ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

26.05.2025թ. թիվ ԵԴ1/1673/01/25 ք. Երևան
Երևան քաղաքի առաջին ատյանի ընդհանուր իրավասության քրեական դատարանը հետևյալ կազմով՝

Նախագահող դատավոր Կ.Ֆարխոյան
քարտուղարությամբ Ա. Ներսիսյանի
մասնակցությամբ հանրային մեղադրող Ռ. Հարությունյանի
մեղադրյալ Ա. Մինասյանի

Դռնբաց դատական նիստում, դատարանում, քննեց վարույթն ըստ մեղադրանքի՝ Արտյոմ Ռաֆայելի Մինասյանի, ծնված 02.05.1981 թվականին Երևան քաղաքում, ազգությամբ հայ, ՀՀ քաղաքացի, ամուսնացած, միջնակարգ կրթությամբ, չի աշխատում, դատվածություն չունեցող, հաշվառված և բնակվող Կոտայքի մարզի, Բյուրեղավան քաղաքի, Զորավար Անդրանիկի 46 շենքի, բնակարան 3 հասցեում:
ՀՀ ՔԿ ԵՔՔՎ ճանապարհատրանսպորտային հանցագործությունների քննության բաժնում 02.08.2024 թվականին նախաձեռնվել է թիվ 60558524 քրեական վարույթը ՀՀ քրեական օրենսգրքի 344 հոդվածի 2-րդ մասով: (հատոր 1, վ.թ. 8):
Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ռ. Հարությունյանի 29.04.2025 թվականի որոշմամբ թիվ 60-5585-24 քրեական վարույթով Արտյոմ Ռաֆայելի Մինասյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հարուցվել է հանրային քրեական հետապնդում: (հատոր 1, վ.թ. 38-39):
2025 թվականի ապրիլի 30-ին Արտյոմ Ռաֆայելի Մինասյանի նկատմամբ որպես խափանման միջոց է ընտրվել բացակայելու արգելքը: (հատոր 1, վ.թ. 48):
Սույն քրեական վարույթը մեղադրական եզրակացությամբ Երևան քաղաքի առաջին ատյանի ընդհանուր իրավասության քրեական դատարան է ուղարկվել 08.05.2025 թվականին, որը դատարանում ստացվել է 13․05․2025 թվականին և նույն օրը մակագրվել է դատավոր Կ. Ֆարխոյանին, իսկ 14.05.2025 թվականին հանձնվել է դատավոր Կ. Ֆարխոյանի աշխատակազմին:
2025 թվականի մայիսի 14-ին Երևան քաղաքի առաջին ատյանի ընդհանուր իրավասության քրեական դատարանի դատավոր Կ. Ֆարխոյանը որոշում է կայացրել վարույթը ստանձնելու և նախնական դատալսումներ նշանակելու մասին։
2025 թվականի մայիսի 26-ին որոշում է կայացվել հիմնական դատալսումներ նշանակելու մասին:
2025 թվականի մայիսի 26-ին մեղադրյալ Արտյոմ Ռաֆայելի Մինասյանի նկատմամբ կայացվել է մեղադրական վերդիկտ:
Նախաքննական մարմնի կողմից Արտյոմ Ռաֆայելի Մինասյանին մեղադրանք է ներկայացվել պատժի սպառնալիքով արգելված այն արարքի կատարման համար, որ ՀՀ ՆԳՆ ոստիկանության պարեկային ծառայության կողմից թիվ 8400285151 վարչական իրավախախտման գործով 2024 թվականի ապրիլի 23-ին կայացված որոշմամբ նրա տրանսպորտային միջոցներ վարելու իրավունքը կասեցվել է 6/վեց/ ամիս ժամանակով՝ 2024 թվականի ապրիլի 23-ից մինչև 2024 թվականի հոկտեմբերի 23-ը։ Ծանուցված լինելով իր՝ տրանսպորտային միջոցներ վարելու իրավունքը կասեցված լինելու մասին՝ Արտյոմ Ռաֆայելի Մինասյանը գտնվելով ոչ սթափ վիճակում /սթափության զննման կտրոնի համարը՝ 03285/՝ մեկ լիտր արտաշնչած օդի մեջ մաքուր ալկոհոլի պարունակությունը 0․421 մգ/լ/ առնվազն՝ 0,3789 մգ/լ՝ նկատի ունենալով ստուգաչափվող թիվ 91100982 ալկոտեստեր սարքի չափման ճշտության հնարավոր 10% սխալանքը/, 2024 թվականի հունիսի 21-ին՝ ժամը 02։45-ին, Երևան քաղաքի Լեոյի փողոցում վարել է «Օպել» մակնիշի 37 TG 085 հաշվառման համարանիշի տրանսպորտային միջոցը, որի վերաբերյալ նույն օրը ՀՀ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8180413188 արձանագրությունը։
Հիմնական դատալսումների ընթացքում մեղադրյալ Արտյոմ Ռաֆայելի Մինասյանը հայտնեց, որ պաշտպան ունենալ չի ցանկանում, որը կապված չէ իր նյութական դրության հետ, ներկայացված մեղադրանքում իրեն լիովին մեղավոր է ճանաչում և ցուցմունք տվեց այն մասին, որ տեղյակ է եղել վարորդական իրավունքի վկայականի կասեցված լինելու մասին: Կոնկրետ օրը և ժամը չի հիշում՝ գիշերային ժամերին, Երևան քաղաքի Պարոնյան և Լեո փողոցների խաչմերուկում գտնվող մերսման սրահի դիմացից վարել է իրեն պատկանող «Օպել» մակնիշի ավտոմեքենան, սակայն այդ ժամանակ ոստիկանության պարեկային ծառայողները ազդանշան են տվել, որից հետո ինքը մեքենան կայանել է Լեոյի փողոցում։ Այնուհետև պարեկային ծառայության աշխատակիցը մոտեցել է իրեն, պահանջել վարորդական վկայականը և տեխանձնագիրը, ինչից հետո պարեկային ծառայողը հարցրել է, թե տեղյակ է, որ իր տրանսպորտային միջոցներ վարելու իրավունքը կասեցված է , ինչին ի պատասխան ասել է, որ տեղյակ է։ Այնուհետև ստուգել են նաև իր սթափության աստիճանը, որից հետո մեքենան տեղափոխել են տուգանային հրապարակ։ Ընդունում է, որ վարել է տրանսպորտային միջոց՝ վարորդական իրավունքի վկայականը կասեցված վիճակում և գտնվել է ոչ սթափ վիճակում: Ինքը զղջում է կատարածի համար, խնդրում է իր նկատմամբ մեղմ վարվել:
Մեղադրյալ Արտյոմ Ռաֆայելի Մինասյանին մեղսագրվող հանցավոր արարքը, բացի նրա կողմից տված խոստովանական ցուցմունքից հիմնավորվեց նաև հիմնական դատալսումների ընթացքում հետազոտված թույլատրելի ապացույցներով.
-Զննում կատարելու մասին 28.04.2025 թվականի արձանագրությամբ, համաձայն որի՝ զննության օբյեկտ են հանդիսացել քրեական վարույթի նյութերում առկա՝ ՀՀ ՆԳՆ ոստիկանության « Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության, 21․06․2024 թվականին կազմված վարչական իրավախախտման վերաբերյալ արձանագրության, 23․04․2024 թվականին կազմված վարչական իրավախախտման գործով թիվ 8400285151 որոշման, 21․06․2024 թվականին կազմված ալկոհոլի պարունակության ստուգման կտրոնի և ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲ ընկերության կողմից տրված թիվ 102344 ստուգաչափման վկայականի պատճենները։
1․ ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության զննությամբ պարզվել է, որ Արտյոմ Ռաֆայելի ՄԻնասյանը / ծնված՝ 02․05․1981 թվականին, ՀԾՀ՝ 1205810218/ հաշվառված է ՀՀ Կոտայքի մարզի Բյուրեղավան համայնքի Զորավար Անդրանիկ փողոցի, 46-րդ շենքի, 3-րդ բնակարան հասցեում։Նույն տեղեկատվության վարորդական վկայականի տվյալներ բաժնում՝ որպես վաորդական վկայականի համար, նշված է RB360504 համարը, իսկ կարգավիճակի դիմաց նշված է կասեցված։Կասեցումներ բաժնում՝ որպես կասեցման սկիզբ նշված է 23․04․2024 թվական, իսկ կասեցման ավարտ՝ 23․10․2024 թվական։
2․ Վարչական իրավախախտման արձանագրության զննությամբ պարզվել է, որ արձաագրությունը կազմվել է 21․06․2024 թվականին՝ ժամը 02։50-ին՝ ՀՀ ՆԳՆ ոստիկանության պարեկային ծառայության 2-րդ գումարտակի 1-ին վաշտի կրտսեր պարեկ Անդրանիկ Արմենի Սաֆարյանի կողմից։Արձանագրության համաձայն՝ Արտյոմ Ռաֆայելի Մինասյանը/ ծնված՝ 02․05․1981 թվականին, Հասցե՝ ՀՀ Կոտայքի մարզի Բյուրեղավան համայնքի Զորավար Անդրանիկ փողոցի, 46-րդ շենքի, 3-րդ բնակարան, հեռ․ 095-01-10-28/ «Օպել» մակնիշի 37 TG 085 հաշվառման համարանիշի տրանսպորտային միջոցը 21․06․2024 թվականին՝ ժամը 02։45-ին վարել է Երևան քաղաքի Լեոյի փողոցում՝ տրանսպորտային միջոցներ վարելու իրավունքը կասեցված վիճակում։ Արձանագրության ներքևի հատվածում առկա է ձեռագիր գրառում «ընդունում եմ» բովանդակությամբ, որի ներքևի հատվածում առկա է իրավախախտում կատարած անձի ստորագրություն։ Արձանագրության ներքևի հատվածում առկա է արձանագրություն կազմող անձի կողմից դրված ստորագրություն, իսկ խախտման ծածկագիրն է ՝ 202․3։
3․ Վարչական իրավախախտման վերաբերյալ գործով թիվ 8400285151 որոշման զննությամբ պարզվել է, որ այն կայացվել է 23․04․2024 թվականին։ Որոշման համաձայն՝ ՃԵԱԱՄՕ-ի 24-րդ հոդվածի 5-*րդ մասի «բ» կետի համաձայն՝ Արտյոմ Ռաֆայելի Մինասյանը տրանսպորտային միջոցը վարել է անվտանգության գոտիով չամրակապված։ Այս իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը կազմում է 9 կամ ավելի միավոր, ուստի ՀՀ ՎԻՎ օրենսգրքի 129․3-րդ հոդվածի 1-ին մասին համաձայն , քաղաքացի Արտյոմ Ռաֆայելի Մինասյանի/ ծնված՝ 02․05․1981 թվականին/ տրանսպորտային միջոցներ վարելու իրավունքը կասեցվել է 6/վեց/ ամիս ժամկետով։ Նշված գրառման տակ առկա է որոշումն ընդունող անձի ստորագրությունը, իսկ որոշման մեջ նշված՝ «Որոշման պատճենը և կատարման կարգի մասին քաղվածքը ստացա» դաշտի դիմաց առկա է խախտում կատարած անձի ստոագրություն։
4․ Ալկոհոլի պարունակության ստուգման կտրոնի զննությամբ պարզվել է, որ ստուգաչափման սարքի համարն է՝ 91100982, զննման համարը՝ 03285, զննման ամսաթիվը՝ 21․06․2024 թվական, զննման ժամը՝ 02։47։53, վերջին ստուգաչափման ամսաթիվը 24․07․2023 թվական, դատարկ թեստ՝ 0․000մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0․421մգ/լ, վարորդի անունն է՝ Արտյոմ, ազգանունը՝ Մինասյան, տրանսպորտային միջոցի համարանիշը՝ 37 TG 085, Վ/Վ համարը` RB360504, Պ/Ծ ազգանունը՝ Սաֆարյան, կրծքանշանի համարը՝ 11246, ստորաբաժանում՝ 2գ1վ։ Կտրոնի ներքևի հատվածում առկա է պարեկի ստորագրությունը։
5․ ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲ ընկերության կողմից տրված թիվ 102344 ստուգաչափման վկայականի զննությամբ պարզվել է, որ վկայականը ուժի մեջ է 2023 թվականի հուլիսի 24-ից մինչև 2024 թվականի հուլիսի 24-ը, ստուգաչափման սարքի գործարանային համարն է 91100982, տեսակը՝ jupiter X/RP, չափման տիրույթը՝ 0․000։ 2․000մգ/լ ճշտության դասը, կարգը/սխալանքը/ ±10%, արտադրողը՝ Չինաստան, պատկանում է ՀՀ ՊԾ-ին։ Ստուգաչափումը կատարվել է համաձայն MU2835-2008 անվանմամբ ստուգաչափման մեթոդիկայի և նշագրի։Ստուգաչափող անվան դիմաց առկա է ստորագրություն և նշված է Ա․ Գուլքանյան, իսկ բաժնի /լաբարատորիայի վարիչ/ անվան դիմաց առկա է ստորագրություն և նշված է Գ․ Մարտիրոսյան։ /հատոր 1, վ.թ. 30-31/:
-Արտավարութային փաստաթուղթ ճանաչելու մասին 28.04.2025 թվականի որոշմամբ, համաձայն որի՝ թիվ 60-5585-24 քրեական վարույթով Արտյոմ Ռաֆայելի Մինասյանի վերաբերյալ՝ ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության, 21․06․2024 թվականի կազմված վարչական իրավախախտումների վերաբերյալ արձանագրությունը, 23․04․2024 թվականին կազմված վարչական իրավախախտման գործով թիվ 8400285151 որոշման, 21․06․2024 թվականին կազմված ալկոհոլի պարունակությանստուգման կտրոնի և ՀՀ էկոնոմիկայի նախարարության « Ստանդարտացման և չափագիտության ազգային մարմին» ՓԲ ընկերության կողմից տրված թիվ 102344 ստուգաչափման վկայականի պատճենները ճանաչվել են արտավարութային փաստաթուղթ /հատոր 1, վ.թ. 32-33/:
Դատարանն արձանագրում է, որ հիմնական դատալսումների ընթացքում պատշաճ իրավական ընթացակարգով թույլատրելի բոլոր ապացույցները հանգամանորեն հետազոտվել են՝ դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, դատարանը հաստատված է համարում, որ Արտյոմ Ռաֆայելի Մինասյանը, տրանսպորտային միջոց վարելու իրավունքը կասեցված և գտնվելով ոչ սթափ վիճակում (սթափության զննման կտրոնի համարը՝ 03285) մեկ լիտր արտաշնչած օդի մեջ մաքուր ալկոհոլի պարունակությունը 0,421 մգ/լ (առնվազն 0,3789 մգ/լ՝ նկատի ունենալով ստուագաչափող թիվ 91100982 ալկոտեստերի սարքի չափման ճշտության հնարավոր 10% սխալանքը), 2024 թվականի հունիսի 21-ին՝ ժամը 02:45-ի սահմաններում, Երևան քաղաքի Լեոյի փողոցում վարել է «Օպել» մակնիշի 37 TG 085 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության պարեկ Անդրանիկ Սաֆարյանի կողմից նույն օրը՝ ժամը 02:50-ին, կազմվել է վարչական իրավախախտման վերաբերյալ թիվ 8180413188 արձանագրությունը:
Դատարանը հանգում է այն հետևության, որ մեղադրյալ Արտյոմ Ռաֆայելի Մինասյանը կատարել է իրեն մեղսագրված արարքը, որի համար կիրառելի է ՀՀ քրեական օրենսգրքի 344-րդ հոդվածի 2-րդ մասը:
Դատարանը հաստատված համարելով հանցագործության և դրա կատարման մեջ Արտյոմ Ռաֆայելի Մինասյանի մեղքի ապացուցված լինելը, գտնում է, որ նա ենթակա է պատժի կատարածի համար:
Որպես Արտյոմ Ռաֆայելի Մինասյանի պատասխանատվությունը և պատիժը մեղմացնող հանգամանքներ դատարանը հաշվի է առնում, որ մեղադրյալը տվել է խոստովանական ցուցմունքներ, զղջացել է կատարածի համար:
Արտյոմ Ռաֆայելի Մինասյանի պատասխանատվությունը և պատիժը ծանրացնող հանգամանքներ առկա չեն:
Դատարանը մեղադրյալի նկատմամբ պատիժ նշանակելիս հաշվի է առնում ինչպես նրա կատարած գործողությունների բնույթն ու հանրության համար վտանգավորության աuտիճանը, այնպես էլ նրա անձը բնութագրող տվյալները՝ այն, որ նախկինում դատված չի եղել:
Մեղադրյալի նկատմամբ պատիժ նշանակելիս դատարանը ելնում է այն իրողությունից, որ օրենքի առաջնային պահանջը պատժի արդարացիությունն է, որը որպես քրեական իրավունքի սկզբունք ձևակերպված է ՀՀ քրեական օրենսգրքի 7-րդ հոդվածում. հանցանք կատարած անձի նկատմամբ կիրառվող պատիժը պետք է լինի արդարացի` համապատասխանի հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ ու բավարար լինեն նրան ուղղելու և նոր հանցագործությունները կանխելու համար:
ՀՀ քրեական օրենսգրքի 344-րդ հոդվածի 2-րդ մասի սանկցիան պատիժ է նախատեսում տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով::
Նույն օրենսգրքի 59-րդ հոդվածի 3-րդ և 5-րդ մասերի համաձայն`
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով:
5. Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով: Տուգանքի չափը որոշվում է նույն կարգով, եթե հանցանք կատարած անձի եկամուտն առաջացել է հանցանքն ավարտվելուց հետո: Տուգանքի չափը որոշվում է նույն կարգով նաև այն դեպքում, երբ անձի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից:
Դատարանը՝ հիմք ընդունելով մեղադրյալի անձը բնութագրող հանգամանքները, նրա պատասխանատվությունը և պատիժը մեղմացնող հանգամանքների առկայությունն ու ծանրացնող հանգամանքի բացակայությունը, ինչպես նաև հաշվի առնելով այն հանգամանքը, որ մեղադրվող արարքի կատարման ժամանակահատվածում «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն` ՀՀ նվազագույն ամսական աշխատավարձը 75.000 ՀՀ դրամ է, իսկ Արտյոմ Ռաֆայելի Մինասյանը չունի աշխատանք և ղեկավարվելով ՀՀ քրեական օրենսգրքի 7-րդ հոդվածի 1-ին, 55-րդ և 69-րդ հոդվածներով, գտնում է, որ Արտյոմ Ռաֆայելի Մինասյանի նկատմամբ պետք է պատիժ նշանակել ՀՀ քրեական օրենսգրքի 344-րդ հոդվածի 2-րդ մասի սանկցիայով նախատեսված տուգանքի ձևով՝ նվազագույն աշխատավարձի հնգապատիկի՝ 375.000 ՀՀ դրամի չափով: Դատարանը եկել է այդ եզրահանգման, քանի որ այդպիսի պատժատեսակ նշանակելու միջոցով հնարավոր է ապահովել ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակը, այն է՝ վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
ՀՀ քրեական օրենսգրքի 59-րդ հոդվածի 8-րդ մասի համաձայն՝ «8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ (․․․)»
Քննության առնելով դատապարտված մեղադրյալի նկատմամբ ընտրված խափանման միջոցի հարցը՝ դատարանը գտնում է, որ այն պետք է թողնել անփոփոխ մինչև դատավճիռն օրինական ուժի մեջ մտնելը :
Ապացույց ճանաչված արտավարութային փաստաթղթերը պետք է պահել քրեական վարույթում, դրա պահպանման համար նախատեսված ողջ ժամանակահատվածում:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 270-րդ, 347-350-րդ հոդվածներով, դատարանը


Վ Ճ Ռ Ե Ց
Արտյոմ Ռաֆայելի Մինասյանին մեղավոր ճանաչել ՀՀ քրեական օրենսգրքի 344 հոդվածի 2-րդ մասով նախատեսված հանցանքում և նրա նկատմամբ որպես պատիժ նշանակել տուգանք՝ նվազագույն աշխատավարձի հնգապատիկի՝ 375.000 ՀՀ դրամի չափով:
ՀՀ քրեական օրենսգրքի 59-րդ հոդվածի կարգով՝ Արտյոմ Ռաֆայելի Մինասյանին նկատմամբ նշանակված տուգանքի վճարման համար սահմանել 12-ամսյա ժամկետ՝ թույլատրելով Արտյոմ Ռաֆայելի Մինասյանին, սույն դատավճիռն օրինական ուժի մեջ մտնելուց հետո՝ յուրաքանչյուր ամիս վճարել 31.250 ՀՀ դրամից ոչ պակաս գումար՝ մինչև սույն դատավճռով նշանակված տուգանքի գումարի լրիվ մարումը։
Արտյոմ Ռաֆայելի Մինասյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճիռն օրինական ուժի մեջ մտնելը:
Ապացույց ճանաչված արտավարութային փաստաթղթերը պահել քրեական վարույթում, դրա պահպանման համար նախատեսված ողջ ժամանակահատվածում:
Դատավճիռը հատուկ վերանայման կարգով կարող է բողոքարկվել ՀՀ վերաքննիչ քրեական դատարան՝ այն ստանալու օրվանից մեկամսյա ժամկետում :

ԴԱՏԱՎՈՐ՝ Կ.ՖԱՐԽՈՅԱՆ