ԵԴ1/2404/01/25
Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ


«22» հուլիսի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)՝ նախագահությամբ՝ դատավոր Մ․Արզումանյանի, համաձայնությամբ տուգանք նշանակելու վարույթի կիրառմամբ, գրավոր ընթացակարգով քննելով քրեական գործն ըստ մեղադրանքի Գևորգ Արմենի Պետրոսյանի (ծնված՝ 1996 թվականի հուլիսի 11-ին Սյունիքի մարզի Կապան համայնքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, աշխատում է Քաջարանի պղնձամոլիբդենային կոմբինատում որպես վարորդ, նախկինում չդատապարտված, հաշվառված է Սյունիքի մարզի Կապան համայնքի Երկաթուղայինների փողոցի 1-ին շենքի 24-րդ բնակարանում)՝ ՀՀ քրեական օրենսգրքի 396-րդ հոդվածի 1-ին մասով, խափանման միջոց է կիրառված բացակայելու արգելքը,

Պ Ա Ր Զ Ե Ց

Գործի դատավարական նախապատմությունը.
2025 թվականի ապրիլի 4-ին ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնի ավագ քննիչ Գևորգ Խաչատրյանի կողմից ՀՀ քրեական օրենսգրքի 396-րդ հոդվածի 1-ին մասով, 393-րդ հոդվածի 1-ին մասով, 396-րդ հոդվածի 2-րդ մասով և 393-րդ հոդվածի 2-րդ մասի 3-րդ կետով նախաձեռնվել է թիվ 11160525 քրեական վարույթը։
2025 թվականի ապրիլի 4-ին՝ ժամը 03։45-ին, Գևորգ Արմենի Պետրոսյանը հանցանք կատարած լինելու անմիջականորեն ծագած հիմնավոր կասկածի առկայության հիմքով ձերբակալվել է։
2025 թվականի ապրիլի 5-ին Երևան քաղաքի Շենգավիթ վարչական շրջանի դատախազության դատախազ Դ․Թադևոսյանը որոշում է կայացրել թիվ 11160525 քրեական վարույթով Գևորգ Արմենի Պետրոսյանի նկատմամբ ՀՀ քրեական օրենսգրքի 396-րդ հոդվածի 1-ին մասով հանրային քրեական հետապնդում հարուցելու մասին։
2025 թվականի ապրիլի 5-ին ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնի ավագ քննիչ Գևորգ Խաչատրյանը որոշում է կայացրել թիվ 11160525 քրեական վարույթով մեղադրյալ Գևորգ Արմենի Պետրոսյանի նկատմամբ որպես խափանման միջոց բացակայելու արգելքն ընտրելու մասին։
2025 թվականի ապրիլի 5-ին ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնի ավագ քննիչ Գևորգ Խաչատրյանը որոշում է կայացրել թիվ 11160525 քրեական վարույթով ձերբակալված Գևորգ Արմենի Պետրոսյանին ազատ արձակելու մասին՝ անազատության մեջ պահելու անհրաժեշտությունը վերանալու պատճառաբանությամբ։ Ազատ է արձակվել ժամը 17։10-ին։
2025 թվականի հունիսի 24-ին Երևան քաղաքի Շենգավիթ վարչական շրջանի դատախազության դատախազ Դ․Թադևոսյանը որոշում է կայացրել թիվ 11160525 քրեական վարույթով Գևորգ Արմենի Պետրոսյանի նկատմամբ ՀՀ քրեական օրենսգրքի 396-րդ հոդվածի 1-ին մասով նոր հանրային քրեական հետապնդում հարուցելու մասին։
