ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
քրեական գործ թիվ ԵԴ1/1628/01/25
Երևան քաղաքի առաջին ատյանի ընդհանուր իրավասության
քրեական դատարանը

ՆԱԽԱԳԱՀՈՒԹՅԱՄԲ`
ԴԱՏԱՎՈՐ Ա.ԴԱՆԻԵԼՅԱՆԻ,

ՔԱՐՏՈՒՂԱՐՈՒԹՅԱՄԲ` Լ.ՄԱԿԱՐՅԱՆԻ,

ՄԱՍՆԱԿՑՈՒԹՅԱՄԲ`
ՀԱՆՐԱՅԻՆ ՄԵՂԱԴՐՈՂ,
ԵՐԵՎԱՆ ՔԱՂԱՔԻ ՇԵՆԳԱՎԻԹ ՎԱՐՉԱԿԱՆ
ՇՐՋԱՆԻ ԴԱՏԱԽԱԶՈՒԹՅԱՆ
ԴԱՏԱԽԱԶ Ա․ԲԱԴԱԼՅԱՆԻ,

ՄԵՂԱԴՐՅԱԼՆԵՐ Ա.ՍԱՐԳՍՅԱՆԻ,
Ա.ՄՈՍԻՆՅԱՆԻ,
ՊԱՇՏՊԱՆՆԵՐ Ա.ԱԼՎԱՆԴՅԱՆԻ,
Ս․ԱՆԴՐԻԱՍՅԱՆԻ,

2025 թվականի օգոստոսի 29-ին Երևան քաղաքում,
դատարանում, դռնբաց դատական նիստում արագացված վարույթով քննելով քրեական գործն ըստ մեղադրանքի

Արսեն Սիրականի Սարգսյանի՝
(ծնված Երևան քաղաքում, հայ, ՀՀ քաղաքացի, միջնակարգ կրթությամբ, ամուսնացած, խնամքին՝ երկու անչափահաս և վատառողջ երեխա, վատառողջ, չի աշխատում)
ՀՀ քրեական օրենսգրքի 335-րդ հոդվածի 1-ին մաստով,

Արտաշես Գառնիկի Մոսինյանի՝
(ծնված Երևան քաղաքում, հայ, ՀՀ քաղաքացի, միջնակարգ կրթությամբ, ամուսնացած, խնամքին՝ մեկ անչափահաս երեխա և վատառողջ մայրը, չի աշխատում)
ՀՀ քրեական օրենսգրքի 335-րդ հոդվածի 1-ին մասով,

Պ Ա Ր Զ Ե Ց
Գործի դատավարական ընթացքը.
1. ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնում (այսուհետ՝ նաև Նախաքննության մարմին) 2024 թվականի դեկտեմբերի 17-ին ՀՀ քրեական օրենսգրքի 335-րդ հոդվածի 1-ին մասով նախաձեռնվել է թիվ 11830724 քրեական վարույթը:
2. 2024 թվականի դեկտեմբերի 19-ին Արսեն Սիրականի Սարգսյանը ձերբակալվել է՝ անմիջականորեն ծագած հիմնավոր կասկածի հիմքով։
3․ Նախաքննության մարմնի կողմից 2024 թվականի դեկտեմբերի 20-ին ՀՀ քրեական օրենսգրքի 335-րդ հոդվածի 1-ին մասով նախաձեռնվել է թիվ 11833724 քրեական վարույթը:
3․1. Նախաքննության մարմնի 2024 թվականի դեկտեմբերի 20-ի որոշմամբ թիվ 11833724 քրեական վարույթը միացվել է թիվ 11830724 քրեական վարույթին, և նախաքննությունը շարունակվել թիվ 11830724 համարով։
4․ 2024 թվականի դեկտեմբերի 20-ին Արտաշես Գառնիկի Մոսինյանը ձերբակալվել է՝ անմիջականորեն ծագած հիմնավոր կասկածի հիմքով։
5. Հսկող դատախազի 2024 թվականի դեկտեմբերի 22-ի որոշմամբ Արսեն Սիրականի Սարգսյանի նկատմամբ հարուցվել է հանրային քրեական հետապնդում ՀՀ քրեական օրենսգքրի 335-րդ հոդվածի 1-ին մասով։
6. 2024 թվականի դեկտեմբերի 23-ին Արսեն Սիրականի Սարգսյանը ձերբակալվել է՝ ազատության մեջ գտնվող մեղադրյալին դատարան ներկայացնելու հիմքով։
7. Նախաքննության մարմնի 2024 թվականի դեկտեմբերի 23-ի որոշմամբ ձերբակալված Արտաշես Գառնիկի Մոսինյանն ազատ է արձակվել՝ նրան անազատության մեջ պահելու ժամկետը լրանալու հիմքով։
8. 2024 թվականի դեկտեմբերի 23-ի որոշմամբ Արտաշես Գառնիկի Մոսինյանի նկատմամբ հարուցվել է հանրային քրեական հետապնդում ՀՀ քրեական օրենսգքրի 335-րդ հոդվածի 1-ին մասով։
9. 2024 թվականի դեկտեմբերի 23-ին Արտաշես Գառնիկի Մոսինյանը ձերբակալվել է՝ ազատության մեջ գտնվող մեղադրյալին դատարան ներկայացնելու հիմքով։
10. Դատարանի 2024 թվականի դեկտեմբերի 24-ի որոշմամբ մեղադրյալ՝ Արսեն Սիրականի Սարգսյանի նկատմամբ որպես խափանման միջոց է կիրառվել կալանքը` մեկ ամիս ժամանակով։
10․1. Դատարանի 2025 թվականի հունվարի 22-ի որոշմամբ մեղադրյալ Արսեն Սիրականի Սարգսյանին կալանքի տակ պահելու ժամկետը երկարաձգելու միջնորդությունը բավարարվել է մասնակի, և նրա նկատմամբ որպես խափանման միջոց է ընտրվել տնային կալանքը՝ երկու ամիս ժամանակով՝ պարտավորեցնելով չլքել բնակության վայրը՝ Երևան քաղաքի Նորագավիթ 1-ին փողոցի թիվ 2 փակուղու թիվ 12/3 տան տարածքը՝ նույն հասցեում գտնվող խորդանոցին հասանելիության սահմանափակմամբ:
Նույն որոշմամբ Արսեն Սարգսյանին արգելվել է՝
- ունենալ նամակագրություն, հեռախոսային խոսակցություններ, օգտվել հաղորդակցության այլ ձևերից, այդ թվում՝ փոստային առաքանուց (բացառությամբ պետական մարմինների հետ հաղորդակցությունից),
- շփում ունենալ իր հետ համատեղ բնակվող անձանցից բացի այլ անձանց հետ և իր բնակության վայրում հյուրընկալել այլ անձանց (օրենքով նախատեսված բացառությունների հաշվառմամբ):
11. Դատարանի 2024 թվականի դեկտեմբերի 24-ի որոշմամբ մեղադրյալ Արտաշես Գառնիկի Մոսինյանի նկատմամբ որպես խափանման միջոց է կիրառվել կալանքը` երկու ամիս ժամանակով։
11․1. Դատարանի 2024 թվականի փետրվարի 21-ի որոշմամբ մեղադրյալ Արտաշես Գառնիկի Մոսինյանին կալանքի տակ պահելու ժամկետը երկարաձգելու միջնորդությունը բավարարվել է մասնակի, և Արտաշես Մոսինյանի նկատմամբ որպես խափանման միջոց է ընտրվել տնային կալանքը՝ երկու ամիս ժամանակով՝ պարտավորեցնելով չլքել բնակության վայրը՝ Երևան քաղաքի Նոր-Նորքի 6-րդ զանգվածի Շոպրոնի 2-րդ նրբանցքի 7-րդ շենքի հարակից տարածքը:
Նույն որոշմամբ Արտաշես Մոսինյանին արգելվել է՝
- ունենալ նամակագրություն, հեռախոսային խոսակցություններ, օգտվել հաղորդակցության այլ ձևերից, այդ թվում՝ փոստային առաքանուց (բացառությամբ պետական մարմինների հետ հաղորդակցությունից),
- իր բնակարանում հյուրընկալել այլ անձանց (բացառությամբ իր պաշտպանի):
12. Հսկող դատախազի 2025 թվականի մարտի 12-ի որոշմամբ Արսեն Սիրականի Սարգսյանին ներկայացված մեղադրանքը լրացվել է, և նրա նկատմամբ հարուցվել է նոր հանրային քրեական հետապնդում ՀՀ քրեական օրենսգքրի 335-րդ հոդվածի 1-ին մասով նախատեսված այն արարքի համար, որ. «(…) նա, խախտելով «Զենքի շրջանառության կարգավորման մասին» ՀՀ օրենքի 7-րդ, 14-րդ, 17-րդ, 25-րդ ու 31- րդ հոդվածներով նախատեսված կարգավորումները, չունենալով հրազեն կամ ռազմամթերք ձեռք բերելու, պահելու կամ կրելու՝ ՀՀ ՆԳՆ ոստիկանությունից տրված թույլտվություն, քննությամբ չպարզված ժամանակահատվածում և հանգամանքներում ապօրինի ձեռք է բերել և իր բնակության հասցեում՝ Երևան քաղաքի Նորագավիթ 1-ին փողոցի 2-րդ նրբանցքի 12/3 տանը հարակից խորդանոցում ապօրինի պահել է ինքնաշեն եղանակով ձևափոխված՝ «EKOL Tuna» տեսակի «V2iEKDEYS14-2400048» համարի՝ 6,35 մմ տրամաչափի փամփուշտներ կրակելու համար նախատեսված ակոսափող հրազեն, ինքնաշեն եղանակով ձևափոխված՝ «EKOL Tuna» տեսակի «V2iEKDEYS14-2400034» համարի՝ 6,35 մմ տրամաչափի փամփուշտներ կրակելու համար նախատեսված ակոսափող հրազեն, ինքնաշեն եղանակով ձևափոխված՝ «RHONER SPORTWAFFEN Mod.15» տեսակի 5,6մմ տրամաչափի օղակաձև բոցավառման որսորդական-սպորտային փամփուշտներով կրակելու համար նախատեսված ակոսափող հրազեն, ինքնաշեն եղանակով ձևափոխված՝ «BLOW TR 92 AUTO» տեսակի «Z2IBLHBTS04-2400428» համարի՝ 9մմ տրամաչափի փամփուշտներով համար նախատեսված ակոսափող հրազեն, ինքնաշեն եղանակով ձևափոխված՝ «EKOL» տեսակի «ЕР-19070145» համարի՝ 5,6մմ տրամաչափի փամփուշտներով կրակելու համար նախատեսված ակոսափող հրազեն, որի երեսկալների միջնամասերում ինքնաշեն եղանակով տեղադրված են 1-ական նախշազարդ կոճակներ, գործարանային արտադրության Մակարովի կոնստրուկցիա ունեցող /ծառայողական, գազային, տրավմատիկ, դեակտիիվացված կամ այլ/ ատրճանակի /ների/ դետալների և ինքնաշեն դետալների օգտագործմամբ պատրաստված՝ 9մմ տրամաչափի փամփուշտներով կրակելու համար նախատեսված ակոսափող հրազեն, ինքնաշեն եղանակով ձևափոխված՝ «МР-371» տեսակի «2037104457» համարի՝ 9մմ տրամաչափի փամփուշտներով կրակելու համար նախատեսված ակոսափրղ հրազեն, ինքնաշեն եղանակով ձևափոխված՝ «EKOL Viper 3» տեսակի «V2iEKCGYT01-2400297» համարի՝ 5,6մմ տրամաչափի փամփուշտներ կրակելու համար նախատեսված ակոսափող հրազեն, «СКС» տեսակի «ИЕ 931» համարի 7,62 մմ /7,76x39/ տրամաչափի որսորդական ակոսափող հրազեն, ինչպես նաև ռազմամթերք և ակոսափող հրազենի փամփուշտներ հանդիսացող 153 հատ 5,45 մմ /5,45x39/ տրամաչափի փամփուշտներ՝ նախատեսված համապատասխան տրամաչափի ակոսափող զենքերից /օր.՝AK-74 ինքնաձիգներից, РПК տեսակի ձեռքի գնդացիրներից և ակոսափող այլ զենքերից /բացի քաղաքացիական ակոսափող զենքերից/ կրակվելու համար, 110 հատ 9մմ 18մմ/ տրամաչափի փամփուշտներ՝ նախատեսված համապատասխան տրամաչափի ակոսափող զենքերից /օր.՝ ПМ, АПС տեսակի ատրճանակներից և ակոսափող այլ զենքերից/ կրակվելու համար, 110 հատ 5,մմ /5,6x15,6/ տրամաչափի օղակաձև բոցավառման որսորդականսպորտային հրացանային փամփուշտներ՝ նախատեսված համապատասխան տրամաչափի ակոսափող զենքերից /օր. TO3 տեսակի հրացաններից, կարաբիններից, «Walther», «Марголин» տեսակի ատրճանակներից և ակոսափող այլ զենքերից կրակվելու համար, 62 հատ 6,35մմ /6,35x15,5/ տրամաչափի փամփուշտներ են՝ նախատեսված համաատասխան 1 տրամաչափի ակոսափող զենքերից /օր. Browning, Walther, Beretta տեսակի ատրճանակներից և ակոսափող այլ զենքերից/ կրակվելու համար, 48 հատ 7,65մմ /7,65x17/ տրամաչափի փամփուշտներ նախատեսված համապատասխան տրամաչափի ակոսափող զենքերից /օր. Walther, Beretta, Browning տեսակի ատրճանակներից և ակոսափող այլ զենքերից/ կրակվելու համար, 40 հատ 5,6 մմ /5,6x10,7/ տրամաչափի օղակաձև բոցավառման սպորտային-վարժանքային ատրճանակային փամփուշտներ՝ նախատեսված համապատասխան ակոսափող զենքերից /օր.՝ МЦ-1, Beretta, CZ տեսակի ատրճանակներից և ակոսափողղ այլ զենքերից/ կրակվելու համար, 37 հատ 7,62մմ /7,62x39/ տրամաչափի փամփուշտներ՝ նախատեսված համապատասխան տրամաչափի ակոսափող զենքերից /օր. AK տեսակի ինքնաձիգներից, РПК տեսակի ձեռքի գնդացիրներից և ակոսափող այլ զենքերից, բացի քաղաքացիական ակոսափող զենքերից/ կրակվելու համար, 21 հատ 4,5մմ Ֆլոբերի փամփուշտներ՝ նախատեսված համապատասխան տրամաչափի զենքերից կրակվելու համար, 20 հատ 9մմ /9x19/ տրամաչափի փամփուշտներ՝ նախատեսված համապատասխան տրամաչափի ակոսափող զենքերից /օր. Browning, Walther, Beretta տեսակի ատրճանակներից և ակոսափող այլ զենքերից կրակվելու համար, 17 հատ 9մմ РА /9х22Т/ տրամաչափի վնասվածքային գործողության տրավմատիկ փանփուշտներ՝ նախատեսված համապատսխան տրամաչափի սահմանափակն խոցելիությամբ վնասվածքային հրազեններից /օր. Гроза - 01, ФОРТ 12 Р, МР-81 տեսակի սահմանափակ խոցելիությամբ վնասվածքային ատրճանակներից և սահմանափակ խոցելիությամբ վնասվածքային այլ զենքերից կրակվելու համար,13 հատ 38SPL 9x29մմ տրամաչափի փամփուշտներ՝ նախատեսված համապատասխան տրամաչափի ակոսափող զենքերից /օր.SMITH WESSON տեսակի ակոսափող թմբուկավոր ատրճանակից և ակոսափող այլ զենքերից կրակվելու համար, 9 հատ 7,62մմ /7,62x25/ տրամաչփի փամփուշտներ՝ նախատեսված համապատասխան տրամաչափի ակոսափող զենքերից, օրինակ TT տեսակի ատրճանակից ППШ, ППД, ППС տեսակի ատրճանակ֊գնդացիրներից և ակոսափող այլ զենքերից կրակվելու համար, 9 հատ 345 TK /8,85x22մմ/ տրամաչափի որսորդական-ապորտայն փամփուշտներ՝նախատեսված համապատասխան տրամաչափի որսորդական Պարադոքս տեսակի փողով ողորկափող զենքերից /օր. САЙГА TR9 Paradox, Вепрь 9/345 տեսակի կարաբիններից և որսորդական/ парадокс տեսակի փողով/ ողորկափող այլ զենքերից կրակվելու համար, 9 հատ 22WMR /5,6ճ27մմ/ տրամաչափի օղակաձև բոցավառման որոսորդական-սպորտային փամփուշտներ՝ նախատեսված համապատասխան տրամաչափի ակոսափող զենքերից /օր. CZ-455 տեսակի կարաբինից և ակոսափող այլ զենքերից/ կրակվելու համար, 5 հատ 7,62մմ /7,62x54/ տրամաչափի հրացանային փամփուշտներ՝ նախատեսված համապատասխան տրամաչափի ակոսափող զենքերից /օր. СВД տեսակի դիոպուկահար հրացաններից, ПК տեսակի գնդացիրներից և ակոսափող այլ զենքերից, բացի քաղաքացիական ակոսափող այլ զենքերից/ կրակվելու համար, 5 հատ 7,62 մմ /7,62x26/ տրամաչափի սպորտային փամփուշտներ՝ նախատեսված համապատասխան տրամաչափի սպորտային թմբուկավոր ակոսափող զենքերից /օր. Т03 49 տեսակի թմբուկավոր սպորտային ատրճանակից, և ակոսափող այլ զենքերից/ կրակվելու համար, 5 հատ 9մմ /9x17/ տրամաչափի փամփուշտներ' նախատեսված համապատասխան տրամաչափի ակոսափող զենքերից /օր. ИЖ-71, GLOCK տեսակի ատրճանակներից և ակոսափող այլ զենքերից/ կրակվելու համար, որը 2024 թվականի դեկտեմբերի 19-ին հայտնաբերվել է վերը հիշատակված տան հարակից խորդանոցի խուզարկությամբ»։
13․ Նախաքննության մարմնի կողմից 2025 թվականի մարտի 13-ին Արսեն Սիրականի Սարգսյանին ներկայացվել է մեղադրանք:
14․ Դատարանի 2025 թվականի ապրիլի 21-ի որոշմամբ մեղադրյալ Արտաշես Գառնիկի Մոսինյանի նկատմամբ որպես խափանման միջոց ընտրված տնային կալանքի ժամկետը երկարաձգվել է երկու ամիս ժամանակով, նրա նկատմամբ որպես համակցված խափանման միջոց է ընտրվել բացակայելու արգելքը:
15․ Դատարանի 2025 թվականի մարտի 20-ի որոշմամբ մեղադրյալ Արսեն Սիրականի Սարգսյանի նկատմամբ որպես խափանման միջոց ընտրված տնային կալանքի ժամկետը երկարաձգվել է երկու ամիս ժամանակով։
16. Հսկող դատախազի 2025 թվականի մայիսի 7-ի որոշմամբ Արտաշես Գառնիկի Մոսինյանի նկատմամբ հարուցվել է նոր հանրային քրեական հետապնդում ՀՀ քրեական օրենսգքրի 335-րդ հոդվածի 1-ին մասով նախատեսված այն արարքի համար, որ. «(…) նա, խախտելով «Զենքի շրջանառության կարգավորման մասին» ՀՀ օրենքի 7-րդ, 14-րդ, 17-րդ, 25-րդ ու 31-րդ հոդվածներով նախատեսված կարգավորումները, չունենալով հրազեն կամ ռազմամթերք ձեռք բերելու, պահելու կամ կրելու՝ ՀՀ ՆԳՆ ոստիկանությունից տրված թույլտվություն, քննությամբ չպարզված ժամանակահատվածում և հանգամանքներում ապօրինի ձեռք է բերել և իր բնակության վայրում ք.Երևան, Նոր-Նորք, Շոպրոնի 2-րդ նրբանցք, հարակից 7-րդ հասցեում ապօրինի պահել է 97 հատ 9մմ տրամաչափի՝ սահմանափակ խոցելիությամբ /վնասվածքային/ հրազեններից կրակվելու համար նախատեսված ռազմամթերք հանդիսացող փամփուշտ, 17 հատ 9մմ /9X18/ տրամաչափի ռազմամթերք հանդիսացող փամփուշտ՝ նախատեսված Байкал-442 АПС տեսակի ակոսափող ատրճանակներից և համապատասխան տրամաչափի ակոսափող այլ զենքերից կրակվելու համար, 7 հատ 6,35 Br. /6,35x15մմ/ տրամաչփի ռազմամթերք հանդիսացող փամփուշտ նախատեսված TK, BROWNING տեսակի ակոսափող ատրճանակներից և համապատասխան տրամաչափի ակոսափող այլ զենքերից կրակվելու համար, 5 հատ 7,65 Br. /7,65x17մմ/ տրամաչափի ռազմամթերք հանդիսացող փամփուշտ՝ նախատեսված WALTHER, BERETTA տեսակի ակոսափող ատրճանակներից և համապատասխան տրամաչափի ակոսափող այլ զենքերից կրակվելու համար և EKOL Jackal Dual տեսակի U2IEKCRTS14-2400051 համարի 9մմ տրամաչափի ինքնաշեն եղանակով ձևափոխված սահմանափակ խոցելիությամբ /վնասվածքային/ հրազեն, որը 2024 թվականի դեկտեմբերի 20-ին հայտնաբերվել է վերը հիշատակված բնակարանում կատարված խուզարկության ընթացքում»։
17․ Նախաքննության մարմնի կողմից 2025 թվականի մայիսի 8-ին Արտաշես Գառնիկի Մոսինյանին ներկայացվել է մեղադրանք:
18․ 2025 թվականի մայիսի 08-ին թիվ 11830724 վարույթի նյութերը մեղադրական եզրակացությամբ ստացվել են Երևան քաղաքի առաջին ատյանի ընդհանուր իրավասության քրեական դատարանում (այսուհետ՝ նաև Դատարան)։
2025 թվականի մայիսի 13-ին որոշում է կայացվել քրեական գործով վարույթ ստանձնելու և նախնական դատալսումներ նշանակելու մասին։ Նախնական դատալսումներով դատական նիստը նշանակվել է նույն թվականի մայիսի 21-ին:
19․ Դատարանի 2025 թվականի մայիսի 21-ի որոշմամբ մեղադրյալ Արսեն Սիրականի Սարգսյանի նկատմամբ որպես խափանման միջոց ընտրված կալանքը փոփոխվել է, և նրա նկատմամբ որպես խափանման միջոց է ընտրվել բացակայելու արգելքը։
20․ Դատարանի 2025 թվականի մայիսի 21-ի որոշմամբ մեղադրյալ Արտաշես Գառնիկի Մոսինյանի նկատմամբ որպես խափանման միջոց ընտրված տնային կալանքը վերացվել է, և նա անհապաղ ազատ է արձակվել:
Մեղադրյալ Արտաշես Գառնիկի Մոսինյանի նկատմամբ որպես խափանման միջոց ընտրված բացակայելու արգելքը թողնվել է անփոփոխ:

