ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Գործ թիվ ԵԴ1/1906/01/25

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ
Նախագահությամբ՝ դատավոր Դավիթ Արղամանյանի,
քարտուղարությամբ՝ Գարիկ Մելոյանի,
Անուշ Հովսեփյանի,

մասնակցությամբ՝

հանրային մեղադրող՝ Հասմիկ Հարությունյանի,
մեղադրյալ՝ Հրայր Հարությունյանի,

2025թ. սեպտեմբերի 25 ք.Երևան,

դռնբաց դատական նիստում քննելով քրեական վարույթն ըստ մեղադրանքի
Հրայր Աշոտի Հարությունյանի
(ծնված՝ 25.08.1995թ․, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին՝ մեկ անչափահաս երեխա, նախկինում չդատված, չի աշխատում, հաշվառված և բնակվող՝ Երևան քաղաքի Մուշական 6-րդ փողոցի տուն 14 հասցեում)
ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով՝

ՊԱՐԶԵՑ
1. Գործի դատավարական նախապատմությունը.
1․ 2025թ․ մարտի 19-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60225025 քրեական վարույթը (այսուհետ նաև՝ քրեական վարույթ)։
2. 2025թ․ ապրիլի 4-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60243325 քրեական վարույթը։
3. 2025թ․ ապրիլի 4-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հասմիկ Կիրակոսյանի որոշմամբ թիվ 60225025 և թիվ 60243325 քրեական վարույթները միացվել են մեկ վարույթում և նախաքննությունը շարունակվել է թիվ 60225025 համարի ներքո։
4. 2025թ. մայիսի 7-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Հասմիկ Հարությունյանի որոշմամբ թիվ 60225025 քրեական վարույթով Հրայր Աշոտի Հարությունյանի նկատմամբ ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով հարուցվել է հանրային քրեական հետապնդում։
5. 2025թ. մայիսի 8-ի որոշմամբ Հրայր Աշոտի Հարությունյանի նկատմամբ որպես խափանման միջոց է կիրառվել բացակայելու արգելքը։
6. 2025թ․ հունիսի 5-ին Երևան քաղաքի Կենտրոն և Նորք-Մարաշ վարչական շրջանների դատախազության կողմից Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60225025 քրեական վարույթի նյութերն՝ ըստ մեղադրանքի Հրայր Աշոտի Հարությունյանի՝ ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով։
7. 2025թ․ հունիսի 5-ին նշված քրեական գործին շնորհվել է ԵԴ1/1906/01/25 քրեական գործի համարը, որը նույն օրը մակագրվել և 2025թ․ հունիսի 6-ին հանձնվել է դատավոր Դավիթ Արղամանյանին։
8. 2025թ. հունիսի 9-ին Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան) որոշում է կայացրել թիվ ԵԴ1/1906/01/25 քրեական գործով վարույթ ստանձնելու և նախնական դատալսումներ նշանակելու մասին։
9․ 2025թ. օգոստոսի 21-ի որոշմամբ Հրայր Աշոտի Հարությունյանի նկատմամբ կիրառված «բացակայելու արգելք» այլընտրանքային խափանման միջոցը թողնվել է անփոփոխ։
10․ Նույն օրը Հրայր Աշոտի Հարությունյանի նկատմամբ կայացվել է մեղադրական վերդիկտ, համաձայն որի՝ Հրայր Աշոտի Հարությունյանը մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործությունների կատարման մեջ։
2. Մեղադրանքի փաստական նկարագրությունը.
Հրայր Աշոտի Հարությունյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով՝ այն արարքների համար, որ նա՝ «(...) չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը` 02405` մեկ լիտր արտաշնչած օդի մեջ մաքուր ալկոհոլի պարունակությունը 0.297 մգ/լ)' 2025 թվականի փետրվարի 9-ին` ժամը 23:50-ի սահմաններում, Երևան քաղաքի Սայաթ-Նովա պողոտայում վարել է «Տոյոտա» մակնիշի 92 ՏՏ 507 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8259007815 արձանագրությունը:
Այսինքն` Հրայր Աշոտի Հարությունյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանք:
Բացի այդ, Հրայր Աշոտի Հարությունյանը 2025 թվականի մայիսի 20-ին` ժամը 02:23-ի սահմաններում, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը` 03717` մեկ լիտր արտաշնչած օդի մեջ մաքուր ալկոհոլի պարունակությունը 0.716մգ/լ)` Երևան քաղաքի Նուբարաշենի փողոցում վարել է «Տոյոտա» մակնիշի 92 ՏՏ 507 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8259036588 արձանագրությունը:
Այսինքն` Հրայր Աշոտի Հարությունյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանք:
Այսպիսով Հրայր Աշոտի Հարությունյանին մեղսագրվում են պատժի սպառնալիքով արգելված, մեղավորությամբ կատարված արարքներ` նախատեսված ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով: (...)»
3.1. Հիմնական դատալսումների ընթացքում հետազոտված թույլատրելի ապացույցները.
- 2025 թվականի փետրվարի 09-ին` ժամը 23:57-ին, Երևան քաղաքի Խանջյան փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 2-րդ վաշտի կրտսեր պարեկ Մարտին Ենոքյանի կողմից կազմված վարչական իրավախախտման վերաբերյալ թիվ 8259007815 արձանագրությունը, համաձայն որի՝ Հրայր Աշոտի Հարությունյանը (ծնված՝ 25.08.1995թ.) չունենալով տրանսպորտային միջոցներ վարելու իրավունք, 09.02.2025թ., ժամը՝ 23:50-ին Երևան քաղաքի Սայաթ-Նովա փողոցում ոչ սթափ վիճակում վարել է «Տոյոտա» մակնիշի 92 ՏՏ 507 հաշվառման համարանիշի տրանսպորտային միջոցը։ Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն: Արձանագրությանը ծանոթանալու, իրավունքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն (հատոր 1, վ/թ 4),
- ալկոհոլի պարունակության ստուգման կտրոնը՝ համաձայն որի՝ ստուգաչափման սարքի համարն է՝ 91100925 զննման համարը՝ 02405, զննման ամսաթիվը 09.02.2025թ., զննման ժամը՝ 23:54:17, վերջին ստուգաչափման ամսաթիվը՝ 13.01.2025թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.297մգ/լ, վարորդի անունն է՝ Հրայր, ազգանունը՝ Հարությունյան, տրանսպորտային միջոցի համարանիշը՝ 92 ՏՏ 507, անձնագիրը՝ AV0356569, ՊԾ ազգանունը՝ Ենոքյան, կրծքանշանի համարը՝ 12664, ստորաբաժանում՝ 4-րդ գումարտակ, 2-րդ վաշտ (հատոր 1, վ/թ 5),
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 145374 ստուգաչափման վկայականը, համաձայն որի՝ վկայականը ուժի մեջ է 2025 թվականի հունվարի 13-ից մինչև 2026 թվականի հունվարի 13-ը, ստուգաչափման սարքի գործարանային համարն է 91100925, տեսակը՝ Jupiter X/RP, չափման տիրույթը՝ 0.00-2.000մգ/լ, ճշտության դասը, կարգը (սխալանքը) ±10%, արտադրողը՝ Չինաստան, պատկանում է ՀՀ ՆԳՆ ոստիկանության, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ МИ2835-2008, ստուգաչափող անվան դիմաց առկա է ստորագրություն և նշված է Ա.Մանուկյան, իսկ լաբորատորիայի վարիչի անվան դիմաց առկա է ստորագրություն և նշված է Գ.Մարտիրոսյան (հատոր 1, վ/թ 6),
- ՀՀ ՆԳՆ ոստիկանության «Ճանապարհային ոստիկանության» ծառայության էլեկտրոնային ռեգիստրից ստացված տեղեկատվությունը, համաձայն որի՝ Հրայր Աշոտի Հարությունյանի անվամբ թիվ RB523659 վարորդական վկայականը գտնվում է զրկված կարգավիճակում, սկիզբը՝ 29.11.2022թ., ավարտը՝ 18.11.2024թ. (հատոր 1, վ/թ 8),
- 2022 թվականի նոյեմբերի 29-ին՝ ժամը 05:35-ին, Երևան քաղաքի Ավանեսովի փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի ավագ պարեկ Ծովինար Մկրտչյանի կողմից կազմված վարչական իրավախախտման վերաբերյալ թիվ 8180169380 արձանագրությունը, համաձայն որի՝ Հրայր Աշոտի Հարությունյանը (ծնված՝ 25.08.1995թ.) ժամը՝ 05։15-ին Երևան քաղաքի Ավանեսովի փողոցում ոչ սթափ վիճակում վարել է «Մերսեդես» մակնիշի А 101 YE 797 հաշվառման համարանիշի տրանսպորտային միջոցը: Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն: Արձանագրությանը ծանոթանալու, իրավունքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն: Նույն օրը կայացված թիվ 8180169380 որոշման համաձայն Հրայր Հարությունյանը 1 տարի ժամկետով զրկվել է տրանսպորտային միջոցներ վարելու իրավունքից: Որոշման պատճենը և կատարման կարգի մասին քաղվածքը ստանալու հատվածում առկա է ստորագրություն (հատոր 1, վ/թ 9),
- ալկոհոլի պարունակության ստուգման կտրոնը, համաձայն որի ստուգաչափման սարքի համարն է՝ 91100870 զննման համարը՝ 00027, զննման ամսաթիվը՝ 29.11.2022թ., զննման ժամը՝ 05:19:18, վերջին ստուգաչափման ամսաթիվը՝ 15.11.2022թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.617մգ/լ, վարորդի անունն է՝ Հրայր, ազգանունը՝ Հարությունյան, տրանսպորտային միջոցի համարանիշը՝ A 101 YE 797, Վ/Վ համարը՝ RB523659, ՊԾ ազգանունը՝ Գահանյան, կրծքանշանի համարը՝ 09040, ստորաբաժանում՝ 4-րդ գումարտակ, 3-րդ վաշտ (հատոր 1, վ/թ 10),
