ԵԴ1/2215/01/25

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ
ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2025թ․ սեպտեմբերի <<9>> ք․Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

Նախագահող դատավոր Ա.Հովհաննիսյան
դատական նիստերի քարտուղար Մ․Հովհաննիսյան
հանրային մեղադրող Ն.Աբրահամյան

դռնբաց դատական նիստում քննեց քրեական վարույթն ըստ մեղադրանքի՝ Գարիկ Դավիթի Հովսեփյանի՝ ծնված 1986 թվականի մարտի 6-ին, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին երկու անչափահաս երեխա, չի աշխատում, դատվածություն չունեցող, հաշվառված և բնակվող՝ Կոտայքի մարզի Չարենցավան քաղաքի 1-ին թաղամասի 7-րդ շենքի 19-րդ բնակարանում: Հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով՝ 2 դրվագ․ որպես խափանման միջոց է կիրառվել բացակայելու արգելքը:
Վարութային նախապատմությունը․
2023 թվականի փետրվարի 6-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Դ.Խանաղյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60803023 քրեական վարույթը։
2023 թվականի մարտի 28-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Դ.Խանաղյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60867823 քրեական վարույթը։
2023 թվականի ապրիլի 21-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Մ.Միրզոյանի որոշմամբ թիվ 60867823 քրեական վարույթը միացվել է թիվ 60803023 քրեական վարույթին և նախաքննությունը շարունակվել է 60803023 համարի ներքո:
2023 թվականի հունիսի 12-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Մ.Միրզոյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60942023 քրեական վարույթը։
2023 թվականի հունիսի 22-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Մ.Միրզոյանի որոշմամբ թիվ 60942023 քրեական վարույթը միացվել է թիվ 60803023 քրեական վարույթին և նախաքննությունը շարունակվել է 60803023 համարի ներքո:
2025 թվականի հունիսի 19-ի ՀՀ դատախազության Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Ն.Մհերյանի որոշմամբ Գարիկ Դավիթի Հովսեփյանի նկատմամբ 2022 թվականի սեպտեմբերի 21-ին՝ ժամը 17:50-ին, Երևան քաղաքի Չարենցի փողոցում տրանսպորտային միջոց վարելու դրվագով ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում չի հարուցվել՝ ՀՀ քրեական դատավարության օրենսգրքի 12-րդ հոդվածի 1-ին մասի 1-ին կետով:
2025 թվականի հունիսի 19-ի ՀՀ դատախազության Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Ն.Մհերյանի որոշմամբ Գարիկ Դավիթի Հովսեփյանի նկատմամբ հանրային քրեական հետապնդում է հարուցվել ՀՀ քրեական օրենսգրքով նախատեսված այն հանցանքի կատարման համար, որ նա, վեց ամիս ժամկետով տրանպորտային միջոցներ վարելու իրավունքը կասեցված լինելու պայմաններում վարել է տրանսպորտային միջոց:
Այսպես. Գարիկ Դավիթի Հովսեփյանը ՀՀ ոստիկանության պարեկային ծառայության կողմից 2022 թվականի դեկտեմբերի 2-ին կայացված թիվ 8200369807 որոշմամբ վեց ամիս ժամկետով տրանսպորտային միջոցներ վարելու իրավունքը կասեցված լինելու պայմաններում պատշաճ տեղեկացված լինելով տրանսպորտային միջոց վերելու իրավունքը կասեցված լինելու հանգամանքի մասին, նշված ժամկետը չլրացած՝ 2023 թվականի մարտի 1-ին՝ ժամը 09:28-ին Երևան քաղաքի Աբովյան փողոցում վարել է <<Օպել>> մակնիշի 36 ON 478 հաշվառման համարանիշի տրանսպորտային միջոցը, ինչի վերաբերյալ ՀՀ ոստիկանության պարեկային ծառայության Երևան քաղաքի գնդի 2-րդ գումարտակի 2-րդ վաշտի աշխատակիցների կողմից նույն օրը ժամը 09:31-ին կազմվել է վարչական իրավախախտման վերաբերյալ թիվ 8180248665 արձանագրությունը:
Այսինքն՝ Գարիկ Դավիթի Հովսեփյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված արարքի կատարում:
Բացի այդ, Գարիկ Դավիթի Հովսեփյանը ՀՀ ոստիկանության պարեկային ծառայության կողմից 2022 թվականի դեկտեմբերի 2-ին կայացված թիվ 8200369807 որոշմամբ վեց ամիս ժամկետով տրանսպորտային միջոցներ վարելու իրավունքը կասեցված լինելու պայմաններում պատշաճ տեղեկացված լինելով տրանսպորտային միջոց վերելու իրավունքը կասեցված լինելու հանգամանքի մասին, նշված ժամկետը չլրացած՝ 2023 թվականի մարտի 22-ին՝ ժամը 17:15-ին Երևան քաղաքի Ազատության պողոտայում վարել է <<Օպել>> մակնիշի 36 ON 478 հաշվառման համարանիշի տրանսպորտային միջոցը, ինչի վերաբերյալ ՀՀ ոստիկանության պարեկային ծառայության Երևան քաղաքի գնդի 1-ին գումարտակի 3-րդ վաշտի աշխատակիցների կողմից նույն օրը ժամը 18:40-ին կազմվել է վարչական իրավախախտման վերաբերյալ թիվ 8180248250 արձանագրությունը:
Այսինքն՝ Գարիկ Դավիթի Հովսեփյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված արարքի կատարում։
2025 թվականի հունիսի 19-ի ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երկրորդ բաժնի ՀԿԳ քննիչ Գ.Ասրիյանի որոշմամբ Գարիկ Դավիթի Հովսեփյանի նկատմամբ որպես խափանման միջոց է կիրառվել բացակայելու արգելքը։
2025 թվականի հունիսի 26-ի թիվ 60803023 քրեական գործը մեղադրական եզրակացությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան։
Ապացույցների հետազոտումը և գնահատումը․
Հիմնական դատալսումների ընթացքում մեղադրյալ Գարիկ Հովսեփյանը, օգտվելով իր քրեադատավարական իրավունքից, հրաժարվել է ցուցմունք տալուց:
2025 թվականի հունիսի 14-ի վկայի հարցաքննության արձանագրության համաձայն. <<Հայտնում եմ Ձեզ, որ բնակվում եմ վերը նշած հասցեում՝ ընտանիքի՝ կնոջ, երկու անչափահաս երեխաների և թոշակառու և հաշմանդամ մորս հետ, շահագործում եմ 094-62-55-62 բջջային հեռախոսահամարը: Տիրապետում եմ հայերեն գրավոր և բանավոր լեզվին, ֆիզիկական և առողջական խնդիրներ չունի: Չեմ առարկում, որ ցուցմունքս համակարգչի միջոցով գրառվի քննիչի կողմից:
2019 թվականին գնել եմ <<Օպել>> մակնիշի 36 ON 478 հաշվառման համարանիշի ավտոմեքենան, որը գնել եմ Գոռ Խանդիլյանից, սակայն անվանափոխություն չեմ կատարել և այդ մեքենան առ այսօր պատկանում է նրան:
2022 թվականի սեպտեմբերի 21-ին պարեկային ծառայողների կողմից Երևան քաղաքում կանգնեցվել եմ և կազմվել է վարչական իրավախախտման վերաբերյալ արձանագրությունը, որի ժամանակ տեղեկացվել եմ, որ 2022 թվականի սեպտեմբերի 8-ից իմ վարորդական իրավունքի վկայականը կասեցված է։ Այդ կապակցությամբ ներկայացել եմ ճանապարհային ոստիկանություն, քանի որ տեղեկացել եմ, որ իմ վարորդական իրավունքը կասեցվել է սահմանված բալային միավորներն ավարտելու պատճառով և ստուգելով պարզել եմ, որ վերջին վարչական ակտը, որով հանվել է իմ բալերը՝ վարել է այլ անձի կողմից: Նշված անձի հետ ներկայացել եմ ճանապարհային ոստիկանություն, որտեղ ներկայացրել ենք դիմումներ և բողոքարկել վարչական ակտը: Նույն օրը ճանապարհային ոստիկանությունում տեղեկացել եմ, որ իմ վարորդական իրավունքի կասեցման վերաբերյալ կայացված որոշումը վերացվել է: Դրանից հետո շարունակել եմ վարել այդ մեքենան, քանի որ իմ վարորդական իրավունքը կասեցված չէր արդեն իսկ: 2022 թվականի դեկտեմբերի 2-ին Երևան քաղաքի Ամիրյան փողոցում կանգառում կանգնելու պատճառով պարեկային ծառայողների կողմից իմ նկատմամբ կազմվել է վարչական ակտ, որով իսկ սպառվել են իմ բալերը և տեղում որոշում է կայացվել իմ վարորդական իրավունքի վկայականը 6 ամիս ժամկետով կասեցնելու մասին, որը ստորագրվել է իմ կողմից, իրազեկվել կասեցման մասին, որից հետո մեքենան տուն տեղափոխելու համար զանգել եմ իր քեռու որդուն, ով ներկայացել և տեղափոխել է մեքենան: Կասեցումից հետո երկար ժամանակ չեմ վարել մեքենան, սակայն աշխատանք չունենալու պատճառով, ընտանիքի խնամքը հոգալու համար 2023 թվականի մարտի 1-ից ստիպված եմ եղել վարել մեքենան՝ որպես տաքսի: 2023 թվականի մարտի 1-ին և մարտի 22-ին Երևան քաղաքի Աբովյան փողոցում և Ազատության պողոտայում պարեկային ծառայողները կանգնեցրել են ինձ, կազմել վարչական իրավախախտման վերաբերյալ արձանագրություններ, որոնք իմ կողմից ստորագրվել են: Մեքենան վարելուց գիտակցել եմ, որ մեքենան վարում եմ կասեցված վարորդական իրավունքի վիճակում, այն կատարել եմ ինչպես արդեն նշել եմ՝ ստիպված լինելով, ընտանիքի ֆինանսական հոգսերը հօգալու նպատակով: Բացի նշվածից, իմ վարորդական իրավունքի կասեցված լինելու ժամանակահատվածում 2023 թվականի ապրիլ և մայիս ամիսներին ևս վարել եմ մեքենա, որի վերաբերյալ կազմված արձանագրություններով Կոտայքի մարզային քննչական մարմնում նախաձեռնվել է քրեական վարույթ, այն ուղարկվել է դատարան և կայացվել դատավճիռ: Դատավճռով սահմանված 120 ժամ հանրային աշխատանքները, որն իմ կողմից իրականացվել է և ներկայումս այն ավարտվել է ու ես կրել եմ պատիժը: Ընդունում եմ իմ մեղքը, զղջում եմ դրա համար, այդ քայլին գնացել եմ զուտ ընտանեկան ծանր պայմաներից ելնելով:
Հարց - Ձեր ցուցմունքին ավելացնելու այլ բան ունեք:
Պատասխան - ոչ, չունեմ>>:
2025 թվականի հունիսի 19-ի մեղադրյալի հարցաքննության արձանագրության համաձայն. <<Ներկայացված մեղադրանքում ընդունում եմ մեղքս տրանսպորտային միջոցներ վարելու իրավունքի կասեցման ժամանակահատվածում գիտակցաբար երկու անգամ տրանսպորտային միջոց վարելու փաստերով, զղջում եմ դրա համար: Պնդում եմ իմ նախկին ցուցմունքը, որտեղ մանրամասն ներկայացրել եմ ինձ հայտնի տեղեկությունները, խնդրում եմ հիմք ընդունել այն, ավելացնելու այլ բան չունեմ: Նշեմ նաև, որ ներկա ցուցմունքն առանց փաստաբանի՝ պաշտպանի, իրականացվել է իմ համաձայնությամբ ու պնդմամբ: Միաժամանակ, Ձեզ եմ ներկայացնում իմ ընտանիքի անդամների ծննդյան վկայականները և այլ փաստաթղթերի պատճենները՝ վարույթին կցելու համար>>:
2025 թվականի հունիսի 13-ի զննում կատարելու մասին արձանագրության համաձայն՝ զննվել է ՀՀ ՆԳՆ ոստիկանության պարեկային ծառայության Երևան քաղաքի գնդի հրամանատարից ստացված զեկուցագիրը, որում նշված է՝ Գարիկ Դավիթի Հովսեփյանի նկատմամբ 2022 թվականի սեպտեմբերի 21-ին՝ ժամը 17:55-ին, կազմվել է թիվ 8180161506 արձանագրությունը, քանի որ վերջինը 2022 թվականի սեպտեմբերի 21-ին՝ ժամը 17:50-ին, Երևան քաղաքի Չարենցի փողոցում <<Օպել>> մակնիշի 36 ON 478 հաշվառման համարանիշի տրանսպորտային միջոցը վարել է կասեցված վարորդական իրավունքի վկայականով։
Նշվում է ՀՀ քրեական օրենսգրքի 344-րդ հոդվածի 1-ին մասով քրեական պատասխանատվության մասին, կից ներկայացվում թիվ 8180161506, թիվ 2215029959 վարչական իրավախախտման վերաբերյալ արձանագրության և որոշման ատճենները:
Վարչական իրավախախտման վերաբերյալ թիվ 8180161506 արձանագրության զննմամբ պարզվել է, որ վարչական իրավախախտումը հայտնաբերվել պարեկային ծառայողի կողմից, Երևան քաղաքի Չարենցի փողոցում, 2022 թվականի սեպտեմբերի 21-ին՝ ժամը 17:50-ին, Գարիկի Դավիթի Հովսեփյանի կողմից կասեցված վարորդական իրավունքի վկայականով վարելու համար: Որպես իրավախախտ տրանսպորտային միջոց նշված է <<ՕՊԵԼ>> մակնիշի 36 ON 478 հաշվառման համարանիշի ավտոմոբիլը, իսկ արձանագրությանը կցվում է մասում առկա է ստորագրություն։ Խախտման ծածկագիր՝ 2012, առկա է նաև արձանագրություն կազմող՝ Վարդան Հայրապետյանի ստորագրությունը: Արձանագրությունը կազմվել է 2022 թվականի սեպտեմբերի 21-ին՝ ժամը 17:55-ին, Երևան քաղաքի Չարենց 8 հասցեում, արձանագրության կից որոշման հատվածը լրացված չէ։
ՃՈ էլեկտրոնային ռեգիստրից արտատպված տեղեկանքի զննմամբ պարզվել է, որ Գարիկ Դավիթի Հովսեփյանին 2010 թվականի մարտի 3-ին տրամադրվել է <<B>> և <<C>> կարգի, իսկ 2016 թվականի նոյեմբերի 16-ին <<D>> կարգի վարորդական վկայական՝ RՖ251848 համարի: Կասեցումներ բաժնի սկիզբը հատվածում նշված է 2022 թվականի սեպտեմբերի 8, իսկ ավարտը՝ 2023 թվականի մարտի 8: Կասեցնող մարմինը՝ բալային համակարգ, իսկ կարգավիճակը հատվածում նշված է բեկանված:
Զննմամբ քննության համար հետաքրքրություն ներկայացնող այլ տվյալներ չեն հայտնաբերվել:
2025 թվականի հունիսի 13-ի զննում կատարելու մասին արձանագրության համաձայն՝ զննվել է ՀՀ ՆԳՆ ոստիկանության պարեկային ծառայության Երևան քաղաքի գնդի հրամանատարից ստացված զեկուցագիրը, որում նշված է՝ Գարիկ Դավիթի Հովսեփյանի նկատմամբ 2023 թվականի մարտի 1-ին՝ ժամը 09:31-ին, կազմվել է թիվ 8180248665 արձանագրությունը, քանի որ վերջինը 2023 թվականի մարտի 1-ին՝ ժամը 09:28-ին, Երևան քաղաքի Աբովյան փողոցում <<ՕՊԵԼ>> մակնիշի 36 ON 478 հաշվառման համարանիշի տրանսպորտային միջոցով ընդհանուր օգտագործման տրանսպորտային միջոցների կանգառի կետի տարածքում կանգառ է կատարել և այդ փաստը համակարգչային ծրագրում մուտքագրելուց պարզվել է, որ տրանսպորտային միջոցը Գարիկ Հովսեփյանի կողմից վարել է կասեցված վարորդական իրավունքի վկայականով:
Նշվում է ՀՀ քրեական օրենսգրքի 344-րդ հոդվածի 1-ին մասով քրեական պատասխանատվության մասին, կից ներկայացվում թիվ 8180248665, թիվ 8200369807 վարչական իրավախախտման վերաբերյալ արձանագրության և որոշման ատճենները:
Վարչական իրավախախտման վերաբերյալ թիվ 8180248665 արձանագրության զննմամբ պարզվել է, որ վարչական իրավախախտումը հայտնաբերվել պարեկային ծառայողի կողմից, Երևան քաղաքի Աբովյան փողոցում, 2023 թվականի մարտի 1-ին՝ ժամը 09:28-ին, Գարիկի Դավիթի Հովսեփյանը կանգառ է կատարել ընդհանուր օգտագործման տրանսպորտային միջոցների կանգառաի կետի տարածքում։ Որպես իրավախախտ տրանսպորտային միջոց նշված է՝ <<ՕՊԵԼ>> մակնիշի 36 ON 478 հաշվառման համարանիշի ավտոմոբիլը, իսկ արձանագրությանը կցվում է մասում առկա է ստորագրություն: Խախտման ծածկագիր՝ 45.1, առկա է նաև արձանագրություն կազմող՝ Գարիկ Հովսեփյանի ստորագրությունը: Արձանագրությունը կազմվել է 2023 թվականի մարտի 1-ին՝ ժամը 09:31-ին, Երևան քաղաքի Աբովյան փողոցում, արձանագրության կից որոշման հատվածը լրացված է, որով Գ.Հովսեփյանն ենթարկվում վարչական տուգանքի՝ 5.000 ՀՀ դրամ գումարի, առկա է որոշում կայացնող պարեկային ծառայողի և իրավախախտում կատարած անձի ստորագրությունները։
Վարչական իրավախախտման վերաբերյալ թիվ 8200369807 արձանագրության զննմամբ պարզվել է, որ վարչական իրավախախտումը հայտնաբերվել պարեկային ծառայողի կողմից, Երևան քաղաքի Ամիրյան փողոցում, 2022 թվականի դեկտեմբերի 2-ին՝ ժամը 13:30-ին, Գարիկի Դավիթի Հովսեփյանը կանգառ է կատարել ընդհանուր օգտագործման տրանսպորտային միջոցների կանգառի կետի տարածքում: Այս իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը կազմում է 9 կամ ավել միավոր։ Որպես իրավախախտ տրանսպորտային միջոց նշված է՝ <<ՕՊԵԼ>> մակնիշի 36 ON 478 հաշվառման համարանիշի ավտոմոբիլը, իսկ արձանագրությանը կցվում է մասում առկա է ստորագրություն։ Խախտման ծածկագիր՝ 41-23, առկա է նաև արձանագրություն կազմող՝ Կարապետ Գևորգյանի ստորագրությունը: Արձանագրությունը կազմվել է 2022 թվականի դեկտեմբերի 2-ին՝ ժամը 13:38-ին, Երևան քաղաքի Ամիրյան 13 հասցեում, արձանագրության կից որոշման հատվածը լրացված է, որով Գ.Հովսեփյանն ենթարկվում է վարչական պատասխանատվության՝ 6 ամիս ժամկետով տրանսպորտային միջոցներ վարելու իրավունքի կասեցում: Առկա է որոշում կայացնող պարեկային ծառայողի և իրավախախտում կատարած անձի ստորագրությունները:
ՃՈ էլեկտրոնային ռեգիստրից արտատպված տեղեկանքի զննմամբ պարզվել է, որ Գարիկ Դավիթի Հովսեփյանին 2010 թվականի մարտի 3-ին տրամադրվել է <<B>> և <<C>> կարգի, իսկ 2016 թվականի նոյեմբերի 16-ին <<D>> կարգի վարորդական վկայական՝ RՖ251848 համարի: Կասեցումներ բաժնի սկիզբը հատվածում նշված է 2022 թվականի դեկտեմբերի 2, իսկ ավարտը՝ 2023 թվականի հունիսի 2:
Զննման ենթարկված փաստաթղթերը կցված են քրեական վարույթի նյութերին: Զննմամբ քննության համար հետաքրքրություն ներկայացնող այլ տվյալներ չեն հայտնաբերվել:
2025 թվականի հունիսի 13-ի զննում կատարելու մասին արձանագրության համաձայն՝ զննվել է ՀՀ ՆԳՆ ոստիկանության պարեկային ծառայության Երևան քաղաքի գնդի հրամանատարից ստացված զեկուցագիրը, որում նշված է՝ Գարիկ Դավիթի Հովսեփյանի նկատմամբ 2023 թվականի մարտի 22-ին` ժամը 18:40-ին, կազմվել է թիվ 8180248250 արձանագրությունը, քանի որ վերջինը 2023 թվականի մարտի 22-ին՝ ժամը 17:15-ին, Երևան քաղաքի Ազատության պողոտայում <<ՕՊԵԼ>> մակնիշի 36 ON 478 հաշվառման համարանիշի տրանսպորտային միջոցը վարել է տրանսպորտային միջոցներ վարելու իրավունքը կասեցված:
Նշվում է ՀՀ քրեական օրենսգրքի 344-րդ հոդվածի 1-ին մասով քրեական պատասխանատվության մասին, կից ներկայացվում թիվ 8180248250, թիվ 8200369807 վարչական իրավախախտման վերաբերյալ արձանագրության և որոշման ատճենները:
Վարչական իրավախախտման վերաբերյալ թիվ 8180248250 արձանագրության զննմամբ պարզվել է, որ վարչական իրավախախտումը հայտնաբերվել պարեկային ծառայողի կողմից, Երևան քաղաքի Ազատության պողոտայում, 2023 թվականի մարտի 22-ին՝ ժամը 17:15-ին, Գարիկի Դավիթի Հովսեփյանը տրանսպորտային միջոցը վարել է վարելու իրավունքը կասեցված վիճակում։ Որպես իրավախախտ տրանսպորտային միջոց նշված է՝ <<ՕՊԵԼ>> մակնիշի 36 ON 478 հաշվառման համարանիշի ավտոմոբիլը, իսկ արձանագրությանը կցվում է մասում առկա է ստորագրություն: Խախտման ծածկագիր՝ 201.2, առկա է նաև արձանագրություն կազմող՝ Գարիկ Հովսեփյանի ստորագրությունը: Արձանագրությունը կազմվել է 2023 թվականի մարտի 1-ին՝ ժամը 09:31-ին, Երևան քաղաքի աբովյան փողոցում, արձանագրության կից որոշման հատվածը լրացված չէ։
Վարչական իրավախախտման վերաբերյալ թիվ 8200369807 արձանագրության զննմամբ պարզվել է, որ վարչական իրավախախտումը հայտնաբերվել պարեկային ծառայողի կողմից, Երևան քաղաքի Ամիրյան փողոցում, 2022 թվականի դեկտեմբերի 2-ին՝ ժամը 13:30-ին, Գարիկի Դավիթի Հովսեփյանը կանգառ է կատարել ընդհանուր օգտագործման տրանսպորտային միջոցների կանգառի կետի տարածքում: Այս իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը կազմում է 9 կամ ավել միավոր։ Որպես իրավախախտ տրանսպորտային միջոց նշված է՝ <<ՕՊԵԼ>> մակնիշի 36 ON 478 հաշվառման համարանիշի ավտոմոբիլը, իսկ արձանագրությանը կցվում է մասում առկա է ստորագրություն։ Խախտման ծածկագիր՝ 41-23, առկա է նաև արձանագրություն կազմող՝ Կարապետ Գևորգյանի ստորագրությունը: Արձանագրությունը կազմվել է 2022 թվականի դեկտեմբերի 2-ին՝ ժամը 13:38-ին, Երևան քաղաքի Ամիրյան 13 հասցեում, արձանագրության կից որոշման հատվածը լրացված է, որով Գ.Հովսեփյանն ենթարկվում է վարչական պատասխանատվության՝ 6 ամիս ժամկետով տրանսպորտային միջոցներ վարելու իրավունքի կասեցում: Առկա է որոշում կայացնող պարեկային ծառայողի և իրավախախտում կատարած անձի ստորագրությունները:
ՃՈ էլեկտրոնային ռեգիստրից արտատպված տեղեկանքի զննմամբ պարզվել է, որ Գարիկ Դավիթի Հովսեփյանին 2010 թվականի մարտի 3-ին տրամադրվել է <<B>> և <<C>> կարգի, իսկ 2016 թվականի նոյեմբերի 16-ին <<D>> կարգի վարորդական վկայական՝ RՖ251848 համարի: Կասեցումներ բաժնի սկիզբը հատվածում նշված է 2022 թվականի դեկտեմբերի 2, իսկ ավարտը՝ 2023 թվականի հունիսի 2:
Զննման ենթարկված փաստաթղթերը կցված են քրեական վարույթի նյութերին: Զննմամբ քննության համար հետաքրքրություն ներկայացնող այլ տվյալներ չեն հայտնաբերվել:
2025 թվականի հունիսի 13-ի զննում կատարելու մասին արձանագրության համաձայն՝ վարչական իրավախախտման վերաբերյալ թիվ 2214798708, թիվ 2214764955, թիվ 2214535765, թիվ 2214789174, թիվ 221414740, թիվ 2214572882, թիվ 2214806534, թիվ 2214427374, թիվ 2214238167, թիվ 2214959290 թիվ 2214232526 որոշումների զննմամբ պարզվել է, որ վարչական իրավախախտումները հայտնաբերվել են ճանապարհային ոստիկանության տեխնիկական միջոցներով, Երևան քաղաքի տարբեր վարչական շրջաններում, 2022 թվականի փետրվար ամսից մինչև 2022 թվականի օգոստոս ամիսը, տրանսպորտային միջոց նշված է՝ <<ՕՊԵԼ>> մակնիշի 36 ON 478 հաշվառման համարանիշի ավտոմոբիլը, մեքենայի սեփականատեր՝ Գոռ Զորիկի Խանդիլյան, իսկ վարչական տույժ նշանակվում է Գարիկ Դավիթի Հովսեփյանի նկատմամբ, որպես շահագործող վարորդ՝ տուգանք և հանվում տուգանային միավոր:
Թիվ 2214798708, թիվ 2214764955, թիվ 2214535765, թիվ 2214789174, թիվ 221414740, թիվ 2214572882 և թիվ 2214806534 վարչական որոշումների փոստային բոլոր ծրարների առաքանու կտրոնների վրա առկա է նշում հետ վերադարձ՝ չպահանջված կամ տեղափոխված և ամսաթիվ: Թիվ 2214427374, թիվ 2214238167, թիվ 2214959290 և թիվ 2214232526 վարչական որոշումների առաքանու կտրոնների վրա առկա է ստորագրություն ու ամսաթիվ ստացման վերաբերյալ:
Զննման ենթարկված փաստաթղթերը կցված են քրեական վարույթի նյութերին: Զննմամբ քննության համար հետաքրքրություն ներկայացնող այլ տվյալներ չեն հայտնաբերվել:
2025 թվականի հունիսի 13-ի արտավարութային փաստաթուղթ ճանաչելու մասին որոշման համաձայն՝ 2023 թվականի փետրվարի 6-ին ՀՀ ՆԳՆ ոստիկանության պարեկային ծառայության Երևան քաղաքի գնդի հրամանատարից ստացված զեկուցագրի, թիվ 8180161506 վարչական իրավախախտման վերաբերյալ արձանագրության, ՃՈ էլեկտրոնային ռեգիստրից արտատպված տեղեկանքի պատճեններն արտավարույթային փաստաթուղթ են ճանաչվել և թողնվել կցված քրեական վարույթի նյութերին:
2025 թվականի հունիսի 13-ի արտավարութային փաստաթուղթ ճանաչելու մասին որոշման համաձայն՝ 2023 թվականի մարտի 28-ին ՀՀ ՆԳՆ ոստիկանության պարեկային ծառայության Երևան քաղաքի գնդի հրամանատարից ստացված՝ 2023 թվականի մարտի 6-ի զեկուցագրի, թիվ 8180248665 վարչական իրավախախտման վերաբերյալ արձանագրության և թիվ 8200369807 վարչական իրավախախտման վերաբերյալ արձանագրության ու որոշման, ՃՈ էլեկտրոնային ռեգիստրից արտատպված տեղեկանքի պատճեններն արտավարույթային փաստաթուղթ են ճանաչվել և թողնվել կցված քրեական վարույթի նյութերին:
2025 թվականի հունիսի 13-ի արտավարութային փաստաթուղթ ճանաչելու մասին որոշման համաձայն՝ 2023 թվականի հունիսի 12-ին ՀՀ ՆԳՆ ոստիկանության պարեկային ծառայության Երևան քաղաքի գնդի հրամանատարից ստացված 2023 թվականի ապրիլի 7-ի զեկուցագրի, թիվ 8180248250 վարչական իրավախախտման վերաբերյալ արձանագրության և թիվ 8200369807 վարչական իրավախախտման վերաբերյալ արձանագրության ու որոշման, ՃՈ էլեկտրոնային ռեգիստրից արտատպված տեղեկանքի պատճեններն արտավարույթային փաստաթուղթ են ճանաչվել և թողնվել կցված քրեական վարույթի նյութերին:
2025 թվականի հունիսի 13-ի արտավարութային փաստաթուղթ ճանաչելու մասին որոշման համաձայն՝ 2024 թվականի ապրիլի 17-ին ՀՀ ՆԳՆ ոստիկանության <<Ճանապարհային ոստիկանություն>> ծառայությունից ստացված վարչական իրավախախտման վերաբերյալ թիվ 2214798708, թիվ 2214764955, թիվ 2214535765, թիվ 2214789174, թիվ 221414740, թիվ 2214572882, թիվ 2214806534, թիվ 2214427374, թիվ 2214238167, թիվ 2214959290 և թիվ 2214232526 որոշումների ու դրանց փոստային առաքանու կտրոնների պատճեններն արտավարույթային փաստաթուղթ են ճանաչվել և թողնվել կցված քրեական վարույթի նյութերին:
ՀՀ ՆԳՆ ոստիկանության ինֆորմացիոն կենտրոնի պահանջագրի համաձայն՝ Գարիկ Դավիթի Հովսեփյանի նկատմամբ Արմավիրի մարզի քննչական բաժնում Նախկին քրեական օրենսգրքի 131-րդ հոդվածի 1-ին մասի հատկանիշներով հարուցված թիվ 57851720 քրեական գործն ուղարկվել է դատարան: Դատապարտման վերաբերյալ տեղեկատվություն առկա չէ:
Բացի այդ, Գարիկ Հովսեփյանը 2024 թվականի ապրիլի 4-ի Կոտայքի մարզի առաջին ատյանի ընդհանուր իրավասության դատարանի դատավճռով ՀՀ քրեական օրենսգրքի 344-րդ հոդվածի 1-ին մասով (2 դրվագ) դատապարտվել է հանրային աշխատանքների՝ 120 ժամ տևողությամբ: Հանրային աշխատանքները կատարվել և ավարտվել են 2024 թվականի հուլիսի 29-ին:
Դատարանի իրավական վերլուծությունները.
