ԵԴ1/1740/01/25





ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«26» նոյեմբերի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` Դատարան)

նախագահությամբ՝ դատավոր Տաթևիկ Մուրադյանի,
քարտուղարությամբ՝ Ագնետա Հակոբյանի,

մասնակցությամբ`
հանրային մեղադրող՝ Տարոն Մխիթարյանի,
մեղադրյալ՝ Արսեն Կարապետյանի,

դռնբաց դատական նիստում քննելով քրեական գործն ըստ մեղադրանքի`
Արսեն Ալեքսանդրի Կարապետյանի
(ծնված՝ 16.04.1997թ., ազգությամբ հայ, ՀՀ քաղաքացի, միջնակարգ կրթությամբ, չամուսնացած, աշխատում է ՀՀ ՊՆ-ում որպես շարքային, արարքը կատարելու պահին չդատված, ներկայումս դատվածություն ունեցող, բնակվող՝ Գեղարքունիքի մարզ, Վարդենիս, Երևանյան փողոց, 7-րդ տուն հասցեում, որպես խափանման միջոց է կիրառվել բացակայելու արգելքը) ՀՀ քրեական օրենսգրքի 344-րդ հոդվածի 2-րդ մասով,

ՊԱՐԶԵՑ

1. Քրեական գործի դատավարական նախապատմությունը.
2025 թվականի մարտի 10-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60209725 քրեական վարույթը:
2025 թվականի մարտի 10-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60202025 քրեական վարույթը:
2025 թվականի ապրիլի 15-ին ՀՀ դատախազության Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Տ.Մխիթարյանի որոշմամբ՝ թիվ 60209725 քրեական վարույթով Արսեն Ալեքսանդրի Կարապետյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հարուցվել է հանրային քրեական հետապնդում:
2025 թվականի ապրիլի 17-ին նախաքննության մարմնի որոշմամբ թիվ 60202025 քրեական վարույթը միացվել է թիվ 60209725 քրեական վարույթին:
2025 թվականի ապրիլի 18-ին ՀՀ դատախազության Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Տ.Մխիթարյանի որոշմամբ Արսեն Ալեքսանդրի Կարապետյանի նկատմամբ հանրային քրեական հետապնդում հարուցելու մասին միջնորդությունը մերժվել է։
2025 թվականի մայիսի 19-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/1740/01/25 քրեական գործն ըստ մեղադրանքի՝ Արսեն Ալեքսանդրի Կարապետյանի՝ ՀՀ քրեական օրենսգրքի 344-րդ հոդվածի 2-րդ մասով:
Նույն օրը քրեական գործը էլեկտրոնային եղանակով մակագրվել և 2025 թվականի մայիսի 21-ին հանձնվել է դատավոր Տաթևիկ Մուրադյանին:
2025 թվականի մայիսի 22-ին Երևան քաղաքի առաջին ատյանի ընդհանուր իրավասության քրեական դատարանի դատավոր Տաթևիկ Մուրադյանի կողմից որոշում է կայացվել թիվ ԵԴ1/1740/01/25 քրեական գործի վարույթն ստանձնելու և նախնական դատալսումներ նշանակելու մասին։
2025 թվականի օգոստոսի 19-ին Դատարանը թիվ ԵԴ1/1740/01/25 քրեական գործով կայացրել է մեղադրական վերդիկտ՝ Արսեն Ալեքսանդրի Կարապետյանին մեղավոր ճանաչելով ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման մեջ:
2. Մեղադրանքի փաստական նկարագրությունը.
Արսեն Ալեքսանդրի Կարապետյանին մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով` այն բանի համար, որ «նա, չունենալով տրանսպորտային միջոցներ վարելու իրավունք և գտնվելով ոչ սթափ վիճակում, վարել է տրանսպորտային միջոց:
Այսպես.
Արսեն Ալեքսանդրի Կարապետյանը, չունենալով տրանսպորտային միջոցներ վարելու իրավունք և գտնվելով ոչ սթափ վիճակում (սթափության վիճակի զննման կտրոնի համարը՝ 02687, Արսեն Ալեքսանդրի Կարապետյանի մեկ լիտր արտաշնչած օդի մեջ մաքուր ալկոհոլի պարունակությունը կազմել է 0.999 միլիգրամ), 2025 թվականի փետրվարի 14-ին՝ ժամը 02:15-ի սահմաններում, Երևան քաղաքի Ուլնեցի փողոցում դիտավորությամբ վարել է «Լադա» մակնիշի 90 ՍՍ 990 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային Ռոման Խաչատրյանի կողմից կազմվել է ծառայության ավագ պարեկ թիվ 8259007601 արձանագրությունը։»։
3. Դատաքննության ընթացքում հետազոտված թույլատրելի ապացույցները.
Հիմնական դատալսումների ընթացքում հետազոտված թույլատրելի ապացույցները.
- Մեղադրյալ Արսեն Ալեքսանդրի Կարապետյանը, օգտվելով իր սահմանադրական իրավունքից, հրաժարվեց ցուցմունք տալ։ Հրապարակվեց վերջինիս նախաքննական ցուցմունքը, համաձայն որի՝ Արսեն Կարապետյանը հայտնել է, որ 2025 թվականի փետրվարի 14-ին ժամը՝ 02:15-ի սահմաններում, Երևան քաղաքի Ուլնեցի փողոցում վարել է «Լադա» մակնիշի 90 ՍՍ 990 հաշվառման համարանիշի տրանսպորտային միջոցը՝ չունենալով տրանսպորտային միջոցներ վարելու իրավունք և ոչ սթափ վիճակում, որի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է համապատասխան արձանագրությունը: Դրանից հետո պարեկային ծառայության աշխատակիցներն իրեն անհայտ պատճառներով իր ավտոմեքենան չեն տեղափոխել տուգանային հրապարակ կամ հանձնել մեկ այլ անձի, ինչի պատճառով ինքն ավտոմեքենան վարելով փորձել է տուն հասնել և առաջին արձանագրությունը կազմելուց մոտավորապես 20 րոպե անց այլ պարեկային ծառայության աշխատակիցներ կրկին կանգնեցրել են իր ավտոմեքենան և նորից արձանագրություն են կազմել իր նկատմամբ։
(դատական նիստի արձանագրություն, գ.թ. 77-79)
- 2025 թվականի փետրվարի 14-ին՝ ժամը 02:30-ին, Երևան քաղաքի Ուլնեցի փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի ավագ պարեկ Ռոման Խաչատրյանի /կրծքանշան թիվ 09856/ կողմից կազմվել է վարչական իրավախախտման վերաբերյալ թիվ 8259007601 արձանագրությունը, համաձայն որի՝ Արսեն Ալեքսանդրի Կարապետյանը (ծնված՝ 16.04.1997թ.) նույն օրը ժամը 02:15-ի սահմաններում Երևան քաղաքի Ուլնեցի փողոցում վարել է «Լադա» մակնիշի 90 UU 990 հաշվառման համարանիշի տրանսպորտային միջոցը՝ չունենալով տրանսպորտային միջոցներ վարելու իրավունք և ոչ սթափ վիճակում:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը ծանոթանալու, իրավունքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 203.5 թիվը:
(գ.թ. 4, դատական նիստի արձանագրություն)
- Ալկոհոլի պարունակության ստուգման կտրոնի պատճենը, համաձայն որի՝ ստուգաչափման սարքի համարն է՝ 91101176, զննման համարը՝ 02687, զննման ամսաթիվը՝ 14.02.2025թ., զննման ժամը՝ 02:23:58, վերջին ստուգաչափման ամսաթիվը՝ 12.08.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.999 մգ/լ, վարորդի անունն է՝ Արսեն, ազգանունը՝ Կարապետյան, տրանսպորտային միջոցի համարանիշը՝ 90 ՍՍ 990, վարորդական վկայականի սերիա համարը՝ AL0261044, Պ/Ծ ազգանունը՝ Խաչատրյան, կրծքանշանի համարը՝ 09856:
(գ.թ. 5, դատական նիստի արձանագրություն)
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 128891 ստուգաչափման վկայականի պատճենը, համաձայն որի՝ վկայականը ուժի մեջ է 2024 թվականի օգոստոսի 12-ից մինչև 2025 թվականի օգոստոսի 12-ը, ստուգաչափման սարքի գործարանային համարն է 9110176, տեսակը՝ Jupiter X/RP, չափման տիրույթը՝ 0.000:2000մգ/լ ճշտության դասը, կարգը սխալանքը/ ±5: +10%, արտադրողը՝ Չինաստան, պատկանում է ՀՀ ՆԳՆ ոստիկանություն, ստուգաչափման կատարվել է ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն, և նշված է Վ. Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
(գ.թ. 6, դատական նիստի արձանագրություն)
- ՀՀ ՆԳՆ պարեկային ծառայության 25.02.2025թ. զեկուցագիրը, համաձայն որի՝ ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի ավագ պարեկ Ռոման Խաչատրյանը Արսեն Ալեքսանդրի Կարապետյանի նկատմամբ 14.02.2025թ.-ին՝ ժամը 02:30-ին կազմվել է թիվ 8259007601 արձանագրություն, քանի որ վերջինս 14.02.2025թ.-ին` ժամը 02:15-ին, Երևան քաղաքի Ուլնեցու փողոցում «ԼԱԴԱ» մակնիշի 90 ՍՍ 990 հաշվառման համարանիշի տրանսպորտային միջոցը վարել է՝ չունենալով տրանսպորտային միջոցներ վարելու իրավունք և ոչ սթափ վիճակում:
(գ.թ. 3, դատական նիստի արձանագրություն)
- 2025 թվականի փետրվարի 14-ին՝ ժամը 03:30-ին, Երևան քաղաքի Ամերիկյան փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի կրտսեր պարեկ Նարեկ Համբարձումյանի /կրծքանշան թիվ 06860/ կողմից կազմվել է վարչական իրավախախտման վերաբերյալ թիվ 8259007610 արձանագրությունը, համաձայն որի՝ Արսեն Ալեքսանդրի Կարապետյանը (ծնված՝ 16.04.1997թ.) նույն օրը ժամը 02:55-ի սահմաններում Երևան քաղաքի Թբիլիսյան խճուղում վարել է «Վազ» մակնիշի 90 UU 990 հաշվառման համարանիշի տրանսպորտային միջոցը՝ չունենալով տրանսպորտային միջոցներ վարելու իրավունք և ոչ սթափ վիճակում:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է «Հրաժարվեց ստորագրելուց» ձեռագիր գրառումը և ստորագրություն:
Արձանագրությանը ծանոթանալու, իրավունքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա չէ ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 203.5 թիվը:
(գ.թ. 40, դատական նիստի արձանագրություն)
- Ալկոհոլի պարունակության ստուգման կտրոնի պատճենը, համաձայն որի՝ ստուգաչափման սարքի համարն է՝ 91101121, զննման համարը՝ 02662, զննման ամսաթիվը՝ 14.02.2025թ., զննման ժամը՝ 03:02:30, վերջին ստուգաչափման ամսաթիվը՝ 13.08.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 1.197 մգ/լ, վարորդի անունն է՝ Արսեն, ազգանունը՝ Կարապետյան, տրանսպորտային միջոցի համարանիշը՝ 90 ՍՍ 990, վարորդական վկայականի սերիա համարը՝ 2604970341, Պ/Ծ ազգանունը՝ Համբարձումյան, կրծքանշանի համարը՝ 06860։
(գ.թ. 41, դատական նիստի արձանագրություն)
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 131487 ստուգաչափման վկայականի պատճենը, համաձայն որի՝ վկայականը ուժի մեջ է 2024 թվականի օգոստոսի 13-ից մինչև 2025 թվականի օգոստոսի 13-ը, ստուգաչափման սարքի գործարանային համարն է 91101121, տեսակը՝ Jupiter X/RP, չափման տիրույթը՝ 0.000+2.000մգ/լ ճշտության դասը, ոստիկանություն, ստուգաչափումը կատարվել է հետևյալ ստուգաչափման մեթոդիկայի կարգը /սխալանքը/ +5+10%, արտադրողը՝ Չինաստան, պատկանում է ՀՀ ՆԳՆ անվանման նշագրի՝ MU2835-2008, ստուգաչափող անվան դիմաց առկա ստորագրություն և նշված է Վ. Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ. Մարտիրոսյան:
(գ.թ. 42, դատական նիստի արձանագրություն)
- ՀՀ ՆԳՆ պարեկային ծառայության 25.02.2025թ. զեկուցագրի համաձայն՝ ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի կրտսեր պարեկ՝ Նարեկ Համբարձումյանը, Արսեն Ալեքսանդրի Կարապետյանի (ծնված՝ 16.04.1997թ.-ին, Գեղարքունիքի մ., ք. Վարդենիս, Երևանյան 7 նրբ., 7 տ., ՀԾՀ 2604970341) նկատմամբ կազմել 14.02.2025թ.-ին ժամը 02:30- թիվ 8259007610 արձանագրություն, քանի որ վերջինս 14.02.2025թ.-ին ժամը 02:55-ին, Երևան քաղաքի Թբիլիսյան խճուղում, «ՎԱԶ» մակնիշի 90 UU 990 հաշվառման համարանիշի տրանսպորտային միջոցը վարել է՝ չունենալով տրանսպորտային միջոցներ վարելու իրավունք և ոչ սթափ վիճակում:
(գ.թ. 39, դատական նիստի արձանագրություն)
- ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրում Արսեն Ալեքսանդրի Կարապետյանի (ՀԾ համարանիշ 2604970341) մուտքագրման արդյունքում պարզվել է, որ վերջինիս տրանսպորտային միջոց վարելու իրավունք չի հատկացվել։
(գ.թ. 44, դատական նիստի արձանագրություն)
- ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկանքի զննությամբ՝ պարզվեց, որ Արսեն Ալեքսանդրի Կարապետյանը ծնված՝ 16.04.1997թ., անձնագիր՝ AL0261044, ՀԾՀ համարանիշն է՝ 2604970341, հաշվառված է Գեղարքունիք, Վարդենիս, Երևանյան 7 նրբ., 7 տուն հասցեում:
(գ.թ. 43, դատական նիստի արձանագրություն)
- 2025 թվականի ապրիլի 10-ին և 2025 թվականի ապրիլի 17-ին նախաքննության մարմնի կողմից կազմված՝ վերը նշված փաստաթղթերը զննելու վերաբերյալ արձանագրությունները:
(գ.թ. 15-16, գ.թ. 53-55, դատական նիստի արձանագրություն)
- Նախաքննության մարմնի կողմից 10.04.2025թ. կայացված արտավարութային փաստաթուղթ ճանաչելու մասին որոշումը, համաձայն որի՝ Արսեն Ալեքսանդրի Կարապետյանի նկատմամբ կազմված վարչական իրավախախտման վերաբերյալ թիվ 8259007601 և 8259007610 արձանագրությունների, ալկոհոլի պարունակության ստուգման թիվ 02687 և 02662 կտրոնների, ստուգաչափման թիվ 128891 և 131487 վկայականների, ՀՀ ՆԳՆ ոստիկանության պարեկային ծառայությունից ստացված զեկուցագրերի, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ և ՀՀ ոստիկանության «Ճանապարհային ոստիկանություն» տեղեկատվության ծառայության էլեկտրոնային ռեգիստրից ստացված տեղեկատվության պատճեններ ճանաչվել են արտավարութային փաստաթուղթ։
(գ.թ. 56-57, դատական նիստի արձանագրություն)
Լրացուցիչ դատալսումների ընթացքում հետազոտված թույլատրելի ապացույցները.
 Միասնական էլեկտրոնային տեղեկատվական համակարգում կատարված հարցման պատասխանի համաձայն՝ ՊԵԿ տվյալների շտեմարանում Արսեն Կարապետյանի կողմից հանցանքը կատարելուն նախորդող տասներկու ամիսների ընթացքում ստացած եկամուտների վերաբերյալ տվյալները բացակայում են։
 ՀՀ ՊՆ կողմից տրված՝ Արսեն Կարապետյանին համապատասխան ստորաբաժանումների կողմից հաշվարկված և տրված դրամական ապահովության և դրան հավասարեցված վճարների չափերի վերաբերյալ տեղեկանքները, համաձայն որոնց՝ Արսեն Կարապետյանը հանցանքը կատարելուն նախորդող տասներկու ամիսների ընթացքում ստացել է ընդհանուր 6.924.968 ՀՀ դրամ եկամուտ:
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված Ձև 8 տեղեկանքը, համաձայն որի՝ Արսեն Կարապետյանն ունի դատվածություն:
 ՀՀ ԱՆ պրոբացիայի ծառայության Գեղարքունիքի մարզային մարմնի կողմից ստացված գրությունը, համաձայն որի՝ ՀՀ Գեղարքունիքի մարզի առաջին ատյանի ընդհանուր իրավասության դատարանի 2024 թվականի հուլիսի 16-ի թիվ ԳԴ/0255/01/24 դատավճռով Արսեն Ալեքսանդրի Կարապետյանը մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման մեջ և նրա նկատմամբ պատիժ է նշանակվել տուգանքի ձևով՝ ՀՀ-ում սահմանված նվազագույն աշխատավարձի հնգապատիկի` 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 79-րդ հոդվածի 4-րդ մասի կիրառմամբ Արսեն Ալեքսանդրի Կարապետյանի նկատմամբ նշանակված պատիժը մեղմացվել է և նրա նկատմամբ վերջնական պատիժ է նշանակվել տուգանքի ձևով՝ 350.000 (երեք հարյուր հիսուն հազար) ՀՀ դրամի չափով:
ՀՀ քրեական օրենսգրքի 59-րդ հոդվածի 8-րդ մասի կիրառմամբ՝ Արսեն Ալեքսանդրի Կարապետյանի նկատմամբ նշանակված տուգանքի՝ 350.000 /երեք հարյուր հիսուն հազար/ ՀՀ դրամ գումարի վճարումը թույլատրվել է կատարել 1 (մեկ) տարվա ընթացքում:
30.08.2025 թվականին միջնորդություն է ներկայացվել ՀՀ Գեղարքունիքի մարզի առաջին ատյանի ընդհանուր իրավասության դատարան՝ Արսեն Ալեքսանդրի Կարապետյանի նկատմամբ Գեղարքունիքի մարզի առաջին ատյանի ընդհանուր իրավասության դատարանի 2024 թվականի հուլիսի 16-ի թիվ ԳԴ/0255/01/24 դատավճռով նշանակված 350.000 /երեք հարյուր հիսուն հազար/ ՀՀ դրամի չափին համարժեք գույք բռնագանձելու մասին:
25.09.2025 թվականին ՀՀ Գեղարքունիքի մարզի առաջին ատյանի ընդհանուր իրավասության դատարանը թիվ ԳԴ/0121/13/25 որոշմամբ բավարարել է ՀՀ ԱՆ Պրոբացիայի ծառայության Գեղարքունիքի մարզային մարմնի միջնորդությունը։
17.11.2025 թվականին հարկադիր կատարումն ապահովող ծառայության Գեղարքունիքի և Տավուշի մարզային բաժնի Մարտունի-Վարդենիս բաժանմունքից Ե-208090-2025 թվակիր գրությամբ ՀՀ ԱՆ Պրոբացիայի ծառայության Գեղարքունիքի մարզային մարմին է ուղարկվել ՀՀ Գեղարքունիքի մարզի ընդհանուր իրավասության դատարանի կողմից 22.10.2025թ. տրված թիվ ԳԴ/0121/13/25 կատարողական թերթի հիման վրա հարուցված թիվ 14147261 կատարողական վարույթով կայացրած որոշումը՝ հարկադիր կատարման ենթակա ակտի պահանջը ինչպես նաև կատարողական գործողությունների կատարման ծախսը վճարելու պարտականությունը փաստացի կատարված լինելու հիմքով գույքի նկատմամբ հայտարարված հետախուզումը դադարեցնելու, արգելանքները վերացնելու և կատարողական վարույթը կարճելու մասին:
19.11.2025 թվականին ՀՀ Գեղարքունիքի մարզի առաջին ատյանի ընդհանուր իրավասության դատարանի 2024 թվականի հուլիսի 16-ի թիվ ԳԴ/0255/01/24 դատավճռով նշանակված պատիժը փաստացի ի կատար ածվելու հիմքով վերջինս հանվել է հաշվառումից:
ՀՀ ՊՆ N զորամասի հրամանատարի կողմից 29.09.2025 թվականին ՀՀ ԱՆ Պրոբացիայի ծառայության Գեղարքունիքի մարզային մարմնին հասցեագրված թիվ 200 գրության համաձայն՝ ՀՀ ՊՆ 20644 զորամասում շարքային Արսեն Ալեքսանդրի Կարապետյանի վերաբերյալ Գեղարքունիքի մարզի առաջին ատյանի ընդհանուր իրավասության դատարանի կողմից 04.08.2025 թվականին կայացված դատավճիռը ստացվել է 29.09.2025 թվականին և համաձայն զորամասի հրամանատարի 29.09.2025 թվականի թիվ 364 հրամանի՝ շարքային Արսեն Ալեքսանդրի Կարապետյանը վերցվել է հաշվառման, բացվել է հսկողական գործ և նրա վարքագծի նկատմամբ իրականացվում է վերահսկողություն:
4. Դատարանի փաստական վերլուծությունները և հաստատված կամ հերքված փաստական հանգամանքները.
Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը գտնում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարելու, որ Արսեն Ալեքսանդրի Կարապետյանը, չունենալով տրանսպորտային միջոցներ վարելու իրավունք և գտնվելով ոչ սթափ վիճակում (սթափության վիճակի զննման կտրոնի համարը՝ 02687, Արսեն Ալեքսանդրի Կարապետյանի մեկ լիտր արտաշնչած օդի մեջ մաքուր ալկոհոլի պարունակությունը կազմել է 0.999 միլիգրամ), 2025 թվականի փետրվարի 14-ին՝ ժամը 02:15-ի սահմաններում, Երևան քաղաքի Ուլնեցի փողոցում դիտավորությամբ վարել է «Լադա» մակնիշի 90 ՍՍ 990 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային Ռոման Խաչատրյանի կողմից կազմվել է ծառայության ավագ պարեկ թիվ 8259007601 արձանագրությունը։
Դատարանը գտնում է, որ դատավճռի հիմքում դրված՝ փոխկապակցված վերաբերելի, թույլատրելի, հավաստի ապացույցների ամբողջությունը բացառում է Արսեն Ալեքսանդրի Կարապետյանն ներկայացված մեղադրանքի ապացուցվածության վերաբերյալ ցանկացած հիմնավոր կասկած։
5. Դատարանի իրավական վերլուծությունները, հետևությունները և որոշումները.
Հիմնական դատալսումների ընթացքում պատշաճ իրավական ընթացակարգի շրջանակներում հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով՝ Դատարանը հանգում է հետևության, որ ապացուցված է Արսեն Ալեքսանդրի Կարապետյանին վերագրվող արարքը, այդ արարքի քրեական հակաիրավականությունը, այդ արարքը մեղադրյալի կողմից կատարելը, ինչպես նաև նրա մեղավորությունը տվյալ արարքի կատարման մեջ:
Դատարանը հանգում է այն հետևության, որ մեղադրյալ Արսեն Ալեքսանդրի Կարապետյանը կատարել է իրեն մեղսագրված արարքը, որի նկատմամբ կիրառելի է ՀՀ քրեական օրենսգրքի 344-րդ հոդվածի 2-րդ մասը:
Դատարանը, հաստատված համարելով հանցագործության և դրա կատարման մեջ Արսեն Ալեքսանդրի Կարապետյանի մեղքի ապացուցված լինելը, գտնում է, որ նա ենթակա է պատժի կատարած հանցանքի համար:
Դատարանի կողմից հաստատված փաստական հանգամանքների հիման վրա Դատարանը գտնում է, որ Արսեն Ալեքսանդրի Կարապետյանի անձը բնութագրող հանգամանք է նախկինում նույնասեռ հանցավոր արարքների կատարելու համար դատված լինելը։
Դատարանը, Արսեն Ալեքսանդրի Կարապետյան պատասխանատվությունն ու պատիժը մեղմացնող և ծանրացնող հանգամանքներ չի արձանագրում։
ՀՀ քրեական օրենսգրքի 7-րդ հոդվածի 1-ին մասի համաձայն՝
«Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»:
ՀՀ քրեական օրենսգրքի 55-րդ հոդվածի 2-րդ մասի համաձայն՝
«Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:
ՀՀ քրեական օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները: (…)»:
Պատիժ նշանակելու ընդհանուր սկզբունքներին Վճռաբեկ դատարանն անդրադարձել է Ն.Սարգսյանի գործով կայացված որոշման մեջ, որտեղ իրավական դիրքորոշում է ձևավորել այն մասին, որ «(…) պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են`
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն:
Վճռաբեկ դատարանը գտնում է, որ ՀՀ քրեական օրենսգրքի Հատուկ մասի գրեթե բոլոր հոդվածների սանկցիաներում ամրագրված վերոնշյալ մոտեցումը պայմանավորված է այն տրամաբանությամբ, որ քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Ուստի կոնկրետ արարքի և անձի նկատմամբ համընդհանուր քրեական օրենքով նախատեսված սանկցիան կիրառելիս դատարանը պետք է որոշակի հայեցողություն դրսևորի:
Վերոգրյալից Վճռաբեկ դատարանը եզրահանգում է, որ առանց դատարանի հայեցողության պատժի անհատականացումն անհնար է:
(…) Պատիժ նշանակելիս դատարանի հայեցողության կապակցությամբ Վճռաբեկ դատարանը հարկ է համարում ընդգծել նաև, որ պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության աստիճանի ու բնույթի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների հայեցողական և ոչ երբեք կամային գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից: (տե՛ս Նարեկ Գևորգի Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշումը):
ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործությունը դասվում է երթևեկության անվտանգության և տրանսպորտի շահագործման սահմանված կարգի դեմ ուղղված դիտավորությամբ կատարվող ոչ մեծ ծանրության հանցագործությունների շարքին, որի համար նախատեսված են պատժի այլընտրանքային տեսակներ, մասնավորապես՝ տուգանք՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով (պատժաչափերը նշվում են արարքը կատարելու պահին գործող ՀՀ քրեական օրենսգրքի համատեքստում):
Այլընտրանքային սանկցիաների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ. Մադաթյանի գործով որոշման մեջ, որում իրավական դիրքորոշում է ձևավորել այն մասին, որ. «(…) այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա:
(…) Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը:
(…) Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը, և գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը: (տե՛ս Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշումը):
Վերը շարադրված իրավադրույթների, դրանց վերլուծության արդյունքում ձևավորված դատողությունների և ՀՀ վճռաբեկ դատարանի իրավական դիրքորոշումների լույսի ներքո գնահատելով մեղադրյալ Արսեն Ալեքսանդրի Կարապետյանի կատարած հանցագործության բնույթը և հանրության համար վտանգավորության աստիճանը, այդ թվում՝ նրա կատարած կոնկրետ արարքը, խախտված հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը, դրանք համադրելով նրա անձը բնութագրող տվյալների, պատասխանատվությունն ու պատիժը մեղմացնող հանգամանքների բացակայության, պատասխանատվությունն ու պատիժը ծանրացնող հանգամանքի առկայության, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքների հետ, հաշվի առնելով նաև այն, որ ՀՀ քրեական օրենսգրքի 344-րդ հոդվածի 2-րդ մասի սանկցիայով որպես հիմնական պատիժ է նախատեսված նաև կարճաժամկետ ազատազրկման ձևով և ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար նշված հանցագործության կատարման համար առավել մեղմ պատիժ նշանակելը նպատակահարմար չէ՝ հաշվի առնելով այն հանգամանքը, որ Արսեն Կարապետյանը նախկինում դատապարտվել է նույնաբնույթ հանցանքների կատարման համար և առավել մեղմ պատժատեսակների նշանակմամբ հնարավոր չի եղել նվաճել պատժի օրենսդրական նպատակները, հետևաբար՝ Դատարանը գտնում է, Արսեն Ալեքսանդրի Կարապետյան նկատմամբ ՀՀ քրեական օրենսգրքի 344-րդ հոդվածի 2-րդ մասով հիմնական պատիժ պետք է նշանակել կարճաժամկետ ազատազրկում՝ 1 (մեկ) ամիս ժամկետով։
Միևնույն ժամանակ Դատարանն արձանագրում է, որ ՀՀ քրեական օրենսգրքի 74-րդ հոդվածի 11-րդ մասով սահմանված կարգով Արսեն Ալեքսանդրի Կարապետյանի նկատմամբ սույն դատավճռով նշանակված պատժին՝ 1 (մեկ) ամիս ժամկետով կարճաժամկետ ազատազրկմանը պետք է լրիվ գումարել ՀՀ Գեղարքունիքի մարզի առաջին ատյանի ընդհանուր իրավասության դատարանի 2025 թվականի հուլիսի 03-ի թիվ ԳԴ/0255/01/25 դատավճռով նշանակված վերջնական պատիժը՝ 28 (քսանութ) օր ժամկետով կարճաժամկետ ազատազրկումը և վերջնական պատիժ պետք է նշանակել կարճաժամկետ ազատազրկում՝ 1 (մեկ) ամիս 28 (քսանութ) օր ժամկետով։
ՀՀ քրեական օրենսգրքի 84-րդ հոդվածի 14-րդ մասի կիրառմամբ ՀՀ Գեղարքունիքի մարզի առաջին ատյանի ընդհանուր իրավասության դատարանի 2025 թվականի հուլիսի 03-ի թիվ ԳԴ/0255/01/25 դատավճռով նշանակված 1 (մեկ) տարի ժամկետով փորձաշրջանը պետք է վերացնել։ Անցած փորձաշրջանի (29.09.2025թ.-26.11.2025թ.) 2 օրը հաշվելով կարճաժամկետ ազատազրկման 1 օրվա դիմաց` Արսեն Ալեքսանդրի Կարապետյանի նկատմամբ նշանակված 1 (մեկ) ամիս 28 (քսանութ) օր ժամկետով կարճաժամկետ ազատազրկման ձևով պատժից պետք է հաշվակցել 29 (քսանինը) օր ժամկետը և Արսեն Ալեքսանդրի Կարապետյանի նկատմամբ վերջնական պատիժ պետք է թողնել կրելու կարճաժամկետ ազատազրկում՝ 29 (քսանինը) օր ժամկետով։
Դատարանը միաժամանակ գտնում է, որ կատարած հանցանքի համար Արսեն Ալեքսանդրի Կարապետյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Դատարանը, անդրադառնալով ՀՀ քրեական դատավարության 348-րդ հոդվածով նախատեսված՝ դատավճիռ կայացնելիս դատարանի լուծմանը ենթակա մյուս հարցերին, արձանագրում է, որ գործով իրեղեն ապացույցներ չկան, գույքային հայց ներկայացված չէ, առկա չէ նաև հատուցման ենթակա գույքային այլ վնաս և դրա ապահովման նպատակով արգելադրված որևէ գույք, քրեական վարույթով առկա չեն նաև վարութային ծախսեր:
Անդրադառնալով մեղադրյալի նկատմամբ ընտրված խափանման միջոցի հարցին՝ Դատարանն արձանագրում է, որ վերջինիս նկատմամբ որպես խափանման միջոց ընտրված բացակայելու արգելքը պետք է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո պետք է վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 347-350-րդ և 352-353-րդ հոդվածներով` Դատարանը

ՎՃՌԵՑ

Արսեն Ալեքսանդրի Կարապետյանին մեղավոր ճանաչել ՀՀ քրեական օրենսգրքի 344- րդ հոդվածի 2-րդ մասով նախատեսված հանցագործության կատարման մեջ և նրա նկատմամբ պատիժ նշանակել կարճաժամկետ ազատազրկում՝ 1 (մեկ) ամիս ժամկետով։
ՀՀ քրեական օրենսգրքի 74-րդ հոդվածի 11-րդ մասով սահմանված կարգով Արսեն Ալեքսանդրի Կարապետյանի նկատմամբ սույն դատավճռով նշանակված պատժին՝ 1 (մեկ) ամիս ժամկետով կարճաժամկետ ազատազրկմանը լրիվ գումարել ՀՀ Գեղարքունիքի մարզի առաջին ատյանի ընդհանուր իրավասության դատարանի 2025 թվականի հուլիսի 03-ի թիվ ԳԴ/0255/01/25 դատավճռով նշանակված վերջնական պատիժը՝ 28 (քսանութ) օր ժամկետով կարճաժամկետ ազատազրկումը և վերջնական պատիժ նշանակել կարճաժամկետ ազատազրկում՝ 1 (մեկ) ամիս 28 (քսանութ) օր ժամկետով։
ՀՀ քրեական օրենսգրքի 84-րդ հոդվածի 14-րդ մասի կիրառմամբ ՀՀ Գեղարքունիքի մարզի առաջին ատյանի ընդհանուր իրավասության դատարանի 2025 թվականի հուլիսի 03-ի թիվ ԳԴ/0255/01/25 դատավճռով նշանակված 1 (մեկ) տարի ժամկետով փորձաշրջանը վերացնել։ Անցած փորձաշրջանի (29.09.2025թ.-26.11.2025թ.) 2 օրը հաշվելով կարճաժամկետ ազատազրկման 1 օրվա դիմաց` Արսեն Ալեքսանդրի Կարապետյանի նկատմամբ նշանակված 1 (մեկ) ամիս 28 (քսանութ) օր ժամկետով կարճաժամկետ ազատազրկման ձևով պատժից հաշվակցել 29 (քսանինը) օր ժամկետը և Արսեն Ալեքսանդրի Կարապետյանի նկատմամբ վերջնական պատիժ թողնել կրելու կարճաժամկետ ազատազրկում՝ 29 (քսանինը) օր ժամկետով։
Արսեն Ալեքսանդրի Կարապետյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը, որից հետո վերացնել։
Վարութային ծախսերի հարցը համարել լուծված։
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում։




ԴԱՏԱՎՈՐ ՏԱԹԵՎԻԿ ՄՈՒՐԱԴՅԱՆ