ԵԴ1/2253/01/25

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ
ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2025թ․ օգոստոսի <<12>> ք․Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

Նախագահող դատավոր Ա.Հովհաննիսյան
դատական նիստերի քարտուղար Մ․Հովհաննիսյան
հանրային մեղադրող Ռ.Հարությունյան

դռնբաց դատական նիստում քննեց քրեական վարույթն ըստ մեղադրանքի՝ Արտակ Արթուրի Ասատրյանի՝ ծնված 1994 թվականի հունվարի 19-ին, ազգությամբ հայ, ՀՀ քաղաքացի, բարձրագույն կրթությամբ, չամուսնացած, չի աշխատում, դատվածություն ունեցող, հաշվառված և բնակվող՝ Երևան քաղաքի Նոր Նորքի 7-րդ զանգվածի 47-րդ շենքի 5-րդ բնակարանում: Հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով՝ 4 դրվագ․ որպես խափանման միջոց է կիրառվել բացակայելու արգելքը:
Վարութային նախապատմությունը․
2025 թվականի փետրվարի 14-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Կիրակոսյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60167425 քրեական վարույթը։
2025 թվականի մարտի 19-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Կիրակոսյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60226025 քրեական վարույթը։
2025 թվականի մարտի 20-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Կիրակոսյանի որոշմամբ թիվ 60226025 քրեական վարույթը միացվել է թիվ 60167425 քրեական վարույթին և նախաքննությունը շարունակվել է 60167425 համարի ներքո:
2025 թվականի մայիսի 7-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Կիրակոսյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60293625 քրեական վարույթը։
2025 թվականի մայիսի 12-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Կիրակոսյանի որոշմամբ թիվ 60293625 քրեական վարույթը միացվել է թիվ 60167425 քրեական վարույթին և նախաքննությունը շարունակվել է 60167425 համարի ներքո:
2025 թվականի հունիսի 5-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Մ.Կոստանդյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60331025 քրեական վարույթը։
2025 թվականի հունիսի 12-ի ՀՀ դատախազության Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ռ.Հարությունյանի որոշմամբ Արտակ Արթուրի Ասատրյանի նկատմամբ հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով՝ 3 դրվագ:
2025 թվականի հունիսի 13-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Կիրակոսյանի որոշմամբ Արտակ Արթուրի Ասատրյանի նկատմամբ որպես խափանման միջոց է կիրառվել բացակայելու արգելքը։
2025 թվականի հունիսի 20-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Կիրակոսյանի որոշմամբ թիվ 60331025 քրեական վարույթը միացվել է թիվ 60167425 քրեական վարույթին և նախաքննությունը շարունակվել է 60167425 համարի ներքո:
2025 թվականի հունիսի 23-ի ՀՀ դատախազության Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ռ.Հարությունյանի որոշմամբ Արտակ Արթուրի Ասատրյանի նկատմամբ հանրային քրեական հետապնդում է հարուցվել քրեական օրենսգրքով նախատեսված այն հանցանքի կատարման համար, որ նա ՀՀ ՆԳՆ ոստիկանության պարեկային ծառայության կողմից թիվ 8180415844 վարչական իրավախախտման գործով 2024 թվականի դեկտեմբերի 9-ին կայացված որոշմամբ 1 (մեկ) տարի ժամանակով զրկվել է տրանսպոտրային միջոցներ վարելու իրավունքից՝ սկսած 2024 թվականի դեկտեմբերի 9-ից մինչև 2025 թվականի դեկտեմբերի 9-ը։ Ծանուցված լինելով, որ զրկված է տրանսպոտրային միջոցներ վարելու իրավունքից, Արտակ Արթուրի Ասատրյանը 2025 թվականի փետրվարի 3-ին` ժամը 02:15-ին, Երևան քաղաքի Լեոյի փողոցում վարել է <<Տոյոտա>> մակնիշի 37 AL 738 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8259012543 արձանագրությունը:
Այսինքն՝ Արտակ Արթուրի Ասատրյանին մեղսագրվում է պատժի սպառնալիքով արգելված, մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 1-ին մասով։
Բացի այդ, Արտակ Արթուրի Ասատրյանը ՀՀ ՆԳՆ ոստիկանության պարեկային ծառայության կողմից թիվ 8180415844 վարչական իրավախախտման գործով 2024 թվականի դեկտեմբերի 9-ին կայացված որոշմամբ 1 (մեկ) տարի ժամանակով զրկվել է տրանսպոտրային միջոցներ վարելու իրավունքից՝ սկսած 2024 թվականի դեկտեմբերի 9-ից մինչև 2025 թվականի դեկտեմբերի 9-ը: Ծանուցված լինելով, որ զրկված է տրանսպոտրային միջոցներ վարելու իրավունքից, Արտակ Արթուրի Ասատրյանը 2025 թվականի փետրվարի 18-ին՝ ժամը 03:16-ին, Երևան քաղաքի Թևոսյան փողոցում վարել է <<Տոյոտա>> մակնիշի 37 AL 738 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8259007604 արձանագրությունը:
Այսինքն՝ Արտակ Արթուրի Ասատրյանին մեղսագրվում է պատժի սպառնալիքով արգելված, մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 1-ին մասով:
Բացի այդ, Արտակ Արթուրի Ասատրյանը ՀՀ ՆԳՆ ոստիկանության պարեկային ծառայության կողմից թիվ 8180415844 վարչական իրավախախտման գործով 2024 թվականի դեկտեմբերի 9-ին կայացված որոշմամբ 1 (մեկ) տարի ժամանակով զրկվել է տրանսպոտրային միջոցներ վարելու իրավունքից՝ սկսած 2024 թվականի դեկտեմբերի 9-ից մինչև 2025 թվականի դեկտեմբերի 9-ը: Ծանուցված լինելով, որ զրկված է տրանսպոտրային միջոցներ վարելու իրավունքից, Արտակ Արթուրի Ասատրյանը 2025 թվականի ապրիլի 16-ին՝ ժամը 23:55-ին, Երևան քաղաքի Սայաթ-Նովա պողոտայում վարել է <<Տոյոտա>> մակնիշի 37 AL 738 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8259039560 արձանագրությունը:
Այսինքն՝ Արտակ Արթուրի Ասատրյանին մեղսագրվում է պատժի սպառնալիքով արգելված, մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 1-ին մասով:
Բացի այդ, Արտակ Արթուրի Ասատրյանը ՀՀ ՆԳՆ ոստիկանության պարեկային ծառայության կողմից թիվ 8180415844 վարչական իրավախախտման գործով 2024 թվականի դեկտեմբերի 9-ին կայացված որոշմամբ 1 (մեկ) տարի ժամանակով զրկվել է տրանսպոտրային միջոցներ վարելու իրավունքից՝ սկսած 2024 թվականի դեկտեմբերի 9-ից մինչև 2025 թվականի դեկտեմբերի 9-ը: Ծանուցված լինելով, որ զրկված է տրանսպոտրային միջոցներ վարելու իրավունքից, Արտակ Արթուրի Ասատրյանը 2025 թվականի մայիսի 1-ին՝ ժամը 01:55-ին, Երևան քաղաքի Թումանյան փողոցում վարել է <<Կիա>> մակնիշի 149 GT 61 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8259030573 արձանագրությունը:
Այսինքն՝ Արտակ Արթուրի Ասատրյանին մեղսագրվում է պատժի սպառնալիքով արգելված, մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 1-ին մասով:
Այսպիսով՝ Արտակ Արթուրի Ասատրյանին մեղսագրվում են պատժի սպառնալիքով արգելված, մեղավորությամբ կատարված արարքներ՝ նախատեսված ՀՀ քրեական օրենսգրքի 344-րդ հոդվածի 1-ին մասով՝ 4 դրվագ:
2025 թվականի հունիսի 27-ին թիվ 60167425 քրեական գործը մեղադրական եզրակացությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան։
Ապացույցների հետազոտումը և գնահատումը․
Հիմնական դատալսումների ընթացքում մեղադրյալ Արտակ Ասատրյանը, օգտվելով իր քրեադատավարական իրավունքից, հրաժարվել է ցուցմունք տալուց:
2025 թվականի հունիսի 24-ի մեղադրյալի հարցաքննության մասին արձանագրության համաձայն. <<Ինձ ներկայացված մեղադրանքի շուրջ դիրքորոշում չեմ հայտնում և օգտվելով իմ իրավունքից՝ չեմ ցանկանում ցուցմունք տալ: Ցուցմունքիս ավելացնելու ոչինչ չունեմ>>:
