ԵԴ1/1360/01/25





Դ Ա Տ Ա Վ Ճ Ի Ռ

ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ


«18» օգոստոսի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)


Նախագահող դատավոր
դատական նիստերի քարտուղար
հանրային մեղադրող
պաշտպան
մեղադրյալ
Էդ.Մկրտչյան
Գ.Հարությունյան
Կ.Իսրաելյան
Հ.Սուքիասյան
Ն.Մովսիսյան

դռնբաց դատական նիստում, դատաքննության հատուկ կարգով քննելով քրեական գործն ըստ մեղադրանքի Նորայր Վարդանի Մովսիսյանի (ծնված՝ 1989 թվականի օգոստոսի 3-ին Արարատի մարզի Մխչյան գյուղում, ազգությամբ՝ հայ, ՀՀ քաղաքացի, բարձրագույն կրթությամբ, ամուսնացած, խնամքին են գտնվում երեք անչափահաս երեխաները, աշխատում է «Ջերմուկ Գրուպ» ՓԲ ընկերությունում՝ որպես գնումների բաժնի ղեկավար, նախկինում՝ չդատապարտված, հաշվառված է Արարատի մարզի Մխչյան գյուղի Գայի փողոցի 4-րդ տանը, բնակվում է Երևան քաղաքի Հերացի փողոցի 24-րդ շենքի 32-րդ բնակարանում)՝ ՀՀ քրեական օրենսգրքի 342-րդ հոդվածի 2-րդ մասով,
Պ Ա Ր Զ Ե Ց

Գործի դատավարական նախապատմությունը.
2024 թվականի հոկտեմբերի 3-ին ՀՀ քննչական կոմիտեի Երևան քաղաքի քննության վարչության ՃՏՀ քննության բաժնի քննիչ Վ.Բաղդասարյանի կողմից ՀՀ քրեական օրենսգրքի 342-րդ հոդվածի 1-ին մասով նախատեսված հանցագործության հատկանիշներով նախաձեռնվել է թիվ 60621724 քրեական վարույթը:
2025 թվականի ապրիլի 4-ին Երևան քաղաքի դատախազության ավագ դատախազ Կ.Իսրաելյանի որոշմամբ թիվ 60621724 քրեական վարույթով Նորայր Վարդանի Մովսիսյանի նկատմամբ ՀՀ քրեական օրենսգրքի 342-րդ հոդվածի 2-րդ մասով հարուցվել է հանրային քրեական հետապնդում:
2025 թվականի ապրիլի 4-ին ՀՀ քննչական կոմիտեի Երևան քաղաքի քննության վարչության ՃՏՀ քննության բաժնի քննիչ Գ.Սարգսյանի որոշմամբ թիվ 60621724 քրեական վարույթով մեղադրյալ Նորայր Վարդանի Մովսիսյանի նկատմամբ որպես խափանման միջոց է ընտրվել բացակայելու արգելքը:
2025 թվականի ապրիլի 15-ին Նորայր Վարդանի Մովսիսյանի վերաբերյալ թիվ 60621724 քրեական վարույթը մեղադրական եզրակացությամբ ուղարկվել է Դատարան, որտեղ քրեական գործին շնորհվել է թիվ ԵԴ1/1360/01/25 համարը:
2025 թվականի ապրիլի 21-ին Երևան քաղաքի առաջին ատյանի ընդհանուր իրավասության քրեական դատարանի դատավոր Էդ.Մկրտչյանի որոշմամբ ստանձնվել է թիվ ԵԴ1/1360/01/25 քրեական գործի վարույթը և նշանակվել նախնական դատալսումներ։
Համաձայնեցման վարույթ կիրառելու միջնորդությունը.
ՀՀ քրեական դատավարության օրենսգրքի 311-րդ հոդվածով նախատեսված հարցերի քննարկման ընթացքում մեղադրյալ Նորայր Մովսիսյանը միջնորդեց կիրառել համաձայնեցման վարույթ և հայտնեց, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է համաձայնեցման վարույթով դատաքննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Հանրային մեղադրող Կ.Իսրաելյանը և պաշտպան Հ.Սուքիասյանը չառարկեցին համաձայնեցման վարույթով դատաքննություն անցկացնելու միջնորդության դեմ:
Դատարանը, նկատի ունենալով, որ առկա է ՀՀ քրեական դատավարության օրենսգրքի 458-րդ հոդվածի 1-ին մասով նախատեսված հիմքը, ինչպես նաև այն, որ մեղադրյալը համաձայն է իրեն մեղսագրվող արարքին, միջնորդությունը ներկայացրել է կամավոր, գիտակցում է միջնորդության բնույթը, հետևանքները և բացակայում են նույն օրենսգրքի 458-րդ հոդվածի 2-րդ մասով նախատեսված` համաձայնեցման վարույթի կիրառումը բացառող հանգամանքները, և ղեկավարվելով ՀՀ քրեական դատավարության օրենսգրքի 459-րդ հոդվածի 2-րդ մասով, բավարարեց մեղադրյալի միջնորդությունը և կողմերի բանակցությունների համար սահմանեց վերջինների կողմից միջնորդված ժամկետը:
Համաձայնության մասին արձանագրությունը.
Բանակցությունների արդյունքում կողմերը եկել են համաձայնության և կազմվել է համաձայնության մասին արձանագրություն հետևյալ բովանդակությամբ.
«Արձանագրություն
ԵԴ1/1360/01/25 քրեական գործով /նախաքննական համարը՝ թիվ 60621724/ ՀՀ քրեական դատավարության օրենսգրքի 460-րդ հոդվածով սահմանված կարգով համաձայնության գալու վերաբերյալ
«18» oqnuunnuh 2025թ. ք.Երևան
2025 թվականի օգոստոսի 18-ին Երևան քաղաքի առաջին ատյանի ընդհանուր իրավասության քրեական դատարանի Աջափնյակի նստավայրում ՀՀ գլխավոր դատախազության սահմանադրական կարգի հիմունքների, պետության և հասարակական անվտանգության դեմ ուղղված հանցագործությունների գործերով վարչության դատախազ, արդարադատության երկրորդ դասի խորհրդական Կարեն Իսրաելյանի, մասնակցությամբ մեղադրյալ Նորայր Վարդանի Մովսիսյանի՝ /ծնված 03.08.1989թ., Երևան քաղաքում, ազգությամբ հայ, ՀՀ քաղաքացի, չդատված, աշխատում է «Ջերմուկ Գրուպ» ՓԲ ընկերությունում որպես գնումների բաժնի ղեկավար, ամուսնացած է, խնամքին են գտնվում 3 անչափահաս երեխաները՝ 04.03.2015թ. ծնված Մարիամ Նորայրի Մովսիսյանը /10 տարեկան/, 04.10.2021թ. ծնված Վարդան Նորայրի Մովսիսյանը /3 տարեկան/ և 15.11.2024թ. ծնված Դավիթ Նորայրի Մովսիսյանը, մայրենի լեզուն հայերեն, բարձրագույն կրթությամբ, բնութագրվում է դրական, բնակվում է՝ քաղաք Երևան Հերացի փող. 24-րդ շենքի 32-րդ բնակարանում, հաշվառված է՝ Արարատի մարզ գյուղ Մխչյան Գայի փող. 4-րդ տուն, ինչպես նաև մեղադրյալի շահերի պաշտպան Հովիկ Սուքիասյանի /արտոնագիր՝ 1829/ /այսուհետ կողմերի/ միջև իրականացվել է բանակցություններ՝ մեղադրյալ Նորայր Վարդանի Մովսիսյանի նկատմամբ նշանակման ենթակա պատժի /պատժատեսակի և պատժաչափի/, ներառյալ այն կրելու նպատակահարմարության, ինչպես նաև բռնագրավման ենթակա գույքի և դրա չափի վերաբերյալ։
Քրեական վարույթի նախաքննության ընթացքում մեղադրյալ Նորայր Վարդանի Մովսիսյանին մեղադրանք է ներկայացվել մեղավորությամբ կատարված ՀՀ քրեական օրենսգրքի 342-րդ հոդվածի 2-րդ մասով նախատեսված այն արարքի համար, որ նա իր վարած ավտոմեքենայով խախտել է ճանապարհային երթևեկության կանոնները և ճանապարհային երթևեկության անվտանգության ապահովմանն ուղղված պահանջը, որի հետևանքով անզգուշությամբ առաջացրել է Տատյանա Լեոնիդովնայի Զագինայլոյի մահ, որպիսի գործողությունները դրսևորվել են հետևյալում.
Նորայր Վարդանի Մովսիսյանը, աշխատելով «Ջերմուկ Գրուպ» ՓԲ ընկերությունում որպես գնումների բաժնի ղեկավար, 2024 թվականի հոկտեմբերի 03-ին՝ ժամը 08:30-ի սահմաններում, նշված ընկերությանը պատկանող «AUDI Q5 ETRON» մակնիշի 555 SS 56 հաշվառման համարանիշի ավտոմոբիլը վարել է Երևան քաղաքի Տիգրան Մեծի պողոտայի 40-րդ և 42-րդ շենքերի միջնամասում գտնվող ճանապարհով և հասնելով Երևան քաղաքի Տիգրան Մեծ պողոտայի ճանապարհատված՝ հատել է դեպի Գլինկա տանող փողոցի ուղեմասը, այնուհետև՝ թույլ է տվել ՀՀ կառավարության 2007 թվականի հունիսի 28-ի թիվ 955-ն որոշմամբ հաստատված ճանապարհային երթևեկության կանոնների (այսուհետ՝ ՃԵԿ) Ձև Nօ 2-ի 1-ին՝ «Հորիզոնական գծանշում» բաժնի 1.3 համարակալումով գծանշման, ինչպես նաև «Ճանապարհային երթևեկության անվտանգության ապահովման մասին» ՀՀ օրենքի 23-րդ հոդվածի 3-րդ մասի պահանջներին հակասող գործողություններ, այն է՝ իրականացրել է իր վարած ավտոմոբիլի ընթացքի ոչ պատշաճ և վտանգավոր կառավարում, մասնավորապես՝ ճանապարհի առանցքային բաժանարար զույգ հոծ գծանշման առկայության պայմաններում, հատելով այն, հանդիպակաց ուղղությունների տրանսպորտային հոսքերը բաժանող զույգ հոծ գծանշման մոտ կանգնած՝ անշարժ վիճակում գտնվող հետիոտն Տատյանա Լեոնիդովնայի Զագինայլոյին վրաերթի է ենթարկել՝ դրանցով իսկ պայմանավորել տվյալ վրաերթի առաջացումն՝ ինքն իրեն զրկելով այն կանխելու տեխնիկական հնարավորությունից, որի հետևանքով գլխուղեղի դիֆուզ տրավմատիկ ախտահարումից, փակ, բութ գանգուղեղային վնասվածք պատճառելով անզգուշությամբ առաջացրել է վերջինիս մահ:
04.04.2025թ. մեղադրյալ Նորայր Վարդանի Մովսիսյանի նկատմամբ որպես խափանման միջոց է կիրառվել ՀՀ բացակայելու արգելքը:
15.04.2025թ. քրեական վարույթը մեղադրական եզրակացությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան և ստանձնվել է վարույթ:
Քրեական վարույթի նախաքննության և գործի նախնական դատալսումների ընթացքում Նորայր Վարդանի Մովսիսյանը ընդունել է իրեն ներկայացված մեղադրանքը, զղջացել է իր կատարած հանցանքի համար:
Նախնական դատալսումների ընթացքում մեղադրյալ Նորայր Վարդանի Մովսիսյանը միջնորդել է կիրառել համաձայնեցված հատուկ վարույթ, որը դատարանի կողմից բավարարվել է:
Մահացած տուժող Տատյանա Լեոնիդովնա Զագինալյոյի /ծնված` 25.06.1951թ., Ռուսաստանի Դաշնությունում, ազգությամբ ռուս/ փոխարեն տուժող ճանաչված վերջինիս եղբոր դուստր Աննա Գեննադիևնա Իվանովան հայտնել է, որ բողոք կամ գույքային պահանջ չի ներկայացրել Նորայր Վարդանի Մովսիսյանի դեմ։
Մեղադրյալ Նորայր Վարդանի Մովսիսյանը ծնվել է 03.08.1989թ. (35 տարեկան), քաղաք Երևան, աշխատում է «Ջերմուկ Գրուպ» ՓԲ ընկերությունում որպես գնումների բաժնի ղեկավար, ամուսնացած է, խնամքին են գտնվում մանկահասակ 3 երեխաները՝ 04.03.2015թ. ծնված դուստրը՝ Մարիամ Նորայրի Մովսիսյանը /10 տարեկան/, 04.10.2021թ. ծնված որդին՝ Վարդան Նորայրի Մովսիսյանը, /3 տարեկան/ և 15.11.2024թ. ծնված որդին՝ Դավիթ Նորայրի Մովսիսյանը, /8 ամսական/, նախկինում դատապարտված չի եղել, բնութագրվում է դրական, բարձրագույն կրթությամբ, բնակվում է՝ քաղաք Երևան Հերացի փող. 24-րդ շենքի 32-րդ բնակարանում, հաշվառված է՝ Արարատի մարզ գյուղ Մխչյան Գայի փող. 4-րդ տուն:
Մեղադրյալ Նորայր Վարդանի Մովսիսյանը բնակվում է կնոջ՝ Հասմիկ Բալախչյանի և երեք մանկահասակ երեխաների հետ ու հանդիսանում է ընտանիքի միակ կերակրողը:
Մեղադրյալ Նորայր Վարդանի Մովսիսյանը ընդունել է իրեն ներկայացված մեղադրանքը, տվել է խոստովանական ցուցմունքներ, զղջացել է իր կատարած հանցանքի համար, խոստովանական ցուցմունքներ տալով աջակցել է նախաքննությանը, տվյալ ճանապարհահատվածում վարել է թույլատրելի արագությամբ, չի լքել ճանապարհատրանսպորտային պատահարի վայրը, այլ փորձել է օգնել վրաերթի ենթարկված Տատյանա Լեոնիդովնա Զագինալյոյին:
Բացի այդ, պարզվել է նաև, որ դեպքի ժամանակ Նորայր Վարդանի Մովսիսյանի կինը՝ Հասմիկ Բալախչյանը գտնվել է 7 ամսական հղի վիճակում և նշված դեպքից մի քանի րոպե առաջ Հասմիկ Բալախչյանը զանգահարել է Նորայր Մովսիսյանին և հայտնել երեխային կորցնելու վտանգի մասին ու խնդրել է շտապ գալ տուն: Դրանով պայմանավորված Նորայր Մովսիսյանը, գտնվելով հուզված և լարված վիճակում, շտապ տուն գնալու նպատակով խախտել է իրեն մեղսագրված ճանապարհային երթևեկության կանոնները և ճանապարհային երթևեկության անվտանգության ապահովմանն ուղղված պահանջը:
Մեղադրյալ Նորայր Վարդանի Մովսիսյանի պատասխանատվությունը և պատիժը ծանրացնող հանգամանք չկա, իսկ որպես մեղմացնող հանգամանք հանդիսանում է պատիժ նշանակելու պահին նրա խնամքին երեք մանկահասակ երեխաների առկայությունը:
ՀՀ քրեական օրենսգրքի 342-րդ հոդվածի 2-րդ մասով նախատեսված հանցանքը դասվում է միջին ծանրության անզգույշ հանցագործությունների շարքին:
ՀՀ քրեական օրենսգրքի 69-րդ հոդվածի 1-ին մասի համաձայն՝ հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
Նույն հոդվածի 2-րդ մասի համաձայն՝ պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես վերասոցիալականացման և իրավահպատակ վարքագծի ձևավորման գործընթացի ու նրա նաև նշանակվող պատժի` հանցավորի ընտանիքի կենսապայմանների վրա ազդեցությամբ:
ՀՀ քրեական օրենսգրքի 55-րդ հոդվածի 1-ին մասի համաձայն՝ պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
Նույն հոդվածի 2-րդ մասի համաձայն՝ պատժի նպատակներն են՝ վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները։
ՀՀ քրեական օրենսգրքի 84-րդ հոդվածի 1-ին մասի համաձայն՝ եթե դատարանը հանցանք կատարած անձի նկատմամբ կարճաժամկետ ազատազրկման, կարգապահական գումարտակում պահելու կամ ազատազրկման ձևով պատիժ նշանակելիս հանգում է հետևության, որ պատժի նպատակների իրականացումը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին:
Նույն հոդվածի 4-րդ մասի համաձայն՝ պատիժը պայմանականորեն չկիրառելու վերաբերյալ որոշում կայացնելիս դատարանը պետք է հաշվի առնի հետևյալ հանգամանքները.
1) անձին մեղսագրվող հանցանքի բնույթն ու վտանգավորությունը,
2) պատիժը մեղմացնող և ծանրացնող հանգամանքները,
3) հանցանք կատարածի անձը,
4) պատճառած վնասը հատուցելու կամ այլ կերպ հարթելու պահանջի բացակայությունը կամ այն հատուցած կամ այլ կերպ հարթած լինելու հանգամանքը, եթե հանցագործությամբ վնաս է պատճառվել:
Նույն հոդվածի 5-րդ մասի համաձայն՝ պատիժը պայմանականորեն չկիրառելիս դատարանը սահմանում է փորձաշրջան՝ 1-5 տարի ժամկետով, որի ընթացքում անձը գտնվում է դատապարտյալի վարքագծի նկատմամբ վերահսկողություն իրականացնող իրավասու մարմնի հսկողության ներքո և պարտավոր է կատարել դատարանի որոշմամբ սահմանված պարտականությունները: ՀՀ քրեական օրենսգրքի 61-րդ հոդվածի 5-րդ մասի համաձայն՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելը որպես լրացուցիչ պատիժ կարող է նշանակվել այն դեպքում, երբ դատարանը, ելնելով հանցավորի պաշտոնավարության կամ որոշակի գործունեությամբ զբաղվելու ժամանակ նրա կատարած հանցանքի բնույթից, հնարավոր չի համարում անձի կողմից հետագա ժամանակահատվածում որոշակի պաշտոններ զբաղեցնելը կամ որոշակի գործունեությամբ զբաղվելը:
Այսպես՝ հաշվի առնելով, որ մեղադրյալ Նորայր Վարդանի Մովսիսյանը բնութագրվում է դրական, երիտասարդ է, նախկինում դատապարտված կամ այլ ձևով արատավորված չի եղել, չի լքել ճանապարհատրանսպորտային պատահարի վայրը, այլ փորձել է օգնություն ցույց տալ վրաերթի ենթարկված Տատյանա Զագինալյոյին, ավտոմեքենան վարել է սթափ վիճակում, սահմանված թույլատրելի արագությամբ, նախաքննության ընթացքում տվել է խոստովանական ցուցմունքներ՝ այդ կերպ աջակցելով նախաքննությանը, անկեղծորեն զղջացել է իրեն մեղսագրված արարքը կատարելու համար, մահացած տուժողի փոխարեն տուժող ճանաչված անձի կողմից բողոք կամ գույքային պահանջ չի ներկայացվել, խնամքին են գտնվում 3 մանկահասակ երեխաները, աշխատում է «Ջերմուկ Գրուպ» ՓԲ ընկերությունում որպես գնումների բաժնի