Գործ N ԵԴ1/2147/01/25




Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈւՆԻՑ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ.

ՆԱԽԱԳԱՀՈՂ ԴԱՏԱՎՈՐ` Վ.Լ.ԳՐԻԳՈՐՅԱՆ
ՔԱՐՏՈՒՂԱՐՈՒԹՅԱՄԲ` Լ.ՊՐԱԶՅԱՆԻ,
Մասնակցությամբ`
ՄԵՂԱԴՐՈՂ` Ռ.ԳՐԻԳՈՐՅԱՆԻ,
ՄԵՂԱԴՐՅԱԼ` Գ.ԿԱՐԱՊԵՏՅԱՆԻ,

2025 թվականի սեպտեմբերի 10-ին Երևան քաղաքում` դռնբաց դատական նիստում` քննության առնելով քրեական գործն ըստ մեղադրանքի`
Գառնիկ Մուրադի Կարապետյանի (ծնված՝ 04.08.1991թ., Երևան քաղաքում, ազգությամբ՝ հայ, ՀՀ քաղաքացի, բարձրագույն կրթությամբ, ամուսնացած, ըստ իր հայտարարության՝ խնամքին երկու անչափահաս երեխա և հաշմանդամ ծնողները, չի աշխատում, նախկինում չդատված, հաշվառված և փաստացի բնակվող՝ ք. Երևան, Վաղարշյան փողոց, 18Ա շենք, բն. 12 հասցեում): Մեղադրվում է ՀՀ քրեական օրենսգրքի 344-րդ հոդվածի 1-ին մասով.

Պ Ա Ր Զ Ե Ց

Գործի դատավարական նախապատմությունը.
2025 թվականի հունվարի 27-ին ՀՀ ՔԿ ԵՔՔՎ ՃՏՀՔ բաժնի քննիչ Ա.Պետրոսյանը կազմել է արձանագրություն՝ ՀՀ քրեական օրենսգրքի 344-րդ հոդվածի 1-ին մասի հատկանիշներով թիվ 60144325 քրեական վարույթը նախաձեռնելու մասին:
2025 թվականի մայիսի 19-ին քննիչ Ա.Պետրոսյանը որոշում է կայացրել Գառնիկ Մուրադի Կարապետյանի վերաբերյալ կազմված վարչական իրավախախտման վերաբերյալ թիվ 8259012566 արձանագրության պատճենը, վարչական իրավախախտման վերաբերյալ թիվ 8250000736 արձանագրության պատճենը, վարորդի սթափության վիճակի զննության թիվ 01033 կտրոնի պատճենը, թիվ 143248 ստուգաչափման վկայականի պատճենը, ՀՀ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված քաղվածքը թիվ 60144325 քրեական վարույթով որպես արտավարութային փաստաթուղթ ապացույց ճանաչելու մասին:
2025 թվականի մայիսի 22-ին Երևան քաղաքի Մալաթիա-Սեբաստիա վարչական շրջանի դատախազության դատախազ Դ.Կյուրեղյանը որոշում է կայացրել թիվ 60144325 քրեական վարույթով Գառնիկ Մուրադի Կարապետյանի նկատմամբ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում հարուցելու մասին:
2025 թվականի մայիսի 23-ին քննիչ Ա.Պետրոսյանը որոշում է կայացրել թիվ 60144325 քրեական վարույթով Գառնիկ Մուրադի Կարապետյանի նկատմամբ որպես խափանման միջոց բացակայելու արգելք կիրառելու մասին:
2025 թվականի հունիսի 18-ին թիվ 60144325 քրեական գործը՝ հաստատված մեղադրական եզրակացությամբ, ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստացել է թիվ ԵԴ1/2147/01/25 դատական համարը:

Մեղադրանքի փաստական նկարագրությունը.
2025 թվականի մայիսի 22-ին Երևան քաղաքի Մալաթիա-Սեբաստիա վարչական շրջանի դատախազության դատախազ Դ.Կյուրեղյանը որոշում է կայացրել թիվ 60144325 քրեական վարույթով Գառնիկ Մուրադի Կարապետյանի նկատմամբ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում հարուցելու մասին այն բանի համար, որ նա, զրկված լինելով տրանսպորտային միջոցներ վարելու իրավունքից, վարել է տրանսպորտային միջոց:
Մասնավորապես՝ Գառնիկ Կարապետյանը, վարչական իրավախախտման գործով թիվ 8250000736 որոշմամբ 2025 թվականի հունվարի 2-ից մինչև 2026 թվականի հունվարի 2-ը զրկված լինելով տրանսպորտային միջոցներ վարելու իրավունքից և այդ մասին հաստատապես իմանալով, 2025 թվականի հունվարի 4-ին՝ ժամը 09:10-ի սահմաններում, Երևան քաղաքի Իսահակ Գասպարյան փողոցում վարել է «Mitsubishi» մակնիշի 80 GL 081 հաշվառման համարանիշով տրանսպորտային միջոցը, որի ընթացքում կանգնեցվել է ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի կրտսեր պարեկ Սարգիս Հովհաննիսյանի կողմից, որի կապակցությամբ կազմվել է վարչական իրավախախտման վերաբերյալ թիվ 8259012566 արձանագրությունը:

Դատաքննությամբ հետազոտված թույլատրելի ապացույցները.
Քրեական գործի դատաքննության փուլում մեղադրյալ Գառնիկ Մուրադի Կարապետյանը հրաժարվեց ցուցմունք տալ: Գ.Կարապետյանը հայտարարեց, որ թեպետ նախաքննության ընթացքում հայտնել է, որ ցանկանում է, որպեսզի իր նկատմամբ հանրային աշխատանք նշանակվի, քանի որ չի աշխատում և ֆինանապես ի վիճակի չէ տուգանք վճարել, սակայն ներկայումս աշխատանք է գտել և մոտ 20 օրից աշխատելու է: Միաժամանակ նշեց, որ եթե նշանակվի տուգանք, ապա չի կարող միանվագ վճարել:
/դատական նիստի արձանագրություն՝ 10.09.2025թ./
Նախաքննության ընթացքում որպես մեղադրյալ հարցաքննվելիս Գառնիկ Մուրադի Կարապետյանը հայտնել է, որ իրեն առաջադրված մեղադրանքը հասկանալի է և պարզ, ընդունում է իրեն առաջադրված մեղադրանքը, իրեն մեղավոր է ճանաչել: Մեղադրյալ Գառնիկ Մուրադի Կարապետյանը ցուցմունք է տվել այն մասին, որ 2025 թվականի հունվարի 04-ին ինքն է վարել տրանսպորտային միջոցը՝ լինելով տրանսպորտային միջոցներ վարելու իրավունքից զրկված վիճակում, քանի որ կարծել է, թե բողոքարկման ընթացքում կարող է վարել, բողոքը չեն բավարարել: Մեղադրյալ Գառնիկ Մուրադի Կարապետյանը ընդունել է իր մեղավորությունը և խնդրել է դատարանին գործը քննել ընդհանուր կարգով և նշանակել հանրային աշխատանք, քանի որ չի աշխատում և ֆինանապես ի վիճակի չէ տուգանք վճարել:
/Հատոր 1, գ.թ. 37-38/
Զննում կատարելու մասին 19.05.2025թ. արձանագրության համաձայն՝
Զննությամբ պարզվել է հետևյալը.
2025 թվականի հունվարի 27-ին ՀՀ ՆԳՆ ոստիկանության պարեկային ծառայությանից ստացվել է հաղորդում այն մասին, որ 2025 թվականի հունվարի 04-ին ժամը 09:40-ին ՀՀ ՆԳՆ ոստիկանության Պարեկային ծառայության 3-րդ գումարտակի 2-րդ վաշտ կրտսեր պարեկ Սարգիս Մամիկոնի Հովհաննսիայանը կազմել է վարչական իրվախախտումների վերաբերյալ թիվ 8259012566 արձանագրությունն այն մասին, որ Գառնիկ Մուրադի Կարապետյանը (ծնված՝ 04.08.1991թ., քաղաք Երևան, Վաղարշյան փողոց, 18 Ա շենք, 12-րդ բնակարան, ՀԾՀ 1408910128) 20225 թվականի հունվարի 04-ին՝ ժամը 09:10-ի սահմաններում Երևան քաղաքի Գասպարյան փողոցում վարել է «Միցուբիշի» մակնիշի 80 GL 081 հաշվառման համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված վիճակում:
Նախաքննության ընթացքում զննության են ենթարկվել սույն քրեական վարույթում առկա փաստաթղթերն այն մասին, որ 2025 թվականի հունվարի 04-ին ժամը 09:40-ին ՀՀ ՆԳՆ ոստիկանության Պարեկային ծառայության 3-րդ գումարտակի 2-րդ վաշտի կրտսեր պարեկ Սարգիս Մամիկոնի Հովհաննիսյանը կազմել է վարչական իրվախախտումների վերաբերյալ թիվ 8259012566 արձանագրությունն այն մասին, որ Գառնիկ Մուրադի Կարապետյանը (ծնված՝ 04.08.1991թ., քաղաք Երևան, Վաղարշյան փողոց, 18 Ա շենք, 12-րդ բնակարան, ՀԾՀ 1408910128) 2025 թվականի հունվարի 04-ին՝ ժամը 09:10-ի սահմաններում Երևան քաղաքի Գասպարյան փողոցում վարել է «Միցուբիշի» մակնիշի 80 GL 081 հաշվառման համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված վիճակում:
Արձանագրությանը կցվում է հատվածում գրառում առկա չէ:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ազգանուն և ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 201.1 թիվը:
2025 թվականի հունվարի 02-ին ժամը 00:05-ին ՀՀ ՆԳՆ ոստիկանության Պարեկային ծառայության կրտսեր պարեկ Հովհաննես Վարդանյանը կազմել է վարչական իրվախախտումների վերաբերյալ թիվ 8250000736 արձանագրությունն այն մասին, որ Գառնիկ Մուրադի Կարապետյանը (ծնված՝ 04.08.1991թ., քաղաք Երևան, Վաղարշյան փողոց, 18 Ա շենք, 12-րդ բնակարան, ՀԾՀ 1408910128) 2025 թվականի հունվարի 02-ին՝ ժամը 00:00-ի սահմաններում Երևան քաղաքի Կոմիտասի պողոտայում վարել է «Միցուբիշի» մակնիշի 80 GL 081 հաշվառման համարանիշի տրանսպորտային միջոցը ոչ սթափ վիճակում:
Արձանագրությանը կցվում է հատվածում գրառում առկա չէ:
Արձանագրության վարչական իրավախախտում կատարած անձի բացատրումյունը և դիտողությունը նշելու հատվածում առկա է ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ազգանուն և ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 68.1 թիվը:
Վարչական իրավախախտման վերաբերյալ արձանագրության թիվ 8250000736 որոշմամբ քաղաքացի Գառնիկ Մուրադի Կարապետյանը զրկվել է տրանսպորտային միջոցներ վարելու իրավունքից 1 տարի ժամկետով՝ 02-ը հունվարի 2025 թվական: Որոշման պատճենի և կատարման կարգի մասի հատվածում առկա է ստորագրություն:
Վարորդի սթափության վիճակի զննության կտրոնի պատճենի զննությամբ պարզվել է, որ ստուգաչափման սարքի համարն է՝ 91101089, զննման համարը՝ 01033 զննման ամսաթիվը՝ 02.01.2025թ., զննման ժամը՝ 00:02:011-ին, վերջին ստուգաչափման ամսաթիվը՝ 25.12.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,275 մգ/լ, վարորդի անունն է՝ Գառնիկ, ազգանունը՝ Կարապետյան, տրանսպորտային միջոցի համարանիշը՝ 80 GL 081, վ/վ՝ RB 849681, Պ/Ծ տեսուչ՝ Հովհաննիսյան, կրծքանշանի համարը՝ 05234, ստորաբաժանումը՝ 3-րդ գումարտակ, 1-ին վաշտ:
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 143248 ստուգաչափման վկայականի պատճենի զննությամբ պարզվել է, որ վկայականն ուժի մեջ է 2024 թվականի դեկտեմբերի 25-ից մինչև 2025 թվականի դեկտեմբերի 25-ը, ստուգաչափման սարքի գործարանային համարն է 91101089, տեսակը՝ Jupiter X/RP, չափման տիրույթը՝ 0.000-2,000մգ/լ, ճշտության դասը, կարգը /սխալանքը/ 0-0,1±5-%, 0,1-0,15±8%>0,15±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա. Մանուկյան, իսկ բաժնի /լաբորատորիայի վարիչ/ պետի անվան դիմաց առկա է ստորագրություն և նշված է Գ. Մարտիրոսյան:
ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության զննությամբ պարզվել է, որ Գառնիկ Մուրադի Կարապետյան (ՀԾՀ 1408910128) տվյալներով գտնվել է վարորդական իրավունքի վկայական զրկված վիճակում՝ սկիզբը՝ 02.01.2025թ., ավարտը՝ 02.01.2026թ.:
/Հատոր 1, գ.թ. 13-14/
Արտավարութային փաստաթուղթ ճանաչելու մասին 19.05.2025թ. որոշմամբ Գառնիկ Մուրադի Կարապետյանի վերաբերյալ կազմված վարչական իրավախախտման վերաբերյալ թիվ 8259012566 արձանագրության պատճենը, վարչական իրավախախտման վերաբերյալ թիվ 8250000736 արձանագրության պատճենը, վարորդի սթափության վիճակի զննության թիվ 01033 կտրոնի պատճենը, թիվ 143248 ստուգաչափման վկայականի պատճենը, ՀՀ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված քաղվածքը ճանաչվել են ապացույց:
/Հատոր 1, գ.թ. 4-8, 15-16/

Դատարանի իրավական վերլուծությունները.
ՀՀ քրեական օրենսգրքի 14-րդ հոդվածի համաձայն` «1. Քրեական պատասխանատվության հիմքն ինչպես ավարտված, այնպես էլ չավարտված հանցանք կատարելն է:»:
ՀՀ քրեական օրենսգրքի 16-րդ հոդվածի համաձայն`
«1. Հանցանք է համարվում սույն օրենսգրքով նախատեսված, պատժի սպառնալիքով արգելված, հանցագործության սուբյեկտի կողմից մեղավորությամբ կատարված արարքը:
(...)»:
ՀՀ քրեական օրենսգրքի 344-րդ հոդվածի համաձայն`
«1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով:
(...)
5. Սույն օրենսգրքի իմաստով՝ անձը համարվում է տրանսպորտային միջոցներ վարելու իրավունք չունեցող, եթե նա սահմանված կարգով չի ստացել տվյալ կարգի տրանսպորտային միջոց վարելու իրավունքի վարորդական վկայական կամ սահմանված կարգով ստացել է վարորդական վկայական, սակայն օրենքով սահմանված կարգով զրկվել է տրանսպորտային միջոցներ վարելու իրավունքից, և զրկման ժամկետը լրանալուց հետո սահմանված կարգով չի վերականգնել տրանսպորտային միջոցներ վարելու իրավունքը, բացառությամբ ուսումնական վարման դեպքերի:»:
ՀՀ քրեական դատավարության օրենսգրքի 22-րդ հոդվածի համաձայն`
«1. Քրեական վարույթի համար նշանակություն ունեցող ցանկացած հանգամանք պետք է հաստատվի պատշաճ ապացույցների բավարար համակցությամբ:
2. Եզրափակիչ դատավարական ակտը պետք է հիմնվի հետազոտված ապացույցների ազատ և բարեխիղճ գնահատման վրա:
3. Մեղադրական դատավճռի հիմքում դրվող յուրաքանչյուր փաստական հանգամանք պետք է հիմնավորվի ապացույցների այնպիսի ծավալով, որը կբացառի դրա ապացուցվածության վերաբերյալ ցանկացած հիմնավոր կասկած: Դատավճիռ կայացնելիս պետք է հաշվի առնվի անհրաժեշտ և հնարավոր ապացույցների բացակայությունը:
4. Վարույթն իրականացնող մարմինը պարտավոր է հանգամանորեն ստուգել ի պաշտպանություն մեղադրյալի բերված և պատշաճ ձևակերպված փաստարկները:
5. Հանցագործության համար անձի մեղավորության մասին հետևությունը չի կարող հիմնվել ենթադրությունների վրա. այն պետք է հաստատվի փոխկապակցված վերաբերելի, թույլատրելի, հավաստի ապացույցների ամբողջությամբ:
6. Խոստովանական ցուցմունքը չի կարող անձին դատապարտելու հիմք հանդիսանալ, եթե այն չի հիմնավորվել պատշաճ իրավական ընթացակարգի շրջանակներում հետազոտված բավարար ապացույցներով:
(...)»:
ՀՀ քրեական դատավարության օրենսգրքի 101-րդ հոդվածի համաձայն՝
«1. Ապացուցումը սույն օրենսգրքով նախատեսված` ապացուցման ենթակա փաստական հանգամանքները, ինչպես նաև վարույթի համար նշանակություն ունեցող այլ հանգամանքներ հաստատելու կամ հերքելու նպատակով ապացույցներ հավաքելը, ստուգելը և գնահատելն է:»:
ՀՀ քրեական դատավարության օրենսգրքի 102-րդ հոդվածի համաձայն՝
«1. Քրեական վարույթի ընթացքում ապացուցման ենթակա են՝
1) դեպքը և դրա հանգամանքները (ժամանակը, տեղը, եղանակը և այլն).
2) մեղադրյալի առնչությունը դեպքին.
3) ենթադրյալ հանցագործության՝ քրեական օրենքով նախատեսված հատկանիշները.
4) մեղադրյալի մեղավորությունը ենթադրյալ հանցանքը կատարելու մեջ.
5) քրեական պատասխանատվությունը կամ պատիժը մեղմացնող և ծանրացնող հանգամանքները.
6) մեղադրյալի անձը բնութագրող հանգամանքները.
7) ենթադրյալ հանցագործությամբ պատճառված վնասը.
8) այն հանգամանքները, որոնք թույլ են տալիս անձին ազատել քրեական պատասխանատվությունից կամ պատժից.
9) այն հանգամանքները, որոնցով անձը հիմնավորում է վարույթի ընթացքում իր գույքային պահանջները.
10) այն հանգամանքները, որոնցով վարույթի մասնակիցը կամ այլ անձը հիմնավորում է իր պահանջները:
2. Սույն օրենսգրքով նախատեսված վարույթի առանձին տեսակների համար կարող է սահմանվել ապացուցման ենթակա հանգամանքների այլ շրջանակ:»:
ՀՀ քրեական դատավարության օրենսգրքի 105-րդ հոդվածի համաձայն՝
«1. Յուրաքանչյուր ապացույց ենթակա է գնահատման՝ վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից:
2. Քննիչը, դատախազը, դատավորը, ղեկավարվելով քրեադատավարական օրենսդրությամբ, ներառյալ ապացուցման չափանիշների մասին վերաբերելի կանոններով, ապացույցները գնահատում են դրանց պատշաճ հետազոտման և վերլուծության վրա հիմնված ներքին համոզմամբ:
3. Ոչ մի տվյալ նախապես հավաստի ապացույցի ուժ չունի: Դատավորը, ինչպես նաև քննիչը և դատախազը չպետք է կանխակալ վերաբերմունք դրսևորեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան, քանի դեռ պատշաճ իրավական ընթացակարգի շրջանակներում դրանք չեն գնահատվել:»:
Վերլուծելով մեղադրյալ Գառնիկ Մուրադի Կարապետյանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Գառնիկ Մուրադի Կարապետյանին վերագրվող փաստական հանգամանքները (արարքը),
- ապացուցված է ՀՀ քրեական օրենսգրքի 344-րդ հոդվածի 1-ին մասով նախատեսված արարքի քրեական հակաիրավականությունը,
- ապացուցված է մեղադրյալ Գառնիկ Մուրադի Կարապետյանի կողմից այդ արարքը կատարելը,
- ապացուցված է մեղադրյալ Գառնիկ Մուրադի Կարապետյանի մեղավորությունը տվյալ արարքը կատարելու մեջ։
Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն՝
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:
ՀՀ քրեական օրենսգրքի 55-րդ հոդվածի համաձայն`
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:»:
ՀՀ քրեական օրենսգրքի 344-րդ հոդվածի 1-ին մասի սանկցիան այլընտրանքային է, պատիժ է նախատեսում ինչպես տուգանքի, այնպես էլ՝ հանրային աշխատանքների, կարճաժամկետ ազատազրկման և ազատազրկման ձևով:
Ուսումնասիրելով մեղադրյալ Գառնիկ Մուրադի Կարապետյանի անձը, պատասխանատվությունը և պատիժը մեղմացնող ու ծանրացնող հանգամանքները` նրա կատարած հանցագործության համար պատիժ նշանակելիս Դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն որ վերջինս, նախկինում դատապարտված չի եղեկ և իրեն մեղավոր է ճանաչել, ինչպես նաև խնամքին են գտնվում երկու անչափահաս երեխաները և հաշմանդամ ծնողները:
Հաշվի առնելով մեղադրյալ Հակոբ Սերգեյի Սուլյանի կատարած հանցագործության բնույթը և հանրության համար վտանգավորության աստիճանը, դրա կատարման եղանակը, հանցավոր մտադրության իրականացման աստիճանը, հանցագործությունը կատարելուց հետո նրա դրսևորած վարքագիծը, ինչպես նաև խախտված հասարակական հարաբերության սոցիալական նշանակությունը` դատարանը գտնում է, որ Գառնիկ Մուրադի Կարապետյանն իր կատարած` ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության համար ենթակա է տուգանքի ձևով նախատեսված պատժի:
ՀՀ քրեական օրենսգրքի 59-րդ հոդվածի համաձայն՝
«1. Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով:
2. Տուգանքը որպես հիմնական պատիժ կարող է նշանակվել սույն օրենսգրքի Հատուկ մասով նախատեսված դեպքերում:
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։
(…)
5. Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով: Տուգանքի չափը որոշվում է նույն կարգով, եթե հանցանք կատարած անձի եկամուտն առաջացել է հանցանքն ավարտվելուց հետո։ Տուգանքի չափը որոշվում է նույն կարգով նաև այն դեպքում, երբ անձի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից:
(…)
8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով:
(…)»:
Նկատի ունենալով, որ Գառնիկ Մուրադի Կարապետյանը չի աշխատում, ուստի Դատարանը գտնում է, որ տուգանքի չափը պետք է հաշվարկել արարքը կատարելու պահի նվազագույն աշխատավարձի չափով, ինչպես նաև Դատարանը գտնում է, որ վերջինիս նկատմամբ պետք է նշանակվի ՀՀ քրեական օրենսգրքի 344-րդ հոդվածի 2-րդ մասի սանկցիայով նախատեսված տուգանքի նվազագույն՝ հնգապատիկի չափով:
Միաժամանակ հաշվի առնելով մեղադրյալի հայտարարությունը, որ տուգանքը միանվագ վճարելու հնարավորություն չունի, Դատարանը գտնում է, որ մեղադրյալ Գառնիկ Մուրադի Կարապետյանին պետք է թույլատրել նշանակված տուգանքը վճարել մաս առ մաս՝ 12 /տասներկու/ ամսվա ընթացքում:
ՀՀ քրեական օրենսգրքի 61-րդ հոդվածի համաձայն՝
«1. Որոշակի պաշտոններ զբաղեցնելու իրավունքից զրկելը՝ որոշակի պաշտոններ զբաղեցնելը, իսկ որոշակի գործունեությամբ զբաղվելու իրավունքից զրկելը՝ կատարված հանցանքի բնույթի հետ կապված որոշակի գործունեությամբ զբաղվելն արգելելն է:
(…)
4. Որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելը որպես լրացուցիչ պատիժ սահմանվում է ոչ մեծ և միջին ծանրության հանցագործությունների համար՝ 1-3 տարի, իսկ ծանր և առանձնապես ծանր հանցագործությունների համար՝ 1-5 տարի ժամկետով:
5. Որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելը որպես լրացուցիչ պատիժ կարող է նշանակվել այն դեպքում, երբ դատարանը, ելնելով հանցավորի պաշտոնավարության կամ որոշակի գործունեությամբ զբաղվելու ժամանակ նրա կատարած հանցանքի բնույթից, հնարավոր չի համարում անձի կողմից հետագա ժամանակահատվածում որոշակի պաշտոններ զբաղեցնելը կամ որոշակի գործունեությամբ զբաղվելը:
(…)»:
Քննարկելով մեղադրյալ Գառնիկ Մուրադի Կարապետյանի նկատմամբ լրացուցիչ պատիժ նշանակելու հարցը` Դատարանը փաստում է, որ վերջինս զրկված է եղել տրանսպորտային միջոցներ վարելու իրավունքից, սակայն օրենքով սահմանված կարգով այն վերականգնելու վերաբերյալ տեղեկություններ առկա չեն, ուստի Դատարանը գտնում է, որ մեղադրյալ Հակոբ Սերգեյի Սուլյանի նկատմամբ լրացուցիչ պատիժ չի կարող նշանակվելու:
Քննարկելով խափանման միջոցի հարցը` Դատարանը գտնում է, որ մեղադրյալ Գառնիկ Մուրադի Կարապետյանի նկատմամբ «Բացակայելու արգելք» խափանման միջոցն ընտրված է ճիշտ և վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը:
Քննարկելով որպես արտավարութային փաստաթղթեր ապացույց ճանաչված Գառնիկ Մուրադի Կարապետյանի վերաբերյալ կազմված վարչական իրավախախտման վերաբերյալ թիվ 8259012566 արձանագրության պատճենի, վարչական իրավախախտման վերաբերյալ թիվ 8250000736 արձանագրության պատճենի, վարորդի սթափության վիճակի զննության թիվ 01033 կտրոնի պատճենի, թիվ 143248 ստուգաչափման վկայականի պատճենի, ՀՀ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված քաղվածքի պահպանման հարցը, Դատարանը գտնում է, որ դրանք անհրաժեշտ է թողնել կցված քրեական գործին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ հոդվածներով` Դատարանը.

Վ Ճ Ռ Ե Ց

Գառնիկ Մուրադի Կարապետյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և դատապարտել տուգանքի` նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով:
Դատավճիռն օրինական ուժի մեջ մտնելուց հետո թույլատրել Գառնիկ Մուրադի Կարապետյանին դատավճռով նշանակված 375.000 /երեք հարյուր յոթանասունհինգ հազար/ ՀՀ դրամը վճարել մաս առ մաս` 12 /տասներկու/ ամսվա ընթացքում, յուրաքանչյուր ամիս նվազագույնը 31.250 /երեսունմեկ հազար երկու հարյուր հիսուն/ ՀՀ դրամի չափով:
Գառնիկ Մուրադի Կարապետյանի նկատմամբ ընտրված խափանման միջոց «Բացակայելու արգելքը» թողնել անփոփոխ մինչև դատավճռի օրինական ուժի մեջ մտնելը:
Ապացույց ճանաչված արտավարութային փաստաթղթերը թողնել կցված քրեական գործին:
Դատավճիռը կարող է բողոքարկվել ՀՀ քրեական վերաքննիչ դատարան` ստանալու օրվանից հետո մեկամսյա ժամկետում:

ԴԱՏԱՎՈՐ` Վ.Լ.ԳՐԻԳՈՐՅԱՆ