ԵԴ1/1866/01/25

Դ Ա Տ Ա Վ Ճ Ի Ռ
Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ու Թ Յ Ա Ն Ա Ն Ու Ն Ի Ց

29.01.2026թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը՝

ՆԱԽԱԳԱՀՈւԹՅԱՄԲ ԴԱՏԱՎՈՐ՝ Մ. ՇԱՀՎԵՐԴՅԱՆԻ
ՔԱՐՏՈւՂԱՐՈւԹՅԱՄԲ՝ Հ. ՄԽԻԹԱՐՅԱՆԻ

Մասնակցությամբ՝

ՀԱՆՐԱՅԻՆ ՄԵՂԱԴՐՈՂ՝ Ն. ԲԱՐԵԿՅԱՆԻ
ՀԱՆՐԱՅԻՆ ՊԱՇՏՊԱՆ՝ Ռ. ՍԻՐԵԿԱՆՅԱՆԻ
ՄԵՂԱԴՐՅԱԼ՝ Ա. ՀՈՎԱԿԻՄՅԱՆԻ

Դռնբաց դատական նիստում քննեց քրեական գործն ըստ մեղադրանքի՝
Անդրեաս Դավիթի Հովակիմյանի, ծնված՝ 07.11.2006թ., ք.Երևան, ազգությամբ հայ, ՀՀ քաղաքացի, նախկինում չդատված, ըստ իր հայտարարության՝ միջնակարգ կրթությամբ, ամուրի և աշխատանք չունեցող, հաշվառված և բնակվում է՝ ք.Երևան Նոր Նորք վարչական շրջանի Գալշոյան փողոցի 18-րդ շենքի 106-րդ բնակարանում:
Մեղադրվում է ՀՀ քրեական օրենսգրքի 456-րդ հոդվածի 2-րդ մասի 1-ին և 2-րդ կետով:
Ձերբակալման ձևով արգելանքի տակ է գտնվել՝ 14.01.2025թ. մինչև 16.01.2025թ. և 20.01.2025թ. մինչև 21.01.2025թ.:
Դատաքննությամբ և գործի տվյալներով պարզվեց հետևյալը.
ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնի քննիչ Ա.Փիլոյանի կողմից 03.01.2025թ. ՀՀ քրեական օրենսգրքի 456-րդ հոդվածի 2-րդ մասի 2-րդ կետով նախաձեռնվել է թիվ 14100425 քրեական վարույթը:
ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնի քննիչ Ա.Փիլոյանի կողմից 03.01.2025թ. ՀՀ քրեական օրենսգրքի 456-րդ հոդվածի 2-րդ մասի 2-րդ կետով նախաձեռնվել է թիվ 14100525 քրեական վարույթը:
ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնի քննիչ Հ.Հովհաննիսյանի կողմից 04.01.2025թ. ՀՀ քրեական օրենսգրքի 456-րդ հոդվածի 2-րդ մասի 2-րդ կետով նախաձեռնվել է թիվ 14101025 քրեական վարույթը:
ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնի քննիչ Վ.Գևորգյանի կողմից 07.01.2025թ. ՀՀ քրեական օրենսգրքի 456-րդ հոդվածի 1-ին մասով նախաձեռնվել է թիվ 09101125 քրեական վարույթը:
ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնի քննիչ Հ.Հովհաննիսյանի կողմից 09.01.2025թ. ՀՀ քրեական օրենսգրքի 456-րդ հոդվածի 2-րդ մասի 2-րդ կետով նախաձեռնվել է թիվ 14104725 քրեական վարույթը:
ՀՀ քննչական կոմիտեի Երևան քաղաքի քննչական վարչության Երևան քաղաքի Քանաքեռ-Զեյթուն վարչական շրջանի քննչական բաժնի ՀԿԳ քննիչ Ռ.Մարտիկյանի կողմից 12.01.2025թ. ՀՀ քրեական օրենսգրքի 456-րդ հոդվածի 1-ին մասով նախաձեռնվել է թիվ 09103325 քրեական վարույթը:
ՀՀ քննչական կոմիտեի Երևան քաղաքի քննչական վարչության Երևան քաղաքի Քանաքեռ-Զեյթուն վարչական շրջանի քննչական բաժնի ՀԿԳ քննիչ Ռ.Մարտիկյանի կողմից 12.01.2025թ. ՀՀ քրեական օրենսգրքի 456-րդ հոդվածի 1-ին մասով նախաձեռնվել է թիվ 09103425 քրեական վարույթը:
ՀՀ քննչական կոմիտեի Երևան քաղաքի քննչական վարչության Երևան քաղաքի Քանաքեռ-Զեյթուն վարչական շրջանի քննչական բաժնի ՀԿԳ քննիչ Ռ.Մարտիկյանի կողմից 12.01.2025թ. ՀՀ քրեական օրենսգրքի 456-րդ հոդվածի 1-ին մասով նախաձեռնվել է թիվ 09103525 քրեական վարույթը:
ՀՀ քննչական կոմիտեի ԵՔՔՎ Երևան քաղաքի Քանաքեռ-Զեյթուն վարչական շրջանի քննչական բաժնի ՀԿԳ քննիչ Ռ.Մարտիկյանի 14.01.2025թ. որոշմամբ՝ թիվ 09103425 քրեական վարույթը միացվել է թիվ 09103325 քրեական վարույթին:
ՀՀ քննչական կոմիտեի ԵՔՔՎ Երևան քաղաքի Քանաքեռ-Զեյթուն վարչական շրջանի քննչական բաժնի ՀԿԳ քննիչ Ռ.Մարտիկյանի 14.01.2025թ. որոշմամբ՝ թիվ 09103525 քրեական վարույթը միացվել է թիվ 09103325 քրեական վարույթին:
ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական առաջին բաժնի բաժնի ՀԿԳ քննիչ Ն.Սարգսյանի կողմից 15.01.2025թ. ՀՀ քրեական օրենսգրքի 258-րդ հոդվածի 1-ին մասի 2-րդ կետով նախաձեռնվել է թիվ 15108625 քրեական վարույթը:
Երևանի քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Ա.Ալիխանյանի 16.01.2025թ. որոշմամբ՝ Անդրեաս Դավիթի Հովակիմյանի նկատմամբ ՀՀ քրեական օրենսգրքի 456-րդ հոդվածի 2-րդ մասի 1-ին և 2-րդ կետերով հարուցվել է հանրային քրեական հետապնդում:
ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնի ՀԿԳ քննիչ Հ.Ջալոյանի կողմից 16.01.2025թ. Անդրեաս Դավիթի Հովակիմյանին հանձնվել է հանրային քրեական հետապնդում հարուցելու մասին 16.01.2025թ. որոշման պատճենը, պարզաբանվել մեղադրանքի փաստական հիմքը և իրավական գնահատականն ու ՀՀ քրեական դատավարության օրենսգրքի 43-րդ հոդվածով նախատեսված՝ նրա իրավունքները և պարտականությունները, ինչպես նաև նրան է հանձնվել դրանց ցանկը, որի մասին կազմվել է արձանագրություն:
ՀՀ ՔԿ ԵՔՔՎ Արաբկիր վարչական շրջանի քննչական բաժնի քննիչ Դ.Հովհաննիսյանի 17.01.2025թ. որոշմամբ՝ թիվ 14100425 քրեական վարույթը միացվել է թիվ 14101025 քրեական վարույթին:
ՀՀ ՔԿ ԵՔՔՎ Արաբկիր վարչական շրջանի քննչական բաժնի քննիչ Դ.Հովհաննիսյանի 17.01.2025թ. որոշմամբ՝ թիվ 14100525 քրեական վարույթը միացվել է թիվ 14101025 քրեական վարույթին:
ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնի ՀԿԳ քննիչ Հ.Ջալոյանի 22.01.2025թ. որոշմամբ՝ թիվ 09101125 քրեական վարույթը միացվել է թիվ 09103325 քրեական վարույթին:
ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնի ՀԿԳ քննիչ Հ.Ջալոյանի 29.01.2025թ. որոշմամբ՝ թիվ 15108625 քրեական վարույթը միացվել է թիվ 09103325 քրեական վարույթին:
ՀՀ ՔԿ ԵՔՔՎ Արաբկիր վարչական շրջանի քննչական բաժնի քննիչ Դ.Հովհաննիսյանի 29.01.2025թ. որոշմամբ՝ թիվ 14104725 քրեական վարույթը միացվել է թիվ 14101025 քրեական վարույթին:
ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնի ՀԿԳ քննիչ Հ.Ջալոյանի 04.02.2025թ. որոշմամբ՝ թիվ 14101025 քրեական վարույթը միացվել է թիվ 09103325 քրեական վարույթին:
Երևանի քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ն.Բարեկյանի 14.05.2025թ. որոշմամբ՝ Անդրեաս Դավիթի Հովակիմյանի նկատմամբ ՀՀ քրեական օրենսգրքի 456-րդ հոդվածի 2-րդ մասի 1-ին և 2-րդ կետերով հարուցվել է նոր հանրային քրեական հետապնդում:
ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնի ՀԿԳ քննիչ Հ.Ջալոյանի կողմից 15.05.2025թ. Անդրեաս Դավիթի Հովակիմյանին հանձնվել է հանրային քրեական հետապնդում հարուցելու մասին 14.05.2025թ. որոշման պատճենը, պարզաբանվել մեղադրանքի փաստական հիմքը և իրավական գնահատականն ու ՀՀ քրեական դատավարության օրենսգրքի 43-րդ հոդվածով նախատեսված՝ նրա իրավունքները և պարտականությունները, ինչպես նաև նրան է հանձնվել դրանց ցանկը, որի մասին կազմվել է արձանագրություն:
ՀՀ քննչական կոմիտեի ԵՔՔՎ Քանաքեռ-Զեյթուն վարչական շրջանի քննչական բաժնի ՀԿԳ քննիչ Հ.Ջալոյանի 24.05.2025թ. որոշմամբ՝ թիվ 09103325 քրեական վարույթից անջատվել է նոր՝ խմբի կազմում Անդրեաս Հովակիմյանի հետ հանցանք կատարած, սակայն ինքնությունը չպարզված անձի մասով ՀՀ քրեական օրենսգրքի 456-րդ հոդվածի 2-րդ մասի 1-ին կետով թիվ 09147625 քրեական վարույթը:
Թիվ 09103325 քրեական վարույթի նյութերը մեղադրական եզրակացությամբ 03.06.2025թ. մուտքագրվել է Երևան քաղաքի առաջին ատյանի ընդհանուր իրավասության քրեական դատարանում:
Անդրեաս Դավիթի Հովակիմյանին ՀՀ քրեական օրենսգրքի 456-րդ հոդվածի 2-րդ մասի 1-ին և 2-րդ կետերով մեղադրանք է ներկայացվել այն բանի համար, որ նա խմբի կազմում՝ նախնական համաձայնությամբ, շահադիտական դրդումներով, մեկ միասնական դիտավորությամբ 2025թ. հունվարի 2-ից մինչև 2025թ. հունվարի 12-ն ընկած ժամանակահատվածում հափշտակել է տրանսպորտային միջոցների պետհամարանիշներ և թաքցրել դրանք։
Այսպես.
Անդրեաս Հովակիմյանը խմբի կազմում, քննությամբ դեռևս ինքնությունը չպարզված ոմն Վահի հետ նախնական համաձայնությամբ, շահադիտական դրդումներով՝ պետհամարանիշները վերադարձնելու դիմաց գումար ստանալու նպատակով, 2025թ. հունվարի 3-ին, ժամը՝ 2200-ից մինչև 2025թ. հունվարի 4-ը, ժամը՝ 1030-ն ընկած ժամանակահատվածում, ուղղակի դիտավորությամբ գաղտնի հափշտակել և թաքցրել է Երևան քաղաքի Արաբկիր վարչական շրջանի Ա.Գրիբոյեդով փողոցի թիվ 2/1 հասցեին կից տարածքում կայանված՝ Հակոբ Վեռնալդի Ագանյանի կողմից շահագործվող «Ֆորդ Ֆիեստա» մակնիշի տրանսպորտային միջոցի «MK 190 MM» զույգ պետհամարանիշները՝ ավտոմեքենայի վրա թողնելով «Տելեգրամ» հավելվածի՝ իրենց հետ կապ հաստատելու համար նախատեսված «Telegram@Duyes656$$» օգտահաշվի տվյալները պարունակող թղթի կտոր։
Բացի այդ, Անդրեաս Հովակիմյանը խմբի կազմում, քննությամբ դեռևս ինքնությունը չպարզված ոմն Վահի հետ նախնական համաձայնությամբ, շահադիտական դրդումներով՝ պետհամարանիշները վերադարձնելու դիմաց գումար ստանալու նպատակով, 2025թ. հունվարի 2-ին, ժամը՝ 2030-ից մինչև 2025թ. հունվարի 3-ը, ժամը՝ 1240-ն ընկած ժամանակահատվածում, ուղղակի դիտավորությամբ գաղտնի հափշտակել և թաքցրել է Երևան քաղաքի Արաբկիր վարչական շրջանի Կոմիտաս պողոտայի թիվ 50 հասցեին կից տարածքում կայանված՝ Ռուբիկ Իսրայելի Սարխոշեանի կողմից շահագործվող «Դենա» մակնիշի տրասնպորտային միջոցի «22 AB 765» զույգ պետհամարանիշները՝ ավտոմեքենայի վրա թողնելով «Տելեգրամ» հավելվածի՝ իրենց հետ կապ հաստատելու համար նախատեսված «Telegram@Duyes656$$» օգտահաշվի տվյալները պարունակող թղթի կտոր։
Բացի այդ, Անդրեաս Հովակիմյանը խմբի կազմում, քննությամբ դեռևս ինքնությունը չպարզված ոմն Վահի հետ նախնական համաձայնությամբ, շահադիտական դրդումներով՝ պետհամարանիշները վերադարձնելու դիմաց գումար ստանալու նպատակով, 2025թ. հունվարի 3-ին, ժամը՝ 0030-ից մինչև 2025թ. հունվարի 3-ը, ժամը՝ 0815-ն ընկած ժամանակահատվածում, ուղղակի դիտավորությամբ գաղտնի հափշտակել և թաքցրել է Երևան քաղաքի Արաբկիր վարչական շրջանի Կոմիտաս պողոտայի թիվ 34 հասցեին կից տարածքում կայանված՝ Ֆելիքս Ազատի Սարկիսյանի կողմից շահագործվող «Մերսեդես E 210» մակնիշի տրանսպորտային միջոցի «KK 553 RK» զույգ պետհամարանիշները՝ ավտոմեքենայի վրա թողնելով «Տելեգրամ» հավելվածի՝ իրենց հետ կապ հաստատելու համար նախատեսված «Telegram@Duyes656$$» օգտահաշվի տվյալները պարունակող թղթի կտոր։
Բացի այդ, Անդրեաս Հովակիմյանը խմբի կազմում, քննությամբ դեռևս ինքնությունը չպարզված ոմն Վահի հետ նախնական համաձայնությամբ, շահադիտական դրդումներով՝ պետհամարանիշները վերադարձնելու դիմաց գումար ստանալու նպատակով, 2025թ. հունվարի 3-ին ուղղակի դիտավորությամբ գաղտնի հափշտակել և թաքցրել է Երևան քաղաքի Արաբկիր վարչական շրջանի Կոմիտաս պողոտայի թիվ 36 հասցեին կից տարածքում կայանված՝ Կիրիլ Կոնստանտինի Ստրելկինի կողմից շահագործվող «Սուզուկի» մակնիշի տրանսպորտային միջոցի «XX 365 LX» զույգ պետհամարանիշները՝ ավտոմեքենայի վրա թողնելով «Տելեգրամ» հավելվածի՝ իրենց հետ կապ հաստատելու համար նախատեսված «Telegram@Duyes656$$» օգտահաշվի տվյալները պարունակող թղթի կտոր։
Բացի այդ, Անդրեաս Հովակիմյանը խմբի կազմում, քննությամբ դեռևս ինքնությունը չպարզված ոմն Վահի հետ նախնական համաձայնությամբ, շահադիտական դրդումներով՝ պետհամարանիշները վերադարձնելու դիմաց գումար ստանալու նպատակով, 2025թ. հունվարի 5-ին, ժամը՝ 2130-ից մինչև 2025թ. հունվարի 6-ը, ժամը՝ 0150-ն ընկած ժամանակահատվածում, ուղղակի դիտավորությամբ գաղտնի հափշտակել և թաքցրել է Երևան քաղաքի Քանաքեռ-Զեյթուն վարչական շրջանի Զ.Սարկավագի փողոցի թիվ 54/1 հասցեին կից տարածքում կայանված՝ Կրիստինա Բենիամինի Գրիգորյանի կողմից շահագործվող «Ֆորդ» մակնիշի տրանսպորտային միջոցի «PB 278 PB» զույգ պետհամարանիշները՝ ավտոմեքենայի վրա թողնելով «Տելեգրամ» հավելվածի՝ իրենց հետ կապ հաստատելու համար նախատեսված «Telegram@Duyes656$$» օգտահաշվի տվյալները պարունակող թղթի կտոր։
Բացի այդ, Անդրեաս Հովակիմյանը խմբի կազմում, քննությամբ դեռևս ինքնությունը չպարզված ոմն Վահի հետ նախնական համաձայնությամբ, շահադիտական դրդումներով՝ պետհամարանիշները վերադարձնելու դիմաց գումար ստանալու, 2025թ. հունվարի 9-ին, ժամը՝ 2000-ից մինչև 2025թ. հունվարի 10-ը, ժամը՝ 1300-ն ընկած ժամանակահատվածում, ուղղակի դիտավորությամբ գաղտնի հափշտակել և թաքցրել է Երևան քաղաքի Նոր Նորք վարչական շրջանի Գ.Հովսեփյան փողոց թիվ 48/1 հասցեին կից տարածքում կայանված՝ Էդգար Արթուրի Գևորգյանի կողմից շահագործվող «Վոլկսվագեն» մակնիշի տրանսպորտային միջոցի «ED 600 GR» զույգ պետհամարանիշները՝ ավտոմեքենայի վրա թողնելով «Տելգրամ» հավելվածի՝ իրենց հետ կապ հաստատելու համար նախատեսված «Telegram@Duyes656$$» օգտահաշվի տվյալները պարունակող թղթի կտոր։
Բացի այդ, Անդրեաս Հովակիմյանը խմբի կազմում, քննությամբ դեռևս ինքնությունը չպարզված ոմն Վահի հետ նախնական համաձայնությամբ, շահադիտական դրդումներով՝ պետհամարանիշները վերադարձնելու դիմաց գումար ստանալու նպատակով, 2025թ. հունվարի 11-ին, ժամը՝ 2330-ից մինչև 2025թ. հունվարի 12-ը, ժամը՝ 1100-ն ընկած ժամանակահատվածում, ուղղակի դիտավորությամբ գաղտնի հափշտակել և թաքցրել է Երևան քաղաքի Քնաքեռ-Զեյթուն վարչական շրջանի Ռուբինյանց փողոցի թիվ 2/3 հասցեին կից տարածքում կայանված՝ Սարգիս Ավետիքի Այվազյանի կողմից շահագործվող «Տոյոտա» մակնիշի տրանսպորտային միջոցի «LL 772 VL» զույգ պետհամարանիշները՝ ավտոմեքենայի վրա թողնելով «Տելեգրամ» հավելվածի՝ իրենց հետ կապ հաստատաելու համար նախատեսված «TELEGRAM@GTA988$» օգտահաշվի տվյալները պարունակող թղթի կտոր։
Բացի այդ, Անդրեաս Հովակիմյանը խմբի կազմում, քննությամբ դեռևս ինքնությունը չպարզված ոմն Վահի հետ նախնական համաձայնությամբ, շահադիտական դրդումներով՝ պետհամարանիշները վերադարձնելու դիմաց գումար ստանալու նպատակով, 2025թ. հունվարի 11-ին, ժամը՝ 1900-ից մինչև 2025թ. հունվարի 12-ը, ժամը՝ 0900-ն ընկած ժամանակահատվածում, ուղղակի դիտավորությամբ գաղտնի հափշտակել և թաքցրել է Երևան քաղաքի Քանաքեռ-Զեյթուն վարչական շրջանի Դրոյի փողոց թիվ 4 հասցեին կից տարածքում կայանված՝ Գեորգի Սուրենի Շավերդյանի կողմից շահագործվող «Վոլցվագեն» մակնիշի տրանսպորտային միջոցի «KK 807 IK» զույգ պետհամարանիշները՝ ավտոմեքենայի վրա թողնելով «Տելեգրամ» հավելվածի՝ իրենց հետ կապ հաստատելու համար նախատեսված «TELEGRAM@GTA988$$» օգտահաշվի տվյալները պարունակող թղթի կտոր։
Բացի այդ, Անդրեաս Հովակիմյանը խմբի կազմում, քննությամբ դեռևս ինքնությունը չպարզված ոմն Վահի հետ նախնական համաձայնությամբ, շահադիտական դրդումներով՝ պետհամարանիշները վերադարձնելու դիմաց գումար ստանալու նպատակով, 2025թ. հունվարի 11-ին, ժամը՝ 1900-ից մինչև 2025թ. հունվարի 12-ը, ժամը՝ 1530-ն ընկած ժամանակահատվածում, ուղղակի դիտավորությամբ գաղտնի հափշտակել և թաքցրել է Երևան քաղաքի Քանաքեռ-Զեյթուն վարչական շրջանի Կ.Ուլնեցի փողոց թիվ 45/1 հասցեին կից տարածքում կայանված՝ Մարտին Արամայիսի Թակվորյանի կողմից շահագործվող «Օպել» մակնիշի տրասպորտային միջոցի «AA 001 AO» զույգ հաշվառման պետհամարանիշները՝ ավտոմեքենայի վրա թողնելով «Տելեգրամ» հավելվածի՝ իրենց հետ կապ հաստատելու համար նախատեսված «TELEGRAM@GTA988$» օգտահաշվի տվյալները պարունակող թղթի կտոր։
Նախնական դատալսումների ընթացքում մեղադրյալ Ա.Հովակիմյանը միջնորդեց կիրառել արագացված վարույթ և հայտարարեց, որ իրեն պարզ է ներկայացված մեղադրանքը, համաձայն է մեղադրանքի հետ, պնդում է արագացված վարույթ կիրառելու մասին միջնորդությունը, միջնորդությունը ներկայացվել է կամավոր՝ պաշտպանի հետ խորհրդակցելուց հետո, ինչպես նաև գիտակցում է արագացված վարույթ կիրառելու հետևանքները:
Հաշվի առնելով, որ մեղադրյալ Ա.Հովակիմյանը մեղադրվում է միջին ծանրության հանցանք կատարելու համար, առկա է ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-րդ հոդվածի 2-րդ մասով նախատեսված` արագացված վարույթի կիրառումը բացառող հանգամանքները, ինչպես նաև այն, որ մեղադրյալը համաձայն է իրեն մեղսագրվող արարքին, միջնորդությունը ներկայացրել է կամավոր և գիտակցում է իր միջնորդության բնույթը և հետևանքները՝ դատարանը բավարարել է արագացված վարույթ կիրառելու մասին միջնորդությունը:
Արագացված վարույթով դատարանը ՀՀ քրեական դատավարության օրենսգրքով սահմանված ընդհանուր կարգով ապացույցների հետազոտում չիրականացնելով և հիմք ընդունելով մեղադրյալ Ա.Հովակիմյանի կողմից իրեն ներկայացված մեղադրանքն ամբողջ ծավալով ընդունելու և դրա հետ համաձայն լինելու փաստը՝ հանգում է հետևության, որ մեղադրյալ Անդրեաս Դավիթի Հովակիմյանին մեղսագրվող արարքին ՀՀ քրեական օրենսգրքի 456-րդ հոդվածի 2-րդ մասի 1-ին և 2-րդ կետերով տրված իրավական գնահատականը համապատասխանում է մեղադրանքի փաստական հանգամանքներին, որով և պետք է ենթարկվի քրեական պատասխանատվության:
ՀՀ քրեական դատավարության օրենսգրքի 464.4-րդ հոդվածի 2-րդ մասի համաձայն՝
«Դատարանը արագացված վարույթի արդյունքով մեղադրական դատավճիռ կայացնելիս նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի ընդհանուր մասի վերաբերելի դրույթները»:
ՀՀ քրեական օրենսգրքի 77-րդ հոդվածի 4.1-րդ և 7-րդ մասերի համաձայն՝
«4.1. Արագացված վարույթ կիրառելու դեպքում պատիժը չի կարող գերազանցել սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի համար նախատեսված առավելագույն չափի կամ ժամկետի երեք քառորդը։ Եթե առավել խիստ պատժատեսակի երեք քառորդը պակաս է ստացվում սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի նվազագույն չափից կամ ժամկետից, ապա այն չի կարող պակաս լինել նվազագույն չափից կամ ժամկետից։
(…)
7. Համաձայնեցման կամ համագործակցության կամ արագացված վարույթ կիրառելն արգելք չէ լրացուցիչ պատիժ կամ անվտանգության միջոց նշանակելու համար»:
Դատարանը գտնում է, որ վերոգրյալ արարքը կատարելու համար մեղադրյալ Ա.Հովակիմյանը ենթակա է քրեական պատասխանատվության ու պատժի, որը պետք է սահմանվի՝ հաշվի առնելով ՀՀ քրեական օրենսգրքի 77-րդ հոդվածի 4.1-րդ մասով նախատեսված պայմանները:
Պատիժ նշանակելիս դատարանը հաշվի է առնում կատարված հանցանքի բնույթն ու վտանգավորության աստիճանը, հանցագործության շարժառիթը և նպատակը, մեղադրյալի անձը բնութագրող, ինչպես նաև նրա պատասխանատվությունը և պատիժը մեղմացնող և ծանրացնող հանգամանքներն ու նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությունը:
Դատարանը մեղադրյալ Անդրեաս Հովակիմյանի անձը բնութագրող հանգամանք է դիտում՝ երիտասարդ լինելը, նախկինում դատապարտված չլինելուն ու դրականորեն բնութագրվելը :
Դատարանը մեղադրյալ Անդրեաս Հովակիմյանի պատասխանատվությունը և պատիժը մեղմացնող հանգամանք է համարում այն, որ իր վարքագծով արժանացել է տուժողների ներողամտությանը և վերջիններս նրա նկատմամբ որևէ բողոք կամ պահանջ չեն ներկայացրել, զղջացել է կատարած արարքի համար և ընդունել մեղքը, ինչը որպես մեղավոր անձի հետհանցավոր դրական վարքագիծ, վկայում է այն մասին, որ նա լրիվ գիտակցել է իր արարքի հանրային վտանգավորությունը և զղջացել է դրա համար:
Դատարանն այնպիսի հանգամանքներ, որոնք կարող են գնահատվել որպես մեղադրյալ Ա.Հովակիմյանի պատասխանատվությունը և պատիժը ծանրացնող, չհայտնաբերեց:
Պատիժ նշանակելը քրեական գործերով արդարադատության իրականացման կարևոր և պատասխանատու բաղադրամասերից է, ուստի՝ օրենսդրի կողմից մեծապես կարևորվում է յուրաքանչյուր դեպքում անձի նկատմամբ պատիժ նշանակելիս քրեաիրավական նորմերով ամրագրված օրինականության, արդարության, պատասխանատվության անհատականացման և մարդասիրության սկզբունքների պահպանումը:
ՀՀ քրեական օրենսգրքի 7-րդ հոդվածի 1-ին մասի համաձայն՝
«Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»:
Հանցագործության համար մեղավոր ճանաչված անձի նկատմամբ նշանակվող պատժի նպատակներն են.
«(…) վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները» (Տե՛ս ՀՀ քրեական օրենսգրքի 55-րդ հոդվածի 2-րդ մասը):
Շարադրված հոդվածների վերլուծությունից հետևում է, որ ՀՀ քրեական օրենսգրքի 55-րդ հոդվածի 2-րդ մասով սահմանված՝ սոցիալական արդարությունը վերականգնելու նպատակը բխում է արդարության և պատասխանատվության անհատականացման սկզբունքն ամրագրած՝ ՀՀ քրեական օրենսգրքի 7-րդ հոդվածի 1-ին մասի բովանդակությունից: Մասնավորապես՝ նշված հոդվածի այն պահանջից, ըստ որի՝ հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը (Արդարության և պատասխանատվության անհատականացման սկզբունքի ու «Պատիժ» հասկացությանը և դրա նպատակների վերաբերյալ Վճռաբեկ դատարանն իրավական դիրքորոշում է հայտնել թիվ ՎԲ-50/07, թիվ ՎԲ-192/07, թիվ ՎԲ-201/07 և թիվ ԱՎԴ2/0059/01/08 որոշումներում):
ՀՀ քրեական օրենսգրքի 69-րդ հոդվածի 1-ին և 2-րդ մասերի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ»:
Վճռաբեկ դատարանը մշտապես ընդգծել է, որ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ։ Հետևաբար, կոնկրետ գործով պատիժ նշանակելիս, դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա` ելնելով ՀՀ քրեական օրենսգրքի 55-րդ հոդվածով նախատեսված պատժի նպատակների իրացումն ապահովելու անհրաժեշտությունից ։
Վճռաբեկ դատարանը բազմիցս կրկնել է, որ հանցագործության կատարման մեջ մեղավոր ճանաչված անձի նկատմամբ պատիժ նշանակելիս, դատարանը պարտավոր է գործի նյութերում առկա փաստական տվյալների հիման վրա պատճառաբանել ինչպես պատժի տեսակի և չափի ընտրության, այնպես էլ ազատությունից զրկելու հետ կապված պատիժը կրելու անհրաժեշտության վերաբերյալ իր որոշումը: Դատական որոշման որակը մեծապես կախված է դրա պատճառաբանական մասից, հետևաբար դատական որոշումները սկզբունքորեն պետք է պատճառաբանված լինեն: Պատժի տեսակի և չափի ընտրության, ինչպես նաև պատիժը կրելու անհրաժեշտության վերաբերյալ դատարանի եզրահանգումները հիմնավորող պատճառների մատնանշումը ոչ միայն ավելի հասկանալի և ընդունելի է դարձնում դատավճիռը վարույթի մասնակիցների համար, այլև բացառում է կամայականությունը: Նախևառաջ, դա նշանակում է, որ դատարանը պարտավորված է լինում արձագանքել կողմերի ներկայացրած փաստարկներին և մատնանշել տվյալ որոշումը հիմնավորող և իրավաչափ դարձնող փաստարկները: Եվ երկրորդ` պատշաճ պատճառաբանությունը հասարակությանը թույլ է տալիս հասկանալ, թե ինչպես է գործում դատական համակարգը հանցանք կատարած անձի նկատմամբ պատիժ սահմանելիս: Բացի այդ, դատական ակտի չպատճառաբանված կամ ոչ բավարար չափով պատճառաբանված լինելը հանգեցնում է նաև քրեական դատավարության կարևորագույն սկզբունքներից մեկի՝ արդար դատական քննության իրավունքի խախտման, քանի որ օբյեկտիվորեն սահմանափակվում է վերադաս դատական ատյանի հնարավորությունը` լիարժեք դատական ստուգման ենթարկելու բողոքարկվող դատական ակտի օրինականությունն ու հիմնավորվածությունը ։
Հետևաբար, ընդունելի չի կարող համարվել ոչ միայն այն դատական ակտը, որտեղ պատժի վերաբերյալ դատարանի հետևությունները հիմնված չեն դատական քննության ժամանակ հետազոտված ապացույցների վրա, այլև այնպիսին, որում բացակայում են պատժատեսակի, պատժաչափի կամ պատիժը կրելու նպատակահարմարության վերաբերյալ դատարանի եզրահանգումները հիմնավորող հետևողական, հստակ և ոչ հակասական պատճառաբանությունները :
Այսպիսով՝ հաշվի առնելով Անդրեաս Հովակիմյանի կատարած հանցանքի բնույթն ու վտանգավորության աստիճանը, հանցագործության շարժառիթը և նպատակը, գործի հանգամանքները, քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը և հանցագործության ծանրությունը, նրա անձը բնութագրող, ինչպես նաև պատասխանատվությունը և պատիժը մեղմացնող հանգամանքները, ծանրացնող հանգամանքների բացակայությունը, կյանքի և դաստիարակության պայմանները, հոգեկան զարգացման աստիճանը, առողջության վիճակը, նշանակվող պատժի` վերջինիս վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությունը, հանցանքի սանկցիայով նախատեսված՝ նշանակման ենթակա պատիժների առավելագույն և նվազագույն սահմանների շրջանակում, իր հայեցողության շրջանակներում ղեկավարվելով պատժի նշանակման օրինականության, արդարության, պատասխանատվության անհատականացման և մարդասիրության սկզբունքներով, օրենքով և ներքին համոզմամբ, դատարանը գտնում է, որ Անդրեաս Դավիթի Հովակիմյանի նկատմամբ ՀՀ քրեական օրենսգրքի 456-րդ հոդվածի 2-րդ մասի սանկցիայով պատիժ պետք է նշանակել հանրային աշխատանքների ձևով (մեղադրյալ Անդրեաս Հովակիմյանը տվել է իր համաձայնությունը), քանի որ այն կարող է ապահովել պատժի նպատակները: Դատարանը գտնում է, որ մարդասիրության սկզբունքից ելնելով՝ մեղադրյալ Անդրեաս Հովակիմյանի նկատմամբ հանրային աշխատանքների ձևով պատիժ նշանակելով հնարավոր է հասնել ՀՀ քրեական օրենսգրքի 55-րդ հոդվածի 2-րդ մասով նախատեսված պատժի նպատակներին՝ սոցիալական արդարության վերականգնմանը, պատժի ենթարկված անձի վերասոցիալականացմանն ու հանցագործությունների կանխմանը, ինչպես նաև ապահովել ՀՀ քրեական օրենսգրքի 7-րդ և 69-րդ հոդվածներով սահմանված՝ արդարության, պատասխանատվության անհատականացման և պատիժ նշանակելու ընդհանուր սկզբունքները:
Դատարանն արձանագրում է, որ Անդրեաս Դավիթի Հովակիմյանը 14.01.2025թ. մինչև 16.01.2025թ. և 20.01.2025թ. մինչև 21.01.2025թ. գտնվել է ձերբակալման ձևով արգելանքի տակ, հետևաբար՝ դատարանը գտնում է, որ ՀՀ քրեական օրենսգրքի 79-րդ հոդվածի 3-րդ մասի կիրառմամբ՝ Անդրեաս Դավիթի Հովակիմյանի՝ փաստացի անազատության մեջ գտնվելու՝ 3(երեք) օր ժամկետը պետք է հաշվակցել նշանակված պատժին՝ 1 օրը 8 ժամի դիմաց:
Նկատի ունենալով տուժողների կողմից մեղադրյալի նկատմամբ գույքային պահանջ չունենալու պատճառաբանությամբ գույքային հայց հարուցված չլինելու հանգամանքը՝ դատարանը գտնում է, որ գույքային հայցի հարցը պետք է համարել լուծված:
Անդրադառնալով ապացույցների տնօրինման հարցին՝ դատարանը գտնում է, որ դատավճիռն օրինական ուժի մեջ մտնելուց հետո, իրեղեն ապացույց ճանաչված և տուժող Գեորգի Սուրենի Շահվերդյանին վերադարձված՝ «Վոլկսվագեն Պասատ» մակնիշի ավտոմեքենայի «KK 807 IK» և տուժող Սարկիս Ավետիքի Այվազյանին վերադարձված՝ «Տոյոտա Կորոլա» մակնիշի ավտոմեքենայի «LL-772-VL» հաշվառման համարանիշերը, դատավճիռն օրինական ուժի մեջ մտնելուց հետո պետք է թողնել վերջիններիս տնօրինմանը, «Վոլկսվագեն» մակնիշի ավտոմեքենայի «ED 600 GR», «Ֆորդ Ֆիեստա» մակնիշի ավտոմեքենայի «MK 190 MM», «Դենա» մակնիշի ավտոմեքենայի «22 AB 765» և «Մերսեդես E 210» մակնիշի ավտոմեքենայի «KK 553 RK» հաշվառման համարանիշերն ու «Այֆոն 11 պռո մաքս» մոդելի բջջային հեռախոսը՝ վերադարձնել օրինական տիրապետողներին և թողնել նրանց տնօրինմանը, իսկ արտավարութային փաստաթուղթ ճանաչված և վարույթի նյութերին կցված՝ Արարատ Սամվելի Ավետիսյանի կողմից ներկայացված՝ Երևան քաղաքի Ռուբինյանց փողոցի 21/3, Նարդան Նաղաշյանի կողմից ներկայացված՝ Երևան քաղաքի Դրոյի 6/4, Ռուբիկ Սարխոշեանի կողմից ներկայացված՝ Կոմիտաս 50 հասցեներում առկա, ինչպես նաև թիվ 14101025 քրեական վարույթով կատարված դեպքի վայրի զննությամբ վերցված տեսանկարահանող սարքի տեսագրությունները պարունակող լազերային սկավառակները, փոխանցվող տվյալների վերաբերյալ տեղեկատվություն ստանալու միջնորդությունը բավարարելու արդյունքում «Վիվա Արմենիա» ՓԲ ընկերության կողմից 29.01.2025թ. ստացված և 03.02.2025թ. զննման ենթարկված թվով 1 լազերային սկավառակը, Ալվարդ Բաբայանի բանկային գաղտնիք կազմող փաստաթղթերը, Սարգիս Այվազյանից, Գեորգի Շավերդյանից և Մարտին Թակվորյանից վերցված «TELEGRAM@GTA988$», Կրիստինա Գրիգորյանից վերցված «TELEGRAM@Duyes656$$», Հակոբ Ագանյանից, Ռուբիկ Սարխոշեանից և Ֆելիքս Սարկիսյանից վերցված «TELEGRAM@DUYES656$$» և Ստեփան Երիցյանից վերցված «TELEGRAM@Duyes656» տելեգրամյան օգտահաշվի տվյալներ պարունակող թղթերը և նրա կողմից վարույթն իրականացնող մարմնին ներկայացրած տելեգրամյան «TELEGRAM@Duyes656» օգտահաշվի հետ ունեցած նամակագրությունները, դրամական փոխանցումների վերաբերյալ լուսանկարները, Էդգար Գևորգյանից վերցված «TELEGRAM@Duyes656$$» տելեգրամյան օգտահաշվի տվյալներ պարունակող թղթերը և նրա կողմից ներկայացված «TELEGRAM@Duyes656$$» տելեգրամյան օգտահաշվի հետ ունեցած նամակագրությունները, ինչպես նաև բանկային փոխանցումների վերաբերյալ անդորրագրերի պատճենները պետք է պահել վարույթի նյութերի հետ՝ դրանք պահելու ամբողջ ընթացքում։
Քննարկելով խափանման միջոցի հարցը՝ դատարանը գտնում է, որ մեղադրյալ Անդրեաս Դավիթի Հովակիմյանի նկատմամբ կիրառված խափանման միջոց բացակայելու արգելքը վերացնելու կամ փոխելու հիմքեր չկան, հետևաբար՝ այն պետք է թողնել անփոփոխ՝ մինչև դատավճռի օրինական ուժի մեջ մտնելը:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 364-րդ, 464.4-րդ և 464.5-րդ հոդվածներով՝ դատարանը.

Վ Ճ Ռ Ե Ց

Անդրեաս Դավիթի Հովակիմյանին մեղավոր ճանաչել ՀՀ քրեական օրենսգրքի 456-րդ հոդվածի 2-րդ մասի 1-ին և 2-րդ կետերով և դատապարտել հանրային աշխատանքներով՝ 150(հարյուր հիսուն) ժամ տևողությամբ:
ՀՀ քրեական օրենսգրքի 79-րդ հոդվածի 3-րդ մասի կիրառմամբ՝ փաստացի անազատության մեջ գտնվելու 3(երեք) օր ժամկետը հաշվակցել նշանակված պատժին՝ վերջնական թողնելով հանրային աշխատանքներ՝ 126(հարյուր քսանվեց) ժամ տևողությամբ:
Պատժի սկիզբը՝ հանրային աշխատանքների փաստացի ներգրավելու պահից:
Անդրեաս Դավիթի Հովակիմյանի նկատմամբ կիրառված խափանման միջոց բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը:
Իրեղեն ապացույց ճանաչված և տուժող Գեորգի Սուրենի Շահվերդյանին վերադարձված՝ «Վոլկսվագեն Պասատ» մակնիշի ավտոմեքենայի «KK 807 IK» և տուժող Սարկիս Ավետիքի Այվազյանին վերադարձված՝ «Տոյոտա Կորոլա» մակնիշի ավտոմեքենայի «LL-772-VL» հաշվառման համարանիշերը, դատավճիռն օրինական ուժի մեջ մտնելուց հետո թողնել վերջիններիս տնօրինմանը, «Վոլկսվագեն» մակնիշի ավտոմեքենայի «ED 600 GR», «Ֆորդ Ֆիեստա» մակնիշի ավտոմեքենայի «MK 190 MM», «Դենա» մակնիշի ավտոմեքենայի «22 AB 765» և «Մերսեդես E 210» մակնիշի ավտոմեքենայի «KK 553 RK» հաշվառման համարանիշերն ու «Այֆոն 11 պռո մաքս» մոդելի բջջային հեռախոսը՝ վերադարձնել օրինական տիրապետողներին և թողնել նրանց տնօրինմանը, իսկ վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերով, կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ Մ. ՇԱՀՎԵՐԴՅԱՆ