ԵԴ1/2231/01/25

Դ Ա Տ Ա Վ Ճ Ի Ռ
Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն Ա Ն ՈՒ Ն Ի Ց
Երևան քաղաքի առաջին ատյանի ընդհանուր իրավասության քրեական դատարանը,

ՆԱԽԱԳԱՀՈՒԹՅԱՄԲ՝ Ա.ԿԱՐԱՊԵՏՅԱՆԻ

ՔԱՐՏՈՒՂԱՐՈՒԹՅԱՄԲ` Է․ԱԲԵԼՅԱՆԻ
Վ․ՎԱՐԺԱՊԵՏՅԱՆԻ
Ա․ՀԱՐՈՒԹՅՈՒՆՅԱՆԻ

ՄԱՍՆԱԿՑՈՒԹՅԱՄԲ`

ՀԱՆՐԱՅԻՆ ՄԵՂԱԴՐՈՂՆԵՐ Ռ․ԱՐՍԵՆՅԱՆԻ
Վ․ՊԵՏՐՈՍՅԱՆԻ

ՊԱՇՏՊԱՆՆԵՐ Ա․ՄԱՆՈՒԿՅԱՆԻ
Ե․ՍԱՐԳՍՅԱՆԻ

ՄԵՂԱԴՐՅԱԼ Ք․ՔՈՐՈՄԱՆԻ

ԹԱՐԳՄԱՆԻՉՆԵՐ Գ․ՄԻՐԶՈՅԱՆԻ
Ա․ՀՈՎՀԱՆՆԻՍՅԱՆԻ
Ա․ՎԱՐԴԱԶԱՐՅԱՆԻ

2026 թվականի ապրիլի 9-ին Երևան քաղաքում, դռնբաց դատական նիստում քննելով քրեական գործն ըստ մեղադրանքի Քարիթոն Սանքարիե Քորոմանի՝ (ծնվել է 2001 թվականի հունիսի 12-ին՝ Սիերա Լեոնեում, Ֆրի Թաուն քաղաքում, Սիերա Լեոնեի քաղաքացի Է, ազգությամբ մենդե է, ամուսնացած չէ, չի աշխատում, ՀՀ-ում նախկինում չի դատապարտվել, ՀՀ-ում հաշվառման հասցե չունի, Սիերա Լեոնեում հաշվառված Է Ֆրի Թաուն քաղաքի, Կոնգո, Բիյուքու նրբանցքի 7-րդ տանը, ՀՀ-ում բնակվել է Երևան քաղաքի Ղափանցյան փողոցի 53/14 շենքի 4-րդ բնակարանում), ՀՀ քրեական օրենսգրքի 393-րդ հոդվածի 3-րդ մասի 2-րդ կետով և 296-րդ հոդվածի 1-ին մասով,

Պ Ա Ր Զ Ե Ց

1. Գործի դատավարական նախապատմությունը.
2025 թվականի մարտի 5-ին ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական առաջին բաժնում ՀՀ քրեական օրենսգրքի 393-րդ հոդվածի 1-ին մասով նախաձեռնվել է թիվ 15124225 քրեական վարույթը։
Քարիթոն Սանքարիե Քորոմանին 2025 թվականի մարտի 12-ին ձերբակալվել է՝ հանցագործություն կատարելու անմիջականորեն ծագած հիմնավոր կասկածի հիմքով։
2025 թվականի մարտի 12-ին ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական առաջին բաժնում ՀՀ քրեական օրենսգրքի 393-րդ հոդվածի 1-ին մասով նախաձեռնվել է թիվ 15130425 քրեական վարույթը։
Նախաքննություն իրականացրած մարմնի՝ 2025 թվականի մարտի 12-ի որոշմամբ թիվ 15130425 քրեական վարույթը միացվել է թիվ 15124225 քրեական վարույթին, և նախաքննությունը շարունակվել է թիվ 15124225 համարի ներքո։
Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Ռ․Արսենյանի՝ 2025 թվական մարտի 14-ի որոշմամբ Քարիթոն Սանքարիե Քորոմանի նկատմամբ հանրային քրեական հետապնդում է հարուցվել ՀՀ քրեական օրենսգրքի 393-րդ հոդվածի 3-րդ մասի 2-րդ կետով։
Նախաքննություն իրականացրած մարմնի՝ 2025 թվականի մարտի 15-ի որոշմամբ Քարիթոն Սանքարիե Քորոմանն ազատ է արձակվել՝ անազատության մեջ պահելու անհրաժեշտությունը վերանալու հիմքով։
Նախաքննություն իրականացրած մարմնի 2025 թվականի մարտի 15-ի որոշմամբ Քարիթոն Սանքարիե Քորոմանը նույն օրը ձերբակալվել է դատարան ներկայացվելու նպատակով:
Երևան քաղաքի առաջին ատյանի ընդհանուր իրավասության քրեական դատարանի՝ 2025 թվականի մարտի 15-ի որոշմամբ Քարիթոն Սանքարիե Քորոմանի նկատմամբ խափանման միջոց է կիրառվել կալանքը՝ 2 (երկու) ամիս ժամկետով, կալանքի սկիզբը հաշվվել է 2025 թվականի մարտի 12-ից։
Երևան քաղաքի առաջին ատյանի ընդհանուր իրավասության քրեական դատարանի՝ 2025 թվականի մայիսի 8-ի որոշմամբ Քարիթոն Սանքարիե Քորոմանի նկատմամբ կիրառված խափանման միջոց կալանքի ժամկետը երկարաձգվել է՝ 2 (երկու) ամիս ժամկետով, մինչև 2025 թվականի հուլիսի 12-ը ներառյալ:
2025 թվականի հունիսի 16-ին ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական առաջին բաժնում ՀՀ քրեական օրենսգրքի 393-րդ հոդվածի 1-ին մասով նախաձեռնվել է թիվ 15171225 քրեական վարույթը։
Նախաքննություն իրականացրած մարմնի՝ 2025 թվականի հունիսի 16-ի որոշմամբ թիվ 15171225 քրեական վարույթը միացվել է թիվ 15124225 քրեական վարույթին, և նախաքննությունը շարունակվել է թիվ 15124225 համարի ներքո։
Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Ռ․Արսենյանի՝ 2025 թվական հունիսի 19-ի որոշմամբ Քարիթոն Սանքարիե Քորոմանի նկատմամբ ՀՀ քրեական օրենսգրքի 393-րդ հոդվածի 3-րդ մասի 2-րդ կետով և 296-րդ հոդվածի 1-ին մասով հարուցվել է նոր հանրային քրեական հետապնդում։
Նախաքննություն իրականացրած մարմնի 2025 թվականի հունիսի 20-ի որոշմամբ թիվ 15124225 քրեական վարույթից անջատվել է Քարիթոն Սանքարիե Քորոմանին թմրամիջոց իրացրած անձի վերաբերյալ մասը, և անջատված մասին շնորհվել է 15172125 համարը:
2025 թվականի հունիսի 26-ին թիվ 15124225 քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում: Գործին շնորհվել է թիվ ԵԴ1/2231/01/25 համարը, այնուհետև գործը մակագրվել և 2025 թվականի հունիսի 27-ին հանձնվել է դատավոր Ա.Կարապետյանին:
2025 թվականի հունիսի 30-ին դատավոր Ա.Կարապետյանի կողմից որոշում է կայացվել քրեական գործի վարույթը ստանձնելու և նախնական դատալսումներ նշանակելու մասին:
Երևան քաղաքի առաջին ատյանի ընդհանուր իրավասության քրեական դատարանի՝ 2025 թվականի հուլիսի 10-ի, հոկտեմբերի 2-ի և դեկտեմբերի 22 որոշումներով Քարիթոն Սանքարիե Քորոմանի նկատմամբ կիրառված խափանման միջոց կալանքի ժամկետը յուրաքանչյուր անգամ երկարաձգվել է 3 (երեք) ամիս ժամկետով՝ վերջին անգամ մինչև 2026 թվականի ապրիլի 12-ը ներառյալ:
2026 թվականի ապրիլի 9-ին Երևան քաղաքի առաջին ատյանի ընդհանուր իրավասության քրեական դատարանը կայացրել է մեղադրական վերդիկտ, և նշանակվել են լրացուցիչ դատալսումներ։

2. Մեղադրանքի փաստական նկարագրությունը.
Քարիթոն Սանքարիե Քորոմանի նկատմամբ հանրային քրեական հետապնդում է հարուցվել այն բանի համար, որ նա, նախնական համաձայնության գալով քննությամբ ինքնությունը չպարզված անձի հետ, պայմանավորվածություն է ձեռք բերել զբաղվել շահադիտական դրդումներով առանձնապես խոշոր չափերի թմրամիջոցների իրացմամբ, ինչպես նաև կատարել է փողերի լվացում։
Այսպես
Քարիթոն Սանքարիե Քորոմանին, 2022թ. սեպտեմբեր ամսից բնակվելով Հայաստանի Հանրապետությունում, խախտելով <<Թմրամիջոցների և հոգեմետ նյութերի մասին>> ՀՀ օրենքի 11-րդ հոդվածի 2-րդ կետի պահանջը, այն է՝ չունենալով բժշկական նպատակներով կամ բժշկի նշանակմամբ թմրամիջոցների և հոգեմետ (հոգեներգործուն) նյութերի շրջանառություն իրականացնելու, այսինքն՝ թմրամիջոց պատրաստելու, վերամշակելու, ձեռք բերելու, պահելու, փոխադրելու կամ առաքելու թույլտվություն, իր կողմից շահագործվող Տելեգրամ հավելվածի <<Carllo Cari>> անհատական էջի միջոցով քննությամբ չպարզված ժամանակահատվածում նախնական համաձայնության է եկել նախաքննությամբ ինքնությունը չպարզված Տելեգրամ հավելվածի <<Михаил>> անհատական էջը վարող թմրանյութերի ապօրինի շրջանառությամբ զբաղվող անձի հետ՝ պայմանավորվածություն ձեռք բերելով խմբի կազմում զբաղվել շահադիտական դրդումներով թմրամիջոցների ապօրինի շրջանառությամբ, իսկ իր աշխատանքի դիմաց կատարած վարձատրությունը ստացել է կրիպտոարժույթի տեսքով։
Այնուհետև քննությամբ չպարզված օրը Քարիթոն Սանքարիե Քորոմանին հանցակցից իրացման նպատակով ապօրինի ձեռք է բերել առանձնապես խոշոր չափերի 7․45 հաստատուն քաշով <<a-PVP>> տեսակի թմրամիջոց, ապա այն իրացնելու նպատակով բաժանել է հավասարաչափ մասերի, փաթեթավորել է կպչուն ժապավենով և ապօրինի պահել է իր մոտ, որից հետո 2025թ. մարտի 05-ին՝ ժամը 05:30-ի սահմաններում, Երևան քաղաքի Մալիբու այգում հանդիպելով ոստիկանության աշխատակիցներին, վերջիններիս կողմից իր անձի ինքնությունը ստուգելու ժամանակ դիմել է փախուստի, որի ժամանակ էլ նետել է իր մոտ առկա 15 փաթեթում առկա, առանձնապես խոշոր չափերի՝ 7.45 գրամ հաստատուն քաշով (0.49 գրամ, 0.5 գրամ, 0.49 գրամ, 0.49 գրամ, 0.49 գրամ, 0․48 գրամ, 0.48 գրամ, 0.48 գրամ, 0.5 գրամ, 0.5 գրամ, 0,49 գրամ, 0.5 գրամ, 0.52 գրամ, 0.53 գրամ, 0.51 գրամ) <<a-PVP>> թմրամիջոցը, որն էլ հայտնաբերվել է նույն օրը կատարված դեպքի վայրի զննությամբ։
Բացի այդ, Քարիթոն Սանքարիե Քորոմանին, քննությամբ դեռևս չպարզված ժամանակահատվածից մինչև 2025 թվականի մարտի 08-ը ներառյալ ընկած ժամանակահատվածում, հանցավոր ճանապարհով թմրամիջոցների իրացումից ստացված ֆինանսական միջոցների հանցավոր ծագումը, դրանց իրական բնույթը թաքցնելու, հանցավոր ճանապարհով ստացված ֆինանսական միջոցների տեղաշարժն ու տեղաբաշխումը քողարկելու, ստացված դրամական միջոցներին օրինական տեսք հաղորդելու նպատակով թմրամիջոցների ապօրինի շրջանառությունից ստացված եկամուտի իր մասնաբաժինը հանցակցից՝ Տելեգրամ հավելվածի <<Михаил>> անհատական էջը վարող անհայտ անձից, ստացել է կրիպտոարժույթի տեսքով իր կրիպտոարժույթի էլեկտրոնային հաշվեհամարներին փոխանցելով, որից հետո հանցավոր ճանապարհով ձեռք բերված գումարների ծագման փաստը քողարկելու և դրանց օրինական տեսք տալու նպատակով 2025 թվականի մարտի 7-ին՝ ժամը 23:39:23 իր bclqazw4al7pnthdc8kkx060qwe23h72an8lle4qlx կրիպտոդրամապանակից 0.000555 BTC (48.93 USD), իսկ 2025 թվականի մարտի 08-ին` համը 23:44:03-ին, իր bc1qxshqpjp3mdea48dry5n4c964tksyjq138fhx կրիպտոդրամապանակից 0001159 BTC (100.14 USD) կրիպտոարժույթ է փոխանցել կրիպտոարժույթի փոխանակում իրականացնող <<Էդուարդ Ռուբենի Ավետիսյան>> ԱՁ-ին պատկանող bclqzqwm405zqyzwqmcg5mqfkqppq4sl6ky5zsv06p էլեկտրոնային կրիպտոդրամապանակին, ովքեր էլ, կրիպտոարժույթը փոխարինելով դրամի, առաջին դեպքում 18.700 ՀՀ դրամը փոխանցել են Քարիթոն Սանքարիե Քորոմանի անվամբ հաշվառված <<Ինեկոբանկ>> ՓԲ ընկերությանը պատկանող 5406610004325655 քարտային հաշվեհամարին, իսկ երկրորդ դեպքում՝ 38.600 ՀՀ դրամ փոխանցել են Քարիթոն Սանքարիե Քորամանի կողմից շահագործվող, սակայն Սաթիկ Հրաչի Ներսիսյանին անվամբ հաշվառված <<Ամերիաբանկ>> ՓԲ ընկերությանը պատկանող 4083060015731983 քարտային հաշվեհամարին:

3. Դատաքննությամբ հետազոտված թույլատրելի ապացույցներ.
Մեղադրյալ Քարիթոն Սանքարիե Քորոմանին հիմնական դատալսումների ընթացքում իրեն մեղավոր չի ճանաչել և հրաժարվել է ցուցմունք տալուց։
(դատական նիստի արձանագրություն)

ՀՀ քրեական դատավարության օրենսգրքի 330-րդ հոդվածով նախատեսված իրավակարգավորումների համաձայն՝ հրապարակվել է Քարիթոն Սանքարիե Քորոմանիի՝ մինչդատական վարույթի ընթացքում տված ցուցմունքը:
2025 թվականի մարտի 13-ին կազմված ձերբակալվածի հարցաքննության մասին արձանագրության համաձայն՝ Քարիթոն Սանքարիե Քորոմանին ցուցմունք է տվել հետևյալի մասին. <<Հարց ձերբակալվածին՝ 2025 թվականի մարտի 05-ին՝ ժամը 05:30-ի սահմաններում, ՀՀ ՆԳՆ ոստիկանության ՔՈԳՎ ԵՔՎ ԸԲՀԴՊ բաժնի քրեական ոստիկանության աշխատակիցները Երևան քաղաքի Արամի փողոցի հարակից տարածքում գտնվող <<Մալիբու>> կոչվող այգում նկատել են սևամորթ մի քաղաքացու: Վերջինիս անձը պարզելու նպատակով մոտեցել են նրան, ով քրեական ոստիկանության աշխատակիցներին տեսնելով սկսել է դրսևորել կասկածելի վարքագիծ և մի քանի վայրկյան զրուցելուց հետո, վերջինս շրջվել և դիմել է փախուստի, որի ընթացքում իր գրպանից գետին է գցել որոշ իրեր: Քրեական ոստիկանության աշխատակիցներից մեկը կանգ է առել նշված քաղաքացու գցած իրերի մոտ, իսկ մյուս աշխատակիցը, որոշ տարածություն հետապնդելուց հետո, կորցրել է իր տեսադաշտից, որի արդյունքում այլևս հնարավոր չի չի եղել հայտնաբերել նրան: Քաղաքացին փախուստի դիմելու ժամանակ իր գրպանից գցել է սև պատյանով ականջակալ, մազերի հարդարման սանր, բանալիներ, բջջային հեռախոս և զիպ փականով տոպրակ, որի մեջ առկա է եղել թվով 15 նարնջագույն ժապավենով փաթեթավորված փաթեթներ: Ստացված տեղեկությունների համաձայն հիշյալ արարքը կատարել եք Դուք ինչ կասեք այդ մասին:
Ձերբակալվածի պատասխանը՝ Հայտնեց, որ ինքն այդ օրը գնացել է իր ընկերուհի Աստղիկին հանդիպելու, և երբ ինքը գնացել է այդ ժամանակ պատահական հանդիպել է իր երկու ընկերներին, որոնք Սիրեա Լեոնեից են եղել, հանդիպել է նրանց Մաշտոցի փողոցի մոտակայքում, որոնցից մեկի անունը եղել է Մակավելի Մանկա, իսկ մյուսի անունն եղել է Յանկա, որոնք փողոցն են ավլել, որոնցից այլ տվյալների չի տիրապետում, սակայն ճանաչում է այն հանգամանքից ելնելով, որ երբ եկել է Հայաստան 2022 թվականի սեպտեմբեր ամսին իրար հետ են ապրել՝ Արցախի փողոցում գտնվող բնակարանում, որի հասցեն չի հիշել, միաժամանակ Յանկայի և Մանկայի բջջային հեռախոսահամարներին չի տիրապետում: Վերջիններիս հետ զրուցելուց հետո, քանի որ Աստղիկն իր հաղորդագրություններին չի պատասխանել որոշել է գնալ հաց գնել և գնալ տուն: Այդ պահին, երբ գնացել է <<Մալիբու>>-ի այգու ուղղությամբ իրեն ընդառաջ եկել են երկու հոգի արական սեռի ներկայացուցիչներ, նրանցից մեկն իրեն ձեռքերով բռնել է, հայտնել է, որ ոստիկանության աշխատակից է, իսկ մյուսն ցույց է տվել վկայականը և հայտնել, որ ոստիկանության աշխատակից է, իսկ երրորդ անձն ուղղակի եկել և կանգնել է այդտեղ: Իրեն բռնած անձն իրեն հայտնել է, որ այդոք ունի փաստաթուղթ, արգելված իրեր կամ թմրանյութ, որի ժամանակ իր գրպանից հանել է իր <<Ռեդմի>> մոդելի բջջային հեռախոսը, տվել է ոստիկանության աշխատակցին, ով այն դրել է գետնին, դրանից հետո հանել է իր վերարկուն, որից հետո արտաքնապես ձեռքերը հագուստների շոշափելով զննել են իրեն, դրանից հետո հագել է իր վերարկուն, տվել են իր բջջային հեռախոսը, որից հետո ոստիկանության աշխատակիցները հայտնել է, որ արդյոք իր մոտ սուր գործիք ունի, որի ժամանակ զննելով իր աջ գրպանը հիշել, որ այնտեղ առկա է իր բանալիների կապոցը և մի դանակ: Դանակի գրպանում գտնվելու հանգամանքը հայտնաբերելով շրջվել է, քանի որ այդտեղ աստիճան կար ցատկել է, որ վազի, սակայն նախնական դիրքից մոտավորապես 4-5 մետր հեռանալով ընկել է, որի ժամանակ իր մոտից ընկել է իր բջջային հեռախոսը, իր ականջակալը, իր փաուրբենքը, բանալիները և սանրը, որը գտնվում էր իր ձեռքերում, որից հետո դրանք թողնելով այդ վայրում փախել է: Մաշտոցի փողոցն անցնելուց հետո, շարունակել է վազել Մաշտոցի փողոցին հատող փողոցով, վազել է մոտավորապես 100 մետր և այդ վայրում գտնվող սուպերմարկետի մոտ հասնելով իր գրանից նետել է բանալիների պահոցը, որում առկա է եղել ծալովի դանակը։ Այդ ժամանակ ետ է շրջվել նայելու համար, թե արդյոք իրեն որևէ մեկը հետևում է, թե՝ ոչ, սակայն տեսնելով, որ որևէ մեկը չի հետևում, անցել է որոշակի հատված, որտեղ կանգնեցրել է պատահական տաքսի ավտոմեքենա, որի հաշվառման համարանիշը չի հիշել, և գնացել է Ղափանցյան փողոց իր բնակության վայրի հասցե:
Հարց ձերբակալվածին՝ Կատարված դեպքի վայրի զննությամբ Ձեր կողմից հայտնած վերոնշյալ անձնական իրերը՝ բջջային հեռախոսը, ականջակալը, սանրը, բանալիների տրցակն ու պոլիէթիլենային փաթեթը, որում եղել է 15 փաթեթ, հայտնաբերվել է Ձեր կողմից նշված սուպերմարկետի կողային հատվածից, այնինչ դուք ասում եք, որ դրանք Ձեր գրպանից ընկել է, երբ, որ Մալիբուի հարևանությամբ շրջվել եք, ցատկել և ընկել եք: Ինչ կասեք այդ անհստակություն վերաբերյալ, առաջարկում եմ տալ ճշմարիտ ցուցմունք:
Ձերբակալվածի պատասխանը՝ Հայտնեց, որ իր կողմից հայտնած իրերը ընկել է այն վայրում, որտեղ հայտնեց, իսկ դանակն ու բանալիները շպրտել է այդ սուպերմարկետի հարևանությամբ գտնվող աղբամանում։ Թե ինչու է իր անձնական իրերը հայտնաբերվել այդ վայրում, դրա վերաբերյալ որևէ բան չի կարող հայտնել: Այն վայրը որտեղ ցատկել, ընկել է և իր իրերը ընկել են կարող է ցույց տալ:
Ինչ վերաբերվում է իր անձնական իրերի հետ հայտնաբերված թվով 15 փաթեթներին, ապա վարույթն իրականացնող մարմնի հարցին պատասխանեց, որ ինքը դրա մասին չի կարող ցուցմունք տալ, քանի որ դրանք իրեն չեն պատկանել և դրանք ինքը չի նետել:
Հայտնեց, որ բջջային հեռախոսը նախքան ընկնելը վնասված չի եղել, բջջային հեռախոսն ունեցել է գաղտնաբառ, որն իր մատնահետքով է եղել:
Աստղիկի բջջային հեռախոսահամարին չի տիրապետում, քանի որ նրա հետ շփվել են <<Ինստագրամ>> հավելվածի միջոցով և <<Տելեգրամով>>: Հայտնեց, որ <<Ռեդմի>> հեռախոսի մեջ տելեգրամ չի ունեցել, այլ տելեգրամ ունեցել է Այֆոն բջջային հեռախոսում: Իր անձնական խուզարկությամբ հայտնաբերված <<Այֆոն>> մոդելի բջջային հեռախոսի գաղտնաբառը հետևյալն է՝ 475357, որը իրեն ձերբակալելու ժամանակ ընկել է իր ձեռքից և վնասվել է:
Նշեց, որ երբևէ ինչ-որ մեկի թմրանյութ չի իրացրել, նախքան ՀՀ-ը գալը օգտագործել է Մարիխուանա տեսակի թմրամիջոց: Ներկա պահին մոդելավորման գործ է անում, մաքրման աշխատանքներ է կատարում:>>։
Հարցաքննության տեսագրությունը պարունակող լազերային սկավառակը հետազոտվել է, տեսագրության բովանդակությունը համապատասխանում է հարցաքննության թղթային արձանագրությամբ արձանագրված տվյալներին։
(քրեական գործ, հատոր 1-ին, վ.է 117-123):

Վկա Կարեն Թորոսյանը հիմնական դատալսումների ընթացքում ցուցմունք է տվել այն մասին, որ աշխատում է ՀՀ ՆԳՆ ոստիկանության ընդհանուր բնույթի հանցագործությունների դեմ պայքարի ընդհանուր բաժնում՝ որպես ՀԿԳ ավագ ոստիկան։ Դեպքի օրը՝ ծառայության ընթացքում, գործընկերոջ հետ քայլել է <<Մալիբուի այգի>> կոչվող տարածքում, որտեղ նկատել են Քարիթոն Քորոմանին, ով, անկանոն վարքագիծ դրսևորելով, քայլել է։ Մոտեցել են վերջինիս, ներկայացել, խնդրել, որ տրամադրի անձը հաստատող փաստաթղթեր։ Հասկացել են, որ Քարիթոնը հայերեն չի հասկանում, և իր գործընկերը սկսել է անգլերենով շփվել վերջինիս հետ։ Երբ անձը հաստատող փաստաթուղթ հանելու համար Քարիթոնը ձեռքը տարել է դեպի գրպանը, հանկարծակի սկսել է վազել, իսկ իրենք վազել են նրա ետևից՝ դեպի Բուզանդի փողոց, որտեղ գտնվող սուպերմարկետի մոտ Քարիթոնն ինչ-որ բան է գցել գրպանից։ Իր գործընկերը մնացել է այնտեղ, որպեսզի դեպքի վայրը պահպանի, իսկ ինքը շարունակել է վազել Քարիթոնի ետևից, սակայն չի կարողացել նրան հասնել։ Այնուհետև վերադարձել է գործընկերոջ մոտ և զանգահարել ու կատարվածի մասին զեկուցել է ղեկավարությանը։ Դեպքի վայրում մոտեցել է Քարիթոնի կողմից գրպանից գցված իրերին և տեսել է, որ գցվել են բջջային հեռախոս, դրա լիցքավորիչ և 15 հատ դեղին գույն ունեցող փաթեթներ։ Հասկացել է, որ փաթեթներում թմրանյութ է։
Պատասխանելով կողմերի ու Դատարանի հարցերին՝ հայտնել է, որ այդ օրը գործընկերոջ հետ ընդգրկված է եղել հերթապահության մեջ։ Ծառայությունը տևելու էր մինչև առավոտյան ժամը 9-ը։ Առավոտյան ժամը 5-ից 6-ի սահմաններում են նկատել Քարիթոնին, ով դուրս է եկել անցումից և քայլել դեպի Սարյան փողոցի կողմ։ Քանի որ իրենք քրեական ոստիկանության աշխատակիցներ են, ծառայության ընթացքում համազգեստ չեն կրում, և այդ օրը ևս եղել են քաղաքացիական հագուստով։ Քարիթոնի վարքագիծը տարօրինակ է թվացել՝ նա ակնհայտ վախեցած է եղել, ամեն երկու քայլը գցելուց հետո շրջվել է դեպի հետ ու կողքերն է նայել, ասես ինչ-որ բանից փորձել է թաքնվել։ Ինքը 2013 թվականից աշխատում է օպերատիվ ծառայությունում և մարդու դեմքի արտահայտությունից ու շարժումներից անմիջապես հասկանում է՝ երբ է նա ինչ-որ բան թաքցնում։
Այդ հատվածում ծառեր են եղել, որոնք մասսամբ փակել են լույսը, սակայն տարածքը լուսավորված է եղել, և ինքը հստակ ֆիքսել է Քարիթոնի շարժումները։ Նկատելով, որ իր ետևից մարդիկ են գալիս՝ Քարիթոնը սկսել է արագացնել քայլերը։ Իրենք նույնպես արագացրել են քայլերի ընթացքը, բարձրացել են Սարյան փողոցի աստիճաններով և շատ լուսավոր մի հատվածում մոտեցել են Քարիթոնին՝ պարզելու համար, թե ով է։
Մոտենալուց հետո բարևել են, սակայն Քարիթոնն անգլերենով ինչ-որ անհասկանալի բաներ է ասել։ Քանի որ գործընկերը տիրապետում է անգլերենին, բացատրել է, որ իրենք ոստիկանության աշխատակիցներ են, ներկայացրել են ծառայողական վկայականը, որտեղ լուսանկարը համազգեստով է, և խնդրել են ներկայացնել անձը հաստատող փաստաթուղթ։ Այդ պահին Քարիթոնը ձեռքը տարել է տաբատի գրպանը, կարծել են, թե անձնագիրն է հանում, սակայն նա հանկարծակի դիմել է փախուստի։ Քարիթոնը շատ արագ է վազել։ Հետո պարզվել է, որ նա նախկին ֆուտբոլիստ է և լավ մարզված է։ Այդ պատճառով նրան հասնելը չափազանց դժվար է եղել։ Վազել են նրա ետևից Սարյան փողոցից մինչև Բուզանդի փողոց՝ անցնելով Մաշտոցի պողոտան։ Վազքի ընթացքում՝ իրենցից մոտ 10-15 մետր հեռավորության վրա Քարիթոնը սկսել է գրպաններից իրեր հանել ու նետել։ Քանի որ գիշեր է եղել, իսկ հեռավորությունը՝ բավականին մեծ, չի տեսել, թե կոնկրետ ինչ իրեր է նետել, բայց հստակ նկատել է նետելու շարժումները։ Այդ իրերը նետել է սուպերմարկետի մոտ գտնվող մի անկյունային փակ հատվածում, որտեղ պատ է եղել՝ հավանաբար մտածելով, որ չեն տեսնի։ Նետելուց հետո շարունակել է վազել։ Ինքը գործընկերոջը թողել է այդտեղ՝ դեպքի վայրը հսկելու, որպեսզի ոչ մի ուրիշ մարդ չմոտենա, իսկ ինքը շարունակել է վազել շենքերի մեջ, սակայն Քարիթոնն արդեն անհետացել էր։
Երբ վերադարձել է իրերի նետման վայր, տեսել է, որ տարածքը բացարձակ մաքուր է, և բացի Քարիթոնի գցած իրերից, այնտեղ ուրիշ ոչինչ չի եղել։ Հայտնաբերել են լիցքավորիչի լար, բջջային հեռախոս և պոլիէթիլենային փաթեթներ՝ թմրամիջոցների զանգվածով։ Այդ ամենը թափված է եղել իրարից ընդամենը 10-20 սանտիմետր հեռավորության վրա։ Այդ փաթեթները հենց Քարիթոնն է նետել, քանի որ տարածքում այլ իրեր չեն եղել, և նա վազելուց առաջ ձեռքը մտցրել է գրպանը ու դիմել փախուստի։
Հետագայում օպերատիվ-հետախուզական միջոցառումներ անցկացնելու արդյունքում պարզել են Քարիթոնի անձը և գտնվելու վայրը, որից հետո նրան ձերբակալել են։
Մինչ դեպքը Քարիթոնի հետ չի առնչվել, անգամ անգլերենի չի տիրապետում, որ կարողանար շփվել նրա հետ, հետևաբար չէր էլ կարող ունենալ նրա լուսանկարը։ Ինքը Քարիթոնի նշած Պատրիկին կամ որևէ աղջկա չի ճանաչում։ Քարիթոնը չէր կարող իրենցից վախենալ, քանի որ իրենք օրինական կարգով ցույց են տվել վկայականները և ընդամենը անձը հաստատող փաստաթուղթ են խնդրել։ Քարիթոնի փախուստի և իրերը նետելու միակ պատճառը եղել է նրա մոտ արգելված զանգվածի առկայությունը։
(դատական նիստի արձանագրություն)

Վկա Արամայիս Հովհաննիսյանը հիմնական դատալսումների ընթացքում ցուցմունք է տվել այն մասին, որ ծառայում է ոստիկանությունում։ Մարտ ամսին՝ հստակ օրը չի հիշում, հերթապահություն իրականացնելու ժամանակ մոտեցել են Քարիթոն Քորոմանին, քանի որ վերջինս կասկածելի վարքագիծ է դրսևորել՝ ինչ-որ անկանոն բաներ անելով: Մոտենալու առաջնային նպատակն օգնություն առաջարկելն է եղել։ Հասկանալով, որ նա օտարերկրացի է և չի տիրապետում հայերենին, ինքը անգլերենով է ներկայացել՝ հայտնելով, թե ով է և ինչ պաշտոն է զբաղեցնում:
Դրանից հետո Քարիթոնին խնդրել է ներկայացնել անձը հաստատող փաստաթուղթ: Քարիթոնը պավորություն է ստեղծել, թե պատրաստվում է գրպանից փաստաթուղթ հանել, սակայն հենց այդ պահին միանգամից դիմել է փախուստի: Այդ ժամանակ գտնվել են <<Մալիբուի այգու>> սկզբնամասում՝ Սարյան փողոցի կողմից:
Գործընկերոջ հետ վազել են Քարիթոնի ետևից: Վազելով անցել են ամբողջ այգին և հատել Մաշտոցի պողոտան՝ անցնելով երթևեկող ավտոմեքենաների միջով։ Թեև ուշ ժամ է եղել, սակայն փողոցում երթևեկող ավտոմեքենաներ են եղել: Մինչև փողոցը հատելը և դրանից հետո՝ արդեն Բուզանդի փողոց մտնող հատվածում, նկատել է, որ Քարիթոնն ընթացքի մեջ անընդհատ կռացել է և գրպաններից ինչ-որ բաներ շպրտել: Քանի որ նրան ավելի մոտ է գտնվել, իրեն ավելի տեսանելի են եղել Քարիթոնի նետած իրերը։ Դրանք եղել են վառ նարնջագույն փաթեթներ, հեռախոս և փոքր բանալիներ:
Քարիթոնի տաբատի վրա, շատ գրպաններ են եղել։ Քարիթոնն իրերը նետել է տաբատի՝ գրեթե ծնկների հատվածում գտնվող գրպաններից: Այդպես կատարել է մոտ 2-3 գործողություն:
Երբ հասել է նետած իրերին, կանգ է առել և մնացել այնտեղ՝ տարածքը հսկելու համար: Գործընկերը շարունակել է հետապնդումը՝ Քարիթոնին բռնելու համար, սակայն չի հաջողվել հասնել Քարիթոնին: Ինքը շարունակել է հերթապահություն իրականացնել և հսկել նետված առարկաների տարածքը, որից հետո սահմանված ընթացակարգով դիմել են քննիչին:
Այնուհետև դեպքի վայր է ժամանել քննիչը, և նրա հետագա գործողություններն արդեն արձանագրված են: Քանի որ դեպքից անցել է մոտավորապես մեկ տարի, հնարավոր է ամեն ինչ շատ դետալային չհիշ, բայց ընդհանուր դեպքը հիշում է։
Պատասխանելով կողմերի ու Դատարանի հարցերին՝ հայտնել է, որ մարտ ամսին գործընկերոջ հետ իրականացրել են պարբերական բնույթ կրող շրջիկ ծառայություն: Քանի որ աշխատում են քրեական ոստիկանության գլխավոր վարչության Երևան քաղաքի վարչության ընդհանուր բնույթի հանցագործությունների դեմ պայքարի բաժնում, ծառայության առանձնահատկություններից ելնելով՝ աշխատել են առանց համազգեստի: Ծառայության վայր հասել են ավտոմեքենայով, հետո այն կանգնեցրել են ու քայլել են <<Մալիբուի այգու>> տարածքում: Թեև դեպքը տեղի է ունեցել առավոտյան 4-ից 5-ի սահմաններում, սակայն տարածքը լուսավորված է եղել: Այգու սկզբնամասում՝ Սարյան փողոցի կողմից, նկատել է մի տղամարդու, ով անկանոն շարժումներ է կատարել, գլուխը տարել-բերել և անընդհատ նայել է իր գրպաններին: Տեսնելով այդ կասկածելի վարքագիծը՝ որոշել են միանգամից մոտենալ նրան՝ հասկանալու համար, թե ինչ է պատահել, և օգնություն առաջարկել:
Երբ հավասարվել են Քարիթոնին, լուսավորությունը թույլ է տվել ակնհայտորեն տեսնել նրա դիմագծերը: Գործընկերը նախ հայերենով բարևել է, սակայն հասկացել են, որ Քարիթոնը հայերենին չի տիրապետում: Այդ ժամանակ ինքն անգլերենով է ներկայացել, ասել է իր ազգանունը, նշել է, որ ոստիկանությունից է, և ներկայացրել է ծառայողական վկայականը։ Մինչ այդ գործընկերը նույնպես ցույց է տվել իր վկայականը: Անգլերենով հարցրել է, <<թե ինչով կարող եմ օգնել>>, ինչին Քարիթոնը պատասխանել է, որ որևէ խնդիր չկա, ուղղակի զբոսնում է: Մինչ անձնագիր խնդրելը նրան մի քանի ընդհանուր հարց են տվել։ Հայտնել է, որ միայնակ է, ազգությամբ նիգերիացի է, մասնագիտությամբ՝ ֆուտբոլիստ, սակայն վնասվածքի պատճառով ներկայումս աշխատում է <<Էվոլյուշն>> օնլայն կազինոյում: Այնուհետև, ինքը Քարիթոնից խնդրել է անձը հաստատող փաստաթուղթ ներկայացնել: Վերջինս պատասխանել է, որ <<այո, խնդիր չկա>>, և կռացել է, որպեսզի գրպանից հանի այն և հենց այդ պահին կռացած վիճակից հանկարծակիորեն դիմել է փախուստի՝ անցնելով իրենց երկուսի արանքով: Քանի որ չեն ակնկալել, որ Քարիթոնը կփախչի, պահի տակ չեն հասցրել բռնել նրան, բայց անմիջապես վազել են նրա ետևից: Վազելով անցել են ամբողջ այգին, դուրս եկել Մաշտոցի պողոտա և հատել ճանապարհը՝ երթևեկող ավտոմեքենաների միջով: Շնչակտուր հետապնդել են Քարիթոնին: Երբ Քարիթոնն անցել է մոտ 300-400 մետր և մտել Բուզանդի փողոց՝ ինքը գտնվել է Քարիթոնից ընդամենը 3-6 մետր հեռավորության վրա: Այդ ընթացքում տեսել է, թե ինչպես է Քարիթոնը վազելիս անընդհատ կռանում և տաբատի ծնկների հատվածում գտնվող գրպաններից ինչ-որ բաներ շպրտում: Կատարել է մոտ 2-3 այդպիսի գործողություն: Թեև լուսավորությունը թույլ է եղել, բայց այն բավարար էր, որպեսզի օդի մեջ ընկնելու պահին հստակ ֆիքսի նետվող առարկաների վառ նարնջագույն լինելը և տեսակը։ Դրանք փաթեթներ էին, հեռախոս և բանալիներ: Իրերը գետնին ընկնելիս ուժեղ ձայն են հանել, և իր հիշելով հեռախոսը հարվածից կոտրվել է: Քարիթոնը շարունակել է վազել, սակայն ոչ նախկինի պես արագ, քանի որ ուժասպառ էր եղել։ Իրենք ևս ֆիզիկապես գերհոգնած են եղել և ի վիճակի չեն եղել հասնել Քարիթոնին։ Գործընկերը փորձել է շարունակել հետապնդումը, սակայն Քարիթոնին բռնել չի հաջողվել: Ինքը կանգ է առել հենց այն տեղում, որտեղ Քարիթոնը նետել էր իրերը՝ դա շենքի մուտքի մոտ գտնվող հարթ, անկյունային հատված է եղել, որը լուսավորվել է հարևանությամբ գտնվող սուպերմարկետի կամ շենքի լույսերով: Ինքը հեռախոսի լույսով վերևից զննել է տարածքը և տեսել բացառապես այն իրերը, որոնց նետման պահը ֆիքսել էր օդում։ Նետված իրերը եղել են վառ նարնջագույն փաթեթներ, սև հեռախոս, բանալիներ, ինչպես նաև տուփով անլար ականջակալներ և սանր: Բնականաբար այդ իրերին ձեռք չի տվել և դրանք չի տեղաշարժել, որպեսզի դեպքի վայրը փոփոխության չենթարկվի: Դեպքի վայրն իր կողմից խստորեն պահպանվել է՝ բացառելով որևէ այլ անձի մոտենալը: Սահմանված կարգով կապ են հաստատել քննիչի հետ: Մինչև քննիչի ժամանելը ոչ մի բան չի տեղաշարժել, իսկ նրա մոտենալուց հետո արդեն իրականացվել են համապատասխան քննչական գործողություններ:
Մինչ դեպքի օրը Քարիթոնին չի ճանաչել, նրա հետ երբևէ չի առնչվել։ Չնայած դեպքից անցել է մոտ մեկ տարի և հնարավոր է որոշ մանրամասներ դետալային չհիշի, սակայն դեպքի ընդհանուր ընթացքը հիշում է հստակ:
(դատական նիստի արձանագրություն)

Հրապարակվել և հետազոտվել են հետևյալ գրավոր ապացույցները՝

Դեպքի վայրի զննության մասին 2025 թվականի մարտի 5-ին կազմված արձանագրությունը, համաձայն որի՝ ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական առաջին բաժնի ավագ քննիչ Ն․Հարությունյանը զննել է դեպքի վայր հանդիսացող Երևան քաղաքի Փ․Բուզանդ փողոցի 45-րդ հասցեն։ Դեպքի վայրից զննության ընթացքում հայտնաբերվել և վերցվել են <<Realme>> մոդելի բջջային հեռախոս, սանր, անլար ականջակալներ, բանալիների տրցակ, <<Զիպ>> փականով պոլիէթիլենային տոպրակի մեջ գտնվող 15 նարնջագույն փաթեթներ, որոնցից մեկ փաթեթը գտնվել է բաց վիճակում։ Հիշյալ 15 փաթեթները կշռվել են <<DIGITAL SCALE>> տեսակի կշեռքի միջոցով և պարզվել է, որ ընդհանուր քաշը փաթեթների հետ կազմել է 18․21 գրամ։ Հայտնաբերվածը փաթեթավորվել է 3 փաթեթներում։ Զննության մասնակից ոստիկանության ծառայողները հայտարարել են, որ նշված իրերն այդտեղ գցել է Մալիբուի այգում իրենց հանդիպած սևամորթ քաղաքացին։
(քրեական գործ, հատոր 1-ին, վ.է 7-11):

Փորձագետի թիվ 105Ք-25 եզրակացությունը, համաձայն որի՝
1. Փորձաքննությանը ներկայացված փաթեթում առկա ընդհանուր թվով 15 հատ կարմիր գույնի պոլիմերային ժապավեններով փաթաթված արծաթափայլ նրբաթիթեղյա փաթեթներում տեղադրված <<zip>> փականով պոլիէթիլենային տոպրակներում առկա ընդհանուր 7,45 գրամ քաշով փոշենման զանգվածները հանդիսանում են a-PVP տեսակի թմրամիջոց:
2. Թե <<․․․ինչ եղանակով է պատրաստվել>> հարցին հնարավոր չէ պատասխանել համապատասխան գիտականորեն հիմնավորված մեթոդիկաների բացակայության պատճառով:
(քրեական գործ, հատոր 1-ին, վ.է 160-163)

Զննում կատարելու մասին 2025 թվականի հունիսի 5-ին կազմված արձանագրությունը, համաձայն որի՝ ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական առաջին բաժնի ավագ քննիչ Ն․Հարությունյանը զննության է ենթարկել <<Էդուարդ Ավետիսյան Ռուբենի>> Ա/Ձ-ից ստացված տեղեկանքը, որը բաղկացած է եղել 4 թերթից։ Զննությամբ պարզվել է, որ <<Jay Jwsr>> տելեգրամյան անունով և <<@Fodalh>> օգտահաշվով հաճախորդը 2025 թվականի մարտի 5-ից մարտի 8-ն ընկած ժամանակահատվածում դիմել է փոխանակման կետին, փոխանցել է կրիպտոարժույթ, որի դիմաց ընկերությունը հաճախորդին է փոխանցել դրամ:
Այսպես՝
1) 07/03/25 23:39:23 ընկերությունը ստացել է 0.000555 BTC (48.93 USD) փոխանակման կետի belazqwm405zqyzwqmg5mafkappq4s6ky5zsv06p հաշվին և դրա դիմաց փոխանցել է 18․700 դրամ 5406610004325655 քարտին: Որպես փոխանցման տրանզակցիա նշված է https://blockchair.com/bitcoin/transaction/acd21e013a627722425bd2e12 03d8b7124e5e193e549ba2eeee29e9923dd75b8 հղումը: Մուտք գործելով նշված հղմամբ՝ պարզվել է, որ ուղարկողի <<Dash>>-ի հաշիվը հետևյալն է՝ bc1qazw4al7pnthdc8kkx060qwe23h72an8lle4qlx, իսկ ստացողի <<Dash>>-ի հաշիվը հետևյալն է՝ belazqwm405zqyzwqmg5mafkappq416ky5zsv06:
2) 08/03/25 23:44:03 ընկերությունը ստացել է 0.001159 BTC (100.14 USD) փոխանակման կետի bclqzqwm405zqyzwamcg5mafkappq4s6ky5zsv06p հաշվին և դրա դիմաց փոխանցել է 38․600 դրամ 4083060015731983 քարտին: Որպես փոխանցման տրանզակցիա նշված է https://blockchair.com/bitcoin/transaction/060abbe9dc7b61d73f89 ee869e3003c8461e68b2ab87a1948912b9ab641f16 հղումը: Մուտք գործելով նշված հղմամբ՝ պարզվել է, որ ուղարկողի <<Dash>>-ի հաշիվը հետևյալն է՝ bc1qxshqpjpc3mdea48dry5n4cq64tksyjqt38flhx, իսկ ստացողի <<Dash>>-ի հաշիվը հետևյալն է՝ belazqwm405zqyzwameg5mafikappq4s6ky5zv06p:
Տեղեկանքի զննությամբ քրեական վարույթով հետաքրքրություն ներկայացնող այլ հանգամանքներ չեն պարզվել:
(քրեական գործ, հատոր 2-րդ, վ.է 224-225):

Զննում կատարելու մասին 2025 թվականի մայիսի 21-ին կազմված արձանագրությունը, համաձայն որի՝ ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական առաջին բաժնի ավագ քննիչ Ն․Հարությունյանը զննության է ենթարկել ՀՀ Կենտրոնական բանկից առգրավված լազերային սկավառակում առկա տվյալները։ Զննություն կատարելու նպատակով լազերային սկավառակը տեղադրվել է աշխատանքային համակարգչի մեջ և պարզվել է, որ սկավառակում առկա են 12 ֆայլեր և 5 թղթապանակներ։
<<AEB>> գրառմամբ թղթապանակի զննությամբ պարզվել է, որ 5406610004325655 քարտայի հաշվեհամարից, որը հաշվառված է Կորոմա Քարիթոն Սունկարի Դոբսոնի անվամբ առկա են վճարումներ VBET.AM խաղային համակարգին։
Փոխանցումների պատմությունը քննիչը ներկայացրել է աղյուսակի տեսքով։
<<Convers>> գրառմամբ թղթապանակի զննությամբ պարզվել է, որ 5406610004325655 քարտային հաշվեհամարին, որը հաշվառված է Կորոմա Քարիթն Սունկարի Դոբսոնի անվամբ առկա են ստացված գումարներ։
Փոխանցումների պատմությունը քննիչը ներկայացրել է աղյուսակի տեսքով։
<<Ineco>> գրառմամբ թղթապանակի զննությամբ պարզվել է, որ 5406610004325655 քարտային հաշվեհամարը պատկանում է <<Ինեկոբանկ>>-ին և այն հաշվառված է Կորոմա Քարիթն Սունկարի Դոբսոն (ծնված 12.06.2001թ., անձնագիր՝ ER337413) տվյալներով անձի անվամբ։
Նկատի ունենալով այն հանգամանքը, որ Քարիթոն Սանքարիե Քորոմանի անձնական խուզարկության արդյունքում հայտնաբերված <<Apple Iphone X (1901) մոդելի բջջային հեռախոսի թվային խուզարկությամբ մասնագետի կողմից արտածված տեղեկատվության զննությամբ ֆիքսվել է այն հանգամանքը, որ վերջինս 2025 թվականի մարտի 07-ին <<Bitcoin Operator>>-ի միջոցով 50 ԱՄՆ դոլար գումար է փոխանակել ՀՀ դրամի և այն խնդրել էր փոխանցել 5406610004325655 քարտային հաշվեհամարին, ուստի զննությամբ աղյուսակի տեսքով ներկայացվել է նշված գործարքի պատմությունը։
Ըստ աղյուսակի՝ հաստատվում է փոխանցումը կատարելու հանգամանքը։
<<15700-13.6-19-1606-12-05-2025-BG 913-25>> գրառմամբ թղթապանակի զննությամբ պարզվել է, որ 4083060015731983 քարտային հաշվեհամարը պատկանում է <<Ամերիա Բանկ ՓԲԸ>>-ին և այն հաշվառված է Սաթիկ Հրաչի Ներսիսյան (ծնված` 04.04. 1971թ.,) տվյալներով անձի անվամբ:
Նկատի ունենալով՝ այն հանգամանքը, որ Քարիթոն Սանքարին Քորոմանի անձնական խուզարկության արդյունքում հայտնաբերված <<Apple Iphone X (1901)>> մոդելի բջջային հեռախոսի թվային խուզարկությամբ մասնագետի կողմից արտածված տեղեկատվության զննությամբ ֆիքսվել էր այն հանգամանքը, որ վերջինս 2025 թվականի մարտի 07-ին <<Bitcoin Operator>>-ի միջոցով 100 ԱՄՆ դոլար գումար է փոխանակել ՀՀ դրամի և այն խնդրել էր փոխանցել 4083060015731983 քարտային հաշվեհամարին, ուստի զննությամբ աղյուսակի տեսքով ներկայացվել է նշված գործարքի պատմությունը։
Ըստ աղյուսակի՝ հաստատվում է փոխանցումը կատարելու հանգամանքը։
Հիշյալ թղթապանակի զննությամբ հայտնաբերվել է նաև նույն եղանակով <<ԻԶԻ ՓԵՅ>> ՍՊ ընկերության և <<ԹԵԼ-ՍԵԼ>> ԲԲ ընկերության միջոցով Քարիթոն Քորոմանի կողմից շահագործվող 4083060015731983 քարտային հաշվեհամարին պահանջվող ժամանակահատվածում կատարված այլ փոխանցումներ ևս։
Զննությամբ քրեական վարույթում հետաքրքրություն ներկայացնող այլ հանգամանքներ չեն պարզվել։
Հետազոտվել է նաև ՀՀ Կենտրոնական բանկից առգրավված լազերային սկավառակը՝ դրանում և զննության արձանագրությունում հակասություններ չկան:
(քրեական գործ, հատոր 2-րդ, վ.է 166, 168-195):

2025 թվականի մայիսի 27-ին կայացված արտավարութային փաստաթղթեր ճանաչելու մասին որոշումը, համաձայն որի՝ <<Էդուարդ Ավետիսյան Ռուբենի>> Ա/Ձ-ից ստացված տեղեկանքը և ՀՀ կենտրոնական բանկից ստացված լազերային սկավառակը ճանաչվել են արտավարութային փաստաթղթեր։
(քրեական գործ, հատոր 2-րդ, վ.է 204-209):

ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական առաջին բաժնի ավագ քննիչ Ն․Հարությունյանի՝ 2025 թվականի մայիսի 24-ի գրությունն ուղղված <<Էդվարդ Ավետիսյան Ռուբենի>> Ա/Ձ-ի տնօրեն Է․Ավետիսյանին, համաձայն որի՝ <<ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական առաջին բաժնի վարույթում քննվող թիվ 15124225 քրեական վարույթով խնդրում եմ տրամադրել տեղեկատվություն ներքոհիշյալ հանգամանքների վերաբերյալ.
5406610004325655 և 4083060015731983 քարտային հաշվեհամարներին Ձեր կողմից կրիպտոարժույթների փոխանակման արդյունքում փոխանցումներ կատարվել են, թե՝ ոչ, եթե այո, ապա տրամադրել տեղեկություններ՝ փոխանցված գումարների ծավալի, փոխանցում կատարած անձանց և գործարքների մանրամասների վերաբերյալ>>։
(քրեական գործ, հատոր 2-րդ, վ.է 199):

<<Էդուարդ Ավետիսյան Ռուբենի>> Ա/Ձ-ից ստացված տեղեկանքը և կից ներկայացված նամակագրության պատճենները, որոնց համաձայն՝ 5406610004325655 և 4083060015731983 հաշիվներով կատարվել են կրիպտոարժույթի կանխիկացման գործարքներ։
<<Jay Jwsr>> տելեգրամյան անունով և <<@Fodalh>> օգտահաշվով հաճախորդը 2025 թվականի մարտի 5-ից մարտի 8-ն ընկած ժամանակահատվածում դիմել է փոխանակման կետին, փոխանցել է կրիպտոարժույթ, որի դիմաց ընկերությունը հաճախորդին է փոխանցել դրամ՝ վերոնշյալ քարտերին։
1) 07/03/25 23:39:23 ընկերությունը ստացել է 0.000555 BTC (48.93 USD) փոխանակման կետի belazqwm405zqyzwqmg5mafkappq4s6ky5zsv06p հաշվին և դրա դիմաց փոխանցել է 18․700 դրամ 5406610004325655 քարտին: Փոխանցման տրանզակցիան է https://blockchair.com/bitcoin/transaction/acd21e013a627722425bd2e1203d8b7124e5e193e549ba2eeee29e9923dd75b8
2) 08/03/25 23:44:03 ընկերությունը ստացել է 0.001159 BTC (100.14 USD) փոխանակման կետի bclqzqwm405zqyzwamcg5mafkappq4s6ky5zsv06p հաշվին և դրա դիմաց փոխանցել է 38․600 դրամ 4083060015731983 քարտին: Փոխանցման տրանզակցիան է https://blockchair.com/bitcoin/transaction/060abbe9dc7b61d73f89ee869e3003c8461e68b2ab87a1948912b9ab641f16
(քրեական գործ, հատոր 2-րդ, վ.է 200-203):

2025 թվականի մարտի 17-ին կայացված իրեղեն ապացույց ճանաչելու մասին որոշումը, համաձայն որի՝ 7,35 գրամ քաշով <<a-PVP>> տեսակի թմրամիջոցը ճանաչվել է իրեղեն ապացույց:
(քրեական գործ, հատոր 1-ին, վ.է 240-242):

Իրեղեն ապացույցները դատաքննության ընթացքում հետազոտվել են։
(դատական նիստերի արձանագրություն)

Կոռոմա Քարիթոն Սանկարինե Սիեռռա Լեօնեանին տրված ER337413 սերիա-համարի անձնագրի պատճենը, համաձայն որի՝ Քարիթոն Սանքարիե Քորոմանին ծնվել է 2001 թվականի հունիսի 12-ին Ֆրի Թաուն քաղաքում, անձնագիրը տրվել է 2022 թվականի մայիսի 11-ին և վավեր է մինչև 2027 թվականի մայիսի 11-ը։
(քրեական գործ, հատոր 1-ին, վ.է 5):

Հանրային մեղադրողի միջնորդությամբ ապացույցների ծավալը լրացնելու փուլում հետազոտվել է հետևյալ ապացույցը․

Թվային խուզարկության արդյունքում բջջային հեռախոսի արտածված տեղեկության զննություն կատարելու մասին 2025 թվականի ապրիլի 3-ին կազմված արձանագրությունը, համաձայն որի՝ ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական առաջին բաժնի ավագ քննիչ Ն․Հարությունյանը, մասնակցությամբ թարգմանիչներ Ա․Հովհաննիսյանի և Ռ․Սանթրոսյանի զննության է ենթարկել Քարիթոն Սանքարիե Քորոմանի անձնական խուզարկությամբ վերցված <<Apple Iphone X (1901)>> մոդելի <<354871090585882>> գործարանային համարի բջջային հեռախոսում կատարված թվային խուզարկությամբ հայտնաբերված տվյալները։ Զննությամբ բացվել է բջջային հեռախոսից արտածված տեղեկատվությունը և պարզվել է, որ բջջային հեռախոսից արտածվել են մի շարք բջջային հավելվածներ, այդ թվում <<WhatsApp Messenger>>, <<Telegram Messenger>>, <<Фото Apple>>, <<Телефон Apple>>, <<Контакты Apple>>, <<Instagram>>, և <<Facebook>> բջջային հավելվածներ:
Զննություն կատարելու նպատակով մուտք է գործվել <<WhatsApp Messenger>> բջջային հավելված, որի զննությամբ պարզվել է, որ հավելվածում առկա հաղորդագրությունները կրում են առօրեային և անձնականին վերաբերող հաղորդագրություններ և առկա չեն հաղորդագրություններ, որոնք նշանակություն ունեն սույն վարույթի համար:
Դրանից հետո մուտք է գործվել <<Telegram Messenger>> հավելված, որտեղ Քարիթոն Սանքարիե Քորոմանը գրանցված է որպես <<Carlo Carl 💕💕💕💕>> անվամբ: Հավելվածում առկա են տարբեր անձանց հետ անգլերեն և ռուսերեն լեզուներով հաղորդագրություններ, որոնք դասավորված են միմյանց հետևից, իսկ դրանց միջնամասում նշված է հաղորդագրության օրվան, ամսվան ու տարվան վերաբերող տեղեկությունները և հաղորդագրությունները վարած անձանց օգտատիրոջ անունները: Միևնույն ժամանակ հաղորդագրություններում առկա են լուսանկարներ կամ ֆայլեր, որոնք հնարավոր չեն եղել բացել:
2025 թվականի մարտի 05-ին՝ ժամը 07:43:06-ից սկսած, այսինքն 2025 թվականի մարտի 05-ին՝ ժամը 05:30-ին տեղի ունեցած դեպքից հետո, Քարիթոն Սանքարիե Քորոմանը նամակագրություն է վարում <<Coin Land>> տելեգրամյան կայքէջի օգտատիրոջ հետ հետևյալ բովանդակությամբ։
<<Carllo Carl 💕💕💕💕 💕💕💕💕>>-Hello (Բարև Ձեզ)
<<Coin Land>>- Pupu 2tq
<<Carllo Carl 💕💕💕💕>>- Ես ուզում եմ btc փոխանակում անել
<<Coin Land>>- Խնդրում ենք տրամադրել կրիպտոարժույթի հասցեն 🌎
<<Carllo Carl 💕💕💕💕>>- Ես ուզում եմ ձեզ բիթքոին ուղարկել, իսկ դուք ինձ տվեք Հայաստանում դրամ
<<Coin Land>>- Կանխիկացում չկա տվյալ պահին:
<<Carllo Carl 💕💕💕💕>>-երբ դա հնարավոր կլինի
<<Coin Land>>-Կտեղեկացնենք Ձեզ
Այդքանով խոսակցությունն ավարտվում է և նշվածից հարկ է նկատի ունենալ այն հանգամանքը, որ Քարիթոն Քորոմանը դեպքի կատարումից հետո ցանկանում է btc (Բիթքոին) փոխանակել ՀՀ դրամի։
2025 թվականի մարտի 05-ին՝ ժամը 12:04:09-ից սկսած, այսինքն 2025 թվականի մարտի 05-ին՝ ժամը 05:30-ին տեղի ունեցած դեպքից հետո, Քարիթոն Սանքարիե Քորոմանը նամակագրություն է վարում <<Bitcoin Operator>> տելեգրամյան կայքէջի հետ հետևյալ բովանդակությամբ: Միևնույն օգտատիրոջ ժամանակ հաղորդագրություններն անգլերեն լեզվով են:
Carllo Carl 💕💕💕💕 -Hello (Բարև Ձեզ)
<<Bitcoin Operator>>- hello 👾 (Բարև Ձեզ)
Carllo Carl 💕💕💕💕❤❤❤-I want to exchange 300$ to drams (Ես ուզում եմ փոխանակել 300 ԱՄՆ դոլարը դրամի)
<<Bitcoin Operator>- usdt?
Carllo Carl 💕💕💕💕 -ուղարկված են թվով 3 լուսանկարներ, որոնք հնարավոր չեն եղել բացել:
<<<Bitcoin Operator>>- bc1qzqwm405zqyzwqmcg5mqfkqppq4sl6ky5zsv06p
Այդքանով խոսակցությունն ավարտվում է և նշվածից հարկ է նկատի ունենալ այն հանգամանքը, որ Քարիթոն Քորոմանը դեպքի կատարումից հետո ցանկանում է btc (Բիթքոինը) փոխանակել ՀՀ դրամի։
2025 թվականի մարտի 07-ին՝ ժամը 23:12:30-ից սկսած, Քարիթոն Սանքարիե Քորոմանը Carllo Carl 💕💕💕💕 անվամբ տելեգրամյան կայքէջով նամակագրություն է վարում <<Bitcoin Operator>> տելեգրամյան կայքէջի օգտատիրոջ հետ հետևյալ բովանդակությամբ: Միևնույն ժամանակ հաղորդագրություններն անգլերեն լեզվով են:
Carllo Carl 💕💕💕💕-Hi (Բարև Ձեզ), I sent 50$ (ուղարկել եմ 50 ԱՄՆ դոլարը)
<<Bitcoin Operator>>- hi 💰 (Բարև Ձեզ)
Carllo Carl 💕💕💕💕-???
<<Bitcoin Operator>>- let me check 💰 (սպասեք ստուգեմ), haven't received it yet 💰 (դեռ չեմ ստացել)
Carllo Carl 💕💕💕💕- https://mempool.space/tx/acd21e013a627722425bd2e1203d8b71 24e5e193e549ba2eeee29e9923dd75b8
<<Bitcoin Operator>>- to what address did you send it to? 💞 (ինչ հասցեին եք ուղարկել)
Carllo Carl 💕💕💕💕- ․․․․, It gone (գնացել է), Check (ստուգեք)
<<Bitcoin Operator>>- 0.000555 * 88162.162 (BTC Binance) = 48.93$48.93 * 392/1.029 = 18700 դրամ 💫
Carllo Carl 💕💕💕💕-Okay (լավ), 5406610004325655
<<Bitcoin Operator>>- We will make the transfer now and provide a receipt 💰 (մենք հիմա փոխանցումը կկատարենք և կներկայացնենք անդորագիրը)
Carllo Carl 💕💕💕💕 - ․․․․
<<Bitcoin Operator>> - Ծառայություն։ Փոխանցում Քարտին Քարտի Համար 54066100043256559 Գումար: 18700 Ամսաթիվ: 2025-03-07 23:41:13 Նույնականացուցիչ: 1186207, The transfer was made. Thank you for using our services. @BitcoinArmenian (փոխանցումը կատարվել է, շնորհակալություն մեր ծառայությունից օգտվելու համար):
Այդքանով խոսակցությունն ավարտվում է և նշվածից հարկ է նկատի ունենալ այն հանգամանքը, որ Քարիթոն Քորոմանը դեպքի կատարումից հետո 50 ԱՄՆ դոլար բիթքոին է փոխանակում ՀՀ դրամի, որը փոխանցվում է Քարիթոն Քորոմանի կողմից նշված 5406610004325655 քարտային հաշվեհամարին:
2025 թվականի մարտի 08-ին՝ ժամը 23:35:56-ից սկսած, Քարիթոն Սանքարիե Քորոմանը Carlo Carl 💕💕💕💕 անվամբ տելեգրամյան կայքէջով նամակագրություն է վարում <<Bitcoin Operator>> տելեգրամյան կայքէջի օգտատիրոջ հետ հետևյալ բովանդակությամբ: Միևնույն ժամանակ հաղորդագրություններն անգլերեն լեզվով են:
Carllo Carl 💕💕💕💕- Hi (Բարև Ձեզ),
<<Bitcoin Operator>>- Hi 🌙 (Բարև Ձեզ)
Carllo Carl 💕💕💕💕 -100$, Btc
<<Bitcoin Operator>>- bc1qt8fxnad3qn2ku9mndyqsut9p6wdet5tfqh6u02
Carlo Carl 💕💕💕💕-I send it here (ուղարկում եմ այստեղ)
<<Bitcoin Operator>>- will check now 💫 (կստուգեմ հիմա), we haven't received it yet, let's wait 💫 (մենք դեռ չենք ստացել, եկեք սպասենք),
Carllo Carl 💕💕💕💕-https://mempool.space/tx/060abbe9dc7b61d73f89ee869e3003c 8461e68b2ab87a19489f112b9ab641f16, Seen ()
<<Bitcoin Operator>>- 0.001159 * 86402.071 (BTC Binance) = 100.14$100.14 * 392 / 1.019 = 38600 դր 💫
Carlo Carl 💕💕💕💕 -Don't send it now (մի ուղարկեք հիմա),
<<Bitcoin Operator>- received, where should we send it to? 💫 (ստացանք, որտեղ պետք է ուղարկենք)
Carllo Carl 💕💕💕💕-I'll give you the account number (կտամ Ձեզ հաշվեհամար)
<<Bitcoin Operator>> okay 💫 (լավ)
Carllo Carl 💕💕💕💕 - 4083060015731983, Satik Nersisyan-Սաթիկ Ներսիսյան
<<Bitcoin Operator>>- We will make the transfer now and provide a receipt 💫 (մենք հիմա փոխանցումը կկատարենք և կներկայացնենք անդորագիրը),
******************** ԱՆԴՈՐՐԱԳԻՐ Իզի Փեյ ՍՊԸ, ՀՎՀՀ 02258501 Հասցե՝ ք.Երևան, Ադոնցի 8/171(011) 247-247/ (011) 261-261******************** Ամերիաբանկ Վճարման նպատակ՝ Քարտային հաշվի համալրում Ամսաթիվ՝ Mar 8 2025 11:54 PM Տերմինալի համար՝ 999999 Անդորրագրի համար՝ 495848072 Գումար՝ 38600.00 դրամ Միջնորդավճար՝ 270.00 դրամ Քարտի համար՝ 4083060015731983 ******************** Գործողությունը թույլատրված է Transaction is permitted ******************** Վճարումն ընդունված է * Շնորհակալություն *
Փոխանցումը կատարվեց: Շնորհակալություն մեր ծառայություններից օգտվելու համար: @BitcoinArmenian 💫
Այդքանով խոսակցությունն ավարտվում է և նշվածից հարկ է նկատի ունենալ այն հանգամանքը, որ Քարիթոն Քորոմանը դեպքի կատարումից հետո 100 ԱՄՆ դոլար բիթքոին է փոխանակում ՀՀ դրամի, որը փոխանցվում է Քարիթոն Քորոմանի կողմից նշված 4083060015731983 քարտային հաշվեհամարին:
2025 թվականի մարտի 12-ին՝ ժամը 14:23:23-ից մինչև 15:54:30-ն ընկած ժամանակահատվածում, Carllo Carl 💕💕💕💕-ն նամակագրություն է վարում <<Mиxaил>> տելեգրամյան կայքէջի օգտատիրոջ հետ՝ հետևյալ բովանդակությամբ: Միևնույն ժամանակ հաղորդագրությունները ռուսերեն լեզվով են:
Carllo Carl 💕💕💕💕 -ты больше никогда не увидишь этот МК-(դու էլ երբեք չես տեսնի այդ MK-ն)
<<Mиxaил>> - Какой? (Որ), Мк уже давно забрали (Մենք արդեն վաղուց վերցրել ենք), Успокойся (հանգստացիր)
Carllo Carl 💕💕💕💕-У меня баланс 100$, и вы мне вчера не заплатили... Мне нужно, чтобы уехать из Еревана, я вам об этом говорил-(իմ հաշվեհամարին 100 ԱՄՆ դոլար է և դուք ինձ երեկ չեք վճարել... Ինձ դա անհրաժեշտ է, որպեսզի Երևանից մեկնեմ, ես դրա մասին Ձեզ տեղեկացրել եմ), Taк что вы не собирeтecь платить мне мои деньги, чтобы я мог уехать из Еревана на некоторое время-(Այնպես որ դուք չեք պատրաստվում վճարել ինձ իմ գումարը, որպեսզի ես կարողանամ որոշ ժամանակով մեկնել Երևանից), ??, вот так вы относитесь к своим работникам, когда они в беде?- (Այսպես եք վերաբերվում դուք Ձեր աշխատակիցներին, երբ նրանք փորձանքի մեջ են),
<<Mиxaил>> - Твои клады на продажи, как продадутся ты получишь выплату-Քո <<Կլադները-պահոցները>> վաճառքի են հանված, հենց դրանք վաճառվեն, դու կստանաս քո հասանելիք վճարը։
Carllo Carl 💕💕💕💕-но вы мне вчера не заплатили, и я хочу уехать из Еревана, чтобы продолжит paбoтy (Բայց դուք ինձ երեկ չվճարեցիք, ես ուզում եմ մեկնել Երևանից, որպեսզի շարունակեմ աշխատանքս), или вы paботаeтe только в Ереване??- թե դուք աշխատում եք միայն Երևանու՞մ:
<<Mиxaил>> - Нет, Мы работаем во всех городах Армении (Ոչ մենք աշխատում ենք Հայաստանի բոլոր քաղաքներում), Нyжно paботaть в городе Гюмри (Գյումրիում է պետք աշխատել),
Carllo Carl 💕💕💕💕- если у меня будут деньги, я поеду жить в Гюмри... вот почему вот почему мне нужни деньгн (Եթե ես գումար ունենամ, ես ապրելու համար կմեկնեմ Գյումրի, ահա թե ինչու է ինձ գումար հարկավոր), так что ты не отправишь деньги, я сейчас здесь не в безопасноцтн- (Քանի դեռ դու չես փոխանցել գումարը, ես այստեղ անվտանգ չեմ), ??:
Այդքանով խոսակցությունն ավարտվում է և նշվածից հարկ է նկատի ունենալ այն հանգամանքը, որ Carllo Carl 💕💕💕💕 կայքէջը վարող Քարիթոն Սանքարիե Քորոմանը, իր կողմից կատարած աշխատանքի, մասնավորապես իր կողմից դրված <<կլադների>> դիմաց գումար է պահանջում <<Mиxaил>> անվամբ տելեգրամյան օգտատիրոջից: Զննությամբ <<Mиxaил>> տելեգրամյան կայքէջի օգտատիրոջ վերաբերյալ այլ անհատականացնող հատկանիշներ հնարավոր չեն եղել պարզել, միայն գրված է, որ հիշյալ բաժանորդի նույնականացման համարը հետևյալն է՝ 1849937592։ Հիշյալ հավելվածի զննությամբ քրեական վարույթի համար նշանակություն ունեցող այլ տվյալներ չեն հայտնաբերվել:
Դրանից հետո մուտք է գործվել բջջային հեռախոսից արտածված <<Փoтo Apple>> հավելված, որտեղ առկա են <<Mиxaил>> անվամբ օգտատիրոջ հետ տեղի ունեցած հաղորդագրությունների էկրանից կատարված ինքնանկարներ: Հաղորդագրությունները անգլերեն և ռուսերեն լեզուներով են: Համաձայն 1-ին լուսանկարի, <<Mиxaил>> անվամբ օգտատերն ուղարկել է տելեգրամյան կայքէջի հղմամբ թմրանյութի լուսանկար, որի ներքևի հատվածում կատարվել է գրառում՝ Pvp-1, Bagrevand 46th Street. Nor Nork, to the point-(ՊՎՊ-1, Բագրևանդ 46-րդ փողոց, Նոր-Նորք, դեպի կետը), уточни (Ճշտի):
Դրանից հետո խոսակցությունը շարունակվում է հետևյալ բովանդակությամբ՝
Ք․Ս․Քորոմա-привет, можешь дать мне квитанцию на биткоиныб которые ты отправил???-Ողջույն, կարո՞ղ ես ինձ ուղարկել բիթքոինների անդորրագրերը, որոնք դու փոխանցել ես:
<<Mиxaил>> - Сейчас нет, завтра-Հիմա չէ, վաղը:
Ք.Ս.Քորոմա- Ha кaкой счeт вы ето отправили???-որ հաշվեհամարին ես դա ուղարկել, вы нe отправили деньги???-դուք չե՞ք փոխանցել գումարը,
<<Mиxaил>> - отправил-փոխանցել եմ,
Դրա հաջորդ լուսանկարում խոսակցությունը շարունակվում է հետևյալ բովանդակությամբ՝
Ք.Ս.Քորոմա-на етот счет???-այս հաշվեհամարին,
<<Mиxaил>>- да-այո,
Ք.Ս.Քորոմա -Могу ли я увидеть квитанции, пожалуйста, он сказал, что не получал иx-կարող եմ ես տեսնել անդորրագրերը, խնդրում եմ, նա ասաց, որ չի ստացել գումարը,
Միևնույն ժամանակ լուսանկարներ բաժնում առկա էին դրամապանակների վերաբերյալ լուսանկարներ,
1-ին լուսանկարի զննությամբ պարզվել է, որ <<Mиxaил>> տվյալներով անձն Քարիթոն Քորոմանին ուղարկում է տելեգրամյան հղում Pvp-1 թմրամիջոցի վերաբերյալ, որում առկա է թմրանյութի լուսանկար և դրա գտնվելու վայրի վերաբերյալ հասցե ու հայտնում, որ գնա լուսանկարում նշված հասցեով:
Հիշյալ հավելվածի զննությամբ քրեական վարույթի համար նշանակություն ունեցող այլ տվյալներ չեն հայտնաբերվել:
Դրանից հետո զննության է ենթարկվել բջջային հեռախոսից արտածված <<Телефон Apple>>, <<Контакты Apple>>, <<Instagram>>, <<Facebook>> և բջջային հեռախոսում առկա մյուս բջջային հավելվածները, սակայն դրանց զննությամբ քրեական վարույթի համար նշանակություն ունեցող տվյալներ չեն հայտնաբերվել:
Զննության ավարտին բջջային հեռախոսից արտածված տեղեկատվությունը պահվել է էլեկտրոնային կրիչում և համակարգչում:
Արթանագրությունը ստորագրել են քննիչը և թարգմանիչները։
(քրեական գործ, հատոր 2-րդ, վ.է 36-47):

Լրացուցիչ դատալսումների ընթացքում հետազոտվել են հետևյալ փաստաթղթերը.

Քարիթոն Սանքարիե Քորոմանի վերաբերյալ ոստիկանության ինֆորմացիոն կենտրոնից ստացված ձև 8 տեղեկանքը, համաձայն որի՝ վերջինս հանդիսանում է դատվածություն չունեցող անձ:
(քրեական գործ, հատոր 1-ին, վ.է 71):

4․ Դատարանի կողմից հաստատված փաստական հանգամանքները.
Հետազոտված ապացույցների հիման վրա Դատարանը հաստատված է համարում հետևյալ փաստական հանգամանքները.
Մեղադրյալ Քարիթոն Սանքարիե Քորոմանին նախնական համաձայնության գալով քննությամբ ինքնությունը չպարզված անձի հետ, պայմանավորվածություն է ձեռք բերել զբաղվել շահադիտական դրդումներով առանձնապես խոշոր չափերի թմրամիջոցների իրացմամբ, ինչպես նաև կատարել է փողերի լվացում։
Այսպես
Քարիթոն Սանքարիե Քորոմանին, 2022թ. սեպտեմբեր ամսից բնակվելով Հայաստանի Հանրապետությունում, խախտելով <<Թմրամիջոցների և հոգեմետ նյութերի մասին>> ՀՀ օրենքի 11-րդ հոդվածի 2-րդ կետի պահանջը, այն է՝ չունենալով բժշկական նպատակներով կամ բժշկի նշանակմամբ թմրամիջոցների և հոգեմետ (հոգեներգործուն) նյութերի շրջանառություն իրականացնելու, այսինքն՝ թմրամիջոց պատրաստելու, վերամշակելու, ձեռք բերելու, պահելու, փոխադրելու կամ առաքելու թույլտվություն, իր կողմից շահագործվող Տելեգրամ հավելվածի <<Carllo Cari>> անհատական էջի միջոցով քննությամբ չպարզված ժամանակահատվածում նախնական համաձայնության է եկել նախաքննությամբ ինքնությունը չպարզված Տելեգրամ հավելվածի <<Михаил>> անհատական էջը վարող թմրանյութերի ապօրինի շրջանառությամբ զբաղվող անձի հետ՝ պայմանավորվածություն ձեռք բերելով խմբի կազմում զբաղվել շահադիտական դրդումներով թմրամիջոցների ապօրինի շրջանառությամբ, իսկ իր աշխատանքի դիմաց կատարած վարձատրությունը ստացել է կրիպտոարժույթի տեսքով։
Այնուհետև քննությամբ չպարզված օրը Քարիթոն Սանքարիե Քորոմանին հանցակցից իրացման նպատակով ապօրինի ձեռք է բերել առանձնապես խոշոր չափերի 7․45 հաստատուն քաշով <<a-PVP>> տեսակի թմրամիջոց, ապա այն իրացնելու նպատակով բաժանել է հավասարաչափ մասերի, փաթեթավորել է կպչուն ժապավենով և ապօրինի պահել է իր մոտ, որից հետո 2025թ. մարտի 05-ին՝ ժամը 05:30-ի սահմաններում, Երևան քաղաքի Մալիբու այգում հանդիպելով ոստիկանության աշխատակիցներին, վերջիններիս կողմից իր անձի ինքնությունը ստուգելու ժամանակ դիմել է փախուստի, որի ժամանակ էլ նետել է իր մոտ առկա 15 փաթեթում առկա, առանձնապես խոշոր չափերի՝ 7.45 գրամ հաստատուն քաշով (0.49 գրամ, 0.5 գրամ, 0.49 գրամ, 0.49 գրամ, 0.49 գրամ, 0․48 գրամ, 0.48 գրամ, 0.48 գրամ, 0.5 գրամ, 0.5 գրամ, 0,49 գրամ, 0.5 գրամ, 0.52 գրամ, 0.53 գրամ, 0.51 գրամ) <<a-PVP>> թմրամիջոցը, որն էլ հայտնաբերվել է նույն օրը կատարված դեպքի վայրի զննությամբ։
Բացի այդ, Քարիթոն Սանքարիե Քորոմանին, քննությամբ դեռևս չպարզված ժամանակահատվածից մինչև 2025 թվականի մարտի 08-ը ներառյալ ընկած ժամանակահատվածում, հանցավոր ճանապարհով թմրամիջոցների իրացումից ստացված ֆինանսական միջոցների հանցավոր ծագումը, դրանց իրական բնույթը թաքցնելու, հանցավոր ճանապարհով ստացված ֆինանսական միջոցների տեղաշարժն ու տեղաբաշխումը քողարկելու, ստացված դրամական միջոցներին օրինական տեսք հաղորդելու նպատակով թմրամիջոցների ապօրինի շրջանառությունից ստացված եկամուտի իր մասնաբաժինը հանցակցից՝ Տելեգրամ հավելվածի <<Михаил>> անհատական էջը վարող անհայտ անձից, ստացել է կրիպտոարժույթի տեսքով իր կրիպտոարժույթի էլեկտրոնային հաշվեհամարներին փոխանցելով, որից հետո հանցավոր ճանապարհով ձեռք բերված գումարների ծագման փաստը քողարկելու և դրանց օրինական տեսք տալու նպատակով 2025 թվականի մարտի 7-ին՝ ժամը 23:39:23 իր bclqazw4al7pnthdc8kkx060qwe23h72an8lle4qlx կրիպտոդրամապանակից 0.000555 BTC (48.93 USD), իսկ 2025 թվականի մարտի 08-ին` համը 23:44:03-ին, իր bc1qxshqpjp3mdea48dry5n4c964tksyjq138fhx կրիպտոդրամապանակից 0001159 BTC (100.14 USD) կրիպտոարժույթ է փոխանցել կրիպտոարժույթի փոխանակում իրականացնող <<Էդուարդ Ռուբենի Ավետիսյան>> ԱՁ-ին պատկանող bclqzqwm405zqyzwqmcg5mqfkqppq4sl6ky5zsv06p էլեկտրոնային կրիպտոդրամապանակին, ովքեր էլ, կրիպտոարժույթը փոխարինելով դրամի, առաջին դեպքում 18.700 ՀՀ դրամը փոխանցել են Քարիթոն Սանքարիե Քորոմանի անվամբ հաշվառված <<Ինեկոբանկ>> ՓԲ ընկերությանը պատկանող 5406610004325655 քարտային հաշվեհամարին, իսկ երկրորդ դեպքում՝ 38.600 ՀՀ դրամ փոխանցել են Քարիթոն Սանքարիե Քորամանի կողմից շահագործվող, սակայն Սաթիկ Հրաչի Ներսիսյանին անվամբ հաշվառված <<Ամերիաբանկ>> ՓԲ ընկերությանը պատկանող 4083060015731983 քարտային հաշվեհամարին:
Այսպիսով, Դատարանը գործով ձեռք բերված յուրաքանչյուր ապացույց գնահատելով վերաբերելիության, թույլատրելիության, հավաստիության, իսկ բոլոր ապացույցների համակցությունը հիմնավոր համարելով եզրափակիչ դատական ակտ կայացնելու համար բավարարության տեսանկյունից, հիմնվելով ներքին համոզման վրա՝ գտնում է, որ Քարիթոն Սանքարիե Քորոմանին վերագրվող արարքներն ապացուցված են:
Ապացույցները, որոնց գնահատման արդյունքում Դատարանը Քարիթոն Սանքարիե Քորոմանին վերագրվող արարքները համարում է ապացուցված, շարադրված են վերևում:

5. Դատարանի իրավական վերլուծությունները.
ՀՀ քրեական դատավարության օրենսգրքի 86-րդ հոդվածի համաձայն՝
<<1. Քրեական վարույթում ապացույց են`
1) ձերբակալվածի ցուցմունքը.
2) մեղադրյալի ցուցմունքը.
3) տուժողի ցուցմունքը.
4) վկայի ցուցմունքը.
5) փորձագետի եզրակացությունը.
6) փորձագետի կարծիքը.
7) փորձագետի ցուցմունքը.
8) իրեղեն ապացույցները.
9) ապացուցողական և վարութային այլ գործողությունների արձանագրությունները.
10) արտավարութային փաստաթղթերը:
(…)>>:
Օրենսգրքի 97-րդ հոդվածի համաձայն՝
<<1. Վարույթի ընթացքում ձեռք բերված ապացույցները, ներառյալ վարույթի մասնավոր մասնակիցների ներկայացրած ապացույցները համարվում են թույլատրելի, քանի դեռ պատշաճ իրավական ընթացակարգով հակառակը չի հաստատվել:
2. Օրենքի էական խախտմամբ ստացված տվյալները, ինչպես նաև դրանց հիման վրա կատարված վարութային գործողությունների արդյունքով ձեռք բերված տվյալները ճանաչվում են անթույլատրելի և չեն կարող օգտագործվել որպես ապացույց:
3. Օրենքի էական խախտմամբ ստացված են համարվում այն տվյալները, որոնք ձեռք են բերվել`
1) տվյալ քրեական վարույթն իրականացնելու, համապատասխան ապացուցողական կամ վարութային այլ գործողություն կատարելու իրավասություն չունեցող անձի կողմից.
2) բացարկման ենթակա անձի էական մասնակցությամբ, եթե նա իմացել է կամ ողջամտորեն պետք է իմանար վարույթին իր մասնակցությունը բացառող հանգամանքների առկայության մասին.
3) սույն օրենսգրքով նախատեսված ընթացակարգի խախտմամբ, եթե հնարավոր չէ դրա հետևանքը վերացնել այլ ապացուցողական գործողության պատշաճ կատարմամբ.
4) քննչական գործողության կատարման ընթացքում մեղադրյալի կարգավիճակ չունեցող անձից, որի նկատմամբ փաստացի իրականացվել է քրեական հետապնդում` առանց այդ մասին նրան պատշաճ ծանուցելու.
5) անհայտ աղբյուրից.
6) արդի գիտությանը հակասող մեթոդների կիրառմամբ:
4. Ապացույցներ ձեռք բերելիս էական են նաև այն խախտումները, որոնք դրսևորվել են մարդու և քաղաքացու սահմանադրական իրավունքների և ազատությունների ոտնահարմամբ կամ քրեական վարույթի սկզբունքների խախտմամբ:
(…)
6. Պաշտպանի բացակայությամբ մեղադրյալի տված ցուցմունքները չեն կարող օգտագործվել որպես ապացույց, եթե մեղադրյալը դատարանում հրաժարվել է դրանցից:
(…)
9. Այն տվյալները, որոնք ստացվել են վարույթի հանրային մասնակցի թույլ տված` օրենքի պահանջների խախտմամբ, կարող են մեղադրյալի, նրա պաշտպանի կամ օրինական ներկայացուցչի միջնորդությամբ օգտագործվել որպես ապացույց, եթե այդ խախտմամբ չեն ոտնահարվել այլ անձի իրավաչափ շահերը: Այդպիսի ապացույցը կարող է օգտագործվել միայն ի շահ տվյալ մեղադրյալի:
(…)
11. Ապացույցների անթույլատրելիությունը, ինչպես նաև սույն հոդվածի 9-րդ մասով նախատեսված դեպքում օրենքի խախտմամբ ձեռք բերված տվյալների օգտագործման հնարավորությունը որոշմամբ հաստատում է վարույթն իրականացնող մարմինը՝ վարույթի շահագրգիռ մասնակցի միջնորդությամբ կամ սեփական նախաձեռնությամբ:
12. Անթույլատրելի ճանաչված ապացույցները պահվում են վարույթի նյութերում>>:
ՀՀ Վճռաբեկ դատարանը Սարիբեկ Վարազդատի Հարությունյանի գործով 2014 թվականի մայիսի 31-ի թիվ ԵԱՔԴ/0189/01/12 որոշմամբ իրավական դիրքորոշում է արտահայտել այն մասին, որ (...) ապացույցների ձեռքբերման գործընթացում էական չեն կարող համարվել քննչական կամ այլ դատավարական գործողության կատարման կարգի այն խախտումները, որոնցով չեն սահմանափակվել դատավարության մասնակիցների` օրենքով երաշխավորված իրավունքները կամ այդ իրավունքներից նրանք չեն զրկվել, ինչպես նաև այն խախտումները, որոնք ստացված փաստական տվյալների հավաստիության վրա չեն ազդել կամ չէին կարող ազդել: Այլ խոսքով` քննչական կամ այլ դատավարական գործողությունների կատարման ժամանակ թույլ տրված քրեադատավարական օրենսդրության խախտումները պետք է գնահատվեն` ելնելով դրանց բնույթից, ծանրությունից և վերոնշյալ գործողությունների արդյունքում ստացված ապացուցողական նյութի որակի և հավաստիության վրա դրանց ազդեցության աստիճանից: Վճռաբեկ դատարանը գտնում է, որ ապացույցն անթույլատրելի ճանաչելը` որպես իրավական հետևանք, պետք է տեղի ունենա միայն քրեադատավարական օրենսդրության էական խախտման առկայության պարագայում: Հակառակ դեպքում ապացույցների թույլատրելիության հարցին կցուցաբերվի ձևական մոտեցում, ինչն էլ կհանգեցնի ապացուցողական նյութի անտեղի կորստի (...)։
Թեև ՀՀ Վճռաբեկ դատարանը հիշյալ նախադեպային դիրքորոշումն արտահայտել է 1998 թվականի հուլիսի 1-ին ընդունված ՀՀ քրեական դատավարության օրենսգրքով նախատեսված իրավանորմերի մեկնաբանման շրջանակում, սակայն նկատի ունենալով, որ ապացույցներն անթույլատրելի ճանաչելու սկզբունքը գործող քրեական դատավարության օրենսգրքի ընդունմամբ ըստ էության մնացել է նույնը, այն է՝ ապացույցն անթույլատրելի ճանաչելու հիմքում պետք է դրվի քրեադատավարական օրենսդրության պահանջների էական խախտումը, Դատարանը գտնում է, որ մեջբերված որոշմամբ արտահայտված նախադեպային դիրքորոշումը վերաբերելի է նաև սույն դեպքին:
Վերը մեջբերված քրեադատավարական նորմերի և իրավական դիրքորոշումների լույսի ներքո թույլատրելիության տեսանկյունից գնահատելով հիմնական դատալսումների ընթացքում հետազոտված և դատական ակտում շարադրված վերոգրյալ ապացույցները՝ Դատարանն արձանագրում է, որ գործի քննության ընթացքում չի ստացվել որևէ օբյեկտիվ տվյալ, որը հիմք կտար փաստելու, թե նշված ապացույցների ձեռքբերման գործընթացում տեղ են գտել այնպիսի էական խախտումները, որոնք դրսևորվել են մարդու և քաղաքացու սահմանադրական իրավունքների և ազատությունների ոտնահարմամբ կամ քրեական վարույթի սկզբունքների խախտմամբ, ինչպես նաև դրանք ազդել են կամ կարող էին ազդել ստացված փաստական տվյալների հավաստիության վրա։
Այլ խոսքով՝ վկայակոչված ապացույցները թույլատրելիության առումով կասկածի տակ առնելու հիմքերը բացակայում են, քանի որ դրանք ձեռք են բերվել քրեադատավարական օրենքի պահանջների պահպանմամբ, իսկ հակառակի մասին վկայող որևէ օբյեկտիվ տվյալ գործի քննության ընթացքում չի ստացվել։
ՀՀ քրեական դատավարության օրենսգրքի 22-րդ հոդվածի համաձայն՝
<<1. Քրեական վարույթի համար նշանակություն ունեցող ցանկացած հանգամանք պետք է հաստատվի պատշաճ ապացույցների բավարար համակցությամբ:
2. Եզրափակիչ դատավարական ակտը պետք է հիմնվի հետազոտված ապացույցների ազատ և բարեխիղճ գնահատման վրա:
3. Մեղադրական դատավճռի հիմքում դրվող յուրաքանչյուր փաստական հանգամանք պետք է հիմնավորվի ապացույցների այնպիսի ծավալով, որը կբացառի դրա ապացուցվածության վերաբերյալ ցանկացած հիմնավոր կասկած: Դատավճիռ կայացնելիս պետք է հաշվի առնվի անհրաժեշտ և հնարավոր ապացույցների բացակայությունը:
4. Վարույթն իրականացնող մարմինը պարտավոր է հանգամանորեն ստուգել ի պաշտպանություն մեղադրյալի բերված և պատշաճ ձևակերպված փաստարկները:
5. Հանցագործության համար անձի մեղավորության մասին հետևությունը չի կարող հիմնվել ենթադրությունների վրա. այն պետք է հաստատվի փոխկապակցված վերաբերելի, թույլատրելի, հավաստի ապացույցների ամբողջությամբ:
(…)>>:
Օրենսգրքի 105-րդ հոդվածի համաձայն՝
<<1. Յուրաքանչյուր ապացույց ենթակա է գնահատման՝ վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից:
2. Քննիչը, դատախազը, դատավորը, ղեկավարվելով քրեադատավարական օրենսդրությամբ, ներառյալ ապացուցման չափանիշների մասին վերաբերելի կանոններով, ապացույցները գնահատում են դրանց պատշաճ հետազոտման և վերլուծության վրա հիմնված ներքին համոզմամբ:
3. Ոչ մի տվյալ նախապես հավաստի ապացույցի ուժ չունի: Դատավորը, ինչպես նաև քննիչը և դատախազը չպետք է կանխակալ վերաբերմունք դրսևորեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան, քանի դեռ պատշաճ իրավական ընթացակարգի շրջանակներում դրանք չեն գնահատվել>>:
Քարիթոն Սանքարիե Քորոմանին վերագրվող արարքների ապացուցվածության վերաբերյալ իրավական վերլուծությունների համատեքստում Դատարանը հարկ է համարում մեջբերել ապացույցների գնահատման վերաբերյալ ՀՀ Վճռաբեկ դատարանի՝ մի շարք նախադեպային որոշումներով արտահայտված իրավական դիրքորոշումներ, որոնք, Դատարանի գնահատմամբ, տեղի ունեցած օրենսդրական փոփոխությունների պայմաներում ևս վերաբերելի են քննարկվող հարցին:
Այսպես.
ՀՀ Վճռաբեկ դատարանը 2013 թվականի մայիսի 8-ի թիվ ԵԿԴ/0168/01/12 որոշմամբ դիրքորոշում է հայտնել այն մասին, որ ապացույցների գնահատումը կատարվում է ներքին համոզման հիման վրա: Ներքին համոզմունքը, որպես ապացույցների գնահատման արդյունք, բնութագրվում է օբյեկտիվ և սուբյեկտիվ գործոնների անխզելի կապով. այն, մի կողմից, պետք է բխի հետազոտվող ապացույցների բավարար համակցությունից և հիմնվի դրանց վրա, իսկ մյուս կողմից, անկողմնակալ դիտորդի մոտ պետք է առաջացնի այն վստահությունը, որ ապացույցները հետազոտվել են արդարության բոլոր պահանջների պահպանմամբ:
Հանցանք կատարելու մեջ անձի մեղավորությունը հաստատելիս ապացույցների բավարարությունը որոշելու հարցին ՀՀ վճռաբեկ դատարանն անդրադարձել է Արարատ Ավագյանի և Վահան Սահակյանի վերաբերյալ գործով 2014 թվականի հոկտեմբերի 31-ի թիվ ԵԿԴ/0252/01/13 որոշմամբ: Մասնավորապես` իրացնելով օրենքի միատեսակ կիրառությունն ապահովելու իր սահմանադրական գործառույթը` Վճռաբեկ դատարանը հիշատակված դատական ակտում նախադեպային նշանակության իրավական դիրքորոշումներ է արտահայտել առ այն, որ գործի լուծման համար բավարար ապացույցներ ասելով` պետք է հասկանալ թույլատրելի, վերաբերելի և արժանահավատ ապացույցների համակցություն, որը, հաղթահարելով անմեղության կանխավարկածը, անաչառ դիտորդի մոտ կձևավորի հիմնավոր կասկածից վեր համոզվածություն անձի մեղավորության վերաբերյալ, ինչպես նաև կհաստատի գործով ապացուցման առարկան կազմող մյուս հանգամանքները և հնարավորություն կտա կայացնել հիմնավորված և պատճառաբանված որոշում: Ապացույցների բավարարությունը չի կարող որոշվել թվաբանական ցուցանիշով: Ակնհայտ է, որ ապացույցները բավարար չեն, եթե`
1) գործում բացակայում է որևէ ապացույց գործի ճիշտ լուծման համար նշանակություն ունեցող որևէ հանգամանքի պարզման համար,
2) եղած ապացույցը թույլ չի տալիս պարզել այդ հանգամանքն անհրաժեշտ խորությամբ և լրիվությամբ,
3) այդ հանգամանքի ապացուցվածությունը կասկած է հարուցում (...):
Արդյունքում՝ Վճռաբեկ դատարանն արձանագրել է, որ քրեական դատավարությունում մեղքի հարցը լուծելիս որպես ապացույցների բավարարության շեմ պետք է գործի <<հիմնավոր կասկածից վեր>> ապացուցողական չափանիշը: Ընդ որում` <<հիմնավոր կասկածից վեր>> ապացուցողական չափանիշ ասելով՝ պետք է հասկանալ փաստական տվյալների (ապացույցների) այնպիսի համակցություն, որը բացառում է հակառակի ողջամիտ հավանականությունը: Վերոգրյալը չի նշանակում, որ հանցանք գործելու մեջ անձի մեղավորությունն ընդհանրապես չի կարող առաջացնել որևէ կասկած, սակայն այդպիսի կասկածի հավանականության դեպքում դրա աստիճանը պետք է լինի աննշան (խիստ ցածր): Այլ խոսքով` մեղադրանքը կազմող յուրաքանչյուր փաստական հանգամանք պետք է հիմնավորվի ապացույցների այնպիսի ծավալով, որը կբացառի դրա ապացուցվածության վերաբերյալ ցանկացած ողջամիտ կասկած (...):
Սույն դեպքում գործով ձեռք բերված ապացույցները գնահատելով մեջբերված իրավական դիրքորոշումների լույսի ներքո՝ Դատարանը գալիս է հետևյալ եզրահանգման.
1․ ապացուցված են մեղադրյալ Քարիթոն Սանքարիե Քորոմանին վերագրվող փաստական հանգամանքները (արարքները),
2․ ապացուցված է Քարիթոն Սանքարիե Քորոմանին վերագրվող արարքների քրեական հակաիրավականությունը, դրանք նախատեսված են ՀՀ քրեական օրենսգրքի 393-րդ հոդվածի 3-րդ մասի 2-րդ կետով և 296-րդ հոդվածի 1-ին մասով,
3․ ապացուցված է մեղադրյալ Քարիթոն Սանքարիե Քորոմանի կողմից այդ արարքները կատարելը,
4․ ապացուցված է մեղադրյալ Քարիթոն Սանքարիե Քորոմանի մեղավորությունը տվյալ արարքները կատարելու մեջ:
Նշված եզրահանգման համար հիմք է հանդիսանում հետևյալ վերլուծությունը.
ՀՀ քրեական օրենսգրքի 393-րդ հոդվածի համաձայն՝
<<1. Իրացնելու նպատակով թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ ապօրինի արտադրելը, պատրաստելը, վերամշակելը, ձեռք բերելը, պահելը, տեղափոխելը, առաքելը, տարածելը, գովազդելը կամ դրանք ապօրինի իրացնելը կամ մեկ ուրիշի դրդմամբ՝ նրա համար թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ ապօրինի ձեռք բերելը`
պատժվում է ազատազրկմամբ՝ երեքից վեց տարի ժամկետով:
(…)
3. Սույն հոդվածի 1-ին կամ 2-րդ մասով նախատեսված արարքը, որը կատարվել է՝
1) հանցավոր կազմակերպության կողմից կամ
2) առանձնապես խոշոր չափերով՝
պատժվում է ազատազրկմամբ՝ վեցից տասներկու տարի ժամկետով:
(…)>>:
Ինչպես պարզ է դառնում հոդվածի դիսպոզիցիայի վերլուծությունից, դրանով նախատեսված հանցակազմի օբյեկտիվ կողմը դրսևորվում է երկընտրելի գործողություններով, այն է՝ հանցագործության առարկան ապօրինի արտադրելով, պատրաստելով, վերամշակելով, ձեռք բերելով, պահելով, տեղափոխելով, առաքելով, տարածելով, գովազդելով կամ դրանք ապօրինի իրացնելով կամ մեկ ուրիշի դրդմամբ՝ նրա համար թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ ապօրինի ձեռք բերելով:
Ապօրինի արտադրել և պատրաստել ասելով՝ պետք է հասկանալ առանց հատուկ թույլտվության ցանկացած գործողություն, որի արդյունքում օգտագործման համար պատրաստի թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ է ստացվել: Հիմնականում դա կատարվում է բնական հումքը մշակելու միջոցով կամ տարբեր նյութերի՝ ցանկացած եղանակով քիմիական միացման միջոցով:
Թերևս արտադրելու միակ առանձահատկությունն այն է, որ այն ենթադրում է հատուկ տեխնոլոգիաների կիրառում, պարբերականություն և ավելի մեծ չափերի արտադրանք:
Թմրամիջոցն ապօրինի արտադրելու կամ պատրաստելու ավարտման պահը պետք է համարել օգտագործման համար պատրաստի արտադրանք ստանալը:
Ապօրինի վերամշակել ասելով՝ պետք է հասկանալ այնպիսի գործողություն, որն ուղղված է որոշակի նյութից ավելորդ խառնուրդների անջատմանը, որով բարձրացվում է քննարկվող հանցագործության առարկայի հատկությունը և խթանվում դրա արդյունավետությունը:
Ապօրինի ձեռք բերելն այնպիսի հատուցվող կամ անհատույց գործողության կատարում է, որով անձն ապահովում է հանցագործության առարկային տիրանալու հնարավորությունը: Ձեռքբերման ճանապարհները կարող են բազմազան լինել՝ (գնելը, ապրանքափոխանակությունը, պարտքով վերցնելը, հավաքելը և այլն), ինչն ըստ էության նշանակություն չունի հանցագործության որակման համար:
Ապօրինի պահել ասելով ասելով՝ պետք է հասկանալ ցանկացած դիտավորյալ գործողություն, որն ուղղված է քննարկվող հանցագործության առարկան իր վրա կրելուն, շինությունում, գաղտնարանում կամ այլ վայրերում թաքցնելուն: Այս դեպքում անձը չունենալով դրա իրավունքը, ֆիզիկական առումով տիրապետում է այդ միջոցին՝ անկախ դրա գտնվելու վայրից և ժամանակից:
Ապօրինի տեղափոխելն այնպիսի գործողություն է, որով թմրամիջոցը տեղափոխվում է տեղից տեղ:
Ապօրինի առաքելը գործողություն է, երբ թմրամիջոցը ցանկացած եղանակով ուղարկվում է տեղից տեղ:
Ապօրինի տարածելը թմրամիջոցի հնարավորինս լայն սպառման նպատակով կատարվող գործողություն է:
Ապօրինի գովազդելը թմրամջոցի տեսակի, որակի, չափաբաժնի, գնի, վաճառքի պայմանների և այլնի վերաբերյալ տեղեկություններ տարածելն է:
Ապօրինի իրացումը թմրամիջոցի ցանկացած եղանակով օտարումն է՝ վաճառք, նվիրատվություն, փոխանակում, խոխատվություն, պարտքի մարում, ուրիշի ներարկում և այլն: Նշված գործողության միջոցով թմրամիջոցին տիրանում է մեկ այլ անձ:
Քննարկվող հանցագործությունը սուբյեկտիվ կողմից բնութագրվում է միայն ուղղակի դիտավորությամբ, այսինքն՝ հանցավորը գիտակցում է, որ ինքն ապօրինի կատարում է վերը թվարկված գործողություններից որևէ մեկը: Իհարկե սույն դեպքում որպես սուբյեկտիվ կողմի պարտադիր հատկանիշ օրենսդիրը նախատեսել է իրացնելու նպատակը:
Ինչ վերաբերում է արարքը շահադիտական դրդումներով կատարելուն, ապա դա իրավիճակ է, երբ հանցավորը գործել է իր կամ այլ անձի համար գույքային օգուտ ստանալու կամ գույքային ծախսերից կամ պարտավորություններից խուսափելու մղումներով (ՀՀ քրեական օրենսգրքի 6-րդ հոդվածի 14-րդ կետ):
Միևնույն ժամանակ ՀՀ քրեական օրենսգրքի 50-րդ հոդվածի 2-րդ մասով տրված է նախնական համաձայնությամբ հանցանքը մի խումբ անձանց կողմից կատարելու բնութագիրը, համաձայն որի՝ հանցանքը համարվում է մի խումբ անձանց կողմից նախնական համաձայնությամբ կատարված, եթե հանցագործությանը մասնակցել են այնպիսի համակատարողներ, որոնք նախքան հանցանքն սկսելը պայմանավորվել են հանցանքը համատեղ կատարելու մասին:
Սույն դեպքում գործով ձեռք բերված թույլատրելի ու վերաբերելի ապացույցների համադրված վերլուծությունը վկայում է այն մասին, որ Քարիթոն Քորոմանին, շահադիտական դրդումներով իրացման նպատակով զբաղվել է թմրամիջոցների ապօրինի շրջանառությամբ:
Այս համատեքստում նախ գնահատման է արժանի մեղադրյալի բջջային հեռախոսում թվային խուզարկությամբ հայտնաբերված նամակագրությունը, համաձայն որի՝ անհայտ անձի կողմից Քարիթոն Քորոմանին է ուղարկվել թմրամիջոցի տեղակայման վայրերի վերաբերյալ տվյալներ, նշվել է թմրամիջոցի տեսակը և քանակը։ Բացի այդ, նույն անձի հետ մեղադրյալը նամակագրություն է ունեցել կատարած աշխատանքի դիմաց վարձատրություն ստանալու մասին, ինչպես նաև նոր աշխատանքի վայրի վերաբերյալ։ Նշվածը ոչ միայն ուղղակիորեն վկայում է այն մասին, որ Քարիթոն Քորոմանի գործունեությունը վերաբերել է թմրամիջոցների ապօրինի շրջանառությանը, այլև վկայությունն է այն բանի, որ վերջինս այդ գործունեությունից օգուտ է քաղել, այսինքն՝ գործել է շահադիտական դրդումներով:
Բացի այդ, դեպքի վայրի զննությամբ հայտաբերվել են իրեղեն ապացույց հանդիսացող 15 փաթեթներ, որոնցում, համաձայն փորձագետի եզրակացության՝ եղել է առանձնապես խոշոր չափերի՝ ընդհանուր 7,45 գրամ a-PVP տեսակի թմրամիջոց: Հատկանշական է այն հանգամանքը, որ ինքնությունը չպարված անձի հետ Քարիթոն Քորոմանին նշված տեսակի թմրամիջոցի մասին է նամակագրություն վարել։
Միևնույն ժամանակ վկաների ցուցմունքով հաստատվել է հանգամանքն առ այն, որ դեպքի վայրից հայտնաբերվածը նետել է Քարիթոն Քորոմանին։
Նման պայմաններում Քարիթոն Քորոմանի փաստարկներն այն մասին, թե ինքը կապ չի ունեցել իրացման նպատակով թմրամիջոցների ապօրինի շրջանառությանը, այլևս առարկայազուրկ են:
Ինչ վերաբերում է մեղադրյալ Քարիթոն Քորոմանին ՀՀ քրեական օրենսգրքի 296-րդ հոդվածի 1-ին մասով մեղսագրված արարքին, ապա այս համատեքստում՝ Դատարանը հարկ է համարում, նախ՝ անդրադառնալ քննարկվող հանցակազմի հատկանիշների համակարգային վերլուծությանը։
ՀՀ քրեական օրենսգրքի 296-րդ հոդվածի համաձայն՝
<<1. Հանցավոր ճանապարհով ստացված գույքի փոխարկումը (կոնվերտացումը) կամ փոխանցումը (եթե հայտնի է, որ այդ գույքն ստացվել է հանցավոր գործունեության արդյունքում), որը նպատակ է ունեցել թաքցնել կամ խեղաթյուրել այդ գույքի հանցավոր ծագումը կամ օժանդակել որևէ անձի, որպեսզի նա խուսափի իր կատարած հանցանքի համար պատասխանատվությունից, կամ գույքի իրական բնույթը, ծագման աղբյուրը, գտնվելու վայրը, տնօրինման եղանակը, տեղաշարժը, տեղաբաշխումը, իրավունքները կամ պատկանելությունը թաքցնելը կամ խեղաթյուրելը (եթե հայտնի է, որ այդ գույքն ստացվել է հանցավոր գործունեության արդյունքում) կամ գույք ձեռք բերելը կամ տիրապետելը կամ պահելը կամ օգտագործելը կամ տնօրինելը (եթե այդ գույքի ստացման պահին հայտնի էր, որ այն ստացվել է հանցավոր գործունեության արդյունքում)`
պատժվում է ազատազրկմամբ` երկուսից հինգ տարի ժամկետով:
2. Սույն հոդվածի 1-ին մասով նախատեսված արարքը, որը կատարվել է՝
1) մի խումբ անձանց կողմից նախնական համաձայնությամբ կամ
2) խոշոր չափերով`
պատժվում է ազատազրկմամբ` հինգից տասը տարի ժամկետով:
3. Սույն հոդվածի 1-ին կամ 2-րդ մասով նախատեսված արարքը, որը կատարվել է`
1) հանցավոր կազմակերպության կողմից,
2) իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով կամ
3) առանձնապես խոշոր չափերով՝
պատժվում է ազատազրկմամբ` վեցից տասներկու տարի ժամկետով:
4. Սույն հոդվածում խոշոր չափ է համարվում 5 միլիոն Հայաստանի Հանրապետության դրամը գերազանցող գումարը (արժեքը), իսկ առանձնապես խոշոր չափ՝ 10 միլիոն Հայաստանի Հանրապետության դրամը գերազանցող գումարը (արժեքը):
5. Սույն հոդվածի իմաստով՝ հանցավոր ճանապարհով ստացված գույք է համարվում սույն օրենսգրքի 121-րդ hոդվածի 10-րդ մասով սահմանված գույքը, որն ուղղակիորեն կամ անուղղակիորեն ստացվել է կամ առաջացել սույն օրենսգրքով նախատեսված հանցագործությունների կատարման արդյունքում>>։
ՀՀ Վճռաբեկ դատարանը մի շարք նախադեպային որոշումներով անդրադարձել է փողերի լվացման հանցակազմի վերլուծությանը՝ արձանագրելով հետևյալը․
(…) Քննարկվող հանցագործությունը դասվում է տնտեսական գործունեության դեմ ուղղված հանցագործությունների շարքին, ուստի նշված քրեաիրավական արգելքի հիմնական նպատակն է հանցավոր ճանապարհով ստացված դրամական միջոցների կամ այլ գույքի չվերահսկվող շրջանառությունից պաշտպանել պետության տնտեսական համակարգը, ինչպես նաև պայքարել ոչ օրինաչափ եղանակով դրամական միջոցների (գույքի) ձեռքբերմանն ու դրանց օրինական (լեգալ) տեսք հաղորդելուն ուղղված հանցագործությունների դեմ:
Տնտեսական գործունեության դեմ ուղղված հանցագործությունների, այդ թվում` հանցավոր ճանապարհով ստացված եկամուտների օրինականացման տեսակային օբյեկտն է բնականոն տնտեսական գործունեության ապահովմանն ուղղված հասարակական հարաբերությունների համակցությունը: Քննարկվող հանցագործության անմիջական օբյեկտն է օրինական գույքային և դրամավարկային շրջանառության ապահովմանն ուղղված հասարակական հարաբերությունները:
Քննարկվող հանցագործության լրացուցիչ օբյեկտները բազմատեսակ են: Այդպիսիք կարող են լինել հասարակական անվտանգության շահերը (եթե հանցավոր եկամուտների օրինականացումը կապված է կազմակերպված հանցավոր խմբավորումների գործունեության հետ), բնակչության առողջությունը (եթե հանցագործության առարկա են զենքը, թմրանյութերը և այլն), պետական ծառայության շահերի ապահովմանն ուղղված հասարակական հարաբերությունները (եթե առկա է պաշտոնեական դիրքի օգտագործում) և այլն:
Հանցավոր ճանապարհով ստացված եկամուտների օրինականացում հանցագործության առարկա կարող են լինել դրամական միջոցները, արժեթղթերը, ցանկացած գույք կամ գույքային իրավունք, որը ձեռք է բերվել ինչպես Հայաստանում, այնպես էլ այլ երկրներում:
ՀՀ քրեական օրենսգրքի 190-րդ հոդվածն ուղղակիորեն սահմանում է գույքի ստացման եղանակը` հանցավոր ճանապարհով, այսինքն` քրեական օրենքով արգելված արարքի կատարման արդյունքում: Ընդ որում, հոդվածի 5-րդ մասը սպառիչ թվարկում է այն հանցագործությունները, որոնց կատարման արդյունքում ձեռք բերված գույքը կամ գույքային իրավունքը կարող է հանդիսանալ փողերի լվացման հանցակազմի առարկա:
Հետևաբար, արարքը կարող է որակվել որպես հանցավոր ճանապարհով ստացված եկամուտների օրինականացում միայն ՀՀ քրեական օրենսգրքի 190-րդ հոդվածի 5-րդ մասում թվարկված հանցագործություններից որևէ մեկի առկայության դեպքում: Ընդ որում, վերջինս պետք է ժամանակային առումով նախորդի հանցավոր ճանապարհով ստացված եկամուտների օրինականացմանը, և դրա արդյունքում ձեռք բերված գույքը պետք է հանդիսանա նշված հանցակազմի առարկա: Նախորդող հանցագործության բացակայությունը բացառում է հանցավոր ճանապարհով ստացված եկամուտների օրինականացման հանցակազմի գոյությունը, ուստի նմանատիպ գործերով մեղադրական դատավճիռ կայացնելիս դատարանը նախ պետք է հաստատված համարի նախորդող հանցագործության դեպքը, ինչպես նաև փողերի լվացման առարկա հանդիսացող գույքի` նախորդող հանցագործության արդյունքում ձեռք բերված լինելու հանգամանքը:
Վճռաբեկ դատարանը հարկ է համարում ընդգծել նաև, որ տվյալ դեպքում պարտադիր չէ նախորդող հանցագործության վերաբերյալ օրինական ուժի մեջ մտած դատավճռի առկայությունը, ինչպես նաև պարտադիր չէ, որ հանցավոր ճանապարհով ստացված եկամուտների օրինականացման մեջ մեղադրվող անձը որևէ առնչություն ունենա նախորդող հանցագործության հետ: Հանցավոր ճանապարհով ստացված եկամուտների օրինականացման համար անձին քրեական պատասխանատվության ենթարկելու հարցը լուծելիս պետք է ապացուցվի, որ գույքը ստացվել է հանցավոր ճանապարհով և որ անձը գիտակցել ու նախատեսել է դրա՝ հանցավոր ճանապարհով ձեռք բերված լինելը (տե՛ս Արսեն Սարգսյանի վերաբերյալ գործով ՀՀ Վճռաբեկ դատարանի՝ 2011 թվականի փետրվարի 24-ի որոշման 9-11-րդ կետերը)։
(…) ՀՀ քրեական օրենսգրքի 190-րդ հոդվածով նախատեսված` հանցավոր ճանապարհով ստացված եկամուտների օրինականացման հանցակազմի հատկանիշների մեկնաբանության արդյունքում Վճռաբեկ դատարանը փաստում է, որ նշված հանցագործության կատարմամբ հանցավորն օրինական գործունեության շղարշի ներքո նպատակ է հետապնդում լեգիտիմացնել ստացված անօրինական գույքն ու եկամուտները, քողարկելու և թաքցնելու դրանց ծագման հանցավոր աղբյուրը, վերացնելու դրանց հանցավոր հետքերը։ Այլ կերպ, այս հանցագործությունն արտահայտվում է անօրինական ճանապարհով ստացված <<կեղտոտ>> փողերի օրինականացմամբ, որով էական վնաս է պատճառվում պետության տնտեսությանը։ Այսինքն` տվյալ հանցագործության կատարմամբ` փողերի լվացմանն ուղղված գործողություններ կատարելու, անօրինական գույքն ու եկամուտները օրինական քաղաքացիական շրջանառության մեջ ներդնելու միջոցով հանցավորի դիտավորությունն ուղղված է լինում դրանց օրինական տեսք հաղորդելուն և քրեական պատասխանատվությունից ազատվելուն։ Հետևաբար, անձի արարքը որպես հանցավոր ճանապարհով ստացված եկամուտների օրինականացում որակելիս` պետք է համակողմանի ուշադրության արժանացնել այն գործողությունների շղթան, անօրինական գույքի և եկամուտների քաղաքացիական շրջանառությունը` իր շրջափուլերով հանդերձ, որոնք ընդհանուր առմամբ կարող են վկայել հանցավորի` փողերի լվացմանն ուղղված դիտավորության առկայության մասին։
Այսպես, Վճռաբեկ դատարանը կարևոր է համարում ընդգծել, որ հանցավոր ճանապարհով ստացված եկամուտների օրինականացման հանցակազմի հատկանիշների առկայությունը և փողերի լվացմանն ուղղված անձի դիտավորությունը որոշելիս` անհրաժեշտ է գործի փաստական հանգամանքների պատշաճ իրավական գնահատմամբ պարզել ստացված անօրինական գույքի և եկամուտների ծագման աղբյուրը, նշված գույքն ու եկամուտներն օրինական շրջանառության մեջ ներդնելուն ուղղված գործողությունների ամբողջությունը, այդ նյութական միջոցների շարժընթացն ու շրջապտույտն օրինական քաղաքացիական շրջանառության մեջ, ձեռնարկված գործողությունների շղթան, որի վերջնարդյունքում այդ գույքն ու եկամուտները ստացել են օրինական տեսք։ Ընդ որում, վերջին դեպքում հատկապես պետք է ուշադրություն դարձնել այն հանգամանքին, թե կոնկրետ, որ օրինական քաղաքացիաիրավական գործարքի կատարման արդյունքում են օրինական տեսք ստացել ձեռքբերված նյութական միջոցները։ Պայմանավորված տվյալ հանցագործության լատենտային բնույթով` հանցավոր գույքի ու եկամուտների օրինականացումը կարող է ունենալ բազմապիսի դրսևորում։ Սակայն, բոլոր դեպքերում այն պետք է սերտորեն փոխկապակցված լինի ենթադրյալ հանցանքը կատարած անձի` <<փողերի լվացման>> դիտավորության հետ` հիմնավորելով վերջինիս առկայությունը։
Այսպիսով, Վճռաբեկ դատարանն արձանագրում է, որ վերոնշյալ հանգամանքների համակողմանի գնահատման արդյունքում է հնարավոր հաստատապես որոշել անձի արարքում հանցավոր ճանապարհով ստացված եկամուտների օրինականացման հանցակազմի հատկանիշների առկայությունը։ (...) (տե՛ս Հովհաննես Գևորգյանի և Հրաչյա Չանախչյանի վերաբերյալ գործով Վճռաբեկ դատարանի՝ 2019 թվականի նոյեմբերի 7-ի որոշման 16-16.2-րդ կետերը)։
(…) փողերի լվացումն անհրաժեշտ է դիտարկել որպես ինքնավար բնույթ ունեցող հանցավոր արարք, որի համար պատասխանատվությունը որևէ կերպ չի կարող պայմանավորված լինել նախորդող հանցագործության համար նախկին կամ միաժամանակյա դատապարտմամբ, նախորդող հանցագործությունն ապացուցված և դրա քրեաիրավական հատկանիշներն ամբողջությամբ բացահայտված լինելու հանգամանքով։ Ավելին՝ փողերի լվացման հանցակազմի ինքնավար բնույթը ենթադրում է, որ նախորդող հանցագործության քննությունը, որպես այդպիսին, փողերի լվացման ինքնուրույն հանցակազմ պարունակող արարքների քննության նպատակը չէ, իսկ այն մոտեցումը, ըստ որի՝ փողերի լվացումը քննվում է միայն որպես նախորդող հանցագործության գործերով իրականացվող քննության մաս, այլևս կենսունակ չէ՝ հաշվի առնելով այս ոլորտում տեղի ունեցող զարգացումները, ինչպես նաև խնդրո առարկա հանցագործության բացահայտման գործընթացում առաջացող լուրջ խոչընդոտները։
Միևնույն ժամանակ, սույն դեպքում չի կարող վտանգվել նաև անմեղության կանխավարկածը, քանի որ անձը պատասխանատվության է ենթարկվում ոչ թե նախորդող հանցավոր գործունեության, այլ հենց փողերի լվացման հանցագործության համար։ Այսպես՝ Եվրոպական Դատարանը վերոնշյալի կապակցությամբ ընդգծել է, որ Կոնվենցիայի 6-րդ հոդվածի 3-րդ կետի <<ա>> ենթակետը չի նախատեսում մեղադրանքում նախորդող հանցանքը հստակ նկարագրելու պարտականություն։ Ի վերջո, նախորդող հանցանքը, որի միջոցով փողը ձեռք է բերվել, չի կազմում փողերի լվացման գործով մեղադրանքի հիմքը։
Այսպիսով, փողերի լվացման համար անձին պատասխանատվության ենթարկելու և մեղադրական դատավճիռ կայացնելու համար անհրաժեշտ է ընդամենը փաստել, որ գույքը ձեռք է բերվել հանցավոր ճանապարհով, ինչը ամենևին չի ենթադրում այդ հանցագործության քրեաիրավական հատկանիշների ճշգրիտ նկարագրություն. տվյալ դեպքում բավարար է որոշակի ապացուցողական զանգվածով, այդ թվում՝ նաև անուղղակի ապացույցների համակցությամբ, հաստատված համարել, որ գույքը ձեռք է բերվել հանցավոր գործունեության արդյունքում։ Ավելին, միջազգային հանրությունն այս ուղղությամբ որդեգրել է հենց անուղղակի ապացուցման մեթոդը, մասնավորապես, եթե բացակայում են նախորդող հանցագործության վերաբերյալ ուղղակի ապացույցներ, ապա գույքի հանցավոր ծագումը կարելի է հաստատված համարել անուղղակի ապացույցների համակցության համադրման և վերլուծության արդյունքում։
Հիմք ընդունելով սույն որոշման 20-21.1-րդ կետերում կատարված վերլուծությունը՝ Վճռաբեկ դատարանն արձանագրում է, որ ՀՀ քրեական օրենսգրքի 190-րդ հոդվածով նախատեսված՝ փողերի լվացման հանցակազմն ունի ինքնավար բնույթ, և դրա համար պատասխանատվությունը չի կարող պայմանավորված լինել նախորդող հանցագործության համար դատապարտմամբ, ինչպես նաև նախորդող հանցագործության դեպքն ապացուցված, դրա քրեաիրավական հատկանիշներն ամբողջությամբ բացահայտված լինելու հանգամանքով։ Այլ կերպ` անհրաժեշտ է ոչ թե քրեական օրենսգրքով նախատեսված կոնկրետ հանցակազմի բոլոր հատկանիշների, այլ միայն նախորդող հանցագործության օբյեկտիվ կողմի դրսևորման մասին վկայող հատկանիշների առկայության հավաստում: Միևնույն ժամանակ պարտադիր չէ, որ հանցավորը գիտակցի նախորդող հանցագործության բոլոր հատկանիշները: Մասնավորապես, չի պահանջվում, որ անձը գիտակցի` կոնկրետ որ հանցանքի կատարմամբ է ձեռք բերվել լվացվող գույքը, այլ բավարար է միայն գիտակցել, որ գույքն ունի հանցավոր ծագում:
Ուստի, զարգացնելով փողերի լվացման գործերով՝ նախորդող հանցագործության առնչությամբ նախկինում արտահայտված իրավական դիրքորոշումները՝ Վճռաբեկ դատարանն արձանագրում է, որ փողերի լվացման առարկա հանդիսացող գույքի հանցավոր ծագումը հաստատելու համար անհրաժեշտ չէ ոչ միայն նախորդող հանցագործության վերաբերյալ օրինական ուժի մեջ մտած դատական ակտի առկայություն, այլև տվյալ գույքի հանցավոր ծագման փաստը կարող է հաստատվել՝ անկախ նախորդող հանցագործության՝ հիմնավոր կասկածից վեր ապացուցողական չափանիշով հաստատված լինելու պայմանից։
Տվյալ դեպքում բավարար է գործի փաստերից բխող որոշակի տվյալների, այդ թվում՝ անուղղակի ապացույցների համադրման արդյունքում գալու ողջամիտ եզրահանգման առ այն, որ խնդրո առարկա գույքն ունի հանցավոր ծագում։ Այլ կերպ` պահանջվում է միայն այնպիսի փաստական տվյալների ներկայացում, որոնք ողջամտորեն կվկայեն փողերի լվացմանը նախորդող արարքի հանցավոր լինելու մասին: Մասնավորապես, քննության օբյեկտ հանդիսացող գույքի վերաբերյալ անուղղակի, սակայն իրենց ամբողջության մեջ դրա՝ հանցավոր ճանապարհով ծագած լինելու մասին ողջամտորեն վկայող հանգամանքներ կարող են հանդիսանալ տվյալ անձի եկամուտների կամ այլ նյութական միջոցների ու ակտիվների հարաբերակցությամբ քննության առարկա հանդիսացող գույքի անհամաչափ բարձր արժեքը, տվյալ գույքը հանցավոր ճանապարհով ստացված լինելու մասին վկայող որոշակի տվյալների առկայությունը, ինչպես նաև գործի լուծման տեսանկյունից էական նշանակություն ունեցող հանգամանքներ։
Ընդ որում, վարույթն իրականացնող մարմինը պարտավոր չէ ճշգրիտ կերպով վկայակոչել և նկարագրել ՀՀ քրեական օրենսգրքով նախատեսված այն կոնկրետ հանցակազմը, որի արդյունքում ստացվել է ապօրինի գույքը, այլ բավարար է տալ միայն որևէ հանցավոր արարքի ընդհանրական նկարագրությունը (օրինակ՝ գույքը ստացվել է հափշտակությունների, թրաֆիքինգի, թմրամիջոցների կամ զենքի ապօրինի շրջանառության, կազմակերպված հանցավորության այս կամ այն դրսևորման կամ այլ հանցագործության արդյունքում):
Միևնույն ժամանակ, Վճռաբեկ դատարանը հարկ է համարում ընդգծել, որ փողերի լվացման հանցակազմի մասին չի կարող խոսք գնալ այն դեպքում, երբ գործում առկա փաստական տվյալներով հաստատվում է, որ գույքը ձեռք է բերվել օրինական ճանապարհով, իսկ դրա հանցավոր ծագումը բացառվում է (տե՛ս Աշոտ Սուքիասյանի վերաբերյալ գործով Վճռաբեկ դատարանի՝ 2021 թվականի ապրիլի 14-ի որոշման 21-22-րդ կետերը):
Այսպիսով, ինչպես բխում է վերը մեջբերված նախադեպային նշանակություն ունեցող դիրքորոշումներից, փողերի լվացման հանցակազմն ունի ինքնավար բնույթ, դրա համար պատասխանատվությունը որևէ կերպ չի կարող պայմանավորված լինել նախորդող հանցագործության համար նախկին կամ միաժամանակյա դատապարտմամբ, նախորդող հանցագործությունն ապացուցված և դրա քրեաիրավական հատկանիշներն ամբողջությամբ բացահայտված լինելու հանգամանքով։ Այնուամենայնիվ, անձին փողերի լվացման հանցակազմ վերագրելու համար անհրաժեշտ է նախորդող հանցագործության օբյեկտիվ կողմի դրսևորման մասին վկայող հատկանիշների առկայության հավաստում։ Այլ կերպ՝ տվյալ դեպքում բավարար է գործի փաստերից բխող որոշակի տվյալների, այդ թվում՝ անուղղակի ապացույցների համադրման արդյունքում գալու ողջամիտ եզրահանգման առ այն, որ խնդրո առարկա գույքն ունի հանցավոր ծագում։ Ընդ որում՝ բավարար փաստերի համակցությամբ պետք է հիմնավորվի նաև այն, որ անձը գիտակցել է գույքի՝ հանցավոր ծագում ունենալու հանգամանքը։ Միևնույն ժամանակ, այն դեպքերում, երբ գործում առկա փաստական տվյալներով հաստատվում է, որ գույքը ձեռք է բերվել օրինական ճանապարհով, իսկ դրա հանցավոր ծագումը բացառվում է, ապա փողերի լվացման հանցակազմի մասին խոսք գնալ չի կարող։
Վերոգրյալի համատեքստում անդրադառնալով Քարիթոն Քորոմանին ՀՀ քրեական օրենսգրքի 296-րդ հոդվածի 1-ին մասով վերագրված արարքին՝ Դատարանն արձանագրում է, որ, ըստ հետազոտված ապացույցների՝ Քարիթոն Քորոմանին թմրամիջոցների ապօրինի շրջանառությամբ զբաղվելու համար վարձատրվել է կրիպտոարժույթի տեսքով։ Այլ կերպ՝ Քարիթոն Քորոմանը վարձատրվել է հանցավոր ծագում ունեցող կամ հանցագործության արդյունքում գոյացած գույքի հաշվին, և Քարիթոն Քորոմանը քաջ գիտակցել է այդ ամենը, քանի որ նաև նրա ծավալած հանցավոր գործունեության արդյունքում է վարձատրության միջոց կրիպտոարժույթն առաջացել։ Այդ ամենը քաջ գիտակցելով հանդերձ՝ Քարիթոն Քորոմանը վարձատրության առարկա կրիպտոարժույթը դրել է շրջանառության մեջ՝ այն փոխակերպել է ՀՀ դրամի, ընդ որում, ունենալով իր իսկ անվամբ բացված բանկային քարտ՝ կրիպտոարժույթի փոխակերպման շրջանառությունը կազմակերպելու համար օգտագործել է նաև այլ անձի անվամբ բացված բանկային քարտ։ Դատարանը հարկ է համարում նաև արձանագրել, որ ինքնին կրիպտոարժույթով հնարավոր է գնումներ կատարել։ Այլ կերպ՝ Դատարանի գնահատմամբ կրիպտոարժույթի փոխարկումը չէր կարող բացառապես այն շրջանառության մեջ դնելու նպատակ հետապնդել։ Փոխարենը վերոգրյալ հանգամանքները համակցության մեջ վկայում են այն մասին, որ Քարիթոն Քորոմանին կրիպտոարժույթը փոխարկելով դրամի՝ ըստ էության դրա հանցավոր ծագումը թաքցնելու, ինչպես նաև հանցավոր ծագում ունեցող միջոցների տեղաշարժը քողարկելու նպատակ է հետապնդել։
Այսպիսով, Դատարանն արձանագրում է, որ Քարիթոն Սանքարիե Քորոմանի կատարած արարքները համապատասխանում են ՀՀ քրեական օրենսգրքի 393-րդ հոդվածի 3-րդ մասի 2-րդ կետով և 296-րդ հոդվածի 1-ին մասով նախատեսված հանցակազմերին, այսինքն՝ մեղադրյալին վերագրվող արարքներն ապացուցված են։
Մեղադրյալ Քարիթոն Սանքարիե Քորոմանի նկատմամբ պատիժ նշանակելու հարցը քննարկելիս` Դատարանը հարկ է համարում արձանագրել հետևյալը.
ՀՀ Սահմանադրության 71-րդ հոդվածի համաձայն՝
<<1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին>>:
ՀՀ քրեական օրենսգրքի 7-րդ հոդվածի համաձայն՝
<<1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:
(…)>>:
Նույն օրենսգրքի 55-րդ հոդվածի համաձայն՝
<<1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները>>:
ՀՀ քրեական օրենսգրքի 69-րդ հոդվածի համաձայն՝
<<1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ>>:
Օրենսգրքի 70-րդ հոդվածի համաձայն՝
<<1. Քրեական պատասխանատվությունը կամ պատիժը մեղմացնող հանգամանքներ են՝
(…)
2. Պատիժ նշանակելիս դատարանը կարող է հաշվի առնել նաև սույն հոդվածի 1-ին մասով չնախատեսված մեղմացնող այլ հանգամանքներ:
3. Եթե սույն հոդվածի 1-ին մասում նշված որևէ հանգամանք սույն օրենսգրքի Հատուկ մասի համապատասխան հոդվածով նախատեսված է որպես հանցագործության հատկանիշ, ապա դա չի կարող կրկին հաշվի առնվել որպես քրեական պատասխանատվությունը կամ պատիժը մեղմացնող հանգամանք>>:
Համաձայն ՀՀ Վճռաբեկ դատարանի՝ թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԵՇԴ/0029/01/08, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացրած որոշումներում ձևավորած կայուն նախադեպային իրավունքի՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար` կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից:
Չնայած տեղի ունեցած օրենսդրական փոփոխություններին՝ Դատարանն արձանագրում է, որ հիշատակված որոշումներով արտահայտված իրավական դիրքորոշումները չեն կորցրել իրենց արդիականությունը և կիրառելի են նաև սույն դեպքում:
Այսպիսով, Դատարանն արձանագրում է, որ պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, օրենսդիրը դատարանին հնարավորություն է տվել որոշակի սկզբունքների պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը:
Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն։
Միաժամանակ օրենսդիրը սահմանել է հստակ չափորոշիչներ, որոնցով դատարանը պետք է ղեկավարվի պատժատեսակ և պատժաչափ որոշելիս։ Պատժի տեսակը և չափը որոշելիս, ի թիվս այլնի՝ պետք է հաշվի առնել հանցագործությամբ պատճառված վնասի բնույթը, հանցագործության եղանակը, մեղքի ձևը, պատասխանատվությունը և պատիժը մեղմացնող ու ծանրացնող հանգամանքների առկայությունը, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցության աստիճանը: Ազատությունից զրկելու հետ պատիժ նշանակելու դեպքում Դատարանը պետք է հիմնավորի, որ առավել մեղմ պատժատեսակը չի կարող ապահովել պատժի նպատակները:
Պատիժն արդարացի է, եթե համաչափ է կատարված հանցագործությանը, ինչպես նաև բավարար՝ պատժի նպատակներին հասնելու տեսանկյունից։ Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման։ Նշանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության հանրային վտանգավորության աստիճանին և բնույթին:
Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա։
Պատժատեսակը և պատժաչափը որոշելիս պետք է քննարկման առարկա դարձնել նաև հանցավորի անձը բնութագրող տվյալների գնահատումը, որոնք իրենց ամբողջության մեջ հնարավորություն են տալիս անձին դիտել ոչ միայն որպես հանցանք կատարող, որը պետք է պատասխանատվություն կրի, այլ նաև որպես կոնկրետ անձ՝ իր անհատական հատկանիշներով։
Վերոշարադրյալ իրավանորմերն ու իրավական դիրքորոշումները համադրելով սույն գործի փաստական հանգամանքների հետ՝ Դատարանն արձանագրում է, որ մեղադրյալ Քարիթոն Սանքարիե Քորոմանի պատասխանատվությունն ու պատիժը մեղմացնող և ծանրացնող հանգամանքներ առկա չեն։
Դատարանը, որպես մեղադրյալ Քարիթոն Սանքարիե Քորոմանի անձը բնութագրող հանգամանք է դիտարկում այն, որ վերջիններս երիտասարդ է և նախկինում չի դատապարտվել:
Անդրադառնալով մեղադրյալ Քարիթոն Սանքարիե Քորոմանին վերագրվող արարքների հանրային վտանգավորությանը՝ Դատարանը նախ հարկ է համարում արձանագրել, որ արարքի բնույթն ու հանրային վտանգավորության աստիճանի վերաբերյալ ՀՀ Վճռաբեկ դատարանը դիրքորոշում է հայտնել Գարուշ Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշմամբ, համաձայն որի՝ (…) արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության՝ հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը:
(…) Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը: Վճռաբեկ դատարանը գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը: (…):
Վերը մեջբերված իրավական նորմերի և դիրքորոշումների լույսի ներքո մեղադրյալ Քարիթոն Սանքարիե Քորոմանի նկատմամբ պատժի տեսակը և չափը որոշելիս Դատարանը հաշվի է առնում վերջինիս կողմից կատարված հանցագործության բնույթը և հանրության համար վտանգավորության աստիճանը, մասնավորապես այն, որ դիտավորյալ կատարել է միջին ծանրության և առանձնապես ծանր հանցագործություններ, խախտված հասարակական հարաբերության սոցիալական նշանակությունը, հանցանքը կատարելուց հետո մեղադրյալի դրսևորած վարքագիծը, պատասխանատվությունը և պատիժը մեղմացնող հանգամանքները, ինչպես նաև պատասխանատվությունը և պատիժը ծանրացնող հանգամանքների բացակայությունը: Նման պայմաններում Դատարանն արձանագրում է, որ ազատությունից զրկելու հետ կապված պատժատեսակի միջոցով հնարավոր է հասնել պատժի նպատակներին՝ վերականգնել սոցիալական արդարությունը, վերասոցիալականացնել պատժի ենթարկված անձանց և կանխել հանցագործությունները:
Հետևաբար, Քարիթոն Սանքարիե Քորոմանի նկատմամբ ՀՀ քրեական օրենսգրքի 393-րդ հոդվածի 3-րդ մասի 2-րդ կետով նախատեսված հանցանքը կատարելու համար պետք է պատիժ նշանակել ազատազրկումը՝ 6 (վեց) տարի ժամկետով:
ՀՀ քրեական օրենսգրքի 296-րդ հոդվածի 1-ին մասով նախատեսված հանցանքը կատարելու համար Քարիթոն Սանքարիե Քորոմանի նկատմամբ պետք է պատիժ նշանակել ազատազրկումը՝ 2 (երկու) տարի ժամկետով:
ՀՀ քրեական օրենսգրքի 74-րդ հոդվածի 1-ին մասի կիրառմամբ Քարիթոն Սանքարիե Քորոմանի նկատմամբ ՀՀ քրեական օրենսգրքի 393-րդ հոդվածի 3-րդ մասի 2-րդ կետով նախատեսված արարքը կատարելու համար նշանակված պատժին՝ 6 (վեց) տարի ժամկետով ազատազրկմանը, պետք է մասնակի գումարել ՀՀ քրեական օրենսգրքի 296-րդ հոդվածի 1-ին մասով նախատեսված արարքը կատարելու համար նշանակված պատժից՝ 2 (երկու) տարի ժամկետով ազատազրկումից, 3 (երեք) ամիս ժամկետով ազատազրկումը, և Քարիթոն Սանքարիե Քորոմանի նկատմամբ հիմնական պատիժ պետք է նշանակել ազատազրկումը՝ 6 (վեց) տարի, 3 (երեք) ամիս ժամկետով։
Դատարանը գտնում է նաև, որ Քարիթոն Սանքարիե Քորոմանի նկատմամբ ՀՀ քրեական օրենսգրքի 393-րդ հոդվածի 3-րդ մասի 2-րդ կետով նախատեսված հանցանքը կատարելու համար որպես լրացուցիչ պատիժ պետք է նշանակել Հայաստանի Հանրապետության տարածքից վտարելը՝ 5 (հինգ) տարի ժամկետով, արգելելով նրան այդ ժամանակահատվածում գտնվել Հայաստանի Հանրապետությունում:
Քարիթոն Սանքարիե Քորոմանի վտարման երկիր պետք է սահմանել քաղաքացիության և մշտական բնակության պետությունը՝ Սիերա Լեոնեն:
Այս համատեքստում, բացի այն, որ մեղադրյալը հանդիսանում է Սիերա Լեոնեի քաղաքացի, Դատարանը գնահատման է արժանացնում նաև այն, որ, ինչպես հայտնեց մեղադրյալը դատական նիստի ընթացքում, Սիերա Լեոնեն նրա մշտական բնակության երկիրն է, ինքը Սիերա Լեոնեում մահապատժով պատժվող արարքի համար քրեական հետապնդման չի ենթարկվում, իրեն Սիերա Լեոնեում ռասայական, կրոնական, ազգային, սոցիալական խմբի պատկանելիության կամ քաղաքական հայացքների համար չեն հետապնդում, ինչպես նաև Սիերա Լեոնեում խոշտանգման ենթարկվելու վտանգ իրեն չի սպառնում։
Միաժամանակ, Դատարանը գնահատման է արժանացնում այն, որ գործում առկա չէ որևէ տվյալ, որը կվկայեր այն մասին, որ Քարիթոն Քորոմանին Հայաստանի Հանրապետությունում փախստականի կամ ապաստան ստացածի կարգավիճակ ունի կամ Սիերա Լեոնեից արտաքսված է կամ մինչև հանցանք կատարելը ՀՀ քաղաքացու կամ ՀՀ հատուկ կացության կարգավիճակ ունեցող կամ ՀՀ-ում մշտապես բնակվող անձի հետ ամուսնացել է կամ խնամքին ՀՀ քաղաքացի հանդիսացող երեխա ունի կամ հանդիսանում է չվերադարձելիության սկզբունքից օգտվող օտարերկրյա քաղաքացի։
Լրացուցիչ պատժի սկիզբը պետք է հաշվել Քարիթոն Սանքարիե Քորոմանին Հայաստանի Հանրապետության տարածքից վտարելու պահից:
Բացի այդ, ՀՀ քրեական օրենսգրքի 74-րդ հոդվածի 10-րդ մասի կիրառմամբ Քարիթոն Սանքարիե Քորոմանի նկատմամբ նշանակված հիմնական պատժին՝ 6 (վեց) տարի, 3 (երեք) ամիս ժամկետով ազատազրկմանը, պետք է միացնել Քարիթոն Սանքարիե Քորոմանի նկատմամբ որպես լրացուցիչ պատիժ նշանակված Հայաստանի Հանրապետության տարածքից վտարելը, և Քարիթոն Սանքարիե Քորոմանի նկատմամբ վերջնական պատիժ պետք է նշանակել ազատազրկումը՝ 6 (վեց) տարի, 3 (երեք) ամիս ժամկետով և Հայաստանի Հանրապետության տարածքից վտարելը՝ 5 (հինգ) տարի ժամկետով՝ արգելելով նրան այդ ժամանակահատվածում գտնվել Հայաստանի Հանրապետությունում: Քարիթոն Սանքարիե Քորոմանին ազատազրկման ձևով նշանակված պատիժը պետք է կրի ՀՀ ԱՆ համապատասխան քրեակատարողական հիմնարկում։
Քարիթոն Սանքարիե Քորոմանի նկատմամբ ազատազրկման ձևով նշանակված պատժի սկիզբը պետք է հաշվել նրան փաստացի արգելանքի վերցնելու օրվանից՝ 2025 թվականի մարտի 12-ից։
Անդրադառնալով Քարիթոն Սանքարիե Քորոմանի նկատմամբ կիրառված խափանման միջոցի հարցին՝ Դատարանը գտնում է, որ Քարիթոն Սանքարիե Քորոմանի նկատմամբ կիրառված խափանման միջոցը՝ կալանքը, պետք է թողնել անփոփոխ՝ մինչև դատավճռի օրինական ուժի մեջ մտնելը:
Անդրադառնալով ապացույցների պահպանման և տնօրինման հարցին՝ Դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց ճանաչված 7,35 գրամ քաշով <<a-PVP>> տեսակի թմրամիջոցը, ինչպես նաև արտավարութային փաստաթուղթ ճանաչված՝ <<Էդուարդ Ավետիսյան Ռուբենի>> Ա/Ձ-ից ստացված տեղեկանքը և ՀՀ կենտրոնական բանկից ստացված լազերային սկավառակը պետք է պահել քրեական գործի հետ։
Դեպքի վայրի զննությամբ վերցված սանրը, անլար ականջակալը, բանալիները, <<Realme>> մոդելի բջջային հեռախոսը, Քարիթոն Սանքարիե Քորոմանի անձնական խուզարկությամբ հայտնաբերված կրակայրիչը, հեռախոսի լիցքավորիչը և <<Iphone X>> մոդելի բջջային հեռախոսը դատավճիռն օրինական ուժի մեջ մտնելուց հետո պետք է վերադարձնել Քարիթոն Սանքարիե Քորոմանին՝ թողնելով նրա տնօրինությանը։
Անդրադառնալով վարութային ծախսերի հարցին՝ Դատարանն արձանագրում է, որ սույն պահին Քարիթոն Քորոմանին վճարունակ չէ, հետևաբար վարութային ծախսերը վերջինից չեն կարող բռնագանձվել։
Անդրադառնալով ՀՀ քրեական դատավարության օրենսգրքի 348-րդ հոդվածի 1-ին մասով նախատեսված մյուս հարցերի քննարկմանը՝ Դատարանն արձանագրում է, որ այդպիսիք սույն գործով առկա չեն։
Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 33-րդ, 347-350-րդ, 352-353-րդ, 364-րդ հոդվածներով, Դատարանը՝

