ԵԴ1/1320/01/25

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«29» ապրիլի 2025 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան), նախագահությամբ՝ դատավոր Մասիս Մելքոնյանի, քարտուղարությամբ՝ Մ.Մկրտչյանի, քննության առնելով համաձայնությամբ տուգանք նշանակելու վարույթի կարգով թիվ ԵԴ1/1320/01/25 վարույթն ըստ մեղադրանքի Խաչիկ Հովհաննեսի Ղզրոյանի (ծնված՝ 1999 թվականի մարտի 11-ին Երևան քաղաքում, ազգությամբ հայ, ՀՀ քաղաքացի, չդատված, հաշվառված և բնակվող՝ Երևան քաղաքի Մալաթիա-Սեբաստիա համայնքի Սվաճյան փողոցի 62 շ. 29 բն. հասցեում) ՀՀ քրեական օրենսգրքի 476-րդ հոդվածի 1-ին մասով.

Պ Ա Ր Զ Ե Ց

1. Գործի դատավարական նախապատմությունը.
1.1. 2025 թվականի մարտի 20-ին ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնի քննիչ Ա.Վարոսյանը կազմել է արձանագրություն՝ ՀՀ քրեական օրենսգրքի 476-րդ հոդվածի 1--ին մասով թիվ 16142725 համարի քրեական վարույթը նախաձեռնելու մասին:
1.2. 2024 թվականի դեկտեմբերի 12-ին ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնի քննիչ Ա.Վարոսյանը կազմել է արձանագրություն՝ ՀՀ քրեական օրենսգրքի 257-րդ հոդվածի 2-րդ մասի 3-րդ կետով թիվ 16855824 համարի քրեական վարույթը նախաձեռնելու մասին:
1.3. 2024 թվականի դեկտեմբերի 14-ին ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնի քննիչ Ա.Վարոսյանը թիվ 16855824 քրեական վարույթով որոշում է կայացրել Խաչիկ Ղզրոյանին որպես տուժող ճանաչելու մասին:
1.4. 2024 թվականի դեկտեմբերի 17-ին ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնի քննիչ Ա.Վարոսյանը որոշում է կայացրել թիվ 16855824 քրեական վարույթով Խաչիկ Ղզրոյանի տուժողի դատավարական կարգավիճակը դադարեցնելու մասին:
1.5. 2025 թվականի փետրվարի 13-ին ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնի քննիչ Ա.Վարոսյանը որոշում է կայացրել թիվ 16855824 քրեական վարույթը կարճել ՀՀ քրեական դատավարության օրենսգրքի 13-րդ հոդվածի 1-ին մասի 1-ին կետի հիմքով:
1.6. 2025 թվականի մարտի 20-ին ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնում որոշում է կայացվել թիվ 16142725 քրեական վարույթում առկա զննության ենթարկված՝ «Արձանագրություն հանցագործության մասին բանավոր հաղորդում ընդունելու մասին N025086» փաստաթուղթը, 12.12.2024 թ. թվագրմամբ թիվ 16855824 «Քրեական վարույթ նախաձեռնելու մասին արձանագրություն» վերտառությամբ փաստաթուղթը, Խաչիկ Ղզրոյանի վերաբերյալ «Որոշում տուժող ճանաչելու մասին» վերտառությամբ 14.12.2024 թ. թվագրմամբ փաստաթուղթը, «14.12.2024թ.» թվագրմամբ «Արձանագրություն տուժողի իրավունքների և պարտականությունների ծանոթացման մասին» վերտառությամբ փաստաթուղթը, «17.12.2024» թվագրմամբ Խաչիկ Ղզրոյանի վերաբերյալ 11:25-ից 12:05 ժամանակագրմամբ «ՀՀ քննչական կոմիտե արձանագրություն տուժողի հարցաքննության մասին» վերտառությամբ փաստաթուղթը, 17.12.2024 թվականին արտատպված՝ Նարեկ Հովհաննեսի Պետրոսյանի /05.11.2001 թ.ծ./ վերաբերյալ ձև 1 տեղեկանքը, 17.12.2024 թ. թվագրմամբ 19:03-ից 19:24 ժամանակագրառմամբ Հովհաննես Բաբկենի Ղզրոյանի «Վկայի հարցաքննության արձանագրություն» վերտառությամբ փաստաթուղթը, «Որոշում տուժողի դատավարական կարգավիճակը դադարեցնելու մասին» վերտառությամբ փաստաթղթի, «Դիմում» վերտառությամբ փաստաթուղթը, «Զննում կատարելու մասին արձանագրություն» վերտառությամբ փաստաթուղթը, թիվ 16855824 քրեական վարույթով «Որոշում քրեական վարույթը կարճելու մասին» վերտառությամբ փաստաթղթերը որպես արտավարութային փաստաթուղթ ճանաչելու մասին:
1.7. 2025 թվականի մարտի 31-ին Երևան քաղաքի Մալաթիա-Սեբաստիա վարչական շրջանի դատախազության ավագ դատախազ Վ.Սամսոնյանը որոշում է կայացրել թիվ 16142724 քրեական վարույթով Խաչիկ Հովհաննեսի Ղզրոյանի նկատմամբ ՀՀ քրեական օրենսգրքի 476-րդ հոդվածի 1-ին մասով հանրային քրեական հետապնդում հարուցելու մասին:
1.8. 2025 թվականի ապրիլի 01-ին ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնում որոշում է կայացվել թիվ 16142724 քրեական վարույթով մեղադրյալ Խաչիկ Հովհաննեսի Ղզրոյանի նկատմամբ որպես խափանման միջոց բացակայելու արգելքը կիրառելու մասին:
1.9. 2025 թվականի ապրիլի 05-ին ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնում թիվ 16142724 քրեական վարույթով կազմվել է արձանագրություն՝ համաձայնությամբ տուգանք նշանակելու վարույթ նախաձեռնելու մասին, որտեղ արձանագրվել է մեղադրյալ Խաչիկ Ղզրոյանի հայտարարությունը հետևյալ բովանդակությամբ․ Միաժամանակ խնդրում եմ նշանակվելիք տուգանքը տարաժամկետել 1 տարով՝ յուրաքանչյուր ամիս վճարման պայմանով:
1.10. 2025 թվականի ապրիլի 14-ին թիվ 16142725 քրեական վարույթը, հաստատված մեղադրական եզրակացությամբ, ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստանալով թիվ ԵԴ1/1320/01/25 դատական համարը, մակագրվել և ստացվել է նույն դատարանի դատավոր Մասիս Մելքոնյանի աշխատակազմում:
1.11. 2025 թվականի ապրիլի 15-ին Երևան քաղաքի առաջին ատյանի ընդհանուր իրավասության քրեական դատարանը, նախագահությամբ դատավոր Մասիս Մելքոնյանի, որոշում է կայացրել թիվ ԵԴ1/1320/01/25 քրեական գործը վարույթ ընդունելու և համաձայնությամբ տուգանք նշանակելու վարույթ հարուցելու մասին:
2. Մեղադրանքի փաստացի նկարագրությունը.
Խաչիկ Հովհաննեսի Ղզրոյանը մեղադրվում է ՀՀ քրեական օրենսգրքով նախատեսված, պատժի սպառնալիքով արգելված, այն հանցանքի մեղավորությամբ կատարման համար, որ նա, հանգուցյալ եղբոր՝ Նարեկ Հովհաննեսի Պետրոսյանի գերեզմանատան կառուցման համար նախատեսված գումարն իր անձնական կարիքների համար ծախսելուց հետո, ընտանիքի անդամների կողմից հնարավոր նախատինքներից խուսափելու նպատակով, հաստատապես համոզված լինելով, որ իր հայտնած տեղեկությունը սուտ է իրավասու մարմնում՝ ՀՀ ՆԳՆ ոստիկանության ՔՈԳՎ ԵՔՎ ՍԴՈՒՀԴՊ բաժնում, 2024 դեկտեմբերի 10-ին՝ ժամը 23:50-ին, տվել է հանցագործության մասին հաղորդում այն մասին, որ 2024 թվականի դեկտեմբերի 8-ից մինչև դեկտեմբերի 10-ը՝ ժամը 18:30-ն ընկած ժամանակահատվածում, անհայտ անձն իրեն անհայտ հանգամանքներում մուտք է գործել իր անվամբ բացված «Տոտո Գեյմինգ» կայք և դրան կցված «ԱմերիաԲանկ»-ի իր քարտից տարբեր ժամանակահատվածներում տարբեր չափերով գումարներ է փոխանցել իր «Տոտո գեյմինգ» կայքի հաշվեհամարին, որոնք խաղերի արդյունքում պարտվել է: Իր քարտից փոխանցված գումարների ընդհանուր չափը կազմում է 3.128.000 ՀՀ դրամ՝ իրեն պատճառելով գույքային վնաս:
Հաղորդման հիման վրա, 2024 թվականի դեկտեմբերի 12-ին ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչակաև բաժնում ՀՀ քրեական օրենսգրքի 257-րդ հոդվածի 2-րդ մասի 3-րդ կետով նախաձեռնվել է թիվ 16855824 քրեական վարույթը և դրա շրջանակներում կատարված նախաքննությամբ պարզվել ու հիմնավորվել է, որ Խաչիկ Ղզրոյանի կողմից հայտնած ենթադրյալ հանցագործության մասին տեղեկությունը սուտ է, այսինքն՝ նման դեպք տեղի չի ունեցել:
Այսինքն՝ Խաչիկ Հովհաննեսի Ղզրոյանը կատարել է հանցավոր արարքներ՝ նախատեսված ՀՀ քրեական օրենսգրքի 476-րդ հոդվածի 1-ին մասով:

3. Համաձայնությամբ տուգանք նշանակելու մասին վարույթ.

2025 թվականի ապրիլի 05-ին ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնում թիվ 16142724 քրեական վարույթով կազմվել է արձանագրություն՝ համաձայնությամբ տուգանք նշանակելու վարույթ նախաձեռնելու մասին, որտեղ արձանագրվել է մեղադրյալ Խաչիկ Ղզրոյանի հայտարարությունը հետևյալ բովանդակությամբ․ Միաժամանակ խնդրում եմ նշանակվելիք տուգանքը տարաժամկետել 1 տարով՝ յուրաքանչյուր ամիս վճարման պայմանով:
4. Դատավճռի պատճառաբանական մասը․
4.1. Դատարանի իրավական վերլուծությունը, դատարանի հետևությունները և դրանց իրավական հիմնավորումները.
Առաջադրված մեղադրանքը մեղադրյալ Խաչիկ Հովհաննեսի Ղզրոյանի կողմից ընդունելու և համաձայնությամբ տուգանք նշանակելու վարույթ կիրառելու պայմաններում Դատարանը, գործով ձեռք բերված ապացույցների ընդհանուր կարգով սահմանված հետազոտություն չկատարելով, արձանագրում է, որ Խաչիկ Հովհաննեսի Ղզրոյանը կատարել է իրեն մեղսագրված հանցանքը, այն ճիշտ է որակված և համապատասխանում է ՀՀ քրեական օրենսգրքի 476-րդ հոդվածի 1-ին մասով նախատեսված հանցագործության հատկանիշներին:
4.2. ՀՀ քրեական դատավարության օրենսգրքի (այսուհետ՝ օրենսգիրք) 55.2-րդ գլուխը կարգավորում է համաձայնությամբ տուգանք նշանակելու վարույթի կարգը:
4.3. Օրենսգրքի 464.6-րդ հոդվածը սահմանում է համաձայնությամբ տուգանք նշանակելու վարույթ սկսելու կարգը, համաձայն որի՝ 1. Սույն օրենսգրքի 199-րդ հոդվածով սահմանված կարգով նախաքննությունն ավարտելու դեպքում քննիչը, ստանալով հսկող դատախազի գրավոր համաձայնությունը, Հայաստանի Հանրապետության քրեական օրենսգրքի 3-րդ հոդվածի 1-ին մասի 2-րդ կետի իմաստով` առաջին անգամ հանցանք կատարած և ոչ մեծ ծանրության հանցագործության համար մեղադրվող մեղադրյալին գրավոր ծանուցում է նաև համաձայնությամբ տուգանք նշանակելու վարույթ կիրառելու հնարավորության և իրավական հետևանքների մասին: 2. Վարույթի նյութերը մեղադրյալի ծանոթացմանը ներկայացնելիս քննիչը ճշտում է համաձայնությամբ տուգանք նշանակելու վարույթ կիրառելու վերաբերյալ վերջինիս դիրքորոշումը: 3. Եթե մեղադրյալը չի վիճարկում իրեն ներկայացված մեղադրանքի փաստական հիմքն ու իրավական գնահատականը և պաշտպանի հետ խորհրդակցելուց հետո կամավոր ցանկություն է հայտնում, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով, ապա քննիչը մեղադրյալի բանավոր միջնորդության հիման վրա կազմում է համապատասխան արձանագրություն, որը ստորագրում են նաև մեղադրյալը և նրա պաշտպանը: Արձանագրությունը կցվում է մեղադրական եզրակացությանը: 4. Համաձայնությամբ տուգանք նշանակելու վարույթ նախաձեռնելու արձանագրություն կազմելուց առաջ քննիչն իրավասու է մեղադրյալին հարցեր տալու միջոցով հավաստիանալու, թե արդյոք մեղադրյալը գիտակցում է իր միջնորդության բնույթն ու հետևանքները:
4.4. Օրենսգրքի 464.7-րդ հոդվածը սահմանում է համաձայնությամբ տուգանք նշանակելու վարույթ իրականացնելու հիմքը և բացառող հանգամանքները, համաձայն որի՝ 1. Համաձայնությամբ տուգանք նշանակելու վարույթն իրականացվում է, եթե առկա է սույն օրենսգրքի 464.6-րդ հոդվածով սահմանված կարգով կազմված և ստորագրված արձանագրություն: 2. Համաձայնությամբ տուգանք նշանակելու վարույթ չի կարող իրականացվել, եթե` 1) մեղադրյալն անչափահաս է. 2) մեղադրյալը մեղադրվում է մեկից ավելի հանցանքներ կատարելու համար. 3) մեղադրյալին մեղսագրվող արարքի համար Հայաստանի Հանրապետության քրեական օրենսգրքով տուգանք պատժատեսակ սահմանված չէ.4) մեղադրյալին մեղսագրվող արարքով վնաս է պատճառվել մասնավոր անձի շահերին.5) գույքային հայց է հարուցվել մեղադրյալի կամ այն անձի դեմ, որի վրա կարող է գույքային պատասխանատվություն դրվել մեղադրյալի գործողությունների համար. 6) սույն օրենսգրքով սահմանված կարգով մեղադրական եզրակացությունը հաստատելիս հսկող դատախազն իրավական կամ փաստական հիմնավորմամբ առարկել է դրա դեմ` այդ մասին նշում կատարելով մեղադրական եզրակացությունը հաստատելու որոշման մեջ. 7) մեղադրյալը գրավոր հրաժարվել է համաձայնությամբ տուգանք նշանակելու վարույթ կիրառելուց. 8) խախտվել է սույն օրենսգրքի 464.6-րդ հոդվածով սահմանված կարգը:
4.5. Օրենսգրքի 464.8-րդ հոդվածը սահմանում է համաձայնությամբ տուգանք նշանակելու վարույթ կիրառելու հարցի լուծման կարգը, համաձայն որի՝ 1. Դատավորը քրեական գործն ստանալուց հետո հավաստիանալով, որ առկա է համաձայնությամբ տուգանք նշանակելու վարույթ կիրառելու հիմքը, և բացակայում են սույն օրենսգրքի 464.7-րդ հոդվածի 2-րդ մասով նախատեսված հանգամանքները, եռօրյա ժամկետում որոշում է կայացնում վարույթ ստանձնելու և համաձայնությամբ տուգանք նշանակելու վարույթ հարուցելու մասին: Հակառակ դեպքում կայացվում է սույն օրենսգրքի 310-րդ հոդվածի 2-րդ մասով նախատեսված որոշումը: 2. Համաձայնությամբ տուգանք նշանակելու վարույթ կիրառելու մասին որոշումը պետք է բովանդակի տեղեկություններ այն կայացրած դատարանի և դատավորի, քրեական գործն ստանալու և որոշումը կայացնելու օրվա, վարույթը գրավոր ընթացակարգով իրականացնելու, ինչպես նաև դատավճռի կայացման օրվա մասին: 3. Սույն հոդվածի 2-րդ մասով նախատեսված որոշումը կայացվելուց հետո` երկօրյա ժամկետում, դատավորը դրա պատճենն ուղարկում է հանրային մեղադրողին և վարույթի մասնավոր մասնակիցներին: 4. Դատարանը որոշում է կայացնում համաձայնությամբ տուգանք նշանակելու վարույթը դադարեցնելու և նախնական դատալսումներ նշանակելու մասին, եթե, ծանոթանալով քրեական գործին, հանգում է հետևության, որ` 1) մեղադրյալին մեղսագրվող արարքն ակնհայտորեն կատարվել է մեղադրյալ չհանդիսացող այլ անձի կողմից կամ նրա մասնակցությամբ. 2) մեղադրյալին մեղսագրվող արարքին տրված իրավական գնահատականն ակնհայտորեն չի համապատասխանում մեղադրանքի փաստական հանգամանքներին. 3) առկա է սույն օրենսգրքի 464.7-րդ հոդվածի 2-րդ մասով նախատեսված հանգամանքներից որևէ մեկը:
4.6. Օրենսգրքի 464.9-րդ հոդվածը սահմանում է համաձայնությամբ տուգանք նշանակելու վարույթով դատավճիռ կայացնելը, համաձայն որի՝ 1. Համաձայնությամբ տուգանք նշանակելու վարույթի արդյունքով դատարանը գրավոր ընթացակարգով կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները: 2. Դատավճիռը կայացվում է համաձայնությամբ տուգանք նշանակելու վարույթ կիրառելու մասին որոշումը կայացնելուց հետո` հնարավորին չափ սեղմ ժամկետում, սակայն ոչ ուշ, քան 15 օրվա ընթացքում: 3. Համաձայնությամբ տուգանք նշանակելու վարույթի արդյունքով մեղադրական դատավճիռ կայացնելիս դատարանը նշանակում է պատիժ` հաշվի առնելով Հայաստանի Հանրապետության քրեական օրենսգրքի 77-րդ հոդվածի վերաբերելի դրույթները: 4. Սույն օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից ենթակա չեն բռնագանձման: 5. Դատավճիռը պետք է պարունակի պարզաբանում այն բողոքարկելու` սույն օրենսգրքով նախատեսված սահմանափակումների վերաբերյալ: 6. Դատավճիռը կայացնելուց հետո` ոչ ուշ, քան հինգ օրվա ընթացքում, ուղարկվում է դատապարտված մեղադրյալին, նրա պաշտպանին, հանրային մեղադրողին:
4.7. Օրենսգրքի 464.10-րդ հոդվածը սահմանում է համաձայնությամբ տուգանք նշանակելու վարույթով դատավճռի բողոքարկման սահմանները, համաձայն որի՝ 1. Սույն օրենսգրքի 464.9-րդ հոդվածին համապատասխան կայացված դատավճիռը կարող է բողոքարկվել սույն օրենսգրքով սահմանված կարգով, սակայն այն չի կարող բողոքարկվել սույն օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերով:
4.8. Դատարանն արձանագրում է, որ համաձայնությամբ տուգանք նշանակելու մասին վարույթով մեղադրյալ Խաչիկ Հովհաննեսի Ղզրոյանը մեղադրվում է ոչ մեծ ծանրության մեկ արարք կատարելու համար, նրան մեղսագրվող արարքի համար որպես պատիժ տուգանքը նախատեսված է, մեղսագրվող արարքով մասնավոր անձի վնաս չի պատճառվել, գույքային հայց մեղադրյալի կամ այն անձի դեմ, որի վրա կարող է գույքային պատասխանատվություն դրվել, ներկայացված չէ, մեղադրյալը գրավոր կարգով համաձայնվել է համաձայնությամբ իր նկատմամբ որպես պատիժ տուգանք նշանակելուն, հսկող դատախազի կողմից մեղադրական եզրակացությունը հաստատելիս՝ չի առարկել համաձայնությամբ տուգանք նշանակելու վարույթի կիրառման դեմ:
4.9.Դատարանն արձանագրում է, որ համաձայնությամբ տուգանք նշանակելու վարույթի արդյունքում մեղադրական դատավճիռ կայացնելիս՝ Դատարանը նշանակում է պատիժ՝ հաշվի առնելով ՀՀ քրեական օրենսգրքի 77-րդ հոդվածի վերաբերելի դրույթները:
4.10. ՀՀ քրեական օրենսգրքի 77-րդ հոդվածը սահմանում է պատիժ նշանակելը համաձայնեցման կամ համագործակցության կամ արագացված կամ համաձայնությամբ տուգանք նշանակելու վարույթի դեպքում, համաձայն որի՝ (…) 6. Ավարտված կամ չավարտված հանցագործություններով համաձայնությամբ տուգանք նշանակելու վարույթի դեպքում նշանակվում է սույն օրենսգրքի Հատուկ մասի համապատասխան հոդվածի սանկցիայով նախատեսված տուգանքի նվազագույն չափը` առանց լրացուցիչ պատիժ և անվտանգության միջոց նշանակելու (…):
4.11. ՀՀ քրեական օրենսգրքի 476-րդ հոդվածի 1-ին մասը սահմանում է քրեական պատասխանատվություն սուտ մատնության` իրավասու մարմնին հանցագործության դեպքի կամ անձի կողմից հանցանք կատարելու մասին սուտ տեղեկություն տալու համար և պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ ազատության սահմանափակմամբ` առավելագույնը երկու տարի ժամկետով, կամ կարճաժամկետ ազատազրկմամբ` առավելագույնը երկու ամիս ժամկետով, կամ ազատազրկմամբ` առավելագույնը երկու տարի ժամկետով:
4.12. ՀՀ քրեական օրենսգրքի 3-րդ հոդվածի 2-րդ մասը սահմանում է առաջին անգամ հանցանք կատարած անձ հասկացությունը, համաձայն որի՝ առաջին անգամ հանցանք կատարած անձ, որը նախկինում հանցանք չի կատարել կամ կատարել է, սակայն ազատվել է քրեական պատասխանատվությունից, կամ որի դատվածությունը սույն օրենսգրքով սահմանված կարգով մարվել կամ վերացվել է։
4.13. Դատարանն արձանագրում է, որ համաձայնությամբ տուգանք նշանակելու մասին վարույթով մեղադրյալ Խաչիկ Հովհաննեսի Ղզրոյանը մեղադրվում է առաջին անգամ ոչ մեծ ծանրության մեկ արարք կատարելու համար, նրան մեղսագրվող արարքի համար որպես պատիժ տուգանքը նախատեսված է, մեղսագրվող արարքով մասնավոր անձի վնաս չի պատճառվել, գույքային հայց մեղադրյալի կամ այն անձի դեմ, որի վրա կարող է գույքային պատասխանատվություն դրվել, ներկայացված չէ, մեղադրյալը գրավոր կարգով համաձայնվել է համաձայնությամբ իր նկատմամբ որպես պատիժ տուգանք նշանակելուն, հսկող դատախազը, մեղադրական եզրակացությունը հաստատելիս, չի առարկել համաձայնությամբ տուգանք նշանակելու վարույթի կիրառման դեմ, հետևաբար, Դատարանը գտնում է, որ մեղադրյալի նկատմամբ որպես պատիժ պետք է նշանակվի տուգանքը՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով, միաժամանակ Դատարանը գտնում է, որ նշանակված տուգանքը պետք է տարաժամկետել և Խաչիկ Հովհաննեսի Ղզրոյանին թույլատրել դատավճռով նշանակված տուգանքը վճարել մաս առ մաս՝ 12 /տասներկու/ ամսվա ընթացքում: Դատարանը գտնում է, որ մեղադրյալ Խաչիկ Հովհաննեսի Ղզրոյանը նշանակված պատիժը պետք է կրի, քանի որ նրան պատժից ազատելու հիմքեր առկա չեն։
4.14. Դատարանը, անդրադառնալով ՀՀ քրեական դատավարության 348-րդ հոդվածով նախատեսված՝ դատավճիռ կայացնելիս դատարանի լուծմանն ենթակա մյուս հարցերին, արձանագրում է, որ գույքային հայց ներկայացված չէ, առկա չէ նաև հատուցման ենթակա գույքային այլ վնաս և դրա ապահովման նպատակով արգելադրված որևէ գույք։
4.15. Համաձայնությամբ տուգանք նշանակելու վարույթով ՀՀ քրեական դատավարության օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից բռնագանձման ենթակա չեն:
4.16. Անդրադառնալով Խաչիկ Հովհաննեսի Ղզրոյանի նկատմամբ որպես խափանման միջոց կիրառված բացակայելու արգելքին՝ Դատարանը գտնում է, որ այն կիրառված է ճիշտ, դա փոփոխելու և վերացնելու հիմքեր առկա չեն, իսկ դատավճիռն օրինական ուժի մեջ մտնելուց հետո այն ենթակա է վերացման:
4.17. Անդրադառնալով արտավարութային փաստաթղթեր ճանաչված քրեական վարույթում առկա զննության ենթարկված՝ «Արձանագրություն հանցագործության մասին բանավոր հաղորդում ընդունելու մասին N025086» փաստաթղթի, 12.12.2024 թ. թվագրմամբ թիվ 16855824 «Քրեական վարույթ նախաձեռնելու մասին արձանագրություն» վերտառությամբ փաստաթղթի, Խաչիկ Ղզրոյանի վերաբերյալ «Որոշում տուժող ճանաչելու մասին» վերտառությամբ 14.12.2024 թ. թվագրմամբ փաստաթղթի, «14.12.2024թ.» թվագրմամբ «Արձանագրություն տուժողի իրավունքների և պարտականությունների ծանոթացման մասին» վերտառությամբ փաստաթուղթը, «17.12.2024» թվագրմամբ Խաչիկ Ղզրոյանի վերաբերյալ 11:25-ից 12:05 ժամանակագրմամբ «ՀՀ քննչական կոմիտե արձանագրություն տուժողի հարցաքննության մասին» վերտառությամբ փաստաթղթի, 17.12.2024 թվականին արտատպված՝ Նարեկ Հովհաննեսի Պետրոսյանի /05.11.2001 թ.ծ./ վերաբերյալ ձև 1 տեղեկանքը, 17.12.2024 թ. թվագրմամբ 19:03-ից 19:24 ժամանակագրառմամբ Հովհաննես Բաբկենի Ղզրոյանի «Վկայի հարցաքննության արձանագրություն» վերտառությամբ փաստաթուղթը, «Որոշում տուժողի դատավարական կարգավիճակը դադարեցնելու մասին» վերտառությամբ փաստաթղթի, «Դիմում» վերտառությամբ փաստաթղթի, «Զննում կատարելու մասին արձանագրություն» վերտառությամբ փաստաթղթի, թիվ 16855824 քրեական վարույթով «Որոշում քրեական վարույթը կարճելու մասին» վերտառությամբ փաստաթղթերի պահպանության հարցին՝ Դատարանը գտնում է, որ դրանք պետք է թողնել կցված քրեական գործի նյութերին:
5. Դատարանի եզրահանգումը.
Ղեկավարվելով ՀՀ քրեական դատավարության օրենսգրքի 55.2-րդ գլխի կարգավորումներով, ղեկավարվելով ՀՀ քրեական դատավարության օրենսգրքի 347-350-րդ հոդվածներով՝ Դատարանը.

Վ Ճ Ռ Ե Ց

1. Խաչիկ Հովհաննեսի Ղզրոյանին մեղավոր ճանաչել ՀՀ քրեական օրենսգրքի 476-րդ հոդվածի 1-ին մասով նախատեսված արարք կատարելու համար:
2. Խաչիկ Հովհաննեսի Ղզրոյանին ՀՀ քրեական օրենսգրքի 476-րդ հոդվածի 1-ին մասով նախատեսված արարք կատարելու համար դատապարտել տուգանքի՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
3. Խաչիկ Հովհաննեսի Ղզրոյանին թույլատրել դատավճռով նշանակված տուգանքը վճարել մաս առ մաս՝ 12 /տասներկու/ ամսվա ընթացքում:
4. Խաչիկ Հովհաննեսի Ղզրոյանի նկատմամբ ընտրված բացակայելու արգելք խափանման միջոցը թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
5. Դատավճռի օրինակները տրամադրել վարույթի հանրային և մասնավոր մասնակիցներին:
6. Դատավճիռը կարող է բողոքարկվել ՀՀ վերաքննիչ քրեական դատարան դատական ակտը ստանալու օրվանից հետո` մեկամսյա ժամկետում, բացառությամբ՝ չի կարող բողոքարկվել ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի:

ԴԱՏԱՎՈՐ ՄԱՍԻՍ ՄԵԼՔՈՆՅԱՆ