Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


ԵԴ1/1217/01/25

«02» մայիսի 2025թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը

նախագահությամբ դատավոր՝ Ա. Մելիքսեթյանի,
քարտուղարությամբ՝ Ս. Ջավադյանի,

մասնակցությամբ.
հանրային մեղադրող՝ Ռ. Հարությունյանի,

դռնբաց դատական նիստում, քննելով քրեական գործն ըստ մեղադրանքի՝
Թովմաս Ռուբենի Գալստյանի՝ /ծնված՝ 04․08․1991թ., ազգությամբ հայ, ՀՀ քաղաքացի, ամուսնացած, նախկինում չդատապարտված, հաշվառված և փաստացի բնակվող՝ ք․ Երևան, Արգիշտի փողոց, 10/5 տուն հասցեում/ ՀՀ քրեական օրենսգրքի 344-րդ հոդվածի 1-ին մասով /երկու դրվագ/,

Պ Ա Ր Զ Ե Ց

1.Գործի դատավարական պատմությունը.
1.1․ 2024թ․ հուլիսի 30-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60555024 քրեական վարույթը:
1․2․ 2024թ․ սեպտեմբերի 10-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60582424 քրեական վարույթը:
1․3․ 2024թ․ հոկտեմբերի 29-ին որոշում է կայացվել թիվ 60582424 քրեական վարույթը թիվ 60555024 քրեական վարույթին միացնելու և նախաքննությունը թիվ 60555024 քրեական վարույթի համարի ներքո շարունակելու մասին։
1.4․ 2025թ. մարտի 05-ին որոշում է կայացվել Թովմաս Ռուբենի Գալստյանի նկատմամբ ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում հարուցելու մասին:
1.5․ 2025թ. մարտի 06-ին որոշում է կայացվել Թովմաս Ռուբենի Գալստյանի նկատմամբ որպես խափանման միջոց բացակայելու արգելքը կիրառելու մասին:
1.6․ Երևան քաղաքի առաջին ատյանի ընդհանուր իրավասության քրեական դատարանում 2025 թվականի ապրիլի 07-ին մուտք է եղել ՀՀ դատախազության Կենտրոն և Նորք-Մարաշ վարչական շրջանների դատախազությունից ստացված նախաքննական 60555024 համարով քրեական գործն ըստ մեղադրանքի՝ Թովմաս Ռուբենի Գալստյանի՝ ՀՀ քրեական օրենսգրքի 344-րդ հոդվածի 1-ին մասով /երկու դրվագ/, քրեական գործին շնորհվել է ԵԴ1/1217/01/25 դատական գործի համարը, աշխատակազմին է հանձնվել 2025 թվականի ապրիլի 08-ին:
1.7․ 2025 թվականի ապրիլի 08-ին Դատարանը որոշում է կայացրել թիվ ԵԴ1/1217/01/25 քրեական գործով վարույթը ստանձնելու և նախնական դատալասումներ նշանակելու մասին:

2. Մեղադրանքի փաստական նկարագրությունը.
ՀՀ ոստիկանության «Ճանապարհային ոստիկանություն» ծառայության կողմից 2024 թվականի փետրվարի 29-ին կայացված վարչական տույժ նշանակելու մասին թիվ 2418002300 որոշմամբ Թովմաս Ռուբենի Գալստյանի տրանսպորտային միջոցներ վարելու իրավունքը կասեցվել է 6 (վեց) ամիս ժամանակով' սկսած 2024 թվականի ապրիլի 03-ից մինչև 2024 թվականի հոկտեմբերի 03-ը, որի մասին վերջինս ծանուցվել է 2024 թվականի հունիսի 08-ին վարչական իրավախախտման վերաբերյալ արձանագրությունը կազմելիս ՀՀ ՆԳՆ ոստիկանության ՊԾ Արագածոտնի գումարտակի 1-ին վաշտի պարեկ Ռոման Գևորգյանի կողմից: Տեղյակ լինելով, որ իր տրանսպորտային միջոցներ վարելու իրավունքը կասեցված է, Թովմաս Գալստյանը, կասեցման ժամկետը դեռ չլրացած, 2024 թվականի հուլիսի 06-ին ժամը 00:20-ի սահմաններում, Երևան քաղաքի Քրիստափորի փողոցում վարել է «Նիսսան» մակնիշի 37 CH 341 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկ Սամվել Պողոսյանի կողմից նույն օրը' ժամը 00:30-ին, կազմվել է վարչական իրավախախտման վերաբերյալ թիվ 8180412387 արձանագրությունը։
Բացի այդ, ՀՀ ոստիկանության «ճանապարհային ոստիկանություն» ծառայության կողմից 2024 թվականի փետրվարի 29-ին կայացված վարչական տույժ նշանակելու մասին թիվ 2418002300 որոշմամբ Թովմաս Ռուբենի Գալստյանի տրանսպորտային միջոցներ վարելու իրավունքը կասեցվել է 6 (վեց) ամիս ժամանակով' սկսած 2024 թվականի ապրիլի 03-ից մինչև 2024 թվականի հոկտեմբերի 03-ը, որի մասին վերջինս ծանուցվել է 2024 թվականի հունիսի 08- ին վարչական իրավախախտման վերաբերյալ արձանագրությունը կազմելիս ՀՀ ՆԳՆ ոստիկանության ՊԾ Արագածոտնի գումարտակի 1-ին վաշտի պարեկ Ռոման Գևոոգյանի կողմից: Տեղյակ լինելով, որ իր տրանսպորտային միջոցներ վարելու իրավունքը կասեցված է, Թովմաս Գալստյանը, կասեցման ժամկետը դեռ չլրացած, 2024 թվականի օգոստոսի 23-ին՝ ժամը 14:45-ի սահմաններում, Երևան...քաղաքի Րաֆֆու փողոցում վարել է «Նիսսան» մակնիշի 37CH 34 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկ Վազգեն Զաքարյանի կողմից նույն օրը՝ ժամը 14:56-ին, կազմվել է վարչական իրավախախտման վերաբերյալ թիվ 8180409530 արձանագրությունը:

3. Դատաքննությամբ հետազոտված թույլատրելի ապացույցները.
3.1 Զննություն կատարելու մասին կազմված արձանագրությունը, համաձայն որի՝ զննվել է վարչական իրավախախտման վերաբերյալ 06.07.2024 թվականին կազմված թիվ 8180412387 արձանգրությունը։ Արձանագրությունը լրացված է ձեռագիր, վերևի տողում առկա է վարչական իրավախախտման վերաբերյալ արձանագրություն գրառումը, իսկ դրանից ներքև 06.07.2024թ, ժամը 00.30 գրառումը։ Արձանագրությունը կազմվել է Երևան քաղաքի Քրիստափոր փողոցում: Դրանից ներքևի տողերում ձեռագիր լրացրած է ՀՀ ոստիկանության պարեկային ծառայության Երևան քաղաքի ոստիկանության պարկային ծառայության 3 գում. 3 վաշտի կրտսեր պարեկ Սամվել Սարգսի Պողոսյան, 05490, այնուհտև առկա գրառումներ՝ Թովմաս Ռուբենի Գալսյանի /ծնված 04.08.1991 թվականին, բնակվող՝ ք. Երևան Արգիշտի 10/15 հասցեում, հեռ՝ 091 997-886, վկայական RF 290669, «NISSAN» մակնիշի 37 CH 341 հաշվառման համարանիշի, ավտոմեքենան հաշվառված է Սիրվարդ Մնացականյանի անվամբ։ Այնուհետև դրա ներքևի տողում ձեռագիր լրացված է <<Երևան քաղաքի Քրիստափոր փ., ժամը 00.20-ի սահմաններում տրանսպորտային միջոցներ վարելու իրավունքը կասեցված անձը վարել է տրանսպորտային միջոց>>: Արձանագրության ներքևի հատվածում առկա է իրավախախտում կատարած անձի ստորագրությունը և գրառումը, ըստ որի <Ես տեղեկացված եմ եղել, որ իմ վարորդականը վերական> 07.01.2024թ։ առկա է ստորագրություն, իսկ դրանից ներքև առկա է ևս մեկ ստորագրություն, իսկ դրանից ներքև ևս մեկ ստորագրություն:
3․2. Ճանապարհային ոստիկանության էլեկտրոնային ռեգիստր գրառմամբ փաստաթուղթը, որը տպատառ է, ներքևի աջ անկյունում փակցված է տղամարդու դիմանկար, իսկ դրանից ներքև RF 290669, և հետևյալ գրառումները՝ վարորդական իրավունքի վկայականի տվյալները վարորդական վկայականի կարգերը, կարգավիճակ բառի դիմաց կասեցված, թողարկված 10.05.2017 թ, զրկումներ, կասեցումներ՝ սկիզբը՝ 03.04.2024թ ավարտը՝ 03.10.2024 թ։ Թովմաս Ռուբենի Գալստյան անձնագիր AH 0619083, համարանիշ 14089110470, ծնված՝ 04.08.1991, Երևան Կենտրոն Արգիշտի փ 10/5 բն, հեռ՝ 093 433945:
3․3. ՀՀ Ո ՆԳՆ Ո ՃՈ վարչական տույժ նշանակելու մասին թիվ 2418002300 վարչական տույժ նշանակելու մասին որոշումը, որի համաձայն այն կայացվել է 2024 թվականի փետրվարի 29-ին։ Նշված որոշման համաձայն Թովմաս Ռուբենի Գալստյանի տրանսպորտային միջոցներ վարելու իրավունքը կասեցվել է 6 ամիս ժամկետով:
3․4. Թիվ 8180409530 արձանագրությունը՝ կազմված՝ 23.08.2024 թ-ին ժամը 24.56-ին: Զննությամբ պարզվել է, որ՝ այն լրացված է ձեռագիր, կազմված 23.08.2024 թ-ին, Ժամը 14.56-ին, Երևան քաղաքի Րաֆֆի փողոցում: Նշվածից ներքևի տողին լրացված է , որ ՀՀ Ո ՆԳՆ ՊԾ աշխատակից Վազգեն Զաքարյանը կազմել է արձանագրությունը Թովմաս Ռուբենի Գալստյանի վերաբերյալ, /ծնված՝ 04.08..1991 թ-ին, / բն՝ Երևան քաղաքի Կենտրոն համայնք, Արգիշտի փողոց 10/5 հասցեի բնակիչ վարորդական իրավունքի վկ՝ RF 290669/, ըստ որի՝ տրանսպորտային միջոցներ վարելու իրավունքը կասեցված անձը վարել է տրանսպորտային միջոցը՝ Նիսան 37CH 341 հ/h-ի ավտոմեքենան Երևան քաղաքի Մ.Սեբաստիա Րաֆֆիի փողոցով Երևան քաղաքի Տ մեծի 3-րդ փողոցում։ Ներքևի տողերում գրված է արձանագրությանը կցվում է արձ՝ 8180408779 ձեռագիր թվերը, դրանից ներքև առկա են երկու ստորագրություններ, իսկ դրանից ներքև այլ տարբերվող ստորագրություն։
3․5. Պարեկային ծառայության աշխատակցի կողմից կազմված թիվ 8180293983 արձանագրության զննությունը, համաձայն որի՝ այն կազմվել է 08.06.2024թ՝ ժամը 10:50-ին Արագածոտնի մարզի գյուղ Ագարակ Մ1 հասցեում։ Նշված արձանագրության համաձայն միջոցը Թովմաս Ռուբենի Գալսսյանը «NISSAN» մակնիշի 37 CH 341 տրանսպորտային միջոցը վարել է կասեցված վիճակում Ներքևի հատվածում առկա է իրավախախտում կատարած անձի ստորագորւթյունը և Գալստյան ազգանունը։
3․6. Արտավարութային փաստաթուղթ ճանաչված, զննության ենթարկված՝ Թովմաս Գալստյանի նկատմամբ 06.07.2024 թվականին կազմված վարչական իրավախախտման վերաբերյալ թիվ 8180412387 արձանգրությունը, թիվ No 2418002300 որոշումը, 23.08.2024 թվականին կազմված վարչական իրավախախտման վերաբերյալ թիվ 8180409530 արձանագրությունը և 08.06.2024 թվականին կազմված վարչական իրավախախտման վերաբերյալ թիվ 8180293983 արձանագրությունը:
3․7․ Մեղադրյալ Թովմաս Ռուբենի Գալստյանը դատարանում հրաժարվեց ցուցմունք տլաւց, սակայն չհրաժարվեց նախաքննության ընթաքում իր տված ցուցմունքից, ուստի հարապարկավեց Թովմաս Ռուբենի Գալստյանի՝ 2025 թվականի մարտի 06-ի, մեղադրյալի կարգավիճակով տված ցուցմունքը՝ հետևյալ բովանդակությամբ.՝
Չեմ ցանկանում պաշպան, հոգեկան հիվանդությամբ չեմ տառապում, ցանկանում եմ ցուցմունք տալ և հայտնում եմ, որ ես ընդունում եմ մեղքս, ինձ ճանաչում եմ մեղավոր, հասկանալի է մեղադրանքի իրավաբանական հատկանիշները, գիտեմ, թե ինչ համար եմ մեղադրվում:
Չեմ հիշում ժամանակահատվածը, ես վարում էի Նիսան Վերսա մակնիշի ավտոմեքենայով, որի համարանիշները չեմ հիշում, ինձ կանգեցրեց պարեկային ծառայության աշխատակիցը և հայտնեց, որ իմ վարորդական իրրավունքի վկայականը կասցված է: Հետո ինձ առաջարկվեց մուտք գործել Պոլիս ամ կայք և ես երբ մտա նկատեցի, որ իմ բալերը վերականգնված է, իսկ պլանշետով ցույց էր տալիս, որ բալերս պրծել է, դա երկրորդ անգամ էր։ ծանուցվել եմ այն ժամանակ, երբ պատրուլը կանգնեցրել է և այդ ժամանակ եմ տեղեկացել։ Ես կատարել եմ տարբեր մակնիշի ավտոմեքենաներ և կատարել եմ վարչական իրավախախտումներ:
Հարց-Ձեզ եմ ներկայացնում 23.08.2024թ.-ին թիվ 81804095330 արձանագրությունը, խնդրում եմ զննել և հայտնել, դա Ձեր ստորագրություն է:
Պատասխան- այո, դա իմ ստորագրություն է, իսկ թե ինչու հայտարարություն չեմ ներկայացրել չեմ հիշում: Ներկայացված բոլոր արձանագրություններում իմ ստորագրություներն են: 

4. Դատարանի փաստական վերլուծությունները և դատարանի կողմից հաստատված փաստական հանգամանքները.
ՀՀ ոստիկանության «Ճանապարհային ոստիկանություն» ծառայության կողմից 2024 թվականի փետրվարի 29-ին կայացված վարչական տույժ նշանակելու մասին թիվ 2418002300 որոշմամբ Թովմաս Ռուբենի Գալստյանի տրանսպորտային միջոցներ վարելու իրավունքը կասեցվել է 6 (վեց) ամիս ժամանակով' սկսած 2024 թվականի ապրիլի 03-ից մինչև 2024 թվականի հոկտեմբերի 03-ը, որի մասին վերջինս ծանուցվել է 2024 թվականի հունիսի 08-ին վարչական իրավախախտման վերաբերյալ արձանագրությունը կազմելիս ՀՀ ՆԳՆ ոստիկանության ՊԾ Արագածոտնի գումարտակի 1-ին վաշտի պարեկ Ռոման Գևորգյանի կողմից: Տեղյակ լինելով, որ իր տրանսպորտային միջոցներ վարելու իրավունքը կասեցված է, Թովմաս Գալստյանը, կասեցման ժամկետը դեռ չլրացած, 2024 թվականի հուլիսի 06-ին ժամը 00:20-ի սահմաններում, Երևան քաղաքի Քրիստափորի փողոցում վարել է «Նիսսան» մակնիշի 37 CH 341 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկ Սամվել Պողոսյանի կողմից նույն օրը' ժամը 00:30-ին, կազմվել է վարչական իրավախախտման վերաբերյալ թիվ 8180412387 արձանագրությունը։
Բացի այդ, ՀՀ ոստիկանության «ճանապարհային ոստիկանություն» ծառայության կողմից 2024 թվականի փետրվարի 29-ին կայացված վարչական տույժ նշանակելու մասին թիվ 2418002300 որոշմամբ Թովմաս Ռուբենի Գալստյանի տրանսպորտային միջոցներ վարելու իրավունքը կասեցվել է 6 (վեց) ամիս ժամանակով' սկսած 2024 թվականի ապրիլի 03-ից մինչև 2024 թվականի հոկտեմբերի 03-ը, որի մասին վերջինս ծանուցվել է 2024 թվականի հունիսի 08- ին վարչական իրավախախտման վերաբերյալ արձանագրությունը կազմելիս ՀՀ ՆԳՆ ոստիկանության ՊԾ Արագածոտնի գումարտակի 1-ին վաշտի պարեկ Ռոման Գևոոգյանի կողմից: Տեղյակ լինելով, որ իր տրանսպորտային միջոցներ վարելու իրավունքը կասեցված է, Թովմաս Գալստյանը, կասեցման ժամկետը դեռ չլրացած, 2024 թվականի օգոստոսի 23-ին՝ ժամը 14:45-ի սահմաններում, Երևան...քաղաքի Րաֆֆու փողոցում վարել է «Նիսսան» մակնիշի 37CH 34 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկ Վազգեն Զաքարյանի կողմից նույն օրը՝ ժամը 14:56-ին, կազմվել է վարչական իրավախախտման վերաբերյալ թիվ 8180409530 արձանագրությունը:


5. Դատարանի իրավական վերլուծությունները.
5.1. Վերլուծելով մեղադրյալ Թովմաս Ռուբենի Գալստյանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Թովմաս Ռուբենի Գալստյանիին վերագրվող փաստական հանգամանքները, մասնավորապես մեղադրյալ Թովմաս Ռուբենի Գալստյանի կողմից տրանսպորտային միջոցներ վարելու իրավունքի կասեցված լինելու պայմաններում 2 /երկու/ անգամ տրանսպորտային միջոց վարելը,
- ապացուցված է վերոգրյալ արարքների քրեական հակաիրավականությունը, որը նախատեսված է ՀՀ քրեական օրենսգրքի 344-րդ հոդվածի 1-ին մասով,
- ապացուցված է մեղադրյալ Թովմաս Ռուբենի Գալստյանի կողմից ՀՀ քրեական օրենսգրքի 344-րդ հոդվածի 1-ին մասով նախատեսված վերոգրյալ արարքները կատարելը.
- ապացուցված է մեղադրյալ Վահագն Վարազդատի Մանուկյանի մեղավորությունը ՀՀ քրեական օրենսգրքի 344-րդ հոդվածի 1-ին մասով նախատեսված արարքները կատարելու մեջ:

5.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:

ՀՀ քրեական օրենսգրքի 7-րդ հոդվածի 1-ին մասի համաձայն`
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»:

ՀՀ քրեական օրենսգրքի 55-րդ հոդվածի 2-րդ մասի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:

ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ»:

ՀՀ քրեական օրենսգրքի 74-րդ հոդվածի համաձայն`
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:»:

5.3. Դատարանը որպես մեղադրյալի պատասխանատվությունը և պատիժը մեղմացնող հանգամանք հաշվի է առնում այն, որ ներկայացված մեղադրանքում իրեն լիովին մեղավոր է ճանաչել:
Դատարանը մեղադրյալի պատասխանատվությունը և պատիժը ծանրացնող հանգամանքներ չի արձանագրում:
5.4. Վերոգրյալ իրավանորմերի համատեքստում քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալի նկատմամբ, հաշվի առնելով մեղադրյալի կատարած հանցագործության բնույթը և հանրության համար վտանգավորության աստիճանը, ինչպես նաև հանցագործության անմիջական օբյեկտի՝ հասարակության անվտանգության դեմ ուղղված ոտնձգության բնույթը և այդ ոլորտում պետության քրեական քաղաքականության ուղղվածությունը, դրանք համադրելով մեղադրյալի անձը բնութագրող տվյալների հետ, հաշվի առնելով նաև մեղադրյալի պատասխանատվությունը և պատիժը մեղմացնող հանգամանքի առկայությունը և ծանրացնող հանգամանքների բացակայությունը, Դատարանը գտնում է, որ մեղադրյալ Թովմաս Ռուբենի Գալստյանն իր կատարած՝ ՀՀ քրեական օրենսգրքի 344-րդ հոդվածի 1-ին մասով նախատեսված արարքների կատարման համար ենթակա է պատժի այդ հանցագործության համար նախատեսված պատիժներից առավել մեղմ պատժի` տուգանքի ձևով, իսկ առավել խիստ պատիժ նշանակելու հիմքերը բացակայում են:
Միևնույն ժամանակ, հաշվի առնելով, որ թեև մեղադրյալը եկամուտները նվազ են օրենքով նածատեսված նվազագույն աշխատավարձի չափից, ուստի Դատարանը գտնում է, որ մեղադրյալի նկատմամբ տուգանքի ձևով պատժի չափը որոշելիս պետք է հաշվի առնել հանցանքը կատարելու պահին նվազագույն աշխատավարձի չափը, որը «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն սահմանված է 75.000 (յոթանասունհինգ հազար) ՀՀ դրամ:
Դատարանը գտնում է, որ 2024 թվականի հուլիսի 06-ին կատարված ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով, իսկ 2024 թվականի օգոստոսի 23-ին կատարված ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով։
Դատարանն արձանագրում է, որ ՀՀ քրեական օրենսգրքի 74-րդ հոդվածի 1-ին մասի համաձայն՝ հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, ուստի պատիժները լրիվ գումարելու միջոցով վերջնական պատիժ պետք է սահմանել տուգանք 750.000 /յոթ հարյուր հիսուն հազար/ ՀՀ դրամի չափով, որով կապահովվի ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին և բավարար կլինի սոցիալական արդարությունը վերականգնելու, պատժի ենթարկված անձին վերասոցիալականացնելու և հանցագործությունները կանխելու համար:
5.5. Դատարանը, հաշվի առնելով, որ մեղադրյալը չունի բավարար եկամուտներ, ինչպես նաև ունի հղի կին, ուստի Դատարանը գտնում է, որ մեղադրյալն ի վիճակի չէ անհապաղ և ամբողջությամբ վճարելու նշանակված տուգանքը, ուստի արձանագրում է, որ անհրաժեշտ է դատավճռով նրա նկատմամբ նշանակվող տուգանքը տարաժամկետել 12 /տասներկու/ ամիս ժամկետով՝ թույլատրելով վերջինիս յուրաքանչյուր ամիս վճարել առնվազն 62.500 /վաթսուն երկու հազար/ ՀՀ դրամ գումար:
5.6. Անդրադառնալով մեղադրյալի նկատմամբ լրացուցիչ պատիժ նշանակելու հարցին, Դատարանն արձանագրում է, որ միայն հիմնական պատիժը՝ տուգանքը, բավարար է պատժի նպատակներին հասնելու համար, ուստի մեղադրյալի նկատմամբ լրացուցիչ պատժատեսակ նշանակելն աննպատակահարմար է:
5.7. Դատարանն արձանագրում է, որ սույն գործով գույքային հայց չի հարուցվել, բռնագրավման ենթակա գույքի, ինչպես նաև գույքի արգելադրման վերաբերյալ տվյալներ գործում առկա չեն:
5.8. Անդրադառնալով ապացույցների տնօրինման հարցին՝ Դատարանը գտնում է, որ 2025 թվականի մարտի 10-ին արտավարութային փաստաթուղթ ճանաչված և վարույթի նյութերին կցված՝ Թովմաս Գալստյանի նկատմամբ 06.07.2024 թվականին կազմված վարչական իրավախախտման վերաբերյալ թիվ 8180412387 արձանգրությունը, թիվ No 2418002300 որոշումը, 23.08.2024 թվականին կազմված վարչական իրավախախտման վերաբերյալ թիվ 8180409530 արձանագրությունը և 08.06.2024 թվականին կազմված վարչական իրավախախտման վերաբերյալ թիվ 8180293983 արձանագրությունը պետք է պահել վարույթի նյութերի հետ՝ դրանք պահելու ամբողջ ընթացքում:
5.9. Քննարկելով խափանման միջոցի հարցը` դատարանը գտնում է, որ մեղադրյալի նկատմամբ որպես խափանման միջոց բացակայելու արգելքն ընտրված է ճիշտ և այն վերացվելու կամ փոփոխվելու ենթակա չէ մինչև դատավճռի օրինական ուժի մեջ մտնելը:
5.10. Քննարկելով դատական ծախսերի հարցը՝ Դատարանն արձանագրում է, որ վարույթային ծախսեր առկա չեն:
Վերոգրյալի հիման վրա և ղեկավարվելով Հայաստանի Հանրապետության քրեական դատավարության օրենսգրքի 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`

Վ Ճ Ռ Ե Ց

Մեղադրյալ Թովմաս Ռուբենի Գալստյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված երկու դրվագ հանցանքներում և յուրաքանչյուր դրվագի համար պատիժ նշանակել տուգանք՝ նվազագույն աշխատավարձի հինգապատիկի` 375.000 /երեք հարյուր յոթանասունհինգ հազար/ ՀՀ դրամ գումարի չափով:
ՀՀ քրեական օրենսգրքի 74-րդ հոդվածի կիրառմամբ հանցանքների համակցությամբ պատիժները լրիվ գումարելու միջոցով վերջնական հիմնական պատիժ նշանակել տուգանք՝ 750.000 /յոթ հարյուր հիսուն հազար/ ՀՀ դրամը:
Թովմաս Ռուբենի Գալստյանին թույլատրել դատավճռով նշանակված 750.000 ՀՀ դրամ գումարի չափով տուգանքը վճարել մաս առ մաս, 12 /տասներկու/ ամսվա ընթացքում՝ յուրաքանչյուր ամիս վճարելով առնվազն 62.500 /վաթսուներկու հազար հինգ հարյուր/ ՀՀ դրամ գումար:
Մեղադրյալ Թովմաս Ռուբենի Գալստյանի նկատմամբ ընտրված խափանման միջոց բացակայելու արգելքը պահպանել՝ մինչև դատավճռի օրինական ուժի մեջ մտնելը:
Վարութային ծախսերի հարցը համարել լուծված։
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Դատավճիռը կարող է բողոքարկվել ՀՀ վերաքննիչ քրեական դատարան` դատական ակտը ստանալու օրվանից հետո մեկամսյա ժամկետում:



ԴԱՏԱՎՈՐ՝ Ա. ՄԵԼԻՔՍԵԹՅԱՆ