ԵԴ1/1174/01/25
Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ


«23» ապրիլի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)՝

Նախագահությամբ՝ Մ.ԱՐԶՈւՄԱՆՅԱՆԻ
քարտուղարությամբ Մ.ՍԻՄՈՆՅԱՆԻ
մասնակցությամբ՝
հանրային մեղադրող Դ․ՄԱՐԳԱՐՅԱՆԻ
մեղադրյալ Մ․ՓԱՆՈՍՅԱՆԻ

դռնբաց դատական նիստում, քննության առնելով քրեական գործն ըստ մեղադրանքի Մարիամ Երվանդի Փանոսյանի (ծնված՝ 1997 թվականի օգոստոսի 18-ին Գյումրի քաղաքում, ազգությամբ հայ, ՀՀ քաղաքացի, միջնակարգ կրթությամբ, դատվածություն չունեցող, չամուսնացած, չի աշխատում, հաշվառված է Շիրակի մարզի Գյումրի քաղաքի Պ․Սևակի փողոցի 17 շենքի 2-րդ բնակարանում, բնակվում է Երևան քաղաքի Ռոստոմի փողոցի 30-րդ շենքի 111-րդ բնակարանում)՝ ՀՀ քրեական օրենսգրքի 344-րդ հոդվածի 2-րդ մասով (5 դրվագ), խափանման միջոց է ընտրված բացակայելու արգելքը,

Պ Ա Ր Զ Ե Ց

Գործի դատավարական նախապատմությունը.
2024 թվականի հունիսի 21-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Մ․Միրզոյանի կողմից ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60-2490-24 քրեական վարույթը։
2024 թվականի հունիսի 21-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Մ․Միրզոյանի կողմից ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60-2491-24 քրեական վարույթը։
2024 թվականի հունիսի 21-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Մ․Միրզոյանի կողմից ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60-2492-24 քրեական վարույթը։
2024 թվականի հուլիսի 19-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Մ․Միրզոյանի կողմից ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60-2740-24 քրեական վարույթը։
2024 թվականի հուլիսի 19-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Մ․Միրզոյանը որոշում է կայացրել թիվ 60274024 քրեական վարույթը միացնել թիվ 60249124 քրեական վարույթին և նախաքննությունը շարունակել մեկ վարույթում՝ թիվ 60249124 քրեական վարույթի հերթական համարի ներքո։
2024 թվականի հուլիսի 29-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Մ․Միրզոյանի կողմից ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60-2867-24 քրեական վարույթը։
2024 թվականի հուլիսի 25-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Մ․Միրզոյանը որոշում է կայացրել թիվ 60249024 և 60249224 քրեական վարույթները միացնել թիվ 60249124 քրեական վարույթին և նախաքննությունը շարունակել մեկ վարույթում՝ թիվ 60249124 քրեական վարույթի հերթական համարի ներքո։
2024 թվականի հուլիսի 30-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Մ․Միրզոյանը որոշում է կայացրել թիվ 60286724 քրեական վարույթը միացնել թիվ 60249124 քրեական վարույթին և նախաքննությունը շարունակել մեկ վարույթում՝ թիվ 60249124 քրեական վարույթի հերթական համարի ներքո։
2025 թվականի մարտի 20-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանը որոշում է կայացրել թիվ 60-2491-24 քրեական վարույթով Մարիամ Երվանդի Փանոսյանի նկատմամբ ՀՀ քրեական օրենսգրքի 344-րդ հոդվածի 2-րդ մասով (5 դրվագ) հանրային քրական հետապնդում հարուցելու մասին։
2025 թվականի մարտի 21-ին ՀՀ քննչական կոմիտեի Երևան քաղաքի քննչական վարչութան Կենտրոն և Նորք-Մարաշ վարչական շրջանների քննչական երկրորդ բաժնի ավագ քննիչ Հ․Միսակյանը որոշում է կայացրել թիվ 60-2491-24 քրեական վարույթով մեղադրյալ Մարիամ Երվանդի Փանոսյանի նկատմամբ որպես խափանման միջոց բացակայելու արգելքը կիրառելու մասին։
2025 թվականի ապրիլի 4-ին Մ․Փանոսյանի վերաբերյալ թիվ 60-2491-24 քրեական վարույթը մեղադրական եզրակացությամբ ուղարկվել է Դատարան, որին շնորհվել է ԵԴ1/1174/01/25 համարը։
2025 թվականի ապրիլի 7-ին թիվ ԵԴ1/1174/01/25 քրեական գործը հանձնվել է դատավոր Մ․Արզումանյանին։
2025 թվականի ապրիլի 9-ին Երևան քաղաքի առաջին ատյանի ընդհանուր իրավասության քրեական դատարանի դատավոր Մ.Արզումանյանը որոշում է կայացրել թիվ ԵԴ1/1174/01/25 քրեական գործի վարույթը ստանձնելու և նախնական դատալսումներ նշանակելու վերաբերյալ։

Մեղադրանքի փաստական նկարագրությունը.
Մարիամ Երվանդի Փանոսյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 344-րդ հոդվածի 2-րդ մասով (5 դրվագ) այն հանրորեն վտանգավոր արարքների կատարման համար, որ նա, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում, 2024 թվականի հունվարի 30-ին, 2024 թվականի փետրվարի 24-ին, 2024 թվականի մայիսի 27-ին, 2024 թվականի հուլիսի 5-ին և 2024 թվականի հուլիսի 12-ին վարել է ավտոմեքենա:
Այսպես. Մարիամ Երվանդի Փանոսյանը, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 02059)՝ մեկ լիտր արտաշնչած օդի մեջ մաքուր ալկոհոլի պարունակությունը 0.333 մգ/լ (առնվազն՝ 0.2997 մգ/լ՝ նկատի ունենալով ստուգաչափող թիվ 91100922 ալկոտեստեր սարքի չափման ճշտության հնարավոր 10% սխալանքը), 2024 թվականի հունվարի 30-ին՝ ժամը 04:30-ի սահմաններում, Երևան քաղաքի Գայի պողոտայում վարել է «Մերսեդես» մակնիշի 11 SH 011 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության կրտսեր պարեկ Լյուդվիկ Մկրտչյանի կողմից նույն օրը՝ ժամը 04:43-ին, կազմվել է վարչական իրավախախտման վերաբերյալ թիվ 8180401025 արձանագրությունը:
Բացի այդ, Մարիամ Երվանդի Փանոսյանը, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 01464)՝ մեկ լիտր արտաշնչած օդի մեջ մաքուր ալկոհոլի պարունակությունը 0.398 մգ/լ (առնվազն՝ 0.3582 մգ/լ՝ նկատի ունենալով ստուգաչափող թիվ 91101178 ալկոտեստեր սարքի չափման ճշտության հնարավոր 10% սխալանքը), 2024 թվականի փետրվարի 24-ին՝ ժամը 02:40-ի սահմաններում, Երևան քաղաքի Տերյան փողոցում վարել է «Մերսեդես» մակնիշի, 11 SH 011 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության պարեկ Արամ Ազատյանի կողմից նույն օրը՝ ժամը 03:30-ին, կազմվել է վարչական իրավախախտման վերաբերյալ թիվ 8180400175 արձանագրությունը:
Բացի այդ, Մարիամ Երվանդի Փանոսյանը, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 02363)՝ մեկ լիտր արտաշնչած օդի մեջ մաքուր ալկոհոլի պարունակությունը 0.381 մգ/լ (առնվազն՝ 0.3429 մգ/լ՝ նկատի ունենալով ստուգաչափող թիվ 91100973 ալկոտեստեր սարքի չափման ճշտության հնարավոր 10% սխալանքը), 2024 թվականի մայիսի 27-ին՝ ժամը 04:30-ի սահմաններում, Երևան քաղաքի Սայաթ-Նովա պողոտայում վարել է «Մերսեդես» մակնիշի, 11 SH 011 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության կրտսեր պարեկ Արամ Վարդանյանի կողմից նույն օրը՝ ժամը 04:40-ին, կազմվել է վարչական իրավախախտման վերաբերյալ թիվ 8180402986 արձանագրությունը։
Բացի այդ, Մարիամ Երվանդի Փանոսյանը, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 02557)՝ մեկ լիտր արտաշնչած օդի մեջ մաքուր ալկոհոլի պարունակությունը 0.543 մգ/լ (առնվազն՝ 0.4887 մգ/լ՝ նկատի ունենալով ստուգաչափող թիվ 91101013 ալկոտեստեր սարքի չափման ճշտության հնարավոր 10% սխալանքը), 2024 թվականի հուլիսի 5-ին՝ ժամը 05:30-ի սահմաններում, Երևան քաղաքի Ա.Միկոյան փողոցում վարել է «Մերսեդես» մակնիշի, 37 ZA 963 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության պարեկ Հայկ Գևորգյանի կողմից նույն օրը՝ ժամը 07:35-ին, կազմվել է վարչական իրավախախտման վերաբերյալ թիվ 8180407391 արձանագրությունը։
Բացի այդ, Մարիամ Երվանդի Փանոսյանը, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 02581)՝ մեկ լիտր արտաշնչած օդի մեջ մաքուր ալկոհոլի պարունակությունը 0.403 մգ/լ (առնվազն՝ 0.3627 մգ/լ՝ նկատի ունենալով ստուգաչափող թիվ 91101013 ալկոտեստեր սարքի չափման ճշտության հնարավոր 10% սխալանքը), 2024 թվականի հուլիսի 12-ին՝ ժամը 03:15-ի սահմաններում, Երևան քաղաքի Մաշտոցի պողոտայում վարել է «Ինֆինիտի» մակնիշի, 37 UC 254 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության ավագ պարեկ Արսեն Մելքոնյանի կողմից նույն օրը՝ ժամը 04:20-ին, կազմվել է վարչական իրավախախտման վերաբերյալ թիվ 8180407932 արձանագրությունը։

Հիմնական դատալսումների ընթացքում հետազոտված թույլատրելի ապացույցները.
- Զննություն կատարելու մասին 2024 թվականի հոկտեմբերի 22-ի արձանագրությունը, համաձայն որի՝ զննության են ենթարկվել թիվ 60249124 քրեական վարույթում առկա հետևյալ փաստաթղթերը․
Ալկոհոլի պարունակության ստուգման կտրոնը, համաձայն որի՝ ստուգաչափման սարքի համարն է՝ 91101178, զննման համարը՝ 01464, զննման ամսաթիվը՝ 24.02.2024թ., զննման ժամը՝ 03:29:32, վերջին ստուգաչափման ամսաթիվը՝ 14.11.2023թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.398 մգ/լ, վարորդի անունն է՝ Մարիամ, ազգանունը՝ Փանոսյան, տրանսպորտային միջոցի համարանիշը՝ 11 sh 011, նույնականացման քարտի համարը՝ 007326911, Պ/Ծ ազգանունը՝ Ազատյան, կրծքանշանի համարը՝ 06650, ստորաբաժանում՝ 4-րդ գումարտակ, 2-րդ վաշտ:
2024 թվականի փետրվարի 24-ին՝ ժամը 03:30-ին, Երևան քաղաքի Մյասնիկյան պողոտայում ՀՀ ՆԳՆ ոստիկանության Պարեկային ծառայության Երևան քաղաքի 4-րդ գումարտակ, 2-րդ վաշտի պարեկ Արամ Արայիկի Ազատյանի (06650) կողմից կազմված վարչական իրավախախտման վերաբերյալ թիվ 8180400175 արձանագրությունը, համաձայն որի՝ Մարիամ Երվանդի Փանոսյանը 2024 թվականի փետրվարի 24-ին՝ ժամը 02:40-ին, Երևան քաղաքի Տերյան փողոցում «Մերսեդես» մակնիշի, 11 sh 011 հաշվառման համարանիշի տրանսպորտային միջոցը վարել է չունենալով տվյալ կարգի տրանսպարտային միջոցներ վարելու իրավունք և ոչ սթափ վիճակում։ Տվյալ արձանագրության համապատասխան հատվածում արձանագրությանը ծանոթանալու, իրավունքների և պարտականությունների մասին քաղվածքը, ինչպես նաև խախտման քննարկման ժամանակի և վայրի վերաբերյալ ծանուցումը ստանալու կապակցությամբ առկա է ստորագրություն: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 203.5 թիվը:
ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկանքը, համաձայն որի՝ Մարիամ Երևանդի Փանոսյանը, ծնված՝ 18.08.1997թ., Հայաստանի Հանրապետությունում, ՀԾՀ՝ 6808970058, հաշվառված է՝ Շիրակի մարզ, քաղաք Գյումրի, Պ.Սևակի փողոց, 17 շենք, 2 բնակարան հասցեում:
ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվությքւնը, համաձայն որի՝ Մարիամ Երվանդի Փանոսյան, ՀԾՀ համարանիշ՝ 6808970058, տվյալներով վարորդական վկայական գրանցված չէ։
2024 թվականի փետրվարի 10-ին՝ ժամը 04:43-ին, Երևան քաղաքի Ռուբինյանց փողոցում ՀՀ ՆԳՆ ոստիկանության Պարեկային ծառայության Երևան քաղաքի 1-ին գումարտակ, 1-ին վաշտի պարեկ Լյուդվիկ Արարատի Մկրտչյանի (08496) կողմից կազմված վարչական իրավախախտման վերաբերյալ թիվ 8180401025 արձանագրությունը, համաձայն որի՝ Մարիամ Երվանդի Փանոսյանը նույն օրը՝ ժամը 04:30-ին, Երևան քաղաքի Գայի պողոտայում «Մերսեդես» մակնիշի, 11 SH 011 հաշվառման համարանիշի տրանսպորտային միջոցը վարել է՝ չունենալով տվյալ կարգի տրանսպարտային միջոցներ վարելու իրավունք և ոչ սթափ վիճակում։ Տվյալ արձանագրության համապատասխան հատվածում արձանագրությանը ծանոթանալու, իրավունքների և պարտականությունների մասին քաղվածքը, ինչպես նաև խախտման քննարկման ժամանակի և վայրի վերաբերյալ ծանուցումը ստանալու կապակցությամբ առկա է ստորագրություն: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 203.5 թիվը։
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 113384 ստուգաչափման վկայականը, համաձայն որի՝ վկայականը ուժի մեջ է 2023 թվականի դեկտեմբերի 7-ից մինչև 2024 թվականի դեկտեմբերի 7-ը, ստուգաչափման սարքի գործարանային համարն է՝ 91100922, տեսակը` Jupiter X/RP, չափման տիրույթը՝ 0.000-2,000մգ/լ, ճշտության դասը, կարգը (սխալանքը) 0-0,1±5%;0+0,15±8%;>0,15±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Վ.Բաբաջանյան, իսկ բաժնի/լաբորատորիայի վարիչ անվան դիմաց առկա է ստորագրություն և նշված է Գ.Մարտիրոսյան:
Ալկոհոլի պարունակության ստուգման կտրոնը, համաձայն որի՝ ստուգաչափման սարքի համարն է՝ 91100922, զննման համարը՝ 02059, զննման ամսաթիվը՝ 30.01.2024թ., զննման ժամը՝ 04:37:37, վերջին ստուգաչափման ամսաթիվը՝ 07.12.2023թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.333 մգ/լ, վարորդի անունն է՝ Մարիամ ազգանունը՝ Փանոսյան, տրանսպորտային միջոցի համարանիշը՝ 11 SH 011, անձնագիր՝ BA2560976, Պ/Ծ ազգանունը՝ Մկրտչյան, կրծքանշանի համարը՝ 08496, ստորաբաժանում՝ 1-ին գումարտակ, 1-ին վաշտ:
2024 թվականի մայիսի 27-ին՝ ժամը 04:40-ին, Երևան քաղաքի Մյասնիկյան պողոտայում ՀՀ ՆԳՆ ոստիկանության Պարեկային ծառայության Երևան քաղաքի 3-րդ գումարտակ, 3-րդ վաշտի պարեկ Արամ Արմենի Վարդանյանի (08323) կողմից կազմված վարչական իրավախախտման վերաբերյալ թիվ 8180402986 արձանագրությունը, համաձայն որի՝ Մարիամ Երվանդի Փանոսյանը նույն օրը՝ ժամը 04:30-ին, Երևան քաղաքի Սայաթ-Նովա պողոտայում «Մերսեդես» մակնիշի, 11 SH 011 հաշվառման համարանիշի տրանսպորտային միջոցը վարել է չունենալով տվյալ կարգի տրանսպարտային միջոցներ վարելու իրավունք և ոչ սթափ վիճակում: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 202.5 թիվը:
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 113397 ստուգաչափման վկայականը, համաձայն որի՝ վկայականը ուժի մեջ է 2023 թվականի դեկտեմբերի 7-ից մինչև 2024 թվականի դեկտեմբերի 7-ը, ստուգաչափման սարքի գործարանային համարն է՝ 91100973, տեսակը՝ Jupiter X/RP, չափման տիրույթը՝ 0.000-2,000մգ/լ ճշտության դասը, կարգը (սխալանքը) 0-0,1±5%;0+0,15±8%;>0,15±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Վ Բաբաջանյան, իսկ բաժնի/լաբորատորիայի վարիչ անվան դիմաց առկա է ստորագրություն և նշված է Գ.Մարտիրոսյան:
Ալկոհոլի պարունակության ստուգման կտրոնը, համաձայն որի՝ ստուգաչափման սարքի համարն է՝ 91100973, զննման համարը՝ 02363, զննման ամսաթիվը` 27.05.2024թ., զննման ժամը՝ 04:38:32, վերջին ստուգաչափման ամսաթիվը՝ 07.12.2023թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.381 մգ/լ, վարորդի անունն է՝ Մարիամ, ազգանունը՝ Փանոսյան, տրանսպորտային միջոցի համարանիշը՝ 11 sh 011, նույնականացման քարտ՝ 007326911, Պ/Ծ ազգանունը՝ Քարամյան, կրծքանշանի համարը՝ 07673, ստորաբաժանում՝ 3-րդ գումարտակ, 3-րդ վաշտ:
Ալկոհոլի պարունակության ստուգման կտրոնը, համաձայն որի՝ ստուգաչափման սարքի համարն է՝ 91101013, զննման համարը՝ 02557, զննման ամսաթիվը՝ 05.07.2024թ., զննման ժամը՝ 06:50:23, վերջին ստուգաչափման ամսաթիվը՝ 26.01.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.543 մգ/լ, վարորդի անունն է՝ Մարիամ, ազգանունը՝ Փանոսյան, տրանսպորտային միջոցի համարանիշը՝ 37 ZA 963, նույնականացման քարտ՝ 007326911, Պ/Ծ ազգանունը՝ Գևորգյան, կրծքանշանի համարը՝ 09589:
2024 թվականի հուլիսի 5-ին՝ ժամը 07:35-ին, Երևան քաղաքի Թաիրով 14 հասցեում ՀՀ ՆԳՆ ոստիկանության Պարեկային ծառայության Երևան քաղաքի 4-րդ գումարտակ, 2-րդ վաշտի պարեկ Հայկ Արթուրի Գևորգյանի (09589) կողմից կազմված վարչական իրավախախտման վերաբերյալ թիվ 8180407391 արձանագրությունը, համաձայն որի՝ Մարիամ Երվանդի Փանոսյանը նույն օրը՝ ժամը 05:30-ին, Երևան քաղաքի Ա.Միկոյան փողոցում «Մերսեդես» մակնիշի, 37 ZA 963 հաշվառման համարանիշի տրանսպորտային միջոցը վարել է չունենալով տվյալ կարգի տրանսպարտային միջոցներ վարելու իրավունք և ոչ սթափ վիճակում: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 203.5 թիվը։
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 115136 ստուգաչափման վկայականը, համաձայն որի՝ վկայականը ուժի մեջ է 2024 թվականի հունվարի 26-ից մինչև 2025 թվականի հունվարի 26-ը, ստուգաչափման սարքի գործարանային համարն է 91101013, տեսակը` Jupiter X/RP, չափման տիրույթը՝ 0.000-2,000մգ/լ, ճշտության դասը, կարգը (սխալանքը) 0-0,1±5%:0+0.15±8%;>0,15±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Վ Բաբաջանյան, իսկ բաժնի/լաբորատորիայի վարիչ անվան դիմաց առկա է ստորագրություն և նշված է Գ.Մարտիրոսյան:
Ալկոհոլի պարունակության ստուգման կտրոնը, համաձայն որի՝ ստուգաչափման սարքի համարն է՝ 91101013, զննման համարը՝ 02581, զննման ամսաթիվը՝ 12.07.2024թ., զննման ժամը՝ 04:16:26, վերջին ստուգաչափման ամսաթիվը՝ 26.07.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.403 մգ/լ, վարորդի անունն է՝ Մարիամ, ազգանունը՝ Փանոսյան, տրանսպորտային միջոցի համարանիշը՝ 37 UC 254, ՀԾՀ՝ 6808970058, Պ/Ծ ազգանունը՝ Մելքոնյան, կրծքանշանի համարը՝ 06394, ստորաբաժանում՝ 1-ին գումարտակ, 3-րդ վաշտ:
2024 թվականի հուլիսի 12-ին՝ ժամը 04:20-ին, Երևան քաղաքի Ղազար Փարպեցի փողոցում ՀՀ ՆԳՆ ոստիկանության Պարեկային ծառայության Երևան քաղաքի 1-ին գումարտակ, 3-րդ վաշտի պարեկ Արսեն Տիգրանի Մելքոնյանի (06394) կողմից կազմված վարչական իրավախախտման վերաբերյալ թիվ 8180407932 արձանագրությունը, համաձայն որի՝ Մարիամ Երվանդի Փանոսյանը նույն օրը՝ ժամը 03:15-ին, Երևան քաղաքի Մաշտոցի պողոտայում «Մերսեդես» մակնիշի, 11 SH 011 հաշվառման համարանիշի տրանսպորտային միջոցը վարել է չունենալով տվյալ կարգի տրանսպարտային միջոցներ վարելու իրավունք և ոչ սթափ վիճակում: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 203.5 թիվը:
- Զննություն կատարելու մասին 2025 թվականի փետրվարի 27-ի արձանագրությունը, համաձայն որի՝ զննության են ենթարկվել թիվ 60249124 քրեական վարույթում առկա հետևյալ փաստաթղթերը․
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 1115136 ստուգաչափման վկայականը, համաձայն որի՝ վկայականը ուժի մեջ է 2024 թվականի հունվարի 26-ից մինչև 2025 թվականի հունվարի 26-ը, ստուգաչափման սարքի գործարանային համարն է՝ 91101013, տեսակը՝ Jupiter X/RP, չափման տիրույթը՝ 0.000-2,000մգ/լ, ճշտության դասը, կարգը (սխալանքը) 0-0,1±5%;0+0,15+8%;>0,15+10%, արտադրողը՝ Չինաստան, պատկանում է ՀՀ ՆԳՆ Ոստիկանությանը, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Վ.Բաբաջանյան, իսկ բաժնի/լաբորատորիայի վարիչ անվան դիմաց առկա է ստորագրություն և նշված է Գ.Մարտիրոսյան:
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 110922 ստուգաչափման վկայականը, համաձայն որի՝ վկայականը ուժի մեջ է 2023 թվականի նոյեմբերի 14-ից մինչև 2024 թվականի նոյեմբերի 8-ը, ստուգաչափման սարքի գործարանային համարն է 91101178, տեսակը՝ Jupiter X/RP, չափման տիրույթը՝ 0.000-2,000մգ/լ ճշտության դասը, կարգը (սխալանքը) 0-0,1±5%;0+0,15+8%;>0,15+10%, արտադրողը՝ Չինաստան, պատկանում է ՀՀ ՆԳՆ Ոստիկանությանը, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Վ.Բաբաջանյան, իսկ բաժնի/լաբորատորիայի վարիչ անվան դիմաց առկա է ստորագրություն և նշված է Գ.Մարտիրոսյան:
- Արտավարութային փաստաթուղթ ճանաչելու մասին 2024 թվականի նոյեմբերի 28-ի որոշումը, համաձայն որի՝ թիվ 60249124 քրեական վարույթով թիվ 91101178, 91100922, 91100973 և 91101013 ստուգաչափման սարքերով կատարված ալկոհոլի պարունակության ստուգումների կտրոնների, Մարիամ Երվանդի Փանոսյանի վերաբերյալ կազմված վարչական իրավախախտումների վերաբերյալ թիվ 8180400175, 8180401025, 8180402986, 8180407391, 8180407932 արձանագրությունների, ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 113384, 113397, 115136, ստուգաչափման վկայականների պատճենները, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկանքը և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվությունը ճանաչվել է արտավարութային փաստաթուղթ:
- Արտավարութային փաստաթուղթ ճանաչելու մասին 2025 թվականի փետրվարի 27-ի որոշումը, համաձայն որի՝ թիվ 60249124 քրեական վարույթով թիվ 1115136 և 110922 ստուգաչափման վկայականների պատճենները ճանաչվել են արտավարութային փաստաթուղթ:
- Մեղադրյալ Մարիամ Փանոսյանը, հայտարարելով, որ իրեն մեղավոր է ճանաչում, զղջում է կատարվածի համար և օգտվելով իր սահմանադրական իրավունքից, դատարանում ցուցմունք տալու ցանկություն չհայտնեց:

Լրացուցիչ դատալսումների ընթացքում հետազոտված ապացույցները.
- ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանի ձև 8 տեղեկանքը, համաձայն որի՝ Մարիամ Երվանդի Փանոսյանը համարվում է դատվածություն չունեցող,
- մեղսագրվող հանցանքներն ավարտվելու օրվան նախորդող 12 ամիսների ընթացքում Մարիամ Երվանդի Փանոսյանի ստացած եկամուտների վերաբերյալ ՀՀ պետական եկամուտների կոմիտեից ստացված գրությունը, համաձայն որի՝ Մ․Փանոսյանի եկամուտի վերաբերյալ տվյալներ առկա չեն:

Դատարանի փաստական վերլուծությունները և Դատարանի կողմից հաստատված փաստական հանգամանքները.
Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը գտնում է, որ առկա է փոխկապակցված վերաբերելի, թույլատրելի, հավաստի ապացույցների բավարար համակցություն, որը թույլ է տալիս հաստատված համարելու Մարիամ Երվանդի Փանոսյանին ներկայացված մեղադրանքի փաստական հանգամանքները՝ բացառելով դրանց ապացուցվածության վերաբերյալ ցանկացած հիմնավոր կասկած։
Հիմնական և լրացուցիչ դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում քրեական գործի լուծման համար նշանակություն ունեցող հետևյալ փաստական հանգամանքները.
- Մարիամ Երվանդի Փանոսյանի՝ տրանսպորտային միջոց վարելու իրավունք չունենալը,
- Մարիամ Երվանդի Փանոսյանի կողմից ոչ սթափ վիճակում (սթափության վիճակի զննման կտրոնի համարը՝ 02059)՝ մեկ լիտր արտաշնչած օդի մեջ մաքուր ալկոհոլի պարունակությունը 0.333 մգ/լ (առնվազն՝ 0.2997 մգ/լ՝ նկատի ունենալով ստուգաչափող թիվ 91100922 ալկոտեստեր սարքի չափման ճշտության հնարավոր 10% սխալանքը), 2024 թվականի հունվարի 30-ին՝ ժամը 04:30-ի սահմաններում, Երևան քաղաքի Գայի պողոտայում «Մերսեդես» մակնիշի, 11 SH 011 հաշվառման համարանիշի ավտոմեքենան վարելը,
- Մարիամ Երվանդի Փանոսյանի կողմից ոչ սթափ վիճակում (սթափության վիճակի զննման կտրոնի համարը՝ 01464)՝ մեկ լիտր արտաշնչած օդի մեջ մաքուր ալկոհոլի պարունակությունը 0.398 մգ/լ (առնվազն՝ 0.3582 մգ/լ՝ նկատի ունենալով ստուգաչափող թիվ 91101178 ալկոտեստեր սարքի չափման ճշտության հնարավոր 10% սխալանքը), 2024 թվականի փետրվարի 24-ին՝ ժամը 02:40-ի սահմաններում, Երևան քաղաքի Տերյան փողոցում «Մերսեդես» մակնիշի, 11 SH 011 հաշվառման համարանիշի ավտոմեքենան վարելը,
- Մարիամ Երվանդի Փանոսյանի կողմից ոչ սթափ վիճակում (սթափության վիճակի զննման կտրոնի համարը՝ 02363)՝ մեկ լիտր արտաշնչած օդի մեջ մաքուր ալկոհոլի պարունակությունը 0.381 մգ/լ (առնվազն՝ 0.3429 մգ/լ՝ նկատի ունենալով ստուգաչափող թիվ 91100973 ալկոտեստեր սարքի չափման ճշտության հնարավոր 10% սխալանքը), 2024 թվականի մայիսի 27-ին՝ ժամը 04:30-ի սահմաններում, Երևան քաղաքի Սայաթ-Նովա պողոտայում «Մերսեդես» մակնիշի, 11 SH 011 հաշվառման համարանիշի ավտոմեքենան վարելը,
- Մարիամ Երվանդի Փանոսյանի կողմից ոչ սթափ վիճակում (սթափության վիճակի զննման կտրոնի համարը՝ 02557)՝ մեկ լիտր արտաշնչած օդի մեջ մաքուր ալկոհոլի պարունակությունը 0.543 մգ/լ (առնվազն՝ 0.4887 մգ/լ՝ նկատի ունենալով ստուգաչափող թիվ 91101013 ալկոտեստեր սարքի չափման ճշտության հնարավոր 10% սխալանքը), 2024 թվականի հուլիսի 5-ին՝ ժամը 05:30-ի սահմաններում, Երևան քաղաքի Ա.Միկոյան փողոցում «Մերսեդես» մակնիշի, 37 ZA 963 հաշվառման համարանիշի ավտոմեքենան վարելը։
- Մարիամ Երվանդի Փանոսյանի կողմից ոչ սթափ վիճակում (սթափության վիճակի զննման կտրոնի համարը՝ 02581)՝ մեկ լիտր արտաշնչած օդի մեջ մաքուր ալկոհոլի պարունակությունը 0.403 մգ/լ (առնվազն՝ 0.3627 մգ/լ՝ նկատի ունենալով ստուգաչափող թիվ 91101013 ալկոտեստեր սարքի չափման ճշտության հնարավոր 10% սխալանքը), 2024 թվականի հուլիսի 12-ին՝ ժամը 03:15-ի սահմաններում, Երևան քաղաքի Մաշտոցի պողոտայում «Ինֆինիտի» մակնիշի, 37 UC 254 հաշվառման համարանիշի ավտոմեքենան վարելը,
- ներկայացված մեղադրանքում Մարիամ Երվանդի Փանոսյանի կողմից իրեն մեղավոր ճանաչելը և զղջալը,
- մեղսագրվող հանցանքն ավարտվելու օրվան նախորդող 12 ամիսների ընթացքում Մարիամ Երվանդի Փանոսյանի ստացած եկամուտների վերաբերյալ տվյալների բացակայությունը։

Դատարանի իրավական վերլուծությունները, հետևությունները և որոշումները.
Դատարանի կողմից հաստատված փաստական հանգամանքների և 2025 թվականի ապրիլի 18-ին կայացված մեղադրական վերդիկտի հիման վրա Դատարանը գտնում է, որ ապացուցված են մեղադրյալ Մարիամ Երվանդի Փանոսյանին վերագրվող փաստական հանգամանքները, այդ արարքների քրեական հակաիրավականությունը, մեղադրյալի կողմից այդ արարքները կատարելը, մեղադրյալի մեղավորությունը տվյալ արարքները կատարելու մեջ, ինչպես նաև գտնում է, որ մեղադրյալ Մարիամ Երվանդի Փանոսյանի արարքների նկատմամբ պետք է կիրառվի հինգ դրվագ ՀՀ քրեական օրենսգրքի 344-րդ հոդվածի 2-րդ մասը։
Հաստատված համարելով մեղադրյալ Մարիամ Երվանդի Փանոսյանի մեղավորությունը հինգ դրվագ ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքների կատարման մեջ՝ Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, գտնում է, որ Մարիամ Փանոսյանի պատասխանատվությունն ու պատիժը մեղմացնող հանգամանքներ պետք է դիտարկել ներկայացված մեղադրանքում իրեն մեղավոր ճանաչելը և զղջալը (Դատարանի նման մոտեցումը համահունչ է Սերոբ Սարգսյանի գործով 2012 թվականի նոյեմբերի 1-ի թիվ ՍԴ/0109/01/12 որոշման 27-րդ կետում ՀՀ վճռաբեկ դատարանի արտահայտած իրավական դիրքորոշմանը)։
Դատարանը միաժամանակ արձանագրում է, որ Մարիամ Փանոսյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71-րդ հոդվածի 1-ին մասով նախատեսված հանգամանքներ առկա չեն:
Դատարանը գտնում է, որ կատարած հանցանքների համար մեղադրյալ Մարիամ Երվանդի Փանոսյանը ենթակա է պատժի։
ՀՀ քրեական օրենսգրքի 7-րդ հոդվածի 1-ին մասի համաձայն` հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:
ՀՀ քրեական օրենսգրքի 55-րդ հոդվածի 1-ին մասի համաձայն՝ պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ: Նույն հոդվածի 2-րդ մասի համաձայն՝ պատժի նպատակներն են՝ վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
ՀՀ քրեական օրենսգրքի 69-րդ հոդվածի 1-ին, 2-րդ և 3-րդ մասերի համաձայն` հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները: Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ: Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
ՀՀ քրեական օրենսգրքի 344-րդ հոդվածի 2-րդ մասի համաձայն՝
«Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով»:
Պատիժ նշանակելու ընդհանուր սկզբունքներին ՀՀ վճռաբեկ դատարանն անդրադարձել է Նարեկ Սարգսյանի վերաբերյալ 2011 թվականի դեկտեմբերի 22-ի թիվ ԵԿԴ/0042/01/11 գործով կայացված որոշման մեջ, որտեղ իրավական դիրքորոշում է ձևավորել այն մասին, որ «(...) [Պ]ատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են՝
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) [Պ]ատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն»։
ՀՀ վճռաբեկ դատարանը Արարատ Ավագի Ավագյանի և Վահան Սերյոժայի Սահակյանի վերաբերյալ 2009 թվականի փետրվարի 17-ի թիվ ԵԿԴ/0252/01/13 որոշմամբ արտահայտել է հետևյալ իրավական դիրքորոշումը. «(…) [Ն]շանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության հանրային վտանգավորության աստիճանին և բնույթին:
(…):
Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա:
Արարքի բնույթն ու հանրային վտանգավորության աստիճանի վերաբերյալ ՀՀ վճռաբեկ դատարանը դիրքորոշում է հայտնել Գարուշ Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշմամբ՝ «(…) Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը:
(…)
Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը: Վճռաբեկ դատարանը գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը:
(…)»:
Դատարանի համոզմամբ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Հետևաբար՝ կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների գնահատման ժամանակ դատարանը պետք է ելնի ՀՀ քրեական օրենսգրքի 55-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից:
Վերը մեջբերված իրավական նորմերի և դիրքորոշումների լույսի ներքո մեղադրյալ Մարիամ Երվանդի Փանոսյանի նկատմամբ պատժի տեսակը և չափը որոշելիս Դատարանը հաշվի է առնում նրա կողմից կատարված հանցագործությունների բնույթը և հանրության համար վտանգավորության աստիճանը, մասնավորապես՝ այն, որ նա կատարել է ոչ մեծ ծանրության դիտավորյալ հանցագործություններ, խախտված հասարակական հարաբերության սոցիալական նշանակությունը, հանցանքները կատարելուց հետո մեղադրյալի դրսևորած վարքագիծը, պատասխանատվությունն ու պատիժը մեղմացնող հանգամանքները, ինչպես նաև պատասխանատվությունը և պատիժը ծանրացնող հանգամանքի բացակայությունը։ Նման պայմաններում Դատարանն արձանագրում է, որ հինգ դրվագ ՀՀ քրեական օրենսգրքի 344-րդ հոդվածի 2-րդ մասով նախատեսված արարքներից յուրաքանչյուրի համար տուգանք պատժատեսակի նվազագույն չափի, այն է՝ նվազագույն աշխատավարձի հնգապատիկի նշանակման միջոցով հնարավոր է հասնել պատժի նպատակներին` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
Հիմք ընդունելով ՀՀ քրեական օրենսգրքի 59-րդ հոդվածի 5-րդ մասը և մեղսագրվող հանցանքն ավարտվելու օրվան նախորդող 12 ամիսների ընթացքում մեղադրյալ Մարիամ Երվանդի Փանոսյանի եկամտի վերաբերյալ տվյալների բացակայությունը (հիմք՝ ՀՀ պետական եկամուտների կոմիտեից ստացված գրությունը)՝ Դատարանը գտնում է, որ տուգանքի չափը պետք է հաշվարկվի հանցանքները կատարելու պահին (2024 թվականի հունվարի 30-ին, 2024 թվականի փետրվարի 24-ին, 2024 թվականի մայիսի 27-ին, 2024 թվականի հուլիսի 5-ին և 2024 թվականի հուլիսի 12-ին) սահմանված նվազագույն աշխատավարձի, այն է՝ 75.000 (յոթանասունհինգ հազար) ՀՀ դրամի չափով (տե՛ս «Նվազագույն ամսական աշխատավարձի մասին» ՀՀ օրենքի 1-ին հոդվածը)։
Վերոգրյալի համատեքստում Դատարանը գտնում է, որ մեղադրյալի նկատմամբ պետք է պատիժ նշանակել տուգանք յուրաքանչյուր դրվագով՝ հինգ դրվագ ՀՀ քրեական օրենսգրքի 344-րդ հոդվածի 2-րդ մասով՝ նվազագույն աշխատավարձի հնգապատիկի՝ 375․000 (երեք հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 74-րդ հոդվածի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:
(…)
9. Հանցագործությունների համակցության դեպքում մյուս պատիժները լրիվ կամ մասնակիորեն գումարելու դեպքում նշանակվող վերջնական պատիժը չի կարող գերազանցել սույն օրենսգրքի Ընդհանուր մասով պատժի տվյալ տեսակի համար սահմանված առավելագույն ժամկետը կամ չափը»։
Դատարանը, նկատի ունենալով, որ Մարիամ Փանոսյանը մեկից ավելի արարքներով ՀՀ քրեական օրենսգրքով նախատեսված հինգ հանցանք է կատարել և նա դրանցից ոչ մեկի համար քրեական պատասխանատվության չի ենթարկվել, գտնում է, որ նրա նկատմամբ պատիժները լրիվ գումարելու միջոցով վերջնական պատիժ պետք է նշանակել տուգանք՝ նվազագույն աշխատավարձի քսանհինգապատիկի՝ 1․875․000 (մեկ միլիոն ութ հարյուր յոթանասունհինգ հազար) ՀՀ դրամի չափով:
Տվյալ դեպքում սահմանված պատիժը համաչափ է կատարված կոնկրետ հանցագործությունների բնույթին, վտանգավորության աստիճանին, դրանք կատարելու հանգամանքներին, հանցավորի անձին և բավարար է պատժի նպատակների նվաճման տեսանկյունից:
ՀՀ քրեական օրենսգրքի 59-րդ հոդվածի 8-րդ մասի համաձայն՝ եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում (…)։
Միաժամանակ, Դատարանը, հաշվի առնելով այն հանգամանքը, որ մեղադրյալ Մ․Փանոսյանը հայտարարեց, որ ինքն անհապաղ ի վիճակի չէ ամբողջությամբ վճարել տուգանքը, այլ կարող է այն վճարել երկու ամսվա ընթացքում, և հիմք ընդունելով ՀՀ քրեական օրենսգրքի 59-րդ հոդվածի 8-րդ մասի իրավակարգավորումները, գտնում է, որ մեղադրյալին պետք է հնարավորություն տալ նշանակված 1․875․000 (մեկ միլիոն ութ հարյուր յոթանասունհինգ հազար) ՀՀ դրամի չափով տուգանքը վճարել մաս առ մաս՝ 3 (երեք) ամսվա ընթացքում՝ ըստ նրա և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Անդրադառնալով մեղադրյալ Մ․Փանոսյանի նկատմամբ ընտրված խափանման միջոցի հարցին՝ Դատարանը գտնում է, որ նրա նկատմամբ որպես խափանման միջոց ընտրված բացակայելու արգելքը պետք է թողնել անփոփոխ՝ մինչև դատավճռի օրինական ուժի մեջ մտնելը:
Անդրադառնալով ապացույցների տնօրինման և պահպանման հարցին՝ Դատարանը գտնում է, որ արտավարութային փաստաթուղթ ապացույց ճանաչված՝ թիվ 60-2491-24 քրեական վարույթով թիվ 91101178, 91100922, 91100973 և 91101013 ստուգաչափման սարքերով կատարված ալկոհոլի պարունակության ստուգումների կտրոնների, Մարիամ Երվանդի Փանոսյանի վերաբերյալ կազմված վարչական իրավախախտումների վերաբերյալ թիվ 8180400175, 8180401025, 8180402986, 8180407391, 8180407932 արձանագրությունների, ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 113384, 113397, 115136, ստուգաչափման վկայականների պատճենները, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկանքը և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվությունը, թիվ 1115136 և 110922 ստուգաչափման վկայականների պատճենները պետք է պահել գործի նյութերի հետ՝ դրանց պահման ամբողջ ընթացքում:
Նկատի ունենալով այն հանգամանքը, որ սույն քրեական գործով գույքային հայց, գույք բռնագրավելու անհրաժեշտություն, վարույթային ծախսեր, արգելադրված գույք առկա չեն՝ Դատարանն այդ հարցերին չի անդրադառնում։
Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 30-31-րդ, 100-րդ, 167-րդ, 347-350-րդ, 352-353-րդ, 364-րդ հոդվածներով՝ Դատարանը

Վ Ճ Ռ Ե Ց

Մարիամ Երվանդի Փանոսյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով (5 դրվագ)։
ՀՀ քրեական օրենսգրքի 344-րդ հոդվածի 2-րդ մասով (2024 թվականի հունվարի 30-ի դրվագ) Մարիամ Երվանդի Փանոսյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 2-րդ մասով (2024 թվականի փետրվարի 24-ի դրվագ) Մարիամ Երվանդի Փանոսյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 2-րդ մասով (2024 թվականի մայիսի 27-ի դրվագ) Մարիամ Երվանդի Փանոսյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 2-րդ մասով (2024 թվականի հուլիսի 5-ի դրվագ) Մարիամ Երվանդի Փանոսյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 2-րդ մասով (2024 թվականի հուլիսի 12-ի դրվագ) Մարիամ Երվանդի Փանոսյանի նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածով սահմանված կարգով` նշանակված պատիժները լրիվ գումարելու միջոցով, Մարիամ Երվանդի Փանոսյանի նկատմամբ վերջնական պատիժ նշանակել տուգանք՝ նվազագույն աշխատավարձի քսանհինգապատիկի՝ 1․875․000 (մեկ միլիոն ութ հարյուր յոթանասունհինգ հազար) ՀՀ դրամի չափով:
Թույլատրել Մարիամ Երվանդի Փանոսյանին դատավճռով նշանակված 1․875․000 (մեկ միլիոն ութ հարյուր յոթանասունհինգ հազար) ՀՀ դրամի չափով տուգանքը վճարել մաս առ մաս՝ 3 (երեք) ամսվա ընթացքում՝ ըստ նրա և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Մարիամ Երվանդի Փանոսյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Ապացույց ճանաչված արտավարութային փաստաթղթերը պահել գործի նյութերի հետ՝ դրանց պահման ամբողջ ընթացքում:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:

ԴԱՏԱՎՈՐ Մ.ԱՐԶՈւՄԱՆՅԱՆ