Գործ ԵԴ1/1171/01/25





Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ

նախագահությամբ՝ դատավոր Ս.ՅՈՒԶԲԱՇՅԱՆԻ
քարտուղարությամբ՝ Լ.ՂԱԶԱՐՅԱՆԻ
մասնակցությամբ`
հանրային մեղադրող՝ Երևան քաղաքի Կենտրոն և
Նորք-Մարաշ վարչական շրջանների
դատախազության դատախազ
Դ.ՄԱՐԳԱՐՅԱՆԻ
պաշտպան Մ.ՍԱՐԳՍՅԱՆԻ

2025 թվականի ապրիլի 16-ին, Երևան քաղաքում, դռնբաց դատական նիստում, մեղադրյալի բացակայությամբ դատաքննություն իրականացնելու կարգով քննության առնելով քրեական գործն ըստ մեղադրանքի՝
Համլետ Ռոբերտի Իսրայելյանի՝ ծնված՝ 02.03.1996թ., ազգությամբ հայ, ՀՀ քաղաքացի, միջնակարգ կրթությամբ, չամուսնացած, խնամքին ոչ ոք, չի աշխատում, չդատապարտված, հաշվառված՝ Գեղարքունիքի մարզ, Գավառ քաղաք, Ազատության փողոց, 43-րդ շենք, 9-րդ բնակարան հասցեում, մեղադրվում է ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով, որպես խափանման միջոց է ընտրված բացակայելու արգելքը:

1. Գործի դատավարական նախապատմությունը.
1.1 2024 թվականի հունվարի 25-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60-0365-24 քրեական վարույթը /հատոր 1-ին, գ.թ. 8-9/:
1.2 2024 թվականի փետրվարի 14-ին թիվ 60-0365-24 քրեական վարույթն ուղարկվել է ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երրորդ բաժին /հատոր 1-ին, գ.թ. 13-14/:
1.3 2024 թվականի հուլիսի 15-ին Համլետ Ռոբերտի Իսրայելյանի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 344-րդ հոդվածի 1-ին մասով /հատոր 1-ին, գ.թ. 34-35/:
1.4 2024 թվականի հուլիսի 16-ին մեղադրյալ Համլետ Ռոբերտի Իսրայելյանի նկատմամբ որպես խափանման միջոց է կիրառվել բացակայելու արգելքը /հատոր 1-ին, գ.թ. 50-51/:
1.5 2024 թվականի հուլիսի 22-ին որոշում է կայացվել թիվ 60-0365-24 քրեական վարույթով Համլետ Ռոբերտի Իսրայելյանի նկատմամբ 2024 թվականի հուլիսի 15-ին հարուցված հանրային քրեական հետապնդման ժամկետը կասեցնելու մասին /հատոր 1-ին, գ.թ. 65-68/:
1.6 2024 թվականի հունվարի 24-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60-0149-24 քրեական վարույթը /հատոր 1-ին, գ.թ. 90-91/:
1.7 2024 թվականի հունվարի 25-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60-0463-24 քրեական վարույթը /հատոր 1-ին, գ.թ. 102-103/:
1.8 2024 թվականի հունվարի 26-ին որոշում է կայացվել թիվ 60-0463-24 քրեական վարույթը թիվ 60014924 քրեական վարույթին միացնելու և նախաքննությունը թիվ 60-0149-24 համարի ներքո շարունակելու մասին /հատոր 1-ին, գ.թ. 106-107/:
1.9 2025 թվականի փետրվարի 19-ին թիվ 60-0149-24 վարույթով Համլետ Ռոբերտի Իսրայելյանի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով /հատոր 1-ին, գ.թ. 133-134/:
1.10 2025 թվականի մարտի 07-ին որոշում է կայացվել թիվ 60-0365-24 քրեական վարույթով Համլետ Ռոբերտի Իսրայելյանի նկատմամբ ՀՀ քրեական օրենսգրքի 344-րդ հոդվածի 1-ին մասով 2024 թվականի հուլիսի 15-ին հարուցված և 2024 թվականի հուլիսի 22-ին կասեցված հանրային քրեական հետապնդման ժամկետը վերսկսելու մասին /հատոր 1-ին, գ.թ. 157-159/:
1.11 2025 թվականի մարտի 13-ին որոշում է կայացվել թիվ 60-0149-24 քրեական վարույթը թիվ 60-0365-24 քրեական վարույթին միացնելու և նախաքննությունը թիվ 60-0365-24 համարի ներքո շարունակելու մասին /հատոր 1-ին, գ.թ. 160-162/:
1.12 2025 թվականի մարտի 20-ին Համլետ Ռոբերտի Իսրայելյանի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով /հատոր 1-ին, գ.թ. 170-172/:
1.13 Նույն օրը որոշում է կայացվել թիվ 60-0365-24 քրեական վարույթով մեղադրյալ Համլետ Ռոբերտի Իսրայելյանի նկատմամբ հեռակա վարույթ իրականացնելու մասին /հատոր 1-ին, գ.թ. 174-176/:
1.14 2025 թվականի մարտի 31-ին կազմվել է թիվ 60-0365-24 քրեական վարույթով մեղադրական եզրակացությունը /հատոր 1-ին, գ.թ. 180-191/:
1.15 2025 թվականի ապրիլի 04-ին որոշում է կայացվել թիվ 60-0365-24 քրեական վարույթով մեղադրական եզրակացությունը հաստատելու մասին։
1.16 2025 թվականի ապրիլի 04-ին թիվ 60-0365-24 քրեական գործը մուտք է եղել դատարան, էլեկտրոնային եղանակով նույն օրը թիվ ԵԴ1/1171/01/25 համարի ներքո մակագրվել և նույն թվականի ապրիլի 07-ին հանձնվել է դատավոր Ս.Յուզբաշյանին։
1.17 2025 թվականի ապրիլի 07-ին որոշում է կայացվել քրեական գործով վարույթն ստանձնելու և նախնական դատալսումներ նշանակելու մասին:
1.18 2025 թվականի ապրիլի 16-ին որոշում է կայացվել մեղադրյալ Հ.Իսրայելյանի նկատմամբ որպես խափանման միջոց կիրառված բացակայելու արգելքն անփոփոխ թողնելու մասին:
1.19 2025 թվականի ապրիլի 16-ին որոշում է կայացվել մեղադրյալի բացակայությամբ վարույթ իրականացնելու մասին:
1.20 2025 թվականի ապրիլի 16-ին որոշում է կայացվել հիմնական դատալսումներ նշանակելու մասին:
1.21 2025 թվականի ապրիլի 16-ին կայացվել է մեղադրական վերդիկտ և նույն օրը որոշում է կայացվել լրացուցիչ դատալսումներ նշանակելու մասին:

2. Մեղադրանքի փաստական նկարագրությունը.
2.1 Համլետ Ռոբերտի Իսրայելյանին ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին և ՀՀ քրեական օրենսգրքի 344-րդ հոդվածի 1-ին մասով մեղադրանք է ներկայացվել պատժի սպառնալիքով արգելված մեղավորությամբ կատարված այն արարքների կատարման համար, որ նա, «զրկված լինելով տրանսպորտային միջոցներ վարելու իրավունքից՝ վարել է ավտոմեքենա:
Այսպես.
ՀՀ ոստիկանության պարեկային ծառայության կողմից թիվ 8180255327 վարչական իրավախախտման գործով 2023 թվականի մայիսի 30-ին կայացված որոշմամբ Համլետ Ռոբերտի Իսրայելյանը 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2023 թվականի մայիսի 30-ից մինչև 2024 թվականի մայիսի 30-ը, որի մասին տեղում ծանուցվել է և ստորագրությամբ ստացել որոշման պատճենը:
Տեղյակ լինելով, որ զրկված է տրանսպորտային միջոցներ վարելու իրավունքից՝ Համլետ Ռոբերտի Իսրայելյանը, զրկման ժամկետը դեռ չլրացած, 2023 թվականի հոկտեմբերի 13-ին՝ ժամը 12:40-ի սահմաններում, Երևան քաղաքի Նալբանդյան փողոցում վարել է «Մերսեդես» մակնիշի P 777 KM 197 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծատայության կրտսեր պարեկ Գրիգոր Բադալյանի կողմից նույն օրը՝ ժամը 13:05-ին, կազմվել է վարչական իրավախախտման վերաբերյալ թիվ 8180262496 արձանագրությունը:
Բացի այդ, տեղյակ լինելով, որ ՀՀ ոստիկանության պարեկային ծառայության կողմից թիվ 8180255327 վարչական իրավախախտման գործով 2023 թվականի մայիսի 30-ին կայացված որոշմամբ 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ Համլետ Ռոբերտի Իսրայելյանը, զրկման ժամկետը դեռ չլրացած, 2023 թվականի հոկտեմբերի 30-ին՝ ժամը 16:00-ի սահմաններում, Երևան քաղաքի Սայաթ-Նովայի պողոտայում վարել է «Մերսեդես» մակնիշի P 777 KM 197 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության պարեկ Սամվել Հունանյանի կողմից նույն օրը՝ ժամը 16:20-ին, կազմվել է վարչական իրավախախտման վերաբերյալ թիվ 8180257627 արձանագրությունը:
Բացի այդ, տեղյակ լինելով, որ ՀՀ ոստիկանության պարեկային ծառայության կողմից թիվ 8180255327 վարչական իրավախախտման գործով 2023 թվականի մայիսի 30-ին կայացված որոշմամբ 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ Համլետ Ռոբերտի Իսրայելյանը, զրկման ժամկետը դեռ չլրացած, 2023 թվականի նոյեմբերի 18-ին՝ ժամը 02:20-ի սահմաններում, Երևան քաղաքի Պուշկինի փողոցում վարել է «Մերսեդես» մակնիշի P 777 KM 197 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության պարեկ Աստվածատուր Կակոսյանի կողմից նույն օրը՝ ժամը 02:35-ին, կազմվել է վարչական իրավախախտման վերաբերյալ թիվ 8180260915 արձանագրությունը»:

3. Հեռակա դատաքննության ընթացքում հետազոտված թույլատրելի ապացույցները.
3.1 Զննում կատարելու մասին 2024 թվականի դեկտեմբերի 01-ի արձանագրությունը, համաձայն որի՝ թիվ 60-0365-24 քրեական վարույթում առկա վարչական իրավախախտման վերաբերյալ թիվ 8180257627 արձանագրության զննությամբ պարզվել է, որ այն կազմվել է 2023 թվականի հոկտեմբերի 30-ին՝ ժամը 16:20-ին, Երևան քաղաքի Մոսկովյան փողոցում ՀՀ ոստիկանության պարեկային ծառայության պարեկ Սամվել Վահագնի Հունանյանի կողմից այն մասին, որ Համլետ Ռոբերտի Իսրայելյանը Երևան քաղաքի Սայաթ-Նովա փողոց հատվածում՝ ժամը 16:00-ին, տրանսպորտային միջոցներ վարելու իրավունքից զրկված վիճակում վարել է տրանսպորտային միջոց, որի վերաբերյալ իրավախախտում կատարած անձ հանդիսացող Համլետ Ռոբերտի Իսրայելյանը հրաժարվել է ստորագրել արձանագրությունը:
Վարչական իրավախախտման վերաբերյալ թիվ 8180255327 արձանագրության զննությամբ պարզվել է, որ այն կազմվել է 2023 թվականի մայիսի 30-ին՝ ժամը 05:39-ին, Երևան քաղաքի Տիգրան Մեծի պողոտայում ՀՀ ոստիկանության պարեկային ծառայության կրտսեր պարեկ, Մարիամ Աշոտի Կարապետյանի կողմից այն մասին, որ Համլետ Ռոբերտի Իսրայելյանը Երևան քաղաքի Տիգրան Մեծի պողոտայում՝ ժամը 05.30-ին, տրանսպորտային միջոցը վարել է ոչ սթափ վիճակում /վարորդի մեկ լիտր արտաշնչած օդի մեջ մաքուր ալկոհոլի պարունակությունը գերազանցում է 0,5 միլիգրամ/, այդպիսով խախտելով ՀՀ ՎԻՎ օր.-ի 126-րդ հոդվածի 2-րդ մասի պահանջները, որի վերաբերյալ արձանագրություն կազմող անձը և իրավախախտում կատարած անձ հանդիսացող Համլետ Ռոբերտի Իսրայելյանը ստորագրել են համապատասխան վայրում:
Վարչական իրավախախտման գործով թիվ 8180255327 որոշման զննությամբ պարզվել է, որ այն կազմվել է 2023 թվականի մայիսի 30-ին՝ ՀՀ ոստիկանության պարեկային ծառայության կրտսեր պարեկ Մարիամ Աշոտի Կարապետյանի կողմից այն մասին, որ տրանսպորտային միջոցը վարել է ոչ սթափ վիճակում, վարորդի մեկ լիտր արտաշնչած օդի մեջ մաքուր ալկոհոլի պարունակությունը 0,5 միլիգրամը, այդպիսով խախտելով ՀՀ վիվ օր.-ի 126-րդ հոդվածի 2-րդ մասի պահանջները և որոշում է կայացվել Համլետ Իսրայելյանին զրկել տրանսպորտային միջոց վարելու իրավունքից 1 /մեկ/ տարի ժամկետով և որոշման պատճենը ստանալու վերաբերյալ իրավախախտում կատարած անձ հանդիսացող Համլետ Ռոբերտի Իսրայելյանը ստորագրել է:
Զննության է ենթարկվել ստուգաչափման կտրոնը, որի սարքի համարն է 91100955, ստուգաչափման համարն է 00552: Ստուգաչափումը կատարվել է 30.05.2023թ.-ին, որի ընթացքում պարզվել է, որ Համլետ Ռոբերտի Իսրայելյանի արտաշնչած օդում առկա է 0.605 մգ ալկոհոլ:
Զննության է ենթարկվել նաև ստուգաչափման վկայականը, որի համարն է 095306: Սարքի գործարանային համարն է 91100955, սարքը ստուգաչափումը անցել է 05.05.2023թ.- ին և ուժի մեջ է 05.05.2024թ.-ն:
ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության զննությամբ պարզվել է, որ Ռոբերտ Համլետի Իսրայելյանի զրկված է տրանսպորտային միջոցներ վարելու իրավունքից՝ սկսած 2023 թվականի մայիսի 30-ից մինչև 2024 թվականի մայիսի 30-ն:
Թիվ 60-0149-24 քրեական վարույթի նյութերում առկա 8180262496 վարչական իրավախախտման վերաբերյալ արձանագրության զննությամբ պարզվել է, որ այն կազմվել է 13.10.2023թ. ժամը 13:05-ին՝ Համլետ Ռոբերտի Իսրայելյանի նկատմամբ: Վերջինիս կողմից Երևան քաղաքի Նալբանդյան փողոցում տրանսպորտային միջոցներ վարելու իրավունքից զրկված վիճակում «Մերսեդես» մակնիշի 777 km197 հաշվառման համարանիշի ավտոմեքենան վարելու առնչությամբ:
Համլետ Ռոբերտի Իսրայելյանը ծանոթացել է արձանագրությանը և ստորագրությամբ հաստատել այն:
Ստորագրությունն առկա է «իրավախախտում կատարած անձի ստորագրությունը» անվամբ տողում և «իրավախախտում կատարած անձի բացատրությունը, դիտողությունը, առաջարկությունը» տողում:
Թիվ 60-0149-24 քրեական վարույթի նյութերում առկա վարչական իրավախախտման վերաբերյալ թիվ 8180255327 արձանագրության զննությամբ պարզվել է, որ այն կազմվել է 2023 թվականի մայիսի 30-ին՝ ժամը 05:39-ին, Երևան քաղաքի Տիգրան Մեծի պողոտայում ՀՀ ոստիկանության պարեկային ծառայության կրտսեր պարեկ, Մարիամ Աշոտի Կարապետյանի կողմից այն մասին, որ Համլետ Ռոբերտի Իսրայելյանը Երևան քաղաքի Տիգրան Մեծի պողոտայում՝ ժամը 05:30-ին, տրանսպորտային միջոցը վարել է ոչ սթափ վիճակում /վարորդի մեկ լիտր արտաշնչած օդի մեջ մաքուր ալկոհոլի պարունակությունը գերազանցում է 0,5 միլիգրամ/, այդպիսով խախտելով ՀՀ ՎԻՎ օր.-ի 126-րդ հոդվածի 2-րդ մասի պահանջները, որի վերաբերյալ արձանագրություն կազմող անձը և իրավախախտում կատարած անձ հանդիսացող Համլետ Ռոբերտի Իսրայելյանը ստորագրել են համապատասխան վայրում:
Վարչական իրավախախտման գործով թիվ 8180255327 որոշման զննությամբ պարզվել է, որ այն կազմվել է 2023 թվականի մայիսի 30-ին՝ ՀՀ ոստիկանության պարեկային ծառայության կրտսեր պարեկ Մարիամ Աշոտի Կարապետյանի կողմից այն մասին, որ տրանսպորտային միջոցը վարել է ոչ սթափ վիճակում, վարորդի մեկ լիտր արտաշնչած օդի մեջ մաքուր ալկոհոլի պարունակությունը 0,5 միլիգրամը, այդպիսով խախտելով ՀՀ օր.ի 126-րդ հոդվածի 2-րդ մասի պահանջները և որոշում է կայացվել Համլետ Իսրայելյանին զրկել տրանսպորտային միջոց վարելու իրավունքից 1 /մեկ/ տարի ժամկետով որոշման պատճենը ստանալու վերաբերյալ իրավախախտում կատարած անձ հանդիսացող Համլետ Ռոբերտի Իսրայելյանը ստորագրել է:
Արձանագրությանը կցված է 00552 կտրոնը, որի համաձայն Համլետ Ռոբերտի իսրայելյանի օրգանիզմում ալկոհոլի պարունակությունը կազմում է 0.605մգ:
Ճանապարհային ոստիկանության էլեկտրոնային ռեգիստրից արտատպված, Համլետ Ռոբերտի Իսրայելյանի վարորդական իրավունքի վկայականի տեղեկանքի զննությամբ պարզվել է, որ Համլետ Ռոբերտի Իսրայելյանը 30.05.2023 թվականից մինչ 30.05.2025 թվականը զրկված է վարորդական իրավունքի վկայականից:
Թիվ 60-0149-24 քրեական վարույթի նյութերում առկա 8180260915 վարչական իրավախախտման վերաբերյալ արձանագրության զննությամբ պարզվել է, որ այն կազմվել է 18.11 2023թ ժամը 02:35-ին՝ Համլետ Ռոբերտի Իսրայելյանի նկատմամբ, վերջինիս կողմից Երևան քաղաքի Պուշկինի փողոցում տրանսպորտային միջոցներ վարելու իրավունքից զրկված վիճակում «Մերսեդես» մակնիշի P 777 KM 197 հաշվառման համարանիշի ավտոմեքենան վարելու համար /հատոր 1-ին, գ.թ 15-16, 127-129, դատական նիստի արձանագրություն/:
3.2 Որպես արտավարութային փաստաթուղթ ճանաչված և քրեական վարույթին կցված՝ Համլետ Ռոբերտի Իսրայելյանի վերաբերյալ վարչական իրավախախտման թիվ 8188257627, 8180255321, 8180262496 և 8180260915 արձանագրությունների, ալկոհոլի պարունակության ստուգման թիվ 00552 կտրոնի, ստուգաչափման թիվ 095306 վկայականի և ՀՀ ՆԳՆ ոստիկանության «Ճանապարհային ոստիկանության» ծառայության էլեկտրոնային ռեգիստրից ստացված տեղեկատվության պատճենները /հատոր 1-ին, գ.թ 3-7, 17-18, 85-89, 96, 98-101, 130-131, դատական նիստի արձանագրություն/:
3.3 Պաշտպան Մ.Սարգսյանը ընդունել մեղադրյալ Հ.Իսրայելյանի մեղավորությունը, նշելով, որ վերջինս գրավոր, հստակ ու պատշաճ ձևով տեղեկացրել է այն մասին վարույթն իրականացնող մարմնին /հատոր 1-ին, գ.թ. 155, դատական նիստի արձանագրություն/:

4. Հեռակա դատաքննությամբ լրացուցիչ դատալսումներ.
4.1 Լրացուցիչ դատալսումների ընթացքում հետազոտվեց՝
- ՀՀ ոստիկանության ինֆորմացիոն կենտրոնի ձև 8 տեղեկանքը, որի համաձայն՝ Համլետ Ռոբերտի Իսրայելյանը հանդիսանում է չդատապարտված /հատոր 1-ին, գ.թ. 14, դատական նիստի արձանագրություն/:

5. Դատարանի պատճառաբանությունը և եզրահանգումները.
2.2 Հեռակա դատաքննության ընթացքում պատշաճ իրավական ընթացակարգով հետազոտված թույլատրելի ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, Դատարանն ապացուցված է համարում, որ Համլետ Ռոբերտի Իսրայելյանը, զրկված լինելով տրանսպորտային միջոցներ վարելու իրավունքից՝ վարել է ավտոմեքենա:
Այսպես.
ՀՀ ոստիկանության պարեկային ծառայության կողմից թիվ 8180255327 վարչական իրավախախտման գործով 2023 թվականի մայիսի 30-ին կայացված որոշմամբ Համլետ Ռոբերտի Իսրայելյանը 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2023 թվականի մայիսի 30-ից մինչև 2024 թվականի մայիսի 30-ը, որի մասին տեղում ծանուցվել է և ստորագրությամբ ստացել որոշման պատճենը:
Տեղյակ լինելով, որ զրկված է տրանսպորտային միջոցներ վարելու իրավունքից՝ Համլետ Ռոբերտի Իսրայելյանը, զրկման ժամկետը դեռ չլրացած, 2023 թվականի հոկտեմբերի 13-ին՝ ժամը 12:40-ի սահմաններում, Երևան քաղաքի Նալբանդյան փողոցում վարել է «Մերսեդես» մակնիշի P 777 KM 197 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծատայության կրտսեր պարեկ Գրիգոր Բադալյանի կողմից նույն օրը՝ ժամը 13:05-ին, կազմվել է վարչական իրավախախտման վերաբերյալ թիվ 8180262496 արձանագրությունը:
Բացի այդ, տեղյակ լինելով, որ ՀՀ ոստիկանության պարեկային ծառայության կողմից թիվ 8180255327 վարչական իրավախախտման գործով 2023 թվականի մայիսի 30-ին կայացված որոշմամբ 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ Համլետ Ռոբերտի Իսրայելյանը, զրկման ժամկետը դեռ չլրացած, 2023 թվականի հոկտեմբերի 30-ին՝ ժամը 16:00-ի սահմաններում, Երևան քաղաքի ՍայաթՆովայի պողոտայում վարել է «Մերսեդես» մակնիշի P 777 KM 197 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության պարեկ Սամվել Հունանյանի կողմից նույն օրը՝ ժամը 16:20-ին, կազմվել է վարչական իրավախախտման վերաբերյալ թիվ 8180257627 արձանագրությունը:
Բացի այդ, տեղյակ լինելով, որ ՀՀ ոստիկանության պարեկային ծառայության կողմից թիվ 8180255327 վարչական իրավախախտման գործով 2023 թվականի մայիսի 30-ին կայացված որոշմամբ 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ Համլետ Ռոբերտի Իսրայելյանը, զրկման ժամկետը դեռ չլրացած, 2023 թվականի նոյեմբերի 18-ին՝ ժամը 02:20-ի սահմաններում, Երևան քաղաքի Պուշկինի փողոցում վարել է «Մերսեդես» մակնիշի P 777 KM 197 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության պարեկ Աստվածատուր Կակոսյանի կողմից նույն օրը՝ ժամը 02:35-ին, կազմվել է վարչական իրավախախտման վերաբերյալ թիվ 8180260915 արձանագրությունը:
Այլ կերպ, Դատարանը հանգում է այն հետևության, որ մեղադրյալ Համլետ Ռոբերտի Իսրայելյանը մեղավորությամբ կատարել է իրեն մեղսագրված արարքները, որոնց համար կիրառելի են ՀՀ քրեական օրենսգրքի 344-րդ հոդվածի 1-ին մասը, ՀՀ քրեական օրենսգրքի 344-րդ հոդվածի 1-ին մասը և ՀՀ քրեական օրենսգրքի 344-րդ հոդվածի 1-ին մասը:
5.1 Հաստատված համարելով մեղադրյալ Համլետ Ռոբերտի Իսրայելյանի մեղավորությունը ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով նախատեսված հանցանքների կատարման մեջ՝ Դատարանը գտնում է, որ մեղադրյալը ենթակա է քրեական պատասխանատվության և պատժի:
5.2 Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ քրեական օրենսգրքի 7-րդ հոդվածի 1-ին մասի համաձայն՝
Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը։
ՀՀ քրեական օրենսգրքի 55-րդ հոդվածի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:»:
ՀՀ քրեական օրենսգրքի 74-րդ հոդվածի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:
/…/
9. Հանցագործությունների համակցության դեպքում մյուս պատիժները լրիվ կամ մասնակիորեն գումարելու դեպքում նշանակվող վերջնական պատիժը չի կարող գերազանցել սույն օրենսգրքի Ընդհանուր մասով պատժի տվյալ տեսակի համար սահմանված առավելագույն ժամկետը կամ չափը:
/…/»:
ՀՀ քրեական օրենսգրքի 344-րդ հոդվածի 1-ին մասի համաձայն՝
«Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով»:
5.3 Դատարանը ՀՀ քրեական օրենսգրքի հոդվածների համապատասխան Համլետ Ռոբերտի Իսրայելյանի նկատմամբ նշանակվող պատժի տեսակը և չափը որոշելիս հաշվի է առնում կատարված հանցագործության եղանակը, շարժառիթն ու նպատակը, քրեական պատասխանատվությունն ու պատիժը մեղմացնող և ծանրացնող հանգամանքները, նրա անձը բնութագրող տվյալները, ինչպես նաև նշանակվող պատժի` մեղադրյալի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցության հանգամանքը:
Դատարանը, ղեկավարվելով ՀՀ քրեական օրենսգրքի 70-րդ հոդվածով, որպես Համլետ Ռոբերտի Իսրայելյանի պատասխանատվությունը կամ պատիժը մեղմացնող հանգամանք է արձանագրու մեղքն ընդունելը:
Դատարանը, ղեկավարվելով ՀՀ քրեական օրենսգրքի 71-րդ հոդվածով, արձանագրում է, որ Համլետ Ռոբերտի Իսրայելյանի պատասխանատվությունը կամ պատիժը ծանրացնող հանգամանքներ չկան:
Դատարանը, որպես Համլետ Ռոբերտի Իսրայելյանի անձը բնութագրող հանգամանք է արձանագրում դատապարտված չլինելը:
5.4 Պատժի տեսակների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ.Մադաթյանի գործով որոշման մեջ, որտեղ իրավական դիրքորոշում է հայտնել այն մասին, որ. «(…) այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա:
Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը: (…)» (տե՛ս Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշումը):
Գոռ Գագիկի Ավետիսյանի և Արմեն Իշխանի Հովակիմյանի գործով 2010թ. նոյեմբերի 5-ին կայացված թիվ ԵԱՔԴ/0164/01/09 որոշման մեջ անդրադառնալով նշանակվող պատժի արդարացիության պահանջին՝ ՀՀ վճռաբեկ դատարանը նշել է, որ՝ «(…) հանցանք կատարած անձի նկատմամբ նշանակված պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, հանցագործության` հանրության համար վտանգավորության աստիճանն ու բնույթը, հանցավորի անձը բնութագրող տվյալները, ինչպես նաև պատիժն ու պատասխանատվությունը մեղմացնող ու ծանրացնող հանգամանքները և, ելնելով քրեական օրենքով նախատեսված պահանջներից, ղեկավարվելով պատիժ նշանակելու ընդհանուր սկզբունքներով, նշանակում է այնպիսի պատիժ, որն անհրաժեշտ և բավարար է այդ անձին ուղղելու, նրա կողմից նոր հանցանքի կատարումը կանխելու համար: Հետևաբար, ակնհայտ մեղմ կամ ակնհայտ խիստ լինելու պատճառով անարդարացի կլինի այնպիսի պատիժը, որը նշանակվել է առանց պատիժ նշանակելու ընդհանուր սկզբունքների պահպանման»:
5.5 Դատարանը, հիմք ընդունելով 4.1 և 5.3 կետերում արձանագրված հանգամանքները, ղեկավարվելով 5.2 և 5.4 կետում մեջբերված նորմերով և իրավական դիրքորոշումներով, գտնում է, որ Համլետ Ռոբերտի Իսրայելյանի նկատմամբ՝
- ՀՀ քրեական օրենսգրքի 344-րդ հոդվածի 1-ին մասով պետք է պատիժ նշանակել տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով,
- ՀՀ քրեական օրենսգրքի 344-րդ հոդվածի 1-ին մասով պետք է պատիժ նշանակել տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով,
- ՀՀ քրեական օրենսգրքի 344-րդ հոդվածի 1-ին մասով պետք է պատիժ նշանակել տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով:
ՀՀ քրեական օրենսգրքի 74-րդ հոդվածի կիրառմամբ՝ հանցագործությունների համակցությամբ, նշանակված պատիժները լրիվ գումարելու միջոցով, Համլետ Ռոբերտի Իսրայելյանի նկատմամբ վերջնական պատիժ պետք է նշանակել տուգանք՝ 1.125.000 /մեկ միլիոն հարյուր քսանհինգ հազար/ ՀՀ դրամի չափով, որը նա պետք է կրի:
5.6 Քննության առնելով որպես արտավարութային փաստաթուղթն ապացույց ճանաչված և քրեական վարույթին կցված փաստաթղթերի տնօրինման հարցը՝ Դատարանը գտնում է, որ դատավճռի օրինական ուժի մեջ մտնելուց հետո դրանք պետք է պահել գործի հետ միասին՝ վերջինիս պահելու ամբողջ ժամանակամիջոցում:
5.7 Քննության առնելով մեղադրյալի նկատմամբ նախնական դատալսման ընթացքում ընտրված խափանման միջոցի հարցը՝ Դատարանը գտնում է, որ ՀՀ-ից բացակայելու արգելքը, ինչպես նաև Հ.Իսրայելյանի կողմից ՀՀ պետական սահմանը հատելու ու անձնագրային գործարքներ կատարելու արգելքները պետք է վերացնել, հաշվի առնելով մեղադրյալի արդեն իսկ ՀՀ-ից դուրս գտնվելու հանգամանքը: Այլ կերպ, վերացել է խափանման միջոցը կիրառելու անհրաժեշտությունը:
5.8 Դատարանը գտնում է նաև, որ վարույթային ծախսերի հարցը պետք է համարել լուծված, քանի որ ՀՀ քրեական դատավարության օրենսգրքի 167-րդ հոդվածով նախատեսված վարույթային ծախսը բացակայում է:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 99-րդ, 347-350-րդ, 352-353-րդ, 364-րդ և 481-րդ հոդվածներով, Դատարանը.

Վ Ճ Ռ Ե Ց

Համլետ Ռոբերտի Իսրայելյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով նախատեսված արարքներում:
Համլետ Ռոբերտի Իսրայելյանի նկատմամբ ՀՀ քրեական օրենսգրքի 344-րդ հոդվածի 1-ին մասով պատիժ նշանակել տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով:
Համլետ Ռոբերտի Իսրայելյանի նկատմամբ ՀՀ քրեական օրենսգրքի 344-րդ հոդվածի 1-ին մասով պատիժ նշանակել տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով:
Համլետ Ռոբերտի Իսրայելյանի նկատմամբ ՀՀ քրեական օրենսգրքի 344-րդ հոդվածի 1-ին մասով պատիժ նշանակել տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով:
ՀՀ քրեական օրենսգրքի 74-րդ հոդվածի կիրառմամբ՝ հանցագործությունների համակցությամբ, նշանակված պատիժները լրիվ գումարելու միջոցով, Համլետ Ռոբերտի Իսրայելյանի նկատմամբ վերջնական պատիժ նշանակել տուգանք՝ 1.125.000 /մեկ միլիոն հարյուր քսանհինգ հազար/ ՀՀ դրամի չափով:
Դատավճռի օրինական ուժի մեջ մտնելուց հետո որպես արտավարութային փաստաթուղթ ապացույց ճանաչված և քրեական վարույթին կցված փաստաթղթերի պատճենները պահել գործի հետ միասին՝ վերջինիս պահելու ամբողջ ժամանակամիջոցում:
Համլետ Ռոբերտի Իսրայելյանի նկատմամբ ընտրված խափանման միջոց՝ բացակայելու արգելքը և դրանով պայմանավորված սահմանափակումները վերացնել:
Վարույթային ծախսերի հարցը համարել լուծված:
Դատավճիռը, այդ թվում՝ հեռակա վարույթի կիրառման ոչ իրավաչափ լինելու հիմքով, կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում։


ԴԱՏԱՎՈՐ Ս.ՅՈՒԶԲԱՇՅԱՆ