ԵԴ1/2519/01/25





ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«22» դեկտեմբերի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` Դատարան)

նախագահությամբ՝ դատավոր Տաթևիկ Մուրադյանի,
քարտուղարությամբ՝ Ագնետա Հակոբյանի,

մասնակցությամբ՝
հանրային մեղադրող՝ Վարդան Արսենյանի,
մեղադրյալ՝ Ալբերտ Սահակյանի,

դռնբաց դատական նիստում քննելով քրեական գործն ըստ մեղադրանքի՝
Ալբերտ Արմենի Սահակյանի՝
(ծնված՝ 11.08.1997թ. գ. Բալահովիտում, ազգությամբ հայ, ՀՀ քաղաքացի, չամուսնացած, չի աշխատում, միջնակարգ կրթությամբ, նախկինում դատված, ըստ իր հայտարարության՝ հաշվառված և բնակվող՝ Կոտայքի մարզ, գ. Բալահովիտ, Լևոն Ավետիսյան փողոց, 61-րդ շենք, 329-րդ բնակարան հասցեում, որպես խափանման միջոց է կիրառվել բացակայելու արգելքը) ՀՀ քրեական օրենսգրքի 344-րդ հոդվածի 2-րդ մասով,

ՊԱՐԶԵՑ

1. Քրեական գործի դատավարական նախապատմությունը.
2025 թվականի ապրիլի 11-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության հատկանիշներով նախաձեռնվել է թիվ 60264825 քրեական վարույթը:
2025 թվականի ապրիլի 21-ին ՀՀ դատախազության Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ե. Աբովյանի որոշմամբ՝ թիվ 60264825 քրեական վարույթով Ալբերտ Արմենի Սահակյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հարուցվել է հանրային քրեական հետապնդում:
2025 թվականի հուլիսի 09-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/2519/01/25 քրեական գործն ըստ մեղադրանքի՝ Ալբերտ Արմենի Սահակյանի՝ ՀՀ քրեական օրենսգրքի 344-րդ հոդվածի 2-րդ մասով:
Նույն օրը քրեական գործը էլեկտրոնային եղանակով մակագրվել և 2025 թվականի հուլիսի 10-ին հանձնվել է դատավոր Տաթևիկ Մուրադյանին:
2025 թվականի հուլիսի 14-ին Դատարանի կողմից որոշում է կայացվել թիվ ԵԴ1/2519/01/25 քրեական գործի վարույթն ստանձնելու և նախնական դատալսումներ նշանակելու մասին։
2025 թվականի դեկտեմբերի 12-ին Դատարանը թիվ ԵԴ1/2519/01/25 քրեական գործով կայացրել է մեղադրական վերդիկտ՝ Ալբերտ Արմենի Սահակյանին մեղավոր ճանաչելով ՀՀ քրեական օրենսգրքի 344-րդ հոդվածի 2-րդ մասով նախատեսված արարքի կատարման մեջ:
2. Մեղադրանքի փաստական նկարագրությունը.
Ալբերտ Արմենի Սահակյանին մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով այն բանի համար, որ «նա, չունենալով տրանսպորտային միջոցներ վարելու իրավունք և գտնվելով հարբած ոչ սթափ) վիճակում՝ ալկոհոլի պարունակությունը արտաշնչած օդում՝ 0.38 մգ/լ, 2025 թվականի մարտի 27-ին ժամը` 23:20-ի սահմաններում, Երևան քաղաքի Թբիլիսյան խճուղիում վարել է «Տոյոտա» մակնիշի 57 LB 557 պետհամարանիշի տրանսպորտային միջոցը, ինչի վերաբերյալ ՀՀ ՆԳՆ ոստիկանության պարեկային ծառայության ավագ պարեկ, ոստիկանության մայոր Տիգրան Արմենի Սահակյանի կողմից կազմվել է վարչական իրավախախտման մասին թիվ 8259039130 արձանագրությունը:»։
3. Դատաքննության ընթացքում հետազոտված թույլատրելի ապացույցները.
Հիմնական դատալսումների ընթացքում հետազոտված թույլատրելի ապացույցները.
- Դատաքննության ընթացքում մեղադրյալ Ալբերտ Արմենի Սահակյանը, ցուցմունք տվեց այն մասին, որ ընդունում է, որ դեպքի օրը մեքենան վարելիս գտնվել է ոչ սթափ վիճակում: Նշված ժամանակահատվածում տրանսպորտային միջոցներ վարելու իրավունք չի ունեցել: Ներկայացված մեղադրանքն ամբողջությամբ ընդունում է:
(դատական նիստի արձանագրություն)
- 2025 թվականի մարտի 28-ին՝ ժամը 10։30-ին, Երևան քաղաքի Խորենացի 158 հասցեում ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 2-րդ վաշտի ավագ պարեկ Տիգրան Ավոյանի /կրծքանշան թիվ 07811/ կողմից կազմված վարչական իրավախախտման վերաբերյալ թիվ 8259039130 արձանագրությունը, համաձայն որի՝ Ալբերտ Արմենի Սահակյանը (ծնված 11.08.1997թ., բնակվող՝ Կոտայքի մարզ, գ․ Բալահովիտ, 4 փողոց, 61 շենք, 329 բնակարան հասցեում), 2025 թվականի մարտի 27-ին՝ ժամը 23։20-ին, չունենալով տրանսպորտային միջոցներ վարելու իրավունք, Երևան քաղաքի Թբիլիսյան խճուղում վարել է «Տոյոտա» մակնիշի 57 LB 557 հաշվառման համարանիշի տրանսպորտային միջոցը և խուսափել է սթափության վիճակի զննություն անցնելուց:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն։
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 203.5 թիվը։
(գ.թ. 4, դատական նիստի արձանագրություն)
- Վարորդի սթափության վիճակի զննության թիվ 001288 ուղեգիրը, համաձայն որի՝ այն կազմվել է 28․03․2025 թվականին՝ ժամը՝ 00։05-ին: ՀՀ ՆԳՆ ոստիկանության պարեկային ծառայության Երևան քաղաքի գնդի ավագ պարեկ Ավոյանի կողմից /կրծքանշանի համար՝ 07811/ քաղաքացի Ալբերտ Արմենի Սահակյանին /ծնված 11.08.1997թ., բնակվող՝ Կոտայքի մարզ, գ․ Բալահովիտ, 4 փողոց, 61 շենք, 329 բնակարան հասցեում / սթափության վիճակի զննության նպատակով ներկայացրել է «ԿԲԱԿ» ՓԲԸ։ Ներքևի աջ անկյունում առկա է զննություն ներկայացնողի ստորագրությունը և հերթապահ բժիշկ Քրիստինե Զոհրաբյանի ստորագրությունը։
(գ.թ. 5, դատական նիստի արձանագրություն)
- «Կախվածությունների բուժման ազգային կենտրոն» ՓԲԸ-ի սթափության վիճակի զննության թիվ 173 արձանագրությունը, համաձայն որի՝ այն կազմվել է 28․03․2023 թվականին ժամը՝ 00։05, զննություն կատարողի ԱԱՀ և պաշտոն՝ հերթապահ բժիշկ-նարկոլոգ Քրիստինե Զոհրաբյան, զննվողի ԱԱՀ՝ Ալբերտ Արմենի Սահակյան, ծննդյան թիվ՝ 11․08․1997թ․, զննության որոշումը կայացվել է ՊԾ ԵՔՎ 2-րդ գումարտակի 2-րդ վաշտի պարեկ Տիգրան Ավոյանի կողմից, հետազոտման մեթոդը՝ արտաշնչած օդ, արդյունքը՝ 0․385մգ, եզրակացությունը՝ ոչ սթափ, հրաժարվում է ստորագրելուց, հետազոտող՝ Քրիստինե Զոհրաբյան/ստորագրություն/, հետազոտվող՝ Ալբերտ Սահակյան /ստորագրություն/։
(գ.թ. 6, դատական նիստի արձանագրություն)
