ԵԴ1/2183/01/25


ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


«15» Դեկտեմբերի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ նաև Դատարան)՝
նախագահող դատավոր՝ ԱՐՇԱԿ ՄԱԹԵՎՈՍՅԱՆ
քարտուղարությամբ՝ ՌՈԲԵՐՏ ՍԻՐԱԿԱՆՅԱՆԻ
մասնակցությամբ.
հանրային մեղադրող՝ ԱՐԱ ՄԱՆՈՒԿՅԱՆԻ
մեղադրյալ՝ ԱՐԱՄ ԳԱԼՍՏՅԱՆԻ
պաշտպան՝ ԿԱՐԻՆԵ ԽԱՉԱՏՐՅԱՆԻ
դռնբաց դատական նիստում արագացված վարույթի կարգով քննելով Արամ Լևուշի Գալստյանի (1) վերաբերյալ քրեական գործն ըստ մեղադրանքի՝ ՀՀ քրեական օրենսգրքի 396 հոդվածի 2-րդ մասով.







1. ՄԵՂԱԴՐԱՆՔԻ ՓԱՍՏԱԿԱՆ ՆԿԱՐԱԳՐՈՒԹՅՈՒՆԸ.
Թիվ 16833324 քրեական վարույթով Արամ Լևուշի Գալստյանին ՀՀ քրեական օրենսգրքի 396 հոդվածի 2-րդ մասով մեղադրանք է ներկայացվել հետևյալ արարքի համար.
«[Նա], խախտելով «Թմրամիջոցների և հոգեմետ տ (հոգեներգործուն) նյութերի մասին» 2002 թվականի դեկտեմբերի 26-ի ՀՀ օրենքի 11-րդ հոդվածի 2-րդ մասի պահանջները, չունենալով բժշկական նպատակներով, բժշկի նշանակմամբ, ինչպես նաև նույն օրենքի 31-33-րդ հոդվածներով սահմանված կարգով՝ թմրամիջոցների և հոգեմետ նյութերի գիտական և ուսումնական նպատակով, փորձագիտական գործունեության մեջ օգտագործելու, ինչպես նաև օպերատիվ-հետախուզական գործունեության նպատակներով թմրամիջոցների, հոգեմետ նյութերի, դրանց պրեկուրսորների և ածանցյալների վերահսկվող փոխադրում և ստուգողական գնում իրականացնելու իրավունք, չհանդիսանալով Հայաստանի Հանրապետությունում թմրամիջոցների և դրանց պրեկուրսորների հետ կապված համապատասխան գործունեություն իրականացնող իրավաբանական անձի ներկայացուցիչ, ինչպես նաև անհատ ձեռնարկատեր, խախտելով ՀՀ Կառավարության 2010 թվականի մարտի 18-ի թիվ 270-Ն որոշման 2-րդ հավելվածով սահմանված՝ թմրամիջոցների և հոգեմետ (հոգեներգործուն) նյութերի և դրանց պրեկուրսորների շրջանառության կանոնները, քրեական վարույթի նախաքննության ընթացքում դեռևս չպարզված անձից և ժամանակահատվածում առանց իրացնելու նպատակի, իր օգտագործման համար ապօրինի ձեռք է բերել ՀՀ կառավարության 2018 թվականի հունիսի 27-ի թիվ 707-Ն որոշման հավելված 1-ով խոշոր չափ համարվող՝ 0.17 գրամ քաշով «Հերոին» տեսակի թմրամիջոց, որը պոլիէթիլենային թափանցիկ փաթեթով ապօրինի կերպով պահել է իր հագին եղած ջինսե տաբատի աջ գրպանում, սակայն 2024 թվականի նոյեմբերի 6-ին՝ ժամը 13։00-ի սահմաններում, Երևան քաղաքի Սվաճյան փողոցի 40/1 հասցեի մոտից ՀՀ ՆԳՆ ոստիկանության ՔՈԳՎ ԵՔՎ թմրամիջոցների ապօրինի շրջանառության դեմ պայքարի վարչության աշխատակիցների կողմից թմրամիջոց ձեռք բերելու, պահելու և օգտագործելու հիմնավոր կասկածի առկայության հիմքով վերջինիս ձերբակալման ժամանակ, Արամ Գալստյանը նետել է այն գետնին և փորձել դիմել փախուստի»։
2. ԱՐԱԳԱՑՎԱԾ ՎԱՐՈՒՅԹԸ.
2.1 Նախնական դատալսումների ընթացքում մեղադրյալ Արամ Լևուշի Գալստյանը ներկայացրեց արագացված վարույթ կիրառելու միջնորդություն՝ հայտնելով, որ ներկայացված մեղադրանքն իրեն պարզ է, համաձայն է մեղադրանքի հետ, պնդում է արագացված վարույթ կիրառելու մասին միջնորդությունը, այն ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ և գիտակցում է արագացված վարույթ կիրառելու հետևանքները:
2.2 Հանրային մեղադրողը չառարկեց արագացված վարույթ կիրառելու դեմ:
2.3 Դատարանը, համոզվելով, որ առկա է ՀՀ քրեական դատավարության օրենսգրքի 464.1 հոդվածի 1-ին մասով նախատեսված հիմքը և բացակայում են նույն հոդվածի 2-րդ մասով նախատեսված՝ արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց քրեական գործով լրացուցիչ դատալսումներ անցկացնելու մասին։

3. ԼՐԱՑՈՒՑԻՉ ԴԱՏԱԼՍՈՒՄՆԵՐԻ ԸՆԹԱՑՔՈՒՄ ՀԵՏԱԶՈՏՎԱԾ ԹՈՒՅԼԱՏՐԵԼԻ ԱՊԱՑՈՒՅՑՆԵՐԸ.
3.1 Դատվածությունների և հետախուզման առկայության Ձև 8 հարցման պատասխանի համաձայն՝ Արամ Լևուշի Գալստյանի վերաբերյալ ՀՀ ՆԳՆ ոստիկանության ինֆորմացիոն կենտրոնում առկա են հետևյալ տվյալները.
«1. ԳԱԼՍՏՅԱՆ ԱՐԱՄ ԼԵՎՈՒՇԻ
Ծննդյան ամսաթիվը` 16/09/1984, Ծննդավայրը` ՍՅՈՒՆԻՔ ԽՈՏ
Համարը` 90201206
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆԻ ԿԱՅԱԶՈՐԻ ԶԻՆՎՈՐԱԿԱՆ ԴԱՏԱԽԱԶՈՒԹՅՈՒՆ, ամս` 01/03/2006
Մեղադրական հոդված` ՀՀ ՔՐ. ՕՐ. (2003Թ.) հ 316 մ 1
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը` ՄԱԼԱԹԻԱ-ՍԵԲԱՍՏԻԱՅԻ ԸՆԴ. ԻՐԱՎ. ԴԱՏԱՐԱՆ,ամս` 25/04/2006
ՀՀ ՔՐ. ՕՐ. (2003Թ.) հ 316 մ 1
Հիմնական պատիժը` ՏՈՒԳԱՆՔ 300.000 դրամ
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն
Ազատվել է` ՀԱՄԱՆԵՐՈՒՄ 07.07.2006թ.
