Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


ԵԴ1/1372/01/25

«29» դեկտեմբերի 2025թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը

նախագահությամբ՝ դատավոր Ա. Մելիքսեթյանի,
քարտուղարությամբ՝ Ս. Ջավադյանի,

մասնակցությամբ՝
հանրային մեղադրող Հ․ Ժամակոչյանի,

դռնբաց դատական նիստում, քննելով քրեական գործն ըստ մեղադրանքի՝
Լիպարիտ Գարիկի Բաղդասարյանի՝ /ծնված՝ *** թ., ազգությամբ հայ, ՀՀ քաղաքացի, նախկինում չդատապարտված, ամուսնացած, խնամքին՝ մեկ անչափահաս երեխա, հաշվառված և փաստացի բնակվող՝ *** հասցեում/ ՀՀ քրեական օրենսգրքի 344-րդ հոդվածի 2-րդ մասով /երկու դրվագ/,

Պ Ա Ր Զ Ե Ց

1.Գործի դատավարական պատմությունը.
1.1․ 2024 թվականի դեկտեմբերի 17-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60754724 քրեական վարույթը:
1․2․ 2024 թվականի դեկտեմբերի 26ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60765624 քրեական վարույթը:
1․3․ 2025 թվականի հունվարի 14-ին որոշում է կայացվել թիվ 60765624 քրեական վարույթը թիվ 60754724 քրեական վարույթին միացնելու և նախաքննությունը թիվ 60754724 քրեական վարույթի համարի ներքո շարունակելու մասին։
1.4․ 2025 թվականի մարտի 20-ին որոշում է կայացվել Լիպարիտ Գարիկի Բաղդասարյանի նկատմամբ ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում հարուցելու մասին:
1.5․ 2025 թվականի մարտի 20-ին որոշում է կայացվել Լիպարիտ Գարիկի Բաղդասարյանի նկատմամբ որպես խափանման միջոց բացակայելու արգելքը կիրառելու մասին:
1.6․ Երևան քաղաքի առաջին ատյանի ընդհանուր իրավասության քրեական դատարանում 2025 թվականի ապրիլի 16-ին մուտք է եղել ՀՀ դատախազության Երևան քաղաքի Ավան և Նոր Նորք վարչական շրջանների դատախազությունից ստացված նախաքննական 60754724 համարով քրեական գործն ըստ մեղադրանքի Լիպարիտ Գարիկի Բաղդասարյանի՝ ՀՀ քրեական օրենսգրքի 344-րդ հոդվածի 2-րդ մասով /2 դրվագ/, քրեական գործին շնորհվել է ԵԴ1/1372/01/25 դատական գործի համարը, աշխատակազմին է հանձնվել 2025 թվականի ապրիլի 17-ին:
1.7․ 2025 թվականի ապրիլի 17-ին Դատարանը որոշում է կայացրել թիվ ԵԴ1/1372/01/25 քրեական գործով վարույթը ստանձնելու և նախնական դատալասումներ նշանակելու մասին:

2. Մեղադրանքի փաստական նկարագրությունը.
Լիպարիտ Գարիկի Բաղդասարյանը չունենալով տրանսպորտային միջոց վարելու իրավունք՝ 2024թ. նոյեմբերի 24-ին ժամը 02։30-ին գտնվելով 0.166գ/լ ալկոհոլի ազդեցության տակ, Երևանի Աճառյան մայրուղում վարել է «Մերսեդես-Բենց» մակնիշի 55 LB 505 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է թիվ 8180412800 վարչական իրավախախտման վերաբերյալ արձանագրությունը:
Բացի այդ, Լիպարիտ Գարիկի Բաղդասարյանը, չունենալով տրանսպորտային միջոց վարելու իրավունք՝ 2024թ. դեկտեմբերի 17-ին ժամը 00:40-ին գտնվելով 0.572մգ/լ ալկոհոլի ազդեցության տակ, Երևանի Տերյան փողոցում վարել է «Մերսեդես-Բենց» մակնիշի 55 LB 505 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է թիվ 8180415779 վարչական իրավախախտման վերաբերյալ արձանագրությունը:

3. Դատաքննությամբ հետազոտված թույլատրելի ապացույցները.
3․1․ Զննում կատարելու մասին արձանագրությամբ, համաձայն որի՝ 2024 թվականի նոյեմբերի 24-ին ՀՀ ոստիկանության Պարեկային ծառայության պարեկի կողմից Լիպարիտ Գարիկի Բաղդասարյանի վերաբերյալ կազմվել է վարչական իրավախախտման վերաբերյալ թիվ 8180412800 արձանագրությունն այն մասին, որ վերջինս նույն օրը՝ ժամը 02:30-ին, Երևան քաղաքի Աճառյան փողոցում, չունենալով տրանսպորտային միջոցներ վարելու իրավունք և գտնվելով ալկոհոլային խմիչք օգտագործած՝ ոչ սթափ վիճակում վարել է «Մերսեդես-Բենց» մակնիշի 55LB505 հաշվառման համարանիշի տրանսպորտային միջոցը:
2023 թվականի օգոստոսի 16-ին ՀՀ ոստիկանության Պարեկային ծառայության պարեկի կողմից Լիպարիտ Գարիկի Բաղդասարյանի վերաբերյալ կազմվել է վարչական իրավախախտման վերաբերյալ թիվ 8180281838 արձանագրությունն այն մասին, որ վերջինս տրանսպորտային միջոցը վարել է ոչ սթափ վիճակում, ինչի համար1 տարի ժամկետով զրկվել է տրանսպորտային միջոցներ վարելու իրավունքից:
2024 թվականի դեկտեմբերի 17-ին ՀՀ ոստիկանության Պարեկային ծառայության պարեկի կողմից Լիպարիտ Գարիկի Բաղդասարյանի վերաբերյալ կազմվել է վարչական իրավախախտման վերաբերյալ թիվ 8180415779 արձանագրությունն այն մասին, որ վերջինս նույն օրը՝ ժամը 00:40-ին, Երևան քաղաքի Տերյան փողոցում, չունենալով տրանսպորտային միջոցներ վարելու իրավունք և գտնվելով ալկոհոլային խմիչք օգտագործած՝ ոչ սթափ վիճակում վարել է «Մերսեդես-Բենց» մակնիշի 55LB505 հաշվառման համարանիշի տրանսպորտային միջոցը:
Լիպարիտ Գարիկի Բաղդասարյանի սթափության կտրոնի զննությամբ պարզվել է, որ ստուգաչափման սարքի համարը՝ 91101163 զննման համարը՝ 00110, զննման ամսաթիվը՝ 16 օգոտսոս 2023թ., ստուգումը կատարվել է ավտոմատ, ժամը՝ 01:47:21-ին, ալկոհոլի պարունակությունը՝ 0.927 մգ/լ, վարորդի անունը՝ Լիպարիտ, ազգանունը՝ Բաղդասարյան, տրանսպորտային միջոցի համարանիշը՝ 55LB505, տեսուչի ազգանունը՝ Ավետիսյան, կրծքանշանի համար՝ 12972, առկա են նաև ծանուցվող վարորդի և պարեկային ծառայողի ստորագրությունները:
Լիպարիտ Գարիկի Բաղդասարյանի սթափության կտրոնի զննությամբ պարզվել է, որ ստուգաչափման սարքի համարը՝ 91101137 զննման համարը՝ 01461, զննման ամսաթիվը՝ 17 դեկտեմբերի 2024թ., ստուգումը կատարվել է ավտոմատ, ժամը՝ 00:51:40-ին, ալկոհոլի պարունակությունը՝ 0.572 մգ/լ, վարորդի անունը՝ Լիպարիտ, ազգանունը՝ Բաղդասարյան, տրանսպորտային միջոցի համարանիշը՝ 55LB505, տեսուչի ազգանունը՝ Դողանյան, կրծքանշանի համար՝ 10353 առկա են նաև ծանուցվող վարորդի և պարեկային ծառայողի ստորագրությունները։
Առկա է նաև սթափության 91101137 համարի սարքի, ստուգաչափման թիվ 135697 վկայականի պատճենը, որի զննությամբ պարզվել է, որ ստուգաչափման թվականն է 23-ը սեպտեմբերի 2024թ․, այն ուժի մեջ է մինչև 23-ը սեպտեմբերի 2025թ.։ Չափման միջոցի անվանումը և տեսակը՝ ալկոմետր, գործարանային, համարը՝ 91101163 տեսակը՝ «Jupiter X/RP», չափման տիրույթը՝ (0,000-2.000մգ/լ), ճշտության կարգը և դասը(սխալանքը) 0,01-5%, 0,1-15+-8% > 0,15+-10%, արտադրողը՝ Չինաստան, պատկանում է ՀՀ ՆԳՆ ոստիկանություն։
Առկա է նաև սթափության 91101163 համարի սարքի, ստուգաչափման թիվ` 086183 վկայականի պատճենը, որի զննությամբ պարզվել է, որ ստուգաչափման թվականն է 13-ը դեկտեմբերի 2022թ., այն ուժի մեջ է մինչև 13-ը «սեկտեմբերի 2023թ.։ Չափման միջոցի անվանումը և տեսակը ալկոմետր, գործարանային համարը՝ 91101163, տեսակը՝ «Jupiter X/RP», չափման տիրույթը՝ (0.000-0,200 մգ/լ), ճշտության կարգը և դասը (սխալանքը) 0:0,1+-5%, 0,1-0,15+-8% > 0,15+-10%, արտադրողը՝ Չինաստան, պատկանում է ՀՀ ՆԳՆ ոստիկանություն: Կցված է ստուգաչափման արդյունքներրի տեղեկանքը, համաձայն որի՝ թիվ 086183 ստուգաչափման վկայականի չափման տիրույթը 0,2000 է, մինչդեռ արձանագրության մեջ վրիպակի արդյունքում նշվել է 0,200 մգ/լ:
Առկա է նաև սթափության 91101092 համարի սարքի, ստուգաչափման թիվ 135704 վկայականի պատճենը, որի զննությամբ պարզվել է, որ ստուգաչափման թվականն է 23-ը սեպտեմբերի 2024թ., այն ուժի մեջ է մինչև 23-ը սեպտեմբերի 2025թ.: Չափման միջոցի անվանումը և տեսակը՝ ալկոմետր, գործարանային համարը՝ 91101163 տեսակը՝ «Jupiter X/RP», չափման տիրույթը՝ (0.000-2.000 մգ/լ), ճշտության կարգը և դասը (սխալանքը) 0:0,1+-5%, 0,1-0,15+-8% > 0,15+-10%, արտադրողը՝ Չինաստան, պատկանում է ՀՀ ՆԳՆ ոստիկանություն:
Լիպարիտ Գարիկի Բաղդասարյանի սթափության կտրոնի զննությամբ պարզվել է, որ ստուգաչափման սարքի համարը՝ 91101092 զննման համարը՝ 01838, զննման ամսաթիվը՝ 24.11.2024թ., ստուգումը կատարվել է ավտոմատ, ժամը՝ 02:34:35-ին, ալկոհոլի պարունակությունը՝ 0.166 մգ/լ, վարորդի անունը՝ Լիպարիտ, ազգանունը՝ Բաղդսաարյան, տրանսպորտային միջոցի համարանիշը՝ 55LB505, տեսուչի ազգանունը՝ Սարգսյան, կրծքանշանի համար՝ 08503, առկա են նաև ծանուցվող վարորդի և պարեկային ծառայողի ստորագրությունները:
ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրի զննությամբ պարզվել է, որ Լիպարիտ Գարիկի Բաղդասարյանի տրանսպորային միջոցներ վարելու իրավունքի վկայականն ունի զրկված կարգավիճակ: Զրկման սկիզբ նշված է՝ 16.08.2023թ., ավարտը՝ 16.08.2024թ.:
3․2․ Որպես արտավարութային փաստաթուղթ ճանաչված՝ Լիպարիտ Գարիկի Բաղդասարյանի նկատմամբ կազմված վարչական իրավախախտման վերաբերյալ թիվ 8180412800, 8180281838, 8180415779 արձանագրությունները, ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրի, Հարություն Էդուարդի Հակոբջանյանի սթափության վիճակի թիվ 00110, 01838 և 01461 կտրոնի, սթափության 91101163 համարի սարքի, ստուգաչափման թիվ 086183 վկայականի, սթափության 91101137 համարի սարքի, ստուգաչափման թիվ 135697 վկայականի և 91101092 համարի սարքի, ստուգաչափման թիվ 135704 վկայականի և ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրի պատճեները:
3․3․ Մեղադրյալ Լիպարիտ Գարիկի Բաղդասարյանը դատարանում հրաժարվեց ցուցմունք տալուց, սակայն չհրաժարվեց նախաքննության ընթաքում իր տված ցուցմունքից, ուստի հարապարկավեց Լիպարիտ Գարիկի Բաղդասարյանի՝ 2025 թվականի մարտի 31-ի, մեղադրյալի կարգավիճակով տված ցուցմունքը՝ հետևյալ բովանդակությամբ.՝
Հարց: ՀՀ ՆԳՆ ոստիկանության պարեկային ծառայության կողմից նյութեր են ստացվել այն մասին, որ Դուք 2024 թվականի նոյեմբերի 24-ին՝ ժամը 02:30-ին Երևան քաղաքի Աճառյան փողոցում, չունենալով տրանսպորտային միջոցներ վարելու իրավունք և գտնվելով ալկոհոլային խմիչ օգտագործած ոչ սթափ վիճակում, վարել եք «Մերսեդես-Բենց» մակնիշի 55LB505 հաշվառման համարանիշի տրանսպորտային միջոցը, ինչպես նաև 2024 թվականի դեկտեմբերի 17-ին՝ ժամը 00:40-ին Երևան քաղաքի Տերյան փողոցում, չունենալով տրանսպորտային միջոցներ վարելու իրավունք և գտնվելով ալկոհոլային խմիչ օգտագործած՝ ոչ սթափ վիճակում, վարել եք «Մերսեդես-Բենց» մակնիշի 55LB505 հաշվառման համարանիշի տրանսպորտային միջոցը:
Պատասխան: Հայտնեց, որ առաջադրված մեղադրանքում իրեն մեղավոր է ճանաչում և ընդունում է առաջադրված մեղադրանքը: Նշված օրերին մեքենան ոչ սթափ վիճակում վարել է ինքը, ինչի համար զղջում է։

4. Դատարանի փաստական վերլուծությունները և դատարանի կողմից հաստատված փաստական հանգամանքները.
Հետազոտված ապացույցների հիման վրա Դատարանի կողմից հաստատվել են հետևյալ փաստական հանգամանքները.
Լիպարիտ Գարիկի Բաղդասարյանը չունենալով տրանսպորտային միջոց վարելու իրավունք՝ 2024թ. նոյեմբերի 24-ին ժամը 02։30-ին գտնվելով 0.166գ/լ ալկոհոլի ազդեցության տակ, Երևանի Աճառյան մայրուղում վարել է «Մերսեդես-Բենց» մակնիշի 55 LB 505 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է թիվ 8180412800 վարչական իրավախախտման վերաբերյալ արձանագրությունը:
Բացի այդ, Լիպարիտ Գարիկի Բաղդասարյանը, չունենալով տրանսպորտային միջոց վարելու իրավունք՝ 2024թ. դեկտեմբերի 17-ին ժամը 00:40-ին գտնվելով 0.572մգ/լ ալկոհոլի ազդեցության տակ, Երևանի Տերյան փողոցում վարել է «Մերսեդես-Բենց» մակնիշի 55 LB 505 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է թիվ 8180415779 վարչական իրավախախտման վերաբերյալ արձանագրությունը:

5. Դատարանի իրավական վերլուծությունները.
5.1. Վերլուծելով մեղադրյալ Լիպարիտ Գարիկի Բաղդասարյանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Լիպարիտ Գարիկի Բաղդասարյանին վերագրվող փաստական հանգամանքները, մասնավորապես մեղադրյալ Լիպարիտ Գարիկի Բաղդասարյանի կողմից տրանսպորտային միջոցներ վարելու իրավունք չունենալու պայմաններում ոչ սթափ վիճակում 2 /երկու/ անգամ տրանսպորտային միջոց վարելը,
- ապացուցված է վերոգրյալ արարքների քրեական հակաիրավականությունը, որոնք նախատեսված է ՀՀ քրեական օրենսգրքի 344-րդ հոդվածի 1-ին մասով,
- ապացուցված է մեղադրյալ Լիպարիտ Գարիկի Բաղդասարյանի կողմից ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված վերոգրյալ արարքները կատարելը.
- ապացուցված է մեղադրյալ Լիպարիտ Գարիկի Բաղդասարյանի մեղավորությունը ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված արարքները կատարելու մեջ:

5.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:

ՀՀ քրեական օրենսգրքի 7-րդ հոդվածի 1-ին մասի համաձայն`
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»:
ՀՀ քրեական օրենսգրքի 55-րդ հոդվածի 2-րդ մասի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:
ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ»:
ՀՀ քրեական օրենսգրքի 74-րդ հոդվածի համաձայն`
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:»:
ՀՀ քրեական օրենսգրքի 344-րդ հոդվածի 2-րդ մասի /հանցանքների կատարման պահին գործող/ համաձայն`
«2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:»:

5.3. Դատարանը որպես մեղադրյալի պատասխանատվությունը և պատիժը մեղմացնող հանգամանք հաշվի է առնում այն, որ խնամքին ունի մանկահասակ երեխա, ինչպես նաև ներկայացված մեղադրանքում իրեն լիովին մեղավոր է ճանաչել և զղջացել է:
Որպես մեղադրյալի պատասխանատվությունը և պատիժը ծանրացնող հանգամանք Դատարանը հաշվի է անում վերջինիս մեղսագրվող երկրորդ՝ 2024 թվականի դեկտեմբերի 17-ին կատարված հանցանքը դատվածություն ունենալու պայմաններում կատարած լինելը:
5.4. Վերոգրյալ իրավանորմերի համատեքստում քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալի նկատմամբ, հաշվի առնելով մեղադրյալի կատարած հանցագործության բնույթը և հանրության համար վտանգավորության աստիճանը, ինչպես նաև հանցագործության անմիջական օբյեկտի՝ հասարակության անվտանգության դեմ ուղղված ոտնձգության բնույթը և այդ ոլորտում պետության քրեական քաղաքականության ուղղվածությունը, դրանք համադրելով մեղադրյալի անձը բնութագրող տվյալների հետ, հաշվի առնելով նաև մեղադրյալի պատասխանատվությունը և պատիժը մեղմացնող և ծանրացնող հանգամանքների առկայությունը, Դատարանը գտնում է, որ մեղադրյալ Լիպարիտ Գարիկի Բաղդասարյանն իր կատարած՝ ՀՀ քրեական օրենսգրքի 344-րդ հոդվածի 2-րդ մասով նախատեսված երկու դրվագ հանցանքների կատարման համար ենթակա է պատժի այդ հանցագործության համար նախատեսված պատիժներից առավել մեղմ պատժի` տուգանքի ձևով, իսկ առավել խիստ պատիժ նշանակելու հիմքերը բացակայում են:
Միևնույն ժամանակ, հաշվի առնելով, որ մեղադրյալը եկամուտները նվազ են օրենքով նախատեսված նվազագույն աշխատավարձի չափից, ուստի Դատարանը գտնում է, որ մեղադրյալի նկատմամբ տուգանքի ձևով պատժի չափը որոշելիս պետք է հաշվի առնել հանցանքը կատարելու պահին նվազագույն աշխատավարձի չափը, որը «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն սահմանված է 75.000 (յոթանասունհինգ հազար) ՀՀ դրամ:
Դատարանը գտնում է, որ 2024թ. նոյեմբերի 24-ին կատարված ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով, իսկ 2024թ. դեկտեմբերի 17-ին կատարված ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով։
Դատարանն արձանագրում է, որ ՀՀ քրեական օրենսգրքի 74-րդ հոդվածի 1-ին մասի համաձայն՝ հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, ուստի պատիժները լրիվ գումարելու միջոցով վերջնական պատիժ պետք է սահմանել տուգանք 750.000 /յոթ հարյուր հիսուն հազար/ ՀՀ դրամի չափով, որով կապահովվի ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին և բավարար կլինի սոցիալական արդարությունը վերականգնելու, պատժի ենթարկված անձին վերասոցիալականացնելու և հանցագործությունները կանխելու համար:
5.5. Դատարանը, հաշվի առնելով, որ մեղադրյալը չունի բավարար եկամուտներ, ինչպես նաև ունի հղի կին, ուստի Դատարանը գտնում է, որ մեղադրյալն ի վիճակի չէ անհապաղ և ամբողջությամբ վճարելու նշանակված տուգանքը, ուստի արձանագրում է, որ անհրաժեշտ է դատավճռով նրա նկատմամբ նշանակվող տուգանքը տարաժամկետել 12 /տասներկու/ ամիս ժամկետով՝ թույլատրելով վերջինիս յուրաքանչյուր ամիս վճարել առնվազն 62.500 /վաթսուն երկու հազար/ ՀՀ դրամ գումար:
5.6. Դատարանն արձանագրում է, որ սույն գործով գույքային հայց չի հարուցվել, բռնագրավման ենթակա գույքի, ինչպես նաև գույքի արգելադրման վերաբերյալ տվյալներ գործում առկա չեն:
5.7. Քննարկելով ապացույցների պահպանման և տնօրինման հարցը, Դատարանը գտնում է, որ արտավարույթային փաստաթուղթ ճանաչված և քրեական գործին կցված փաստաթղթերը պետք է թողնել քրեական գործին կցված։
5.8. Քննարկելով խափանման միջոցի հարցը` դատարանը գտնում է, որ մեղադրյալի նկատմամբ որպես խափանման միջոց բացակայելու արգելքն ընտրված է ճիշտ և այն վերացվելու կամ փոփոխվելու ենթակա չէ մինչև դատավճռի օրինական ուժի մեջ մտնելը:
5.9. Քննարկելով դատական ծախսերի հարցը՝ Դատարանն արձանագրում է, որ վարույթային ծախսեր առկա չեն:
Վերոգրյալի հիման վրա և ղեկավարվելով Հայաստանի Հանրապետության քրեական դատավարության օրենսգրքի 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`