ՀՀ վճռաբեկ դատարանը 2013 թվականի մայիսի 8-ի թիվ ԵԿԴ/0168/01/12 որոշմամբ դիրքորոշում է հայտնել, որ ապացույցների գնահատումը կատարվում է ներքին համոզման հիման վրա: Ներքին համոզմունքը, որպես ապացույցների գնահատման արդյունք, բնութագրվում է օբյեկտիվ և սուբյեկտիվ գործոնների անխզելի կապով. այն, մի կողմից, պետք է բխի հետազոտվող ապացույցների բավարար համակցությունից և հիմնվի դրանց վրա, իսկ մյուս կողմից, անկողմնակալ դիտորդի մոտ պետք է առաջացնի այն վստահությունը, որ ապացույցները հետազոտվել են արդարության բոլոր պահանջների պահպանմամբ:
Հանցանք կատարելու մեջ անձի մեղավորությունը հաստատելիս ապացույցների բավարարությունը որոշելու հարցին ՀՀ վճռաբեկ դատարանն անդրադարձել է Արարատ Ավագյանի և Վահան Սահակյանի վերաբերյալ գործով 2014 թվականի հոկտեմբերի 31-ի թիվ ԵԿԴ/0252/01/13 որոշմամբ: Մասնավորապես` իրացնելով օրենքի միատեսակ կիրառությունն ապահովելու իր սահմանադրական գործառույթը` Վճռաբեկ դատարանը հիշատակված դատական ակտում նախադեպային նշանակության իրավական դիրքորոշումներ է արտահայտել առ այն, որ գործի լուծման համար բավարար ապացույցներ ասելով` պետք է հասկանալ թույլատրելի, վերաբերելի և արժանահավատ ապացույցների համակցություն, որը, հաղթահարելով անմեղության կանխավարկածը, անաչառ դիտորդի մոտ կձևավորի հիմնավոր կասկածից վեր համոզվածություն անձի մեղավորության վերաբերյալ, ինչպես նաև կհաստատի գործով ապացուցման առարկան կազմող մյուս հանգամանքները և հնարավորություն կտա կայացնել հիմնավորված և պատճառաբանված որոշում: Ապացույցների բավարարությունը չի կարող որոշվել թվաբանական ցուցանիշով: Ակնհայտ է, որ ապացույցները բավարար չեն, եթե`
1) գործում բացակայում է որևէ ապացույց գործի ճիշտ լուծման համար նշանակություն ունեցող որևէ հանգամանքի պարզման համար,
2) եղած ապացույցը թույլ չի տալիս պարզել այդ հանգամանքն անհրաժեշտ խորությամբ և լրիվությամբ,
3) այդ հանգամանքի ապացուցվածությունը կասկած է հարուցում (...):
Արդյունքում՝ Վճռաբեկ դատարանն արձանագրել է, որ քրեական դատավարությունում մեղքի հարցը լուծելիս որպես ապացույցների բավարարության շեմ պետք է գործի <<հիմնավոր կասկածից վեր>> ապացուցողական չափանիշը: Ընդ որում` <<հիմնավոր կասկածից վեր>> ապացուցողական չափանիշ ասելով պետք է հասկանալ փաստական տվյալների (ապացույցների) այնպիսի համակցություն, որը բացառում է հակառակի ողջամիտ հավանականությունը: Վերոգրյալը չի նշանակում, որ հանցանք գործելու մեջ անձի մեղավորությունն ընդհանրապես չի կարող առաջացնել որևէ կասկած, սակայն այդպիսի կասկածի հավանականության դեպքում դրա աստիճանը պետք է լինի աննշան (խիստ ցածր): Այլ խոսքով` մեղադրանքը կազմող յուրաքանչյուր փաստական հանգամանք պետք է հիմնավորվի ապացույցների այնպիսի ծավալով, որը կբացառի դրա ապացուցվածության վերաբերյալ ցանկացած ողջամիտ կասկած (...):
Անդրադառնալով մեղադրյալ Գարիկ Հովսեփյանի արարքում ՀՀ քրեական օրենսգրքի 344-րդ հոդվածի 1-ին մասով (2 դրվագ) նախատեսված հանցանքների առկայության կամ բացակայության հարցին՝ Դատարանը գտնում է, որ դրանք հիմնավոր կասկածից վեր ապացուցողական չափանիշով հաստատվում են սույն քրեական գործի շրջանակներում ձեռք բերված ապացույցներով, այլ կերպ ասած՝ ապացուցված է Գարիկ Դավիթի Հովսեփյանի մեղավորությունը ՀՀ քրեական օրենսգրքի 344-րդ հոդվածի 1-ին մասով (2 դրվագ) նախատեսված հանցավոր արարքների կատարման մեջ:
Դատարանը, ուսումնասիրելով Գարիկ Դավիթի Հովսեփյանի պատասխանատվությունը և պատիժը մեղմացնող ու ծանրացնող հանգամանքները, վերասոցիալականացման և իրավահպատակ վարքագծի ձևավորման համար նշանակություն ունեցող տվյալները, եկավ հետևյալ եզրահանգման.
Գարիկ Դավիթի Հովսեփյանի քրեական պատասխանատվություն ու պատիժը մեղմացնող հանգամանք մեղքն ընդունելը և կատարածի համար զղջալը:
Դատարանը Գարիկ Դավիթի Հովսեփյանի քրեական պատասխանատվություն ու պատիժը մեղմացնող հանգամանք է դիտում նաև խնամքին երկու անչափահաս երեխայի (Դավիթ Գարիկի Հովսեփյան, ծնված՝ 2011 թվականի մարտի 1-ին, վկայական՝ ԱԲ100578 և Էմիլյա Գարիկի Հովսեփյան, ծնված՝ 2008 թվականի սեպտեմբերի 28-ին, վկայական՝ ԱԱ267168) առկայությունը:
Ընդ որում, սույն մեղմացնող հանգամանքները վերագրվում են մեղսագրվող երկու դրվագներին:
Միաժամանակ, պետք է արձանագրել, որ Գարիկ Դավիթի Հովսեփյանի պատասխանատվությունն ու պատիժը ծանրացնող հանգամանքներ առկա չեն:
Կատարված արարքների համար դատապարտված մեղադրյալ Գարիկ Դավիթի Հովսեփյանը ենթակա է քրեական պատասխանատվության և պատժի։
ՀՀ վճռաբեկ դատարանը 2010 թվականի օգոստոսի 27-ի թիվ ՍԴ/0293/01/09 որոշմամբ դիրքորոշում է հայտնել, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձը բնութագրող տվյալները և, քրեական օրենքով նախատեսված պահանջներից ելնելով, հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ է և բավարար է այդ անձին ուղղելու և նրա կողմից նոր հանցանքի կատարումը կանխելու համար: Պատժի տեսակի և չափի որոշման ժամանակ դատարանը պետք է հաշվի առնի կատարված հանցագործության՝ հանրության համար վտանգավորության աստիճանն ու բնույթը, հանցավորի անձը բնութագրող տվյալները, այդ թվում՝ նրա պատասխանատվությունը մեղմացնող և (կամ) ծանրացնող հանգամանքները:
Դատարանը, հաշվի առնելով Գարիկ Դավիթի Հովսեփյանի կատարած արարքների բնույթը և հանրային վտանգավորության աստիճանը, մասնավորապես՝ այն, որ վերջինի կատարած հանցանքները հանդիսանում են ոչ մեծ ծանրության հանցագործություններ, այդ թվում՝ նրա գործողությունների վտանգավորության աստիճանը, պատասխանատվությունն ու պատիժը մեղմացնող հանգամանքների առկայությունը և ծանրացնող հանգամանքների բացակայությունը, ինչպես նաև այն, որ մեղադրյալի կատարած արարքների համար քրեական օրենսգրքի համապատասխան հոդվածի սանկցիայով նախատեսված է պատիժ նաև հանրային աշխատանքների ձևով, իսկ ՀՀ քրեական օրենսգրքի 69-րդ հոդվածի 3-րդ մասի կարգավորմամբ՝ ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները, գտնում է՝ Գարիկ Դավիթի Հովսեփյանի նկատմամբ ՀՀ քրեական օրենսգրքի 344-րդ հոդվածի 1-ին մասով՝ 2 դրվագներից յուրաքանչյուրով պատիժ պետք է նշանակել հանրային աշխատանքներ՝ 60 (վաթսուն) ժամ տևողությամբ:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները լրիվ գումարելու միջոցով Գարիկ Դավիթի Հովսեփյանի նկատմամբ վերջնական պատիժ պետք է նշանակել հանրային աշխատանքներ՝ 120 (հարյուր քսան) ժամ տևողությամբ:
Ընդ որում, պատժի տեսակն ընտրելիս Դատարանի կողմից կարևորվում է դատական նիստի ընթացքում մեղադրյալ Գարիկ Դավիթի Հովսեփյանի հայտարարությունը, ըստ որի՝ չի կարող վճարել տուգանքը, հետևաբար՝ համաձայն է, որ իր նկատմամբ նշանակվի հանրային աշխատանքներ պատժատեսակը:
Այսինքն, ստացվում է, որ մեղադրյալ Գարիկ Հովսեփյանի նկատմամբ ստեղծված իրադրությունում տուգանք պատժատեսակի նշանակումը կկրի ձևական բնույթ և չի ծառայի քրեական օրենսդրությամբ պատժի առջև դրված նպատակների իրագործմանը: Այլ կերպ ասած՝ բոլոր դեպքերում, պատժի տեսակն ընտրելիս պետք է առաջանորդվել դրանց փաստացի կատարվելու կանխավարկածով, այլ ոչ թե նշանակել ձևական պատիժ՝ ողջամտորեն ենթադրելով, որ միևնույն է կամ մեծ է հավանականությունը, որ այն ի կատար չի ածվելու: Ընդ որում, ՀՀ քրեական օրենսգրքի 59-րդ հոդվածի 7-րդ մասի կարգավորումը ևս խոսում է այն մասին, որ տուգանք նշանակելու հնարավորությունը գնահատելիս պետք է հաշվի առնել մեղադրյալի գույքային դրությունը։
Ինչ վերաբերում է հնարավոր այն պատճառաբանությանը, որ Գարիկ Հովսեփյանը նախկինում կրկին դատապարտվել է նվազագույն չափով հանրային աշխատանքների, որն ի զորու չի եղել ապահովելու վերջինի պատշաճ վարքագիծը, քանի որ վերջինը նոր հանցանք է կատարել, ապա հարկ է ուշադրություն դարձնել այն հանգամանքին, որ սույն գործով Գարիկ Հովսեփյանին մեղսագրվող հանցանքները կատարվել են անգամ մյուս գործով մեղսագրված հանցանքներից առաջ: Ուստի տվյալ դեպքում չի կարելի խոսել մեղադրյալի կրած պատժի՝ իր նպատակներին չծառայելու մասին:
Անդրադառնալով դատապարտված մեղադրյալի նկատմամբ կիրառված խափանման միջոցի հարցին՝ Դատարանը գտնում է, որ Գարիկ Դավիթի Հովսեփյանի նկատմամբ կիրառված բացակայելու արգելքը, պետք է թողնել անփոփոխ մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 167-րդ հոդվածի 1-ին մաuի 1-ին, 2-րդ և 4-7-րդ կետերով նախատեսված վարութային ծախսերը մեղադրյալ Արթուր Ավետիսյանից ենթակա չեն հատուցման, քանի որ նմանատիպ վարութային ծախսեր առկա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ, 342-րդ, 347-349-րդ, 353-րդ, 364-րդ հոդվածներով` Դատարան

Վ Ճ Ռ Ե Ց

Գարիկ Դավիթի Հովսեփյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով՝ 2 դրվագ:
ՀՀ քրեական օրենսգրքի 344-րդ հոդվածի 1-ին մասով պատիժ նշանակել հանրային աշխատանքներ՝ 60 (վաթսուն) ժամ տևողությամբ:
ՀՀ քրեական օրենսգրքի 344-րդ հոդվածի 1-ին մասով պատիժ նշանակել հանրային աշխատանքներ՝ 60 (վաթսուն) ժամ տևողությամբ:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները լրիվ գումարելու միջոցով Գարիկ Դավիթի Հովսեփյանի նկատմամբ վերջնական պատիժ նշանակել հանրային աշխատանքներ՝ 120 (հարյուր քսան) ժամ տևողությամբ:
Գարիկ Դավիթի Հովսեփյանի նկատմամբ կիրառված խափանման միջոց՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից մեկամսյա ժամկետում:


ԴԱՏԱՎՈՐ Ա.ՀՈՎՀԱՆՆԻՍՅԱՆ