ԵԴ1/2246/01/25





Դ Ա Տ Ա Վ Ճ Ի Ռ

ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ


«07» հոկտեմբերի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)


Նախագահող դատավոր
դատական նիստերի քարտուղար
հանրային մեղադրող
մեղադրյալ
Էդ.Մկրտչյան
Վ.Պապոյան
Ն.Աբրահամյան
Ս.Հարությունյան


դռնբաց դատական նիստում, քննելով քրեական գործն ըստ մեղադրանքի Սամվել Աշոտի Հարությունյանի (ծնված` 1994 թվականի սեպտեմբերի 4-ին Արարատի մարզի Փոքր Վեդի գյուղում, ազգությամբ` հայ, ՀՀ քաղաքացի, միջնակարգ կրթությամբ, ամուսնացած, խնամքին են գտնվում երկու անչափահաս երեխաները, չի աշխատում, դատվածություն չունեցող (սույն քրեական գործով իրեն մեղսագրված արարքները կատարելու պահին, ՀՀ Արարատի և Վայոց ձորի մարզերի առաջին ատյանի ընդհանուր իրավասության դատարանի 2025 թվականի հունվարի 23-ի թիվ ԱՎԴ1/0286/01/24 դատավճռով Սամվել Աշոտի Հարությունյանը մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով (երկու դրվագներով) և ՀՀ քրեական օրենսգրքի 74-րդ և 75-րդ հոդվածներով սահմանված կարգով նրա նկատմամբ վերջնական պատիժ է նշանակվել հանրային աշխատանքներ՝ 150 ժամ տևողությամբ և տուգանք՝ 375.000 ՀՀ դրամի չափով, հանրային աշխատանքների կատարումն ավարտվել է 2025 թվականի հոկտեմբերի 2-ին, իսկ տուգանք պատժից վճարում չի կատարվել), բնակվում է Արարատի մարզի Փոքր Վեդի գյուղի Անուշավան Մակարյան փողոցի 15-րդ տանը)՝ ՀՀ քրեական օրենսգրքի 344-րդ հոդվածի 1-ին մասով (5 դրվագներով) և 344-րդ հոդվածի 2-րդ մասով,

Պ Ա Ր Զ Ե Ց

Գործի դատավարական նախապատմությունը.
2023 թվականի փետրվարի 3-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Սահրադյանի կողմից ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներով նախաձեռնվել է թիվ 60199223 քրեական վարույթը:
2023 թվականի փետրվարի 20-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Սահրադյանի կողմից ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներով նախաձեռնվել է թիվ 60837723 քրեական վարույթը:
2023 թվականի փետրվարի 20-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Սահրադյանի որոշմամբ թիվ 60837723 քրեական վարույթը միացվել է թիվ 60199223 քրեական վարույթին և նախաքննությունը շարունակվել է թիվ 60199223 քրեական վարույթի ներքո:
2023 թվականի նոյեմբերի 28-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Սահրադյանի կողմից ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներով նախաձեռնվել է թիվ 60500223 քրեական վարույթը:
2023 թվականի նոյեմբերի 30-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Սահրադյանի որոշմամբ թիվ 60500223 քրեական վարույթը միացվել է թիվ 60199223 քրեական վարույթին և նախաքննությունը շարունակվել է թիվ 60199223 քրեական վարույթի ներքո:
2024 թվականի ապրիլի 12-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Գևորգյանի կողմից ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներով նախաձեռնվել է թիվ 60122424 քրեական վարույթը:
2024 թվականի ապրիլի 12-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Գևորգյանի կողմից ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներով նախաձեռնվել է թիվ 60122724 քրեական վարույթը:
2024 թվականի ապրիլի 17-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Գևորգյանի կողմից ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության հատկանիշներով նախաձեռնվել է թիվ 60135824 քրեական վարույթը:
2024 թվականի ապրիլի 19-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Գևորգյանի որոշմամբ թիվ 60122424, թիվ 60122724 և թիվ 60135824 քրեական վարույթները միացվել են թիվ 60199223 քրեական վարույթին և նախաքննությունը շարունակվել է թիվ 60199223 քրեական վարույթի ներքո:
2025 թվականի հունիսի 17-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ն.Մհերյանի որոշմամբ թիվ 60199223 քրեական վարույթով Սամվել Աշոտի Հարությունյանի նկատմամբ ՀՀ քրեական օրենսգրքի 344-րդ հոդվածի 1-ին մասով (5 դրվագներով) և 344-րդ հոդվածի 2-րդ մասով հարուցվել է հանրային քրեական հետապնդում:
2025 թվականի հունիսի 19-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երրորդ բաժնի քննիչ Վ.Հունանյանի որոշմամբ թիվ 60199223 քրեական վարույթով մեղադրյալ Սամվել Աշոտի Հարությունյանի նկատմամբ որպես խափանման միջոց է ընտրվել բացակայելու արգելքը:
2025 թվականի հունիսի 26-ին Սամվել Աշոտի Հարությունյանի վերաբերյալ թիվ 60199223 քրեական վարույթը մեղադրական եզրակացությամբ ուղարկվել է Դատարան, որտեղ քրեական գործին շնորհվել է թիվ ԵԴ1/2246/01/25 համարը։
2025 թվականի հուլիսի 1-ին Երևան քաղաքի առաջին ատյանի ընդհանուր իրավասության քրեական դատարանի դատավոր Էդ.Մկրտչյանի որոշմամբ ստանձնվել է թիվ ԵԴ1/2246/01/25 քրեական գործի վարույթը և նշանակվել նախնական դատալսումներ։
Մեղադրանքի փաստական նկարագրությունը.
