ԵԴ1/2547/01/25




ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«14» հունվարի 2026թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` Դատարան)

նախագահությամբ՝ դատավոր Տաթևիկ Մուրադյանի,
քարտուղարությամբ՝ Ագնետա Հակոբյանի,
Սիմոն Սիմոնյանի,
մասնակցությամբ՝
հանրային մեղադրող Դավիթ Թադևոսյանի,
մեղադրյալ Դավիթ Հովհաննիսյանի,

դռնբաց դատական նիստում քննելով քրեական գործն ըստ մեղադրանքի՝
Դավիթ Հակոբի Հովհաննիսյանի՝
(ծնված՝ 27.01.1999թ. ք. Երևան, ազգությամբ հայ, ՀՀ քաղաքացի, չամուսնացած, չի աշխատում, միջնակարգ կրթությամբ, արարքը կատարելու պահին դատվածություն չունեցող, ներկայումս դատված, հաշվառված և բնակվող՝ ք.Երևան, Սուվորովի փողոց, 5Ա շենք, 5-րդ բնակարան հասցեում, որպես խափանման միջոց է կիրառվել բացակայելու արգելքը) ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով,

ՊԱՐԶԵՑ

1. Քրեական գործի դատավարական նախապատմությունը.
2025 թվականի հունվարի 27-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներով նախաձեռնվել է թիվ 60144525 քրեական վարույթը:
2025 թվականի հունիսի 18-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներով նախաձեռնվել է թիվ 60354225 քրեական վարույթը:
2025 թվականի հունիսի 18-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում թիվ 60354225 և թիվ 60144525 քրեական վարույթները միացվել են, և նախաքննությունը շարունակվել է թիվ 60144525 քրեական վարույթի ներքո:
2025 թվականի հունիսի 25-ին ՀՀ դատախազության Երևան քաղաքի Շենգավիթ վարչական շրջանի դատախազության ավագ դատախազ Դ. Թադևոսյանի որոշմամբ՝ թիվ 60144525 քրեական վարույթով Դավիթ Հակոբի Հովհաննիսյանի նկատմամբ ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում:
2025 թվականի հուլիսի 10-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/2547/01/25 քրեական գործն ըստ մեղադրանքի՝ Դավիթ Հակոբի Հովհաննիսյանի՝ ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով:
Նույն օրը քրեական գործը էլեկտրոնային եղանակով մակագրվել և 2025 թվականի հուլիսի 11-ին հանձնվել է դատավոր Տաթևիկ Մուրադյանին:
2025 թվականի հուլիսի 15-ին Դատարանի կողմից որոշում է կայացվել թիվ ԵԴ1/2547/01/25 քրեական գործի վարույթն ստանձնելու և նախնական դատալսումներ նշանակելու մասին։
2026 թվականի հունվարի 13-ին Դատարանը թիվ ԵԴ1/2547/01/25 քրեական գործով կայացրել է մեղադրական վերդիկտ՝ Դավիթ Հակոբի Հովհաննիսյանին մեղավոր ճանաչելով ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով նախատեսված արարքների կատարման մեջ:
2. Մեղադրանքի փաստական նկարագրությունը.
Դավիթ Հակոբի Հովհաննիսյանին մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով այն բանի համար, որ «նա, հանդիսանալով տրանսպորտային միջոցներ վարելու իրավունքը կասեցված անձ, 2024 թվականի դեկտեմբերի 28-ին և 2025 թվականի հունիսի 01-ին վարել է տրանսպորտային միջոցներ:
Այսպես.
Դավիթ Հովհաննիսյանը, տեղեկացված լինելով օրենքով սահմանված կարգով վարչական իրավախախտման գործով թիվ 8400883253 որոշման հիման վրա 2024 թվականի դեկտեմբերի 23-ից 6 ամիս ժամկետով՝ մինչև 2025 թվականի հունիսի 23-ն ընկած ժամանակահատվածում, տրանսպորտային միջոցներ վարելու իրավունքը կասեցված լինելու մասին, իր նշված իրավունքի կասեցման ժամկետը լրացած չլինելու պայմաններում, 2024 թվականի դեկտեմբերի 28–ին՝ ժամը 01:50-ի սահմաններում, Երևան քաղաքի Թամանցիների փողոցում վարել է «BMW» մակնիշի, 77 AS 007 հաշվառման համարանիշի տրանսպորտային միջոցը:
Բացի այդ, Դավիթ Հովհաննիսյանը, տեղեկացված լինելով օրենքով սահմանված կարգով՝ վարչական իրավախախտման գործով թիվ 8400883253 որոշման հիման վրա 2024 թվականի դեկտեմբերի 23-ից 6 ամիս ժամկետով՝ մինչև 2025 թվականի հունիսի 23-ն ընկած ժամանակահատվածում, տրանսպորտային միջոցներ վարելու իրավունքը կասեցված լինելու մասին, իր նշված իրավունքի կասեցման ժամկետը լրացած չլինելու պայմաններում, 2025 թվականի հունիսի 01-ին՝ ժամը 21:50-ի սահմաններում, Երևան քաղաքի Սարյանի փողոցում վարել է «Lexus» մակնիշի, 88 ER 005 հաշվառման համարանիշի տրանսպորտային միջոցը։»։
3. Դատաքննության ընթացքում հետազոտված թույլատրելի ապացույցները.
Հիմնական դատալսումների ընթացքում հետազոտված թույլատրելի ապացույցները.
- Մեղադրյալ Դավիթ Հակոբի Հովհաննիսյանը, օգտվելով իր սահմանադրական իրավունքից, հրաժարվեց ցուցմունք տալ։ Հրապարակվեց վերջինիս նախաքննական ցուցմունքը, համաձայն որի՝ վերջինս հայտնել է, որ իրեն առաջադրված մեղադրանքը հասկանալի է և պարզ, ընդունել է իրեն առաջադրված մեղադրանքը, իրեն մեղավոր է ճանաչել կատարած արարքում: 2024 թվականի դեկտեմբերի 28-ին ժամը 01:50-ի և 2025 թվականի հունիսի 01-ին՝ ժամը 21:50-ի սահմաններում վարել է տրանսպորտային միջոցը՝ տրանսպորտային միջոցներ վարելու իրավունը կասեցված վիճակում, քանի որ տանը ոչ-ոք մեքենա վարել չգիտի, և անհրաժեշտություն է առաջացել մեքենա վարելու, այդ իսկ պատճառով մեքենա է վարել, սակայն նշված դեպքերից հետո այլևս չի վարել տրանսպորտային միջոց: Մեղադրյալ Դավիթ Հակոբի Հովհաննիսյանը ընդունել է իր մեղավորությունը իր կողմից կատարած արարքում, հայտել է, որ երկու դեպքում էլ ինքն է վարել տրանսպորտային միջոցը, զղջացել կատարածի համար և խնդրել է դատարանին ներողամիտ լինել և մեղմ վերաբերվել:
(դատական նիստի արձանագրություն, գ.թ. 61-62)
- 2024 թվականի դեկտեմբերի 28-ին՝ ժամը 02։00-ին, ՀՀ ՆԳՆ ոստիկանության պարեկային ծառայության Երևանի գնդի 4-րդ գումարտակի 3-րդ վաշտի ավագ պարեկ Տիգրան Գարուշի Հարությունյանի կողմից կազմված վարչական իրավախախտումների վերաբերյալ թիվ 8180421251 արձանագրությունը, համաձայն որի՝ Դավիթ Հակոբի Հովհաննիսյանը (ծնված 27.01.1999թ., բնակվող՝ Էրեբունի, Սուվորովի փողոց, 5Ա շենք, 5-րդ բնակարան, ՀԾՀ՝ 3701990956) 2024 թվականի դեկտեմբերի 28-ին՝ ժամը 01։50-ի սահմաններում, Երևան քաղաքի Թամանցիների փողոցում վարել է ԲՄՎ մակնիշի 77 AS 007 համարանիշի տրանսպորտային միջոցը՝ տրանսպորտային միջոցներ վարելու իրավունքը կասեցված վիճակում:
Արձանագրությանը կցվում է հատվածում գրառում առկա չէ։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն։
Արձանագրությանը, իրավունքներին և պարտականություններին ծանոթանալու հատվածում առկա է ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված՝ 201.2 թիվը։
2024 թվականի դեկտեմբերի 23-ին՝ ժամը 06:20-ին, ՀՀ ՆԳՆ ոստիկանության ավագ պարեկ Արմեն Հարությունյանը կազմել է վարչական իրավախախտումների վերաբերյալ թիվ 8400883253 արձանագրությունն այն մասին, որ Դավիթ Հակոբի Հովհաննիսյանը (ծնված 27.01.1999թ., բնակվող՝ Էրեբունի, Սուվորովի փողոց, 5Ա շենք, 5-րդ բնակարան, ՀԾՀ՝ 3701990956) 2024 թվականի դեկտեմբերի 23-ին՝ ժամը 06։10-ի սահմաններում, Բագրևանդի փողոցում վարել է ԲՄՎ մակնիշ 77 AS 007 հաշվառման համարանիշի տրանսպորտային միջոցը՝ ոչ սթափ վիճակում։
Արձանագրությանը կցվում է հատվածում գրառում առկա չէ։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն։
Արձանագրությանը, իրավունքներին և պարտականություններին ծանոթանալու հատվածում գրառում առկա չէ:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված՝ 68-1 թիվը։
Որոշման հատվածում առկա է՝ …Այս իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը կազմում է 9 կամ ավել միավոր։
ՎԻՎ ՀՀ օրենսգրքի 129․3-րդ հոդվածի 1 մասի համաձայն, քաղաքացի Դավիթ Հակոբի Հովհաննիսյանին 1999-01-27-ի տրանսպորտային միջոցներ վարելու իրավունքը կասեցնել 6/վեց/ ամիս ժամկետով։
Որոշման պատճենը և կատարման կարգի մասին քաղվածքի հատվածում առկա է ստորագրություն՝ 17-ը դեկտեմբերի 2024 թվական։
(գ.թ. 4, դատական նիստի արձանագրություն)
- Վարորդի սթափության վիճակի զննության կտրոնի պատճենը, համաձայն որի՝ ստուգաչափման սարքի համարն է 91100997 զննման համարը՝ 04823, զննման ամսաթիվը՝ 23.12.2024թ., զննման ժամը՝ 06։18։49-ին, վերջին ստուգաչափման ամսաթիվը՝ 23.09.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,458 մգ/լ, վարորդի անունն է՝ Դավիթ, ազգանունը՝ Հովհաննիսյան, տրանսպորտային միջոցի համարանիշը՝ 77 AS 007, Վ/վ.՝ RB 358226, Պ/Ծ տեսուչ՝ Հարությունյան, կրծքանշանի համարը՝ 09745, ստորաբաժանումը՝ 1-ին գումարտակ, 2-րդ վաշտ: Ներքևի հատվածում առկա է ստորագրություն։
(գ.թ. 6, դատական նիստի արձանագրություն)
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 135703 ստուգաչափման վկայականի պատճենը, համաձայն որի՝ վկայականն ուժի մեջ է 2024 թվականի սեպտեմբերի 23-ից մինչև 2025 թվականի սեպտեմբերի 23-ը, ստուգաչափման սարքի գործարանային համարն է 91100997, տեսակը՝ Jupiter X/RP, չափման տիրույթը՝ 0.000÷2,000մգ/լ, ճշտության դասը, կարգը /սխալանքը/ 0-0,1±5-%, 0,1-0,15±8%>0,15±10%, արտադրողը՝ Չինաստան, պատկանում է ՀՀ ՆԳՆ ոստիկանություն, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա. Մանուկյան, իսկ բաժնի /լաբորատորիայի վարիչ/ պետի անվան դիմաց առկա է ստորագրություն և նշված է Գ.Մարտիրոսյան:
(գ.թ. 7, դատական նիստի արձանագրություն)
- 2025 թվականի հունիսի 18-ին ՀՀ ՆԳՆ ոստիկանության պարեկային ծառայությունից ստացված հաղորդումը, համաձայն որի՝ 2025 թվականի հունիսի 01-ին՝ ժամը 21։53-ին, ՀՀ ՆԳՆ ոստիկանության պարեկային ծառայության Երևանի գնդի 4-րդ գումարտակի 2-րդ վաշտի պարեկ Ռաֆայել Արթուրի Ղարիբյանը կազմել է վարչական իրավախախտումների վերաբերյալ թիվ 8259014349 արձանագրությունն այն մասին, որ Դավիթ Հակոբի Հովհաննիսյանը (ծնված 27.01.1999թ., բնակվող՝ Էրեբունի, Սուվորովի փողոց, 5Ա շենք, 5-րդ բնակարան, ՀԾՀ՝ 3701990956) 2025 թվականի հունիսի 01-ին՝ ժամը 21։50-ի սահմաններում, Երևան քաղաքի Սարյան փողոցում վարել է LEXUS մակնիշ 88 ER 005 համարանիշի տրանսպորտային միջոցը՝ տրանսպորտային միջոցներ վարելու իրավունքը կասեցված վիճակում:
Արձանագրությանը կցվում է հատվածում առկա է ՝ որոշում 8250392724։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա ստորագրություն։
Արձանագրությանը, իրավունքներին և պարտականություններին ծանոթանալու հատվածում առկա է ստորագրություն և ազգանուն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված՝ 201.2 թիվը։
2025 թվականի հունիսի 18-ին որոշում է կայացվել թիվ 60354225 քրեական վարույթը թիվ 60144525 քրեական վարույթին միացնելու և 60144525 թվի ներքո շարունակելու մասին։
(գ.թ. 16, դատական նիստի արձանագրություն)
- ՀՀ ոստիկանության Ճանապարհային ոստիկանություն ծառայության էլեկտրոնային ռեգիստրից ստացված տեղեկատվությունը, համաձայն որի՝ Դավիթ Հակոբի Հովհաննիսյան (ՀԾՀ՝ 3701990956) տվյալներով առկա է վարորդական իրավունքի վկայական, որի կարգավիճակը կասեցված է։ Սկիզբը՝ 23-12-2024թ., ավարտը՝ 23-06-2025թ.։
(գ.թ. 17, դատական նիստի արձանագրություն)
- Վերը նշված փաստաթղթերը զննելու մասին 20.06.2025թ. կազմված արձանագրությունը։
(դատական նիստի արձանագրություն, գ.թ. 31-34)
- Դավիթ Հակոբի Հովհաննիսյանի՝ վարչական իրավախախտումների վերաբերյալ թիվ 8180421251 արձանագրության պատճենը, վարչական իրավախախտումների վերաբերյալ թիվ 8400883253 արձանագրության պատճենը, վարորդի սթափության վիճակի զննության թիվ 04823 կտրոնի պատճենը, ստուգաչափման սարքի թիվ 135703 վկայականի պատճենը, վարչական իրավախախտումների վերաբերյալ թիվ 8259014349 արձանագրության պատճենը, ՀՀ ՆԳՆ ոստիկանության Ճանապարհային ոստիկանություն էլեկտրոնային ծառայության ռեգիստրից ստացված քաղվածքը արտավարութային փաստաթուղթ ճանաչելու մասին՝ 2025 թվականի հունիսի 20-ի որոշումը։
(դատական նիստի արձանագրություն, գ.թ. 35-37)
Լրացուցիչ դատալսումների ընթացքում հետազոտված թույլատրելի ապացույցները.
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքը, համաձայն որի՝ Դավիթ Հակոբի Հովհաննիսյանը ներկայում ունի դատվածություն: Կոտայքի մարզի ընդհանուր իրավասության առաջին ատյանի դատարանի 12.06.2025թ. դատավճռով Դավիթ Հակոբի Հովհաննիսյանը մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով նախատեսված հանցանք կատարելու մեջ և դատապարտվել է տուգանքի 375.000 ՀՀ դրամի չափով, որի վճարման համար տրամադրվել է մեկ տարի ժամկետ։ Մեղադրյալը հայտնեց, որ մինչ այս պահը տուգանքի գումարից վճարում չի կատարել։
 Միասնական էլեկտրոնային տեղեկատվական համակարգում կատարված հարցման պատասխանի համաձայն՝ ՊԵԿ տվյալների շտեմարանում Դավիթ Հովհաննիսյանի կողմից հանցանքը կատարելուն նախորդող տասներկու ամիսների ընթացքում ստացած եկամուտները բացակայում են:
4. Դատարանի փաստական վերլուծությունները և հաստատված կամ հերքված փաստական հանգամանքները.
Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը գտնում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարելու, որ Դավիթ Հովհաննիսյանը, տեղեկացված լինելով օրենքով սահմանված կարգով վարչական իրավախախտման գործով թիվ 8400883253 որոշման հիման վրա 2024 թվականի դեկտեմբերի 23-ից 6 ամիս ժամկետով՝ մինչև 2025 թվականի հունիսի 23-ն ընկած ժամանակահատվածում, տրանսպորտային միջոցներ վարելու իրավունքը կասեցված լինելու մասին, իր նշված իրավունքի կասեցման ժամկետը լրացած չլինելու պայմաններում, 2024 թվականի դեկտեմբերի 28–ին՝ ժամը 01:50-ի սահմաններում, Երևան քաղաքի Թամանցիների փողոցում վարել է «BMW» մակնիշի, 77 AS 007 հաշվառման համարանիշի տրանսպորտային միջոցը:
Բացի այդ, Դավիթ Հովհաննիսյանը, տեղեկացված լինելով օրենքով սահմանված կարգով՝ վարչական իրավախախտման գործով թիվ 8400883253 որոշման հիման վրա 2024 թվականի դեկտեմբերի 23-ից 6 ամիս ժամկետով՝ մինչև 2025 թվականի հունիսի 23-ն ընկած ժամանակահատվածում, տրանսպորտային միջոցներ վարելու իրավունքը կասեցված լինելու մասին, իր նշված իրավունքի կասեցման ժամկետը լրացած չլինելու պայմաններում, 2025 թվականի հունիսի 01-ին՝ ժամը 21:50-ի սահմաններում, Երևան քաղաքի Սարյանի փողոցում վարել է «Lexus» մակնիշի, 88 ER 005 հաշվառման համարանիշի տրանսպորտային միջոցը:
Դատարանը գտնում է, որ դատավճռի հիմքում դրված՝ փոխկապակցված վերաբերելի, թույլատրելի, հավաստի ապացույցների ամբողջությունը բացառում է Դավիթ Հակոբի Հովհաննիսյանին ներկայացված մեղադրանքի ապացուցվածության վերաբերյալ ցանկացած հիմնավոր կասկած։
Հիմնական և լրացուցիչ դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում նաև սույն քրեական գործի լուծման համար նշանակություն ունեցող հետևյալ փաստական հանգամանքները. Դավիթ Հակոբի Հովհաննիսյանը ներկայում ունի դատվածություն, մեղսագրվող հանցանքներն ավարտվելու օրվան նախորդող 12 ամիսների ընթացքում վերջինիս ստացած ընդհանուր եկամուտները բացակայում են:
5. Դատարանի իրավական վերլուծությունները, հետևությունները և որոշումները.
Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, Դատարանը հանգում է հետևության, որ ապացուցված են Դավիթ Հակոբի Հովհաննիսյանին վերագրվող արարքները, այդ արարքների քրեական հակաիրավականությունը, այդ արարքները մեղադրյալի կողմից կատարելը, ինչպես նաև նրա մեղավորությունը տվյալ արարքների կատարման մեջ:
Դատարանը հանգում է այն հետևության, որ մեղադրյալ Դավիթ Հակոբի Հովհաննիսյանը կատարել է իրեն մեղսագրված արարքները, որոնց նկատմամբ կիրառելի են ՀՀ քրեական օրենսգրքի 344-րդ հոդվածի 1-ին մասը և ՀՀ քրեական օրենսգրքի 344-րդ հոդվածի 1-ին մասը:
Դատարանը, հաստատված համարելով հանցագործությունների և դրանց կատարման մեջ Դավիթ Հակոբի Հովհաննիսյանի մեղքի ապացուցված լինելը, գտնում է, որ նա ենթակա է պատժի կատարած հանցանքների համար:
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, գտնում է, որ Դավիթ Հակոբի Հովհաննիսյանի պատասխանատվությունն ու պատիժը մեղմացնող հանգամանք պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը (Դատարանի նման մոտեցումը համահունչ է Սերոբ Սարգսյանի գործով 2012 թվականի նոյեմբերի 1-ի թիվ ՍԴ/0109/01/12 որոշման 27-րդ կետում ՀՀ վճռաբեկ դատարանի արտահայտած իրավական դիրքորոշմանը։
Դատարանը միաժամանակ արձանագրում է, որ Դավիթ Հովհաննիսյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71-րդ հոդվածի 1-ին մասով նախատեսված հանգամանքներ առկա չեն:
Որպես Դավիթ Հովհաննիսյանի անձը բնութագրող հանգամանք Դատարանը հաշվի է առնում նույնաբնույթ արարքի կատարման համար ներկայումս դատվածություն ունենալը։
Դատարանը, հաշվի առնելով Դավիթ Հակոբի Հովհաննիսյանի կատարած հանցանքների հանգամանքները, նրա անձը բնութագրող տվյալները, պատասխանատվությունը և պատիժը մեղմացնող հանգամանքը, պատասխանատվությունը և պատիժը ծանրացնող հանգամանքների բացակայությունը, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ ՀՀ քրեական օրենսգրքի 344-րդ հոդվածի 1-ին մասի սանկցիայով որպես հիմնական պատիժ է նախատեսված նաև տուգանքի ձևով և ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար նշված հանցագործությունների կատարման համար առավել խիստ պատիժ նշանակելու անհրաժեշտությունը բացակայում է, գտնում է, որ նրա նկատմամբ ՀՀ քրեական օրենսգրքի 344-րդ հոդվածի 1-ին մասով առաջին դրվագով պատիժ պետք է նշանակել տուգանք՝ նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով, ՀՀ քրեական օրենսգրքի 344-րդ հոդվածի 1-ին մասով երկրորդ դրվագով պատիժ պետք է նշանակել տուգանք՝ նվազագույն աշխատավարձի յոթապատիկի՝ 525.000 (հինգ հարյուր քսանհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածով սահմանված կարգով՝ Դավիթ Հակոբի Հովհաննիսյանի նկատմամբ ՀՀ քրեական օրենսգրքի 344-րդ հոդվածի 1-ին մասով՝ երկրորդ դրվագով նշանակված 525.000 (հինգ հարյուր քսանհինգ հազար) ՀՀ դրամի չափով տուգանքին պետք է մասնակի գումարել ՀՀ քրեական օրենսգրքի 344-րդ հոդվածի 1-ին մասով՝ առաջին դրվագով նշանակված 450.000 (չորս հարյուր հիսուն հազար) ՀՀ դրամի չափով տուգանքից 375.000 (երեք հարյուր յոթանասունհինգ հազար) ՀՀ դրամի չափով տուգանքը, և նրա նկատմամբ վերջնական պատիժ նշանակել տուգանք՝ 900.000 (ինը հարյուր հազար) ՀՀ դրամի չափով:
Ինչպես նաև ՀՀ քրեական օրենսգրքի 74-րդ հոդվածի 11-րդ մասով սահմանված կարգով՝ Դավիթ Հակոբի Հովհաննիսյանի նկատմամբ սույն դատավճռով նշանակված վերջնական պատժին՝ 900.000 (ինը հարյուր հազար) ՀՀ դրամի չափով տուգանքին պետք է լրիվ գումարել Կոտայքի մարզի առաջին ատյանի ընդհանուր իրավասության դատարանի 2025 թվականի հունիսի 12-ի թիվ ԿԴ/0563/01/25 դատավճռով նշանակված 375.000 (երեք հարյուր յոթանասունհինգ հազար) ՀՀ դրամի չափով տուգանքը, և նրա նկատմամբ վերջնական պատիժ նշանակել տուգանք՝ 1.275.000 (մեկ միլիոն երկու հարյուր յոթանասունհինգ հազար) ՀՀ դրամի չափով:
Դատարանը միաժամանակ գտնում է, որ կատարած հանցանքներից յուրաքանչյուրի համար Դավիթ Հակոբի Հովհաննիսյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Միաժամանակ հաշվի առնելով վերջինիս գույքային դրության վերաբերյալ գործում առկա տվյալները և մեղադրյալի հայտարարությունը՝ Դատարանը գտնում է, որ Դավիթ Հակոբի Հովհաննիսյանի նկատմամբ նշանակվող տուգանքի վճարումը պետք է տարաժամկետել և նրան թույլատրել որպես պատիժ նշանակված՝ 1.275.000 (մեկ միլիոն երկու հարյուր յոթանասունհինգ հազար) ՀՀ դրամի չափով տուգանքը վճարել մաս առ մաս 1 (մեկ) տարվա ընթացքում՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Դատարանը, անդրադառնալով ՀՀ քրեական դատավարության 348-րդ հոդվածով նախատեսված՝ դատավճիռ կայացնելիս դատարանի լուծմանը ենթակա մյուս հարցերին, արձանագրում է, որ գործով իրեղեն ապացույցներ չկան, գույքային հայց ներկայացված չէ, առկա չէ նաև հատուցման ենթակա գույքային այլ վնաս և դրա ապահովման նպատակով արգելադրված որևէ գույք, քրեական վարույթով առկա չեն նաև վարութային ծախսեր:
Անդրադառնալով մեղադրյալի նկատմամբ ընտրված խափանման միջոցի հարցին՝ Դատարանն արձանագրում է, որ վերջինիս նկատմամբ որպես խափանման միջոց ընտրված բացակայելու արգելքը պետք է թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո պետք է վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 347-350-րդ և 352-353-րդ հոդվածներով` Դատարանը


ՎՃՌԵՑ

Դավիթ Հակոբի Հովհաննիսյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով նախատեսված հանցագործությունների կատարման մեջ։
Դավիթ Հակոբի Հովհաննիսյանի նկատմամբ ՀՀ քրեական օրենսգրքի 344-րդ հոդվածի 1-ին մասով առաջին դրվագով պատիժ նշանակել տուգանք՝ նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով:
Դավիթ Հակոբի Հովհաննիսյանի նկատմամբ ՀՀ քրեական օրենսգրքի 344-րդ հոդվածի 1-ին մասով երկրորդ դրվագով պատիժ նշանակել տուգանք՝ նվազագույն աշխատավարձի յոթապատիկի՝ 525.000 (հինգ հարյուր քսանհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածով սահմանված կարգով՝ Դավիթ Հակոբի Հովհաննիսյանի նկատմամբ ՀՀ քրեական օրենսգրքի 344-րդ հոդվածի 1-ին մասով՝ երկրորդ դրվագով նշանակված 525.000 (հինգ հարյուր քսանհինգ հազար) ՀՀ դրամի չափով տուգանքին պետք է մասնակի գումարել ՀՀ քրեական օրենսգրքի 344-րդ հոդվածի 1-ին մասով՝ առաջին դրվագով նշանակված 450.000 (չորս հարյուր հիսուն հազար) ՀՀ դրամի չափով տուգանքից 375.000 (երեք հարյուր յոթանասունհինգ հազար) ՀՀ դրամի չափով տուգանքը, և նրա նկատմամբ վերջնական պատիժ նշանակել տուգանք՝ 900.000 (ինը հարյուր հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 11-րդ մասով սահմանված կարգով՝ Դավիթ Հակոբի Հովհաննիսյանի նկատմամբ սույն դատավճռով նշանակված պատժին՝ 900.000 (ինը հարյուր հազար) ՀՀ դրամի չափով տուգանքին լրիվ գումարել Կոտայքի մարզի առաջին ատյանի ընդհանուր իրավասության դատարանի 2025 թվականի հունիսի 12-ի թիվ ԿԴ/0563/01/25 դատավճռով նշանակված 375.000 (երեք հարյուր յոթանասունհինգ հազար) ՀՀ դրամի չափով տուգանքը, և նրա նկատմամբ վերջնական պատիժ նշանակել տուգանք՝ 1.275.000 (մեկ միլիոն երկու հարյուր յոթանասունհինգ հարյուր հազար) ՀՀ դրամի չափով:
Դավիթ Հակոբի Հովհաննիսյանին թույլատրել որպես պատիժ նշանակված 1.275.000 (մեկ միլիոն երկու հարյուր յոթանասունհինգ հազար) ՀՀ դրամի չափով տուգանքը վճարել մաս առ մաս 1 (մեկ) տարվա ընթացքում՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Դավիթ Հակոբի Հովհաննիսյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը, որից հետո վերացնել։
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում:




ԴԱՏԱՎՈՐ ՏԱԹԵՎԻԿ ՄՈՒՐԱԴՅԱՆ