2025 թվականի հունիսի 4-ի զննում կատարելու մասին արձանագրության համաձայն՝ զննությամբ պարզվել է, որ 2025 թվականի փետրվարի 3-ին՝ ժամը 02:20-ին, Երևան քաղաքի Սարյան փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի պարեկ Սուրեն Փաշայանի (կրծքանշան թիվ 08367) կողմից կազմվել է վարչական իրավախախտման վերաբերյալ թիվ 8259012543 արձանագրությունը, համաձայն որի՝ Արտակ Արթուրի Ասատրյանը (ծնված՝ 1994 թվականի հունվարի 19-ին) զրկված լինելով տրանսպորտային միջոցներ վարելու իրավունքից՝ ժամը 02:15-ին Երևան քաղաքի Լեոյի փողոցում՝ վարել է <<Տոյոտա>> մակնիշի 37 Al 738 հաշվառման համարանիշի տրանսպորտային միջոցը։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է <<հրաժարվեց ստորագրելուց>> գրառումը։

ՀՀ ՆԳՆ ոստիկանության <<Ճանապարհային ոստիկանություն>> ծառայության էլեկտրոնային ռեգիստրից ստացված տեղեկատվության զննությամբ պարզվել է, որ Արտակ Արթուրի Ասատրյանի անվամբ թիվ RB778806 վարորդական վկայականի կարգավիճակը զրկված է, սկիզբ՝ 2024 թվականի դեկտեմբերի 9, ավարտ՝ 2025 թվականի դեկտեմբերի 9:
2024 թվականի դեկտեմբերի 9-ին՝ ժամը 02:40-ին, Երևան քաղաքի Սուրբ Գրիգոր Լուսավորչի փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 1-ին վաշտի պարեկ Արտակ Սաֆարյանի (կրծքանշան թիվ 11409) կողմից կազմվել է վարչական իրավախախտման վերաբերյալ թիվ 8180415844 արձանագրությունը, համաձայն որի՝ Արտակ Արթուրի Ասատրյանը ժամը 02:15-ին Երևան քաղաքի Սուրբ Գրիգոր Լուսավորչի փողոցում ոչ սթափ վիճակում վարել է <<Մերսեդես>> մակնիշի 37 EO 357 հաշվառման համարանիշի տրանսպորտային միջոցը:
Արձանագրությանը ծանոթացա, իմ իրավուքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն:
Նույն օրը կայացված թիվ 8180415844 որոշմամբ Արտակ Ասատրյանը 1 (մեկ) տարի ժամկետով զրկվել է տրանսպորտային միջոցներ վարելու իրավունքից։
<<Որոշման պատճենը և կատարման կարգի մասին քաղվածքն ստացա>> հատվածում առկա է ստորագրություն:
Ալկոհոլի պարունակության ստուգման կտրոնի զննությամբ պարզվել է, որ ստուգաչափման սարքի համարն է՝ 91181208, զննման համարը՝ 02474, զննման ամսաթիվը՝ 2024 թվականի դեկտեմբերի 9, զննման ժամը՝ 02:35:48, վերջին ստուգաչափման ամսաթիվը՝ 2024 թվականի սեպտեմբերի 24, դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.667մգ/լ, վարորդի անունն է՝ Արտակ, ազգանունը՝ Ասատրյան, տրանսպորտային միջոցի համարանիշը՝ 37 EO 357, Պ/Ծ ազգանունը՝ Սաֆարյան, կրծքանշանի համարը՝ 11409, ստորաբաժանում՝ 3-րդ գումարտակ, 1-ին վաշտ:
ՀՀ էկոնոմիկայի նախարարության <<Ստանդարտացման և չափագիտության ազագային մարմին>> ՓԲ ընկերության կողմից տրված թիվ 135690 ստուգաչափման վկայականի զննությամբ պարզվել է, որ վկայականն ուժի մեջ է 2024 թվականի սեպտեմբերի 24-ից մինչև 2025 թվականի սեպտեմբերի 24-ը, ստուգաչափման սարքի գործարանային համարն է 91101208, տեսակը՝ Jupiter X/RP, չափման տիրույթը՝ 0.00+2.000մգ/լ, ճշտության դասը, կարգը /սխալանքը/ ±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրույթուն և նշված է Ա.Մանուկյան, իսկ բաժնի (լաբորատորիայի վարիչ) անվան դիմաց առկա է ստորագրույթյուն և նշված է Գ.Մարտիրոսյան:
2025 թվականի փետրվարի 18-ին՝ ժամը 03:23-ին, Երևան քաղաքի Թևոսյան փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի կրտսեր պարեկ Բաբկեն Սարգսյանի (կրծքանշան թիվ 00573) կողմից կազմվել է վարչական իրավախախտման վերաբերյալ թիվ 8259007604 արձանագրությունը, համաձայն որի՝ Արտակ Արթուրի Ասատրյանը զրկված լինելով տրանսպորտային միջոցներ վարելու իրավունքից՝ 2025 թվականի փետրվարի 18-ին՝ ժամը 03:16-ին Երևան քաղաքի Թևոսյան փողոցում՝ վարել է <<Տոյոտա>> մակնիշի 37 Al 738 հաշվառման համարանիշի տրանսպորտային միջոցը:
Արձանագրության վարչական իրավախախտում կատարած անձի բացատրությունը և դիտողությունը՝ նշելու հատվածում առկա է <<Քաղաքացին հրաժարվեց ստորագրելուց, բացատրություններ ներկայացնելուց ինպես նաև ապացույցներ ներկայացնելուց>> գրառումը:
2025 թվականի ապրիլի 17-ին՝ ժամը 00:06-ին, Երևան քաղաքի Թևոսյան փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 3-րդ վաշտի պարեկ Գևորգ Գևորգյանի (կրծքանշան թիվ 04074) կողմից կազմվել վարչական իրավախախտման վերաբերյալ թիվ 8259039560 արձանագրությունը, համաձայն որի՝ Արտակ Արթուրի Ասատրյանը զրկված լինելով տրանսպորտային միջոցներ վարելու իրավունքից՝ 2025 թվականի ապրիլի 16-ին՝ ժամը 23:55-ին Երևան քաղաքի Սայաթ-Նովա փողոցում՝ վարել է <<Տոյոտա>> մակնիշի 37 AT 738 հաշվառման համարանիշի տրանսպորտային միջոցը։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է <<Քաղաքացին հրաժարվեց ստորագրել և բացատրություններ տալ>> գրառումը:
Զննությամբ քննությանը հետաքրքրություն ներկայացնող այլ տվյալներ չեն հայտնաբերվել:
2025 թվականի հունիսի 5-ի արտավարութային փաստաթուղթ ճանաչելու մասին որոշման համաձայն՝ Արտակ Արթուրի Ասատրյանի նկատմամբ կազմված վարչական իրավախախտման վերաբերյալ թիվ 8259012543, 8180415844, 8025007604, 8259039560 արձանագրությունների, ալկոհոլի պարունակության ստուգման թիվ 02474 կտրոնի, ստուգաչափման թիվ 135690 վկայականի, ՀՀ ՆԳՆ ոստիկանության <<Ճանապարհային ոստիկանություն>> ծառայության էլեկտրոնային ռեգիստրից ստացված տեղեկատվության պատճենները արտավարութային փաստաթուղթ են ճանաչվել:
2025 թվականի հունիսի 20-ի զննում կատարելու մասին արձանագրության համաձայն՝ զննությամբ պարզվել է, որ 2025 թվականի մայիսի 1-ին՝ ժամը 02:00-ին, Երևան քաղաքի Մաշտոցի պողոտայում ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի կրտսեր պարեկ Նարեկ Համբարձումյանի (կրծքանշան թիվ 06660) կողմից կազմվել է վարչական իրավախախտման վերաբերյալ թիվ 8259030573 արձանագրությունը, համաձայն որի՝ Արտակ Արթուրի Ասատրյանը (ծնված՝ 1994 թվականի հունվարի 19-ին) զրկված լինելով տրանսպորտային միջոցներ վարելու իրավունքից՝ ժամը 01:55-ին Երևան քաղաքի Թումանյան փողոցում՝ վարել է <<Կիա>> մակնիշի 149 GT 61 հաշվառման համարանիշի տրանսպորտային միջոցը։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է <<Համաձայն չեմ իրավախախտման արձանագրման հետ>> գրառումը և ստորագրություն:
<<Արձանագրությանը ծանոթացա, իմ իրավուքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն>>:
Զննությամբ քննությանը հետաքրքրություն ներկայացնող այլ տվյալներ չեն հայտնաբերվել:
2025 թվականի հունիսի 20-ի արտավարութային փաստաթուղթ ճանաչելու մասին որոշման համաձայն՝ Արտակ Արթուրի Ասատրյանի նկատմամբ կազմված վարչական իրավախախտման վերաբերյալ թիվ 8259030573 արձաագրության պատճեննարտավարութային փաստաթուղթ է ճանաչվել:
ՀՀ ՆԳՆ ոստիկանության ինֆորմացիոն կենտրոնի պահանջագրի համաձայն՝ Արտակ Արթուրի Ասատրյանը 2024 թվականի հուլիսի 25-ի Երևան քաղաքի առաջին ատյանի ընդհանուր իրավասության քրեական դատարանի դատավճռով ՀՀ քրեական օրենսգրքի 344-րդ հոդվածի 1-ին մասով՝ 5 դրվագ դատապարտվել է տուգանքի՝ 1.800.000 ՀՀ դրամի չափով, որի վճարումը տարաժամակետվել է 1 տարի ժամկետով: Տուգանքը փաստացի կատարվել է 2025 թվականի մայիսի 8-ին:
Բացի այդ, Արտակ Ասատրյանը 2024 թվականի օգոստոսի 5-ի Երևան քաղաքի առաջին ատյանի ընդհանուր իրավասության քրեական դատարանի թիվ ԵԴ1/1729/01/24 դատավճռով ՀՀ քրեական օրենսգրքի 344-րդ հոդվածի 2-րդ մասով դատապարտվել է տուգանքի՝ 375.000 ՀՀ դրամի չափով, որի վճարումը տարաժամակետվել է 10 ամիս ժամկետով:
Այնուհետև, 2025 թվականի մայիսի 8-ի Կոտայքի մարզի ընդհանուր իրավասության դատարանի դատավճռով Արտակ Ասատրյանը ՀՀ քրեական օրենսգրքի 344-րդ հոդվածի 2-րդ մասով դատապարտվել է հանրային աշխատանքների՝ 120 ժամ տևողությամբ, որին գումարվել է թիվ ԵԴ1/1729/01/24 դատավճռով նշանակված 375.000 ՀՀ դրամի չափով տուգանքը, և վերջնական պատիժ է նշանակվել հանրային աշխատանքների՝ 120 ժամ տևողությամբ և տուգանք՝ 375.000 ՀՀ դրամի չափով: Տուգանքի վճարման համար սահմանվել է 6 ամիս ժամկետ:
Դատարանի իրավական վերլուծությունները.
ՀՀ վճռաբեկ դատարանը 2013 թվականի մայիսի 8-ի թիվ ԵԿԴ/0168/01/12 որոշմամբ դիրքորոշում է հայտնել, որ ապացույցների գնահատումը կատարվում է ներքին համոզման հիման վրա: Ներքին համոզմունքը, որպես ապացույցների գնահատման արդյունք, բնութագրվում է օբյեկտիվ և սուբյեկտիվ գործոնների անխզելի կապով. այն, մի կողմից, պետք է բխի հետազոտվող ապացույցների բավարար համակցությունից և հիմնվի դրանց վրա, իսկ մյուս կողմից, անկողմնակալ դիտորդի մոտ պետք է առաջացնի այն վստահությունը, որ ապացույցները հետազոտվել են արդարության բոլոր պահանջների պահպանմամբ:
Հանցանք կատարելու մեջ անձի մեղավորությունը հաստատելիս ապացույցների բավարարությունը որոշելու հարցին ՀՀ վճռաբեկ դատարանն անդրադարձել է Արարատ Ավագյանի և Վահան Սահակյանի վերաբերյալ գործով 2014 թվականի հոկտեմբերի 31-ի թիվ ԵԿԴ/0252/01/13 որոշմամբ: Մասնավորապես` իրացնելով օրենքի միատեսակ կիրառությունն ապահովելու իր սահմանադրական գործառույթը` Վճռաբեկ դատարանը հիշատակված դատական ակտում նախադեպային նշանակության իրավական դիրքորոշումներ է արտահայտել առ այն, որ գործի լուծման համար բավարար ապացույցներ ասելով` պետք է հասկանալ թույլատրելի, վերաբերելի և արժանահավատ ապացույցների համակցություն, որը, հաղթահարելով անմեղության կանխավարկածը, անաչառ դիտորդի մոտ կձևավորի հիմնավոր կասկածից վեր համոզվածություն անձի մեղավորության վերաբերյալ, ինչպես նաև կհաստատի գործով ապացուցման առարկան կազմող մյուս հանգամանքները և հնարավորություն կտա կայացնել հիմնավորված և պատճառաբանված որոշում: Ապացույցների բավարարությունը չի կարող որոշվել թվաբանական ցուցանիշով: Ակնհայտ է, որ ապացույցները բավարար չեն, եթե`
1) գործում բացակայում է որևէ ապացույց գործի ճիշտ լուծման համար նշանակություն ունեցող որևէ հանգամանքի պարզման համար,
2) եղած ապացույցը թույլ չի տալիս պարզել այդ հանգամանքն անհրաժեշտ խորությամբ և լրիվությամբ,
3) այդ հանգամանքի ապացուցվածությունը կասկած է հարուցում (...):
Արդյունքում՝ Վճռաբեկ դատարանն արձանագրել է, որ քրեական դատավարությունում մեղքի հարցը լուծելիս որպես ապացույցների բավարարության շեմ պետք է գործի <<հիմնավոր կասկածից վեր>> ապացուցողական չափանիշը: Ընդ որում` <<հիմնավոր կասկածից վեր>> ապացուցողական չափանիշ ասելով պետք է հասկանալ փաստական տվյալների (ապացույցների) այնպիսի համակցություն, որը բացառում է հակառակի ողջամիտ հավանականությունը: Վերոգրյալը չի նշանակում, որ հանցանք գործելու մեջ անձի մեղավորությունն ընդհանրապես չի կարող առաջացնել որևէ կասկած, սակայն այդպիսի կասկածի հավանականության դեպքում դրա աստիճանը պետք է լինի աննշան (խիստ ցածր): Այլ խոսքով` մեղադրանքը կազմող յուրաքանչյուր փաստական հանգամանք պետք է հիմնավորվի ապացույցների այնպիսի ծավալով, որը կբացառի դրա ապացուցվածության վերաբերյալ ցանկացած ողջամիտ կասկած (...):
Անդրադառնալով մեղադրյալ Արտակ Ասատրյանի արարքում ՀՀ քրեական օրենսգրքի 344-րդ հոդվածի 1-ին մասով՝ 4 դրվագ նախատեսված հանցանքների առկայության կամ բացակայության հարցին՝ Դատարանը գտնում է, որ դրանք հիմնավոր կասկածից վեր ապացուցողական չափանիշով հաստատվում են սույն քրեական գործի շրջանակներում ձեռք բերված ապացույցներով, այլ կերպ ասած՝ ապացուցված է Արտակ Արթուրի Ասատրյանի մեղավորությունը ՀՀ քրեական օրենսգրքի 344-րդ հոդվածի 1-ին մասով՝ 4 դրվագ, նախատեսված հանցավոր արարքների կատարման մեջ:
Դատարանը, ուսումնասիրելով Արտակ Արթուրի Ասատրյանի պատասխանատվությունը և պատիժը մեղմացնող ու ծանրացնող հանգամանքները, վերասոցիալականացման և իրավահպատակ վարքագծի ձևավորման համար նշանակություն ունեցող տվյալները, եկավ հետևյալ եզրահանգման.
Արտակ Արթուրի Ասատրյանի անձը դրականորեն բնութագրող հանգամանք է բարձրագույն կրթություն ունենալը:
Դատարանն Արտակ Արթուրի Ասատրյանի քրեական պատասխանատվություն ու պատիժը մեղմացնող հանգամանք է դիտում մեղքն ընդունելը և կատարածի համար զղջալը:
Ընդ որում, սույն մեղմացնող հանգամանքները վերագրվում են մեղսագրվող չորս դրվագներին:
Միաժամանակ, պետք է արձանագրել, որ Արտակ Արթուրի Ասատրյանի պատասխանատվությունն ու պատիժը ծանրացնող հանգամանք է հանցանքը դատվածություն ունեցող անձի կողմից կատարելը։
Մասնավորապես, Ինֆորմացիոն կենտրոնի պահանջագրի և <<Դատալաեքս>> տեղեկատվական համակարգի ուսումնասիրությամբ պարզ է դառնում, որ Արտակ Ասատրյանի վերաբերյալ թիվ ԵԴ1/1023/01/24 քրեական գործով դատավճիռն օրինական ուժի մեջ է մտել 2024 թվականի օգոստոսի 20-ին, իսկ տուգանքի գումարը փաստացի վճարվել է 2025 թվականի մայիսի 8-ին: Ստացվում է, որ Արտակ Ասատրյանը փաստացի 2024 թվականի օգոստոսի 20-ից մինչև առնվազն 2025 թվականի մայիսի 8-ն ունեցել է դատվածություն, իսկ սույն գործով վերջինին մեղսագրվող արարքները կատարվել են 2025 թվականի փետրվարի 3-ին, 2025 թվականի փետրվարի 18-ին, 2025 թվականի ապրիլի 16-ին և 2025 թվականի մայիսի 1-ին, այսինքն՝ դատվածություն ունենալու պայմաններում:
Կատարված արարքների համար դատապարտված մեղադրյալ Արտակ Արթուրի Ասատրյանը ենթակա է քրեական պատասխանատվության և պատժի։
ՀՀ վճռաբեկ դատարանը 2010 թվականի օգոստոսի 27-ի թիվ ՍԴ/0293/01/09 որոշմամբ դիրքորոշում է հայտնել, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձը բնութագրող տվյալները և, քրեական օրենքով նախատեսված պահանջներից ելնելով, հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ է և բավարար է այդ անձին ուղղելու և նրա կողմից նոր հանցանքի կատարումը կանխելու համար: Պատժի տեսակի և չափի որոշման ժամանակ դատարանը պետք է հաշվի առնի կատարված հանցագործության՝ հանրության համար վտանգավորության աստիճանն ու բնույթը, հանցավորի անձը բնութագրող տվյալները, այդ թվում՝ նրա պատասխանատվությունը մեղմացնող և (կամ) ծանրացնող հանգամանքները:
Դատարանը, հաշվի առնելով Արտակ Արթուրի Ասատրյանի կատարած արարքների բնույթը և հանրային վտանգավորության աստիճանը, մասնավորապես՝ այն, որ վերջինի կատարած հանցանքները հանդիսանում են ոչ մեծ ծանրության հանցագործություններ, այդ թվում՝ նրա գործողությունների վտանգավորության աստիճանը, անձը բնութագրող, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ մեղադրյալի կատարած արարքների համար քրեական օրենսգրքի համապատասխան հոդվածի սանկցիայով նախատեսված է պատիժ նաև հանրային աշխատանքների ձևով, իսկ ՀՀ քրեական օրենսգրքի 69-րդ հոդվածի 3-րդ մասի կարգավորմամբ՝ ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները, գտնում է՝ Արտակ Արթուրի Ասատրյանի նկատմամբ ՀՀ քրեական օրենսգրքի 344-րդ հոդվածի 1-ին մասով՝ 4 դրվագներից յուրաքանչյուրով պատիժ պետք է նշանակել հանրային աշխատանքներ՝ 70 (վաթսուն) ժամ տևողությամբ:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները մասնակի գումարելու միջոցով Արտակ Արթուրի Ասատրյանի նկատմամբ վերջնական պատիժ պետք է նշանակել հանրային աշխատանքներ՝ 270 (երկու հարյուր յոթանասուն) ժամ տևողությամբ:
Ընդ որում, պատժի տեսակն ընտրելիս Դատարանի կողմից կարևորվում է դատական նիստի ընթացքում մեղադրյալ Արտակ Ասատրյանի հայտարարությունը, ըստ որի՝ չի կարող վճարել տուգանք, հետևաբար՝ համաձայն է, որ իր նկատմամբ նշանակվի հանրային աշխատանքներ պատժատեսակը:
Այսինքն, ստացվում է, որ մեղադրյալ Արտակ Ասատրյանի նկատմամբ ստեղծված իրադրությունում տուգանք պատժատեսակի նշանակումը կկրի ձևական բնույթ և չի ծառայի քրեական օրենսդրությամբ պատժի առջև դրված նպատակների իրագործմանը: Այլ կերպ ասած՝ բոլոր դեպքերում, պատժի տեսակն ընտրելիս պետք է առաջանորդվել դրանց փաստացի կատարվելու կանխավարկածով, այլ ոչ թե նշանակել ձևական պատիժ՝ իմանալով, որ միևնույն է կամ մեծ է հավանականությունը, որ այն ի կատար չի ածվելու: Ընդ որում, ՀՀ քրեական օրենսգրքի 59-րդ հոդվածի 7-րդ մասի կարգավորումը ևս խոսում է այն մասին, որ տուգանք նշանակելու հնարավորությունը գնահատելիս պետք է հաշվի առնել մեղադրյալի գույքային դրությունը։
Այնուհետև Դատարանը գտնում է, որ ՀՀ քրեական օրենսգրքի 74-րդ հոդվածով սահմանված պատիժները գումարելու կանոնի կիրառմամբ՝ նշանածված 270 (երկու հարյուր յոթանասուն) տևողությամբ հանրային աշխատանքներին պետք է գումարել Կոտայքի մարզի ընդհանուր իրավասության առաջին ատյանի դատարանի 2025 թվականի մայիսի 8-ի թիվ ԿԴ/0863/01/24 դատավճռով նշանակված 375.000 ՀՀ դրամի չափով տուգանքը և վերջնական պատիժ նշանակել հանրային աշխատանքներ՝ 270 (երկու հարյուր յոթանասուն) ժամ տևողությամբ և տուգանք՝ 375.000 (երեք հարյուր յոթանասունհինգ հազար) ՀՀ դրամի չափով
Ինչ վերաբերում է նշված թիվ ԿԴ/0863/01/24 դատավճռով Արտակ Ասատրյանի նկատմամբ նշանակված 120 ժամ տևողությամբ հանրային աշխատանքներին, ապա Դատարանի գնահատմամբ այն չի կարող գումարվել սույն դատավճռով նշանակված հանրային աշխատանքներին նախ այն պատճառաբանությամբ, որ Դատարանի կողմից արդեն իսկ նշանակվել է օրենքով նախատեսված առավելագույն ժամաքանակով հանրային աշխատանքներ, և բացի այդ՝ Պրոբացիայի ծառայության աշխատակցի հետ հեռախոսազրույցի ընթացքում վերջինը նշեց, որ Արտակ Ասատրյանի նկատմամբ նշանակված հանրային աշխատանքները վերջինն ավարտելու Է օգոստոսի 29-ին, այսինքն՝ անգամ մինչև սույն դատավճռի ուժի մեջ մտնելը (նույնիսկ չբողոքարկելու դեպքում): Արդյունքում ստացվում է, որ երկու դատավճիռներով նշանակված հանրային աշխատանքների գումարումն այս իրավիճակում կկրի ձևական բնույթ և չի ծառայի պատժի նպատակներին:
Միաժամանակ, Դատարանը նկատում է, որ թիվ ԿԴ/0863/01/24 դատավճռով նշանակված տուգանքի գումարման վերջնաժամկետ է սահմանվել վեց ամիսը, ինչը նշանակում է, որ Արտակ Ասատրյանը չի ունեցել բավարար ֆինանսական միջոցներ տուգանքի գումարը միանվագ և միանգամից վճարելու, իսկ դրանից հետո վերջինի ֆինանսական դրության փոփոխության մասով տվյալներ ձեռք չեն բերվել:
ՀՀ քրեական օրենսգրքի 59-րդ հոդվածի 8-րդ մասի համաձայն՝ եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում: Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով:
