ԵԴ1/1920/01/25




ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«05» օգոստոսի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` Դատարան)

նախագահությամբ՝ դատավոր Տաթևիկ Մուրադյանի,
քարտուղարությամբ՝ Ագնետա Հակոբյանի,

մասնակցությամբ՝
հանրային մեղադրող՝ Բագրատ Ղազինյանի,
մեղադրյալ՝ Հակոբ Սարգսյանի,

դռնբաց դատական նիստում քննելով քրեական գործն ըստ մեղադրանքի՝
Հակոբ Գառնիկի Սարգսյանի՝
(ծնված՝ 02.04.1993թ. ք. Երևան, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, արարքը կատարելու պահին չդատված, ներկայումս դատվածություն ունեցող, հաշվառված և բնակվող՝ ք. Երևան, Կուրղինյան 13 շենք, բնակարան 6 հասցեում, որպես խափանման միջոց է կիրառվել բացակայելու արգելքը) ՀՀ քրեական օրենսգրքի 344-րդ հոդվածի 1-ին մասով,

ՊԱՐԶԵՑ

1. Քրեական գործի դատավարական նախապատմությունը.
2025 թվականի հունվարի 10-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներով նախաձեռնվել է թիվ 60113925 քրեական վարույթը:
2025 թվականի մայիսի 30-ին ՀՀ դատախազության Երևան քաղաքի Աջափնյակ և Դավթաշեն վարչական շրջանների դատախազության դատախազ Բ.Ղազինյանի որոշմամբ՝ թիվ 60113925 քրեական վարույթով Հակոբ Գառնիկի Սարգսյանի նկատմամբ ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում:
2025 թվականի հունիսի 05-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/1920/01/25 քրեական գործն ըստ մեղադրանքի՝ Հակոբ Գառնիկի Սարգսյանի՝ ՀՀ քրեական օրենսգրքի 344-րդ հոդվածի 1-ին մասով:
Նույն օրը քրեական գործը էլեկտրոնային եղանակով մակագրվել և 2025 թվականի հունիսի 06-ին հանձնվել է դատավոր Տաթևիկ Մուրադյանին:
2025 թվականի հունիսի 09-ին Դատարանի կողմից որոշում է կայացվել թիվ ԵԴ1/1920/01/25 քրեական գործի վարույթն ստանձնելու և նախնական դատալսումներ նշանակելու մասին։
2025 թվականի հուլիսի 08-ին, Դատարանը թիվ ԵԴ1/1920/01/25 քրեական գործով կայացրել է մեղադրական վերդիկտ՝ Հակոբ Գառնիկի Սարգսյանին մեղավոր ճանաչելով ՀՀ քրեական օրենսգրքի 344-րդ հոդվածի 1-ին մասով նախատեսված արարքի կատարման մեջ:
2. Մեղադրանքի փաստական նկարագրությունը.
Հակոբ Գառնիկի Սարգսյանին մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով այն բանի համար, որ «նա, ՀՀ ՆԳՆ ոստիկանության ճանապարհային ոստիկանության ծառայողի կողմից 2024 թվականի մայիսի 16-ին կայացված թիվ 8180409154 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքից 1 տարի ժամկետով զրկելու ձևով, պատշաճ ծանուցված և տեղեկացված լինելով այդ մասին, 2024 թվականի դեկտեմբերի 08-ին ժամը 00.42-ի սահմաններում Երևան քաղաքի Մազմանյան փողոցում, վարել է Նիսսան մակնիշի 37CY999 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից նույն օրը կազմված վարչական իրավախախտման վերաբերյալ թիվ 8180421230 արձանագրությամբ:»։
3. Դատաքննության ընթացքում հետազոտված թույլատրելի ապացույցները.
Հիմնական դատալսումների ընթացքում հետազոտված թույլատրելի ապացույցները.
- Մեղադրյալ Հակոբ Գառնիկի Սարգսյանը, օգտվելով իր սահմանադրական իրավունքից, հրաժարվեց ցուցմունք տալ։
Հրապարակվեց Հակոբ Գառնիկի Սարգսյանի՝ նախաքննության ընթացքում տված ցուցմունքը, համաձայն որի՝ վերջինս իրեն առաջադրված մեղադրանքի շուրջ հրաժարվել է դիրքորոշում հայտնել և չի ցանկացել ցուցմունք տալ:
(դատական նիստի արձանագրություն, գ.թ. 35-37)
- 2024 թվականի դեկտեմբերի 08-ին՝ ժամը 01։08-ին, Երևան քաղաքի Ամերիկյան փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի կրտսեր պարեկ Գոռ Հախնազարյանի /կրծքանշան թիվ 11114/ կողմից կազմված վարչական իրավախախտման վերաբերյալ թիվ 8180421230 արձանագրությունը, համաձայն որի՝ Հակոբ Գառնիկի Սարգսյանը (ծնված 02.04.1993թ., բնակվող՝ ք․ Երևան, Կուրղինյան նրբանցք, 13 շենք, 6 բնակարան հասցեում) 2024 թվականի դեկտեմբերի 08-ին՝ ժամը 00։42-ին, տրանսպորտային միջոցներ վարելու իրավունքից զրկված՝ Երևան քաղաքի Մազմանյան փողոցում վարել է «Նիսսան» մակնիշի 37 CY 999 հաշվառման համարանիշի տրանսպորտային միջոցը:
Արձանագրության՝ վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն։ Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 201.1 թիվը։
(դատական նիստի արձանագրություն, գ.թ. 4)
- 2024 թվականի մայիսի 16-ին՝ ժամը 05։20-ին, Երևան քաղաքի Թումանյան փողոցում ՀՀ ՆԳՆ ոստիկանության պարեկային ծառայության ԵՔՎ 2-րդ գումարտակի 3-րդ վաշտի պարեկ Հայկ Միքաելյանի /կրծքանշան թիվ 11308/ կողմից կազմված վարչական իրավախախտման վերաբերյալ թիվ 8180409154 արձանագրությունը, համաձայն որի՝ Հակոբ Գառնիկի Սարգսյանը (ծնված 02.04.1993թ., բնակվող՝ ք․ Երևան, Կուրղինյան նրբանցք, 13 շենք, 6 բնակարան հասցեում) 2024 թվականի մայիսի 16-ին՝ ժամը 05։03-ին Երևան քաղաքի Թումանյան փողոցում ոչ սթափ վիճակում վարել է Նիսսան մակնիշի, 37 TP 988 հաշվառման համարանիշի տրանսպորտային միջոցը։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն։ Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 70․2 թիվը։
Սույն վարչական իրավախախտման արձանագրության շրջանակներում 16․05․2024 թվականին որոշում է կայացվել Հակոբ Գառնիկի Սարգսյանին վարորդական իրավունքի վկայականից զրկել 1/մեկ/ տարի ժամկետով։ Վերջինս ստորագրությամբ ստացել է որոշման պատճենը և կատարման կարգի մասին քաղվածքը։
(դատական նիստի արձանագրություն, գ.թ. 6)
- Ալկոհոլի պարունակության ստուգման կտրոնը, համաձայն որի՝ ստուգաչափման սարքի համարն է՝ 91101102, զննման համարը՝ 01630, զննման ամսաթիվը՝ 16.05.2024թ., զննման ժամը՝ 05:11:50, վերջին ստուգաչափման ամսաթիվը՝ 05.04.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.878 մգ/լ, վարորդի անունն է՝ Հակոբ, ազգանունը՝ Սարգսյան, տրանսպորտային միջոցի համարանիշը՝ 37 TP 988, ՊԾ ազգանունն է՝ Միքայելյան, կրծքանշանի համարը՝ 11308, ստարաբաժանում՝ 2գ․, 3վ․:
(դատական նիստի արձանագրություն, գ.թ. 7)
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 098414 ստուգաչափման վկայականի զննության համաձայն՝ վկայականն ուժի մեջ է 2024 թվականի 21-ից մինչև 2023 թվականի դեկտեմբերի 21-ը, ստուգաչափման սարքի գործարանային համարն է 91101102, տեսակը՝ Jupiter X, չափման տիրույթը՝ 0,000÷2000մգ/լ, ճշտության դասը, կարգը /սխալանքը/±5-10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Վ․ Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
(դատական նիստի արձանագրություն, գ.թ. 8)
- ՀՀ ՆԳՆ ոստիկանության Ճանապարհային ոստիկանություն ծառայության էլեկտրոնային ռեգիստրում Հակոբ Գառնիկի Սարգսյանի (ՀԾ համարանիշ 1204930775) մուտքագրման արդյունքում պարզվել է, որ վերջինիս տրանսպորտային միջոց վարելու իրավունքը (RB584522 սերիա համարի վարորդական վկայական) ունեցել է զրկված կարգավիճակ։ Զրկման սկիզբը 16.05.2024 թվականից, ավարտը՝ 16.05.2025 թվականը:
(դատական նիստի արձանագրություն, գ.թ. 5)
- Վերը նշված փաստաթղթերը զննելու մասին 23.05.2025թ. կազմված արձանագրությունը։
(դատական նիստի արձանագրություն, գ.թ. 5)
- 23.05.2025 թվականին նախաքննության մարմնի կողմից կազմված՝ 08․12․2024թ․ վարչական իրավախախտման վերաբերյալ կազմված թիվ 8180421230 արձանագրության պատճենը, 16․05․2025թ․ վարչական իրավախախտման վերաբերյալ կազմված թիվ 8180409154 արձանագրության պատճենը,ալկոհոլի պարունակության ստուգման թիվ 01630 կտրոնի պատճենը, ստուգաչափման թիվ 120898 վկայականի պատճենը, Հակոբ Գառնիկի Սարգսյանի վերաբերյալ Ճանապարհային ոստիկանության էլեկտրոնային ռեգիստրից արտատպված փաստաթղթի պատճենը արտավարութային փաստաթուղթ ճանաչելու մասին որոշումը:
(դատական նիստի արձանագրություն, գ.թ. 18-19)
Լրացուցիչ դատալսումների ընթացքում հետազոտված թույլատրելի ապացույցները.
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքը, համաձայն որի՝ Հակոբ Գառնիկի Սարգսյանը ունի դատվածություն:
 Դատարանի հարցմանն ի պատասխան՝ ՀՀ ԱՆ պրոբացիայի ծառայության Երևանի քաղաքային մարմնի պետի տեղակալի գրությունը, համաձայն որի՝ Երևան քաղաղքի առաջին ատյանի առաջին ատյանի ընդհանուր իրավասության դատարանի 24.12.2024 թվականի թիվ ԵԴ1/3649/01/24 դատավճռով Հակոբ Գառնիկի Սարգսյանը մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարման մեջ, և նրա նկատմամբ պատիժ է նշանակվել տուգանք՝ 375.000 /երեք հարյուր յոթանասունհինգ հազար/ ՀՀ դրամի չափով։ Հ. Սարգսյանը 2025 թվականի փետրվար ամսվանից մինչև 2025 թվականի հունիս ամիսը կատարել է ընդհանուր 205.000 ՀՀ դրամի չափով վճարումներ: Գանձման ենթական գումարի մնացորդը կազմում է 170.000 ՀՀ դրամ:
 ՀՀ ՊԵԿ հարկ վճարողների սպասարկման վարչության կողմից ուղարկված փաստաթուղթը, որում առկա տեղեկատվության վերլուծության համաձայն՝ հանցանքն ավարտվելու օրվան նախորդող 12 ամիսների ընթացքում Հ.Սարգսյանի ստացած միջին ամսական եկամուտը կազմում է 494.009 ՀՀ դրամ, որի 35 տոկոսը կազմում է 172.903 ՀՀ դրամ:
4. Դատարանի փաստական վերլուծությունները և հաստատված կամ հերքված փաստական հանգամանքները.
Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը գտնում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարելու, որ Հակոբ Սարգսյանը, ՀՀ ՆԳՆ ոստիկանության ճանապարհային ոստիկանության ծառայողի կողմից 2024 թվականի մայիսի 16-ին կայացված թիվ 8180409154 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքից 1 տարի ժամկետով զրկելու ձևով, պատշաճ ծանուցված և տեղեկացված լինելով այդ մասին, 2024 թվականի դեկտեմբերի 08-ին ժամը 00.42-ի սահմաններում Երևան քաղաքի Մազմանյան փողոցում վարել է «Նիսսան» մակնիշի 37CY999 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից նույն օրը կազմված վարչական իրավախախտման վերաբերյալ թիվ 8180421230 արձանագրությամբ:
Դատարանը գտնում է, որ դատավճռի հիմքում դրված՝ փոխկապակցված վերաբերելի, թույլատրելի, հավաստի ապացույցների ամբողջությունը բացառում է Հակոբ Գառնիկի Սարգսյանին ներկայացված մեղադրանքի ապացուցվածության վերաբերյալ ցանկացած հիմնավոր կասկած։
Հիմնական և լրացուցիչ դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում նաև սույն քրեական գործի լուծման համար նշանակություն ունեցող հետևյալ փաստական հանգամանքները. Հակոբ Գառնիկի Սարգսյանն ունի դատվածություն, Երևան քաղաքի առաջին ատյանի ընդհանուր իրավասության քրեական դատարանի 24.12.2024 թվականի թիվ ԵԴ1/3649/01/24 դատավճռով վերջինիս նկատմամբ որպես պատիժ նշանակվել է տուգանք՝ 375.000 ՀՀ դրամի չափով, որի վճարման մնացորդը կազմում է 170.000 ՀՀ դրամ, մեղսագրվող հանցանքն ավարտվելու օրվան նախորդող 12 ամիսների ընթացքում Հ.Սարգսյանի ստացած միջին ամսական եկամուտը կազմում է 494.009 ՀՀ դրամ, որի 35 տոկոսը կազմում է 172.903 ՀՀ դրամ։
5. Դատարանի իրավական վերլուծությունները, հետևությունները և որոշումները.
Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, Դատարանը հանգում է հետևության, որ ապացուցված է Հակոբ Գառնիկի Սարգսյանին վերագրվող արարքը, այդ արարքի քրեական հակաիրավականությունը, այդ արարքը մեղադրյալի կողմից կատարելը, ինչպես նաև նրա մեղավորությունը տվյալ արարքի կատարման մեջ:
Դատարանը հանգում է այն հետևության, որ մեղադրյալ Հակոբ Գառնիկի Սարգսյանը կատարել է իրեն մեղսագրված արարքը, որոնց նկատմամբ կիրառելի է ՀՀ քրեական օրենսգրքի 344-րդ հոդվածի 1-ին մասը:
Դատարանը, հաստատված համարելով հանցագործության և դրա կատարման մեջ Հակոբ Գառնիկի Սարգսյանի մեղքի ապացուցված լինելը, գտնում է, որ նա ենթակա է պատժի կատարած հանցանքի համար:
Դատարանի կողմից հաստատված փաստական հանգամանքների հիման վրա Դատարանը գտնում է, որ անձը բնութագրող հանգամանք է այն, որ Հակոբ Սարգսյանը ներկայումս դատվածություն ունի նույնասեռ արարքի կատարման համար։
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, գտնում է, որ Հակոբ Գառնիկի Սարգսյանի պատասխանատվությունն ու պատիժը մեղմացնող և ծանրացնող հանգամանքներ առկա չեն:
Դատարանը, հաշվի առնելով Հակոբ Գառնիկի Սարգսյանի կատարած հանցանքի հանգամանքները, նրա անձը բնութագրող տվյալները, պատասխանատվությունը և պատիժը մեղմացնող և ծանրացնող հանգամանքների բացակայությունը, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ ՀՀ քրեական օրենսգրքի 344-րդ հոդվածի 1-ին մասի սանկցիայով որպես հիմնական պատիժ է նախատեսված նաև տուգանքի ձևով և ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար նշված հանցագործության կատարման համար առավել խիստ պատիժ նշանակելու անհրաժեշտությունը բացակայում է, գտնում է, որ նրա նկատմամբ ՀՀ քրեական օրենսգրքի 344-րդ հոդվածի 1-ին մասով հիմնական պատիժ պետք է նշանակել տուգանքի ձևով, ընդ որում տուգանքի չափ սահմանելով՝ ամսական եկամտի վեցապատիկի՝ 1.037.419 (մեկ միլիոն երեսունյոթ հազար չորս հարյուր տասնինը) ՀՀ դրամի չափով։
Միևնույն ժամանակ Դատարանն արձանագրում է, որ Հակոբ Գառնիկի Սարգսյանի նկատմամբ սույն դատավճռով նշանակված պատժին՝ 1.037.419 (մեկ միլիոն երեսունյոթ հազար չորս հարյուր տասնինը) ՀՀ դրամի չափով տուգանքին պետք է լրիվ գումարել Երևան քաղաքի առաջին ատյանի ընդհանուր իրավասության քրեական դատարանի 2024 թվականի դեկտեմբերի 24-ի թիվ ԵԴ1/3649/01/24 դատավճռով նշանակված պատժի` 375.000 (երեք հարյուր յոթանասունհինգ հազար) ՀՀ դրամ տուգանքի չվճարած մասը՝ 170.000 (հարյուր յոթանասուն հազար) ՀՀ դրամ տուգանքը, և վերջնական պատիժ նշանակել տուգանք՝ 1.207.419 (մեկ միլիոն երկու հարյուր յոթ հազար չորս հարյուր տասնինը) ՀՀ դրամի չափով։
Դատարանը միաժամանակ գտնում է, որ կատարած հանցանքի համար Հակոբ Գառնիկի Սարգսյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Միաժամանակ հաշվի առնելով վերջինիս գույքային դրության վերաբերյալ գործում առկա տվյալները և մեղադրյալի հայտարարությունը՝ Դատարանը գտնում է, որ Հակոբ Գառնիկի Սարգսյանի նկատմամբ նշանակվող տուգանքի վճարումը պետք է տարաժամկետել և նրան թույլատրել որպես վերջնական պատիժ նշանակված 1.207.419 (մեկ միլիոն երկու հարյուր յոթ հազար չորս հարյուր տասնինը) ՀՀ դրամի չափով տուգանքը վճարել մաս առ մաս 1 (մեկ) տարվա ընթացքում՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Դատարանը, անդրադառնալով ՀՀ քրեական դատավարության 348-րդ հոդվածով նախատեսված՝ դատավճիռ կայացնելիս դատարանի լուծմանը ենթակա մյուս հարցերին, արձանագրում է, որ գործով իրեղեն ապացույցներ չկան, գույքային հայց ներկայացված չէ, առկա չէ նաև հատուցման ենթակա գույքային այլ վնաս և դրա ապահովման նպատակով արգելադրված որևէ գույք, քրեական վարույթով առկա չեն նաև վարութային ծախսեր:
Անդրադառնալով մեղադրյալի նկատմամբ ընտրված խափանման միջոցի հարցին՝ Դատարանն արձանագրում է, որ վերջինիս նկատմամբ որպես խափանման միջոց ընտրված բացակայելու արգելքը պետք է թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո պետք է վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 347-350-րդ և 352-353-րդ հոդվածներով` Դատարանը

ՎՃՌԵՑ

Հակոբ Գառնիկի Սարգսյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարման մեջ, և նրա նկատմամբ պատիժ նշանակել տուգանք՝ ամսական եկամտի վեցապատիկի՝ 1.037.419 (մեկ միլիոն երեսունյոթ հազար չորս հարյուր տասնինը) ՀՀ դրամի չափով։
Հակոբ Գառնիկի Սարգսյանի նկատմամբ սույն դատավճռով նշանակված պատժին՝ 1.037.419 (մեկ միլիոն երեսունյոթ հազար չորս հարյուր տասնինը) ՀՀ դրամի չափով տուգանքին լրիվ գումարել Երևան քաղաքի առաջին ատյանի ընդհանուր իրավասության քրեական դատարանի 2024 թվականի դեկտեմբերի 24-ի թիվ ԵԴ1/3649/01/24 դատավճռով նշանակված պատժի` 375.000 (երեք հարյուր յոթանասունհինգ հազար) ՀՀ դրամ տուգանքի չվճարած մասը՝ 170.000 (հարյուր յոթանասուն հազար) ՀՀ դրամ տուգանքը, և վերջնական պատիժ նշանակել տուգանք՝ 1.207.419 (մեկ միլիոն երկու հարյուր յոթ հազար չորս հարյուր տասնինը) ՀՀ դրամի չափով։
Հակոբ Գառնիկի Սարգսյանին թույլատրել որպես պատիժ նշանակված 1.207.419 (մեկ միլիոն երկու հարյուր յոթ հազար չորս հարյուր տասնինը) ՀՀ դրամի չափով տուգանքը վճարել մաս առ մաս 1 (մեկ) տարվա ընթացքում՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Հակոբ Գառնիկի Սարգսյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը, որից հետո վերացնել։
Վարութային ծախսերի հարցը համարել լուծված։
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում։



ԴԱՏԱՎՈՐ ՏԱԹԵՎԻԿ ՄՈՒՐԱԴՅԱՆ