ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

19․06․2025թ. թիվ ԵԴ1/2055/01/25 ք. Երևան
Երևան քաղաքի առաջին ատյանի ընդհանուր իրավասության քրեական դատարանը հետևյալ կազմով՝

Նախագահող դատավոր Կ.Ֆարխոյան
քարտուղարությամբ Մ. Բոզոյանի
մասնակցությամբ հանրային մեղադրող Ա․ Հեբոյանի
մեղադրյալ Պ․ Հակոբյանի

Դռնբաց դատական նիստում, դատարանում, քննեց քրեական վարույթն ըստ մեղադրանքի՝ Պարույր Դավիթի Հակոբյանի, ծնված 26․06․1996 թվականին Արարատի մարզ Նոր Խարբերդ գյուղում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, նախկինում դատված, հաշվառված և բնակվող *** հասցեում:
ՀՀ ՔԿ ԵՔՔՎ ՃՏՀ քննության բաժնում 07․05․2025 թվականին նախաձեռնվել է թիվ 60297925 քրեական վարույթը՝ ՀՀ քրեական օրենսգրքի 344-րդ հոդվածի 1-ին մասով (հատոր 1, վ․թ․ 12)։
Երևան քաղաքի Էրեբունի և Նուբարաշեն վարչական շրջանների դատախազության դատախազ Ա․ Հեբոյանի կողմից 21․05․2025 թվականին թիվ 60297925 քրեական վարույթով Պարույր Դավիթի Հակոբյանի նկատմամբ ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում: (հատոր 1, վ․թ․ 48)։
2025 թվականի մայիսի 22-ին Պարույր Դավթի Հակոբյանի նկատմամբ որպես խափանման միջոց է կիրառվել բացակայելու արգելքը: (հատոր 1, վ․թ․ 55-56)։
Սույն քրեական վարույթը մեղադրական եզրակացությամբ Երևան քաղաքի առաջին ատյանի ընդհանուր իրավասության քրեական դատարան է ուղարկվել 11․06․2025 թվականին, որը դատարանում ստացվել է նույն օրը և մակագրվել է դատավոր Կ. Ֆարխոյանին, իսկ 12․06․2025 թվականին հանձնվել է դատավոր Կ. Ֆարխոյանի աշխատակազմին:
2025 թվականի հունիսի 12-ին որոշում է կայացվել քրեական վարույթը ստանձնելու և նախնական դատալսումներ նշանակելու մասին:
2025 թվականի հունիսի 19-ին որոշում է կայացվել հիմնական դատալսումներ նշանակելու մասին:
2025 թվականի հունիսի 19-ին մեղադրյալ Պարույր Դավիթի Հակոբյանի նկատմամբ կայացվել է մեղադրական վերդիկտ:
Դատարանը պարզեց հետևյալը, որ սույն քրեական վարույթով մեղադրյալ Պարույր Դավիթի Հակոբյանը 1 տարի ժամկետով տրանսպորտային միջոց վարելու իրավունքից զրկված լինելու պայմաններում վարել է տրանսպորտային միջոց։
Այսպես,
Պարույր Դավիթի Հակոբյանը, ՀՀ ՆԳՆ ոստիկանության պարեկային ծառայության աշխատակցի կողմից կայացված 818 0407831 որոշմամբ 2024 թվականի հուլիսի 01-ից՝ 1 տարի ժամկետով տրանսպորտային միջոց վարելու իրավունքից զրկված լինելու պայմաններում և 2024 թվականի հուլիսի 2-ին տեղեկացված լինելով սույն որոշման մասին, 2025 թվականի ապրիլի 8-ին՝ ժամը 23:35-ին, Երևան քաղաքի Նար-Դոս փողոցում վարել է «Մերսեդես» մակնիշի, *** հաշվառման համարանիշի տրանսպորտային միջոցը, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից նույն օրը՝ ժամը 23:50-ին, կազմվել է վարչական իրավախախտման վերաբերյալ թիվ 8259039567 արձանագրությունը:
Քրեական վարույթի հիմնական դատալսումների ընթացքում մեղադրյալ մեղադրյալ Պարույր Դավիթի Հակոբյանը օգտվելով իր դատավարական իրավունքից հրաժարվեց ցուցմունք տալուց: Միաժամանակ խնդրեց հիմք ընդունել և հրապարակել իր կողմից նախաքննության ընթացքում տրված ցուցմունքը։
Մեղադրյալ Պարույր Դավիթի Հակոբյանին մեղսագրվող հանցավոր արարքը, բացի նրա կողմից տված խոստովանական ցուցմունքից հիմնավորվեց նաև հիմնական դատալսումների ընթացքում հետազոտված թույլատրելի ապացույցներով.
Մեղադրյալ Պարույր Դավիթի Հակոբյանի կողմից նախաքննության ընթացքում տրված և հիմնական դատալսումների ընթացքում հրապարակված ցուցմունքով այն մասին, որ իրեն առաջադրված մեղադրանքը հասկանալի է և պարզ, ընդունել է իրեն առաջադրված մեղադրանքը, իրեն մեղավոր է ճանաչել կատարած արարքում։ 2025 թվականի ապրիլի 08-ին վարել է տրանսպորտային միջոցներ վարելու իրավունքից զրկված վիճակում անհրաժեշտությունից ելնելով, քանի որ այդ օրը տանից եղբայրը զանգահարել է և հայտնել, որ իր հայրն իրեն վատ է զգում՝ ճնշումը բարձրացել է մինչև 200, այդ մասին լսելով՝ անմիջապես շտապել է հասնել տուն: Ստուգման նպատակով պարեկային ծառայության՝ ծառայողները կանգնեցրել են տրանսպորտային միջոցը և արձանագրել են իրավախախտումը: Հայտնել է, որ զղջում է կատարածի համար։(հատոր 1, վ․թ․ 65-66)։
-Զննում կատարելու մասին 19․05․2025 թվականի արձանագրությամբ, համաձայն որի՝ զննության է ենթարկվել ՀՀ ՆԳՆ ոստիկանության Պարեկային ծառայության 2-րդ գումարտակի 3-րդ վաշտ կրտսեր պարեկ Նարեկ Ասատուրի Սարգսյանի կողմից 2025 թվականի ապրիլի 08-ին ժամը 23:50-ին կազմված վարչական իրվախախտումների վերաբերյալ թիվ 8259039567 արձանագրությունն այն մասին, որ Պարույր Դավթի Հակոբյանը (ծնված՝ 26.06.1996թ., Արարատի մարզ, նոր Խարբերդ, 11-րդ փողոց, 13-րդ տուն, ՀԾՀ՝ 3601960184) 2025 թվականի ապրիլի 08-ին՝ ժամը 23:35-ի սահմաններում Երևան քաղաքի Նար-Դոսի փողոցում վարել է Մերսեդես մակնիշի *** հաշվառման համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված վիճակում: Արձանագրությանը կցվում է հատվածում գրառում առկա չէ:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ազգանուն և ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 201.1 թիվը։
2024 թվականի հունիսի 22-ին՝ ժամը 00:05-ին ՀՀ ՆԳՆ ոստիկանության Պարեկային ծառայության 1-ին գումարտակի 3-րդ վաշտ կրտսեր պարեկ Կարեն Համբարձումյանը կազմել է վարչական իրվախախտումների վերաբերյալ թիվ 818 0407831 արձանագրությունն այն մասին, որ Պարույր Դավթի Հակոբյանը (ծնված՝ 26.06.1996թ., Արարատի մարզ, նոր Խարբերդ, 11-րդ փողոց, 13-րդ տուն, ՀԾՀ՝ 3601960184) 2024 թվականի հունիսի 21-ին՝ ժամը 23:50-ի սահմաններում Երևան քաղաքի Արշակունյաց պողոտայում վարել է Մերսեդես մակնիշի*** հաշվառման համարանիշի տրանսպորտային միջոցը ոչ սթափ վիճակում:
Արձանագրությանը կցվում է հատվածում առկա է գրառում՝վ/վ՝ RF 948356, ս/հ 91100920, զ/հ 02036:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 68 թիվը։
Վարչական իրավախախտման վերաբերյալ արձանագրության թիվ 818 0407831 որոշմամբ քաղաքացի Պարույր Դավթի Հակոբյանին զրկել տրանսպորտային միջոցներ վարելու իրավունքից 1/մեկ/ տարի ժամկետով՝ 01-ը հուլիսի 2024 թվական: Որոշման պատճենի և կատարման կարգի մասի հատվածում առկա է ստորագրություն:
Վարորդական իրավունքի վերադարձման հատվածում առկա է ստորագրություն:
Վարորդի սթափության վիճակի զննության կտրոնի պատճենի զննությամբ պարզվել է, որ ստուգաչափման սարքի համարն է՝ 91100920, զննման համարը՝ 02036 զննման ամսաթիվը՝ 22.06.2024թ., զննման ժամը՝ 00:01:07-ին, վերջին ստուգաչափման ամսաթիվը՝ 30.01.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,546 մգ/լ, վարորդի անունն է՝ Պարույր՝ կողքին ստորագրություն, ազգանունը՝ Հակոբյան, տրանսպորտային միջոցի համարանիշը՝ 01 YY 063, վ/վ` RF 948356, Պ/Ծ տեսուչ՝ Համբարձումյան, կրծքանշանի համարը՝ 005302, ստորաբաժանումը՝ 1-ին գումարտակ, 3-րդ վաշտ:
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 115132 ստուգաչափման վկայականի պատճենի զննությամբ պարզվել է, որ վկայականն ուժի մեջ է 2024 թվականի հունվարի 30-ից մինչև 2025 թվականի հունվարի 30-ը, ստուգաչափման սարքի գործարանային համարն է 91100920, տեսակը՝ Jupiter X/RP, չափման տիրույթը՝ 0.000÷2,000մգ/լ, ճշտության դասը, կարգը /սխալանքը/ 0-0,1±5-%, 0,1-0,15±8%>0,15±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա. Մանուկյան, իսկ բաժնի /լաբորատորիայի վարիչ/ պետի անվան դիմաց առկա է ստորագրություն և նշված է Գ.Մարտիրոսյան:
2024 թվականի ապրիլի 04-ին՝ ժամը 21:39-ին ՀՀ ՆԳՆ ոստիկանության Պարեկային ծառայության 3-րդ գումարտակի 3-րդ վաշտ կրտսեր պարեկ Արման Արմենի Վարդանյանը կազմել է վարչական իրվախախտումների վերաբերյալ թիվ 818 0402737 արձանագրությունն այն մասին, որ Պարույր Դավթի Հակոբյանը (ծնված՝ 26.06.1996թ., Արարատի մարզ, նոր Խարբերդ, 11-րդ փողոց, 13-րդ տուն, ՀԾՀ՝ 3601960184) 2024 թվականի ապրիլի 04-ին՝ ժամը 21:27-ի սահմաններում Երևան քաղաքի Արգիշտի փողոցում վարել է Մերսեդես մակնիշի 01 YY 063 հաշվառման համարանիշի տրանսպորտային միջոցը ոչ սթափ վիճակում:
Արձանագրությանը կցվում է հատվածում առկա է գրառում՝զ/հ 01922, վ/վ՝ RF 948356:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 68 թիվը։
Վարչական իրավախախտման վերաբերյալ արձանագրության թիվ 818 0402737 որոշմամբ քաղաքացի Պարույր Դավթի Հակոբյանը տուգանվել է 29.000/քսանիննը հազար/ ՀՀ դրամ՝ 10-ը ապրիլի 2024 թվական: Որոշման պատճենի և կատարման կարգի մասի հատվածում առկա է ստորագրություն:
Վարորդական իրավունքի վերադարձման հատվածում առկա է ստորագրություն:
Վարորդի սթափության վիճակի զննության կտրոնի պատճենի զննությամբ պարզվել է, որ ստուգաչափման սարքի համարն է՝ 91101017, զննման համարը՝ 01922 զննման ամսաթիվը՝ 04.04.2024թ., զննման ժամը՝ 21:27:17-ին, վերջին ստուգաչափման ամսաթիվը՝ 07.12.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,147 մգ/լ, վարորդի անունն է՝ Պարույր՝ կողքին ստորագրություն, ազգանունը՝ Հակոբյան, տրանսպորտային միջոցի համարանիշը՝ 01 YY 063, վ/վ` RF 948356, Պ/Ծ տեսուչ՝ Վարդանյան, կրծքանշանի համարը՝ 08323, ստորաբաժանումը՝ 3-րդ գումարտակ, 3-րդ վաշտ:
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 136841 ստուգաչափման վկայականի պատճենի զննությամբ պարզվել է, որ վկայականն ուժի մեջ է 2024 թվականի հոկտեմբերի 07-ից մինչև 2025 թվականի հոկտեմբերի 07-ը, ստուգաչափման սարքի գործարանային համարն է 91101017, տեսակը՝ Jupiter X/RP, չափման տիրույթը՝ 0.000÷2,000մգ/լ, ճշտության դասը, կարգը /սխալանքը/ 0-0,1±5-%, 0,1-0,15±8%>0,15±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա. Մանուկյան, իսկ բաժնի /լաբորատորիայի վարիչ/ պետի անվան դիմաց առկա է ստորագրություն և նշված է Գ.Մարտիրոսյան:
ՀՀ ոստիկանության Ճանապարհային ոստիկանություն ծառայության էլեկտրոնային ռեգիստրից ստացված տեղեկատվության զննությամբ պարզվել է, որ Պարույր Դավթի Հակոբյան (ՀԾՀ՝ 3601960184) տվյալներով գտնվել է վարորդական իրավունքի վկայական զրկված վիճակում՝ սկիզբը՝ 02.07.2024թ., ավարտը՝ 02.07.2025թ.: (հատոր 1, վ.թ. 16-18):
-Որպես արտավարութային փաստաթուղթ ճանաչելու մասին 19․05․2025 թվականի որոշմամբ, համաձայն որի՝ (հատոր 1, վ.թ. 19-20):
Դատարանն արձանագրում է, որ հիմնական դատալսումների ընթացքում պատշաճ իրավական ընթացակարգով թույլատրելի բոլոր ապացույցները հանգամանորեն հետազոտվել են՝ դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, դատարանը հաստատված է համարում, որ Պարույր Դավիթի Հակոբյանը, ՀՀ ՆԳՆ ոստիկանության պարեկային ծառայության աշխատակցի կողմից կայացված 818 0407831 որոշմամբ 2024 թվականի հուլիսի 01-ից՝ 1 տարի ժամկետով տրանսպորտային միջոց վարելու իրավունքից զրկված լինելու պայմաններում և այդ մասին տեղեկացված լինելով, 2025 թվականի ապրիլի 8-ին՝ ժամը 23:35-ին, Երևան քաղաքի Նար-Դոս փողոցում վարել է «Մերսեդես» մակնիշի, 01 YY 063 հաշվառման համարանիշի տրանսպորտային միջոցը, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից նույն օրը՝ ժամը 23:50-ին, կազմվել է վարչական իրավախախտման վերաբերյալ թիվ 8259039567 արձանագրությունը:
Դատարանը հանգում է այն հետևության, որ մեղադրյալ Պարույր Դավիթի Հակոբյանը կատարել է իրեն մեղսագրված արարքը, որի համար կիրառելի է ՀՀ քրեական օրենսգրքի 344-րդ հոդվածի 1-ին մասը:
Դատարանը հաստատված համարելով հանցագործության և դրա կատարման մեջ Պարույր Դավիթի Հակոբյանի մեղքի ապացուցված լինելը, գտնում է, որ նա ենթակա է պատժի կատարածի համար:
Պարույր Դավիթի Հակոբյանի պատասխանատվությունը և պատիժը մեղմացնող, ինչպես նաև պատասխանատվությունը և պատիժը ծանրացնող հանգամանքներ առկա չեն:
Դատարանը մեղադրյալի նկատմամբ պատիժ նշանակելիս հաշվի է առնում ինչպես նրա կատարած գործողությունների բնույթն ու հանրության համար վտանգավորության աuտիճանը, պատասխանատվությունն ու պատիժը մեղմացնող և ծանրացնող հանգամանքների բացակայությունը, այնպես էլ նրա անձը բնութագրող տվյալները:
Մեղադրյալի նկատմամբ պատիժ նշանակելիս դատարանը ելնում է այն իրողությունից, որ օրենքի առաջնային պահանջը պատժի արդարացիությունն է, որը որպես քրեական իրավունքի սկզբունք ձևակերպված է ՀՀ քրեական օրենսգրքի 7-րդ հոդվածում. հանցանք կատարած անձի նկատմամբ կիրառվող պատիժը պետք է լինի արդարացի` համապատասխանի հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ ու բավարար լինեն նրան ուղղելու և նոր հանցագործությունները կանխելու համար:
ՀՀ քրեական օրենսգրքի 344-րդ հոդվածի 1-ին մասի սանկցիան պատիժ է նախատեսում տուգանքի ձևով` առավելագույնը տասնհինգապատիկի չափով, կամ հանրային աշխատանքներով` առավելագույնը հարյուր հիսուն ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով:
Նույն օրենսգրքի 59-րդ հոդվածի 3-րդ և 5-րդ մասերի համաձայն`
(․․․),
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով:
(․․․)
5. Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով: Տուգանքի չափը որոշվում է նույն կարգով, եթե հանցանք կատարած անձի եկամուտն առաջացել է հանցանքն ավարտվելուց հետո: Տուգանքի չափը որոշվում է նույն կարգով նաև այն դեպքում, երբ անձի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից:
Քրեաիրավական նշված նորմի վերլուծությունից պարզ է դառնում, որ տուգանքի հաշվարկման հիմքում դրվում է ոչ թե նվազագույն աշխատավարձը, այսինքն պետությունում սահմանված ֆիքսված որևէ գումար, այլ հանցանք կատարած անձի եկամուտը:
ՀՀ քրեական օրենսգրքի 3-րդ հոդվածի համաձայն.
(…)
Ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները, (…):
Հաշվի առնելով այն, որ քրեական նոր օրենսգրքում տուգանքի հաշվարկման հիմքում դրվում է հանցանք կատարած անձի եկամուտը, օրենսդիրը կարգավորել է նաև այն իրավիճակները, երբ անձը եկամուտ չունի կամ դրա չափը անհնարին է պարզել: Այդ դեպքերում տուգանքի չափը հաշվարկվում է հանցանքը կատարելու պահին նվազագույն ամսական աշխատավարձի չափով:
2022 թվականի դեկտեմբերի 7-ին ընդունված՝ «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն՝ 2023 թվականի հունվարի 1-ին ՀՀ-ում որպես նվազագույն ամսական աշխատավարձ է սահմանվել 75.000 ՀՀ դրամը: Նկատի ունենալով, որ մեղադրյալ Պարույր Դավիթի Հակոբյանը իրեն մեղսագրվող հանցանքը կատարել է 2025 թվականի ապրիլի 08-ին, ուստի տվյալ պահին ՀՀ-ում ամսական նվազագույն աշխատավարձը հաշվարկվում է 75.000 ՀՀ դրամի չափով, դատարանը գտնում է, որ վերջինիս նկատմամբ որպես պատիժ պետք է նշանակել տուգանք՝ նվազագույն աշխատավարձի վեցապատիկի՝ 450.000 ՀՀ դրամի չափով:
Քննության առնելով դատապարտված մեղադրյալի նկատմամբ ընտրված խափանման միջոցի հարցը՝ դատարանը գտնում է, որ այն պետք է թողնել անփոփոխ մինչև դատավճիռն օրինական ուժի մեջ մտնելը :
Ապացույց ճանաչված արտավարութային փաստաթղթերը պետք է պահել քրեական վարույթում՝ դրա պահպանման համար նախատեսված ողջ ժամանակահատվածում։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 270-րդ, 347-350-րդ հոդվածներով, դատարանը
ՎՃՌԵՑ
Պարույր Դավիթի Հակոբյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքում և նրա նկատմամբ որպես պատիժ նշանակել տուգանք՝ նվազագույն աշխատավարձի վեցապատիկի՝ 450.000 ՀՀ դրամի չափով։
Պարույր Դավիթի Հակոբյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճիռն օրինական ուժի մեջ մտնելը:
Ապացույց ճանաչված արտավարութային փաստաթղթերը պահել քրեական վարույթում՝ դրա պահպանման համար նախատեսված ողջ ժամանակահատվածում։
Դատավճիռը հատուկ վերանայման կարգով կարող է բողոքարկվել ՀՀ վերաքննիչ քրեական դատարան՝ այն ստանալու օրվանից մեկամսյա ժամկետում :


ԴԱՏԱՎՈՐ՝ Կ.ՖԱՐԽՈՅԱՆ