ԵԴ1/1285/01/25


ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


«23» Մայիսի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ նաև Դատարան)՝
նախագահող դատավոր՝ ԱՐՇԱԿ ՄԱԹԵՎՈՍՅԱՆ
քարտուղարությամբ՝ ՌՈԲԵՐՏ ՍԻՐԱԿԱՆՅԱՆԻ
հանրային մեղադրող՝ ԱՐՍԵՆ ԵՂԻԱԶԱՐՅԱՆԻ
մեղադրյալ՝ ԱՐՏԵՄ ԳՐԻԳՈՐՅԱՆԻ
դռնբաց դատական նիստում քննելով Արտեմ Մարտինի Գրիգորյանի (1) վերաբերյալ քրեական գործն ըստ մեղադրանքի՝ ՀՀ քրեական օրենսգրքի 344 հոդվածի 2-րդ մասով.







1. ՄԵՂԱԴՐԱՆՔԻ ՓԱՍՏԱԿԱՆ ՆԿԱՐԱԳՐՈՒԹՅՈՒՆԸ.
Թիվ 60750524 քրեական վարույթով Արտեմ Մարտինի Գրիգորյանին ՀՀ քրեական օրենսգրքի 344 հոդվածի 2-րդ մասով մեղադրանք է ներկայացվել հետևյալ արարքի համար.
«2024 թվականի դեկտեմբերի 6-ին՝ ժամը 04:52-ի սահմաններում, Երևան քաղաքի Խորենացի փողոցում ծառայություն իրականացնելիս, ՀՀ ՆԳՆ ոստիկանության պարեկային ծառայության 2-րդ գումարտակի աշխատակիցների կողմից կանգնեցվել է «Նիսսան» մակնիշի 91 OH 100 հաշվառման համարանիշի ավտոմեքենան և պարզվել է, որ հիշյալ տրանսպորտային միջոցի վարորդ՝ Արտեմ Մարտինի Գրիգորյանը, չունենալով տրանսպորտային միջոց վարելու իրավունք, հարբած վիճակում (մեկ լիտր արտաշնչած օդի մեջ ալկոհոլի պարունակությունը կազմել է 0,707մգ/լ) վարել է վերոհիշյալ տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության 2-րդ գումարտակի 1-ին վաշտի պարեկ, ոստիկանության ավագ սերժանտ Արմեն Կորյունի Ստեփանյանի կողմից կազմվել է վարչական իրավախախտման վերաբերյալ թիվ 8180418924 արձանագրությունը»։

2. ԴԱՏԱՔՆՆՈՒԹՅԱՆ ԸՆԹԱՑՔՈՒՄ ՀԵՏԱԶՈՏՎԱԾ ԹՈՒՅԼԱՏՐԵԼԻ ԱՊԱՑՈՒՅՑՆԵՐԸ.
ՀԻՄՆԱԿԱՆ ԴԱՏԱԼՍՈՒՄՆԵՐ

2.1 «Զննում կատարելու մասին» 2025 թվականի մարտի 3-ի արձանագրության համաձայն.
«2024 թվականի դեկտեմբերի 6-ին՝ ժամը 05:00-ին, Երևան քաղաքի Սարի Թաղում ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 1-ին վաշտի կրտսեր պարեկ Արմեն Ստեփանյանի /կրծքանշան թիվ 12087/ կողմից կազմվել է վարչական իրավախախտման վերաբերյալ թիվ 8180418924 արձանագրությունը, համաձայն որի՝ Արտեմ Մարտինի Գրիգորյանը (ծնված՝ 24.02.1991թ.) չունենալով տրանսպորտային միջոցներ վարելու իրավունք, ժամը՝ 04:52-ին, Երևան քաղաքի Խորենացի փողոցում՝ ոչ սթափ վիճակում վարել է «Նիսսան» մակնիշի 91 OH 100 հաշվառման համարանիշի տրանսպորտային միջոցը։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը ծանոթացա, իմ իրավունքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն:
Ալկոհոլի պարունակության ստուգման կտրոնի զննությամբ պարզվեց, որ ստուգաչափման սարքի համարն է՝ 91101104 զննման համարը՝ 02821, զննման ամսաթիվը՝ 06.12.2024թ., զննման ժամը՝ 04:56:08, վերջին ստուգաչափման ամսաթիվը՝ 05.04.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.707մգ/լ, վարորդի անունն է՝ Արտեմ, ազգանունը՝ Գրիգորյան, տրանսպորտային միջոցի համարանիշը՝ 91 OH 100, ՀԾՀ 3402910640, Պ/Ծ ազգանունը՝ Ստեփանյան, կրծքանշանի համարը՝ 12087, ստորաբաժանում՝ 2-րդ գումարտակ, 1-ին վաշտ:
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 120901 ստուգաչափման վկայականի զննությամբ պարզվեց, որ վկայականը ուժի մեջ է 2024 թվականի ապրիլի 05-ից մինչև 2025 թվականի ապրիլի 05-ը, ստուգաչափման սարքի գործարանային համարն է 91101104, տեսակը՝ Jupiter X/RP, չափման տիրույթը՝ 0.00÷2.000մգ/լ, ճշտության դասը, կարգը /սխալանքը/ ±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008 МП 242-1353-2012, ստուգաչափող անվան դիմաց առկա է ստորագրություն և նշված է Վ.Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության զննությամբ պարզվեց, որ Արտեմ Մարտինի Գրիգորյանի /սոցիալական քարտ՝ 3402910640/ անվամբ վարորդական վկայական առկա չէ:
(...)»: (2)
2.2 Արտավարութային փաստաթուղթ ճանաչված՝ վարչական իրավախախտման վերաբերյալ թիվ 8180418924, ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրի, սթափության վիճակի զննության թիվ 02821 կտրոնի և ստուգաչափման 91101104 համարի սարքի և այդ սարքի թիվ 120901 վկայականի պատճենները պարունակում են դատավճռի 2.1 կետում նշված նույնական տվյալներ։ (3)

ԼՐԱՑՈՒՑԻՉ ԴԱՏԱԼՍՈՒՄՆԵՐ

2.3 Դատվածությունների և հետախուզման առկայության Ձև 8 հարցման պատասխանի, համաձայն՝
-Արտեմ Մարտինի Գրիգորյանը Երևան քաղաքի առաջին ատյանի ընդհանուր իրավասության քրեական դատարանի 2023 թվականի մարտի 17-ի դատավճռով մեղավոր է ճանաչվել ՀՀ քրեական օրենսգրքի 344 հոդվածի 2-րդ մասով նախատեսված հանցանքը կատարելու մեջ, և վերջինի նկատմամբ որպես պատիժ նշանակվել է տուգանք՝ 340.000 ՀՀ դրամի չափով, որը 2024 թվականի փետրվարի 29-ին վճարվել է:
2.4 ՀՀ քաղաքացիական կացության ակտերի գրանցման տվյալների շտեմարանում միասնական էլեկտրոնային տեղեկատվական համակարգի միջոցով կատարված հարցմանն ի պատասխան ստացվել են՝
-ամուսնության պետական գրանցման թիվ 312 ակտը, համաձայն որի Արտեմ Մարտինի Գրիգորյանը և Ռիմա Արսենի Գրիգորյանն ամուսնացած են,
-ծննդի պետական գրանցման թիվ 1035 ակտը, համաձայն որի՝ 2013 թվականի հունիսի 20-ին ծնված Անժելա Գրիգորյանի հայրն է Արտեմ Մարտինի Գրիգորյանը,
-ծննդի պետական գրանցման թիվ 1955 ակտը, համաձայն որի՝ 2011 թվականի հոկտեմբերի 20-ին ծնված Մարտին Գրիգորյանի հայրն է Արտեմ Մարտինի Գրիգորյանը:
2.5 ՀՀ պետական եկամուտների կոմիտեի հարկ վճարողների սպասարկման վարչության պետի 2025 թվականի ապրիլի 22-ի գրության համաձայն՝ Արտեմ Մարտինի Գրիգորյանը հանցանքն ավարտվելու օրվան նախորդող 12 ամիսների ընթացքում չի հանդիսացել վարձու աշխատող։ Հարկային մարմնի տեղեկատվական բազայում առկա չեն նաև Արտեմ Մարտինի Գրիգորյանի կողմից իր ակտիվների ներդրմամբ (տրամադրմամբ) այլ անձանց գործունեությունից ստացված եկամուտի (շահաբաժնի, տոկոսի, ռոյալթիի, վարձակալական վճարի) վերաբերյալ տվյալներ։
Միևնույն ժամանակ գրությամբ հայտնվել է, որ Արտեմ Գրիգորյանը 2023 թվականին ստացել է 800.000 ՀՀ դրամ վարձակալական վճար, որից հաշվարկվել է 80.000 ՀՀ դրամ եկամտային հարկ: (4)
Քննարկման ենթակա հարցերի վերաբերյալ կողմերի դիրքորոշումները.
2.6 Պատժի վերաբերյալ հարցերը քննարկելիս հանրային մեղադրողը Դատարանին խնդրեց Արտեմ Մարտինի Գրիգորյանի նկատմամբ որպես պատիժ նշանակել տուգանք՝ նվազագույն աշխատավարձի հնգապատիկի չափով:
2.7 Մեղադրյալ Արտեմ Գրիգորյանն, ըստ էության, նշեց, որ չի ցանկանում կատարել հանրային աշխատանքներ:

3. ԴԱՏԱՐԱՆԻ ՓԱՍՏԱԿԱՆ ՎԵՐԼՈՒԾՈՒԹՅՈՒՆՆԵՐԸ ԵՎ ԴԱՏԱՐԱՆԻ ԿՈՂՄԻՑ ՀԱՍՏԱՏՎԱԾ ԿԱՄ ՀԵՐՔՎԱԾ ՓԱՍՏԱԿԱՆ ՀԱՆԳԱՄԱՆՔՆԵՐԸ.
3.1 Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում, որ Արտեմ Մարտինի Գրիգորյանը, չունենալով տրանսպորտային միջոց վարելու իրավունք, 2024 թվականի դեկտեմբերի 6-ին՝ ժամը 04:52-ի սահմաններում, գտնվելով հարբած (հաշվի առնելով ստուգաչափման սարքի հնարավոր սխալանքը մեկ լիտր արտաշնչած օդի մեջ ալկոհոլի պարունակությունը կազմել է 0,6363 մգ/լ), վարել է «Նիսսան» մակնիշի 91 OH 100 հաշվառման համարանիշի տրանսպորտային միջոցը:
3.2 Լրացուցիչ դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում նաև սույն քրեական գործի լուծման համար նշանակություն ունեցող հետևյալ փաստական հանգամանքները.
-Արտեմ Գրիգորյանն ամուսնացած է, խնամքին են երկու անչափահաս երեխաներ։
-Հանցանքն ավարտվելու օրվան նախորդող 12 ամիսների ընթացքում Արտեմ Գրիգորյանի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից։
4. ԴԱՏԱՐԱՆԻ ԻՐԱՎԱԿԱՆ ՎԵՐԼՈՒԾՈՒԹՅՈՒՆՆԵՐԸ, ՀԵՏԵՎՈՒԹՅՈՒՆՆԵՐՆ ՈՒ ՈՐՈՇՈՒՄՆԵՐԸ.
4.1 Դատարանի կողմից հաստատված փաստական հանգամանքների և 2025 թվականի մայիսի 23-ին կայացված մեղադրական վերդիկտի հիման վրա Դատարանն ապացուցված է համարում մեղադրյալ Արտեմ Մարտինի Գրիգորյանին վերագրվող արարքը, այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, սահմանելով, որ դատապարտված մեղադրյալի կողմից կատարված արարքի նկատմամբ ենթակա է կիրառման ՀՀ քրեական օրենսգրքի 344 հոդվածի 2-րդ մասը։
4.2 Դատարանի կողմից հաստատված փաստական հանգամանքների հիման վրա Դատարանն արձանագրում է, որ Արտեմ Մարտինի Գրիգորյանի պատասխանատվությունն ու պատիժը մեղմացնող ՀՀ քրեական օրենսգրքի 70 հոդվածով նախատեսված հանգամանք է պատիժ նշանակելու պահին մեղադրյալի խնամքի տակ երկու անչափահաս երեխաների առկայությունը:
Դատարանն արձանագրում է, որ Արտեմ Մարտինի Գրիգորյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71 հոդվածով նախատեսված հանգամանքներ առկա չեն:
4.3 Կատարած հանցանքների համար մեղադրյալ Արտեմ Մարտինի Գրիգորյանը ենթակա է պատժի։
4.4 Պատժի տեսակն ու չափը որոշելիս՝ Դատարանը հաշվի է առնում հետևյալը՝
-Արտեմ Մարտինի Գրիգորյանի կատարած հանցանքի հանգամանքները, հանրային վտանգավորության աստիճանն ու բնույթը, մասնավորապես՝ այն, որ նրա կատարած հանցանքը դասվում է ոչ մեծ ծանրության հանցագործությունների շարքին։
-Արտեմ Մարտինի Գրիգորյանի անձը բնութագրող տվյալները, պատասխանատվությունը և պատիժը մեղմացնող հանգամանքի առկայությունն ու ծանրացնող հանգամանքների բացակայությունը, ՀՀ քրեական օրենսգրքի 69 հոդվածի 2-րդ մասում թվարկված մյուս հանգամանքները։
Այսպիսով, Դատարանը գտնում է, որ ՀՀ քրեական օրենսգրքի 55 հոդվածի 2-րդ մասով սահմանված պատժի նպատակներն ապահովելու համար Արտեմ Մարտինի Գրիգորյանի կողմից ՀՀ քրեական օրենսգրքի 344 հոդվածի 2-րդ մասով կատարված հանցագործության բնույթին, վտանգավորության աստիճանին, դրա կատարելու հանգամանքներին, ինչպես նաև հանցավորի անձին համաչափ պատիժ է հնգապատիկի չափով տուգանքը:
Հիմք ընդունելով ՀՀ քրեական օրենսգրքի 59 հոդվածի 5-րդ մասը, և հաշվի առնելով վերջին հանցանքն ավարտվելու օրվան նախորդող 12 ամիսների ընթացքում Արտեմ Գրիգորյանի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից՝ տուգանքի չափը պետք է հաշվարկել հանցանքը կատարելու պահին՝ 2024 թվականի դեկտեմբերի 6-ին ՀՀ նվազագույն աշխատավարձի՝ 75.000 (յոթանասունհինգ հազար) ՀՀ դրամի չափով:
• Այսպիսով, Դատարանը գտնում է, որ ՀՀ քրեական օրենսգրքի 344 հոդվածի 2-րդ մասով նախատեսված հանցանքի համար Արտեմ Մարտինի Գրիգորյանի նկատմամբ պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
4.5 Դատարանը գտնում է, որ կատարած հանցանքի համար Արտեմ Մարտինի Գրիգորյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
4.6 Արտեմ Մարտինի Գրիգորյանը պետք է կրի իր նկատմամբ նշանակված պատիժը, քանի որ նրան պատժից ազատելու հիմքեր առկա չեն։
4.7 ՀՀ քրեական դատավարության օրենսգրքի 348 հոդվածի 1-ին մասի 11-14-րդ հարցերին անդրադառնալու անհրաժեշտությունը սույն քրեական գործով բացակայում է։
4.8 Արտեմ Մարտինի Գրիգորյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ՝ մինչև դրա իրավաչափության պայմանների փոփոխումը՝ բայց ոչ ավելի, քան դատավճռի օրինական ուժի մեջ մտնելը, քանի որ այն բավարար է մեղադրյալի կողմից ՀՀ քրեական դատավարության օրենսգրքի 116 հոդվածի 2-րդ մասով նախատեսված որևէ գործողություն կատարելու ռիսկերը չեզոքացնելու համար։
4.9 ՀՀ քրեական դատավարության օրենսգրքի 167 հոդվածի 1-ին մասի 1-6-րդ կետերով նախատեսված վարութային ծախսեր սույն քրեական գործով առկա չեն, իսկ 7-րդ կետով նախատեսված ծախսերի վերաբերյալ տվյալները բացակայում են: Ավելին՝ այդ վարութային ծախսերի հատուցման պահանջ Դատարանին չի ներկայացվել, որպիսի պայմաններում վարութային ծախսերի հարցը պետք է համարել լուծված։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 167, 276, 347, 348, 349 և 364 հոդվածներով՝ Դատարանը

Վ Ճ Ռ Ե Ց

1. Արտեմ Մարտինի Գրիգորյանին մեղավոր ճանաչել ՀՀ քրեական օրենսգրքի 344 հոդվածի 2-րդ մասով նախատեսված հանցանքը կատարելու մեջ, և նրա նկատմամբ պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
2. Արտեմ Գրիգորյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ՝ մինչև դրա իրավաչափության պայմանների փոփոխումը՝ բայց ոչ ավելի, քան դատավճռի օրինական ուժի մեջ մտնելը։
3. Վարութային ծախսերի հարցը համարել լուծված:
Դատավճիռը վերաքննության կարգով կարող է բողոքարկվել Հայաստանի Հանրապետության վերաքննիչ քրեական դատարան՝ ստանալու օրվանից հետո՝ մեկամսյա ժամկետում:



ԴԱՏԱՎՈՐ ԱՐՇԱԿ ՄԱԹԵՎՈՍՅԱՆ


(1)Ծնված՝ 1991 թվականի փետրվարի 24-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, դատվածություն չունեցող, ամուսնացած, խնամքին երկու անչափահաս երեխա, զբաղվում է ձեռնարկատիրական գործունեությամբ, հաշվառված է և բնակվում է Երևան քաղաքի Սարիթաղ 5 փողոցի թիվ 18 տանը, որպես խափանման միջոց է կիրառված բացակայելու արգելքը:
(2)Տե՛ս, քրեական գործ, հատոր 1, թերթեր 13-14:
(3)Տե՛ս, քրեական գործ, հատոր 1, թերթեր 4-7:
(4)2.3-2.5 կետերի վերաբերյալ տե՛ս Դատարանում ստեղծված նյութերը: