ԵԴ1/1787/01/25







Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Ա․ԴԱՎԹՅԱՆԻ
մեղադրյալ Գ․ՀԱՅՐՈՅԱՆԻ


2025 թվականի հունիսի 23-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Գեղամ Ռոստոմի Հայրոյանի՝ ծնված 1996 թվականի ապրիլի 10-ին, գ․Ծովինար, հայ, ՀՀ քաղաքացի, բարձրագույն զինվորական կրթությամբ, նախկինում դատապարտված, պայմանագրային զինծառայող, ամուսնացած, ըստ իր հայտարարության՝ խնամքին մեկ անչափահաս երեխա, բնակվում է Գեղարքունիքի մարզ, գյուղ Գագարին, Շիրազի փողոց, տուն 5ա հասցեում, քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով, որպես խափանման միջոց է ընտրվել բացակայելու արգելքը,

ՊԱՐԶԵՑ

1.Գործի դատավարական նախապատմությունը
2024 թվականի հուլիսի 19-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-2729-24 քրեական վարույթը:
2025 թվականի մայիսի 13-ի որոշմամբ Գեղամ Ռոստոմի Հայրոյանի նկատմամբ քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով այն արարքի համար, որ նա, տրանսպորտային միջոցներ վարելու իրավունքից մեկ տարի ժամկետով՝ 2024 թվականի ապրիլի 7-ից մինչև 2025 թվականի ապրիլի 7-ը, զրկված լինելու և այդ մասին նախապես տեղյակ լինելու պայմաններում, 2024 թվականի հունիսի 16-ին՝ ժամը 00:03-ի սահմաններում, Երևան քաղաքի Իսակովի պողոտայում, ոչ սթափ վիճակում՝ 0,3798 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը` +10), վարել է «Մերսեդես-Բենց» մակնիշի 81 EE 081 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ՆԳՆ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180402614 արձանագրությունը»։
2025 թվականի մայիսի 13-ի որոշմամբ Գեղամ Ռոստոմի Հայրոյանի նկատմամբ խափանման միջոց է ընտրվել բացակայելու արգելքը:
2025 թվականի մայիսի 22-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է ԵԴ1/1787/01/25 համարը:
2025 թվականի մայիսի 23-ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին։
2025 թվականի հունիսի 5-ին Դատարանը Գեղամ Ռոստոմի Հայրոյանի նկատմամբ կայացրել է մեղադրական վերդիկտ։


2.Դատարանում հետազոտված և գնահատված ապացույցներ
Մեղադրյալ Գեղամ Ռոստոմի Հայրոյանն դատաքննության ընթացքում ցուցմունք է տվել այն մասին, որ դեպքի օրն առիթի է հրավիրված եղել Երևանում, հարբած չի եղել, բայց ալկոհոլ է օգտագործել, տեղյալ է եղել վարորդական իրավունքից զրկված լինելու մասին, սակայն վարել է մեքենան (տե´ս 2025 թվականի հունիսի 5-ի դատական նիստի արձանագրություն)։
Հիմնական դատալսումների ընթացքում հետազոտվել են հետևյալ գրավոր ապացույցները.
Վարչական իրավախախտման արձանագության պատճենը, որի համաձայն՝ Գեղարքունիքի մարզի, Վարդենսի քաղաքի, Լեռնագործների փողոցի, 28 շենքի 34 բնակարանի բնակիչ, 10.04.1996թ. ծնված՝ Գեղամ Ռոստամի Հայրոյանը (անձնագիր՝ AL0563062, հեռ.՝ 098-51-18-64) ք.Երևան, Իսակովի պողոտայում, ժամը 00:03-ին, վարել է «Մերսեդես» մակնիշի 81 EE 081 հաշվառման համարանիշի ավտոմեքենան: Որպես իրավախախտման էություն նշվել է «տրանսպորտային միջոցներ վարելու իրավունքից զրկված անձը տրանսպորտային միջոցը վարել է ոչ սթափ վիճակում»: Արձանագրությանը կցվել է զննման կտրոնի համարը՝ 01514։ Արձանագրության ձանագրության՝ «իրավախատում կատարած անձի բացատրությունը, ազգանունը, ստորագրությունը» դաշտում առկա է «համաձայն եմ» ստորագրությունը ձեռագիր գրառումը, իսկ «Արձանագրությանը ծանոթացա, իմ իրավունքների և պարտականությունների մասին քաղվածքը և խախտման քննարկման վայրի ու ժամանակ վերաբերյալ ծանուցումն ստացա» հատվածում առկա է ստորագրություն և «Հայրոյան» ձեռագիր գրառումը:
Ալկոհոլի ստուգաչափման կտրոնի պատճենը, որի համաձայն՝ թիվ 91100937 համարի սարքով 16.06.2024թ.` ժամը 00:08:25-ին կատարվել է թիվ 01514 զննումը: Զննման արդյունքում Գեղամ Հայրոյանի մոտ ալկոհոլի պարունակությունը կազմել է 0.422 մq/լ:
Թիվ 115131 ստուգաչափման վկայականի պատճենը, որի համաձայն՝ 2024 թվականի հունիսի 16-ին կատարվել է թիվ 91100937 գործարանային համարով ալկոտեստեր սարքավորման ստուգաչափում, որն ուժի մեջ է մինչև 2025 թվականի հունվարի 24-ը:
Ճանապարհային ոստիկանության էլեկտրոնային ռեգիստրից արտատպված քաղվածքը, որի համաձայն՝ վարորդական վկայականել որոնման դաշտում մուտքագրվել են Գեղամ Հայրոյանի անձնական տվյալները, արդյունքներով պարզվել է, որ Գեղամ Հայրոյանի անվամբ առկա է RB3105 վարորդական վկայականը վարորդականը, որը թողարկվել է 26.07.2017թ-ի ինչի 10521 07.04.2024-07.04.2025թթ. գտնվում է զրկված կարգավիճակում: 017թ-ին և Գրությանը կցվա Լ.Ազգալդյան փողոցում, է 2024 թվականի ապրիլի 07-ին՝ ժամը 22:05-ին, ք. Վարդենի ոստիկանության պարեկային ծառայության Գեղարքունիք ոակի 2-րդ վաշտի, 3-րդ գումարտակի (11965) Υπη դասակի կրտսեր պարեկ Նարեկ Սմբատի Սիմոնյան մից կազմված թիվ 8180311926 պարեկային ծառայության վարչական իրավախախտման արզի, արձանագության և որոշ ոշման պատճենն այն մասին, որ ն, որ Գեղարքունիքի Գագարին, Շիրազի փողոցի, 5Ա տան բնակիչ, 10.04.1996թ. ծնված՝ Ռոստամի այրոյանը (RB 310521, hun. 098 Գեղամ 098-51-18-64) Գեղարքունիքի մարզի, սրզի, Վարդենիս քաղաքի, Լեռնագործների փողոցում, ժամը 21:45-ին, վարել է «Մերսեդես» մակնիշի 81 EE 081 հաշվառման համարանիշի ավտոմեքենան: Որպես իրավախախտման էություն նշվե է՝ «տրանսպորտային միջոցը վարել է ոչ սթափ վիճակում, վարորդի արտաշնչած 1լ օդի մեջ մաքուր ալկոհոլի պարունակությունը կազմել է 0.744մգ/լ»: Արձանագրությանը կցվել է զննման կտրոնի համարը՝ 00115 և զննման սարքի համար՝ 91101036։ Արձանագրությանը կցվել է նաև RB310521 վարորդական վկայականը: Արձանագրության՝ «իրավախատում կատարած անձի բացատրությունը, ազգանունը, ստորագրությունը» դաշտում առկա ստորագրություն և «Հայրոյան» ձեռագիր գրառումը, որը առկա է նա նաև՝ «Արձանագրությանը ծանոթացմա, իմ իրավունքների և պարտականությունների մասին քաղվածքը և խախտման քննարկման վայրի ու ժամանակ վերաբերյալ ծանուցմ ստացա» հատվածում: Թիվ 8180311926 պարեկային ծառայության վարչական իրավախախտման գործով որոշման մեջ նշված է, որ համաձայն՝ ՎԻՎ ՀՀ օրենսգրքի 126-րդ հոդվածի 2-րդ մասի համաձայն քաղաքացի Գեղամ Հայրոյանին զրկել են տրանսպորտային միջոց վարելու իրավունքից 1 տարի ժամկետով, իսկ որպես պատճառ նշված է՝ «ոչ սթափ վիճակում վարել է տրանսպորտային միջոց»: Որպես վերցված փսատաթուղթ նշված է RB310521 վարորդական վկայականը։ Որոշման պատճենը և կատարման կարգի մասին քաղվածքն ստացա դաշտում առկա է ստորագրություն և 07.0 07.04.2024թ. ամսաթիվ։
Ալկոհոլի ստուգաչափման կտրոնի պատճենը, որի համաձայն՝ թիվ 91101036 համարի սարքով 07.04.2024թ. ժամը 21:49:19-ին կատարվել է թիվ 00115 զննումը: Գեղամ Հայրոյանի մոտ ալկոհոլի պարունակությու 0.744մգ/լ, որի համաձայն առկա է նաև ստուգաչափվողի ստորագրություն:
Թիվ 115131 ստուգաչափման վկայականի պատճենը, որի համաձայն 2024 թվականի ապրիլի 07-ին կատարվել է թիվ 91101036 գործարանային համարով Ալկոտեստեր սարքավորման ստուգաչափում, որն ուժի մեջ է մինչև 2025 թվականի մարտի 27-ը (տե՛ս դատական նիստի արձանագրություն, քրեական գործ, 4-8-րդ, 10-րդ, 19-21-րդ, 22-25-րդ թերթեր):
Գ․Հայրոյանի դատավածության վերաբերյալ տեղեկանքը, որի համաձայն՝ Գ․Հայրոյանը Գեղարքունիքի մարզի առաջին ատյանի ընդհանուր իրավսության դատարանի 2025 թվականի հունվարի 15-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով և դատապարտվել է տուգանքի՝ 375․000 ՀՀ դրամի չափով և ըստ ՀՀ պրոբացիայի ծառայության մարմնի ներկայացուցչի բանավոր հայտարարության՝ դատապարտյալը վճարել է իր նկատմամբ նշանակված տուգանքից 50․000 ՀՀ դրամ (տե´ս դատական նիստի արձանագրություն):


3.Դատարանի իրավական վերլուծությունները
Դատարանը, վերլուծելով մեղադրյալ Գ․Հայրոյանն առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ Գեղամ Ռոստոմի Հայրոյանը տրանսպորտային միջոցներ վարելու իրավունքից մեկ տարի ժամկետով՝ 2024 թվականի ապրիլի 7-ից մինչև 2025 թվականի ապրիլի 7-ը, զրկված լինելու և այդ մասին նախապես տեղյակ լինելու պայմաններում, 2024 թվականի հունիսի 16-ին՝ ժամը 00:03-ի սահմաններում, Երևան քաղաքի Իսակովի պողոտայում, ոչ սթափ վիճակում՝ 0,3798 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը` +10), վարել է «Մերսեդես-Բենց» մակնիշի 81 EE 081 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ՆԳՆ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180402614 արձանագրությունը։
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Գ․Հայրոյանի կողմից տրանսպորտային միջոց վարելը իրավունք չունենալու պարագայում ոչ սթափ վիճակում տրանսպորտային միջոց վարելը, այդ արարքն ապացուցված է, ճիշտ է որակված և համապատասխանում է ՀՀ քրեական օրենսգրքի 344-րդ հոդվածի 2-րդ մասի հատկանիշներին:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (․․․)»։
Պատժի նշանակման հիմնական կանոնները սահմանող իրավական նորմերը (նախկին օրենսգրքի) ՀՀ վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացված որոշումներում: Վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա
Այսպես` Դատարանը մեղադրյալ Գ․Հայրոյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Գ․Հայրոյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Դատարանը, որպես մեղադրյալ Գ․Հայրոյանի պատասխանատվությունն ու պատիժը մեղմացնող հանգամանք հաշվի է առնում այն, որ նա իրեն լիովին մեղավոր է ճանաչել և տվել խոստովանական ցուցմունքներ, անկեղծորեն զղջացել է կատարած արարքի համար:
Դատարանը, արձանագրում է, որ մեղադրյալ Գ․Հայրոյանի պատասխանատվությունն ու պատիժը ծանրացնող հանգամանք առկա չէ։
Դատարանը գտնում է, որ կատարած արարքի համար մեղադրյալ Գ․Հայրոյանը ենթակա է պատժի:
Դատարանը, հաշվի առնելով մեղադրյալ Գ․Հայրոյանի կատարած արարքի՝ հանրության համար վտանգավորության աստիճանն ու բնույթը, նրա անձը բնութագրող, պատասխանատվությունը և պատիժը մեղմացնող հանգամանքները, գտնում է, որ մեղադրյալ Գեղամ Հայրոյանն իր կատարած ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության համար ենթակա է պատժի տուգանքի ձևով՝ 375․000 (երեք հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 74-րդ հոդվածի 11-րդ մասի համաձայն՝ «Պատիժը նշանակվում է սույն հոդվածի կանոններով, եթե դատավճիռ կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը: Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը և պատժի կրման սկիզբ է համարվում առաջին դատավճռով նշանակված պատժի կրման սկիզբը»։
Սույն գործի նյութերի ուսումնասիրությունից երևում է, որ Գեղարքունիքի մարզի առաջին ատյանի ընդհանուր իրավասության դատարանի 2025 թվականի հունվարի 15-ի դատավճռով Գեղամ Ռոստոմի Հայրոյանը մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման մեջ և նրա նկատմամբ պատիժ նշանակել տուգանք՝ 375.000 (երեք հարյուր յոթանասունհինգ հազար) ՀՀ դրամի չափով: Ըստ ՀՀ պրոբացիայի ծառայության մարմնի ներկայացուցչի բանավոր հայտարարության՝ դատապարտյալը վճարել է իր նկատմամբ նշանակված տուգանքից 50․000 ՀՀ դրամ
Հիմք ընդունելով վերոգրյալը՝ Դատարանը փաստում է, որ Գեղամ Ռոստոմի Հայրոյանը նկատմամբ վերջնական պատիժ պետք է սահմանվի ՀՀ քրեական օրենսգրքի 74-րդ հոդվածի 11-րդ մասի կարգով, այն է՝ սույն գործով նրա նկատմամբ նշանակված պատժին պետք է լրիվ գումարել Գեղարքունիքի մարզի առաջին ատյանի ընդհանուր իրավասության դատարանի 2025 թվականի հունվարի 15-ի դատավճռով նշանակված տուգանքի 375․000 (երեք հարյուր յոթանասունհինգ հազար) ՀՀ դրամի չվճարված մասը՝ 325․000 (երեք հարյուր քսանհինգ հազար) ՀՀ դրամը և Գեղամ Ռոստոմի Հայրոյանի նկատմամբ վերջնական պատիժ նշանակել տուգանք՝ 700․000 (յոթ հարյուր հազար) ՀՀ դրամի չափով։
Հիմք ընդունելով ՀՀ քրեական օրենսգրքի 59-րդ հոդվածի 8-րդ մասը և հաշվի առնելով, որ մեղադրյալ Գեղամ Ռոստոմի Հայրոյանն ի վիճակի չէ անհապաղ և ամբողջությամբ վճարելու տուգանքը՝ Դատարանը գտնում է, որ նրան պետք է թույլատրել նշանակված տուգանքը վճարել մաս առ մաս՝ 10 (տաս) ամսվա ընթացքում՝ յուրաքանչյուր ամսում 70․000 (յոթանասուն հազար) ՀՀ դրամ վճարելու պայմանով։
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Գ․Հայրոյանի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը, որից հետո վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ, 464․1-րդ-464․5-րդ հոդվածներով` Դատարանը

Վ Ճ Ռ Ե Ց

Մեղադրյալ Գեղամ Ռոստոմի Հայրոյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված արարքի կատարման մեջ, և նրա նկատմամբ պատիժ նշանակել տուգանք՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի հիման վրա՝ սույն դատավճռով նշանակված պատժին՝ 375․000 (երեք հարյուր յոթանասունհինգ հազար) ՀՀ դրամին ամբողջությամբ գումարել Գեղարքունիքի մարզի առաջին ատյանի ընդհանուր իրավասության դատարանի դատավճով նշանակված տուգանքի 375․000 (երեք հարյուր յոթանասունհինգ հազար) ՀՀ դրամի չվճարված մասը՝ 325․000 (երեք հարյուր քսանհինգ հազար) ՀՀ դրամը և Գեղամ Ռոստոմի Հայրոյանի նկատմամբ վերջնական պատիժ նշանակել տուգանք՝ 700․000 (յոթ հարյուր հազար) ՀՀ դրամի չափով:
ՀՀ քրեական օրենսգրքի 59-րդ հոդվածի հիման վրա՝ նրա նկատմամբ նշանակված տուգանքը տարաժամկետել 10 (տասներկու) ամիս ժամկետով և թույլատրել տուգանքը վճարել մաս առ մաս՝ յուրաքանչյուր ամիս 70․000 (յոթանասուն հազար) ՀՀ դրամի չափով։
Մեղադրյալ Գեղամ Ռոստոմի Հայրոյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը:
Արտավարութային փաստաթղթերը թողնել կցված քրեական գործին դատավճիռն օրինական ուժի մեջ մտնելուց հետո։
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