Քրեական գործ թիվ ԵԴ1/1255/01/25



ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ
ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«06» հոկտեմբերի 2025 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` նաև Դատարան)՝
նախագահությամբ դատավոր՝ Գ.ԱԲԵԼՅԱՆԻ
քարտուղարությամբ՝ Գ․ԳԱԼՍՏՅԱՆԻ
Ա․ՄԿՐՏՉՅԱՆԻ
Դ․ՀԱԽՆԱԶԱՐՅԱՆԻ
հանրային մեղադրող՝ Ս․ՄՆԱՑԱԿԱՆՅԱՆԻ
պաշտպան՝ Ա․ՄԿՐՏՉՅԱՆԻ
մեղադրյալ՝ Ս․ԵՂԻԿՅԱՆԻ
դռնբաց դատական նիստում` արագացված վարույթի կարգով, քննեց քրեական գործն ըստ մեղադրանքի`
Սարգիս Արթուր Եղիկյանի՝ ծնված՝ 1993 թվականի սեպտեմբերի 2-ին՝ Երևան քաղաքում, ազգությամբ հայ, ՀՀ քաղաքացի, թերի բարձագույն կրթությամբ, ամուսնացած, նախկինում չդատապարտված, չի աշխատում, հաշվառված է՝ Երևան քաղաքի Լուսինե Զաքարյան փողոց 83-րդ տուն հասցեում, բնակվում է՝ Երևան քաղաքի Գաջեգործների փողոցի 3-րդ փողոցի 20/1-րդ տուն հասցեում, մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով (2 դրվագով), որպես խափանման միջոց է կիրառվել ՀՀ-ից բացակայելու արգելքը։

1․ Գործի դատավարական նախապատմությունը.
2024 թվականի դեկտեմբերի 18-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի տեսուչ Ս․Գասպարյանը զեկուցագիր է ներկայացրել ՀՀ ՆԳՆ ոստիկանության ՊԾ Երևան քաղաքի գնդի հրամանատար Ա․Իսախանյանին և ՀՀ ՆԳՆ ոստիկանության ՊԾ Երևան քաղաքի գնդի ՎՎԻ բաժնի պետի պարտականությունները ժամանակավոր կատարող Դ․Գևորգյանին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 1-ին վաշտի ավագ պարեկ՝ Դավիթ Սարգսյանը, Սարգիս Արթուրի Եղիկյանի (ծնված՝ 1993 թվականի սեպտեմբերի 2-ին, ք.Երևան, Նորք-Մարաշ, Նորք 7 փողոց, 83 տուն, ՀԾՀ՝ 1209930234) նկատմամբ 2024 թվականի դեկտեմբերի 13-ին` ժամը 00:55-ին կազմել է թիվ 8180415509 արձանագրություն, քանի որ վերջինս 2024 թվականի դեկտեմբերի 13-ին՝ ժամը 00:40-ին, Երևան քաղաքի Այվազովսկու փողոցում, «ՎԱԶ» մակնիշի 37 TF 573 հաշվառման համարանիշի տրանսպորտային միջոցը վարել է՝ չունենալով տրանսպորտային միջոցներ վարելու իրավունք և ոչ սթափ վիճակում:
(…)
Ներկայացնում եմ թիվ 8180415509 արձանագրությունը, կից նյութերը և ՀՀ ՆԳՆ էլեկտրոնային ռեգիստրի հաշվառման շտեմարանից կատարված քաղվածքի պատճենը, որը փաստում է, որ Սարգիս Արթուրի Եղիկյանը տրասնպորտային միջոցներ վարելու իրավունքից զրկվել է՝ 2016 թվականի դեկտեմբերի 29-ին մեկ տարի ժամկետով և չի վերականգնել: (…)»:
2024 թվականի դեկտեմբերի 18-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի տեսուչ Ս․Գասպարյանը հաղորդում է ներկայացրել ՀՀ քննչական կոմիտեի Երևան քաղաքի քննչական վարչության ՃՏՀ քննության բաժին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 1-ին վաշտի ավագ պարեկ՝ Դավիթ Սարգսյանի, Սարգիս Արթուրի Եղիկյանի (ծնված՝ 1993 թվականի սեպտեմբերի 2-ին, ք.Երևան, Նորք-Մարաշ, Նորք 7 փողոց, 83 տուն, ՀԾՀ՝ 1209930234) նկատմամբ 2024 թվականի դեկտեմբերի 13-ին` ժամը 00:55-ին կազմված թիվ 8180415509 արձանագրությունը, ըստ որի վերջինս 2024 թվականի դեկտեմբերի 13-ին՝ ժամը 00:40-ին, Երևան քաղաքի Այվազովսկու փողոցում, «ՎԱԶ» մակնիշի 37 TF 573 հաշվառման համարանիշի տրանսպորտային միջոցը վարել է՝ չունենալով տրանսպորտային միջոցներ վարելու իրավունք և ոչ սթափ վիճակում: (…)»:
Հաղորդման հիման վրա՝ 2024 թվականի դեկտեմբերի 25-ին ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60763224 քրեական վարույթը:
2025 թվականի փետրվարի 25-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի ավագ տեսուչ Լ․Բաբաջանյանը զեկուցագիր է ներկայացրել ՀՀ ՆԳՆ ոստիկանության ՊԾ Երևան քաղաքի գնդի հրամանատարի պարտականությունները ժամանակավոր կատարող Լ․Մանուկյանին և ՀՀ ՆԳՆ ոստիկանության ՊԾ Երևան քաղաքի գնդի ՎՎԻ բաժնի պետի պարտականությունները ժամանակավոր կատարող Դ․Գևորգյանին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 2-րդ վաշտի պարեկ՝ Ազատ Խաչատրյանը, Սարգիս Արթուրի Եղիկյանի (ծնված՝ 1993 թվականի սեպտեմբերի 2-ին, ք.Երևան, Նորք-Մարաշ, Նորք 7 փողոց, 83 տուն, ՀԾՀ՝ 1209930234) նկատմամբ 2025 թվականի փետրվարի 17-ին՝ ժամը 03:20-ին կազմել է թիվ 8259012116 արձանագրություն, քանի որ վերջինս 2025 թվականի փետրվարի 17-ին` ժամը 03:05-ին, Երևան քաղաքի Գաջեգործների փողոցում, «ՎԱԶ» մակնիշի 37 TF 573 հաշվառման համարանիշի տրանսպորտային միջոցը վարել է՝ չունենալով տրանսպորտային միջոցներ վարելու իրավունք և ոչ սթափ վիճակում:
(…)
Ներկայացնում եմ թիվ 8259012116 արձանագրությունը, կից նյութերը և ՀՀ ՆԳՆ էլեկտրոնային ռեգիստրի հաշվառման շտեմարանից կատարված քաղվածքի պատճենը, որը փաստում է, որ Սարգիս Արթուրի Եղիկյանը տրանսպորտային միջոցներ վարելու իրավունքից զրկվել է՝ 2016 թվականի դեկտեմբերի 29-ին ՀՀ ՆԳՆ ոստիկանության ՃՈ ՃՏՊ գործերի հետաքննության և վարչական վարույթի իրականացման բաժնի պետի կողմից կայացված ԱԹ թիվ 807197 որոշմամբ՝ մեկ տարի ժամկետով և չի վերականգնել։ (…)»:
2025 թվականի փետրվարի 25-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի ավագ տեսուչ Լ․Բաբաջանյանը հաղորդում է ներկայացրել ՀՀ քննչական կոմիտեի Երևան քաղաքի քննչական վարչության ՃՏՀ քննության բաժին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 2-րդ վաշտի պարեկ՝ Ազատ Խաչատրյանի, Սարգիս Արթուրի Եղիկյանի (ծնված՝ 1993 թվականի սեպտեմբերի 2-ին, ք.Երևան, Նորք-Մարաշ, Նորք 7 փողոց, 83 տուն, ՀԾՀ՝ 1209930234) նկատմամբ 2025 թվականի փետրվարի 17-ին՝ ժամը 03:20-ին կազմած թիվ 8259012116 արձանագրությունը, ըստ որի վերջինս 2025 թվականի փետրվարի 17-ին՝ ժամը 03:05-ին, Երևան քաղաքի Գաջեգործների փողոցում, «ՎԱԶ» մակնիշի 37 TF 573 հաշվառման համարանիշի տրանսպորտային միջոցը վարել է՝ չունենալով տրանսպորտային միջոցներ վարելու իրավունք և ոչ սթափ վիճակում: (…)»:
Հաղորդման հիման վրա՝ 2025 թվականի մարտի 19-ին ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60229125 քրեական վարույթը:
2025 թվականի մարտի 28-ին, ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնի ավագ քննիչ Ա․Թովմասյանն որոշում է կայացրել թիվ 60229125 քրեական վարույթը թիվ 60763324 քրեական վարույթին միացնելու և նախաքննությունը թիվ 60763324 քրեական վարույթի համարով շարունակելու մասին։
2025 թվականի մարտի 28-ին, ՀՀ դատախազության Երևան քաղաքի Էրեբունի և Նուբարաշեն վարչական շրջանների դատախազության ավագ դատախազ Ս․Մնացականյանի որոշմամբ՝ թիվ 60763224 քրեական վարույթով Սարգիս Արթուրի Եղիկյանի նկատմամբ հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով (2 դրվագով):
2025 թվականի մարտի 28-ին Սարգիս Արթուրի Եղիկյանի նկատմամբ որպես խափանման միջոց է կիրառվել բացակայելու արգելքը:
2025 թվականի ապրիլի 8-ին ՀՀ դատախազության Երևան քաղաքի Էրեբունի և Նուբարաշեն վարչական շրջանների դատախազությունից Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/1255/01/25 (նախաքննական համարը՝ 60763224) քրեական գործն ըստ մեղադրանքի Սարգիս Արթուրի Եղիկյանի՝ ՀՀ քրեական օրենսգրքի 344-րդ հոդվածի 2-րդ մասով (2 դրվագով)։
Նույն օրը քրեական գործն էլեկտրոնային եղանակով մակագրվել, իսկ 2025 թվականի ապրիլի 9-ին հանձնվել է Դատարանի դատավոր Գ․Աբելյանի աշխատակազմին։
2025 թվականի ապրիլի 11-ին Դատարանի դատավոր Գ․Աբելյանի կողմից որոշում է կայացվել թիվ ԵԴ1/1255/01/25 քրեական գործով վարույթը ստանձնելու և նախնական դատալսումներ նշանակելու մասին:

2. Մեղադրանքի փաստական նկարագրությունը.
Սարգիս Արթուրի Եղիկյանին մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով (2 դրվագով)՝ այն բանի համար, որ. «(…) [Ն]ա, չունենալով տրանսպորտային միջոցներ վարելու իրավունք, ոչ սթափ (հարբած) վիճակում՝ արտաշնչած օդում 0,449 մգ/լ ալկոհոլի պարունակությամբ, 2024 թվականի դեկտեմբերի 13-ին՝ ժամը 00:40-ի սահմաններում, Երևան քաղաքի Այվազովսկի փողոցում վարել է «Վազ» մակնիշի 37 TF 573 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայողը կազմել է վարչական իրավախախտման վերաբերյալ արձանագրություն:
Այսինքն՝ Սարգիս Արթուրի Եղիկյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարում:
Բացի այդ, Սարգիս Արթուրի Եղիկյանը չունենալով տրանսպորտային միջոցներ վարելու իրավունք, ոչ սթափ (հարբած) վիճակում՝ արտաշնչած օդում 0,440 մգ/լ ալկոհոլի պարունակությամբ, 2025 թվականի փետրվարի 17-ին՝ ժամը 03:05-ի սահմաններում, Երևան քաղաքի Գաջեգործների փողոցում վարել է «Վազ» մակնիշի 37 TF 573 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայողը կազմել է վարչական իրավախախտման վերաբերյալ արձանագրություն:
Այսինքն՝ Սարգիս Արթուրի Եղիկյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարում:
Այսպիսով, Սարգիս Արթուրի Եղիկյանին մեղսագրվում է հանցանքների կատարում, որոնք նախատեսված են ՀՀ քրեական օրենսգրքի 344-րդ հոդվածի 2-րդ մասով (2 դրվագ): (…)»։

3. Արագացված վարույթը և լրացուցիչ դատալսումների ընթացքում հետազոտված թույլատրելի ապացույցները.
Նախնական դատալսումների ընթացքում մեղադրյալ Սարգիս Արթուրի Եղիկյանը ներկայացրեց արագացված վարույթ կիրառելու մասին միջնորդություն՝ հայտնելով, որ իրեն պարզ է ներկայացված մեղադրանքը, ամբողջությամբ համաձայն է ներկայացված մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված վարույթ կիրառելու հետևանքները և պնդում է ներկայացված միջնորդությունը:
Հանրային մեղադրող Ս․Մնացականյանը չառարկեց արագացված վարույթ կիրառելու դեմ:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-ին հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-ին հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց լրացուցիչ դատալսումներ անցկացնելու մասին:
Լրացուցիչ դատալսումների ընթացքում հետազոտվել են հետևյալ թույլատրելի ապացույցները.
- ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանի՝ Սարգիս Արթուրի Եղիկյանի վերաբերյալ ձև 8 տեղեկանքը , համաձայն որի՝ «(...) 1. ԵՂԻԿՅԱՆ ՍԱՐԳԻՍ ԱՐԹՈՒՐԻ
Ծննդյան ամսաթիվը` 02/09/1993, Ծննդավայրը` ԵՐԵՎԱՆ ԿԵՆՏՐՈՆ
Համարը` 14170718
1) Նախաքննության վերաբերյալ տեղեկատվություն
Նախաձեռնող մարմինը` ԱՐԱԲԿԻՐԻ ՈՍՏ.ԲԱԺ.,ամս` 26/03/2018
Մեղադրական հոդված` ՀՀ ՔՐ. ՕՐ. (2003Թ.) հ 185 մ 1
ԿԱՐՃՎԱԾ Է ամս`04/05/2018 հիմք` 35 Հ. 1 Մ. 5 Կ.
2. ԵՂԻԿՅԱՆ ՍԱՐԳԻՍ ԱՐԹՈՒՐԻ
Ծննդյան ամսաթիվը` 02/09/1993, Ծննդավայրը` ԵՐԵՎԱՆ ԿԵՆՏՐՈՆ
Համարը` 60278424
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆԻ ՔՎ ՃՏՀ ՔՆՆՈՒԹՅԱՆ ԲԱԺԻՆ,ամս` 20/07/2024
Մեղադրական հոդված` ՀՀ ՔՐ. ՕՐ. հ 344 մ 2
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն չկա
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
3. ԵՂԻԿՅԱՆ ՍԱՐԳԻՍ ԱՐԹՈՒՐԻ
Ծննդյան ամսաթիվը` 02/09/1993, Ծննդավայրը` ԵՐԵՎԱՆ ԿԵՆՏՐՈՆ
Համարը` 60763224
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆԻ ՔՎ ՃՏՀ ՔՆՆՈՒԹՅԱՆ ԲԱԺԻՆ,ամս` 13/12/2024
Մեղադրական հոդված` ՀՀ ՔՐ. ՕՐ. հ 344 մ 2
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն չկա
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
4. ԵՂԻԿՅԱՆ ՍԱՐԳԻՍ ԱՐԹՈՒՐԻ
Ծննդյան ամսաթիվը` 02/09/1993
Համարը` 15135611
1) Նախաքննության վերաբերյալ տեղեկատվություն
Նախաձեռնող մարմինը` ԿԵՆՏՐՈՆԱԿԱՆԻ ՔՆՆՉ. ԲԱԺ.,ամս` 08/12/2011
Մեղադրական հոդված` ՀՀ ՔՐ. ՕՐ. (2003Թ.) հ 177 մ 3 կ 1.1.
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը` ԿԵՆՏՐՈՆ ԵՎ ՆՈՐՔ - ՄԱՐԱՇԻ ԸՆԴ. ԻՐԱՎ. ԴԱՏԱՐԱՆ,ամս` 20/01/2012
ՀՀ ՔՐ. ՕՐ. (2003Թ.) հ 177 մ 3 կ 1.1
Հիմնական պատիժը` ԱԶԱՏԱԶՐԿՈՒՄ 4 տարի, ՓՈՐՁԱՇՐՋԱՆ Հ. 70 3 տարի
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն
Ազատվել է` ՀԱՄԱՆԵՐՈՒՄ
ՀՐԱՄԱՆԱԳԻՐ
03.10.2013Թ
Պատժի կրումից ազատման ամսաթիվը` 03/12/2013
5. ԵՂԻԿՅԱՆ ՍԱՐԳԻՍ ԱՐԹՈՒՐԻ
Ծննդյան ամսաթիվը` 02/09/1993
Համարը` 60114117
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆ ՔԱՂԱՔԻ ՔՆՆՉ.ՎԱՐՉ.,ամս` 17/10/2017
Մեղադրական հոդված` ՀՀ ՔՐ. ՕՐ. (2003Թ.) հ 243.1 մ 2
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը` ԷՐԵԲՈՒՆԻ ԵՒ ՆՈՒԲԱՐԱՇԵՆ ՎԱՐՉ.ՇՐՋ. ԸՆԴՀ. ԻՐԱՎ. ԴԱՏԱՐԱՆ,ամս` 01/12/2017
ՀՀ ՔՐ. ՕՐ. (2003Թ.) հ 243.1 մ 1
Հիմնական պատիժը` ՏՈՒԳԱՆՔ 300.000 դրամ
ԵՐԵՎԱՆ ՔԱՂ ԸՆԴՀ ԻՐԱՎ ԴԱՏԱՐԱՆ ամս` 30/07/2018 հիմքը` ՓՈՓՈԽՈՒՄ
ՀՀ ՔՐ. ՕՐ. (2003Թ.) հ 243.1 մ 1
Հիմնական պատիժը` ՏՈՒԳԱՆՔԻ ՎՃԱՐՄԱՆ ՀԵՏԱՁԳՈՒՄ 1 ՏԱՐՈՎ 300.000 դրամ
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
6. ԵՂԻԿՅԱՆ ՍԱՐԳԻՍ ԱՐԹՈՒՐԻ
Ծննդյան ամսաթիվը` 02/09/1993, Ծննդավայրը` ԵՐԵՎԱՆ ԿԵՆՏՐՈՆ
Համարը` 15874817
1) Նախաքննության վերաբերյալ տեղեկատվություն
Նախաձեռնող մարմինը` ԿԵՆՏՐՈՆ ԵՒ ՆՈՐՔ-ՄԱՐԱՇ ՎԱՐՉ.ՇՐՋ.Ք/Բ,ամս` 17/11/2017
Մեղադրական հոդված` ՀՀ ՔՐ. ՕՐ. (2003Թ.) հ 117
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը` ԵՐԵՎԱՆ ՔԱՂԱՔԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ,ամս` 11/04/2019
ՀՀ ՔՐ. ՕՐ. (2003Թ.) հ 117, հ 66.-ի կիրառմամբ
Հիմնական պատիժը` ՏՈՒԳԱՆՔ 285.000 դրամ
ԵՐԵՎԱՆ ՔԱՂԱՔԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ ամս` 31/08/2020 հիմքը` ՓՈՓՈԽՈՒՄ
ՀՀ ՔՐ. ՕՐ. (2003Թ.) հ 117, հ 66.-ի կիրառմամբ
Հիմնական պատիժը` ՀԱՆՐԱՅԻՆ ԱՇԽԱՏԱՆՔՆԵՐ 1155 ժամ
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն
25.10.2021Թ. ՀԱ ԱՎԱՐՏՎԵԼ ԵՆ
7. ԵՂԻԿՅԱՆ ՍԱՐԳԻՍ ԱՐԹՈՒՐԻ
Ծննդյան ամսաթիվը` 02/09/1993, Ծննդավայրը` ԵՐԵՎԱՆ ԿԵՆՏՐՈՆ
Համարը` 60165523
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆԻ ՔՎ ՃՏՀ ՔՆՆՈՒԹՅԱՆ ԲԱԺԻՆ,ամս` 30/01/2023
Մեղադրական հոդված` ՀՀ ՔՐ. ՕՐ. հ 344 մ 2
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը` ԵՐԵՎԱՆ ՔԱՂԱՔԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ,ամս` 23/08/2023
ՀՀ ՔՐ. ՕՐ. հ 344 մ 2
Հիմնական պատիժը` ՏՈՒԳԱՆՔ 375.000 դրամ , ՏՈՒԳԱՆՔԻ ՎՃԱՐՄԱՆ ՏԱՐԱԺԱՄԿԵՏՈՒՄ 12 ամիս
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն
02.11.2024Թ. ՏՈՒԳԱՆՔԸ ՎՃԱՐՎԵԼ Է(...)»։
- ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանի Սարգիս Արթուրի Եղիկյանի վերաբերյալ ձև 9 տեղեկանքը , համաձայն որի՝ «(...) 1. ԵՂԻԿՅԱՆ ՍԱՐԳԻՍ ԱՐԹՈՒՐԻ
Ծննդյան ամսաթիվը` 02/09/1993, Ծննդավայրը` ԵՐԵՎԱՆ ԿԵՆՏՐՈՆ
Համարը` 60763224
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆԻ ՔՎ ՃՏՀ ՔՆՆՈՒԹՅԱՆ ԲԱԺԻՆ,ամս` 13/12/2024
Մեղադրական հոդված` ՀՀ ՔՐ. ՕՐ. հ 344 մ 2
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն չկա
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
2. ԵՂԻԿՅԱՆ ՍԱՐԳԻՍ ԱՐԹՈՒՐԻ
Ծննդյան ամսաթիվը` 02/09/1993, Ծննդավայրը` ԵՐԵՎԱՆ ԿԵՆՏՐՈՆ
Համարը` 60278424
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆԻ ՔՎ ՃՏՀ ՔՆՆՈՒԹՅԱՆ ԲԱԺԻՆ,ամս` 20/07/2024
Մեղադրական հոդված` ՀՀ ՔՐ. ՕՐ. հ 344 մ 2
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն չկա
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա (...)»։
- 2025 թվականի մարտի 31-ին մեղադրյալի հարցաքննության արձանագրությունը, համաձայն որի՝ Սարգիս Արթուրի Եղիկյանը, ընդունել է իրեն առաջադրված մեղադրանքը ։
- Սարգիս Արթուրի Եղիկյանի հայտարարությունն առ այն, որ ընդունում է մեղավորությունը, զղջում կատարածի համար և համաձայն է իր նկատմամբ հանրային աշխատանքներն որպես պատիժ նշանակելուն։

4.Դատարանի փաստական վերլուծությունները և հաստատված կամ հերքված փաստական հանգամանքները.
Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
- Սարգիս Արթուրի Եղիկյանն ունի թերի բարձրագույն կրթություն,
- Սարգիս Արթուրի Եղիկյանն ամուսնացած է,
- Սարգիս Արթուրի Եղիկյանը նախկինում դատապարտված չի եղել,
- Ներկայացված մեղադրանքում Սարգիս Արթուրի Եղիկյանն իրեն լիովին մեղավոր է ճանաչել և զղջացել կատարածի համար,
- Սարգիս Արթուրի Եղիկյանը համաձայն է իր նկատմամբ որպես պատիժ հանրային աշխատանքները նշանակելուն։

5. Դատարանի իրավական վերլուծությունները, հետևությունները և որոշումները.
Արագացված վարույթ կիրառելու պայմաններում Դատարանն ապացուցված է համարում մեղադրյալ Սարգիս Արթուրի Եղիկյանին վերագրվող փաստական հանգամանքները (արարքները), այդ արարքների քրեական հակաիրավականությունը, մեղադրյալի կողմից այդ արարքները կատարելը, մեղադրյալի մեղավորությունը տվյալ արարքները կատարելու մեջ, ինչպես նաև գտնում է, որ նշված երկու դրվագ արարքների նկատմամբ պետք է կիրառվի ՀՀ քրեական օրենսգրքի 344-րդ հոդվածի 2-րդ մասը։
Դատարանի կողմից հաստատված փաստական հանգամանքների հիման վրա՝ Դատարանը գտնում է, որ Սարգիս Արթուրի Եղիկյանի անձը բնութագրող հանգամանք է թերի բարձրագույն կրթություն ունենալը, ամուսնացած լինելը և նախկինում դատապարտված չլինելը։
Դատարանը, ղեկավարվելով ՀՀ քրեական օրենսգրքի (այսուհետ՝ նաև Օրենսգիրք) 70-րդ հոդվածի 2-րդ մասով, գտնում է, որ Սարգիս Արթուրի Եղիկյանի պատասխանատվությունն ու պատիժը մեղմացնող հանգամանք պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը ։
Դատարանը միաժամանակ արձանագրում է, որ Սարգիս Արթուրի Եղիկյանի պատասխանատվությունն ու պատիժը ծանրացնող՝ Օրենսգրքի 71-րդ հոդվածի 1-ին մասով նախատեսված հանգամանքներ առկա չեն:
Դատարանը գտնում է, որ կատարած հանցանքի համար մեղադրյալ Սարգիս Արթուրի Եղիկյանը ենթակա է պատժի։
Պատիժ նշանակելու հարցի համատեքստում Դատարանը հարկ է համարում արձանագրել հետևյալը՝
Օրենսգրքի 55-րդ հոդվածի համաձայն՝ «1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»։
Օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները»։
Վճռաբեկ դատարանը մշտապես ընդգծել է, որ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ։ Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են։ Հետևաբար, կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի , հանցավորի անձի, պատիժը մեղմացնող և ծանրացնող հանգամանքների վերլուծության հիման վրա` ելնելով պատժի նպատակների իրացումն ապահովելու անհրաժեշտությունից ։
Մասնավորապես, Վճռաբեկ դատարանն ընդգծել է, որ հանցանքի հանրային վտանգավորության բնույթն ու աստիճանը ճիշտ գնահատելու և հանցավորի նկատմամբ համաչափ պատիժ նշանակելու համար անհրաժեշտ է, ի թիվս այլնի, հատուկ ուշադրություն դարձնել հանցավոր վարքագծի դրսևորման եղանակին, հանցանքի կատարման գործիքին և հանցագործության իրադրությանը, պատճառված վնասի բնույթին, արարքի նկատմամբ անձի հոգեբանական վերաբերմունքին, հանցագործության նպատակին և շարժառիթին: Այս առումով Վճռաբեկ դատարանը փաստել է, որ անձի արարքում հանցակազմը որակյալ դարձնող մեկից ավելի հանգամանքների առկայությունը կարող է վկայել ինչպես հանցագործության, այնպես էլ հանցավորի անձի հանրային բարձր վտանգավորության մասին, հետևաբար այն պետք է համաչափ գնահատականի արժանանա դատարանի կողմից և հաշվի առնվի պատիժ նշանակելիս :
Անդրադառնալով պատիժ նշանակելիս հանցավորի անձը բնութագրող տվյալները գնահատման ենթարկելու կարևորությանը` Վճռաբեկ դատարանը մշտապես ընդգծել է, որ պատասխանատվության և պատժի անհատականացման հիմք են ոչ միայն կատարված արարքի հանրային վտանգավորության բնույթն ու աստիճանը, այլև հանցավորի անձը բնութագրող սոցիալ-հոգեբանական, սոցիալ-ժողովրդագրական, քրեաբանական և քրեաիրավական, ֆիզիկական հատկությունների համակցությունը (ընտանեկան դրությունը, վարքագիծը աշխատանքում և կենցաղում, աշխատունակությունը, առողջական վիճակը, տարիքը, սեռը, դատվածությունը և այլն): Մասնավորապես Վճռաբեկ դատարանը փաստել է հանցավորի ընտանեկան դրությունը, վերջինիս ընտանիքի կյանքի պայմանների վրա նշանակված պատժի ազդեցությունը, նրա խնամքին այլ անձանց առկայությունը, սոցիալական միջավայրում նրա զբաղեցրած տեղն ու դիրքը, սոցիալական միջավայրում նրա ունեցած բնութագիրը և մի շարք այլ հանգամանքների վերաբերյալ փաստական տվյալները գնահատման ենթարկելու անհրաժեշտությունը :
Դատարանը, հաշվի առնելով Սարգիս Արթուրի Եղիկյանի կատարած հանցանքների հանգամանքները, նրա անձը բնութագրող տվյալները, պատասխանա-տվությունը և պատիժը մեղմացնող հանգամանքը, պատասխա¬նատվու¬¬¬¬¬թյունը և պատիժը ծանրացնող հանգամանքների բացակայությունը, Օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ Օրենսգրքի 344-րդ հոդվածի 2-րդ մասի սանկցիան այլընտրանքային է և հնարավորություն է տալիս Դատարանին, ելնելով կոնկրետ հանցագործության հանրային վտանգավորության բնույթից և աստիճանից, հանցանքը կատարած անձի նկատմամբ նշանակել արդարացի պատիժ՝ ընտրելով հոդվածի սանկցիայով նախատեսված պատժատեսակներից որևէ մեկը, գտնում է, որ Օրենսգրքի 77-րդ հոդվածի վերաբերելի կանոնների կիրառմամբ և Օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար՝
- Օրենսգրքի 344-րդ հոդվածի 2-րդ մասով (2024 թվականի դեկտեմբերի 13-ի դրվագով) նախատեսված հանցանքների կատարման համար նրա նկատմամբ որպես հիմնական պատիժ պետք է նշանակել հանրային աշխատանքները՝ 80 (ութսուն) ժամ տևողությամբ,
- Օրենսգրքի 344-րդ հոդվածի 2-րդ մասով (2025 թվականի փետրվարի 17-ի դրվագով) նախատեսված հանցանքների կատարման համար նրա նկատմամբ որպես հիմնական պատիժ պետք է նշանակել հանրային աշխատանքները՝ 80 (ութսուն) ժամ տևողությամբ ։
Դատարանի նման հետևությունը պայմանավորված է նաև այն հանգամանքով, որ մեղադրյալ Սարգիս Արթուրի Եղիկյանը համաձայն է իր նկատմամբ նշյալ պատժատեսակը նշանակելու համար։
Դատարանը գտնում է, որ Օրենսգրքի 74-րդ հոդվածով սահմանված կարգով՝ նշանակված պատիժները լրիվ գումարելու միջոցով՝ ՀՀ քրեական օրենսգրքի 344-րդ հոդվածի 2-րդ մասով յուրաքանչյուր դրվագով որպես պատիժ նշանակված՝ հանրային աշխատանքները՝ 80 (ութսուն) ժամ տևողությամբ, պետք է գումարել` վերջնական պատիժ նշանակելով հանրային աշխատանքները՝ 160 (հարյուր վաթսուն) ժամ տևողությամբ։
Դատարանը միաժամանակ գտնում է, որ կատարած հանցանքներից յուրաքանչյուրի համար Սարգիս Արթուրի Եղիկյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Դատարանը գտնում է, որ մեղադրյալ Սարգիս Արթուրի Եղիկյանը պետք է կրի իր նկատմամբ նշանակված պատիժը, քանի որ նրան պատժից ազատելու հիմքեր առկա չեն։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-13-րդ կետերով նշված հարցերին անդրադառնալու անհրաժեշտությունը սույն քրեական գործով բացակայում է։
Դատարանը գտնում է, որ Սարգիս Արթուրի Եղիկյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, քանի որ մեղադրական դատավճիռ կայացնելու և հանրային աշխատանքների ձևով պատիժ նշանակելու պայմաններում առկա է ողջամիտ ենթադրություն առ այն, որ մեղադրյալը, օգտագործելով անձը հաստատող փաստաթուղթ, կարող է հեռանալ Հայաստանի Հանրապետությունից՝ այդպիսով դիմելով փախուստի կամ չկատարելով իր վրա դրված պարտականությունները, իսկ բացակայելու արգելքի կիրառումը բավարար է մեղադրյալի փախուստը կանխելու և նրա վրա դրված պարտականությունների կատարումն ապահովելու համար։
Դատարանը գտնում է, որ դատավճիռն օրինական ուժի մեջ մտնելուց հետո՝ արտավարութային փաստաթղթերը պետք է պահել քրեական գործի նյութերում՝ դրանք պահելու ամբողջ ընթացքում։
Դատարանը գտնում է, որ վարութային ծախսերի հարցը պետք է համարել լուծված, քանի որ արագացված վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Սարգիս Արթուրի Եղիկյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.4-րդ հոդվածի 3-րդ մասի։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 99-րդ, 276-րդ, 347-350-րդ, 464.4-րդ և 464.5-րդ հոդվածներով` Դատարանը

ՎՃՌԵՑ

1. Սարգիս Արթուր Եղիկյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով (2 դրվագով) նախատեսված հանցանքների կատարման մեջ։
2. ՀՀ քրեական օրենսգրքի 344-րդ հոդվածի 2-րդ մասով (2024 թվականի դեկտեմբերի 13-ի դրվագով) նախատեսված հանցանքի կատարման համար Սարգիս Արթուր Եղիկյանի նկատմամբ պատիժ նշանակել հանրային աշխատանքներ՝ 80 (ութսուն) ժամ տևողությամբ։
3. ՀՀ քրեական օրենսգրքի 344-րդ հոդվածի 2-րդ մասով (2025 թվականի փետրվարի 17-ի դրվագով) նախատեսված հանցանքի կատարման համար Սարգիս Արթուր Եղիկյանի նկատմամբ պատիժ նշանակել հանրային աշխատանքներ՝ 80 (ութսուն) ժամ տևողությամբ։
4. ՀՀ քրեական օրենսգրքի 74-րդ հոդվածով սահմանված կարգով՝ հանցագործությունների համակցությամբ նշանակված պատիժները լրիվ գումարելու միջոցով՝ ՀՀ քրեական օրենսգրքի 344-րդ հոդվածի 2-րդ մասով յուրաքանչյուր դրվագով որպես պատիժ նշանակված՝ 80 (ութսուն) ժամ տևողությամբ հանրային աշխատանքները գումարել՝ վերջնական պատիժ նշանակելով հանրային աշխատանքներ՝ 160 (հարյուր վաթսուն) ժամ տևողությամբ։
5. Սարգիս Արթուր Եղիկյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը։
6. Դատավճռի օրինական ուժի մեջ մտնելուց հետո արտավարութային փաստաթղթերը պահել քրեական գործի նյութերում դրանք պահելու ամբողջ ընթացքում։
7. Վարութային ծախսերի հարցը համարել լուծված:
8. Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում, սակայն այն չի կարող բողոքարկվել ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերով:


ԴԱՏԱՎՈՐ՝ Գ․ԱԲԵԼՅԱՆ