ԵԴ1/1541/01/25







Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Ա․ԵՂԻԱԶԱՐՅԱՆԻ
մեղադրյալ Հ․ՎԱՐԴԱՆՅԱՆԻ

2025 թվականի մայիսի 20-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Հայկ Կառլենի Վարդանյանի՝ ծնված 1985 թվականի հունվարի 16-ին, Երևան քաղաքում, հայ, ՀՀ քաղաքացի, միջնակարգ կրթությամբ, չամուսնացած, չի աշխատում, նախկինոմ չդատապարտված, հաշվառված և փաստացի բնակվում է Երևան քաղաքի Եղիշե Թադևոսյանի փողոց, 12/2 շենք, 20 բնակարան հասցեում, քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով, որպես խափանման միջոց է ընտրվել բացակայելու արգելքը,

ՊԱՐԶԵՑ

1.Գործի դատավարական նախապատմությունը
2025 թվականի հունվարի 27-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել թիվ 60137625 քրեական վարույթը:
2025 թվականի ապրիլի 15-ի որոշմամբ Հայկ Կառլենի Վարդանյանի նկատմամբ քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով այն արարքի համար, որ նա, չունենալով տրանսպորտային միջոցներ վարելու իրավունք, հարբած (ոչ սթափ) վիճակում վարել է տրանսպորտային միջոց:
Այսպես.
2024 թվականի դեկտեմբերի 22-ին՝ ժամը 04:05-ի սահմաններում, Երևան քաղաքի Տերյան փողոցում ծառայություն իրականացնելիս, ՀՀ ՆԳՆ ոստիկանության պարեկային ծառայության 2-րդ գումարտակի աշխատակիցների կողմից կանգնեցվել է «Տոյոտա» մակնիշի 75 ZZ 184 հաշվառման համարանիշի ավտոմեքենան և պարզվել է, որ հիշյալ տրանսպորտային միջոցի վարորդ՝ Հայկ Կառլենի Վարդանյանը, չունենալով տրանսպորտային միջոց վարելու իրավունք, հարբած վիճակում (մեկ լիտր արտաշնչած օդի մեջ ալկոհոլի պարունակությունը կազմել է 0,644մգ/լ, ստուգաչափի հնարավոր 10% սխալմունքը հաշվի առնելով՝ 0,579 մգ/լ) վարել է վերոհիշյալ տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության 2-րդ գումարտակի 1-ին վաշտի պարեկ, Վիրաբ Նավասարդյանի կողմից կազմվել է վարչական իրավախախտման վերաբերյալ թիվ 8180418814 արձանագրությունը::
2025 թվականի ապրիլի 16-ի որոշմամբ Հայկ Կառլենի Վարդանյանի նկատմամբ խափանման միջոց է ընտրվել բացակայելու արգելքը:
2025 թվականի մայիսի 5-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է ԵԴ1/1541/01/25 համարը:
2025 թվականի մայիսի 7-ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին։
2025 թվականի մայիսի 20-ին Դատարանը Հայկ Կառլենի Վարդանյանի նկատմամբ կայացրել է մեղադրական վերդիկտ։

2.Դատարանում հետազոտված և գնահատված ապացույցներ
Մեղադրյալ Հայկ Կառլենի Վարդանյանն առաջադրված մեղադրանքում իրեն մեղավոր է ճանաչել, հիմնական դատալսումների ընթացքում, օգտվելով իր իրավունքներից, հրաժարվել է ցուցմունք տալ (տե՛ս դատական նիստի արձանագրությունը):
Մինչդատական վարույթի ընթացքում Հայկ Կառլենի Վարդանյանը ցուցմունք է տվել այն մասին, որ ընդունում է մեղավորությունը կատարածում և օգտվելով իր իրավունքից՝ չի ցանկանում ցուցմունք տալ (տե´ս դատական նիստի արձանագրություն, քրեական գործ, 34-35-րդ թերթեր)։
Ցուցմունքները հրապարակելուց հետո Հայկ Կառլենի Վարդանյանը հայտարարել է, որ դրանք համապատասխանում են իրականությանը և պնդում է դրանք (տե՛ս դատական նիստի արձանագրությունը):
Հիմնական դատալսումների ընթացքում հետազոտվել են հետևյալ գրավոր ապացույցները.
Վարչական իրավախախտման վերաբերյալ թիվ 8180418814 արձանագրությունը, որի համաձայն՝ Հայկ Կառլենի Վարդանյանը, չունենալով տրանսպորտային միջոցներ վարելու իրավունք, 2024 թվականի դեկտեմբերի 22-ին՝ ժամը՝ 04:05-ին, Երևան քաղաքի Տերյան փողոցում՝ ոչ սթափ վիճակում վարել է «Տոյոտա» մակնիշի 75 ZZ 184 հաշվառման համարանիշի տրանսպորտային միջոցը։
Ալկոհոլի պարունակության ստուգման կտրոնը, որի համաձայն՝ ստուգաչափման սարքի համարն է՝ 91101161 զննման համարը՝ 01961, զննման ամսաթիվը՝ 22.12.2025թ., զննման ժամը՝ 04:19:54, վերջին ստուգաչափման ամսաթիվը՝ 07.10.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.644մգ/լ, վարորդի անունն է՝ Հայկ, ազգանունը՝ Վարդանյան, տրանսպորտային միջոցի համարանիշը՝ 75 ZZ 184, ՀԾՀ 2601850485, ՊԾ ազգանունը՝ Նավասարդյան, կրծքանշանի համարը՝ 07226, ստորաբաժանում՝ 2-րդ գումարտակ, 1-ին վաշտ։
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 136831 ստուգաչափման վկայականը, որի համաձայն՝ վկայականը ուժի մեջ է 2024 թվականի հոկտեմբերի 07-ից մինչև 2025 թվականի հոկտեմբերի 07-ը, ստուգաչափման սարքի գործարանային համարն է 91101161, տեսակը՝ Jupiter X/RP, չափման տիրույթը՝ 0.00+2.000մգ/լ, ճշտության դասը, կարգը (սխալանքը) ±10%, արտադրողը՝ Չինաստան, պատկանում է « ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի` ми M12835-2008, ստուգաչափող անվան դիմաց առկա է ստորագրույթուն և նշված է Ա.Մանուկյան, իսկ բաժնի (լաբորատորիայի վարիչ) անվան դիմաց առկա է ստորագրույթյուն և նշված է Գ.Մարտիրոսյան:
ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկանքը, որի համաձայն՝ սոցիալական քարտ՝ 1601850485 վարորդական վկայական առկա չէ։ (տե´ս դատական նիստի արձանագրություն, քրեական գործ, 4-7-րդ, 13-14-րդ թերթեր)։
Որպես արտավարութային փաստաթուղթ ճանաչված՝ զննության ենթարկված՝ Հայկ Կառլենի Վարդանյանի նկատմամբ կազմված վարչական իրավախախտման վերաբերյալ թիվ 8180418814 արձանագրության, ալկոհոլի պարունակության ստուգման թիվ 01961 կտրոնի, ստուգաչափման թիվ 136831 վկայականի, ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճեններով։ (տե´ս դատական նիստի արձանագրություն, քրեական գործ, 15-16-րդ թերթ)։
Հ․Վարդանյանի դատավածության վերաբերյալ տեղեկանքը, որի համաձայն Հ․Վարդանյանը նախկինում դատված չէ (տե´ս դատական նիստի արձանագրություն, քրեական գործ, 17-րդ թերթեր):

3.Դատարանի իրավական վերլուծությունները
Դատարանը, վերլուծելով մեղադրյալ Հայկ Կառլենի Վարդանյանի առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ 2024 թվականի դեկտեմբերի 22-ին՝ ժամը 04:05-ի սահմաններում, Երևան քաղաքի Տերյան փողոցում ծառայություն իրականացնելիս, ՀՀ ՆԳՆ ոստիկանության պարեկային ծառայության 2-րդ գումարտակի աշխատակիցների կողմից կանգնեցվել է «Տոյոտա» մակնիշի 75 ZZ 184 հաշվառման համարանիշի ավտոմեքենան և պարզվել է, որ հիշյալ տրանսպորտային միջոցի վարորդ՝ Հայկ Վարդանյանը, չունենալով տրանսպորտային միջոց վարելու իրավունք, հարբած վիճակում (մեկ լիտր արտաշնչած օդի մեջ ալկոհոլի պարունակությունը կազմել է 0,644մգ/լ, ստուգաչափի հնարավոր 10% սխալմունքը հաշվի առնելով՝ 0,579 մգ/լ) վարել է վերոհիշյալ տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության 2-րդ գումարտակի 1-ին վաշտի պարեկ, Վիրաբ Նավասարդյանի կողմից կազմվել է վարչական իրավախախտման վերաբերյալ թիվ 8180418814 արձանագրությունը:
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Հայկ Վարդանյանի կողմից տրանսպորտային միջոց վարելու իրավունք չունեցող անձի կողմից տրանսպորտային միջոց վարելը ոչ սթափ, այդ արարքն ապացուցված է, այն ճիշտ է որակված և համապատասխանում է ՀՀ քրեական օրենսգրքի 344-րդ հոդվածի 2-րդ մասի հատկանիշներին:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (․․․)»։
Այսպես` Դատարանը մեղադրյալ Հայկ Վարդանյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Հ․Վարդանյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Մասնավորապես, Դատարանը, որպես Հ․Վարդանյանի անձը բնութագրող տվյալ հաշվի է առնում այն, որ նակինում դատապարտված չի եղել։
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալ Հ․Վարդանյանի պատասխանատվությունն ու պատիժը մեղմացնող հանգամանք հաշվի է առնում այն, որ նա իրեն լիովին մեղավոր է ճանաչել և տվել խոստովանական ցուցմունքներ, անկեղծորեն զղջացել է կատարած արարքի համար:
Դատարանը, արձանագրում է, որ մեղադրյալ Հ․Վարդանյանի պատասխանատվությունն ու պատիժը ծանրացնող հանգամանքներ առկա չեն:
ՀՀ քրեական օրենսգրքի 60-րդ հոդվածի համաձայն՝ «1. Հանրային աշխատանքները դատարանի նշանակած և իրավասու մարմնի որոշած վայրում չվարձատրվող, դատապարտյալի ուսումնառությունից կամ աշխատանքից ազատ ժամանակահատվածում նրա կողմից հանրության համար օգտակար այնպիսի աշխատանքների կատարումն է, որոնք չեն վտանգում նրա ֆիզիկական կամ հոգեկան առողջությունը։
2. Հանրային աշխատանքները դատապարտյալի համաձայնությամբ ոչ ավելի, քան օրական 4 ժամ տևողությամբ սահմանվում են ոչ մեծ և միջին ծանրության հանցագործությունների համար՝ 60-270 ժամ տևողությամբ: (․․․)»։
Դատարանը գտնում է, որ կատարած արարքի համար մեղադրյալ Հայկ Վարդանյանը ենթակա է պատժի՝ հանրային աշխատանքների ձևով 100 (հարյուր) ժամ տևողությամբ:
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Հայկ Վարդանյանի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 342-349-րդ հոդվածներով` Դատարանը

Վ Ճ Ռ Ե Ց

Մեղադրյալ Հայկ Կառլենի Վարդանյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված արարքի կատարման մեջ, և նրա նկատմամբ պատիժ նշանակել հանրային աշխատանքներ՝ 100 (հարյուր) ժամով:
Մեղադրյալ Հայկ Կառլենի Վարդանյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Արտավարութային փաստաթուղթ ճանաչված և քրեական գործին կցված փաստաթղթերը թողնել քրեական գործին կցված դատավճիռն օրինական ուժի մեջ մտնելուց հետո։
Դատավճիռը կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