- 2023 թվականի օգոստոսի 11-ին՝ ժամը 05։40-ին, Աբովյան քաղաքի Անդրանիկի 5 փողոցում ՀՀ ՆԳՆ ոստիկանության պարեկային ծառայության Կոտայքի մարզի գումարտակի 2-րդ վաշտի 1-ին դասակի կրտսեր պարեկ Վարուժան Գասկասյանի /կրծքանշան թիվ 01153/ կողմից կազմված վարչական իրավախախտման վերաբերյալ թիվ 8180286204 արձանագրությունը, համաձայն որի՝ Ալբերտ Արմենի Սահակյանը (ծնված 11.08.1997թ., բնակվող՝ Կոտայքի մարզ, գ․ Բալահովիտ, Ավետիսյան փողոց, 63 շենք, 329 բնակարան հասցեում) 2023 թվականի օգոստոսի 11-ին՝ ժամը 04։50-ին, Աբովյան քաղաքի Բարեկամության փողոցում ոչ սթափ վիճակում վարել է Կիա մակնիշի 509 AM 61 հաշվառման համարանիշի տրանսպորտային միջոցը։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ձեռագիր գրառում՝ քաղաքացու կողմից բացատրություն տալուց հրաժարվելու մասին։
Սույն վարչական իրավախախտման արձանագրության շրջանակներում 11․08․2023 թվականին որոշում է կայացվել Ալբերտ Արմենի Սահակյանին վարորդական իրավունքի վկայականից զրկել 1/մեկ/ տարի ժամկետով։ Վերջինս ստորագրությամբ ստացել է որոշման պատճենը և կատարման կարգի մասին քաղվածքը:
(գ.թ. 8, դատական նիստի արձանագրություն)
- Ալկոհոլի պարունակության ստուգման կտրոնի պատճենը, համաձայն որի՝ ստուգաչափման սարքի համարն է՝ 91101042, զննման համարը՝ 00448, զննման ամսաթիվը՝ 11․08․2023թ., զննման ժամը՝ 05։40։26, վերջին ստուգաչափման ամսաթիվը՝ 15.12.2022թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,706 մգ/լ, վարորդի անունն է՝ Ալբերտ, ազգանունը՝ Սահակյան, տրանսպորտային միջոցի համարանիշը՝ 509 AM 61, պարեկային ծառայողի ազգանունը՝ Գասկասյան, կրծքանշանի համարը՝ 01153, ստորաբաժանումը՝ 2գ․ 1դ․:
(գ.թ. 9, դատական նիստի արձանագրություն)
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 086181 ստուգաչափման վկայականի պատճենը, համաձայն որի՝ վկայականն ուժի մեջ է 2022 թվականի դեկտեմբերի 15-ից մինչև 2023 թվականի դեկտեմբերի 15-ը, ստուգաչափման սարքի գործարանային համարն է 91101042, տեսակը՝ Jupiter X/RP, չափման տիրույթը՝ 0.000÷0,200մգ/լ, ճշտության դասը, կարգը /սխալանքը/ 5-±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա․ Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
(գ.թ. 10, դատական նիստի արձանագրություն)
- ՀՀ ՆԳՆ պարեկային ծառայության 01.04.2025թ. զեկուցագիրը, համաձայն որի՝ ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 2-րդ վաշտի ավագ պարեկ Տիգրան Ավոյանը, Ալբերտ Արմենի Սահակյանի (ծնված 11.08.1997թ., բնակվող՝ Կոտայքի մարզ, գ․ Բալահովիտ, Ավետիսյան փողոց, 63 շենք, 329 բնակարան հասցեում, ՀԾՀ՝ 2108970193) նկատմամբ 28.03.2025թ.-ին` ժամը 10։30-ին, կազմել է թիվ 8259039130 արձանագրություն, քանի որ վերջինս 27.03.2025թ.-ին՝ ժամը 23։20-ին, Երևան քաղաքի Թբիլիսյան խճուղում, «Տոյոտա» մակնիշի 57 LB 557 հաշվառման համարանիշի տրանսպորտային միջոցը վարել է՝ չունենալով տրանսպորտային միջոցներ վարելու իրավունք և ոչ սթափ վիճակում։
(գ.թ. 2, դատական նիստի արձանագրություն)