2025 թվականի հուլիսի 1-ին Երևան քաղաքի Շենգավիթ վարչական շրջանի դատախազության դատախազ Դ․Թադևոսյանը որոշում է կայացրել թիվ 11160525 քրեական վարույթով Գևորգ Արմենի Պետրոսյանի նկատմամբ ՀՀ քրեական օրենսգրքի 396-րդ հոդվածի 1-ին մասով հարուցված հանրային քրեական հետապնդման ժամկետը կասեցնելու մասին՝ ՀՀ քրեական դատավարության օրենսգրքի 193-րդ հոդվածի 2-րդ մասի 1-ին կետով նախատեսված հիմքով։
2025 թվականի հուլիսի 3-ին Երևան քաղաքի Շենգավիթ վարչական շրջանի դատախազության դատախազ Դ․Թադևոսյանը որոշում է կայացրել թիվ 11160525 քրեական վարույթով Գևորգ Արմենի Պետրոսյանի նկատմամբ ՀՀ քրեական օրենսգրքի 396-րդ հոդվածի 1-ին մասով հարուցված հանրային քրեական հետապնդման կասեցված ժամկետը վերսկսելու մասին։
2025 թվականի հուլիսի 3-ին ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնի ավագ քննիչ Գևորգ Գևորգյանը որոշում է կայացրել թիվ 11160525 քրեական վարույթից անջատել դեռևս քննությամբ չպարզված անձի կողմից Սոս Սասունի Բաղդասարյանին և Գևորգ Արմենի Պետրոսյանին թմրամիջոց իրացնելու փաստով ՀՀ քրեական օրենսգրքի 393-րդ հոդվածի 1-ին մասով և 393-րդ հոդվածի 2-րդ մասի 2-րդ կետով, ինչպես նաև Սոս Բադասարյանի կողմից ՀՀ քրեական օրենսգրքի 396-րդ հոդվածի 1-ին մասով նախատեսված հանցավոր արարք կատարելու մասը՝ դրան շնորհելով թիվ 11812325 քրեական վարույթի համարը:
2025 թվականի հուլիսի 7-ին Գ․Պետրոսյանի վերաբերյալ թիվ 11160525 քրեական վարույթը մեղադրական եզրակացությամբ և համաձայնությամբ տուգանք նշանակելու վարույթ նախաձեռնելու մասին կից արձանագրությամբ ուղարկվել է Դատարան, որին շնորհվել է ԵԴ1/2404/01/25 համարը։
2025 թվականի հուլիսի 8-ին թիվ ԵԴ1/2404/01/25 քրեական գործը հանձնվել է դատավոր Մ․Արզումանյանին։
2025 թվականի հուլիսի 9-ին Դատարանը, համոզվելով, որ առկա է ՀՀ քրեական դատավարության օրենսգրքի 464․6 հոդվածով նախատեսված համաձայնությամբ տուգանք նշանակելու վարույթ կիրառելու հիմքը, մասնավորապես՝ մեղադրյալ Գևորգ Արմենի Պետրոսյանը հանդիսանում է առաջին անգամ հանցանք կատարած անձ, նրան մեղսագրվում է ոչ մեծ ծանրության հանցագործության կատարում, նա չի վիճարկել իրեն ներկայացված մեղադրանքի փաստական հիմքն ու իրավական գնահատականը և պաշտպանի հետ խորհրդակցելուց հետո կամավոր ցանկություն է հայտնել, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով և բացակայում են նույն օրենսգրքի 464.7 հոդվածի 2-րդ մասով նախատեսված հանգամանքները, որոշում է կայացրել քրեական գործի վարույթը ստանձնելու և համաձայնությամբ տուգանք նշանակելու վարույթ հարուցելու մասին, իսկ դատավճռի կայացման օր է նշանակվել 2025 թվականի հուլիսի 22-ը։

Մեղադրանքի փաստական նկարագրությունը.
Գևորգ Արմենի Պետրոսյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 396-րդ հոդվածի 1-ին մասով այն հանրորեն վտանգավոր արարքի կատարման համար, որ նա, խախտելով «Թմրանյութերի և հոգեմետ (հոգեներգործող) նյութերի մասին» 2002 թվականի դեկտեմբերի 26-ի ՀՀ օրենքի և ՀՀ կառավարության 2010 թվականի մարտի 18-ի թիվ 270-ն որոշման պահանջները, այն է՝ չունենալով բժշկական նպատակով կամ բժշկի նշանակմամբ թմրամիջոցի շրջանառություն իրականացնելու, թմրամիջոց ձեռք բերելու և պահելու թույլտվություն, քննությամբ չպարզված ժամանակահատվածում և հանգամանքներում, առանց իրացնելու նպատակի՝ իր անձնական օգտագործման համար, անհայտ անձից ապօրինի ձեռք է բերել և 2025 թվականի ապրիլի 04-ին՝ ժամը 03:15-ի սահմաններում, Երևան քաղաքի Թամանցիների փողոցում իր հագին եղած հագուստի՝ ձախ գուլպայի մեջ ապօրինի պահել «Թմրամիջոցների և հոգեմետ (հոգեներգործուն) նյութերի մանր չափերը, շրջանառությունն արգելված՝ թմրամիջոցներ, հոգեմետ (հոգեներգործուն), խիստ ներգործող կամ թունավոր նյութերպարունակող բույսերի ցանկը, դրանց մանր, զգալի, խոշոր և առանձնապես խոշոր չափերը, պրեկուրսորների խոշոր և առանձնապես խոշոր չափերը. թունավոր նյութերի ցանկը, խիստ ներգործող նյութերի ցանկը և դրանց խոշոր չափերը սահմանելու մասին» ՀՀ կառավարության 2018 թվականի հունիսի 27-ի թիվ 707 որոշման 1-ին հավելվածով նախատեսված՝ զգալի չափերի՝ 7,14 գրամ հաստատուն քաշով «մարիխուանա» տեսակի թմրամիջոց՝ փաթեթավորված թղթե փաթեթի մեջ, որը հայտնաբերվել է վերջինին տվյալ հասցեից ՀՀ ՆԳՆ ոստիկանության ՀՈԳՎ Շենգավիթի բաժին բերելուց հետո կատարված անձնական խուզարկության արդյունքում:

Համաձայնությամբ տուգանք նշանակելու վարույթի արդյունքով մեղադրական դատավճիռ կայացնելու համար էական նշանակություն ունեցող փաստական հանգամանքները.
- ՀՀ ոստիկանության ինֆորմացիոն կենտրոնի ձև 8 տեղեկանքը, համաձայն որի՝ Գևորգ Արմենի Պետրոսյանը նախկինում դատապարտված չի եղել:
- ՀՀ ՊԵԿ հարկ վճարողների սպասարկման վարչության պետի 2025 թվականի հունիսի 27-ի գրությունը, որում արտացոլված են Գ․Պետրոսյանի՝ քննության համար հետաքրքրություն ներկայացնող ժամանակահատվածի համար ստացած եկամուտները, համաձայն որի՝ հանցանքն ավարտվելու օրվան նախորդող 12 ամիսների ընթացքում ստացած միջին ամսական եկամտի 35 տոկոսը, մեղադրյալ Գևորգ Պետրոսյանի կողմից ստացված եկամուտների, ինչպես նաև դրանց համար վճարվող հարկերի, տուրքերի կամ այլ վճարների չափերի վերաբերյալ տեղեկատվության համաձայն, կազմում է 115․259 (հարյուրտասնհինգ հազար երկու հարյուր հիսունինը) ՀՀ դրամ:
- Համաձայնությամբ տուգանք նշանակելու վարույթ նախաձեռնելու վերաբերյալ արձանագրության համաձայն՝ մեղադրյալ Գևորգ Արմենի Պետրոսյանը հայտնել է, որ չի վիճարկում իրեն ներկայացված մեղադրանքի փաստական հիմքն ու իրավական գնահատականը և պաշտպանի հետ խորհրդակցելուց հետո կամավոր ցանկություն է հայտնել, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով։ Մեղադրյալը խնդրել է, որպեսզի կիրառվի տուգանքի վճարման տարաժամկետման կարգ 12 ամիս ժամկետով:
Արձանագրությունը ստորագրված է նաև մեղադրյալ Գ․Պետրոսյանի և պաշտպան Ա․Թամազյանի կողմից:

Դատարանի իրավական վերլուծությունները, հետևությունները և որոշումները.
