Քրեական գործ թիվ ԵԴ1/2120/01/25


ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ
ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«04» սեպտեմբերի 2025 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` նաև Դատարան)՝
նախագահությամբ դատավոր՝ Գ.ԱԲԵԼՅԱՆԻ
քարտուղարությամբ՝ Գ․ԳԱԼՍՏՅԱՆԻ
հանրային մեղադրող՝ Վ․ԱՍԱՏՐՅԱՆԻ
պաշտպան՝ Կ․ԽԱՉԱՏՐՅԱՆԻ
մեղադրյալ՝ Ա․ՉԱՎՈՒՇՅԱՆԻ
դռնբաց դատական նիստում` արագացված վարույթի կարգով, քննեց քրեական գործն ըստ մեղադրանքի`
Ալեքսան Խոսրովի Չավուշյանի՝ ծնված՝ ***, ազգությամբ հայ, ՀՀ քաղաքացի, միջնակարգ կրթությամբ, ամուսնացած,նախկինում չդատապարտված, հաշվառված է *** հասցեում, մեղադրանք է ներկայացվել ՀՀ քրեական օրենսգրքի 457-րդ հոդվածի 1-ին մասով (8 դրվագով), ՀՀ քրեական օրենսգրքի 469-րդ հոդվածի 1-ին մասով (7 դրվագով), ՀՀ քրեական օրենսգրքի 44-469-րդ հոդվածի 1-ին մասով և որպես խափանման միջոց է կիրառվել ՀՀ-ից բացակայելու արգելքը։

1․ Գործի դատավարական նախապատմությունը.
2025 թվականի մայիսի 2-ին, ՀՀ ԱԱԾ ՍԶ ավագ սպա Ա․Իսկանդարյանը զեկուցագիր է ներկայացրել ՀՀ ԱԱԾ ՍԶ ՍՎՋ պետի առաջն տեղակալ-շտաբի պետի ՊԺԿ Ս․Ավագյանին, համաձայն որի՝ «(…) ՀՀ ԱԱԾ ՍԶ-ում օպերատիվ տվյալներ են ստացվել այն մասին, որ ՀՀ քաղաքացի՝ Ալեքսան Խոսրովի Չավուշյանը (ծնված՝ ***, հաշվառված՝ *** հասցեում) դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող, իր լուսանկարով, սակայն Ալի Հասսանով (ծնված՝ ***, ճամփորդական փաստաթուղթ ***) Ֆրանսիայի Հանրապետության թիվ *** սերիա-համարի կեղծ ճամփորդական փաստաթղթի օգտագործմամբ 7 անգամ ապօրինի՝ առանց սահմանված փաստաթղթերի և պատշաճ թույլտվության հատել է ՀՀ պետական սահմանը:
Վերը նշված կեղծ անձնագրերի օգտագործմամբ Ալեքսան Խոսրովի Չավուշյանը 2023 թվականի մայիսի 24-ից մինչև 2025 մայիսի 2-ն ընկած ժամանակահատվածում ապօրինի առանց սահմանված փաստաթղթերի և պատշաճ թույլտվության ապօրինի հատել է ՀՀ պետական սահմանը 7 անգամ: (…)»:
2025 թվականի մայիսի 2-ին, ՀՀ ԱԱԾ ՍԶ ավագ սպա Ա․Իսկանդարյանը հաղորդում է ներկայացրել այն մասին, որ․ «(…) ՀՀ քաղաքացի՝ Ալեքսան Խոսրովի Չավուշյանը (ծնված՝ ***) դեռևս չպարզված ժամանակ և հանգամանքներում ձեռք է բերել, պետական մարմնի կողմից տրվող, իրավունք վերապահող, իր լուսանկարով, սակայն բովանդակությամբ կեղծ Ալի Հասսանով (ազգությամբ ադրբեջանցի, ծնված՝ ***, ճամփորդական փաստաթուղթ՝ ***) անհատականացնող տվյալներով լրացված Ֆրանսիայի Հանրապետության կեղծ ճամփորդական փաստաթուղթ, որի օգտագործմամբ Ա.Չավուշյանը 2023-2025թթ. 7 անգամ ապօրինի՝ առանց սահմանված փաստաթղթերի և պատշաճ թույլտվության հատել է ՀՀ պետական սահմանը, իսկ 2025 թվականի մայիսի 2-ին, Ա.Չավուշյանը ապօրինի՝ առանց սահմանված փաստաթղթերի և պատշաճ թույլտվության փորձել է ելք կատարել ՀՀ-ից, սակայն նրա դիտավորության մեջ ընդգրկված` ՀՀ պետական սահմանն ապօրինի հատելու փորձ կատարելու հանցագործությունն իր կամքից անկախ հանգամանքներով չի իրագործվել, քանի որ բռնվել է սահմանապահ ծառայողների կողմից:
Մասնավորապես.
Դրվագ 1. 2023 թվականի մայիսի 24-ին, Ալեքսան Չավուշյանը (ծնված՝ ***, հաշվառված՝ *** հասցեում) Վենետիկ-Երևան թիվ 5483 չվերթով ժամանելով ՀՀ, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, սակայն Ալի Հասսանով (ազգությամբ ադրբեջանցի, ծնված՝ ***, ճամփորդական փաստաթուղթ՝ ***) անվամբ լրացված Ֆրանսիայի Հանրապետության կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և մուտք գործել ՀՀ։
Դրվագ 2. 2023 թվականի հունիսի 5-ին Ալեքսան Չավուշյանը (ծնված՝ ***, հաշվառված՝ *** հասցեում) Երևան-Փարիզ թիվ 1061 չվերթով ՀՀ-ից մեկնելիս, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, Ալի Հասսանով (ազգությամբ ադրբեջանցի, ծնված՝ ***, ճամփորդական փաստաթուղթ՝ ***) անվամբ լրացված Ֆրանսիայի Հանրապետության կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և ՀՀ-ից ելք է կատարել:
Դրվագ 3. 2024 թվականի հուլիսի 15-ին, Ալեքսան Չավուշյանը (ծնված՝ ***, հաշվառված՝ *** հասցեում) Վիեննա-Երևան-Երևան թիվ 2891 չվերթով ժամանելով ՀՀ, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, սակայն Ալի Հասսանով (ազգությամբ ադրբեջանցի, ծնված՝ ***, ճամփորդական փաստաթուղթ՝ ***) անվամբ լրացված Ֆրանսիայի Հանրապետության կեղծ ճամփորդական փաստաթուղթը և ապօրինի՝ առանց սահմանված փաստաթղթերի պատշաճ թույլտվության, հատել է ՀՀ պետական սահմանը և մուտք գործել ՀՀ։
Դրվագ 4. 2024 թվականի սեպտեմբերի 9-ին, Երևան-Վիեննա թիվ 2892 չվերթով, Ալեքսան Չավուշյանը (ծնված՝ ***, հաշվառված՝ *** հասցեում) Երևան-Վիեննա թիվ 2892 չվերթով ՀՀ-ից մեկնելիս, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, Ալի Հասսանով (ազգությամբ ադրբեջանցի, ծնված՝ ***, ճամփորդական փաստաթուղթ՝ ***) անվամբ լրացված Ֆրանսիայի Հանրապետության կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և ՀՀ-ից ելք է կատարել:
Դրվագ 5. 2024 թվականի նոյեմբերի 22-ին, Ալեքսան Չավուշյանը (ծնված՝ ***, հաշվառված՝ *** հասցեում) Վիեննա-Երևան թիվ 2891 չվերթով ժամանելով ՀՀ, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, սակայն Ալի Հասսանով (ազգությամբ ադրբեջանցի, ծնված՝ ***, ճամփորդական փաստաթուղթ՝ ***) անվամբ լրացված Ֆրանսիայի Հանրապետության կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և մուտք գործել ՀՀ։
Դրվագ 6. 2024 թվականի դեկտեմբերի 9-ին, Երևան-Վիեննա թիվ 2892 չվերթով, Ալեքսան Չավուշյանը (ծնված՝ ***, հաշվառված՝ *** հասցեում) ՀՀ-ից մեկնելիս, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, Ալի Հասսանով (ազգությամբ ադրբեջանցի, ծնված՝ ***, ճամփորդական փաստաթուղթ՝ ***) անվամբ լրացված Ֆրանսիայի Հանրապետության կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և ՀՀ-ից ելք է կատարել։
Դրվագ 7. 2025 թվականի ապրիլի 27-ին, Ալեքսան Չավուշյանը (ծնված՝ ***, հաշվառված՝ *** հասցեում) Փարիզ-Երևան թիվ 928 չվերթով ժամանելով ՀՀ, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, սակայն Ալի Հասսանով (ազգությամբ ադրբեջանցի, ծնված՝ ***, ճամփորդական փաստաթուղթ՝ ***) անվամբ լրացված Ֆրանսիայի Հանրապետության կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և մուտք գործել ՀՀ:
Դրվագ 8. 2025 թվականի մայիսի 2-ին, Երևան-Աթենք թիվ 781 չվերթով, Ալեքսան Չավուշյանը (ծնված՝ ***, հաշվառված՝ *** հասցեում) ՀՀ-ից մեկնելիս, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, սակայն Ալի Հասսանով (ազգությամբ ադրբեջանցի, ծնված՝ ***, ճամփորդական փաստաթուղթ՝ ***) անվամբ լրացված Ֆրանսիայի Հանրապետության կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը, սակայն նրա դիտավորության մեջ ընդգրկված՝ ՀՀ պետական սահմանն ապօրինի հատելու փորձ կատարելու հանցագործությունն իր կամքից անկախ հանգամանքներով չի իրագործվել, քանի որ բռնվել է սահմանապահ ծառայողների կողմից: (…)»:
Հաղորդման հիման վրա՝ 2025 թվականի մայիսի 06-ին, ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության առաջին վարչությունում ՀՀ քրեական օրենսգրքի 457-րդ հոդվածի 1-ին մասի (8 դրվագ), ՀՀ քրեական օրենսգրքի 469-րդ հոդվածի 1-ին մասի (7 դրվագ) և ՀՀ քրեական օրենսգրքի 44-469-րդ հոդվածի 1-ին մասի հատկանիշներով նախաձեռնվել է թիվ 58213225 քրեական վարույթը:
