ԵԴ1/2103/01/25




ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«21» օգոստոսի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` Դատարան)

նախագահությամբ՝ դատավոր Տաթևիկ Մուրադյանի,
քարտուղարությամբ՝ Ագնետա Հակոբյանի,

մասնակցությամբ`
հանրային մեղադրող՝ Դավիթ Մարգարյանի,
պաշտպան՝ Զոյա Սակովայի,
մեղադրյալ՝ Սերգեյ Մարտիրոսյանի,

դռնբաց դատական նիստում, արագացված կարգով քննելով քրեական գործն ըստ մեղադրանքի`
Սերգեյ Գևորգի Մարտիրոսյանի՝
ծնված՝ 15.07.1995թ. Արմավիրի մարզի Էջմիածին քաղաքում, ազգությամբ հայ, ՀՀ քաղաքացի, ամուսնացած, խնամքին մեկ երեխա, չի աշխատում, միջնակարգ կրթությամբ, արարքը կատարելու պահին չդատված, ներկայումս դատված, հաշվառված և բնակվում է՝ ք. Էջմիածին, Արագածի զանգված, 16-րդ շենք, 76-րդ բնակարան հասցեում, որպես խափանման միջոց է կիրառվել բացակայելու արգելքը ՀՀ քրեական օրենսգրքի 344-րդ հոդվածի 1-ին մասով,

ՊԱՐԶԵՑ

1. Քրեական գործի դատավարական նախապատմությունը.
2025 թվականի հունվարի 23-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60126925 քրեական վարույթը:
2025 թվականի ապրիլի 16-ին ՀՀ դատախազության Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ. Մարգարյանի որոշմամբ՝ թիվ 60126925 քրեական վարույթով Սերգեյ Գևորգի Մարտիրոսյանի նկատմամբ ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում:
2025 թվականի հունիսի 18-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/2103/01/25 քրեական գործն ըստ մեղադրանքի՝ Սերգեյ Գևորգի Մարտիրոսյանի՝ ՀՀ քրեական օրենսգրքի 344-րդ հոդվածի 1-ին մասով։
Նույն օրը քրեական գործն էլեկտրոնային եղանակով մակագրվել և 2025 թվականի հունիսի 16-ին հանձնվել է Երևան քաղաքի առաջին ատյանի ընդհանուր իրավասության քրեական դատարանի դատավոր Տաթևիկ Մուրադյանին:
2025 թվականի հունիսի 18-ին դատավոր Տաթևիկ Մուրադյանի կողմից որոշում է կայացվել թիվ ԵԴ1/2103/01/25 քրեական գործով վարույթ ստանձնելու և նախնական դատալսումներ նշանակելու մասին։
2. Մեղադրանքի փաստական նկարագրությունը.
Սերգեյ Գևորգի Մարտիրոսյանին մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով` այն բանի համար, որ «նա 2024 թվականի դեկտեմբերի 27-ին՝ ժամը 04:29-ի սահմաններում, վարել է «Լադա» մակնիշի 37 QV 603 հաշվառման համարանիշի ավտոմեքենան՝ զրկված լինելով տրանսպորտային միջոցներ վարելու իրավունքից:
Այսպես.
ՀՀ ՆԳՆ ոստիկանության պարեկային ծառայության կողմից թիվ 8180410906 վարչական իրավախախտման գործով 2024 թվականի մայիսի 21-ին կայացված որոշմամբ Սերգեյ Գևորգի Մարտիրոսյանը 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2024 թվականի մայիսի 21-ից մինչև 2025 թվականի մայիսի 21-ը, որի մասին տեղում ծանուցվել է և ստորագրությամբ ստացել որոշման պատճենը: Տեղյակ լինելով, որ զրկված է տրանսպորտային միջոցներ վարելու իրավունքից՝ Սերգեյ Գևորգի Մարտիրոսյանը, զրկման ժամկետը դեռ չլրացած, 2024 թվականի դեկտեմբերի 27-ին՝ ժամը 04:29-ի սահմաններում, Երևան քաղաքի Մոսկովյան փողոցում վարել է «Լադա» մակնիշի 37 QV 603 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծա-ռայության կրտսեր պարեկ Հակոբ Կարապետյանի կողմից նույն օրը՝ ժամը 04:35-ին, կազմվել է վարչական իրավախախտման վերաբերյալ թիվ 8180424586 արձանագրությունը:»:
3. Արագացված վարույթը և լրացուցիչ դատալսումների ընթացքում հետազոտված թույլատրելի ապացույցները.
Նախնական դատալսումների ընթացքում մեղադրյալ Սերգեյ Գևորգի Մարտիրոսյանը ներկայացրեց արագացված վարույթ կիրառելու մասին միջնորդություն՝ հայտնելով, որ իրեն պարզ է ներկայացված մեղադրանքը, ամբողջությամբ համաձայն է ներկայացված մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված վարույթ կիրառելու հետևանքները և պնդում է ներկայացված միջնորդությունը:
Հանրային մեղադրող Դավիթ Մարգարյանը չառարկեց արագացված վարույթ կիրառելու դեմ:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-րդ հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց լրացուցիչ դատալսումներ անցկացնելու մասին:
Լրացուցիչ դատալսումների ընթացքում հետազոտվել են հետևյալ թույլատրելի ապացույցները.
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված ձև 8 և ձև 9 տեղեկանքները, համաձայն որոնց՝ Սերգեյ Գևորգի Մարտիրոսյանի վերաբերյալ առկա է ընթացիկ քրեական վարույթ, որը գտնվում է դատաքննության փուլում, բացի այդ՝ Արմավիրի մարզի առաջին ատյանի ընդհանուր իրավասության դատարանի՝ 2025 թվականի մայիսի 20-ի թիվ ԱՐԴ/0323/01/25 դատավճռով մեղադրյալ Սերգեյ Գևորգի Մարտիրոսյանը մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով նախատեսված արարքում և որպես պատիժ նշանակվել է հանրային աշխատանքներ՝ 60 (վաթսուն) ժամ տևողությամբ: ՀՀ քրեական օրենսգրքի 75-րդ հոդվածով նախատեսված կարգի կիրառմամբ նշանակված պատժին լրիվ գումարվել է Արմավիրի մարզի առաջին ընդհանուր իրավասության դատարանի 2024 թվականի հոկտեմբերի 17-ի թիվ ԱՐԴ/0970/01/24 դատավճռով նշանակված 375.000 (երեք հարյուր յոթանասունհինգ հազար) ՀՀ դրամ տուգանքի չվճարված մասը՝ 278.750 (երկու հարյուր յոթանասունութ հազար յոթ հարյուր հիսուն) ՀՀ դրամ տուգանքը և Սերգեյ Գևորգի Մարտիրոսյանի նկատմամբ վերջնական պատիժ է նշանակվել հանրային աշխատանքներ՝ 60 (վաթսուն) ժամ տևողությամբ և տուգանք՝ 278.750 (երկու հարյուր յոթանասունութ հազար յոթ հարյուր հիսուն) ՀՀ դրամի չափով:
 Միասնական էլեկտրոնային տեղեկատվական համակարգում կատարված հարցման պատասխանի համաձայն՝ հանցանքն ավարտվելու օրվան նախորդող 12 ամիսների ընթացքում ՀՀ պետական եկամուտների կոմիտեի տվյալների շտեմարանում Սերգեյ Գևորգի Մարտիրոսյանի ստացած միջին ամսական եկամտի 35 տոկոսի չափը պակաս է նվազագույն աշխատավարձի չափից։
 ՀՀ ԱՆ պրոբացիայի ծառայության Արմավիրի մարզային մարմնի պետի գրությունը, համաձայն որի՝ 21.08.2025 թվականի դրությամբ Սերգեյ Գևորգի Մարտիրոսյանի կողմից կատարվել է 16 ժամ հանրային աշխատանքներ, իսկ 278.750 ՀՀ դրամ տուգանքից կատարվել է 64.000 ՀՀ դրամ վճարում:
4. Դատարանի փաստական վերլուծությունները և հաստատված կամ հերքված փաստական հանգամանքները.
Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
Սերգեյ Գևորգի Մարտիրոսյանը սույն քրեական գործով արարքը կատարելու պահին դատվածություն չի ունեցել, ներկայումս վերջինս ունի դատվածություն և պատժի չկրած մասը կազմում է 44 (քառասունչորս) ժամ տևողությամբ հանրային աշխատանքներ և 214.750 (երկու հարյուր տասնչորս հազար յոթ հարյուր հիսուն) ՀՀ դրամի չափով տուգանք։
5. Դատարանի իրավական վերլուծությունները, հետևությունները և որոշումները.
Արագացված վարույթ կիրառելու պայմաններում Դատարանն ապացուցված է համարում մեղադրյալ Սերգեյ Գևորգի Մարտիրոսյանին վերագրվող փաստական հանգամանքները (արարքը), այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, ինչպես նաև գտնում է, որ մեղադրյալ Սերգեյ Գևորգի Մարտիրոսյանի արարքի նկատմամբ պետք է կիրառվի ՀՀ քրեական օրենսգրքի 344-րդ հոդվածի 1-ին մասը:
Դատարանի կողմից հաստատված փաստական հանգամանքների հիման վրա Դատարանը գտնում է, որ անձը բնութագրող հանգամանք է այն, որ ներկայումս նույնաբնույթ հանցանքի կատարման համար ունի դատվածություն։
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, գտնում է, որ Սերգեյ Մարտիրոսյանի պատասխանատվությունն ու պատիժը մեղմացնող հանգամանք պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը (Դատարանի նման մոտեցումը համահունչ է Սերոբ Սարգսյանի գործով 2012 թվականի նոյեմբերի 1-ի թիվ ՍԴ/0109/01/12 որոշման 27-րդ կետում ՀՀ վճռաբեկ դատարանի արտահայտած իրավական դիրքորոշմանը):
Դատարանը միաժամանակ արձանագրում է, որ Սերգեյ Մարտիրոսյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71-րդ հոդվածի 1-ին մասով նախատեսված հանգամանքներ առկա չեն:
Դատարանը գտնում է, որ կատարած հանցանքի համար մեղադրյալ Սերգեյ Մարտիրոսյանը ենթակա է պատժի։
Դատարանը, հաշվի առնելով Սերգեյ Մարտիրոսյանի կատարած հանցագործության բնույթը և հանրության համար վտանգավորության աստիճանը, այդ թվում՝ նրա կատարած կոնկրետ արարքը, խախտված հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը, դրանք համադրելով նրա անձը բնութագրող տվյալների, պատասխանատվությունն ու պատիժը մեղմացնող հանգամանքի առկայության, պատասխանատվությունն ու պատիժը ծանրացնող հանգամանքների բացակայության, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքների հետ, հաշվի առնելով նաև այն, որ ՀՀ քրեական օրենսգրքի 344-րդ հոդվածի 1-ին մասի սանկցիայով որպես հիմնական պատիժ է նախատեսված նաև հանրային աշխատանքների ձևով և ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար նշված հանցագործության կատարման համար առավել խիստ պատիժ նշանակելու անհրաժեշտությունը բացակայում է, իսկ առավել մեղմ պատիժ նշանակելու անհրաժեշտությունը բացակայում է հաշվի առնելով այն, որ մեղադրյալը չունի եկամուտներ և չի առարկել իր նկատմամբ հանրային աշխատանքներ պատիժ նշանակվելու դեպքում այն կատարելու դեմ, Դատարանը գտնում է, Սերգեյ Մարտիրոսյանի նկատմամբ ՀՀ քրեական օրենսգրքի 344-րդ հոդվածի 1-ին մասով հիմնական պատիժ պետք է նշանակել հանրային աշխատանքներ՝ 60 վաթսուն ժամ տևողությամբ:
Դատարանը գտնում է նաև, որ ՀՀ քրեական օրենսգրքի 74-րդ հոդվածի 11-րդ մասի կիրառմամբ Սերգեյ Գևորգի Մարտիրոսյանի նկատմամբ սույն դատավճռով նշանակված պատժին՝ 60 (վաթսուն) ժամ տևողությամբ հանրային աշխատանքներին պետք է լրիվ գումարել Արմավիրի մարզի առաջին ատյանի ընդհանուր իրավասության դատարանի 2025 թվականի մայիսի 20-ի թիվ ԱՐԴ/0323/01/25 դատավճռով նշանակված վերջնական պատժի` 60 (վաթսուն) ժամ տևողությամբ հանրային աշխատանքների չկատարած մասը՝ 44 (քառասունչորս) ժամ տևողությամբ հանրային աշխատանքները, ինչպես նաև 278.750 (երկու հարյուր յոթանասունութ հազար յոթ հարյուր հիսուն) ՀՀ դրամի չափով տուգանքի չվճարած մասը՝ 214.750 (երկու հարյուր տասնչորս հազար յոթ հարյուր հիսուն) ՀՀ դրամի չափով տուգանքը, և վերջնական պատիժ նշանակել հանրային աշխատանքներ՝ 104 (հարյուր չորս) ժամ տևողությամբ և տուգանք` 214.750 (երկու հարյուր տասնչորս հազար յոթ հարյուր հիսուն) ՀՀ դրամի չափով:
Դատարանը միաժամանակ գտնում է, որ կատարած հանցանքի համար Սերգեյ Մարտիրոսյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-14-րդ կետերով նշված հարցերին անդրադառնալու անհրաժեշտությունը սույն քրեական վարույթով բացակայում է։
Անդրադառնալով մեղադրյալի նկատմամբ ընտրված խափանման միջոցի հարցին՝ Դատարանն արձանագրում է, որ Սերգեյ Մարտիրոսյանի նկատմամբ որպես խափանման միջոց ընտրված բացակայելու արգելքը պետք է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո պետք է վերացնել:
Դատարանը գտնում է, որ վարութային ծախսերի հարցը պետք է համարել լուծված, քանի որ արագացված վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Սերգեյ Գևորգի Մարտիրոսյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.4 հոդվածի 3-րդ մասի։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ, 352-353-րդ, 364-րդ, 464.4 և 464.5 հոդվածներով` Դատարանը

ՎՃՌԵՑ

Սերգեյ Գևորգի Մարտիրոսյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարման մեջ, և նրա նկատմամբ պատիժ նշանակել հանրային աշխատանքներ՝ 60 (վաթսուն) ժամ տևողությամբ։
ՀՀ քրեական օրենսգրքի 74-րդ հոդվածի 11-րդ մասի կիրառմամբ Սերգեյ Գևորգի Մարտիրոսյանի նկատմամբ սույն դատավճռով նշանակված պատժին՝ 60 (վաթսուն) ժամ տևողությամբ հանրային աշխատանքներին լրիվ գումարել Արմավիրի մարզի առաջին ատյանի ընդհանուր իրավասության դատարանի 2025 թվականի մայիսի 20-ի թիվ ԱՐԴ/0323/01/25 դատավճռով նշանակված վերջնական պատժի` 60 (վաթսուն) ժամ տևողությամբ հանրային աշխատանքների չկատարած մասը՝ 44 (քառասունչորս) ժամ տևողությամբ հանրային աշխատանքները, ինչպես նաև 278.750 (երկու հարյուր յոթանասունութ հազար յոթ հարյուր հիսուն) ՀՀ դրամի չափով տուգանքի չվճարած մասը՝ 214.750 (երկու հարյուր տասնչորս հազար յոթ հարյուր հիսուն) ՀՀ դրամի չափով տուգանքը, և վերջնական պատիժ նշանակել հանրային աշխատանքներ՝ 104 (հարյուր չորս) ժամ տևողությամբ և տուգանք` 214.750 (երկու հարյուր տասնչորս հազար յոթ հարյուր հիսուն) ՀՀ դրամի չափով:
Դատավճիռն օրինական ուժի մեջ մտնելուց հետո Սերգեյ Գևորգի Մարտիրոսյանի նկատմամբ ընտրված խափանման միջոցը՝ բացակայելու արգելքը, վերացնել։
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում։




ԴԱՏԱՎՈՐ ՏԱԹԵՎԻԿ ՄՈՒՐԱԴՅԱՆ