ԵԴ1/1719/01/25






ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ

«13» օգոստոսի 2025թ. ք.Երևան

Նախագահությամբ՝ դատավոր Ռ.ՍՄԲԱՏՅԱՆԻ
քարտուղարությամբ՝ Հ.ԱՂՈՅԱՆԻ
մասնակցությամբ՝
հանրային մեղադրող Ս.ՄՆԱՑԱԿԱՆՅԱՆԻ
մեղադրյալ Ս.ԱՎԱԳՅԱՆԻ

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

դռնբաց դատական նիստում, դատաքննության հատուկ կարգով քննելով քրեական գործն ըստ մեղադրանքի՝ Սահակ Հունանի Ավագյանի (ծնված՝ 07.11.1999թ., ազգությամբ հայ, ՀՀ քաղաքացի, ամուսնացած, խնամքին մեկ անչափահաս երեխա, աշխատում է՝ որպես գծանշող, չդատված, հաշվառված և բնակվող՝ Արարատի մարզ, գյուղ Գեղանիստ 14-րդ փողոց 14-րդ տուն հասցեում)՝ ՀՀ քրեական օրենսգրքի 344-րդ հոդվածի 1-ին մասով՝ 2 դրվագ

Պ Ա Ր Զ Ե Ց

Գործի դատավարական նախապատմությունը.
2023 փետրվարի 08-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչի պաշտոնակատար Դ.Խանաղյանը ՀՀ քրեական օրենսգրքի 344-րդ հոդվածի 1-ին մասով նախաձեռնել է թիվ 60813923 քրեական վարույթը:
2023 թվականի ապրիլի 19-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչի պաշտոնակատար Մ.Միրզոյանը ՀՀ քրեական օրենսգրքի 344-րդ հոդվածի 1-ին մասով նախաձեռնել է թիվ 60885923 քրեական վարույթը:
2023 թվականի ապրիլի 23-ին քննիչ Մ.Միրզոյանը որոշում է կայացրել թիվ 60885923 քրեական վարույթը թիվ 60813923 քրեական վարույթին միացնելու և նախաքննությունը 60813923 համարով շարունակելու մասին:
2025 թվականի հունվարի 21-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Ա.Պետրոսյանը վերանայելով թիվ 60813923 քրեական վարույթի նյութերը ՀՀ քրեական օրենսգրքի 344-րդ հոդվածի 1-ին մասով նախաձեռնել է թիվ 60124225 քրեական վարույթը
2025 թվականի հունվարի 21-ին որոշում է կայացրել թիվ 60124225 քրեական վարույթը թիվ 60813923 քրեական վարույթին միացնելու և նախաքննությունը 60813923 համարով շարունակելու մասին:
2025 թվականի փետրվարի 25-ին ՀՀ դատախազության Երևան քաղաքի Էրեբունի և Նուբարաշեն վարչական շրջանների դատախազության ավագ դատախազ Ս.Մնացականյանը որոշում է կայացրել Սահակ Հունանի Ավագյանի նկատմամբ ՀՀ քրեական օրենսգրքի 344-րդ հոդվածի 1-ին մասով՝ 2 դրվագով հանրային քրեական հետապնդում հարուցելու մասին:
2025 թվականի փետրվարի 26-ին Սահակ Ավագյանի նկատմամբ որպես խափանման միջոց է կիրառվել բացակայելու արգելքը:
2025 թվականի փետրվարի 28-ին Սահակ Ավագյանին ներկայացվել է մեղադրանքը և պարզաբանվել իր իրավունքներն ու պարտականությունները:
2025 թվականի ապրիլի 30-ին կազմվել է մեղադրական եզրակացությունը:
2025 թվականի մայիսի 15-ին Երևան քաղաքի առաջին ատյանի ընդհանուր իրավասության քրեական դատարան է մուտք եղել քրեական գործն ըստ մեղադրանքի Սահակ Հունանի Ավագյանի՝ ՀՀ քրեական օրենսգրքի 344-րդ հոդվածի 1-ին մասով /2 դրվագ/, որին շնորհվել է թիվ ԵԴ1/1719/01/25 համարը։
Նույն օրը քրեական գործը մակագրվել և հաջորդ օրը հանձնվել է դատավոր Ռ․Սմբատյանին։
2025 թվականի մայիսի 19-ին որոշում է կայացվել քրեական գործի վարույթը ստանձնելու և նախնական դատալսումներ նշանակելու մասին:
2025 թվականի օգոստոսի 13-ին Սահակ Ավագյանի նկատմամբ ՀՀ քրեական օրենսգրքի 344-րդ հոդվածի 1-ին մասով /2 դրվագ/ կայացվել է մեղադրական վերդիկտ:

Մեղադրանքի փաստական նկարագրությունը.
Սահակ Հունանի Ավագյանին մեղադրանք է առաջադրվել այն արարքների կատարման համար, որ նա տրանսպորտային միջողցներ վարելու իրավունքը կասեցված վիճակում վարել է տրանսպորտային միջոց:
Այսպես.
Սահակ Հունանի Ավագյանի տրանսպորտային միջոցներ վարելու իրավունքը 2022 թվականի նոյեմբերի 04-ի թիվ 82003455619 որոշմամբ 2022 թվականի նոյեմբերի 04-ից մինչև 2023 թվականի մայիսի 04-ը կասեցվել է, իր ստորագրությամբ հաստատել նշված որոշման պատճենը և կատարման կարգի մասին քաղվածքը ստանալու փաստը: Այդ կերպ, պատշաճ ծանուցված լինելով իր՝ տրանսպորտային միջոցներ վարելու իրավունքը կասեցված լինելու համգամանքի մասին, Սահակ Հունանի Ավագյանը 2023 թվականի հունվարի 15-ին՝ ժամը 13:40-ի սահմաններում, Երևան քաղաքի Այվազովսկի փողոցում վարել է «Volkswagen» մակնիշի 87 II 007 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայողը կազմել է վարչական իրավախախտման վերաբերյալ արձանագրություն: յսինքն՝ Սահակ Հունանի Ավագյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարումը:
Բացի այդ, Սահակ Հունանի Ավագյանի տրանսպորտային միջոցներ վարելու իրավունքը 2022 թվականի նոյեմբերի 04-ի թիվ 82003455619 որոշմամբվ 2022 թվականի նոյեմբերի 04- ից մինչև 2023 թվականի մայիսի 04-ը կասեցվել է, իր ստորագրությամբ՝ հաստատել նշված որոշման պատճենը և կատարման կարգի մասին քաղվածքը ստանալու փաստը: Այդ կերպ, պատշաճ ծանուցված լինելով իր՝ տրանսպորտային միջոցներ վարելու իրավունքը կասեցված լինելու համգամանքի մասին, Սահակ Հունանի Ավագյանը 2023 թվականի հունվարի 23-ին՝ ժամը 23:01-ի սահմաններում, Երևան քաղաքի Առնո Բաբաջանյան փողոցում վարել է «Volkswagen» մակնիշի 87 II 007 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայողը կազմել է վարչական իրավախախտման վերաբերյալ արձանագրություն: Այսինքն՝ Սահակ Հունանի Ավագյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարումը:
Այսպիսով, Սահակ Հունանի Ավագյանին մեղսագրվում է հանցանքների կատարում, որոնք նախատեսված են ՀՀ քրեական օրենսգրքի 344-րդ հոդվածի 1-ին մասով՝ երկու դրվագ:

Դատաքննության ընթացքում հետազոտված թույլատրելի ապացույցները.
Զննում կատարելու մասին 2025 թվականի հունվարի 21-ին կազմված արձանագրության համաձայն.
2023 թվականի փետրվարի 8-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2023 թվականի հունվարի 15-ին` ժամը 13:47-ին, ՀՀ ՆԳՆ ոստիկանության պարեկային ծառայության՝ Երևան քաղաքի գնդի 3-րդ գումարտակի 2-րդ վաշտի կրտսեր պարեկ Վլադիմիր Սուրենի Ալավերդյանը կազմել է վարչական իրավախախտուների վերաբերյալ թիվ 818 0243458 արձանագրությունն այն մասին, որ Սահակ Հունանի Ավագյանը (ծնված 07.11.1990թ., բնակվող Արարատի մարզ, գյուղ Գեղանիստ, 14-րդ փողոց, 14-րդ տուն, ՀԾՀ 1711900818) 2023 թվականի հունվարի 15-ին՝ ժամը 13:40-ի սահմաններում Երևան քաղաքի Այվազովսկու փողոցում վարել է «Վոլցվագեն» մակնիշի 87 11 007 հաշվառման համարանիշի տրանսպորտային միջոցը՝ լինելով տրանսպորտային միջոցներ վարելու իրավունքը կասեցված:
Բացի այդ, 2023 թվականի ապրիլի 19-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, 2023 թվականի հունվարի 23-ին՝ ժամը 23:05-ին, ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի կրտսեր պարեկ Շալիկո Արթուրի Եգորյանը կազմվել է վարչական իրավախախտուների վերաբերյալ թիվ 818 0169673 արձանագրությունն այն մասին, որ Սահակ Հունանի Ավագյանը (ծնված 07.11.1990թ. բնակվող Արարատի մարզ, գյուղ Գեղանիստ, 14-րդ փողոց, 14-րդ տուն, ՀԾՀ 1711900818) 2023 թվականի հունվարի 23-ին՝ ժամը 23:01-ի սահմաններում Երևան քաղաքի Բաբաջանյան փողոցում վարել է «Վոլցվագեն» մակնիշի 87 II 007 հաշվառման համարանիշի տրանսպորտային միջոցը՝ լինելով տրան (որտային միջոցներ վարելու իրավունքը կասեցված:
Բացի այդ, 2025 թվականի հունվարի 21-ին ՀՀ ՔԿ ԵՔՔՎ ՃՏՀ քննության բաժնում քննվող թիվ 60813923 քրեական վարույթով իրականացված անաչառ և համակողմանի քննչական վարութային գործողությունների արդյունքում, մասնավորապես՝ տեղեկատվության պահանջի համաձայն` ՀՀ ՆԳՆ ոստիկանության պարեկային ծառայության Երևան քաղաքի գնդից ստացված թիվ 8300416515 արձանագրության ուսումնասիրության արդյունքում պարզվել է, որ Սահակ Հունանի Ավագյանը (ծնված 11.07.1990թ.) 2023 թվականի հունվարի 27-ին՝ ժամը 23:19-ի սահմաններում, Երևան քաղաքի Մալաթիա-Սեբաստիա, Առնո Բաբաջանյան փողոցում վարել է «VOLKSWAGEN մակնիշի 87 11 007 հաշվառման համարանիշի տրանսպորտային միջոցը՝ տրանսպորտային միջոցներ վարելու իրավունքը կասեցված վիճակում։
Նախաքննության ընթացքում զննության են ենթարկվել սույն քրեական վարույթում առկա փաստաթղթերը, համաձաայն որոնց՝ 2023 թվականի հունվարի 15-ին՝ ժամը 13:47- ին, ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի կրտսեր պարեկ Վլադիմիր Սուրենի Ալավերդյանը կազմել է վարչական իրավախախտուների վերաբերյալ թիվ 818 0243458 արձանագրությունն այն մասին, որ Սահակ Հունանի Ավագյանը (ծնված 07.11.1990թ., բնակվող Արարատի մարզ, գյուղ Գեղանիստ, 14-րդ փողոց, 14-րդ տուն, ՀԾՀ 1711900818) 2023 թվականի հունվարի 15-ին՝ ժամը 13:40-ի սահմաններում Երևան քաղաքի Այվազովսկու փողոցում վարել է «Վոլցվագեն» մակնիշի 87 II 007 հաշվառման համարանիշի տրանսպորտային միջոցը՝ լինելով տրանսպորտային միջոցներ վարելու իրավունքը կասեցված: Արձանագրությանը կցվում է հատվածում գրառում առկա չէ։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն: Արձանագրությանը, իրավունքներին և պարտականություններին ծանոթանալու հատվածում առկա է ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 201.2 թիվը:
2022 թվականի նոյեմբերի 4-ին՝ ՀՀ ՆԳՆ ոստիկանության պարեկային ծառայության Երևան քաղաքի գնդի կրտսեր պարեկ Արա Դավթյանը կազմել է վարչական իրավախախտուների վերաբերյալ թիվ 8200345619 արձանագրությունն այն մասին, որ Սահակ Հունանի Ավագյանը (ծնված 07.11.1990թ., բնակվող Արարատի մարզ, գյուղ Գեղանիստ, 14-րդ փողոց, 14-րդ տուն, ՀԾՀ 1711900618) 2022 թվականի նոյեմբերի 4-ին, ժամը 23:25-ին Երևան քաղաքի Մալաթիա-Սեբաստիա, Գուսան Շերամի փողոցում վարել NISSAN PATHFINDER 3.5» մակնիշի 0ITNI10 հաշվառման համարանիշի տրանսպորտային միջոցը և օգտագործել է ծխախոտային արտադրատեսակ/ կամ դրանց փոխարինիչ, որի հետևանքով այս իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը կազմում է 9 կամ ավելի միավոր: Արձանագրությանը կցվում է հատվածում առկա է ստորագրություն:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է՝ Սահակ Հունանի Ավագյան /ծնված 07.11.1990թ. և ստորագրություն։
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված` 92.1 թիվը:
2023 թվականի հունվարի 23-ին՝ ժամը 23:05-ին, ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի, 3-րդ վաշտի կրտսեր պարեկ Շալիկո Արթուրի Եգորյանը կազմվել է վարչական իրավախախտուների վերաբերյալ թիվ 818 0169673 արձանագրությունն այն մասին, որ Սահակ Հունանի Ավագյանը (ծնված 07.11.1990թ., բնակվող Արարատի մարզ, գյուղ Գեղանիստ, 14-րդ փողոց, 14-րդ տուն, ՀԾՀ 1711900818) 2023 թվականի հունվարի 23-ին՝ ժամը 23:01-ի սահմաններում Երևան քաղաքի Բաբաջանյան փողոցում վարել է «Վոլցվագեն» մակնիշի 87 11 007 հաշվառման համարանիշի տրանսպորտային միջոցը՝ լինելով տրանսպորտային միջոցներ վարելու իրավունքը կասեցված:
Արձանագրությանը կցվում է հատվածում գրառում առկա չէ։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է գրառում՝ «Համաձայն եմ» և ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ազգանուն և ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 201.1 թիվը:
2023 թվականի հունվարի 27-ին՝ ժամը 23:19-ին, ՀՀ ՆԳՆ ոստիկանության պարեկային ծառայության Երևան քաղաքի գնդի պարեկ Գոռ Սարգսյանը կազմվել է վարչական իրավախախտուների վերաբերյալ թիվ 8300416515 արձանագրությունն այն մասին, որ Սահակ Հունանի Ավագյանը (ծնված 07.11.1990թ., բնակվող Արարատի մարզ, գյուղ Գեղանիստ, 14-րդ փողոց, 14-րդ տուն, ՀԾՀ 1711900818) 2023 թվականի հունվարի 27-ին՝ ժամը 23:19-ի սահմաններում, Երևան քաղաքի Մալաթիա-Սեբաստիա, Առնո Բաբաջանյան փողոցում վարել է «Վոլցվագեն» մակնիշի 87 II 007 հաշվառման համարանիշի տրանսպորտային միջոցը և մուտք է գործել «Մուտքն արգելվում է» ճանապարհային նշանով կահավորված ճանապարհ։
Արձանագրությանը կցվում է հատվածում գրառում առկա չէ։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում գրառում առկա չէ։
Արձանագրությանը, իրավունքներին և պարտականություններին ծանոթանալու հատվածում առկա է՝ Սահակ Հունանի Ավագյան /ծնված 07.11.1990թ./ և ստորագրություն: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 21.20 թիվը։
Որոշման հատվածում նշված է՝ ՎԻՎ ՀՀ օրենքի 124-րդ հոդվածի 1-ին մասի համաձայն քաղաքացի ՍԱՀԱԿ ԱՎԱԳՅԱՆ ՀՈՒՆԱՆԻ 1990-11-07-ին տուգանել 5000 << դրամ:
Որոշման պատճենը և կատարման կարգի մասին քաղվածքն ստանալու հատվածում առկա է ստորագրություն և 27 հունվարի 2023 թվական:
ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության զննությամբ պարզվեց, որ Սահակ Հունանի Ավագյան (ծնված 07.11.1990թ., ՀԾՀ 1711900818) անվամբ առկա է վարորդական իրավունքի վկայական կարգավիճակը՝ կասեցված։ Սկիզբը՝ 04.11.2022թ., ավարտը՝ 04.05.2023р.:
Զննությամբ քննությանը հետաքրքրություն ներկայացնող այլ տվյալներ չհայտնաբերվեցին:
տե՛ս 1-ին հատոր գ.թ. 44-47, դատական նիստի արձանագրությունը
2025 թվականի հունվարի 21-ին Քննիչի որոշմամբ որպես արտավարույթային փաստաթուղթ են ճանաչվել Սահակ Հունանի Ավագյանի վարչական իրավախախտման վերաբերյալ թիվ 8180243458, թիվ 8200345619, թիվ 8180169673, թիվ 8300416515 արձանագրությունների պատճենները, ՀՀ ոստիկանության Ճանապարհային ոստիկանության էլեկտրոնային ծառայության ռեգիստրից ստացված տվյալները:
տե՛ս 1-ին հատոր գ.թ. 48-50, դատական նիստի արձանագրությունը
Մեղադրյալ Սահակ Ավագյանը հիմնական դատալսումների ընթացքում ցուցմունք տվեց այն մասին, որ տեղեկացված չի եղել, որ իր տրանսպորտային միջոց վարելու իրավունքը կասեցված է եղել, ինչ վերաբերում է կասեցման մասին արձանագրությունում առկա իր ստորագրությանը, նշեց որ ինքն է ստորագրել, սակայն չի հասկացել թե դա ինչ է: Նաև նշեց, որ ինքը որևէ ծանուցում չի ստացել: Հանրային մեղադրողի հարցին ի պատասխան նշեց, որ հնարավոր է կասեցման վերաբերյալ որոշման քաղվածքը ստացաց լինի, սակայն հայտնեց, որ չի կարդացել և չի ծանոթացել որոշման հետ: Հայտնեց, որ առաջադրված մեղադրանքում իրեն մեղավոր է ճանաչում և զղջում է կատարածի համար:
տե՛ս դատական նիստի արձանագրությունը

Դատարանի փաստական վերլուծությունները և Դատարանի կողմից հաստատված փաստական հանգամանքները.
Հետազոտված ապացույցների հիման վրա Դատարանի կողմից հաստատված են համարվում հետևյալ փաստական հանգամանքները.
Սահակ Հունանի Ավագյանի տրանսպորտային միջոցներ վարելու իրավունքը 2022 թվականի նոյեմբերի 04-ի թիվ 82003455619 որոշմամբ 2022 թվականի նոյեմբերի 04-ից մինչև 2023 թվականի մայիսի 04-ը կասեցված լինելու պայմաններում և պատշաճ ծանուցված լինելով իր՝ տրանսպորտային միջոցներ վարելու իրավունքը կասեցված լինելու համգամանքի մասին, Սահակ Հունանի Ավագյանը 2023 թվականի հունվարի 15-ին՝ ժամը 13:40-ի սահմաններում, Երևան քաղաքի Այվազովսկի փողոցում վարել է «Volkswagen» մակնիշի 87 II 007 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայողը կազմել է վարչական իրավախախտման վերաբերյալ արձանագրություն:
Բացի այդ, Սահակ Հունանի Ավագյանի տրանսպորտային միջոցներ վարելու իրավունքը 2022 թվականի նոյեմբերի 04-ի թիվ 82003455619 որոշմամբ 2022 թվականի նոյեմբերի 04- ից մինչև 2023 թվականի մայիսի 04-ը կասեցված լինելու պայմանններում և պատշաճ ծանուցված լինելով իր՝ տրանսպորտային միջոցներ վարելու իրավունքը կասեցված լինելու համգամանքի մասին, Սահակ Հունանի Ավագյանը 2023 թվականի հունվարի 23-ին՝ ժամը 23:01-ի սահմաններում, Երևան քաղաքի Առնո Բաբաջանյան փողոցում վարել է «Volkswagen» մակնիշի 87 II 007 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայողը կազմել է վարչական իրավախախտման վերաբերյալ արձանագրություն: Այսինքն՝ Սահակ Հունանի Ավագյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարումը:

Դատարանի իրավական վերլուծությունները.
Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, Դատարանը հանգում է հետևության, որ ապացուցված են Սահակ Ավագյանին վերագրվող արարքները, այդ արարքների քրեական հակաիրավականությունը, մեղադրյալի կողմից այդ արարքները կատարելը, ինչպես նաև նրա մեղավորությունը տվյալ արարքների կատարման մեջ:
Դատարանը հանգում է այն հետևության, որ մեղադրյալ Սահակ Ավագյանը կատարել է իրեն մեղսագրված արարքները, որոնց նկատմամբ կիրառելի է ՀՀ քրեական օրենսգրքի 344-րդ հոդվածի 1-ին մասը:
Հաստատված համարելով մեղադրյալ Սահակ Ավագյանի մեղավորությունը ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով նախատեսված հանցանքների կատարման մեջ՝ Դատարանը գտնում է, որ անհրաժեշտ է անդրադառնալ մեղադրյալի նկատմամբ պատիժ նշանակելու հետ կապված հետևյալ հարցերին.
- դատապարտված մեղադրյալի պատասխանատվությունը և պատիժը մեղմացնող կամ ծանրացնող հանգամանքներին, ինչպես նաև նրա անձը բնութագրող հանգամանքներին:
Դատարանը որպես մեղադրյալ Սահակ Ավագյանի պատասխանատվությունը և պատիժը մեղմացնող հանգամանքներ է դիտարկում առաջադրված մեղադրանքում իրեն մեղավոր ճանաչելը, նախաքննության ընթացքում խոստովանական ցուցմունքներ տալը և հանցանքի կատարման համար զղջալը (տե՛ս Սերոբ Ֆրունզիկի Սարգսյանի վերաբերյալ ՀՀ վճռաբեկ դատարանի 2012 թվականի նոյեմբերի 1-ի թիվ ՍԴ/0109/01/12 որոշումը): և 23.06.2017 թվականին ծնված Հունան Սահակի Ավագյանի՝ մեղադրյալի խնամքին լինելու հանգամանքը:
Դատարանն արձանագրում է, որ մեղադրյալ Սահակ Ավագյանի պատասխանատվությունը և պատիժը ծանրացնող հանգամանքներ առկա չեն:
Դատարանը որպես Սահակ Ավագյանի անձը բնութագրող հանգամանքներ է դիտարկում այն, որ վերջինս դատապարտված կամ այլ կերպ արատավորված չի եղել:
Անդրադառնալով պատժի հարցերին՝ Դատարանն արձանագրում է, որ սույն քրեական գործով մեղադրյալ Սահակ Ավագյանին քրեական պատասխանատվությունից, պատժից ազատելու հիմքեր առկա չեն, հետևաբար՝ վերջինը ենթակա է պատժի՝ իր կատարած հանցանքների համար։
ՀՀ քրեական օրենսգրքի 7-րդ հոդվածի 1-ին մասի համաձայն`
Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը::
ՀՀ քրեական օրենսգրքի 8-րդ հոդվածի համաձայն՝
1. Արարքի հանցավորությունը, պատժելիությունը և քրեաիրավական այլ հետևանքները որոշվում են դա կատարելու ժամանակ գործող քրեական օրենքով:
2. Սույն օրենսգրքով նախատեսված հանցանքը կատարելու ժամանակ է համարվում գործողությունը կամ անգործությունը կատարելու պահը՝ անկախ հետևանքներն առաջանալու պահից:
…:
ՀՀ քրեական օրենսգրքի 55-րդ հոդվածի մասի համաձայն՝
1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները::
ՀՀ քրեական օրենսգրքի 69-րդ հոդվածի համաձայն`
1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
…:
ՀՀ քրեական օրենսգրքի 344-րդ հոդվածի համաձայն՝
1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով:
2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:
...:
Մեջբերված իրավական նորմերը ՀՀ վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԵՇԴ/0029/01/08, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացված որոշումներում: Նշված դատական ակտերում ՀՀ վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար՝ կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների գնահատման ժամանակ դատարանը պետք է ելնի պատժի նպատակների իրացումն ապահովելու անհրաժեշտությունից:
Պատիժ նշանակելու ընդհանուր սկզբունքներին ՀՀ վճռաբեկ դատարանն անդրադարձել է Նարեկ Սարգսյանի վերաբերյալ 2011 թվականի դեկտեմբերի 22-ի թիվ ԵԿԴ/0042/01/11 գործով կայացված որոշման մեջ, որտեղ իրավական դիրքորոշում է ձևավորել այն մասին, որ «(...) [Պ]ատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են՝
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) [Պ]ատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն»։
ՀՀ վճռաբեկ դատարանը Արարատ Ավագի Ավագյանի և Վահան Սերյոժայի Սահակյանի վերաբերյալ 2009 թվականի փետրվարի 17-ի թիվ ԵԿԴ/0252/01/13 որոշմամբ արտահայտել է հետևյալ իրավական դիրքորոշումը. «(…) [Ն]շանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության հանրային վտանգավորության աստիճանին և բնույթին (…):
Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա: (…)
Պատժի անհատականացման սկզբունքի բովանդակության հիմնական մասն է կազմում նաև հանցավորի անձը բնութագրող տվյալների գնահատումը, որոնք իրենց ամբողջության մեջ հնարավորություն են տալիս անձին դիտել ոչ միայն որպես հանցանք կատարող, որը պետք է պատասխանատվություն կրի, այլ նաև որպես կոնկրետ անձ՝ իր անհատական հատկանիշներով: Ընդ որում՝ անձի այն հատկանիշները, որոնք գտնվում են հանցակազմից դուրս, նշանակություն են ունենում դատարանի կողմից պատժի տեսակը և չափը որոշելիս: Որպես հանցավորի անձը բնութագրող հատկանիշներ՝ գնահատվում են նրա սոցիալ-հոգեբանական, սոցիալ-ժողովրդագրական հատկությունները՝ վարքագիծն ընտանիքում և կենցաղում, աշխատանքի նկատմամբ ունեցած վերաբերմունքը, կրթությունը, առողջական վիճակը, տարիքը, ծառայությունը պետության և հասարակության առջև և այլն: (…)»:
Արարքի բնույթն ու հանրային վտանգավորության աստիճանի վերաբերյալ ՀՀ վճռաբեկ դատարանը դիրքորոշում է հայտնել Գարուշ Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշմամբ՝ «(…) Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը:
(…) Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը: Վճռաբեկ դատարանը գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը: (…)»:
Վերը մեջբերված իրավական նորմերի և դիրքորոշումների լույսի ներքո մեղադրյալ Սահակ Ավագյանի նկատմամբ նշանակվող պատժի տեսակները և դրանց չափը որոշելիս Դատարանը հաշվի է առնում մեղադրյալի կատարած հանցանքների բնույթը և հանրության համար վտանգավորության աստիճանը, մասնավորապես՝ այն, որ նա կատարել է երթևեկության անվտանգության և տրանսպորտի շահագործման սահմանված կարգի դեմ ուղղված ոչ մեծ ծանրության դիտավորյալ հանցագործություններ՝ երկու դրվագներով, խախտված հասարակական հարաբերության սոցիալական նշանակությունը, հանցագործությունը կատարելուց հետո մեղադրյալի դրսևորած վարքագիծը, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, մեղադրյալի անձը բնութագրող հանգամանքները, գույքային դրությունը:
Վերոգրյալի հաշվառմամբ անդրադառնալով մեղադրյալ Սահակ Ավագյանի նկատմամբ նշանակվող պատժի տեսակի և չափի հարցերին՝ Դատարանն արձանագրում է, որ մեղադրյալ Սահակ Ավագյանը ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի երկու դրվագների համար ենթակա է պատժի՝ տուգանքի ձևով: Ընդ որում՝ Դատարանն արձանագրում է, որ յուրաքանչյուր հանցագործության համար տուգանք պատժատեսակի նվազագույն չափի նշանակման միջոցով հնարավոր է հասնել պատժի նպատակներին` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
Տվյալ դեպքում սահմանված պատիժը համաչափ է կատարված կոնկրետ հանցագործությունների բնույթին, վտանգավորության աստիճանին, դրանց կատարելու հանգամանքներին, հանցավորի անձին և բավարար է պատժի նպատակների նվաճման տեսանկյունից:
ՀՀ քրեական օրենսգրքի 59-րդ հոդվածի 3-րդ մասի համաձայն՝
Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։:
Քրեաիրավական նշված նորմի վերլուծությունից պարզ է դառնում, որ տուգանքի հաշվարկման հիմքում դրվում է ոչ թե նվազագույն աշխատավարձը, այսինքն պետությունում սահմանված ֆիքսված որևէ գումար, այլ հանցանք կատարած անձի եկամուտը:
ՀՀ քրեական օրենսգրքի 3-րդ հոդվածի 6-րդ կետի համաձայն՝
Ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները …::
Հաշվի առնելով այն, որ քրեական նոր օրենսգրքում տուգանքի հաշվարկման հիմքում դրվում է հանցանք կատարած անձի եկամուտը, օրենսդիրը կարգավորել է նաև այն իրավիճակները, երբ անձը եկամուտ չունի կամ դրա չափը անհնարին է պարզել: Այդ դեպքերում տուգանքի չափը հաշվարկվում է հանցանքը կատարելու պահին նվազագույն ամսական աշխատավարձի չափով: Տուգանքի չափը որոշվում է նույն կարգով նաև այն դեպքում, երբ անձի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից:
Վերը նշվածի համատեքստում Դատարանն արձանագրում է, որ ՀՀ պետական եկամուտների կոմիտեից ստացված տվյալների համաձայն անձի եկամտի տողում նշված է. Եկամուտը բացակայում է, ուստի վերջինիս նկատմամբ որպես պատիժ նշանակվող տուգանքի չափը պետք է որոշվի ՀՀ-ում սահմանված նվազագույն ամսական աշխատավարձի չափով:
2022 թվականի դեկտեմբերի 7-ին ընդունված՝ «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն՝
2023 թվականի հունվարի 1-ին ՀՀ-ում որպես նվազագույն ամսական աշխատավարձ է սահմանվել 75.000 ՀՀ դրամը::
Դատարանը, հիմք ընդունելով մեղադրյալ Սահակ Ավագյանի անձը բնութագրող տվյալները, պատիժն ու պատասխանատվությունը մեղմացնող հանգամանքները, պատիժն ու պատասխանատվությունը ծանրացնող հանգամանքների բացակայությունը, ինչպես նաև վերջինիս կողմից կատարված հանցանքների բնույթն ու նշանակությունը գտնում է, որ վերջինիս նկատմամբ ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի երկու դրվագներից հուրաքանչյուրի համար որպես պատիժ պետք է նշանակվի տուգանք՝ նվազագույն աշխատավարձի հնգապատիկի՝ 375.000 երեք հարյուր յոթանասունհինգ հազար ՀՀ դրամի չափով:
ՀՀ քրեական օրենեսգրքի 74-րդ հոդվածի 1-ին մասի համաձայն՝
Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը::
Հանցագործությունների համակցության դեպքում պատիժ նշանակելու վերաբերյալ վերը մեջբերված իրավական կարգավորման տառացի մեկնաբանությունից պարզ է դառնում, որ հանցագործությունների համակցությամբ վերջնական պատիժը որոշելիս մասնակի գումարվող տուգանքի չափը չի կարող պակաս լինել տուգանքի համար ՀՀ քրեական օրենսգրքով նախատեսված նվազագույն չափից՝ նվազագույն աշխատավարձի հնգապատիկից: Ելնելով նշվածից և հաշվի առնելով այն, որ Դատարանի կողմից Սահակ Ավագյանի նկատմամբ ՀՀ քրեական օրենսգրքի 344-րդ հոդվածի 1-ին մասով նախատեսված հանցանքների երկու դրվագներով որպես պատիժ նշանակված տուգանքի չափ է սահմանվել արդեն իսկ նվազագույն աշխատավարձի հնգապատիկը, որը տուգանքի համար ՀՀ քրեական օրենսգրքով նախատեսված նվազագույն չափն է, Դատարանը գտնում է որ ՀՀ քրեական օրենսգրքի 344-րդ հոդվածի 1-ին մասով 2 դրվագ նշանակված պատիժները լրիվ գումարելու միջոցով Սահակ Ավագյանի նկատմամբ պետք է վերջնական պատիժ նշանակել տուգանք՝ 750.000 (յոթ հարյուր հիսուն հազար) ՀՀ դրամի չափով:
ՀՀ քրեական օրենսգրքի 59-րդ հոդվածի համաձայն՝
… 7. Տուգանքի նշանակման հնարավորությունը և չափը դատարանը որոշում է՝ հաշվի առնելով հանցագործության ծանրությունը, հանցագործությամբ պատճառված վնասի բնույթն ու չափը, հանցագործությամբ ստացված գույքային կամ ոչ գույքային բնույթի օգուտները, դատապարտվողի ու նրա ընտանիքի գույքային դրությունը, ինչպես նաև դատապարտվողի՝ եկամուտ ստանալու հնարավորությունը կամ նրան պատկանող այնպիսի գույքի առկայությունը, որի վրա կարող է բռնագանձում տարածվել։
8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով:
…::
Հաշվի առնելով մեջբերված իրավակարգավորումը՝ Դատարանը գտնում է, որ մեղադրյալի նկատմամբ նշանակված տուգանքը վճարելու համար պետք է սահմանել 12 (տասներկու) ամիս ժամանակ՝ յուրաքանչյուր ամիս 62.500 վաթսուներկու հազար հինգ հայրոր ՀՀ դրամ վճարելու պայմանով:
ՀՀ քրեական դատավարության օրենսգրքի 348-րդ հոդվածի համաձայն՝ դատավճռում պետք է շարադրվեն նաև հետևյալ հարցերի պատասխանները․
- գույքային հայցը ենթակա է արդյոք բավարարման, ում օգտին և ինչ չափով, ինչպես նաև պատճառված գույքային վնասը ենթակա է արդյոք հատուցման, եթե գույքային հայց չի հարուցվել.
- որ գույքն է ենթակա բռնագրավման, ինչ չափով և ինչպիսի հիմքով․
- վերացվելու է արդյոք կիրառված գույքի արգելադրումը, իսկ եթե այդպիսին կիրառված չէ, ապա ենթակա է արդյոք կիրառման.
- ինչպես պետք է պահպանվեն և տնօրինվեն ապացույցները.
- դատապարտված մեղադրյալի նկատմամբ վերացվելու, փոխվելու կամ կիրառվելու է արդյոք որևէ խափանման միջոց.
- ում վրա և ինչ չափով պետք է դրվեն վարութային ծախսերը։
Անդրադառնալով մեղադրյալ Սահակ Ավագյանի նկատմամբ ընտրված խափանման միջոցի հարցին՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը պետք է թողնել անփոփոխ՝ մինչև դատավճռի օրինական ուժի մեջ մտնելը:
Անդրադառնալով ապացույցների տնօրինման և պահպանման հարցին՝ Դատարանը գտնում է, որ դատավճիռն օրինական ուժի մեջ մտնելուց հետո որպես արտավարութային փաստաթուղթ ճանաչված փաստաթղթերը պետք է պահել քրեական գործում:
Նկատի ունենալով այն հանգամանքը, որ սույն քրեական գործով գույքային հայց, գույք բռնագրավելու անհրաժեշտություն, արգելադրված գույք, վարութային ծախսեր առկա չեն, ուստի Դատարանն այդ հարցերին չի անդրադառնում:
Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 30-31-րդ, 347-350-րդ, 352-353-րդ, 364-րդ հոդվածներով՝ Դատարանը

ՎՃՌԵՑ

Սահակ Հունանի Ավագյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և 344-րդ հոդվածի 1-ին մասով:
ՀՀ քրեական օրենսգրքի 344-րդ հոդվածի 1-ին մասով Սահակ Հունանի Ավագյանին նկատմամբ պատիժ նշանակել նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 1-ին մասով Սահակ Հունանի Ավագյանին նկատմամբ պատիժ նշանակել նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածով սահմանված կարգով ՀՀ քրեական օրենսգրքի 344-րդ հոդվածի 1-ին մասով և 344-րդ հոդվածի 1-ին մասով նշանակված պատիժները լրիվ գումարելու միջոցով Սահակ Հունանի Ավագյանի նկատմամբ վերջնական պատիժ նշանակել տուգանք՝ 750.000 (յոթ հարյուր հիսուն հազար) ՀՀ դրամի չափով:
Սահակ Հունանի Ավագյանին թույլատրել որպես պատիժ նշանակված 750.000 (յոթ հարյուր հիսուն հազար) ՀՀ դրամ տուգանքը մաս առ մաս վճարել 12 տասներկու ամիս ժամկետում՝ յուրաքանչյուր ամիս վճարել 62.500 վաթսուներկու հազար հինգ հայրոր ՀՀ դրամ:
Սահակ Հունանի Ավագյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու պահից մեկամսյա ժամկետում:


ԴԱՏԱՎՈՐ Ռ.ՍՄԲԱՏՅԱՆ