ԵԴ1/1666/01/25







Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Ա․ԲԱԴԱԼՅԱՆԻ
մեղադրյալ Հ․ԱՌԱՔԵԼՅԱՆԻ

2025 թվականի հուլիսի 9-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Հարութ Հրաչիկի Առաքելյանի՝ ծնված 1988 թվականի հունվարի 1-ին, Գորիս քաղաքում, հայ, ՀՀ քաղաքացի, միջնակարգ կրթությամբ, ամուսնացած, խնամքին երկու անչափահաս երեխա, չի աշխատում, նախկինոմ չդատապարտված, հաշվառված է Երևան քաղաքի Խարբերդ 17-րդ փողոց, 27 տուն հասցեում, փաստացի բնակվում է Նոր Խարբերդ 19-րդ փողոց 1-ին նրբանցք 8-րդ տուն հասցեում, քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով, որպես խափանման միջոց է ընտրվել բացակայելու արգելքը,

ՊԱՐԶԵՑ

1.Գործի դատավարական նախապատմությունը
2024 թվականի նոյեմբերի 29-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել թիվ 60719424 քրեական վարույթը:
2025 թվականի ապրիլի 17-ի որոշմամբ Հարութ Հրաչիկի Առաքելյանի նկատմամբ քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով այն արարքի համար, որ նա, 1 տարի ժամկետով զրկված լինելով տրանսպորտային միջոցներ վարելու իրավունքից 2024 թվականի նոյեմբերի 21-ին վարել է տրանսպորտային միջոց:
Այսպես.
Հարութ Առաքելյանը, 2024 թվականի մայիսի 1-ի թիվ 8180420331 որոշմամբ տրանսպորտային միջոցներ վարելու իրավունքից 1 տարի ժամկետով՝ 2024 թվականի մայիսի 1-ից մինչև 2025 թվականի մայիսի 1-ը զրկված վիճակում, այդ մասին պատշաճ ծանուցված լինելով, 2024 թվականի նոյեմբերի 21-ին՝ ժամը 17:37-ի սահմաններում, Երևան քաղաքի Նորագավիթ 1-ին փողոցում վարել է «Օպել» մակնիշի 37 CE 168 հաշվառման համարանիշի տրանսպորտային միջոց, որը հայտնաբերվել է ՀՀ ՆԳՆ ոստիկանության պարեկային ծառայության պարեկի կողմից::
2025 թվականի ապրիլի 28-ի որոշմամբ Հարութ Հրաչիկի Առաքելյանի նկատմամբ խափանման միջոց է ընտրվել բացակայելու արգելքը:
2025 թվականի մայիսի 13-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է ԵԴ1/1666/01/25 համարը:
2025 թվականի մայիսի 14-ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին։
2025 թվականի հուլիսի 9-ին Դատարանը Հարութ Հրաչիկի Առաքելյանի նկատմամբ կայացրել է մեղադրական վերդիկտ։

2.Դատարանում հետազոտված և գնահատված ապացույցներ
Մեղադրյալ Հարութ Հրաչիկի Առաքելյանն առաջադրված մեղադրանքում իրեն մեղավոր է ճանաչել և հայտնել, որ իր երեխան ունի առողջական խնդիրներ, մանկապարտեզից իրեն զանգահարել կանչել են երեխայի խնդիրների հետ կապված, ինքը հնարավորություն չի ունեցել տաքսով գնալու, հարևանի մեքենան վերցրել է ու գնացել է Նորագավիթ մանկապատեզ, ճանապարհին պարեկներն իրեն կանգնեցրել են, ինքը նրանց խնդրել է, որ իրեն ուղեկցեն մանկապարտեզ, երեխային վերցնի, նոր արձանագրություն կազմեն։ Պարեկը նստել է իր մեքենան, գնացել են մանկապարտեզ, երեխային վերցրել է, և արձանագրություն են կազմել, հարևանին զանգահարել են կանչել են, որ գա իր մեքենան տանի։ Ինքը առողջական խնդիրներ ունի և բացի վարորդ աշխատելուց, այլ բան չի կարող անել։ Տեղյակ է եղել, որ վարորդական իրավունքից զրկված է եղել, բայց ֆինանսական խնդիրներ է ունեցել չի կարողացել տաքսի կանչելու (տե՛ս դատական նիստի արձանագրությունը):
Հիմնական դատալսումների ընթացքում հետազոտվել են հետևյալ գրավոր ապացույցները.
Զննության ենթարկելու մասին արձանագրությունը, որի համաձայն՝ 2024թ. նոյեմբերի 21-ին ժամը` 17:45-ին, Երևան քաղաքի Նորագավիթ 1-ին փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի պարեկ Ռաֆիկ Պողոսյանի (06838) կողմից Հարութ Հրաչիկի Առաքելյանի (ծնվ. 01.01.1998թ., անձ AL0229509, բն. Արարատի մարզ Ն.Խարբերդ 19-րդ փողոց, 1-ին նրբանցք, 8-րդ տուն) վերաբերյալ կազմվել է վարչական իրավախախտման վերաբերյալ արձանագրությունը (կից չլրացված վարչական իրավախախտման որոշում՝ 8180415816), այն մասին, որ վերջինս 2024թ. նոյեմբերի 21-ին՝ ժամը 17:37-ին, Երևան քաղաքի Նորագավիթ 1-ին փողոցում վարել է «Օպել» մակնիշի 37 CE 168 հաշվառման համարանիշի ավտոմեքենան՝ տրանսպորտային միջոց վարելու իրավունքից զրկված վիճակում: Արձանագրության համապատասխան տողերում առկա են ծանուցվողի (վարոդի) և պարեկային ծառայողի ստորագրությունները:
Քրեական վարույթի նյութերում առկա է նաև ՀՀ ՆԳՆ էլեկտրոնային ռեգիստրի Հարութ Հրաչիկի Հարությունյանի տվյալների (ՀԾՀ 1101880848) մուտքագրման արդյունքում ստացված տեղեկատվության քաղվածքի պատճեն, համաձայն որի, Հարութ Առաքելյանը տրանսպորտային միջոցներ վարելու իրավունքից 2024 թվականի մայիսի 1-ին զրկվել է 1 տարի ժամկետով՝ (զրկման սկիզբ 01.05.2024թ, զրկման ավարտ 01.05.2025թ):
2024թ. մայիսի 1-ին ժամը՝ 23:50-ին, Արարատի մարզի Նոր Խարբերդ գյուղի 1-ին փողոցում ՀՀ ՆԳՆ ոստիկանության պարեկային ծառայության Արարատի մարզի գումարտակի կրտսեր պարեկ Խորեն Գեղամյանի կողմից Հարութ Հրաչիկի Առաքելյանի (ծնվ. 01.01.1998թ., անձ AL0229509, բն. Արարատի մարզ Ն.Խարբերդ 19-րդ փողոց, 1-ին նրբանցք, 8-րդ տուն) վերաբերյալ կազմվել է վարչական իրավախախտման վերաբերյալ արձանագրություն, առ այն, որ վերջինս 2024թ. մայիսի 1-ին` Արարատի մարզի Նոր Խարբերդ գյուղի 1-ին փողոցում «Օպել» մակնիշի 36 LM 036 հաշվառման համարանիշի ավտոմեքենան վարել է ոչ սթափ վիճակում, ինչից հետո կայացվել է վարչական իրավախախտման վերաբերյալ թիվ 8180420331 որոշումը՝ Հարութ Առաքելյանին տրանսպորտային միջոցներ վարելու իրավունքից 1 տարի ժամկետով զրկելու վերաբերյալ։ Վարչական իրավախախտման արձանագրության և որոշման համապատասխան տողերում առկա են ծանուցվողի (վարորդի) և պարեկային ծառայողի ստորագրությունները: Հարութ Առաքելյանին սթափության զննության ենթարկելու վերաբերյալ կտրոնի պատճենի զննությամբ պարզվել է, որ ստուգաչափման սարքի համարն է 91100975, զննման համարը՝ 00604, զննման ամսաթիվը՝ 01.05.2024թ., ստուգումը կատարվել է ավտոմատ, ժամը 23:45:47-ին, ալկոհոլի պարունակությունը՝ 0.716մգ/լ, վարորդի անունը՝ Հարութ, ազգանունը՝ Առաքելյան, տրանսպորտային միջոցի համարանիշը՝ 36 LM 036, Վիվ RB456431, ՊԾ ազգանունը (Գեղամյան, կրծքանշանի համար 01084): Սթափության զբբության կտրոնի համապատասխան տողերում առկա են ստորագրություններ:
Առկա է նաև սթափության 91100975 համարի սարքի ստուգաչափման թիվ 106527 վկայականի պատճենը, որի զննությամբ պարզվեց, որ ստուգաչափման թվականն է 04.10.2023թ., այն ուժի մեջ է մինչև 03.10.2024թ.» Չափման միջոցի անվանումը և տեսակը՝ ալկոտեստեր, գործարանային համարը՝ 91100975 տեսակը՝ «Jupiter X/RP», չափման տիրույթը՝ (0.000-2.000໖q/1), ճշտության կարգը և դասը (սխալանքը) 0-0,15%, 0.1-0.15+8%>0.15+10%, արտադրողը՝ Չինաստան, պատկանում է ՀՀ ՊԾ: (տե´ս դատական նիստի արձանագրություն, քրեական գործ, 4-8-րդ, 12-13-րդ թերթեր)։
2025 թվականի հունվարի 10-ին կայացված արտավարութային փաստաթուղթ ճանաչելու մասին որոշմամբ, համաձայն որի՝ արտավարութային փաստաթուղթ են ճանաչվել՝ ՀՀ ՆԳՆ էլեկտրոնային ռեգիստրում առկա Հարութ Հրաչիկի Առաքելյանի վարորդական վկայականի վերաբերյալ տեղեկատվության քաղվածքի պատճենը, Հարութ Հրաչիկի Առաքելյանի վերաբերյալ 2024թ. նոյեմբերի 21-ին կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում՝ 8180415816), Հարութ Հրաչիկի Առաքելյանի վերաբերյալ 2024թ. մայիսի 1-ին կազմված վարչական իրավախախտման վերաբերյալ արձանագրության (կից լրացված վարչական իրավախախտման որոշում՝ 8180420331), Հրաչիկ Առաքելյանին սթաթության զննության ներարկելու 00604 կտրոնի, սթափության զննության 91100975 սարքի 106527 զգայականի պատճենները, որոնք կցվել են քրեական վարույթի նյութերին: (տե´ս դատական նիստի արձանագրություն, քրեական գործ, 14-15-րդ թերթ)։
Հ․Առաքելյանի դատավածության վերաբերյալ տեղեկանքը, որի համաձայն Հ․Առաքելյանը նախկինում դատված չէ (տե´ս դատական նիստի արձանագրություն, քրեական գործ, 16-րդ թերթեր):

3.Դատարանի իրավական վերլուծությունները
Դատարանը, վերլուծելով մեղադրյալ Հարութ Հրաչիկի Առաքելյանի առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ Հարութ Առաքելյանը, 2024 թվականի մայիսի 1-ի թիվ 8180420331 որոշմամբ տրանսպորտային միջոցներ վարելու իրավունքից 1 տարի ժամկետով՝ 2024 թվականի մայիսի 1-ից մինչև 2025 թվականի մայիսի 1-ը զրկված վիճակում, այդ մասին պատշաճ ծանուցված լինելով, 2024 թվականի նոյեմբերի 21-ին՝ ժամը 17:37-ի սահմաններում, Երևան քաղաքի Նորագավիթ 1-ին փողոցում վարել է «Օպել» մակնիշի 37 CE 168 հաշվառման համարանիշի տրանսպորտային միջոց, որը հայտնաբերվել է ՀՀ ՆԳՆ ոստիկանության պարեկային ծառայության պարեկի կողմից:
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Հարութ Առաքելյանի կողմից տրանսպորտային միջոց վարելը դրանից զրկված լինելու պայմաններում, այդ արարքն ապացուցված է, ճիշտ է որակված և համապատասխանում է ՀՀ քրեական օրենսգրքի 344-րդ հոդվածի 1-ին մասի հատկանիշներին:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (․․․)»։
Այսպես` Դատարանը մեղադրյալ Հարութ Առաքելյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Հ․Առաքելյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Մասնավորապես, Դատարանը, որպես Հ․Առաքելյանի անձը բնութագրող տվյալ հաշվի է առնում այն, որ նակինում դատապարտված չի եղել։
Դատարանը, ղեկավարվելով ՀՀ քրեական օրենսգրքի 70-րդ հոդվածի 1-ին մասով, որպես մեղադրյալ Հ․Առաքելյանի պատասխանատվությունն ու պատիժը մեղմացնող հանգամանք հաշվի է առնում այն, որ նա ունի երկու անչափահաս երեխա՝ Հրաչիկ Հարութի Առաքելյանը՝ ծնված 2019 թվականի մարտի 11-ին և Անահիտ Հարութ Առաքելյանը՝ ծնված 2024 թվականի սեպտեմբերի 11-ին։
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալ Հ․Առաքելյանի պատասխանատվությունն ու պատիժը մեղմացնող հանգամանք հաշվի է առնում այն, որ նա իրեն լիովին մեղավոր է ճանաչել և տվել խոստովանական ցուցմունքներ, անկեղծորեն զղջացել է կատարած արարքի համար:
Դատարանը, արձանագրում է, որ մեղադրյալ Հ․Առաքելյանի պատասխանատվությունն ու պատիժը ծանրացնող հանգամանքներ առկա չեն:
ՀՀ քրեական օրենսգրքի 60-րդ հոդվածի համաձայն՝ «1. Հանրային աշխատանքները դատարանի նշանակած և իրավասու մարմնի որոշած վայրում չվարձատրվող, դատապարտյալի ուսումնառությունից կամ աշխատանքից ազատ ժամանակահատվածում նրա կողմից հանրության համար օգտակար այնպիսի աշխատանքների կատարումն է, որոնք չեն վտանգում նրա ֆիզիկական կամ հոգեկան առողջությունը։
2. Հանրային աշխատանքները դատապարտյալի համաձայնությամբ ոչ ավելի, քան օրական 4 ժամ տևողությամբ սահմանվում են ոչ մեծ և միջին ծանրության հանցագործությունների համար՝ 60-270 ժամ տևողությամբ: (․․․)»։
Դատարանը գտնում է, որ կատարած արարքի համար մեղադրյալ Հարութ Առաքելյանը ենթակա է պատժի՝ հանրային աշխատանքների ձևով 60 (վաթսուն) ժամ տևողությամբ:
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Հարութ Առաքելյանի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 342-349-րդ հոդվածներով` Դատարանը



Վ Ճ Ռ Ե Ց

Մեղադրյալ Հարութ Հրաչիկի Առաքելյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված արարքի կատարման մեջ, և նրա նկատմամբ պատիժ նշանակել հանրային աշխատանքներ՝ 60 (վաթսուն) ժամով:
Մեղադրյալ Հարութ Հրաչիկի Առաքելյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Արտավարութային փաստաթուղթ ճանաչված և քրեական գործին կցված փաստաթղթերը թողնել քրեական գործին կցված դատավճիռն օրինական ուժի մեջ մտնելուց հետո։
Դատավճիռը կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