ԵԴ1/1503/01/25




ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
2026 թվականի հունվարի 29-ին քաղաք Երևան
Երևան քաղաքի առաջին ատյանի ընդհանուր իրավասության քրեական դատարանը /այսուհետ նաև` Դատարան/` հետևյալ կազմով
Նախագահությամբ դատավոր՝ Վ.Մելիքյանի
Քարտուղարությամբ՝ Մ.Ներսիսյանի
Մասնակցությամբ.
Հանրային մեղադրող՝ Ա.Բադալյանի
Պաշտպան՝ Լ.Կարապետյանի
Մեղադրյալ՝ Ն.Խաչատրյանի
դռնբաց դատական նիստում արագացված վարույթի կիրառմամբ, քննության առնելով քրեական գործն ըստ մեղադրանքի Նարեկ Արմենի Խաչատրյանի (ծնված՝ 15.05.2006թ., ազգությամբ հայ, ՀՀ քաղաքացի, չդատված, չամուսնացած, չի աշխատում, հաշվառված և փաստացի բնակվում է՝ ք.Երևան, Ազատամարտիկների փ., 78-րդ շ., 4-րդ բնակարան հասցեում) ՀՀ քրեական օրենսգրքի 344-րդ հոդվածի 2-րդ մասով երկու դրվագով,
1.Գործի դատավարական նախապատմությունը.
27.01.2025 թվականին ՀՀ ՔԿ ԵՔՔՎ ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60140625 քրեական վարույթը /հատոր 1-ին, գ.թ. 9/:
07.04.2025 թվականին ՀՀ ՔԿ ԵՔՔՎ ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60252925 քրեական վարույթը /հատոր 1-ին, գ.թ. 21/:
07.04.2025 թվականին նախաքննական մարմնի որոշմամբ թիվ 60140625 քրեական վարույթը և թիվ 60252925 քրեական վարույթը միացվել են մեկ վարույթում /հատոր 1-ին, գ.թ. 26/:
16.04.2025 թվականին Երևան քաղաքի Շենգավիթ վարչական շրջանի դատախազության դատախազ Ա.Բադալյանի որոշմամբ Նարեկ Արմենի Խաչատրյանի նկատմամբ հարուցվել է հանրային քրեական հետապնդում ՀՀ քրեաական օրենսգրքի 344-րդ հոդվածի 2-րդ մասով՝ երկու դրվագով /հատոր 1-ին, գ.թ. 43-44/:
17.04.2025 թվականին նախաքննական մարմնի որոշմամբ մեղադրյալ Նարեկ Արմենի Խաչատրյանի նկատմամբ խափանման միջոց է կիրառվել բացակայելու արգելքը /հատոր 1-ին, գ.թ. 47-48/:
Թիվ ԵԴ1/1503/01/25 (60140625 նախաքննական համար) քրեական գործն ըստ մեղադրանքի Նարեկ Արմենի Խաչատրյանի ՀՀ քրեական օրենսգրքի 344-րդ հոդվածի 2-րդ մասով երկու դրվագով ուղարկվել է Երևան քաղաքի առաջին ատյանի ընդհանուր իրավասության քրեական դատարան և համակարգչային ծրագրի միջոցով իրականացվող գործերի բաշխմամբ մակագրվել է դատավոր Վահագն Մելիքյանին:
Քրեական գործը դատավորի աշխատակազմին է փոխանցվել 05.05.2025 թվականին:
Դատարանի 05.05.2025 թվականի որոշմամբ քրեական գործը վարույթ է ստանձնվել և նախնական դատալսումներ է նշանակվել:
Նարեկ Արմենի Խաչատրյանի նկատմամբ ՀՀ քրեական օրենսգրքի 344-րդ հոդվածի 2-րդ մասով երկու դրվագով հանրային քրեական հետապնդում է հարուցվել այն բանի համար, որ նա տրանսպորտային միջոցներ վարելու իրավունք չունենալով հարբած / ոչ սթափ/ վիճակում 2025 թվականի հունվարի 11-ին և 2025 թվականի մարտի 13-ին վարել է տրանսպորտային միջոց.
Այսպես.
Նարեկ Խաչատրյանը, չունենալով տրանսպորտային միջոց վարելու իրավունք, ոչ սթափ վիճակում՝ 1 լիտր արտաշնչած օդի մեջ մաքուր ալկոհոլի պարունակությունը՝ 0,216 մգ/լ, 2025 թվականի հունվարի 11-ին՝ ժամը 16:40-ին, Երևան քաղաքի Արտաշատի խճուղում վարել է «Տոյոտա» մակնիշ 37 FB 840 հաշվառման համարանիշի տրանսպորտային միջոցը, որը հայտնաբերվել է ՀՀ ՆԳՆ ոստիկանության պարեկային ծառայության պարեկի կողմից և կազմվել է վարչական իրավախախտման վերաբերյալ թիվ 8259007772 արձանագրությունը:
Բացի այդ, Նարեկ Խաչատրյանը, չունենալով տրանսպորտային միջոց վարելու իրավունք, ոչ սթափ վիճակում՝ 1 լիտր արտաշնչած օդի մեջ մաքուր ալկոհոլի պարունակությունը՝ 0,586 մգ/լ, 2025 թվականի մարտի 13-ին՝ ժամը 03:50-ին, Երևան քաղաքի Թամանցիների փողոցում վարել է «Կիա» մակնիշ 660 DD 61 հաշվառման համարանիշի տրանսպորտային միջոցը, որը հայտնաբերվել է ՀՀ ՆԳՆ ոստիկանության պարեկային ծառայության պարեկի կողմից և կազմվել է վարչական իրավախախտման վերաբերյալ թիվ 8259012485 արձանագրությունը:
Արագացված վարույթ.
Նախնական դատալսումների փուլում մեղադրյալ Նարեկ Խաչատրյանը միջնորդել է արագացված վարույթ կիրառելու մասին, հայտնելով, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված վարույթի կիրառման հետևանքները, առաջադրված մեղադրանքն իրեն պարզ է, համաձայն է մեղադրանքի հետ, իրեն լիովին մեղավոր է ճանաչում առաջադրված մեղադրանքում:
Պաշտպան Լ.Կարապետյանը հայտնեց, որ մեղադրյալը խորհրդակցել է իր հետ:
Հանրային մեղադրողը չառարկեց արագացված վարույթի կիրառման դեմ:
Դատարանը, համոզվելով, որ առկա են ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը և բացակայում են նույն հոդվածի 2-րդ մասով նախատեսված՝ արագացված վարույթի կիրառումը բացառող հանգամանքները, ինչպես նաև մեղադրյալը համաձայն է իրեն մեղսագրվող արարքին, միջնորդությունը ներկայացրել է կամավոր և գիտակցում է իր միջնորդության բնույթը և հետևանքները, որոշում է կայացրել արագացված վարույթ կիրառելու մասին և անցել է լրացուցիչ դասալսումների փուլ:
Դատարանի իրավական վերլուծությունները.
Դատարանը հիմք ընդունելով մեղադրանքն ամբողջ ծավալով մեղադրյալ Նարեկ Արմենի Խաչատրյանի կողմից կամովին ու գիտակցաբար ընդունելու և դրա հետ համաձայն լինելու փաստերը, հանգում է հետևության, որ նա մեղավորությամբ կատարել է իրեն ՀՀ քրեական օրենսգրքի 344-րդ հոդվածի 2-րդ մասով երկու դրվագով մեղսագրվող արարքները, դրանք կատարելու համար ենթակա է քրեական պատասխանատվության և պատժի:
Ուսումնասիրելով և գնահատելով գործով ձեռք բերված և հետազոտված ապացույցները վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, Դատարանն ապացուցված է համարում մեղադրյալ Նարեկ Արմենի Խաչատրյանի կողմից հանցավոր արարքներ կատարելը:
Արարքներից յուրաքանչյուրը, որի կատարման մեջ մեղադրվում է վերջինս, համապատասխանում է ՀՀ քրեական օրենսգրքի 344-րդ հոդվածի 2-րդ մասի հատկանիշներին և ճիշտ է որակված:
Ապացուցված է նաև մեղադրյալ Նարեկ Արմենի Խաչատրյանի կողմից նշված արարքները կատարելը և մեղավորությունը տվյալ հանցանքները կատարելու մեջ:
Մեղադրյալ Նարեկ Արմենի Խաչատրյանի նկատմամբ պատիժ նշանակելիս դատարանը հաշվի է առնում ինչպես կատարած հանցագործության բնույթն ու հասարակական վտանգավորության աստիճանը, այնպես էլ նրա անձը:
Դատարանը մեղադրյալ Նարեկ Արմենի Խաչատրյանի անձը բնութագրող և պատասխանատվությունն ու պատիժը մեղմացնող հանգամանք է արձանագրում մեղքն ընդունելը, անկեղծորեն զղջալը և դատապարտված չլինելը:
Դատարանը մեղադրյալ Նարեկ Արմենի Խաչատրյանի պատասխանատվությունն ու պատիժը ծանրացնող հանգամանք չի արձանագրում:
Դատարանը, նպատակ ունենալով վերականգնելու սոցիալական արդարությունը, ուղղելու պատժի ենթարկված անձին, ինչպես նաև կանխելու հանցագործությունները և հաշվի առնելով Նարեկ Արմենի Խաչատրյանի անձը, նրան բնութագրող դրական տվյալները, նրա պատասխանատվությունն ու պատիժը մեղմացնող հանգամանքների առկայությունը և ծանրացնող հանգամանքների բացակայությունը, հանգում է հետևության, որ մեղադրյալ Նարեկ Արմենի Խաչատրյանն իր կատարած հանցագործությունների համար ենթակա է պատժի` նվազ խիստ տեսակի նշանակմամբ, քանի որ այն կարող է ապահովել պատժի նպատակները:
Քննելով տուգանքի ձևով պատիժը մեղադրյալ Նարեկ Խաչատրյանի կողմից կրելու հարցը և հաշվի առնելով առ այն, որ միանգամից չի կարող վճարել տուգանքի գումարը, ունի նյութական խնդիրներ, Դատարանը գտնում է, որ մեղադրյալի կողմից տուգանքի գումարի վճարման համար պետք է ժամանակացույց սահմանել, թույլատրելով նրան տուգանքի գումարը վճարել մաս առ մաս հետևյալ պատճառաբանությամբ.
ՀՀ քրեական օրենսգրքի 59-րդ հոդվածի 8-րդ մասի համաձայն՝
<<Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում առավելագույնը մեկ տարի ժամկետով կամ թույլատրում է տուգանքը մաս առ մաս վճարել նույն ժամկետում... (…)>>:
Վերը թվարկված իրավական նորմը կիրառելով սույն գործի փաստական տվյալների վրա, Դատարանը գտնում է, որ մեղադրյալ Արամ Հակոբի Կալաջյանն ի վիճակի չէ անհապաղ և ամբողջությամբ վճարելու նշանակված տուգանքը, ուստի անհրաժեշտ է դատավճռով նրա նկատմամբ նշանակվող տուգանքը տարաժամկետել մեկ տարով՝ հնարավորություն տալով վերջինս վճարելու տուգանքի գումարը:
Միաժամանակ Դատարանը հաշվի առնելով, որ բացակայում է մեղադրյալի կողմից հանցանք կատարելու օրվան նախորդող մեկ տարվա ընթացքում եկամուտները, գտնում է, որ մեղադրյալի նկատմամբ նշանակվելիք տուգանքի ձևով պատժի չափը պետք է սահմանել վերջինիս կողմից հանցանք կատարելու պահին ՀՀ-ում գործող նվազագույն աշխատավարձի չափը, այն է՝ 75.000 ՀՀ դրամը:
Քննության առնելով մեղադրյալ Նարեկ Արմենի Խաչատրյանի նկատմամբ կիրառված խափանման միջոցի հարցը, Դատարանը գտնում է, որ Նարեկ Արմենի Խաչատրյանի նկատմամբ կիրառված բացակայելու արգելք խափանման միջոցը պետք է թողնել անփոփոխ՝ մինչև դատավճռի օրինական ուժի մեջ մտնելը:
Արտավարույթային փաստաթղթերը պետք է թողնել կցված քրեական գործին դրա պահպանության ողջ ժամանակահատվածում:
Քրեական գործով գույքային հայց և դատական ծախսեր առկա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 345-350-րդ, 464.4-րդ և 464.5-րդ հոդվածներով` Դատարանը



Վ Ճ Ռ Ե Ց

Մեղադրյալ Նարեկ Արմենի Խաչատրյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով՝ երկու դրվագով:
ՀՀ քրեական օրենսգրքի 344-րդ հոդվածի 2-րդ մասով առաջին դրվագով դատապարտել տուգանքի նվազագույն աշխատավարձի վեցապատիկի՝ 450.000 ՀՀ դրամի չափով:
ՀՀ քրեական օրենսգրքի 344-րդ հոդվածի 2-րդ մասով երկրորդ դրվագով դատապարտել տուգանքի նվազագույն աշխատավարձի վեցապատիկի՝ 450.000 ՀՀ դրամի չափով:
ՀՀ քրեական օրենսգրքի 74-րդ հոդվածի կանոնների կիրառմամբ ՀՀ քրեական օրենսգրքի 344-րդ հոդվածի 2-րդ մասով առաջին դրվագով նշանակված 450.000 ՀՀ դրամի չափով տուգանքին մասնակի գումարել ՀՀ քրեական օրենսգրքի 344-րդ հոդվածի 2-րդ մասով երկրորդ դրվագով նշանակված 450.000 ՀՀ դրամի չափով տուգանքից նվազագույն աշխատավարձի հնգապատիկը՝ 375.000 ՀՀ դրամը և վերջնական պատիժ նշանակել տուգանք 825.000 ՀՀ դրամի չափով:
Թույլատրել մեղադրյալ Նարեկ Արմենի Խաչատրյանին 825.000 ՀՀ դրամի չափով տուգանքը վճարել մաս առ մաս մեկ տարվա ընթացքում՝ յուրաքանչյուր ամիս վճարելով 68.750 ՀՀ դրամ գումար:
Մեղադրյալ Նարեկ Արմենի Խաչատրյանի նկատմամբ կիրառված բացակայելու արգելք խափանման միջոցը թողնել անփոփոխ՝ մինչև դատավճռի օրինական ուժի մեջ մտնելը:
Արտավարութային փաստաթղթերը թողնել կցված քրեական գործին՝ դրա պահպանության ողջ ժամանակահատվածում:
Դատավճիռը կարող է բողոքարկվել ՀՀ վերաքննիչ քրեական դատարան դատավճիռը ստանալու օրվանից հետո՝ մեկամսյա ժամկետում, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերով:

ԴԱՏԱՎՈՐ Վ.ՄԵԼԻՔՅԱՆ