ԵԴ1/1169/01/25

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ
ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«30» մայիսի 2025 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` նաև Դատարան)՝
նախագահությամբ դատավոր՝ Գ.ԱԲԵԼՅԱՆԻ
քարտուղարությամբ՝ Գ․ԳԱԼՍՏՅԱՆԻ
հանրային մեղադրող՝ Ա․ԲԱԴԱԼՅԱՆԻ
պաշտպան՝ Կ․ՄԱՐԳԱՐՅԱՆԻ
մեղադրյալ՝ Հ․ՍԱՀՐԱԴՅԱՆԻ
դռնբաց դատական նիստում` արագացված վարույթի կարգով, քննեց քրեական գործն ըստ մեղադրանքի`
Հրաչյա Սերգոյի Սահրադյանի՝ ծնված՝ 1988 թվականի սեպտեմբերի 30-ին, ՀԾՀ 4009880058, ՀՀ քաղաքացի, նախկինում դատապարտված, բնակվող՝ ք․Երևան Ջիվանու փողոց 8-րդ տուն հասցեում, մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով (2 դրվագով) և որպես խափանման միջոց է կիրառվել ՀՀ-ից բացակայելու արգելքը։

1․ Գործի դատավարական նախապատմությունը.
2024 թվականի հոկտեմբերի 25-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի ավագ տեսուչ Ե․Վարդանյանը զեկուցագիր է ներկայացրել ՀՀ ՆԳՆ ոստիկանության ՊԾ Երևան քաղաքի գնդի հրամանատար Ա․Իսախանյանին և ՀՀ ՆԳՆ ոստիկանության ՊԾ Երևան քաղաքի գնդի ՎՎԻ բաժնի պետի պարտականությունները ժամանակավոր կատարող Դ․Գևորգյանին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 2-րդ վաշտի պարեկ՝ Նորայր Սահակյանը, Հրաչյա Սերգոյի Սահրադյանի (ծնված՝ 1988 թվականի սեպտեմբերի 30-ին, Շիրակի մարզ, ք.Գյումրի, տնակ 120/110, ՀԾՀ՝ 4009880058) նկատմամբ 2024 թվականի հոկտեմբերի 25-ին՝ ժամը 03:10-ին կազմել է թիվ 8180416743 արձանագրություն, քանի որ վերջինս 2024 թվականի հոկտեմբերի 25-ին՝ ժամը 03:00-ին, Երևան քաղաքի Թամանցիների փողոցում, «ՎԱԶ» մակնիշի 77 SS 017 հաշվառման համարանիշի տրանսպորտային միջոցը վարել է՝ չունենալով տվյալ կարգի տրանսպորտային միջոցներ վարելու իրավունք և ոչ սթափ վիճակում:
(…)
Ներկայացնում եմ թիվ 8180416743 արձանագրությունը, կից նյութերը և ՀՀ ՆԳՆ էլեկտրոնային ռեգիստրի հաշվառման շտեմարանից կատարված քաղվածքի պատճենը, որը փաստում է, որ Հրաչյա Սերգոյի Սահրադյանը տրանսպորտային միջոցներ վարելու վարորդական իրավունքի վկայական չի ստացել: (…)»:
2024 թվականի հոկտեմբերի 25-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի ավագ տեսուչ Ե․Վարդանյանը հաղորդում է ներկայացրել ՀՀ քննչական կոմիտեի Երևան քաղաքի քննչական վարչության ՃՏՀ քննության բաժին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 2-րդ վաշտի պարեկ՝ Նորայր Սահակյանի, Հրաչյա Սերգոյի Սահրադյանի (ծնված՝ 1988 թվականի սեպտեմբերի 30-ին, Շիրակի մարզ, ք.Գյումրի, տնակ 120/110, ՀԾՀ՝ 4009880058) նկատմամբ 2024 թվականի հոկտեմբերի 25-ին՝ ժամը 03:10-ին կազմված թիվ 8180416743 արձանագրությունը, ըստ որի վերջինս 2024 թվականի հոկտեմբերի 25-ին՝ ժամը 03:00-ին, Երևան քաղաքի Թամանցիների փողոցում, «ՎԱԶ» մակնիշի 77 SS 017 հաշվառման համարանիշի տրանսպորտային միջոցը վարել է՝ չունենալով տվյալ կարգի տրանսպորտային միջոցներ վարելու իրավունք և ոչ սթափ վիճակում: (…)»:
Հաղորդման հիման վրա՝ 2024 թվականի նոյեմբերի 15-ին ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60677624 քրեական վարույթը:
2024 թվականի դեկտեմբերի 17-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի տեսուչ Ս․Գասպարյանը զեկուցագիր է ներկայացրել ՀՀ ՆԳՆ ոստիկանության ՊԾ Երևան քաղաքի գնդի հրամանատար Ա․Իսախանյանին և ՀՀ ՆԳՆ ոստիկանության ՊԾ Երևան քաղաքի գնդի ՎՎԻ բաժնի պետի պարտականությունները ժամանակավոր կատարող Դ․Գևորգյանին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 3-րդ վաշտի կրտսեր պարեկ՝ Հայկ Մկրտչյանը, Հրաչյա Սերգոյի Սահրադյանի (ծնված՝ 1988 թվականի սեպտեմբերի 30-ին, Շիրակի մարզ, ք.Գյումրի, տնակ 120/110, ՀԾՀ՝ 4009880058) նկատմամբ 2024 թվականի դեկտեմբերի 17-ին՝ ժամը 00:02-ին կազմել է թիվ 8180412260 արձանագրություն, քանի որ վերջինս 2024 թվականի դեկտեմբերի 16-ին՝ ժամը 23:55-ին, Երևան քաղաքի Րաֆֆու փողոցում, «ՎԱԶ» մակնիշի 37 GB 784 հաշվառման համարանիշի տրանսպորտային միջոցը վարել է՝ չունենալով տրանսպորտային միջոցներ վարելու իրավունք և ոչ սթափ վիճակում։
(…)
Ներկայացնում եմ թիվ 8180412260 արձանագրությունը, կից նյութերը և ՀՀ ՆԳՆ էլեկտրոնային ռեգիստրի հաշվառման շտեմարանից կատարված քաղվածքի պատճենը, որը փաստում է, որ Հրաչյա Սերգոյի Սահրադյան տրանսպորտային միջոցներ վարելու իրավունք չի ստացել։ (…)»:
2024 թվականի դեկտեմբերի 17-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի տեսուչ Ս․Գասպարյանը հաղորդում է ներկայացրել ՀՀ քննչական կոմիտեի Երևան քաղաքի քննչական վարչության ՃՏՀ քննության բաժին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 3-րդ վաշտի կրտսեր պարեկ՝ Հայկ Մկրտչյանի, Հրաչյա Սերգոյի Սահրադյան (ծնված՝ 1988 թվականի սեպտեմբերի 30-ին, Շիրակի մարզ, ք.Գյումրի, տնակ 120/110, ՀԾՀ՝ 4009880058) նկատմամբ 2024 թվականի դեկտեմբերի 17-ին` ժամը 00:02-ին կազմված թիվ 8180412260 արձանագրություն, ըստ որի վերջինս 2024 թվականի դեկտեմբերի 16-ին՝ ժամը 23:55-ին, Երևան քաղաքի Րաֆֆու փողոցում, «ՎԱԶ» մակնիշի 37 GB 784 հաշվառման համարանիշի տրանսպորտային միջոցը վարել է՝ չունենալով տրանսպորտային միջոցներ վարելու իրավունք և ոչ սթափ վիճակում: (…)»:
Հաղորդման հիման վրա՝ 2025 թվականի հունվարի 10-ին ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60114425 քրեական վարույթը:
2025 թվականի հունվարի 10-ին, ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնի քննիչ Տ․Կարապետյանը որոշում է կայացրել թիվ 60114425 քրեական վարույթը թիվ 60677624 քրեական վարույթին միացնելու և նախաքննությունը թիվ 60677624 քրեական վարույթի համարով շարունակելու մասին։
2025 թվականի մարտի 25-ին ՀՀ դատախազության Երևան քաղաքի Շենգավիթ վարչական շրջանի դատախազության դատախազ Ա․Բադալյանի որոշմամբ՝ թիվ 60677624 քրեական վարույթով Հրաչյա Սերգոյի Սահրադյանի նկատմամբ հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով (2 դրվագով):
2025 թվականի մարտի 26-ին Հրաչյա Սերգոյի Սահրադյանի նկատմամբ որպես խափանման միջոց է կիրառվել բացակայելու արգելքը:
2025 թվականի ապրիլի 4-ին ՀՀ դատախազության Երևան քաղաքի Շենգավիթ վարչական շրջանի դատախազությունից Դատարան է ստացվել թիվ ԵԴ1/1169/01/25 (նախաքննական համարը՝ 60677624) քրեական գործն ըստ մեղադրանքի Հրաչյա Սերգոյի Սահրադյանի՝ ՀՀ քրեական օրենսգրքի 344-րդ հոդվածի 2-րդ մասով (2 դրվագով)։
Նույն օրը քրեական գործն էլեկտրոնային եղանակով մակագրվել, իսկ 2025 թվականի ապրիլի 7-ին հանձնվել է Դատարանի դատավոր Գ․Աբելյանի աշխատակազմին։
2025 թվականի ապրիլի 10-ին Դատարանի դատավոր Գ․Աբելյանի կողմից որոշում է կայացվել թիվ ԵԴ1/1169/01/25 քրեական գործով վարույթը ստանձնելու և նախնական դատալսումներ նշանակելու մասին:

2. Մեղադրանքի փաստական նկարագրությունը.
Հրաչյա Սերգոյի Սահրադյանին մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով (2 դրվագով)՝ այն բանի համար, որ. «(…) [Ն]ա, տրանսպորտային միջոցներ վարելու իրավունք չունենալով հարբած (ոչ սթափ վիճակում 2024 թվականի հոկտեմբերի 25-ին և 2024 թվականի դեկտեմբերի 16-ին վարել է տրանսպորտային միջոց:
Այսպես.
Հրաչյա Սահրադյանը, չունենալով տրանսպորտային միջոց վարելու իրավունք, ոչ սթափ վիճակում՝ 1 լիտր արտաշնչած օդի մեջ մաքուր ալկոհոլի պարունակությունը՝ 0.690 մգ/լ, 2024 թվականի հոկտեմբերի 25-ին՝ ժամը 03:00-ին, Երևան քաղաքի Թամանցիների փողոցում վարել է «Վազ» մակնիշի 77 SS 017 հաշվառման համարանիշի տրանսպորտային միջոց, որը հայտնաբերվել է ՀՀ ՆԳՆ ոստիկանության պարեկային ծառայության պարեկի կողմից և կազմվել է վարչական իրավախախտման թիվ 8180416743 արձանագրությունը:
Այսինքն՝ Հրաչյա Սերգոյի Սահրադյանի արարքում առկա են ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարումը վկայող փաստեր:
Բացի այդ, Հրաչյա Սահրադյանը, չունենալով տրանսպորտային միջոց վարելու իրավունք, ոչ սթափ վիճակում՝ 1 լիտր արտաշնչած օդի մեջ մաքուր ալկոհոլի պարունակությունը՝ 0.748 մգ/լ, 2024 թվականի դեկտեմբերի 16-ին՝ ժամը 23:55-ին, Երևան քաղաքի Րաֆֆու փողոցում վարել է «Վազ» մակնիշի 37 GB 784 հաշվառման համարանիշի տրանսպորտային միջոց, որը հայտնաբերվել է ՀՀ ՆԳՆ ոստիկանության պարեկային ծառայության պարեկի կողմից և կազմվել է վարչական իրավախախտման թիվ 8180412260 արձանագրությունը:
Այսինքն՝ Հրաչյա Սերգոյի Սահրադյանի արարքում առկա են ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարումը վկայող փաստեր: (…)»։

3. Արագացված վարույթը և լրացուցիչ դատալսումների ընթացքում հետազոտված թույլատրելի ապացույցները.
Նախնական դատալսումների ընթացքում մեղադրյալ Հրաչյա Սերգոյի Սահրադյանը ներկայացրեց արագացված վարույթ կիրառելու մասին միջնորդություն՝ հայտնելով, որ իրեն պարզ է ներկայացված մեղադրանքը, ամբողջությամբ համաձայն է ներկայացված մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված վարույթ կիրառելու հետևանքները և պնդում է ներկայացված միջնորդությունը:
Հանրային մեղադրող Ա․Բադալյանը չառարկեց արագացված վարույթ կիրառելու դեմ:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-ին հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-ին հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց լրացուցիչ դատալսումներ անցկացնելու մասին:
Լրացուցիչ դատալսումների ընթացքում հետազոտվել են հետևյալ թույլատրելի ապացույցները.
- ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանի 2025 թվականի մարտի 24-ի Ձև 8 տեղեկանքը , համաձայն որի`
«(…) 1. ՍԱՀՐԱԴՅԱՆ ՀՐԱՉՅԱ ՍԵՐԳՈՅԻ
Ծննդյան ամսաթիվը` 30/09/1988, Ծննդավայրը՝ ՇԻՐԱԿ ԳՅՈՒՄՐԻ
Համարը` 68157821
1) Նախաքննության վերաբերյալ տեղեկատվություն
Նախաձեռնող մարմինը` ԿՈՒՄԱՅՐԻԻ ՈԲ,ամս՝ 26/04/2021
Մեղադրական հոդված՝ ՀՀ ՔՐ. ՕՐ. (2003Թ.) հ 118
ՆՅՈՒԹԸ ՄԵՐԺՎԱԾ Է ամս՝ 26/04/2021 հիմք` 35 Հ. 1 Մ. 4 Կ.
2. ՍԱՀՐԱԴՅԱՆ ՀՐԱՉՅԱ ՍԵՐԳՈՅԻ
Ծննդյան ամսաթիվը` 30/09/1988, Ծննդավայրը՝ ՇԻՐԱԿ ԳՅՈՒՄՐԻ
Համարը` 16950420
1) Նախաքննության վերաբերյալ տեղեկատվություն
Նախաձեռնող մարմինը` ՄԱԼԱԹԻԱՅԻ ՔՆՆՉԱԿԱՆ ԲԱԺԻՆ.,ամս՝ 23/10/2020 ԿԱՐՃՎԱԾ Է ամս 21/12/2020 հիմք՝ 35 Հ. 1 Մ. 4 Կ.
3. ՍԱՀՐԱԴՅԱՆ ՀՐԱՉՅԱ ՍԵՐԳՈՅԻ
Ծննդյան ամսաթիվը` 30/09/1988, Ծննդավայրը՝ ՇԻՐԱԿ ԳՅՈՒՄՐԻ
Համարը՝ 23103524
1) Նախաքննության վերաբերյալ տեղեկատվություն
Նախաձեռնող մարմինը` ՇԻՐԱԿԻ ՄԱՐԶԻ ՔՆՆՉԱԿԱՆ ԲԱԺԻՆ,ամս՝ 15/11/2024
Մեղադրական հոդված՝ ՀՀ ՔՐ. ՕՐ. h 344 մ 2
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն չկա
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
4. ՍԱՀՐԱԴՅԱՆ ՀՐԱՉՅԱ ՍԵՐԳՈՅԻ
Ծննդյան ամսաթիվը` 30/09/1988, Ծննդավայրը` Ք. ԳՅՈՒՄՐԻ
Համարը` 68158517
1) Նախաքննության վերաբերյալ տեղեկատվություն
Նախաձեռնող մարմինը` ԿՈՒՄԱՅՐԻԻ ՈԲ,ամս՝ 26/07/2017
Մեղադրական հոդված՝ ՀՀ ՔՐ. ՕՐ. (2003Թ.) հ 118
ՆՅՈՒԹԸ ՄԵՐԺՎԱԾ Է ամս՝ 26/07/2017 հիմք` 35 Հ. 1 Մ. 4 Կ.
5. ՍԱՀՐԱԴՅԱՆ ՀՐԱՉՅԱ ՍԵՐԳՈՅԻ
Ծննդյան ամսաթիվը` 30/09/1988, Ծննդավայրը` Ք. ԳՅՈՒՄՐԻ
Համարը` 25150416
1) Նախաքննության վերաբերյալ տեղեկատվություն
Նախաձեռնող մարմինը՝ ԱՐԱԳԱԾԻ ՈՍՏ ԲԱԺ., ամս՝ 17/03/2016
Մեղադրական հոդված՝ ՀՀ ՔՐ. ՕՐ. (2003Թ.) հ 118
ՆՅՈՒԹԸ ՄԵՐԺՎԱԾ Է ամս՝ 17/03/2016 հիմք՝ 35 Հ. 1 Մ. 4 Կ.
6. ՍԱՀՐԱԴՅԱՆ ՀՐԱՉՅԱ ՍԵՐԳՈՅԻ
Ծննդյան ամսաթիվը` 30/09/1988, Ծննդավայրը` Ք. ԳՅՈՒՄՐԻ
Համարը` 68157917
1) Նախաքննության վերաբերյալ տեղեկատվություն
Նախաձեռնող մարմինը` ԿՈՒՄԱՅՐԻԻ ՈԲ, ամս՝ 13/07/2017
Մեղադրական հոդված՝ ՀՀ ՔՐ. ՕՐ. (2003Թ.) հ 177 մ 2 կ 3
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը՝ ՇԻՐԱԿԻ ՄԱՐԶԻ ԸՆԴՀ, ԻՐԱՎ. ԴԱՏԱՐԱՆ,ամս` 11/04/2018 ՀՀ ՔՐ. ՕՐ. (2003Թ.) h 177 մ 2 կ 3
Հիմնական պատիժը՝ ԱԶԱՏԱԶՐԿՈՒՄ 2 տարի, Հ. 70 ՓՈՐՁԱՇՐՋԱՆ 2 տարի
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն
08.02.2019Թ ԿԻՌԱՐՎԵԼ Է 01.11.2018Թ ՀԱՄԱՆԵՐՈՒՄԸ ԵՎ ԱԶԱՏՎԵԼ Է
ՊԱՏԺԻՑ Պատժի կրումից ազատման ամսաթիվը՝ 08/02/2019
7. ՍԱՀՐԱԴՅԱՆ ՀՐԱՉՅԱ ՍԵՐԳՈՅԻ
Ծննդյան ամսաթիվը` 30/09/1988, Ծննդավայրը՝ ՇԻՐԱԿ ԳՅՈՒՄՐԻ
1) Նախաքննության վերաբերյալ տեղեկատվություն
ՀԵՏԱԽՈՒԶՎՈՒՄ Է
Կատ․՝ ՊԱՐՏԱՊԱՆ (ՊԱՏԱՍԽԱՆՈՂ)
Հետ. գործի համարը՝ 68401722, ամս` 11/03/2022
Նախաձեռնող մարմինը՝ Կումայրի
Խափանման միջոցը՝
Ցիրկուլիար հ.(…)»։
- ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանի 2025 թվականի մարտի 24-ի Ձև 9 տեղեկանքը , համաձայն որի`
«(…) 1. ՍԱՀՐԱԴՅԱՆ ՀՐԱՉՅԱ ՍԵՐԳՈՅԻ
Ծննդյան ամսաթիվը` 30/09/1988, Ծննդավայրը՝ ՇԻՐԱԿ ԳՅՈՒՄՐԻ
Համարը` 23103524
1) Նախաքննության վերաբերյալ տեղեկատվություն
Նախաձեռնող մարմինը՝ ՇԻՐԱԿԻ ՄԱՐԶԻ ՔՆՆՉԱԿԱՆ ԲԱԺԻՆ, ամս՝ 15/11/2024
Մեղադրական հոդված՝ ՀՀ ՔՐ. ՕՐ. և 344 մ 2 ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն չկա
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
2. ՍԱՀՐԱԴՅԱՆ ՀՐԱՉՅԱ ՍԵՐԳՈՅԻ
Ծննդյան ամսաթիվը` 30/09/1988, Ծննդավայրը` ՇԻՐԱԿ ԳՅՈՒՄՐԻ
1) Նախաքննության վերաբերյալ տեղեկատվություն
ՀԵՏԱԽՈՒԶՎՈՒՄ Է
Կատ.՝ ՊԱՐՏԱՊԱՆ (ՊԱՏԱՍԽԱՆՈՂ)
Հետ․ գործի համարը` 68401722, ամս` 11/03/2022
Նախաձեռնող մարմինը` Կումայրի
Խափանման միջոցը՝
Ցիրկուլիար հ. (…)»։
- 2024 թվականի դեկտեմբերի 26-ի՝ Շիրակի մարզի առաջին ատյանի ընդհանուր իրավասության դատարանի թիվ ՇԴ/0466/01/24 դատավճիռը , որի համաձայն՝ մեղադրյալ Հրաչյա Սերգոյի Սահրադյանը մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի համար և դատապարտվել տուգանքի՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամ գումարի չափով, որի վճարումը թույլատրվել է կատարելու 10 (տասը) ամսվա ընթացքում՝ յուրաքանչյուր ամիս վճարելով 37.500 (երեսուն յոթ հազար հինգ հարյուր) ՀՀ դրամ:
- 2025 թվականի մարտի 27-ին մեղադրյալի հարցաքննության արձանագրությունը, համաձայն որի՝ Հրաչյա Սերգոյի Սահրադյանը, ընդունել է իրեն առաջադրված մեղադրանքը, զղջացել կատարվածի համար՝ խնդրելով իր նկատմամբ մեղմ վերաբերվել ։
- 2025 թվականի մայիսի 22-ին, ՀՀ ԱՆ պրոբացիայի ծառայությունից ստացված գրությունը, որի համաձայն՝ «(…) Հրաչյա Սերգոյի Սահրադյանը (ծնված՝ 1988 թվականի սեպտեմբերի 30-ին) Շիրակի մարզի առաջին ատյանի ընդհանուր իրավասության քրեական դատարանի՝ 2024 թվականի դեկտեմբերի 26-ին կայացված թիվ ՇԴ/0466/01/24 դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով և դատապարտվել է տուգանքի 375.000 (երեք հարյուր յոթանասունհինգ հազար) ՀՀ դրամի չափով: Միաժամանակ հայտնում եմ,որ նշանակված տուգանքը թույլ է տրվել վճարել մաս առ մաս` 10 (տասը) ամիս յուրաքանչյուր ամսի վճարման չափ սահմանելով 37.500 (երեսունյոթ հազար հինգ հարյուր) ՀՀ դրամ:
2025 թվականի ապրիլի 25-ին Հ.Սահրադյանը հաշվառվել է ՀՀ ԱՆ պրոբացիայի ծառայության Երևանի քաղաքային մարմնում, որտեղ նրան համաձայն Ձև N 3 արձանագրության, պարզաբանվել են տուգանքի ձևով նշանակված պատիժը կրելու կարգն ու պայմաններն, իրավունքներն ու պարտականություններն, ինչպես նաև դրանք չկատարելու դեպքում օրենքով սահմանված պատասխանատվությունը:
Թիվ ՇԴ/0466/01/24 դատավճիռը մտել է օրինական ուժի մեջ 2025 թվականի մարտի 21-ին, իսկ ՀՀ ԱՆ պրոբացիայի ծառայության Երևանի քաղաքային մարմնում ստացվել է 2025 թվականի ապրիլի 8-ին և ընդունվել է ի կատար ածման:
Հ.Սահրադյանը իր նկատմամբ թիվ ՇԴ/0466/01/24 դատական ակտով նշանակված տուգանք պատժից առ 2025 թվականի մայիսի 22-ը կատարել է 37.500 ՀՀ դրամի վճարում: (…)»։

4.Դատարանի փաստական վերլուծությունները և հաստատված կամ հերքված փաստական հանգամանքները.
Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
- Հրաչյա Սերգոյի Սահրադյանն ունի միջնակարգ կրթություն,
- Հրաչյա Սերգոյի Սահրադյանն աշխատում է «Հովհաննես Մանուկյան» ԱՁ-ում՝ որպես կահույքագործ,
- Հրաչյա Սերգոյի Սահրադյանն ամուսնացած է, խնամքի տակ են գտնվում 4 անչափահաս երեխաները,
- Հրաչյա Սերգոյի Սահրադյանը, թեև հանդիսանում է նախկինում դատապարտված անձ, այնուամենայնիվ, սույն գործով իրեն մեղսագրված վերջին արարքը կատարելու պահին չի հանդիսացել դատվածություն ունեցող անձ,
- Ներկայացված մեղադրանքում Հրաչյա Սերգոյի Սահրադյանն իրեն լիովին մեղավոր է ճանաչել և զղջացել կատարածի համար։

5. Դատարանի իրավական վերլուծությունները, հետևությունները և որոշումները.
Արագացված վարույթ կիրառելու պայմաններում Դատարանն ապացուցված է համարում մեղադրյալ Հրաչյա Սերգոյի Սահրադյանին վերագրվող փաստական հանգամանքները (արարքները), այդ արարքների քրեական հակաիրավականությունը, մեղադրյալի կողմից այդ արարքները կատարելը, մեղադրյալի մեղավորությունը տվյալ արարքները կատարելու մեջ, ինչպես նաև գտնում է, որ մեղադրյալի երկու դրվագ արարքների նկատմամբ պետք է կիրառվի ՀՀ քրեական օրենսգրքի 344-րդ հոդվածի 2-րդ մասը։
Դատարանի կողմից հաստատված փաստական հանգամանքների հիման վրա՝ Դատարանը գտնում է, որ Հրաչյա Սերգոյի Սահրադյանի անձը բնութագրող հանգամանք է միջնակարգ կրթություն ունենալը, ամուսնացած լինելը, նախկինում դատապարտված չլինելը և աշխատանք ունենալը։
Դատարանը, ղեկավարվելով ՀՀ քրեական օրենսգրքի (այսուհետ՝ նաև Օրենսգիրք) 70-րդ հոդվածի 1-ին հոդվածի 4-րդ կետով և նույն հոդվածի 2-րդ մասով, գտնում է, որ Հրաչյա Սերգոյի Սահրադյանի պատասխանատվությունն ու պատիժը մեղմացնող հանգամանքներ պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը , ինչպես նաև խնամքին 4 անչափահասների առկայությունը։
Դատարանն անդրադառնալով Հրաչյա Սերգոյի Սահրադյանի պատասխանա-տվու¬¬¬¬թյունն ու պատիժը ծանրացնող հանգամանքների առկայությանը, արձանագրում է, որ մեղադրյալը սույն գործով իրեն մեղսագրված արարքները կատարել է 2024 թվականի հոկտեմբերի 25-ին և նույն թվականի դեկտեմբերի 16-ին, մինչդեռ Շիրակի մարզի առաջին ատյանի ընդհանուր իրավասության դատարանի՝ 2024 թվականի դեկտեմբերի 26-ի թիվ ՇԴ/0466/01/24 դատավճիռն օրինական ուժի մեջ է մտել 2025 թվականի մարտի 21-ին , որպիսի հանգամանքների առկայության պայմաններում, Դատարանն արձանագրում է, որ սույն դեպքում հանցանքը դատվածություն ունեցող անձի կողմից կատարելու ծանրացնող հանգամանքը նրան վերագրելի չէ։
Դատարանը գտնում է, որ կատարած հանցանքի համար մեղադրյալ Հրաչյա Սերգոյի Սահրադյանը ենթակա է պատժի։
Պատիժ նշանակելու հարցի համատեքստում Դատարանը հարկ է համարում արձանագրել հետևյալը՝
Օրենսգրքի 55-րդ հոդվածի համաձայն՝ «1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»։
Օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները»։
Վճռաբեկ դատարանը մշտապես ընդգծել է, որ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ։ Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են։ Հետևաբար, կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի , հանցավորի անձի, պատիժը մեղմացնող և ծանրացնող հանգամանքների վերլուծության հիման վրա` ելնելով պատժի նպատակների իրացումն ապահովելու անհրաժեշտությունից ։
Մասնավորապես, Վճռաբեկ դատարանն ընդգծել է, որ հանցանքի հանրային վտանգավորության բնույթն ու աստիճանը ճիշտ գնահատելու և հանցավորի նկատմամբ համաչափ պատիժ նշանակելու համար անհրաժեշտ է, ի թիվս այլնի, հատուկ ուշադրություն դարձնել հանցավոր վարքագծի դրսևորման եղանակին, հանցանքի կատարման գործիքին և հանցագործության իրադրությանը, պատճառված վնասի բնույթին, արարքի նկատմամբ անձի հոգեբանական վերաբերմունքին, հանցագործության նպատակին և շարժառիթին: Այս առումով Վճռաբեկ դատարանը փաստել է, որ անձի արարքում հանցակազմը որակյալ դարձնող մեկից ավելի հանգամանքների առկայությունը կարող է վկայել ինչպես հանցագործության, այնպես էլ հանցավորի անձի հանրային բարձր վտանգավորության մասին, հետևաբար այն պետք է համաչափ գնահատականի արժանանա դատարանի կողմից և հաշվի առնվի պատիժ նշանակելիս :
Անդրադառնալով պատիժ նշանակելիս հանցավորի անձը բնութագրող տվյալները գնահատման ենթարկելու կարևորությանը` Վճռաբեկ դատարանը մշտապես ընդգծել է, որ պատասխանատվության և պատժի անհատականացման հիմք են ոչ միայն կատարված արարքի հանրային վտանգավորության բնույթն ու աստիճանը, այլև հանցավորի անձը բնութագրող սոցիալ-հոգեբանական, սոցիալ-ժողովրդագրական, քրեաբանական և քրեաիրավական, ֆիզիկական հատկությունների համակցությունը (ընտանեկան դրությունը, վարքագիծը աշխատանքում և կենցաղում, աշխատունակությունը, առողջական վիճակը, տարիքը, սեռը, դատվածությունը և այլն): Մասնավորապես Վճռաբեկ դատարանը փաստել է հանցավորի ընտանեկան դրությունը, վերջինիս ընտանիքի կյանքի պայմանների վրա նշանակված պատժի ազդեցությունը, նրա խնամքին այլ անձանց առկայությունը, սոցիալական միջավայրում նրա զբաղեցրած տեղն ու դիրքը, սոցիալական միջավայրում նրա ունեցած բնութագիրը և մի շարք այլ հանգամանքների վերաբերյալ փաստական տվյալները գնահատման ենթարկելու անհրաժեշտությունը :
Դատարանը, հաշվի առնելով Հրաչյա Սերգոյի Սահրադյանի կատարած հանցանքների հանգամանքները, նրա անձը բնութագրող տվյալները, պատասխանա-տվությունը և պատիժը մեղմացնող հանգամանքները, պատասխա¬նատվու¬¬¬¬¬թյունը և պատիժը ծանրացնող հանգամանքների բացակայությունը, Օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ Օրենսգրքի 344-րդ հոդվածի 2-րդ մասի սանկցիայով որպես հիմնական պատիժ է նախատեսված նաև տուգանքը, գտնում է, որ Օրենսգրքի 77-րդ հոդվածի վերաբերելի կանոնների կիրառմամբ և Օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար Օրենսգրքի 344-րդ հոդվածի 2-րդ մասով 2 (երկու) դրվագ նախատեսված հանցանքների կատարման համար նրա նկատմամբ յուրաքանչուր դրվագով որպես հիմնական պատիժ պետք է նշանակել տուգանքը՝ վեցապատիկի չափով։
Հիմք ընդունելով Օրենսգրքի 59-րդ հոդվածի 5-րդ մասը և հաշվի առնելով, որ մեղսագրվող հանցանքն ավարտվելու օրվան նախորդող 12 ամիսների ընթացքում Հրաչյա Սերգոյի Սահրադյանը եկամուտ չի ունեցել (չի հանդիսացել վարձու աշխատող )՝ Դատարանը գտնում է, որ տուգանքի չափը պետք է հաշվարկվի հանցանքները կատարելու պահին` 2024 թվականի հոկտեմբերի 25-ին և նույն թվականի դեկտեմբերի 16-ին, ՀՀ-ում սահմանված նվազագույն աշխատավարձի, այն է՝ 75.000 (յոթանասունհինգ հազար) ՀՀ դրամի չափով։
Այսպիսով, Դատարանը գտնում է, որ Հրաչյա Սերգոյի Սահրադյանի նկատմամբ յուրաքանչուր դրվագով պատիժ պետք է նշանակել տուգանք` հանցանքը կատարելու պահին նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով (6 x 75.000)։
Դատարանը գտնում է, որ Օրենսգրքի 74-րդ հոդվածով սահմանված կարգով՝ նշանակված պատիժները լրիվ գումարելու միջոցով՝ ՀՀ քրեական օրենսգրքի 344-րդ հոդվածի 2-րդ մասով յուրաքանչյուր դրվագով որպես պատիժ նշանակված՝ 450.000 (չորս հարյուր հիսուն հազար) ՀՀ դրամ տուգանքները պետք է գումարել և վերջնական պատիժ նշանակելով տուգանք՝ 900․000 (ինը հարյուր հազար) ՀՀ դրամի չափով
Դատարանը, միևնույն ժամանակ, գտնում է, որ ՀՀ քրեական օրենսգրքի 74-րդ հոդվածով սահմանված կարգով՝ Հրաչյա Սերգոյի Սահրադյանի նկատմամբ սույն գործով նշանակված վերջնական պատժին պետք է լրիվ գումարել նաև թիվ ՇԴ/0466/01/24 քրեական գործով Շիրակի մարզի առաջին ատյանի ընդհանուր իրավասության դատարանի՝ 2024 թվականի դեկտեմբերի 26-ի դատավճռով որպես պատիժ նշանակված 375.000 (երեք հարյուր յոթանասունհինգ հազար) ՀՀ դրամ չափով տուգանքը՝ Հրաչյա Սերգոյի Սահրադյանի նկատմամբ վերջնական պատիժ նշանակելով տուգանք՝ 1.275.000 (մեկ միլիոն երկու հարյուր յոթանասունհինգ հազար) ՀՀ դրամի չափով։
Ղեկավարվելով ՀՀ քրեական օրենսգրքի 74-րդ հոդվածի 11-րդ մասով՝ Դատարանն արձանագրում է, որ անհրաժեշտ է Հրաչյա Սերգոյի Սահրադյանի նկատմամբ նշանակված 1.275.000 (մեկ միլիոն երկու հարյուր յոթանասունհինգ հազար) ՀՀ դրամի չափով տուգանք պատժին հաշվակցել վերջինիս կողմից պատժի կրած մասը՝ 37․500 ՀՀ դրամ տուգանքը և վերջնական պատիժ նշանակել տուգանք՝ 1․237․000 (մեկ միլիոն երկու հարյուր երեսունյոթ հազար) ՀՀ դրամի չափով։
Հիմք ընդունելով Օրենսգրքի 59-րդ հոդվածի 8-րդ մասը և հաշվի առնելով, որ մեղադրյալ Հրաչյա Սերգոյի Սահրադյանն ի վիճակի չէ անհապաղ և ամբողջությամբ վճարելու 1․237․000 (մեկ միլիոն երկու հարյուր երեսունյոթ հազար) ՀՀ դրամի չափով նշանակված տուգանքը՝ Դատարանը գտնում է, որ տուգանքի վճարման ժամկետ պետք է սահմանել (վճարումը տարաժամկետել) 1 (մեկ) տարին։
Դատարանը միաժամանակ գտնում է, որ կատարած հանցանքներից յուրաքանչյուրի համար Հրաչյա Սերգոյի Սահրադյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Դատարանը գտնում է, որ Հրաչյա Սերգոյի Սահրադյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, քանի որ մեղադրական դատավճիռ կայացնելու և տուգանքի ձևով պատիժ նշանակելու պայմաններում առկա է ողջամիտ ենթադրություն առ այն, որ մեղադրյալը, օգտագործելով անձը հաստատող փաստաթուղթ, կարող է հեռանալ Հայաստանի Հանրապետությունից՝ այդպիսով դիմելով փախուստի կամ չկատարելով իր վրա դրված պարտականությունները, իսկ բացակայելու արգելքի կիրառումը բավարար է մեղադրյալի փախուստը կանխելու և նրա վրա դրված պարտականությունների կատարումն ապահովելու համար։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-13-րդ կետերով նշված հարցերին անդրադառնալու անհրաժեշտությունը սույն քրեական գործով բացակայում է։
Դատարանը գտնում է, որ դատավճիռն օրինական ուժի մեջ մտնելուց հետո՝ արտավարութային փաստաթղթերը պետք է պահել քրեական գործի նյութերում՝ դրանք պահելու ամբողջ ընթացքում։
Դատարանը գտնում է, որ վարութային ծախսերի հարցը պետք է համարել լուծված, քանի որ արագացված վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Հրաչյա Սերգոյի Սահրադյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.4-րդ հոդվածի 3-րդ մասի։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 99-րդ, 276-րդ, 347-350-րդ, 464.4-րդ և 464.5-րդ հոդվածներով` Դատարանը

ՎՃՌԵՑ

1. Հրաչյա Սերգոյի Սահրադյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով (2 դրվագով) նախատեսված հանցանքների կատարման մեջ:
2. ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարման համար Հրաչյա Սերգոյի Սահրադյանի նկատմամբ պատիժ նշանակել տուգանք՝ հանցանքը կատարելու պահին նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով։
3. ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարման համար Հրաչյա Սերգոյի Սահրադյանի նկատմամբ պատիժ նշանակել տուգանք՝ հանցանքը կատարելու պահին նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով։
4. ՀՀ քրեական օրենսգրքի 74-րդ հոդվածով սահմանված կարգով՝ հանցագործությունների համակցությամբ նշանակված պատիժները լրիվ գումարելու միջոցով՝ ՀՀ քրեական օրենսգրքի 344-րդ հոդվածի 2-րդ մասով յուրաքանչյուր դրվագով որպես պատիժ նշանակված՝ 450.000 (չորս հարյուր հիսուն հազար) ՀՀ դրամ տուգանքները գումարել և վերջնական պատիժ նշանակելով տուգանք՝ 900․000 (ինը հարյուր հազար) ՀՀ դրամի չափով։
5. ՀՀ քրեական օրենսգրքի 74-րդ հոդվածի կիրառմամբ՝ սույն դատավճռով նշանակվված պատժին լրիվ գումարել Դատարանի 2024 թվականի դեկտեմբերի 26-ի թիվ ՇԴ/0466/01/24 դատավճռով նշանակված պատիժը՝ 375.000 (երեք հարյուր յոթանասունհինգ հազար) ՀՀ դրամ տուգանքը և Հրաչյա Սերգոյի Սահրադյանի նկատմամբ պատիժ նշանակել տուգանք՝ 1.275.000 (մեկ միլիոն երկու հարյուր յոթանասունհինգ հազար) ՀՀ դրամի չափով։
6. ՀՀ քրեական օրենսգրքի 74-րդ հոդվածի 11-րդ մասի կիրառմամբ՝ Հրաչյա Սերգոյի Սահրադյանի նկատմամբ նշանակված 1.275.000 (մեկ միլիոն երկու հարյուր յոթանասունհինգ հազար) ՀՀ դրամի չափով տուգանք պատժին հաշվակցել վերջինիս կողմից պատժի կրած մասը՝ 37․500 ՀՀ դրամ տուգանքը և վերջնական պատիժ նշանակել տուգանք՝ 1․237․000 (մեկ միլիոն երկու հարյուր երեսունյոթ հազար) ՀՀ դրամի չափով։
7. ՀՀ քրեական օրենսգրքի 59-րդ հոդվածի 8-րդ մասով սահմանված կարգով՝ տուգանքի վճարման ժամկետ սահմանել (վճարումը տարաժամկետել) 1 (մեկ) տարին։
8. Հրաչյա Սերգոյի Սահրադյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ` մինչև դատավճռի օրինական ուժի մեջ մտնելը:
9. Դատավճիռը օրինական ուժի մեջ մտնելուց հետո՝ արտավարութային փաստաթղթերը պահել քրեական գործի նյութերի հետ՝ դրանք պահելու ամբողջ ընթացքում։
10. Վարութային ծախսերի հարցը համարել լուծված:
11. Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում, սակայն այն չի կարող բողոքարկվել ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերով:


ԴԱՏԱՎՈՐ՝ Գ․ԱԲԵԼՅԱՆ