ԵԴ1/1237/01/25



ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2026 թվականի փետրվարի 25-ին քաղաք Երևան

Երևան քաղաքի առաջին ատյանի ընդհանուր իրավասության քրեական դատարանը /այսուհետ նաև` Դատարան/` հետևյալ կազմով

Նախագահությամբ դատավոր՝ Վ.Մելիքյանի
Քարտուղարությամբ՝ Մ.Ներսիսյանի
Ա.Բարսամյանի
Մասնակցությամբ.
Հանրային մեղադրող՝ Հ.Պողոսյանի
Պաշտպան՝ Դ.Իսրայելյանի
Մեղադրյալ՝ Ա.Ավագիմյանի

դռնբաց դատական նիստում քննության առնելով քրեական գործն ըստ մեղադրանքի Արտակ Վազգենի Ավագիմյանի (ծնված՝ 05.12.1995թ., ազգությամբ հայ, չդատված, չի աշխատում, ամուսնացած՝ խնամքին մեկ անչափահաս երեխա, փաստացի բնակվում է Արմավիրի մարզ, Հովտամեջ բնակավայր, Վահան Տերյան փ., 46 տուն հասցեում) ՀՀ քրեական օրենսգրքի 335-րդ հոդվածի 1-ին,
1.Գործի դատավարական նախապատմությունը.
15.02.2025 թվականին ՀՀ ՆԳՆ ՔՈԳՎ ԵՔՎ աշխատակիցների կողմից ձերբակալվել է Արտակ Վազգենի Ավագիմյանը /հատոր 1-ին, գ.թ. 4/:
15.02.2025 թվականին ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական բաժնում նախաձեռնվել է թիվ 08118525 քրեական վարույթը /հատոր 1-ին, գ.թ. 11/:
17.02.2025 թվականին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Հ.Պողոսյանի որոշմամբ Արտակ Վազգենի Ավագիմյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 335-րդ հոդվածի 1-ին մասով /հատոր 1-ին, գ.թ. 41-42/:
17.02.2025 թվականին Երևան քաղաքի առաջին ատյանի ընդհանուր իրավասության քրեական դատարանի թիվ ԵԴ1/0215/06/25 որոշմամբ մեղադրյալի նկատմամբ կալանքը որպես խափանման միջոց կիրառելու միջնորդությունը բավարարվել է մասնակի՝ մեղադրյալի նկատմամբ խափանման միջոց է կիրառվել վարչական հսկողությունը /հատոր 1-ին, գ.թ. 53-54/:
17.02.2025 թվականին նախաքննական մարմնի որոշմամբ մեղադրյալի նկատմամբ խափանման միջոց է կիրառվել նաև բացակայելու արգելքը /հատոր 1-ին, գ.թ. 56-57/:
29.03.2025 թվականին նախաքննական մարմնի որոշմամբ ՀՀ քրեական օրենսգրքի 336-րդ հոդվածի 1-ին մասով նախաձեռնվել է թիվ 08134525 քրեական վարույթը /հատոր 1-ին, գ.թ. 141-142/:
Թիվ ԵԴ1/1237/01/25 (08118525 նախաքննական համար) քրեական գործն ըստ մեղադրանքի Արտակ Վազգենի Ավագիմյանի ՀՀ քրեական օրենսգրքի 335-րդ հոդվածի 1-ին մասով ուղարկվել է Երևան քաղաքի առաջին ատյանի ընդհանուր իրավասության քրեական դատարան և համակարգչային ծրագրի միջոցով իրականացվող գործերի բաշխմամբ մակագրվել է դատավոր Վահագն Մելիքյանին:
Քրեական գործը դատավորի աշխատակազմին է փոխանցվել 09.04.2025 թվականին:
Դատարանի 14.04.2025 թվականի որոշմամբ քրեական գործը վարույթ է ստանձնվել և նախնական դատալսումներ է նշանակվել:
Նախնական դատալսումների ընթացքում մեղադրյալ Արտակ Վազգենի Ավագիմյանի նկատմամբ ընտրված բացակայելու արգելք և վարչական հսկողություն խափանման միջոցները թողնվել է անփոփոխ:
25.02.2025 թվականին Դատարանը կայացրել է մեղադրական վերդիկտ և նույն օրը որոշում է կայացրել լրացուցիչ դատալսումների անցնելու մասին:
2.Մեղադրանքի փաստական նկարագրությունը.
Արտակ Վազգենի Ավագիմյանի նկատմամբ ՀՀ քրեական օրենսգրքի 335-րդ հոդվածի 1-ին մասով հանրային քրեական հետապնդում է հարուցվել այն բանի համար, որ նա չունենալով «Զենքի շրջանառության կարգավորման մասին» ՀՀ օրենքով սահմանված հրազենի, ռազմամթերքի շրջանառություն իրականացնելու՝ այն ձեռք բերելու, պահելու կամ կրելու իրավունք, ապօրինի ձեռք է բերել և իր կողմից շահագործվող «Տոյոտա» մակնիշի 90 SA 001 պետհամարանիշների ավտոմեքենայում ապօրինի պահել է 9մմ տրամաչափի «BAIKAL-442» տեսակի «2044280331» համարի ակոսափող հրազեն հանդիսացող ատրճանակ, 9մմ տրամաչափի ինքնաշեն եղանակով պատրաստված ակոսափող հրազեն հանդիսացող թմբուկավոր ատրճանակ և հրազենի համար նախատեսված, ռազմամթերք հանդիսացող գործարանային արտադրության 9մմ տրամաչափի թվով 3 հատ փամփուշտներ։
Այսպես.
Արտակ Վազգենի Ավագիմյանը, չունենալով «Զենքի շրջանառության կարգավորման մասին» ՀՀ օրենքով սահմանված հրազենի, ռազմամթերքի շրջանառություն իրականացնելու` այն ձեռք բերելու, պահելու կամ կրելու իրավունք, ինչպես նաև հրազենի և ռազմամթերքի շրջանառություն իրականացնելու՝ ՀՀ ոստիկանությունում օրենքով սահմանված կարգով ձևակերպված համապատասխան թույլտվություն, քննությամբ դեռևս չպարզված ժամանակ և հանգամանքներում ապօրինի կերպով ձեռք է բերել և 2025 թվականի փետրվարի 15-ին՝ ժամը 16:10-ի սահմաններում, գտնվելով Երևան քաղաքի Խորենացի փողոցի 24 հասցեի մոտակայքում, իր կողմից շահագործվող «Տոյոտա» մակնիշի 90 SA 001 պետհամարանիշների ավտոմեքենայի հետևի նստատեղի վրա գտնվող ձեռքի պայուսակում, ապօրինի պահել է 9 մմ տրամաչափի, «BAIKAL-442» տեսակի, «2044280331» համարի, կրակելու համար պիտանի, ակոսափող հրազեն հանդիսացող ատրճանակ, 9մմ տրամաչափի փամփուշտներով կրակելու համար պիտանի, ինքնաշեն եղանակով պատրաստված, ակոսափող հրազեն հանդիսացող թմբուկավոր ատրճանակ և հրազենի համար նախատեսված, գործարանային արտադրության ռազմամթերք հանդիսացող ու 9մմ տրամաչափի ակոսափող զենքերից կրակելու համար պիտանի 9մմ տրամաչափի թվով 3 հատ փամփուշտներ, որոնք հայտնաբերվել են 2025 թվականի փետրվարի 15-ին ՀՀ ՆԳՆ ոստիկանության ՔՈԳՎ Երևան քաղաքի վարչության աշխատակիցների կողմից:
3.Դատաքննությամբ հետազոտված թույլատրելի ապացույցները.
Մեղադրյալ Արտակ Վազգեն Ավագիմյանը հիմնական դատալսումների ընթացքում ցուցմունք է տվել այն մասին, որ ինքը 15.02.2025 թվականին գտնվել է «Ոսկու շուկայի» մոտ, ոստիկաններն իրեն ձերբակալել են, ստուգել, իր մոտ որևէ առարկա չի եղել, հետո ինքն ասել է, որ մեքենան «Ոսկու շուկայի» հետնամասում է, գնացել են այնտեղ, մեքենայի հետևի նստատեղի տակ գտնվող պայուսակի միջից հանել է զենքերը և ներկայացրել նրանց: Պայուսակը տեսանելի վայրում չի եղել: Ինքն այդ օրը գնացել էր ոսկու շուկա՝ ոսկի գնելու համար: Այդ մեքենան պատկանում է իր ընկերոջը, սակայն այն մշտապես շահագործում է ինքը: Նշված զենքերը մեքենայում պահելը նպատակ չի ունեցել, դրանք 2023 թվականից իր հետ բերել էր Լեռնային Ղարաբաղից: Ցանկացել է դրանք հանձնել ոստիկանությանը, սակայն զբաղված լինելու պատճառով միջոցներ չի ձեռնարկել այդ ուղղությամբ: Այլ անձինք ևս նստել են իր մեքենան, սակայ դա չէին կարող նկատել, քանի որ այն թաքցրած է եղել: Ղարաբաղից գալիս՝ Հակարիի կամուրջի մոտ ստուգելիս են եղել, այդտեղ է թաքցրել: Իրեն ասել են մոտդ արգելված իր կա թե ոչ, ապատասխանել է, որ ոչ, սակայն ինքն է հայտնել, որ մեքենայում զենք ունի, ցանկանում է հանձնել: Ոստիկաններն իրեն մոտենալուց բռնել են իր ձեռքերը: Ինքը մեքենայից 500-600 մետր հեռու է եղել: Այդ զենքերը Ղարաբաղում է գտել, քանի որ բոլորը նետում էին այդ զենքերը և հեռանում: Զենքերը վերցրել է պահել, քանի որ թուրքերից վախեցել է:
Վկա Ռազմիկ Ասլանյանը հիմնական դատալսումների ընթացքում ցուցմունք է տվել այն մասին, որ օպերատիվ տեղեկություններ են ստացել են, որ Արտակ Ավագիմյանը պարբերաբար իր մոտ պահում և կրում է հրազեն: Իրացրել են նշված տեղեկությունը, մոտեցել են Խորենացի փողոցում՝ «Ոսկու շուկայի» մոտ գտնվող Արտակ Ավագիմյանին և նա հայտնել է, որ իր մոտ զենք-զինամթերք չունի, սակայն մեքենայում ունի: Մոտեցել են մեքենային, նա ցույց է տվել իրենց թվով երկու ատրճանակներ՝ լիցքավորված փամփուշտեներով՝ «Տոյոտա Քեմրի» մեքենայում: Դրանից հետո ձերբակալել են վերջինիս և տեղափոխել քաղաքի վարչություն: Մեղադրյալը մեքենան վարելով եկել է և իջել մեքենայից: Մեքենայից 10-ից 20 մետր հեռավորության վրա է եղել:
Հիմնական դատալսումների ընթացքում հետազոտվել են.
Դատաձգաբանական փորձաքննության թիվ 347-25 եզրակացությունը, համաձայն որի՝ Արտակ Ավագիմյանի մոտից հայտնաբերված թմբուկավոր ատրճանակը հանդիսանում է ինքնաշեն եղանակով պատրաստված ակոսափող թմբուկավոր ատրճանակ՝ հարմարեցված 9 մմ /9×18/ տրամաչափի փամփուշտներով կրակելու համար, սարքին է, պիտանի է կարակելու համար և հանդիսանում է ակոսափող հրազեն: «BAIKAL-442» տեսակի «2044280331» համարի 9 մմ /9×18/ տրամաչափի ատրճանակը հանդիսանում է գործարանային արտադրության, ակոսափող ատրճանակ, ձևափոխված չէ, սարքին է, պիտանի է կրակելու համար, հանդիսանում է ակոսափոխ հրազեն: Թվով 3 փամփուշտները հանդիսանում են գործարանային արտադրության 9 մմ /9x18/ տրամաչափի փամփուշտներ՝ նախատեսված «IM», «ATIC», «BAIKAL-442» տեսակի ակոսափող ատրճանակներից և համապատասխան տրամաչափի ակոսափող այլ զենքերից /այդ թվում փորձաքննության ներկայացված «BAIKAL-442» տեսակի ատրճանակից/ կրակելու համար, պիտանի են կրակելու համար և հանդիսանում են ռազմամթերք: Այդ փամփուշտները կարող են կարակվել նաև փորձաքննությանը ներկայացված ինքնաշեն թմբուկավոր ատրճանակից:
/Հատոր 1-ին, գ.թ 114-118/:
Արտակ Վազգենի Ավագիմյանին անձնական խուզարկության ենթարկելու վերաբերյալ արձանագրությունը, համաձայն որի՝ վերջինիս պայուսակից հայտնաբերվել են թվով 1 առանց գրառումների թմբուկավոր ատրճանակ և թվով 1 2044280331 գործարանային համարի «BAIKAL-442» ապրանքատեսակի ատրճանակ։
/Հատոր 1-ին, գ.թ.6/:
Արտակ Վազգենի Ավագիմյանին ձերբակալելու վերաբերյալ արձանագրությունը, համաձայն որի՝ վերջինս 2025 թվականի փետրվարի 15-ին՝ ժամը 16:10-ին ապօրինի կերպով զենք, զինամթերք պահելու և կրելու կասկածանքով Երևան քաղաքի Խորենացի 24 հասցեի մոտակայքից փաստացի վերցվել է արգելանքի:
/Հատոր 1-ին, գ.թ. 4/:
Իրեղեն ապացույց ճանաչված Արտակ Վազգենի Ավագիմյանի անձնական խուզարկության ժամանակ վերջինիս մոտից հայտնաբերված և վերցված ինքնաշեն եղանակով պատրաստված թմբուկավոր ատրճանակը, «BAIKAL-442» տեսակի 2044280331» համարի ատրճանակ, թվով 3 փամփուշտները։
Թիվ 08118525 քրեական վարույթով արտավարութային փաստաթուղթ ճանաչված ՀՀ ՆԳՆ ոստիկանության ՔՈԳՎ, ԵՔՎ, անձի հետախուզման բաժնի ավագ քրեական ոստիկան Է.Հարությունյանի կողմից ներկայացված զեկուցագիրը:
/Հատոր 1-ին, գ.թ. 4, 138/:
4.Դատարանի փաստական վերլուծությունները և Դատարանի կողմից հաստատված փաստական հանգամանքները.
Արտակ Վազգենի Ավագիմյանը չունենալով «Զենքի շրջանառության կարգավորման մասին» ՀՀ օրենքով սահմանված հրազենի, ռազմամթերքի շրջանառություն իրականացնելու՝ այն ձեռք բերելու, պահելու կամ կրելու իրավունք, ապօրինի ձեռք է բերել և իր կողմից շահագործվող «Տոյոտա» մակնիշի 90 SA 001 պետհամարանիշների ավտոմեքենայում ապօրինի պահել է 9մմ տրամաչափի, «BAIKAL-442» տեսակի, «2044280331» համարի ակոսափող հրազեն հանդիսացող ատրճանակ, 9մմ տրամաչափի ինքնաշեն եղանակով պատրաստված ակոսափող հրազեն հանդիսացող թմբուկավոր ատրճանակ, և հրազենի համար նախատեսված, ռազմամթերք հանդիսացող գործարանային արտադրության 9մմ տրամաչափի թվով 3 հատ փամփուշտներ։
Այսպես.
Արտակ Վազգենի Ավագիմյանը, չունենալով «Զենքի շրջանառության կարգավորման մասին» ՀՀ օրենքով սահմանված հրազենի, ռազմամթերքի շրջանառություն իրականացնելու` այն ձեռք բերելու, պահելու կամ կրելու իրավունք, ինչպես նաև հրազենի և ռազմամթերքի շրջանառություն իրականացնելու՝ ՀՀ ոստիկանությունում օրենքով սահմանված կարգով ձևակերպված համապատասխան թույլտվություն, քննությամբ դեռևս չպարզված ժամանակ և հանգամանքներում ապօրինի կերպով ձեռք է բերել և 2025 թվականի փետրվարի 15-ին՝ ժամը 16:10-ի սահմաններում, գտնվելով Երևան քաղաքի Խորենացի փողոցի 24 հասցեի մոտակայքում, իր կողմից շահագործվող «Տոյոտա» մակնիշի 90 SA 001 պետհամարանիշների ավտոմեքենայի հետևի նստատեղի վրա գտնվող ձեռքի պայուսակում, ապօրինի պահել է 9 մմ տրամաչափի, «BAIKAL-442» տեսակի, «2044280331» համարի, կրակելու համար պիտանի, ակոսափող հրազեն հանդիսացող ատրճանակ, 9մմ տրամաչափի փամփուշտներով կրակելու համար պիտանի, ինքնաշեն եղանակով պատրաստված, ակոսափող հրազեն հանդիսացող թմբուկավոր ատրճանակ և հրազենի համար նախատեսված, գործարանային արտադրության ռազմամթերք հանդիսացող ու 9մմ տրամաչափի ակոսափող զենքերից կրակելու համար պիտանի 9մմ տրամաչափի թվով 3 հատ փամփուշտներ, որոնք հայտնաբերվել են 2025 թվականի փետրվարի 15-ին ՀՀ ՆԳՆ ոստիկանության ՔՈԳՎ Երևան քաղաքի վարչության աշխատակիցների կողմից:
Դատարանի իրավական վերլուծությունները.
Դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցներն իրենց համակցության մեջ՝ ներքին համոզման հիման վրա, անմեղության կանխավարկածով, հիմնվելով պատշաճ ապացուցման արդյունքների վրա, Դատարանը հանգում է հետևության, որ ապացուցված է մեղադրյալ Արտակ Վազգենի Ավագիմյանի՝ ՀՀ քրեական օրենսգրքի 335-րդ հոդվածի 1-ին մասով վերագրվող արարքի փաստական հանգամանքները, ապացուցված է նշված արարքի քրեական հակաիրավականությունը, ապացուցված է նաև մեղադրյալի կողմից այդ արարքը կատարելը և նրա մեղավորությունը տվյալ արարքը կատարելու մեջ:
Մեղադրյալ Արտակ Վազգենի Ավագիմյանի կատարած արարքի նկատմամբ կիրառելի է ՀՀ քրեական օրենսգրքի 335-րդ հոդվածի 1-ին մասը:
Դատարանը հաստատված համարելով հանցագործության և դրա կատարման մեջ Արտակ Վազգենի Ավագիմյանի մեղքի ապացուցված լինելը հանգում է հետևության, որ վերջինս դա կատարելու համար ենթակա է քրեական պատասխանատվության և պատժի:
Դատարանը մեղադրյալ Արտակ Վազգենի Ավագիմյանի պատասխանատվությունն ու պատիժը մեղմացնող և անձը բնութագրող հանգամանք է արձանագրում, նախկինում դատապարտված չլինելը, պատերազմական գործողություններին մասնակցած լինելը, դրականորեն բնութագրվելը և խնամքին մեկ անչափահաս երեխա ունենալը:
Դատարանը մեղադրյալ Արտակ Վազգենի Ավագիմյանի պատասխանատվությունն ու պատիժը ծանրացնող հանգամանքներ չի արձանագրում:
Դատարանը, նպատակ ունենալով վերականգնելու սոցիալական արդարությունը, ուղղելու պատժի ենթարկված անձին, ինչպես նաև կանխելու հանցագործությունները և հաշվի առնելով Արտակ Վազգենի Ավագիմյանի անձը, նրան բնութագրող դրական տվյալները, նրա պատասխանատվությունն ու պատիժը մեղմացնող հանգամանքների առկայությունը և ծանրացնող հանգամանքների բացակայությունը, հանգում է հետևության, որ մեղադրյալ Արտակ Վազգենի Ավագիմյանն իր կատարած հանցագործության համար ենթակա է պատժի ազատազրկման նշանակմամբ, քանի որ տվյալ դեպքում միայն ազատազրկման ձևով նշանակվելիք պատիժը կարող է ապահովել պատժի նպատակները:
Դատարանը հաշվի առնելով Արտակ Վազգենի Ավագիմյանի կատարած հանցագործության բնույթն ու հասարակական վտանգավորության աստիճանը, վերջինս հրազեն հանդիսացող առարկաները երկարատև ժամանակահատված պահել է լիցքավորված վիճակում, մշտապես իր կողմից շահագործվող մեքենայում, հասարակական վայր հանդիսացող տարածքներում, բացառում է վերջինիս նկատմամբ նշանակվելիք պատիժը պայմանականորեն չկիրառելու կամ առավել մեղմ պատիժ նշանակելու հնարավորությունը, քանի որ նման դեպքում հնարավոր չէ հասնել պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը, կխախտվեն նաև ՀՀ քրեական օրենսգրքով սահմանված` արդարության, պատասխանատվության անհատականացման և պատիժ նշանակելու ընդհանուր սկզբունքները:
Քննության առնելով խափանման միջոցի հարցը, Դատարանը գտնում է, որ մեղադրյալ Արտակ Վազգենի Ավագիմյանի նկատմամբ ընտրված վարչական հսկողություն և բացակայելու արգելք խափանման միջոցն անհրաժեշտ է թողնել ամփոփոխ մինչև դատավճիռն օրինական ուժի մեջ մտնելը:
Քննարկելով իրեղեն ապացույցների տնօրինման հարցը, Դատարանը գտնում է, որ ինքնաշեն եղանակով պատրաստված թմբուկավոր ատրճանակը, «BAIKAL-422» տեսակի «2044280331» համարի ատրճանակը և թվով 3 փամփուշտները դատավճիռն օրինական ուժի մեջ մտնելուց հետո պետք է վերադարձնել Կենտրոն և Նորք-Մարաշ վարչական շրջանների քննչական բաժին նախաձեռնված թիվ 08134525 քրեական վարույթին կցելու համար:
Քննության առնելով վարութային ծախսերի հարցը, Դատարանը գտնում է, որ մեղադրյալ Արտակ Վազգենի Ավագիմյանից հօգուտ պետբյուջե պետք է բռնագանձել 162.000 ՀՀ դրամ որպես դատական ծախսերի գումար:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-349-րդ, 364-րդ հոդվածներով, Դատարանը.

Վ Ճ Ռ Ե Ց
Արտակ Վազգենի Ավագիմյանին մեղավոր ճանաչել ՀՀ քրեական օրենսգրքի 335-րդ հոդվածի 1-ին և դատապարտել ազատազրկման 1/մեկ/ տարի ժամկետով:
ՀՀ քրեական օրենսգրքի 79-րդ հոդվածի կիրառմամբ նշանակված 1/մեկ/ ժամկետով ազատազրկմանը հաշվակցել ձերբակալման երկու օրը և վերջնական պատիժ նշանակել ազատազրկում 11/տասնմեկ/ ամիս 28/քսանութ/ օր ժամկետով:
Պատժի կրման սկիզբը հաշվել մեղադրալին փաստացի ազատությունից զրկելու պահից:
Մեղադրյալի նկատմամբ կիրառված վարչական հսկողություն և բացակայելու արգելք խափանման միջոցը թողնել անփոփոխ՝ մինչև դատավճռի օրինական ուժի մեջ մտենլքը:
Իրեղեն ապացույց ճանաչված ինքնաշեն եղանակով պատրաստված թմբուկավոր ատրճանակը, «BAIKAL-422» տեսակի «2044280331» համարի ատրճանակը և թվով 3 փամփուշտները դատավճիռն օրինական ուժի մեջ մտնելուց հետո վերադարձնել Կենտրոն և Նորք-Մարաշ վարչական շրջանների քննչական բաժին նախաձեռնված թիվ 08134525 քրեական վարույթին կցելու համար:
Մեղադրյալ Արտակ Վազգենի Ավագիմյանից հօգուտ պետբյուջե բռնագանձել 162.000 ՀՀ դրամ որպես դատական ծախսերի գումար:
Արտավարութային փաստաթղթերը թողնել կցված քրեական գործին՝ դրա պահպանության ողջ ժամանակահատվածում:
Դատավճիռը կարող է բողոքարկվել ՀՀ վերաքննիչ քրեական դատարան ստանալու օրվանից հետո՝ մեկամսյա ժամկետում:

ԴԱՏԱՎՈՐ Վ.ՄԵԼԻՔՅԱՆ