ԵԴ1/1642/01/25


ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


«9» Հուլիսի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ նաև Դատարան)՝
նախագահող դատավոր՝ ԱՐՇԱԿ ՄԱԹԵՎՈՍՅԱՆ
քարտուղարությամբ՝ ՌՈԲԵՐՏ ՍԻՐԱԿԱՆՅԱՆԻ
մասնակցությամբ.
հանրային մեղադրող՝ ՀԱՍՄԻԿ ՀԱՐՈՒԹՅՈՒՆՅԱՆԻ
մեղադրյալ՝ ՀԱՄԼԵՏ ՀԱՐՈՒԹՅՈՒՆՅԱՆԻ
դռնբաց դատական նիստում քննելով Համլետ Լյովայի Հարությունյանի(1) վերաբերյալ քրեական գործն ըստ մեղադրանքի՝ ՀՀ քրեական օրենսգրքի 344 հոդվածի 1-ին մասով.





1. ՄԵՂԱԴՐԱՆՔԻ ՓԱՍՏԱԿԱՆ ՆԿԱՐԱԳՐՈՒԹՅՈՒՆԸ.
Թիվ 60205525 քրեական վարույթով Համլետ Լյովայի Հարությունյանին ՀՀ քրեական օրենսգրքի 344 հոդվածի 1-ին մասով մեղադրանք է ներկայացվել հետևյալ արարքի համար.
«[Նա] տրանսպորտային միջոցներ վարելու իրավունքը կասեցված վիճակում (կասեցման ժամկետը՝ 2024թ. հոկտեմբերի 22-ից-ից մինչև 2025թ. ապրիլի 22-ը), 2025 թվականի փետրվարի 8-ին` ժամը 23:40-ին, Երևան քաղաքի Պռոշյան փողոցում վարել է «Տոյոտա» մակնիշի 37 TM 227 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից 2025 թվականի փետրվարի 9-ին, ժամը՝ 00:10-ին կազմվել է վարչական իրավախախտման վերաբերյալ թիվ 8259012444 արձանագրությունը»։

2. ԴԱՏԱՔՆՆՈՒԹՅԱՆ ԸՆԹԱՑՔՈՒՄ ՀԵՏԱԶՈՏՎԱԾ ԹՈՒՅԼԱՏՐԵԼԻ ԱՊԱՑՈՒՅՑՆԵՐԸ.
ՀԻՄՆԱԿԱՆ ԴԱՏԱԼՍՈՒՄՆԵՐ

2.1 «Զննություն կատարելու մասին» 2025 թվականի ապրիլի 22-ի արձանագրության համաձայն.
«1. Սույն քրեական վարույթի 4-րդ էջում առկա է 8259012444 վարչական իրավախախտման վերաբերյալ արձանագրության պատճենը, որի զննությամբ պարզվեց, որ 09.02.2025թ. Երևան քաղաքի Ամերիկյան փողոցում՝ ժամը 00:10-ին ՀՀ ոստիկանության պարեկային ծառայության 1-ին գումարտակի 3-րդ վաշտի կրտսեր պարեկ Տոնիկ Մանուկյանը /կրծքանշանի համար 06746/ Համլետ Լյովայի Հարությունյանի նկատմամբ կազմել է վարչական իրավախախտման վերաբերյալ արձանագրություն, ըստ որի Համլետ Լյովայի Հարությունյանը 08.02.2025 թվականին՝ ժամը 23:40-ին, Երևան քաղաքի Պռոշյան փողոցում վարել է «Տոյոտա» մակնիշի 37 TM 227 հաշվառման համարանիշի տրանսպորտային միջոցը՝ տրանսպորտային միջոցներ վարելու իրավունքը կասեցված վիճակում: Նշված արձանագրությանը վարորդը ծանոթացել է և ստորագրել։
2. Սույն քրեական վարույթի 5-րդ էջում առկա է Ճանապարհային ոստիկանության էլեկտրոնային ռեգիստրից արտատպված փաստաթղթի պատճեն, որի զննությամբ պարզվեց, որ Համլետ Լյովայի Հարությունյանի տրանսպորտային միջոցներ վարելու իրավունքը կասեցվել է 22.10.2024 թվականից մինչև 14.02.2025 թվականը։
3. Սույն քրեական վարույթի 6-րդ էջում առկա է 8400715426 վարչական իրավախախտման վերաբերյալ արձանագրության պատճենը, որի զննությամբ պարզվեց, որ 22.10.2024թ. Արարատի մարզի Մասիս քաղաքի Երևանյան փողոցում՝ ժամը 12:13-ին ՀՀ ՆԳՆ ոստիկանության պարեկային ծառայության կրտսեր պարեկ Սամվել Կարապետյանը /կրծքանշանի համար 02923/ Համլետ Լյովայի Հարությունյանի նկատմամբ կազմել է վարչական իրավախախտման վերաբերյալ արձանագրություն, ըստ որի Համլետ Լյովայի Հարությունյանը 22.10.2024 թվականին՝ ժամը 12:10-ին Արարատի մարզի Մասիս քաղաքի Երևանյան փողոցում վարել է «Տոյոտա» մակնիշի 37 TM 227 հաշվառման համարանիշի տրանսպորտային միջոցը՝ անվտանգության գոտիով չամրակապված: Նշված արձանագրությանը վարորդը ծանոթացել է և ստորագրել։ Նույն օրը կայացված որոշմամբ Համլետ Լյովայի Հարությունյանի տրանսպորտային միջոց վարելու իրավունքը վեց ամիս ժամկետով կասեցվել է, որի տակ վարորդը ստորագրել է։
4. Սույն քրեական վարույթի 7-րդ էջում առկա է 2418835489 վարչական իրավախախտման վերաբերյալ որոշման պատճենը, որի զննությամբ պարզվեց, որ 2418835489 որոշումը կայացվել է 2024 թվականի օգոստոսի 5-ին՝ բաժնի ավագ տեսուչ Արսեն Կարապետյանի կողմից: Զննությամբ պարզվեց նաև, որ նշված իրավախախտումը կատարվել է «Տոյոտա» մակնիշի 37 TM 227 հաշվառման համարանիշի ավտոմեքենայով 2024թ. հուլիսի 12-ին՝ ժամը 16:20-ին Երևան քաղաքի Կոմիտաս/Տիգրանյան խաչմերուկի հատվածում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 129.3-րդ հոդվածի 1-ին մասի համաձայն Համլետ Լյովայի Հարությունյանի տրանսպորտային միջոցների վարելու իրավունքը կասեցվել է 6 ամիս ժամկետով»: (2)
2.2 Արտավարութային փաստաթուղթ ճանաչված՝ վարչական իրավախախտման վերաբերյալ թիվ 8259012444 թիվ, 8400715426 և թիվ 2418835489, ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից արտատպված փաստաթղթի պատճենները պարունակում են դատավճռի 2.1 կետում նշված նույնական տվյալներ։ (3)
2.3 Մեղադրյալ Համլետ Լյովայի Հարությունյանն, ըստ էության, ցուցմունք տվեց այն մասին, որ 2025 թվականի փետրվարին տեղի ունեցած դեպքի օրը ինքն ու իր կինը մասնակցել են միջոցառման, և իրենց զանգել ու ասել են, որ իրենց երեխան ընկել է: Իրենց միջոցառման վայր հասցրել էր ընկերը, ով նաև պետք է գար ու իրենց տուն տաներ։ Երեխայի ընկնելու հանգամանքով պայմանավորված՝ իրենք պետք է շուտ տուն հասնեին, այդ պատճառով ինքն է վարել մեքենան: Ճանապարհին ՀՀ ՆԳՆ ոստիկանության պարեկային ծառայության աշխատակիցներն իրենց ապակիների մգության պատճառով են կանգնեցրել, նա ներկայացրել է իրավիճակը, և խնդրել պարեկային ծառայության աշխատակիցներին իրենց տուն ուղեկցել, սակայն նրանք չեն համաձայնվել: Ինքն ի սկզբանե տեղյակ է եղել, որ իր տրանսպորտային միջոցներ վարելու իրավունքը կասեցված է եղել 6 ամիս ժամկետով, սակայն մեքենան վարել է իրավիճակից դրդված: Մեղադրյալը նաև նշեց, որ ինքը գիտակցում է, որ դեպքի օրը կարող էր տաքսի ծառայությունից օգտվել, սակայն դա չի արել, քանի որ շփոթված է եղել, և ցանկացել է արագ հասնել իր երեխայի մոտ:
ԼՐԱՑՈՒՑԻՉ ԴԱՏԱԼՍՈՒՄՆԵՐ

2.1 ՀՀ պետական եկամուտների կոմիտեի հարկ վճարողների սպասարկման վարչության պետի 2025 թվականի մայիսի 22-ի գրության համաձայն՝ Համլետ Լյովայի Հարությունյանը հանցանքն ավարտվելու օրվան նախորդող 12 ամիսների ընթացքում չի հանդիսացել վարձու աշխատող։ Հարկային մարմնի տեղեկատվական բազայում առկա չեն նաև Համլետ Լյովայի Հարությունյանի կողմից իր ակտիվների ներդրմամբ (տրամադրմամբ) այլ անձանց գործունեությունից ստացված եկամուտի (շահաբաժնի, տոկոսի, ռոյալթիի, վարձակալական վճարի) վերաբերյալ տվյալներ։
2.2 Դատվածությունների և հետախուզման առկայության Ձև 8 հարցման պատասխանի, «DataLex» դատական տեղեկատվական համակարգում առկա տվյալների և թիվ ԿԴ/0055/01/25 քրեական գործով օրինական ուժի մեջ մտած դատավճիռն ի կատար ածելու մասին կարգադրության պատճենի համաձայն՝
-Թիվ ԿԴ/0055/01/25 քրեական գործով Կոտայքի մարզի առաջին ատյանի ընդհանուր իրավասության քրեական դատարանի 2025 թվականի փետրվարի 7-ի դատավճռով՝ Համլետ Լյովայի Հարությունյանը մեղավոր է ճանաչվել ՀՀ քրեական օրենսգրքի 344 հոդվածի 1-ին մասով նախատեսված հանցանքը կատարելու մեջ և դատապարտվել է 375.000 ՀՀ դրամի չափով տուգանքի: Դատավճիռն օրինական ուժի մեջ է մտել 2025 թվականի մարտի 20-ին:
2.3 ՀՀ քաղաքացիական կացության ակտերի գրանցման տվյալների շտեմարանում միասնական էլեկտրոնային տեղեկատվական համակարգի միջոցով կատարված հարցմանն ի պատասխան ստացվել են՝
-ամուսնության թիվ 4062 վկայականը, համաձայն որի՝ Համլետ Լյովայի Հարությունյանը և Մերրի Արսենի Կարապետյանը ամուսնացած են,
-ծննդի պետական գրանցման թիվ 6300 ակտը, համաձայն որի՝ 2024 թվականի մարտի 4-ին ծնված Հեսու Հարությունյանի հայրն է Համլետ Լյովայի Հարությունյանը։ (4)
Քննարկման ենթակա հարցերի վերաբերյալ կողմերի դիրքորոշումները.
2.4 Պատժի վերաբերյալ հարցերը քննարկելիս հանրային մեղադրողը Դատարանին խնդրեց Համլետ Լյովայի Հարությունյանի նկատմամբ որպես պատիժ նշանակել տուգանք՝ նվազագույն աշխատավարձի վեցապատիկի չափով:
2.5 Մեղադրյալ Համլետ Հարությունյանը նշեց, որ տուգանքի ձևով պատժի նշանակման դեպքում ինքը հնարավորություն չի ունենա մի անգամից և ամբողջությամբ վճարել այն:

3. ԴԱՏԱՐԱՆԻ ՓԱՍՏԱԿԱՆ ՎԵՐԼՈՒԾՈՒԹՅՈՒՆՆԵՐԸ ԵՎ ԴԱՏԱՐԱՆԻ ԿՈՂՄԻՑ ՀԱՍՏԱՏՎԱԾ ԿԱՄ ՀԵՐՔՎԱԾ ՓԱՍՏԱԿԱՆ ՀԱՆԳԱՄԱՆՔՆԵՐԸ.
3.1 Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանն արձանագրում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարել, որ Համլետ Լյովայի Հարությունյանը տրանսպորտային միջոցներ վարելու իրավունքը 2024 թվականի հոկտեմբերի 22-ից մինչև 2025 թվականի ապրիլի 22-ը կասեցված վիճակում՝ 2025 թվականի փետրվարի 8-ին՝ ժամը 23:40-ին, Երևան քաղաքի Պռոշյան փողոցում վարել է «Տոյոտա» մակնիշի 37 TM 227 հաշվառման համարանիշի տրանսպորտային միջոցը:
3.2 Հիմնական և լրացուցիչ դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում նաև սույն քրեական գործի լուծման համար նշանակություն ունեցող հետևյալ փաստական հանգամանքները.
-Համլետ Լյովայի Հարությունյանն ամուսնացած է, խնամքին է մեկ անչափահաս երեխան։
-մեղսագրվող հանցանքն ավարտվելու օրվան նախորդող 12 ամիսների ընթացքում Համլետ Հարությունյանի ստացած եկամտի վերաբերյալ տվյալներ առկա չեն։
4. ԴԱՏԱՐԱՆԻ ԻՐԱՎԱԿԱՆ ՎԵՐԼՈՒԾՈՒԹՅՈՒՆՆԵՐԸ, ՀԵՏԵՎՈՒԹՅՈՒՆՆԵՐՆ ՈՒ ՈՐՈՇՈՒՄՆԵՐԸ.
4.1 Դատարանի կողմից հաստատված փաստական հանգամանքների և 2025 թվականի հուլիսի 9-ին կայացված մեղադրական վերդիկտի հիման վրա Դատարանն ապացուցված է համարում մեղադրյալ Համլետ Լյովայի Հարությունյանին վերագրվող արարքը, այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, սահմանելով, որ դատապարտված մեղադրյալի արարքի նկատմամբ ենթակա է կիրառման ՀՀ քրեական օրենսգրքի 344 հոդվածի 1-ին մասը։
4.2 Դատարանի կողմից հաստատված փաստական հանգամանքների հիման վրա Դատարանն արձանագրում է, որ Համլետ Լյովայի Հարությունյանի պատասխանատվությունն ու պատիժը մեղմացնող ՀՀ քրեական օրենսգրքի 70 հոդվածով նախատեսված հանգամանք է պատիժ նշանակելու պահին մեղադրյալի խնամքի տակ անչափահաս երեխայի առկայությունը:
Դատարանն արձանագրում է, որ Համլետ Լյովայի Հարությունյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71 հոդվածով նախատեսված հանգամանքներ առկա չեն:
4.3 Կատարած հանցանքի համար մեղադրյալ Համլետ Լյովայի Հարությունյանը ենթակա է պատժի։
4.4 Պատժի տեսակն ու չափը որոշելիս՝ Դատարանը հաշվի է առնում հետևյալը՝
-Համլետ Լյովայի Հարությունյանի կատարած հանցանքի հանգամանքները, հանրային վտանգավորության աստիճանն ու բնույթը, մասնավորապես՝ այն, որ նա սույն դատավճռով հաստատված հանցանքը կատարել է համասեռ հանցանքի մեջ մեղադրվելու պայմաններում։
-Համլետ Լյովայի Հարությունյանի անձը բնութագրող տվյալները, պատասխանատվությունը և պատիժը մեղմացնող հանգամանքի առկայությունն ու ծանրացնող հանգամանքների բացակայությունը, ՀՀ քրեական օրենսգրքի 69 հոդվածի 2-րդ մասում թվարկված մյուս հանգամանքները։
Այսպիսով, Դատարանը գտնում է, որ ՀՀ քրեական օրենսգրքի 55 հոդվածի 2-րդ մասով սահմանված պատժի նպատակներն ապահովելու համար Արմեն Գրիգորի Ղանդիլյանի կողմից ՀՀ քրեական օրենսգրքի 344 հոդվածի 1-ին մասով կատարված հանցագործության բնույթին, վտանգավորության աստիճանին, դրա կատարելու հանգամանքներին, ինչպես նաև հանցավորի անձին համաչափ պատիժ է վեցապատիկի չափով տուգանքը:
Հիմք ընդունելով ՀՀ քրեական օրենսգրքի 59 հոդվածի 5-րդ մասը, և հաշվի առնելով մեղսագրվող հանցանքն ավարտվելու օրվան նախորդող 12 ամիսների ընթացքում Համլետ Լյովայի Հարությունյանի եկամտի բացակայության վերաբերյալ տվյալները՝ տուգանքի չափը պետք է հաշվարկել հանցանքը կատարելու պահին՝ 2025 թվականի փետրվարի 8-ին ՀՀ նվազագույն աշխատավարձի՝ 75.000 (յոթանասունհինգ հազար) ՀՀ դրամի չափով:
• Այսպիսով, Դատարանը գտնում է, որ ՀՀ քրեական օրենսգրքի 344 հոդվածի 1-ին մասով նախատեսված հանցանքի կատարման համար Համլետ Լյովայի Հարությունյանի նկատմամբ պատիժ պետք է նշանակել տուգանք՝ հանցանքը կատարելու պահին նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով։
4.5 ՀՀ քրեական օրենսգրքի 75 հոդվածով սահմանված կարգով սույն դատավճռով նշանակվող պատժին պետք է լրիվ գումարել թիվ ԿԴ/0055/01/25 քրեական գործով Համլետ Լյովայի Հարությունյանի նկատմամբ նշանակված պատիժը՝ 375.000 (երեք հարյուր յոթանասունհինգ հազար) ՀՀ դրամ տուգանքը, և նրա նկատմամբ վերջնական պատիժ նշանակել տուգանք՝ 825.000 (ութ հարյուր քսանհինգ հազար) ՀՀ դրամի չափով:
4.6 Հիմք ընդունելով ՀՀ քրեական օրենսգրքի 59 հոդվածի 8-րդ մասը, հաշվի առնելով մեղադրյալ Համլետ Լյովայի Հարությունյանի եկամտի վերաբերյալ տվյալների բացակայությունը՝ Դատարանը գտնում է, որ նշանակված տուգանքի վճարման ժամկետ պետք է սահմանել առավելագույնը՝ 1 (մեկ) տարի:
4.7 Դատարանը գտնում է, որ կատարած հանցանքի համար Համլետ Լյովայի Հարությունյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
4.8 Համլետ Լյովայի Հարությունյանը պետք է կրի իր նկատմամբ նշանակված պատիժը, քանի որ նրան պատժից ազատելու հիմքեր առկա չեն։
4.9 ՀՀ քրեական դատավարության օրենսգրքի 348 հոդվածի 1-ին մասի 11-14-րդ հարցերին անդրադառնալու անհրաժեշտությունը սույն քրեական գործով բացակայում է։
4.10 Համլետ Լյովայի Հարությունյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ՝ մինչև դրա իրավաչափության պայմանների փոփոխումը՝ բայց ոչ ավելի, քան դատավճռի օրինական ուժի մեջ մտնելը, քանի որ այն բավարար է մեղադրյալի կողմից ՀՀ քրեական դատավարության օրենսգրքի 116 հոդվածի 2-րդ մասով նախատեսված որևէ գործողություն կատարելու ռիսկերը չեզոքացնելու համար։
4.11 ՀՀ քրեական դատավարության օրենսգրքի 167 հոդվածի 1-ին մասի 1-6-րդ կետերով նախատեսված վարութային ծախսեր սույն քրեական գործով առկա չեն, իսկ 7-րդ կետով նախատեսված ծախսերի վերաբերյալ տվյալները բացակայում են: Ավելին՝ այդ վարութային ծախսերի հատուցման պահանջ Դատարանին չի ներկայացվել, որպիսի պայմաններում վարութային ծախսերի հարցը պետք է համարել լուծված։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 167, 276, 347, 348, 349 և 364 հոդվածներով՝ Դատարանը

