ԵԴ1/2102/01/25

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

23 դեկտեմբերի 2025թ․ ք.Երևանում

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

նախագահությամբ
դատավոր՝ Մ․Արամյանի
քարտուղարությամբ՝ Մ.Գևորգյանի
մասնակցությամբ`
հանրային մեղադրող՝ Ա․Հակոբյանի
մեղադրյալ՝ Գ․Կյուրեխյանի
պաշտպան՝ Ա․Ասատրյանի

դռնբաց դատական նիստում քննեց քրեական գործն ըստ մեղադրանքի` Գագիկ Սամսոնի Կյուրեխյանի /ծնված 1983 թվականի ապրիլի 20-ին Երևանում, ազգությամբ հայ, ՀՀ քաղաքացի, ամուսնացած, դատվածություն չունի, չի աշխատում, բնակվում է Երևան քաղաքի Հաղթանակի 4-րդ փողոցի, 9-րդ տանը/։
Գագիկ Սամսոնի Կյուրեխյանին մեղադրանք է առաջադրվել ՀՀ քրեական օրենսգրքի 396-րդ հոդվածի 1-ին մասով /2 դրվագ/ և ՀՀ քրեական օրենսգրքի 396-րդ հոդվածի 2-րդ մասով, խափանման միջոց է կիրառվել բացակայելու արգելքը:

Դատավճռի նկարագրական մաս.
2024 թվականի նոյեմբերի 25-ին ՀՀ քրեական օրենսգրքի 396-րդ հոդվածի 1-ին մասով և 393-րդ հոդվածի 1-ին մասով նախաձեռնվել է թիվ 10833624 քրեական վարույթը:
2024 թվականի դեկտեմբերի 24-ին ՀՀ քրեական օրենսգրքի 396-րդ հոդվածի 2-րդ մասով և 393-րդ հոդվածի 2-րդ մասի 3-րդ կետով և 334-րդ հոդվածի 1-ին մասով նախաձեռնվել է թիվ 10851524 քրեական վարույթը:
2024 թվականի մարտի 26-ին որոշում է կայացվել թիվ 10851524 քրեական վարույթը թիվ 10833624 քրեական վարույթին միացնելու և նախաքննությունը մեկ վարույթում շարունակելու մասին:
2024 թվականի ապրլիլի 30-ին ՀՀ քրեական օրենսգրքի 396-րդ հոդվածի 1-ին մասով և 393-րդ հոդվածի 1-ին մասով նախաձեռնվել է թիվ 10153525 քրեական վարույթը:
2025 թվականի մայիսի 01-ին որոշում է կայացվել թիվ 10153525 քրեական վարույթը թիվ 10833624 քրեական վարույթին միացնելու և նախաքննությունը մեկ վարույթում շարունակելու մասին:
26.12.2024 թվականին որոշում է կայացվել Գագիկ Սամսոնի Կյուրեխյանի նկատմամբ ՀՀ քրեական օրենսգրքի 396-րդ հոդվածի 2-րդ մասով հանրային քրեական հետապնդում հարուցելու մասին:
12.02.2025 թվականին որոշում է կայացվել Գագիկ Սամսոնի Կյուրեխյանի նկատմամբ ՀՀ քրեական օրենսգրքի 396-րդ հոդվածի 1-ին մասով հանրային քրեական հետապնդում հարուցելու մասին:
18.04.2025 թվականին որոշում է կայացվել Գագիկ Սամսոնի Կյուրեխյանի նկատմամբ հարուցված հանրային քրեական հետապնդման որոշումը փոփոխելու և ՀՀ քրեական օրենսգրքի 396-րդ հոդվածի 1-ին մասով և 396-րդ հոդվածի 2-րդ մասով նոր հանրային քրեական հետապնդում հարուցելու մասին:
02.05.2025 թվականին որոշում է կայացվել Գագիկ Սամսոնի Կյուրեխյանի նկատմամբ հարուցված հանրային քրեական հետապնդման որոշումը փոփոխելու և ՀՀ քրեական օրենսգրքի 396-րդ հոդվածի 1-ին մասով, ՀՀ քրեական օրենսգրքի 396-րդ հոդվածի 1-ին մասով և 396-րդ հոդվածի 2-րդ մասով նոր հանրային քրեական հետապնդում հարուցելու մասին:
Գագիկ Սամսոնի Կյուրեխյանին մեղադրանք է առաջադրվել հանորեն վտանգավոր այն արարքների կատարման համար, որ նա «խախտելով «Թմրամիջոցների և հոգեմետ (հոգեներգործուն) նյութերի մասին» ՀՀ օրենքի 11-րդ հոդվածի 2-րդ կետի և ՀՀ կառավարության 2010 թվականի մարտի 18-ի՝ «Թմրամիջոցների և հոգեմետ (հոգեներգործուն) նյութերի և դրանց պրեկուրսորների շրջանառության կանոնները սահմանելու մասին» թիվ 270-Ն որոշման, «ՀՀ կառավարության 2018 թվականի հունիսի 27-ի թիվ 707-Ն որոշման մեջ փոփոխություն կատարելու մասին» ՀՀ կառավարության 2021 թվականի նոյեմբերի 18-ի թիվ 1881-Ն, պահանջները, այն է՝ չունենալով բժշկական նպատակներով կամ բժշկի նշանակմամբ թմրամիջոցների և հոգեմետ /հոգեներգործուն/ նյութերի շրջանառություն իրականացնելու՝ թմրամիջոց ձեռք բերելու և պահելու թույլտվություն, դեռևս քննությամբ չպարզված հանգամանքներում և ժամանակահատվածում, առանց իրացնելու նպատակի, իր անձնական օգտագործման համար, ապօրինի ձեռք է բերել և 2024 թվականի դեկտեմբերի 24-ին՝ ժամը 17։00-ի սահմաններում, ապօրինի պահել թվով 3 փայլաթիթեղով փաթեթավորված «Մեթամֆետամին» և «Հերոին» տեսակի թմրամիջոցներով փաթեթներ, որոնցից թվով 2 հատ փայլաթիթեղով փաթեթավորված, ՀՀ կառավարության 2018 թվականի հունիսի 27-ի թիվ 707-Ն որոշմանը կից 1-ին հավելվածում սահմանված, խոշոր չափերի՝ 0.64 գրամ (0.07գրամ+0.57գրամ) քաշով «Մեթամֆետամին» տեսակի թմրամիջոցը, հայտնաբերվել և վերցվել են Գ.Կյուրեխյանի հագին եղած վերարկուի ձախ գրպանից և հագին եղած տաբատի ձախ գրպանից նույն օրը ՀՀ ՆԳՆ ոստիկանության քրեական ոստիկանության գլխավոր վարչության Երևան քաղաքի վարչության ԹԱՇԴՊ բաժնի ոստիկան, ոստիկանության ավագ լեյտենանտ Գ.Մովսիսյանի կողմից կատարված անձնական խուզարկությամբ, թվով 1 հատ փայլաթիթեղով փաթեթավորված, ՀՀ կառավարության 2018 թվականի հունիսի 27-ի թիվ 707-Ն որոշմանը կից 1-ին հավելվածում սահմանված, խոշոր չափերի՝ 0.26 գրամ քաշով «Հերոին» տեսակի թմրամիջոցը հայտնաբերվել և վերցվել են Գ.Կյուրեխյանի հագին եղած տաբատի ձախ գրպանից նույն օրը ՀՀ ՆԳՆ ոստիկանության քրեական ոստիկանության գլխավոր վարչության Երևան քաղաքի վարչության ԹԱՇԴՊ բաժնի ոստիկան, ոստիկանության ավագ լեյտենանտ Գ.Մովսիսյանի կողմից կատարված անձնական խուզարկությամբ։
Այսինքն՝ Գագիկ Սամսոնի Կյուրեխյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 396-րդ հոդվածի 2-րդ մասով։
Բացի այդ, նա, խախտելով «Թմրամիջոցների և հոգեմետ (հոգեներգործուն) նյութերի մասին» ՀՀ օրենքի 11-րդ հոդվածի 2-րդ կետի և ՀՀ կառավարության 2010 թվականի մարտի 18-ի՝ «Թմրամիջոցների և հոգեմետ (հոգեներգործուն) նյութերի և դրանց պրեկուրսորների շրջանառության կանոնները սահմանելու մասին» թիվ 270-Ն որոշման, «ՀՀ կառավարության 2018 թվականի հունիսի 27-ի թիվ 707-Ն որոշման մեջ փոփոխություն կատարելու մասին» ՀՀ կառավարության 2021 թվականի նոյեմբերի 18-ի թիվ 1881-Ն, պահանջները, այն է՝ չունենալով բժշկական նպատակներով կամ բժշկի նշանակմամբ թմրամիջոցների և հոգեմետ /հոգեներգործուն/ նյութերի շրջանառություն իրականացնելու՝ թմրամիջոց ձեռք բերելու և պահելու թույլտվություն, դեռևս քննությամբ չպարզված հանգամանքներում և ժամանակահատվածում, առանց իրացնելու նպատակի, իր անձնական օգտագործման համար, ապօրինի ձեռք է բերել և 2024 թվականի նոյեմբերի 25-ին՝ ժամը 11։40-ի սահմաններում, ապօրինի պահել ՀՀ կառավարության 2018 թվականի հունիսի 27-ի թիվ 707-Ն որոշմանը կից 1-ին հավելվածում սահմանված, զգալի չափերի՝ 2.81 գրամ քաշով «Մարիխուանա» տեսակի թմրամիջոց, որը ՀՀ ՆԳՆ ոստիկանության քրեական ոստիկանության գլխավոր վարչության Երևան քաղաքի վարչության ՍԴՈՒՀԴՊ բաժնի ոստիկան, ոստիկանության լեյտենանտ Գ.Սուչյանի կողմից նույն օրը կատարված անձնական խուզարկությամբ հայտնաբերվել և վերցվել է Գագիկ Կյուրեխյանի հագին եղած տաբատի հետևի ձախ գրպանից։
Այսինքն՝ Գագիկ Սամսոնի Կյուրեխյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 396-րդ հոդվածի 1-ին մասով։
Բացի այդ, նա, խախտելով «Թմրամիջոցների և հոգեմետ (հոգեներգործուն) նյութերի մասին» ՀՀ օրենքի 11-րդ հոդվածի 2-րդ կետի և ՀՀ կառավարության 2010 թվականի մարտի 18-ի՝ «Թմրամիջոցների և հոգեմետ (հոգեներգործուն) նյութերի և դրանց պրեկուրսորների շրջանառության կանոնները սահմանելու մասին» թիվ 270-Ն որոշման պահանջները, 2025 թվականի ապրիլի 30-ին՝ ժամը 16:05-ի սահմաններում, Երևան քաղաքի Ֆուչիկի 2-րդ փակուղղու 9-րդ շենքի դիմացի հատվածում, քննությամբ չպարզված հանգամանքներում, առանց իրացնելու նպատակի, իր անձնական օգտագործման համար, ապօրինի ձեռք է բերել և պահել թվով 2 փաթեթներում (0.03 գրամ + 0.01 գրամ քաշերով) ՀՀ կառավարության 2018 թվականի հունիսի 27-ի թիվ 707-Ն որոշման 1-ին հավելվածի 99-րդ կետով սահմանված, զգալի չափերի ընդհանուր՝ 0,04 գրամ քաշով «Մեթամֆետամին, մեֆեդրոն և մեթադոն» տեսակի թմրամիջոցների պատրաստուկ, որը նույն օրը ՀՀ ՆԳՆ ոստիկանության ՔՈԳՎ Երևան քաղաքի վարչության ԹԱՇԴՊ բաժնի աշխատակից Գ.Մովսիսյանի կողմից կատարված անձնական խուզարկությամբ հայտնաբերվել և վերցվել է Գագիկ Կյուրեխյանի հագին եղած ջինսե տաբատի աջ գրպանից:
Այսինքն՝ Գագիկ Սամսոնի Կյուրեխյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 396-րդ հոդվածի 1-ին մասով։»
2025 թվականի հունիսի 13-ին ՀՀ դատախազության Աջափնյակ և Դավիթաշեն վարչական շրջանների դատախազությունից Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 10171525 նախաքննական համարով քրեական գործն ըստ մեղադրանքի Գագիկ Սամսոնի Կյուրեխյանի ՀՀ քրեական օրենսգրքի 396-րդ հոդվածի 1-ին մասով /2 դրվագ/ և ՀՀ քրեական օրենսգրքի 396-րդ հոդվածի 2-րդ մասով։
2025 թվականի հունիսի 13-ին դատավորների միջև գործերի բաշխման էլեկտրոնային մակագրության համակարգի միջոցով թիվ ԵԴ1/2102/01/25 քրեական գործը մակագրվել է ինձ։
Գործը ինձ է հանձնվել 2025 թվականի հունիսի 16-ին:
Դատաքննության ընթացքում հետազոտված թույլատրելի ապացույցներ
Մեղադրյալ Գագիկ Կյուրեխյանը ցուցմունք տվեց այն մասին, որ «Այդ ամենը, ինչը հայտնաբերվել է, իմն է, ես չեմ հրաժարվում, իմ անձնական օգտագործման համար է, պահել եմ իմ մոտ իմ օգտագործման համար, գիտեի, որ արգելված է օգտագործելը կամ պահելը, պարզապես գտել էի, այդ պատճառով էլ մոտս էր։ Ես տեղյակ եմ ինչում եմ մեղադրվում»։ (Ցուցմունքի սղագրում, դատական նիստերի արձանագրություն)։
Դատակենսաբանական և դատանյութագիտական համալիր փորձաքննության թիվ 24-2186 եզրակացությունը, որի համաձայն՝ փորձաքննությանը ներկայացված բուսական ծագմամբ 2.81 գրամ հաստատուն չոր քաշով բուսական զանգվածը հանդիսանում է մարիխուանա տեսակի թմրամիջոց։1-ին հատոր, Վ.Թ 40-44
Դատանյութագիտական և դատակենսաբանական համալիր փորձաքննության թիվ 2696 Ք-24 եզրակացությունը, որի համաձայն՝ 1.Փորձաքննությանը ներկայացված 1.74 գրամ հաստատուն չոր քաշով բուսական զանգվածը հանդիսանում է մարիխուանա տեսակի թմրամիջոց:2.Փորձաքննությանը ներկայացված ընդհանուրը 0.64 գրամ (0.57 գրամ+0.07 գրամ) քաշով սպիտալ փոշեբյուրեղային զանգվածը հանդիսանում է Մեթամֆետամին տեսակի թմրամիջոց:3.Փորձաքննությանը ներկայացված 0.26 գրամ քաշով մուգ շագանակագույն փոշենման զանգվածը հանդիսանում է հերոին տեսակի թմրամիջոց:1-ին հատոր, Վ.Թ 221-226
Դատանյութագիտական փորձաքննության թիվ 1786Ք-25 եզրակացությունը, որի համաձայն՝ 1.Փորձաքննությանը ներկայացված փաթեթում առկա թվով 2 թղթի կտորներում լցված ընդհանուր՝ 0.04 գրամ քաշով (0.03 գրամ և 0.01 գրամ) փոշեբյուրեղանման զանգվածը իրենից ներկայացնում է մեթամֆետամին, մեֆեդրոն և մեթադոն տեսակի թմրամիջոցների պատրաստուկ:2-րդ հատոր, Վ.Թ 124-128
Իրեղեն ապացույց ճանաչված և քրեական վարույթի նյութերի հետ պահվող՝ 2.81 գրամ հաստատուն չոր քաշով մարիխուանա տեսակի, 0.64 գրամ (0.57 գրամ+0.07 գրամ) քաշով մեթամֆետամին, 0.26 գրամ քաշով հերոին տեսակի թմրամիջոցներով, ինչպես նաև 0.04 գրամ քաշով (0.03 գրամ և 0.01 գրամ) մեթամֆետամին, մեֆեդրոն և մեթադոն տեսակի թմրամիջոցների պատրաստուկը:2-րդ հատոր,Վ.Թ 144-150
25.11.2024 թվականին՝ ժամը 11:40-ին, ՀՀ ՆԳՆ ոստիկանության ՔՈԳՎ ԵՔՎ ՍԴՈՒՀԴՊ բաժնի ծառայողների կողմից Երևան քաղաքի Սպանդարյան գերեզմանատան հարակից տարածքից Գագիկ Սամսոնի Կյուրեխյանին ձերբակալելու մասին արձանագրությունը, որի համաձայն Գագիկ Կյուրեխյանի հագին առկա կապույտ գույնի ջինսե տաբատի հետևի ձախ գրպանից հայտնաբերվել է թղթյա փաթեթ, որի մեջ առկա եղել չորացված և մանրացված դեղնականաչավուն զանգված, որի քաշը առանց փաթեթի կազմել է 3.08 գրամ: Հայտնաբերվել է նաև 2 կաթոցիչ՝ մոխրացված հետքերով:1-ին հատոր, Վ.Թ 12-13
25.11.2024 թվականին ՀՀ ՆԳՆ ոստիկանության ՔՈԳՎ ԵՔՎ ՍԴՈՒՀԴՊ բաժնի ծառայողների կողմից Գագիկ Կյուրեխյանին անձնական խուզարկության ենթարկելու մասին կազմած արձանագրությունը, որի համաձայն նրա հագին առկա կապույտ գույնի ջինսե տաբատի հետևի ձախ գրպանից հայտնաբերվել է թղթյա փաթեթ, որի մեջ առկա եղել չորացված և մանրացված դեղնականաչավուն զանգված, որի քաշը առանց փաթեթի կազմել է 3.08 գրամ: Տաբատի գրապններից հայտնաբերվել է նաև թվով 2 կաթոցիչներ՝ մոխրացված զանգվածներով:
Գագիկ Կյուրեխյանը հայտարարել է, որ իր մոտ հայտնաբերված զանգվածը հանդիսանում է մարիխուանա տեսակի թմրամիջոց, որը պատկանել է իրեն և նախատեսված է եղել իր օգտագործման համար:1-ին հատոր, Վ.Թ 15
24.12.2024 թվականին՝ ժամը 17:20-ին, ՀՀ ՆԳՆ ոստիկանության ՔՈԳՎ ԵՔՎ ԹԱՇԴՊ բաժնի ծառայողների կողմից Երևան քաղաքի Բեկնազարյան 3/1 հասցեից Գագիկ Սամսոնի Կյուրեխյանին ձերբակալելու մասին արձանագրությունը, որի համաձայն Գագիկ Կյուրեխյանի մոտ հայտնաբերվել է փայլաթիթեղի մեջ փաթեթավորված 0.11 գրամ քաշով բյուրեղանման, փայլաթիթեղի մեջ փաթեթավորված 2.83 գրամ քաշով դեղնականաչավուն, փայլաթղիթեղի մեջ փաթեթավորված 0.50 գրամ քաշով դարչնագույն գույնի փոշենման և փայլաթիթեղի մեջ փաթեթավորված 1.01 գրամ քաշով բյուրեղանման զանգվածներ:
Գագիկ Կյուրեխյանը հայտարարել է, որ իր մոտ հայտնաբերված զանգվածները հանիսանում են մարիխուանա, հերոին և մեթամֆետամին տեսակի թմրամիջոցներ, որոնք նախատեսված են եղել իր օգտագործման համար:1-ին հատոր, Վ.Թ 139-140
24.12.2024 թվականին ՀՀ ՆԳՆ ոստիկանության ՔՈԳՎ ԵՔՎ ԹԱՇԴՊ բաժնի ծառայողների կողմից Գագիկ Կյուրեխյանին անձնական խուզարկության ենթարկելու մասին կազմած արձանագրությունը, որի համաձայն նրա հագին առկա վերարկուի և տաբատ ձախ, ինչպես նաև հետնամասի գրպաններից հայտնաբերվել է թվով 4՝ փայլաթիթեղի մեջ փաթեթավորված 0.11 գրամ քաշով բյուրեղանման, 2.83 գրամ քաշով դեղնականաչավուն, 0.50 գրամ քաշով դարչնագույն գույնի փոշենման և 1.01 գրամ քաշով բյուրեղանման զանգվածներ:1-ին հատոր, Վ.Թ 142
30.04.2025 թվականին ժամը 16:05-ին ՀՀ ՆԳՆ ոստիկանության ՔՈԳՎ ԵՔՎ ԹԱՇԴՊ բաժնի ծառայողների կողմից Երևան քաղաքի Ֆուչիկի 2-րդ փակուղի 9 հասցեից Գագիկ Սամսոնի Կյուրեխյանին ձերբակալելու մասին արձանագրությունը, որի համաձայն Գագիկ Կյուրեխյանի մոտ հայտնաբերվել է մեթամֆետամին տեսակի թմրամիջոցին նմանվող զանգված:1-ին հատոր, Վ.Թ 259
30.04.2025 թվականին ՀՀ ՆԳՆ ոստիկանության ՔՈԳՎ ԵՔՎ ԹԱՇԴՊ բաժնի ծառայողների կողմից Գագիկ Կյուրեխյանին անձնական խուզարկության ենթարկելու մասին կազմած արձանագրությունը, որի համաձայն նրա հագին առկա ջինսե տաբատի աջ գրպանից հայտնաբերվել է թվով 3 փաթեթներ՝ որոնց մեջ լցված է եղել մեթամֆետամին տեսակի թմրամիջոցին նմանվող, ընդհանուրը՝ 0.06 գրամ քաշով զանգվածներ:1-ին հատոր, Վ.Թ 261
Դատաքննության ընթացքում նշանակված ամբուլատոր դատահոգեբուժական թիվ 110/ԴՀ փորձաքննության համաձայն. «Գագիկ Սամսոնի Կյուրեխյանն ունի հոգեկան առողջության խնդիրներ՝ նրա մոտ է «հոգեկան և վարքային խանգարումներ՝ և այլ հոգեակտիվ նյութերի համակցված հայտնաբերվում թմրանյութերի գործածման հետևանքով, ներկայումս փոխարինիչ բուժմամբ՝ մեթադոնով: 2022 թվականին տարել է փսիխոտիկ խանգարում զառանցանքի գերակշռումով F19.22» ախտորոշմամբ թմրամոլություն զուգակցված փսիխոտիկ ներառումներով:
Ինչպես նշվեց՝ փսիխոտիկ խանգարումները նրա մոտ դիտվել են 2022թ-ին, որոնց կապակցությամբ նա ստացել է ստացիոնար բուժումներ՝ այդ թվում ոչ հոժարակամ՝ դատարանի որոշմամբ: Գագիկ Կյուրեխյանը դրանից հետո հոգեբուժական կլինիկա այլևս չի պառկել, 14.08.2025թ-ից «ԿԲԱԿ» ՓԲԸ-ում ընդգրկված է Մեթադոնային փոխարինող բուժման ծրագրի մեջ, գանգատվել է անհանգիստ, լարված վիճակից, դիսկոմֆորտից, անքնությունից, ոսկրամկանային ցավերից: Նրա մոտ՝ բացի ստացիոնար բուժումների ժամանակահատվածից՝ նաև «Ավան» ՀԱԿ-ում՝ տեղամասային հոգեբույժի գրառումներում՝ շրջապատի ոչ ադեկվատ ընկալման, մտածողության, դատողությունների խանգարումների, զառանցական մտքերի, հիշողության խանգարումների, ինտելեկտուալ անբավարության մասին վկայող որևէ տեղեկություններ ձեռք չեն բերվել, որոնք կարող էին ազդել մեղսունակության վրա։ Գագիկ Սամսոնի Կյուրեխյանը հետազոտվող իրավիճակում՝ 2024 թվականի դեկտեմբերին, ունակ է եղել իր հասկանալու արարքների նշանակությունը և ղեկավարելու դրանք, կարող էր գիտակցել իր գործողությունների բնույթը, վտանգավորությունը, ունակ է եղել հաշիվ տալու իրեն իր գործողությունների համար: Ուստի, մեղսագրվող արարքի նկատմամբ Գագիկ Սամսոնի Կյուրեխյանին՝ հարկ է ճանաչել ՄԵՂՍՈւՆԱԿ: Ներկայիս հոգեվիճակով իր կամ հասարակության համար սոցիալապես վտանգ չի ներկայացնում, բժշկական բնույթի հարկադրանքի միջոցների կարիք չունի: Գագիկ Կյուրեխյանը կարող է ճիշտ ընկալել և վերարտադրել դեպքերն ու իրադարձությունները և դրանց վերաբերյալ տալ արժանահավատ ցուցմունքներ։ Ունակ է մասնակցելու քննչական և մյուս դատավարական գործողություններին լիարժեք, ընկալելու քրեական գործով իրեն վերապահված իրավունքները»։

Դատավճռի պատճառաբանական մաս.