ղեկավար, հանդիսանում է ընտանիքի միակ կերակրողը, այլ ապրուստի միջոց չունի, հետևաբար ՀՀ քրեական օրենսգրքի 342-րդ հոդվածի 2-րդ մասով նախատեսված հանցանք կատարելու համար անհրաժեշտ է մեղադրյալ Նորայր Վարդանի Մովսիսյանի նկատմամբ նշանակել պատիժ՝ ազատազրկում՝ 2 /երկու/ տարի ժամկետով և հաշվի առնելով նրա անձը բնութագրող, ինչպես նաև պատիժը և պատասխանատվությունը մեղմացնող վերը նշված հանգամանքները, որոնք էականորեն նվազեցնում են նրա կատարած հանցանքի հանրային վտանգավորության աստիճանը և բնույթը, հետևաբար գտնում եմ, որ պատժի նպատակներին հասնելը հնարավոր է վերջինիս նկատմամբ նշանակվելիք ազատազրկման ձևով պատիժը պայմանականորեն չկիրառելով՝ սահմանելով փորձաշրջան 1 /մեկ/ տարի 6 /վեց/ ամիս ժամկետով։
Միաժամանակ հաշվի առնելով, որ մեղադրյալ Նորայր Վարդանի Մովսիսյանը աշխատում է «Ջերմուկ Գրուպ» ՓԲ ընկերությունում որպես գնումների բաժնի ղեկավար, խնամքին են գտնվում 3 մանկահասակ երեխաները, հանդիսանում է ընտանիքի միակ կերակրողը, այլ ապրուստի միջոց չունի, հետևաբար նման պայմաններում մեծ է հավանականությունը, որ նրան տրանսպորտային միջոցներ վարելու իրավունքից զրկելը կարող է բացասական ազդեցություն թողնել նրա ընտանիքի կենսապայմանների վրա՝ հայտնվելով նյութական ծանր պայմաններում, ուստի գտնում ենք, որ նպատակահարմար չէ նրա նկատմամբ նշանակել լրացուցիչ պատիժ:
ՀՀ քրեական դատավարության օրենսգրքի 100-րդ հոդվածի 1-ին մասի 1-ին կետի համաձայն՝ մեղադրյալին պատկանող՝ դիտավորությամբ կատարված հանցանքի գործիքները բռնագրավվում են կամ հանձնվում իրավասու հաստատություն կամ ոչնչացվում են, իսկ անզգուշությամբ կատարված հանցանքի գործիքները վերադարձվում են սեփականատիրոջը.
Հաշվի առնելով վերոգրյալը և հիմք ընդունելով ՀՀ քրեական դատավարության օրենսգրքի 460-րդ հոդվածը, ինչպես նաև ՀՀ քրեական օրենսգրքի 77-րդ և 84-րդ հոդվածների պահանջներըը, կողմերը համաձայնվում են մեղադրյալ Նորայր Վարդանի Մովսիսյանի նկատմամբ նշանակման ենթակա պատժի /պատժատեսակի և պատժաչափի/, ներառյալ այն կրելու նպատակահարմարության, ինչպես նաև բռնագրավման ենթակա գույքի և դրա չափի վերաբերյալ՝ պահպանելով քրեական օրենսդրության սկզբունքները, պատժի նպատակների իրացվելիությունը և պատիժ նշանակելու սկզբունքները՝
Այսպես՝
ՀՀ քրեական օրենսգրքի 342-րդ հոդվածի 2-րդ մասով մեղադրվող մեղադրյալ Նորայր Վարդանի Մովսիսյանի նկատմամբ նշանակել պատիժ` ազատազրկում 2 /երկու/ տարի ժամկետով:
ՀՀ քրեական օրենսգրքի 84-րդ հոդվածի կիրառմամբ՝ Նորայր Վարդանի Մովսիսյանի նկատմամբ ազատազրկման ձևով նշանակված պատիժը պայմանականորեն չկիրառել՝ սահմանելով փորձաշրջան 1 /մեկ/ տարի 6 /վեց/ ամիս ժամկետով:
Մեղադրյալ Նորայր Վարդանի Մովսիսյանի վարքագծի նկատմամբ վերահսկողություն սահմանել ՀՀ ԱՆ պրոբացիայի ծառայության համապատասխան ստորաբաժանման ներքո և նրա վրա դնել պարտականություն՝ բնակության վայրը փոխելու դեպքում սեղմ ժամկետում իր նոր բնակության վայրի հասցեն հայտնել ՀՀ ԱՆ պրոբացիայի ծառայության համապատասխան ստորաբաժանմանը, ինչպես նաև առանց ՀՀ ԱՆ պրոբացիայի ծառայության համապատասխան ստորաբաժանման համաձայնության՝ չլքել Հայաստանի Հանրապետության տարածքը։
Մեղադրյալ Նորայր Վարդանի Մովսիսյանի փորձաշրջանի կրման ժամկետի սկիզբը հաշվարկել ՀՀ ԱՆ պրոբացիայի ծառայության տարածքային մարմնում հաշվառման վերցվելու օրվանից:
Մեղադրյալ Նորայր Վարդանի Մովսիսյանի նկատմամբ կիրառված խափանման միջոցը՝ Հայաստանի Հանրապետությունից բացակայելու արգելքը թողնել անփոփոխ` մինչև դատավճռի օրինական ուժի մեջ մտնելը:
Իրեղեն ապացույց ճանաչված «AUDI Q5 ETRON» մակնիշի 555 SS 56 հաշվառման համարանիշի ավտոմոբիլը պահպանել ՀՀ ոստիկանության պարեկային ծառայության Երևան քաղաքի գնդի հատուկ պահպանվող տարածքում, իսկ դատական ակտն օրինական ուժի մեջ մտնելուց հետո այն հանձնել սեփականատիրոջը՝ «Ջերմուկ Գրուպ» ՓԲ ընկերությանը:
Վարութային ծախսերը համարել լուծված:
Դատավճիռն օրինական ուժի մեջ մտնելուց հետո մեղադրյալ Նորայր Վարդանի Սովսիսյանի մասով ՀՀ ՆԳՆ ոստիկանության միգրացիայի և քաղաքացիության ծառայության ու ՍԵԿՏ համակարգերում սույն քրեական վարույթով առկա սահմանափակումները վերացնել։
Մեղադրյալ՝ [ստորագրություն] Ն.Մովսիսյան
Պաշտպան՝ [ստորագրություն] Հ.Սուքիասյան
Հանրային մեղադրող [ստորագրություն] Կ.Իսրաելյան»:
Դատարանը, ղեկավարվելով ՀՀ քրեական դատավարության օրենսգրքի 461-րդ հոդվածի 1-ին մասով, ընդունեց համաձայնության մասին արձանագրությունը և որոշում կայացրեց լրացուցիչ դատալսումներ անցկացնելու մասին:
Համաձայնեցման վարույթով լրացուցիչ դատալսումները.
Հանրային մեղադրողի կողմից համաձայնության մասին արձանագրության հրապարակումից հետո մեղադրյալ Նորայր Մովսիսյանը, պատասխանելով նախագահողի հարցերին, հայտնեց, որ իրեն պարզ է կնքված համաձայնության բովանդակությունը, համաձայն է դրան, արտահայտել է իր իրական կամքը, գիտակցում է կնքված համաձայնության հետևանքները, պնդում է կնքված համաձայնությունը, շեշտադրել է, որ այն չի կնքվել բռնության, սպառնալիքի կամ հարկադրանքի այլ միջոցի ազդեցության հետևանքով։
Հրապարակված արձանագրության վերաբերյալ հանրային մեղադրողը և պաշտպանը հայտնեցին, որ պնդում են կնքված համաձայնությունը:
Դատարանի իրավական վերլուծությունները.
Առաջադրված մեղադրանքը մեղադրյալ Նորայր Մովսիսյանի կողմից ընդունելու և համաձայնեցման վարույթ կիրառելու պայմաններում Դատարանը, գործով ձեռք բերված ապացույցների ընդհանուր կարգով սահմանված հետազոտություն չկատարելով, արձանագրում է, որ Նորայր Մովսիսյանը կատարել է իրեն մեղսագրված հանցանքը, որը ճիշտ է որակված և համապատասխանում է ՀՀ քրեական օրենսգրքի 342-րդ հոդվածի 2-րդ մասով նախատեսված հանցագործության հատկանիշներին:
Դատարանը, ղեկավարվելով ՀՀ քրեական դատավարության օրենսգրքի 463-րդ հոդվածի 3-րդ մասով, գտնում է, որ մեղադրյալի նկատմամբ նշանակվելիք պատժատեսակի, պատժաչափի, պատիժը կրելու նպատակահարմարության հարցերը պետք է լուծել ըստ համաձայնության մասին արձանագրության։
Անդրադառնալով խափանման միջոցի հարցին՝ Դատարանը գտնում է, որ Նորայր Մովսիսյանի նկատմամբ ընտրված խափանման միջոցը՝ բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը:
Անդրադառնալով ապացույցների տնօրինման և պահպանման հարցին՝ Դատարանը գտնում է, որ դատավճիռն օրինական ուժի մեջ մտնելուց հետո գործով իրեղեն ապացույց ճանաչված՝ «AUDI Q5 ETRON» մակնիշի 555 SS 56 հաշվառման համարանիշի ավտոմեքենան պետք է վերադարձնել «Ջերմուկ Գրուպ» ՓԲ ընկերությանը։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 33-րդ, 347-350-րդ, 364-րդ, 458-464-րդ հոդվածներով` Դատարանը

Վ Ճ Ռ Ե Ց

Նորայր Վարդանի Մովսիսյանին մեղավոր ճանաչել ՀՀ քրեական օրենսգրքի 342-րդ հոդվածի 2-րդ մասով և նրա նկատմամբ պատիժ նշանակել ազատազրկում՝ 2 (երկու) տարի ժամկետով։
ՀՀ քրեական օրենսգրքի 84-րդ հոդվածի կիրառմամբ Նորայր Վարդանի Մովսիսյանի նկատմամբ նշանակված ազատազրկման ձևով պատիժը պայմանականորեն չկիրառել` սահմանելով փորձաշրջան 1 (մեկ) տարի 6 (վեց) ամիս ժամկետով։
Փորձաշրջանի ընթացքում Նորայր Վարդանի Մովսիսյանի վարքի նկատմամբ վերահսկողությունը դնել ՀՀ ԱՆ պրոբացիայի ծառայության վրա՝ սահմանելով պարտականություն՝ առանց դատապարտյալի վարքագծի նկատմամբ վերահսկողություն իրականացնող իրավասու մարմնի համաձայնության չլքել Հայաստանի Հանրապետության տարածքը և բնակության վայրը փոխելու դեպքում դատապարտյալի վարքագծի նկատմամբ վերահսկողություն իրականացնող իրավասու մարմնին սեղմ ժամկետում հայտնել իր նոր բնակության վայրի հասցեն:
Նորայր Վարդանի Մովսիսյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո գործով իրեղեն ապացույց ճանաչված՝ «AUDI Q5 ETRON» մակնիշի 555 SS 56 հաշվառման համարանիշի ավտոմեքենան վերադարձնել «Ջերմուկ Գրուպ» ՓԲ ընկերությանը։
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ ստանալու պահից մեկամսյա ժամկետում:


ԴԱՏԱՎՈՐ ԷԴ.ՄԿՐՏՉՅԱՆ