- ՀՀ ՆԳՆ ոստիկանության Ճանապարհային ոստիկանություն ծառայության էլեկտրոնային ռեգիստրում (ՀԾ համարանիշ 2108970193) մուտքագրման արդյունքում ստացված տեղեկատվությունը/ համաձայն որի՝ Ալբերտ Սահակյանի տրանսպորտային միջոց վարելու իրավունքը (RJ618285 սերիա համարի վարորդական վկայական) ունեցել է զրկված կարգավիճակ։ Զրկման սկիզբը 11.08.2023 թվականից, ավարտը՝ 12.08.2024 թվականը։
(գ.թ. 7, դատական նիստի արձանագրություն)
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 144625 ստուգաչափման վկայականի պատճենը, համաձայն որի՝ վկայականն ուժի մեջ է 2025 թվականի հունվարի 21-ից մինչև 2026 թվականի հունվարի 21-ը, ստուգաչափման սարքի գործարանային համարն է ARNK 0115, տեսակը՝ DRAGER, Alcotest 6820, չափման տիրույթը՝ 0.00÷2,00մգ/լ, ճշտության դասը, կարգը /սխալանքը/ 5-±10%, արտադրողը՝ Գերմանիա, պատկանում է «Կախվածությունների բուժման ազգային կենտրոն» ՓԲԸ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա․ Մանուկյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
(գ.թ. 40, դատական նիստի արձանագրություն)
- 2025 թվականի ապրիլի 18-ին կազմված զննում կատարելու մասին արձանագրությունը, համաձայն որի՝ զննության են ենթարկվել վերը նշված փաստաթղթերը:
(գ.թ. 15, դատական նիստի արձանագրություն)
- Նախաքննության մարմնի կողմից կայացված արտավարութային փաստաթուղթ ճանաչելու մասին որոշումը, համաձայն որի՝ Ալբերտ Արմենի Սահակյանի նկատմամբ կազմված վարչական իրավախախտման վերաբերյալ թիվ 8259039130 և 8180286204 արձանագրությունները, ալկոհոլի պարունակության ստուգման թիվ 00448 կտրոնը, ստուգաչափման թիվ 086181 վկայականը, ՀՀ ՆԳՆ ոստիկանության պարեկային ծառայությունից ստացված զեկուցագիրը, վարորդի սթափության վիճակի զննության թիվ 001288 ուղեգիրը, վարորդի սթափության զննության թիվ 173 արձանագրությունը, ստուգաչափման թիվ 144625 վկայականը, ինչպես նաև ՀՀ ՆԳՆ ոստիկանության Ճանապարհային ոստիկանություն ծառայության էլեկտրոնային ռեգիստրից ստացված տեղեկատվության պատճենները ճանաչվել են արտավարութային փաստաթղթեր։
(գ.թ. 18-19, դատական նիստի արձանագրություն)
Լրացուցիչ դատալսումների ընթացքում հետազոտված թույլատրելի ապացույցները.
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքը, համաձայն որի՝ Ալբերտ Արմենի Սահակյանը նախկինում դատապարտված անձ է:
 Միասնական էլեկտրոնային տեղեկատվական համակարգում կատարված հարցման պատասխանի համաձայն՝ ՊԵԿ տվյալների շտեմարանում Ալբերտ Սահակյանի կողմից հանցանքը կատարելուն նախորդող տասներկու ամիսների ընթացքում ստացած եկամուտները բացակայում են:
 ՀՀ ԱՆ պրոբացիայի ծառայության Կոտայքի մարզային մարմնի պետի գրությունը, համաձայն որի՝ Կոտայքի մարզի առաջին ատյանի ընդհանուր իրավասության դատարանի 08.08.2024թ-ի թիվ ԿԴ/0241/01/24 դատավճռով Ալբերտ Արմենի Սահակյանը /ծնված՝ 11.08.1997թ-ին/ մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման մեջ, և նրա նկատմամբ պատիժ է նշանակվել տուգանք՝ 375.000 ՀՀ դրամի չափով, Ա. Սահակյանին թույլատրվել է տուգանքը վճարել 1 /մեկ/ տարվա ընթացքում:
Թիվ ԿԴ/0241/01/24 դատավճիռն օրինական ուժի մեջ է մտել 19.11.2024թ-ին, իսկ 29.11.2024թ-ին ստացվել և ընդունվել է ի կատար ածման ՀՀ ԱՆ պրոբացիայի ծառայության Կոտայքի մարզային մարմնում:
20.12.2024թ-ին Ա. Սահակյանը վերցվել է հաշվառման Կոտայքի մարզային մարմնում:
17.11.2025թ-ին Ա.Սահակյանի կողմից դիմում է ներկայացվել Կոտայքի մարզի առաջին ատյանի ընդհանուր իրավասության դատարան առ այն, որ չի կարողանում տուգանքը վճարել և խնդրել է դատարանից ևս 1 /մեկ/ տարի ժամկետ տրամադրել 375.000 ՀՀ դրամ տուգանքի չվճարված մասի՝ 345.000 ՀՀ դրամը վճարելու համար:
03.12.2025թ-ի Կոտայքի մարզի առաջին ատյանի ընդհանուր իրավասության դատարանի թիվ ԿԴ/0376/13/25 որոշմամբ Ա.Սահակյանի դիմումը բավարարվել է, 08.08.24թ-ի ԿԴ/0241/01/24 դատավճռով նշանակված 375.000 ՀՀ դրամ տուգանքի չվճարած մասը՝ 345.000 ՀՀ դրամ տուգանքի վճարման ժամկետը երկարաձգվել է 1 /մեկ/ տարի ժամկետով՝ այն հաշվելով որոշումն օրինական ուժի մեջ մտնելու օրվանից:
17.12.2025թ-ի դրությամբ Ա.Սահակյանի նկատմամբ նշանակված տուգանքի գանձվելիք գումարի չափը կազմում է 345.000 ՀՀ դրամ:
4. Դատարանի փաստական վերլուծությունները և հաստատված կամ հերքված փաստական հանգամանքները.
Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը գտնում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարելու, որ չունենալով տրանսպորտային միջոցներ վարելու իրավունք և գտնվելով հարբած ոչ սթափ) վիճակում՝ ալկոհոլի պարունակությունը արտաշնչած օդում՝ 0.38 մգ/լ, 2025 թվականի մարտի 27-ին ժամը` 23:20-ի սահմաններում, Երևան քաղաքի Թբիլիսյան խճուղիում վարել է «Տոյոտա» մակնիշի 57 LB 557 պետհամարանիշի տրանսպորտային միջոցը, ինչի վերաբերյալ ՀՀ ՆԳՆ ոստիկանության պարեկային ծառայության ավագ պարեկ, ոստիկանության մայոր Տիգրան Արմենի Սահակյանի կողմից կազմվել է վարչական իրավախախտման մասին թիվ 8259039130 արձանագրությունը:
Դատարանը գտնում է, որ դատավճռի հիմքում դրված՝ փոխկապակցված վերաբերելի, թույլատրելի, հավաստի ապացույցների ամբողջությունը բացառում է Ալբերտ Արմենի Սահակյանին ներկայացված մեղադրանքի ապացուցվածության վերաբերյալ ցանկացած հիմնավոր կասկած։
Հիմնական և լրացուցիչ դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում նաև սույն քրեական գործի լուծման համար նշանակություն ունեցող հետևյալ փաստական հանգամանքները. Ալբերտ Արմենի Սահակյանը նախկինում դատապարտված անձ է, մեղսագրվող հանցանքը ավարտվելու օրվան նախորդող 12 ամիսների ընթացքում վերջինիս ստացած եկամուտները տվյալները բացակայում են, Կոտայքի մարզի առաջին ատյանի ընդհանուր իրավասության դատարանի 08.08.2024թ-ի թիվ ԿԴ/0241/01/24 դատավճռով Ալբերտ Արմենի Սահակյանի նկատմամբ նշանակված տուգանքի չվճարած մասը կազմում է 345.000 ՀՀ դրամ:
5. Դատարանի իրավական վերլուծությունները, հետևությունները և որոշումները.
Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, Դատարանը հանգում է հետևության, որ ապացուցված է Ալբերտ Արմենի Սահակյանին վերագրվող արարքը, այդ արարքի քրեական հակաիրավականությունը, այդ արարքը մեղադրյալի կողմից կատարելը, ինչպես նաև նրա մեղավորությունը տվյալ արարքի կատարման մեջ:
Դատարանը հանգում է այն հետևության, որ մեղադրյալ Ալբերտ Արմենի Սահակյանը կատարել է իրեն մեղսագրված արարքը, որի նկատմամբ կիրառելի է ՀՀ քրեական օրենսգրքի 344-րդ հոդվածի 2-րդ մասը:
Դատարանը, հաստատված համարելով հանցագործության և դրա կատարման մեջ Ալբերտ Արմենի Սահակյանի մեղքի ապացուցված լինելը, գտնում է, որ նա ենթակա է պատժի կատարած հանցանքի համար:
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, գտնում է, որ Մհեր Խաչիկյանի պատասխանատվությունն ու պատիժը մեղմացնող հանգամանք պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը (Դատարանի նման մոտեցումը համահունչ է Սերոբ Սարգսյանի գործով 2012 թվականի նոյեմբերի 1-ի թիվ ՍԴ/0109/01/12 որոշման 27-րդ կետում ՀՀ վճռաբեկ դատարանի արտահայտած իրավական դիրքորոշմանը):
Դատարանը միաժամանակ արձանագրում է, որ Ալբերտ Սահակյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71-րդ հոդվածի 1-ին մասով նախատեսված հանգամանք պետք է դիտել արարքը դատվածություն ունեցող անձի կողմից կատարելը:
Դատարանը, հաշվի առնելով Ալբերտ Սահակյանի կատարած հանցագործության բնույթը և հանրության համար վտանգավորության աստիճանը, այդ թվում՝ նրա կատարած կոնկրետ արարքը, խախտված հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը, դրանք համադրելով նրա անձը բնութագրող տվյալների, պատասխանատվությունն ու պատիժը մեղմացնող և ծանրացնող հանգամանքների առկայության, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքների հետ, հաշվի առնելով նաև այն, որ ՀՀ քրեական օրենսգրքի 344-րդ հոդվածի 2-րդ մասի սանկցիայով որպես հիմնական պատիժ է նախատեսված նաև հանրային աշխատանքների ձևով և ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար նշված հանցագործության կատարման համար առավել խիստ պատիժ նշանակելու անհրաժեշտությունը բացակայում է, իսկ առավել մեղմ պատիժ նշանակելու անհրաժեշտությունը բացակայում է հաշվի առնելով այն, որ մեղադրյալը չունի եկամուտներ և չի առարկել իր նկատմամբ հանրային աշխատանքներ պատիժ նշանակվելու դեպքում այն կատարելու դեմ, Դատարանը գտնում է, Ալբերտ Սահակյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հիմնական պատիժ պետք է նշանակել հանրային աշխատանքներ՝ 80 ութսուն ժամ տևողությամբ:
Պատժի չափը որոշելիս Դատարանը հաշվի է առնում այն հանգամանքը, որ արարքը կատարելու պահին գործող ՀՀ քրեական օրենսգրքի 344-րդ հոդվածի 2-րդ մասի սանկցիայով որպես հանրային աշխատանքներ պատժի նվազագույն չափ էր սահմանված 80 ժամը, իսկ պատիժ նշանակելու պահին գործող ՀՀ քրեական օրենսգրքի նույն հոդվածի սանկցիայով սահմանված հանրային աշխատանքներ պատժի նվազագույն չափը 150 ժամ է, ինչը նշանակում է, որ օրենսդրական փոփոխության արդյունքում պատիժը խստացվել է, իսկ ՀՀ քրեական օրենսգրքի 9-րդ հոդվածի ուժով պատիժը խստացնող օրենսդրությունը հետադարձ ուժ չունի:
Դատարանը գտնում է նաև, որ ՀՀ քրեական օրենսգրքի 75-րդ հոդվածի կիրառմամբ Ալբերտ Արմենի Սահակյանի նկատմամբ սույն դատավճռով նշանակված պատժին՝ 80 (ութսուն) ժամ տևողությամբ հանրային աշխատանքներին պետք է լրիվ գումարել Կոտայքի մարզի առաջին ատյանի ընդհանուր իրավասության դատարանի 2024 թվականի օգոստոսի 08-ի թիվ ԿԴ/0241/01/24 դատավճռով նշանակված պատժի չվճարած մասը՝ 345.000 (երեք հարյուր քառասունհինգ հազար) ՀՀ դրամի չափով տուգանքը, և վերջնական պատիժ նշանակել հանրային աշխատանքներ՝ 80 (ութսուն) ժամ տևողությամբ և տուգանք` 345.000 (երեք հարյուր քառասունհինգ հազար) ՀՀ դրամի չափով:
Միաժամանակ, նկատի ունենալով Ալբերտ Արմենի Սահակյանի կողմից տուգանքն ամբողջությամբ և անհապաղ վճարելու անհնարինության, վերջինիս գույքային դրության վերաբերյալ գործում առկա տվյալները՝ Դատարանը գտնում է, որ Ալբերտ Արմենի Սահակյանի նկատմամբ նշանակված տուգանքի վճարումը պետք է տարաժամկետել և նրան թույլատրել տուգանքը վճարել մաս առ մաս՝ 1 (մեկ) տարվա ընթացքում՝ ըստ մեղադրյալի և ՀՀ ԱՆ պրոբացիայի ծառայության համապատասխան մարմնի կողմից համատեղ սահմանած վճարման ժամանակացույցի:
Դատարանը միաժամանակ գտնում է, որ կատարած հանցանքի համար Ալբերտ Արմենի Սահակյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Դատարանը, անդրադառնալով ՀՀ քրեական դատավարության 348-րդ հոդվածով նախատեսված՝ դատավճիռ կայացնելիս դատարանի լուծմանը ենթակա մյուս հարցերին, արձանագրում է, որ գործով իրեղեն ապացույցներ չկան, գույքային հայց ներկայացված չէ, առկա չէ նաև հատուցման ենթակա գույքային այլ վնաս և դրա ապահովման նպատակով արգելադրված որևէ գույք, քրեական վարույթով առկա չեն նաև վարութային ծախսեր:
Անդրադառնալով մեղադրյալի նկատմամբ ընտրված խափանման միջոցի հարցին՝ Դատարանն արձանագրում է, որ վերջինիս նկատմամբ որպես խափանման միջոց ընտրված բացակայելու արգելքը պետք է թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո պետք է վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 347-350-րդ և 352-353-րդ հոդվածներով` Դատարանը

ՎՃՌԵՑ

Ալբերտ Արմենի Սահակյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարման մեջ, և նրա նկատմամբ պատիժ նշանակել հանրային աշխատանքներ՝ 80 (ութսուն) ժամ տևողությամբ։
ՀՀ քրեական օրենսգրքի 75-րդ հոդվածի կիրառմամբ Ալբերտ Արմենի Սահակյանի նկատմամբ սույն դատավճռով նշանակված պատժին՝ 80 (ութսուն) ժամ տևողությամբ հանրային աշխատանքներին լրիվ գումարել Կոտայքի մարզի առաջին ատյանի ընդհանուր իրավասության դատարանի 2024 թվականի օգոստոսի 08-ի թիվ ԿԴ/0241/01/24 դատավճռով նշանակված պատժի չվճարած մասը՝ 345.000 (երեք հարյուր քառասունհինգ հազար) ՀՀ դրամի չափով տուգանքը, և վերջնական պատիժ նշանակել հանրային աշխատանքներ՝ 80 (ութսուն) ժամ տևողությամբ և տուգանք` 345.000 (երեք հարյուր քառասունհինգ հազար) ՀՀ դրամի չափով:
Ալբերտ Արմենի Սահակյանին թույլատրել որպես պատիժ նշանակված 345.000 (երեք հարյուր քառասունհինգ հազար) ՀՀ դրամի չափով տուգանքը վճարել մաս առ մաս 1 (մեկ) տարվա ընթացքում՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Ալբերտ Արմենի Սահակյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո վերացնել։
Դատավճիռը կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում։




ԴԱՏԱՎՈՐ ՏԱԹԵՎԻԿ ՄՈՒՐԱԴՅԱՆ