2025 թվականի հունիսի 5-ին, ՀՀ գլխավոր դատախազության սահմանադրական կարգի հիմունքների, պետության և հասարակական անվտանգության դեմ ուղղված հանցագործությունների գործերով վարչության դատախազ Վ․Ասատրյանի որոշմամբ՝ թիվ 58213225 քրեական վարույթով Ալեքսան Խոսրովի Չավուշյանի նկատմամբ հանրային քրեական հետապնդում է հարուցվել ՀՀ քրեական օրենսգրքի 457-րդ հոդվածի 1-ին մասով (8 դրվագով), ՀՀ քրեական օրենսգրքի 469-րդ հոդվածի 1-ին մասով (7 դրվագով) և ՀՀ քրեական օրենսգրքի 44-469-րդ հոդվածի 1-ին մասով:
2025 թվականի հունիսի 6-ին Ալեքսան Խոսրովի Չավուշյանի նկատմամբ որպես խափանման միջոց է կիրառվել բացակայելու արգելքը:
2025 թվականի հունիսի 16-ին ՀՀ գլխավոր դատախազության սահմանադրական կարգի հիմունքների, պետության և հասարակական անվտանգության դեմ ուղղված հանցագործությունների գործերով վարչությունից Դատարան է ստացվել թիվ ԵԴ1/2120/01/25 (նախաքննական համարը՝ 58213225) քրեական գործն ըստ մեղադրանքի Ալեքսան Խոսրովի Չավուշյանի՝ ՀՀ քրեական օրենսգրքի 457-րդ հոդվածի 1-ին մասով (8 դրվագով), ՀՀ քրեական օրենսգրքի 469-րդ հոդվածի 1-ին մասով (7 դրվագով) և ՀՀ քրեական օրենսգրքի 44-469-րդ հոդվածի 1-ին մասով։
Նույն օրը քրեական գործն էլեկտրոնային եղանակով մակագրվել, իսկ 2025 թվականի հունիսի 17-ին հանձնվել է Դատարանի դատավոր Գ․Աբելյանի աշխատակազմին։
2025 թվականի հունիսի 20-ին Դատարանի դատավոր Գ․Աբելյանի կողմից որոշում է կայացվել թիվ ԵԴ1/2120/01/25 քրեական գործով վարույթը ստանձնելու և նախնական դատալսումներ նշանակելու մասին:

2. Մեղադրանքի փաստական նկարագրությունը.
Ալեքսան Խոսրովի Չավուշյանին մեղադրանք է ներկայացվել՝ ՀՀ քրեական օրենսգրքի 457-րդ հոդվածի 1-ին մասով (8 դրվագով), ՀՀ քրեական օրենսգրքի 469-րդ հոդվածի 1-ին մասով (7 դրվագով) և ՀՀ քրեական օրենսգրքի 44-469-րդ հոդվածի 1-ին մասով՝ այն բանի համար, որ. «(…) [Ն]ա, խախտելով «Պետական սահմանի մասին» ՀՀ օրենքի 11-րդ հոդվածի և «ՀՀ պետական սահմանի ռեժիմ սահմանելու մասին» ՀՀ կառավարության 2011 թվականի մայիսի 12-ի թիվ 702-Ն որոշման պահանջները, դեռևս չպարզված հանգամանքներում ձեռք է բերել պետական մարմնի կողմից տրվող, իրավաբանական նշանակություն ունեցող, իրավունք վերապահող կեղծ փաստաթուղթ՝ իր լուսանկարով, սակայն ադրբեջանական Ալի Հասանով անուն-ազգանունով Ֆրանսիայի Հանրապետության թիվ *** սերիական համարի կեղծ ճամփորդական փաստաթուղթը, որը 2023 թվականի մայիսի 24-ից մինչև 2025 թվականի մայիսի 2-ն ընկած ժամանակահատվածում օգտագործելով 8 անգամ ապօրինի՝ առանց սահմանված փաստաթղթերի և պատշաճ թույլտվության, հատել է ՀՀ պետական սահմանը՝
Այսպես․
2023 թվականի մայիսի 24-ին, Ալեքսան Չավուշյանը Վենետիկ-Երևան թիվ 5483 չվերթով ժամանելով ՀՀ, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, սակայն Ալի Հասսանովի անվամբ լրացված թիվ *** Ֆրանսիայի Հանրապետության կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և մուտք գործել։
Բացի այդ, 2023 թվականի հունիսի 5-ին Ալեքսան Չավուշյանը Երևան-Փարիզ թիվ 1061 չվերթով ՀՀ-ից մեկնելիս, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, սակայն Ալի Հասսանով անվամբ լրացված Ֆրանսիայի Հանրապետության թիվ *** կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և ելք կատարել ՀՀ-ից:
Այնուհետև, 2024 թվականի հուլիսի 15-ին, Ալեքսան Չավուշյանը Վիեննա-Երևան թիվ 2891 չվերթով ժամանելով ՀՀ, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, սակայն Ալի Հասսանովի անվամբ լրացված Ֆրանսիայի Հանրապետության թիվ *** կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և մուտք գործել ՀՀ:
Բացի այդ, 2024 թվականի սեպտեմբերի 9-ին, Ալեքսան Չավուշյանը Երևան-Վիեննա թիվ 2891 չվերթով, ՀՀ-ից մեկնելիս, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր իր լուսանկարով, սակայն Ալի Հասսանովի անվամբ լրացված Ֆրանսիայի Հանրապետության թիվ *** կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և ելք կատարել ՀՀ-ից:
Այնուհետև, 2024 թվականի նոյեմբերի 22-ին, Ալեքսան Չավուշյանը Վիեննա-Երևան թիվ 2891 չվերթով ժամանելով ՀՀ, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, սակայն Ալի Հասսանովի անվամբ լրացված Ֆրանսիայի Հանրապետության թիվ *** կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և մուտք գործել ՀՀ:
Բացի այդ, 2024 թվականի դեկտեմբերի 9-ին, Ալեքսան Չավուշյանը Երևան-Վիեննա թիվ 2892 չվերթով ՀՀ-ից մեկնելիս, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, սակայն Ալի Հասսանովի անվամբ լրացված Ֆրանսիայի Հանրապետության թիվ *** կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և ելք կատարել ՀՀ-ից։
Այնուհետև, 2025 թվականի ապրիլի 27-ին, Ալեքսան Չավուշյանը Փարիզ-Երևան թիվ 928 չվերթով ժամանելով ՀՀ, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, սակայն Ալի Հասսանովի անվամբ լրացված Ֆրանսիայի Հանրապետության թիվ *** կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, հատել է ՀՀ պետական սահմանը և մուտք գործել ՀՀ։
Բացի այդ, 2025 թվականի մայիսի 2-ին, Երևան-Աթենք թիվ 781 չվերթով, Ալեքսան Չավուշյանը ՀՀ-ից մեկնելիս, «Զվարթնոց» հսկիչ-անցագրային կետում օգտագործել է դեռևս չպարզված հանգամանքներում ձեռք բերված, պետական մարմնի կողմից տրվող, իրավունք վերապահող՝ իր լուսանկարով, սակայն Ալի Հասսանովի անվամբ լրացված Ֆրանսիայի Հանրապետության թիվ *** կեղծ ճամփորդական փաստաթուղթը և ապօրինի՝ առանց սահմանված փաստաթղթերի ու պատշաճ թույլտվության, փորձել է հատել ՀՀ պետական սահմանը, սակայն նրա դիտավորության մեջ ընդգրկված հանցագործությունն իր կամքից անկախ հանգամանքներով չի իրագործվել, քանի որ բռնվել է սահմանապահ ծառայողների կողմից։
(…)
Այսպիսով, թիվ 58213225 քրեական վարույթով նախաքննության ընթացքում ստացվել են Ալեքսան Չավուշյանի կողմից ՀՀ քրեական օրենսգրքի 457-րդ հոդվածի 1-ին մասով՝ ութ դրվագ, ՀՀ քրեական օրենսգրքի 469-րդ հոդվածի 1-ին մասով՝ յոթ դրվագ և ՀՀ քրեական օրենսգրքի 44-469-րդ հոդվածի 1-ին մասով նախատեսված հանցանքի կատարումը վկայող փաստեր։ (…)»։

3. Արագացված վարույթը և լրացուցիչ դատալսումների ընթացքում հետազոտված թույլատրելի ապացույցները.
Նախնական դատալսումների ընթացքում մեղադրյալ Ալեքսան Խոսրովի Չավուշյանը ներկայացրեց արագացված վարույթ կիրառելու մասին միջնորդություն՝ հայտնելով, որ իրեն պարզ է ներկայացված մեղադրանքը, ամբողջությամբ համաձայն է ներկայացված մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված վարույթ կիրառելու հետևանքները և պնդում է ներկայացված միջնորդությունը:
Հանրային մեղադրող Վ․Ասատրյանը չառարկեց արագացված վարույթ կիրառելու դեմ:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-ին հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-ին հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց լրացուցիչ դատալսումներ անցկացնելու մասին:
Լրացուցիչ դատալսումների ընթացքում հետազոտվել են հետևյալ թույլատրելի ապացույցները.
- 2025 թվականի հունիսի 6-ին մեղադրյալի հարցաքննության արձանագրությունը, համաձայն որի՝ Ալեքսան Խոսրովի Չավուշյանը, ընդունել է իրեն առաջադրված մեղադրանքները և զղջացել իր կողմից կատարված արարքների համար ։
- ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանում Ալեքսան Խոսրովի Չավուշյանի Ձև 8 տեղեկանքը , համաձայն որի` վերջինս նախկինում դատապարտված չի եղել,
-Ալեքսան Խոսրովի Չավուշյանի թիվ ԱԳ 091210 զինվորական գրքույկը , համաձայն որի՝ վերջինս անցել է պարտադիր զինվորական ծառայություն։

4.Դատարանի փաստական վերլուծությունները և հաստատված կամ հերքված փաստական հանգամանքները.
Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
- Ալեքսան Խոսրովի Չավուշյանը նախկինում դատապարտված չի եղել,
- Ալեքսան Խոսրովի Չավուշյանն ունի միջնակարգ կրթություն,
- Ալեքսան Խոսրովի Չավուշյանն ամուսնացած է, խնամքի տակ է գտնվում մեկ անչափահաս երեխան։
- Ներկայացված մեղադրանքում Ալեքսան Խոսրովի Չավուշյանն իրեն լիովին մեղավոր է ճանաչել և զղջացել կատարածի համար։

5. Դատարանի իրավական վերլուծությունները, հետևությունները և որոշումները.
Արագացված վարույթ կիրառելու պայմաններում Դատարանն ապացուցված է համարում մեղադրյալ Ալեքսան Խոսրովի Չավուշյանին վերագրվող փաստական հանգամանքները (արարքները), այդ արարքների քրեական հակաիրավականությունը, մեղադրյալի կողմից այդ արարքները կատարելը, մեղադրյալի մեղավորությունը տվյալ արարքները կատարելու մեջ, ինչպես նաև գտնում է, որ մեղադրյալի կողմից կատարված արարքների նկատմամբ պետք է կիրառվի ՀՀ քրեական օրենսգրքի 457-րդ հոդվածի 1-ին մասը (8 դրվագով), ՀՀ քրեական օրենսգրքի 469-րդ հոդվածի 1-ին մասը (7 դրվագով) և ՀՀ քրեական օրենսգրքի 44-469-րդ հոդվածի 1-ին մասը։
Դատարանի կողմից հաստատված փաստական հանգամանքների հիման վրա՝ Դատարանը գտնում է, որ Ալեքսան Խոսրովի Չավուշյանի անձը բնութագրող հանգամանք է նախկինում դատապարտված չլինելը, միջնակարգ կրթություն ունենալը և ամուսնացած լինելը։
Դատարանը, ղեկավարվելով ՀՀ քրեական օրենսգրքի (այսուհետ՝ նաև Օրենսգիրք) 70-րդ հոդվածով, գտնում է, որ Ալեքսան Խոսրովի Չավուշյանի պատասխանատվությունն ու պատիժը մեղմացնող հանգամանք պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը , ինչպես նաև խնամքին անչափահասի առկայությունը։
Դատարանը միաժամանակ արձանագրում է, որ Ալեքսան Խոսրովի Չավուշյանի պատասխանատվությունն ու պատիժը ծանրացնող՝ Օրենսգրքի 71-րդ հոդվածի 1-ին մասով նախատեսված հանգամանքներ առկա չեն:
Դատարանը գտնում է, որ կատարած հանցանքի համար մեղադրյալ Ալեքսան Խոսրովի Չավուշյանը ենթակա է պատժի։
Պատիժ նշանակելու հարցի համատեքստում Դատարանը հարկ է համարում արձանագրել հետևյալը՝
Օրենսգրքի 55-րդ հոդվածի համաձայն՝ «1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»։
Օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները»։
Վճռաբեկ դատարանը մշտապես ընդգծել է, որ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ։ Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են։ Հետևաբար, կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի , հանցավորի անձի, պատիժը մեղմացնող և ծանրացնող հանգամանքների վերլուծության հիման վրա` ելնելով պատժի նպատակների իրացումն ապահովելու անհրաժեշտությունից ։
Մասնավորապես, Վճռաբեկ դատարանն ընդգծել է, որ հանցանքի հանրային վտանգավորության բնույթն ու աստիճանը ճիշտ գնահատելու և հանցավորի նկատմամբ համաչափ պատիժ նշանակելու համար անհրաժեշտ է, ի թիվս այլնի, հատուկ ուշադրություն դարձնել հանցավոր վարքագծի դրսևորման եղանակին, հանցանքի կատարման գործիքին և հանցագործության իրադրությանը, պատճառված վնասի բնույթին, արարքի նկատմամբ անձի հոգեբանական վերաբերմունքին, հանցագործության նպատակին և շարժառիթին: Այս առումով Վճռաբեկ դատարանը փաստել է, որ անձի արարքում հանցակազմը որակյալ դարձնող մեկից ավելի հանգամանքների առկայությունը կարող է վկայել ինչպես հանցագործության, այնպես էլ հանցավորի անձի հանրային բարձր վտանգավորության մասին, հետևաբար այն պետք է համաչափ գնահատականի արժանանա դատարանի կողմից և հաշվի առնվի պատիժ նշանակելիս :
Անդրադառնալով պատիժ նշանակելիս հանցավորի անձը բնութագրող տվյալները գնահատման ենթարկելու կարևորությանը` Վճռաբեկ դատարանը մշտապես ընդգծել է, որ պատասխանատվության և պատժի անհատականացման հիմք են ոչ միայն կատարված արարքի հանրային վտանգավորության բնույթն ու աստիճանը, այլև հանցավորի անձը բնութագրող սոցիալ-հոգեբանական, սոցիալ-ժողովրդագրական, քրեաբանական և քրեաիրավական, ֆիզիկական հատկությունների համակցությունը (ընտանեկան դրությունը, վարքագիծը աշխատանքում և կենցաղում, աշխատունակությունը, առողջական վիճակը, տարիքը, սեռը, դատվածությունը և այլն): Մասնավորապես Վճռաբեկ դատարանը փաստել է հանցավորի ընտանեկան դրությունը, վերջինիս ընտանիքի կյանքի պայմանների վրա նշանակված պատժի ազդեցությունը, նրա խնամքին այլ անձանց առկայությունը, սոցիալական միջավայրում նրա զբաղեցրած տեղն ու դիրքը, սոցիալական միջավայրում նրա ունեցած բնութագիրը և մի շարք այլ հանգամանքների վերաբերյալ փաստական տվյալները գնահատման ենթարկելու անհրաժեշտությունը :
Դատարանը, հաշվի առնելով Ալեքսան Խոսրովի Չավուշյանի կատարած հանցանքների հանգամանքները, նրա անձը բնութագրող տվյալները, պատասխանա-տվությունը և պատիժը մեղմացնող հանգամանքները (ծանրացնող հանգամանքների բացակայությունը), Օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ Օրենսգրքի 457-րդ հոդվածի 1-ին մասի և 469-րդ հոդվածի 1-ին մասի սանկցիաներով որպես հիմնական պատիժ է նախատեսված նաև տուգանքը, գտնում է, որ Օրենսգրքի 77-րդ հոդվածի վերաբերելի կանոնների կիրառմամբ և Օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար՝
- Օրենսգրքի 457-րդ հոդվածի 1-ին մասով (2023 թվականի մայիսի 24-ի դրվագով) նախատեսված հանցանքների կատարման համար նրա նկատմամբ որպես պատիժ պետք է նշանակել տուգանքը՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով,
- Օրենսգրքի 457-րդ հոդվածի 1-ին մասով (2023 թվականի հունիսի 5-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով,
- Օրենսգրքի 457-րդ հոդվածի 1-ին մասով (2024 թվականի հուլիսի 15-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով,
- Օրենսգրքի 457-րդ հոդվածի 1-ին մասով (2024 թվականի սեպտեմբերի 9-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով,
- Օրենսգրքի 457-րդ հոդվածի 1-ին մասով (2024 թվականի նոյեմբերի 22-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով,
- Օրենսգրքի 457-րդ հոդվածի 1-ին մասով (2024 թվականի դեկտեմբերի 9-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով,
- Օրենսգրքի 457-րդ հոդվածի 1-ին մասով (2025 թվականի ապրիլի 27-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով,
- Օրենսգրքի 457-րդ հոդվածի 1-ին մասով (2025 թվականի մայիսի 2-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով,
- Օրենսգրքի 469-րդ հոդվածի 1-ին մասով (2023 թվականի մայիսի 24-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով,
- Օրենսգրքի 469-րդ հոդվածի 1-ին մասով (2023 թվականի հունիսի 5-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով,
- Օրենսգրքի 469-րդ հոդվածի 1-ին մասով (2024 թվականի հուլիսի 15-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով,
- Օրենսգրքի 469-րդ հոդվածի 1-ին մասով (2024 թվականի սեպտեմբերի 9-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով,
- Օրենսգրքի 469-րդ հոդվածի 1-ին մասով (2024 թվականի նոյեմբերի 22-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով,
- Օրենսգրքի 469-րդ հոդվածի 1-ին մասով (2024 թվականի դեկտեմբերի 9-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով,
- Օրենսգրքի 469-րդ հոդվածի 1-ին մասով (2025 թվականի ապրիլի 27-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով,
- Օրենսգրքի 44-469-րդ հոդվածի 1-ին մասով (2025 թվականի մայիսի 2-ի դրվագով) նախատեսված հանցանքի կատարման համար նրա նկատմամբ որպես պատիժ պետք է նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով։
Հիմք ընդունելով Օրենսգրքի 59-րդ հոդվածի 5-րդ մասը և հաշվի առնելով, որ մեղսագրվող հանցանքներն ավարտվելու օրվան նախորդող 12 ամիսների ընթացքում Ալեքսան Խոսրովի Չավուշյանը եկամուտ չի ունեցել (վարույթով տվյալներ չեն ստացվել)՝ Դատարանը գտնում է, որ տուգանքի չափը պետք է հաշվարկվի հանցանքները կատարելու պահին ՀՀ-ում սահմանված նվազագույն աշխատավարձի, այն է՝ 75.000 (յոթանասունհինգ հազար) ՀՀ դրամի չափով։
Այսպես՝
Օրենսգրքի 457-րդ հոդվածի 1-ին մասով 8 (ութ) դրվագ նախատեսված հանցանքների կատարման համար մեղադրյալ Ալեքսան Խոսրովի Չավուշյանի նկատմամբ՝ յուրաքանչուր դրվագով, որպես հիմնական պատիժ պետք է նշանակել տուգանքը՝ նվազագույն աշխատավարձի հնգապատիկի չափով (5 x 75.000)։
Օրենսգրքի 469-րդ հոդվածի 1-ին մասով 7 (յոթ) դրվագ նախատեսված հանցանքների կատարման համար մեղադրյալ Ալեքսան Խոսրովի Չավուշյանի նկատմամբ՝ յուրաքանչուր դրվագով, որպես հիմնական պատիժ պետք է նշանակել տուգանքը՝ նվազագույն աշխատավարձի տասնապատիկի չափով (10 x 75.000)։
Օրենսգրքի 44-469-րդ հոդվածի 1-ին մասով նախատեսված հանցանքի կատարման համար մեղադրյալ Ալեքսան Խոսրովի Չավուշյանի նկատմամբ որպես հիմնական պատիժ պետք է նշանակել տուգանքը՝ նվազագույն աշխատավարձի տասնապատիկի չափով (10 x 75.000)։