ՀՀ քրեական դատավարության 469.9 հոդվածի համաձայն՝
«1. Համաձայնությամբ տուգանք նշանակելու վարույթի արդյունքով դատարանը գրավոր ընթացակարգով կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները:
2. Դատավճիռը կայացվում է համաձայնությամբ տուգանք նշանակելու վարույթ կիրառելու մասին որոշումը կայացնելուց հետո՝ հնարավորին չափ սեղմ ժամկետում, սակայն ոչ ուշ, քան 15 օրվա ընթացքում։
3. Համաձայնությամբ տուգանք նշանակելու վարույթի արդյունքով մեղադրական դատավճիռ կայացնելիս դատարանը նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի 77-րդ հոդվածի վերաբերելի դրույթները:
4. Սույն օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից ենթակա չեն բռնագանձման:
5. Դատավճիռը պետք է պարունակի պարզաբանում այն բողոքարկելու՝ սույն օրենսգրքով նախատեսված սահմանափակումների վերաբերյալ։
6. Դատավճիռը կայացնելուց հետո՝ ոչ ուշ, քան հինգ օրվա ընթացքում, ուղարկվում է դատապարտված մեղադրյալին, նրա պաշտպանին, հանրային մեղադրողին»:
Մեղադրյալ Գ․Պետրոսյանի կողմից ներկայացված մեղադրանքն ամբողջությամբ ընդունելու, համաձայնությամբ տուգանք նշանակելու վարույթ կիրառելու և գործով ձեռք բերված ապացույցների ընդհանուր կարգով սահմանված հետազոտություն չկատարելու պայմաններում՝ Դատարանը գտնում է, որ սույն քրեական գործով պետք է կայացնել մեղադրական դատավճիռ՝ մեղադրյալ Գևորգ Արմենի Պետրոսյանին մեղավոր ճանաչելով ՀՀ քրեական օրենսգրքի 396-րդ հոդվածի 1-ին մասով նախատեսված հանցագործության կատարման մեջ և նրա նկատմամբ պատիժ նշանակելով տուգանքի ձևով:
ՀՀ քրեական դատավարության օրենսգրքի 464.9 հոդվածի 3-րդ մասի համաձայն՝ համաձայնությամբ տուգանք նշանակելու վարույթի արդյունքով մեղադրական դատավճիռ կայացնելիս դատարանը նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի 77-րդ հոդվածի վերաբերելի դրույթները։
ՀՀ քրեական օրենսգրքի 77-րդ հոդվածի 6-րդ մասի համաձայն՝ ավարտված կամ չավարտված հանցագործություններով համաձայնությամբ տուգանք նշանակելու վարույթի դեպքում նշանակվում է սույն օրենսգրքի Հատուկ մասի համապատասխան հոդվածի սանկցիայով նախատեսված տուգանքի նվազագույն չափը՝ առանց լրացուցիչ պատիժ և անվտանգության միջոց նշանակելու։
ՀՀ քրեական օրենսգրքի 396-րդ հոդվածի 1-ին մասի համաձայն՝ առանց իրացնելու նպատակի զգալի չափերով թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ կամ պրեկուրսոր ապօրինի արտադրելը, պատրաստելը, վերամշակելը, ձեռք բերելը, պահելը, տեղափոխելը կամ առաքելը՝ պատժվում է տուգանքով՝ առավելագույնը տասնապատիկի չափով, կամ հանրային աշխատանքներով՝ առավելագույնը հարյուր ժամ տևողությամբ, կամ ազատության սահմանափակմամբ՝ առավելագույնը մեկ տարի ժամկետով, կամ կարճաժամկետ ազատազրկմամբ՝ առավելագույնը մեկ ամիս ժամկետով, կամ ազատազրկմամբ՝ առավելագույնը մեկ տարի ժամկետով:
Համաձայնությամբ տուգանք նշանակելու վարույթի կիրառման պայմաններում Դատարանը, հաշվի առնելով ՀՀ քրեական օրենսգրքի 77-րդ հոդվածի 6-րդ մասի պահանջը, գտնում է, որ մեղադրյալի նկատմամբ պատիժ պետք է նշանակել տուգանքի ձևով՝ նրան մեղսագրվող հոդվածի սանկցիայով նախատեսված տուգանքի նվազագույն չափով:
Դատարանը հարկ է համարում արձանագրել, որ 2021 թվականի մայիսի 05-ին ընդունված ՀՀ քրեական օրենսգրքի 396-րդ հոդվածի 1-ին մասի սանկցիայում տուգանքի չափը սահմանված է հնգապատիկից քսանապատիկի չափով և, հաշվի առնելով գործող օրենքով նախատեսված համապատասխան կարգավորումները և այն հանգամանքը, որ մեղադրյալ Գ․Պետրոսյանն ունի ամսական եկամուտ, ուստի նրա նկատմամբ տուգանք պատժատեսակի պատժաչափը պետք է որոշվի վերջինիս՝ հանցանքն ավարտվելու օրվան նախորդող 12 ամիսների ընթացքում ստացած միջին ամսական եկամտի 35 տոկոսի չափով, որը ՀՀ Պետական եկամուտների կոմիտեի կողմից տրամադրված՝ մեղադրյալ Գևորգ Արմենի Պետրոսյանի կողմից ստացված եկամուտների, ինչպես նաև դրանց համար վճարվող հարկերի, տուրքերի կամ այլ վճարների չափերի վերաբերյալ տեղեկատվության համաձայն՝ կազմում է 115․259 (հարյուրտասնհինգ հազար երկու հարյուր հիսունինը) ՀՀ դրամ (հիմք՝ ՀՀ պետական եկամուտների կոմիտեի գրությունը)։
Վերոգրյալի համատեքստում Դատարանը գտնում է, որ մեղադրյալ Գ․Պետրոսյանի նկատմամբ պետք է պատիժ նշանակել ՀՀ քրեական օրենսգրքի 396-րդ հոդվածի 1-ին մասի սանկցիայով նախատեսված տուգանք՝ ամսական եկամտի հնգապատիկի՝ 576․295 (հինգ հարյուր յոթանասունվեց հազար երկու հարյուր ինսունհինգ) ՀՀ դրամի չափով։
ՀՀ քրեական օրենսգրքի 79-րդ հոդվածի 4-րդ մասի համաձայն՝ անազատության մեջ գտնվող անձի նկատմամբ տուգանքի, որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու, զինվորական ծառայության մեջ սահմանափակման ձևով հիմնական պատիժ նշանակելիս դատարանը, հաշվի առնելով մինչև դատավճիռ կայացնելը, անկախ Հայաստանի Հանրապետության իրավազորությունից, փաստացի անազատության մեջ գտնվելու ժամկետը, մեղմացնում է նշանակված պատիժը կամ ազատում է պատիժը կրելուց:
Դատարանը հարկ է համարում նշել, որ թեև ՀՀ քրեական օրենսգիրքը չի նախատեսում կոնկրետ չափանիշներ պատիժը մեղմացնելու կամ պատժից ազատելու կառուցակարգերը կիրառելու համար, սակայն Դատարանի գնահատմամբ միակ օրենսդրական հնարավորությունը, որի հաշվառմամբ հնարավոր է որոշակիացնել, թե ինչ կարգով և ինչ չափով պետք է տեղի ունենա պատժի մեղմացումը կամ պատիժը կրելուց ազատելը, հանդիսանում է ՀՀ քրեական օրենսգրքի 59-րդ հոդվածի 11-րդ մասով նախատեսված կարգավորումը, համաձայն որի՝ (…) տուգանքը փոխարինվում է ազատազրկմամբ` ազատազրկման 3 օրը հաշվարկելով նվազագույն աշխատավարձի դիմաց: Թեև նշված նորմը կոչված է կարգավորելու այլ իրավական հարաբերություններ, այնուամենայնիվ Դատարանի գնահատմամբ այն կարող է կիրառվել նաև տուգանք պատժատեսակը մեղմացնելու կամ պատժի կրումից ազատելու կառուցակարգի գործարկման համատեքստում, քանի որ ՀՀ քրեական օրենսգրքի 79-րդ հոդվածը որևէ չափորոշիչ չի նախատեսում:
Հաշվի առնելով վերոգրյալը, ինչպես նաև այն հանգամանքը, որ սույն քրեական վարույթով մեղադրյալ Գևորգ Պետրոսյանը 2025 թվականի ապրիլի 4-ից մինչև 2025 թվականի ապրիլի 5-ը գտնվել է փաստացի անազատության մեջ՝ Դատարանը գտնում է, որ ՀՀ քրեական օրենսգրքի 79-րդ հոդվածի 4-րդ մասի կիրառմամբ Գևորգ Արմենի Պետրոսյանի նկատմամբ տուգանքի ձևով նշանակված պատիժը պետք է մեղմացնել՝ մեղադրյալի նկատմամբ վերջնական պատիժ նշանակելով տուգանք՝ 551․295 (հինգ հարյուր հիսունմեկ հազար երկու հարյուր ինսունհինգ) ՀՀ դրամի չափով։
ՀՀ քրեական օրենսգրքի 59-րդ հոդվածի 8-րդ մասի համաձայն՝ եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում (…)։
Միաժամանակ, Դատարանը, հաշվի առնելով այն հանգամանքը, որ մեղադրյալ Գևորգ Արմենի Պետրոսյանը խնդրել է թույլատրել տուգանքը վճարել մաս առ մաս, և հիմք ընդունելով ՀՀ քրեական օրենսգրքի 59-րդ հոդվածի 8-րդ մասի իրավակարգավորումները, գտնում է, որ մեղադրյալին պետք է հնարավորություն տալ նշանակված 551․295 (հինգ հարյուր հիսունմեկ հազար երկու հարյուր ինսունհինգ) ՀՀ դրամի չափով տուգանքը վճարել մաս առ մաս՝ 12 (տասներկու) ամսվա ընթացքում՝ ըստ նրա և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի։
Անդրադառնալով մեղադրյալ Գ․Պետրոսյանի նկատմամբ ընտրված խափանման միջոցի հարցին՝ Դատարանը գտնում է, որ նրա նկատմամբ որպես խափանման միջոց ընտրված բացակայելու արգելքը պետք է թողնել անփոփոխ՝ մինչև դատավճռի օրինական ուժի մեջ մտնելը:
Անդրադառնալով ապացույցների տնօրինման և պահպանման հարցին՝ Դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց ճանաչված՝ Գևորգ Պետրոսյանի և Սոս Բաղդասարյանի անձնական խուզարկությամբ հայտնաբերված 7,14 գրամ քաշով «Մարիխուանա» տեսակի թմրամիջոցի և 0,03 գրամ քաշով «Մեթամֆետամին» տեսակի թմրամիջոցի հարցը պետք է թողնել լուծելու թիվ 11812325 քրեական վարույթով։
Նկատի ունենալով այն հանգամանքը, որ քրեական գործով գույքային հայց, գույք բռնագրավելու անհրաժեշտություն, արգելադրված գույք առկա չեն՝ Դատարանն այդ հարցերին չի անդրադառնում:
Միևնույն ժամանակ, Դատարանը, նկատի ունենալով համաձայնությամբ տուգանք նշանակելու վարույթ կիրառելու հանգամանքը, և ղեկավարվելով ՀՀ քրեական դատավարության օրենսգրքի 464.9 հոդվածի 4-րդ մասով, փաստում է, որ ՀՀ քրեական դատավարության օրենսգրքի 167-րդ հոդվածի 1-ին մասով նախատեսված վարութային ծախսերը՝ առկայության դեպքում, մեղադրյալից ենթակա չեն բռնագանձման, ուստի վարութային ծախսերի հարցը պետք է համարել լուծված:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 30-31-րդ, 99-րդ, 347-350-րդ, 364-րդ, 464.9-464.10 հոդվածներով՝ Դատարանը

Վ Ճ Ռ Ե Ց

Գևորգ Արմենի Պետրոսյանին մեղավոր ճանաչել ՀՀ քրեական օրենսգրքի 396-րդ հոդվածի 1-ին մասով և նրա նկատմամբ պատիժ նշանակել տուգանք՝ ամսական եկամտի հնգապատիկի՝ 576․295 (հինգ հարյուր յոթանասունվեց հազար երկու հարյուր ինսունհինգ) ՀՀ դրամի չափով:
ՀՀ քրեական օրենսգրքի 79-րդ հոդվածի 4-րդ մասի կիրառմամբ Գևորգ Արմենի Պետրոսյանի նկատմամբ նշանակված պատիժը մեղմացնել և վերջնական պատիժ նշանակել տուգանք՝ 551․295 (հինգ հարյուր հիսունմեկ հազար երկու հարյուր ինսունհինգ) ՀՀ դրամի չափով:
Թույլատրել Գևորգ Արմենի Պետրոսյանին դատավճռով նշանակված 551․295 (հինգ հարյուր հիսունմեկ հազար երկու հարյուր ինսունհինգ) ՀՀ դրամի չափով տուգանքը վճարել մաս առ մաս՝ 12 (տասներկու) ամսվա ընթացքում՝ ըստ նրա և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Գևորգ Արմենի Պետրոսյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո իրեղեն ապացույց ճանաչված՝ 7,14 գրամ քաշով «Մարիխուանա» տեսակի թմրամիջոցի և 0,03 գրամ քաշով «Մեթամֆետամին» տեսակի թմրամիջոցի հարցը թողնել լուծելու թիվ 11812325 քրեական վարույթով։
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերով, կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:

ԴԱՏԱՎՈՐ Մ.ԱՐԶՈւՄԱՆՅԱՆ