ԵԴ1/1359/01/25




ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«22» դեկտեմբերի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` Դատարան)

նախագահությամբ՝ դատավոր Տաթևիկ Մուրադյանի,
քարտուղարությամբ՝ Ագնետա Հակոբյանի,

մասնակցությամբ`
հանրային մեղադրող Ռիտա Հարությունյանի,
պաշտպան Ռուզաննա Սիրեկանյանի,
մեղադրյալ Հրաչյա Վարդանյանի,

դռնբաց դատական նիստում, արագացված կարգով քննելով քրեական գործն ըստ մեղադրանքի`
Հրաչյա Վարդանի Վարդանյանի՝
ծնված՝ 20.02.1989թ. Երևան քաղաքում, ազգությամբ հայ, ՀՀ քաղաքացի, չամուսնացած, զբաղվում է արհեստով, բարձրագույն կրթությամբ, արարքը կատարելու պահին չդատված, ներկայումս դատված, հաշվառված և բնակվում է՝ Կոտայքի մարզ, գ. Քասախ, Տերյան փողոց, 12-րդ տուն հասցեում, որպես խափանման միջոց է կիրառվել բացակայելու արգելքը ՀՀ քրեական օրենսգրքի 344-րդ հոդվածի 2-րդ մասով,

ՊԱՐԶԵՑ

1. Քրեական գործի դատավարական նախապատմությունը.
2024 թվականի դեկտեմբերի 10-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60740424 քրեական վարույթը:
2025 թվականի մարտի 31-ին ՀՀ դատախազության Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ռ.Հարությունյանի որոշմամբ՝ թիվ 60740424 քրեական վարույթով Հրաչյա Վարդանի Վարդանյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հարուցվել է հանրային քրեական հետապնդում:
2025 թվականի ապրիլի 16-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/1359/01/25 քրեական գործն ըստ մեղադրանքի՝ Հրաչյա Վարդանի Վարդանյանի՝ ՀՀ քրեական օրենսգրքի 344-րդ հոդվածի 2-րդ մասով:
Նույն օրը քրեական գործը էլեկտրոնային եղանակով մակագրվել և 2025 թվականի ապրիլի 17-ին հանձնվել է դատավոր Տաթևիկ Մուրադյանին:
2025 թվականի ապրիլի 21-ին դատավոր Տաթևիկ Մուրադյանի կողմից որոշում է կայացվել թիվ ԵԴ1/1359/01/25 քրեական գործով վարույթ ստանձնելու և նախնական դատալսումներ նշանակելու մասին։
2. Մեղադրանքի փաստական նկարագրությունը.
Հրաչյա Վարդանի Վարդանյանին մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով` այն բանի համար, որ «նա, չունենալով տրանսպորտային միջոցներ վարելու իրավունք և միաժամանակ գտնվելով ոչ սթափ վիճակում, վարել ավտոմեքենա: Այսպես. ՀՀ ոստիկանության ճանապարհային ոստիկանության կողմից թիվ ԱՖ 406013 վարչական իրավախախտման գործով 2020 թվականի հուլիսի 27-ին կայացված որոշմամբ Հրաչյա Վարդանի Վարդանյանը 1 (մեկ) տարի ժամանակով զրկվել է տրանսպոտրային միջոցներ վարելու իրավունքից՝ սկսած 2020 թվականի հուլիսի 27-ից մինչև 2021 թվականի հուլիսի 27-ը, որի մասին տեղում ծանուցվել է և ստորագրել որոշումը: Տրանսպորտային միջոցներ վարելու իրավունքից զրկման ժամկետն ավարտվելուց հետո Հրաչյա Վարդանի Վարդանյանը, չստանալով տրանսպորտային միջոց վարելու իրավունքի վարորդական վկայական և ՀՀ քրեական օրենսգրքի 344-րդ հոդվածի 5-րդ մասի իմաստով համարվելով տրանսպորտային միջոցներ վարելու իրավունք չունեցող անձ, 2024 թվականի նոյեմբերի 21-ին՝ ժամը 05:50-ին, գտնվելով ոչ սթափ վիճակում (սթափության վիճակի զննման կտրոնի համարը՝ 02466)՝ մեկ լիտր արտաշնչած օդի մեջ մաքուր ալկոհոլի պարունակությունը 0.499 մգ/լ (առնվազն՝ 0,4491 մգ/լ՝ նկատի ունենալով ստուգաչափող թիվ 91101134 ալկոտեստեր սարքի չափման ճշտության հնարավոր 10% սխալանքը), Երևան քաղաքի Աբովյան փողոցում վարել է «ԲՄՎ» մակնիշի 36 GS 159 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8180428113 արձանագրությունը:»:
3. Արագացված վարույթը և լրացուցիչ դատալսումների ընթացքում հետազոտված թույլատրելի ապացույցները.
Նախնական դատալսումների ընթացքում մեղադրյալ Հրաչյա Վարդանի Վարդանյանը ներկայացրեց արագացված վարույթ կիրառելու մասին միջնորդություն՝ հայտնելով, որ իրեն պարզ է ներկայացված մեղադրանքը, ամբողջությամբ համաձայն է ներկայացված մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված վարույթ կիրառելու հետևանքները և պնդում է ներկայացված միջնորդությունը:
Հանրային մեղադրողը չառարկեց արագացված վարույթ կիրառելու դեմ:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-րդ հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց լրացուցիչ դատալսումներ անցկացնելու մասին:
Լրացուցիչ դատալսումների ընթացքում հետազոտվել են հետևյալ թույլատրելի ապացույցները.
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված ձև 8 տեղեկանքը, համաձայն որի՝ Երևան քաղաքի առաջին ատյանի ընդհանուր իրավասության քրեական դատարանի 2025 թվականի սեպտեմբերի 12-ի թիվ ԵԴ1/0433/01/25 դատավճռով Հրաչյա Վարդանի Վարդանյանը մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով նախատեսված արարքում, և պատիժ է նշանակվել հանրային աշխատանքներ 100 /հարյուր/ ժամ տևողությամբ: Երևան քաղաքի առաջին ատյանի ընդհանուր իրավասության քրեական դատարանի 2025 թվականի մայիսի 26-ի թիվ ԵԴ1/3372/01/24 դատավճռով Հրաչյա Վարդանի Վարդանյանը մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով (1-ին դրվագով) նախատեսված հանցանքի կատարման մեջ, և նրա նկատմամբ պատիժ է նշանակվել տուգանք նվազագույն աշխատավարձի յոթապատիկի՝ 525.000 (հինգ հարյուր քսանհինգ հազար) ՀՀ դրամի չափով: ՀՀ քրեական օրենսգրքի 75-րդ հոդվածի կիրառմամբ՝ դատավճիռների համակցությամբ սույն դատավճռով նշանակված տուգանքին լրիվ գումարվել է Կոտայքի մարզի առաջին ատյանի ընդհանուր իրավասության դատարանի՝ 2022 թվականի ապրիլի 19-ի թիվ ԿԴ/0027/01/22 դատավճռով որպես տուգանք նշանակված 600.000 (վեց հարյուր հազար) ՀՀ դրամի չվճարված մասը՝ 500.000 (հինգ հարյուր հազար) ՀՀ դրամը, և Հրաչյա Վարդանի Վարդանյանի նկատմամբ վերջնական պատիժ է նշանակվել տուգանք՝ 1.025.000 (մեկ միլիոն քսանհինգ հազար) ՀՀ դրամի չափով:
 ՀՀ ՊԵԿ հարկ վճարողների սպասարկման վարչության պետի ժամանակավոր պաշտոնակատարի գրությունը, համաձայն որի՝ Հրաչյա Վարդանի Վարդանյանը 21.11.2024 թվականի նախորդող 12 ամիսների ընթացքում չի հանդիսացել վարձու աշխատող:
 ՀՀ ԱՆ պրոբացիայի ծառայության Կոտայքի մարզային մարմնի պետի գրությունը, համաձայն որի՝ 16.12.2025 թվականի դրությամբ Հրաչյա Վարդանյանի կողմից կատարվել են 40 ժամ հանրային աշխատանքներ:
4. Դատարանի փաստական վերլուծությունները և հաստատված կամ հերքված փաստական հանգամանքները.
Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
Հրաչյա Վարդանի Վարդանյանը սույն քրեական գործով արարքը կատարելու պահին դատվածություն չի ունեցել, ներկայումս վերջինս ունի դատվածություն և պատժի չկրած մասը կազմում է 60 (վաթսուն) ժամ տևողությամբ 16.12.2025թ. դրությամբ հանրային աշխատանքները, ինչպես նաև 1.025.000 (մեկ միլիոն քսանհինգ հազար) ՀՀ դրամի չափով տուգանք:
5. Դատարանի իրավական վերլուծությունները, հետևությունները և որոշումները.
Արագացված վարույթ կիրառելու պայմաններում Դատարանն ապացուցված է համարում մեղադրյալ Հրաչյա Վարդանի Վարդանյանին վերագրվող փաստական հանգամանքները (արարքը), այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, ինչպես նաև գտնում է, որ մեղադրյալ Հրաչյա Վարդանի Վարդանյանի արարքի նկատմամբ պետք է կիրառվի ՀՀ քրեական օրենսգրքի 344-րդ հոդվածի 2-րդ մասը:
Դատարանի կողմից հաստատված փաստական հանգամանքների հիման վրա Դատարանը գտնում է, որ անձը բնութագրող հանգամանք է այն, որ ներկայումս նույնաբնույթ հանցանքի կատարման համար ունի դատվածություն։
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, գտնում է, որ Հրաչյա Վարդանյանի պատասխանատվությունն ու պատիժը մեղմացնող հանգամանք պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը (Դատարանի նման մոտեցումը համահունչ է Սերոբ Սարգսյանի գործով 2012 թվականի նոյեմբերի 1-ի թիվ ՍԴ/0109/01/12 որոշման 27-րդ կետում ՀՀ վճռաբեկ դատարանի արտահայտած իրավական դիրքորոշմանը):
Դատարանը միաժամանակ արձանագրում է, որ Հրաչյա Վարդանյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71-րդ հոդվածի 1-ին մասով նախատեսված հանգամանքներ առկա չեն:
Դատարանը գտնում է, որ կատարած հանցանքի համար մեղադրյալ Հրաչյա Վարդանյանը ենթակա է պատժի։
Դատարանը, հաշվի առնելով Հրաչյա Վարդանյանի կատարած հանցագործության բնույթը և հանրության համար վտանգավորության աստիճանը, այդ թվում՝ նրա կատարած կոնկրետ արարքը, խախտված հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը, դրանք համադրելով նրա անձը բնութագրող տվյալների, պատասխանատվությունն ու պատիժը մեղմացնող հանգամանքի առկայության, պատասխանատվությունն ու պատիժը ծանրացնող հանգամանքների բացակայության, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքների հետ, հաշվի առնելով նաև այն, որ ՀՀ քրեական օրենսգրքի 344-րդ հոդվածի 2-րդ մասի սանկցիայով որպես հիմնական պատիժ է նախատեսված նաև հանրային աշխատանքների ձևով և ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար նշված հանցագործության կատարման համար առավել խիստ պատիժ նշանակելու անհրաժեշտությունը բացակայում է, իսկ առավել մեղմ պատիժ նշանակելու անհրաժեշտությունը բացակայում է՝ հաշվի առնելով այն, որ մեղադրյալը չունի եկամուտներ և չի առարկել իր նկատմամբ հանրային աշխատանքներ պատիժ նշանակվելու դեպքում այն կատարելու դեմ, Դատարանը գտնում է, Հրաչյա Վարդանյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հիմնական պատիժ պետք է նշանակել հանրային աշխատանքներ՝ 150 հարյուր հիսուն ժամ տևողությամբ:
Դատարանը գտնում է նաև, որ ՀՀ քրեական օրենսգրքի 74-րդ հոդվածի 11-րդ մասի կիրառմամբ Հրաչյա Վարդանի Վարդանյանի նկատմամբ սույն դատավճռով նշանակված պատժին՝ 150 (հարյուր հիսուն) ժամ տևողությամբ հանրային աշխատանքներին պետք է լրիվ գումարել Երևան քաղաքի առաջին ատյանի ընդհանուր իրավասության քրեական դատարանի 2025 թվականի սեպտեմբերի 12-ի թիվ ԵԴ1/0433/01/25 դատավճռով նշանակված պատժի` 100 (հարյուր) ժամ տևողությամբ հանրային աշխատանքների չկատարած մասը՝ 60 (վաթսուն) ժամ տևողությամբ հանրային աշխատանքները, ինչպես նաև Երևան քաղաքի առաջին ատյանի ընդհանուր իրավասության քրեական դատարանի 2025 թվականի մայիսի 26-ի թիվ ԵԴ1/3372/01/24 դատավճռով նշանակված վերջնական պատիժը՝ 1.025.000 (մեկ միլիոն քսանհինգ հազար) ՀՀ դրամի չափով տուգանքը, և վերջնական պատիժ նշանակել հանրային աշխատանքներ` 210 (երկու հարյուր տասը) ժամ տևողությամբ և տուգանք՝ 1.025.000 (մեկ միլիոն քսանհինգ հազար) ՀՀ դրամի չափով։
Հրաչյա Վարդանի Վարդանյանին պետք է թույլատրել որպես պատիժ նշանակված 1.025.000 (մեկ միլիոն քսանհինգ հազար) ՀՀ դրամի չափով տուգանքը վճարել մաս առ մաս 1 (մեկ) տարվա ընթացքում՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի։
Դատարանը միաժամանակ գտնում է, որ կատարած հանցանքի համար Հրաչյա Վարդանյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-14-րդ կետերով նշված հարցերին անդրադառնալու անհրաժեշտությունը սույն քրեական վարույթով բացակայում է։
Անդրադառնալով մեղադրյալի նկատմամբ ընտրված խափանման միջոցի հարցին՝ Դատարանն արձանագրում է, որ Հրաչյա Վարդանյանի նկատմամբ որպես խափանման միջոց ընտրված բացակայելու արգելքը պետք է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո պետք է վերացնել:
Դատարանը գտնում է, որ վարութային ծախսերի հարցը պետք է համարել լուծված, քանի որ արագացված վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Հրաչյա Վարդանի Վարդանյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.4 հոդվածի 3-րդ մասի։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ, 352-353-րդ, 364-րդ, 464.4 և 464.5 հոդվածներով` Դատարանը

ՎՃՌԵՑ

Հրաչյա Վարդանի Վարդանյանին մեղավոր ճանաչել ՀՀ քրեական օրենսգրքի 344- րդ հոդվածի 2-րդ մասով նախատեսված հանցանքի կատարման մեջ, և նրա նկատմամբ պատիժ նշանակել հանրային աշխատանքներ՝ 150 (հարյուր հիսուն) ժամ տևողությամբ:
ՀՀ քրեական օրենսգրքի 74-րդ հոդվածի 11-րդ մասի կիրառմամբ Հրաչյա Վարդանի Վարդանյանի նկատմամբ սույն դատավճռով նշանակված պատժին՝ 150 (հարյուր հիսուն) ժամ տևողությամբ հանրային աշխատանքներին լրիվ գումարել Երևան քաղաքի առաջին ատյանի ընդհանուր իրավասության քրեական դատարանի 2025 թվականի սեպտեմբերի 12-ի թիվ ԵԴ1/0433/01/25 դատավճռով նշանակված պատժի` 100 (հարյուր) ժամ տևողությամբ հանրային աշխատանքների չկատարած մասը՝ 60 (վաթսուն) ժամ տևողությամբ հանրային աշխատանքները, ինչպես նաև Երևան քաղաքի առաջին ատյանի ընդհանուր իրավասության քրեական դատարանի 2025 թվականի մայիսի 26-ի թիվ ԵԴ1/3372/01/24 դատավճռով նշանակված վերջնական պատիժը՝ 1.025.000 (մեկ միլիոն քսանհինգ հազար) ՀՀ դրամի չափով տուգանքը, և վերջնական պատիժ նշանակել հանրային աշխատանքներ` 210 (երկու հարյուր տասը) ժամ տևողությամբ և տուգանք՝ գանք՝ 1.025.000 (մեկ միլիոն քսանհինգ հազար) ՀՀ դրամի չափով։
Հրաչյա Վարդանի Վարդանյանին թույլատրել որպես պատիժ նշանակված 1,025,000 (մեկ միլիոն քսանհինգ հազար) ՀՀ դրամի չափով տուգանքը վճարել մաս առ մաս 1 (մեկ) տարվա ընթացքում՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի։
Դատավճիռն օրինական ուժի մեջ մտնելուց հետո Հրաչյա Վարդանի Վարդանյանի նկատմամբ ընտրված խափանման միջոցը՝ բացակայելու արգելքը, վերացնել։
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում:




ԴԱՏԱՎՈՐ ՏԱԹԵՎԻԿ ՄՈՒՐԱԴՅԱՆ