Դատարանը գտնում է, որ Օրենսգրքի 74-րդ հոդվածով սահմանված կարգով՝ հանցագործությունների համակցությամբ նշանակված պատիժները մասնակիորեն գումարելու միջոցով, այն է՝ Օրենսգրքի 457-րդ հոդվածի 1-ին մասով յուրաքանչյուր դրվագով նշանակված տուգանքի հանրագումարին մասնակիորեն պետք է գումարել Օրենսգրքի 469-րդ հոդվածի 1-ին մասով յուրաքանչյուր դրվագով և Օրենսգրքի 44-469-րդ հոդվածի 1-ին մասով որպես պատիժ նշանակված՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով տուգանքից հնգապատիկը և վերջնական պատիժ նշանակել տուգանքը՝ ութսունապատիկի՝ 6․000․000 (վեց միլիոն) ՀՀ դրամի չափով։
Օրենսգրքի 74-րդ հոդվածի 9-րդ մասի համաձայն՝
«Հանցագործությունների համակցության դեպքում մյուս պատիժները լրիվ կամ մասնակիորեն գումարելու դեպքում նշանակվող վերջնական պատիժը չի կարող գերազանցել սույն օրենսգրքի Ընդհանուր մասով պատժի տվյալ տեսակի համար սահմանված առավելագույն (...) չափը:»:
Օրենսգրքի 59-րդ հոդվածի 3-րդ մասի համաձայն՝
«3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։»։
Դատարանն արձանագրում է, որ Ալեքսան Խոսրովի Չավուշյանին մեղսագրվել է ՀՀ քրեական օրենսգրքի 457-րդ հոդվածի 1-ին մասով (8 դրվագով), ՀՀ քրեական օրենսգրքի 469-րդ հոդվածի 1-ին մասով (7 դրվագով) և ՀՀ քրեական օրենսգրքի 44-469-րդ հոդվածի 1-ին մասով նախատեսված արարքների կատարման փաստը, որի արդյունքում՝ Օրենսգրքի 457-րդ հոդվածի մասով յուրաքանչյուր դրվագով մեղադրյալի նկատմամբ որպես պատիժ է նշանակվել տուգանք՝ նվազագույն աշխատավարձի հնգապատիկի, իսկ Օրենսգրքի 469-րդ հոդվածի մասով յուրաքանչյուր դրվագով և Օրենսգրքի 44-469-րդ հոդվածի մասով՝ տուգանք՝ նվազագույն աշխատավարձի տասնապատիկի չափով և հանցագործությունների համակցությամբ պատիժները մասնակի գումարելու արդյունքում՝ վերջինիս նկատմամբ պատիժ է նշանակվել տուգանք՝ ընդհանուրը նվազագույն աշխատավարձի ութսունապատիկի չափով, մինչդեռ մեջբերված հոդվածների վերլուծությունից պարզ է դառնում, որ անձի նկատմամբ որպես պատիժ տուգանքը կարող է նշանակվել նվազագույն աշխատավարձի ոչ ավել, քան հիսնապատիկի չափով։ Հետևաբար՝ Դատարանը գտնում է, որ ՀՀ քրեական օրենսգրքի 74-րդ հոդվածով սահմանված կարգով՝ ՀՀ քրեական օրենսգրքի 457-րդ հոդվածի 1-ին մասով յուրաքանչյուր դրվագով, ՀՀ քրեական օրենսգրքի 469-րդ հոդվածի 1-ին մասով յուրաքանչյուր դրվագով և ՀՀ քրեական օրենսգրքի 44-469-րդ հոդվածի 1-ին մասով որպես պատիժ նշանակված ընդհանուրն ութսունապատիկ՝ 6․000․000 (վեց միլիոն) ՀՀ դրամ տուգանքից պետք է հաշվակցել երեսնապատիկը և վերջնական պատիժ նշանակել տուգանը՝ 3․750․000 (երեք միլիոն յոթ հարյուր հիսուն հազար) ՀՀ դրամի չափով։
Հիմք ընդունելով Օրենսգրքի 59-րդ հոդվածի 8-րդ մասը և հաշվի առնելով, որ մեղադրյալ Ալեքսան Խոսրովի Չավուշյանն ի վիճակի չէ անհապաղ և ամբողջությամբ վճարելու 3․750․000 (երեք միլիոն յոթ հարյուր հիսուն հազար) ՀՀ դրամի չափով նշանակված տուգանքը՝ Դատարանը գտնում է, որ տուգանքի վճարման ժամկետ պետք է սահմանել (վճարումը տարաժամկետել) 1 (մեկ) տարին։
Դատարանը միաժամանակ գտնում է, որ կատարած հանցանքներից յուրաքանչյուրի համար Ալեքսան Խոսրովի Չավուշյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Դատարանը գտնում է, որ Ալեքսան Խոսրովի Չավուշյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, քանի որ մեղադրական դատավճիռ կայացնելու և տուգանքի ձևով պատիժ նշանակելու պայմաններում առկա է ողջամիտ ենթադրություն առ այն, որ մեղադրյալը, օգտագործելով անձը հաստատող փաստաթուղթ, կարող է հեռանալ Հայաստանի Հանրապետությունից՝ այդպիսով դիմելով փախուստի կամ չկատարելով իր վրա դրված պարտականությունները, իսկ բացակայելու արգելքի կիրառումը բավարար է մեղադրյալի փախուստը կանխելու և նրա վրա դրված պարտականությունների կատարումն ապահովելու համար։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-13-րդ կետերով նշված հարցերին անդրադառնալու անհրաժեշտությունը սույն քրեական գործով բացակայում է։
Դատարանը գտնում է, որ դատավճիռն օրինական ուժի մեջ մտնելուց հետո՝ իրեղեն ապացույց ճանաչված և քրեական վարույթին կցված «ALI HASSANOV» տվյալներով ֆրանսիական ճամփորդական *** համարի անձնագիրը, ինչպես նաև արտավարութային փաստաթղթերը պետք է պահել քրեական գործի նյութերում՝ դրանք պահելու ամբողջ ընթացքում։
Դատարանը գտնում է, որ վարութային ծախսերի հարցը պետք է համարել լուծված, քանի որ արագացված վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Ալեքսան Խոսրովի Չավուշյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.4-րդ հոդվածի 3-րդ մասի։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 99-րդ, 100-րդ, 276-րդ, 347-350-րդ, 464.4-րդ և 464.5-րդ հոդվածներով` Դատարանը

ՎՃՌԵՑ

1. Ալեքսան Խոսրովի Չավուշյանին մեղավոր ճանաչել ՀՀ քրեական օրենսգրքի 457-րդ հոդվածի 1-ին մասով (8 դրվագով), ՀՀ քրեական օրենսգրքի 469-րդ հոդվածի 1-ին մասով (7 դրվագով) և ՀՀ քրեական օրենսգրքի 44-469-րդ հոդվածի 1-ին մասով նախատեսված հանցանքների կատարման մեջ։
2. ՀՀ քրեական օրենսգրքի 457-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
3. ՀՀ քրեական օրենսգրքի 457-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
4. ՀՀ քրեական օրենսգրքի 457-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
5. ՀՀ քրեական օրենսգրքի 457-րդ հոդվածի 1-ին նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
6. ՀՀ քրեական օրենսգրքի 457-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
7. ՀՀ քրեական օրենսգրքի 457-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
8. ՀՀ քրեական օրենսգրքի 457-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
9. ՀՀ քրեական օրենսգրքի 457-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
10. ՀՀ քրեական օրենսգրքի 469-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով։
11. ՀՀ քրեական օրենսգրքի 469-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով։
12. ՀՀ քրեական օրենսգրքի 469-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով։
13. ՀՀ քրեական օրենսգրքի 469-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով։
14. ՀՀ քրեական օրենսգրքի 469-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով։
15. ՀՀ քրեական օրենսգրքի 469-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով։
16. ՀՀ քրեական օրենսգրքի 469-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով։
17. ՀՀ քրեական օրենսգրքի 44-469-րդ հոդվածի 1-ին մասով նախատեսված հանցանքի կատարման համար Ալեքսան Խոսրովի Չավուշյանի նկատմամբ պատիժ նշանակել տուգանք՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով։
18. ՀՀ քրեական օրենսգրքի 74-րդ հոդվածով սահմանված կարգով՝ հանցագործությունների համակցությամբ նշանակված պատիժները մասնակիորեն գումարելու միջոցով՝ ՀՀ քրեական օրենսգրքի 457-րդ հոդվածի 1-ին մասով յուրաքանչյուր դրվագով նշանակված տուգանքի հանրագումարին մասնակիորեն գումարել, ՀՀ քրեական օրենսգրքի 469-րդ հոդվածի 1-ին մասով յուրաքանչյուր դրվագով և ՀՀ քրեական օրենսգրքի 44-469-րդ հոդվածի 1-ին մասով որպես պատիժ նշանակված՝ նվազագույն աշխատավարձի տասնապատիկի՝ 750․000 (յոթ հարյուր հիսուն հազար) ՀՀ դրամի չափով տուգանքից հնգապատիկը՝ վերջնական պատիժ նշանակելով տուգանք՝ ութսունապատիկի՝ 6․000․000 (վեց միլիոն) ՀՀ դրամի չափով։
19. ՀՀ քրեական օրենսգրքի 74-րդ հոդվածի 9-րդ մասի ուժով՝ ՀՀ քրեական օրենսգրքի 457-րդ հոդվածի 1-ին մասով յուրաքանչյուր դրվագով, ՀՀ քրեական օրենսգրքի 469-րդ հոդվածի 1-ին մասով յուրաքանչյուր դրվագով և ՀՀ քրեական օրենսգրքի 44-469-րդ հոդվածի 1-ին մասով որպես պատիժ նշանակված ընդհանուրը նվազագույն աշխատավարձի ութսունապատիկի չափով՝ 6․000․000 (վեց միլիոն) տուգանքից հաշվակցել երեսնապատիկը և վերջնական պատիժ նշանակել տուգանք՝ նվազագույն աշխատավարձի հիսնապատիկի՝ 3․750․000 (երեք միլիոն յոթ հարյուր հիսուն հազար) ՀՀ դրամի չափով։
20. ՀՀ քրեական օրենսգրքի 59-րդ հոդվածի 8-րդ մասով սահմանված կարգով՝ տուգանքի վճարման ժամկետ սահմանել (վճարումը տարաժամկետել) 1 (մեկ) տարին։
21. Ալեքսան Խոսրովի Չավուշյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ` մինչև դատավճռի օրինական ուժի մեջ մտնելը:
22. Դատավճռի օրինական ուժի մեջ մտնելուց հետո՝ իրեղեն ապացույց ճանաչված և քրեական վարույթին կցված «ALI HASSANOV» տվյալներով ֆրանսիական ճամփորդական *** համարի անձնագիրը, ինչպես նաև արտավարութային փաստաթղթերը պահել քրեական գործի նյութերում դրանք պահելու ամբողջ ընթացքում։
23. Վարութային ծախսերի հարցը համարել լուծված:
24. Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում, սակայն այն չի կարող բողոքարկվել ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերով:


ԴԱՏԱՎՈՐ՝ Գ․ԱԲԵԼՅԱՆ