ԵԴ1/1728/01/25


ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


«19» Սեպտեմբերի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ նաև Դատարան)՝
նախագահող դատավոր՝ ԱՐՇԱԿ ՄԱԹԵՎՈՍՅԱՆ
քարտուղարությամբ՝ ՌՈԲԵՐՏ ՍԻՐԱԿԱՆՅԱՆԻ
մասնակցությամբ.
հանրային մեղադրող՝ ԱՐՏՅՈՄ ԲԱԴԱԼՅԱՆԻ
մեղադրյալ՝ ՍԱՄՎԵԼ ՍԱՐԳՍՅԱՆԻ
պաշտպան՝ ԿԱՐԻՆԵ ՄԱՐԳԱՐՅԱՆԻ
դռնբաց դատական նիստում արագացված վարույթի կարգով քննելով Սամվել Սուրենի Սարգսյանի(1) վերաբերյալ քրեական գործն ըստ մեղադրանքի՝ ՀՀ քրեական օրենսգրքի 344 հոդվածի 2-րդ մասով (4 դրվագ).







1. ՄԵՂԱԴՐԱՆՔԻ ՓԱՍՏԱԿԱՆ ՆԿԱՐԱԳՐՈՒԹՅՈՒՆԸ.
Թիվ 60187722 քրեական վարույթով Սամվել Սուրենի Սարգսյանին ՀՀ քրեական օրենսգրքի 344 հոդվածի 2-րդ մասով (4 դրվագ) մեղադրանք է ներկայացվել հետևյալ արարքների համար.
«Սամվել Սարգսյանը, օրենքով սահմանված կարգով չստանալով՝ տրանսպորտային միջոցներ վարելու իրավունքի վարորդական վկայական, 2022 թվականի հուլիսի 7-ին՝ ժամը 01:02-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 1.002 մգ/լ մաքուր ալկոհոլի պարունակությամբ, Երևան քաղաքի Գարեգին Նժդեհ փողոցում վարել է «ԲՄՎ» մակնիշի, 36 QL 669 հաշվառման համարանիշի տրանսպորտային միջոցը:
Բացի այդ, Սամվել Սարգսյանը, օրենքով սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2023 թվականի հունվարի 24-ին՝ ժամը 01:03-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.332 մգ/լ մաքուր ալկոհոլի պարունակությամբ, Երևան քաղաքի Աճառյան փողոցում վարել է «ԲՄՎ» մակնիշի, 36 QL 669 հաշվառման համարանիշի տրանսպորտային միջոցը:
Բացի այդ, Սամվել Սարգսյանը, օրենքով սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2023 թվականի օգոստոսի 19-ին՝ ժամը 01:45-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.976 մգ/լ մաքուր ալկոհոլի պարունակությամբ, Երևան քաղաքի Արշակունյաց պողոտայում վարել է «Վոլկսվագեն» մակնիշի, 17 LS 300 հաշվառման համարանիշի տրանսպորտային միջոցը:
Բացի այդ, Սամվել Սարգսյանը, օրենքով սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2024 թվականի օգոստոսի 26-ին՝ ժամը 04:15-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.556 մգ/լ մաքուր ալկոհոլի պարունակությամբ, Երևան քաղաքի Րաֆֆու փողոցում «ԲՄՎ» մակնիշի 88 DU 887 հաշվառման համարանիշի տրանսպորտային միջոցը»։
2. ԱՐԱԳԱՑՎԱԾ ՎԱՐՈՒՅԹԸ.
2.1 Նախնական դատալսումների ընթացքում մեղադրյալ Սամվել Սուրենի Սարգսյանը ներկայացրեց արագացված վարույթ կիրառելու միջնորդություն՝ հայտնելով, որ ներկայացված մեղադրանքն իրեն պարզ է, համաձայն է մեղադրանքի հետ, պնդում է արագացված վարույթ կիրառելու մասին միջնորդությունը, այն ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ և գիտակցում է արագացված վարույթ կիրառելու հետևանքները:
2.2 Հանրային մեղադրողը չառարկեց արագացված վարույթ կիրառելու դեմ:
2.3 Դատարանը, համոզվելով, որ առկա է ՀՀ քրեական դատավարության օրենսգրքի 464.1 հոդվածի 1-ին մասով նախատեսված հիմքը և բացակայում են նույն հոդվածի 2-րդ մասով նախատեսված՝ արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց քրեական գործով լրացուցիչ դատալսումներ անցկացնելու մասին։
3. ԼՐԱՑՈՒՑԻՉ ԴԱՏԱԼՍՈՒՄՆԵՐԻ ԸՆԹԱՑՔՈՒՄ ՀԵՏԱԶՈՏՎԱԾ ԹՈՒՅԼԱՏՐԵԼԻ ԱՊԱՑՈՒՅՑՆԵՐԸ.
3.1 Դատվածությունների և հետախուզման առկայության Ձև 8 հարցման պատասխանի, ինչպես նաև «DataLex.am» դատական տեղեկատվական համակարգում առկա տվյալների համաձայն՝ Սամվել Սուրենի Սարգսյանը՝
-Թիվ ԵԴ1/1429/01/25 քրեական գործով (նախաքննության վարույթի համար՝ 60702824) Երևան քաղաքի առաջին ատյանի ընդհանուր իրավասության քրեական դատարանի 2025 թվական օգոստոսի 19-ի դատավճռով մեղավոր է ճանաչվել ՀՀ քրեական օրենսգրքի 344 հոդվածի 2-րդ մասով նախատեսված թվով 3 հանցանքները կատարելու մեջ, և նրա նկատմամբ վերջնական պատիժ է նշանակվել տուգանք՝ 2.447.490 ՀՀ դրամի չափով, որը մաս առ մաս վճարելու համար սահմանվել է 12 ամիս ժամկետ։
-Թիվ ԵԴ1/1302/01/24 քրեական գործով (նախաքննության վարույթի համար՝ 60169824) Երևան քաղաքի առաջին ատյանի ընդհանուր իրավասության քրեական դատարանի 2024 թվականի հուլիսի 9-ի դատավճռով մեղավոր է ճանաչվել ՀՀ քրեական օրենսգրքի 344 հոդվածի 2-րդ մասով նախատեսված հանցանքը կատարելու մեջ, և նրա նկատմամբ պատիժ է նշանակվել տուգանք՝ 375.000 ՀՀ դրամի չափով։ 2024 թվականի օգոստոսի 13-ին Դատավճիռն ուղարկվել է կատարման։ 2025 թվականի մարտի 18-ին Դատավճռով նշանակված տուգանքը վճարվել է։
-Թիվ ԳԴ/0321/01/24 քրեական գործով (նախաքննության վարույթի համար՝ 40054824) Գեղարքունիքի մարզի առաջին ատյանի ընդհանուր իրավասության դատարանի 2025 թվականի ապրիլի 8-ի դատավճռով մեղավոր է ճանաչվել ՀՀ քրեական օրենսգրքի 344 հոդվածի 2-րդ մասով նախատեսված հանցանքը կատարելու մեջ, և նրա նկատմամբ պատիժ է նշանակվել տուգանք՝ 460.000 ՀՀ դրամի չափով։
3.2 «Արդշինբանկ Շենգավիթ» մասնաճյուղում փոխանցում կատարելու մասին թիվ 250917174209036 դիմումի պատճենի համաձայն՝ 2025 թվականի սեպտեմբերի 17-ին Սաթիկ Սարգսյանի կողմից կատարվել է 460.000 ՀՀ դրամի վճարում։ Որպես վճարման նպատակ նշված է՝ «Սարգսյան Սամվել Սուրենի ԳԴ/0321/01/24»։
3.3 ՀՀ պետական եկամուտների կոմիտեի հարկ վճարողների սպասարկման վարչության պետի գրությանը կից ներկայացված տեղեկանքի հիման վրա կատարված հաշվարկով՝ հանցանքն ավարտվելու օրվան նախորդող 12 ամիսների ընթացքում Հայկ Հրաչյայի Հովհաննիսյանի ստացած միջին ամսական եկամտի 35 տոկոսը կազմել է 118.325 ՀՀ դրամ։ (2)
4. ԴԱՏԱՐԱՆԻ ԻՐԱՎԱԿԱՆ ՎԵՐԼՈՒԾՈՒԹՅՈՒՆՆԵՐԸ, ՀԵՏԵՎՈՒԹՅՈՒՆՆԵՐԸ ԵՎ ՈՐՈՇՈՒՄՆԵՐԸ.
4.1 Արագացված վարույթ կիրառելու պայմաններում Դատարանն ապացուցված է համարում մեղադրյալ Սամվել Սուրենի Սարգսյանին վերագրվող փաստական հանգամանքները (արարքները), այդ արարքների քրեական հակաիրավականությունը, մեղադրյալի կողմից այդ արարքները կատարելը, մեղադրյալի մեղավորությունը տվյալ արարքները կատարելու մեջ, սահմանելով, որ մեղադրյալի արարքներից յուրաքանչյուրի նկատմամբ ենթակա է կիրառման ՀՀ քրեական օրենսգրքի 344 հոդվածի 2-րդ մասը։
4.2 Հաստատված փաստական հանգամանքների հիման վրա Դատարանն արձանագրում է, որ Սամվել Սուրենի Սարգսյանի կատարած բոլոր հանցանքներով նրա պատասխանատվությունն ու պատիժը մեղմացնող՝ ՀՀ քրեական օրենսգրքի 70 հոդվածով նախատեսված հանգամանքներ առկա չեն։
4.3 Նկատի ունենալով, որ թիվ ԵԴ1/1302/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի 2024 թվականի հուլիսի 9-ի դատավճիռը 2024 թվականի օգոստոսի 13-ին ուղարկվել է կատարման, այսինքն՝ այդ պահին արդեն եղել է օրինական ուժի մեջ, և այդ դատավճռով հաստատված հանցանքի համար ազատությունից զրկելու հետ չկապված պատիժը (տուգանքը) Սամվել Սուրենի Սարգսյանը կատարել է 2025 թվականի մարտի 18-ին, Դատարանն արձանագրում է, որ ՀՀ քրեական օրենսգրքի 93 հոդվածի 5-րդ մասի 2-րդ կետի ուժով նշված հանցանքի համար նրա դատվածությունը մարվել է հենց այդ օրը, հետևաբար սույն դատավճռով հաստատված հանցանքներից վերջինը՝ 2024 թվականի օգոստոսի 26-ի հանցանքը, Սամվել Սուրենի Սարգսյանը կատարել է դատվածություն ունենալու պայմաններում։
Վերոգրյալի հիման վրա Դատարանն արձանագրում է, որ Սամվել Սուրենի Սարգսյանի կողմից 2024 թվականի օգոստոսի 26-ին կատարված հանցանքով առկա է պատասխանատվությունն ու պատիժը ծանրացնող՝ ՀՀ քրեական օրենսգրքի 71 հոդվածի 1-ին մասի 1-ին կետով նախատեսված հանգամանքը:
4.4 Կատարած հանցանքի համար մեղադրյալ Սամվել Սուրենի Սարգսյանը ենթակա է պատժի։



4.5 Պատժի տեսակն ու չափը որոշելիս Դատարանը, հաշվի է առնում հետևյալ հանգամանքները՝
-Սամվել Սուրենի Սարգսյանի կատարած հանցանքների հանգամանքները (մասնավորապես՝ հարբածության բարձր աստիճանը), հանրային վտանգավորության աստիճանն ու բնույթը, քանակն ու պարբերականությունը:
-Սամվել Սուրենի Սարգսյանի անձը բնութագրող տվյալները՝ մասնավորապես այլ քրեական գործերով համասեռ հանցանքների համար տուգանքի դատապարտվելը, ինչը վկայում է նրա կայուն հակաիրավական վարքագծի մասին։
-Սամվել Սուրենի Սարգսյանի պատասխանատվությունը և պատիժը մեղմացնող հանգամանքների բացակայությունը, ինչպես նաև 2024 թվականի օգոստոսի 26-ին կատարած հանցանքով ծանրացնող հանգամանքը, ՀՀ քրեական օրենսգրքի 69 հոդվածի 2-րդ մասում թվարկված մյուս հանգամանքները։
• Այսպիսով, Դատարանը գտնում է, որ Սամվել Սուրենի Սարգսյանի կողմից կատարված հանցագործությունների բնույթին, վտանգավորության աստիճանին, դրանք կատարելու հանգամանքներին, ինչպես նաև հանցավորի անձին համաչափ պատիժ պետք է նշանակել՝ հանցանքներից յուրաքանչյուրի համար կարճաժամկետ ազատազրկում՝ 1 (մեկ) ամիս ժամկետով։
• Միևնույն ժամանակ Դատարանը գտնում է, որ Սամվել Սուրենի Սարգսյանի կողմից 2024 թվականի օգոստոսի 26-ին կատարված հանցանքի համար նշանակված պատժին՝ 1 (մեկ) ամիս ժամկետով կարճաժամկետ ազատազրկմանը մասնակի պետք է մասնակի գումարել 2022 թվականի հուլիսի 7-ին, 2023 թվականի հունվարի 24-ին և 2023 թվականի օգոստոսի 19-ին կատարված հանցանքների համար նշանակված պատիժներից յուրաքանչյուրից 15 (օր) ժամկետով կարճաժամկետ ազատազրկում և ՀՀ քրեական օրենսգրքի 65 հոդվածի 2-րդ մասով սահմանված կարգով նրա նկատմամբ վերջնական պատիժ նշանակել կարճաժամկետ ազատազրկում՝ 2 (երկու) ամիս ժամկետով:
4.6 Անդրադառնալով սույն քրեական գործով ՀՀ քրեական օրենսգրքի 75 հոդվածի կիրառման հնարավորությանը՝ Դատարանը գտնում է, որ թիվ ԳԴ/0321/01/24 քրեական գործով Գեղարքունիքի մարզի առաջին ատյանի ընդհանուր իրավասության դատարանի 2025 թվականի ապրիլի 8-ի դատավճռով նշանակված տուգանքը վճարելու մասին փաստական տվյալների պայմաններում Սամվել Սուրենի Սարգսյանի նկատմամբ սույն դատավճռով նշանակված պատժին նշված քրեական գործով նշանակված պատիժը լրիվ կամ մասնակիորեն գումարելն առարկայազուրկ է։
4.7 Վերոգրյալի հետ միասին Դատարանը գտնում է, որ Սամվել Սուրենի Սարգսյանի նկատմամբ պետք է նշանակել լրացուցիչ պատիժ, և 2 (երկու) տարի ժամկետով նրան զրկել տրանսպորտային միջոցներ վարելու իրավունքից:
4.8 Մեղադրյալ Սամվել Սուրենի Սարգսյանի կողմից իր նկատմամբ նշանակված հիմնական պատիժը կրելու հարցը որոշելիս Դատարանը հաշվի է առնում հետևյալ հանգամանքները՝
-Սամվել Սուրենի Սարգսյանը լիովին ընդունել է իրեն մեղսագրված հանցանքները և զղջացել կատարածի համար։
-Սամվել Սուրենի Սարգսյանի նկատմամբ նշանակվել է ՀՀ քրեական օրենսգրքի 344 հոդվածի 2-րդ մասի սանկցիայով նախատեսված առավել խիստ պատիժը։
Վերը նշվածի պայմաններում Դատարանը գտնում է, որ նշանակված պատիժը պայմանականորեն չկիրառելը և 1 տարի ժամկետով փորձաշրջան սահմանելը, ինչպես նաև լրացուցիչ պատիժը տվյալ դեպքում կարող են բավարար լինել քրեական պատժի նպատակներն իրացնելու, այդ թվում՝ պատժի ենթարկված անձին ուղղելու համար։
• Այսպիսով՝ Դատարանը գտնում է, որ Սամվել Սուրենի Սարգսյանի նկատմամբ նշանակված հիմնական պատիժը՝ 2 (երկու) ամիս ժամկետով կարճաժամկետ ազատազրկումը, ՀՀ քրեական օրենսգրքի 84 հոդվածի կիրառմամբ պետք է պայմանականորեն չկիրառել՝ սահմանելով 1 (երկու) տարի ժամկետով փորձաշրջան։
• Փորձաշրջանի ընթացքում Սամվել Սարգսյանի նկատմամբ նշանակել հետևյալ պարտականությունը՝
-առանց իր վարքագծի նկատմամբ վերահսկողություն իրականացնող իրավասու մարմնի համաձայնության չլքել Հայաստանի Հանրապետության տարածքը:
4.9 ՀՀ քրեական դատավարության օրենսգրքի 348 հոդվածի 1-ին մասի 11-14-րդ հարցերին անդրադառնալու անհրաժեշտությունը սույն քրեական գործով բացակայում է։
4.10 Սամվել Սուրենի Սարգսյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը, քանի որ այն բավարար է մեղադրյալի կողմից ՀՀ քրեական դատավարության օրենսգրքի 116 հոդվածի 2-րդ մասով նախատեսված որևէ գործողություն կատարելու ռիսկերը չեզոքացնելու համար:
4.11 Վարութային ծախսերի հարցը պետք է համարել լուծված, քանի որ ՀՀ քրեական դատավարության օրենսգրքի 464.4 հոդվածի 3-րդ մասի համաձայն՝ արագացված վարույթ կիրառելու դեպքում ՀՀ քրեական դատավարության օրենսգրքի 167 հոդվածի 1-ին մաuով նախատեսված վարութային ծախսերը մեղադրյալից ենթակա չեն բռնագանձման:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 276, 347, 348, 349, 464.4 և 464.5 հոդվածներով՝ Դատարանը

Վ Ճ Ռ Ե Ց

1. Սամվել Սուրենի Սարգսյանին մեղավոր ճանաչել ՀՀ քրեական օրենսգրքի 344 հոդվածի 2-րդ մասով նախատեսված թվով չորս հանցանքները կատարելու մեջ, և հանցանքներից յուրաքանչյուրի համար վերջինի նկատմամբ պատիժ նշանակել կարճաժամկետ ազատազրկում՝ 1 (մեկ) ամիս ժամկետով:
2. 2024 թվականի օգոստոսի 26-ին կատարած հանցանքի համար նշանակված պատժին՝ 1 (մեկ) ամիս ժամկետով կարճաժամկետ ազատազրկմանը, մասնակի գումարել 2022 թվականի հուլիսի 7-ին, 2023 թվականի հունվարի 24-ին և 2023 թվականի օգոստոսի 19-ին կատարված հանցանքների համար նշանակված պատիժներից յուրաքանչյուրից 15 (օր) ժամկետով կարճաժամկետ ազատազրկում, և ՀՀ քրեական օրենսգրքի 65 հոդվածի 2-րդ մասով սահմանված կարգով Սամվել Սարգսյանի նկատմամբ վերջնական պատիժ նշանակել կարճաժամկետ ազատազրկում՝ 2 (երկու) ամիս ժամկետով:
3. Սամվել Սուրենի Սարգսյանի նկատմամբ նշանակված պատիժը պայմանականորեն չկիրառել՝ սահմանելով փորձաշրջան՝ 1 (մեկ) տարի ժամկետով:
Փորձաշրջանի ընթացքում Սամվել Սարգսյանի նկատմամբ նշանակել հետևյալ պարտականությունը՝
-առանց իր վարքագծի նկատմամբ վերահսկողություն իրականացնող իրավասու մարմնի համաձայնության չլքել Հայաստանի Հանրապետության տարածքը:
4. Որպես լրացուցիչ պատիժ Սամվել Սուրենի Սարգսյանին 2 (երկու) տարի ժամկետով զրկել տրանսպորտային միջոցներ վարելու իրավունքից։
5. Սամվել Սարգսյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ՝ մինչև դրա իրավաչափության պայմանների փոփոխումը՝ բայց ոչ ավելի, քան դատավճռի օրինական ուժի մեջ մտնելը:
6. Վարութային ծախսերի հարցը համարել լուծված:
Դատավճիռը վերաքննության կարգով կարող է բողոքարկվել Հայաստանի Հանրապետության վերաքննիչ քրեական դատարան՝ ստանալու օրվանից հետո՝ մեկամսյա ժամկետում, սակայն չի կարող բողոքարկվել ՀՀ քրեական դատավարության օրենսգրքի 373 հոդվածով և 375 հոդվածի 1-3-րդ մասերով նախատեսված հիմքերով:



ԴԱՏԱՎՈՐ ԱՐՇԱԿ ՄԱԹԵՎՈՍՅԱՆ

(1)Ծնված՝ 2000 թվականի հոկտեմբերի 29-ին Տավուշի մարզի Վազաշեն համայնքում, ազգությամբ հայ, ՀՀ քաղաքացի, միջնակարգ կրթությամբ, նախկինում դատապարտված, հաշվառված է և բնակվում է Տավուշի մարզի Իջևան քաղաքի Վազաշեն 14 փողոցի թիվ 7 տանը, որպես խափանման միջոց է կիրառված բացակայելու արգելքը:
(2)3.1-3.3 կետերի վերաբերյալ տե՛ս, Դատարանում ստեղծված և Դատարանին տրամադրված նյութերը: