի Բզնունու նկատմամբ ՀՀ քրեական օրենսգրքի 344-րդ հոդվածի 1-ին մասով՝ առաջին դրվագով պետք է պատիժ նշանակել հանրային աշխատանքներ 60 վաթսուն ժամ տևողությամբ, իսկ ՀՀ քրեական օրենսգրքի 344-րդ հոդվածի 1-ին մասով՝ երկրորդ դրվագով պատիժ նշանակել հանրային աշխատանքներ 60 վաթսուն ժամ տևողությամբ։
Միևնույն ժամանակ Դատարանն արձանագրում է, որ ՀՀ քրեական օրենսգրքի 74-րդ հոդվածի 1-ին մասի կիրառմամբ ՀՀ քրեական օրենսգրքի 344-րդ հոդվածի 1-ին մասով՝ առաջին դրվագով նախատեսված հանցագործության կատարման համար նշանակված 60 վաթսուն ժամ տևողությամբ հանրային աշխատանքներին պետք է լրիվ գումարել ՀՀ քրեական օրենսգրքի 344-րդ հոդվածի 1-ին մասով՝ երկրորդ դրվագով նախատեսված հանցագործության կատարման համար նշանակված 60 վաթսուն ժամ տևողությամբ հանրային աշխատանքները, և Վալերի Ալբերտի Բզնունու նկատմամբ վերջնական պատիժ նշանակել հանրային աշխատանքներ՝ 120 (հարյուր քսան) ժամ տևողությամբ:
ՀՀ քրեական օրենսգրքի 74-րդ հոդվածի 11-րդ մասի կիրառմամբ Վալերի Ալբերտի Բզնունու նկատմամբ սույն դատավճռով նշանակված վերջնական պատժին՝ 120 (հարյուր քսան) ժամ տևողությամբ հանրային աշխատանքներին պետք է լրիվ գումարել Գեղարքունիքի մարզի առաջին ատյանի ընդհանուր իրավասության դատարանի 2025 թվականի հուլիսի 28-ի թիվ ԳԴ/0344/01/25 դատավճռով նշանակված պատիժը՝ 80 (ութսուն) ժամ տևողությամբ հանրային աշխատանքները, և վերջնական պատիժ նշանակել հանրային աշխատանքներ՝ 200 (երկու հարյուր) ժամ տևողությամբ
Դատարանը, անդրադառնալով ՀՀ քրեական դատավարության 348-րդ հոդվածով նախատեսված՝ դատավճիռ կայացնելիս դատարանի լուծմանը ենթակա մյուս հարցերին, արձանագրում է, որ գործով իրեղեն ապացույցներ չկան, գույքային հայց ներկայացված չէ, առկա չէ նաև հատուցման ենթակա գույքային այլ վնաս և դրա ապահովման նպատակով արգելադրված որևէ գույք, քրեական վարույթով առկա չեն նաև վարութային ծախսեր:
Անդրադառնալով մեղադրյալի նկատմամբ ընտրված խափանման միջոցի հարցին՝ Դատարանն արձանագրում է, որ վերջինիս նկատմամբ որպես խափանման միջոց ընտրված բացակայելու արգելքը պետք է թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո պետք է վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 347-350-րդ և 352-353-րդ հոդվածներով` Դատարանը

ՎՃՌԵՑ

Վալերի Ալբերտի Բզնունուն մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով նախատեսված հանցագործությունների կատարման մեջ:
Վալերի Ալբերտի Բզնունու նկատմամբ ՀՀ քրեական օրենսգրքի 344-րդ հոդվածի 1-ին մասով՝ առաջին դրվագով պատիժ նշանակել հանրային աշխատանքներ 60 վաթսուն ժամ տևողությամբ։
Վալերի Ալբերտի Բզնունու նկատմամբ ՀՀ քրեական օրենսգրքի 344-րդ հոդվածի 1-ին մասով՝ երկրորդ դրվագով պատիժ նշանակել հանրային աշխատանքներ 60 վաթսուն ժամ տևողությամբ։
ՀՀ քրեական օրենսգրքի 74-րդ հոդվածի 1-ին մասի կիրառմամբ ՀՀ քրեական օրենսգրքի 344-րդ հոդվածի 1-ին մասով՝ առաջին դրվագով նախատեսված հանցագործության կատարման համար նշանակված 60 վաթսուն ժամ տևողությամբ հանրային աշխատանքներին լրիվ գումարել ՀՀ քրեական օրենսգրքի 344-րդ հոդվածի 1-ին մասով՝ երկրորդ դրվագով նախատեսված հանցագործության կատարման համար նշանակված 60 վաթսուն ժամ տևողությամբ հանրային աշխատանքները, և Վալերի Ալբերտի Բզնունու նկատմամբ վերջնական պատիժ նշանակել հանրային աշխատանքներ՝ 120 (հարյուր քսան) ժամ տևողությամբ:
ՀՀ քրեական օրենսգրքի 74-րդ հոդվածի 11-րդ մասի կիրառմամբ Վալերի Ալբերտի Բզնունու նկատմամբ սույն դատավճռով նշանակված վերջնական պատժին՝ 120 (հարյուր քսան) ժամ տևողությամբ հանրային աշխատանքներին լրիվ գումարել Գեղարքունիքի մարզի առաջին ատյանի ընդհանուր իրավասության դատարանի 2025 թվականի հուլիսի 28-ի թիվ ԳԴ/0344/01/25 դատավճռով նշանակված պատիժը՝ 80 (ութսուն) ժամ տևողությամբ հանրային աշխատանքները, և վերջնական պատիժ նշանակել հանրային աշխատանքներ՝ 200 (երկու հարյուր) ժամ տևողությամբ
Վալերի Ալբերտի Բզնունուն նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո վերացնել։
Վարութային ծախսերի հարցը համարել լուծված։
Դատավճիռը կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում:




ԴԱՏԱՎՈՐ ՏԱԹԵՎԻԿ ՄՈՒՐԱԴՅԱՆ