Սամվել Աշոտի Հարությունյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 344-րդ հոդվածի 1-ին մասով (5 դրվագներով) և 344-րդ հոդվածի 2-րդ մասով՝ այն արարքների համար, որ նա, ՀՀ ՆԳՆ ոստիկանության պարեկային ծառայության կողմից 2022 թվականի դեկտեմբերի 10-ին կայացված թիվ 8180240358 որոշմամբ մեկ տարի ժամանակով տրանսպորտային միջոցներ վարելու իրավունքից զրկված լինելու պայմաններում և պատշաճ տեղեկացված լինելով տրանսպորտային միջոց վարելու իրավունքից զրկված լինելու հանգամանքի մասին, նշված ժամկետը չլրացած` 2022 թվականի դեկտեմբերի 18-ին` ժամը 13:30-ի սահմաններում, Երևան քաղաքի Մաշտոցի պողոտայում վարել է «Մերսեդես» մակնիշի 99 HS 996 հաշվառման համարանիշի տրանսպորտային միջոցը, ինչի վերաբերյալ ՀՀ ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի աշխատակիցների կողմից նույն օրը՝ ժամը 13:40-ին, կազմվել է վարչական իրավախախտման վերաբերյալ թիվ 8180240872 արձանագրությունը:
Բացի այդ, Սամվել Աշոտի Հարությունյանը ՀՀ ՆԳՆ ոստիկանության պարեկային ծառայության կողմից 2022 թվականի դեկտեմբերի 10-ին կայացված թիվ 8180240358 որոշմամբ մեկ տարի ժամանակով տրանսպորտային միջոցներ վարելու իրավունքից զրկված լինելու պայմաններում և պատշաճ տեղեկացված լինելով տրանսպորտային միջոց վարելու իրավունքից զրկված լինելու հանգամանքի մասին, նշված ժամկետը չլրացած` 2023 թվականի հունվարի 8-ին՝ ժամը 20:50-ի սահմաններում, Երևան քաղաքի Գ.Հովսեփյան փողոցում վարել է «Մերսեդես» մակնիշի 99 HS 996 հաշվառման համարանիշի տրանսպորտային միջոցը, ինչի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի աշխատակիցների կողմից նույն օրը՝ ժամը 21:00-ին, կազմվել է վարչական իրավախախտման վերաբերյալ թիվ 8180243437 արձանագրությունը:
Բացի այդ, Սամվել Աշոտի Հարությունյանը ՀՀ ՆԳՆ ոստիկանության պարեկային ծառայության կողմից 2022 թվականի դեկտեմբերի 10-ին կայացված թիվ 8180240358 որոշմամբ մեկ տարի ժամանակով տրանսպորտային միջոցներ վարելու իրավունքից զրկված լինելու պայմաններում և պատշաճ տեղեկացված լինելով տրանսպորտային միջոց վարելու իրավունքից զրկված լինելու հանգամանքի մասին, նշված ժամկետը չլրացած` 2023 թվականի փետրվարի 8-ին՝ ժամը 22:45-ի սահմաններում, Երևան քաղաքի Բագրևանդ փողոցում վարել է «Մերսեդես» մակնիշի 37 SA 638 հաշվառման համարանիշի տրանսպորտային միջոցը, ինչի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի աշխատակիցների կողմից նույն օրը՝ ժամը 23:20-ին, կազմվել վարչական իրավախախտման վերաբերյալ թիվ 8180244093 արձանագրությունը։
Բացի այդ, Սամվել Աշոտի Հարությունյանը ՀՀ ՆԳՆ ոստիկանության պարեկային ծառայության կողմից 2022 թվականի դեկտեմբերի 10-ին կայացված թիվ 8180240358 որոշմամբ մեկ տարի ժամանակով տրանսպորտային միջոցներ վարելու իրավունքից զրկված լինելու պայմաններում և պատշաճ տեղեկացված լինելով տրանսպորտային միջոց վարելու իրավունքից զրկված լինելու հանգամանքի մասին, նշված ժամկետը չլրացած` 2023 թվականի դեկտեմբերի 6-ին` ժամը 14:05-ի սահմաններում, Երևան քաղաքի Արշակունյաց պողոտայում վարել է «Մերսեդես» մակնիշի 37 SA 638 հաշվառման համարանիշի տրանսպորտային միջոցը, ինչի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 3-րդ վաշտի աշխատակիցների կողմից նույն օրը՝ ժամը 14:14-ին, կազմվել է վարչական իրավախախտման վերաբերյալ թիվ 8180260447 արձանագրությունը։
Բացի այդ, Սամվել Աշոտի Հարությունյանը ՀՀ ՆԳՆ ոստիկանության պարեկային ծառայության կողմից 2022 թվականի դեկտեմբերի 10-ին կայացված թիվ 8180240358 որոշմամբ մեկ տարի ժամանակով տրանսպորտային միջոցներ վարելու իրավունքից զրկված լինելու պայմաններում և պատշաճ տեղեկացված լինելով տրանսպորտային միջոց վարելու իրավունքից զրկված լինելու հանգամանքի մասին, նշված ժամկետը չլրացած՝ 2023 թվականի դեկտեմբերի 9-ին՝ ժամը 14:55-ի սահմաններում, Երևան քաղաքի Բագրատունյաց պողոտայում վարել է «Մերսեդես» մակնիշի 37 SA 638 հաշվառման համարանիշի տրանսպորտային միջոցը, ինչի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 3-րդ վաշտի աշխատակիցների կողմից նույն օրը՝ ժամը 15:05-ին, կազմվել է վարչական իրավախախտման վերաբերյալ թիվ 8180268506 արձանագրությունը:
Բացի այդ, Սամվել Աշոտի Հարությունյանը ՀՀ ՆԳՆ ոստիկանության պարեկային ծառայության կողմից 2022 թվականի դեկտեմբերի 10-ին կայացված թիվ 8180240358 որոշմամբ մեկ տարի ժամանակով տրանսպորտային միջոցներ վարելու իրավունքից զրկված լինելու պայմաններում, պատշաճ ծանուցվել է որոշման մասին, իսկ զրկման ժամկետը լրանալուց հետո սահմանված կարգով չի վերականգնել տրանսպորտային միջոցներ վարելու իրավունքը: Համարվելով՝ տրանսպորտային միջոցներ վարելու իրավունք չունեցող անձ 2024 թվականի մարտի 14-ին՝ ժամը 03:42-ի սահմաններում, «Մերսեդես» մակնիշի 37 SA 638 հաշվառման համարանիշի տրանսպորտային միջոցը Երևան քաղաքի Թամանցիների փողոցում վարել է ոչ սթափ վիճակում՝ մեկ լիտր արտաշնչած օդի մեջ մաքուր ալկոհոլի պարունակությունը՝ 0,619 մգ/լ, ինչը «Վարչական իրավախախտումների վերաբերյալ» ՀՀ օրենսգրքի 126-րդ հոդվածի 9-րդ մասի համաձայն համարվում է անձի ոչ սթափ վիճակում գտնվել, որը հայտնաբերվել է ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 3-րդ վաշտի ծառայողների կողմից և այդ մասին նույն օրը՝ ժամը 03:49-ին, կազմվել է վարչական իրավախախտման վերաբերյալ թիվ 8180400530 արձանագրությունը:
Դատաքննության ընթացքում հետազոտված թույլատրելի ապացույցները.
Մեղադրյալ Սամվել Հարությունյանը նախնական դատալսումների ժամանակ, օգտվելով իր սահմանադրական իրավունքից, հրաժարվեց ցուցմունք տալուց, միևնույն ժամանակ չհրաժարվեց նախաքննության ընթացքում տված իր ցուցմունքից:
Դատական նիստի ժամանակ հանրային մեղադրողի կողմից հրապարակվեց մեղադրյալի նախաքննական ցուցմունքը, համաձայն որի՝ առաջադրված մեղադրանքում Սամվել Հարությունյանն իրեն մեղավոր է ճանաչել և ցուցմունք տվել այն մասին, որ բնակվում է Արարատի մարզի Փոքր Վեդի գյուղում Ա.Մակարյան փողոցի 15-րդ տանը ընտանիքի հետ միասին, ունեցել է անձնական օգտագործման «Մերսեդես» մակնիշի 99 HS 996 հաշվառման համարանիշի ավտոմեքենա: 10.11.2022 թվականին չի հիշում որտեղ, ալկոհոլ է օգտագործել և վարել իր «Մերսեդես» մակնիշի 99 HS 996 հաշվառման համարանիշի ավտոմեքենան, ժամը 03-:10-ին մեքենան վարելիս կանգնեցրել են ճանապահային ոստիկանները և արձանագրել իր ոչ սթափ վիճակում տրանսպորտային միջոց վարելու հանգամանքը, իրեն զգուշացրել են, որ մեկ տարի ժամկետով զրկված է վարորդական իրավունքի վկայականից: Դրանից հետո՝ տեղյակ լինելով, որ վարորդական իրավունքից զրկված է 18.12.2022 թվականին՝ ժամը 13:30-ին, վարել է նույն ավտոմեքենան Երևան քաղաքի Մաշտոցի պողոտայում, երբ կանգնեցրել են իրեն պարեկային ծառայողները և արձանագրել իրավախախտումը։ Նույն կերպ՝ տեղյակ լինելով, որ վարորդական իրավունքից զրկված է, 08.01.2023թ.՝ ժամը 20:50-ին, վարել է «Մերսեդես» մակնիշի 99 HS 996 հաշվառման համարանիշի ավտոմեքենան Երևան քաղաքի Գ.Հովսեփյան փողոցում, քանի որ գործեր է ունեցել, ինչը արձանագրվել է պարեկային ոստիկանների կողմից: 08.02.2023 թվականին՝ ժամը 23:20-ի սահմաններում, «Մերսեդես» մակնիշի 37 SA 638 հաշվառման համարանիշի ավտոմեքենան կրկին վարորդական իրավունից զրկված վիճակում վարել է Երևան քաղաքի Բագրևանդ փողոցում, ինչը նույնպես արձանագրվել է պարեկային ոստիկանների կողմից: 09.12.2023 թվականին՝ ժամը 14:55-ի սահմաններում, Երևան քաղաքի Բագրատունյաց պողոտայում տեղյակ լինելով, որ վարորդական իրավունքից զրկված է, վարել է «Մերսեդես» մակնիշի 37 SA 638 հաշվառման համարանիշի ավտոմեքենան, որը արձանագրվել է պարեկային ոստիկանների կողմից: Սամվել Հարությունյանի հայտնեց, որ 14.03.2024 թվականին՝ ժամը 03:42-ի սահմաններում, «Մերսեդես» մակնիշի 37 SA 638 հաշվառման համարանիշի ավտոմեքենան ոչ սթափ վիճակում վարել է Երևան քաղաքի Թումանյան փողոցում, ինչը արձանագրվել է պարեկային ոստիկանների կողմից, և ինքը բնականաբար տեղյակ է եղել, որ վարորդական իրավունք չի ունեցել զղջում է կատարվածի համար և որևէ պատճառաբանություն, արդարանալու բան չունի չունի։
/Տե՛ս գ.թ. 99-103Ա, 125-127Ա, դատական նիստի արձանագրություն/
Զննություն կատարելու մասին արձանագրությունը, համաձայն որի՝ զննության են ենթարկվել Սամվել Աշոտի Հարությունյանի վերաբերյալ կազմված վարչական իրավախախտման վերաբերյալ թիվ 8180240872 արձանագրության պատճենը, համաձայն որի՝ այն կազմվել է 2022 թվականի դեկտեմբերի 18-ին՝ ժամը 13։40-ին, այն բանի համար, որ նա «Մերսեդես» մակնիշի 99 HS 996 հաշվառման համարանիշի տրանսպորտային միջոցը վարել է վարորդական իրավունքից զրվկված վիճակում: Ծանուցումն ստացա հատվածում առկա է ստորագրություն:
Սամվել Աշոտի Հարությունյանի վերաբերյալ կազմված վարչական իրավախախտման վերաբերյալ թիվ 8180240358 արձանագրության պատճենը, համաձայն որի՝ այն կազմվել է 2022 թվականի դեկտեմբերի 10-ին՝ ժամը 14։18-ին, այն բանի համար, որ նա «Մերսեդես» մակնիշի 99 HS 996 հաշվառման համարանիշի տրանսպորտային միջոցը ք.Երևան Աճառյան փողոցում 2022 թվականի նոյեմբերի 22-ին՝ ժամը 03:10-ին, վարել է ոչ սթափ վիճակում: Ծանուցումն ստացա հատվածում առկա է ստորագրություն:
Բուժհաստատությունների կողմից վարորդի սթափության վիճակի զննության թիվ 292 արձանագրությունը, համաձայն որի՝ Սամվել Հարությունյանը 22.11.2022 թվականի՝ ժամը 03:48-ին, օրգանիզմի հետազոտությունը՝ արյուն՝ 1,64 գ/լ, եզրակացություն՝ ոչ սթափ վիճակ:
ՀՀ ՆԳՆ ոստիկանության Ճանապարհային ոստիկանության էլեկտրոնային ռեգիստրից արտատպված քաղվախքի պատճենը, համաձայն որի՝ Սամվել Աշոտի Հարությունյան (անձնագրի սերիա՝ AK0676193) տրանսորտային միջոց վարելու իրավունքից զրկվել է 10.12.2022 թվականից մինչև 11.12.2023 թվականը:
Սամվել Աշոտի Հարությունյանի վերաբերյալ կազմված վարչական իրավախախտման վերաբերյալ թիվ 8180243437 արձանագրության պատճենը, համաձայն որի՝ այն կազմվել է 2023 թվականի հունվարի 8-ին՝ ժամը 21:00-ին, այն բանի համար, որ նա «Մերսեդես» մակնիշի 99 HS 996 հաշվառման համարանիշի տրանսպորտային միջոցը ք.Երևան Գ.Հովսեփյան փողոցում վարել է վարորդական իրավունքից զրվկված վիճակում: Ծանուցումն ստացա հատվածում առկա է ստորագրություն։
Սամվել Աշոտի Հարությունյանի վերաբերյալ կազմված վարչական իրավախախտման վերաբերյալ թիվ 8180244093 արձանագրության պատճենը, համաձայն որի՝ այն կազմվել է 2023 թվականի փետրվարի 8-ին՝ ժամը 23:20-ին, այն բանի համար, որ նա «Մերսեդես» մակնիշի 37 SA 638 հաշվառման համարանիշի տրանսպորտային միջոցը ք.Երևան Բագրևանդ փողոցում վարել է վարորդական իրավունքից զրվկված վիճակում: Ծանուցումն ստացա հատվածում առկա է ստորագրություն:
Սամվել Աշոտի Հարությունյանի վերաբերյալ կազմված վարչական իրավախախտման վերաբերյալ թիվ 8180400530 արձանագրության պատճենը, համաձայն որի՝ այն կազմվել է 2024 թվականի մարտի 14-ին՝ ժամը 03:49-ին, այն բանի համար, որ նա «Մերսեդես» մակնիշի 37 SA 638 հաշվառման համարանիշի տրանսպորտային միջոցը ք.Երևան Թամանցիներ փողոցում վարել է ոչ սթափ վիճակում: Ծանուցումն ստացա հատվածում առկա է ստորագրություն:
«Ալկովիզոր-յուպիտեր» թիվ 91100973 ստուգաչափման վկայականի պատճենը, համաձայն որի՝ զննման ամսաթիվն է 16.03.2024թ., ժամը՝ 03:46:38, ալկոհոլի պարունակությունը՝ 0,619 մգ/լ, վարորդի տվյալները՝ Սամվել Հարությունյան:
Սամվել Աշոտի Հարությունյանի վերաբերյալ կազմված վարչական իրավախախտման վերաբերյալ թիվ 8180268506 արձանագրության պատճենը, համաձայն որի՝ այն կազմվել է 2023 թվականի դեկտեմբերի 9-ին՝ ժամը 15:05-ին, այն բանի համար, որ նա «Մերսեդես» մակնիշի 37 SA 638 հաշվառման համարանիշի տրանսպորտային միջոցը ք.Երևան Բագրատունյան փողոցում վարել է վարորդական իրավունքից զրվկված վիճակում: Ծանուցումն ստացա հատվածում առկա է ստորագրություն:
Սամվել Աշոտի Հարությունյանի վերաբերյալ կազմված վարչական իրավախախտման վերաբերյալ թիվ 8180260447 արձանագրության պատճենը, համաձայն որի՝ այն կազմվել է 2023 թվականի դեկտեմբերի 6-ին՝ ժամը 14:14-ին, այն բանի համար, որ նա «Մերսեդես» մակնիշի 37 SA 638 հաշվառման համարանիշի տրանսպորտային միջոցը ք.Երևան Արշակունյաց փողոցում վարել է վարորդական իրավունքից զրվկված վիճակում: Ծանուցումն ստացա հատվածում առկա է ստորագրություն
/Տե՛ս գ.թ. 5-8, 20, 34, 49, 57, 70, 82, 104-105, դատական նիստի արձանագրություն/
Արտավարութային փաստաթուղթն ապացույց ճանաչելու մասին որոշումը, համաձայն որի՝ վարչական իրավախախտումների վերաբերյալ թիվ 8180240872, թիվ 8180240358, թիվ 8180243437, թիվ 8180244093, թիվ 8180400530, թիվ 8180268506 և թիվ 8180260447 արձանագրությունների, բուժհաստատությունների կողմից վարորդի սթափության վիճակի զննության թիվ 292 արձանագրության, ստուգաչափման թիվ 91100973 վկայականի, ՀՀ ՆԳՆ ոստիկանության «Ճանապարհաին ոստիկանություն» էլեկտրոնային ռեգիստրից արտատպված տեղեկանքի պատճենները սույն քրեական գործով ճանաչվել են արտավարութային փաստաթղթեր:
/Տե՛ս գ.թ. 106-109, դատական նիստի արձանագրություն/
Դատարանի փաստական վերլուծությունները և Դատարանի կողմից հաստատված փաստական հանգամանքները.
Հետազոտված ապացույցների հիման վրա Դատարանի կողմից հաստատված են համարվում հետևյալ փաստական հանգամանքները.
Սամվել Հարությունյանը, ՀՀ ՆԳՆ ոստիկանության պարեկային ծառայության կողմից 2022 թվականի դեկտեմբերի 10-ին կայացված թիվ 8180240358 որոշմամբ մեկ տարի ժամանակով տրանսպորտային միջոցներ վարելու իրավունքից զրկված լինելու պայմաններում և պատշաճ տեղեկացված լինելով տրանսպորտային միջոց վարելու իրավունքից զրկված լինելու հանգամանքի մասին, նշված ժամկետը չլրացած` 2022 թվականի դեկտեմբերի 18-ին` ժամը 13:30-ի սահմաններում, Երևան քաղաքի Մաշտոցի պողոտայում վարել է «Մերսեդես» մակնիշի 99 HS 996 հաշվառման համարանիշի տրանսպորտային միջոցը, ինչի վերաբերյալ ՀՀ ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի աշխատակիցների կողմից նույն օրը՝ ժամը 13:40-ին, կազմվել է վարչական իրավախախտման վերաբերյալ թիվ 8180240872 արձանագրությունը:
Բացի այդ, Սամվել Աշոտի Հարությունյանը ՀՀ ՆԳՆ ոստիկանության պարեկային ծառայության կողմից 2022 թվականի դեկտեմբերի 10-ին կայացված թիվ 8180240358 որոշմամբ մեկ տարի ժամանակով տրանսպորտային միջոցներ վարելու իրավունքից զրկված լինելու պայմաններում և պատշաճ տեղեկացված լինելով տրանսպորտային միջոց վարելու իրավունքից զրկված լինելու հանգամանքի մասին, նշված ժամկետը չլրացած` 2023 թվականի հունվարի 8-ին՝ ժամը 20:50-ի սահմաններում, Երևան քաղաքի Գ.Հովսեփյան փողոցում վարել է «Մերսեդես» մակնիշի 99 HS 996 հաշվառման համարանիշի տրանսպորտային միջոցը, ինչի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի աշխատակիցների կողմից նույն օրը՝ ժամը 21:00-ին, կազմվել է վարչական իրավախախտման վերաբերյալ թիվ 8180243437 արձանագրությունը:
Բացի այդ, Սամվել Աշոտի Հարությունյանը ՀՀ ՆԳՆ ոստիկանության պարեկային ծառայության կողմից 2022 թվականի դեկտեմբերի 10-ին կայացված թիվ 8180240358 որոշմամբ մեկ տարի ժամանակով տրանսպորտային միջոցներ վարելու իրավունքից զրկված լինելու պայմաններում և պատշաճ տեղեկացված լինելով տրանսպորտային միջոց վարելու իրավունքից զրկված լինելու հանգամանքի մասին, նշված ժամկետը չլրացած` 2023 թվականի փետրվարի 8-ին՝ ժամը 22:45-ի սահմաններում, Երևան քաղաքի Բագրևանդ փողոցում վարել է «Մերսեդես» մակնիշի 37 SA 638 հաշվառման համարանիշի տրանսպորտային միջոցը, ինչի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի աշխատակիցների կողմից նույն օրը՝ ժամը 23:20-ին, կազմվել վարչական իրավախախտման վերաբերյալ թիվ 8180244093 արձանագրությունը։
Բացի այդ, Սամվել Աշոտի Հարությունյանը ՀՀ ՆԳՆ ոստիկանության պարեկային ծառայության կողմից 2022 թվականի դեկտեմբերի 10-ին կայացված թիվ 8180240358 որոշմամբ մեկ տարի ժամանակով տրանսպորտային միջոցներ վարելու իրավունքից զրկված լինելու պայմաններում և պատշաճ տեղեկացված լինելով տրանսպորտային միջոց վարելու իրավունքից զրկված լինելու հանգամանքի մասին, նշված ժամկետը չլրացած` 2023 թվականի դեկտեմբերի 6-ին` ժամը 14:05-ի սահմաններում, Երևան քաղաքի Արշակունյաց պողոտայում վարել է «Մերսեդես» մակնիշի 37 SA 638 հաշվառման համարանիշի տրանսպորտային միջոցը, ինչի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 3-րդ վաշտի աշխատակիցների կողմից նույն օրը՝ ժամը 14:14-ին, կազմվել է վարչական իրավախախտման վերաբերյալ թիվ 8180260447 արձանագրությունը։
Բացի այդ, Սամվել Աշոտի Հարությունյանը ՀՀ ՆԳՆ ոստիկանության պարեկային ծառայության կողմից 2022 թվականի դեկտեմբերի 10-ին կայացված թիվ 8180240358 որոշմամբ մեկ տարի ժամանակով տրանսպորտային միջոցներ վարելու իրավունքից զրկված լինելու պայմաններում և պատշաճ տեղեկացված լինելով տրանսպորտային միջոց վարելու իրավունքից զրկված լինելու հանգամանքի մասին, նշված ժամկետը չլրացած՝ 2023 թվականի դեկտեմբերի 9-ին՝ ժամը 14:55-ի սահմաններում, Երևան քաղաքի Բագրատունյաց պողոտայում վարել է «Մերսեդես» մակնիշի 37 SA 638 հաշվառման համարանիշի տրանսպորտային միջոցը, ինչի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 3-րդ վաշտի աշխատակիցների կողմից նույն օրը՝ ժամը 15:05-ին, կազմվել է վարչական իրավախախտման վերաբերյալ թիվ 8180268506 արձանագրությունը:
Բացի այդ, Սամվել Աշոտի Հարությունյանը ՀՀ ՆԳՆ ոստիկանության պարեկային ծառայության կողմից 2022 թվականի դեկտեմբերի 10-ին կայացված թիվ 8180240358 որոշմամբ մեկ տարի ժամանակով տրանսպորտային միջոցներ վարելու իրավունքից զրկված լինելու պայմաններում, պատշաճ ծանուցվել է որոշման մասին, իսկ զրկման ժամկետը լրանալուց հետո սահմանված կարգով չի վերականգնել տրանսպորտային միջոցներ վարելու իրավունքը: Համարվելով՝ տրանսպորտային միջոցներ վարելու իրավունք չունեցող անձ 2024 թվականի մարտի 14-ին՝ ժամը 03:42-ի սահմաններում, «Մերսեդես» մակնիշի 37 SA 638 հաշվառման համարանիշի տրանսպորտային միջոցը Երևան քաղաքի Թամանցիների փողոցում վարել է ոչ սթափ վիճակում՝ մեկ լիտր արտաշնչած օդի մեջ մաքուր ալկոհոլի պարունակությունը՝ 0,619 մգ/լ, ինչը «Վարչական իրավախախտումների վերաբերյալ» ՀՀ օրենսգրքի 126-րդ հոդվածի 9-րդ մասի համաձայն համարվում է անձի ոչ սթափ վիճակում գտնվել, որը հայտնաբերվել է ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 3-րդ վաշտի ծառայողների կողմից և այդ մասին նույն օրը՝ ժամը 03:49-ին, կազմվել է վարչական իրավախախտման վերաբերյալ թիվ 8180400530 արձանագրությունը:
Դատարանի իրավական վերլուծությունները.
Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, Դատարանը հանգում է հետևության, որ ապացուցված են Սամվել Աշոտի Հարությունյանին վերագրվող արարքները, այդ արարքների քրեական հակաիրավականությունը, այդ արարքները մեղադրյալի կողմից կատարելը, ինչպես նաև նրա մեղավորությունը տվյալ արարքների կատարման մեջ:
Դատարանը հանգում է այն հետևության, որ մեղադրյալ Սամվել Աշոտի Հարությունյանը կատարել է իրեն մեղսագրված արարքները, որոնց նկատմամբ կիրառելի են ՀՀ քրեական օրենսգրքի 344-րդ հոդվածի 1-ին մասը (5 դրվագներով) և 344-րդ հոդվածի 2-րդ մասը:
Դատարանը, հաստատված համարելով հանցանքների կատարման մեջ Սամվել Աշոտի Հարությունյանի մեղքի ապացուցված լինելը, գտնում է, որ նա ենթակա է պատժի կատարած հանցանքների համար:
ՀՀ քրեական դատավարության օրենսգրքի 348-րդ հոդվածի համաձայն՝ ի թիվս այլի դատավճռում պետք է շարադրվեն հետևյալ հարցերի պատասխանները․
- ապացուցված են արդյոք դատապարտված մեղադրյալի պատասխանատվությունը և պատիժը մեղմացնող կամ ծանրացնող հանգամանքները.
- ինչ պատիժ պետք է նշանակվի դատապարտված մեղադրյալի նկատմամբ.
- դատապարտված մեղադրյալը արդյոք պետք է կրի իր նկատմամբ նշանակված պատիժը։
Նշված հարցերի լուծման ընթացքում դատարանը պետք է ղեկավարվի ՀՀ քրեական օրենսգրքի Ընդհանուր մասի մի շարք դրույթներով:
ՀՀ քրեական օրենսգրքի 7-րդ հոդվածի 1-ին մասի համաձայն` հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:
(…):
ՀՀ քրեական օրենսգրքի 55-րդ հոդվածի 1-ին մասի համաձայն՝ պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ: Նույն հոդվածի 2-րդ մասի համաձայն՝ պատժի նպատակներն են՝ վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
ՀՀ քրեական օրենսգրքի 69-րդ հոդվածի 1-ին, 2-րդ և 3-րդ մասերի համաձայն` հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները: Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ: Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
Մեջբերված իրավական նորմերը ՀՀ վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԵՇԴ/0029/01/08, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացված որոշումներում: Նշված դատական ակտերում ՀՀ վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար՝ կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից:
Պատիժ նշանակելու ընդհանուր սկզբունքներին ՀՀ վճռաբեկ դատարանն անդրադարձել է Նարեկ Սարգսյանի վերաբերյալ 2011 թվականի դեկտեմբերի 22-ի թիվ ԵԿԴ/0042/01/11 գործով կայացված որոշման մեջ, որտեղ իրավական դիրքորոշում է ձևավորել այն մասին, որ «(...) [Պ]ատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են՝
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) [Պ]ատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն»։
ՀՀ վճռաբեկ դատարանը Արարատ Ավագի Ավագյանի և Վահան Սերյոժայի Սահակյանի վերաբերյալ 2009 թվականի փետրվարի 17-ի թիվ ԵԿԴ/0252/01/13 որոշմամբ արտահայտել է հետևյալ իրավական դիրքորոշումը. «(…) [Ն]շանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության հանրային վտանգավորության աստիճանին և բնույթին (…):
Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա: (…)
Պատժի անհատականացման սկզբունքի բովանդակության հիմնական մասն է կազմում նաև հանցավորի անձը բնութագրող տվյալների գնահատումը, որոնք իրենց ամբողջության մեջ հնարավորություն են տալիս անձին դիտել ոչ միայն որպես հանցանք կատարող, որը պետք է պատասխանատվություն կրի, այլ նաև որպես կոնկրետ անձ՝ իր անհատական հատկանիշներով: Ընդ որում՝ անձի այն հատկանիշները, որոնք գտնվում են հանցակազմից դուրս, նշանակություն են ունենում դատարանի կողմից պատժի տեսակը և չափը որոշելիս: Որպես հանցավորի անձը բնութագրող հատկանիշներ՝ գնահատվում են նրա սոցիալ-հոգեբանական, սոցիալ-ժողովրդագրական հատկությունները՝ վարքագիծն ընտանիքում և կենցաղում, աշխատանքի նկատմամբ ունեցած վերաբերմունքը, կրթությունը, առողջական վիճակը, տարիքը, ծառայությունը պետության և հասարակության առջև և այլն: (…)»:
Արարքի բնույթն ու հանրային վտանգավորության աստիճանի վերաբերյալ ՀՀ վճռաբեկ դատարանը դիրքորոշում է հայտնել Գարուշ Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշմամբ՝ «(…) Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը:
(…) Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը: Վճռաբեկ դատարանը գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը: (…)»:
Դատարանի համոզմամբ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Հետևաբար՝ կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների գնահատման ժամանակ դատարանը պետք է ելնի ՀՀ քրեական օրենսգրքի 55-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից:
Դատարանը որպես մեղադրյալ Սամվել Աշոտի Հարությունյանի անձը բնութագրող, պատասխանատվությունը և պատիժը մեղմացնող հանգամանքներ է դիտարկում`
- պատիժ նշանակելու պահին մեղադրյալ Սամվել Հարությունյանի խնամքին երկու անչափահաս երեխաների՝ Աշոտ Սամվելի Հարությունյանի (ծնված՝ 11.01.2022թ.) և Մոնիկա Սամվելի Հարությունյանի (ծնված՝ 14.02.2024թ.) գտնվելը,
- առաջադրված մեղադրանքներում իրեն մեղավոր ճանաչելը և հանցանքների կատարման համար զղջալը (տե՛ս Սերոբ Ֆրունզիկի Սարգսյանի վերաբերյալ ՀՀ վճռաբեկ դատարանի 2012 թվականի նոյեմբերի 1-ի թիվ ՍԴ/0109/01/12 որոշումը),
- դատվածություն չունենալը (սույն քրեական գործով իրեն մեղսագրված արարքները կատարելու պահին):
Մեղադրյալի պատասխանատվությունը և պատիժը ծանրացնող հանգամանքների վերաբերյալ փաստական տվյալներ գործով ձեռք չեն բերվել:
ՀՀ քրեական օրենսգրքի 344-րդ հոդվածի համաձայն՝
«1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով:
2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:
(…)»:
Վերը մեջբերված իրավական նորմերի և դիրքորոշումների լույսի ներքո մեղադրյալ Սամվել Հարությունյանի նկատմամբ պատժի տեսակը և չափը որոշելիս Դատարանը հաշվի է առնում վերջինի կողմից կատարված հանցանքների բնույթը և հանրության համար վտանգավորության աստիճանը, մասնավորապես՝ այն, որ նա կատարել է ոչ մեծ ծանրության դիտավորյալ հանցանքներ, խախտված հասարակական հարաբերության սոցիալական նշանակությունը, հանցանքները կատարելուց հետո մեղադրյալի դրսևորած վարքագիծը, անձը բնութագրող և պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը: Նման պայմաններում Դատարանն արձանագրում է, որ ՀՀ քրեական օրենսգրքի 344-րդ հոդվածի 1-ին մասով (5 դրվագներով) և 344-րդ հոդվածի 2-րդ մասով նախատեսված հանցագործությունների համար, հաշվի առնելով նաև այն, որ լրացուցիչ դատալսումների ժամանակ մեղադրյալը չհրաժարվեց հանրային աշխատանքներ կատարելուց, մեղադրյալ Սամվել Հարությունյանի նկատմամբ պատիժ պետք է նշանակել հանրային աշխատանքների ձևով, որի միջոցով հնարավոր է հասնել պատժի նպատակներին` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
Դատարանը, նկատի ունենալով, որ Սամվել Աշոտի Հարությունյանը մեկից ավելի արարքներով ՀՀ քրեական օրենսգրքով նախատեսված վեց հանցանքներ է կատարել և նա դրանցից ոչ մեկի համար քրեական պատասխանատվության չի ենթարկվել, գտնում է, որ նրա նկատմամբ վերջնական պատիժ պետք է նշանակել պատիժները լրիվ գումարելու միջոցով: Միաժամանակ, Դատարանը, հաշվի առնելով ՀՀ քրեական օրենսգրքի 60-րդ հոդվածի 2-րդ մասի իրավակարգավորումը, գտնում է, որ մեղադրյալ Սամվել Հարությունյանի նկատմամբ հանրային աշխատանքների ձևով նշանակված պատիժը չի կարող գերազանցել 270 ժամը:
Դատարանը, նկատի ունենալով, որ նախքան առաջին գործով դատավճիռ կայացնելը Սամվել Հարությունյանը կատարել է սույն քրեական գործով իրեն մեղսագրված արարքները, գտնում է, որ նրա նկատմամբ վերջնական պատիժ պետք է նշանակել ՀՀ քրեական օրենսգրքի 74-րդ հոդվածի 11-րդ մասով սահմանված կարգով` սույն դատավճռով նշանակված վերջնական պատժին լրիվ գումարելով ՀՀ Արարատի և Վայոց ձորի մարզերի առաջին ատյանի ընդհանուր իրավասության դատարանի 2025 թվականի հունվարի 23-ի թիվ ԱՎԴ1/0286/01/24 դատավճռով Սամվել Աշոտի Հարությունյանի նկատմամբ նշանակված 375․000 ՀՀ դրամի չափով տուգանքը:
Միաժամանակ, Դատարանը, հաշվի առնելով այն հանգամանքը, որ Սամվել Հարությունյանը հայտարարեց, որ ինքն անհապաղ ի վիճակի չէ ամբողջությամբ վճարել տուգանքը, այլ կարող է այն վճարել մաս-մաս, չունի մշտական աշխատանք, խնամքին են գտնվում անչափահաս երկու երեխաները, ապա, հիմք ընդունելով ՀՀ քրեական օրենսգրքի 59-րդ հոդվածի 8-րդ մասը, գտնում է, որ մեղադրյալին պետք է հնարավորություն տալ նշանակված տուգանքը վճարել մաս առ մաս՝ 1 (մեկ) տարվա ընթացքում:
ՀՀ քրեական դատավարության օրենսգրքի 348-րդ հոդվածի համաձայն՝ դատավճռում պետք է շարադրվեն նաև հետևյալ հարցերի պատասխանները․
- գույքային հայցը ենթակա է արդյոք բավարարման, ում օգտին և ինչ չափով, ինչպես նաև պատճառված գույքային վնասը ենթակա է արդյոք հատուցման, եթե գույքային հայց չի հարուցվել.
- որ գույքն է ենթակա բռնագրավման, ինչ չափով և ինչպիսի հիմքով․
- վերացվելու է արդյոք կիրառված գույքի արգելադրումը, իսկ եթե այդպիսին կիրառված չէ, ապա ենթակա է արդյոք կիրառման.
- ինչպես պետք է պահպանվեն և տնօրինվեն ապացույցները.
- դատապարտված մեղադրյալի նկատմամբ վերացվելու, փոխվելու կամ կիրառվելու է արդյոք որևէ խափանման միջոց.
- ում վրա և ինչ չափով պետք է դրվեն վարութային ծախսերը։
Անդրադառնալով մեղադրյալ Սամվել Աշոտի Հարությունյանի նկատմամբ ընտրված խափանման միջոցի հարցին՝ Դատարանը գտնում է, որ վերջինի նկատմամբ որպես խափանման միջոց ընտրված բացակայելու արգելքը պետք է թողնել անփոփոխ՝ մինչև դատավճռի օրինական ուժի մեջ մտնելը:
Անդրադառնալով ապացույցների տնօրինման և պահպանման հարցին՝ Դատարանը գտնում է, որ դատավճիռն օրինական ուժի մեջ մտնելուց հետո որպես ապացույց ճանաչված արտավարութային փաստաթղթերի պատճենները պետք է պահել քրեական գործում:
Նկատի ունենալով այն հանգամանքը, որ սույն քրեական վարույթով գույքային հայց, գույք բռնագրավելու անհրաժեշտություն, արգելադրված գույք, վարութային ծախսեր առկա չեն, ուստի Դատարանն այդ հարցերին չի անդրադառնում:
Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 30-31-րդ, 347-350-րդ, 352-353-րդ, 364-րդ հոդվածներով՝ Դատարանը
Վ Ճ Ռ Ե Ց

Սամվել Աշոտի Հարությունյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով (5 դրվագներով) և 344-րդ հոդվածի 2-րդ մասով:
ՀՀ քրեական օրենսգրքի 344-րդ հոդվածի 1-ին մասով (1-ին դրվագով) Սամվել Աշոտի Հարությունյանի նկատմամբ պատիժ նշանակել հանրային աշխատանքներ՝ 60 (վաթսուն) ժամ տևողությամբ:
ՀՀ քրեական օրենսգրքի 344-րդ հոդվածի 1-ին մասով (2-րդ դրվագով) Սամվել Աշոտի Հարությունյանի նկատմամբ պատիժ նշանակել հանրային աշխատանքներ՝ 60 (վաթսուն) ժամ տևողությամբ:
ՀՀ քրեական օրենսգրքի 344-րդ հոդվածի 1-ին մասով (3-րդ դրվագով) Սամվել Աշոտի Հարությունյանի նկատմամբ պատիժ նշանակել հանրային աշխատանքներ՝ 60 (վաթսուն) ժամ տևողությամբ:
ՀՀ քրեական օրենսգրքի 344-րդ հոդվածի 1-ին մասով (4-րդ դրվագով) Սամվել Աշոտի Հարությունյանի նկատմամբ պատիժ նշանակել հանրային աշխատանքներ՝ 60 (վաթսուն) ժամ տևողությամբ:
ՀՀ քրեական օրենսգրքի 344-րդ հոդվածի 1-ին մասով (5-րդ դրվագով) Սամվել Աշոտի Հարությունյանի նկատմամբ պատիժ նշանակել հանրային աշխատանքներ՝ 60 (վաթսուն) ժամ տևողությամբ:
ՀՀ քրեական օրենսգրքի 344-րդ հոդվածի 2-րդ մասով Սամվել Աշոտի Հարությունյանի նկատմամբ պատիժ նշանակել հանրային աշխատանքներ՝ 100 (մեկ հարյուր) ժամ տևողությամբ:
ՀՀ քրեական օրենսգրքի 74-րդ հոդվածով սահմանված կարգով` նշանակված պատիժները լրիվ գումարելու միջոցով, Սամվել Աշոտի Հարությունյանի նկատմամբ վերջնական պատիժ նշանակել հանրային աշխատանքներ՝ 270 (երկու հարյուր յոթանասուն) ժամ տևողությամբ:
ՀՀ քրեական օրենսգրքի 74-րդ հոդվածի 11-րդ մասով սահմանված կարգով` սույն դատավճռով նշանակված պատժին լրիվ գումարել ՀՀ Արարատի և Վայոց ձորի մարզերի առաջին ատյանի ընդհանուր իրավասության դատարանի 2025 թվականի հունվարի 23-ի թիվ ԱՎԴ1/0286/01/24 դատավճռով Սամվել Աշոտի Հարությունյանի նկատմամբ նշանակված 375․000 (երեք հարյուր յոթանասունհինգ հազար) ՀՀ դրամի չափով տուգանքը և Սամվել Աշոտի Հարությունյանի նկատմամբ վերջնական պատիժ նշանակել հանրային աշխատանքներ՝ 270 (երկու հարյուր յոթանասուն) ժամ տևողությամբ և տուգանք՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 59-րդ հոդվածի 8-րդ մասով սահմանված կարգով՝ թույլատրել Սամվել Աշոտի Հարությունյանին դատավճռով նշանակված 375․000 (երեք հարյուր յոթանասունհինգ հազար) ՀՀ դրամի չափով տուգանքը վճարել մաս առ մաս՝ 1 (մեկ) տարվա ընթացքում:
Սամվել Աշոտի Հարությունյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու պահից մեկամսյա ժամկետում:


ԴԱՏԱՎՈՐ ԷԴ.ՄԿՐՏՉՅԱՆ