Վ Ճ Ռ Ե Ց

1. Համլետ Լյովայի Հարությունյանին մեղավոր ճանաչել ՀՀ քրեական օրենսգրքի 344 հոդվածի 1-ին մասով նախատեսված հանցանքը կատարելու մեջ, և նրա նկատմամբ պատիժ նշանակել տուգանք՝ հանցանքը կատարելու պահին նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով։
2. ՀՀ քրեական օրենսգրքի 75 հոդվածով սահմանված կարգով՝ սույն դատավճռով նշանակված պատժին լրիվ գումարել թիվ ԿԴ/0055/01/25 քրեական գործով Կոտայքի մարզի առաջին ատյանի ընդհանուր իրավասության դատարանի 2025 թվականի փետրվարի 7-ի դատավճռով նշանակված պատիժը՝ 375.000 (երեք հարյուր յոթանասունհինգ հազար) ՀՀ դրամ տուգանքը, և Համլետ Լյովայի Հարությունյանի նկատմամբ վերջնական պատիժ նշանակել տուգանք՝ 825.000 (ութ հարյուր քսանհինգ հազար) ՀՀ դրամի չափով:
3. Տուգանքի վճարման ժամկետ սահմանել առավելագույնը՝ 1 (մեկ) տարի:
4. Համլետ Հարությունյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ՝ մինչև դրա իրավաչափության պայմանների փոփոխումը՝ բայց ոչ ավելի, քան դատավճռի օրինական ուժի մեջ մտնելը:
5. Վարութային ծախսերի հարցը համարել լուծված:
Դատավճիռը վերաքննության կարգով կարող է բողոքարկվել Հայաստանի Հանրապետության վերաքննիչ քրեական դատարան՝ ստանալու օրվանից հետո՝ մեկամսյա ժամկետում:



ԴԱՏԱՎՈՐ ԱՐՇԱԿ ՄԱԹԵՎՈՍՅԱՆ


(1)Ծնված՝ 1992 թվականի սեպտեմբերի 13-ին Երևան քաղաքում, ազգությամբ հայ, ՀՀ քաղաքացի, թիվ ԿԴ1/0055/01/25 քրեական գործով դատապարտյալ, միջնակարգ կրթությամբ, ամուսնացած, խնամքին 1 անչափահաս երեխա, ըստ իր խոսքերի աշխատում է «Միստր Չիզ» սահմանափակ պատասխանատվությամբ ընկերությունում որպես տնօրեն, և միջին ամսական եկամուտը կազմում է 75.000 ՀՀ դրամ, հաշվառված է և բնակվում է Երևան քաղաքի Գ.Վարդանյան փողոցի 1Ա շենքի թիվ 18Բ բնակարանում, որպես խափանման միջոց է կիրառված բացակայելու արգելքը։
(2)Տե՛ս, քրեական գործ, հատոր 1, թերթեր 14-15:
(3)Տե՛ս, քրեական գործ, հատոր 1, թերթեր 4-7:
(4)2.1-2.3 կետերի վերաբերյալ տե՛ս Դատարանում ստեղծված և Դատարան ստացված նյութերը: