ԵԴ1/1951/01/25

Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ

(այսուհետ՝ նաև Դատարան)

Նախագահությամբ՝ դատավոր Ռ.ՍՄԲԱՏՅԱՆԻ
քարտուղարությամբ՝ Հ.ԱՂՈՅԱՆԻ
մասնակցությամբ՝
հանրային մեղադրող՝ Ա.ԲԱԴԱԼՅԱՆԻ
մեղադրյալ՝
պաշտպան՝
տուժող Ն.ՄԱՆԱՍՅԱՆԻ
Ա.ԱԼՎԱՆԴՅԱՆԻ
Հ.ՆԻԿՈՂՈՍՅԱՆԻ
օրինական ներկայացուցիչ Ն.ՆԻԿՈՂՈՍՅԱՆԻ

2025 թվականի դեկտեմբերի 10-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի` ենթադրյալ արարքը անմեղսունակության վիճակում կատարած անձի՝ Նարեկ Գագիկի Մանասյանի ծնված՝ 18.08.1997 թվականին Հրազդան համայնքում, այգությամբ հայ, ՀՀ քաղաքացի, չամուսնացած, չդատված, միջնակարգ կրթությամբ, ներկայումս գտնվում է ՀՀ ԱՆ Հոգեկան առողջության պահպանման ազգային կենտրոն ՓԲԸ-ում՝ ՀՀ քրեական օրենսգրքի 194-րդ հոդվածի 2-րդ մասի 6-րդ կետով, 335-րդ հոդվածի 1-ին մասով, 396-րդ հոդվածի 1-ին մասով, 454-րդ հոդվածի 2-րդ մասով/ բժշկական բնույթի հարկադրանքի վարույթը,

ՊԱՐԶԵՑ

Գործի դատավարական նախապատմությունը.
2025 թվականի մարտի 13-ին՝ ժամը 07:00-ին ապօրինի զինամթերք պահելու և սպառնալու անմիջականորեն ծագած հիմնավոր կասկածով ձերբակալվել է Նարեկ Մանասյանը:
2025 թվականի մարտի 13-ին ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնի քննիչ Բ.Մաթևոսյանը ՀՀ քրեական օրենսգրքի 335-րդ հոդվածի 1-ին մասով և 194-րդ հոդվածի 2-րդ մասի 6-րդ կետով նախաձեռնել է թիվ 11146625 քրեական վարույթը:
2025 թվականի մարտի 14-ին ՀՀ դատախազության Երևան քաղաքի Շենգավիթ վարչական շրջանի դատախազության դատախազ Ա.Բադալյանը որոշում է կայացրել Նարեկ Գարիկի Մանասյանի նկատմամբ ՀՀ քրեական օրենսգրքի 194-րդ հոդվածի 2-րդ մասի 6-րդ կետով և ՀՀ քրեական օրենսգրքի 335-րդ հոդվածի 1-ին մասով և հանրային քրեական հետապնդում հարուցելու մասին:
2025 թվականի մարտի 14-ին Նարեկ Մանասյանին ներկայցվել է մեղադրանքը, վերջինիս պարզաբանվել են իր իրավունքները և պարտականությունները:
2025 թվականի մարտի 16-ի Դատարանի թիվ ԵԴ1/0631/06/25 որոշմամբ Նարեկ Մանասյանի նկատմամբ որպես խափանման միջոց է կիրառվել կալանքը՝ 2 ամիս ժամկետով:
2025 թվականի մարտի 28-ին որոշում է կայացվել թիվ 12140625 քրեական վարույթը թիվ 11146625 քրեական վարույթին միացնելու և նախաքննությունը թիվ 11146625 համարով շարունակելու մասին:
2025 թվականի մայիսի 15-ի Դատարանի թիվ ԵԴ1/0631/06/25 որոշմամբ Նարեկ Մանասյանի նկատմամբ որպես խափանման միջոց կիրառված կալանքը երկարաձգվել է 2 ամիս ժամկետով:
2025 թվականի մայիսի 20-ին ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնի քննիչ Գ.Գաբրիելյանը ՀՀ քրեական օրենսգրքի 335-րդ հոդվածի 1-ին մասի և 396-րդ հոդվածի 1-ին մասի հատկանիշներով նախաձեռնվել է թիվ 11187525 քրեական վարույթը:
Նույն օրը որոշում է կայացվել թիվ 11187525 քրեական վարույթը թիվ 11146625 քրեական վարույթին միացնելու և նախաքննությունը թիվ 11146625 համարով շարունակելու մասին:
2025 թվականի մայիսի 20-ին որոշում է կայացվել Նարեկ Գարիկի Մանասյանի մոտ հայտնաբերված «Փ-1» տեսակի ձեռքի բեկորային մարտական նռնակը, 1967 թվականի գործարանային արտադրության «Y3PFTM» տեսակի մարտական պայթուցիչը, «Ջ-1» տեսակի ձեռքի բեկորային մարտական նռնակը, գործարանային արտադրության մարտական պայթուցիչը՝ նախատեսված «Ջ-1» տեսակի ձեռքի բեկորային մարտական նռնակների համար, Նարեկ Մանասյանի սենյակից հայտնաբերված և վերցված ռազմամթերք հանդիսացող 1979 թվականի գործարանային արտադրության 7,62մմ (7.62x39/ տրամաչափի մարտական փամփուշտը և 3,3 գրամ քաշով «Մարիխուանա» տեսակի թմրամիջոցը ճանաչել որպես իրեղեն ապացույց:
2025 թվականի մայիսի 26-ին դատախազ Ա.Բադալյնաը որոշում է կայացրել Նարեկ Մանասյանի նկատմմաբ նոր հանրային քրեական հետապնդում հարուցել ՀՀ քրեական օրենսգրքի 194-րդ հոդվածի 2-րդ մասի 6-րդ կետով, ՀՀ քրեական օրենսգրքի 335-րդ հոդվածի 1-ին մասով, ՀՀ քրեական օրենսգրքի 396-րդ հոդվածի 1-ին մասով և ՀՀ քրեական օրենսգրքի 454-րդ հոդվածի 2-րդ մասով:
2025 թվականի մայիսի 27-ին դատախազ Ա.Բադալյնաը որոշում է կայացվել Նարեկ Մանասյանի նկատմամբ կիրառված կալանք խափանման միջոցը վերացնելու մասին:
2025 թվականի մայիսի 27-ին քննիչ Գ.Գաբրիելյանը որոշում է կայացրել Նարեկ Մանասյանի վերաբերյալ քրեական վարույթը բժշկական հարկադրանքի վարույթի փոխակերպելու մասին:
2025 թվականի մայիսի 27-ի Դատարանի թթիվ ԵԴ1/0773/15/25 որոշմամբ Նարեկ Մանասյանի նկատմամբ որպես անվտանգության միջոց է կիրառվել բժշկական հսկողությունը՝ 2 ամիս ժամկետով:
2025 թվականի մայիսի 30-ին ին ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնի քննիչ Գ.Գաբրիելյանը ՀՀ քրեական օրենսգրքի 393-րդ հոդվածի 1-ին մասի հատկանիշներով նախաձեռնվել է թիվ 11192425 քրեական վարույթը:
Նույն օրը որոշում է կայացվել թիվ 11192425 քրեական վարույթը թիվ 11146625 քրեական վարույթին միացնելու և նախաքննությունը թիվ 11146625 համարով շարունակելու մասին:
2025 թվականի հունիսի 02-ին որոշում է կայացվել թիվ 11146625 բժշկական հարկադրանքի վարույթից ՀՀ քրեական օրենսգրքի 335-րդ հոդվածի 1-ին մասով և 393-րդ հոդվածի 1-ին մասով նախատեսված հանցանքների կատարման վերաբերյալ մասը անջատելու, անջատված մասին թիվ 11193525 համարը շնորհելու մասին:
2025 թվականի հունիսի 03-ին կազմվել է եզրափակիչ ակտը:
2025 թվականի հունիսի 06-ին դատախազ Ա.Բադալյանը որոշում է կայացրել եզրափակիչ ակտը հաստատելու մասին:
2025 թվականի հունիսի 06-ին Դատարան է ստացվել Նարեկ Մանասյանի վերաբերյալ բժշկական բնույթի հարկադրանքի վարույթը:
Նույն օրը վարույթը թիվ ԵԴ1/1951/01/25 համարի ներքո մակագրվել և 09.06.2025 թվականին հանձնվել է դատավոր Ռ.Սմբատյանին:
2025 թվականի հունիսի 11-ին որոշում է կայացվել բժշկական բնույթի հարկադրանքի վարույթը ստանձնելու և նախնական դատալսումներ նշանակելու մասին:
2025 թվականի հունիսի 20-ին, սեպտեմբերի 19-ին և հոկտեմբերի 01-ին որոշումներ են կայացվել Նարեկ Մանասյանի նկատմամբ որպես անվտանգության միջոց կիրառված բժշկական բնույթի հսկողության ժամկետը երկարաձգելու մասին՝ յուրաքանչյուր անգամ 3 ամիս ժամկետով:
2025 թվականի դեկտեմբերի 08-ին Դատարանը Նարեկ Մանասյանի վերաբերյալ կայացրել է անմեղսունակության վերդիկտ:

Անմեղսունակության վիճակում կատարված արարքի փաստական նկարագրությունը.
Նարեկ Գարիկի Մանասյանը մեղադրվում է ՀՀ քրեական օրենսգրքով նախատեսված այն արարքները կատարելու համար, որ 2025 թվականի մարտի 13-ին՝ ժամը 05:30-ի սահմաններում, գտնվելով Երևան քաղաքի Նոր Խարբերդ 16 փողոցի 103/27 տան բակում տվել է առանձնապես խոշոր չափի գույք ոչնչացնելու սպառնալիքներ, մասնավորապես սպառնացել է իր մոտ գտնվող ռազմամթերք հանդիսացող, գործարանային արտադրության «1» տեսակի ձեռքի բեկորային մարտական նռնակով պայթեցնել Երևան քաղաքի Նոր Խարբերդ 16 փողոցի 103/27 տունը, որն իրականացնելու իրական վտանգ է եղել:
Այսինքն՝ Նարեկ Գարիկի Մանասյանի արարքում առկա են ՀՀ քրեական օրենսգրքի 194-րդ հոդվածի 2-րդ մասի 6-րդ կետով նախատեսված հանցանքի կատարումը վկայող փաստեր:
Բացի այդ Նարեկ Մանասյանը, խախտելով «Զենքի շրջանառության կարգավորման մասին» ՀՀ օրենքի 7-րդ հոդվածով նախատեսված կարգավորումը, քննությամբ չպարզված ժամանակահատվածում և հանգամանքներում ապօրինի ձեռք է բերել և 2025 թվականի մարտի 13-ին՝ ժամը 05:30-ի սահմաններում, Երևան քաղաքի Նոր Խարբերդ 16 փողոցի 103/27 տան բակում ապօրինի կրել է ռազմամթերք հանդիսացող, գործարանային արտադրության «1» տեսակի ձեռքի բեկորային մարտական նոնակ, ռազմամթերք հանդիսացող, գործարանային արտադրության մարտական պայթուցիչ` նախատեսված «1» տեսակի մարտական նռնակների համար, ռազմամթերք հանդիսացող, գործարանային արտադրության «Փ» տեսակի ձեռքի բեկորային մարտական նռնակ, ռազմամթերք հանդիսացող, գործարանային արտադրության Y3PPM» տեսակի մարտական պայթուցիչ՝ նախատեսված «1», «Pr-42» և «PA-5» տեսակի ձեռքի բեկորային մարտական նռնակների համար: Ինչպես նաև քննությամբ չպարզված ժամանակահատվածում և հանգամանքներում ապօրինի ձեռք է բերել և իր բնակության վայրում Երևան քաղաքի Նոր Խարբերդ 16 փողոցի 103/27 տանն ապօրինի պահել է ռազմամթերք հանդիսացող կրակելու համար պիտանի գործարանային արտադրության 7.62մմ /7,62x39/ տրամաչափի մարտական փամփուշտ՝ նախատեսված «AK-47» տեսակի ինքնաձիգներից, «PIK» տեսակի ձեռքի գնդացիրներից և համապատասխան տրամաչափի ակոսափող այլ ակոսափող զենքերից կրակվելու համար:
Այսինքն՝ Նարեկ Գարիկի Մանասյանի արարքում առկա են ՀՀ քրեական օրենսգրքի 335-րդ հոդվածի 1-ին մասով նախատեսված հանցանքի կատարումը վկայող փաստեր:
Բացի այդ Նարեկ Մանասյանը, խախտելով «Թմրանյութերի և հոգեմետ (հոգեներգործող) նյութերի մասին» 2002 թվականի դեկտեմբերի 26-ի ՀՀ օրենքի և « Կառավարության 2010 թվականի մարտի 18-ի թիվ 270-ն որոշման պահանջները, քննությամբ չպարզված ժամանակահատվածում և հանգամանքներում, առանց իրացնելու նպատակի՝ իր անձնական օգտագործման համար, ապօրինի ձեռք է բերել և պահել ՀՀ Կառավարության 2018 թվականի հունիսի 27-ի թիվ 707 որոշման 1-ին հավելվածով նախատեսված զգալի չափերի՝ ընդհանուր 3,3 գրամ հաստատուն չոր քաշով «Մարիխուանա» տեսակի թմրամիջոց, որը 2025 թվականի մարտի 13-ին հայտնաբերվել ու առգրավվել է իր բնակության՝ Երևան քաղաքի Նոր Խարբերդ 16 փողոցի 103/27 տանը կատարված խուզարկությամբ։
Այսինքն՝ Նարեկ Մանասյանի արարքում առկա են ՀՀ քրեական օրենսգրքի 396- րդ հոդվածի 1-ին մասով նախատեսված հանցանքի կատարումը վկայող փաստեր:
Բացի այդ Նարեկ Մանասյանը, 2025 թվականի մարտի 13-ին ձերբակալվածների պահելու վայրի բնականոն գործունեությունը խոչընդոտելու նպատակով բռնություն է գործադրել իր ծառայողական գործունեությունն իրականացնող ձերբակալվածների պահելու վայրի աշխատակցի նկատմամբ:
Այսպես՝ Նարեկ Մանասյանը, 2025 թվականի մարտի 13-ին ձերբակալվել է « քրեական օրենսգրքի 194-րդ հոդվածի 2-րդ մասի 6-րդ կետով և ՀՀ քրեական օրենսգրքի 335-րդ հոդվածի 1-ին մասով նախատեսված հանցանքներ կատարելու կասկածանքով և որպես ձերբակալված պահվել է ՀՀ ՆԳՆ ոստիկանության համայնքային ոստիկանության գլխավոր վարչության Երևան քաղաքի ձերբակալվածներին պահելու վայրի թիվ 11 խցում: Նարեկ Մանասյանը, 2025 թվականի մարտի 13-ին՝ ժամը 14:30-ի սահմաններում, իրեն հատկացված սննդից դժգոհ լինելու պատճառով, թիվ 11 խցում վիճաբանել է ՀՀ ՆԳՆ ոստիկանության ՀՈԳՎ Երևան քաղաքի ձերբակալվածների պահելու վայրի աշխատակից Մհեր Մանուչարյանի հետ, դրսևորել է ագրեսիվ վարքագիծ, աղմկել է, հայհոյել է և իրեն հատկացված սնունդը թափել է գետնին, այնուհետև ձերբակալվածներին պահելու վայրի բնականոն գործունեությունը խոչընդոտելուն ուղղված իր գործողությունները շարունակելով, մեկ անգամ հարվածել է նշված հիմնարկի աշխատակից Մհեր Մանուչարյանի կրծքավանդակին՝ պատճառելով ֆիզիկական ցավ:
Այսինքն՝ Նարեկ Մանասյանի արարքում առկա են ՀՀ քրեական օրենսգրքի 454-րդ հոդվածի 2-րդ մասով նախատեսված հանցանքի կատարումը վկայող փաստեր։

Հիմնական դատալսումների ընթացքում հետազոտված թույլատրելի ապացույցները.
Հանցագործության մասին հաղորդման արձանագրության համաձայն, 2025 թվականի մարտի 03-ին՝ ժամը 05-25-ին ՀՀ ՆԳՆ ոստիկանության ՕԿԿ-ից ահազանգ է ստացվել ՀՀ ՆԳՆ ոստիկանության ՀՈԳՎ Շենգավիթի բաժին, որ «094-68-60 03. հեռախոսահամարից իրենց է զանգահարել Նարեկ Մանասյանը և հայտնել, որ Շենգավիթի ՈԲ ծառայող Պետրոսյանին փոխանցեն, որպեսզի մոտենա Նոր Խարբերդ, 16-րդ փողոց, 103/27 հասցե, քանի որ ինքը նշված հասցեում է եղել։
Դեպքի վայր մեկնած օպարատիվ խումբը պարզել է, որ Նարեկ Մանասյանը գտնվելով նշված հասցեի տան բակում, իր երկու ձեռքերում պահելով թվով 2 նռնակներ, պահանջել է չմոտենալ իրեն, անընդհատ պնդելով, որ պետք է «գրավի տունը ու պայթեցնի», քանի որ իր քեռի Հովոն պետք է դատապարտվեր: Տարված բացատրական աշխատանքների շնորհիվ Նարեկ Մանասյանն իր մոտ եղած երկու նռնակները փոխանցել է ոստիկանության աշխատակիցներին, որից հետո նշված հասցեից վերջինս ձերբակալվել և տեղափոխվել է ՀՀ ՆԳՆ ոստիկանության ՀՈԳՎ Շենգավիթի բաժին։
/տե՛ս 1-ին հատոր գ.թ. 4, դատական նիստի արձանագրությունը/
Նարեկ Գարիկի Մանասյանին ձերբակալելու մասին արձանագրության համաձայն, վերջինս ձերբկալվել է Երևան քաղաքի Նոր Խարբերդ 16-րդ փողոցի 103/27 տանից, 13.03.2025 թվականին՝ ժամը 07:00-ին, ով հայտարարել է, որ նռնակները պատկանել են իրեն:
/տե՛ս 1-ին հատոր գ.թ. 6-7, դատական նիստի արձանագրությունը/
Նարեկ Գարիկի Մանասյանին անձնական խուզարկության ենթարկելու մասին կազմված արձանագրության համաձայն, վերջինիս հագին եղած սպորտային տաբատի աջ գրպանից հայտնաբերվել և վերցվել է սև, «Այֆոն» մոդելի բջջային հեռախոս, որի մեջ տեղադրված է եղել «094-68-60-03» բջջային հեռախոսահամարը:
/տե՛ս 1-ին հատոր գ.թ. 9, դատական նիստի արձանագրությունը/
Դեպքի վայրի զննություն կատարելու մասին կազմված արձանագրության համաձայն, դեպքի վայր է հանդիսացել Երևան քաղաքի Նոր Խարբերդ 16-րդ փողոցի 103/27-րդ տունը: Դեպքը տեղի է ունեցել տանը` մուտքից աջ գտնվող սենյակում։ Զննության մասնակից Նարինե Նիկողոսյանը հայտարարել է, որ երեկոյան իր որդին՝ Նարեկ Մանասյանը, երկու նռնակները ձեռքին, մտել է իրենց սենյակ և ասել. «թուրքերը հարձակվել են»: Այնուհետև պահարանի մեջ մարդկանց է որոնել:
/տե՛ս 1-ին հատոր գ.թ. 25-28, դատական նիստի արձանագրությունը/
Երևան քաղաքի Նոր Խարբերդ 16-րդ փողոցի 103/27-րդ տանը կատարված խուզարկության արձանագրության համաձայն, Նարեկ Մանասյանի սենյակից հայտնաբերվել և վերցվել է ռազմամթերք հանդիսացող 1979 թվականի գործարանային արտադրության 7,62մմ /7,62×39/ տրամաչափի՝ մարտական փամփուշտ` նախատեսված «AK-47» տեսակի ինքնաձիգներից, «PIK» տեսակի ձեռքի գնդացիրներից և համապատասխան տրամաչափի ակոսափող այլ /բացի որսորդական ակոսափող զենքերից կրակվելու համար, որը պիտանի է կրակվելու համար, ինչպես նաև 3,3 գրամ «Մարիխուանա» տեսակի թմրամիջոց:
/տե՛ս 1-ին հատոր գ.թ. 66-68, դատական նիստի արձանագրությունը/
Դատապայթունատեխնիկական փորձաքննության փորձագետի թիվ 555-25 եզրակացության համաձայն, փորձաքննության ներկայացված «Փ-1» տեսակի ձեռքի բեկորային մարտական նռնակը պիտանի է եղել նպատակային օգտագործման համար և հանդիսացել է ռազմամթերք, որի արտադրության տարեթիվը հնարավոր չի եղել պարզել՝ վերջինիս մակերեսներին արտադրության տարեթիվը վկայակոչող համապատասխան գրառումների անընթեռնելի լինելու պատճառով։
Փորձաքննության ներկայացված 1967 թվականի գործարանային արտադրության «Y3PFM» տեսակի մարտական պայթուցիչը` նախատեսված «Փ-1», «Pr-42» և «PA-5» տեսակի ձեռքի բեկորային մարտական նռնակների համար, պիտանի է եղել նպատակային օգտագործման համար և հանդիսացել է ռազմամթերք:
Փորձաքննության ներկայացված գործարանային արտադրության «Ջ-1» տեսակի ձեռքի բեկորային մարտական նռնակը պիտանի է եղել նպատակային օգտագործման համար և հանդիսացել է ռազմամթերք, որի արտադրության տարեթիվը հնարավոր չի եղել պարզել վերջինիս մակերեսներին արտադրության տարեթիվը վկայակոչող համապատասխան գրառումների անընթեռնելի լինելու պատճառով։
Փորձաքննության ներկայացված գործարանային արտադրության մարտական պայթուցիչը` նախատեսված «Ջ-1» տեսակի ձեռքի բեկորային մարտական նռնակների համար, պիտանի է նպատակային օգտագործման համար և հանդիսանում է ռազմամթերք, որի արտադրության տարեթիվը հնարավոր չի եղել պարզել վերջինիս մակերեսներին արտադրության տարեթիվը վկայակոչող համապատասխան գրառումների անընթեռնելի լինելու պատճառով։
/տե՛ս 1-ին հատոր գ.թ. 164-168, դատական նիստի արձանագրությունը/
Առերևույթ կատարված հանցանքի մասին հաղորդման համաձայն, 13.03.2025 թվականին ՀՀ ՔԿ ԵՔՔՎ Շենգավիթ վարչական շրջանի քննչական բաժնում քննվող թիվ 11146625 քրեական վարույթով՝ որպես ձերբակալված Նարեկ Գարիկի Մանասյանը տեղափոխվել է ՀՀ ՆԳՆ ոստիկանության ՀՈԳՎ ՀԾՎ Երևան քաղաքի ՁՊՎ, ով տեղավորվել է թիվ 11 խցում։ Նույն օրը՝ ժամը 14:30-ի սահմաններում, Նարեկ Մանասյանն իրեն հատկացված սնունդը թափել է հատակին և սեռական բնույթի հայհոյանքներ հնչեցնելով մեկ անգամ հարվածել է ՁՊՎ-ի ոստիկան Մհեր Դավիթի Մանուչարյանի կրծքավանդակին, այդպիսով խոչընդոտելով ՀՀ ՆԳՆ ոստիկանության ՀՈԳՎ ՀԾՎ Երևան քաղաքի ՁՊՎ-ի բնականոն գործունեությունը։
/տե՛ս 1-ին հատոր գ.թ. 177, դատական նիստի արձանագրությունը/
Դեպքի վայրի զննություն կատարելու մասին կազմված արձանագրության համաձայն, դեպքի վայր է հանդիսացել Երևան քաղաքի Մ. Խորենացու փողոցի 1624 հասցեում գործող Երևան քաղաքի ձերբակալվածների պահման վայրի թիվ 11-րդ խուցը, որը գտնվել է 2-րդ հարկում՝ աստիճանահարթակների դիմացը, խցի դուռը մետաղյա է եղել, շագանակագույն: Մուտքի դռան վրա եղել է «11» գրառումը: Խցի հատակը եղել է փայտյա։ Խցի աջակողմյան հատվածում հայտնաբերվել է մահճակալ, որի դիմացը թափված է եղել շագանակագույն զանգված:
/տե՛ս 1-ին հատոր գ.թ. 199, դատական նիստի արձանագրությունը/
Դատատոքսիկոլոգիական փորձաքննության փորձագետի թիվ 177 եզրակացության համաձայն, փորձաքննության ներկայացված Նարեկ Գարիկի Մանասյանից ստացված մազի փորձանմուշներում հայտնաբերվել են կաննաբինոիդների խմբին պատկանող թմրալկալոիդներ և «Մեթամֆետամին», «Ամֆետամին» տեսակի թմրանյութեր, որոնց օգտագործման ժամանակահատվածը՝ համապատասխանել է մինչև չորս ամիսների վաղեմության։
Բացի այդ, փորձաքննության ներկայացված Նարեկ Գարիկի Մանասյանից ստացված մեզի փորձանմուշում հայտնաբերվել են՝ կաննաբինոիդների խմբին պատկանող թմրալկալոիդներ, որոնց օգտագործման ժամանակահատվածը՝ համապատասխանել է մինչև տաս օրվա վաղեմության և «Մեթամֆետամին», «Ամֆետամին» տեսակի թմրանյութեր, որոնց օգտագործման ժամանակահատվածը համապատասխանել է մինչև 5 օրվա վաղեմության:
/տե՛ս 1-ին հատոր գ.թ. 242-244, դատական նիստի արձանագրությունը/
Դատաձգաբանական և դատապայթունատեխնիկական համալիր փորձաքննության փորձագետների թիվ 703-25 եզրակացության համաձայն, փորձաքննության ներկայացված փամփուշտը հանդիսացել է 1979 թվականի գործարանային արտադրության 7,62մմ /7,62x39/ տրամաչափի մարտական փամփուշտ՝ նախատեսված «AK-47» տեսակի ինքնաձիգներից, «PIK» տեսակի ձեռքի գնդացիրներից և համապատասխան տրամաչափի ակոսափող այլ /բացի որսորդական ակոսափող զենքերից կրակվելու համար/, պիտանի է եղել կրակվելու համար և հանդիսացել է ռազմամթերք:
/տե՛ս 2-րդ հատոր գ.թ. 13-16, դատական նիստի արձանագրությունը/
Դատաբուսաբանական և դատանյութագիտական համալիր փորձաքննության փորձագետների թիվ 1486Ք-25 եզրակացության համաձայն, փորձաքննության ներկայացված ընդհանուր 3,3 գրամ հաստատուն չոր քաշով կանեփի բուսական մանրացված զանգվածը հանդիսացել է «Մարիխուանա» տեսակի թմրամիջոց:
Բացի այդ, փորձաքննության ներկայացված ապակյա գլանակների և ալյումինե փայլաթիթեղի մակերեսներին հայտնաբերվել են կանեփի կաննաբինոիդներից՝ թմրալկալոիդ տետրահիդրոկաննաբինոլի հետքեր, որոնց քանակական հաշվարկը հնարավոր չի եղել կատարել։
/տե՛ս 2-րդ հատոր գ.թ. 87-90, դատական նիստի արձանագրությունը/
13.03.2025 թվականին Նարեկ Գարիկի Մանասյանի անձնական խուզարկությամբ հայտնաբերված և վերցված «Այֆոն» մոդելի բջջային հեռախոսի թվային խուզարկություն կատարելու մասին կազմված արձանագրության համաձայն, նշված բջջային հեռախոսում հայտնաբերվել են երկու լուսանկարներ, որոնցում պատկերված են եղել նռնակին նմանվող առարկաներ, որոնցից մեկի վրա եղել է «99» կամ «66» գրառումը։
/տե՛ս 2-րդ հատոր գ.թ. 95-97, դատական նիստի արձանագրությունը/
ՀՀ ՆԳՆ տեղեկատվական տեխնոլոգիաների և կապի վարչությունից ստացված 13.03.2025 թվականի՝ ժամը 05:25-ի սահմաններում, «+374-94-68-60-03» հեռախոսահամարից ՀՀ ՆԳՆ ոստիկանության օպերատիվ կառավարման կենտրոն կատարված ահազանգի ձայնագրությունը զննություն կատարելու մասին արձանագրությամբ, համաձայն որի նշված ձայնագրության ընդհանուր տևողությունը եղել է 0:56 վայրկյան: Ձայնագրությունն սկսվել է հեռախոսազանգի ազդանշանով, որից հետո լսվել է արական սեռի ներկայացուցչի ձայն, որին զննության ընթացքում պայմանականորեն տրվել է «Ա» տառը:
«Ա» -Լավ չես տեղդ կայնի, արա քուրս գնա:
Նշված ձայնից հետո հեռախոսզանգին պատասխանել է իգական սեռի ներկայացուցչի ձայնով մի անձ, ում զննության ընթացքում պայմանականորեն տրվել է «Ո» տառը։
«Ո»- Ոստիկանություն, լսում եմ:
«Ա»- Բարև Ձեզ, Շենգավիթի բաժնի Պետրոսյանին կասեք գա դաչաներ, ասեք Մանասյանը տեղում ա:
«Ո»- Ինչպես:
«Ա»- Շենգավիթի բաժնի Պետրոսյանին կասեք գա դաչաներ, Նոր Խարբերդի դաչաներ, ասեք Մանասյան Նարեկը տեղում ա, արդեն տան մեջ ա ինքը:
«Ո»-Մանասյան Նարեկը ով ա:
«Ա»- Դուք իրան տեղեկացրեք ինքը կիմանա, ներքին կապով տեղեկացրեք:
«Ո»- Նոր Խարբերդ որտեղ:
«U»- 16 hn໗ng, 103/27 บาทเน:
«Ո»- 103/ դրոբ 27 տուն
«Ա»- 103-ի դրոբ 27 տուն:
«Ո»- Ձեր անուն ազգանունը:
«Ա»- Մանասյան Նարեկ, Պետրոսյանին ասեք թող շուտ գա:
«Ո»- Ձեզ կզանգեն, սպասեք:
«Ա»-Լավ
/տե՛ս 2-րդ հատոր գ.թ. 101-104, դատական նիստի արձանագրությունը/
«Վիվա Արմենիա» ՓԲԸ-ից ստացված «1544e» և «1544e-1» վերտառությամբ ֆայլերի զննության համաձայն.
«1544e» վերտառությամբ ֆայլի զննությամբ պարզվել է, որ «094-68-60-03» բջջային հեռախոսահամարը գրանցված է եղել Նարեկ Գարիկի Մանասյանի անվամբ, ակտիվացման ամսաթիվն է հանդիսացել 04.02.2022 թվականը:
Զննությամբ պարզվել է, որ 13.03.2025 թվականին՝ ժամը 06:28-ին, «094-68-60-03» բջջային հեռախոսահամարից զանգ է կատարվել «010-42-02-02» հեռախոսահամարին, հեռախոսազանգի տևողությունը կազմել է 24 վայրկյան, որը սպասարկվել է Նոր Խարբերդ 13-րդ փողոցում գտնվող ալեհավաք կայանի կողմից:
13.03.2025 թվականին «094-68-60-03» բջջային հեռախոսահամարից վերջին զանգը կատարվել է ժամը 06:32-ին, զանգահարել են «093-29-72-22» բջջային հեռախոսահամարին, զանգը ևս սպասարկվել է Նոր Խարբերդ 13-րդ փողոցում գտնվող ալեհավաք կայանի կողմից:
13.03.2025 թվականին «094-68-60-03» բջջային հեռախոսահամարի մուտքային ժամը 06:14-ին, «094-36-02-02» բջջային վերջին հեռախոսազանգը եղել հեռախոսահամարից, այն սպասարկվել է Նոր Խարբերդ 13-րդ փողոցում գտնվող ալեհավաք կայանի կողմից:
«1544e» վերտառությամբ ֆայլի զննությամբ սույն քրեական վարույթի համար նշանակություն ունեցող այլ փաստական տվյալներ չհայտնբերվեցին: «1544e-1» վերտառությամբ ֆայլի զննությամբ պարզվել է, որ «094-68-60-03» բջջային հեռախոսահամարի 13.03.2025 թվականին` ժամը 06:32-ին, համացանցային, կապը սպասարկվել է Նոր Խարբերդ 13-րդ փողոցում գտնվող ալեհավաք կայանի կողմից։
/տե՛ս 2-րդ հատոր գ.թ. 124-142, դատական նիստի արձանագրությունը/
Որոշմամբ իրեղեն ապացույց ճանաչված «Փ-1» տեսակի ձեռքի բեկորային մարտական նռնակով, 1967 թվականի գործարանային արտադրության «Y3PFM» տեսակի մարտական պայթուցիչով, «Ջ-1» տեսակի ձեռքի բեկորային մարտական նռնակով, գործարանային արտադրության մարտական պայթուցիչով՝ նախատեսված «Ջ-1» տեսակի ձեռքի բեկորային մարտական նռնակների համար, Նարեկ Մանասյանի սենյակից հայտնաբերված և վերցված ռազմամթերք հանդիսացող 1979 թվականի գործարանային արտադրության 7,62մմ /7,62x39/ տրամաչափի մարտական փամփուշտով և 3,3 գրամ քաշով «Մարիխուանա» տեսակի թմրամիջոցով:
/տե՛ս 2-րդ հատոր գ.թ. 194-196, դատական նիստի արձանագրությունը/
Արտավարութային փաստաթուղթ ճանաչված Նարեկ Գարիկի Մանասյանի անձնական խուզարկությամբ հայտնաբերված և վերցված «Այֆոն» մոդելի բջջային հեռախոսով, ՀՀ ՆԳՆ տեղեկատվական տեխնոլոգիաների և կապի վարչությունից ստացված 13.03.2025 թվականի ժամը 05:25-ի սահմաններում, +374-94-68-60-03» հեռախոսահամարից ՀՀ ՆԳՆ ոստիկանության օպերատիվ կառավարման կենտրոն կատարված ահազանգի ձայնագրությամբ, «Վիվա Արմենիա» ՓԲԸ-ից ստացված «1544e» և «1544e-1» վերտառությամբ ֆայլերով:
/տե՛ս 2-րդ հատոր գ.թ. 197-200, դատական նիստի արձանագրությունը/
Ստացիոնար դատահոգեբուժական փորձաքննության թիվ 43 եզրակացության համաձայն, վերլուծելով քրեական վարույթի նյութերը, անամնեստիկ տեղեկությունները, առկա բուժփաստաթղթերը և ներկա հետազոտման արդյունքները, փորձագիտական հանձնաժողովը եզրակացրել է, որ Նարեկ Գարիկի Մանասյանի մոտ ինչպես իրավախախտումը կատարելիս, այնպես էլ փորձաննության կատարման պահին, հայտնաբերվել և հայտնաբերվում է «Հոգեկան և վարքային խանգարում կանացինոիդների գործածման հետևանքով զառանցանքի գերակշռումով» F-12.51 հոգեկան հիվանդությունը։ Այդ մասին են վկայում ներկա հետազոտման արդյունքները, որոնք թույլ են տվել փորձաքննվողի մոտ հայտնաբերել վերը նշված հիվանդությանը բնորոշ՝ մտածողության հարտրամաբանություն, դատողությունների անհետևողականություն վերաբերման, հետապնդման վնասի հասցման զառանցական մտքեր, որոնք ուղեկցվել են ընկալման տեսողական ցնորքներով, հոգեշարժական խանգարումներով՝ լսողական գրգռվածություն, հույզերի խամրություն, կամային ոլորտի իջեցում, քննադատության անբավարարության հետ մեկտեղ:
Իրավախախտումը կատարելու պահին փորձաքննվողը գտնվել է վերը նշված հիվանդագին խանգարված վիճակում, արարքները կատարել է ցնորա զառանցական և ապրումների ազդեցության ներքո, ինչը զրկել է նրան՝ գիտակցել իր գործողությունների վտանգավորությունը, հաշիվ տալ իրեն կատարած արարքների համար և ղեկավարել դրանք:
Ներկայումս նա նույնպես չի կարող գիտակցել իր գործողությունների վտանգավորությունը և ղեկավարել դրանք։
Իրեն մեղսագրվող արարքի նկատմամբ Նարեկ Գարիկի Մանասյանին հարկ է ճանաչել՝ անմեղսունակ:
Ներկա հոգեվիճակով փորձաքննվողը չի կարող մասնակցել դատաքննչական գործողություններին, նա սոցիալապես վտանգավոր է ինչպես իր, այնպես էլ հասարակության համար: Կարիք ունի հարկադիր բուժման ընդհանուր հսկողության համար հոգեբուժական բաժանմունքում։
/տե՛ս 2-րդ հատոր գ.թ. 200-211, դատական նիստի արձանագրությունը/
Տուժող Մհեր Մանուչարյանը հիմնական դատալսումների ընթացքում ցուցմունք տվեց այն մասին, որ Նարեկ Մանասյանը ամենասկզբում էլ դրսևորել է ոչ ադեկվատ վարքագիծ, սակայն ինքը և իր կոլեգաները փորձել են հանդարտեցնել, սակայն նրա վարքագիծը գնալով ագրեսիվանում էր: Ձերբակալված անձը իրենցից սնունդ է ուզել, իրենք տրամադրել են նրան հասանելիք սնունդը, որը նա թափել է գետնին և հրաժարվել թափածը հավաքել, իրենց հասցեին նա հնչեցրել է սեռական բնույթի հայհոյանքներ: Այդ ամենից հետո ինքը ձերբակալված անձին պատասխանել է, որ ինչ ասում է նա է, իսկ այդ անձը հարվածել է իր կրծքավանդակին: Ինքը իսկզբանե նրա հանդեպ շատ հարգալից է եղել, քանի որ նա պատերազմի մասնակից է եղել, սակայն նա իրեն շատ վատ էր պահում և դանակը հասել էր ոսկորին: Ինքը Նարեկ Մանասյանի դեմ որևէ բողոք կամ պահանջ չունի, ինչը նաև հայտնել է նախաքննության ժամանակ: Դեպքը չի հիշում հստակ որ օրն է կատարվել, միայն նշեց, որ այդ օրը ինքը հերթապահության է եղել: Իր ծառայության բերումով ինքը շփվում է ձերբակալվածների հետ, նրանց ապահովում է սնունդով, ինչպես նաև ուղեկցում է սանհանգույց, տեսակցությունների ժամանակ է ևս նրանց ուղեկցում: Վեճը առաջացել է սնունդը թափելուց և նրա հնչեցրած հայհոյանքներից: Իր հիշելով այդ օրը հասանելիք սնունդը եղել է լոբով ապուր: Ձերբակալվածը իրեն հարվածել է, սակայն մանրամասները չի հիշում, թե ինչպես է հարվածել կամ հրել: Ինքը այդ հարվածից որևէ մարմնական վնաս կամ ցավ չի զգացել: Ըստ իր ձերբակալվածը ցանկացել է ուժեղ հարվածի, սակայն ինքը հետ է գնացել և ամբողջ ուժով հարվածը իրեն չի կպել: Հարվածելուց հետո ինքը հնարք է կիրառել, որպեսզի չշարունակի հարվածելը, այնուհետև այդ մասին տեղեկացրել է վերադասին: Այդ վեճը տևել է մոտ 5-10 րոպե: Իրեն հարվածելու պահին ներկա են գտնվել կոլեգաներից Թորոսյան Գևորգը և թոշակի անցած Գևորգը, ում ազգանունը չի հիշում: Նշեց, որ մինչ Նարեկին տվյալ խուցը տեղափոխելը եղել է մաքուր, ինչպես մյուս խցերը, ընդ որում իրենից առաջ այդ խցում այլ անձ չի գտնվել, իրա հետ էլ այդ ժամանակ այլ ձերբակալված չի եղել:
Դատարանը բավարարելով հանրային մեղադրողի միջնորդությունը թույլատրեց հրապարակել տուժողի նախաքննական ցուցմունքի այն հատվածը, որը հակասում է հիմնական դատալսումների ընթացքում տված ցուցմունքին:
Նախաքննության ընթացքում տուժող Մհեր Մանուչարյանը ի թիվս այլնի հայտնել է, որ այդ ամենից հետո Նարեկն սկսել է իր հասցեին հայհոյանքներ հնչեցնել, ագրեսիվ վարքագիծ դրսևորել: Ինքը բացել է դուռը, մտել ներս, ինչից հետո Նարեկը հարվածել է կրծքավանդակին: Հարվածից ֆիզիկական ցավ է զգացել, սակայն մարմնկան վնասվածք չի ստացել:
Նախաքննական ցուցմունքը հրապարակվելուց հետո պատասխանելով Դատարանի հարցին, հստակ նշեց, որ ձերբակալված անձը իրեն հարվածել է:
/տե՛ս 1-ին հատոր գ.թ. 206-207, դատական նիստի արձանագրությունը/
Վկա Հովհաննես Նիկողոսյանը հիմնական դատալսումների ընթացքում ցուցմունք տվեց այն մասին, որ Նարեկը հանդիսանում է իր քրոջ որդին: Ինքը դեպքի պահին եղել է քնած, երբ արթանցել է իմացել է, որ Նարեկին տեղափոխել են ոստիկանության բաժին: Դրանից հետո ոստիկանության աշխատակիցները եկել են իրեն և իր քրոջը կանչել են ոստիկանություն: Ոստիկանության բաժնում է իմացել, որ Նարեկը նռնակներով բարձրացել է տուն, սակայն նա նպատակ չի ունեցել տունը պայթեցնելու, այլ նա հայտնել է որ 25 հոգի թուրքեր են եկել: Ինքը քույրերի, կնոջ և իր երեխաների հետ միասին բնակվում է Նոր Խարբերդ 16 փողոց 103/27 տուն հասցեում, նշեց որ մեղադրյալը ևս բնակվում է իրենց հետ միասին: Նարեկը պատերազմից հետո ՊՆ-ում որպես պայմանագրային էր ծառայում: Դեպքից մի քանի օր առաջ էր Ղափանի դիրքերից իջել: Դիրքեր բարձրանում էր 15 օրով, եղել է նաև, որ 1 ամսով է գնացել: Մինչ դեպքը ինքը Նարեկի վարքագծում որևէ տաօրինակ բան չի նկատել, միայն այդ օրը աշխատանքի գնալուց առաջ է նկատել, որ Նարեկի խոսքի մեջ կա տարօրինակություն, և որոշել էր հաջորդ օրը աշխատանքից հետո նրան տաներ ստուգման: Այս պահի դրությամբ Նարեկի հեռախոսահամարը չի հիշում, դեպքի օրը Նարեկը իրեն զանգահարել է ցերեկվա ժամին, սակայն որևէ տարօրինակ բան չի ասել: Ինքը նախկինում չի տեսել, որ իրենց տանը լիներ թմրանյութ, նռնակ, ինքը չի նկատել և չի իմացել, որ Նարեկը թմրանյութ է օգտագործում, եթե իմանար կարգելեր այդ ամենը նրան: Իր համար անհասկանալի է, թե ինչու է այս գործով ինքը տուժող, իր տունը գրավ դրված չի, բացի այդ Նարեկը նպատակ չի ունեցել տունը պայթեցնելու: Ինքը չի լսել և չի եղել, որ Նարեկը տունը ոչնչացնելու սպառնալիքներ հնչեցնի, ոստիկանները իրեն հայտնել են, որ Նարեկը այդ ամենը արել է, քանի որ ըստ նրա 20-25 հոգի թուրքեր են եկել: Ինքը դեպքի մասին իմացել է Շամշյանի հրապարակումից, ինչը չի համապատասխանում իրականությանը, ինքը հարևանների հետ այս դեպքի վերաբերյալ որևէ բան չի քննարկել: Իր քույրը իրեն հայտնել է, որ երբ Նարեկին տեղափոխում էին ոստիկանություն, նա հայտնել է, որ դիմացի փողոցում 20-25 հոգի թուրքեր են դիրքավորված և Նարեկը երևի վերցրել է նռնակները որպեսզի պաշտպանվի:
/տե՛ս դատական նիստի արձանագրությունը/
Վկա Աստղիկ Նիկողոսյանը հիմնական դատալսումների ընթացքում ցուցմունք տվեց այն մասին, որ դեպքի օրը ինքը և եղբայրը սուրճ էին խմում, երբ Գոռը իրենց ասել է, որ Նարեկը կանչում է իրենց: Երբ իրենք իջել են, Նարեկը քեռուն ամոթանք է տվել և ասել, թե չի ամաչում զոքանչի և կնոջ հետ կռիվ է անում, և այդ ամենով ավարտվել է: Ինքը այդ ամենից հետո զանգահարել է իր քրոջը և հայտնել, որ նրա տղայի հետ մի բան այն չէ, քանի որ ինքը Նարեկին առաջին անգամ էր նման վիճակում տեսնում: Ինքը միշտ եղել է տանը, դեպքից մոտ 2 օր առաջ էր Նարեկը իջել դիրքերից: Նշեց, որ իր քրոջ և եղբոր ընտանիքի հետ միասին բնակվում է Նոր Խարբերդ 16 փողոց 103/27 տուն հասցեում, այդ հասցեում է բնակվում նաև Նարեկը, ինքը Նարեկին ընդունում է որպես իր որդի: Նարեկը միշտ հանգիստ է եղել, միայն այդ օրն է անհանգիստ վարքագիծ դրսևորել: Առավոտյան ժամը 5-ի կողմերը Նարեկը արթնացել է և ասել, որ տանից դուրս չգան, քանի որ թուրքերն են դիրքավորվել իրենց տան մոտ: Նարեկը ասել է, որ իրենց կպաշտպանի, Նարեկի ձեռքին եղել է նռնակ, նա անընդհատ ներս ու դուրս էր անում: Նարեկը ոչ մի վատ արտահայտություն չի արել, տունը պայթեցնելու արտահայտություններ չի արել, միայն ասել է, որ իրենց կպաշտպանի թուրքերից: Ըստ իր Նարեկը թուրքերից պաշտպանելու էր նռնակի գործադրմմաբ: Նշեց, որ Նարեկի ձեռքում եղել է 2 հատ նռնակ: Ոստիկանություն զանգահարել է Նարեկը և հայտնել, որ թուրքերն են հարձակվում իրենց տան վրա: Երբ ոստիկանները եկել են ինքը եղել է հանգիստ, նռնակը ինքնակամ հանձնել է ոստիկաններին, նույնիսկ ցույց է տվել այն վայրը որտեղ ըստ իր թուրքերն էին դիրքավորվել: Ինքը տեղյակ չէ թե այդ նռնակները Նարեկը որտեղից է ձեռք բերել: Այդ ժամանակ ինքը հասկացել է, որ Նարեկի հետ մի բան այն չէ:
/տե՛ս դատական նիստի արձանագրությունը/
Վկա Գոռ Մանասյանը հիմնական դատալսումների ընթացքում հայտնեց, որ Նարեկ Մանասյնաը հանդիսանում է իր հարազատ եղբայրը: Ցուցմունք տվեց այն մասին, որ բնակվում է Նոր Խարբերդ 16 փողոց 103/27 տուն հասցեում: Դեպքի օրը ինքը եղել է տանը, Նարեկը հայտնել է, որ թուրքերն են հարձակվել և նշել է, որ ինքը կպաշտպանի իր տունը: Նարեկի ձեռքում եղել են նռնակներ՝ փակ վիճակում, նա անընդհատ կրկնում էր, որ ոչ ոք դուրս չգա տանից ինքը կպաշտպանի: Նարեկը անընդհատ ներսուդուրս էր անում, այդ ամենը տևել է մոտ 1 ժամ: Ինքը այդ ժամանակ փորձել է իր եղբորը հանդարտեցնի, սակայն նա անընդհատ նշում էր, որ պաշտպանում է տունը: Նարեկը որևէ սպառնալիք չի հնչեցրել: Իր կարծիքով Նարեկը նռնակները չէր գործադրի, քանի որ նման բան անողը միանգամից կաներ, բացի այդ, եթե ինքը զգար, որ ցանկանում է նռնակ գործադրեր, ինքը կմիջամտեր, նույնիսկ կհարվածեր եղբորը: Այդ ժամանակ տանն են գտնվել իր մայրը և մորաքույրը: Այդ ամենի հետ միաժամանակ Նարեկը զանգահարել է ոստիկանություն և հայտնել, որ թուրքերը հարձակվել են իր տան վրա: Երբ ոստիկանները եկել են, նռնակներից մեկը տվել է ոստիկաններից մեկին, մյուսը պահել է իր մոտ, որոշ ժամանակ անց մյուս նռնակն էլ է հանձնել ոստիկանին: Ինքը Նարեկին առաջին անգամ էր նման վիճակում տեսնում: Նշեց նաև, որ իր մայրը կամ մորաքույրը նույնիսկ շտապօգնություն են կանչել: Չգիտի նռնակները որտեղից է ձեռք բերել: Ինքը տեղյակ չի եղել, որ իր եղբայրը թմրանյութ է օգտագործում, իրենց տանը թմրանյութ չի տեսել, եթե տեսներ էլ, չէր իմանա, որ թմրանյութ է: Նարեկը միշտ եղել է դիրքերում, երբևէ Նարեկը իր առողջական վիճակից չի գանգատվել:
Դատարանը բավարարելով հանրային մեղադրողի միջնորդությունը թույլատրեց հրապարակել վկայի նախաքննական ցուցմունքի այն հատվածը, որը հակասում է հիմնական դատալսումների ընթացքում տված ցուցմունքին:
Նախաքննության ընթացքում վկա Գոռ Մանասյանը ի թիվս այլնի հայտնել է, որ երբ քնած է եղել, մայրն իրեն արթնացրել է, ասել, որ եղբայրն ինչ-որ բաներ է խոսել, երբ գնացել է, լսել է, որ Նարեկն ասել է. «Մարդ կա ստեղ, հետևում են ինձ, ուզում են սպանեն, նկարում են ինձ, եկել են հետևիցս», իսկ դրսում գտնվելու ժամանակ ասել է. «կռիշի վրա էս Վէ Դե կա ավտոմատով են եկել»: Այդ ժամանակ եղբոր ձեռքերում մեկ նռնակ է տեսել, սակայն նա որևէ մեկին չի սպառնացել, պատանդ չի վերցրել, ազատությունից չի զրկել, և անընդհատ իրենց ասել է, որ դուրս չգան, դրսում զենքերով մարդիկ են եղել, իրենց կխփեն: Տունը գրավելու և պայթեցնելու վերաբերյալ Նարեկը հոգեվիճակից ելնելով է ասել, սակայն նա նման բան չէր անելու, ուղղակի վախեցրել է:
Նախաքննական ցուցմունքը հրապարակվելուց հետո վկան պատասխանելով դատավարության մասնակիցների հարցերին, նշեց որ տունը պայթեցնելու վերաբերյալ սպառնալիք իր եղբայրը չի արել:
/տե՛ս դատական նիստի արձանագրությունը/
Վկա Արթուր Մազմանյանը հիմնական դատալսումների ընթացքում ցուցմունք տվեց այն մասին, որ ծառայության ընթացքում ահազանգ են ստացել և օպերատիվ խմբով այցելել են ահազանգի վայր: Երբ ժամանել են դեպքի վայր, տեսել է Նարեկին փողոցում կանգնած: Ինքը մոտեցել է Նարեկին, այդ ժամանակ նկատել է, որ նրա ձեռքին նռնակներ կան, զրուցել է նրա հետ, փորձել հանդարտեցնել: Նարեկը անհանգիստ վիճակում էր, այս ու այն կողմ էր գնում: Հիշում է, որ Նարեկը սպառնալիքներ էր հնչեցնում, իր հիշելով քեռու հետ էր խնդիրը, հայտնում էր, որ տունը կպայթեցնի: Նարեկը նշել է նաև, որ թուրքեր են հարձակվել, ինչը իր համար տաօրինակ վարքագիծ էր: Նարեկը շատ խառը խոսակցություններ է տարել և տարբեր սպառնալիքներ հնչեցրել, ըստ իրեն, Նարեկը հնարավորություն ունեցել է տունը պայթեցնելու, քանի որ նրա ձեռքում 2 նռնակ է եղել: Իր ընկալմամբ տան անդամները եղել են վաղեցած: Նարեկի ձեռքից նռնակները վերցրել է դժվարությամբ, նրա հետ խոսելով և համոզելով իրեն հաջողվել է, որ Նարեկը նռնակները ինքնակամ հանձնել է նռնակները: Իր հետի ծառայակիցը, տեսնելով իրավիճակը, զեկուցել է վերադասին և օգնող խումբը ևս ժամանել էր դեպքի վայր, որից հետո Նարեկին ձերբակալել և տեղափոխել են ոստիկանության բաժին: Ինքը տեղյակ չի եղել, որ հարազատների կողմից շտապօգնություն է կանչվել:
/տե՛ս դատական նիստի արձանագրությունը/
Վկա Սողոմոն Սարիբեկյանը հիմնական դատալսումների ընթացքում ցուցմունք տվեց այն մասին, որ ծառայության ընթացքում ահազանգ են ստացել և օպերատիվ խմբով այցելել են ահազանգի վայր՝ Նոր Խարբերդ 2-րդ փողոց: Նարեկին տեսնելով նկատել են, որ վերջինս անկանոն շարժումներ է կատարում և նրա ձեռքում առկա է եղել 2 նռնակ: Նարեկը սպառնալիքներ էր հնչեցնում, նրա հետ խոսելու ժամանակ Նարեկը հայտնել է, որ իր քեռու հետ անձնական խնդիրներ ունի, սպառնում էր, որ տունը կպայթեցնի: Նշեց նաև, որ Նարեկը նաև նշել է, որ թուրքերն են հարձակվել: Տանը եղել են Նարեկի հարազատները, ըստ իրեն նրանք վախեցած էին: Իր ընկալմամբ սպառնալիքները եղել են իրական, քանի որ Նարեկի ձեռքին եղել են նռնակներ և դրանք մարտական էին: Ինքը նռնակները տեսել է, դրանք, ըստ իրեն, եղել են մարտական, նշեց նաև, որ նռնակի ապահովիչ օղակը եղել է վրան: Իրենց բանակցությունների արդյունքում է Նարեկը նռնակները հանձնել իր ծառայակից Արթուրին, ինքը այդ ժամանակ հեռախոսով իրավիճակի մասին է զեկուցել և պահանջել լրացուցիչ ուժ:
/տե՛ս դատական նիստի արձանագրությունը/
Օրինական ներկայացուցիչ Նարինե Սարիբեկյանը հիմնական դատալսումների ընթացքում որպես վկա ցուցմունք տվեց այն մասին, որ իր որդին ծառայում էր որպես պայմանագրային զինծառայող, 15 օրով բարձրանում էր դիրքեր: Իր որդու, եղբոր, նրա ընտանիքի և քրոջ հետ միասին բնակվում է Նոր Խարբերդ 16 փողոց 103/27 տուն հասցեում: Իր որդուն ինքը նման վիճակով առաջին անգամ էր տեսնում, վերջին անգամ, երբ իր որդին դիրքերից իջել է, ինքը նկատել է, որ իր որդին տարօրինակ վարքագիծ է դրսևորել, սակայն մտածել է, որ քնի արթնանա կանցնի այդ ամենը, սակայն երբ առավոտյան իր որդին սկսել է ոչ ադեկվատ գործողություններ կատարել և նռնակները նրա ձեռքում է տեսել, ինքը զանգահարել է շտապօգնություն և խնդրել, որպեսզի գան իր որդուն տեղափոխեն հիվանդանոց, մինչ ինքը շտապօգնությանը տան տեղն էր բացատրում, ոստիկանները իր որդուն տարան բաժին: Ինքը զանգահարել է շտապօգնություն, քանի որ նման բան առաջին անգամ էր եղել, և ինքը վախեցել է իր որդու առողջության համար: Ոստիկանություն զանգահարել է Նարեկը, իրենց համար անհասկանալի է եղել թե ինչու է ոստիկանություն զանգահարում: Մինչ այդ իր տղան հանգիստ է եղել, պարզապես ասել է, որ թուրքերն են հարձակվել և իրենց չի թողել տանից դուրս գան: Նարեկի եղբայրն է փորձել հանդարտեցնել եղբորը: Նարեկի ձեռքին եղել են 2 նռնակներ, սակայն ինքը չգիտի թե դրանք որտեղից է ձեռք բերել: Նարեկը միշտ կրկնել է, որ թուրքերն են հարձակվել, ինքը կպաշտպանի իրենց: Մինչ ոստիկանների գալը իրենք փորձել են վերցնեն նռնակները, սակայն Նարեկը չի տվել, նշելով որ «դա իրենց խելքի բանը չի»: Ճիշտ է, իր երեխան առաջին անգամ էր նման վիճակում, սակայն ինքը չի վախեցել, քանի որ իր երեխան էր և իրենց չէր սպանելու: Ըստ իր Նարեկը նռնակները չէր պայթեցնի, քանի որ նախ թուրք չկար, բացի այդ նրա երկու ձեռքերն էլ զբաղված էին: Ինքը որևէ սպառնալիք չի լսել, իր տղան միայն ասել է, որ թուրքերն են հարձակվել: Ինքը չի տեսել, որ իր որդին թմրանյութ օգտագործի, ինքը որևէ տեղեկություն այդ ամենի վերաբերյալ չունի, տանը որևէ նման բան չի տեսել: Նշեց, որ Նարեկը իր քեռու հետ լավ հարաբերություններ ունի, նույնիսկ նշեց, որ քեռուն ավելի շատ է սիրում, քան իրեն:
/տե՛ս դատական նիստի արձանագրությունը/
Դատահոգեբուժական փորձաքննության թիվ 102 եզրակացության ՀԵՏԵՎՈՒԹՅՈՒՆՆԵՐ բաժնի համաձայն.  Վերլուծելով անամնեստիկ տեղեկությունները, առկա բուժփաստաթղթերը և ներկա հետազոտման արդյունքները փորձագիտական հանձնաժողովը եզրակացնում է, որ Նարեկ Գարիկի Մանասյանը դեռևս 28.04.2025թ.-ի թիվ 43 ստացիոնար ԴՀՓ եզրակացությամբ իրեն մեղսագրվող արարքների նկատմամբ / ՀՀ քր. օր. 194-րդ հոդվածի 2-րդ մասի 6-րդ կետի, ՀՀ քր. օր. 335-րդ հոդվածի 1-ին մասի, ՀՀ քր. օր. 454-րդ հոդվածի 2-րդ մասի/ ճանաչվել էր անմեղսունակ, նախկինում նրա մոտ իրավախախտումները կատարելիս ախտորոշվել էր. «Հոգեկան և վարքային խանգարում կանաբինոիդների գործածման հետևանքով զառանցանքի գերակշռումով» F-12.51 հոգեկան հիվանդությունը, որի մասին վկայում էին հետազոտման արդյունքները, որոնք թույլ էին տվել փորձաքննվողի մոտ հայտնաբերել վերը նշված հիվանդությանը բնորոշ մտածողության հարտրամաբանություն, դատողությունների անհետևողականություն, վերաբերման, հետապնդման, վնասի հասցման զառանցական մտքեր, որոնք ուղեկցվել են ընկալման խանգարումներով՝ լսողական և տեսողական ցնորքներով, հոգեշարժական գրգռվածություն, հույզերի խամրություն, կամային ոլորտի իջեցում, քննադատության անբավարարության հետ մեկտեղ։ Խորհուրդ էր տրվել հարկադիր բուժում ընդհանուր հսկողության հոգեբուժական բաժանմունքում:
Հաշվի առնելով, որ վերոհիշյալ փորձաքննության կատարման պահից ի վեր անցել է շուրջ 6 ամիս ժամանակ և փորձաքննվողը որպես անվտանգության միջոց այդ ամբողջ ընթացքում ստացել է համապատասխան բուժում, ներբաժանմունքային ռեժիմի խախտում թույլ չի տվել, ի շնորհիվ բուժմանը ներկայումս վերը նկարագրված ակտիվ հոգեախտանիշները վերացել են, ինչպես նաև վերացել է հասարակության համար սոց. վտանգավորությունը, հիվադությունը ներկայումս գտնվում է դեղորայքային ռեմիսայի փուլում, ուստի հանձնաժողովը եզրակացնում է. որ Նարեկ Գարիկի Մանասյանի նկատմամբ հարկ է կիրառել ոչ թե հարկադիր բուժում ընդհանուր հսկողության հոգեբուժական բաժանմունքում, այլ կիրառել արտահիվանդանոցային հարկադիր բուժում և ամբուլատոր դիսպանսեր հսկողություն::
/տե՛ս 4-րդ հատոր, դատական նիստի արձանագրությունը/

Դատարանի իրավական վերլուծությունները.
ՀՀ քրեական օրենսգրքի 19-րդ հոդվածի 1-ին մասի համաձայն՝
«Քրեական պատասխանատվության ենթակա է մեղսունակ ֆիզիկական անձը, որի 16 տարին լրացած է եղել հանցանքը կատարելու պահին, ինչպես նաև իրավաբանական անձը:»:
ՀՀ քրեական օրենսգրքի 21-րդ հոդվածի համաձայն՝
«1. Մեղսունակությունն անձի՝ հանցանքը կատարելու պահին իր արարքի հակաիրավականությունը գիտակցելու և այն ղեկավարելու ունակությունն է:»:
ՀՀ քրեական օրենսգրքի 29-րդ հոդվածի համաձայն՝
«1. Անմեղսունակության վիճակում սույն օրենսգրքով նախատեսված արարք կատարած անձը ենթակա չէ քրեական պատասխանատվության:
2. Անմեղսունակ է համարվում այն անձը, որը սույն օրենսգրքով նախատեսված արարքը կատարելու պահին հոգեկան առողջության խնդիրների հետևանքով չի գիտակցել իր արարքի հակաիրավականությունը կամ չի ղեկավարել դա:»:
ՀՀ քրեական օրենսգրքի 113-րդ հոդվածի համաձայն՝
«1. Պատժի սպառնալիքով արգելված արարք կատարած անձի նկատմամբ կարող են նշանակվել անվտանգության հետևյալ միջոցները.
1) բժշկական բնույթի հարկադրանքի միջոցներ՝
ա. հոգեբույժի մոտ արտահիվանդանոցային հսկողություն և հարկադիր բուժում,
բ. ընդհանուր հսկողության հոգեբուժական բաժանմունքում հարկադիր բուժում,
գ. հատուկ տիպի հոգեբուժական բաժանմունքում հարկադիր բուժում,
2) որոշակի վայրեր այցելելու արգելք,
3) հոգեբանական օգնություն ստանալու պարտականություն»:
ՀՀ քրեական օրենսգրքի 114-րդ հոդվածի համաձայն՝
«1. Դատարանը բժշկական բնույթի հարկադրանքի միջոց է նշանակում այն անձի նկատմամբ, որը՝
1) պատժի սպառնալիքով արգելված արարքի կատարման պահին գտնվել է անմեղսունակության վիճակում,
/…/
2. Դատարանն անձի նկատմամբ նշանակում է բժշկական բնույթի հարկադրանքի միջոց, եթե հանգում է հետևության, որ անձը, իր առողջական վիճակով պայմանավորված, կարիք ունի բժշկական միջամտության, որը կապահովի իր կամ այլ անձի անվտանգությունը, ինչպես նաև սույն օրենսգրքի 111-րդ հոդվածի 2-րդ մասով նախատեսված՝ անվտանգության միջոցների կիրառման նպատակի իրականացումը:
3. Բժշկական բնույթի հարկադրանքի միջոցի ժամկետի ավարտից հետո անձի նկատմամբ իրականացվող բժշկական օգնության և սպասարկման հարցը լուծվում է Հայաստանի Հանրապետության առողջապահության ոլորտը կարգավորող օրենսդրությանը համապատասխան:
/…/»:
ՀՀ քրեական օրենսգրքի 116-րդ հոդվածի 1-ին մասի համաձայն՝
«1. Դատարանը հոգեբուժական կազմակերպությունների ընդհանուր հսկողության հոգեբուժական բաժանմունքում հարկադիր բուժում է նշանակում պատժի սպառնալիքով արգելված արարք կատարած այն անձի նկատմամբ, որի հոգեկան վիճակը պահանջում է բուժման, խնամքի և հսկողության այնպիսի պայմաններ, որոնք կարող են իրականացվել միայն հիվանդանոցային պայմաններում:»:
ՀՀ քրեական օրենսգրքի 117-րդ հոդվածի 1-ին մասի համաձայն՝
«1. Բժշկական բնույթի հարկադրանքի միջոց նշանակելիս դատարանը հաշվի է առնում պատժի սպառնալիքով արգելված արարք կատարած անձի հոգեկան առողջության խնդրի դրսևորումն ու բնույթը, կատարված արարքի բնույթն ու վտանգավորության աստիճանը, դրա կատարմանը նպաստած գործոնները, անձի կողմից պատժի սպառնալիքով արգելված արարք կրկին կատարելու հավանականությունը, իր կամ այլ անձի համար վտանգավորություն ներկայացնելը: Բժշկական բնույթի հարկադրանքի միջոցի կոնկրետ տեսակը նշանակելու որոշում կայացնելիս դատարանը հիմնվում է հոգեբուժական կազմակերպության հանձնաժողովի տված եզրակացության վրա»:
ՀՀ քրեական դատավարության օրենսգրքի 421-րդ հոդվածի համաձայն՝
«1. Բժշկական հարկադրանքի վարույթի ընթացքում ապացուցման ենթակա են՝
1) դեպքը և դրա հանգամանքները.
2) արարքը տվյալ անձի կողմից կատարելը.
3) արարքը կատարելիս տվյալ անձի մեղսունակությունը և մեղքը.
4) տվյալ անձի մոտ հոգեկան առողջության խնդրի առկայությունը, ինչպես նաև դրա բնույթը, աստիճանը և առաջացման ժամանակը.
5) տվյալ անձի վարքագիծը և առողջական վիճակն արարքը կատարելուց առաջ և հետո.
6) պատճառված վնասի բնույթը և չափը:»:
ՀՀ քրեական դատավարության օրենսգրքի 428-րդ հոդվածի համաձայն՝
«/…/
2. Վերդիկտ կայացնելիս դատարանը ներկայացված հաջորդականությամբ լուծում է հետևյալ հարցերը.
1) ապացուցված են արդյոք տվյալ անձին վերագրվող փաստական հանգամանքները (արարքը).
2) ապացուցված է արդյոք այդ արարքի քրեական հակաիրավականությունը.
3) ապացուցված է արդյոք տվյալ անձի կողմից այդ արարքը կատարելը.
4) եթե բժշկական հարկադրանքի վարույթն իրականացվում է սույն օրենսգրքի 420-րդ հոդվածի 1-ին մասի 1-ին կետով նախատեսված հիմքով, ապա ապացուցված է արդյոք տվյալ արարքը կատարելու պահին անձի անմեղսունակությունը.
5) եթե բժշկական հարկադրանքի վարույթն իրականացվում է սույն օրենսգրքի 420-րդ հոդվածի 1-ին մասի 2-րդ կետով նախատեսված հիմքով, ապա ապացուցված է արդյոք տվյալ անձի մեղքն իրեն վերագրվող արարքը կատարելու մեջ:
3. Սույն հոդվածի 2-րդ մասի 1-3-րդ և 5-րդ կետերում նշված հարցերից որևէ մեկին ժխտական պատասխան տալու դեպքում դատարանը կայացնում է արդարացման վերդիկտ։
4. Սույն հոդվածի 2-րդ մասի 4-րդ կետում նշված հարցին ժխտական պատասխան տալու դեպքում դատարանը լուծում է նաև սույն հոդվածի 2-րդ մասի 5-րդ կետում նշված հարցը:
5. Սույն հոդվածի 2-րդ մասի 4-րդ կետում նշված հարցին հաստատական պատասխան տալու դեպքում դատարանը կայացնում է անմեղսունակության վերդիկտ։
6. Սույն հոդվածի 2-րդ մասի 1-3-րդ և 5-րդ կետերում նշված բոլոր հարցերին հաստատական պատասխան տալու դեպքում դատարանը կայացնում է մեղադրական վերդիկտ, որը սահմանում է նաև, թե ապացուցված արարքի նկատմամբ քրեական օրենսգրքի որ հոդվածը, հոդվածի մասը կամ կետն է ենթակա կիրառման:»:
ՀՀ քրեական դատավարության օրենսգրքի 429-րդ հոդվածի 2-րդ մասի համաձայն՝
«/…/
2. Մեղադրական վերդիկտին կամ անմեղսունակության վերդիկտին հաջորդող լրացուցիչ դատալսումների ընթացքում դատարանը քննարկման առարկա է դարձնում`
1) դատապարտված մեղադրյալի պատասխանատվությունը մեղմացնող կամ ծանրացնող հանգամանքների, ինչպես նաև նրա անձը բնութագրող հանգամանքների վերաբերյալ հարցերը.
2) պատիժ կամ բժշկական բնույթի հարկադրանքի միջոց կիրառելու վերաբերյալ հարցերը.
3) գույքային հայցը լուծելու հարցը.
4) հանցագործությամբ պատճառված վնասի հատուցման հարցը.
5) գույքի արգելադրման հետ կապված հարցերը.
6) ապացույցների պահպանման և տնօրինման հարցերը.
7) խափանման կամ անվտանգության միջոցի կիրառման հետ կապված հարցերը.
8) վարութային ծախսերին վերաբերող հարցերը.
9) վերաբերելի այլ հարցեր»:
ՀՀ քրեական դատավարության օրենսգրքի 430-րդ հոդվածի համաձայն՝
«1. Արդարացման կամ մեղադրական վերդիկտի հիման վրա դատարանը կայացնում է համապատասխանաբար արդարացման կամ մեղադրական դատավճիռ: Անմեղսունակության վերդիկտի հիման վրա դատարանը կայացնում է բժշկական հարկադրանքի դատավճիռ:
2. Մեղադրական և բժշկական հարկադրանքի դատավճռում դատարանը պետք է լուծի նաև հետևյալ հարցերը․
1) ապացուցված է արդյոք տվյալ անձի մոտ այնպիսի հոգեկան առողջության խնդրի առկայությունը, որն անհնար է դարձնում տվյալ անձի կողմից պատժի կրումը.
2) անձի նկատմամբ անհրաժեշտ է արդյոք կիրառել բժշկական բնույթի հարկադրանքի միջոց.
3) բժշկական բնույթի հարկադրանքի ինչ միջոց պետք է կիրառվի տվյալ անձի նկատմամբ:»:
Դատարանը պատշաճ իրավական ընթացակարգի շրջանակներում հիմնական դատալսումների ընթացքում հետազոտելով սույն գործով ձեռք բերված ապացույցները և դրանք գնահատելով վերաբերելիության, թույլատրելիության, հավաստիության, իսկ ամբողջ ապացույցներն իրենց համակցությամբ՝ գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության և վերլուծության վրա հիմնված ներքին համոզմամբ հանգում է հետևության, որ ապացուցված է Նարեկ Մանասյանին վերագրվող արարքները, նշված արարքների հակաիրավականությունը, վերջինիս կողմից նշված արարքները կատարելը և տվյալ արարքները կատարելու պահին վերջինիս անմեղսունակությունը։
Անդրադառնալով հանցանքները կատարելու պահին Նարեկ Մանասյանի մեղսունակության հարցին և հիմք ընդունելով Ստացիոնար դատահոգեբուժական փորձաքննության թիվ 43 եզրակացության հետևությունները, Դատարանն ապացուցված է համարում նաև այն, որ Նարեկ Մանասյանը ՀՀ քրեական օրենսգրքով նախատեսված արարքները կատարելիս, այդ թվում՝ փորձաքննության ընթացքում գտնվել և այժմ էլ շարունակում է գտնվել անմեղսունակության վիճակում, ինչը նրան զրկել է իր արարքի հակաիրավականությունը գիտակցելու և դա ղեկավարելու հնարավորությունից։ Միաժամանակ Դատարանն արձանագրում է, որ Նարեկ Մանասյանը դատահոգեբուժական փորձաքննության թիվ 102 եզրակացության համաձայն, որպես անվտանգության միջոց կիրառված լինելու ընթացքում՝ 6 ամիս ստացել է համապատասխան բուժում, ներբաժանմունքային ռեժիմի խախտում թույլ չի տվել, ի շնորհիվ բուժմանը ներկայումս վերը նկարագրված ակտիվ հոգեախտանիշները վերացել են, ինչպես նաև վերացել է հասարակության համար սոցիալական վտանգավորությունը, հիվադությունը ներկայումս գտնվում է դեղորայքային ռեմիսայի փուլում։ Նշվածի արդյունքում հանձնաժողովը եզրակացրել է, որ Նարեկ Գարիկի Մանասյանի նկատմամբ հարկ է կիրառել ոչ թե հարկադիր բուժում ընդհանուր հսկողության հոգեբուժական բաժանմունքում, այլ կիրառել արտահիվանդանոցային հարկադիր բուժում և ամբուլատոր դիսպանսեր հսկողություն։
Վերոգյալի հաշվառմամբ Դատարանն ապացուցված է համարում, որ Նարեկ Մանասյանի մոտ առկա է այնպիսի հոգեկան առողջության խնդիր, որը անհնար է դարձնում նրա կողմից պատժի կրումը, հետևաբար Դատարանը գտնում է, որ Նարեկ Մանասյանը իր ներկա հոգեկան վիճակով սոցիալապես այն աստիճանի վտանգ չի ներկայացնում, որ նրա նկատմամբ հատուկ տիպի հոգեբուժական բաժանմունքում հարկադիր բուժում կիրառվի և այն աստիճանի նվազ չէ, որ առհասարակ որևէ հարկադիր բուժումը չնշանակելը կընձեռնի կանխելու պատժի սպառնալիքով արգելված արարքի կատարումը, ուստի վերջինիս նկատմամբ պետք նշանակել արտահիվանդանոցային հարկադիր բուժում և ամբուլատոր դիսպանսեր հսկողություն: Նշված եզրահանգման հիմք է հանդիսանում նաև հենց դատալսումների ընթացքում նշանակված փորձաքննության արդյունքները։
Դատարանը բժշկական բնույթի հարկադրանքի տվյալ միջոցը նշանակելիս հաշվի է առնում պատժի սպառնալիքով արգելված արարք կատարած անձի հոգեկան առողջության խնդրի դրսևորումն ու բնույթը, կատարված արարքների բնույթն ու վտանգավորության աստիճանը, դրա կատարմանը նպաստած գործոնները, անձի կողմից պատժի սպառնալիքով արգելված արարք կրկին կատարելու հավանականությունը, իր կամ այլ անձի համար վտանգավորություն ներկայացնելը:
Անդրադառնալով անվտանգության միջոցի կիրառման հետ կապված հարցին՝ Դատարանն արձանագրում է, որ Նարեկ Մանասյանի նկատմամբ որպես անվտանգության միջոց կիրառված բժշկական հսկողությունը պետք է փոխել ընտանեկան հսկողության՝ մինչև դատավճռի օրինական ուժի մեջ մտնելը: Ընտանեկան հսկողության ընթացքում Նարեկ Գագիկի Մանասյանի վարքագծի նկատմամբ հսկողությունը պետք է հանձնել օրինական ներկայացուցիչ Նարինե Նիկողոսյանին:
Անդրադառնալով իրեղեն ապացույցների պահպանման և տնօրինման հարցին՝ Դատարանն արձանագրում է, որ ըստ որոշման՝ «Փ-1» տեսակի ձեռքի բեկորային մարտական նռնակը, 1967 թվականի գործարանային արտադրության «Y3PFM» տեսակի մարտական պայթուցիչը, «Ջ-1» տեսակի ձեռքի բեկորային մարտական նռնակը, գործարանային արտադրության մարտական պայթուցիչով՝ նախատեսված «Ջ-1» տեսակի ձեռքի բեկորային մարտական նռնակը, Նարեկ Մանասյանի սենյակից հայտնաբերված և վերցված ռազմամթերք հանդիսացող 1979 թվականի գործարանային արտադրության 7,62մմ /7,62x39/ տրամաչափի մարտական փամփուշտը, պետք է թողնել ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնին՝ թիվ 11193525 քրեական վարույթի նյութերին կցելու համար /Քրեական գործին կից դրանք Դատարան չի ներայացվել և ըստ առկա տեղեկանքի, պահվում է Շենգավիթ վարչական շրջանի քննչական բաժնում/։ 3,3 գրամ քաշով «Մարիխուանա» տեսակի թմրամիջոցը պետք է հանձնել ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժին՝ թիվ 11193525 քրեական վարույթի նյութերին կցելու համար, իսկ Նարեկ Մանասյանի անձնական խուզարկությամբ հայտնաբերված բջջային հեռախոսը և ականջակալը հանձնել վերջինիս:
Անդրադառնալով գործով առկա վարութային ծախսերին և հաշվի առնելով սույն վարույթի առանձնահատկությունները Դատարանը գտնում է, որ վարութային ծախսերի հարցը պետք է համարել լուծված:
Նկատի ունենալով այն հանգամանքը, որ սույն քրեական գործով գույքային հայց, գույք բռնագրավելու անհրաժեշտություն, արգելադրված գույք առկա չէ՝ Դատարանն այդ հարցերին չի անդրադառնում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 33-րդ, 100-րդ, 347-350-րդ, 364-րդ և 420-430-րդ հոդվածներով՝ Դատարանը

Վ Ճ Ռ Ե Ց

Նարեկ Գագիկի Մանասյանի կողմից ՀՀ քրեական օրենսգրքի 194-րդ հոդվածի 2-րդ մասի 6-րդ կետով, 335-րդ հոդվածի 1-ին մասով, 396-րդ հոդվածի 1-ին մասով, 454-րդ հոդվածի 2-րդ մասով նախատեսված արարքներն անմեղսունակության վիճակում կատարելը համարել ապացուցված և նրա նկատմամբ նշանակել բժշկական բնույթի հարկադրանքի միջոց՝ արտահիվանդանոցային հարկադիր բուժում և ամբուլատոր դիսպանսեր հսկողություն:
Նարեկ Գագիկի Մանասյանի նկատմամբ որպես անվտանգության միջոց կիրառված բժշկական հսկողությունը փոխել ընտանեկան հսկողության՝ մինչև դատավճռի օրինական ուժի մեջ մտնելը:
Ընտանեկան հսկողության ընթացքում Նարեկ Գագիկի Մանասյանի վարքագծի նկատմամբ հսկողությունը հանձնել օրինական ներկայացուցիչ Նարինե Նիկողոսյանին:
Վարույթում առկա իրեղեն ապացույցների տնօրինման հարցը լուծել ըստ ՀՀ քրեական դատավարության օրենսգրքով և սույն դատավճռի պատճառաբանական մասով սահմանված կարգի:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու պահից մեկամսյա ժամկետում:





ԴԱՏԱՎՈՐ՝ Ռ. ՍՄԲԱՏՅԱՆ