ՀՀ քրեակատարողական օրենսգրքի 26-րդ հոդվածի 2-րդ մասի համաձայն՝ պրոբացիայի ծառայություն ներկայանալու դեպքում դատապարտյալը վերցվում է հաշվառման, լրացվում է հաշվառման քարտ, նրան ստորագրությամբ անհապաղ պարզաբանվում են տուգանքի կատարման կարգն ու պայմանները, իր իրավունքները և պարտականությունները, ինչպես նաև դրանց չկատարման դեպքում օրենսդրությամբ սահմանված պատասխանատվությունը։ Այն դեպքում, երբ դատարանը թույլատրել է տուգանքը մաս առ մաս վճարել, կամ տուգանքի վճարման համար սահմանվել է մինչև մեկ տարի ժամկետ, ապա կազմվում է նաև վերահսկողության պլան:
Ուստի դատավճիռն օրինական ուժի մեջ մտնելուց հետո՝ նշանակված 375.000 ՀՀ դրամը վճարելու համար Արտակ Արթուրի Ասատրյանին անհրաժեշտ է տրամադրել 6 (վեց) ամիս ժամկետ:
Անդրադառնալով դատապարտված մեղադրյալի նկատմամբ կիրառված խափանման միջոցի հարցին՝ Դատարանը գտնում է, որ Արտակ Ասատրյանի նկատմամբ կիրառված բացակայելու արգելքը, պետք է թողնել անփոփոխ մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 167-րդ հոդվածի 1-ին մաuի 1-ին, 2-րդ և 4-7-րդ կետերով նախատեսված վարութային ծախսերը մեղադրյալ Արտակ Ասատրյանից ենթակա չեն հատուցման, քանի որ նմանատիպ վարութային ծախսեր առկա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ, 342-րդ, 347-349-րդ, 353-րդ, 364-րդ հոդվածներով` Դատարան


Վ Ճ Ռ Ե Ց

Արտակ Արթուրի Ասատրյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով՝ 4 դրվագ:
ՀՀ քրեական օրենսգրքի 344-րդ հոդվածի 1-ին մասով պատիժ նշանակել հանրային աշխատանքներ՝ 70 (յոթանասուն) ժամ տևողությամբ:
ՀՀ քրեական օրենսգրքի 344-րդ հոդվածի 1-ին մասով պատիժ նշանակել հանրային աշխատանքներ՝ 70 (յոթանասուն) ժամ տևողությամբ:
ՀՀ քրեական օրենսգրքի 344-րդ հոդվածի 1-ին մասով պատիժ նշանակել հանրային աշխատանքներ՝ 70 (յոթանասուն) ժամ տևողությամբ:
ՀՀ քրեական օրենսգրքի 344-րդ հոդվածի 1-ին մասով պատիժ նշանակել հանրային աշխատանքներ՝ 70 (յոթանասուն) ժամ տևողությամբ:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները մասնակի գումարելու միջոցով Արտակ Արթուրի Ասատրյանի նկատմամբ պատիժ նշանակել հանրային աշխատանքներ՝ 270 (երկու հարյուր յոթանասուն) ժամ տևողությամբ:
ՀՀ քրեական օրենսգրքի 74-րդ հոդվածով սահմանված պատիժները գումարելու կանոնի կիրառմամբ՝ նշանածված 270 (երկու հարյուր յոթանասուն) տևողությամբ հանրային աշխատանքներին գումարել Կոտայքի մարզի ընդհանուր իրավասության առաջին ատյանի դատարանի 2025 թվականի մայիսի 8-ի թիվ ԿԴ/0863/01/24 դատավճռով նշանակված 375.000 ՀՀ դրամի չափով տուգանքը և վերջնական պատիժ նշանակել հանրային աշխատանքներ՝ 270 (երկու հարյուր յոթանասուն) ժամ տևողությամբ և տուգանք՝ 375.000 (երեք հարյուր յոթանասունհինգ հազար) ՀՀ դրամի չափով:
Դատավճիռն օրինական ուժի մեջ մտնելուց հետո՝ նշանակված 375.000 ՀՀ դրամը վճարելու համար Արտակ Արթուրի Ասատրյանին տրամադրել 6 (վեց) ամիս ժամկետ:
Արտակ Արթուրի Ասատրյանի նկատմամբ կիրառված այլընտրանքային խափանման միջոց բացակայելու արգելքը՝ դատավճիռն օրինական ուժի մեջ մտնելուց հետո, վերացնել:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից մեկամսյա ժամկետում:


ԴԱՏԱՎՈՐ Ա.ՀՈՎՀԱՆՆԻՍՅԱՆ