Վ Ճ Ռ Ե Ց

Քարիթոն Սանքարիե Քորոմանին մեղավոր ճանաչել ՀՀ քրեական օրենսգրքի 393-րդ հոդվածի 3-րդ մասի 2-րդ կետով և 296-րդ հոդվածի 1-ին մասով։
ՀՀ քրեական օրենսգրքի 393-րդ հոդվածի 3-րդ մասի 2-րդ կետով նախատեսված հանցանքը կատարելու համար Քարիթոն Սանքարիե Քորոմանի նկատմամբ պատիժ նշանակել ազատազրկումը՝ 6 (վեց) տարի ժամկետով:
ՀՀ քրեական օրենսգրքի 296-րդ հոդվածի 1-ին մասով նախատեսված հանցանքը կատարելու համար Քարիթոն Սանքարիե Քորոմանի նկատմամբ պատիժ նշանակել ազատազրկումը՝ 2 (երկու) տարի ժամկետով:
Քարիթոն Սանքարիե Քորոմանի նկատմամբ ՀՀ քրեական օրենսգրքի 393-րդ հոդվածի 3-րդ մասի 2-րդ կետով նախատեսված հանցանքը կատարելու համար որպես լրացուցիչ պատիժ նշանակել Հայաստանի Հանրապետության տարածքից վտարելը՝ 5 (հինգ) տարի ժամկետով, արգելելով նրան այդ ժամանակահատվածում գտնվել Հայաստանի Հանրապետությունում:
ՀՀ քրեական օրենսգրքի 74-րդ հոդվածի 1-ին մասի կիրառմամբ Քարիթոն Սանքարիե Քորոմանի նկատմամբ ՀՀ քրեական օրենսգրքի 393-րդ հոդվածի 3-րդ մասի 2-րդ կետով նախատեսված արարքը կատարելու համար նշանակված պատժին՝ 6 (վեց) տարի ժամկետով ազատազրկմանը, մասնակի գումարել ՀՀ քրեական օրենսգրքի 296-րդ հոդվածի 1-ին մասով նախատեսված արարքը կատարելու համար նշանակված պատժից՝ 2 (երկու) տարի ժամկետով ազատազրկումից, 3 (երեք) ամիս ժամկետով ազատազրկումը, և Քարիթոն Սանքարիե Քորոմանի նկատմամբ հիմնական պատիժ նշանակել ազատազրկումը՝ 6 (վեց) տարի, 3 (երեք) ամիս ժամկետով։
ՀՀ քրեական օրենսգրքի 74-րդ հոդվածի 10-րդ մասի կիրառմամբ Քարիթոն Սանքարիե Քորոմանի նկատմամբ նշանակված հիմնական պատժին՝ 6 (վեց) տարի, 3 (երեք) ամիս ժամկետով ազատազրկմանը, միացնել Քարիթոն Սանքարիե Քորոմանի նկատմամբ որպես լրացուցիչ պատիժ նշանակված Հայաստանի Հանրապետության տարածքից վտարելը, և Քարիթոն Սանքարիե Քորոմանի նկատմամբ վերջնական պատիժ նշանակել ազատազրկումը՝ 6 (վեց) տարի, 3 (երեք) ամիս ժամկետով և Հայաստանի Հանրապետության տարածքից վտարելը՝ 5 (հինգ) տարի ժամկետով՝ արգելելով նրան այդ ժամանակահատվածում գտնվել Հայաստանի Հանրապետությունում: Քարիթոն Սանքարիե Քորոմանին ազատազրկման ձևով նշանակված պատիժը պետք է կրի ՀՀ ԱՆ համապատասխան քրեակատարողական հիմնարկում։
Քարիթոն Սանքարիե Քորոմանի նկատմամբ ազատազրկման ձևով նշանակված պատժի սկիզբը հաշվել նրան փաստացի արգելանքի վերցնելու օրվանից՝ 2025 թվականի մարտի 12-ից։
Վտարման երկիր սահմանել Քարիթոն Սանքարիե Քորոմանի քաղաքացիության և մշտական բնակության պետությունը՝ Սիերա Լեոնեն:
Լրացուցիչ պատժի սկիզբը հաշվել Քարիթոն Սանքարիե Քորոմանին Հայաստանի Հանրապետության տարածքից վտարելու պահից:
Քարիթոն Սանքարիե Քորոմանի նկատմամբ կիրառված խափանման միջոցը՝ կալանքը, թողնել անփոփոխ՝ մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո իրեղեն ապացույց ճանաչված 7,35 գրամ քաշով <<a-PVP>> տեսակի թմրամիջոցը, ինչպես նաև արտավարութային փաստաթուղթ ճանաչված՝ <<Էդուարդ Ավետիսյան Ռուբենի>> Ա/Ձ-ից ստացված տեղեկանքը և ՀՀ կենտրոնական բանկից ստացված լազերային սկավառակը պահել քրեական գործի հետ։
Դեպքի վայրի զննությամբ վերցված սանրը, անլար ականջակալը, բանալիները, <<Realme>> մոդելի բջջային հեռախոսը, Քարիթոն Սանքարիե Քորոմանի անձնական խուզարկությամբ հայտնաբերված կրակայրիչը, հեռախոսի լիցքավորիչը և <<Iphone X>> մոդելի բջջային հեռախոսը դատավճիռն օրինական ուժի մեջ մտնելուց հետո վերադարձնել Քարիթոն Սանքարիե Քորոմանին՝ թողնելով նրա տնօրինությանը։
Վարութային ծախսերի հարցը համարել լուծված։
Դատավճիռը կարող է բողոքարկվել ՀՀ վերաքննիչ քրեական դատարան ստանալու օրվանից հետո` մեկամսյա ժամկետում:


ԴԱՏԱՎՈՐ՝ Ա.ԿԱՐԱՊԵՏՅԱՆ