ԵԴ1/1915/01/25

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

21 հուլիսի 2025թ․ ք․Երևանում Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

նախագահությամբ՝
դատավոր՝ Մ․Արամյանի
քարտուղարությամբ՝ Մ.Գևորգյանի
մասնակցությամբ`
հանրային մեղադրող՝ Բ․Ղազինյանի
մեղադրյալ՝ Ս․Հակոբյանի

դռնբաց դատական նիստում քննեց քրեական գործն ըստ մեղադրանքի` Սամվել Հակոբյանի (ծնված 1995 թվականի հունիսի 26-ին Երևան քաղաքում, ազգությամբ հայ, ՀՀ քաղաքացի, նախկինում չդատված, հաշվառված և բնակվող՝ ք. Երևան, Կ.Ուլնեցու 1-ին փակուղի 5-րդ շենք, 41-րդ բնակարան)։
Սամվել Հակոբյանին մեղադրանք է առաջադրվել ՀՀ քրեական օրենսգրքի 344-րդ հոդվածի 1-ին մասով /2 դրվագ/, խափանման միջոց է կիրառվել բացակայելու արգելքը:

Դատավճռի նկարագրական մաս.
2025 թվականի փետրվարի 07-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60157825 քրեական վարույթը։
2025 թվականի փետրվարի 07-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60157925 քրեական վարույթը։
2025 թվականի փետրվարի 07-ին որոշում է կայացվել թիվ 60157925 քր/վ թիվ 60157825 քր/վ միացնելու և 60157825 թվի ներքո շարունակելու մասին:
2025 թվականի ապրիլի 16-ի որոշմամբ՝ Սամվել Քաջիկի Հակոբյանի նկատմամբ ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով հարուցվել է հանրային՝ քրեական հետապնդում:
2025 թվականի մարտի 17-ին կայացված որոշմամբ Սամվել Քաջիկի Հակոբյանի նկատմամբ որպես խափանման միջոց է ընտրվել Հայաստանի Հանրապետությունից բացակայելու արգելքը:
2025 թվականի հունիսի 05-ին դատավորների միջև գործերի բաշխման էլեկտրոնային մակագրության համակարգի միջոցով թիվ ԵԴ1/1915/01/25 համարի ներքո քրեական գործը մակագրվել է ինձ:
Գործը ինձ է հանձնվել 2025 թվականի հունիսի 06-ին:
Հանձնված գործը հանդիսացել է 2025 թվականի հունիսի 05-ին ՀՀ դատախազության Աջափնյակ և Դավիթաշեն վարչական շրջանների դատախազությունից Երևան քաղաքի առաջին ատյանի ընդհանուր իրավասության քրեական դատարան ուղարկված թիվ 60033223 նախաքննական համարով քրեական գործն՝ ըստ մեղադրանքի Հրաչյա Սեյրանի Մադոյանի՝ ՀՀ քրեական օրենսգրքի 344-րդ հոդվածի 1-ին մասով /2 դրվագ/։
2025 թվականի հունիսի 09-ին որոշում է կայացվել թիվ ԵԴ1/1915/01/25 քրեական գործը վարույթ ստանձնելու և նախնական դատալսումներ նշանակելու մասին։
2025 թվականի հունիսի 23-ին ուսումնասիրվել է դատական համակարգը, որի լրացման ընթացքում պարզվել է, որ սույն դատական գործի ներքո լրացված է այլ անձի վերաբերյալ տվյալներ և այլ քրեական գործի նախաքննական համար։Լրացուցիչ ուսումնասիրությամբ պարզվել է, որ Հրաչյա Մադոյանի վերաբերյալ քրեական գործին իրականում տրված է թիվ ԵԴ1/1922/01/25 համարը, որը մակագրված է Երևան քաղաքի առաջին ատյանի ընդհանուր իրավասության քրեական դատարանի մեկ այլ դատավորի։
2025 թվականի հունիսի 24-ին թիվ ԵԴ1/1915/01/25 քրեական գործը թիվ 60157825 նախաքննական համարով ըստ մեղադրանքի՝ Սամվել Քաջիկի Հակոբյանի՝ ՀՀ քրեական օրենսգրքի 344-րդ հոդվածի 1-ին մասով /2 դրվագ/ հանձնվել է ինձ։
Սամվել Հակոբյանին մեղադրանք է առաջադրվել հանրորեն վտանգավոր այն արարքների կատարման համար որ նա «ՀՀ ՆԳՆ ոստկանության ճանապարհային ոստիկանության արգելված, մեղավորությամբ կատարված հանրորեն վտանգավոր այն արարքի ծառայողի կողմից 2024 թվականի օգոստոսի 27-ին կայացված՝ թիվ 2419011343 որոշմամբ ենթարկված լինելով վարչական տույժի՝ ափանսպորտային միջոց վարելու իրավունքը 5 ամիս ժամկետով՝ կասեցված լինելու ձևով, պատշաճ ծանուցված և տեղեկացված լինելով այդ մասին, 2025 թվականի հունվարի 17-ին ժամը 01:15-ի սահմաններում Երևան քաղաքի Եղվարդի խճուղում վարել է օպել մակնիշի 37 SA 087 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից՝ նույն օրը կազմված վարչական իրավախախտման վերաբերյալ թիվ 8259007711 արձանագրությամբ:
Այսինքն՝ Սամվել Քաջիկի Հակոբյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 1-ին մասով: Բացի այդ, Սամվել Քաջիկի Հակոբյանը, ՀՀ ՆԳՆ ոստիկանության ճանապարհային ոստիկանության ծառայողի կողմից 2024 թվականի օգոստոսի 27-ին կայացված թիվ 2419011343 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքը 6 ամիս ժամկետով կասեցված լինելու ձևով, պատշաճ ծանուցված և տեղեկացված լինելով այդ մասին, 2025 թվականի հունվարի 25-ին ժամը 02:45-ի սահմաններում Երևան քաղաքի Հալաբյան փողոցում վարել է Օպել մակնիշի 37 SA 087 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից նույն օրը կազմված վարչական իրավախախտման վերաբերյալ թիվ 8259007809 արձանագրությամբ:
Այսինքն՝ Սամվել Քաջիկի Հակոբյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 1-ին մասով:
Այսպիսով, Սամվել Քաջիկի Հակոբյանին մեղսագրվում է հանցավոր արաքրների կատարում՝ նախատեսված ՀՀ քրեական օրենսգրքի 344-րդ հոդվածի 1-ին մասով/ երկու դրվագ/։

Դատաքննության ընթացքում հետազոտված թույլատրելի ապացույցներ
Մեղադրյալ Սամվել Հակոբյանը ցուցմունք տվեց այն մասին, որ «Ակտավորման ժամանակ էլ եմ շեշտադրել, թե ինչի համար եմ վարում մեքենան։ Ծանր աշխատանք չեմ կարողանում կատարել, մասնագիտություն էլ չունեմ, համակարգչով էլ չեմ կարողանում աշխատել։ Տաքսի եմ վարում հիմնականում երեկոյան ժամերին և այլ աշխատանքային միջոց չունենալու պատճառով եմ վարել ու նշել եմ, որ հարկադրված եմ անում և չունեմ այլ ապրուսի միջոց։ Ինչ արձանագրված է մեղադրական եզրակացությունում ճիշտ է, իրականություն է, մեղքս ընդունում եմ ամբողջությամբ»։
ՀՀ ՆԳՆ ոստիկանության պարեկային ծառայության Երևան քաղաքի գնդից Սամվել Քաջիկի Հակոբյանի վերաբերյալ ստացված փաստաթղթերը 2025 թվականի մարտի 26-ին զննության ենթարկելու մասին արձանագրությունը, համաձայն որի՝
2025 թվականի հունվարի 17-ին՝ ժամը 01։20-ին, ՀՀ ՆԳՆ ոստիկանության պարեկային ծառայության Երևանի գնդի 4-րդ գումարտակի 2-րդ վաշտի պարեկ Սմբատ Գագիկի Մխիթարյանը կազմել է վարչական իրավախախտումների վերաբերյալ թիվ 8259007711 արձանագրությունն այն մասին, որ Սամվել Քաջիկի Հակոբյանը (ծնված 26.06.1995թ., քաղաք Երևան, Կ. Ուլնեցի 1-ին փակուղի, 5-րդ շենք, 41-րդ բնակարան, ՀԾՀ՝ 7505940473) 2025 թվականի հունվարի 17-ին՝ ժամը 01։15-ի սահմաններում, Երևան քաղաքի Եղվարդի խճուղում վարել է Օպել մակնիշ 37 SA 087 հաշվառման համարանիշի տրանսպորտային միջոցը՝ տրանսպորտային միջոցները վարելու իրավունքը կասեցված վիճակում:
Արձանագրությանը կցվում է հատվածում առկա է գրառում՝ պարտավորագիր։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն։
Արձանագրությանը, իրավունքներին և պարտականություններին ծանոթանալու հատվածում գրառում առկա չէ:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 201.2 թիվը։
Պարտավորագրի պատճենի զննությամբ պարզվել է, որ այն կազմվել է 2025 թվականի հունվարի 17-ին և համաձայն որի՝ Սամվել Քաջիկի Հակոբյանի կողմից վարած Օպել մակնիշ 37 SA 087 հաշվառման համարանիշի տրանսպորտային միջոցը պարտավորվել է վարել և քաղաք Երևան, Բաշինջաղյա փողոց հասցնել Վլադիմիր Արտյոմի Հովակիմյանը/RJ582801/։
2024 թվականի օգոստոսի 27-ին ՀՀ ՆԳՆ ոստիկանության Ճանապարհային ոստիկանություն ծառայության տեխնիկական միջոցներով հայտնաբերված իրավախախտումների վերաբերյալ գործերի քննության բաժնում կայացվել է վարչական տույժ նշանակելու մասին թիվ 2419011343 որոշումն, ըստ որի Սամվել Քաջիկի Հակոբյանը քաղաք Երևան, Լեոյի /Պարոնյան խաչմերուկի հատվածում խախտել է ՀՀ կառավարության 2007 թվականի հունիսի 28-ի 955-Ն որոշման Հավելված N 1-ի 7-րդ կետի 5-րդ ենթակետը։ Սամվել Քաջիկի Հակոբյանը պարբերաբար կատարել է տուգանային միավորի ձևով վարչական տույժ նախատեսող՝ ճանապարհային երթևեկության կանոնների / ճանապարհային երթևեկության անվտանգության ապահովման բնագավառի օրենսդրության/ խախտումներ, այսինքն՝ ՎԻՎ օրենսգրքով նախատեսված այնպիսի արարք, որի համար նախատեսված է տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը կազմում է 9 կամ ավելի միավոր։
ՎԻՎ ՀՀ օրենսգրքի 129.3-րդ հոդվածի 1-ին մասի համաձայն, Սամվել Քաջիկի Հակոբյանի՝ տրանսպորտային միջոցներ վարելու իրավունքի վկայականը կասեցնել 6/վեց/ ամիսի ժամկետով:
2024 թվականի օգոստոսի 27-ին ՀՀ ՆԳՆ ոստիկանության Ճանապարհային ոստիկանություն ծառայության տեխնիկական միջոցներով հայտնաբերված իրավախախտումների վերաբերյալ գործերի քննության բաժնում կայացվել է վարչական տույժ նշանակելու մասին թիվ 2419011656 որոշումն, ըստ որի Սամվել Քաջիկի Հակոբյանը քաղաք Երևան, Արցախի փողոցում խախտել է ՀՀ կառավարության 2007 թվականի հունիսի 28-ի 955-Ն որոշման Հավելված N 1-ի 68-րդ կետը։ Սամվել Քաջիկի Հակոբյանը պարբերաբար կատարել է տուգանային միավորի ձևով վարչական տույժ նախատեսող՝ ճանապարհային երթևեկության կանոնների /ճանապարհային երթևեկության անվտանգության ապահովման բնագավառի օրենսդրության/ խախտումներ, այսինքն՝ ՎԻՎ օրենսգրքով նախատեսված այնպիսի արարք, որի համար նախատեսված է տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը կազմում է 9 կամ ավելի միավոր։
ՎԻՎ ՀՀ օրենսգրքի 129.3-րդ հոդվածի 1-ին մասի համաձայն, Սամվել Քաջիկի Հակոբյանի՝ տրանսպորտային միջոցներ վարելու իրավունքի վկայականը կասեցնել 6/վեց/ ամիսի ժամկետով:
2024 թվականի օգոստոսի 28-ին ՀՀ ՆԳՆ ոստիկանության Ճանապարհային ոստիկանություն ծառայության տեխնիկական միջոցներով հայտնաբերված իրավախախտումների վերաբերյալ գործերի քննության բաժնում կայացվել է վարչական տույժ նշանակելու մասին թիվ 2419028357 որոշումն, ըստ որի Սամվել Քաջիկի Հակոբյանը քաղաք Երևան, Տիգրան Մեծի պողոտայում խախտել է ՀՀ կառավարության 2007 թվականի հունիսի 28-ի 955-Ն որոշման Հավելված N 1-ի 68-րդ կետը։ Սամվել Քաջիկի Հակոբյանը պարբերաբար կատարել է տուգանային միավորի ձևով վարչական տույժ նախատեսող՝ ճանապարհային երթևեկության կանոնների /ճանապարհային երթևեկության անվտանգության ապահովման բնագավառի օրենսդրության/ խախտումներ, այսինքն՝ ՎԻՎ օրենսգրքով նախատեսված այնպիսի արարք, որի համար նախատեսված է տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը կազմում է 9 կամ ավելի միավոր։
ՎԻՎ ՀՀ օրենսգրքի 129.3-րդ հոդվածի 1-ին մասի համաձայն, Սամվել Քաջիկի Հակոբյան՝ տրանսպորտային միջոցներ վարելու իրավունքի վկայականը կասեցնել 6 /վեց/ ամիսի ժամկետով:
ՀՀ ոստիկանության Ճանապարհային ոստիկանություն ծառայության էլեկտրոնային ռեգիստրից ստացված տեղեկատվության զննությամբ պարզվել է, որ Սամվել Քաջիկի Հակոբյան (ՀԾՀ՝ 3614950506) տվյալներով առկա է վարորդական իրավունքի վկայական՝ կարգավիճակը կասեցված՝ սկիզբը՝ 01-10-2024թ., ավարտը՝ 01-04-2025թ.։ 2/ սկիզբը՝ 30-09-2024թ., ավարտը՝ 30-03-2025թ.։
Բացի այդ, 2025 թվականի փետրվարի 07-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասի, որ 2025 թվականի հունվարի 25-ին՝ ժամը 02։50-ին, ՀՀ ՆԳՆ ոստիկանության պարեկային ծառայության Երևանի գնդի 4-րդ գումարտակի 2-րդ վաշտի պարեկ Էլբակ Վաչագանի Ավետիսյանը կազմել է վարչական իրավախախտումների վերաբերյալ թիվ 8259007809 արձանագրությունն այն մասին, որ Սամվել Քաջիկի Հակոբյանը (ծնված 26.06.1995թ., քաղաք Երևան, Կ. Ուլնեցի 1-ին փակուղի, 5-րդ շենք, 41-րդ բնակարան, ՀԾՀ՝ 7505940473) 2025 թվականի հունվարի 25-ին՝ ժամը 02։45-ի սահմաններում, Երևան քաղաքի Հալաբյան փողոցում վարել է Օպել մակնիշ 37 SA 087 հաշվառման համարանիշի տրանսպորտային միջոցը՝ տրանսպորտային միջոցները վարելու իրավունքը կասեցված վիճակում:
Արձանագրությանը կցվում է հատվածում գրառում առկա չէ։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է գրառում՝ հրաժարվեց ստորագրելուց։
Արձանագրությանը, իրավունքներին և պարտականություններին ծանոթանալու հատվածում առկա է գրառում՝ հրաժարվեց բացատրություն տալուց և ստորագրելուց։
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 201.2 թիվը։
ՀՀ ՆԳՆ ոստիկանության ՀՈԳՎ գլխավոր վարչության վարչական գործունեության և բողոքների քննության վարչությունից ստացված քաղվածքի զննությամբ պարզվել է, որ Սամվել Քաջիկի Հակոբյանի վարորդական իրավունքը կասեցնելու վերաբերյալ թիվ 2419011343, 2419011656, 2419028357 որոշումները (կասեցման սկիզբը՝ 30-09-2024թ., ավարտը՝ 01-04-2025թ.) փոստային ծառայության միջոցով առաքվել են հասցեատիրոջը, սակայն փոստային ծառայությունը որոշումները վերադարձրել է ՀՈԳՎ վարչական գործունեության և բողոքների քննության վարչություն։
ՀՀ ՆԳՆ ոստիկանության ՀՈԳՎ Քանաքեռ-Զեյթունի բաժնից ստացված գրության զննությամբ պարզվել է, որ Սամվել Քաջիկի Հակոբյանին վարչական տույժ նշանակելու մասին թիվ 2419011343 որոշումը հանձնվել է հասցեատիրոջը 2024 թվականի նոյեմբերի 23-ին նույն բաժնի աշխատակցի կողմից։Վ.Թ. 35-38
2025 թվականի մարտի 26-ին կայացված որոշմամբ զննված և արտավարույթային փաստաթուղթ ճանաչված՝ Սամվել Քաջիկի Հակոբյանի վերաբերյալ վարչական իրավախախտումների վերաբերյալ թիվ 8259007711 արձանագրության պատճենը, պարտավորագրի պատճենը, վարչական տույժ նշանակելու մասին թիվ 2419011343, թիվ 2419011656, թիվ 2419028357 որոշումների պատճենները, վարչական իրավախախտումների վերաբերյալ թիվ 8259007809 արձանագրության պատճենը, ՀՀ ոստիկանության Ճանապարհային ոստիկանություն էլեկտրոնային ծառայության ռեգիստրից ստացված քաղվածքը։Վ.Թ. 4-9, 39-41
Վերոգրյալ ապացույցների հիման վրա Դատարանը հաստատված է համարում հետևյալ փաստական հանգամանքները, մասնավորապես.
- 2025 թվականի հունվարի 17-ի Սամվել Հակոբյանի տրանսպորտային միջոցներ վարելու իրավունքը եղել է կասեցված,
-2025 թվականի հունվարի 17-ին՝ ժամը 01:15-ի սահմաններում, Երևան քաղաքի Եղվարդի խճուղում վարել է «Օպել» մակնիշի 37 SA 087 հաշվառման համարանիշի ավտոմեքենան,
-2025 թվականի հունվարի 25-ին Սամվել Հակոբյանի տրանսպորտային միջոցներ վարելու իրավունքը եղել է կասեցված,
-2025 թվականի հունվարի 25-ին՝ ժամը 02:45-ի սահմաններում, Երևան քաղաքի Հալաբյան փողոցում վարել է «Օպել» մակնիշի 37 SA 087 հաշվառման համարանիշի ավտոմեքենան։

Լրացուցիչ դատալսումների ընթացքումն հետազոտվել են.
Մեղադրյալի Ձև 8 տեղեկանքը, որի համաձայն վերջինս նախկինում դատապարտված չի եղել։

Դատավճռի պատճառաբանական մաս.
ՀՀ քրեական դատավարության օրենսգրքի 97-րդ հոդվածի համաձայն/․․․/ 1. Վարույթի ընթացքում ձեռք բերված ապացույցները, ներառյալ վարույթի մասնավոր մասնակիցների ներկայացրած ապացույցները համարվում են թույլատրելի, քանի դեռ պատշաճ իրավական ընթացակարգով հակառակը չի հաստատվել:
2. Օրենքի էական խախտմամբ ստացված տվյալները, ինչպես նաև դրանց հիման վրա կատարված վարութային գործողությունների արդյունքով ձեռք բերված տվյալները ճանաչվում են անթույլատրելի և չեն կարող օգտագործվել որպես ապացույց/․․․/:
ՀՀ քրեական դատավարության օրենսգրքի 102-րդ հոդվածի համաձայն`
/․․․/1. Քրեական վարույթի ընթացքում ապացուցման ենթակա են՝
1)դեպքը և դրա հանգամանքները (ժամանակը, տեղը, եղանակը և այլն).
2)մեղադրյալի առնչությունը դեպքին.
3)ենթադրյալ հանցագործության՝ քրեական օրենքով նախատեսված հատկանիշները.
4) մեղադրյալի մեղավորությունը ենթադրյալ հանցանքը կատարելու մեջ.
5) քրեական պատասխանատվությունը կամ պատիժը մեղմացնող և ծանրացնող հանգամանքները.
6) մեղադրյալի անձը բնութագրող հանգամանքները.
7) ենթադրյալ հանցագործությամբ պատճառված վնասը.
8)այն հանգամանքները, որոնք թույլ են տալիս անձին ազատել քրեական պատասխանատվությունից կամ պատժից.
9) այն հանգամանքները, որոնցով անձը հիմնավորում է վարույթի ընթացքում իր գույքային պահանջները.
10) այն հանգամանքները, որոնցով վարույթի մասնակիցը կամ այլ անձը հիմնավորում է իր պահանջները/․․․/:
ՀՀ քրեական դատավարության օրենսգրքի 105-րդ հոդվածի համաձայն` /․․․/ 1.Յուրաքանչյուր ապացույց ենթակա է գնահատման՝ վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից:
2. Քննիչը, դատախազը, դատավորը, ղեկավարվելով քրեադատավարական օրենսդրությամբ, ներառյալ ապացուցման չափանիշների մասին վերաբերելի կանոններով, ապացույցները գնահատում են դրանց պատշաճ հետազոտման և վերլուծության վրա հիմնված ներքին համոզմամբ:
3. Ոչ մի տվյալ նախապես հավաստի ապացույցի ուժ չունի: Դատավորը, ինչպես նաև քննիչը և դատախազը չպետք է կանխակալ վերաբերմունք դրսևորեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան, քանի դեռ պատշաճ իրավական ընթացակարգի շրջանակներում դրանք չեն գնահատվել/․․․/:
ՀՀ քրեական դատավարության օրենսգրքի 276-րդ հոդվածը սահմանում է, որ
/․․․/ 1. Առաջին ատյանի դատարանում վարույթն իրականացվում է միայն մեղադրյալի նկատմամբ և միայն նրան ներկայացված մեղադրանքով:/․․․/:
Հետազոտված ապացույցների հիման վրա Դատարանը առանձին սենյակում գնահատելով դրանք իրենց համակցության մեջ, համադրելով մեղադրյալին առաջադրված մեղադրանքի ձևակերպման հետ, 1-ին և 2-րդ դրվագ արարքները ՀՀ քրեական օրենսգրքի 344-րդ հոդվածի 1-ին մասով, որակման համատեքստում ՀՀ քրեական դատավարության օրենսգրքի 342-րդ հոդվածի 1-ին մասով /2 դրվագ/ նախատեսված հարցերին պատասխանելիս գտել է, որ․
ապացուցված են մեղադրյալին վերագրվող փաստական հանգամանքները (արարքը),
ապացուցված է այդ արարքի քրեական հակաիրավականությունը,
ապացուցված է մեղադրյալի կողմից այդ արարքը կատարելը,
ապացուցված է մեղադրյալի մեղավորությունը տվյալ արարքը կատարելու մեջ:
2. Սույն հոդվածի 1-ին մասում նշված հարցերից որևէ մեկին ժխտական պատասխան տալու դեպքում դատարանը կայացնում է արդարացման վերդիկտ։
3. Սույն հոդվածի 1-ին մասում նշված բոլոր հարցերին հաստատական պատասխան տալու դեպքում դատարանը կայացնում է մեղադրական վերդիկտ, որով սահմանում է նաև, թե ապացուցված արարքի նկատմամբ քրեական օրենսգրքի, որ հոդվածը, հոդվածի մասը կամ կետն է ենթակա կիրառման:
Համաձայն ՀՀ քրեական դատավարության օրենսգրքի 348-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե մեղադրյալը պատժի ենթակա է, թե ոչ, պատժի ինչ տեսակ պետք է նշանակվի և պետք է արդյոք նա այն կրի:
Դատարանը դրական պատասխանելով ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին գտնում է, որ կատարած արարքի համար Սամվել Հակոբյանը ենթակա է քրեական պատասխանատվության և պատժի:
ՀՀ քրեական օրենսգրքի 70-րդ հոդվածի համաձայն՝ «1.Քրեական պատասխանատվությունը կամ պատիժը մեղմացնող հանգամանքներ են՝(…)2. Պատիժ նշանակելիս դատարանը կարող է հաշվի առնել նաև սույն հոդվածի 1-ին մասով չնախատեսված մեղմացնող այլ հանգամանքներ: (…)»։
Դատարանը, որպես դատապարտված-մեղադրյալի պատիժը մեղմացնող հանգամանքներ է դիտարկում այն, որ՝
-առաջադրված մեղադրանքում իրեն մեղավոր է ճանաչել՝ նախաքննության ընթացքում տվել խոստովանական ցուցմունքներ, զղջացել է իր կատարած արարքի համար,
ՀՀ քրեական օրենսգրքի 71-րդ հոդվածը սահմանում է քրեական պատասխանատվությունը կամ պատիժը ծանրացնող հանգամանքները:
Դատարանը արձանագրում է, որ դատապարտված-մեղադրյալ Սամվել Հակոբյանի պատիժը ծանրացնող հանգամանքներ առկա չեն:
Սամվել Հակոբյանի անձը բնութագրող հանգամանքներն են, մասնավորապես դատվածություն չունեցող անձ հանդիսանալը:
Դատարանը, հաշվի առնելով վերոգրյալը, ինչպես նաև Սամվել Հակոբյանի կատարած հանցագործության հանրության համար վտանգավորության աստիճանը և բնույթը, նրա անձը բնութագրող տվյալները, պատիժը ու պատասխանատվությունը ծանրացնող հանգամանքների բացակայությունը և մեղմացնողի առկայությունը, հաշվի առնելով նաև մեղադրյալի հայտարարությունները տուգանք պատիժը կրելու պատրաստակամության մասին գտնում է, որ 2 դրվագ հանցանքների համար ՀՀ քրեական օրենսգրքի 344-րդ հոդվածի 1-ին մասի սանկցիայով նախատեսված տուգանք պատժի նշանակումը կապահովի պատժի նպատակների իրագործումն, ուստի մեղադրյալի նկատմամբ պետք է նշանակել պատիժ տուգանքի ձևով։
Վերոնշյալի հիման վրա Դատարանը գտնում է, որ Սամվել Հակոբյանի նկատմամբ ՀՀ քրեական օրենսգրքի 344-րդ հոդվածի 1-ին մասով նախատեսված 1-ին դրվագ հանցանք կատարելու համար պետք է նշանակել պատիժ տուգանք նվազագույն աշխատավարձի հնգապատիկի չափով 375.000 ՀՀ դրամի չափով, ՀՀ քրեական օրենսգրքի 344-րդ հոդվածի 1-ին մասով նախատեսված 2-րդ դրվագ հանցանք կատարելու համար պետք է նշանակել պատիժ տուգանք նվազագույն աշխատավարձի հնգապատիկի չափով 375.000 ՀՀ դրամի չափով։
ՀՀ քրեական օրենսգրքի 74-րդ հոդվածի կիրառմամբ՝ նշանակված պատիժները լրիվ գումարել և վերջնական պատիժ նշանակել տուգանք 750․000 ՀՀ դրամի չափով։
ՀՀ քրեական օրենսգրքի 59-րդ հոդվածի կանոնների կիրառմամբ նշանակված տուգանքի՝ 750․000 (յոթ հարյուր հիսուն հազար) ՀՀ դրամի վճարումը թույլատրել կատարել մաս առ մաս՝ 1 (մեկ) տարվա ընթացքում՝ յուրաքանչյուր ամիս՝ 62․500 (վաթսուներկու հազար հինգ հարյուր) ՀՀ դրամի չափով։
Սամվել Հակոբյանի նկատմամբ ընտրված խափանման միջոցը` բացակայելու արգելքը` թողնել անփոփոխ մինչև սույն դատավճռի օրինական ուժի մեջ մտնելը, իսկ դատավճիռն օրինական ուժի մեջ մտնելուց հետո այն վերացնել։
ՀՀ քրեական դատավարության օրենսգրքի 348-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ ի թիվս այլնի նաև իրեղեն ապացույցների, վարույթային ծախսերի, գույքի նկատմամբ կիրառված (կիրառվելիք) արգելադրման, գույքային հայցի հարցերին, սակայն Դատարանը, պարզելով, որ սույն քրեական գործով մեղադրյալի գույքի վրա արգելանք չի կիրառվել, գույքային հայց չի ներկայացվել, սահմանափակվում է այդ փաստերի արձանագրմամբ:
Քրեական գործին կցված արտավարութային փաստաթղթերը անհրաժեշտ է պահել քրեական գործի հետ միասին՝ դրանց պահելու ամբողջ ժամանակամիջոցում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 97-րդ, 102-րդ, 105-րդ, 276-րդ, 348-349-րդ, 352-356-րդ և 364-րդ հոդվածներով` Դատարանը․

Վ Ճ Ռ Ե Ց

Սամվել Հակոբյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված (1-ին դրվագ) հանցանք կատարելու համար և պատիժ նշանակել տուգանք նվազագույն աշխատավարձի հնգապատիկի չափով՝ 375.000 ՀՀ դրամի չափով։
Սամվել Հակոբյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված (2-րդ դրվագ) հանցանք կատարելու համար և նշանակել պատիժ տուգանք նվազագույն աշխատավարձի հնգապատիկի չափով՝ 375.000 ՀՀ դրամի չափով։
ՀՀ քրեական օրենսգրքի 74-րդ հոդվածի կիրառմամբ՝ նշանակված պատիժները լրիվ գումարել և վերջնական պատիժ նշանակել տուգանք՝ 750․000 ՀՀ դրամի չափով։
ՀՀ քրեական օրենսգրքի 59-րդ հոդվածի կանոնների կիրառմամբ նշանակված տուգանքի՝ 750․000 (յոթ հարյուր հիսուն հազար) ՀՀ դրամի վճարումը թույլատրել կատարել մաս առ մաս՝ 1 (մեկ) տարվա ընթացքում՝ յուրաքանչյուր ամիս նվազագույնը 62․500 (վաթսուներկու հազար հինգ հարյուր) ՀՀ դրամի չափով։
Սամվել Հակոբյանի նկատմամբ ընտրված խափանման միջոցը` բացակայելու արգելքը` թողնել անփոփոխ մինչև սույն դատավճռի օրինական ուժի մեջ մտնելը, իսկ դատավճիռն օրինական ուժի մեջ մտնելուց հետո այն վերացնել։
Իրեղեն ապացույցների, գույքային հայցի, վարույթային ծախսերի հարցը համարել լուծված:
Քրեական գործին կցված արտավարութային փաստաթղթերը պահել քրեական գործի հետ միասին՝ դրանց պահելու ամբողջ ժամանակամիջոցում:
Դատավճիռը կարող է բողոքարկվել Հայաստանի Հանրապետության վերաքննիչ քրեական դատարան` ստանալու օրվանից մեկամսյա ժամկետում:


ԴԱՏԱՎՈՐ` ՄՈՒՇԵՂ ԱՐԱՄՅԱՆ