Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


ԵԴ1/1555/01/25

«23» հունիսի 2025թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը

նախագահությամբ՝ դատավոր Ա. Մելիքսեթյանի,
քարտուղարությամբ՝ Ս. Ջավադյանի,

մասնակցությամբ՝
հանրային մեղադրող՝ Է․ Անանյանի,

դռնբաց դատական նիստում, քննելով քրեական գործն ըստ մեղադրանքի՝
Արտաշես Կարենի Ասծատրյանի՝ /ծնված՝ 05․01․1995 թվականին, ազգությամբ հայ, ՀՀ քաղաքացի, նախկինում չդատապարտված, հաշվառված և բնակվող՝ ՀՀ, Կոտայքի մարզ, Նոր Հաճն, Չարենցի փողոց, 17-րդ շենք, 11-րդ բնակարան հասցեում/ ՀՀ քրեական օրենսգրքի 344-րդ հոդվածի 1-ին մասով,

Պ Ա Ր Զ Ե Ց

1.Գործի դատավարական նախապատմությունը
1.1. 2023 թվականի փետրվարի 02-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60182523 քրեական վարույթը:
1.2. 2023 թվականի մարտի 24-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60861823 քրեական վարույթը:
1․3․ 2023 թվականի մարտի 24-ին որոշում է կայացվել թիվ 60861823 քրեական վարույթը թիվ 60182523 քրեական վարույթին միացնելու և նախաքննությունը թիվ 60182523 քրեական վարույթի համարի ներքո շարունակելու մասին։
1.4. 2024 թվականի դեկտեմբերի 20-ին հսկող դատախազի կողմից որոշում է կայացվել թիվ 60182523 քրեական վարույթով Արտաշես Կարենի Ասծատրյանի նկատմամբ ՀՀ քրեական օրեսգրքի 344-րդ հոդվածի 1-ին մասով /երկու դրվագ/ հանրային քրեական հետապնդում հարուցելու մասին միջորդությունը մերժելու մասին:
1.5. 2025 թվականի մարտի 27-ին որոշում է կայացվել թիվ 60182523 քրեական վարույթով Արտաշես Կարենի Ասծատրյանի նկատմամբ ՀՀ քրեական օրեսգրքի 344-րդ հոդվածի 1-ին մասով հանրային քրեական հետապնդում չհարուցելու մասին՝ ՀՀ քրեական դատավարության օրենսգրքի 12-րդ հոդվածի 1-ին մասի 1-ին կետով նախատեսված հիմքով:
1.6. 2025 թվականի մարտի 27-ին որոշում է կայացվել թիվ 60182523 քրեական վարույթով Արտաշես Կարենի Ասծատրյանի նկատմամբ ՀՀ քրեական օրեսգրքի 344-րդ հոդվածի 1-ին մասով հանրային քրեական հետապնդում հարուցելու մասին:
1.7. 2025 թվականի մարտի 27-ին որոշում է կայացվել Արտաշես Կարենի Ասծատրյանի նկատմամբ որպես այլընտրանքային խափանման միջոց բացակայելու արգելքը կիրառելու մասին:
1․8․ Երևան քաղաքի առաջին ատյանի ընդհանուր իրավասության քրեական դատարանում 2025 թվականի մայիսի 06-ին մուտք է եղել ՀՀ դատախազության Երևան քաղաքի Արաբկիր և Քանաքեռ-Զեյթուն վարչական շրջանների դատախազությունից ստացված նախաքննական 60182523 համարով քրեական գործն ըստ մեղադրանքի՝ Արտաշես Կարենի Ասծատրյանի՝ ՀՀ քրեական օրենսգրքի 344-րդ հոդվածի 1-ին մասով, քրեական գործին շնորհվել է ԵԴ1/1555/01/25 քրեական գործի համարը, աշխատակազմին է հանձնվել 2025 թվականի մայիսի 07-ին:
1․9․ 2025 թվականի մայիսի 07-ին որոշում է կայացվել թիվ ԵԴ1/1555/01/25 քրեական գործով վարույթ ստանձնելու և նախնական դատալսումներ նշանակելու մասին:

2. Մեղադրանքի փաստական նկարագրությունը.
Արտաշես Կարենի Ասծատրյանի տրանսպորտային միջոցներ վարելու իրավունքը 2022 թվականի նոյեմբերի 14-ին կայացված թիվ 2215466275 վարչական տույժ նշանակելու մասին որոշմամբ կասեցվել է 6 ամիս ժամկետով, ինչի մասին վերջինս պատշաճ ծանուցվել է 2022 թվականի դեկտեմբերի 12-ին:
2023 թվականի մարտի 1-ին՝ ժամը 00:20-ի սահմաններում, Երևան քաղաքի Դավիթ Բեկի փողոցում վարել է «Նիսսան» մակնիշի 36 DQ 061 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության աշխատակիցների կողմից և կազմվել է վարչական իրավախախտման վերաբերյալ թիվ 8180244978 արձանագրությունը:

3. Դատաքննությամբ հետազոտված թույլատրելի ապացույցները.
3.1․ 20.03.2025թ. Արտաշես Կարենի Ասծատրյանի վերաբերյալ 05.01.2022թ. կայացված զեկուցագրի, վարչական իրավախախտման վերաբերյալ թիվ 8180168575 արձանագրության, վարչական տույժ նշանակելու մասին թիվ 2215466275 որոշման, RDI53198648AM ծանուցագրի, ՃՈ էլեկտրոնային ռեգիստրից ստացված քաղվածքի, 06.03.2023թ. ներկայացված զերկուցագրի, վարչական իրավախախտման վերաբերյալ թիվ 8180244978 արձանագրության, ՃՈ-ից ստացված գրության և տարամադրված նյութերի պատճենները զննելու մասին արձանագրությունը, համաձայն որի,
- 05.01.2022թ. 8180168575 արձանագրության հիման վրա կազմված զեկուցագրի զննությամբ պարզվել է, որ ՀՀ ՈՍ ՊԾ ԵՔԳ ՎՎԻ բաժանմունքի պետ, ոստիկանության մայոր Ա.Բաբիկյանը զեկուցագիր է ներկայացրել ՀՀ ՈՍ ՊԾ ԵՔԳ հրամանատար՝ Ա.Իսախանյանին առ այն, որ Արտաշես Կարնի Ասծատրյանը տրանսպորտային միջոցներ վարելու իրավունքը 6 ամիս ժամկետով կասեցված լինելու պայմաններում 12.12.2022թ.՝ ժամը 11:50-ին, վարել է <<Տոյոտա>> մակնիշի 36 ZV 965 հաշվառման համարանիշի տրանսպորտային միջոցը, որի վերաբերյալ կայացվել է վարչական իրավախախտման վերաբերյալ թիվ 8180168575 արձանագրությունը։
- Վարչական իրավախախտման գործով թիվ 8180168575 արձանագրության պատճենի զննությամբ պարզվել է, որ 12.12.2022թ. ժամը 11:55-ին, ՀՀ ոստիկանության պարեկային ծառայության Երևան քաղաքի գնդի 1 գումարտակի 1 վաշտի պարեկ Արման Արթուրի Գրիգորյանի /12545/ կողմից Արտաշես Կարենի Ասծատրյանի նկատմամբ կազմվել է վարչական իրավախախտման վերաբերյալ արձանագրություն, - ըստ որի Արտաշես Ասծատրյանը նույն օրը՝ ժամը 11:50-ին, <<Տոյոտա>> մակնիշի 36_ZV 965 հաշվառման համարանիշի ավտոմեքենան վարել է Երևան քաղաքի Թբիլիսյան խճուղում, տրանսպորտային միջոցներ վարելու իրավունքը կասեցվսծ վիճակում, համապատասխան վայրերում առկա են ստորագրություններ:
- Վարչական տույժ նշանակելու մասին թիվ 2215466275 որոշումը կայացվել է 14.11.2022թ. ՃՈ տեսուչ Արսեն Կարապետյանի կողմից, առ այն, որ Արտաշես Կարենի Ասծատրյանը՝ <<Տոյոտա>> մակնիշի 36 ZV 965 համարանիշի ավտոմեքենան վարել է 30.10.2022թ., Երևան քաղաքի Արշակունյաց պողոտայում, գերազանցել է երթևեկության սահմանված արագությունը, որով որոշվել է Արտաշես Կարենի Ասծատրյանի տրանսպորտային միիջցներ վարելու իրավունքը կասեցնել 6 ամիս ժամկետով:
- Թիվ 2215466275 վարչական տույժ նշանակելու մասին որոշում պարունակող թիվ RDI53198648AM ծանուցագիրը հասցեագրված է եղել Արտաշես Կարենի Ասծատրյանի բնակության Նոր Հաճըն Չարենցի 17 շենքի 11 հասցեով, սակայն չպահանջված նշումով հետ է վերադարձվել ճանապարհային ոստիկանություն:
- ՀՀ ՆԳՆ ոստիկանության Կոտայքի մարզային վարչության կողմից ուղարկված գրությամբ տեղեկացվել է որ վարչական տույժ նշանակելու մասին թիվ 2215466275 որոշումը ստորագրությամբ հասցվել է հասցեատիրոջը և նշվածի կապակցությամբ առկա ծանուցման քաղվածքի զննությամբ պարզվել է, որ 01.02.2023թ. ՃՈ-ի կողմից 14.11.2022թ. կայացված թիվ 2215466275 որոշման պատճենը ստորագրությամբ հանձնվել է Արտաշես Ասծատրյանին, առկա է վերջինիս կողմից թողնված ստորագրություն, գրառում:
06.03.2023թ. 8180244978 արձանագրության հիման վրա կազմված զեկուցագրի զննությամբ պարզվել է, որ ՀՀ ՈՍ ՊԾ ԵՔԳ ՎՎԻ բաժանմունքի պետ, ոստիկանության մայոր՝ Ա. Բաբիկյանը զեկուցագիր է ներկայացրել ՀՀ ՈՍ ՊԾ ԵՔԳ հրամանատար Ա.Իսախանյանին առ այն, որ Արտաշես Կարնի Ասծատրյանը տրանսպորտային միջոցներ վարելու իրավունքը 6 ամիս ժամկետով կասեցված լինելու պայմաններում 01.03.2023թ.` ժամը 00:25-ին, վարել է <<Նիսսան>> մակնիշի 36 D0 061 հաշվառման համարանիշի տրանսպորտային միջոցը, որի վերաբերյալ կայացվել է վարչական իրավախախտման վերաբերյալ թիվ 8180244978 արձանագրությունը։
Վարչական իրավախախտման գործով թիվ 8180244978 արձանագրության պատճենի զննությամբ պարզվել է, որ 01.03.2023թ. ժամը 00:30-ին, ՀՀ ոստիկանության պարեկային ծառայության Երևան քաղաքի գնդի 4 գումարտակի 1 վաշտի պարեկ Մկրտիչ Տարոնի Ազիզյանի 07893 կողմից Արտաշես Կարենի Ասծատրյանի նկատմամբ կազմվել է վարչական իրավախախտման վերաբերյալ արձանագրություն, ըստ որի Արտաշես Ասծատրյանը նույն օրը՝ ժամը 00:25-ին, <<Նիսսան>> մակնիշի 36 DQ 061 հաշվառման համարանիշի ավտոմեքենան վարել է Երևան քաղաքի Դավիթ Բեկի փողոցում, տրանսպորտային միջոցներ վարելու իրավունքը կասեցված վիճակում, համապատասխան վայրերում առկա են ստորագրություններ, վարորդի հայտարարության դաշտում գրառված է.<<Ծանուցված չեմ եղել, որ վարորդական իրավունքս կասեցված է, ստորագրություն>>:
ՀՀ ՆԳՆ ՃՈ էլեկտրոնային ռեգիստրից ստացված քաղվածքի զննությամբ պարզվել է, որ Արտաշես Կարենի Ասծատրյանի RJ413873 սերիա-համարի վարորդական վկայականի կարգավիճակը կասեցված է, սկիզբ՝ 08.12.2022 ավարտ՝ 08.06.2023 ժամանակահատվածով:
3․2. 2025 թվականի մարտի 20-ի որոշմամբ որպես արտավարութային փաստաթուղթ ապացույց ճանաչված և քրեական վարույթին կցված 05.01.2022թ. կայացված զեկուցագրի, վարչական իրավախախտման վերաբերյալ թիվ 8180168575 արձանագրության, վարչական տույժ նշանակելու մասին թիվ 2215466275 որոշման, RDI53198648AM ծանուցագրի, ՃՈ էլեկտրոնային ռեգիստրից ստացված քաղվածքի, 06.03.2023թ. ներկայացված զերկուցագրի, վարչական իրավախախտման վերաբերյալ թիվ 8180244978 արձանագրության, ՃՈ-ից ստացված գրության և տարամադրված նյութերի պատճենները:
3․3․ Մեղադրյալ Արտաշես Կարենի Ասծատրյանը դատարանում հրաժարվեց ցուցմունք տալուց, սակայն չհրաժարվեց նախաքննության ընթացքում իր տված ցուցմունքներից, ուստի հրապարակվեց Արտաշես Կարենի Ասծատրյանի՝ 2025 թվականի մարտի 19-ի վկայի կարգավիճակով տված ցուցմունքը՝ հետևյալ բովանդակությամբ.՝
Վարորդական վկայականը կասեցնելու մասին թիվ 2215466275 վարչական տույժ նշանակելու մասին որոշումը ստացել է 01.02.2023թ.՝ իր ստորագրությամբ: Նշված որոշումը փոստային ծառայության միջոցով չի ստացել, այլ ստացել է 01.02.2023թ. ոստիկանի միջոցով իր ստորագրությամբ։ 12.12.2022թ. «Տոյոտա» մակնիշի 36 ZV 965 հաշվառման համարանիշի ավտոմեքենայով Երևան քաղաքի Թբիլիսյան խճուղում՝ ժամը 11:50-ին իրավախախտում կատարելու ժամանակ ծանուցված չի եղել, որ վարորդական վկայականի կասեցված վիճակում է, միայն արդեն այդ օրը պարեկային ծառայության աշխատակիցները իրեն հայտնել են, որ վարորդական վկայականը կասեցված է: Իսկ՝ 01.03.2023թ.՝ ժամը 00:25-ին, «Նիսսան» մակնիշի 36 DQ 061 հաշվառման համարանիշի ավտոմեքենան Երևան քաղաքի Դավիթ Բեկի փողոցում վարել է վարորդական վկայականը կասեցման վերաբերյալ ծանուցված վիճակում: Իսկ կազմված արձանագրության մեջ իր հայտարարություն առ այն, որ. «ծանուցված չի եղել, որ վարորդական վկայականը կասեցված վիճակում է» նշել է, որ այդ կապակցությամբ չի հիշում թե ինչու է նման հայտարարություն կատարել։
Հրապարակվեց նաև Արտաշես Կարենի Ասծատրյանի՝ 2025 թվականի մարտի 31-ի մեղադրյալի կարգավիճակով տված ցուցմունքը՝ հետևյալ բովանդակությամբ.՝
Մեղադրյալ Արտաշես Կարենի Ասծատրյանը հայտնեց, որ 27․03․2025թ․ իր նկատմամբ հանրային քրեական հետապնդում հարուցելու մասին որոշումն ամբողջությամբ պարզ է և հասկանալի, ՀՀ քրեական օրենսգրքի 344-րդ հոդվածի 1-ին մասով իրեն առաջադրված մեղադրանքում ընդունում է մեղավորությունը, ցուցմունքին այլ բան չի ավելացրել 

4. Դատարանի փաստական վերլուծությունները և դատարանի կողմից հաստատված փաստական հանգամանքները.
Հետազոտված ապացույցների հիման վրա Դատարանի կողմից հաստատվել են հետևյալ փաստական հանգամանքները.
Արտաշես Կարենի Ասծատրյանի տրանսպորտային միջոցներ վարելու իրավունքը 2022 թվականի նոյեմբերի 14-ին կայացված թիվ 2215466275 վարչական տույժ նշանակելու մասին որոշմամբ կասեցվել է 6 ամիս ժամկետով, ինչի մասին վերջինս պատշաճ ծանուցվել է 2022 թվականի դեկտեմբերի 12-ին:
2023 թվականի մարտի 1-ին՝ ժամը 00:20-ի սահմաններում, Երևան քաղաքի Դավիթ Բեկի փողոցում վարել է «Նիսսան» մակնիշի 36 DQ 061 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության աշխատակիցների կողմից և կազմվել է վարչական իրավախախտման վերաբերյալ թիվ 8180244978 արձանագրությունը:


5. Դատարանի իրավական վերլուծությունները.
5.1. Վերլուծելով մեղադրյալ Արտաշես Կարենի Ասծատրյանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Արտաշես Կարենի Ասծատրյանին վերագրվող փաստական հանգամանքները, մասնավորապես մեղադրյալ Արտաշես Կարենի Ասծատրյանի տրանսպորտային միջոցներ վարելու կասեցված լինելու պայմաններում վերջինիս կողմից տրանսպորտային միջոց վարելը,
- ապացուցված է վերոգրյալ արարքի քրեական հակաիրավականությունը, որը նախատեսված է ՀՀ քրեական օրենսգրքի 344-րդ հոդվածի 1-ին մասով,
- ապացուցված է մեղադրյալ Արտաշես Կարենի Ասծատրյանի կողմից ՀՀ քրեական օրենսգրքի 344-րդ հոդվածի 1-ին մասով նախատեսված վերոգրյալ արարքը կատարելը.
- ապացուցված է մեղադրյալ Արտաշես Կարենի Ասծատրյանի մեղավորությունը ՀՀ քրեական օրենսգրքի 344-րդ հոդվածի 1-ին մասով նախատեսված արարքը կատարելու մեջ:

5.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:

ՀՀ քրեական օրենսգրքի 7-րդ հոդվածի 1-ին մասի համաձայն`
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»:

ՀՀ քրեական օրենսգրքի 55-րդ հոդվածի 2-րդ մասի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:

ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ»:

ՀՀ քրեական օրենսգրքի 344-րդ հոդվածի 1-ին մասի համաձայն`
«1. Տրանսպորտային միջոց վարելու իրավունքից զրկված կամ տրանսպորտային միջոց վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:»:


5.3. Դատարանը որպես մեղադրյալի պատասխանատվությունը և պատիժը մեղմացնող հանգամանք հաշվի է առնում այն, որ ներկայացված մեղադրանքում իրեն լիովին մեղավոր է ճանաչել և զղջացել է:
Դատարանը մեղադրյալի պատասխանատվությունը և պատիժը ծանրացնող հանգամանքներ չի արձանագրում։
5.4. Վերոգրյալ իրավանորմերի համատեքստում քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալի նկատմամբ, հաշվի առնելով մեղադրյալի կատարած հանցագործության բնույթը և հանրության համար վտանգավորության աստիճանը, ինչպես նաև հանցագործության անմիջական օբյեկտի՝ հասարակության անվտանգության դեմ ուղղված ոտնձգության բնույթը և այդ ոլորտում պետության քրեական քաղաքականության ուղղվածությունը, դրանք համադրելով մեղադրյալի անձը բնութագրող տվյալների հետ, հաշվի առնելով նաև մեղադրյալի պատասխանատվությունը և պատիժը մեղմացնող հանգամանքի առկայությունը և ծանրացնող հանգամանքի բացակայությունը, Դատարանը գտնում է, Դատարանը գտնում է, որ մեղադրյալ Արտաշես Կարենի Ասծատրյանն իր կատարած՝ ՀՀ քրեական օրենսգրքի 344-րդ հոդվածի 1-ին մասով նախատեսված արարքների կատարման համար ենթակա է պատժի այդ հանցագործության համար նախատեսված պատիժներից առավել մեղմ պատժի` տուգանքի ձևով, իսկ առավել խիստ պատիժ նշանակելու հիմքերը բացակայում են:
Միևնույն ժամանակ, հաշվի առնելով, որ թեև մեղադրյալն աշխատում է, սակայն վերջինիս եկամուտները նվազ են օրենքով նախատեսված նվազագույն աշխատավարձի չափից, ուստի Դատարանը գտնում է, որ մեղադրյալի նկատմամբ տուգանքի ձևով պատժի չափը որոշելիս պետք է հաշվի առնել հանցանքը կատարելու պահին նվազագույն աշխատավարձի չափը, որը «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն սահմանված է 75.000 (յոթանասունհինգ հազար) ՀՀ դրամ:
Դատարանը գտնում է, որ 2023 թվականի մարտի 1-ին կատարված ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով, որով կապահովվի ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին և բավարար կլինի սոցիալական արդարությունը վերականգնելու, պատժի ենթարկված անձին վերասոցիալականացնելու և հանցագործությունները կանխելու համար:
5.5. Անդրադառնալով մեղադրյալի նկատմամբ լրացուցիչ պատիժ նշանակելու հարցին, Դատարանն արձանագրում է, որ մեղադրանքի կողմը նման միջնորդությամբ հանդես չեկավ, իսկ Դատարանի գնահատմամբ միայն հիմնական պատիժը՝ հանրային աշխատանքները, բավարար է պատժի նպատակներին հասնելու համար:
5.6. Դատարանն արձանագրում է, որ սույն գործով գույքային հայց չի հարուցվել, բռնագրավման ենթակա գույքի, ինչպես նաև գույքի արգելադրման վերաբերյալ տվյալներ գործում առկա չեն:
5.7. Անդրադառնալով ապացույցների տնօրինման հարցին՝ Դատարանը գտնում է, որ 2025 թվականի մարտի 20-ին արտավարութային փաստաթուղթ ճանաչված 05.01.2022թ. կայացված զեկուցագրի, վարչական իրավախախտման վերաբերյալ թիվ 8180168575 արձանագրության, վարչական տույժ նշանակելու մասին թիվ 2215466275 որոշման, RDI53198648AM ծանուցագրի, ՃՈ էլեկտրոնային ռեգիստրից ստացված քաղվածքի, 06.03.2023թ. ներկայացված զերկուցագրի, վարչական իրավախախտման վերաբերյալ թիվ 8180244978 արձանագրության, ՃՈ-ից ստացված գրության և տարամադրված նյութերի պատճեններ պետք է պահել վարույթի նյութերի հետ՝ դրանք պահելու ամբողջ ընթացքում:
5.8. Քննարկելով խափանման միջոցի հարցը` Դատարանը գտնում է, որ մեղադրյալի նկատմամբ որպես խափանման միջոց բացակայելու արգելքն ընտրված է ճիշտ և այն վերացվելու կամ փոփոխվելու ենթակա չէ մինչև դատավճռի օրինական ուժի մեջ մտնելը:
5.9. Քննարկելով վարութային ծախսերի հարցը՝ Դատարանն արձանագրում է, որ այդպիսիք առկա չեն:
Վերոգրյալի հիման վրա և ղեկավարվելով Հայաստանի Հանրապետության քրեական դատավարության օրենսգրքի 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`

Վ Ճ Ռ Ե Ց

Արտաշես Կարենի Ասծատրյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման մեջ և նրա նկատմամբ որպես պատիժ նշանակել տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով:
Արտաշես Կարենի Ասծատրյանին թույլատրել դատավճռով նշանակված 375.000 ՀՀ դրամ գումարի չափով տուգանքը վճարել մաս առ մաս՝ 12 /տասներկու/ ամսվա ընթացքում՝ յուրաքանչյուր ամիս վճարելով առնվազն 31.250 /երեսունմեկ հազար երկու հարյուր հիսուն/ ՀՀ դրամ գումար:
Մեղադրյալ Արտաշես Կարենի Ասծատրյանի նկատմամբ ընտրված խափանման միջոցը՝ բացակայելու արգելքը, մինչև դատավճռի օրինական ուժի մեջ մտնելը թողնել անփոփոխ:
Վարութային ծախսերի հարցը համարել լուծված:
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Դատավճիռը կարող է բողոքարկվել ՀՀ վերաքննիչ քրեական դատարան` դատական ակտը ստանալուց հետո մեկամսյա ժամկետում:


ԴԱՏԱՎՈՐ՝ Ա. ՄԵԼԻՔՍԵԹՅԱՆ