ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
քրեական գործ թիվ ԵԴ1/1708/01/25
Երևան քաղաքի առաջին ատյանի ընդհանուր իրավասության
քրեական դատարանը

ՆԱԽԱԳԱՀՈՒԹՅԱՄԲ`
ԴԱՏԱՎՈՐ Ա.ԴԱՆԻԵԼՅԱՆԻ,

ՔԱՐՏՈՒՂԱՐՈՒԹՅԱՄԲ` Լ.ՄԱԿԱՐՅԱՆԻ,

ՄԱՍՆԱԿՑՈՒԹՅԱՄԲ`
ՀԱՆՐԱՅԻՆ ՄԵՂԱԴՐՈՂ,
ԵՐԵՎԱՆ ՔԱՂԱՔԻ ՔԱՆԱՔԵՌ-ԶԵՅԹՈՒՆ
ՎԱՐՉԱԿԱՆ ՇՐՋԱՆՆԵՐԻ ԴԱՏԱԽԱԶՈՒԹՅԱՆ
ԴԱՏԱԽԱԶ Ռ.ՄԿՐՏՉՅԱՆԻ,

ՄԵՂԱԴՐՅԱԼՆԵՐ Ա.ԲԱՂԴԱՍԱՐՅԱՆԻ,
Է.ՄԱՆՈՒԿՅԱՆԻ,
ՊԱՇՏՊԱՆ Ս.ՅՈՒԶԲԱՇՅԱՆԻ,

2025 թվականի մայիսի 27-ին Երևան քաղաքում,
դատարանում, դռնբաց դատական նիստում արագացված վարույթով քննելով քրեական գործն ըստ մեղադրանքի
Արթուր Լևոնի Բաղդասարյանի՝
(ծնված 1987 թվականի օգոստոսի 17-ին Երևան քաղաքում, հայ, ՀՀ քաղաքացի, միջնակարգ կրթությամբ, ամուսնացած, խնամքին՝ չորս անչափահաս երեխա, հաշվառված է և բնակվում է Երևան քաղաքի Արցախի փողոցի թիվ 4 նրբանցքի թիվ 10 շենքի թիվ 104/1 բնակարանում)
ՀՀ քրեական օրենսգրքի 43-254-րդ հոդվածի 2-րդ մասի 1-ին կետով,

Էդուարդ Արմենի Մանուկյանի՝
(ծնված 1989 թվականի հունվարի 5-ին Երևան քաղաքում, հայ, ՀՀ քաղաքացի, ութամյա կրթությամբ, ամուսնացած, խնամքին՝ երկու անչափահաս երեխա, ըստ իր հայտարարության՝ աշխատում է «Դեֆանս» ընկերությունում` որպես բանվոր, հաշվառված է Երևան քաղաքի Արցախի փողոցի թիվ 4 նրբանցքի թիվ 10 շենքի թիվ 312/1 բնակարանում, բնակվում է Երևան քաղաքի Սիսակյան փողոցի թիվ 3 շենքի թիվ 46 բնակարանում)
ՀՀ քրեական օրենսգրքի 43-254-րդ հոդվածի 2-րդ մասի 1-ին կետով,

Պ Ա Ր Զ Ե Ց
Գործի դատավարական ընթացքը.
1. 2024 թվականի դեկտեմբերի 25-ին Էդուարդ Արմենի Մանուկյանը և Արթուր Լևոնի Բաղդասարայնը ձերբակալվել են՝ անմիջականորեն ծագած հիմնավոր կասկածի հիմքով։
2. ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում (այսուհետ՝ նաև Նախաքննության մարմին) 2024 թվականի դեկտեմբերի 26-ին ՀՀ քրեական օրենսգրքի 43-254-րդ հոդվածի 2-րդ մասի 1-ին կետով նախաձեռնվել է թիվ 14837124 քրեական վարույթը:
3. 2024 թվականի դեկտեմբերի 28-ին Արթուր Լևոնի Բաղդասարյանը և Էդուարդ Արմենի Մանուկյանը ձրբակալումից ազատ են արձակվել՝ արգելանքի տակ պահելու առավելագույն ժամկետը լրանալու հիմքով:
4. Հսկող դատախազի 2024 թվականի դեկտեմբերի 27-ի որոշմամբ Արթուր Լևոնի Բաղդասարյանի նկատմամբ հարուցվել է հանրային քրեական հետապնդում ՀՀ քրեական օրենսգքրի 43-254-րդ հոդվածի 2-րդ մասի 1-ին կետով նախատեսված այն արարքի համար, որ. «(…) նա Էդուարդ Արմենի Մանուկյանի հետ նախնական համաձայնությամբ խմբի կազմում, ավտոմեքենաների կողային հայելիներ գաղտնի հափշտակելու դիտավորությամբ նախապես ձեռք են բերել հանցանք կատարելու համար նախատեսված գործիքներ և միջոցներ, սակայն իրենց կամքից անկախ հանգամանքներով չեն կարողացել սկսել դիտավորության մեջ ընդգրկված հանցանքի օբյեկտիվ կողմի կատարումը։
Այսպես՝
Արթուր Լևոնի Բաղդասարյանը Էդուարդ Արմենի Մանուկյանի հետ նախնական համաձայնությամբ խմբի կազմում է ավտոմեքենաների կողային հայելիներ գաղտնի հափշտակելու դիտավորությամբ, իրենց հետ նախապես վերցնելով հանցանք կատարելու համար նախատեսված գործիքներ և միջոցներ, այն է՝ երկաթյա լինգ (մանդիրովկա), դուր, երկաթյա ձող, բժշկական դիմակներ և ձեռնոցներ, 2024 թվականի դեկտեմբերի 25-ին քննությամբ դեռևս չպարզված տրանսպորտային միջոցով ուղևորվել են Երևան քաղաքի Գրիբոյեդով 54-րդ հասցե, ապա իրենց հանցավոր դիտավորությունն իրագործելու նպատակով՝ փնտրել են համապատասխան տրանսպորտային միջոցներ՝ կողային հայելիները հափշտակելու նպատակով, սակայն իրենց կամքից անկախ հանգամանքներով չեն կարողացել սկսել դիտավորության մեջ ընդգրկված հանցանքի օբյեկտիվ կողմի կատարումը, քանի որ ՀՀ ոստիկանության Արաբկիրի բաժնի ծառայողների կողմից հիշյալ հասցեում ձերբակալվել և տեղափոխվել են Արաբկիրի բաժին, որտեղ կատարված անձնական խուզարկությամբ Էդուարդ Մանուկյանի մոտից հայտնաբերվել է երկաթյա ձող, բժշկական դիմակ և ձեռնոցներ, իսկ Արթուր Բաղդասարյանի մոտից հայտնաբերվել է երկու դուր, երկաթյա լինգ (մանդիրովկա), մեկ ռադիոկապ, բժշկական դիմակներ և ձեռնոցներ»։
4.1. Նախաքննության մարմնի կողմից 2024 թվականի դեկտեմբերի 28-ին Արթուր Լևոնի Բաղդասարյանին ներկայացվել է մեղադրանք։
5. Հսկող դատախազի նույն օրվա մեկ այլ որոշմամբ Էդուրադ Արմենի Մանուկյանի նկատմամբ հարուցվել է հանրային քրեական հետապնդում ՀՀ քրեական օրենսգքրի 43-254-րդ հոդվածի 2-րդ մասի 1-ին կետով նախատեսված այն արարքի համար, որ. «(…) նա Արթուր Լևոնի Բաղդասարյանի հետ նախնական համաձայնությամբ խմբի կազմում, ավտոմեքենաների կողային հայելիներ գաղտնի հափշտակելու դիտավորությամբ նախապես ձեռք են բերել հանցանք կատարելու համար նախատեսված գործիքներ և միջոցներ, սակայն իրենց կամքից անկախ հանգամանքներով չեն կարողացել սկսել դիտավորության մեջ ընդգրկված հանցանքի օբյեկտիվ կողմի կատարումը։
Այսպես՝
Էդուարդ Արմենի Մանուկյանը Արթուր Լևոնի Բաղդասարյանի հետ նախնական համաձայնությամբ խմբի կազմում է ավտոմեքենաների կողային հայելիներ գաղտնի հափշտակելու դիտավորությամբ, իրենց հետ նախապես վերցնելով հանցանք կատարելու համար նախատեսված գործիքներ և միջոցներ, այն է՝ երկաթյա լինգ (մանդիրովկա), դուր, երկաթյա ձող, բժշկական դիմակներ և ձեռնոցներ, 2024 թվականի դեկտեմբերի 25-ին քննությամբ դեռևս չպարզված տրանսպորտային միջոցով ուղևորվել են Երևան քաղաքի Գրիբոյեդով 54-րդ հասցե, ապա իրենց հանցավոր դիտավորությունն իրագործելու նպատակով՝ փնտրել են համապատասխան տրանսպորտային միջոցներ՝ կողային հայելիները հափշտակելու նպատակով, սակայն իրենց կամքից անկախ հանգամանքներով չեն կարողացել սկսել դիտավորության մեջ ընդգրկված հանցանքի օբյեկտիվ կողմի կատարումը, քանի որ ՀՀ ոստիկանության Արաբկիրի բաժնի ծառայողների կողմից հիշյալ հասցեում ձերբակալվել և տեղափոխվել են Արաբկիրի բաժին, որտեղ կատարված անձնական խուզարկությամբ Էդուարդ Մանուկյանի մոտից հայտնաբերվել է երկաթյա ձող, բժշկական դիմակ և ձեռնոցներ, իսկ Արթուր Բաղդասարյանի մոտից հայտնաբերվել է երկու դուր, երկաթյա լինգ (մանդիրովկա), մեկ ռադիոկապ, բժշկական դիմակներ և ձեռնոցներ»։
5.1. Նախաքննության մարմնի կողմից 2024 թվականի դեկտեմբերի 28-ին Էդուարդ Արմենի Մանուկյանին ներկայացվել է մեղադրանք։
6. Նախաքննության մարմնի 2024 թվականի դեկտեմբերի 28-ի որոշումներով Արթուր Լևոնի Բաղդասարյանը և Էդուարդ Արմենի Մանուկյանը ձերբակալվել են՝ ազատության մեջ գտնվող մեղադրյալին դատարան ներկայացնելու համար ձերբակալման հիմքով:
7. Նախաքննության մարմնի 2024 թվականի դեկտեմբերի 28-ի որոշումներով Արթուր Լևոնի Բաղդասարյանի և Էդուարդ Արմենի Մանուկյանի նկատմամբ որպես խափանման միջոց է կիրառվել բացակայելու արգելքը։
8. Նախաքննության մարմնի 2025 թվականի մայիսի 2-ի որոշմամբ Արթուր Լևոնի Բաղդասարյանի և Էդուարդ Արմենի Մանուկյանի անձնական խուզարկությամբ հայտնաբերված երկաթյա ձողը, կոթային կանաչ հատվածով պտուտակիչը, փայտե կոթով երկաթյա գործիքը, թվով չորս սև ձեռնոցները, թվով երկու բժշկական դիմակները, ռացիա սարքը և ռացիայի անտենան ճանաչվել են որպես իրեղեն ապացույց:
9․ 2025 թվականի մայիսի 15-ին թիվ 14837124 վարույթի նյութերը մեղադրական եզրակացությամբ ստացվել են Երևան քաղաքի առաջին ատյանի ընդհանուր իրավասության քրեական դատարանում (այսուհետ՝ նաև Դատարան)։
2025 թվականի մայիսի 19-ին որոշում է կայացվել քրեական գործով վարույթ ստանձնելու և նախնական դատալսումներ նշանակելու մասին։ Նախնական դատալսումներով դատական նիստը նշանակվել է նույն թվականի մայիսի 23-ին:

Արագացված վարույթ կիրառելու միջնորդությունը և դրա քննարկումը.
10․ Նախնական դատալսումների ընթացքում մեղադրյալ Արթուր Լևոնի Բաղդասարյանը և Էդուարդ Արմենի Մանուկյանը ներկայացրել են արագացված վարույթ կիրառելու միջնորդություն՝ հայտնելով, որ իրենց պարզ է ներկայացված մեղադրանքները, համաձայն են մեղադրանքի հետ, առաջադրված մեղադրանքում իրենց լիովին մեղավոր են ճանաչում, միջնորդությունը ներկայացրել են կամավոր, մինչև միջնորդությունը ներկայացնելը խորհրդակցել են իրենց պաշտպանի հետ, գիտակցում են արագացված վարույթ կիրառելու հետևանքները և պնդում են ներկայացված միջնորդությունը:
11. Հանրային մեղադրողը հայտնել է, որ չի առարկում արագացված վարույթ կիրառելու դեմ՝ ներկայացնելով մեղադրանքի փաստական հիմքը, ինչպես նաև մեղադրյալներին վերագրվող արարքի իրավական գնահատականը։
12. Դատարանը, համոզվելով, որ առկա է ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-րդ հոդվածի 2-րդ մասով նախատեսված՝ արագացված վարույթի կիրառումը բացառող հանգամանքները, արձանագրային որոշմամբ բավարարել է արագացված վարույթ կիրառելու մասին մեղադրյալների միջնորդությունը և նշանակել լրացուցիչ դատալսումներ:

Արագացված վարույթով լրացուցիչ դատալսումները․
Լրացուցիչ դատալսումների ընթացքում հետազոտվել են հետևյալ նյութերը․
13. «ԷԿԵՆԳ» ՓԲ ընկերության փոխգործելիության հարթակի միջոցով 2025 թվականի մայիսի 23-ին արտատպված՝ դատվածության և հետախուզման առկայության ձև 8 տեղեկանքը, որի համաձայն՝ Արթուր Լևոնի Բաղդասարյանը՝
- Երևան քաղաքի առաջին ատյանի ընդհանուր իրավասության քրեական դատարանի 2023 թվականի մարտի 1-ի դատավճռով մեղավոր է ճանաչվել ՀՀ քրեական օրենսգրքի (2003 թվականի ապրիլի 28-ին ընդունված) 243.1-րդ հոդվածի 2-րդ մասով և դատապարտվել տուգանքի՝ 300.000 (երեք հարյուր հազար) ՀՀ դրամ գումարի չափով:
- Երևան քաղաքի առաջին ատյանի ընդհանուր իրավասության դատարանի 2023 թվականի դեկտեմբերի 21-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 74-րդ հոդվածի կիրառմամբ դատապարտվել է տուգանքի՝ 440.000 (չորս հարյուր քառասուն հազար) ՀՀ դրամ գումարի չափով, որի վճարումը տարաժամկետվել է 12 (տասներկու) ամսով:
- Երևան քաղաքի առաջին ատյանի ընդհանուր իրավասության քրեական դատարանի 2025 թվականի հունվարի 9-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 75-րդ հոդվածով հոդվածի կիրառմամբ դատապարտվել հանրային աշխատանքների ՝ 100 (հարյուր) ժամ տևողությամբ, և տուգանքի՝ 400․000 (չորս հարյուր հազար) ՀՀ դրամի չափով։ Հանրային աշխատանքների ձևով պատժի կրումն ավարտվել է 2025 թվականի մայիսի 12-ին։
- Երևան քաղաքի առաջին ատյանի ընդհանուր իրավասության քրեական դատարանի 2025 թվականի փետրվարի 28-ի դատավճռով մեղավոր է ճանաչվել երկու դրվագով ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 74-րդ ու 75-րդ հոդվածների կիրառմամբ դատապարտվել տուգանքի՝ 850.000 (ութ հարյուր հիսուն հազար) ՀՀ դրամ գումարի չափով՝ դրա վճարումը տարաժամկետելով մեկ տարի ժամկետով։
(տե՛ս դատական նիստի արձանագրություն)
13.1․ «Դատալեքս» տեղեկատվական համակարգից արտարտպված՝ Արթուր Լևոնի Բաղդասարյանի վերաբերյալ թիվ ԵԴ1/2495/01/24 քրեական գործի վերաբերյալ տվյալները, որի համաձայն՝ 2025 թվականի փետրվարի 28-ի դատավճռով Արթուր Լևոնի Բաղդասարյանը մեղավոր է ճանաչվել երկու դրվագով ՀՀ քրեական օրենսգրքի 344-րդ հոդվածի 2-րդ մասով, և նրա նկատմամբ վերջնական պատիժ է նշանակվել տուգանք՝ 750.000 (յոթ հարյուր հիսուն հազար) ՀՀ դրամ գումարի չափով:
ՀՀ քրեական օրենսգրքի 75-րդ հոդվածի կիրառմամբ նշանակված պատժին՝ 750.000 (յոթ հարյուր հիսուն հազար) ՀՀ դրամ տուգանքին, մասնակի գումարվել է Երևան քաղաքի առաջին ատյանի ընդհանուր իրավասության քրեական դատարանի 2023 թվականի դեկտեմբերի 21-ի թիվ ԵԴ/0090/01/23 դատավճռով նշանակված տուգանք պատժի չկրած մասից 100․000 (հարյուր հազար) ՀՀ դրամը և Արթուր Լևոնի Բաղդասարյաի նկատմամբ վերջնական պատիժ է նշանակվել տուգանք՝ 850.000 (ութ հարյուր հիսուն հազար) ՀՀ դրամի չափով՝ դրա վճարման համար սահմանելով մեկ տարի ժամկետ։
(տե՛ս դատական նիստի արձանագրություն)
14. «ԷԿԵՆԳ» ՓԲ ընկերության փոխգործելիության հարթակի միջոցով 2025 թվականի մայիսի 23-ին արտատպված՝ Էդուարդ Արմենի Մանուկյանի դատվածության և հետախուզման առկայության ձև 8 տեղեկանքը, որի համաձայն՝ Էդուարդ Արմենի Մանուկյանը Երևան քաղաքի առաջին ատյանի ընդհանուր իրավասության քրեական դատարանի 2024 թվականի դեկտեմբերի 30-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով և դատապարտվել տուգանքի՝ 375.000 (երեք հարյուր յոթանասունհինգ հազար) ՀՀ դրամ գումարի չափով:
(տե՛ս դատական նիստի արձանագրություն)
14.1. «Դատալեքս» տեղեկատվական համակարգից արտարտպված՝ Էդուարդ Արմենի Մանուկյանի վերաբերյալ թիվ ԵԴ1/3801/01/24 քրեական գործի վերաբերյալ տվյալները, որի համաձայն՝ 2024 թվականի դեկտեմբերի 30-ի դատավճռով Էդուարդ Արմենի Մանուկյանին մեղավոր է ճանաչվել Հայաստանի Հանրապետության քրեական օրենսգրքի 344-րդ հոդվածի 2-րդ մասով և նրա նկատմամբ պատիժ է նշանակվել տուգանք՝ նվազագույն աշխատավարձի հնգապատիկի չափով՝ 375.000 (երեք հարյուր յոթանասունհինգ հազար) ՀՀ դրամ:
ՀՀ քրեական օրենսգրքի 59-րդ հոդվածի կանոններով թույլատրվել է նշանակված տուգանքի վճարումն իրականացվել է մեկ տարվա ընթացքում մաս առ մաս՝ համաչափորեն 12 (տասներկու) ամսվա ընթացում:
(տե՛ս դատական նիստի արձանագրություն)
15. Ծննդի մասին թիվ ԲԱ184150 պետական վկայականը, որի համաձայն՝ Գևորգ Էդուարդի Մանուկյանը ծնվել է 2019 թվականի հոկտեմբերի 25-ին, որպես հայր նշված է Էդուարդ Արմենի Մանուկյանը:
(տե՛ս դատական նիստի արձանագրություն)
16. Ծննդյան թիվ 356645 վկայականը, որի համաձայն՝ Արմեն Էդուարդի Մանուկյանը ծնվել է 2014 թվականի հունիսի 27-ին, որպես հայր նշված է Էդուարդ Արմենի Մանուկյանը:
(տե՛ս դատական նիստի արձանագրություն)
17. Ծննդյան թիվ 2082 ակտի գրացման վկայականը, որի համաձայն՝ Միլենա Արթուրի Բաղդասարյանը ծնվել է 2016 թվականի նոյեմբերի 20-ին, որպես հայր նշված է Արթուր Լևոնի Բաղդասարյանը:
(տե՛ս դատական նիստի արձանագրություն)
18. Ծննդյան թիվ 390322 վկայականը, որի համաձայն՝ Էմմա Արթուրի Բաղդասարյանը ծնվել է 2015 թվականի փետրվարի 1-ին, որպես հայր նշված է Արթուր Լևոնի Բաղդասարյանը:
(տե՛ս դատական նիստի արձանագրություն)
19. Ծննդի մասին թիվ ԲԱ170653 պետական վկայականը, որի համաձայն՝ Լևոն Արթուրի Բաղդասարյանը ծնվել է 2019 թվականի սեպտեմբերի 27-ին, որպես հայր նշված է Արթուր Լևոնի Բաղդասարյանը:
(տե՛ս դատական նիստի արձանագրություն)
20. Ծննդյան թիվ 175291 վկայականը, որի համաձայն՝ Անահիտ Արթուրի Բաղդասարյանը ծնվել է 2011 թվականի դեկտեմբերի 6-ին, որպես հայր նշված է Արթուր Լևոնի Բաղդասարյանը:
(տե՛ս դատական նիստի արձանագրություն)
21. «ԷԿԵՆԳ» ՓԲԸ փոխգործելիության հարթակի միջոցով ՀՀ պետական եկամուտների կողմիտեի էլեկտրոնային շտեմարանից միջոցով 2025 թվականի մայիսի 23-ին արտատպված տեղեկատվությունը, որի համաձայն՝ արարքին նախորդող 12 ամիսների ընթացքում Արթուր Լևոնի Բաղդասարյանի եկամուտների վերաբերյալ տվյալներ առկա չեն:
(տե՛ս դատական նիստի արձանագրություն)
22. «ԷԿԵՆԳ» ՓԲԸ փոխգործելիության հարթակի միջոցով ՀՀ պետական եկամուտների կողմիտեի էլեկտրոնային շտեմարանից միջոցով 2025 թվականի մայիսի 23-ին արտատպված տեղեկատվությունը, որի համաձայն՝ հանցանքն ավարտվելու օրվան նախորդող 12 ամիսների ընթացքում Էդուարդ Արմենի Մանուկյանին վճարված ամսական եկամտի չափը ՀՀ քրեական օրենսգրքի 3-րդ հոդվածի 1-ին մասի 6-րդ կետով սահմանված հաշվարկի արդյունքով պակաս է ստացվում արարքը կատարելու պահին ՀՀ-ում սահմանված նվազագույն աշխատավարձի չափից։
(տե՛ս դատական նիստի արձանագրություն)

Դատարանի իրավական վերլուծությունը.
23. Ներկայացված մեղադրանքը մեղադրյալի կողմից ընդունելու և գործը արագացված վարույթով քննելու պայմաններում՝ Դատարանը, գործով ձեռքբերված ապացույցների ընդհանուր կարգով սահմանված հետազոտություն չկատարելով, արձանագրում է, որ՝
-մեղադրյալ Արթուր Լևոնի Բաղդասարյանը կատարել է իրեն մեղսագրված հանցանքը, այն ճիշտ է որակված և համապատասխանում է ՀՀ քրեական օրենսգրքի 43-254-րդ հոդվածի 2-րդ մասի 1-ին կետով նախատեսված հանցագործության հատկանիշներին,
- մեղադրյալ Էդուարդ Արմենի Մանուկյանը կատարել է իրեն մեղսագրված հանցանքը, այն ճիշտ է որակված և համապատասխանում է ՀՀ քրեական օրենսգրքի 43-254-րդ հոդվածի 2-րդ մասի 1-ին կետով նախատեսված հանցագործության հատկանիշներին:
24. Հաստատված համարելով մեղադրյալների մեղավորությունն իրենց մեղսագրված հանցանքի կատարման մեջ՝ Դատարանը գտնում է, որ անհրաժեշտ է անդրադառնալ նրանց նկատմամբ պատիժ նշանակելու հետ կապված հետևյալ հարցերին.
ա) արդյո՞ք ապացուցված են պատասխանատվությունը և պատիժը մեղմացնող կամ ծանրացնող հանգամանքները.
բ) ենթակա են արդյո՞ք պատժի իրենց կատարած հանցանքի համար.
գ) ի՞նչ պատիժ պետք է նշանակվի նրանց նկատմամբ.
դ) արդյո՞ք պետք է կրեն իրենց նկատմամբ նշանակված պատիժը.

I. Մեղադրյալ Արթուր Լևոնի Բաղդասարյանի քրեական պատասխանատվության հարցը.
25. Անդրադառնալով «ա» կետով բարձրացված հարցին՝ Դատարանն անհրաժեշտ է համարում նշել հետևյալը.
ՀՀ քրեական օրենսգրքի 70-րդ հոդվածի համաձայն`
«1. Քրեական պատասխանատվությունը կամ պատիժը մեղմացնող հանգամանքներ են՝
(…)
4) պատիժ նշանակելու պահին հանցանք կատարած անձի խնամքի տակ անչափահասի կամ հաշմանդամություն ունեցող անձի առկայությունը, բացառությամբ այն դեպքերի, երբ հանցանքը կատարվել է խնամքի տակ գտնվող անձի նկատմամբ,
(…)
2. Պատիժ նշանակելիս դատարանը կարող է հաշվի առնել նաև սույն հոդվածի 1-ին մասով չնախատեսված մեղմացնող այլ հանգամանքներ:»:
ՀՀ քրեական օրենսգրքի 71-րդ հոդվածի համաձայն`
«1. Քրեական պատասխանատվությունը կամ պատիժը ծանրացնող հանգամանքներ են՝
1) հանցանքը դատվածություն ունեցող անձի կողմից կատարելը,
(…)»։
25.1. Դատարանը որպես մեղադրյալ Արթուր Լևոնի Բաղդասարյանի պատիժը մեղմացնող հանգամանք է դիտարկում այն, որ՝
- պատիժ նշանակելու պահին վերջինիս խնամքին են գտնվում չորս անչափահաս երեխաներ (տե՛ս սույն դատավճռի 17-20-րդ կետերը),
- ներկայացված մեղադրանքում իրեն մեղավոր է ճանաչել, տվել խոստովանական ցուցմունք և զղջացել է իր կատարած արարքի համար (տե՛ս, mutatis mutandis, Սերոբ Սարգսյանի գործով Վճռաբեկ դատարանի՝ 2012 թվականի նոյեմբերի 1-ի թիվ ՍԴ/0109/01/12 որոշման 26-րդ կետը)։
25․2․Դատարանն արձանագրում է, որ մեղադրյալ Արթուր Լևոնի Բաղդասարյանի պատասխանատվությունը կամ պատիժը ծանրացնող հանգամանք է արարքը կատարելու պահին դատվածություն ունենալը (տե՛ս սույն դատավճռի 13-13.1-րդ կետը)։
26. Անդրադառնալով «բ» կետով բարձրացված հարցին՝ Դատարանն արձանագրում է, որ սույն քրեական գործով մեղադրյալ Արթուր Լևոնի Բաղդասարյանին պատժից ազատելու հիմքեր առկա չեն, հետևաբար՝ նա ենթակա է պատժի իր կատարած հանցանքի համար։
27․Անդրադառնալով «գ» կետով բարձրացված հարցին՝ Դատարանն անհրաժեշտ է համարում նշել հետևյալը.
ՀՀ քրեական օրենսգրքի 254-րդ համաձայն՝
«(...)
2. Գողությունը, որը կատարվել է՝
1) մի խումբ անձանց կողմից նախնական համաձայնությամբ,
(...)
պատժվում է տուգանքով` քսանապատիկից հիսնապատիկի չափով, կամ հանրային աշխատանքներով՝ հարյուր հիսունից երկու հարյուր յոթանասուն ժամ տևողությամբ, կամ ազատության սահմանափակմամբ՝ մեկից երեք տարի ժամկետով, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ` երկուսից հինգ տարի ժամկետով»:
ՀՀ քրեական օրենսգրքի 43-րդ հոդվածի 1-ին մասի համաձայն՝
«Հանցագործության նախապատրաստություն է համարվում դիտավորությամբ հանցանք կատարելու համար գործիք կամ միջոց ձեռք բերելը, գործիքը կամ միջոցը հարմարեցնելը կամ դիտավորությամբ այլ պայման ստեղծելը, եթե անձն իր կամքից անկախ հանգամանքներով չի կարողանում սկսել դիտավորության մեջ ընդգրկված հանցանքի օբյեկտիվ կողմի կատարումը»:
ՀՀ քրեական օրենսգրքի 7-րդ հոդվածի 1-ին մասի համաձայն՝
«Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»:
ՀՀ քրեական օրենսգրքի 55-րդ հոդվածի 2-րդ մասի համաձայն՝
«Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ (…):»:
ՀՀ քրեական օրենսգրքի 73-րդ հոդվածի համաձայն՝
«1. Չավարտված հանցագործության համար պատիժ նշանակելիս հաշվի են առնվում հանցավորի արարքի բնույթն ու վտանգավորության աստիճանը, հանցավոր մտադրության իրականացման աստիճանը և այն հանգամանքները, որոնց հետևանքով հանցագործությունն ավարտին չի հասցվել: Համաձայնությամբ տուգանք նշանակելու վարույթով սույն հոդվածում նշված կանոնները չեն կիրառվում։
2. Ոչ մեծ և միջին ծանրության հանցագործությունների նախապատրաստության համար ազատազրկում չի նշանակվում:
(…)»:
ՀՀ քրեական դատավարության օրենսգրքի 464.4-րդ հոդվածի 2-րդ մասի համաձայն՝
«Դատարանը արագացված վարույթի արդյունքով մեղադրական դատավճիռ կայացնելիս նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի ընդհանուր մասի վերաբերելի դրույթները»։
ՀՀ քրեական օրենսգրքի 77-րդ հոդվածի 4.1-ին մասի համաձայն՝
«Արագացված վարույթ կիրառելու դեպքում պատիժը չի կարող գերազանցել սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի համար նախատեսված առավելագույն չափի կամ ժամկետի երեք քառորդը։ Եթե առավել խիստ պատժատեսակի երեք քառորդը պակաս է ստացվում սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի նվազագույն չափից կամ ժամկետից, ապա այն չի կարող պակաս լինել նվազագույն չափից կամ ժամկետից»։
26․1․ Պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են՝
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
Պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն։
Նշանակվող պատժի արդարացիության հիմնական պահանջներից է այն, որ պատիժը պետք է համապատասխանի հանցագործության հանրային վտանգավորության աստիճանին և բնույթին:
Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա:
Պատժի անհատականացման սկզբունքի բովանդակության հիմնական մասն է կազմում նաև հանցավորի անձը բնութագրող տվյալների գնահատումը, որոնք իրենց ամբողջության մեջ հնարավորություն են տալիս անձին դիտել ոչ միայն որպես հանցանք կատարող, որը պետք է պատասխանատվություն կրի, այլ նաև որպես կոնկրետ անձ՝ իր անհատական հատկանիշներով: Ընդ որում՝ անձի այն հատկանիշները, որոնք գտնվում են հանցակազմից դուրս, նշանակություն են ունենում դատարանի կողմից պատժի տեսակը և չափը որոշելիս: Որպես հանցավորի անձը բնութագրող հատկանիշներ՝ գնահատվում են նրա սոցիալ-հոգեբանական, սոցիալ-ժողովրդագրական հատկությունները՝ վարքագիծն ընտանիքում և կենցաղում, աշխատանքի նկատմամբ ունեցած վերաբերմունքը, կրթությունը, առողջական վիճակը, տարիքը, ծառայությունը պետության և հասարակության առջև և այլն:
Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում՝ հանցավորի կատարած արարքը և հանցագործությանը նրա մասնակցության աստիճանը:
Արարքի հանրային վտանգավորության բնույթի որոշման հարցում կարևորվում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը: Պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը:
26.2. Վերը մեջբերված իրավական նորմերի և դիրքորոշումների համատեքստում մեղադրյալ Արթուր Բաղդասարյանի նկատմամբ պատժի տեսակը և չափը որոշելիս Դատարանը հաշվի է առնում հետևյալը.
- նրա կողմից ՀՀ քրեական օրենսգրքի 43-254-րդ հոդվածի 2-րդ մասի 1-ին կետով կատարված հանցագործության բնույթը և հանրության համար վտանգավորության աստիճանը, մասնավորապես այն, որ նրան մեղսագրված արարքը սեփականության դեմ ուղղված, դիտավորյալ, մի խումբ անձանց կողմից նախնական համաձայնությամբ կատարված միջին ծանրության հանցագործություն է, ավարտվել է նախապատրաստության փուլում,
- խախտված հասարակական հարաբերության սոցիալական նշանակությունը,
- այդ ոլորտում պետության քրեական քաղաքականության ուղղվածությունը,
- հանցանքը կատարելուց հետո մեղադրյալի դրսևորած վարքագիծը,
- պատասխանատվությունը կամ պատիժը մեղմացնող սույն դատավճռի 25․1-րդ կետում նշված հանգամանքները, ինչպես նաև պատասխանատվությունը կամ պատիժը ծանրացնող սույն դատավճռի 25․2-րդ կետում նշված հանգամանքը,
- անձը բնութագրող հանգամանքները, այդ թվում՝ տարիքը, ընտանեկան և գույքային դրությունը։
Վերոգրյալի համատեքստում Դատարանը հաշվի է առնում նաև այն, որ մեղադրյալ Արթուր Բաղդասարյանը հայտնել է, որ իր գույքային դրությամբ պայմանավորված՝ չի կարող տուգանքի ձևով նշանակվելիք պատիժը կրել և չի ցանկանում, որպեսզի իր նկատմամբ հանրային աշխատանքների ձևով պատիժ նշանակվի: Վերոգրյալի հաշվառմամբ՝ Դատարանը հանգում է այն հետևության, որ տվյալ դեպքում մեղադրյալ Արթուր Բաղդասարյանի նկատմամբ սանկցիայով նախատեսված պատժատեսակներից ազատության սահմանափակման միջոցով է հնարավոր ապահովել պատժի նպատակների իրացվելիությունը:
26.3. ՀՀ քրեական օրենսգրքի 64-րդ հոդվածի համաձայն.
«1. Ազատության սահմանափակումը դատապարտյալին առանց ուսումնառությունից կամ աշխատանքից կտրելու տնային պայմաններում հսկողության տակ պահելն է:
2. Ազատության սահմանափակումը նշանակվում է ոչ մեծ և միջին ծանրության հանցագործությունների համար` 6 ամսից 3 տարի ժամկետով: Դատարանը, ազատության սահմանափակում նշանակելով, արգելում է հանցանք կատարած անձին այցելել տարբեր ժամանցային կամ այլ հաստատություններ, կազմակերպել, մասնակցել կամ այցելել որոշակի միջոցառումների կամ առանց դատապարտյալի նկատմամբ վերահսկողություն իրականացնող իրավասու մարմնի համաձայնության փոխել բնակության վայրը կամ որոշակի ժամերի բացակայել տնից: Դատարանը, ազատության սահմանափակում նշանակելով, դատապարտյալի նկատմամբ սահմանում է սույն մասով սահմանված արգելքներից մեկը կամ մի քանիսը։
3. Դատարանի նշանակած արգելքները չեն կարող սահմանափակել դատապարտյալի հետ համատեղ բնակվող անձանց ազատության կամ այլ անձանց հետ հաղորդակցվելու իրավունքը։
4. Որոշակի ժամերի տնից բացակայելու արգելքը չի կարող պակաս լինել օրական 8 և չի կարող ավելի լինել օրական 12 ժամից:
(...)
6. Սույն հոդվածով նախատեսված պատժից դատապարտյալի խուսափելու դեպքում այն փոխարինվում է ազատազրկմամբ` ազատության սահմանափակման 2 օրը հաշվարկելով ազատազրկման 1 օրվա դիմաց: Ազատության սահմանափակումն ազատազրկմամբ փոխարինելիս ազատազրկման ժամկետը չի կարող գերազանցել այն հոդվածի սանկցիայով տվյալ պատժատեսակի համար նախատեսված առավելագույն ժամկետը, որով նախատեսված հանցագործության համար անձը դատապարտվել է: Եթե հաշվարկի արդյունքով ազատազրկման ժամկետը պակաս է ստացվում այն հոդվածի սանկցիայով տվյալ պատժատեսակի համար նախատեսված նվազագույն ժամկետից, որով նախատեսված հանցագործության համար անձը դատապարտվել է, ապա պատիժը նշանակվում է հաշվարկի արդյունքով ստացված ժամկետի չափով:
7. Սույն հոդվածի 6-րդ մասով նախատեսված կանոնով է իրականացվում հաշվարկը նաև այն դեպքում, երբ սույն օրենսգրքի Հատուկ մասի սանկցիայով ազատազրկում նախատեսված չէ: Այդ դեպքում ազատազրկման ժամկետը չի կարող գերազանցել 1 տարին:
8. Սույն հոդվածի իմաստով՝ պատժից խուսափող է համարվում այն դատապարտյալը, որը երկու և ավելի անգամ խախտել է դատարանի սահմանած արգելքը:»:
ՀՀ քրեական օրենսգրքի 79-րդ հոդվածի համաձայն․
«(...)
3. Մինչև դատավճռի օրինական ուժի մեջ մտնելը, անկախ Հայաստանի Հանրապետության իրավազորությունից, փաստացի անազատության մեջ գտնվելու ժամկետը հաշվակցվում է կարճաժամկետ ազատազրկման, կարգապահական գումարտակում պահելու, ազատազրկման ձևով նշանակված պատժին` 1 օրը հաշվելով 1 օրվա դիմաց, ազատության սահմանափակման ձևով նշանակված պատժին՝ 1 օրը հաշվելով 2 օրվա դիմաց, իսկ հանրային աշխատանքների դեպքում՝ 1 օրը 8 ժամի դիմաց:(...)»
ՀՀ քրեական օրենսգրքի 59-րդ հոդվածի համաձայն․
«(...)
8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում(...)»:
27. Այսպիսով՝ Դատարանը գտնում է, որ մեղադրյալ Արթուր Բաղդասարյանի նկատմամբ ՀՀ քրեական օրենսգրքի 43-254-րդ հոդվածի 2-րդ մասի 1-ին կետով նախատեսված արարքի կատարման համար անհրաժեշտ է որպես պատիժ սահմանել ազատության սահմանափակում՝ 6 (վեց) ամիս ժամկետով նրան արգելելով՝
- առանց դատապարտյալի նկատմամբ վերահսկողություն իրականացնող իրավասու մարմնի համաձայնության փոխել բնակության վայրը,
- ժամը 23:00-ից մինչև 07:00-ն ընկած ժամանակահատվածում բացակայել տնից:
ՀՀ քրեական օրենսգրքի 79-րդ հոդվածի կիրառմամբ անհրաժեշտ է նշանակված պատժին հաշվակցել մեղադրյալ Արթուր Լևոնի Բաղդասարյանին անազատության մեջ պահելու 3 (երեք) oրը և վերջնական պատիժ սահմանել ազատության սահմանափակում՝ 5 (հինգ) ամիս 24 (քսանչորս) օր ժամկետով:
ՀՀ քրեական օրենսգրքի 74-րդ և 75-րդ հոդվածների կիրառմամբ` նշանակված պատժին անհրաժեշտ է գումարել թիվ ԵԴ1/2495/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի 2025 թվականի փետրվարի 28-ի դատավճռով Արթուր Լևոնի Բաղդասարյանի նկատմամբ որպես վերջնական պատիժ նշանակված 850.000 (ութ հարյուր հիսուն հազար) ՀՀ դրամի չափով տուգանքը և վերջնական պատիժ սահմանել տուգանք՝ 850.000 (ութ հարյուր հիսուն հազար) ՀՀ դրամի չափով և ազատության սահմանափակում՝ 5 (հինգ) ամիս 24 (քսանչորս) օր ժամկետով:
Միևնույն ժամանակ նկատի ունենալով մեղադրյալի գույքային դրությունը, մշտական աշխատանք չունենալը՝ հիմնավորված է գնահատում տուգանքի սահմանված գումարն անհապաղ և ամբողջությամբ վճարելու անհնարինության վերաբերյալ մեղադրյալի փաստարկներները։ Հետևաբար՝ ղեկավարվելով ՀՀ քրեական օրենսգրքի 59-րդ հոդվածի 8-րդ մասով՝ Դատարանը գտնում է, որ առկա են հիմքեր մեղադրյալին թույլատրելու նշանակված տուգանքը վճարել 1 (մեկ) տարվա ընթացքում՝ դրա սկիզբը հաշվելով Երևան քաղաքի առաջին ատյանի ընդհանուր իրավասության դատարանի 2025 թվականի փետրվարի 28-ի թիվ ԵԴ1/2495/01/24 դատավճռի կատարման սկզբնապահից:
28. Անդրադառնալով «դ» կետով բարձրացված հարցին՝ Դատարանը գտնում է, որ մեղադրյալ Արթուր Լևոնի Բաղդասարյանը պետք է կրի իր նկատմամբ նշանակված պատիժը:

II. Մեղադրյալ Էդուարդ Արմենի Մանուկյանի քրեական պատասխանատվության հարցը.
29. Անդրադառնալով «ա» կետով բարձրացված հարցին և հիմք ընունելով սույն դատավճռի 25-րդ կետում մեջբերած նորմերը՝ Դատարանն անհրաժեշտ է համարում նշել հետևյալը.
29.1. ՝ Դատարանը որպես մեղադրյալ Էդուարդ Արմենի Մանուկյանի պատիժը մեղմացնող հանգամանք է դիտարկում այն, որ՝
- պատիժ նշանակելու պահին վերջինիս խնամքին է գտնվում երկու անչափահաս երեխա (տե՛ս սույն դատավճռի 15-16-րդ կետերը),
- ներկայացված մեղադրանքում իրեն մեղավոր է ճանաչել, տվել խոստովանական ցուցմունք և զղջացել է իր կատարած արարքի համար (տե՛ս, mutatis mutandis, Սերոբ Սարգսյանի գործով Վճռաբեկ դատարանի՝ 2012 թվականի նոյեմբերի 1-ի թիվ ՍԴ/0109/01/12 որոշման 26-րդ կետը)։
29․2․Դատարանն արձանագրում է, որ մեղադրյալ Էդուարդ Արմենի Մանուկյանի պատասխանատվությունը կամ պատիժը ծանրացնող հանգամանքներ առկա չեն։
30. Անդրադառնալով «բ» կետով բարձրացված հարցին՝ Դատարանն արձանագրում է, որ սույն քրեական գործով մեղադրյալ Էդուարդ Արմենի Մանուկյանին պատժից ազատելու հիմքեր առկա չեն, հետևաբար՝ նա ենթակա է պատժի իր կատարած հանցանքի համար։
31․Անդրադառնալով «գ» կետով բարձրացված հարցին և հիմք ընունելով սույն դատավճռի 27-րդ կետում մեջբերած նորմերը՝ Դատարանը մեղադրյալ Էդուարդ Մանուկյանի նկատմամբ պատժի տեսակը և չափը որոշելիս Դատարանը հաշվի է առնում հետևյալը.
- նրա կողմից ՀՀ քրեական օրենսգրքի 43-254-րդ հոդվածի 2-րդ մասի 1-ին կետով կատարված հանցագործության բնույթը և հանրության համար վտանգավորության աստիճանը, մասնավորապես այն, որ նրան մեղսագրված արարքը սեփականության դեմ ուղղված, դիտավորյալ, մի խումբ անձանց կողմից նախնական համաձայնությամբ կատարված միջին ծանրության հանցագործություն է, ավարտվել է նախապատրաստության փուլում,
- խախտված հասարակական հարաբերության սոցիալական նշանակությունը,
- այդ ոլորտում պետության քրեական քաղաքականության ուղղվածությունը,
- հանցանքը կատարելուց հետո մեղադրյալի դրսևորած վարքագիծը,
- պատասխանատվությունը կամ պատիժը մեղմացնող սույն դատավճռի 29․1-րդ կետում նշված հանգամանքները, ինչպես նաև պատասխանատվությունը կամ պատիժը ծանրացնող հանգամանքների բացակայությունը,
- անձը բնութագրող հանգամանքները, այդ թվում՝ տարիքը, ընտանեկան և գույքային դրությունը։
Վերոգրյալի համատեքստում Դատարանն արձանագրում է նաև, որ մեղադրյալ Էդուարդ Մանուկյանը հայտնել է, որ իր ընտանեկան դրությամբ պայմանավորված՝ չի կարող տուգանքի ձևով նշանակվելիք պատիժը կրել, իսկ իր իր ընտանիքի կարիքները հոգալու համար աշխատելու անհրաժեշտությամբ պայմանավորված չի կարող հանրային աշխատանքներ պատժատեսակը կրել։
Վերոգրյալի հաշվառմամբ՝ Դատարանը հանգում է այն հետևության, որ տվյալ դեպքում մեղադրյալ Էդուրադ Մանուկյանի նկատմամբ սանկցիայով նախատեսված պատժատեսակներից ազատության սահմանափակման միջոցով է հնարավոր ապահովել պատժի նպատակների իրացվելիությունը:
32. Հիմք ընունելով սույն դատավճռի 26.3-րդ կետում մեջբերած նորմերը՝ Դատարանը գտնում է, որ մեղադրյալ Էդուարդ Մանուկյանի նկատմամբ ՀՀ քրեական օրենսգրքի 43-254-րդ հոդվածի 2-րդ մասի 1-ին կետով նախատեսված արարքի կատարման համար անհրաժեշտ է որպես պատիժ սահմանել ազատության սահմանափակում՝ 6 (վեց) ամիս ժամկետով նրան արգելելով՝
- առանց դատապարտյալի նկատմամբ վերահսկողություն իրականացնող իրավասու մարմնի համաձայնության փոխել բնակության վայրը,
- ժամը 23:00-ից մինչև 07:00-ն ընկած ժամանակահատվածում բացակայել տնից:
ՀՀ քրեական օրենսգրքի 79-րդ հոդվածի կիրառմամբ անհրաժեշտ է նշանակված պատժին հաշվակցել մեղադրյալ Էդուարդ Արմենի Մանուկյանին անազատության մեջ պահելու 3 (երեք) oրը և վերջնական պատիժ սահմանել ազատության սահմանափակում՝ 5 (հինգ) ամիս 24 (քսանչորս) օր ժամկետով:
ՀՀ քրեական օրենսգրքի 74-րդ հոդվածի 11-րդ մասի կիրառմամբ` նշանակված պատժին գումարել թիվ ԵԴ1/3801/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի 2024 թվականի դեկտեմբերի 30-ի դատավճռով Էդուարդ Արմենի Մանուկյանի նկատմամբ որպես պատիժ նշանակված 375.000 (երեք հարյուր յոթանասունհինգ հազար) ՀՀ դրամի չափով տուգանքը և վերջնական պատիժ սահմանել ազատության սահմանափակում՝ 5 (հինգ) ամիս 24 (քսանչորս) օր ժամկետով և տուգանք՝ 375.000 (երեք հարյուր յոթանասունհինգ հազար) ՀՀ դրամի չափով:
Միևնույն ժամանակ նկատի ունենալով մեղադրյալի գույքային դրությունը, մշտական աշխատանք չունենալը՝ հիմնավորված է գնահատում տուգանքի սահմանված գումարն անհապաղ և ամբողջությամբ վճարելու անհնարինության վերաբերյալ մեղադրյալի փաստարկներները։ Հետևաբար՝ ղեկավարվելով ՀՀ քրեական օրենսգրքի 59-րդ հոդվածի 8-րդ մասով՝ Դատարանը գտնում է, որ առկա են հիմքեր մեղադրյալին թույլատրելու նշանակված տուգանքը վճարել մաս առ մաս՝ 12 (տասներկու) ամիսների ընթացքում՝ ամսական հավասարաչափ՝ 31.250-ական (երեսունմեկ հազար երկու հարյուր հիսուն) ՀՀ դրամ գումարի չափով վճարումներով՝ դրա սկիզբը հաշվելով Երևան քաղաքի առաջին ատյանի ընդհանուր իրավասության քրեական դատարանի 2024 թվականի դեկտեմբերի 30-ի թիվ ԵԴ1/3801/01/24 քրեական գործով դատավճռի կատարման սկզբնապահից:
33. Անդրադառնալով «դ» կետով բարձրացված հարցին՝ Դատարանը գտնում է, որ մեղադրյալ Էդուարդ Արմենի Խաչատրյանը պետք է կրի իր նկատմամբ նշանակված պատիժը:

Այլ վերաբերելի հարցեր․
34. Անդրադառնալով մեղադրյալ Արթուր Լևոնի Բաղդասարյանի նկատմամբ կիրառված խափանման միջոցին՝ բացակայելու արգելքին, Դատարանը գտնում է, որ մինչև սույն դատավճռի օրինական ուժի մեջ մտնելը նրա նկատմամբ ընտրված խափանման միջոցը պետք է թողնել անփոփոխ՝ դատական ակտի հնարավոր բողոքարկման դեպքում մեղադրյալի դատավարական պարտականությունների պատշաճ կատարումն ապահովելու համար:
35. Անդրադառնալով մեղադրյալ Էդուարդ Արմենի Մանուկյանի նկատմամբ կիրառված խափանման միջոցին՝ բացակայելու արգելքին, Դատարանը գտնում է, որ մինչև սույն դատավճռի օրինական ուժի մեջ մտնելը նրա նկատմամբ ընտրված խափանման միջոցը պետք է թողնել անփոփոխ՝ դատական ակտի հնարավոր բողոքարկման դեպքում մեղադրյալի դատավարական պարտականությունների պատշաճ կատարումն ապահովելու համար:
36. Անդրադառնալով իրեղեն ապացույցի տնօրինման հարցին՝ հաշվի հառնելով, որ քրեական գործով առկա է անջատված մաս՝ Նախաքննության մարմնի 2025 թվականի մայիսի 2-ի որոշմամբ իրեղեն ապացույց ճանաչված՝ Արթուր Լևոնի Բաղդասարյանի և Էդուարդ Արմենի Մանուկյանի անձնական խուզարկությամբ հայտնաբերված երկաթյա ձողը, կոթային կանաչ հատվածով պտուտակիչը, փայտե կոթով երկաթյա գործիքը, թվով չորս սև ձեռնոցները, թվով երկու բժշկական դիմակները, ռացիա սարքը և ռացիայի անտենան ոչնչացնել:
37. Անդրադառնալով արտավարութային փաստաթղթեր ճանաչված ապացույցներին՝ Դատարանը գտնում է, որ դրանք անհրաժեշտ է պահել գործի նյութերի հետ՝ դրանք պահելու ամբողջ ընթացքում:
38. Քրեական գործով գույքային հայց չի ներկայացվել, իսկ արագացված վարույթ կիրառելու դեպքում վարույթային ծախսերը մեղադրյալից ենթակա չեն բռնագանձման, որպիսի պայմաններում հիշյալ հարցերը Դատարանը համարում է լուծված։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 100-րդ, 167-րդ, 270-րդ, 346-350-րդ, 464.1-464.5-րդ հոդվածներով՝ Դատարանը՝

Վ Ճ Ռ Ե Ց
1. Մեղադրյալ Արթուր Լևոնի Բաղդասարյանին մեղավոր ճանաչել ՀՀ քրեական օրենսգրքի 43-254-րդ հոդվածի 2-րդ մասի 1-ին կետով և դատապարտել ազատության սահմանափակման՝ 6 (վեց) ամիս ժամկետով՝ նրան արգելելով
- առանց դատապարտյալի նկատմամբ վերահսկողություն իրականացնող իրավասու մարմնի համաձայնության փոխել բնակության վայրը,
- ժամը 23:00-ից մինչև 07:00-ն ընկած ժամանակահատվածում բացակայել տնից:
ՀՀ քրեական օրենսգրքի 79-րդ հոդվածի կիրառմամբ՝ նշանակված պատժին հաշվակցել մեղադրյալ Արթուր Լևոնի Բաղդասարյանին անազատության մեջ պահելու 3 (երեք) oրը և վերջնական պատիժ սահմանել ազատության սահմանափակում՝ 5 (հինգ) ամիս 24 (քսանչորս) օր ժամկետով:
1.1. ՀՀ քրեական օրենսգրքի 74-րդ և 75-րդ հոդվածների կիրառմամբ` նշանակված պատժին գումարել թիվ ԵԴ1/2495/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի 2025 թվականի փետրվարի 28-ի դատավճռով Արթուր Լևոնի Բաղդասարյանի նկատմամբ որպես պատիժ նշանակված 850.000 (ութ հարյուր հիսուն հազար) ՀՀ դրամի չափով տուգանքը և վերջնական պատիժ սահմանել տուգանք՝ 850.000 (ութ հարյուր հիսուն հազար) ՀՀ դրամի չափով և ազատության սահմանափակում՝ 5 (հինգ) ամիս 24 (քսանչորս) օր ժամկետով:
1.2. ՀՀ քրեական օրենսգրքի 59-րդ հոդվածի 8-րդ մասի կիրառմամբ՝ Արթուր Լևոնի Բաղդասարյանին թույլատրել դատավճռով նշանակված տուգանքը վճարել 1 (մեկ) տարվա ընթացքում՝ դրա սկիզբը հաշվելով Երևան քաղաքի առաջին ատյանի ընդհանուր իրավասության քրեական դատարանի 2025 թվականի փետրվարի 28-ի թիվ ԵԴ1/2495/01/24 քրեական գործով դատավճռի կատարման սկզբնապահից:
2. Մեղադրյալ Էդուարդ Արմենի Մանուկյանին մեղավոր ճանաչել ՀՀ քրեական օրենսգրքի 43-254-րդ հոդվածի 2-րդ մասի 1-ին կետով և դատապարտել ազատության սահմանափակման՝ 6 (վեց) ամիս ժամկետով՝ նրան արգելելով
- առանց դատապարտյալի նկատմամբ վերահսկողություն իրականացնող իրավասու մարմնի համաձայնության փոխել բնակության վայրը,
- ժամը 23:00-ից մինչև 07:00-ն ընկած ժամանակահատվածում բացակայել տնից:
ՀՀ քրեական օրենսգրքի 79-րդ հոդվածի կիրառմամբ՝ նշանակված պատժին հաշվակցել մեղադրյալ Էդուարդ Արմենի Մանուկյանին անազատության մեջ պահելու 3 (երեք) oրը և վերջնական պատիժ սահմանել ազատության սահմանափակում՝ 5 (հինգ) ամիս 24 (քսանչորս) օր ժամկետով:
2.1. ՀՀ քրեական օրենսգրքի 74-րդ հոդվածի 11-րդ մասի կիրառմամբ` նշանակված պատժին գումարել թիվ ԵԴ1/3801/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի 2024 թվականի դեկտեմբերի 30-ի դատավճռով Էդուարդ Արմենի Մանուկյանի նկատմամբ որպես պատիժ նշանակված 375.000 (երեք հարյուր յոթանասունհինգ հազար) ՀՀ դրամի չափով տուգանքը և վերջնական պատիժ սահմանել ազատության սահմանափակում՝ 5 (հինգ) ամիս 24 (քսանչորս) օր ժամկետով և տուգանք՝ 375.000 (երեք հարյուր յոթանասունհինգ հազար) ՀՀ դրամի չափով:
2.2. ՀՀ քրեական օրենսգրքի 59-րդ հոդվածի 8-րդ մասի կիրառմամբ Էդուարդ Արմենի Մանուկյանին թույլատրել դատավճռով նշանակված տուգանքը վճարել մաս առ մաս՝ 12 (տասներկու) ամիսների ընթացքում՝ ամսական հավասարաչափ՝ 31.250-ական (երեսունմեկ հազար երկու հարյուր հիսուն) ՀՀ դրամ գումարի չափով վճարումներով՝ դրա սկիզբը հաշվելով Երևան քաղաքի առաջին ատյանի ընդհանուր իրավասության քրեական դատարանի 2024 թվականի դեկտեմբերի 30-ի թիվ ԵԴ1/3801/01/24 քրեական գործով դատավճռի կատարման սկզբնապահից:
3. Նախաքննության մարմնի 2025 թվականի մայիսի 2-ի որոշմամբ որպես իրեղեն ապացույց ճանաչված՝ Արթուր Լևոնի Բաղդասարյանի և Էդուարդ Արմենի Մանուկյանի անձնական խուզարկությամբ հայտնաբերված երկաթյա ձողը, կոթային կանաչ հատվածով պտուտակիչը, փայտե կոթով երկաթյա գործիքը, թվով չորս սև ձեռնոցները, թվով երկու բժշկական դիմակները, ռացիա սարքը և ռացիայի անտենան ոչնչացնել:
4. Մեղադրյալ Արթուր Լևոնի Բաղդասարյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը:
5. Մեղադրյալ Էդուարդ Արմենի Մանուկյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը:
6. Դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` ստանալու օրվանից հետո՝ մեկամսյա ժամկետում:
7․ Դատավճիռը չի կարող բողոքարկվել ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերով:

ԴԱՏԱՎՈՐ ԱՆԻ ԴԱՆԻԵԼՅԱՆ