ԵԴ1/1916/01/25



ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
2025 թվականի հոկտեմբերի 15-ին քաղաք Երևան
Երևան քաղաքի առաջին ատյանի ընդհանուր իրավասության քրեական դատարանը /այսուհետ նաև` Դատարան/` հետևյալ կազմով
Նախագահությամբ դատավոր՝ Վ.Մելիքյանի
Քարտուղարությամբ՝ Մ.Ներսիսյանի
Մասնակցությամբ.
Հանրային մեղադրող՝ Հ.Պողոսյանի
Պաշտպան՝ Մ.Գինոսյանի
Մեղադրյալ՝ Դ.Պետրոսյանի

դռնբաց դատական նիստում արագացված վարույթի կիրառմամբ, քննության առնելով քրեական գործն ըստ մեղադրանքի Դավիթ Տիգրանի Պետրոսյանի (ծնված՝ 22.12.1997թ., Երևան քաղաքում, ազգությամբ հայ, ՀՀ քաղաքացի, դատվածություն չունեցող, հաշվառված և փաստացի բնակվում է Կոտայքի մարզ, Նոր Երզնկա համայնքի 5-րդ փողոցի 7-րդ տուն հասցեում) ՀՀ քրեական օրենսգրքի 344-րդ հոդվածի 1-ին մասով երկու դրվագով,
1.Գործի դատավարական նախապատմությունը.
15.11.2024 թվականին ՀՀ ՔԿ ԵՔՔՎ ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60680424 քրեական վարույթը /հատոր 1-ին, գ.թ. 7/:
10.01.2025 թվականին ՀՀ ՔԿ ԵՔՔՎ ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60113325 քրեական վարույթը /հատոր 1-ին, գ.թ. 16/:
Նախաքննական մարմնի 11.01.2025 թվականի որոշմամբ թիվ 60680424 և թիվ 60113325 քրեական վարույթները միացվել են մեկ վարույթում /հատոր 1-ին, գ.թ. 19/:
21.05.2025 թվականին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Հ.Պողոսյանի որոշմամբ Դավիթ Տիգրանի Պետրոսյանի նկատմամբ հարուցվել է հանրային քրեական ՀՀ քրեական օրենսգրքի 344-րդ հոդվածի 1-ին մասով երկու դրվագով /հատոր 1-ին, գ.թ. 27-28/:
Նախաքննական մարմնի որոշմամբ մեղադրյալ Դավիթ Տիգրանի Պետրոսյանի նկատմամբ խափանման միջոց է կիրառվել բացակայելու արգելքը /հատոր 1-ին, գ.թ. 31-32/:
Թիվ ԵԴ1/1916/01/25 (60680424 նախաքննական համար) քրեական գործն ըստ մեղադրանքի Դավիթ Տիգրանի Պետրոսյանի ՀՀ քրեական օրենսգրքի 344-րդ հոդվածի 1-ին մասով երկու դրվագով ուղարկվել է Երևան քաղաքի առաջին ատյանի ընդհանուր իրավասության քրեական դատարան և համակարգչային ծրագրի միջոցով իրականացվող գործերի բաշխմամբ մակագրվել է դատավոր Վահագն Մելիքյանին:
Քրեական գործը դատավորի աշխատակազմին է փոխանցվել 12.06.2025 թվականին:
Դատարանի 16.06.2025 թվականի որոշմամբ քրեական գործը վարույթ է ստանձնվել և նախնական դատալսումներ է նշանակվել:
Դավիթ Տիգրանի Պետրոսյանի նկատմամբ ՀՀ քրեական օրենսգրքի 344-րդ հոդվածի 1-ին մասով երկու դրվագով հանրային քրեական հետապնդում է հարուցվել այն բանի համար, որ նա վեց ամիս ժամկետով տրանսպորտային միջոցներ վարելու իրավունքը կասեցված լինելու պայմաններում, 2024 թվականի հոկտեմբերի 27-ին՝ ժամը 02:25-ի սահմաններում, Երևան քաղաքի Սայաթ-Նովա փողոցում վարել է «ԲՄՎ» մակնիշի 20 WV 001 հաշվառման համարանիշի տրանսպորտային միջոցը:
Բացի այդ Դավիթ Տիգրանի Պետրոսյանը, վեց ամիս ժամկետով տրանսպորտային միջոցներ վարելու իրավունքը կասեցված լինելու պայմաններում, 2024 թվականի դեկտեմբերի 22- ին՝ ժամը 23:40-ի սահմաններում, Երևան քաղաքի Ամիրյան փողոցում վարել է «ԲՄՎ» մակնիշի 20 WV 001 հաշվառման համարանիշի տրանսպորտային միջոցը:
Այսպես.
2024 թվականի սեպտեմբերի 12-ին ՀՀ ՆԳՆ ոստիկանության պարեկային ծառայության կողմից կայացված թիվ 8400621130 որոշմամբ Դավիթ Տիգրանի Պետրոսյանի տրանսպորտային միջոցներ վարելու իրավունքը կասեցվել է 6 ամիս ժամկետով՝ 2024 թվականի սեպտեմբերի 12-ից մինչև 2025 թվականի մարտի 12-ը, ինչի մասին Դավիթ Պետրոսյանը տեղում ծանուցվել է: Տեղյակ լինելով, որ տրանսպորտային միջոցներ վարելու իրավունքը կասեցված է՝ Դավիթ Պետրոսյանը, կասեցման ժամկետը դեռ չլրացած և տրանսպորտային միջոցներ վարելու իրավունքը կասեցված պայմաններում, 2024 թվականի հոկտեմբերի 27-ին՝ ժամը 02:25-ի սահմաններում, Երևան քաղաքի Սայաթ-Նովա պողոտայում վարել է «ԲՄՎ» մակնիշի 20 W 001 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից նույն օրը՝ ժամը 02:30-ին կազմվել է վարչական իրավախախտման վերաբերյալ թիվ 8180424058 արձանագրությունը:
Բացի այդ, 2024 թվականի սեպտեմբերի 12-ին ՀՀ ՆԳՆ ոստիկանության պարեկային ծառայության կողմից կայացված թիվ 8400621130 որոշմամբ Դավիթ Տիգրանի Պետրոսյանի տրանսպորտային միջացներ վարելու իրավունքը կասեցվել է 6 ամիս ժամկետով՝ 2024 թվականի սեպտեմբերի 12-ից մինչև 2025 թվականի մարտի 12-ը, ինչի մասին Դավիթ Պետրոսյանը տեղում ծանուցվել է: Տեղյակ լինելով, որ տրանսպորտային միջոցներ վարելու իրավունքը կասեցված է՝ Դավիթ Պետրոսյանը, կասեցման ժամկետը դեռ չլրացած և տրանսպորտային միջոցներ վարելու իրավունքը կասեցված պայմաններում, 2024 թվականի դեկտեմբերի 22-ին՝ ժամը 23:40-ի սահմաններում, Երևան քաղաքի Ամիրյան փողոցում վարել է «ԲՄՎ» մակնիշի 20 WV 001 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից նույն օրը՝ ժամը 23:45-ին, կազմվել է վարչական իրավախախտման վերաբերյալ թիվ 8180424534 արձանագրությունը:
Արագացված վարույթ.
Նախնական դատալսումների փուլում մեղադրյալ Դավիթ Տիգրանի Պետրոսյանը միջնորդել է արագացված վարույթ կիրառելու մասին, հայտնելով, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված վարույթի կիրառման հետևանքները, առաջադրված մեղադրանքն իրեն պարզ է, համաձայն է մեղադրանքի հետ, իրեն լիովին մեղավոր է ճանաչում առաջադրված մեղադրանքում:
Պաշտպան Մ.Գինոսյանը հայտնեց, որ մեղադրյալը խորհրդակցել է իր հետ:
Հանրային մեղադրողը չառարկեց արագացված վարույթի կիրառման դեմ:
Դատարանը, համոզվելով, որ առկա են ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը և բացակայում են նույն հոդվածի 2-րդ մասով նախատեսված՝ արագացված վարույթի կիրառումը բացառող հանգամանքները, ինչպես նաև մեղադրյալը համաձայն է իրեն մեղսագրվող արարքին, միջնորդությունը ներկայացրել է կամավոր և գիտակցում է միջնորդության բնույթը և հետևանքները, որոշում է կայացրել արագացված վարույթ կիրառելու մասին և անցել լրացուցիչ դասալսումների փուլ:
Դատարանի իրավական վերլուծությունները.
Դատարանը հիմք ընդունելով մեղադրանքն ամբողջ ծավալով մեղադրյալ Դավիթ Տիգրանի Պետրոսյանի կողմից կամովին ու գիտակցաբար ընդունելու և դրա հետ համաձայն լինելու փաստերը, հանգում է հետևության, որ նա մեղավորությամբ կատարել է իրեն ՀՀ քրեական օրենսգրքի 344-րդ հոդվածի 1-ին մասով երկու դրվագով մեղսագրվող արարքները, դրանք կատարելու համար ենթակա է քրեական պատասխանատվության և պատժի:
Ուսումնասիրելով և գնահատելով գործով ձեռք բերված և հետազոտված ապացույցները վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, Դատարանն ապացուցված է համարում մեղադրյալ Դավիթ Տիգրանի Պետրոսյանի կողմից հանցավոր արարքներ կատարելը:
Արարքներից յուրաքանչյուրը, որի կատարման մեջ մեղադրվում է վերջինս, համապատասխանում է ՀՀ քրեական օրենսգրքի 344-րդ հոդվածի 1-ին մասի հատկանիշներին և ճիշտ է որակված:
Ապացուցված է նաև մեղադրյալ Դավիթ Տիգրանի Պետրոսյանի կողմից նշված արարքները կատարելը և մեղավորությունը տվյալ հանցանքները կատարելու մեջ:
Մեղադրյալ Դավիթ Տիգրանի Պետրոսյանի նկատմամբ պատիժ նշանակելիս դատարանը հաշվի է առնում ինչպես կատարած հանցագործության բնույթն ու հասարակական վտանգավորության աստիճանը, այնպես էլ նրա անձը:
Դատարանը մեղադրյալ Դավիթ Տիգրանի Պետրոսյանի անձը բնութագրող և պատասխանատվությունն ու պատիժը մեղմացնող հանգամանք է արձանագրում մեղքն ընդունելը, անկեղծորեն զղջալը:
Դատարանը մեղադրյալ Դավիթ Տիգրանի Պետրոսյանի պատասխանատվությունն ու պատիժը ծանրացնող հանգամանք չի արձանագրում:
Դատարանը, նպատակ ունենալով վերականգնելու սոցիալական արդարությունը, ուղղելու պատժի ենթարկված անձին, ինչպես նաև կանխելու հանցագործությունները և հաշվի առնելով Դավիթ Տիգրանի Պետրոսյանի անձը, նրան բնութագրող դրական տվյալները, նրա պատասխանատվությունն ու պատիժը մեղմացնող հանգամանքների առկայությունը և ծանրացնող հանգամանքների բացակայությունը, հանգում է հետևության, որ մեղադրյալ Դավիթ Տիգրանի Պետրոսյանն իր կատարած հանցագործությունների համար ենթակա է պատժի` նվազ խիստ տեսակի նշանակմամբ, քանի որ այն կարող է ապահովել պատժի նպատակները:
Միաժամանակ Դատարանը հաշվի առնելով, որ ըստ ՀՀ ՊԵԿ-ից ստացված տեղեկանքի՝ մեղադրյալի կողմից հանցանքները կատարելու պահին նախորդող ժամանակահատվածում ստացած եկամուտները բացակայում են, ուստի Դատարանը գտնում է, որ մեղադրյալի նկատմամբ նշանակվելիք տուգանքի ձևով պատժի չափը պետք է սահմանել վերջինիս կողմից հանցանք կատարելու պահին ՀՀ-ում գործող նվազագույն աշխատավարձի չափը, այն է՝ 75.000 ՀՀ դրամը:
Քննության առնելով մեղադրյալ Դավիթ Տիգրանի Պետրոսյանի նկատմամբ կիրառված խափանման միջոցի հարցը, Դատարանը գտնում է, որ Դավիթ Տիգրանի Պետրոսյանի նկատմամբ կիրառված բացակայելու արգելք խափանման միջոցը պետք է թողնել անփոփոխ՝ մինչև դատավճռի օրինական ուժի մեջ մտնելը:
Արտավարույթային փաստաթղթերը պետք է թողնել կցված քրեական գործին դրա պահպանության ողջ ժամանակահատվածում:
Քրեական գործով գույքային հայց և դատական ծախսեր առկա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 345-350-րդ, 464.4-րդ և 464.5-րդ հոդվածներով` Դատարանը


Վ Ճ Ռ Ե Ց
Մեղադրյալ Դավիթ Տիգրանի Պետրոսյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով՝ երկու դրվագով:
ՀՀ քրեական օրենսգրքի 344-րդ հոդվածի 1-ին մասով առաջին դրվագով դատապարտել տուգանքի նվազագույն աշխատավարձի վեցապատիկի՝ 450.000 ՀՀ դրամի չափով:
ՀՀ քրեական օրենսգրքի 344-րդ հոդվածի 1-ին մասով երկրորդ դրվագով դատապարտել տուգանքի նվազագույն աշխատավարձի վեցապատիկի՝ 450.000 ՀՀ դրամի չափով:
ՀՀ քրեական օրենսգրքի 74-րդ հոդվածի կանոնների կիրառմամբ ՀՀ քրեական օրենսգրքի 344-րդ հոդվածի 1-ին մասով առաջին դրվագով նշանակված 450.000 ՀՀ դրամի չափով տուգանքին մասնակի գումարել ՀՀ քրեական օրենսգրքի 344-րդ հոդվածի 1-ին մասով երկրորդ դրվագով նշանակված 450.000 ՀՀ դրամի չափով տուգանքից հնգապատիկը՝ 375.000 ՀՀ դրամի չափով տուգանքը և վերջնական պատիժ նշանակել տուգանք 825.000 ՀՀ դրամի չափով:
Թույլատրել մեղադրյալ Դավիթ Տիգրանի Պետրոսյանին դատավճռով նշանակված 825.000 ՀՀ դրամ տուգանքը վճարել մաս առ մաս, մեկ տարվա ընթացքում, յուրաքանչյուր ամիս վճարելով 68.750 ՀՀ դրամ գումար:
Մեղադրյալ Դավիթ Տիգրանի Պետրոսյանի նկատմամբ կիրառված բացակայելու արգելք խափանման միջոցը թողնել անփոփոխ՝ մինչև դատավճռի օրինական ուժի մեջ մտնելը:
Արտավարութային փաստաթղթերը թողնել կցված քրեական գործին՝ դրա պահպանության ողջ ժամանակահատվածում:
Դատավճիռը կարող է բողոքարկվել ՀՀ վերաքննիչ քրեական դատարան դատավճիռը ստանալու օրվանից հետո՝ մեկամսյա ժամկետում, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերով:

ԴԱՏԱՎՈՐ Վ.ՄԵԼԻՔՅԱՆ