Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


ԵԴ1/1986/01/25

«26» նոյեմբերի 2025թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը՝

նախագահությամբ՝ դատավոր Ա. Մելիքսեթյանի,
քարտուղարությամբ՝ Ս. Ջավադյանի,

մասնակցությամբ՝
հանրային մեղադրող Վ․ Եդիգարյանի,
պաշտպան Ս․ Յուզբաշյանի,

դռնբաց դատական նիստում, հեռակա վարույթի կիրառմամբ, քննելով քրեական գործն ըստ մեղադրանքի՝
Արթուր Սիմոնի Աբդոյանի (ծնված՝ **** թ․, ազգությամբ հայ, ՀՀ քաղաքացի, ութամյա կրթությամբ, ամուսնացած, չի աշխատում, հաշվառված՝ ****, բնակվող՝ **** հասցեում)՝ ՀՀ քրեական օրենսգրքի 396-րդ հոդվածի 2-րդ մասով,

Պ Ա Ր Զ Ե Ց

1.Գործի դատավարական նախապատմությունը
1․1․ 2023 թվականի հուլիսի 14-ին՝ ժամը 20։30-ին Արթուր Սիմոնի Աբդոյանը ձերբակալվել է:
1․2․ 2023 թվականի հուլիսի 14-ին՝ ժամը 20։30-ին Գառնիկ Արմենակի Խաչերյանը ձերբակալվել է:
1․3․ 2023 թվականի հուլիսի 14-ին ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչկան շրջանների քննչական բաժնում ՀՀ քրեական օրենսգրքի 393-րդ հոդվածի 1-ին մասի և ՀՀ քրեական օրենսգրքի 396-րդ հոդվածի 1-ին մասի հատկանիշներով նախաձեռնել է թիվ 12196623 քրեական վարույթը։
1․4․ 2023 թվականի հուլիսի 15-ին որոշում է կայացվել հանցանք կատարած լինելու անմիջականորեն ծագած հիմնավոր առկայության հիմքով ձերբակալված Գառնիկ Արմենակի Խաչերյանին ազատ արձակելու մասին։
1․5․ 2023 թվականի հուլիսի 15-ին որոշում է կայացվել հանցանք կատարած լինելու անմիջականորեն ծագած հիմնավոր առկայության հիմքով Արթուր Սիմոնի Աբդոյանին ձերբակալելու մասին։
1․6․ 2023 թվականի հուլիսի 15-ին որոշում է կայացվել մեղադրյալ Արթուր Սիմոնի Աբդոյանի նկատմամբ ՀՀ քրեական օրենսգրքի 396-րդ հոդվածի 2-րդ մասով հանրային քրեական հետապնդում հարուցվելու մասին:
1․7․ 2023 թվականի հուլիսի 17-ին որոշում է կայացվել մեղադրյալ Արթուր Սիմոնի Աբդոյանի նկատմամբ որպես խափանման միջոց բացակայելու արգելքը կիրառելու մասին:
1․8․ 2023 թվականի հուլիսի 17-ին որոշում է կայացվել հանցանք կատարած լինելու անմիջականորեն ծագած հիմնավոր առկայության հիմքով ձերբակալված Արթուր Սիմոնի Աբդոյանին ազատ է արձակվել ձերբակալումից։
1․9․ 2023 թվականի հուլիսի 20-ին՝ ժամը 17։35-ին Կարեն Վարդգեսի Էլլարյանը ձերբակալվել է:
1․10․ 2023 թվականի հուլիսի 20-ին որոշում է կայացվել հանցանք կատարած լինելու անմիջականորեն ծագած հիմնավոր առկայության հիմքով Արթուր Սիմոնի Աբդոյանին ձերբակալելու մասին։
1․11․ 2023 թվականի հուլիսի 22-ին որոշում է կայացվել մեղադրյալ Կարեն Վարդգեսի Էլլարյանի նկատմամբ ՀՀ քրեական օրենսգրքի 393-րդ հոդվածի 2-րդ մասի 2-րդ և 3-րդ կետերով հանրային քրեական հետապնդում հարուցվելու մասին:
1․12․ 2023 թվականի հուլիսի 23-ին որոշում է կայացվել մեղադրյալ Կարեն Վարդգեսի Էլլարյանի նկատմամբ որպես խափանման միջոց կալանքը՝ երկու ամիս ժամկետով կիրառելու մասին:
1․13․ 2023 թվականի սեպտեմբերի 19-ին որոշում է կայացվել մեղադրյալ Կարեն Վարդգեսի Էլլարյանի նկատմամբ որպես խափանման միջոց կիրառված կալանքի ժամկետը երկու ամիս ժամկետով երկարաձգելու մասին:
1․14․ 2023 թվականի նոյեմբերի 30-ին որոշում է կայացվել թիվ 12196623 քրեական վարույթով Արթուր Սիմոնի Աբդոյանի նկատմամբ ՀՀ քրեական օրենսգրքի 396-րդ հոդվածի 2-րդ մասով հանրային քրեական հետապնդման ժամկետը կասեցնելու մասին՝ մեղադրյալի քննությունից խուսափելու հիմքով։
1․15․ 2024 թվականի հունվարի 05-ին որոշում է կայացվել թիվ 12196623 քրեական վարույթով Արթուր Սիմոնի Աբդոյանի նկատմամբ ՀՀ քրեական օրենսգրքի 396-րդ հոդվածի 2-րդ մասով հանրային քրեական հետապնդման կասեցված ժամկետը վերսկսելու մասին։
1․16․ 2024 թվականի հունվարի 17-ին ՀՀ քրեական օրենսգրքի 393-րդ հոդվածի 1-ին մասի և ՀՀ քրեական օրենսգրքի 393-րդ հոդվածի 2-րդ մասի 3-րդ կետի հատկանիշներով նախաձեռնել է թիվ 12102024 քրեական վարույթը:
1․17․ 2024 թվականի հունվարի 17-ին որոշում է կայացվել թիվ 12102024 քրեական վարույթը թիվ 12196623 քրեական վարույթին միացնելու և նախաքննությունը թիվ 12196623 քրեական վարույթի համարի ներքո շարունակելու մասին:
1․18․ 2024 թվականի հունվարի 17-ին որոշում է կայացվել թիվ 12196623 քրեական վարույթից ՀՀ քրեական օրենսգրքի 393-րդ հոդվածի 2-րդ մասի 3-րդ կետով նախատեսված հանրորեն վտանգավոր արարքը կատարելու դեպքի առթիվ թիվ 12102124 քրեական վարույթը անջատելու մասին:
1․19․ 2024 թվականի հունվարի 17-ին որոշում է կայացվել մեղադրյալ Արթուր Սիմոնի Աբդոյանի նկատմամբ ՀՀ քրեական օրենսգրքի 396-րդ հոդվածի 1-ին մասով հանրային քրեական հետապնդում չհարուցելու մասին՝ իրեն մեղսագրվող արարքը կատարած չլինելու հիմքով:
1․20․ 2024 թվականի հունվարի 24-ին Երևան քաղաքի առաջին ատյանի ընդհանուր իրավասության քրեական դատարան է ստացվել ՀՀ դատախազության Երևան քաղաքի Էրեբունի և Նուբարաշեն վարչական շրջանների դատախազությունից ստացված նախաքննական 12199623 համարով քրեական գործն ըստ մեղադրանքի՝ Արթուր Սիմոնի Աբդոյանի՝ ՀՀ քրեական օրենսգրքի 396-րդ հոդվածի 2-րդ մասով, և Կարեն Վարդգեսի Էլլարյանի՝ ՀՀ քրեական օրենսգրքի 393-րդ հոդվածի 2-րդ մասի 2-րդ և 3-րդ կետերով, քրեական գործին շնորհվել է ԵԴ1/0213/01/24 դատական գործի համարը և մակագրվել դատավոր Գ․ Պողոսյանին:
1․21․ 2024 թվականի հունվարի 29-ին Դատարանը /նախագահությամբ՝ դատավոր Գ․ Պողոսյանի/ որոշում է կայացրել թիվ ԵԴ1/0213/01/24 քրեական գործով վարույթ ստանձնելու և նախնական դատալսումներ նշանակելու մասին:
1․22․ 2024 թվականի ապրիլի 25-ին որոշում է կայացվել մեղադրյալ Կարեն Վարդգեսի Էլլարյանի նկատմամբ որպես խափանման միջոց կիրառված կալանքը՝ երեք ամիս ժամկետով կիրառելու մասին՝ դրա սկիզբը հաշվելով 2024թ. ապրիլի 28-ից:
1․23․ 2024 թվականի ապրիլի 25-ին որոշում է կայացվել մեղադրյալ Արթուր Սիմոնի Աբդոյանի նկատմամբ որպես խափանման միջոց կիրառված բացակայելու արգելքն անփոփոխ թողնելու մասին:
1․24․ 2024 թվականի հուլիսի 26-ին որոշում է կայացվել մեղադրյալ Կարեն Վարդգեսի Էլլարյանի նկատմամբ որպես խափանման միջոց կիրառված կալանքի ժամկետը երեք ամիս ժամկետով երկարաձգելու մասին:
1․25․ 2024 թվականի հոկտեմբերի 23-ին որոշում է կայացվել մեղադրյալ Կարեն Վարդգեսի Էլլարյանի նկատմամբ որպես խափանման միջոց կիրառված կալանքի փոփոխելու և վերջինիս նկատմամբ որպես խափանման միջոց համակցված՝ բացակայելու արգելքը, գրավը՝ 1․500․000 /մեկ միլիոն հինգ հարյուր հազար/ ՀՀ դրամի չափով և տնային կալանքը՝ երեք ամիս ժամկետով կիրառելու մասին։
1․26․ 2025 թվականի հունվարի 21-ին որոշում է կայացվել մեղադրյալ Կարեն Վարդգեսի Էլլարյանի նկատմամբ որպես խափանման միջոց կիրառված տնային կալանքի ժամկետը երեք ամիս ժամկետով երկարաձգելու մասին:
1․27․ 2025 թվականի փետրվարի 18-ին որոշում է կայացվել մեղադրյալ Արթուր Սիմոնի Աբդոյանի նկատմամբ որպես խափանման միջոց կիրառված բացակայելու արգելքը փոփոխելու և որպես խափանման միջոց կալանքը՝ 3 /երեք/ ամիս ժամկետով կիրառելու մասին:
1․28․ 2025 թվականի ապրիլի 22-ին դատավոր Գ․ Պողոսյանի անաշխատունակության հիմքով թիվ ԵԴ1/0213/01/24 քրեական գործը մակագրվել է դատավոր Ա․ Մելիքսեթյանին, աշխատակազմին է հանձնվել 2025 թվականի ապրիլի 23-ին։
1․29․ 2024 թվականի ապրիլի 23-ին Դատարանը որոշում է կայացրել թիվ ԵԴ1/0213/01/24 քրեական գործով վարույթ ստանձնելու և նախնական դատալասումներ նշանակելու մասին:
1․30․ 2025 թվականի ապրիլի 23-ին որոշում է կայացվել մեղադրյալ Կարեն Վարդգեսի Էլլարյանի նկատմամբ որպես խափանման միջոց կիրառված տնային կալանքի ժամկետը երեք ամիս ժամկետով երկարաձգելու մասին:
1․31․ 2025 թվականի մայիսի 14-ին որոշում է կայացվել թիվ ԵԴ1/0213/01/24 քրեական գործից մեղադրյալ Արթուր Սիմոնի Աբդոյանի վերաբերյալ մասն անջատելու և գործի քննությունը մեղադրյալ Կարեն Վարդգեսի Էլլարյանի մասով շարունակելու մասին։
1․32․ 2025 թվականի հունիսի 09-ին մեղադրյալ Արթուր Սիմոնի Աբդոյանի վերաբերյալ անջատված մասին շնորհվել է թիվ ԵԴ1/1986/01/25 քրեական գործի համարը, որը 2025 թվականի հունիսի 09-ին մակագրվել է և 2025 թվականի հունիսի 10-ին հանձնվել է դատավոր Ա․ Մելիքսեթյանին։
1․33․ 2024 թվականի հունիսի 10-ին Դատարանը որոշում է կայացրել թիվ ԵԴ1/1986/01/25 քրեական գործով վարույթ ստանձնելու և նախնական դատալասումներ նշանակելու մասին:

2. Մեղադրանքի փաստական նկարագրությունը.
Արթուր Սիմոնի Աբդոյանը, խախտելով «Թմրամիջոցների և հոգեմետ (հոգեներգործուն) նյութերի մասին» ՀՀ օրենքի 11-րդ հոդվածի 2-րդ կետի, ՀՀ Կառավարության 2010 թվականի մարտի 18-ի թիվ 270-Ն որոշման պահանջները, այն է՝ չունենալով բժշկական նպատակներով կամ բժշկի նշանակմամբ թմրամիջոցների և հոգեմետ /հոգեներգործուն/ նյութերի շրջանառություն իրականացնելու՝ թմրամիջոց ձեռք բերելու թույլտվություն, «Մեթամֆետամին» տեսակի թմրամիջոց ձեռք բերելու նպատակով 2023 թվականի հուլիսի 13-ին 40.000 ՀՀ դրամ առձեռն տվել է Կարեն Վարդգեսի Էլլարյանին և հաջորդ օրը՝ հուլիսի 14-ին Երևան քաղաքի Վարդաշեն 5-րդ փողոցի սկզբնամասից անձնական օգտագործման համար նախապես տրված գումարի դիմաց Կարեն Վարդգեսի էլլարյանից ապօրինի ձեռք է բերել և իր մոտ պահել հինգ փաթեթ, ընդհանուր խոշոր չափի 0.87 գրամ քաշով «Մեթամֆետամին» տեսակի թմրամիջոց, որը հայտնաբերվել է 2023 թվականի հուլիսի 14-ին ոստիկանության էրեբունու բաժնի աշխատակիցների կողմից Արթուր Աբդոյանի անձնական խուզարկությամբ' վերջինիս ջինսե տաբատի արջևի աջ գրպանից:

3. Դատաքննությամբ հետազոտված թույլատրելի ապացույցները.
3.1. Արթուր Սիմոնի Աբդոյանին 2023 թվականի հուլիսի 14-ին ձերբակալելու մասին կազմված արձանագրությունը։
3․2․ Կարեն Վարդգեսի Էլլարյանին 2023 թվականի հուլիսի 20-ին ձերբակալելու մասին կազմված արձանագրությունը։
3․3․ Արթուր Սիմոնի Աբդոյանին 2023 թվականի հուլիսի 14-ին անձնական խուզարկության ենթարկելու մասին կազմված արձանագրությունը, համաձայն որի՝ նրա մոտ հայտնաբերվել է փայլաթիթեղյա փաթեթ, որի մեջ եղել է սպիտակ բյուրեղանման զանգված, որի ընդհանուր քաշը կազմել է 0.23 գրամ, նույն տաբատի աջ փոքր գրպանից հայտնաբերվել է ապակյա լամպ, որի ներսի պատերին առկա է սպիտակավուն հետքեր և 1 հատ սև գույնի ռեզինե խողովակ, որի ներսի պատերին առկա են սպիտակ զանգվածի հետքեր, նույն գրպանի միջից հայտնաբերվել է սպիտակ պոլիէթիլենային տոպրակի մեջ թվով 4 հատ փայլաթիթեղյա փաթեթներ, որոնց մեջ առկա է սպիտակ գույնի բյուրեղանման զանգված ընդհանուրը 1,83 գրամ քաշով:
3․4․ 2023 թվականի հուլիսի 16-ին կատարված անձին լուսանկարով ճանաչման ներկայացնելու մասին կազմված արձանագրությունը, համաձայն որի՝ Արթուր Սիմոնի Աբդոյանին ճանաչման ներկայացված թվով 4 լուսանկարներում պատկերված երրորդ թվակիր համարի՝ լուսանկարում պատկերված անձին և հայտնել, որ վերջինս հանդիսացում է Կարեն Վարդգեսի Էլլարյանը, ով իրեն գումարի դիմաց իրացրել է «Մեթամֆետամին» տեսակի թմրամիջոց:
3․5․ Արթուր Աբդոյանին պատկանող «SONY» ապրանքանիշի, 358097057000022 գործարանային համարի բջջային հեռախոսում Երևան քաղաքի ընդհանուր իրավասության դատարանի թիվ ԵԴ1/0818/08/23 որոշման հիման թվային խուզարկություն կատարելու մասին արձանագրությունը, որի համաձայն «SONY» բջջային հեռախոսից հայտնաբերվել են քրեական վարույթի համար նշանակություն ունեցող տեղեկություններ։ Մասնավորապես, բջջային հեռախոսի «Տելեգրամ» հավելվածում առկա 055-499-311 բջջային հեռախոսահամարի, որը բջջային հեռախոսում գրանցված է եղել «Xsh» անվամբ, 2023 թվականի հուլիսի 14-ին կատարվել է հեռախոսազանգ, և Արթուր Աբդոյանի պնդմամբ հեռախոսազանգին պատասխանել է Կարեն Էլլարյանը, ում հետ նախապես 40,000 ՀՀ դրամ գումարի դիմաց ձեռք է բերել պայմանավորվածություն «Կրիստալ» տեսակի թմրամիջոց ձեռք բերելու պայմանով:
3․6․ Կարեն Էլլարյանին պատկանող «Այֆոն» ապրանքանիշի, 356555080812178 գործարանային համարի բջջային հեռախոսում Երևան քաղաքի ընդհանուր իրավասության դատարանի թիվ ԵԴ1/0874/08/23 որոշման հիման թվային խուզարկություն կատարելու մասին արձանագրությունը, որի համաձայն «Այֆոն» բջջային հեռախոսից հայտնաբերվել են՝ քրեական վարույթի համար նշանակություն ունեցող տեղեկություններ: Մասնավորապես, Կարեն էլայանի կողմից շահագործվող բջջային հեռախոսի Վաթսափ հավելվածից թվային խուզարկությամբ ժամանակ հայտնաբերված հաղորդագրությունների զննությամբ պարզվել է, որ Կարեն Էլայանը Վաթսափ հավելվածով հեռախոսազանգեր և հաղորդագրություններ է ունեցել Լենական Արմեն անվամբ գրանցած +7917559-55-57 բջջային հեռախոսահամարի օգտատիրոջ հետ: Մասնավորապես՝ հաղորդագրությունների զնննությամբ պարզվել է, որ առկա են բազմաթիվ հեռախոսազանգեր հիշյալ հեռախոսահամարի հետ: Թվով առաջին ձայնային հաղորդագրությունը ուներ հետևյալ բովանդակությունը՝ արա Կարեն ձեռ ես առնում քեզանից բան պետք չի ինձ արի ուզում եմ քեզ ուղակի տենամ/, այնուհետև առկա էր հաղորդագրություն, որը ուղարկվել էր Կ. Էլլայանի կողմից՝ /Հոպ հողի տակ/, /ուրես դրել, այնուհետև առկա էր ձայնային հաղորդագրություն, որը ուղարկվել է Կարեն Էլայանին հիշյալ օգտատիրոջ կողմից /արա Կարեն բայց դու էս ինչ կապիկ էս ուր ես դրել, հո վատ չես,/
3․7․ Արտավարույթային փաստաթուղթ ճանաչելու մասին 15.07.2023թ. որոշումը, որով քրեական վարույթի շրջանակներից դուրս ձևավորված, 15.07.2023թ. իրականացած թվային խուզարկությամբ վերցված, լազերային սկավառակի վրա պատճենված և նույն օրը զննված գրառումները ճանաչվել են արտավարութային փաստաթուղթ և թողնվել են կցված քրեական վարույթի նյութերին՝ թվային խուզարկության արձանագրությանը:
3․8․ Փորձագետի թիվ 578 Ք-23 եզրակացությունը, համաձայն որի փորձաքննության ներկայացված ծրարում առկա ընդհանուր 0,87 գրամ քաշով բյուրեղանման զանգվածը հանդիսանում է «Մեթամֆետամին» տեսակի թմրամիջոց:
3․9․ «ՄՏՍ Հայաստան», ՓԲ ընկերությունից ստացված բջջային հեռախոսահամարների հեռախոսազանգերի վերծանումները, բաժանորդային տվյալները և հեռախոսազանգերը սպասարկած ալեհավաք կայանների հասցեները զննություն կատարելու մասին արձանագրությունը, համաձայն որի զննությամբ հաստատվել է Արթուր Աբդոյանի կողմից շահագործվող 098-666-341 բջջային հեռախոսահամարի և 055-499-311 բջջային հեռախոսահամարի կապը։
3․10․ Արտավարույթային փաստաթուղթ ճանաչելու մասին 29.08.2023թ. որոշումը, որով քրեական վարույթի շրջանակներից դուրս ձևավորված, 29.08.2023թ, կատարված 098-666-341, 044-499-311 և 055-499-311 բջջային հեռախոսահամրների վերծանումների զննում կատարելու մասին արձանագրությամբ։
3․11․ Իրեղեն ապացույց ճանաչված՝ 0,87 գրամ քաշով «Մեթամֆետամին» տեսակի թմրամիջոցը:
3․12․ Իրեղեն ապացույց ճանաչված «SONY» ապրանքանիշի 358097057000022 գործարանային համարով բջջային հեռախոսը։
3․13․ Հաշվի առնելով, որ գործի քննությունն իրականացվել է հեռակա վարութի կիրառմամբ, ուստի հրապարակվել մեղադրյալ Արթուր Սիմոնի Աբդոյանի՝ 2023 թվականի հուլիսի 14-ի ձերբակալվածի կարգավիճակով տված ցուցմունքը՝ հետևյալ բովանդակությամբ․՝
Ինձ պարզաբանվել է իմ իրավունքներն ու պարտականությունները, այդ թվում նաև պարտադիր պաշտպան ունենալու իմ իրավունքը: Հոգեբուժական և նարկոլոգիական հիմնարկներում գտնվում եմ հաշվառման մեջ։ Ներկայումս գտնվում եմ սթափ վիճակում։ Ըստ էության ցուցմունք եմ տալիս այն մասին, որ հիմնականում բնակվում եմ վերը նշված հասցեում ընտանիքիս հետ միասին: Հիմնականում շահագործում եմ վերը նշված բջջային հեռախոսահամարը, որը 2023 թվականի հուլիսի 14-ին իմ անձնական խուզարկությամբ վերցվել է ՀՀ ոստիկանության Էրեբունու բաժնի աշխատակիցների կողմից, բաժանորդային քարտը տեղադրված է եղել ինձ պատկանող «նոկիա» բջջային հեռախոսի մեջ:
Հարց- 2023 թվականի հուլիս 14-ին Երևան քաղաքի Վարդաշեն 5-րդ փողոցի սկզբնամասից ապօրինի թմրամիջոց ձեռք բերելու, պահելու և իրացնելու կասկածանքով ձերբակալվել և բերվել եք ՀՀ ոստիկանության Էրեբունու բաժին, որտեղ Ձեր անձնական խուզարկության ժամանակ Ձեր հագուստի վրայից հայտնաբերվել են փայլաթիթեղյա փաթեթ, որի մեջ եղել է սպիտակ բյուրեղանման զանգված, որի ընդհանուր քաշը կազմել է 0.23 գրամ, ապակյա լամպ, որի ներսի պատերին առկա է սպիտակավուն հետքեր և 1 հատ սև գույնի ռեզինե խողովակ, որի ներսի պատերին առկա են սպիտակ զանգվածի հետքեր, հայտնաբերվել է սպիտակ պոլիէթիլենային տոպրակի մեջ թվով 4 հատ փայլաթիթեղյա փաթեթներ, որոնց մեջ առկա է սպիտակ գույնի բյուրեղանման զանգված ընդհանուր 1.83 գրամ քաշով, հայտնաբերվել է նաև սպիտակ թղթով փաթեթավորված ընդհանուրը 2.42 գրամ քաշով կանաչավուն զանգված։ Հայտնեք հայտնաբերվածներից յուրաքանչյուրը ինչ է հանդիսանում:
Պատասխան- Հայտնում եմ, որ իմ հագուստի վրայից հայտնաբերված թվով 5 հատ փայլաթիթեղյա փաթեթների մեջ առկա են «կրիստալ» տեսակի թմրամիջոց, իսկ ստվարաթղթի մեջ գտնվող զանգվածը հանդիսանում է մարիխուաննա տեսակի թմրամիջոց։
Հարց- Դուք նշեցիք, որ Ձեր մոտից հայտնաբերված ընդհանուր փայլաթիթեղյա փաթեթներում գտնվող զանգվածները հանդիսանում են «կրիստալ» տեսակի թմրամիջոցներ, իսկ սպիտակ ստվարաթղթի մեջ գտնվող զանգվածը հանդիսանում է «մարիխուաննա» տեսակի թմրամիջոց, հայտնեք նշված զանգվածները, ինչ եղանակով եք ձեռք բերել և ումից եք ձեռք բերել:
Պատասխան- Հայտնում եմ, որ ես դրանք ձեռք եմ բերել իմ ծանոթ Կարենից, նրան
նախապես վճարել եմ 40,000 ՀՀ դրամ գումար, որից հետո 2023 թվականի հուլիսի 14-ին՝ ժամը 10:00-ի սահմաններում ես զանգահարել եմ Կարենի կողմից շահագործվող 055-49-93-11 բջջային հեռախոսահամարին, վերջինս ինձ հայտնել է տեղանքը, թե որտեղ է տեղադրել թմրամիջոցը, որի համար ես նախապես վճարել էի, որից հետո ես 20:30-ի սահմաններում այն փնտրել և գտել եմ, այդ ժամանակ ես միայնակ եմ եղել: Այդ ժամանակ ես հանդիպել եմ իմ ընկեր Գառնիկ Խաչերյանին, ում հետ պետք է գնաինք մեր տուն և այդ ժամանակ մեզ մոտեցել են ոստիկանության աշխատակիցները, ներկայացել են որպես ոստիկանության աշխատակիցներ, ապա ինձ և ընկերոջս ներկայացրել են ստիկանության Էրեբունու բաժին։
Հարց- Ձեր անձնական խուզարկությամբ հայտնաբերվել է թվով 5 փայլաթիթեղյա փաթեթ և ինչպես դուք նշեցիք դրանցում առկա է «կրիստալ» տեսակի թմրամիջոց ընդ որում դրանք եղել են առանձին փաթեթներում, սակայն դուք նշում եք, որ դուք Ձեր ծանոթ Կարենից Ձեր անձնական խուզարկությամբ հայտնաբերվածները գնել եք անձամբ օգտագործելու համար, այդ պարագայում որն է եղել պատճառը, որ դրանք եղել են առանձին փաթեթներում:
Պատասխան- Հայտնում եմ, որ դրանք ես չեմ առանձնացրել, դրանք Կարենն է առանձին փաթեթներում տեղադրել այն վայրում, որտեղից ես վերցրել եմ, ու հիմնականում երբ ես նրանից գնել եմ, նման փաթեթներով է նա ինձ տվել:
Հարց- Հայտնեք Կարենի աբողջական կենսագրական տվյալները:
Պատասխան- Հայտնում եմ, որ Կարենը հանդիսանում է Կարեն Վարդգեսի Էլլարյանը, ով բնակվում է *** բնակարանում, սակայն ինքը հաշվածված է Կոտայքի մարզի Նոր Հաճն գյուղում:
Այս պահին ինձ վատ եմ զգում և չեմ ցանկանում շարունակել ցուցմունք տալ և պատասխանել Ձեր հարցերին: 
Հրապարակվեց նաև մեղադրյալ Արթուր Սիմոնի Աբդոյանի՝ 2023 թվականի հուլիսի 16-ի մեղադրյալի կարգավիճակով տված ցուցմունքը՝ հետևյալ բովանդակությամբ․՝
Արթուր Աբդոյանը պնդեց որպես ձերբակալվածի իր տված ցուցմունքները և խնդրեց դադարեցնել հարցաքննությունը։

4. Դատարանի փաստական վերլուծությունները և դատարանի կողմից հաստատված փաստական հանգամանքները.
Հետազոտված ապացույցների հիման վրա Դատարանի կողմից հաստատվել են հետևյալ փաստական հանգամանքները.
Արթուր Սիմոնի Աբդոյանը, խախտելով «Թմրամիջոցների և հոգեմետ (հոգեներգործուն) նյութերի մասին» ՀՀ օրենքի 11-րդ հոդվածի 2-րդ կետի, ՀՀ Կառավարության 2010 թվականի մարտի 18-ի թիվ 270-Ն որոշման պահանջները, այն է՝ չունենալով բժշկական նպատակներով կամ բժշկի նշանակմամբ թմրամիջոցների և հոգեմետ /հոգեներգործուն/ նյութերի շրջանառություն իրականացնելու՝ թմրամիջոց ձեռք բերելու թույլտվություն, 2023 հուլիսի 14-ին Երևան քաղաքի Վարդաշեն 5-րդ փողոցի սկզբնամասից անձնական օգտագործման համար նախապես տրված գումարի դիմաց ապօրինի ձեռք է բերել և իր մոտ պահել հինգ փաթեթ, ընդհանուր խոշոր չափի 0.87 գրամ քաշով «Մեթամֆետամին» տեսակի թմրամիջոց, որը հայտնաբերվել է 2023 թվականի հուլիսի 14-ին ոստիկանության էրեբունու բաժնի աշխատակիցների կողմից Արթուր Աբդոյանի անձնական խուզարկությամբ' վերջինիս ջինսե տաբատի արջևի աջ գրպանից:

5. Դատարանի իրավական վերլուծությունները.
5.1. Վերլուծելով մեղադրյալ Արթուր Սիմոնի Աբդոյանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Արթուր Սիմոնի Աբդոյանին վերագրվող՝ դատարանի կողմից հաստատված փաստական հանգամանքները,
- ապացուցված է վերոգրյալ արարքի քրեական հակաիրավականությունը, որը նախատեսված է ՀՀ քրեական օրենսգրքի 396-րդ հոդվածի 2-րդ մասով,
- ապացուցված է մեղադրյալ Արթուր Սիմոնի Աբդոյանի կողմից ՀՀ քրեական օրենսգրքի 396-րդ հոդվածի 2-րդ մասով նախատեսված վերոգրյալ արարքը կատարելը.
- ապացուցված է մեղադրյալ Արթուր Սիմոնի Աբդոյանի մեղավորությունը ՀՀ քրեական օրենսգրքի 396-րդ հոդվածի 2-րդ մասով նախատեսված արարքը կատարելու մեջ:

5.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն՝
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:
ՀՀ քրեական օրենսգրքի 7-րդ հոդվածի 1-ին մասի համաձայն`
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»:
ՀՀ քրեական օրենսգրքի 55-րդ հոդվածի 2-րդ մասի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:
ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ»:
ՀՀ քրեական օրենսգրքի 396-րդ հոդվածի համաձայն՝
«1. Առանց իրացնելու նպատակի զգալի չափերով թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ կամ պրեկուրսոր ապօրինի արտադրելը, պատրաստելը, վերամշակելը, ձեռք բերելը, պահելը, տեղափոխելը կամ առաքելը՝
պատժվում է տուգանքով՝ առավելագույնը տասնապատիկի չափով, կամ հանրային աշխատանքներով՝ առավելագույնը հարյուր ժամ տևողությամբ, կամ ազատության սահմանափակմամբ՝ առավելագույնը մեկ տարի ժամկետով, կամ կարճաժամկետ ազատազրկմամբ՝ առավելագույնը մեկ ամիս ժամկետով, կամ ազատազրկմամբ՝ առավելագույնը մեկ տարի ժամկետով:
2. Սույն հոդվածի 1-ին մասով նախատեսված արարքը, որը կատարվել է խոշոր չափերով՝
պատժվում է տուգանքով՝ տասնապատիկից երեսնապատիկի չափով, կամ հանրային աշխատանքներով՝ հարյուրից երկու հարյուր ժամ տևողությամբ, կամ ազատության սահմանափակմամբ՝ մեկից երեք տարի ժամկետով, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ մեկից երեք տարի ժամկետով:(…)»:

5.3. Վերոհիշյալ իրավադրույթների համատեքստում Դատարանը մեղադրյալի պատասխանատվությունը և պատիժը մեղմացնող և ծանրացնող հանգամանքներ չի արձանագրում:
5.4. Քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալի նկատմամբ, հաշվի առնելով կատարած հանցանքի բնույթը և հանրության համար վտանգավորության աստիճանը, դրա կատարման եղանակը, հանցավոր մտադրության իրականացման աստիճանը, մեղքի ձևը, հանցանքը կատարելուց հետո նրա դրսևորած վարքագիծը, նրա արարքի սոցիալական հետևանքները, ինչպես նաև հանցանքի անմիջական օբյեկտի բնույթը և այդ ոլորտում պետության քրեական քաղաքականության ուղղվածությունը, դրանք համադրելով թմրամիջոցի տեսակի /սինթեթիկ/, չափի, մեղադրյալի անձը բնութագրող տվյալների հետ, Դատարանը գտնում է, որ մեղադրյալը ենթակա է ազատազրկման ձևով պատժի, իսկ առավել մեղմ պատժատեսակները չեն կարող ապահովել պատժի նպատակները:
Դատարանը գտնում է, որ ՀՀ քրեական օրենսգրքի 396-րդ հոդվածի 2-րդ մասով նախատեսված հանցագործության կատարման համար մեղադրյալի նկատմամբ պետք է նշանակվի ազատազրկում՝ 1 /մեկ/ տարի ժամկետով, որով կապահովվի ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին և բավարար կլինի սոցիալական արդարությունը վերականգնելու, պատժի ենթարկված անձին վերասոցիալականացնելու և հանցագործությունները կանխելու համար:
5.4․ Անդրադառնալով պատիժը մեղադրյալի կողմից կրելու հարցին՝ Դատարանն արձանագրում է, որ պատիժը պայմանականորեն չկիրառելը, որպես քրեական պատասխանատվության անհատականացման ինստիտուտ, ենթադրում է Դատարանի կողմից այնպիսի հիմնավոր համոզմունքի ձևավորում, որ պատժի նպատակները կարող են իրացվել առանց մեղադրյալի հասարակությունից մեկուսացման, մինչդեռ սույն վարույթի շրջանակներում ձեռք չեն բերվել այնպիսի տվյալներ, որոնք թույլ կտային Դատարանին ողջամիտ եզրահանգման գալու առ այն, որ պատիժը պայմանականորեն չկիրառելու պարագայում կապահովվի պատժի նպատակների իրացվելիությունը, հետևաբար մեղադրյալը պատիժը պետք է կրի, հաշվի առնելով նաև մեղադրյալի ՝ քննությունից խուսափելու վարքագիծը:
Միևնույն ժամանակ, հաշվի առնելով, որ, թեև մեղադրյալի նկատմամբ որպես խափանման միջոց է կիրառված կալանքը, սակայն վերջինիս գտնվելու վայրը պարզված չլինելու հիմքով այն փաստացի չի կատարվել, ուստի Դատարանը գտնում է, որ մեղադրյալի նկատմամբ նշանակվող պատժի սկիզբը պետք է համարել վերջինիս՝ փաստացի անազատության մեջ գտնվելու պահից ։
5.5. Դատարանն արձանագրում է, որ սույն գործով գույքային հայց չի հարուցվել, բռնագրավման ենթակա գույքի, ինչպես նաև գույքի արգելադրման վերաբերյալ տվյալներ գործում առկա չեն:
5.6. Քննարկելով ապացույցների պահպանման և տնօրինման հարցը՝ Դատարանը գտնում է, որ իրեղեն ապացույց ճանաչված 0,87 գրամ քաշով Մեթամֆետամին տեսակի թմրամիջոցը պետք է թողնել թիվ ԵԴ1/0213/01/24 քրեական վարույթի տնօրինմանը, իսկ SONY ապրանքանիշի 358097057000022 գործարանային համարով բջջային հեռախոսը՝ վերադարձնել օրինական տիրապետողին:
5.7. Քննարկելով խափանման միջոցի հարցը` Դատարանը գտնում է, որ մեղադրյալ Արթուր Սիմոնի Աբդոյանի նկատմամբ ընտրված խափանման միջոցը՝ կալանավորումը, պետք է թողնել անփոփոխ՝ մինչև դատավճռի օրինական ուժի մեջ մտնելը:
5.8․ Քննարկելով վարութային ծախսերի հարցը՝ Դատարանն արձանագրում է, որ այդպիսիք առկա չեն։
Վերոգրյալի հիման վրա և ղեկավարվելով Հայաստանի Հանրապետության քրեական դատավարության օրենսգրքի 1ՖՑ հոդվածներով, Դատարանը`

Վ Ճ Ռ Ե Ց

Մեղադրյալ Արթուր Սիմոնի Աբդոյանին մեղավոր ճանաչել ՀՀ քրեական օրենսգրքի 396-րդ հոդվածի 2-րդ մասով նախատեսված հանցագործության կատարման մեջ և որպես պատիժ նշանակել ազատազրկում 1 /մեկ/ տարի ժամկետով՝ պատժի սկիզբը հաշվելով փաստացի անազատության մեջ գտնվելու պահից։
Մեղադրյալ Արթուր Սիմոնի Աբդոյանի նկատմամբ ընտրված խափանման միջոցը՝ կալանավորումը, մինչև դատավճռի օրինական ուժի մեջ մտնելը թողնել անփոփոխ, որից հետո՝ վերացնել:
Իրեղեն ապացույց ճանաչված 0,87 գրամ քաշով Մեթամֆետամին տեսակի թմրամիջոցը թողնել թիվ ԵԴ1/0213/01/24 քրեական վարույթի տնօրինմանը, իսկ SONY ապրանքանիշի 358097057000022 գործարանային համարով բջջային հեռախոսը վերադարձնել օրինական տիրապետողին։
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ դատական ակտը ստանալուց հետո մեկամսյա ժամկետում:


ԴԱՏԱՎՈՐ` Ա. ՄԵԼԻՔՍԵԹՅԱՆ