Վ Ճ Ռ Ե Ց

Մեղադրյալ Լիպարիտ Գարիկի Բաղդասարյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման մեջ և նրա նկատմամբ որպես պատիժ նշանակել տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով:
Մեղադրյալ Լիպարիտ Գարիկի Բաղդասարյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման մեջ և նրա նկատմամբ որպես պատիժ նշանակել տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով:
ՀՀ քրեական օրենսգրքի 74-րդ հոդվածի կիրառմամբ՝ հանցանքների համակցությամբ պատիժները լրիվ գումարելու միջոցով վերջնական պատիժ նշանակել տուգանք՝ 750.000 /յոթ հարյուր հիսուն հազար/ ՀՀ դրամը:
Լիպարիտ Գարիկի Բաղդասարյանին թույլատրել դատավճռով նշանակված 750.000 ՀՀ դրամ գումարի չափով տուգանքը վճարել մաս առ մաս, 12 /տասներկու/ ամսվա ընթացքում՝ յուրաքանչյուր ամիս վճարելով առնվազն 62.500 /վաթսուներկու հազար հինգ հարյուր/ ՀՀ դրամ գումար:
Մեղադրյալ Լիպարիտ Գարիկի Բաղդասարյանի նկատմամբ ընտրված խափանման միջոց բացակայելու արգելքը պահպանել՝ մինչև դատավճռի օրինական ուժի մեջ մտնելը:
Վարութային ծախսերի հարցը համարել լուծված։
Վարույթի նյութերին կցված արտավարութային փաստաթղթերը պահել վարույթի նյութերի հետ:
Դատավճիռը կարող է բողոքարկվել ՀՀ վերաքննիչ քրեական դատարան` դատական ակտը ստանալու օրվանից հետո մեկամսյա ժամկետում:



ԴԱՏԱՎՈՐ՝ Ա. ՄԵԼԻՔՍԵԹՅԱՆ