Պատժի կրումից ազատման ամսաթիվը` 25/04/2006
2. ԳԱԼՍՏՅԱՆ ԱՐԱՄ ԼԵՎՈՒՇԻ
Ծննդյան ամսաթիվը` 16/09/1984, Ծննդավայրը` ՍՅՈՒՆԻՔ ԽՈՏ
Մատնադրոշմային բանաձև` 28-58889/16-48877
Համարը` 08101521
1) Նախաքննության վերաբերյալ տեղեկատվություն
Խափանման միջոցը` ԿԱԼԱՆՔ Նախաձեռնող մարմինը` ՄԱԼԱԹԻԱՅԻ ՈԲ, ամս` 12/04/2022, ՔԿ հիմնարկ` ՀՀ ԱՆ «ԱՐՄԱՎԻՐ» ՔԿՀ
Մեղադրական հոդված` ՀՀ ՔՐ. ՕՐ. (2003Թ.) հ 268 մ 1
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը` ԵՐԵՎԱՆ ՔԱՂԱՔԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ, ամս` 16/02/2022
ՀՀ ՔՐ. ՕՐ. (2003Թ.) հ 268 մ 1
Հիմնական պատիժը` ԿԱԼԱՆՔ 2 ամիս
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն
Ազատվել է` ԺԱՄԿԵՏԻՆ
Պատժի կրումից ազատման ամսաթիվը` 10/06/2022»։
3.2 ՀՀ պետական եկամուտների կոմիտեի հարկ վճարողների սպասարկման վարչության պետի գրությանը կից ներկայացված տեղեկանքի համաձայն՝ Արամ Լևուշի Գալստյանը 2024 թվականի հուլիս ամսից մինչև հոկտեմբեր ամիսը աշխատել է «ՄԵՂՐՈՒ ՃՇՇԾ»-ում, և յուրաքանչյուր ամիս ստացել է 407.334 ՀՀ դրամ աշխատավարձ, որից յուրաքանչյուր ամիս պահվել է եկամտային հարկ՝ 81.466 ՀՀ դրամ, սոցիալական վճար՝ 20.366 ՀՀ դրամ և դրոշմանիշային վճար՝ 20.366 ՀՀ դրամ(2):
4. ԴԱՏԱՐԱՆԻ ԻՐԱՎԱԿԱՆ ՎԵՐԼՈՒԾՈՒԹՅՈՒՆՆԵՐԸ, ՀԵՏԵՎՈՒԹՅՈՒՆՆԵՐԸ ԵՎ ՈՐՈՇՈՒՄՆԵՐԸ.
4.1 Արագացված վարույթ կիրառելու պայմաններում Դատարանը հաստատված է համարում Արամ Լևուշի Գալստյանին վերագրվող փաստական հանգամանքները (արարքը), այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, սահմանելով, որ մեղադրյալի կողմից կատարված արարքի նկատմամբ ենթակա է կիրառման ՀՀ քրեական օրենսգրքի 396 հոդվածի 2-րդ մասը:
4.2 Հաստատված փաստական հանգամանքների հիման վրա Դատարանն արձանագրում է, որ Արամ Լևուշի Գալստյանի պատասխանատվությունն ու պատիժը մեղմացնող և ծանրացնող հանգամանքներ առկա չեն:
4.3 Կատարած հանցանքի համար մեղադրյալ Արամ Լևուշի Գալստյանը ենթակա է պատժի։
4.4 Պատժի տեսակն ու չափը որոշելիս Դատարանը, հաշվի է առնում հետևյալը՝
-Արամ Լևուշի Գալստյանի կատարած հանցանքի բնույթն ու վտանգավորության աստիճանը, դրանով պայմանավորված նաև խախտված հասարակական հարաբերության բնույթն ու կարևորությունը՝ այն, որ նրան մեղսագրվում է թմրամիջոցների, հոգեմետ (հոգեներգործուն) նյութերի, դրանց պատրաստուկների, պրեկուրսորների, խիստ ներգործող կամ թունավոր նյութերի օրինական շրջանառության դեմ ուղղված բարձր վտանգավորություն ներկայացնող հանցագործություններից մեկը՝ առանց իրացնելու նպատակի թմրամիջոցների ապօրինի շրջանառությունը,
-Արամ Լևուշի Գալստյանի հոգեբանական վերաբերմունքն իր արարքի նկատմամբ, մասնավորապես այն, որ մեղադրյալը գործել է ուղղակի դիտավորությամբ,
-Արամ Լևուշի Գալստյանի անձը բնութագրող տվյալները, պատասխանատվությունը և պատիժը մեղմացնող ու ծանրացնող հանգամանքների բացակայությունը, ՀՀ քրեական օրենսգրքի 69 հոդվածի 2-րդ մասում թվարկված մյուս հանգամանքները։
• Այսպիսով, Դատարանը գտնում է, որ Արամ Լևուշի Գալստյանի կողմից կատարված հանցագործության բնույթին, վտանգավորության աստիճանին, կատարելու հանգամանքներին, ինչպես նաև հանցավորի անձին համաչափ պատիժ է 1 տարի ժամկետով ազատության սահմանափակումը:
4.5 Միևնույն ժամանակ, ՀՀ քրեական օրենսգրքի 79 հոդվածի 3-րդ մասի կիրառմամբ Արամ Լևուշի Գալստյանի պատժի ժամկետին պետք է հաշվակցել վերջինի՝ 2024 թվականի նոյեմբերի 6-ից 9-ը փաստացի անազատության մեջ գտնվելու 3 (երեք) օրը՝ ձերբակալման 1 օրը հաշվելով ազատության սահմանափակման ձևով նշանակված պատժի 2 օրվա դիմաց, և վերջնական պատիժ թողնել կրելու ազատության սահմանափակում՝ 11 (տասնմեկ) ամիս 24 (քսանչորս) օր ժամկետով։
4.6 Արամ Լևուշի Գալստյանը պետք է կրի իր նկատմամբ նշանակված պատիժը, քանի որ նրան պատժից ազատելու հիմքեր առկա չեն:
Պատժի կրման ընթացքում Արամ Լևուշի Գալստյանին պետք է արգելել՝
-առանց իր նկատմամբ վերահսկողություն իրականացնող իրավասու մարմնի համաձայնության փոխել բնակության վայրը,
-ինչպես նաև 23:00-ից մինչև ժամը 06:00-ն ընկած ժամանակահատվածում բացակայել տնից:
4.7 Դատարանն արձանագրում է, որ կատարած հանցանքի համար Արամ Լևուշի Գալստյանի նկատմամբ լրացուցիչ պատիժ նշանակելու հիմքերն ու անհրաժեշտությունը դեպքում բացակայում են։
4.8 ՀՀ քրեական դատավարության օրենսգրքի 348 հոդվածի 1-ին մասի 11-13-րդ հարցերին անդրադառնալու անհրաժեշտությունը սույն քրեական գործով բացակայում է։
4.9 Ղեկավարվելով ՀՀ քրեական դատավարության օրենսգրքի 100 հոդվածով և հաշվի առնելով, որ անհայտ անձի կողմից Արամ Լևուշի Գալստյանին ապօրինի թմրամիջոց իրացնելու վերաբերյալ ենթադրյալ հանցանք կատարելու փաստով սույն քրեական վարույթից անջատվել է նոր՝ թիվ 16146125 քրեական վարույթը՝ Դատարանը գտնում է, որ դատավճիռն օրինական ուժի մեջ մտնելուց հետո նախաքննության մարմնի 2025 թվականի մարտի 26-ի որոշմամբ իրեղեն ապացույց ճանաչված «0,17 գրամ քաշով «հերոին» տեսակի թմրամիջոցը» պետք է հանձնել թիվ 16146125 քրեական վարույթն իրականացնող մարմնին՝ դրա տնօրինման հարցը այդ վարույթի շրջանակներում լուծելու համար:
4.10 Արամ Լևուշի Գալստյանի նկատմամբ կիրառված խափանման միջոցը՝ ՀՀ-ից բացակայելու արգելքը, պետք է թողնել անփոփոխ՝ մինչև դրա իրավաչափության պայմանների փոփոխումը՝ բայց ոչ ավելի, քան դատավճռի օրինական ուժի մեջ մտնելը, քանի որ այն բավարար է մեղադրյալի կողմից ՀՀ քրեական դատավարության օրենսգրքի 116 հոդվածի 2-րդ մասով նախատեսված որևէ գործողություն կատարելու ռիսկերը չեզոքացնելու համար։
4.11 Վարութային ծախսերի հարցը պետք է համարել լուծված, քանի որ ՀՀ քրեական դատավարության օրենսգրքի 464.4 հոդվածի 3-րդ մասի համաձայն՝ արագացված վարույթ կիրառելու դեպքում ՀՀ քրեական դատավարության օրենսգրքի 167 հոդվածի 1-ին մաuով նախատեսված վարութային ծախսերը մեղադրյալից ենթակա չեն բռնագանձման։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 276, 347, 348, 349, 464.4 և 464.5 հոդվածներով՝ Դատարանը

Վ Ճ Ռ Ե Ց

1. Արամ Լևուշի Գալստյանին մեղավոր ճանաչել ՀՀ քրեական օրենսգրքի 396 հոդվածի 2-րդ մասով նախատեսված հանցանքը կատարելու մեջ և նրա նկատմամբ պատիժ նշանակել ազատության սահմանափակում՝ 1 (մեկ) տարի ժամկետով։
2. ՀՀ քրեական օրենսգրքի 79 հոդվածի 3-րդ մասով սահմանված կարգով պատժի ժամկետին հաշվակցել Արամ Գալստյանի՝ 2024 թվականի նոյեմբերի 6-ից 9-ը փաստացի անազատության մեջ գտնվելու 3 (երեք) օրը՝ ձերբակալման 1 օրը հաշվելով ազատության սահմանափակման ձևով նշանակված պատժի 2 օրվա դիմաց, և վերջնական պատիժ թողնել կրելու ազատության սահմանափակում՝ 11 (տասնմեկ) ամիս 24 (քսանչորս) օր ժամկետով:
3. Պատժի կրման ընթացքում Արամ Գալստյանին արգելել՝
-առանց իր նկատմամբ վերահսկողություն իրականացնող իրավասու մարմնի համաձայնության փոխել բնակության վայրը:
-ժամը 23:00-ից մինչև ժամը 06:00-ն ընկած ժամանակահատվածում բացակայել տնից:
4. Դատավճիռն օրինական ուժի մեջ մտնելուց հետո նախաքննության մարմնի 2025 թվականի մարտի 26-ի որոշմամբ իրեղեն ապացույց ճանաչված «0,17 գրամ քաշով «հերոին» տեսակի թմրամիջոցը» հանձնել թիվ 16146125 քրեական վարույթն իրականացնող մարմնին՝ դրա տնօրինման հարցը այդ վարույթի շրջանակներում լուծելու համար:
5. Արամ Գալստյանի նկատմամբ կիրառված խափանման միջոցը՝ ՀՀ-ից բացակայելու արգելքը, թողնել անփոփոխ՝ մինչև դրա իրավաչափության պայմանների փոփոխումը՝ բայց ոչ ավելի, քան դատավճռի օրինական ուժի մեջ մտնելը:
Դատավճիռը վերաքննության կարգով կարող է բողոքարկվել Հայաստանի Հանրապետության վերաքննիչ քրեական դատարան՝ ստանալու օրվանից հետո՝ մեկամսյա ժամկետում, սակայն չի կարող բողոքարկվել ՀՀ քրեական դատավարության օրենսգրքի 373 հոդվածով և 375 հոդվածի 1-3-րդ մասերով նախատեսված հիմքերով։



ԴԱՏԱՎՈՐ ԱՐՇԱԿ ՄԱԹԵՎՈՍՅԱՆ


(1) Ծնված՝ 1984 թվականի սեպտեմբերի 16-ին Երևան քաղաքում, ազգությամբ հայ, ՀՀ քաղաքացի, չամուսնացած, դատվածություն չունեցող, աշխատում է «ՄԵՂՐՈՒ ՃՇՇՁ»-ում, հաշվառված է և բնակվում է Երևան քաղաքի Սվաճյան փողոցի 38 շենքի թիվ 102 բնակարանում, որպես խափանման միջոց է կիրառված ՀՀ-ից բացակայելու արգելքը:
(2)3.1 և 3.2 կետերի վերաբերյալ տե՛ս Դատարանում ստեղծված և Դատարանին ներկայացված նյութերը: