ԵԴ1/1696/01/25



ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ
ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

Ո Ր Ո Շ ՈՒ Մ

<<06>> հոկտեմբերի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան)

նախագահությամբ՝ դատավոր Գ.Ս.Պողոսյանի,
քարտուղարությամբ՝ Լ.Ալոյանի,
մասնակցությամբ՝
հանրային մեղադրող՝ Ա.Բարսեղյանի,
մեղադրյալ՝ Ա.Կոլոսովի,
պաշտպան՝ Կ.Մարգարյանի,

դռնբաց դատական նիստում, նախնական դատալսումների ընթացքում քննարկելով Ալեքսանդր Արմանի Կոլոսովի (ծնված՝ 2006 թվականի հոկտեմբերի 14-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, հանդիսանում է թիվ 28233 զորամասի ուսումնական գումարտակի 4-րդ վաշտի ժամկետային զինծառայող, կոչումով շարքային, հաշվառված և փաստացի բնակվել է՝ Երևան քաղաքի Նոր Նորքի 8-րդ զանգված, 2-րդ շրջադարձային, 1-ին շենքի 23-րդ բնակարան հասցեում) նկատմամբ ՀՀ քրեական օրենսգրքի 461-րդ հոդվածի 1-ին մասով քրեական հետապնդումը դադարեցնելու և թիվ ԵԴ1/1696/01/25 քրեական գործի վարույթը կարճելու հարցը,

ՊԱՐԶԵՑ

Գործի դատավարական նախապատմությունը.
1. 2025 թվականի փետրվարի 12-ին ՀՀ քննչական կոմիտեի զինվորական քննչական գլխավոր վարչության չորրորդ կայազորային քննչական բաժնի ՀԿԳ քննիչ Կարեն Կարապետյանի կողմից կազմված <<Քրեական վարույթ նախաձեռնելու մասին>> արձանագրության համաձայն՝ ՀՀ քրեական օրենսգրքի 461-րդ հոդվածի 1-ին մասով նախաձեռնվել է թիվ 90259025 քրեական վարույթը:
2025 թվականի ապրիլի 28-ին Երևանի կայազորի զինվորական դատախազության դատախազ Ա.Բարսեղյանի կողմից կայացված <<Հանրային քրեական հետապնդում հարուցելու մասին>> որոշմամբ որոշվել է՝ Ալեքսանդր Արմանի Կոլոսովի նկատմամբ հարուցել հանրային քրեական հետապնդում՝ ՀՀ քրեական օրենսգրքի 461-րդ հոդվածի 1-ին մասով, որը վերջինիս ներկայացվել է 2025 թվականի ապրիլի 30-ին:
2025 թվականի ապրիլի 30-ին ՀՀ քննչական կոմիտեի զինվորական քննչական գլխավոր վարչության չորրորդ կայազորային քննչական բաժնի ՀԿԳ քննիչ Կ.Կարապետյանի կողմից կայացված <<Խափանման միջոց կիրառելու մասին>> որոշմամբ՝ մեղադրյալ Ալեքսանդր Արմանի Կոլոսովի նկատմամբ որպես այլընտրանքային խափանման միջոց է կիրառվել բացակայելու արգելքը:
2025 թվականի մայիսի 08-ին Երևան կայազորի զինվորական դատախազության դատախազ Ա.Բարսեղյանի կողմից կայացված <<Մեղադրական եզրակացությունը հաստատելու մասին>> որոշմամբ՝ հաստատվել է թիվ 90259025 քրեական վարույթով մեղադրական եզրակացությունը:
2025 թվականի մայիսի 14-ին Երևան քաղաքի առաջին ատյանի ընդհանուր իրավասության քրեական դատարան է ստացվել քրեական գործն ըստ մեղադրանքի Ալեքսանդր Արմանի Կոլոսովի՝ ՀՀ քրեական օրենսգրքի 461-րդ հոդվածի 1-ին մասով:
Քրեական գործին շնորհվել է թիվ ԵԴ1/1696/01/25 համարը:
2025 թվականի մայիսի 14-ին դատարաններում գործերի բաշխման հատուկ համակարգչային ծրագրի միջոցով քրեական գործը մակագրվել է դատավոր Գևորգ Պողոսյանին, իսկ 2025 թվականի մայիսի 15-ին հանձնվել է վերջինիս աշխատակազմին:
2025 թվականի մայիսի 19-ի Երևան քաղաքի առաջին ատյանի ընդհանուր իրավասության քրեական դատարանի դատավոր Գ.Ս.Պողոսյանի կողմից կայացված որոշմամբ՝ ստանձնվել է թիվ ԵԴ1/1696/01/25 քրեական գործով վարույթը և նախնական դատալսումներ է նշանակվել:

Մեղադրանքի փաստական նկարագրությունը և քրեական հետապնդումը դադարեցնելու ու գործի վարույթը կարճելու հարցի քննարկման համար նշանակություն ունեցող փաստերը.
2. Ալեքսանդր Արմանի Կոլոսովի նկատմամբ ՀՀ քրեական օրենսգրքի 461-րդ հոդվածի 1-ին մասով հանրային քրեական հետապնդում է հարուցվել այն բանի համար, որ <<[Ն]ա, հաշվառված լինելով ՀՀ ՊՆ Զ և ԶՀԾ Երևանի թիվ 3 տարածքային ստորաբաժանումում, ենթակա է եղել զորակոչի 2024 թվականի ձմեռային զորակոչին, որի ընթացքում ճանաչվել է սահմանափակումով պիտանի զինվորական ծառայության համար, սակայն հրաժարվել է զինվորական ծառայության զորակոչվելու վերաբերյալ ծանուցագիր ստանալուց և, խախտելով <<Զինվորական ծառայության և զինծառայողի կարգավիճակի մասին>> ՀՀ օրենքի 19-րդ հոդվածի 1-ին մասի պահանջները, մինչև զորակոչի ավարտը չի ներկայացել տարածքային ստորաբաժանում՝ այդպիսով խուսափել է պարտադիր զինվորական ծառայության հայտարարված 2024թ. ձմեռային զորակոչից՝ այդ զորակոչից տարկետում ստանալու կամ ծառայությունից ազատվելու օրենսդրությամբ սահմանված հիմքերի բացակայության դեպքում:>>:
2.1. ՀՀ քննչական կոմիտեի զինվորական քննչական գլխավոր վարչության չորրորդ կայազորային քննչական բաժնի պետին հասցեագրված՝ ՀՀ ՊՆ հանրապետական զինվորական կոմիսարիատի Երևանի թիվ 3 զինվորական կոմիսարի պարտականությունների ժամանակավոր կատարող Ա.Վարդերեսյանի 2025 թվականի հուլիսի 31-ի գրության համաձայն՝ թիվ 90259025 քրեական գործով մեղադրվող՝ 14.10.2006թ. ծնված Ալեքսանդր Արմանի Կոլոսովը 29.07.2025թ. զորակոչվել է ժամկետային պարտադիր զինվորական ծառայության 19791 զորամաս:
2.2. ՀՀ քննչական կոմիտեի զինվորական քննչական գլխավոր վարչության չորրորդ կայազորային քննչական բաժնի պետին հասցեագրված՝ 2025 թվականի հուլիսի 28-ի դիմումով թիվ 90259025 քրեական վարույթով մեղադրյալ Ալեքսանդր Արմանի Կոլոսովն, ի թիվս այլնի, հայտնել է, որ ստացել է ծանուցագիր 2025 թվականի հուլիսի 29-ին ՀՀ ԶՈՒ զորակոչվելու համար և չի առարկում, որպեսզի իր նկատմամբ հարուցված քրեական հետապնդումը դադարեցվի և քրեական գործի վարույթը կարճվի ցանկացած ոչ արդարացնող հիմքով:
Նախնական դատալսումների ընթացքում կողմերի հայտնած դիրքորոշումները.
3. Սույն քրեական գործով նախնական դատալսումների ընթացքում քննարկվել է Ալեքսանդր Արմանի Կոլոսովի նկատմամբ ՀՀ քրեական օրենսգրքի 461-րդ հոդվածի 1-ին մասով, նույն հոդվածի 4-րդ մասի ուժով քրեական հետապնդումը դադարեցնելու և թիվ ԵԴ1/1696/01/25 քրեական գործի վարույթը կարճելու հարցը:
Պաշտպան Կարինե Մարգարյանը հայտնել է, որ մեղադրյալ Ալեքսանդր Արմանի Կոլոսովի նկատմամբ հարուցված հանրային քրեական հետապնդումը ՀՀ քրեական օրենսգրքի 461-րդ հոդվածի 4-րդ մասի ուժով ենթակա է դադարեցման, իսկ թիվ ԵԴ1/1696/01/25 քրեական գործի վարույթը կարճման:
Մեղադրյալ Ալեքսանդր Արմանի Կոլոսովը հայտնել է, որ չի առարկում իր նկատմամբ հարուցված քրեական հետապնդումը ՀՀ քրեական օրենսգրքի 461-րդ հոդվածի 4-րդ մասի ուժով դադարեցնելու և թիվ ԵԴ1/1696/01/25 քրեական գործի վարույթը կարճելու դեմ: Նշել է նաև, որ գիտակցում է վերոհիշյալ հիմքով քրեական հետապնդման դադարեցման բնույթը և հետևանքը:
Հանրային մեղադրող Ա.Բարսեղյանը չի առարկել ՀՀ քրեական օրենսգրքի 461-րդ հոդվածի 4-րդ մասի ուժով մեղադրյալ Ալեքսանդր Արմանի Կոլոսովի նկատմամբ քրեական հետապնդումը դադարեցնելու և թիվ ԵԴ1/1696/01/25 քրեական գործի վարույթը կարճելու դեմ:
(Մանրամասն տե՛ս սույն դատական գործում առկա լազերային սկավառակը
և դատական նիստի արձանագրությունը)

Դատարանի իրավական վերլուծությունը և եզրահանգումը.
4. ՀՀ քրեական դատավարության օրենսգրքի 12-րդ հոդվածի համաձայն՝
<<1. Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե՝
(...)
12. անձը Հայաuտանի Հանրապետության քրեական oրենuգրքի ընդհանուր կամ հատուկ մասի դրույթների ուժով ենթակա է ազատման քրեական պատաuխանատվությունից:(...)>>:
ՀՀ քրեական դատավարության օրենսգրքի 13-րդ հոդվածի համաձայն՝
<<1. Քրեական վարույթը ենթակա է կարճման, եթե՝
(...)
3) կայացվել է անձի նկատմամբ քրեական հետապնդում չհարուցելու կամ մեղադրյալի նկատմամբ քրեական հետապնդումը դադարեցնելու մասին որոշում, և սպառվել են վարույթը շարունակելու բոլոր հնարավորությունները:(...)>>:
ՀՀ քրեական դատավարության օրենսգրքի 311-րդ հոդվածի համաձայն՝
<<1. Նախնական դատալսումների ընթացքում սույն հոդվածով սահմանված հաջորդականությամբ դատարանը քննարկման առարկա է դարձնում՝
(...)
3) քրեական հետապնդումը դադարեցնելու կամ վարույթը կարճելու հարցը:(...)>>:
ՀՀ քրեական դատավարության օրենսգրքի 315-րդ հոդվածի համաձայն՝
<<1. Սույն օրենսգրքի 12-րդ հոդվածի 1-ին մասի 3-14-րդ կետերով նախատեսված որևէ հանգամանքի առկայության դեպքում, երբ դա հնարավոր է առանց ապացույցների հետազոտման, դատարանը որոշում է կայացնում քրեական հետապնդումը դադարեցնելու և վարույթը կարճելու մասին: Եթե քրեական հետապնդումը բացառող հանգամանքը վերաբերում է մեղադրյալներից մեկին, ապա քրեական հետապնդումը դադարեցվում է միայն նրա նկատմամբ՝ առանց վարույթը կարճելու:
2. Քրեական հետապնդումը դադարեցնելու մասին որոշմամբ վերացվում են տվյալ մեղադրյալի նկատմամբ կիրառված հարկադրանքի միջոցները, իսկ վարույթը կարճելու դեպքում՝ նաև այլ անձանց նկատմամբ կիրառված հարկադրանքի միջոցները: Վարույթը կարճելու մասին որոշմամբ լուծվում է նաև իրեղեն ապացույցների տնօրինման հարցը:(...)>>:
ՀՀ քրեական օրենսգրքի 461-րդ հոդվածի համաձայն՝
<<1. Պարտադիր զինվորական կամ այլընտրանքային ծառայության հայտարարված զորակոչից խուսափելը՝ այդ զորակոչից տարկետում ստանալու կամ ծառայությունից ազատվելու՝ օրենսդրությամբ սահմանված հիմքերի բացակայության դեպքում՝
պատժվում է ազատազրկմամբ՝ երեքից վեց տարի ժամկետով:
(...)
4. Սույն հոդվածի 1-ին կամ 2-րդ մասով նախատեսված հանցանք կատարած անձն ազատվում է քրեական պատասխանատվությունից, եթե կամովին ներկայացել և զորակոչվել է պարտադիր զինվորական կամ այլընտրանքային ծառայության կամ կամավոր ներկայանալով քրեական վարույթ իրականացնող մարմին՝ Հայաստանի Հանրապետության պետական բյուջե է վճարել պարտադիր զինվորական ծառայություն չանցնելու դիմաց օրենքով սահմանված գումարը>>:
5. Սույն որոշման 4-րդ կետում մեջբերված իրավանորմերի համադրված վերլուծությունից բխում է, որ քրեական գործի քննության ընթացքում (այդ թվում՝ նախնական դատալսումների ընթացքում) մեղադրյալի նկատմամբ իրականացվող քրեական հետապնդումն իմպերատիվ կարգով ենթակա է դադարեցման, եթե.
մեղադրյալը խուսափել է պարտադիր զինվորական կամ այլընտրանքային ծառայության հայտարարված զորակոչից, սակայն դրանից հետո կամովին ներկայացել և զորակոչվել է պարտադիր զինվորական կամ այլընտրանքային ծառայության:
մեղադրյալը չի առարկել քրեական հետապնդման դադարեցման դեմ՝ իրեն մեղսագրվող արարքը կատարած չլինելու պատճառաբանությամբ:
Միևնույն ժամանակ Դատարանը հարկ է համարում նկատել, որ եթե քրեական գործով առկա է միայն մեկ մեղադրյալ և սպառվել են քրեական գործով վարույթը շարունակելու բոլոր հնարավորությունները, նրա նկատմամբ քրեական հետապնդումը դադարեցնելու հարցի քննարկման հետ միասին պետք է քննարկման առարկա դարձվի նաև քրեական գործով վարույթը կարճելու հարցը:
6. Սույն որոշման նախորդ կետերում նշված իրավակարգավորումներն, իրավական դիրքորոշումները և վերլուծությունները կիրառելով սույն որոշման 1-3-րդ կետերում նշված փաստական տվյալների նկատմամբ՝ Դատարաը հարկ է համարում արձանագրել, որ մեղադրյալ Ալեքսանդր Արմանի Կոլոսովը կամովին ներկայացել և զորակոչվել է պարտադիր զինվորական ծառայության, միևնույն ժամանակ չի առարկել ՀՀ քրեական օրենսգրքի 461-րդ հոդվածի 4-րդ մասի ուժով իր նկատմամբ նույն հոդվածի 1-ին մասով իրականացվող քրեական հետապնդումը դադարեցնելու դեմ այն հիմքով, որ չի կատարել իրեն մեղսագրվող արարքը, հետևաբար՝ Դատարանը փաստում է, որ առկա է ՀՀ քրեական օրենսգրքի 461-րդ հոդվածի 4-րդ մասով նախատեսված խրախուսական նորմը կիրառելու՝ պարտադիր զինվորական ծառայության զորակոչվելու դեպքում անձին քրեական պատասխանատվությունից ազատելու հիմքը:
Այսպիսով՝ Դատարանն արձանագրում է, որ սույն դեպքում առկա է քրեական հետապնդումը բացառող հանգամանք, որպիսի պայմաններում անհրաժեշտ է որոշում կայացնել Ալեքսանդր Արմանի Կոլոսովի նկատմամբ ՀՀ քրեական օրենսգրքի 461-րդ հոդվածի 1-ին մասով քրեական հետապնդումը դադարեցնելու վերաբերյալ՝ ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի հիմքով, այն է՝ անձը Հայաuտանի Հանրապետության քրեական oրենuգրքի հատուկ մասի դրույթների (ՀՀ քրեական օրենսգրքի 461-րդ հոդվածի 4-րդ մասի) ուժով ենթակա է ազատման քրեական պատաuխանատվությունից:
7. Անդրադառնալով մեղադրյալ Ալեքսանդր Արմանի Կոլոսովի նկատմամբ կիրառված խափանման միջոցի հարցին և նկատի ունենալով, որ վերը նշված հիմնավորմամբ Ալեքսանդր Արմանի Կոլոսովի նկատմամբ քրեական հետապնդումը ենթակա է դադարեցման, ուստի՝ Դատարանն արձանագրում է, որ վերջինիս նկատմամբ որպես խափանման միջոց կիրառված բացակայելու արգելքը պետք է վերացնել:
8. Դատարանն, անդրադառնալով ՀՀ քրեական դատավարության 315-րդ հոդվածի 2-րդ մասով նախատեսված՝ վարույթը կարճելու մասին որոշում կայացնելիս դատարանի լուծմանը ենթակա մյուս հարցին, արձանագրում է, որ սույն քրեական գործով իրեղեն ապացույցներ չկան։
9. Միաժամանակ հաշվի առնելով այն, որ սպառվել են թիվ ԵԴ1/1696/01/25 (նախաքննական համար՝ 90259025) քրեական գործի վարույթը շարունակելու բոլոր հնարավորությունները՝ Դատարանը գտնում է, որ այն ենթակա է կարճման:
10. Ելնելով վերոգրյալից և ղեկավարվելով ՀՀ քրեական դատավարության օրենսգրքի 12-րդ, 13-րդ, 270-րդ և 315-րդ հոդվածներով՝ Դատարանը

Ո Ր Ո Շ Ե Ց

Ալեքսանդր Արմանի Կոլոսովի նկատմամբ ՀՀ քրեական օրենսգրքի 461-րդ հոդվածի 1-ին մասով քրեական հետապնդումը դադարեցնել՝ ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի, այն է՝ Հայաuտանի Հանրապետության քրեական oրենuգրքի հատուկ մասի դրույթների (ՀՀ քրեական օրենսգրքի 461-րդ հոդվածի 4-րդ մասի) ուժով քրեական պատասխանատվությունից ազատման ենթակա լինելու հիմքով:
Ալեքսանդր Արմանի Կոլոսովի նկատմամբ կիրառված խափանման միջոցը՝ բացակայելու արգելքը, վերացնել:
Թիվ ԵԴ1/1696/01/25 (նախաքննական համար՝ 90259025) քրեական գործի վարույթը կարճել՝ մեղադրյալի նկատմամբ քրեական հետապնդումը դադարեցվելու և վարույթը շարունակելու բոլոր հնարավորությունները սպառվելու հիմքով։
Որոշումը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:



ԴԱՏԱՎՈՐ Գ.Ս.ՊՈՂՈՍՅԱՆ