ՀՀ քրեական դատավարության օրենսգրքի 97-րդ հոդվածի համաձայն/․․․/ 1. Վարույթի ընթացքում ձեռք բերված ապացույցները, ներառյալ վարույթի մասնավոր մասնակիցների ներկայացրած ապացույցները համարվում են թույլատրելի, քանի դեռ պատշաճ իրավական ընթացակարգով հակառակը չի հաստատվել:
2. Օրենքի էական խախտմամբ ստացված տվյալները, ինչպես նաև դրանց հիման վրա կատարված վարութային գործողությունների արդյունքով ձեռք բերված տվյալները ճանաչվում են անթույլատրելի և չեն կարող օգտագործվել որպես ապացույց/․․․/:
ՀՀ քրեական դատավարության օրենսգրքի 102-րդ հոդվածի համաձայն`
/․․․/1. Քրեական վարույթի ընթացքում ապացուցման ենթակա են՝
1)դեպքը և դրա հանգամանքները (ժամանակը, տեղը, եղանակը և այլն).
2)մեղադրյալի առնչությունը դեպքին.
3)ենթադրյալ հանցագործության՝ քրեական օրենքով նախատեսված հատկանիշները.
4) մեղադրյալի մեղավորությունը ենթադրյալ հանցանքը կատարելու մեջ.
5) քրեական պատասխանատվությունը կամ պատիժը մեղմացնող և ծանրացնող հանգամանքները.
6) մեղադրյալի անձը բնութագրող հանգամանքները.
7) ենթադրյալ հանցագործությամբ պատճառված վնասը.
8)այն հանգամանքները, որոնք թույլ են տալիս անձին ազատել քրեական պատասխանատվությունից կամ պատժից.
9) այն հանգամանքները, որոնցով անձը հիմնավորում է վարույթի ընթացքում իր գույքային պահանջները.
10) այն հանգամանքները, որոնցով վարույթի մասնակիցը կամ այլ անձը հիմնավորում է իր պահանջները/․․․/:
ՀՀ քրեական դատավարության օրենսգրքի 105-րդ հոդվածի համաձայն` /․․․/ 1.Յուրաքանչյուր ապացույց ենթակա է գնահատման՝ վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից:
2. Քննիչը, դատախազը, դատավորը, ղեկավարվելով քրեադատավարական օրենսդրությամբ, ներառյալ ապացուցման չափանիշների մասին վերաբերելի կանոններով, ապացույցները գնահատում են դրանց պատշաճ հետազոտման և վերլուծության վրա հիմնված ներքին համոզմամբ:
3. Ոչ մի տվյալ նախապես հավաստի ապացույցի ուժ չունի: Դատավորը, ինչպես նաև քննիչը և դատախազը չպետք է կանխակալ վերաբերմունք դրսևորեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան, քանի դեռ պատշաճ իրավական ընթացակարգի շրջանակներում դրանք չեն գնահատվել/․․․/:
ՀՀ քրեական դատավարության օրենսգրքի 276-րդ հոդվածը սահմանում է, որ
/․․․/ 1. Առաջին ատյանի դատարանում վարույթն իրականացվում է միայն մեղադրյալի նկատմամբ և միայն նրան ներկայացված մեղադրանքով:/․․․/:
Դատարանը գտնում է, մեղադրյալի արարքի փաստական հիմքի և դատաքննության արդյունքում պարզված հանգամանքների պարագայում կիրառելի չէ ՀՀ վճռաբեկ դատարանի կողմից Մարտիկ Բոլյանի վերաբերյալ կայացրած որոշմամբ արտահայտած չափորոշիչները մեղադրյալի արարքը թմրամիջոցի ապօրինի իրացում որակելու համար, քանի որ սույն դեպքով փաստական հանգամանքները նույնական չեն նախադեպային որոշմամբ նշված հանգամանքներին:
Հետազոտված ապացույցների հիման վրա Դատարանը առանձին սենյակում գնահատելով դրանք իրենց համակցության մեջ, համադրելով մեղադրյալին առաջադրված մեղադրանքի ձևակերպման հետ, որ նա «խախտելով «Թմրամիջոցների և հոգեմետ (հոգեներգործուն) նյութերի մասին» ՀՀ օրենքի 11-րդ հոդվածի 2-րդ կետի և ՀՀ կառավարության 2010 թվականի մարտի 18-ի՝ «Թմրամիջոցների և հոգեմետ (հոգեներգործուն) նյութերի և դրանց պրեկուրսորների շրջանառության կանոնները սահմանելու մասին» թիվ 270-Ն որոշման, «ՀՀ կառավարության 2018 թվականի հունիսի 27-ի թիվ 707-Ն որոշման մեջ փոփոխություն կատարելու մասին» ՀՀ կառավարության 2021 թվականի նոյեմբերի 18-ի թիվ 1881-Ն, պահանջները, այն է՝ չունենալով բժշկական նպատակներով կամ բժշկի նշանակմամբ թմրամիջոցների և հոգեմետ /հոգեներգործուն/ նյութերի շրջանառություն իրականացնելու՝ թմրամիջոց ձեռք բերելու և պահելու թույլտվություն, դեռևս քննությամբ չպարզված հանգամանքներում և ժամանակահատվածում, առանց իրացնելու նպատակի, իր անձնական օգտագործման համար, ապօրինի ձեռք է բերել և 2024 թվականի դեկտեմբերի 24-ին՝ ժամը 17։00-ի սահմաններում, ապօրինի պահել թվով 3 փայլաթիթեղով փաթեթավորված «Մեթամֆետամին» և «Հերոին» տեսակի թմրամիջոցներով փաթեթներ, որոնցից թվով 2 հատ փայլաթիթեղով փաթեթավորված, ՀՀ կառավարության 2018 թվականի հունիսի 27-ի թիվ 707-Ն որոշմանը կից 1-ին հավելվածում սահմանված, խոշոր չափերի՝ 0.64 գրամ (0.07գրամ+0.57գրամ) քաշով «Մեթամֆետամին» տեսակի թմրամիջոցը, հայտնաբերվել և վերցվել են Գ.Կյուրեխյանի հագին եղած վերարկուի ձախ գրպանից և հագին եղած տաբատի ձախ գրպանից նույն օրը ՀՀ ՆԳՆ ոստիկանության քրեական ոստիկանության գլխավոր վարչության Երևան քաղաքի վարչության ԹԱՇԴՊ բաժնի ոստիկան, ոստիկանության ավագ լեյտենանտ Գ.Մովսիսյանի կողմից կատարված անձնական խուզարկությամբ, թվով 1 հատ փայլաթիթեղով փաթեթավորված, ՀՀ կառավարության 2018 թվականի հունիսի 27-ի թիվ 707-Ն որոշմանը կից 1-ին հավելվածում սահմանված, խոշոր չափերի՝ 0.26 գրամ քաշով «Հերոին» տեսակի թմրամիջոցը հայտնաբերվել և վերցվել են Գ.Կյուրեխյանի հագին եղած տաբատի ձախ գրպանից նույն օրը ՀՀ ՆԳՆ ոստիկանության քրեական ոստիկանության գլխավոր վարչության Երևան քաղաքի վարչության ԹԱՇԴՊ բաժնի ոստիկան, ոստիկանության ավագ լեյտենանտ Գ.Մովսիսյանի կողմից կատարված անձնական խուզարկությամբ։
Այսինքն՝ Գագիկ Սամսոնի Կյուրեխյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 396-րդ հոդվածի 2-րդ մասով։
Բացի այդ, նա, խախտելով «Թմրամիջոցների և հոգեմետ (հոգեներգործուն) նյութերի մասին» ՀՀ օրենքի 11-րդ հոդվածի 2-րդ կետի և ՀՀ կառավարության 2010 թվականի մարտի 18-ի՝ «Թմրամիջոցների և հոգեմետ (հոգեներգործուն) նյութերի և դրանց պրեկուրսորների շրջանառության կանոնները սահմանելու մասին» թիվ 270-Ն որոշման, «ՀՀ կառավարության 2018 թվականի հունիսի 27-ի թիվ 707-Ն որոշման մեջ փոփոխություն կատարելու մասին» ՀՀ կառավարության 2021 թվականի նոյեմբերի 18-ի թիվ 1881-Ն, պահանջները, այն է՝ չունենալով բժշկական նպատակներով կամ բժշկի նշանակմամբ թմրամիջոցների և հոգեմետ /հոգեներգործուն/ նյութերի շրջանառություն իրականացնելու՝ թմրամիջոց ձեռք բերելու և պահելու թույլտվություն, դեռևս քննությամբ չպարզված հանգամանքներում և ժամանակահատվածում, առանց իրացնելու նպատակի, իր անձնական օգտագործման համար, ապօրինի ձեռք է բերել և 2024 թվականի նոյեմբերի 25-ին՝ ժամը 11։40-ի սահմաններում, ապօրինի պահել ՀՀ կառավարության 2018 թվականի հունիսի 27-ի թիվ 707-Ն որոշմանը կից 1-ին հավելվածում սահմանված, զգալի չափերի՝ 2.81 գրամ քաշով «Մարիխուանա» տեսակի թմրամիջոց, որը ՀՀ ՆԳՆ ոստիկանության քրեական ոստիկանության գլխավոր վարչության Երևան քաղաքի վարչության ՍԴՈՒՀԴՊ բաժնի ոստիկան, ոստիկանության լեյտենանտ Գ.Սուչյանի կողմից նույն օրը կատարված անձնական խուզարկությամբ հայտնաբերվել և վերցվել է Գագիկ Կյուրեխյանի հագին եղած տաբատի հետևի ձախ գրպանից։
Այսինքն՝ Գագիկ Սամսոնի Կյուրեխյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 396-րդ հոդվածի 1-ին մասով։
Բացի այդ, նա, խախտելով «Թմրամիջոցների և հոգեմետ (հոգեներգործուն) նյութերի մասին» ՀՀ օրենքի 11-րդ հոդվածի 2-րդ կետի և ՀՀ կառավարության 2010 թվականի մարտի 18-ի՝ «Թմրամիջոցների և հոգեմետ (հոգեներգործուն) նյութերի և դրանց պրեկուրսորների շրջանառության կանոնները սահմանելու մասին» թիվ 270-Ն որոշման պահանջները, 2025 թվականի ապրիլի 30-ին՝ ժամը 16:05-ի սահմաններում, Երևան քաղաքի Ֆուչիկի 2-րդ փակուղղու 9-րդ շենքի դիմացի հատվածում, քննությամբ չպարզված հանգամանքներում, առանց իրացնելու նպատակի, իր անձնական օգտագործման համար, ապօրինի ձեռք է բերել և պահել թվով 2 փաթեթներում (0.03 գրամ + 0.01 գրամ քաշերով) ՀՀ կառավարության 2018 թվականի հունիսի 27-ի թիվ 707-Ն որոշման 1-ին հավելվածի 99-րդ կետով սահմանված, զգալի չափերի ընդհանուր՝ 0,04 գրամ քաշով «Մեթամֆետամին, մեֆեդրոն և մեթադոն» տեսակի թմրամիջոցների պատրաստուկ, որը նույն օրը ՀՀ ՆԳՆ ոստիկանության ՔՈԳՎ Երևան քաղաքի վարչության ԹԱՇԴՊ բաժնի աշխատակից Գ.Մովսիսյանի կողմից կատարված անձնական խուզարկությամբ հայտնաբերվել և վերցվել է Գագիկ Կյուրեխյանի հագին եղած ջինսե տաբատի աջ գրպանից», արձանագրում է, որ հաստատված հանգամանքների պարագայում արարքները ենթակա են որակման ՀՀ քրեական օրենսգրքի 396-րդ հոդվածի 1-ին մասով/ 2 դրվագով/ և ՀՀ քրեական օրենսգրքի 396-րդ հոդվածի 2-րդ մասով նշված իրավական որակման համատեքստում ՀՀ քրեական դդատավարության օրենսգրքի 342-րդ հոդվածի 1-ին մասով նախատեսված հարցերին պատասխանելիս եզրահանգել է, որ
ապացուցված են մեղադրյալին վերագրվող փաստական հանգամանքները (արարքը),
ապացուցված է այդ արարքի քրեական,
ապացուցված է մեղադրյալի կողմից այդ արարքը կատարելը,
ապացուցված է մեղադրյալի մեղավորությունը տվյալ արարքը կատարելու մեջ:
2. Սույն հոդվածի 1-ին մասում նշված հարցերից որևէ մեկին ժխտական պատասխան տալու դեպքում դատարանը կայացնում է արդարացման վերդիկտ։
3. Սույն հոդվածի 1-ին մասում նշված բոլոր հարցերին հաստատական պատասխան տալու դեպքում դատարանը կայացնում է մեղադրական վերդիկտ, որով սահմանում է նաև, թե ապացուցված արարքի նկատմամբ քրեական օրենսգրքի, որ հոդվածը, հոդվածի մասը կամ կետն է ենթակա կիրառման:
Դատարանը կայացրել է մեղադրական վերդիկտ:
Համաձայն ՀՀ քրեական դատավարության օրենսգրքի 348-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե մեղադրյալը պատժի ենթակա է, թե ոչ, պատժի ինչ տեսակ պետք է նշանակվի և պետք է արդյոք նա այն կրի:
Դատարանը դրական պատասխանելով ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին գտնում է, որ կատարած արարքի համար Գագիկ Կյուրեխյանը ենթակա է քրեական պատասխանատվության և պատժի:
ՀՀ քրեական օրենսգրքի 396-րդ հոդվածի համաձայն՝
/…/ 1. Առանց իրացնելու նպատակի զգալի չափերով թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ կամ պրեկուրսոր ապօրինի արտադրելը, պատրաստելը, վերամշակելը, ձեռք բերելը, պահելը, տեղափոխելը կամ առաքելը՝ պատժվում է տուգանքով՝ առավելագույնը տասնապատիկի չափով, կամ հանրային աշխատանքներով՝ առավելագույնը հարյուր ժամ տևողությամբ, կամ ազատության սահմանափակմամբ՝ առավելագույնը մեկ տարի ժամկետով, կամ կարճաժամկետ ազատազրկմամբ՝ առավելագույնը մեկ ամիս ժամկետով, կամ ազատազրկմամբ՝ առավելագույնը մեկ տարի ժամկետով: 2. Սույն հոդվածի 1-ին մասով նախատեսված արարքը, որը կատարվել է խոշոր չափերով՝ պատժվում է տուգանքով՝ տասնապատիկից երեսնապատիկի չափով, կամ հանրային աշխատանքներով՝ հարյուրից երկու հարյուր ժամ տևողությամբ, կամ ազատության սահմանափակմամբ՝ մեկից երեք տարի ժամկետով, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ մեկից երեք տարի ժամկետով/.../:
ՀՀ քրեական օրենսգրքի 55-րդ հոդվածի համաձայն` /․․․/ Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները/․․․/:
ՀՀ քրեական օրենսգրքի 70-րդ հոդվածի համաձայն՝ «1.Քրեական պատասխանատվությունը կամ պատիժը մեղմացնող հանգամանքներ են՝(…)2. Պատիժ նշանակելիս դատարանը կարող է հաշվի առնել նաև սույն հոդվածի 1-ին մասով չնախատեսված մեղմացնող այլ հանգամանքներ: (…)»։
-Դատարանը, որպես մեղադրյալի պատիժը մեղմացնող հանգամանք է դիտարկում այն, որ՝ մեղադրյալն, ընդունել է մեղքը, տվել է խոստովանական ցուցմունք, աջակցել նախաքննությանը,
-խնամքին է անչափահաս երեխան (հիմք՝ ծննդյան վկայական՝ թիվ ԱԱ275859),
-ունի հոգեկան առողջության հետ կապված խնդիրներ (հիմք բժշկական փաստաթղթեր):
Մեղադրյալի պատիժը կամ պատասխանատվությունը ծանրացնող հանգամանքներ չեն արձանագրվում:
Գագիկ Կյուրեխյանի անձը բնութագրող հանգամանքներն են, մասնավորապես պատիժ նշանակելու պահին դատվածություն չունեցող անձ հանդիսանալը /տեղեկություն Ձև 8 տեղեկանք/:
ՀՀ քրեական օրենսգրքի 59-րդ հոդվածի համաձայն` /…/ 1. Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով:/…/ ։
ՀՀ քրեական օրենսգրքի 67-րդ հոդվածի 5-րդ կետի համաձայն /․․․/ 5. Առաջին անգամ ոչ մեծ ծանրության հանցագործություն կատարած անձը չի կարող դատապարտվել ազատազրկման/․․․/ ինչպես նաև հաշվի առնելով մեղադրյալի անձը բնութագրող տվյալները, գտնում է, որ ՀՀ քրեական օրենսգրքի 55-րդ հոդվածով սահմանված պատժի նպատակներին հասնելու համար նրա նկատմամբ ՀՀ քրեական օրենսգրքի 396-րդ հոդվածի 1-ին մասով նախատեսված հանցանք կատարելու համար պետք է նշանակել տուգանքի ձևով պատժատեսակ։
ՀՀ քրեական օրենսգրքի 79-րդ հոդվածի 4-րդ կետի համաձայն/.../4. Անազատության մեջ գտնվող անձի նկատմամբ տուգանքի, որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու, զինվորական ծառայության մեջ սահմանափակման ձևով հիմնական պատիժ նշանակելիս դատարանը, հաշվի առնելով մինչև դատավճիռ կայացնելը, անկախ Հայաստանի Հանրապետության իրավազորությունից, փաստացի անազատության մեջ գտնվելու ժամկետը, մեղմացնում է նշանակված պատիժը կամ ազատում է պատիժը կրելուց/.../:
Հանցանք կատարելու պահին «Նվազագույն աշխատավարձի մասին» ՀՀ օրենքի 1-ին հոդվածի համաձայն /․․․/ 1. Հայաստանի Հանրապետությունում նվազագույն ամսական աշխատավարձը սահմանել 75.000 դրամ:/․․․/։
Հաշվի առնելով մեղադրյալի անձը, նրա կատարած հանցանքի ծանրությունը, մեղադրյալի մոտից հայտնաբերված թմրամիջոցի քանակը, տեսակը Դատարանը եզրահանգում է, որ սույն պարագայում պատժի նպատակների իրագործմանը կարելի է հասնել մեղադրյալին վերագրվող հոդվածի սանկցիայով նախատեսված նվազ խիստ պատժի՝ տուգանքի, նշանակման արդյունքում:Դատարանի նման եզրահանգումը պայմանավորված է նրանով, որ մեղադրյալը հանցանք կատարելու պահին չի ունեցել դատվածություն, տվել է խոստովանական ցուցմունք՝ ընդունել է իր կողմից թմրամիջոց ապօրինի ձեռքբերելու և ապօրինի օգտագործելու հանգամանքը, զղջացել է իր կատարածի համար, որպիսի պատժի նպատակների իրագործման համար պահանջվեր ավելի խիստ պատժատեսակ:
Նկատի ունենալով, որ Դատարան չի ներկայացվել Գագիկ Կյուրեխյանի՝ հանցանքը կատարելուց առաջ մեկ տարվա ընթացքում ստացած, միջին եկամուտի պարզման վերաբերյալ տեղեկություն, ուստի Դատարանը, որպես հաշվարկային միավոր ընդունում է հանցանք կատարելու օրվա դրությամբ սահմանված նվազագույն աշխատավարձը և պատիժ նշանակում յուրաքանչյուր դրվագի համար տուգանք՝ նվազագույն աշխատավարձի հնգապատիկի չափով՝ 375․000 ՀՀ դրամ։
ՀՀ քրեական օրենսգրքի 74-րդ հոդվածի 9-րդ մասով սահմանված կարգով նշանակված պատիժները ամբողջությամբ գումարել 1-ին դրվագի համար նշանակված պատժին և վերջնական պատիժ նշանակել տուգանք 1.125.000 ՀՀ դրամ:
Նկատի ունենալով, որ գործի քննության ընթացքում մեղադրյալը փաստացի անազատության մեջ է գտնվել՝ 7 ամիս 28 օր, ուստի Դատարանը գտնում է, որ անազատության մեջ գտնվելու ժամկետի և նշանակված պատժի հարաբերակցության պայմաններում մեղադրյալը ենթակա է ազատման պատիժը կրելուց:
Անդրադառնալով խափանման միջոցի հարցին, Դատարանը գտնում է, որ Գագիկ Կյուրեխյանի նկատմամբ ընտրված խափանման միջոցը` տնային կալանքը պետք է վերացնել, իսկ բացակայելու արգելքը, պետք է թողնել անփոփոխ, մինչև դատավճռի օրինական ուժի մեջ մտնելը:
Դատավճիռը օրինական ուժի մեջ մտնելուց հետո Գագիկ Կյուրեխյանի վերաբերյալ Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքը պետք է վերացնել:
Դատավճիռն ուժի մեջ մտնելուց հետո քրեական գործով իրեղեն ապացույց ճանաչված 2.81 գրամ հաստատուն չոր քաշով մարիխուանա տեսակի, 0.64 գրամ (0.57 գրամ+0.07 գրամ) քաշով մեթամֆետամին, 0.26 գրամ քաշով հերոին տեսակի թմրամիջոցները, ինչպես նաև 0.04 գրամ քաշով (0.03 գրամ և 0.01 գրամ) մեթամֆետամին, մեֆեդրոն և մեթադոն տեսակի թմրամիջոցների պատրաստուկը ուղարկել ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն քննչական բաժին՝ թիվ 10833624 քրեական վարույթին կցելու և վարույթի շրջանակներում պահելու համար։
Գագիկ Կյուրեխյանին ազատել վարույթային ծախսեր վճարելուց, մեղադրյալի նյութական ոչ բարվոք դրությունը հաշվի առնելու հիմքով։
ՀՀ քրեական դատավարության օրենսգրքի 348-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ ի թիվս այլնի նաև գույքի նկատմամբ կիրառված (կիրառվելիք) արգելադրման, գույքային հայցի հարցերին, սակայն Դատարանը, պարզելով, որ սույն քրեական գործով մեղադրյալի գույքի վրա արգելանք չի կիրառվել, գույքային հայց չի ներկայացվել, սահմանափակվում է այդ փաստերի արձանագրմամբ:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 97-րդ, 102-րդ, 105-րդ, 276-րդ, 348-349-րդ, 352-356-րդ և 364-րդ հոդվածներով` Դատարան․
Վ Ճ Ռ Ե Ց

Գագիկ Կյուրեխյանին մեղավոր ճանաչել ՀՀ քրեական օրենսգրքի 396-րդ հոդվածի 1-ին մասով նախատեսված 1-ին դրվագ հանցանք կատարելու մեջ և նրա նկատմամբ նշանակել պատիժ տուգանք՝ հանցանք կատարելու պահին սահմանված նվազագույն աշխատավարձի հնգապատիկի չափով՝ 375․000 ՀՀ դրամ։

շ
Գագիկ Կյուրեխյանին մեղավոր ճանաչել ՀՀ քրեական օրենսգրքի 396-րդ հոդվածի 1-ին մասով նախատեսված 2-րդ դրվագ հանցանք կատարելու մեջ և նրա նկատմամբ նշանակել պատիժ տուգանք՝ հանցանք կատարելու պահին սահմանված նվազագույն աշխատավարձի հնգապատիկի չափով՝ 375․000 ՀՀ դրամ։
Գագիկ Կյուրեխյանին մեղավոր ճանաչել ՀՀ քրեական օրենսգրքի 396-րդ հոդվածի 2-րդ մասով նախատեսված 3-րդ դրվագ հանցանք կատարելու մեջ և նրա նկատմամբ նշանակել պատիժ տուգանք՝ հանցանք կատարելու պահին սահմանված նվազագույն աշխատավարձի հնգապատիկի չափով՝ 375․000 ՀՀ դրամ։
ՀՀ քրեական օրենսգրքի 74-րդ հոդվածի 9-րդ մասով սահմանված կարգով նշանակված պատիժները ամբողջությամբ գումարել 1-ին դրվագ հանցանքի համար նշանակված պատժին և վերջնական պատիժ նշանակել տուգանք 1.125.000 ՀՀ դրամ:
ՀՀ քրեական օրենսգրքի 79-րդ հոդվածի 4-րդ կետի կիրառմամբ հաշվի առնելով, որ գործի քննության ընթացքում մեղադրյալը փաստացի անազատության մեջ է գտնվելու 7 ամիս 28 օրը՝ նրան ազատել պատիժը կրելուց:
Գագիկ Կյուրեխյանի նկատմամբ ընտրված խափանման միջոցը` տնային կալանքը, վերացնել, իսկ բացակայելու արգելքը, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը օրինական ուժի մեջ մտնելուց հետո Գագիկ Կյուրեխյանի վերաբերյալ Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքը պետք է վերացնել:
Իրեղեն ապացույցներ հարցը լուծել դատավճռով սահմանված կարգով։
Գույքային հայցի, վարութային ծախսերի հարցը համարել լուծված:
Քրեական գործին կցված արտավարութային փաստաթղթերը պահել քրեական գործի հետ միասին՝ դրանց պահելու ամբողջ ժամանակամիջոցում:
Դատավճիռը կարող է բողոքարկվել Հայաստանի Հանրապետության վերաքննիչ քրեական դատարան` ստանալու օրվանից մեկամսյա ժամկետում:


ԴԱՏԱՎՈՐ` ՄՈՒՇԵՂ ԱՐԱՄՅԱՆ