ԵԴ1/2125/01/25







Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ


«2» հուլիսի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ նաև Դատարան)՝ նախագահությամբ՝ դատավոր Ա.Ասատրյանի, համաձայնությամբ տուգանք նշանակելու վարույթի կիրառմամբ, գրավոր ընթացակարգով քննելով քրեական գործն ըստ մեղադրանքի Նարեկ Գևորգի Համբարձումյանի (ծնված՝ 1999 թվականի օգոստոսի 3-ին, հայ, ՀՀ քաղաքացի, հաշվառված և բնակվում է Երևան քաղաքի, Շենգավիթ համայնքի, Չեխովի փողոցի, 12Ա շենքի, 10-րդ բնակարան հասցեում)՝ ՀՀ քրեական օրենսգրքի 344-րդ հոդվածի 1-ին մասով
Պ Ա Ր Զ Ե Ց
Գործի դատավարական նախապատմությունը.
2023 թվականի հոկտեմբերի 19-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60-0423-23 քրեական վարույթը:
2025 թվականի մարտի 28-ին՝ Նարեկ Համբարձումյանի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 344-րդ հոդվածի 1-ին մասով:
2025 թվականի մարտի 29-ի որոշմամբ՝ Նարեկ Համբարձումյանի նկատմամբ որպես խափանման միջոց է կիրառվել բացակայելու արգելքը:
2025 թվականի հունիսի 16-ին Նարեկ Համբարձումյանի վերաբերյալ թիվ 60-0423-23 քրեական վարույթը մեղադրական եզրակացությամբ և համաձայնությամբ տուգանք նշանակելու վարույթ նախաձեռնելու մասին արձանագրությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան: Քրեական գործին շնորհվել է ԵԴ1/2125/01/25 համարը։
Նույն օրը թիվ ԵԴ1/2125/01/25 քրեական գործը մակագրվել, իսկ 2025 թվականի հունիսի 17-ին հանձնվել է դատավոր Ա.Ասատրյանին։
Դատարանը, համոզվելով, որ առկա է ՀՀ քրեական դատավարության օրենսգրքի 464․6 հոդվածով նախատեսված համաձայնությամբ տուգանք նշանակելու վարույթ կիրառելու հիմքը, մասնավորապես՝ մեղադրյալ Նարեկ Համբարձումյանը հանդիսանում է առաջին անգամ հանցանք կատարած անձ, նրան մեղսագրվում է ոչ մեծ ծանրության հանցագործության կատարում, վերջինը չի վիճարկել իրեն ներկայացված մեղադրանքի փաստական հիմքն ու իրավական գնահատականը և պաշտպանի հետ խորհրդակցելուց հետո կամավոր ցանկություն է հայտնել, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով և բացակայում են նույն օրենսգրքի 464.7 հոդվածի 2-րդ մասով նախատեսված հանգամանքները, որոշում է կայացրել քրեական գործի վարույթը ստանձնելու և համաձայնությամբ տուգանք նշանակելու վարույթ հարուցելու մասին, իսկ դատավճռի կայացման օր է նշանակվել 2025 թվականի հուլիսի 2-ը։
Մեղադրանքի փաստական նկարագրությունը.
Նարեկ Համբարձումյանին ՀՀ քրեական օրենսգրքի 344-րդ հոդվածի 1-ին մասով մեղադրանք է ներկայացվել այն բանի համար, որ նա «տրանսպորտային միջոցներ վարելու իրավունքը կասեցված վիճակում վարել է տրանսպորտային միջոց:
Այսպես.
Նարեկ Համբարձումյանը, 2023 թվականի հունվարի 10-ի թիվ 8180167287 որոշմամբ տրանսպորտային միջոցներ վարելու իրավունքը 6 ամիս ժամկետով՝ 2023 թվականի հունվարի 10-ից մինչև 2023 թվականի հուլիսի 10-ը կասեցված վիճակում, այդ մասին պատշաճ ծանուցված ինելով, 2023 թվականի փետրվարի 19-ին՝ ժամը 02:40-ի սահմաններում, Երևան քաղաքի Թամանցիների փողոցում վարել է «Տոյոտա» մակնիշի, 19/NG 991 հաշվառման համարանիշի տրանսպորտային միջոցը, որի համար Նարեկ Համբարձումյանի նկատմամբ կազմվել է վարչական իրավախախտման վերաբերյալ արձանագրությունը»:

Համաձայնությամբ տուգանք նշանակելու վարույթի արդյունքով մեղադրական դատավճիռ կայացնելու համար էական նշանակություն ունեցող փաստական հանգամանքները.
- ՀՀ ոստիկանության ինֆորմացիոն կենտրոնի ձև 8 տեղեկանքի համաձայն՝ Նարեկ Համբարձումյանը նախկինում դատապարտված չի եղել:
- Նարեկ Համբարձումյանին վերագրվում է ոչ մեծ ծանրության հանցագործության կատարում:
- Համաձայնությամբ տուգանք նշանակելու վարույթ նախաձեռնելու վերաբերյալ արձանագրության համաձայն՝ «(…) սույն քրեական վարույթով մեղադրյալ Նարեկ Համբարձումյանը չցանկանալով ծանոթանալ քրեական վարույթի նյութերին հայտնեց, որ չի վիճարկում իրեն ներկայացված մեղադրանքի, փաստական հիմքն ու իրավական գնահատականը և պաշտպանի հետ խորհրդակցելուց հետո կամավոր ցանկություն է հայտնում, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով: Մեղադրյալ՝ Նարեկ Համբարձումյանը հայտարարեց, որ խնդրում է տուգանքի ձևով նշանակված պատիժը տարաժամկետել 12 ամիս ժամկետով»։
Արձանագրությունը ստորագրված է նաև մեղադրյալ Նարեկ Համբարձումյանի և վերջինի պաշտպան Գեորգի Մնացականյանի կողմից:

Դատարանի իրավական վերլուծությունները, հետևությունները և որոշումները.
ՀՀ քրեական դատավարության օրենսգրքի 469.9 հոդվածի համաձայն՝
«1. Համաձայնությամբ տուգանք նշանակելու վարույթի արդյունքով դատարանը գրավոր ընթացակարգով կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները:
2. Դատավճիռը կայացվում է համաձայնությամբ տուգանք նշանակելու վարույթ կիրառելու մասին որոշումը կայացնելուց հետո՝ հնարավորին չափ սեղմ ժամկետում, սակայն ոչ ուշ, քան 15 օրվա ընթացքում։
3. Համաձայնությամբ տուգանք նշանակելու վարույթի արդյունքով մեղադրական դատավճիռ կայացնելիս դատարանը նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի 77-րդ հոդվածի վերաբերելի դրույթները:
4. Սույն օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից ենթակա չեն բռնագանձման:
5. Դատավճիռը պետք է պարունակի պարզաբանում այն բողոքարկելու՝ սույն օրենսգրքով նախատեսված սահմանափակումների վերաբերյալ։
6. Դատավճիռը կայացնելուց հետո՝ ոչ ուշ, քան հինգ օրվա ընթացքում, ուղարկվում է դատապարտված մեղադրյալին, նրա պաշտպանին, հանրային մեղադրողին»:
Համաձայնությամբ տուգանք նշանակելու վարույթ կիրառելու պայմաններում Դատարանն ապացուցված է համարում մեղադրյալ Նարեկ Համբարձումյանին վերագրվող փաստական հանգամանքները (արարքը), այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, ինչպես նաև գտնում է, որ մեղադրյալի արարքի նկատմամբ պետք է կիրառվի ՀՀ քրեական օրենսգրքի 344-րդ հոդվածի 1-ին մասը։
Համաձայնությամբ տուգանք նշանակելու վարույթի կիրառման պայմաններում Դատարանը, հաշվի առնելով ՀՀ քրեական օրենսգրքի 77-րդ հոդվածի 6-րդ մասի պահանջը, գտնում է, որ մեղադրյալի նկատմամբ պատիժ պետք է նշանակել տուգանքի ձևով՝ վերջինին մեղսագրվող հոդվածի սանկցիայով նախատեսված տուգանքի նվազագույն չափով:
Հիմք ընդունելով ՀՀ քրեական օրենսգրքի 59-րդ հոդվածի 5-րդ մասը և մեղսագրվող հանցանքն ավարտվելու օրվան նախորդող 12 ամիսների ընթացքում Նարեկ Համբարձումյանի ստացած եկամտի վերաբերյալ տվյալների հաշվարկից հետևում է, որ Նարեկ Համբարձումյանի ամսական եկամտի չափը պակաս չէ նվազագույն աշխատավարձի չափից՝ Դատարանը գտնում է, որ տուգանքի չափը պետք է հաշվարկվի հանցանքն ավարտվելու օրվան նախորդող 12 ամիսների ընթացքում Նարեկ Համբարձումյանի միջին ամսական եկամտի 35 տոկոսի չափով, այն է՝ 78.290 (յոթանասունութ հազար երկու հարյուր իննսուն) ՀՀ դրամի չափով։
Այսպիսով, Դատարանը գտնում է, որ Նարեկ Համբարձումյանի նկատմամբ պատիժ պետք է նշանակել տուգանք` վերջինի ամսական եկամտի՝ 78.290 (յոթանասունութ հազար երկու հարյուր իննսուն) հնգապատիկի՝ 391.450 (երեք հարյուր իննսուն մեկ հազար չորս հարյուր հիսուն) ՀՀ դրամ գումարի չափով (5 x 78.290)։
Դատարանը գտնում է նաև, որ Նարեկ Համբարձումյանի՝ սույն քրեական գործով փաստացի անազատության մեջ գտնվելու 1-օրյա ժամկետի հաշվառմամբ՝ որպես պատիժ պետք է թողնել տուգանք՝ 365.450 (երեք հարյուր վաթսունհինգ հազար չորս հարյուր հիսուն) ՀՀ դրամ գումարի չափով:
Հիմք ընդունելով ՀՀ քրեական օրենսգրքի 59-րդ հոդվածի 8-րդ մասը և հաշվի առնելով, որ մեղադրյալ Նարեկ Համբարձումյանն ի վիճակի չէ անհապաղ և ամբողջությամբ վճարելու 365.450 (երեք հարյուր վաթսունհինգ հազար չորս հարյուր հիսուն) ՀՀ դրամ գումարը, (խնդրել է որպիսի իր նկատմամբ նշանակվող տուգանք պատիժը տարաժամկետվի 1 տարի ժամանակով)՝ Դատարանը գտնում է, որ նրան պետք է թույլատրել տուգանքը վճարել մաս առ մաս՝ 1 (մեկ) տարվա ընթացքում՝ առաջին ամիսը նվազագույնը 35.450 (երեսունհինգ հազար չորս հարյուր հիսուն) ՀՀ դրամ, իսկ մնացած ամիսները նվազագույնը՝ 30.000 (երեսուն հազար) ՀՀ դրամ վճարելու պայմանով:
Անդրադառնալով մեղադրյալ Նարեկ Համբարձումյանի նկատմամբ ընտրված խափանման միջոցի հարցին՝ Դատարանը գտնում է, որ վերջինի նկատմամբ որպես խափանման միջոց ընտրված բացակայելու արգելքը պետք է թողնել անփոփոխ՝ մինչև դատավճռի օրինական ուժի մեջ մտնելը:
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-14-րդ հարցերին անդրադառնալու անհրաժեշտությունը սույն քրեական գործով բացակայում է։
Դատարանը գտնում է, որ վարութային ծախսերի հարցը պետք է համարել լուծված, քանի որ համաձայնությամբ տուգանք նշանակելու վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Նարեկ Համբարձումյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.9 հոդվածի 4-րդ մասի։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 30-31-րդ, 100-րդ, 347-350-րդ, 364-րդ, 347-րդ, 464.9-464.10 հոդվածներով՝ Դատարանը
Վ Ճ Ռ Ե Ց

Նարեկ Գևորգի Համբարձումյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և նրա նկատմամբ պատիժ նշանակել տուգանք՝ վերջինի ամսական եկամտի՝ 78.290 (յոթանասունութ հազար երկու հարյուր իննսուն) ՀՀ դրամի հնգապատիկի՝ 391.450 (երեք հարյուր իննսուն մեկ հազար չորս հարյուր հիսուն) ՀՀ դրամ գումարի չափով
Նարեկ Գևորգի Համբարձումյանի՝ սույն քրեական գործով փաստացի անազատության մեջ գտնվելու 1-օրյա ժամկետի հաշվառմամբ՝ որպես պատիժ թողնել տուգանք՝ 365.450 (երեք հարյուր վաթսունհինգ հազար չորս հարյուր հիսուն) ՀՀ դրամ գումարի չափով:
ՀՀ քրեական օրենսգրքի 59-րդ հոդվածի 8-րդ մասի կարգով՝ թույլատրել Նարեկ Գևորգի Համբարձումյանին 365.450 (երեք հարյուր վաթսունհինգ հազար չորս հարյուր հիսուն) ՀՀ դրամ գումարի չափով տուգանքը վճարել մաս առ մաս՝ 1 (մեկ) տարվա ընթացքում՝ առաջին ամիսը նվազագույնը 35.450 (երեսունհինգ հազար չորս հարյուր հիսուն) ՀՀ դրամ, իսկ մնացած ամիսները նվազագույնը՝ 30.000 (երեսուն հազար) ՀՀ դրամ վճարելու պայմանով:
Նարեկ Գևորգի Համբարձումյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերով, կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:

ԴԱՏԱՎՈՐ ԱՐԱՄԱՅԻՍ ԱՍԱՏՐՅԱՆ