ԵԴ1/1589/01/25


ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


«17» Նոյեմբերի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ նաև Դատարան)՝
նախագահող դատավոր՝ ԱՐՇԱԿ ՄԱԹԵՎՈՍՅԱՆ
քարտուղարությամբ՝ ՌՈԲԵՐՏ ՍԻՐԱԿԱՆՅԱՆԻ
մասնակցությամբ.
հանրային մեղադրող՝ ԲԱԳՐԱՏ ՂԱԶԻՆՅԱՆԻ
մեղադրյալ՝ ԱՐԱԻԿ ԲԱՂԴԱՍԱՐՅԱՆԻ
դռնբաց դատական նիստում քննելով Արաիկ Հարությունի Բաղդասարյանի (1) վերաբերյալ քրեական գործն ըստ մեղադրանքի՝ ՀՀ քրեական օրենսգրքի 344 հոդվածի 1-ին մասով (7 դրվագ).







1. ՄԵՂԱԴՐԱՆՔԻ ՓԱՍՏԱԿԱՆ ՆԿԱՐԱԳՐՈՒԹՅՈՒՆԸ
Թիվ 60106925 քրեական վարույթով Արաիկ Հարությունի Բաղդասարյանին ՀՀ քրեական օրենսգրքի 344 հոդվածի 1-ին մասով (7 դրվագ) մեղադրանք է ներկայացվել հետևյալ արարքների համար.
«Ն]ա, ՀՀ ՆԳՆ ոստիկանության պարեկային ծառայության ծառայողի կողմից 2024 թվականի նոյեմբերի 28-ին կայացված թիվ 8400816719 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքը 6 ամիս ժամկետով կասեցնելու ձևով, պատշաճ ծանուցված և տեղեկացված լինելով այդ մասին, 2024 թվականի դեկտեմբերի 8-ին ժամը 10:25-ի սահմաններում Երևան քաղաքի Ռոստովյան փողոցում վարել է Ֆորդ մակնիշի 37 CI 579 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության Ճանապարհային ոստիկանության ծառայողի կողմից 2025 թվականի հունվարի 21-ին կայացված՝ վարչական տույժ նշանակելու մասին թիվ 2519939690 որոշմամբ։
Բացի այդ՝ Արաիկ Հարությունի Բաղդասարյանը ՀՀ ՆԳՆ ոստիկանության պարեկային ծառայության ծառայողի կողմից 2024 թվականի նոյեմբերի 28-ին կայացված թիվ 8400816719 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքը 6 ամիս ժամկետով կասեցնելու ձևով, պատշաճ ծանուցված և տեղեկացված լինելով այդ մասին, 2024 թվականի դեկտեմբերի 14-ին ժամը 15:02-ի սահմաններում Երևան քաղաքի Նար-Դոս Խորենացի խաչմերուկի հատվածում վարել է Ֆորդ մակնիշի 37 CI 579 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության Ճանապարհային ոստիկանության ծառայողի կողմից 2025 թվականի հունվարի 21-ին կայացված՝ վարչական տույժ նշանակելու մասին թիվ 2519939738 որոշմամբ:
Բացի այդ՝ Արաիկ Հարությունի Բաղդասարյանը ՀՀ ՆԳՆ ոստիկանության պարեկային ծառայության ծառայողի կողմից 2024 թվականի նոյեմբերի 28-ին՝ կայացված թիվ 8400816719 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքը 6 ամիս ժամկետով կասեցնելու ձևով, պատշաճ ծանուցված և տեղեկացված լինելով այդ մասին, 2024 թվականի դեկտեմբերի 14-ին ժամը 17:11-ի սահմաններում Երևան քաղաքի Խորենացի, Բեյրութ/ Իտալիա/ Վ.Սարգսյան խաչմերուկի հատվածում վարել է Ֆորդ մակնիշի 37 CI 579 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության Ճանապարհային ոստիկանության ծառայողի կողմից 2025 թվականի հունվարի 21-ին կայացված՝ վարչական տույժ նշանակելու մասին թիվ 2519939701 որոշմամբ:
Բացի այդ՝ Արաիկ Հարությունի Բաղդասարյանը ՀՀ ՆԳՆ ոստիկանության պարեկային ծառայության ծառայողի կողմից 2024 թվականի նոյեմբերի 28-ին կայացված թիվ 8400816719 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքը 6 ամիս ժամկետով կասեցնելու ձևով, պատշաճ ծանուցված և տեղեկացված լինելով այդ մասին, 2024 թվականի դեկտեմբերի 16-ին ժամը 14:31-ի սահմաններում Երևան քաղաքի Մարգարյան/Բաշինջաղյան փողոցների հատվածում վարել է Ֆորդ մակնիշի 37 CI 579 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության Ճանապարհային ոստիկանության ծառայողի կողմից 2025 թվականի հունվարի 21-ին կայացված վարչական տույժ նշանակելու մասին թիվ 2519939717 որոշմամբ:
Բացի այդ՝ Արաիկ Հարությունի Բաղդասարյանը ՀՀ ՆԳՆ ոստիկանության պարեկային ծառայության ծառայողի կողմից 2024 թվականի նոյեմբերի 28-ին կայացված թիվ 8400816719 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքը 6 ամիս ժամկետով կասեցնելու ձևով, պատշաճ ծանուցված և տեղեկացված լինելով այդ մասին, 2024 թվականի դեկտեմբերի 16-ին ժամը 22:34-ի սահմաններում Երևան քաղաքի Լենինգրադյան փողոցում վարել է Ֆորդ մակնիշի 37 CI 579 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից նույն օրը կազմված՝ վարչական իրավախախտման վերաբերյալ թիվ 8180412170 արձանագրությամբ:
Բացի այդ՝ Արաիկ Հարությունի Բաղդասարյանը ՀՀ ՆԳՆ ոստիկանության պարեկային ծառայության ծառայողի կողմից 2024 թվականի նոյեմբերի 28-ին կայացված թիվ 8400816719 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքը 6 ամիս ժամկետով կասեցնելու ձևով, պատշաճ ծանուցված և տեղեկացված լինելով այդ մասին, 2024 թվականի դեկտեմբերի 22-ին ժամը 08:37-ի սահմաններում Երևան քաղաքի Աբովյան/Արամի փողոցների խաչմերուկում վարել է Ֆորդ մակնիշի 37 CI 579 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության համայնքային ոստիկանության ծառայողի կողմից 2025 թվականի փետրվարի 12-ին կայացված՝ վարչական տույժ նշանակելու մասին թիվ 2520085819 որոշմամբ:
Բացի այդ՝ Արաիկ Հարությունի Բաղդասարյանը ՀՀ ՆԳՆ ոստիկանության պարեկային ծառայության ծառայողի կողմից 2024 թվականի նոյեմբերի 28-ին կայացված թիվ 8400816719 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքը 6 ամիս ժամկետով կասեցնելու ձևով, պատշաճ ծանուցված և տեղեկացված լինելով այդ մասին, 2024 թվականի դեկտեմբերի 30-ին ժամը 17:44-ի սահմաններում Երևան քաղաքի Տիգրան Մեծ/Մհեր Մկրտչյան/Մելիք Ադամյան փողոցների խաչմերուկում վարել է Ֆորդ մակնիշի 37 CI 579 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության համայնքային ոստիկանության ծառայողի կողմից 2025 թվականի փետրվարի 12-ին կայացված՝ վարչական տույժ նշանակելու մասին թիվ 2520085823 որոշմամբ»։

2. ԴԱՏԱՔՆՆՈՒԹՅԱՆ ԸՆԹԱՑՔՈՒՄ ՀԵՏԱԶՈՏՎԱԾ ԹՈՒՅԼԱՏՐԵԼԻ ԱՊԱՑՈՒՅՑՆԵՐԸ.
ՀԻՄՆԱԿԱՆ ԴԱՏԱԼՍՈՒՄՆԵՐ

2.1 «Զննություն կատարելու մասին» 2025 թվականի փետրվարի 25-ի արձանագրության համաձայն.
«1. Սույն քրեական վարույթի 4-րդ էջում առկա է 8180412170 վարչական իրավախախտման վերաբերյալ արձանագրության պատճենը, որի զննությամբ պարզվեց, որ 16.12.2024թ Երևան քաղաքի Լենինգրադյան փողոցում՝ ժամը 22:45-ին ՀՀ ոստիկանության պարեկային ծառայության 3-րդ գումարտակի 3-րդ վաշտի պարեկ Վարդան Միսակյանը /կրծքանշանի համար 07983/ Արաիկ Հարությունի Բաղդասարյանի նկատմամբ կազմել է վարչական իրավախախտման վերաբերյալ արձանագրություն, ըստ որի Արաիկ Հարությունի Բաղդասարյանը 16.12.2024 թվականին՝ ժամը 22:34-ին Երևան քաղաքի Լենինգրադյան փողոցում վարել է «Ֆորդ» մակնիշի 37 CI 579 հաշվառման համարանիշի տրանսպորտային միջոցը՝ տրանսպորտային միջոցներ վարելու իրավունքը կասեցված վիճակում: Նշված արձանագրությանը վարորդը ծանոթացել է, ստորագրել և առկա է գրառում «Տեղեկացված չեմ եղել»:
2. Սույն քրեական վարույթի 5-րդ էջում առկա է Ճանապարհային ոստիկանության էլեկտրոնային ռեգիստրից արտատպված փաստաթղթի պատճեն, որի զննությամբ պարզվեց, որ Արաիկ Հարությունի Բաղդասարյանի տրանսպորտային միջոցներ վարելու իրավունքը կասեցվել է 28.11.2024 թվականից մինչև 28.05.2025 թվականը:
3. Սույն քրեական վարույթի 6-րդ էջում առկա է 8400816719 վարչական իրավախախտման վերաբերյալ արձանագրության պատճենը, որի զննությամբ պարզվեց, որ 28.11.2024թ Երևան քաղաքի Մոսկովյան փողոցում՝ ժամը 09:27-ին «ոստիկանության պարեկային ծառայության կրտսեր պարեկ Սմբատ Մխիթարյանը /կրծքանշանի համար 12516/ Արաիկ Հարությունի Բաղդասարյանի նկատմամբ կազմել է վարչական իրավախախտման վերաբերյալ արձանագրություն, ըստ որի Արաիկ Հարությունի Բաղդասարյանը 28.11.2024 թվականին` ժամը 09:20-ին Երևան քաղաքի Մոսկովյան փողոցում վարել է «Վոլկսվագեն» մակնիշի 32 II 111 հաշվառման համարանիշի տրանսպորտային միջոցը՝ ընթացքի ժամանակ օգտագործելով ծխախոտային արտադրատեսակ/կամ դրանց փոխարինիչ/: Նշված արձանագրությանը վարորդը ծանոթացել է և ստորագրել: Նույն օրը կայացված որոշմամբ Արաիկ Հարությունի Բաղդասարյանի տրանսպորտային միջոց վարելու իրավունքը վեց ամիս ժամկետով կասեցվել է, որի տակ վարորդը ստորագրել է
4. Սույն քրեական վարույթի 18-րդ էջում առկա է 20.01.2025թ. ՀՀ ոստիկանությանը հասցեագրված Էմմա Հայրապետյանի դիմումը, որով հայտնել է, որ իր Ford Focus մակնիշի ավտոմեքենայի վարորդ 2024 թվականի հունիս ամսից կցված է Արաիկ Բաղդասարյանը, ում վարելու իրավունքը 2024 թվականի նոյեմբեր ամսից կասեցված է, այդ պատճառով նրա իրավախախտումները հասցեագրվել են իրեն: Խնդրել է թիվ 2419831774, 2919868400, 2519882060, 2519867379 որոշումներով կայացված տուգանքները հանել իր վրայից:
5. Քրեական վարույթի 26-րդ էջում առկա է ՀՀ ՆԳՆ ոստիկանության ՀՈԳՎ կողմից վարչական տույժ նշանակելու մասին թիվ 2419831774 որոշման պատճենը, որի զննությամբ պարզվեց, որ կայացվել է 2024 թվականի դեկտեմբերի 27-ին՝ բաժնի ավագ տեսուչ Էդգար Մայիլյանի կողմից: Զննությամբ պարզվեց նաև, որ նշված իրավախախտումը կատարվել է «Ֆորդ» մակնիշի 37 CI 579 հաշվառման համարանիշի ավտոմեքենայով, որը պատկանում է Էմմա Սեյրանի Հայրապետյանին: 2024թ. դեկտեմբերի 08-ին՝ ժամը 10:25-ին Երևան քաղաքի Ռոստովյան փողոցում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 124.4-րդ հոդվածի 1-ին մասի համաձայն Էմմա Սեյրանի Հայրապետյանը տուգանվել է 3000 / երեք հազար/ դրամ գումարով։
6. Քրեական վարույթի 27-րդ էջում առկա է ՀՀ ՆԳՆ ոստիկանության ՀՈԳՎ կողմից վարչական տույժ նշանակելու մասին թիվ 2519867379 որոշման պատճենը, որի զննությամբ պարզվեց, որ կայացվել է 2025 թվականի հունվարի 08-ին՝ բաժնի ՀԿՀ ավագ տեսուչ Արսեն Կարապետյանի կողմից: Զննությամբ պարզվեց նաև, որ նշված իրավախախտումը կատարվել է «Ֆորդ» մակնիշի 37 CI 579 հաշվառման համարանիշի ավտոմեքենայով, որը պատկանում է Էմմա Սեյրանի Հայրապետյանին: 2024թ. դեկտեմբերի 14-ին՝ ժամը 15:02-ին Երևան քաղաքի Նար-Դոս Խորենացու խաչմերուկի հատվածում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 124 հոդվածի 1-ին մասի համաձայն Էմմա Սեյրանի Հայրապետյանիը տուգանվել է 5000 / հինգ հազար/ դրամ գումարով։
7. Քրեական վարույթի 28-րդ էջում առկա է ՀՀ ՆԳՆ ոստիկանության ՀՈԳՎ կողմից վարչական տույժ նշանակելու մասին թիվ 2519868400 որոշման պատճենը, որի զննությամբ պարզվեց, որ կայացվել է 2025 թվականի հունվարի 09-ին բաժնի ՀԿՀ ավագ տեսուչ Արսեն Կարապետյանի կողմից: Զննությամբ պարզվեց նաև, որ նշված իրավախախտումը կատարվել է «Ֆորդ» մակնիշի 37 CI 579 հաշվառման համարանիշի ավտոմեքենայով, որը պատկանում է Էմմա Սեյրանի Հայրապետյանին: 2024թ. դեկտեմբերի 14-ին՝ ժամը 17:11-ին Երևան քաղաքի Խորենացի/Բեյրութ/Իտալիա/Վ. Սարգսյան խաչմերուկի հատվածում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 124 հոդվածի 21-րդ մասի համաձայն Էմմա Սեյրանի Հայրապետյանը տուգանվել է 5000 / հինգ հազար/ դրամ գումարով և հանվել է 0.25 տուգանային միավոր։
8. Քրեական վարույթի 29-րդ էջում առկա է ՀՀ ՆԳՆ ոստիկանության ՀՈԳՎ կողմից վարչական տույժ նշանակելու մասին թիվ 2519882060 որոշման պատճենը, որի զննությամբ պարզվեց, որ կայացվել է 2025 թվականի հունվարի 10-ին՝ բաժնի ավագ տեսուչ Նորիկ Շահումյանի կողմից: Զննությամբ պարզվեց նաև, որ նշված իրավախախտումը կատարվել է «Ֆորդ» մակնիշի 37 CI 579 հաշվառման համարանիշի ավտոմեքենայով, որը պատկանում է Էմմա Սեյրանի Հայրապետյանին: 2024թ. դեկտեմբերի 16-ին՝ ժամը 14:31-ին Երևան քաղաքի Մարգարյան/Բաշինջաղյան խաչմերուկի հատվածում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 124.3-րդ հոդվածի 1-ին մասի համաձայն Էմմա Սեյրանի Հայրապետյանիը տուգանվել է 25000 /քսանհինգ հազար/ դրամ գումարով և հանվել է 2 տուգանային միավոր»(2)։
2.2 Զննություն կատարելու մասին» 2025 թվականի փետրվարի 28-ի արձանագրության համաձայն.
«1. Քրեական վարույթի 52-րդ էջում առկա է ՀՀ ՆԳՆ ոստիկանության ՀՈԳՎ կողմից վարչական տույժ նշանակելու մասին թիվ 2519939690 որոշման պատճենը, որի զննությամբ պարզվեց, որ կայացվել է 2025 թվականի հունվարի 21-ին՝ բաժնի ՀԿՀ ավագ տեսուչ Վազգեն Բայրիկյանի կողմից: Զննությամբ պարզվեց նաև, որ նշված իրավախախտումը կատարվել է «Ֆորդ» մակնիշի 37 CI 579 հաշվառման համարանիշի ավտոմեքենայով, որը պատկանում է Էմմա Սեյրանի Հայրապետյանին: 2024թ. դեկտեմբերի 08-ին՝ ժամը 10:25-ին Երևան քաղաքի Ռոստովյան փողոցում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 124.4-րդ հոդվածի 1-ին մասի համաձայն Արաիկ Հարությունի Բաղդասարյանը տուգանվել է 3000 / երեք հազար/ դրամ գումարով։
Զննությամբ պարզվեց, որ նշված որոշման 5-րդ կետով ուժը կորցրած է ճանաչվել 27.12.2024թ.-ի թիվ 2419831774 որոշումը։
2. Քրեական վարույթի 53-րդ էջում առկա է ՀՀ ՆԳՆ ոստիկանության ՀՈԳՎ կողմից վարչական տույժ նշանակելու մասին թիվ 2519939738 որոշման պատճենը, որի զննությամբ պարզվեց, որ կայացվել է 2025 թվականի հունվարի 21-ին՝ բաժնի ՀԿՀ ավագ տեսուչ Վազգեն Բայրիկյանի կողմից: Զննությամբ պարզվեց նաև, որ նշված իրավախախտումը կատարվել է «Ֆորդ» մակնիշի 37 CI 579 հաշվառման համարանիշի ավտոմեքենայով, որը պատկանում է Էմմա Սեյրանի Հայրապետյանին: 2024թ. դեկտեմբերի 14-ին՝ ժամը 15:02-ին Երևան քաղաքի Նար-Դոս/ Խորենացու խաչմերուկի հատվածում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 124 հոդվածի 1-ին մասի համաձայն Արաիկ Հարությունի Բաղդասարյանը տուգանվել է 5000 / հինգ հազար/ դրամ գումարով։
Զննությամբ պարզվեց, որ նշված որոշման 5-րդ կետով ուժը կորցրած է ճանաչվել 08.01.2025թ.-ի թիվ 2519867379 որոշումը:
3. Քրեական վարույթի 54-րդ էջում առկա է ՀՀ ՆԳՆ ոստիկանության ՀՈԳՎ կողմից վարչական տույժ նշանակելու մասին թիվ 2519939701 որոշման պատճենը, որի զննությամբ պարզվեց, որ կայացվել է 2025 թվականի հունվարի 21-ին՝ բաժնի ՀԿՀ ավագ տեսուչ Վազգեն Բայրիկյանի կողմից։ Զննությամբ պարզվեց նաև, որ նշված իրավախախտումը կատարվել է «Ֆորդ» մակնիշի 37 CI 579 հաշվառման համարանիշի ավտոմեքենայով, որը պատկանում է Էմմա Սեյրանի Հայրապետյանին: 2024թ. դեկտեմբերի 14-ին՝ ժամը 17:11-ին Երևան քաղաքի Խորենացի/Բեյրութ/Իտալիա/Վ. Սարգսյան խաչմերուկի հատվածում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 124 հոդվածի 21-րդ մասի համաձայն Արաիկ Հարությունի Բաղդասարյանը տուգանվել է 5000 / հինգ հազար/ դրամ գումարով և հանվել է 0.25 տուգանային միավոր:
Զննությամբ պարզվեց, որ նշված որոշման 5-րդ կետով ուժը կորցրած է ճանաչվել 09.01.2025.-ի թիվ 2519868400 որոշումը:
4. Քրեական վարույթի 55-րդ էջում առկա է ՀՀ ՆԳՆ ոստիկանության ՀՈԳՎ կողմից վարչական տույժ նշանակելու մասին թիվ 2519939717 որոշման պատճենը, որի զննությամբ պարզվեց, որ կայացվել է 2025 թվականի հունվարի 21-ին՝ բաժնի ՀԿՀ ավագ տեսուչ Վազգեն Բայրիկյանի կողմից: Զննությամբ պարզվեց նաև, որ նշված իրավախախտումը կատարվել է «Ֆորդ» մակնիշի 37 CI 579 հաշվառման համարանիշի ավտոմեքենայով, որը պատկանում է Էմմա Սեյրանի Հայրապետյանին: 2024թ. դեկտեմբերի 16-ին՝ ժամը 14:31-ին Երևան քաղաքի Մարգարյան/Բաշինջաղյան խաչմերուկի հատվածում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 124.3-րդ հոդվածի 1-ին մասի համաձայն Արաիկ Հարությունի Բաղդասարյանը տուգանվել է 25000 /քսանհինգ հազար/ դրամ գումարով և հանվել է 2 տուգանային միավոր:
Զննությամբ պարզվեց, որ նշված որոշման 5-րդ կետով ուժը կորցրած է ճանաչվել 10.01.2025 .-ի թիվ 2519882060 որոշումը»(3):
2.3 Զննություն կատարելու մասին» 2025 թվականի մարտի 17-ի արձանագրության համաձայն.
«Սույն քրեական վարույթի 81-րդ էջում առկա է 11.02.2025թ. ՀՀ ոստիկանությանը հասցեագրված Էմմա Հայրապետյանի դիմումը, որով հայտնել է, որ իր Ford Focus մակնիշի ավտոմեքենայի վարորդ 2024 թվականի հունիս ամսից կցված է Արաիկ Բաղդասարյանը: 2025թ. հունվարի 20-ից տեղեկացել է, որ Արաիկ Բաղդասարյանի վարորդական վկայականը կասեցված է 2024 թվականի նոյեմբեր ամսից, որի արդյունքում տուգանքները հասցեագրվել են իրեն: Հունվարի 20-ից ավտոմեքենան այլևս չի շահագործվում Արաիկ Բաղդասարյանի կողմից: Խնդրել է թիվ 2519909692 2519961731 որոշումներով կայացված տուգանքները հանել իր վրայից։
2. Քրեական վարույթի 89-րդ էջում առկա է ՀՀ ՆԳՆ ոստիկանության ՀՈԳՎ կողմից վարչական տույժ նշանակելու մասին թիվ 2519909692 որոշման պատճենը, որի զննությամբ պարզվեց, որ կայացվել է 2025 թվականի հունվարի 16-ին բաժնի ավագ տեսուչ Կարեն Հայրապետյանի կողմից: Զննությամբ պարզվեց նաև, որ նշված իրավախախտումը կատարվել է «Ֆորդ» մակնիշի 37 CI 579 հաշվառման համարանիշի ավտոմեքենայով, որը պատկանում է Էմմա Սեյրանի Հայրապետյանին։ 2024թ. դեկտեմբերի 22-ին՝ ժամը 08:37-ին Երևան քաղաքի Աբովյան/Արամի խաչմերուկի փողոցում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 124.4-րդ հոդվածի 1-ին մասի համաձայն Էմմա Սեյրանի Հայրապետյանը տուգանվել է 5000 / հինգ հազար/ դրամ գումարով:
3. Քրեական վարույթի 90-րդ էջում առկա է ՀՀ ՆԳՆ ոստիկանության ՀՈԳՎ կողմից վարչական տույժ նշանակելու մասին թիվ 2519961731 որոշման պատճենը, որիզննությամբ պարզվեց, որ կայացվել է 2025 թվականի հունվարի 23-ին՝ բաժնի ավագ իրավախախտումը կատարվել է «Ֆորդ» մակնիշի 37 CI 579 հաշվառման համարանիշի տեսուչ Արթուր Հակոբյանի կողմից: Զննությամբ պարզվեց նաև, որ նշված ավտոմեքենայով, որը պատկանում է Էմմա Սեյրանի Հայրապետյանին: 2024թ. դեկտեմբերի 30-ին՝ ժամը 17:44-ին Երևան քաղաքի Տիգրան Մեծ/Մհեր Մկրտչյան/Մելիք-Ադամյան/Հանրապետության խաչմերուկում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 124.4-րդ հոդվածի 21-րդ մասի համաձայն Էմմա Սեյրանի Հայրապետյանը տուգանվել է 5000 / հինգ հազար/ դրամ գումարով և հանվել է 0.25 տուգանային միավոր:
4. Քրեական վարույթի 91-րդ էջում առկա է ՀՀ ՆԳՆ ոստիկանության ՀՈԳՎ կողմից վարչական տույժ նշանակելու մասին թիվ 2520085819 որոշման պատճենը, որի զննությամբ պարզվեց, որ կայացվել է 2025 թվականի փետրվարի 12-ին՝ բաժնի ավագ տեսուչ Սաշա Զաքարյանի կողմից: Զննությամբ պարզվեց նաև, որ նշված իրավախախտումը կատարվել է «Ֆորդ» մակնիշի 37 CI 579 հաշվառման համարանիշի ավտոմեքենայով, որը պատկանում է Էմմա Սեյրանի Հայրապետյանին: 2024թ. դեկտեմբերի 22-ին՝ ժամը 08:37-ին Երևան քաղաքի Աբովյան/Արամի խաչմերուկի փողոցում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 124.4-րդ հոդվածի 1-ին մասի համաձայն 5000/հինգ հազար/ դրամ Արաիկ Հարությունի Բաղդասարյանը տուգանվել է գումարով։
Զննությամբ պարզվեց, որ նշված որոշման 5-րդ կետով ուժը կորցրած է ճանաչվել 16.01.2025թ.-ի թիվ 2519909692 որոշումը:
5. Քրեական վարույթի 92-րդ էջում առկա է ՀՀ ՆԳՆ ոստիկանության ՀՈԳՎ կողմից վարչական տույժ նշանակելու մասին թիվ 2520085823 որոշման պատճենը, որի զննությամբ պարզվեց, որ կայացվել է 2025 թվականի փետրվարի 12-ին՝ բաժնի ավագ տեսուչ Սաշա Զաքարյանի կողմից: Զննությամբ պարզվեց նաև, որ նշված իրավախախտումը կատարվել է «Ֆորդ» մակնիշի 37 CI 579 հաշվառման համարանիշի ավտոմեքենայով, որը պատկանում է Էմմա Սեյրանի Հայրապետյանին։ 2024թ. դեկտեմբերի 30-ին՝ ժամը 17:44-ին Երևան քաղաքի Տիգրան Մեծ/Մհեր Մկրտչյան/Մելիք-Ադամյան/Հանրապետության խաչմերուկում կատարել է վարչական իրավախախտում և որոշմամբ Վարչական իրավախախտումների վերաբերյալ ՀՀ օրենքի 124.4-րդ հոդվածի 21-րդ մասի համաձայն Արաիկ Հարությունի Բաղդասարյանը տուգանվել է 5000 / հինգ հազար/ դրամ գումարով և հանվել է 0.25 տուգանային մավոր: Զննությամբ պարզվեց, որ նշված որոշման 5-րդ կետով ուժը կորցրած է ճանաչվել 23.01.2025p.-ի թիվ 2519961731 որոշումը:
(...)»(4):
2.4 Դատաքննության ընթացքում վկա Էմմա Սեյրանի Հայրապետյանն, ըստ էության, հետևյալի մասին.
-Հանրային մեղադրողի հարցերին ի պատասխան՝ վկա Էմմա Հայրապետյանն, ըստ էության, նշեց, որ ինքն ու Արաիկ Բաղդասարյանի կինը գործնական հարաբերություններ ունեն: 2024 թվականի սեպտեմբերին իրենք միմյանց հետ պայմանավորվել են, որ իրեն պատկանող «Ford Focus» մակնիշի ավտոմեքենան ինքը պետք է ամսական վճարումների եղանակով վաճառեր Արաիկ Բաղդասարյանին, իսկ նրանք էլ յուրաքանչյուր ամսվա 20-ին իրեն պետք է վճարեին 280.000 ՀՀ դրամ:
Արաիկը վճարումները սկսել է կատարել 2024 թվականի հոկտեմբեր ամսից մինչև 2025 թվականի փետրվար ամիսը, սակայն հետո հրաժարվել է վճարումները կատարելուց: Որքանով հիշում է 2025 թվականի մարտ ամիսն ինքը նրանց վճարած գումարը հետ է վերադարձրել, իսկ Արաիկենք իրեն մեքենան են վերադարձրել: Ի սկզբանե իրենք պայմանավորվել են, որ մեքենայի անվանափոխությունը պետք է կատարեին ամբողջ գումարը վճարելուց հետո: Եթե չի սխալվում մեքենայի հաշվառման համարանիշներն էին «37 CI 579»: Որքանով տեղյակ է մեքենան գնելվել է Արաիկի համար, մեքենան նա պետք է վարեր:
Մեքենան Արաիկենց հանձնելուց հետո ինքը «Roadpolice.am» կայքի միջոցով որպես մեքենայի շահագործող նշել է Արաիկ Բաղդասարյանի տվյալները, և այդ պատճառով խախտումների վերաբերյալ հաղորդագրություններն ինքը երբեք չի ստացել: Ինքը ծանուցումներ է ստացել միայն մոտ 3 ամիս անց՝ այն ժամանակ, երբ Արաիկի տուգանային միավորները սպառվել են։ Որքանով հիշում է դա եղել է 2024 թվականի դեկտեմբեր ամսին: Այդ ժամանակ ինքը հետաքրքվել է, և իրեն հայտնել են, որ մեքենայի սեփականատիրոջն այդ ծանուցումները գալիս են այն ժամանակ, երբ շահագործողի կողմից մեքենան վարելու արդյունքում տուգանային միավորները սպառվում են: 2024 թվականի դեկտեմբերին ամսին ինքը ներկայացել է Ճանապարհային ոստիկանություն և համապատասխան դիմում է գրել, որ այդ ծանուցումներն այլևս իրեն չուղարկվեն: 2025 թվականի հունվար ամսին կրկին դիմում է գրել, քանի որ ծանուցումները շարունակել են իր անունով գալ:
Այդ խնդրի մասին ինքը անձամբ Արաիկին չի հայտնել, քանի որ նրա հետ անմիջական շփում չունի, միայն իր ընկերուհուն՝ Անիին է այդ մասին հայտնել, նշելով, որ խախտումների վերաբերյալ բոլոր վարչական ակտերը պետք է վերահասցեագրի Արաիկի անունով: Ինքը նաև Անիին խնդրել է, որ Արաիկն այլևս չվարի մեքենան, իսկ Անին իրեն հայտնել է, որ Արաիկն ամբողջ հունվար ամիսը հիվանդ է եղել ու ի վիճակի էլ չի եղել մեքենա վարելու։ Որքանով ինքն է տեղյակ Արաիկը մեքենան վարել է մինչև 2024 թվականի դեկտեմբեր ամսվա վերջ, քանի որ իրոք Արաիկը 2025 թվականի հունվար ամսին կորոնավիրուսով կամ թոքաբորբով հիվանդ է եղել:
Որոշ ժամանակ անց Անին իրեն խնդրել է «Roadpolice.am» կայքում որպես մեքենայի շահագործող լրացրել Արաիկի հայրիկի տվյալները, քանի որ Արաիկը հիվանդ է եղել: Արաիկի հայրն էլ մեքենան վարել է մինչը 2025 թվականի մարտի կեսերը, որից հետո, ինչպես նշեց, մեքենան իրեն են վերադարձրել:
Երբ ինքը «Roadpolice.am» կայքի միջոցով որպես շահագործող լրացրել է Արաիկի տվյալները, նա դրան համաձայն է եղել, ավելին՝ կայքեջում որոշակի գործողություններ կատարելու համար Արաիկի հեռախոսահամարին գաղտնաբառ է եկել, ու հենց Արաիկն է իրեն հայտնել այդ գաղտաբառը:
Դատարանի կողմից մասնակի բավարարվել է հանրային մեղադրողի միջնորդությունը, և նախաքննության ընթացքում ու Դատարանում տրված ցուցմունքների միջև առկա էական հակասությունների հիման վրա հրապարակվել է վկայի 2025 թվականի մարտի 20-ի ցուցմունքի հետևյալ հատվածը.
«(...)
Roadpolice.am կայքի միջոցով 2024 թ. սեպտեմբեր ամսից իմ կողմից Արաիկ Բաղդասարյանի վարորդականը կցվել է իմ ավտոմեքենային՝ նրա համաձայնությամբ, որպեսզի նրա կողմից կատարված իրավախախտումներն ուղարկվեն նրա անվամբ:
(...)»(5):
Հակասությունների վերաբերյալ վկա Էմմա Հայրապետյանն, ըստ էության, նշեց, որ, ամենայն հավանականությամբ, իրեն Դատարանում սխալ են հասկացել, քանի որ ինքը հայտնել է, որ համաձայնությունը ձեռք բերելու պահից սկսած՝ «Roadpolice.am» կայքում որպես մեքենայի շահագործող լրացրել է Արաիկ Բաղդսսարյանի տվյալները:
2.5 Արաիկ Հարությունի Բաղդասարյանը, օգտվելով իր սահմանադրական իրավունքից, հրաժարվեց դատարանում ցուցմունք տալուց, ինչը հիմք հանդիսացավ նրա՝ մեղադրյալի դատավարական կարգավիճակով 2025 թվականի մարտի 20-ին տրված ցուցմունքի հրապարակման համար.
«(...)
Ինձ ներկայացված մեղադրանքում ինձ մեղավոր եմ ճանաչում, տեղյակ եմ եղել, որ 28.11.2024 թվականից 6 ամիս ժամկետով իմ վարելու իրավունքը կասեցված է, որի տակ ես ստորագրել եմ և դրանից հետո 7 անգամ վարել եմ տրանսպորտային միջոց: Օգտվելով իմ դատավարական կարգավիճակից հրաժարվում եմ այլևս ցուցմունք տալ և Ձեր հարցերին պատասխանել։ Ավելացնելու որևէ բան չունեմ:
(...)»(6):

2025 ԹՎԱԿԱՆԻ ՀՈԿՏԵՄԲԵՐԻ 10-ԻՆ ԴԱՏԱՐԱՆԸ ՄԵՂԱԴՐՅԱԼ ԱՐԱԻԿ ՀԱՐՈՒԹՅՈՒՆԻ ԲԱՂԴԱՍԱՐՅԱՆԻ ՆԿԱՏՄԱՄԲ ԿԱՅԱՑՐԵԼ Է ՄԵՂԱԴՐԱԿԱՆ ՎԵՐԴԻԿՏ։

ԼՐԱՑՈՒՑԻՉ ԴԱՏԱԼՍՈՒՄՆԵՐ

2.6 ՀՀ պետական եկամուտների կոմիտեի հարկ վճարողների սպասարկման վարչության պետի գրության համաձայն՝ Արաիկ Հարությունի Բաղդասարյանը հանցանքներից վերջինն ավարտվելու օրվան՝ 2024 թվականի դեկտեմբերի 30-ին նախորդող 12 ամիսների ընթացքում չի հանդիսացել վարձու աշխատող։ Հարկային մարմնի տեղեկատվական բազայում առկա չեն նաև Արաիկ Հարությունի Բաղդասարյանի կողմից իր ակտիվների ներդրմամբ (տրամադրմամբ) այլ անձանց գործունեությունից ստացված եկամուտի (շահաբաժնի, տոկոսի, ռոյալթիի, վարձակալական վճարի) վերաբերյալ տվյալներ:
2.7 Դատվածությունների և հետախուզման առկայության Ձև 8 հարցման պատասխանի համաձայն՝
-Սյունիքի մարզի առաջին ատյանի ընդհանուր իրավասության դատարանի 2012 թվականի հունվարի 20-ի դատավճռով Արաիկ Բաղդասարյանը մեղավոր է ճանաչվել 2003 թվականի ապրիլի 18-ին ընդունված ՀՀ քրեական օրենսգրքի 359 հոդվածի 1-ին մասով նախատեսված հանցանքը կատարելու մեջ, և վերջինի նկատմամբ որպես պատիժ է նշանակվել կալանք՝ 2 ամիս ժամկետով:
-Երևան քաղաքի առաջին ատյանի ընդհանուր իրավասության քրեական դատարանի 2024 թվականի նոյեմբերի 9-ի դատավճռով Արաիկ Բաղդասարյանը մեղավոր է ճանաչվել ՀՀ քրեական օրենսգրքի 396 հոդվածի 1-ին մասով նախատեսված հանցանքը կատարելու մեջ, և վերջինի նկատմամբ որպես պատիժ է նշանակվել տուգանք՝ 375.000 ՀՀ դրամի չափով: Երևան քաղաքի առաջին ատյանի ընդհանուր իրավասության քրեական դատարանի 2024 թվականի հոկտեմբերի 15-ի որոշմամբ 375.000 ՀՀ դրամի չափով տուգանքը փոխարինվել է 15 օր ժամկետով ազատազրկմամբ: Պատժի կրումից Արաիկ Բաղդասարյանը ազատվել է 2024 թվականի նոյեմբերի 24-ին:
2.8 ՀՀ քաղաքացիական կացության ակտերի գրանցման տվյալների շտեմարանում միասնական էլեկտրոնային տեղեկատվական համակարգի միջոցով կատարված հարցմանն ի պատասխան ստացվել է ամուսնության պետական գրանցման թիվ 101 ակտը, համաձայն որի Արաիկ Հարությունի Բաղդասարյանը և Անի Մովսեսի Պապոյանն ամուսնացած են:
Պատժի վերաբերյալ կողմերի հակիրճ դիրքորոշումները.
Պատժի վերաբերյալ հարցերը քննարկելիս հանրային մեղադրողը խնդրեց Դատարանին Արաիկ Հարությունի Բաղդասարյանի կատարած հանցանքներից յուրաքանչյուրի համար որպես պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 ՀՀ դրամի չափով:
Մեղադրյալ Արաիկ Բաղդասարյանը, ըստ էության, խնդրեց Դատարանին իր նկատմամբ տուգանքի ձևով պատիժ նշանակելու պարագայում դրա վճարումը տարաժամկետել, քանի որ ինքն ի վիճակի չէ անհապաղ և ամբողջությամբ վճարել այն: Պատասխանելով նախագահողի հարցերին՝ մեղադրյալը հայտնեց, որ նախկինում իր նկատմամբ տուգանքի ձևով նշանակված պատիժն ինքը չի կարողացել կատարել, քանի որ չի աշխատել, առողջական խնդիրներ է ունեցել և հիվանդանոցում է գտնվել, սակայն ներկայում աշխատում է, շինարարական աշխատանքներով է զբաղվում և կկարողանա վճարել տուգանքը։
Մեղադրյալը նաև հայտնեց, որ չի ցանկանում կատարել հանրային աշխատանքներ, քանի որ դրանք չի կարող համատեղել իր մշտական աշխատանքի հետ:

3. ԴԱՏԱՐԱՆԻ ՓԱՍՏԱԿԱՆ ՎԵՐԼՈՒԾՈՒԹՅՈՒՆՆԵՐԸ ԵՎ ԴԱՏԱՐԱՆԻ ԿՈՂՄԻՑ ՀԱՍՏԱՏՎԱԾ ԿԱՄ ՀԵՐՔՎԱԾ ՓԱՍՏԱԿԱՆ ՀԱՆԳԱՄԱՆՔՆԵՐԸ.
3.1 Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում, որ Արաիկ Հարությունի Բաղդասարյանը 2024 թվականի նոյեմբերի 28-ից 6 ամիս ժամկետով զրկված լինելով տրանսպորտային միջոցներ վարելու իրավունքից՝
-2024 թվականի դեկտեմբերի 8-ին՝ ժամը 10:25-ի սահմաններում, Երևան քաղաքի Ռոստովյան փողոցում վարել է «Ֆորդ» մակնիշի 37 CI 579 հաշվառման համարանիշի տրանսպորտային միջոցը,
-2024 թվականի դեկտեմբերի 14-ին՝ ժամը 15:02-ի սահմաններում, Երևան քաղաքի Նար-Դոս Խորենացի խաչմերուկի հատվածում վարել է «Ֆորդ» մակնիշի 37 CI 579 հաշվառման համարանիշի տրանսպորտային միջոցը,
-2024 թվականի դեկտեմբերի 14-ին՝ ժամը 17:11-ի սահմաններում, Երևան քաղաքի Խորենացի, Բեյրութ /Իտալիա/ Վ.Սարգսյան խաչմերուկի հատվածում վարել է «Ֆորդ» մակնիշի 37 CI 579 հաշվառման համարանիշի տրանսպորտային միջոցը,
-2024 թվականի դեկտեմբերի 16-ին՝ ժամը 14:31-ի սահմաններում, Երևան քաղաքի Մարգարյան/Բաշինջաղյան փողոցների հատվածում վարել է «Ֆորդ» մակնիշի 37 CI 579 հաշվառման համարանիշի տրանսպորտային միջոցը,
-2024 թվականի դեկտեմբերի 16-ին՝ ժամը 22:34-ի սահմաններում, Երևան քաղաքի Լենինգրադյան փողոցում վարել է «Ֆորդ» մակնիշի 37 C1 579 հաշվառման համարանիշի տրանսպորտային միջոցը,
-2024 թվականի դեկտեմբերի 22-ին՝ ժամը 08:37-ի սահմաններում, Երևան քաղաքի Աբովյան/Արամի փողոցների խաչմերուկում վարել է «Ֆորդ» մակնիշի 37 CI 579 հաշվառման համարանիշի տրանսպորտային միջոցը,
-2024 թվականի դեկտեմբերի 30-ին՝ ժամը 17:44-ի սահմաններում, Երևան քաղաքի Տիգրան Մեծ/Մհեր Մկրտչյան/Մելիք Ադամյան փողոցների խաչմերուկում վարել է «Ֆորդ» մակնիշի 37 CI 579 հաշվառման համարանիշի տրանսպորտային միջոցը:
3.2 Հիմնական և լրացուցիչ դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում նաև այն, որ՝
-Արաիկ Բաղդասարյանը չունի դատվածություն,
-Արաիկ Բաղդասարյանը հանցանքն ավարտվելու օրվան նախորդող 12 ամիսների ընթացքում եկամուտ չի ստացել:

4. ԴԱՏԱՐԱՆԻ ԻՐԱՎԱԿԱՆ ՎԵՐԼՈՒԾՈՒԹՅՈՒՆՆԵՐԸ, ՀԵՏԵՎՈՒԹՅՈՒՆՆԵՐՆ ՈՒ ՈՐՈՇՈՒՄՆԵՐԸ.
4.1 Դատարանի կողմից հաստատված փաստական հանգամանքների և 2025 թվականի հոկտեմբերի 10-ին կայացված մեղադրական վերդիկտի հիման վրա Դատարանն ապացուցված է համարում մեղադրյալ Արաիկ Հարությունի Բաղդասարյանին վերագրվող արարքները, այդ արարքների քրեական հակաիրավականությունը, մեղադրյալի կողմից այդ արարքները կատարելը, մեղադրյալի մեղավորությունը տվյալ արարքները կատարելու մեջ, սահմանելով, որ դատապարտված մեղադրյալի կատարած թվով 7 արարքներից յուրաքանչյուրի նկատմամբ ենթակա է կիրառման ՀՀ քրեական օրենսգրքի 344 հոդվածի 1-ին մասը։
4.2 Դատարանն արձանագրում է, որ Արաիկ Հարությունի Բաղդասարյանի պատասխանատվությունն ու պատիժը մեղմացնող հանգամանք պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը, քանի որ մեղքն ընդունելը, կատարածի համար զղջալը, որպես մեղավոր անձի հետհանցավոր դրական վարքագիծ, վկայում է այն մասին, որ նա լրիվ գիտակցել է իր արարքի հանրային վտանգավորությունը և զղջացել է դրա համարց
4.3 Դատարանն արձանագրում է, որ Արաիկ Հարությունի Բաղդասարյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71 հոդվածով նախատեսված հանգամանքներ առկա չեն:
4.4 Կատարած հանցանքի համար մեղադրյալ Արաիկ Հարությունի Բաղդասարյանը ենթակա է պատժի։
4.5 Պատժի տեսակն ու չափը որոշելիս՝ Դատարանը հաշվի է առնում հետևյալ հանգամանքները՝
-Արաիկ Հարությունի Բաղդասարյանի կատարած հանցանքների հանգամանքները, հանրային վտանգավորության աստիճանն ու բնույթը, մասնավորապես՝ այն, որ նրա կատարած հանցանքները դասվում են ոչ մեծ ծանրության հանցագործությունների շարքին։
-Արաիկ Հարությունի Բաղդասարյանի անձը բնութագրող տվյալները, պատասխանատվությունը և պատիժը մեղմացնող հանգամանքի առկայությունն ու ծանրացնող հանգամանքների բացակայությունը, ՀՀ քրեական օրենսգրքի 69 հոդվածի 2-րդ մասում թվարկված մյուս հանգամանքները։
• Այսպիսով, Դատարանը գտնում է, որ ՀՀ քրեական օրենսգրքի 55 հոդվածի 2-րդ մասով սահմանված պատժի նպատակներն ապահովելու համար Արաիկ Հարությունի Բաղդասարյանի կողմից կատարված հանցագործությունների բնույթին, վտանգավորության աստիճանին, դրանց կատարելու հանգամանքներին, ինչպես նաև հանցավորի անձին համաչափ պատիժ է կատարած հանցանքներից յուրաքանչյուրի համար հնգապատիկի չափով տուգանքը։
Հիմք ընդունելով ՀՀ քրեական օրենսգրքի 59 հոդվածի 5-րդ մասը, և հաշվի առնելով հանցանքն ավարտվելու օրվան նախորդող 12 ամիսների ընթացքում Արաիկ Բաղդասարյանի եկամտի բացակայության վերաբերյալ տվյալը՝ տուգանքի չափը պետք է հաշվարկել հանցանքներից վերջինը կատարելու պահին՝ 2025 թվականի դեկտեմբերի 30-ին ՀՀ-ում սահմանված նվազագույն աշխատավարձի՝ 75.000 (յոթանասունհինգ հազար) ՀՀ դրամի չափով:
Դատարանը գտնում է, որ ՀՀ քրեական օրենսգրքի 74 հոդվածով սահմանված կարգով պատիժները լրիվ գումարելու միջոցով, Արաիկ Բաղդասարյանի նկատմամբ վերջնական պատիժ պետք է նշանակել տուգանք՝ 2.625.000 (երկու միլիոն վեց հարյուր քսանհինգ հազար) ՀՀ դրամի չափով:
• Դատարանը գտնում է, որ կատարած հանցանքների համար Արաիկ Հարությունի Բաղդասարյանի նկատմամբ լրացուցիչ պատիժ նշանակելու հիմքերն ու անհրաժեշտությունը տվյալ դեպքում բացակայում են։
4.6 Արաիկ Հարությունի Բաղդասարյանը պետք է կրի իր նկատմամբ նշանակված պատիժը, քանի որ նրան պատժից ազատելու հիմքեր առկա չեն։
Հիմք ընդունելով ՀՀ քրեական օրենսգրքի 59 հոդվածի 8-րդ մասը, հաշվի առնելով մեղադրյալ Արաիկ Հարությունի Բաղդասարյանի եկամտի բացակայությունը, ինչպես նաև տուգանքի վճարման համար ժամկետ սահմանելու մասին վերջինի խնդրանքը՝ Դատարանը գտնում է, Արաիկ Բաղդասարյանին պետք է թույլատրել նշանակված տուգանքը վճարել վճարել 12 (տասներկու) ամիսների ընթացքում՝ մաս առ մաս՝ յուրաքանչյուր ամիս վճարելով նվազագույնը 218.750 (երկու հարյուր տասնութ հազար յոթ հարյուր հիսուն) ՀՀ դրամ:
4.7 ՀՀ քրեական դատավարության օրենսգրքի 348 հոդվածի 1-ին մասի 11-14-րդ հարցերին անդրադառնալու անհրաժեշտությունը սույն քրեական գործով բացակայում է։
4.8 Արաիկ Հարությունի Բաղդասարյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը, քանի որ այն բավարար է մեղադրյալի կողմից ՀՀ քրեական դատավարության օրենսգրքի 116 հոդվածի 2-րդ մասով նախատեսված որևէ գործողություն կատարելու ռիսկերը չեզոքացնելու համար։
4.9 ՀՀ քրեական դատավարության օրենսգրքի 167 հոդվածի 1-ին մասի 1-6-րդ կետերով նախատեսված վարութային ծախսեր սույն քրեական գործով առկա չեն, իսկ 7-րդ կետով նախատեսված ծախսերի վերաբերյալ տվյալները բացակայում են: Ավելին՝ այդ վարութային ծախսերի հատուցման պահանջ Դատարանին չի ներկայացվել, որպիսի պայմաններում վարութային ծախսերի հարցը պետք է համարել լուծված։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 167, 276, 347, 348, 349 և 364 հոդվածներով՝ Դատարանը

Վ Ճ Ռ Ե Ց

1. Արաիկ Հարությունի Բաղդասարյանին մեղավոր ճանաչել ՀՀ քրեական օրենսգրքի 344 հոդվածի 1-ին մասով նախատեսված թվով 7 հանցանքները կատարելու մեջ, և հանցանքներից յուրաքանչյուրի համար որպես պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
2. Նշանակված պատիժները լրիվ գումարել և Արաիկ Բաղդասարյանի նկատմամբ վերջնական պատիժ նշանակել տուգանք՝ 2.625.000 (երկու միլիոն վեց հարյուր քսանհինգ հազար) ՀՀ դրամի չափով:
3. Արաիկ Բաղդասարյանին թույլատրել դատավճիռն օրինական ուժի մեջ մտնելու հաջորդ օրվանից տուգանքը վճարել 12 (տասներկու) ամիսների ընթացքում՝ մաս առ մաս՝ յուրաքանչյուր ամիս վճարելով նվազագույնը 218.750 (երկու հարյուր տասնութ հազար յոթ հարյուր հիսուն) ՀՀ դրամ:
4. Արաիկ Բաղդասարյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ՝ մինչև դրա իրավաչափության պայմանների փոփոխումը՝ բայց ոչ ավելի, քան դատավճռի օրինական ուժի մեջ մտնելը:
Դատավճիռը վերաքննության կարգով կարող է բողոքարկվել Հայաստանի Հանրապետության վերաքննիչ քրեական դատարան՝ ստանալու օրվանից հետո՝ մեկամսյա ժամկետում:



ԴԱՏԱՎՈՐ ԱՐՇԱԿ ՄԱԹԵՎՈՍՅԱՆ


(1)Ծնված՝ 1992 թվականի ապրիլի 27-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, դատվածություն չունեցող, խնամքին է վատառողջ հայրը, հաշվառված է և բնակվում է Երևան քաղաքի Մարտիկյան փողոցի թիվ 9 տանը, որպես խափանման միջոց է կիրառված ՀՀ-ից բացակայելու արգելքը:
(2)Տե՛ս քրեական գործ, հատոր 1, թերթեր 34-36։
(3)Տե՛ս քրեական գործ, հատոր 1, թերթեր 57-58։
(4)Տե՛ս քրեական գործ, հատոր 1, թերթեր 98-99:
(5)Տե՛ս քրեական գործ, հատոր 1, թերթեր 117-121։
(6)Տե՛ս քրեական գործ, հատոր 1, թերթեր 126-129։