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 083668 ստուգաչափման վկայականը, համաձայն որի՝ վկայականը ուժի մեջ է 2022 թվականի նոյեմբերի 15-ից մինչև 2023 թվականի նոյեմբերի 15-ը, ստուգաչափման սարքի գործարանային համարն է 91100870, տեսակը՝ Jupiter X/RP, չափման տիրույթը' 0.000÷0.200մգ/լ, ճշտության դասը, կարգը (սխալանքը) ±10%, արտադրողը՝ Չինաստան, պատկանում է ՀՀ ՆԳՆ ոստիկանության, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ МИ2835-2008, ստուգաչափող անվան դիմաց առկա է ստորագրություն և նշված է Ա.Գուլքանյան, իսկ լաբորատորիայի վարիչի անվան դիմաց առկա է ստորագրություն և նշված է Գ.Մարտիրոսյան։ Ստուգաչափման արդյունքների համաձայն՝ թիվ 083668 վկայականի չափման տիրույթը 0.000÷2.000մգ/լ է, վրիպակի արդյունքում նշվել է 0.0004÷0.200մգ/լ՝ պետք է գրվեր 0.000÷2.000մգ/լ: Առկա են ստորագրություններ՝ գրառումներ՝ Ա․Գուլքանյան, Գ.Մարտիրոսյան (հատոր 1, վ/թ 11-12),
- 2025 թվականի մարտի 20-ին՝ ժամը 02:55-ին, Երևան քաղաքի Գաջեգործների փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 1-ին վաշտի ավագ պարեկ Արտյոմ Արամյանի կողմից կազմված վարչական իրավախախտման վերաբերյալ թիվ 82590365888 արձանագրությունը, համաձայն որի՝ Հրայր Աշոտի Հարությունյանը (ծնված՝ 25.08.1995թ.) չունենալով տրանսպորտային միջոցներ վարելու իրավունք, ժամը՝ 02:25-ին Երևան քաղաքի Նուբարաշենի փողոցում ոչ սթափ վիճակում վարել է «Տոյոտա» մակնիշի 92 ՏՏ 507 հաշվառման համարանիշի տրանսպորտային միջոցը: Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն և «Համաձայն չեմ» գրառումը: Արձանագրությանը ծանոթանալու, իրավունքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն (հատոր 1, վ/թ 22),
- ալկոհոլի պարունակության ստուգման կտրոնը, համաձայ որի՝ ստուգաչափման սարքի համարն է՝ 91100940 զննման համարը՝ 03717, զննման ամսաթիվը՝ 20.03.2025թ., զննման ժամը՝ 02:49:53, վերջին ստուգաչափման ամսաթիվը՝ 17.01.2025թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.716մգ/լ, վարորդի անունն է՝ Հրայր, ազգանունը՝ Հարությունյան, տրանսպորտային միջոցի համարանիշը՝ 92 ՏՏ 507, ՀԾՀ՝ 350890824, ՊԾ ազգանունը՝ Արամյան, կրծքանշանի համարը՝ 02915, ստորաբաժանում՝ 2-րդ գումարտակ, 1-ին վաշտ (հատոր 1, վ/թ 23),
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԶ-ից կողմից տրված թիվ 145368 ստուգաչափման վկայականը, համաձայն որի՝ վկայականը ուժի մեջ է 2025 թվականի հունվարի 17-ից մինչև 2026 թվականի հունվարի 17-ը, ստուգաչափման սարքի գործարանային համարն է 91100940, տեսակը՝ Jupiter X/RP, չափման տիրույթը՝ 0.00÷2.000մգ/լ, ճշտության դասը, կարգը (սխալանքը) ±10%, արտադրողը՝ Չինաստան, պատկանում է ՀՀ ՆԳՆ ոստիկանության, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ МИ2835-2008, ստուգաչափող անվան դիմաց առկա է ստորագրություն և նշված է Ա.Մանուկյան, իսկ լաբորատորիայի վարիչի անվան դիմաց առկա է ստորագրություն և նշված է Գ.Մարտիրոսյան (հատոր 1, վ/թ 24),
- վերոնշյալ փաստաթղթերը զննության ենթարկելու մասին 2025 թվականի մայիսի 5-ի արձանագրությունը (հատոր 1, վ/թ 37-39),
- վերոնշյալ փաստաթղթերը որպես արտավարութային փաստաթուղթ ճանաչելու մասին 2025 թվականի մայիսի 5-ի որոշումը (հատոր 1, վ/թ 40-41)։
3.2. Լրացուցիչ դատալսումների ընթացքում հետազոտված անհրաժեշտ ապացույցները.
- 2025 թվականի օգոստոսի 21-ին արտատպված Հրայր Աշոտի Հարությունյանի ՔԿԱԳ տվյալների շտեմարանի քաղվածքը. առկա է Աշոտ Հրայրի Հարությունյանի (ծնված՝ 24.12.2019թ.) ծննդի պետական գրանցման մասին թիվ 120 ակտը և վերջինի հայրության ճանաչման պետական գրանցման մասին թիվ 33 ակտը,
- 2025 թվականի օգոստոսի 21-ին արտատպված Հրայր Աշոտի Հարությունյանի ձև 8 տեղեկանքը․ առկա են թիվ 90206118, 50172021, 12115222, 08104323, 60235623 քրեական վարույթները։ Թիվ 90206118, 50172021 քրեական վարույթները կարճված են։ Թիվ 12115222 քրեական վարույթով կայացվել է թիվ ԵԴ1/1872/01/22 դատավճիռը, որով որպես պատիժ նշանակված 400.000 ՀՀ դրամի չափով տուգանք պատիժը ամբողջությամբ վճարվել է 04.08.2023թ.։ Թիվ 08104323, 60235623 քրեական վարույթներով կայացվել են համապատասխանաբար թիվ ԵԴ1/1045/01/23 և թիվ ԵԴ/0470/01/24 դատավճիռները,
- 2025 թվականի օգոստոսի 21-ին արտատպված Հրայր Աշոտի Հարությունյանի վերաբերյալ ՊԵԿ տվյալների շտեմարանի քաղվածքը, համաձայն որի նրա եկամուտների վերաբերյալ տեղեկությունները բացակայում են,
- դատալեքս տեղեկատվական համակարգից արտատպված ԵԴ1/0470/01/24 դատական գործը, համաձայն որի՝ Հրայր Աշոտի Հարությունյանը 28.03.2024թ. թիվ ԵԴ1/0470/01/24 դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով և նրա նկատմամբ պատիժ է նշանակվել տուգանք 375.000 ՀՀ դրամի չափով, որի վճարում տարաժամկետել է 12 ամսով։ Դատավճիռը օրինական ուժի մեջ է մտել 23.05.2024թ.,
- դատալեքս տեղեկատվական համակարգից արտատպված թիվ ԵԴ1/1045/01/23 դատական գործը, համաձայն որի՝ Հրայր Աշոտի Հարությունյանը 24.10.2024թ. թիվ ԵԴ1/1045/01/23 դատավճռով մեղավոր է ճանաչվել ՀՀ քրեական օրենսգրքի 458-րդ հոդվածի 1-ին մասով և նրա նկատմամբ պատիժ է նշանակվել տուգանք 600.000 ՀՀ դրամի չափով։ Նշանակված տուգանքին գումարվել է թիվ ԵԴ1/0470/01/24 դատավճռով նշանակված 375.000 ՀՀ դրամի չափով տուգանքի չվճարված մասը՝ 187.500 ՀՀ դրամը և Հրայր Աշոտի Հարությունյանի նկատմամբ որպես վերջնական պատիժ է նշանակվել տուգանք 787.500 ՀՀ դրամի չափով, որի վճարում տարաժամկետել է 12 ամիս ժամկետով։ Դատավճիռը օրինական ուժի մեջ է մտել 05.12.2024թ.,
- ՀՀ ԱՆ պրոբացիայի ծառայության Երևանի քաղաքային մարմնի պետ Վահրամ Խալաթյանի կողմից 03.09.2025թ. ուղարկված գրությունը, համաձայն որի՝ «(...) Հրայր Աշոտի Հարությունյանի նկատմամբ թիվ ԵԴ1/1872/01/22 դատավճռով նշանակված 400.000 (...) ՀՀ դրամ տուգանքը՝ 04.08.2023թ.-ին փաստացի կատարվել է։
Թիվ ԵԴ1/0474/01/24 դատավճռով նշանակված 375.000 (...) ՀՀ դրամ տուգանքի չվճարված մասը՝ 187.500 (...) ՀՀ դրամը՝ համակցությամբ գումարվել է թիվ ԵԴ1/1045/01/24 դատավճռով նշանակված 600.000 (...) ՀՀ դրամ տուգանքին և վերջնական պատիժ է սահմանվել տուգանք՝ 787.500 (...) ՀՀ դրամի չափով։
Թիվ ԵԴ1/1045/01/24 դատավճռով նշանակված տուգանքի առ 03.09.2025թ.ն վճարվել է 605.000 (...) ՀՀ դրամ գումար՝ պարտավորության չափը կազմում է 182.500 (...) ՀՀ դրամ։ (...)»։
- ՀՀ ՊԵԿ հարկ վճարողների սպասարկման վարչության պետ Արմինե Հովսեփյանի կողմից ուղարկված՝ Հրայր Հարությունյանի եկամուտների վերաբերյալ տեղեկությունները, համաձայն որոնց՝ Հրայր Հարությունյանի եկամուտների վերաբերյալ տվյալներ առկա են, որոնց հաշվարկով սակայն պարզ է դառնում, որ հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը չի գերազանցում հանցանքը կատարելու պահին նվազագույն աշխատավարձի չափը,
4. Դատարանի իրավական վերլուծությունները և եզրահանգումը.
4.1. Գնահատելով դատաքննության ընթացքում հետազոտված ապացույցների յուրաքանչյուրը վերաբերելիության, թույլատրելիության և հավաստիության տեսանկյունից՝ Դատարանն արձանագրում է, որ ապացույցների հետազոտման ընթացքում չեն արձանագրվել դրանց ձեռք բերման պատշաճ իրավական ընթացակարգի խախտումներ, ուստի հետազոտված ապացույցներից յուրաքանչյուրը թույլատրելի է։
Միևնույն ժամանակ Դատարանն արձանագրում է, որ հետազոտված ապացույցներից յուրաքանչյուրը պարունակում է տեղեկություններ գործի համար նշանակություն ունեցող փաստերի վերաբերյալ՝ հետևաբար հետազոտված ապացույցներից յուրաքանչյուրը բավարարում են ապացույցի վերաբերելիության պահանջին։
Դատարանն արձանագրում է, որ հետազոտված ապացույցներից ոչ մեկը չի պարունակում հակասական տվյալներ գործի փաստերի վերաբերյալ, ուստի դրանք գնահատվում են բավարար՝ հավաստիության տեսանկյունից։
4.2. Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով՝ Դատարանը հաստատված է համարում, որ Հրայր Հարությունյանը չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը` 02405` մեկ լիտր արտաշնչած օդի մեջ մաքուր ալկոհոլի պարունակությունը 0.297 մգ/լ)՝ 2025 թվականի փետրվարի 9-ին` ժամը 23:50-ի սահմաններում, Երևան քաղաքի Սայաթ-Նովա պողոտայում վարել է «Տոյոտա» մակնիշի 92 ՏՏ 507 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8259007815 արձանագրությունը: Բացի այդ, Հրայր Աշոտի Հարությունյանը 2025 թվականի մայիսի 20-ին` ժամը 02:23-ի սահմաններում, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը` 03717` մեկ լիտր արտաշնչած օդի մեջ մաքուր ալկոհոլի պարունակությունը 0.716մգ/լ)` Երևան քաղաքի Նուբարաշենի փողոցում վարել է «Տոյոտա» մակնիշի 92 ՏՏ 507 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8259036588 արձանագրությունը:
Այսինքն՝ ապացուցված է Հրայր Հարությունյանի կողմից մեղավորությամբ ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված հակաիրավական արարքների կատարումը։
ՀՀ քրեական օրենսգրքի 344-րդ հոդվածի 2-րդ մասի համաձայն՝
«2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը երեսնապատիկի չափով, կամ հանրային աշխատանքներով՝ հարյուր հիսունից երկու հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:»
ՀՀ քրեական օրենսգրքի 70-րդ հոդվածի համաձայն՝
«1. Քրեական պատասխանատվությունը կամ պատիժը մեղմացնող հանգամանքներ են՝
(…)
4) պատիժ նշանակելու պահին հանցանք կատարած անձի խնամքի տակ անչափահասի կամ հաշմանդամություն ունեցող անձի առկայությունը, բացառությամբ այն դեպքերի, երբ հանցանքը կատարվել է խնամքի տակ գտնվող անձի նկատմամբ,
(…)»
Անդրադառնալով դատապարտված մեղադրյալի պատասխանատվությունը և պատիժը մեղմացնող հանգամանքներին՝ Դատարանն արձանագրում է, որ որպես քրեական պատասխանատվությունը կամ պատիժը մեղմացնող հանգամանք Դատարանն ապացուցված է համարում Հրայր Հարությունյանի խնամքին մեկ անչափահաս երեխայի՝ Աշոտ Հրայրի Հարությունյանի (ծնված՝ 24.12.2019թ.) առկայության փաստը, այն է՝ ՀՀ քրեական օրենսգրքի 70-րդ հոդվածի 1-ին մասի 4-րդ կետը։
ՀՀ քրեական օրենսգրքի 71-րդ հոդվածի համաձայն՝
«1. Քրեական պատասխանատվությունը կամ պատիժը ծանրացնող հանգամանքներ են՝
1) հանցանքը դատվածություն ունեցող անձի կողմից կատարելը,
(…)»
Անդրադառնալով Հրայր Հարությունյանի պատասխանատվությունը և պատիժը ծանրացնող հանգամանքներին՝ Դատարանն արձանագրում է, որ մեղադրյալ Հրայր Հարությունյանի որպես քրեական պատասխանատվությունը կամ պատիժը ծանրացնող հանգամանք Դատարանը հաշվի է առնում Հրայր Հարությունյանի դատվածություն ունենալու հանգամանքը, որպիսի հանգամանքը հաստատվում է դատալեքս տեղեկատվական համակարգից արտատպված թիվ ԵԴ1/0470/01/24 ԵԴ1/1045/01/23 դատական գործերով և ՀՀ ԱՆ պրոբացիայի ծառայության կողմից 03.09.2025թ. ստացված գրությամբ, համաձայն որոնց՝ թիվ ԵԴ1/0474/01/24 դատավճռով նշանակված 375.000 ՀՀ դրամ տուգանքի չվճարված մասը՝ 187.500 ՀՀ դրամը գումարվել է թիվ ԵԴ1/1045/01/24 դատավճռով նշանակված 600.000 ՀՀ դրամ տուգանքին և վերջնական պատիժ է սահմանվել տուգանք՝ 787.500 ՀՀ դրամի չափով։ Թիվ ԵԴ1/1045/01/24 դատավճռով նշանակված տուգանքից առ 03.09.2025թ. վճարվել է 605.000 ՀՀ դրամ գումար՝ պարտավորության չափը կազմում է 182.500 ՀՀ դրամ: Ուստի Դատարանն արձանագրում է, որ առկա է ՀՀ քրեական օրենսգրքի 71-րդ հոդվածի 1-ին մասի 1-ին կետով նախատեսված քրեական պատասխանատվությունը կամ պատիժը ծանրացնող հանգամանքը։
Դատարանը, որպես մեղադրյալ Հրայր Հարությունյանի անձը բնութագրող հանգամանքներ, հաշվի է առնում, որ մեղքն ընդունել է, զղջացել է կատարածի համար։
Անդրադառնալով մեղադրյալի կողմից պատժի ենթակա լինելու հարցին՝ Դատարանն արձանագրում է, որ մեղադրյալ Հրայր Հարությունյանին քրեական պատասխանատվությունից, պատժից ազատելու հիմքեր առկա չեն, հետևաբար նա ենթակա է պատժի՝ իր կատարած հանցանքների համար։
Մեղադրյալ Հրայր Հարությունյանի նկատմամբ պատիժ նշանակելու հարցին անդրադառնալով՝ Դատարանն արձանագրում է հետևյալը.
ՀՀ քրեական օրենսգրքի 7-րդ հոդվածի 1-ին մասի համաձայն՝
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»
Նույն օրենսգրքի 55-րդ հոդվածի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»
Նույն օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
(…)»
Դատարանն արձանագրում է, որ ՀՀ քրեական օրենսգրքի 344-րդ հոդվածի 2-րդ մասով սահմանված պատժատեսակները չորս են՝ տուգանք, հանրային աշխատանքներ, կարճաժամկետ ազատազրկում և ազատազրկում։ Հաշվի առնելով մեղադրյալի անձը, մեղքի ընդունելը, կատարածի համար զղջալը, պատասխանատվությունն ու պատիժը մեղմացնող և ծանրացնող հանգամանքների առկայությունը, կատարված արարքի հանրային վտանգավորությունն ու առաջացած հետևանքները՝ Դատարանը գտնում է, որ պատժի նպատակներին հնարավոր է հասնել «տուգանք» պատժատեսակի կիրառմամբ։
ՀՀ քրեական օրենսգրքի 59-րդ հոդվածի համաձայն՝
«1. Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով:
2. Տուգանքը որպես հիմնական պատիժ կարող է նշանակվել սույն օրենսգրքի Հատուկ մասով նախատեսված դեպքերում:
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։
(…)
5. Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով: Տուգանքի չափը որոշվում է նույն կարգով, եթե հանցանք կատարած անձի եկամուտն առաջացել է հանցանքն ավարտվելուց հետո։ Տուգանքի չափը որոշվում է նույն կարգով նաև այն դեպքում, երբ անձի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից:
(…)
7. Տուգանքի նշանակման հնարավորությունը և չափը դատարանը որոշում է՝ հաշվի առնելով հանցագործության ծանրությունը, հանցագործությամբ պատճառված վնասի բնույթն ու չափը, հանցագործությամբ ստացված գույքային կամ ոչ գույքային բնույթի օգուտները, դատապարտվողի ու նրա ընտանիքի գույքային դրությունը, ինչպես նաև դատապարտվողի՝ եկամուտ ստանալու հնարավորությունը կամ նրան պատկանող այնպիսի գույքի առկայությունը, որի վրա կարող է բռնագանձում տարածվել։
8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով:
(…)»
Նույն օրենսգրքի 3-րդ հոդվածի 1-ին մասի համաձայն՝
1. Սույն օրենսգրքում օգտագործվում են հետևյալ հասկացությունները.
(…)
6) ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները, անձի կողմից իր ակտիվների ներդրմամբ (տրամադրմամբ) այլ անձանց գործունեությունից ստացված եկամուտը (շահաբաժինը, տոկոսը, ռոյալթին, վարձակալական վճարը): Ամսական եկամուտը հաշվարկելիս հաշվի չեն առնվում դրանց համար վճարվող հարկերը, տուրքերը կամ այլ վճարներ.
7) նվազագույն աշխատավարձ՝ «Նվազագույն ամսական աշխատավարձի մասին» օրենքով սահմանված նվազագույն ամսական աշխատավարձի չափը.
(…)»
Վերոգրյալ իրավանորմերը վկայում են այն մասին, որ տուգանքը որպես հիմնական պատիժ նշանակվում է հանցանք կատարած անձի ամսական եկամտի հնգապատիկից հիսնապատիկի չափով, իսկ մեղադրյալին մեղսագրվող արարքների համար՝ առավելագույնը երեսնապատիկի չափով։
Հետազոտելով ՀՀ ՊԵԿ հարկ վճարողների սպասարկման վարչության պետ Արմինե Հովսեփյանի կողմից ուղարկված՝ Հրայր Հարությունյանի եկամուտների վերաբերյալ տեղեկությունները՝ Դատարանն արձանագրում է, որ Հրայր Հարությունյանի եկամուտների վերաբերյալ տվյալներ առկա են, որոնց հաշվարկով պարզ է դառնում, որ հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը չի գերազանցում հանցանքը կատարելու պահին նվազագույն աշխատավարձի չափը, ուստի տուգանքի չափը պետք է հաշվարկել հանցանքը կատարելու պահին նվազագույն աշխատավարձի չափով:
Նվազագույն աշխատավարձի մասին ՀՀ օրենքի 1-ին հոդվածի համաձայն՝ 2023 թվականի հունվարի 1-ից Հայաստանի Հանրապետությունում նվազագույն ամսական աշխատավարձը սահմանվել է 75.000 ՀՀ դրամ:
Այսպիսով, Դատարանը, հիմք ընդունելով մեղադրյալ Հրայր Հարությունյանի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքների առկայությունը, վերջինիս կողմից կատարված հանցավոր արարքների բնույթը, նշանակությունը և վտանգավորությունը՝ գտնում է, որ Հրայր Հարությունյանի նկատմամբ ՀՀ քրեական օրենսգրքի 344-րդ հոդվածի 2-րդ մասով պատիժ պետք է նշանակվի տուգանք՝ նվազագույն աշխատավարձի վեցապատիկի՝ 450.000 ՀՀ դրամի չափով և ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ նվազագույն աշխատավարձի վեցապատիկի՝ 450.000 ՀՀ դրամի չափով, և նա պետք է կրի իր նկատմամբ նշանակված պատիժը։
ՀՀ քրեական օրենսգրքի 74-րդ հոդվածի 1-ին մասի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:»
Առաջնորդվելով ՀՀ քրեական օրենսգրքի 74-րդ հոդվածով՝ Դատարանը գտնում է, որ Հրայր Հարությունյանի նկատմամբ ՀՀ քրեական օրենսգրքի 344-րդ հոդվածի 2-րդ մասով նշանակված 450.000 ՀՀ դրամի չափով տուգանք պատժին անհրաժեշտ է լրիվ գումարել ՀՀ քրեական օրենսգրքի 344-րդ հոդվածի 2-րդ մասով նշանակված 450.000 ՀՀ դրամի չափով տուգանք պատժին և մեղադրյալ Հրայր Հարությունյանի նկատմամբ պատիժ է նշանակում տուգանք՝ 900.000 ՀՀ դրամի չափով։
ՀՀ քրեական օրենսգրքի 74-րդ հոդվածի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:
(...)
9. Հանցագործությունների համակցության դեպքում մյուս պատիժները լրիվ կամ մասնակիորեն գումարելու դեպքում նշանակվող վերջնական պատիժը չի կարող գերազանցել սույն օրենսգրքի Ընդհանուր մասով պատժի տվյալ տեսակի համար սահմանված առավելագույն ժամկետը կամ չափը:
(...)
11. Պատիժը նշանակվում է սույն հոդվածի կանոններով, եթե դատավճիռ կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը: Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը և պատժի կրման սկիզբ է համարվում առաջին դատավճռով նշանակված պատժի կրման սկիզբը։»
Առաջնորդվելով ՀՀ քրեական օրենսգրքի 74-րդ հոդվածով՝ Դատարանը գտնում է, որ նշանակված 900.000 ՀՀ դրամի չափով տուգանք պատժին անհրաժեշտ է լրիվ գումարել Երևան քաղաքի առաջին ատյանի ընդհանուր իրավասության քրեական դատարանի 2024 թվականի հոկտեմբերի 24-ի թիվ ԵԴ1/1045/01/23 դատավճռով որպես պատիժ նշանակված 787.500 ՀՀ դրամի չափով տուգանք պատժի չկրած մասը՝ 182.500 ՀՀ դրամը, և որպես վերջնական պատիժ է նշանակում տուգանք՝ 1.082.500 ՀՀ դրամի չափով։
Դատարանն արձանագրում է նաև, որ մեղադրյալին պետք է թույլատրել որպես պատիժ նշանակված 1.082.500 ՀՀ դրամի չափով տուգանքը վճարել մաս առ մաս՝ 12 ամսվա ընթացքում՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Նկատի ունենալով այն հանգամանքը, որ սույն քրեական վարույթով գույքային հայց, գույք բռնագրավելու անհրաժեշտություն, արգելադրված գույք առկա չեն՝ Դատարանն այդ հարցերին չի անդրադառնում:
Անդրադառնալով ապացույցների պահպանման և տնօրինման հարցին՝ Դատարանն արձանագրում է, որ դրանք ենթակա են պահման քրեական գործի հետ՝ այն պահելու ամբողջ ժամանակահատվածում:
Դատարանը գտնում է նաև, որ Հրայր Հարությունյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, իսկ դատավճիռը օրինական ուժի մեջ մտնելուց հետո Հրայր Հարությունյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները պետք է վերացնել:
Հաշվի առնելով, որ սույն գործով վարութային ծախսեր առկա չեն, Դատարանն այդ հարցին անդրադարձ չի կատարում։
Ելնելով վերոգրյալից և ղեկավարվելով ՀՀ քրեական օրենսգրքի 55-րդ, 59-րդ, 69-րդ, 70-րդ և ՀՀ քրեական դատավարության օրենսգրքի 31-րդ, 33-րդ, 347-349-րդ, 352-353-րդ, 364-րդ հոդվածներով՝ Դատարանը

ՎՃՌԵՑ
1. Հրայր Աշոտի Հարությունյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով, ՀՀ քրեական օրենսգրքի 344-րդ հոդվածի 2-րդ մասով և՝
Հրայր Աշոտի Հարությունյանի նկատմամբ ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար պատիժ նշանակել՝ տուգանք՝ նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով,
Հրայր Աշոտի Հարությունյանի նկատմամբ ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար պատիժ նշանակել՝ տուգանք՝ նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով։
2. ՀՀ քրեական օրենսգրքի 74-րդ հոդվածով սահմանված կարգով մեղադրյալ Հրայր Աշոտի Հարությունյանի նկատմամբ ՀՀ քրեական օրենսգրքի 344-րդ հոդվածի 2-րդ մասով նշանակված 450.000 (չորս հարյուր հիսուն հազար) ՀՀ դրամի չափով տուգանք պատժին լրիվ գումարել ՀՀ քրեական օրենսգրքի 344-րդ հոդվածի 2-րդ մասով նշանակված 450.000 (չորս հարյուր հիսուն հազար) ՀՀ դրամի չափով տուգանք պատիժը, և մեղադրյալ Հրայր Աշոտի Հարությունյանի նկատմամբ պատիժ նշանակել տուգանք՝ 900.000 (ինը հարյուր հազար) ՀՀ դրամի չափով։
3. ՀՀ քրեական օրենսգրքի 74-րդ հոդվածի կիրառմամբ՝ 900.000 (ինը հարյուր հազար) ՀՀ դրամի չափով տուգանք պատժին լրիվ գումարել Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 24-ի թիվ ԵԴ1/1045/01/23 դատավճռով որպես պատիժ նշանակված 787.500 (յոթ հարյուր ութսունյոթ հազար) ՀՀ դրամի չափով տուգանք պատժի չկրած մասը՝ 182.500 (հարյուր ութսուներկու հազար հինգ հարյուր) ՀՀ դրամը, և Հրայր Աշոտի Հարությունյանի նկատմամբ վերջնական պատիժ նշանակել տուգանք՝ 1.082.500 (մեկ միլիոն ութսուներկու հազար հինգ հարյուր) ՀՀ դրամի չափով։
4. Հրայր Աշոտի Հարությունյանին թույլատրել որպես պատիժ նշանակված՝ 1.082.500 (մեկ միլիոն ութսուներկու հազար հինգ հարյուր) ՀՀ դրամի չափով տուգանքը վճարել մաս առ մաս՝ 12 (տասներկու) ամսվա ընթացքում՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
5.Ապացույցները պահել քրեական գործի հետ՝ այն պահելու ամբողջ ժամանակահատվածում:
6. Հրայր Աշոտի Հարությունյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
7. Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում:


Դատավոր` Դավիթ Արղամանյան