Գործ N ԵԴ1/1365/01/25




Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈւՆԻՑ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ.

ՆԱԽԱԳԱՀՈՂ ԴԱՏԱՎՈՐ` Վ.Լ.ԳՐԻԳՈՐՅԱՆ
ՔԱՐՏՈՒՂԱՐՈՒԹՅԱՄԲ` Լ.ՊՐԱԶՅԱՆԻ,
Մասնակցությամբ`
ՄԵՂԱԴՐՈՂ` Հ.ՂԱՐԻԲՅԱՆԻ,
ՊԱՇՏՊԱՆ` Ա.ԹԵՎԱՆՅԱՆԻ,
ՄԵՂԱԴՐՅԱԼ` Զ.ՍԱՀԱԿՅԱՆԻ,

2025 թվականի նոյեմբերի 26-ին Երևան քաղաքում` դռնբաց դատական նիստում` համաձայնեցման վարույթի կարգով քննության առնելով քրեական գործն ըստ մեղադրանքի`
Զոհրապ Գևորգի Սահակյանի /ծնված՝ 21.02.1985թ., ազգությամբ հայ, Հայաստանի Հանրապետության քաղաքացի, բարձրագույն կրթությամբ, չի աշխատում, ամուսնացած, նախկինում դատված, հաշվառված և բնակվող՝ ք.Երևան, Արցախի փողոց 10-րդ շենք, 1-ին բն. հասցեում/: Մեղադրվում է 6 դրվագ ՀՀ քրեական օրենսգրքի 470-րդ հոդվածի 2-րդ մասով, սույն գործով 2019 թվականի նոյեմբերի 30-ից մինչև 2019 թվականի դեկտեմբերի 02-ը գտնվել է անազատության մեջ:

Պ Ա Ր Զ Ե Ց

Գործի դատավարական նախապատմությունը.
2017 թվականի դեկտեմբերի 08-ին ՀՀ ոստիկանության ԿՀԴՊ ԳՎ 1-ին վարչության 2-րդ բաժնի պետի տեղակալ Ա.Գալոյանը որոշում է կայացրել ՀՀ 18.04.2003թ. քրեական օրենսգրքի 325-րդ հոդվածի 1-ին մասի հատկանիշներով թիվ 58163717 քրեական գործը հարուցելու մասին:
2017 թվականի դեկտեմբերի 08-ին ՀՀ ՔԿ ԵՔՔՎ ավագ քննիչ Ա.Մարուքյանը որոշում է կայացրել թիվ 58163717 քրեական գործը վարույթ ընդունելու մասին:
2018 թվականի ապրիլի 10-ին ավագ քննիչ Ա.Մարուքյանը որոշում է կայացրել թիվ 58163717 քրեական գործի նյութերով նոր՝ ՀՀ 18.04.2003թ. քրեական օրենսգրքի 329.1-րդ հոդվածի 3-րդ մասի 1-ին կետի հատկանիշներով քրեական գործ հարուցելու և նոր քրեական գործին թիվ 59101618 համարը շնորհելու մասին:
2018 թվականի ապրիլի 10-ին ավագ քննիչ Ա.Մարուքյանը որոշում է կայացրել թիվ թիվ 59101618 քրեական գործը թիվ 58163717 քրեական գործին միացնելու մասին:
2018 թվականի ապրիլի 12-ին ավագ քննիչ Ա.Մարուքյանը որոշում է կայացրել թիվ 58163717 քրեական գործով Զոհրապ Գևորգի Սահակյանին ՀՀ 18.04.2003թ. քրեական օրենսգրքի 329.1-րդ հոդվածի 3-րդ մասի 1-ին կետով որպես մեղադրյալ ներգրավելու մասին:
2018 թվականի ապրիլի 13-ին Երևան քաղաքի առաջին ատյանի ընդհանուր իրավասության դատարանը որոշում է կայացրել Զոհրապ Գևորգի Սահակյանի նկատմամբ որպես խափանման միջոց կալանավորումն ընտրելու մասին:
2018 թվականի ապրիլի 13-ին ավագ քննիչ Ա.Մարուքյանը որոշում է կայացրել թիվ 58163717 քրեական գործով Զոհրապ Գևորգի Սահակյանի նկատմամբ հետախուզում հայտարարելու մասին:
2018 թվականի ապրիլի 18-ին ավագ քննիչ Ա.Մարուքյանը որոշում է կայացրել թիվ թիվ 62211818 քրեական գործը թիվ 58163717 քրեական գործին միացնելու մասին:
2018 թվականի օգոստոսի 01-ին ՀՀ ՔԿ ԵՔՔՎ ԾՀՔ բաժնի ՀԿԳ քննիչ Ս.Մարգարյանը որոշում է կայացրել թիվ 58163717 քրեական գործը վարույթ ընդունելու մասին:
2018 թվականի օգոստոսի 22-ին ՀՀ ՔԿ ԵՔՔՎ ԾՀՔ բաժնի ՀԿԳ ավագ քննիչ Ա.Մարուքյանը որոշում է կայացրել թիվ 58163717 քրեական գործը վարույթ ընդունելու մասին:
2019 թվականի մարտի 20-ին ՀԿԳ ավագ քննիչ Ա.Մարուքյանը որոշում է կայացրել «ԷԼՏԻԿ» ՍՊԸ-ի գրասենյակից առգրավված թվով 4 համակարգիչները /պրոցեսորները/, 21.11.2017թ. թվագրմամբ համաձայնության և դրա թարգմանված տարբերակի պատճենները, ԱԲ 252736 համարի կեղծ մահվան վկայականի, դրա անգլերեն թարգմանված տարբերակների պատճենները և 27.11.2017թ. թվագրմամբ «Երջո-Արմանո» ՍՊԸ-ի կողմից տրամադրված անգլերեն լեզվով քաղվածքի, դրա թարգմանված տարբերակի պատճենները թիվ 58163717 քրեական գործով որպես իրեղեն ապացույց ճանաչելու մասին:
2019 թվականի մարտի 27-ին ՀԿԳ ավագ քննիչ Ա.Մարուքյանը որոշում է կայացրել թիվ 58163717 քրեական գործի վարույթը կասեցնելու մասին:
2019 թվականի դեկտեմբերի 02-ին ՀԿԳ ավագ քննիչ Ա.Մարուքյանը որոշում է կայացրել թիվ 58163717 քրեական գործով կասեցված վարույթը վերսկսելու մասին:
2019 թվականի դեկտեմբերի 02-ին Երևան քաղաքի առաջին ատյանի ընդհանուր իրավասության դատարանը որոշում է կայացրել Զոհրապ Գևորգի Սահակյանի նկատմամբ որպես խափանման միջոց կալանավորումն ընտրելու մասին՝ կալանքի սկիզբը հաշվելով 2019 թվականի նոյեմբերի 30-ից, միաժամանակ Դատարանը որոշել է որպես կալանավորման այլընտրանքային խափանման միջոց կիրառել գրավը՝ 2.500.000 ՀՀ դրամի չափով:
2020 թվականի մայիսի 14-ին ՀԿԳ ավագ քննիչ Ա.Մարուքյանը որոշում է կայացրել մեղադրյալ Զոհրապ Գևորգի Սահակյանի շարժական և անշարժ գույքի վրա թիվ 58163717 քրեական գործով կալանք դնելու մասին:
2020 թվականի մայիսի 15-ին ՀՀ ՔԿ ԵՔՔՎ ԾՀՔ բաժնի ՀԿԳ քննիչ Խ.Գալստյանը որոշում է կայացրել թիվ 58163717 քրեական գործը վարույթ ընդունելու մասին:
2020 թվականի մայիսի 15-ին ՀԿԳ քննիչ Խ.Գալստյանը որոշում է կայացրել թիվ 58163717 քրեական գործից Զոհրապ Գևորգի Սահակյանին ՀՀ 18.04.2003թ. քրեական օրենսգրքի 329.1-րդ հոդվածի 3-րդ մասի 1-ին կետով առաջադրված մեղադրանքի մասով գործն անջատելու և անջատված գործին թիվ 59103620 համարը շնորհելու մասին: Թիվ 59103620 քրեական գործն ուղարկվել է դատարան՝ ըստ էության քննուելու նպատակով:
2020 թվականի սեպտեմբերի 15-ին ՀԿԳ քննիչ Խ.Գալստյանը որոշում է կայացրել թիվ 58163717 քրեական գործի վարույթը կասեցնելու մասին:
2020 թվականի դեկտեմբերի 15-ին ՀԿԳ ավագ քննիչ Խ.Գալստյանը որոշում է կայացրել թիվ 58163717 քրեական գործով կասեցված վարույթը վերսկսելու մասին:
2021 թվականի օգոստոսի 23-ին ՀԿԳ ավագ քննիչ Խ.Գալստյանը որոշում է կայացրել թիվ 58163717 քրեական գործի նյութերով նոր՝ ՀՀ 18.04.2003թ. քրեական օրենսգրքի 329.1-րդ հոդվածի 3-րդ մասի 1-ին կետի հատկանիշներով քրեական գործ հարուցելու և նոր քրեական գործին թիվ 59107021 համարը շնորհելու մասին:
2021 թվականի սեպտեմբերի 08-ին ՀԿԳ ավագ քննիչ Խ.Գալստյանը որոշում է կայացրել թիվ թիվ 59107021 քրեական գործը թիվ 58163717 քրեական գործին միացնելու մասին:
2025 թվականի փետրվարի 14-ին ՀԿԳ ավագ քննիչ Խ.Գալստյանը կազմել է արձանագրություն՝ ՀՀ քրեական օրենսգրքի 470-րդ հոդվածի 2-րդ մասի հատկանիշներով թիվ 69106325 քրեական վարույթը նախաձեռնելու մասին:
2025 թվականի փետրվարի 17-ին ՀԿԳ ավագ քննիչ Խ.Գալստյանը որոշում է կայացրել թիվ թիվ 69106325 քրեական վարույթը թիվ 58163717 քրեական վարույթին միացնելու մասին:
2025 թվականի մարտի 19-ին ՀՀ գլխավոր դատախազության պետական իշխանության դեմ ուղղված հանցագործությունների գործերով վարչության դատախազ Հայկուհի Ղարիբյանը որոշում է կայացրել թիվ 58163717 քրեական վարույթով Զոհրապ Գևորգի Սահակյանի նկատմամբ 6 դրվագով ՀՀ քրեական օրենսգրքի 470-րդ հոդվածի 2-րդ մասով հանրային քրեական հետապնդում հարուցելու մասին:
2025 թվականի մարտի 19-ին ՀԿԳ ավագ քննիչ Խ.Գալստյանը որոշում է կայացրել Զոհրապ Գևորգի Սահակյանի նկատմամբ որպես խափանման միջոց «Բացակայելու արգելքը» ընտրելու մասին:
2025 թվականի մարտի 26-ին ՀԿԳ ավագ քննիչ Խ.Գալստյանը որոշում է կայացրել 11.10.2017 թվականի թվագրմամբ պատճենի տեսքով տեղեկանքը, 11.10.2017 թվականի թվագրմամբ պատճենի տեսքով տեղեկանքը, 27.08.2017 թվականի թիվ 62/3/Կ-5 թվագրմամբ աշխատավարձի վերաբերյալ Զոհրապ Սահակյանի՝ որպես գլխավոր հաշվապահի ստորագրությամբ պատճենի տեսքով տեղեկանքը, 22.06.2017 թվականի թվագրմամբ պատճենի տեսքով տեղեկանքը, 19.06.2017 թվականի թվագրմամբ պատճենի տեսքով տեղեկանքը, 03.02.2017թ. թվագրմամբ ստորագրված և կնիքված պատճենի տեսքով տեղեկանքը, 14.02.2017 թվականի թվագրմամբ աշխատավարձի վերաբերյալ պատճենի տեսքով տեղեկանքը թիվ 58163717 քրեական վարույթով որպես իրեղեն ապացույց ճանաչելու մասին:
2025 թվականի ապրիլի 16-ին թիվ 58163717 քրեական գործը՝ հաստատված մեղադրական եզրակացությամբ, ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստացել է թիվ ԵԴ1/1365/01/25 դատական համարը:

Համաձայնեցված վարույթ.
Նախնական դատալսումների ընթացքում մեղադրյալ Զոհրապ Գևորգի Սահակյանը միջնորդեց կիրառել համաձայնեցման վարույթ և հայտարարեց, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է համաձայնեցման վարույթ կիրառելու բնույթը և հետևանքները, առաջադրված մեղադրանքն իրեն պարզ է, համաձայն է առաջադրված մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 458-րդ հոդվածի 1-ին մասով նախատեսված հիմքը և բացակայում են նույն հոդվածի 2-րդ մասով նախատեսված` համաձայնեցման վարույթի կիրառումը բացառող հանգամանքները, որոշում է կայացրել համաձայնեցման վարույթ կիրառելու մասին և բանակցությունների համար կողմերին ժամանակ է տրամադրել:
2025 թվականի նոյեմբերի 26-ին կայացած դատական նիստի ժամանակ հանրային մեղադրող Հ.Ղարիբյանի կողմից Դատարանին հանձնվեց Զոհրապ Գևորգի Սահակյանի վերաբերյալ կազմված համաձայնության արձանագրությունը` ստորագրված իր, պաշտպանի և մեղադրյալի կողմից:
Համաձայնության մասին արձանագրությունն ընդունելուց հետո Դատարանը, արձանագրելով, որ համաձայնության մասին արձանագրությունը համապատասխանում է օրենքով սահմանված վերաբերելի պահանջներին, որոշում է կայացրել լրացուցիչ դատալսումներ անցկացնելու մասին:
Լրացուցիչ դատալսումների ընթացքում հանրային մեղադրողը հրապարակեց համաձայնության մասին արձանագրությունը:
Համաձայնության մասին արձանագրության հրապարակումից հետո մեղադրյալը հայտարարեց, որ իրեն պարզ է կնքված համաձայնության բովանդակությունը և համաձայն է դրան, դրանով արտահայտվել է իր իրական կամքը, գիտակցում է կնքված համաձայնության հետևանքները, պնդում է կնքված համաձայնությունը, այն կնքելիս բռնության, սպառնալիքի կամ հարկադրանքի այլ միջոցի ազդեցություն չի եղել:
Պաշտպանը և հանրային մեղադրողը հայտնեցին, որ պնդում են կնքված համաձայնությունը:

Համաձայնության մասին արձանագրության բովանդակությունը.
«Սույն արձանագրությունը կազմվել է Երևան քաղաքում 2025 թվականի նոյեմբերի 26-ին,
մասնակցությամբ՝
մեղադրող՝ Հայկուհի Ղարիբյանի՝ ՀՀ գլխավոր դատախազության պետական իշխանության դեմ ուղղված հանցագործությունների գործերով վարչության ավագ դատախազ
մեղադրյալ՝ Զոհրապ Գևորգի Սահակյանի, ծնված՝ 1985 թվականի փետրվարի 21-ին Հայաստանի Հանրապետությունում, ազգությամբ հայ, մայրենի լեզուն՝ հայերեն, ՀՀ քաղաքացի, նախկինում դատապարտված, ամուսնացած, բարձրագույն կրթությամբ, «ԷԼՏԻԿ» ՍԿՊԸ-ի հիմնադիր, փաստացի բնակվող՝ ք.Երևան, Արցախի փողոցի 10-րդ շենքի, 1-ին բնակարանում։
պաշտպան՝ Արմեն Թևանյանի /արտոնագիր՝ 2083/:
Խափանման միջոցը և դրա կիրառման ժամկետը՝
2025 թվականի մարտի 19-ին Զոհրապ Գևորգի Սահակյանի նկատմամբ որպես խափանման միջոց է ընտրվել բացակայելու արգելքը:
Ներկայացված մեղադրանքի փաստական նկարագրությունը և արարքի իրավական գնահատականը՝
2025 թվականի մարտի 19-ին Զոհրապ Սահակյան նկատմամբ հանրային քրեական հետապնդում է հարուցվել ՀՀ քրեական հետապնդում 6 դրվագով՝ ՀՀ քրեական օրենսգրքի 470-րդ հոդվածի 2-րդ մասով այն բանի համար, որ նա շահադիտական նպատակով կազմակերպել է Հայաստանի Հանրապետության քաղաքացիներ Սուսան Զաբիտի Ամոյանի, Նունիկ Հայկի Մեյրոյանի, Գևորգ Օնիկի Նիկողոսյանի, Տաթևիկ Մանվելի Բաբայանի, վերջինիս որդիներ՝ Ալեքս Արայի Սողոմոնյանի և Միքայել Արայի Սողոմոնյանի, Արամ Գագիկի Բաղդասարյանի և Աննա Բարսեղի Հարությունյանի, նրանց խնամակալության տակ գտնվող երեխաներ՝ Նարեկ Մարգարյանի և Հայկ Բաղդասարյանի, ինչպես նաև Ազգանուշ Պետիկի Խուդոյանի անօրինական միգրացիան Հայաստանի Հանրապետությունից դեպի եվրոպական տարբեր երկրներ, այն է՝ կազմակերպել է ՀՀ-ից վերջիններիս ելքը, օտարերկրյա պետություն մուտքը և օտարերկրյա պետությունում գտնվելը, որը կատարվել է ելքի, մուտքի և օտարերկրյա պետությունում գտնվելու պատշաճ թույլտվություն ստանալու համար Վիզաների միասնական կենտրոն միջոցով ՀՀ-ում Իտալիայի և Հունաստանի դեսպանություններ կեղծ փաստաթղթեր ներկայացնելով, որի արդյունքում նշված անձանց, բացի Ազգանուշ Խուդոյանից, տրամադրվել են Շենգենյան համաձայնության երկրների մուտքի արտոնագրեր (վիզաներ), իսկ Ազգանուշ Խուդոյանի՝ Շենգենյան վիզա ստանալու հայտը մերժվել է։
Այսպես.
1. Զոհրապ Սահակյանը, հանդիսանալով ավիատոմսերի վաճառքով և տուրիզմով զբաղվող «ԷԼՏԻԿ» ՍՊ ընկերության հիմնադիր-տնօրեն, 2017թ. հոկտեմբերի սկզբներին ծանոթացել է Երևան քաղաքի Կոմիտասի 19 հասցեում գործող՝ նշված ընկերության գրասենյակ այցելած Սուսան Զաբիտի Ամոյանի հետ: Վերջինս Զոհրապ Սահակյանին տեղեկացրել է, որ ցանկանում է մեկնել Իտալիա՝ որպես զբոսաշրջիկ շրջագայելու և այնտեղից Գերմանիա՝ բարեկամի հարսանիքին մասնակցելու նպատակով։ Զոհրապ Սահակյանը ստանձնել է Սուսան Ամոյանի Շենգենյան համաձայնության երկրների մուտքի արտոնագրի ստացման համար փաստաթղթերի փաթեթի պատրաստման և անհրաժեշտ փաստաթղթերի թարգմանության, Իտալիայի Հանրապետություն մեկնելու և վերադարձի ավիատոմսերի, ճանապարհորդական ապահովագրության, հյուրանոցի ձեռբերման ապահովումն ու այդ ամենի դիմաց Ս.Ամոյանից պահանջել և ստացել է 847.650 ՀՀ դրամին համարժեք 1.500 Եվրո կանխիկ գումար, որը Ս.Ամոյանը Զոհրապ Սահակյանին վճարել է Շենգենյան համաձայնության երկրների մուտքի արտոնագիր ստանալուց հետո՝ 2017 թվականի հոկտեմբերի կեսերին։ Այդ ընթացքում Սուսան Ամոյանը գրասենյակ է ներկայացրել իրենից պահանջած փաստաթղթերը՝ իր, ամուսնու և ընտանիքի անդամների ՀՀ քաղաքացու անձնագրերը, տան սեփականության վկայականը, լուսանկար՝ Զ.Սահակյանի հրահանգով կարճ ժամանակահատվածով բանկային հաշվին փոխանցելով նաև որոշակի գումար։ Այնուհետև, Զ.Սահակյանը, Ս.Ամոյանից տեղեկանալով, որ վերջինս չի աշխատում, նրան հրահանգել է գնալ ՀՀ ԱՆ իրավաբանական անձանց պետական ռեգիստրի գործակալություն, գրանցվել որպես անհատ ձեռնարկատեր, դրա համար սահմանված ձևի կնիք գնել և ռեգիստրի վկայականն ու կնիքը տալ իրեն։
2017 թվականի հոկտեմբերի 5-ին Ս.Ամոյանն այցելել է ՀՀ ԱՆ իրավաբանական անձանց պետական ռեգիստրի գործակալություն, հաշվառվել որպես անհատ ձեռնարկատեր, պատվիրել իր անվամբ հաշվառված ԱՁ-ի համար կնիք, այն վերցրել և ռեգիստրի վկայականի հետ միասին անմիջապես տրամադրել է Զոհրապ Սահակյանին։
Վերոգրյալի պայմաններում Զ. Սահակյանը՝ Ս. Ամոյանի անօրինական միգրացիան ՀՀ-ից դեպի Շենգենյան համաձայնության գոտում գտնվող Իտալիայի Հանրապետություն կազմակերպելու դիտավորությամբ, 2017 թվականի հոկտեմբերի 12-ին Սուսան Ամոյանին է փոխանցել վերջինիս մուտքի վիզա ստանալու համար անհրաժեշտ և պարտադիր ներկայացվող փաստաթղթերի փաթեթը, որոնց մեջ, առանց Սուսան Ամոյանի գիտության և նրան տեղեկացնելու, ներառել է քննությամբ դեռևս չպարզված անձի կողմից «ԷԼՏԻԿ» ՍՊ ընկերության գրասենյակում գտնվող աշխատանքային համակարգչով պատրաստված՝ «Սուսան Ամոյան» ԱՁ-ի կողմից հիմնադրած «ԱՄՈՅԱՆ» հացի արտադրությունում աշխատելու վերաբերյալ 11.10.2017 թվականի թվագրմամբ կեղծ տեղեկանք այն մասին, թե իբր Սուսան Ամոյանը հանդիսանում է 2014 թվականից հիմնադրած «Սուսան Ամոյան» ԱՁ-ի տնօրեն և ամսական եկամուտը կազմում է 416.380 ՀՀ դրամ աշխատավարձ։ Նույն փաթեթում Զ.Սահակյանը ներառել է քննությամբ դեռևս չպարզված անձի կողմից պատրաստված՝ «Սուսան Ամոյան» ԱՁ-ի կողմից հիմնադրած «ԱՄՈՅԱՆ» հացի արտադրությունում աշխատելու վերաբերյալ 11.10.2017 թվականի թվագրմամբ մեկ այլ կեղծ տեղեկանք այն մասին, թե իբր Սուսան Ամոյանի ամուսինը՝ Արմեն Միլազունի Ամոյանն աշխատում է «Սուսան Ամոյան» ԱՁ-ի «ԱՄՈՅԱՆ» հացի արտադրությունում՝ որպես պահեստապետ և նրա աշխատավարձը կազմում է ամսական 164.000 ՀՀ դրամ։ Զոհրապ Սահակյանի ուղղորդմամբ Սուսան Ամոյանը, Զ.Սահակյանի կողմից նախորոք ամրագրած օրը՝ 2017 թվականի հոկտեմբերի 12-ին, այդ փաթեթն առանց ուսումնասիրելու ներկայացրել է Հայաստանի Հանրապետությունում Իտալիայի դեսպանության վիզաների կենտրոն։ Դրանից մի քանի օր անց կանչով ներկայացել է ՀՀ-ում Իտալիայի Հանրապետության դեսպանատուն և ստացել Շենգենյան համաձայնության գոտու երկրների մուտքի արտոնագիր։
Այնուհետև, նշված արտոնագրով Սուսան Ամոյանը 2017 թվականի հոկտեմբերի 25-ին՝ ժամը 07։23-ին, Բագրատաշեն սահմանային անցակետով լքել է ՀՀ պետական սահմանը և Վրաստանի մայրաքաղաք Թբիլիսիի միջազգային օդանավակայանով մեկնել է Իտալիայի Հանրապետություն, այնուհետև Գերմանիայի Դաշնություն, և 2017 թվականի նոյեմբերի 14-ին՝ ժամը 10։09-ին, Բագրատաշենի սահմանային անցակետով վերադարձել է Հայաստանի Հանրապետություն։ Դրանից հետո՝ 2017 թվականի նոյեմբերի 20-ին, «Սուսան Ամոյան» ԱՁ-ն պետական գրանցման վկայականը հաշվառումից հանվել է, իսկ ՀՀ պետական եկամուտների կոմիտե որևէ հաշվարկ-հաշվետվություն չի ներկայացվել։
Այսինքն՝ Զոհրապ Սահակյանին մեղսագրվում է մեղավորությամբ կատարված, հանրության համար վտանգավոր արարք, որը նախատեսված է ՀՀ քրեական օրենսգրքի 470-րդ հոդվածի 2-րդ մասով:
2. Բացի այդ, Նունիկ Հայկի Մեյրոյանն 2017 թվականի օգոստոս ամսվա կեսերին այցելել է Երևան քաղաքի Կոմիտասի 19 հասցեում գտնվող՝ ավիատոմսերի վաճառքով և տուրիզմով զբաղվող «ԷԼՏԻԿ» ՍՊ ընկերության գրասենյակ, որտեղ տեղեկացրել է, որ ցանկանում է մեկնել Եվրոպա՝ որպես զբոսաշրջիկ շրջագայելու։ Զոհրապ Սահակյանը ստանձնել է Նունիկ Մեյրոյանի Շենգենյան համաձայնության երկրների մուտքի արտոնագրի ստացման համար փաստաթղթերի փաթեթի պատրաստման և անհրաժեշտ փաստաթղթերի թարգմանության իրականացման ապահովումը, ու այդ ամենի դիմաց Ն.Մեյրոյանից պահանջել և ստացել է մոտ 100.000 ՀՀ դրամ կանխիկ գումար, որը Ն.Մեյրոյանը Զոհրապ Սահակյանի ղեկավարած գրասենյակին է վճարել 2017 թվականի սեպտեմբերի 1-ին։ Մինչ այդ, գրասենյակ է ներկայացրել իրենից պահանջած փաստաթղթերը՝ իր և երեխաների ՀՀ քաղաքացու անձնագրերը։
Վերոգրյալի պայմաններում Զոհրապ Սահակյանը Նունիկ Մեյրոյանի անօրինական միգրացիան ՀՀ-ից դեպի Շենգենյան համաձայնության գոտում գտնվող Հունաստանի Հանրապետություն կազմակերպելու դիտավորությամբ, 2017 թվականի սեպտեմբերի 1-ին իր ղեկավարած գրասնեյակի աշխատակցի միջոցով վերջինիս է փոխանցել նրա մուտքի վիզա ստանալու համար անհրաժեշտ փաստաթղթերի փաթեթը, որոնց մեջ, առանց Նունիկ Մեյրոյանի գիտության և նրան տեղեկացնելու, ներառել է քննությամբ դեռևս չպարզված անձի կողմից պատրաստված՝ 27.08.2017 թվականի թվագրմամբ աշխատավարձի վերաբերյալ Զոհրապ Սահակյանի՝ որպես գլխավոր հաշվապահի ստորագրությամբ կեղծ տեղեկանք այն մասին, թե իբր Նունիկ Մեյրոյանը հանդիսանում է Զոհրապ Սահակյանի հոր՝ Գևորգ Բաբախանյանի ղեկավարած «Իմպորտ Հայբազա Կրեդիտ» Կոոմերացիայի մասնակից, գանձապահ և տեղեկանքի տրման դրությամբ նրա ամսական միջին մաքուր վաստակի չափը կազմում է 235.400 ՀՀ դրամ։ Զոհրապ Սահակյանի կողմից ղեկավարած հիշյալ գրասենյակի ուղղորդմամբ Նունիկ Մեյրոյանը, Զ. Սահակյանի կողմից նախորոք ամրագրած օրը՝ 2017 թվականի սեպտեմբերի 1-ին, այդ փաթեթն առանց ուսումնասիրելու ներկայացրել է Հայաստանի Հանրապետությունում Հունաստանի դեսպանության վիզաների կենտրոն։ Դրանից մի քանի օր անց կանչով ներկայացել է ՀՀ-ում Հունաստանի Հանրապետության դեսպանատուն և ստացել Շենգենյան համաձայնության գոտու երկրների մուտքի արտոնագիր, սակայն առողջական խնդիրների պատճառով չի մեկնել Եվրոպա։
Այսինքն՝ Զոհրապ Սահակյանին մեղսագրվում է մեղավորությամբ կատարված, հանրության համար վտանգավոր արարք, որը նախատեսված է ՀՀ քրեական օրենսգրքի 470-րդ հոդվածի 2-րդ մասով:
3. Բացի այդ, Զոհրապ Սահակյանը, հանդիսանալով ավիատոմսերի վաճառքով և տուրիզմով զբաղվող «ԷԼՏԻԿ» ՍՊ ընկերության հիմնադիր-տնօրեն, 2017թ. հունիսի սկզբներին ծանոթացել է Երևան քաղաքի Կոմիտասի 19 հասցեում գործող՝ նշված ընկերության գրասենյակ այցելած Գևորգ Օնիկի Նիկողոսյանի հետ: Վերջինս Զոհրապ Սահակյանին տեղեկացրել է, որ ցանկանում է մեկնել Գերմանիա՝ որպես զբոսաշրջիկ շրջագայելու և հորեղբոր որդուն տեսակցելու նպատակով, սակայն տարբեր տուրիստական ընկերություններով մի քանի անգամ դիմել է և մերժվել։ Զոհրապ Սահակյանը ստանձնել է Գևորգ Նիկողոսյանի Շենգենյան համաձայնության երկրների մուտքի արտոնագրի ստացման համար փաստաթղթերի փաթեթի պատրաստման և անհրաժեշտ փաստաթղթերի թարգմանության, Իտալիայի Հանրապետություն, այնուհետև այնտեղից Գերմանիայի Դաշնություն մեկնելու և վերադարձի ավիատոմսերի, ճանապարհորդական ապահովագրության, հյուրանոցի ձեռբերման ապահովումն ու այդ ամենի դիմաց Գ. Նիկողոսյանից պահանջել և ստացել է 1.891.960 ՀՀ դրամին համարժեք 3.500 Եվրո կանխիկ գումար, որից տոմսերի, ապահովագրության, փաստաթղթերի թարգմանության համար գումարի մասը Գ.Նիկողոսյանը Զոհրապ Սահակյանի ղեկավարած գրասենյակում վճարել է, իսկ հյուրանոցի համար գումարը վճարել է բանկային փոխանցմամբ՝ մինչև Շենգենյան համաձայնության երկրների մուտքի արտոնագիր ստանալը։ Այդ ընթացքում Գևորգ Նիկողոսյանը գրասենյակ է ներկայացրել իրենից պահանջած փաստաթղթերը՝ ՀՀ քաղաքացու անձնագիրը, ամուսնության վկայականը, անշարժ գույքի սեփականության վկայականները, լուսանկարներ։ Այնուհետև, Զ.Սահակյանը, Գ.Նիկողոսյանից տեղեկանալով, որ վերջինս գրանցված աշխատող չէ, ինքնազբաղված է և զբաղվում է հնդկահավերի բազմացմամբ՝ առանց անհատ ձեռնարկատիրոջ կամ այլ իրավաբանական անձի գրանցմամբ, նրան հրահանգել է գնալ ՀՀ ԱՆ իրավաբանական անձանց պետական ռեգիստրի գործակալություն, գրանցվել որպես անհատ ձեռնարկատեր, դրա համար սահմանված ձևի կնիք գնել և ռեգիստրի վկայականն ու կնիքը տալ իրեն։
2017 թվականի հունիսի 12-ին Գ.Նիկողոսյանն այցելել է ՀՀ ԱՆ իրավաբանական անձանց պետական ռեգիստրի գործակալություն, հաշվառվել որպես անհատ ձեռնարկատեր, պատվիրել իր անվամբ հաշվառված «Գևորգ Նիկողոսյան» ԱՁ-ի համար կնիք, այն վերցրել և ռեգիստրի վկայականի հետ միասին անմիջապես տրամադրել է Զոհրապ Սահակյանին։
Վերոգրյալի պայմաններում Զ.Սահակյանը Գ.Նիկողոսյանի անօրինական միգրացիան ՀՀ-ից դեպի Շենգենյան համաձայնության գոտում գտնվող Իտալիայի Հանրապետություն և այնտեղից Գերմանիայի Դաշնություն կազմակերպելու դիտավորությամբ, 2017 թվականի հունիսի 30-ին իր տուրիստական գրասենյակի՝ քննությամբ դեռևս չպարզված աշխատակիցներից մեկի միջոցով Գևորգ Նիկողոսյանին է փոխանցել վերջինիս մուտքի վիզա ստանալու համար անհրաժեշտ և պարտադիր ներկայացվող փաստաթղթերի փաթեթը, որոնց մեջ առանց Գևորգ Նիկողոսյանի գիտության և նրան տեղեկացնելու, ներառել է քննությամբ դեռևս չպարզված անձի կողմից «ԷԼՏԻԿ» ՍՊ ընկերության գրասենյակում գտնվող աշխատանքային համակարգչով պատրաստված՝ «Գևորգ Նիկողոսյան» ԱՁ-ի կողմից հիմնադրած աշխատելու վերաբերյալ 22.06.2017 թվականի թվագրմամբ կեղծ տեղեկանք այն մասին, թե իբր Գևորգ Նիկողոսյանը հանդիսանում է «Գևորգ Նիկողոսյան» ԱՁ-ի «ՉԻՔԵՆ ՖԱՐՄ»-ում տնօրեն և ամսական եկամուտը կազմում է 865.750 ՀՀ դրամ աշխատավարձ։ Զոհրապ Սահակյանի ուղղորդմամբ Գևորգ Նիկողոսյանը, Զ.Սահակյանի ղեկավարած գրասենյակի կողմից նախորոք ամրագրած օրը՝ 2017 թվականի հունիսի 30-ին, այդ փաթեթն առանց ուսումնասիրելու ներկայացրել է Հայաստանի Հանրապետությունում Իտալիայի դեսպանության վիզաների կենտրոն։ Դրանից մեկ շաբաթ անց զանգով ներկայացել է Վիզաների կենտրոն և անձնագիրը վերցնելով պարզել է, որ ստացել է Շենգենյան համաձայնության երկրների մուտքի արտոնագիր։
Այնուհետև, նշված արտոնագրով Գևորգ Նիկողոսյանը 2017 թվականի օգոստոսի 11-ին՝ ժամը 04։23-ին, «Զվարթնոց» միջազգային օդանավակայանով մեկնել է Իտալիայի Հանրապետություն, այնուհետև Գերմանիայի Դաշնություն, և 2018 թվականի մարտի 7-ին՝ ժամը 00։59-ին, նույն օդանավակայանով վերադարձել է Հայաստանի Հանրապետություն։
Այսինքն՝ Զոհրապ Սահակյանին մեղսագրվում է մեղավորությամբ կատարված, հանրության համար վտանգավոր արարք, որը նախատեսված է ՀՀ քրեական օրենսգրքի 470-րդ հոդվածի 2-րդ մասով:
4. Բացի այդ, Զոհրապ Սահակյանը, հանդիսանալով ավիատոմսերի վաճառքով և տուրիզմով զբաղվող «ԷԼՏԻԿ» ՍՊ ընկերության հիմնադիր-տնօրեն, քննությամբ դեռևս չպարզված հանգամանքներում և գումարի դիմաց Տաթևիկ Մանվելի Բաբայանի, վերջինիս՝ տվյալ ժամանակահատվածում երկու անչափահաս որդիների՝ Միքայել Արայի Սողոմոնյանի և Ալեքսա Արայի Սողոմոնյանի անօրինական միգրացիան ՀՀ-ից դեպի Շենգենյան համաձայնության գոտում գտնվող Իտալիայի Հանրապետություն և այնտեղից մշտական բնակության նպատակով Լեհաստանի Հանրապետություն կազմակերպելու դիտավորությամբ, որպեսզի վերջիններս հասնեն արդեն Լեհաստանի Հանրապետությունում մշտական բնակություն հաստատած՝ Տաթևիկ Բաբայանի ամուսնուն՝ Արա Մեխակի Սողոմոնյանին, 2017 թվականի հունիս ամսին, քննությամբ դեռևս չպարզված հանգամանքներում Տաթևիկ Բաբայանին է փոխանցել վերջինիս մուտքի վիզա ստանալու համար անհրաժեշտ և պարտադիր ներկայացվող փաստաթղթերի փաթեթը, որոնց մեջ ներառել է քննությամբ դեռևս չպարզված անձի կողմից «ԷԼՏԻԿ» ՍՊ ընկերության գրասենյակում գտնվող աշխատանքային համակարգչով պատրաստված՝ աշխատանքի և աշխատավարձի վերաբերյալ 16.06.2017 թվականի թվագրմամբ կեղծ տեղեկանք այն մասին, թե իբր Տաթևիկ Բաբայանն աշխատում է Զոհրապ Սահակյանի մոր՝ Նոյեմզար Զորիկի Սահակյանի կողմից ղեկավարվող «Մեկտասի» համատիրության կոմունալ վճարումների բաժնի պետի տեղակալ և նրա գործարքային հոնորարը կազմում է 248.400 ՀՀ դրամ, իսկ հիշյալ կեղծ տեղեկանքը տրվել է ներկայացնելու Իտալիայի դեսպանատուն, այն դեպքում, երբ «Մեկտաս» ՍՊԸ-ն 25.12.1997 թվականին հաշվառվել է ՀՀ ՊԵԿ-ում, սակայն 20.08.2012 թվականից գտնվել է լուծարված կարգավիճակում, գրանցման օրվանից որևէ հաշվարկ, հաշվետվություն կամ աշխատակիցների և աշխատավարձների վերաբերյալ տվյալներ չեն ներկայացվել հարկային տեսչություն։
Վերոգրյալի պայմաններում Տաթևիկ Բաբայանը նշված փաթեթը ներկայացրել է Հայաստանի Հանրապետությունում Իտալիայի դեսպանություն, ստացել իր և երկու երեխաների համար Շենգենյան համաձայնության երկրների մուտքի արտոնագիր, ու նրանց հետ միասին 2017 թվականի օգոստոսի 19-ին՝ ժամը 02։38-ին, «Զվարթնոց» միջազգային օդանավակայանով դուրս է եկել ՀՀ-ից, գնացել Իտալիայի Հանրապետություն, այնուհետև այնտեղից անցել Լեհաստանի Հանրապետություն՝ մշտական բնակություն հաստատելով այնտեղ։
ՀՀ ՊԵԿ-ից ստացված տեղեկատվության համաձայն՝ «Մեկտաս» ՍՊԸ-ն 25.12.1997թ. հաշվառված է ՀՀ ՊԵԿ-ում, 20.08.2012թ. գտնվել է լուծարված կարգավիճակում, գրանցման օրվանից որևէ հաշվարկ հաշվետվություն չի ներկայացվել հարկային տեսչություն, աշխատակիցների և աշխատավարձների վերաբերյալ տվյալներ չկան:
Այսինքն՝ Զոհրապ Սահակյանին մեղսագրվում է մեղավորությամբ կատարված, հանրության համար վտանգավոր արարք, որը նախատեսված է ՀՀ քրեական օրենսգրքի 470-րդ հոդվածի 2-րդ մասով:
5. Բացի այդ, Զոհրապ Սահակյանը, հանդիսանալով ավիատոմսերի վաճառքով և տուրիզմով զբաղվող «ԷԼՏԻԿ» ՍՊ ընկերության հիմնադիր-տնօրեն, 2017 թվականի սկզբներին ծանոթացել է Երևան քաղաքի Կոմիտասի 19 հասցեում գործող՝ նշված ընկերության գրասենյակ այցելած՝ Արամ Գագիկի Բաղդասարյանի և նրա ամուսնու՝ Աննա Բարսեղի Հարությունյանի հետ, որոնց ուղեկցել է վերջինիս մայրը՝ Ազգանուշ Պետիկի Խուդոյանը, քանի որ Ա.Հարությունյանը եղել է թույլ լսող, իսկ Արամ Բաղդասարյանը՝ խուլ ու համր: Վերջիններս Ազգանուշ Խուդոյանի միջոցով Զոհրապ Սահակյանին տեղեկացրել են, որ իրենց խնամքի տակ գտնվող երկու երեխաների՝ Նարեկ Մարգարյանի և Հայկ Բաղդասարյանի հետ միասին նրանք ցանկանում են մեկնել Գերմանիա՝ մշտական բնակություն հաստատելու նպատակով։ Զոհրապ Սահակյանը ստանձնել է Աննա Հարությունյանի, Արամ Բաղդասարյանի և նրան խնամքի տակ գտնվող երկու երեխաների՝ Նարեկ Մարգարյանի ու Հայկ Բաղդասարյանի Շենգենյան համաձայնության երկրների մուտքի արտոնագրերի ստացման համար փաստաթղթերի փաթեթի պատրաստման և Գերմանիայի Դաշնություն հասնելու համար պահանջել և ստացել է 7.760.160 ՀՀ դրամին համարժեք 16.000 ԱՄՆ դոլար կանխիկ գումար։ Այդ ընթացքում Աննա Հարությունյանն ու Արամ Բաղդասարյանը գրասենյակ են ներկայացրել իրենցից պահանջած փաստաթղթերը՝ ՀՀ քաղաքացու անձնագրեր, ամուսնության վկայականը, երեխաների անձնագրերը, լուսանկարներ։
Վերոգրյալի պայմաններում Զ. Սահակյանը, տեղեկանալով և հասկանալով, որ Աննա Հարությունյանն ու Արամ Բաղդասարյանը չեն աշխատում, վերջիններիս և նրանց խնամքի տակ գտնվող երկու երեխաների անօրինական միգրացիան ՀՀ-ից դեպի Շենգենյան համաձայնության գոտում գտնվող Իտալիայի Հանրապետություն և այնտեղից Գերմանիայի Դաշնություն կազմակերպելու դիտավորությամբ, 2017 թվականի փետրվարի 7-ին Արամ Բաղդասարյանին և Աննա Հարությունյանին է փոխանցել վերջիններիս և նրանց երեխաների մուտքի վիզա ստանալու համար անհրաժեշտ և պարտադիր ներկայացվող փաստաթղթերի փաթեթը, որոնց մեջ, առանց Արամ Բաղդասարյանի և Աննա Հարությունյանի գիտության և նրանց տեղեկացնելու, ներառել է քննությամբ դեռևս չպարզված անձի կողմից «ԷԼՏԻԿ» ՍՊ ընկերության գրասենյակում գտնվող աշխատանքային համակարգչով պատրաստված՝ 03.02.2017թ. թվագրմամբ ստորագրված և կնիքված կեղծ տեղեկանք այն մասին, թե իբր Արամ Գագիկի Բաղդասարյանն աշխատում է Նոյեմզար Զորիկի Սահակյանի կողմից ղեկավարվող «ՄԵԿՏԱՍ ԿՈՆԴՈՄԻՆԻՈՒՄ» համատիրության կոմունալ վճարումների բաժնում՝ որպես բաժնի պետ և նրա գործարքային հոնորարը կազմում է 154.000 ՀՀ դրամ, իսկ տեղեկանքը տրվել է ներկայացնելու Իտալիայի դեսպանատուն:
Վերոգրյալի պայմաններում, Զոհրապ Սահակյանի ուղղորդմամբ Արամ Բաղդասարյանը և Աննա Հարությունյանը, Ազգանուշ Խուդոյանի ուղեկցությամբ, Զ.Սահակյանի ղեկավարած գրասենյակի կողմից նախորոք ամրագրած օրը՝ 2017 թվականի փետրվարի 7-ին, այդ փաթեթն առանց ուսումնասիրելու ներկայացրել են Հայաստանի Հանրապետությունում Իտալիայի դեսպանության վիզաների կենտրոն՝ ներկայացնելով մուտքի արտոնագրի համար դիմում, որը սակայն 2017 թվականի փետրվարի 15-ին մերժվել է։
Դրանից հետո, ամեն կերպ Արամ Բաղդասարյանի, Աննա Հարությունյանի, նրանց խնամքի տակ գտնվող երեխաների անօրինական միգրացիան ՀՀ-ից դեպի Շենգենյան համաձայնության գոտում գտնվող Գերմանիայի Դաշնություն կազմակերպելու դիտավորությամբ, Զոհրապ Սահակյանը Արամ Բաղդասարյանի, Աննա Հարությունյանի, նրանց երեխաների՝ Նարեկ Մարգարյանի ու Հայկ Բաղդասարյանի հետ միասին 2017 թվականի ապրիլի 11-ին՝ ժամը 05։17-ին, «Բագրատաշեն» սահմանային անցակետով լքել է ՀՀ պետական սահմանը և անցել Վրաստան, որտեղ վերջիններիս ծանոթացրել է քննությամբ դեռևս չպարզված ոմն Հովոյի հետ, ում ուղեկցությամբ Արամ Բաղդասարյանը, Աննա Հարությունյանը, նրանց երեխաները՝ Նարեկ Մարգարյանը և Հայկ Բաղդասարյանը ավտոմեքենայով անցել են Թուրքիա, որտեղից ինքնաթիռով գնացել են Ալբանիա, այնուհետև ոտքով ապօրինի հատել են սահմանը և մտել Հունաստանի Հանրապետություն, որտեղ հիշյալ Հովոն նրանց է հանձնել առերևույթ կեղծ կարմիր անձնագրեր, որոնցով Արամ Բաղդասարյանը, Աննա Հարությունյանը, նրանց երեխաները՝ Նարեկ Մարգարյանը և Հայկ Բաղդասարյանը ինքնաթիռով հասել են Գերմանիայի Դաշնություն, որտեղ որպես փախստականներ հանձնվել են «Կարմիր Խաչի» գրասենյակին, սակայն տարիների ընթացքում այդպես էլ կարգավիճակ չստանալով՝ արտաքսվել են Գերմանիայի Դաշնությունից և 2021 թվականի հոկտեմբերի 13-ին վերադարձել են Հայաստանի Հանրապետություն։
Այսինքն՝ Զոհրապ Սահակյանին մեղսագրվում է մեղավորությամբ կատարված, հանրության համար վտանգավոր արարք, որը նախատեսված է ՀՀ քրեական օրենսգրքի 470-րդ հոդվածի 2-րդ մասով:
6. Բացի այդ, Զոհրապ Սահակյանը, հանդիսանալով ավիատոմսերի վաճառքով և տուրիզմով զբաղվող «ԷԼՏԻԿ» ՍՊ ընկերության հիմնադիր-տնօրեն, և արդեն իսկ 2017 թվականի փետրվար ամսից ծանոթ լինելով Ազգանուշ Պետիկի Խուդոյանի հետ, վերջինիս կողմից Եվրոպա՝ որպես զբոսաշրջիկ շրջագայելու և ընկերուհուն տեսակցելու նպատակով Հունաստանի Հանրապետություն մեկնելու վերաբերյալ խնդրանքը ստանալով, ստանձնել է Ազգանուշ Խուդոյանի Շենգենյան համաձայնության երկրների մուտքի արտոնագրի ստացման համար փաստաթղթերի փաթեթի պատրաստման և անհրաժեշտ փաստաթղթերի թարգմանության իրականացման ապահովումնժը, ու այդ ամենի դիմաց Ազգանուշ Խուդոյանի հետ բանավոր պայմանավորվել է, որ վիզա ստանալու դեպքում Ազգանուշ Խուդոյանը հյուրանոցը և ավիատոմսերը կգնի «ԷԼՏԻԿ» ՍՊ ընկերության տուրիստական հիշյալ գրասնեյակի միջոցով՝ այդ ժամանակ միայն ընդհանուր ծառայության համար վճարելով։ Դրանից հետո, Զոհրապ Սահակյանի պահանջով գրասենյակ է ներկայացրել իրենից պահանջած փաստաթղթերը՝ իր անձնագիրը և իր անվամբ գործող «Ազգանուշ Խուդոյան» ԱՁ-ի վկայականը։
Վերոգրյալի պայմաններում Զոհրապ Սահակյանը՝ Ազգանուշ Խուդոյանի անօրինական միգրացիան ՀՀ-ից դեպի Շենգենյան համաձայնության գոտում գտնվող Հունաստանի Հանրապետություն կազմակերպելու դիտավորությամբ, 2017 թվականի մարտի 6-ին իր ղեկավարած գրասենյակի աշխատակցի միջոցով վերջինիս է փոխանցել նրա մուտքի վիզա ստանալու համար անհրաժեշտ փաստաթղթերի փաթեթը, որի մեջ, առանց Ազգանուշ Խուդոյանի գիտության և նրան տեղեկացնելու, ներառել է քննությամբ դեռևս չպարզված անձի կողմից պատրաստված՝ 14.02.2017 թվականի թվագրմամբ աշխատավարձի վերաբերյալ կեղծ տեղեկանք այն մասին, թե իբր Ազգանուշ Խուդոյանը հանդիսանում է ԱՁ «Խուդոյանս Ֆեյշն Բուտիկ»-ի տնօրենը և նրա ամսական եկամուտը կազմում է 583.700 ՀՀ դրամ, որը տրվել է ներկայացնելու Հայաստանի Հանրապետությունում Հունաստանի դեսպանատուն։ Զոհրապ Սահակյանի կողմից ղեկավարած հիշյալ գրասենյակի ուղղորմամբ Ազգանուշ Սահակյանը, Զ.Սահակյանի կողմից նախորոք ամրագրած օրը՝ 2017 թվականի մարտի 6-ին, այդ փաթեթն առանց ուսումնասիրելու ներկայացրել է Հայաստանի Հանրապետությունում Հունաստանի դեսպանության վիզաների կենտրոն՝ Շենգենյան երկրների մուտքի արտոնագիր ստանալու համար դիմումին կից։ Դրանից մի քանի օր անց կանչով ներկայացել է ՀՀ-ում Հունաստանի Հանրապետության դեսպանատուն, որտեղ սակայն ստացել է Շենգենյան համաձայնության գոտու երկրների մուտքի արտոնագրի մերժում, որի պատճառով չի կարողացել մեկնել մեկնել Եվրոպա։
Ներկայացված մեղադրանքում Զոհրապ Սահակյանն իրեն մեղավոր է ճանաչել:
Քրեական գործով հատուցման ենթակա վնաս առկա չէ:
Քրեական գործով գույքային հայց առկա չէ։
Քրեական գործով վարութային ծախսեր առկա չեն:
Հիմք ընդունելով 2021 թվականի մայիսի 5-ին ընդունված ՀՀ քրեական դատավարության օրենսգրքի 483-րդ հոդվածի 7-րդ մասը, նույն օրենսգրքի 458-րդ, 459-րդ և 460-րդ հոդվածների պահանջները և ղեկավարվելով ՀՀ քրեական օրենսգրքի 77-րդ հոդվածի 1-ին մասով՝ կողմերը համաձայնվում են մեղադրյալին մեղսագրվող արարքի համար հետևյալ պատժատեսակի և պատժաչափի վերաբերյալ՝
Համաձայնեցված պատիժ՝ ՀՀ քրեական օրենսգրքի 470-րդ հոդվածի 2-րդ մասով՝ յուրաքանչյուր դրվագով /6 դրվագ/ 8 /ութ/ ամիս ժամկետով ազատազրկում: Պատիժները մասնակի գումարելու միջոցով վերջնական պատիժ նշանակել ազատազրկում՝ 3 /երեք/ տարի 8 /ութ/ ամիս ժամկետով ազատազրկում:
ՀՀ Ազգային Ժողովի կողմից 2018թ.-ի նոյեմբերի 01-ին ընդունված՝ «Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ օրենքի 2-րդ հոդվածի 1-ին մասի 1-ին կետի հիմքով՝ Զոհրապ Սահակյանին ազատել պատժի կրումից:
Խափանման միջոցը թողնել անփոփոխ մինչև դատավճռի օրինական ուժի մեջ մտնելը:
Բռնագանձման ենթակա գույք առկա չէ։»:

Դատարանի իրավական վերլուծությունները.
ՀՀ քրեական դատավարության օրենսգրքի 458-րդ հոդվածի համաձայն`
«1. Դատարանը համաձայնեցման վարույթ կիրառում է հանրային մեղադրանքով նախնական դատալսումների ընթացքում` մեղադրյալի միջնորդության հիման վրա:
2. Համաձայնեցման վարույթ չի կարող կիրառվել, եթե՝
1) մեղադրյալը մեղադրվում է առանձնապես ծանր հանցանք կատարելու համար.
2) վարույթում ներգրավված մի քանի մեղադրյալից առնվազն մեկն առարկում է համաձայնեցման վարույթ կիրառելու դեմ.
3) մեղադրյալը չունի պաշտպան կամ միջնորդությունը ներկայացրել է առանց պաշտպանի հետ խորհրդակցելու.
4) համաձայնեցման վարույթ կիրառելու դեմ իրավական կամ փաստական հիմնավորմամբ առարկում է հանրային մեղադրողը.
5) առերևույթ հիմնավորվում է, որ հանցագործությամբ պատճառված վնասը հատուցված չէ, և համաձայնեցման վարույթ կիրառելու դեմ առարկում է տուժողը:»:
ՀՀ քրեական դատավարության օրենսգրքի 459-րդ հոդվածի համաձայն`
«1. Դատարանը բավարարում է համաձայնեցման վարույթ կիրառելու մասին միջնորդությունը, եթե առկա է սույն օրենսգրքի 458-րդ հոդվածի 1-ին մասով նախատեսված հիմքը, բացակայում են սույն օրենսգրքի 458-րդ հոդվածի 2-րդ մասով նախատեսված` համաձայնեցման վարույթի կիրառումը բացառող հանգամանքները, ինչպես նաև եթե մեղադրյալը համաձայն է իրեն մեղսագրվող արարքին, միջնորդությունը ներկայացրել է կամավոր և գիտակցում է իր միջնորդության բնույթը և հետևանքները:
2. Մեղադրյալի միջնորդությունը բավարարելու դեպքում դատարանը կողմերի բանակցությունների համար սահմանում է առավելագույնը մեկամսյա ժամկետ:
3. Դատարանը համաձայնեցման վարույթ կիրառելու մասին միջնորդությունը մերժում է առանձին որոշմամբ:»:
ՀՀ քրեական դատավարության օրենսգրքի 460-րդ հոդվածի համաձայն`
«1. Համաձայնեցման վարույթ կիրառելու մասին միջնորդությունը բավարարելուց հետո հանրային մեղադրողը համաձայնության գալու նպատակով բանակցություններ է սկսում մեղադրյալի և նրա պաշտպանի հետ:
(…)
3. Հատուցման ենթակա վնասի բնույթի և չափի վերաբերյալ համաձայնության գալուց հետո կողմերը բանակցություններ են սկսում մեղադրյալի նկատմամբ կիրառման ենթակա պատժի (պատժատեսակի և պատժաչափի), ներառյալ այն կրելու նպատակահարմարության, ինչպես նաև բռնագրավման ենթակա գույքի և դրա չափի վերաբերյալ: Համաձայնության արդյունքով սահմանվող պատիժը և բռնագրավվող գույքը պետք է համապատասխանեն Հայաuտանի Հանրապետության քրեական օրենսգրքի ընդհանուր մասի վերաբերելի դրույթներին:
4. Բանակցությունների արդյունքով համաձայնության գալու դեպքում կողմերը կազմում են համաձայնության մասին արձանագրություն, որում նշվում են՝
1) արձանագրությունը կազմելու տեղը և ժամանակը.
2) հանրային մեղադրողի անունը, ազգանունը, զբաղեցրած պաշտոնը.
3) մեղադրյալի անունը, ազգանունը, հայրանունը, ծննդյան թիվը, ամիսը, օրը և ծննդավայրը, բնակության հասցեն, քաղաքացիությունը, կրթությունը, մայրենի լեզուն, աշխատանքի կամ ուսման վայրը, մեղադրյալի դատվածության առկայությունը, ինչպես նաև այլ վերաբերելի տեղեկություններ.
4) պաշտպանի անունը և ազգանունը.
5) տուժողի անունը և ազգանունը, եթե տուժողը մասնակցել է համաձայնության կայացմանը.
6) մեղադրյալի նկատմամբ կիրառված խափանման միջոցը և դրա կիրառման ժամկետը.
7) մեղադրական եզրակացության մեջ նշված արարքը և դրա համաձայնեցված իրավական գնահատականը.
8) հատուցված կամ հատուցման ենթակա վնասի բնույթը և չափը.
9) համաձայնեցված պատիժը (պատժատեսակը և պատժաչափը), ներառյալ այն կրելու նպատակահարմարության հարցը.
10) բռնագրավման ենթակա գույքը և դրա չափը (եթե դրանք համաձայնեցվել են):
(…)
6. Հանցագործությունների համակցության դեպքում արձանագրության մեջ առանձին նշվում են յուրաքանչյուր հանցագործության համար համաձայնեցված պատժի տեսակը և չափը, ինչպես նաև վերջնական պատժի տեսակը և չափը:
7. Համաձայնությունը համարվում է կնքված մեղադրյալի, նրա պաշտպանի, հանրային մեղադրողի և բանակցություններին մասնակցելու դեպքում տուժողի կողմից համաձայնության մասին արձանագրությունն ստորագրելու պահից:
8. Համաձայնության մասին արձանագրության մեկական օրինակ հանրային մեղադրողը հանձնում է դատարան, մեղադրյալին, նրա պաշտպանին և տուժողին:
9. Սույն հոդվածի 3-րդ մասով սահմանված հարցերի վերաբերյալ համաձայնության չգալու դեպքում նախնական դատալսումները շարունակվում են սույն օրենսգրքով սահմանված ընդհանուր կարգով:»:
ՀՀ քրեական դատավարության օրենսգրքի 461-րդ հոդվածի համաձայն`
«1. Համաձայնության մասին արձանագրությունն ընդունելուց հետո դատարանը որոշում է կայացնում լրացուցիչ դատալսումներ անցկացնելու մասին:
2. Դատարանը չի ընդունում համաձայնության մասին արձանագրությունը և ընդհանուր կարգով շարունակում է նախնական դատալսումները, եթե, կողմերի բանակցությունների ընթացքում ծանոթանալով քրեական գործին, հանգել է հետևության, որ`
1) մեղադրյալին մեղսագրվող արարքն ակնհայտորեն կատարվել է մեղադրյալ չհանդիսացող այլ անձի կողմից կամ նրա մասնակցությամբ.
2) մեղադրյալին մեղսագրված արարքին տրված իրավական գնահատականն ակնհայտորեն չի համապատասխանում մեղադրանքի փաստական հանգամանքներին:
3. Դատարանը չի ընդունում համաձայնության մասին արձանագրությունը և սահմանում է նոր արձանագրություն կազմելու և դատարան ներկայացնելու առավելագույնը տասնհինգօրյա ժամկետ, եթե այն չի համապատասխանում սույն օրենսգրքի 460-րդ հոդվածով սահմանված պահանջներին, ինչպես նաև եթե համաձայնեցված պատիժը կամ բռնագրավման ենթակա գույքը կամ դրա չափն անօրինական է: Եթե դատարանի սահմանած ժամկետում կողմերը չեն ներկայացնում համաձայնության մասին պատշաճ արձանագրություն, ապա դատարանն ընդհանուր կարգով շարունակում է նախնական դատալսումները:»:
ՀՀ քրեական դատավարության օրենսգրքի 462-րդ հոդվածի համաձայն`
«1. Լրացուցիչ դատալսումներն անցկացվում են մեղադրյալի, նրա պաշտպանի, հանրային մեղադրողի, իսկ բանակցություններին մասնակցելու դեպքում` նաև տուժողի պարտադիր մասնակցությամբ:
2. Լրացուցիչ դատալսումներն սկսվում են հանրային մեղադրողի կողմից համաձայնության մասին արձանագրության հրապարակմամբ:
3. Համաձայնության մասին արձանագրության հրապարակումից հետո դատարանը մեղադրյալին հարցնում է, թե արդյոք նրան պարզ է կնքված համաձայնության բովանդակությունը, և արդյոք նա համաձայն է դրան: Այնուհետև դատարանը պարզում է, թե արդյոք մեղադրյալն արտահայտել է իր իրական կամքը, գիտակցում է կնքված համաձայնության հետևանքները և պնդում է արդյոք կնքված համաձայնությունը:
4. Դատարանը պաշտպանին և հանրային մեղադրողին հարցնում է, թե արդյոք նրանք պնդում են կնքված համաձայնությունը:
5. Դատարանը տուժողին հարցնում է, թե արդյոք նա պնդում է կնքված համաձայնությունը` հատուցման ենթակա վնասի չափի մասով:
6. Համաձայնության մասին արձանագրությունը հետազոտելուց հետո դատարանը հեռանում է առանձին սենյակ` նախապես հայտարարելով դատավճռի հրապարակման վայրը, տարին, ամիսը, օրը և ժամը:
7. Եթե սույն հոդվածի 3-5-րդ մասերում նշված հարցերից որևէ մեկին տրվում է ժխտական պատասխան, կամ մինչև դատարանի` առանձին սենյակ հեռանալը սույն հոդվածում նշված անձանցից որևէ մեկը հրաժարվում է կնքված համաձայնությունից, ապա դատարանը որոշում է կայացնում նախնական դատալսումները վերսկսելու մասին:»:
ՀՀ քրեական դատավարության օրենսգրքի 462-րդ հոդվածի համաձայն`
«1. Համաձայնեցման վարույթի արդյունքով դատարանը կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները:
2. Մեղադրական դատավճիռը պարունակում է համաձայնության մասին արձանագրության տեքստի բառացի շարադրանքը:
3. Մեղադրական դատավճռով դատարանը նշանակում է համաձայնության մասին արձանագրությամբ համաձայնեցված պատիժը (պատժատեսակն ու պատժաչափը), սահմանում է բռնագրավման ենթակա գույքը և դրա չափը:
4. Եթե առկա է գույքային հայց, ապա այն թողնվում է առանց լուծման:
5. Սույն օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից ենթակա չեն բռնագանձման:
6. Դատավճիռը հրապարակելուց հետո դատավորը կողմերին պարզաբանում է նաև դատավճիռը բողոքարկելու` սույն օրենսգրքով նախատեսված սահմանափակումները:»:
ՀՀ քրեական օրենսգրքի 77-րդ հոդվածի համաձայն`
«1. Համաձայնեցման վարույթ կիրառելու դեպքում պատիժը չի կարող գերազանցել սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի համար նախատեսված առավելագույն չափի կամ ժամկետի երկու երրորդը։ Եթե առավել խիստ պատժատեսակի երկու երրորդը պակաս է ստացվում սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի նվազագույն չափից կամ ժամկետից, ապա այն չի կարող պակաս լինել նվազագույն չափից կամ ժամկետից։
(…)
7. Սույն հոդվածի 1-3-րդ մասերով նախատեսված կանոններով պատժի նշանակման դեպքում սույն օրենսգրքի 76-րդ հոդվածով սահմանված կանոնները կիրառելի չեն։
(…)
9. Հանցագործությունների համակցության դեպքում պատիժ նշանակելիս սույն հոդվածի 1-5-րդ, 7-րդ և 8-րդ մասերով նախատեսված կանոնները կիրառելի են համակցության մեջ ընդգրկված յուրաքանչյուր հանցագործության համար առանձին:
10. Համաձայնեցման կամ համագործակցության կամ արագացված վարույթ կիրառելն արգելք չէ լրացուցիչ պատիժ կամ անվտանգության միջոց նշանակելու համար:»:
Հաշվի առնելով այն, որ սույն գործով համաձայնության մասին արձանագրությունը համապատասխանում է օրենքով սահմանված վերաբերելի պահանջներին` Դատարանը գտնում է, որ պետք է կայացվի մեղադրական դատավճիռ, իսկ պատժատեսակի, պատժաչափի և դրա կրման նպատակահարմարության հարցերը պետք է լուծվեն նշված արձանագրությամբ սահմանված ձևով:
Քննարկելով մեղադրյալ Զոհրապ Գևորգի Սահակյանի խափանման միջոցի հարցը, Դատարանը գտնում է, որ վերջինիս նկատմամբ ընտրված գրավի գումարը մինչ օրս չի վճարվել և նրա նկատմամբ մինչ այս պահը կիրառված է «Բացակայելու արգելք» խափանման միջոցը, որն ընտրված է ճիշտ և վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը:
Քննարկելով իրեղեն ապացույց ճանաչված՝ փաստաթղթերի պահպանման հարցը, Դատարանը գտնում է, որ դրանք պետք է պահել գործի հետ միասին:
Քննարկելով իրեղեն ապացույց ճանաչված՝ 4 համակարգիչների հարցը, Դատարանը գտնում է, որ դրանք պետք է վերադարձնել Զոհրապ Սահակյանին:
Քննարկելով արտավարութային փաստաթղթերի պահպանման հարցը՝ Դատարանը գտնում է, որ դրանք պետք է թողնել քրեական գործին կցված:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 463-րդ և 464-րդ հոդվածներով` դատարանը.

Վ Ճ Ռ Ե Ց

Զոհրապ Գևորգի Սահակյանին մեղավոր ճանաչել ՀՀ քրեական օրենսգրքի 470-րդ հոդվածի 2-րդ մասով, ՀՀ քրեական օրենսգրքի 470-րդ հոդվածի 2-րդ մասով, ՀՀ քրեական օրենսգրքի 470-րդ հոդվածի 2-րդ մասով, ՀՀ քրեական օրենսգրքի 470-րդ հոդվածի 2-րդ մասով, ՀՀ քրեական օրենսգրքի 470-րդ հոդվածի 2-րդ մասով, ՀՀ քրեական օրենսգրքի 470-րդ հոդվածի 2-րդ մասով:
ՀՀ քրեական օրենսգրքի 470-րդ հոդվածի 2-րդ մասով որպես պատիժ նշանակել 8 (ութ) ամիս ժամկետով ազատազրկում:
ՀՀ քրեական օրենսգրքի 470-րդ հոդվածի 2-րդ մասով որպես պատիժ նշանակել 8 (ութ) ամիս ժամկետով ազատազրկում:
ՀՀ քրեական օրենսգրքի 470-րդ հոդվածի 2-րդ մասով որպես պատիժ նշանակել 8 (ութ) ամիս ժամկետով ազատազրկում:
ՀՀ քրեական օրենսգրքի 470-րդ հոդվածի 2-րդ մասով որպես պատիժ նշանակել 8 (ութ) ամիս ժամկետով ազատազրկում:
ՀՀ քրեական օրենսգրքի 470-րդ հոդվածի 2-րդ մասով որպես պատիժ նշանակել 8 (ութ) ամիս ժամկետով ազատազրկում:
ՀՀ քրեական օրենսգրքի 470-րդ հոդվածի 2-րդ մասով որպես պատիժ նշանակել 8 (ութ) ամիս ժամկետով ազատազրկում:
ՀՀ քրեական օրենսգրքի 74-րդ հոդվածով սահմանված կարգով պատիժների մասնակի գումարմամբ Զոհրապ Գևորգի Սահակյանի նկատմամբ որպես վերջնական պատիժ նշանակել ազատազրկում՝ 3 (տարի) տարի 8 (ութ) ամիս ժամկետով:
ՀՀ Ազգային Ժողովի կողմից 2018 թվականի նոյեմբերի 01-ին ընդունված՝ «Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ օրենքի 2-րդ հոդվածի 1-ին մասի 1-ին կետի հիմքով՝ Զոհրապ Սահակյանին ազատել պատժի կրումից:
Զոհրապ Գևորգի Սահակյանի նկատմամբ ընտրված խափանման միջոցը` «Բացակայելու արգելքը» թողնել անփոփոխ՝ մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո իրեղեն ապացույց ճանաչված փաստաթղթերը թողնել կցված քրեական գործին:
Դատավճիռն օրինական ուժի մեջ մտնելուց հետո իրեղեն ապացույց ճանաչված թվով 4 համակարգիչները վերադարձնել Զոհրապ Գևորգի Սահակյանին:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի, կարող է բողոքարկվել ՀՀ վերաքննիչ քրեական դատարան` ստանալու օրվանից հետո մեկամսյա ժամկետում:

ԴԱՏԱՎՈՐ` Վ.Լ.ԳՐԻԳՈՐՅԱՆ