Արագացված վարույթ կիրառելու միջնորդությունը և դրա քննարկումը.
21․ Նախնական դատալսումների ընթացքում մեղադրյալներ Արսեն Սիրականի Սարգսյանը և Արտաշես Գառնիկի Մոսինյանը ներկայացրել են արագացված վարույթ կիրառելու միջնորդություն՝ հայտնելով, որ իրենց պարզ է ներկայացված մեղադրանքները, համաձայն են մեղադրանքի հետ, ներկայացված մեղադրանքում իրենց լիովին մեղավոր են ճանաչում, միջնորդությունը ներկայացրել են կամավոր, մինչև միջնորդությունը ներկայացնելը խորհրդակցել են իրենց պաշտպանի հետ, գիտակցում են արագացված վարույթ կիրառելու հետևանքները և պնդում են ներկայացված միջնորդությունը:
22. Հանրային մեղադրողը հայտնել է, որ չի առարկում արագացված վարույթ կիրառելու դեմ՝ ներկայացնելով մեղադրանքի փաստական հիմքը, ինչպես նաև մեղադրյալներին վերագրվող արարքի իրավական գնահատականը։
23. Դատարանը, համոզվելով, որ առկա է ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-րդ հոդվածի 2-րդ մասով նախատեսված՝ արագացված վարույթի կիրառումը բացառող հանգամանքները, արձանագրային որոշմամբ բավարարել է արագացված վարույթ կիրառելու մասին մեղադրյալների միջնորդությունը և նշանակել լրացուցիչ դատալսումներ:

Դատարանի իրավական վերլուծությունը.
24. Ներկայացված մեղադրանքը մեղադրյալների կողմից ընդունելու և գործը արագացված վարույթով քննելու պայմաններում՝ Դատարանը, գործով ձեռքբերված ապացույցների ընդհանուր կարգով սահմանված հետազոտություն չկատարելով, արձանագրում է, որ՝
-մեղադրյալ Արսեն Սիրականի Սարգսյանը կատարել է իրեն մեղսագրված հանցանքը, այն ճիշտ է որակված և համապատասխանում է ՀՀ քրեական օրենսգրքի 335-րդ հոդվածի 1-ին մասով նախատեսված հանցագործության հատկանիշներին,
- մեղադրյալ Արտաշես Գառնիկի Մոսինյանը կատարել է իրեն մեղսագրված հանցանքը, այն ճիշտ է որակված և համապատասխանում է ՀՀ քրեական օրենսգրքի 335-րդ հոդվածի 1-ին մասով նախատեսված հանցագործության հատկանիշներին:
25. Հաստատված համարելով մեղադրյալների մեղավորությունն իրենց մեղսագրված հանցանքի կատարման մեջ՝ Դատարանը գտնում է, որ անհրաժեշտ է անդրադառնալ նրանց նկատմամբ պատիժ նշանակելու հետ կապված հետևյալ հարցերին.
ա) արդյո՞ք ապացուցված են պատասխանատվությունը և պատիժը մեղմացնող կամ ծանրացնող հանգամանքները.
բ) ենթակա են արդյո՞ք պատժի իրենց կատարած հանցանքի համար.
գ) ի՞նչ պատիժ պետք է նշանակվի նրանց նկատմամբ.
դ) արդյո՞ք պետք է կրեն իրենց նկատմամբ նշանակված պատիժը.

I. Մեղադրյալ Արսեն Սիրականի Սարգսյանի քրեական պատասխանատվության հարցը.
26. Անդրադառնալով «ա» կետով բարձրացված հարցին՝ Դատարանն անհրաժեշտ է համարում նշել հետևյալը.
ՀՀ քրեական օրենսգրքի 70-րդ հոդվածի համաձայն`
«1. Քրեական պատասխանատվությունը կամ պատիժը մեղմացնող հանգամանքներ են՝
(…)
4) պատիժ նշանակելու պահին հանցանք կատարած անձի խնամքի տակ անչափահասի կամ հաշմանդամություն ունեցող անձի առկայությունը, բացառությամբ այն դեպքերի, երբ հանցանքը կատարվել է խնամքի տակ գտնվող անձի նկատմամբ,
(…)
10) հանցանք կատարած անձի մեղայականով ներկայանալը, հանցագործությունը, հանցագործության այլ մասնակցին բացահայտելուն, հանցագործությամբ ձեռք բերված գույքը որոնելուն, գործով ապացույց ձեռք բերելուն աջակցելը,
(…)
2. Պատիժ նշանակելիս դատարանը կարող է հաշվի առնել նաև սույն հոդվածի 1-ին մասով չնախատեսված մեղմացնող այլ հանգամանքներ:»:
26.1. Դատարանը որպես մեղադրյալ Արսեն Սիրականի Սարգսյանի պատիժը մեղմացնող հանգամանք է դիտարկում այն, որ՝
- պատիժ նշանակելու պահին նրա խնամքին է գտնվում հաշմանդամություն ունեցող երկու անչափահաս (ծնված 2012 թվականի հունիսի 8-ին և 2013 թվականի սեպտեմբերի 18-ին) երեխաները (տե՛ս ծննդյան թիվ ԱԲ 295934, թիվ ԱԲ 212133 վկայականների պատճենները, հայրության ճանաչման թիվ ԱԲ 069710, թիվ 041987 վկայականները, մինչև տասնութ տարեկան երեխայի բժշկասոցիալական փորձաքննության թիվ 619120 և 619119 որոշումների պատճենները),
- ներկայացված մեղադրանքում իրեն մեղավոր է ճանաչել, զղջացել է իր կատարած արարքի համար, աջակցել է հանցագործությունը և հանցագործության այլ մասնակցին բացահայտելուն (տե՛ս, mutatis mutandis, Սերոբ Սարգսյանի գործով Վճռաբեկ դատարանի՝ 2012 թվականի նոյեմբերի 1-ի թիվ ՍԴ/0109/01/12 որոշման 26-րդ կետը)։
26․2․Դատարանն արձանագրում է, որ մեղադրյալ Արսեն Սիրականի Սարգսյանի պատասխանատվությունը կամ պատիժը ծանրացնող հանգամանք առկա չէ։
27. Անդրադառնալով «բ» կետով բարձրացված հարցին՝ Դատարանն արձանագրում է, որ սույն քրեական գործով մեղադրյալ Արսեն Սիրականի Սարգսյանին պատժից ազատելու հիմքեր առկա չեն, հետևաբար՝ նա ենթակա է պատժի իր կատարած հանցանքի համար։
28․Անդրադառնալով «գ» կետով բարձրացված հարցին՝ Դատարանն անհրաժեշտ է համարում նշել հետևյալը.
ՀՀ քրեական օրենսգրքի 335-րդ հոդվածի 1-ին մասի համաձայն՝
«Ապօրինի կերպով հրազեն (բացառությամբ քաղաքացիական ողորկափող հրազենի, դրա փամփուշտների կամ դրա բաղկացուցիչ մասերի), դրա հիմնական բաղկացուցիչ մաս, ռազմամթերք, ակոսափող հրազենի փամփուշտ, պայթուցիկ նյութ կամ պայթեցման սարք ձեռք բերելը, իրացնելը, պահելը, փոխադրելը, առաքելը կամ կրելը՝
պատժվում է ազատության սահմանափակմամբ՝ առավելագույնը երեք տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը հինգ տարի ժամկետով:»:
ՀՀ քրեական օրենսգրքի 7-րդ հոդվածի 1-ին մասի համաձայն՝
«Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»:
ՀՀ քրեական օրենսգրքի 55-րդ հոդվածի 2-րդ մասի համաձայն՝
«Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ (…):»:
ՀՀ քրեական դատավարության օրենսգրքի 464.4-րդ հոդվածի 2-րդ մասի համաձայն՝
«Դատարանը արագացված վարույթի արդյունքով մեղադրական դատավճիռ կայացնելիս նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի ընդհանուր մասի վերաբերելի դրույթները»։
ՀՀ քրեական օրենսգրքի 77-րդ հոդվածի 4.1-ին մասի համաձայն՝
«Արագացված վարույթ կիրառելու դեպքում պատիժը չի կարող գերազանցել սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի համար նախատեսված առավելագույն չափի կամ ժամկետի երեք քառորդը։ Եթե առավել խիստ պատժատեսակի երեք քառորդը պակաս է ստացվում սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի նվազագույն չափից կամ ժամկետից, ապա այն չի կարող պակաս լինել նվազագույն չափից կամ ժամկետից»։
28․1․ Պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են՝
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
Պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն։
Նշանակվող պատժի արդարացիության հիմնական պահանջներից է այն, որ պատիժը պետք է համապատասխանի հանցագործության հանրային վտանգավորության աստիճանին և բնույթին:
Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա:
Պատժի անհատականացման սկզբունքի բովանդակության հիմնական մասն է կազմում նաև հանցավորի անձը բնութագրող տվյալների գնահատումը, որոնք իրենց ամբողջության մեջ հնարավորություն են տալիս անձին դիտել ոչ միայն որպես հանցանք կատարող, որը պետք է պատասխանատվություն կրի, այլ նաև որպես կոնկրետ անձ՝ իր անհատական հատկանիշներով: Ընդ որում՝ անձի այն հատկանիշները, որոնք գտնվում են հանցակազմից դուրս, նշանակություն են ունենում դատարանի կողմից պատժի տեսակը և չափը որոշելիս: Որպես հանցավորի անձը բնութագրող հատկանիշներ՝ գնահատվում են նրա սոցիալ-հոգեբանական, սոցիալ-ժողովրդագրական հատկությունները՝ վարքագիծն ընտանիքում և կենցաղում, աշխատանքի նկատմամբ ունեցած վերաբերմունքը, կրթությունը, առողջական վիճակը, տարիքը, ծառայությունը պետության և հասարակության առջև և այլն:
Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում՝ հանցավորի կատարած արարքը և հանցագործությանը նրա մասնակցության աստիճանը:
Արարքի հանրային վտանգավորության բնույթի որոշման հարցում կարևորվում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը: Պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը:
28.2. Վերը մեջբերված իրավական նորմերի և դիրքորոշումների համատեքստում մեղադրյալ Արսեն Սարգսյանի նկատմամբ պատժի տեսակը և չափը որոշելիս Դատարանը հաշվի է առնում հետևյալը.
- նրա կողմից ՀՀ քրեական օրենսգրքի 335-րդ հոդվածի 1-ին մասով կատարված հանցագործության բնույթը և հանրության համար վտանգավորության աստիճանը, մասնավորապես այն, որ նրան մեղսագրված արարքը զենքի, հրազենի կամ այլ հանրավտանգ նյութերի և առարկաների օրինական շրջանառության դեմ ուղղված միջին ծանրության դիտավորյալ հանցագործություն է, հանցագործության առարկայի քանակը, բնութագիրը,
- խախտված հասարակական հարաբերության սոցիալական նշանակությունը,
- այդ ոլորտում պետության քրեական քաղաքականության ուղղվածությունը,
- հանցանքը կատարելուց հետո մեղադրյալի դրսևորած վարքագիծը,
- պատասխանատվությունը կամ պատիժը մեղմացնող սույն դատավճռի 26․1-րդ կետում նշված հանգամանքները, ինչպես նաև պատասխանատվությունը կամ պատիժը ծանրացնող հանգամանքների բացակայությունը,
- անձը բնութագրող հանգամանքները, այդ թվում՝ տարիքը, ընտանեկան և գույքային դրությունը, խնամքին երկու վատառողջ երեխաների առկայությունը և վերջինների ախտորոշումների բնույթը (հոգեկան առողջության հետ կապված), իր առողջական վիճակը, այդ թվում՝ ախտորոշումները (տե՛ս Արսեն Սարգսյանի վերաբերյալ բժշկական փաստաթղթերը, համաձայն որոնց՝ նախնական ախտորոշվել է վեստիբուլյար գործառույթի խանգարում, կլինիկական եզրափակիչ ախտորոշում․ ողնաշարի դեգեներատիվ-դիստրոֆիկ հիվանդություն։ L2-S1 ճողվածքներ (3,5-3-4,5 սմ չափի)՝ ցավային համախտանիշով։ Վեստիբուլոպաթիա՝ քայլքի թեթև խանգարումով, դիսոցիացված խանգարում ագրավացիայի էլեմենտներով, դիսցիրկուլյատոր էնցեֆալոպաթիա և այլն)։
Վերոգրյալի հաշվառմամբ՝ Դատարանը հանգում է այն հետևության, որ տվյալ դեպքում մեղադրյալ Արսեն Սիրականի Սարգսյանի նկատմամբ որպես պատիժ պետք է նշանակել ազատազրկում՝ 5 (հինգ) ամիս ժամկետով։ Մասնավորապես՝ Դատարանը գտնում է, որ նրան մեղսագրված հանցագործության հանրային վտանգավորության փաստական բնութագրի պայմաններում ավելի մեղմ պատժատեսակները սույն դեպքում համաչափ չեն կարող գնահատվել։
28.3. Անդրադառնալով «դ» կետով բարձրացված հարցին՝ Դատարանը գտնում է, որ ՀՀ քրեական օրենսգրքի 79-րդ հոդվածի կիրառմամբ՝ նշանակված պատժին անհրաժեշտ է հաշվակցել մեղադրյալ Արսեն Սիրականի Սարգսյանի՝ փաստացի անազատության մեջ գտնվելու ժամանակահատվածը՝ 5 (հինգ) ամիս 1 (մեկ) օրը, և նրան ազատել պատիժը կրելուց։

II. Մեղադրյալ Արտաշես Գառնիկի Մոսինյանին քրեական պատասխանատվության հարցը.
29․ ՀՀ քրեական օրենսգրքի 70-րդ հոդվածի 2-րդ մասի համաձայն`
«Պատիժ նշանակելիս դատարանը կարող է հաշվի առնել նաև սույն հոդվածի 1-ին մասով չնախատեսված մեղմացնող այլ հանգամանքներ»:
29.1. Դատարանը որպես մեղադրյալ Արտաշես Գառնիկի Մոսինյանի պատիժը մեղմացնող հանգամանք է դիտարկում այն, որ ներկայացված մեղադրանքում իրեն մեղավոր է ճանաչել, զղջացել է իր կատարած արարքի համար (տե՛ս, mutatis mutandis, Սերոբ Սարգսյանի գործով Վճռաբեկ դատարանի՝ 2012 թվականի նոյեմբերի 1-ի թիվ ՍԴ/0109/01/12 որոշման 26-րդ կետը)։
29․2․Դատարանն արձանագրում է, որ մեղադրյալ Արտաշես Գառնիկի Մոսինյանի պատասխանատվությունը կամ պատիժը ծանրացնող առկա չէ։
30. Անդրադառնալով «բ» կետով բարձրացված հարցին՝ Դատարանն արձանագրում է, որ սույն քրեական գործով մեղադրյալ Արտաշես Գառնիկի Մոսինյանին պատժից ազատելու հիմքեր առկա չեն, հետևաբար՝ նա ենթակա է պատժի իր կատարած հանցանքի համար։
31․ Անդրադառնալով «գ» կետով բարձրացված հարցին՝ սույն դատավճռի 28-28.1.-րդ կետերում շարադրված իրավական նորմերի և վերլուծությունների համատեքստում մեղադրյալ Արտաշես Գառնիկի Մոսինյանի նկատմամբ պատժի տեսակը և չափը որոշելիս Դատարանը հաշվի է առնում հետևյալը.
- նրա կողմից ՀՀ քրեական օրենսգրքի 335-րդ հոդվածի 1-ին մասով կատարված հանցագործության բնույթը և հանրության համար վտանգավորության աստիճանը, մասնավորապես այն, որ նրան մեղսագրված արարքը զենքի, հրազենի կամ այլ հանրավտանգ նյութերի և առարկաների օրինական շրջանառության դեմ ուղղված, միջին ծանրության դիտավորյալ հանցագործություն է, հանցագործության առարկայի քանակը, բնութագիրը,
- խախտված հասարակական հարաբերության սոցիալական նշանակությունը,
- այդ ոլորտում պետության քրեական քաղաքականության ուղղվածությունը,
- հանցանքը կատարելուց հետո մեղադրյալի դրսևորած վարքագիծը,
- պատասխանատվությունը կամ պատիժը մեղմացնող սույն դատավճռի 29․1-րդ կետում նշված հանգամանքները, ինչպես նաև պատասխանատվությունը կամ պատիժը ծանրացնող հանգամանքների բացակայությունը,
- անձը բնութագրող հանգամանքները, այդ թվում՝ տարիքը, ընտանեկան և գույքային դրությունը։
Վերոգրյալի հաշվառմամբ՝ Դատարանը հանգում է այն հետևության, որ տվյալ դեպքում մեղադրյալ Արտաշես Գառնիկի Մոսինյանի նկատմամբ որպես պատիժ պետք է նշանակել ազատազրկում՝ 4 (չորս) ամիս ժամկետով։ Մասնավորապես՝ Դատարանը գտնում է, որ նրան մեղսագրված հանցագործության հանրային վտանգավորության փաստական բնութագրի պայմաններում ավելի մեղմ պատժատեսակները սույն դեպքում համաչափ չեն կարող գնահատվել։
32. Անդրադառնալով «դ» կետով բարձրացված հարցին՝ Դատարանը գտնում է, որ ՀՀ քրեական օրենսգրքի 79-րդ հոդվածի կիրառմամբ՝ նշանակված պատժին անհրաժեշտ է հաշվակցել մեղադրյալ Արտաշես Գառնիկի Մոսինյանի՝ փաստացի անազատության մեջ գտնվելու ժամանակահատվածը՝ 4 (չորս) ամիս 28 (քսանութ) օրը, և նրան ազատել պատժի կրումից։

Այլ վերաբերելի հարցեր․
33. Անդրադառնալով մեղադրյալ Արսեն Սիրականի Սարգսյանի նկատմամբ կիրառված խափանման միջոցին՝ բացակայելու արգելքին, Դատարանը գտնում է, որ դատական ակտի հնարավոր բողոքարկման դեպքում վերջինիս դատավարական պարտականությունների պատշաճ կատարումն ապահովելու համար մեղադրյալի նկատմամբ ընտրված խափանման միջոցն անհրաժեշտ է թողնել անփոփոխ, մինչև դատավճռի օրինական ուժի մեջ մտնելը։
34. Անդրադառնալով մեղադրյալ Արտաշես Գառնիկի Մոսինյանի նկատմամբ կիրառված խափանման միջոցին՝ բացակայելու արգելքին, Դատարանը գտնում է, որ դատական ակտի հնարավոր բողոքարկման դեպքում վերջինիս դատավարական պարտականությունների պատշաճ կատարումն ապահովելու համար մեղադրյալի նկատմամբ ընտրված խափանման միջոցն անհրաժեշտ է թողնել անփոփոխ, մինչև դատավճռի օրինական ուժի մեջ մտնելը։
35. Անդրադառնալով իրեղեն ապացույցների տնօրինման հարցին՝ Դատարանը գտնում է, որ՝ Նախաքննության մարմնի 2025 թվականի մայիսի 7-ի որոշմամբ իրեղեն ապացույց ճանաչված՝
- Արսեն Սարգսյանի բնակարանի խուզարկությամբ հայտնաբերված «EKOL Tuna» տեսակի V2iEKDEYS14-2400048» համարի ինքանշեն եղանակով ձևափոխված ակոսափող հրազենը, «EKOL Tuna» տեսակի «V2iEKDEYS14-2400034» համարի ինքանշեն եղանակով ձևափոխված ակոսափող հրազենը, «RHONER SPORTWAFFEN Mod. 15» տեսակի ինքնաշեն եղանակով ձևափոխված ակոսափող հրազենը, «BLOW TR 92 AUTO» տեսակի «Z2IBLHBTS04-2400428» համարի ինքնաշեն եղանակով ձևափոխված ակոսափող հրազենը, «EKOL» տեսակի «EP-19070145» համարի ինքանշեն եղանակով ձևափոխված ակոսափող հրազենը, «Մակարովի» կոնստրուկցիա ունեցող ծառայողական, գազային, տրավմատիկ, դեակտիվացված կամ այլ ատրճանակի (ների) դետալների և ինքնաշեն դետալների օգտագործմամբ պատրաստված՝ ձևափոխված ակոսափող հրազենը, «MP-371» տեսակի «2037104457» համարի ինքնաշեն եղանակով ձևափոխված է ակոսափող հրազենը, «EKOL Viper» տեսակի «V2iEKCGYT01-2400297 համարի ինքանշեն եղանակով ձևափոխված ակոսափող հրազենը, «CKC» տեսակի «ИE 931» համարի 7,62 մմ (7,62x39) տրամաչափի որսորդական ակոսափող կարաբինը և ռազմամթերք հանդիսացող 110 հատ 5,6մմ (5,6x15,6) տրամաչափի փամփուշտները, 62 հատ 6,35մմ (6,35x15,5) տրամաչափի փամփուշտները, 48 հատ 7,65մմ (7,65x17) տրամաչափի փամփուշտները, 40 հատ 5,6 մմ (5,6x10,7) տրամաչափի օղակաձև բոցավառման, սպորտային վարժանքային ատրճանակային փամփուշտները, 37 հատ 7,62մմ (7.62x39) տրամաչափի փամփուշտները, 21 հատ 4.5մմ Ֆլոբերի փամփուշտները, 20 հատ 9մմ (9x19) տրամաչափի փամփուշտները, 20 հատ 9մմ (9x19) տրամաչափի փամփուշտները, 17 հատ 9մմ PA (9x22T) տրամաչափի վնասվածքային գործողության տրավմատիկ փանփուշտները, 13 հատ 38SPL 9x29մմ տրամաչփի փամփուշտները, 9 հատ 7,62մմ (17,62x25) տրամաչափի փամփուշտները, 9 հատ 345 TK (8,85x22մմ) տրամաչափի որսորդական-սպորտային փամփուշտները, 9 հատ 22WMR (5,6x27մմ) տրամաչափի օղակաձև բոցավառման որոսորդական-սպորտային փամփուշտները, 5 հատ 7,62մմ (7,62x54) տրամաչափի հրացանային փամփուշտները, 5 հատ 7,62 մմ (7,62x26) տրամաչափի սպորտային փամփուշտները, 5 հատ 9մմ (9x17) տրամաչափի փամփուշտները,
- Արտաշես Մոսինյանի բնակարանի խուզարկությամբ հայտնաբերված 97 հատ 9մմ տրամաչափի փամփուշտները, 17 հատ 9մմ (9×18) տրամաչափի ռազմամթերք հանդիսացող փամփուշտները, 7 հատ 6,35 Br. (6,35x15) տրամաչափի ռազմամերք հանդիսացող փամփուշտները, 5 հատ 7,65 Br. (7,65x17մմ) տրամաչափի ռազմամթերք հանդիսացող փամփուշտները և «EKOL Jackal Dual» տեսակի «U2iEKCRTS14-2400051» համարի 9մմ տրամաչափի ինքնաշեն եղանակով ձևափոխված սահմանափակ խոցելիությամբ /վնասվածքային/ հրազենը
անհրաժեշտ է ՀՀ քրեական օրենսգրքի 121-րդ և ՀՀ քրեական դատավարության օրենսգրքի 100-րդ հոդվածի 1-ին մասի 1-ին կետի հիմքով բռնագրավել և հանձնել ՀՀ ՆԳՆ ոստիկանությանը։
36. Քրեական գործով գույքային հայց չի ներկայացվել, իսկ արագացված վարույթ կիրառելու դեպքում վարույթային ծախսերը մեղադրյալից ենթակա չեն բռնագանձման, որպիսի պայմաններում հիշյալ հարցերը Դատարանը համարում է լուծված։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 100-րդ, 167-րդ, 270-րդ, 346-350-րդ, 464.1-464.5-րդ հոդվածներով՝ Դատարանը՝

Վ Ճ Ռ Ե Ց
1․Մեղադրյալ Արսեն Սիրականի Սարգսյանին մեղավոր ճանաչել ՀՀ քրեական օրենսգրքի 335-րդ հոդվածի 1-ին մասով նախատեսված հանցանքում և դատապարտել ազատազրկման՝ 5 (հինգ) ամիս ժամկետով:
2. ՀՀ քրեական օրենսգրքի 79-րդ հոդվածի կիրառմամբ՝ նշանակված պատժին հաշվակցել մեղադրյալ Արսեն Սիրականի Սարգսյանին անազատության մեջ պահելու 5 (հինգ) ամիս 1 (մեկ) oր ժամանակահատվածը՝ նրան ազատելով պատիժը կրելուց։
3. Մեղադրյալ Արտաշես Գառնիկի Մոսինյանին մեղավոր ճանաչել ՀՀ քրեական օրենսգրքի 335-րդ հոդվածի 1-ին մասով նախատեսված հանցանքում և դատապարտել ազատազրկման՝ 4 (չորս) ամիս ժամկետով:
4. ՀՀ քրեական օրենսգրքի 79-րդ հոդվածի կիրառմամբ՝ նշանակված պատժին հաշվակցել մեղադրյալ Արտաշես Գառնիկի Մոսինյանին անազատության մեջ պահելու 4 (չորս) ամիս 28 (քսանութ) oր ժամանակահատվածը՝ նրան ազատելով պատժի կրումից։
5. Մեղադրյալ Արսեն Սիրականի Սարգսյանի նկատմամբ ընտրված խափանման միջոցը՝ բացակայելու արգելքը, վերացնել:
6. Մեղադրյալ Արտաշես Գառնիկի Մոսինյանի նկատմամբ ընտրված խափանման միջոցը՝ բացակայելու արգելքը, վերացնել:
7. Դատավճիռն օրինական ուժի մեջ մտնելուց հետո Նախաքննության մարմնի 2025 թվականի մայիսի 7-ի որոշմամբ որպես իրեղեն ապացույց ճանաչված
- Արսեն Սարգսյանի բնակարանի խուզարկությամբ հայտնաբերված «EKOL Tuna» տեսակի V2iEKDEYS14-2400048» համարի ինքանշեն եղանակով ձևափոխված ակոսափող հրազենը, «EKOL Tuna» տեսակի «V2iEKDEYS14-2400034» համարի ինքանշեն եղանակով ձևափոխված ակոսափող հրազենը, «RHONER SPORTWAFFEN Mod. 15» տեսակի ինքնաշեն եղանակով ձևափոխված ակոսափող հրազենը, «BLOW TR 92 AUTO» տեսակի «Z2IBLHBTS04-2400428» համարի ինքնաշեն եղանակով ձևափոխված ակոսափող հրազենը, «EKOL» տեսակի «EP-19070145» համարի ինքանշեն եղանակով ձևափոխված ակոսափող հրազեն, «Մակարովի» կոնստրուկցիա ունեցող ծառայողական, գազային, տրավմատիկ, դեակտիվացված կամ այլ ատրճանակի (ների) դետալների և ինքնաշեն դետալների օգտագործմամբ պատրաստված՝ ձևափոխված ակոսափող հրազենը, «MP-371» տեսակի «2037104457» համարի ինքնաշեն եղանակով ձևափոխված է ակոսափող հրազենը, «EKOL Viper» տեսակի «V2iEKCGYT01-2400297 համարի ինքանշեն եղանակով ձևափոխված ակոսափող հրազենը, «CKC» տեսակի «ИE 931» համարի 7,62 մմ (7,62x39) տրամաչափի որսորդական ակոսափող կարաբինը և ռազմամթերք հանդիսացող 110 հատ 5,6մմ (5,6x15,6) տրամաչափի օղակաձև բոցավառման որսորդական-սպորտային հրացանային փամփուշտները, 62 հատ 6,35մմ (6,35x15,5) տրամաչափի փամփուշտները, 48 հատ 7,65մմ (7,65x17) տրամաչափի փամփուշտները, 40 հատ 5,6 մմ (5,6x10,7) տրամաչափի օղակաձև բոցավառման, սպորտային» վարժանքային ատրճանակային փամփուշտները, 37 հատ 7,62մմ (7.62x39) տրամաչափի փամփուշտները, 21 հատ 4.5մմ Ֆլոբերի փամփուշտները, 20 հատ 9մմ (9x19) տրամաչափի փամփուշտները, 20 հատ 9մմ (9x19) տրամաչափի փամփուշտները, 17 հատ 9մմ PA (9x22T) տրամաչափի վնասվածքային գործողության տրավմատիկ փանփուշտները, 13 հատ 38SPL 9x29մմ տրամաչփի փամփուշտները, 9 հատ 7,62մմ (17,62x25) տրամաչփի փամփուշտները, 9 հատ 345 TK (8,85x22մմ) տրամաչափի որսորդական-սպորտային փամփուշտները, 9 հատ 22WMR (5,6x27մմ) տրամաչափի օղակաձև բոցավառման որոսորդական-սպորտային փամփուշտները, 5 հատ 7,62մմ (7,62x54) տրամաչափի հրացանային փամփուշտները, 5 հատ 7,62 մմ (7,62x26) տրամաչափի սպորտային փամփուշտները, 5 հատ 9մմ (9x17) տրամաչափի փամփուշտները,
- Արտաշես Մոսինյանի բնակարանի խուզարկությամբ հայտնաբերված 97 հատ 9մմ տրամաչափի փամփուշտները, 17 հատ 9մմ (9×18) տրամաչափի ռազմամթերք հանդիսացող փամփուշտները, 7 հատ 6,35 Br. (6,35x15) տրամաչափի ռազմամերք հանդիսացող փամփուշտները, 5 հատ 7,65 Br. (7,65x17մմ) տրամաչափի ռազմամթերք հանդիսացող փամփուշտները և «EKOL Jackal Dual» տեսակի «U2iEKCRTS14-2400051» համարի 9մմ տրամաչափի ինքնաշեն եղանակով ձևափոխված սահմանափակ խոցելիությամբ (վնասվածքային) հրազենը բռնագրավել և հանձնել ՀՀ ՆԳՆ ոստիկանությանը։
8. Դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում:
9․ Դատավճիռը չի կարող բողոքարկվել ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերով:


ԴԱՏԱՎՈՐ ԱՆԻ ԴԱՆԻԵԼՅԱՆ